অষ্টোত্তরশতং নাম্নাং বিষ্ণোরতুলতেজসঃ ।
যস্য শ্রবণমাত্রেণ নরো নারাযণো ভবেত্ ॥ 1 ॥
বিষ্ণুর্জিষ্ণুর্বষট্কারো দেবদেবো বৃষাকপিঃ । [বৃষাপতিঃ]
দামোদরো দীনবংধুরাদিদেবোঽদিতেস্তুতঃ ॥ 2 ॥
পুংডরীকঃ পরানংদঃ পরমাত্মা পরাত্পরঃ ।
পরশুধারী বিশ্বাত্মা কৃষ্ণঃ কলিমলাপহা ॥ 3 ॥
কৌস্তুভোদ্ভাসিতোরস্কো নরো নারাযণো হরিঃ ।
হরো হরপ্রিযঃ স্বামী বৈকুংঠো বিশ্বতোমুখঃ ॥ 4 ॥
হৃষীকেশোঽপ্রমেযাত্মা বরাহো ধরণীধরঃ ।
বামনো বেদবক্তা চ বাসুদেবঃ সনাতনঃ ॥ 5 ॥
রামো বিরামো বিরজো রাবণারী রমাপতিঃ ।
বৈকুংঠবাসী বসুমান্ ধনদো ধরণীধরঃ ॥ 6 ॥
ধর্মেশো ধরণীনাথো ধ্যেযো ধর্মভৃতাংবরঃ ।
সহস্রশীর্ষা পুরুষঃ সহস্রাক্ষঃ সহস্রপাত্ ॥ 7 ॥
সর্বগঃ সর্ববিত্সর্বঃ শরণ্যঃ সাধুবল্লভঃ । [সর্বদঃ]
কৌসল্যানংদনঃ শ্রীমান্ রাক্ষসঃকুলনাশকঃ ॥ 8 ॥
জগত্কর্তা জগদ্ধর্তা জগজ্জেতা জনার্তিহা ।
জানকীবল্লভো দেবো জযরূপো জলেশ্বরঃ ॥ 9 ॥
ক্ষীরাব্ধিবাসী ক্ষীরাব্ধিতনযাবল্লভস্তথা ।
শেষশাযী পন্নগারিবাহনো বিষ্টরশ্রবঃ ॥ 10 ॥
মাধবো মথুরানাথো মুকুংদো মোহনাশনঃ ।
দৈত্যারিঃ পুংডরীকাক্ষো হ্যচ্যুতো মধুসূদনঃ ॥ 11 ॥
সোমসূর্যাগ্নিনযনো নৃসিংহো ভক্তবত্সলঃ ।
নিত্যো নিরামযশ্শুদ্ধো বরদেবো জগত্প্রভুঃ ॥ 12 ॥ [নরদেবো]
হযগ্রীবো জিতরিপুরুপেংদ্রো রুক্মিণীপতিঃ ।
সর্বদেবমযঃ শ্রীশঃ সর্বাধারঃ সনাতনঃ ॥ 13 ॥
সৌম্যঃ সৌম্যপ্রদঃ স্রষ্টা বিষ্বক্সেনো জনার্দনঃ ।
যশোদাতনযো যোগী যোগশাস্ত্রপরাযণঃ ॥ 14 ॥
রুদ্রাত্মকো রুদ্রমূর্তিঃ রাঘবো মধুসূধনঃ । [রুদ্রসূদনঃ]
ইতি তে কথিতং দিব্যং নাম্নামষ্টোত্তরং শতম্ ॥ 15 ॥
সর্বপাপহরং পুণ্যং দিব্যোরতুলতেজসঃ ।
দুঃখদারিদ্র্যদৌর্ভাগ্যনাশনং সুখবর্ধনম্ ॥ 16 ॥
সর্বসংপত্করং সৌম্যং মহাপাতকনাশনম্ ।
প্রাতরুত্থায বিপেংদ্র পঠেদেকাগ্রমানসঃ ॥ 17 ॥
তস্য নশ্যংতি বিপদাং রাশযঃ সিদ্ধিমাপ্নুযাত্ ॥ 18 ॥
ইতি শ্রী বিষ্ণোঃ অষ্টোত্তরশতনাম স্তোত্রম্ ॥