হে স্বামিনাথার্তবংধো ।
ভস্মলিপ্তাংগ গাংগেয কারুণ্যসিংধো ॥
রুদ্রাক্ষধারিন্নমস্তে
রৌদ্ররোগং হর ত্বং পুরারের্গুরোর্মে ।
রাকেংদুবক্ত্রং ভবংতং
মাররূপং কুমারং ভজে কামপূরম্ ॥ 1 ॥
মাং পাহি রোগাদঘোরাত্
মংগলাপাংগপাতেন ভংগাত্স্বরাণাম্ ।
কালাচ্চ দুষ্পাককূলাত্
কালকালস্যসূনুং ভজে ক্রাংতসানুম্ ॥ 2 ॥
ব্রহ্মাদযো যস্য শিষ্যাঃ
ব্রহ্মপুত্রা গিরৌ যস্য সোপানভূতাঃ ।
সৈন্যং সুরাশ্চাপি সর্বে
সামবেদাদিগেযং ভজে কার্তিকেযম্ ॥ 3 ॥
কাষায সংবীত গাত্রং
কামরোগাদি সংহারি ভিক্ষান্ন পাত্রম্ ।
কারুণ্য সংপূর্ণ নেত্রং
শক্তিহস্তং পবিত্রং ভজে শংভুপুত্রম্ ॥ 4 ॥
শ্রীস্বামি শৈলে বসংতং
সাধুসংঘস্য রোগান্ সদা সংহরংতম্ ।
ওংকারতত্ত্বং বদংতং
শংভুকর্ণে হসংতং ভজেঽহং শিশুং তম্ ॥ 5 ॥
স্তোত্রং কৃতং চিত্রচিত্রং
দীক্ষিতানংতরামেণ সর্বার্থসিদ্ধ্যৈ ।
ভক্ত্যা পঠেদ্যঃ প্রভাতে
দেবদেবপ্রসাদাত্ লভেতাষ্টসিদ্ধিম্ ॥ 6 ॥
ইতি শ্রীঅনংতরামদীক্ষিতর্ কৃতং শ্রী স্বামিনাথ পংচকম্ ।