সুদর্শনশ্চক্ররাজঃ তেজোব্যূহো মহাদ্যুতিঃ ।
সহস্রবাহু-র্দীপ্তাংগঃ অরুণাক্ষঃ প্রতাপবান্ ॥ 1॥
অনেকাদিত্যসংকাশঃ প্রোদ্যজ্জ্বালাভিরংজিতঃ ।
সৌদামিনী-সহস্রাভঃ মণিকুংডল-শোভিতঃ ॥ 2॥
পংচভূতমনোরূপো ষট্কোণাংতর-সংস্থিতঃ ।
হরাংতঃ করণোদ্ভূত-রোষভীষণ-বিগ্রহঃ ॥ 3॥
হরিপাণিলসত্পদ্মবিহারারমনোহরঃ ।
শ্রাকাররূপস্সর্বজ্ঞঃ সর্বলোকার্চিতপ্রভুঃ ॥ 4॥
চতুর্দশসহস্রারঃ চতুর্বেদমযো-ঽনলঃ ।
ভক্তচাংদ্রমসজ্যোতিঃ ভবরোগ-বিনাশকঃ ॥ 5॥
রেফাত্মকো মকারশ্চ রক্ষোসৃগ্রূষিতাংগকঃ ।
সর্বদৈত্যগ্রীবনাল-বিভেদন-মহাগজঃ ॥ 6॥
ভীমদংষ্ট্রোজ্জ্বলাকারো ভীমকর্মা বিলোচনঃ ।
নীলবর্ত্মা নিত্যসুখো নির্মলশ্রী-র্নিরংজনঃ ॥ 7॥
রক্তমাল্যাংবরধরো রক্তচংদনরূষিতঃ ।
রজোগুণাকৃতিশ্শূরো রক্ষঃকুল-যমোপমঃ ॥ 8॥
নিত্যক্ষেমকরঃ প্রাজ্ঞঃ পাষংডজনখংডনঃ ।
নারাযণাজ্ঞানুবর্তী নৈগমাংতঃপ্রকাশকঃ ॥ 9॥
বলিনংদনদোর্দংড-খংডনো বিজযাকৃতিঃ ।
মিত্রভাবী সর্বমযো তমোবিধ্বংসকস্তথা ॥ 10॥
রজস্সত্ত্বতমোদ্বর্তী ত্রিগুণাত্মা ত্রিলোকধৃত্ ।
হরিমাযাগুণোপেতো-ঽব্যযো-ঽক্ষস্বরূপভাক্ ॥ 11॥
পরমাত্মা পরংজ্যোতিঃ পংচকৃত্য-পরাযণঃ ।
জ্ঞানশক্তি-বলৈশ্বর্য-বীর্য-তেজঃ-প্রভামযঃ ॥ 12॥
সদসত্পরমঃ পূর্ণো বাঙ্মযো বরদোঽচ্যুতঃ ।
জীবো গুরুর্হংসরূপঃ পংচাশত্পীঠরূপকঃ ॥ 13॥
মাতৃকামংডলাধ্যক্ষো মধুধ্বংসী মনোমযঃ ।
বুদ্ধিরূপশ্চিত্তসাক্ষী সারো হংসাক্ষরদ্বযঃ ॥ 14॥
মংত্র-যংত্র-প্রভাবজ্ঞো মংত্র-যংত্র-মযো বিভুঃ ।
স্রষ্টা ক্রিযাস্পদ-শ্শুদ্ধঃ আধারশ্চক্র-রূপকঃ ॥ 15॥
নিরাযুধো হ্যসংরংভঃ সর্বাযুধ-সমন্বিতঃ ।
ওম্কাররূপী পূর্ণাত্মা আংকারস্সাধ্য-বংধনঃ ॥ 16॥
ঐংকারো বাক্প্রদো বগ্মী শ্রীংকারৈশ্বর্যবর্ধনঃ ।
ক্লীংকারমোহনাকারো হুংফট্ক্ষোভণাকৃতিঃ ॥ 17॥
ইংদ্রার্চিত-মনোবেগো ধরণীভার-নাশকঃ ।
বীরারাধ্যো বিশ্বরূপঃ বৈষ্ণবো বিষ্ণুরূপকঃ ॥ 18॥
সত্যব্রতঃ সত্যধরঃ সত্যধর্মানুষংগকঃ’
নারাযণকৃপাব্যূহ-তেজশ্চক্র-স্সুদর্শনঃ ॥ 19॥
॥ শ্রী সুদর্শনাষ্টোত্তরশতনাম স্তোত্রং সংপূর্ণম্॥