॥ দ্বাদশ স্তোত্রাণি॥
অথ প্রথমস্তোত্রম্
বংদে বংদ্যং সদানংদং বাসুদেবং নিরংজনম্ ।
ইংদিরাপতিমাদ্যাদি বরদেশ বরপ্রদম্ ॥ 1॥
নমামি নিখিলাধীশ কিরীটাঘৃষ্টপীঠবত্ ।
হৃত্তমঃ শমনেঽর্কাভং শ্রীপতেঃ পাদপংকজম্ ॥ 2॥
জাংবূনদাংবরাধারং নিতংবং চিংত্যমীশিতুঃ ।
স্বর্ণমংজীরসংবীতং আরূঢং জগদংবযা ॥ 3॥
উদরং চিংত্যং ঈশস্য তনুত্বেঽপি অখিলংভরম্ ।
বলিত্রযাংকিতং নিত্যং আরূঢং শ্রিযৈকযা ॥ 4॥
স্মরণীযমুরো বিষ্ণোঃ ইংদিরাবাসমুত্তমৈঃ । বর্
ইংদিরাবাসমীশিতুঃ ইংদিরাবাসমুত্তমম্
অনংতং অংতবদিব ভুজযোরংতরংগতম্ ॥ 5॥
শংখচক্রগদাপদ্মধরাশ্চিংত্যা হরের্ভুজাঃ ।
পীনবৃত্তা জগদ্রক্ষা কেবলোদ্যোগিনোঽনিশম্ ॥ 6॥
সংততং চিংতযেত্কংঠং ভাস্বত্কৌস্তুভভাসকম্ ।
বৈকুংঠস্যাখিলা বেদা উদ্গীর্যংতেঽনিশং যতঃ ॥ 7॥
স্মরেত যামিনীনাথ সহস্রামিতকাংতিমত্ ।
ভবতাপাপনোদীড্যং শ্রীপতেঃ মুখপংকজম্ ॥ 8॥
পূর্ণানন্যসুখোদ্ভাসিং অংদস্মিতমধীশিতুঃ ।
গোবিংদস্য সদা চিংত্যং নিত্যানংদপদপ্রদম্ ॥ 9॥
স্মরামি ভবসংতাপ হানিদামৃতসাগরম্ ।
পূর্ণানংদস্য রামস্য সানুরাগাবলোকনম্ ॥ 10॥
ধ্যাযেদজস্রমীশস্য পদ্মজাদিপ্রতীক্ষিতম্ ।
ভ্রূভংগং পারমেষ্ঠ্যাদি পদদাযি বিমুক্তিদম্ ॥ 11॥
সংততং চিংতযেঽনংতং অংতকালে । (অংত্যকালে বিশেষতঃ)
নৈবোদাপুঃ গৃণংতোঽংতং যদ্গুণানাং অজাদযঃ ॥ 12॥
ইতি শ্রীমদানংদতীর্থভগবত্পাদাচার্য বিরচিতং
দ্বাদশস্তোত্রেষু প্রথমস্তোত্রং সংপূর্ণম্