অথ পংচমস্তোত্রম্
বাসুদেবাপরিমেযসুধামন্ শুদ্ধসদোদিত সুংদরীকাংত ।
ধরাধরধারণ বেধুরধর্তঃ সৌধৃতিদীধিতিবেধৃবিধাতঃ ॥ 1॥
অধিকবংধং রংধয বোধা চ্ছিংধিপিধানং বংধুরমদ্ধা ।
কেশব কেশব শাসক বংদে পাশধরার্চিত শূরপরেশ (শূরবরেশ) ॥ 2॥
নারাযণামলতারণ (কারণ) বংদে কারণকারণ পূর্ণ বরেণ্য ।
মাধব মাধব সাধক বংদে বাধক বোধক শুদ্ধ সমাধে ॥ 3॥
গোবিংদ গোবিংদ পুরংদর বংদে স্কংদ সনংদন বংদিত পাদ ।
বিষ্ণু সৃজিষ্ণু গ্রসিষ্ণু বিবংদে কৃষ্ণ সদুষ্ণ বধিষ্ণ সুধৃষ্ণো ॥ 4॥
বিষ্ণো সৃজিষ্ণো গ্রসিষ্ণো বিবংদে কৃষ্ণ সদুষ্ণবধিষ্ণো সুধৃষ্ণো
মধুসূদন দানবসাদন বংদে দৈবতমোদন (দৈবতমোদিত) বেদিত পাদ ।
ত্রিবিক্রম নিষ্ক্রম বিক্রম বংদে সুক্রম সংক্রমহুংকৃতবক্ত্র ॥ 5॥ (সংক্রম সুক্রম হুংকৃতবক্ত্র)
বামন বামন ভামন বংদে সামন সীমন সামন সানো ।
শ্রীধর শ্রীধর শংধর বংদে ভূধর বার্ধর কংধরধারিন্ ॥ 6॥
হৃষীকেশ সুকেশ পরেশ বিবংদে শরণেশ কলেশ বলেশ সুখেশ ।
পদ্মনাভ শুভোদ্ভব বংদে সংভৃতলোকভরাভর ভূরে ।
দামোদর দূরতরাংতর বংদে দারিতপারক পার (দারিতপারগপার) পরস্মাত্ ॥ 7॥
আনংদসুতীর্থ মুনীংদ্রকৃতা হরিগীতিরিযং পরমাদরতঃ ।
পরলোকবিলোকন সূর্যনিভা হরিভক্তি বিবর্ধন শৌংডতমা ॥ 8॥
ইতি শ্রীমদানংদতীর্থভগবত্পাদাচার্য বিরচিতং
দ্বাদশস্তোত্রেষু পংচমস্তোত্রং সংপূর্ণম্