যঃ শ্রীগোবর্ধনাদ্রিং সকলসুরপতীংস্তত্রগোগোপবৃংদং
স্বীযং সংরক্ষিতুং চেত্যমরসুখকরং মোহযন্ সংদধার ।
তন্মানং খংডযিত্বা বিজিতরিপুকুলো নীলধারাধরাভঃ
কৃষ্ণো রাধাসমেতো বিলসতু হৃদযে সোঽস্মদীযে সদৈব ॥ 1 ॥
যং দৃষ্ট্বা কংসভূপঃ স্বকৃতকৃতিমহো সংস্মরন্মংত্রিবর্যান্
কিং বা পূর্বং মযেদং কৃতমিতি বচনং দুঃখিতঃ প্রত্যুবাচ ।
আজ্ঞপ্তো নারদেন স্মিতযুতবদনঃ পূরযন্সর্বকামান্
কৃষ্ণো রাধাসমেতো বিলসতু হৃদযে সোঽস্মদীযে সদৈব ॥ 2 ॥
যেন প্রোদ্যত্প্রতাপা নৃপতিকুলভবাঃ পাংডবাঃ কৌরবাব্ধিং
তীর্ত্বা পারং তদীযং জগদখিলনৃণাং দুস্তরংচেতি জগ্মুঃ ।
তত্পত্নীচীরবৃদ্ধিপ্রবিদিতমহিমা ভূতলে ভূপতীশঃ
কৃষ্ণো রাধাসমেতো বিলসতু হৃদযে সোঽস্মদীযে সদৈব ॥ 3 ॥
যস্মৈ চোদ্ধৃত্য পাত্রাদ্দধিযুতনবনীতং করৈর্গোপিকাভি-
র্দত্তং তদ্ভাবপূর্তৌ বিনিহিতহৃদযস্সত্যমেবং তিরোধাত্ ।
মুক্তাগুংজাবলীভিঃ প্রচুরতমরুচিঃ কুংডলাক্রাংতগংডঃ
কৃষ্ণো রাধাসমেতো বিলসতু হৃদযে সোঽস্মদীযে সদৈব ॥ 4 ॥
যস্মাদ্বিশ্বাভিরামাদিহ জননবিধৌ সর্বনংদাদিগোপাঃ
সংসারার্তের্বিমুক্তাঃ সকলসুখকরাঃ সংপদঃ প্রাপুরেব ।
ইত্থং পূর্ণেংদুবক্ত্রঃ কলকমলদৃশঃ স্বীযজন্ম স্তুবংতঃ
কৃষ্ণো রাধাসমেতো বিলসতু হৃদযে সোঽস্মদীযে সদৈব ॥ 5 ॥
যস্য শ্রীনংদসূনোঃ ব্রজযুবতিজনাশ্চাগতা ভর্তৃপুত্রাং-
স্ত্যক্ত্বা শ্রুত্বা সমীপে বিচকিতনযনাঃ সপ্রমোদাঃ স্বগেহে ।
রংতুং রাসাদিলীলা মনসিজদলিতা বেণুনাদং চ রম্যং
কৃষ্ণো রাধাসমেতো বিলসতু হৃদযে সোঽস্মদীযে সদৈব ॥ 6 ॥
যস্মিন্ দৃষ্টে সমস্তে জগতি যুবতযঃ প্রাণনাথব্রতাযা-
স্তা অপ্যেবং হি নূনং কিমপি চ হৃদযে কামভাবং দধত্যঃ ।
তত্স্নেহাব্ধিং বপুশ্চেদবিদিতধরণৌ সূর্যবিংবস্বরূপাঃ
কৃষ্ণো রাধাসমেতো বিলসতু হৃদযে সোঽস্মদীযে সদৈব ॥ 7 ॥
যঃ স্বীযে গোকুলেঽস্মিন্বিদিতনিজকুলোদ্ভূতবালৈঃ সমেতো
মাতর্যেবং চকার প্রসৃততমগুণান্বাললীলাবিলাসান্ ।
হত্বা বত্সপ্রলংবদ্বিবিদবকখরান্গোপবৃংদং জুগোপ
কৃষ্ণো রাধাসমেতো বিলসতু হৃদযে সোঽস্মদীযে সদৈব ॥ 8 ॥
কৃষ্ণারাধাষ্টকং প্রাতরুত্থায প্রপঠেন্নরঃ ।
য এবং সর্বদা নূনং স প্রাপ্নোতি পরাং গতিম্ ॥ 9 ॥
ইতি শ্রীরঘুনাথচার্য বিরচিতং শ্রীরাধাকৃষ্ণাষ্টকম্ ।