কৃষ্ণ যজুর্বেদীয তৈত্তিরীয সংহিতাযা-ন্দ্বিতীযকাণ্ডে দ্বিতীযঃ প্রশ্নঃ – ইষ্টিবিধানং
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
প্র॒জাপতিঃ॑ প্র॒জা অ॑সৃজত॒ তা-স্সৃ॒ষ্টা॒ ইন্দ্রা॒গ্নী অপা॑গূহতা॒গ্ম্॒ সো॑-ঽচায-ত্প্র॒জাপ॑তিরিন্দ্রা॒গ্নী বৈ মে᳚ প্র॒জা অপা॑ঘুক্ষতা॒মিতি॒ স এ॒তমৈ᳚ন্দ্রা॒গ্ন- মেকা॑দশকপাল-মপশ্য॒-ত্ত-ন্নির॑বপ॒-ত্তাব॑স্মৈ প্র॒জাঃ প্রাসা॑ধযতা- মিন্দ্রা॒গ্নী বা এ॒তস্য॑ প্র॒জামপ॑ গূহতো॒ যো-ঽলং॑ প্র॒জাযৈ॒ স-ন্প্র॒জা-ন্ন বি॒ন্দত॑ ঐন্দ্রা॒গ্ন-মেকা॑দশকপাল॒-ন্নির্ব॑পেত্-প্র॒জাকা॑ম ইন্দ্রা॒গ্নী [ ] 1
এ॒ব স্বেন॑ ভাগ॒ধেযে॒নোপ॑ ধাবতি॒ তাবে॒বাস্মৈ᳚ প্র॒জা-ম্প্র সা॑ধযতো বি॒ন্দতে᳚ প্র॒জা-মৈ᳚ন্দ্রা॒গ্ন-মেকা॑দশকপাল॒-ন্নির্ব॑পে॒-থ্স্পর্ধ॑মানঃ॒, ক্ষেত্রে॑ বা সজা॒তেষু॑ বেন্দ্রা॒গ্নী এ॒ব স্বেন॑ ভাগ॒ধেযে॒নোপ॑ ধাবতি॒ তাভ্যা॑মে॒বেন্দ্রি॒যং বীঁ॒র্য॑-ম্ভ্রাতৃ॑ব্যস্য বৃঙ্ক্তে॒ বি পা॒প্মনা॒ ভ্রাতৃ॑ব্যেণ জয॒তে-ঽপ॒ বা এ॒তস্মা॑দিন্দ্রি॒যং-বীঁ॒র্য॑-ঙ্ক্রামতি॒ য-স্স॑গ্রা॒ম্ম-মু॑পপ্র॒যাত্যৈ᳚ন্দ্রা॒গ্ন-মেকা॑দশকপাল॒-ন্নি- [-মেকা॑দশকপাল॒-ন্নিঃ, ব॒পে॒-থ্স॒ঙ্গ্রা॒ম-] 2
-র্ব॑পে-থ্সঙ্গ্রা॒ম-মু॑পপ্রযা॒স্য-ন্নি॑ন্দ্রা॒গ্নী এ॒ব স্বেন॑ ভাগ॒ধেযে॒নোপ॑ ধাবতি॒ তাবে॒বাস্মি॑-ন্নিন্দ্রি॒যং-বীঁ॒র্য॑-ন্ধত্ত-স্স॒হেন্দ্রি॒যেণ॑ বী॒র্যে॑ণোপ॒ প্র যা॑তি॒ জয॑তি॒ তগ্ম্ স॑গ্রা॒ম্মং-বিঁ বা এ॒ষ ই॑ন্দ্রি॒যেণ॑ বী॒র্যে॑ণর্ধ্যতে॒ য-স্স॑গ্রা॒ম্ম-ঞ্জয॑ত্যৈন্দ্রা॒গ্ন-মেকা॑দশকপাল॒-ন্নির্ব॑পে-থ্সঙ্গ্রা॒ম-ঞ্জি॒ত্বেন্দ্রা॒গ্নী এ॒ব স্বেন॑ ভাগ॒ধেযে॒নোপ॑ ধাবতি॒ তাবে॒বাস্মি॑-ন্নিদ্রি॒যং-বীঁ॒র্য॑ন্- [বী॒র্য᳚ম্, ধ॒ত্তো॒ নেন্দ্রি॒যেণ॑] 3
-ধত্তো॒ নেন্দ্রি॒যেণ॑ বী॒র্যে॑ণ॒ ব্যৃ॑দ্ধ্য॒তে-ঽপ॒ বা এ॒তস্মা॑দিন্দ্রি॒যং-বীঁ॒র্য॑-ঙ্ক্রামতি॒ য এতি॑ জ॒নতা॑মৈন্দ্রা॒গ্ন-মেকা॑দশকপাল॒-ন্নির্ব॑পে-জ্জ॒নতা॑মে॒ষ্য-ন্নি॑ন্দ্রা॒গ্নী এ॒ব স্বেন॑ ভাগ॒ধেযে॒নোপ॑ ধাবতি॒ তাবে॒বাস্মি॑-ন্নিন্দ্রি॒যং-বীঁ॒র্য॑-ন্ধত্ত-স্স॒হেন্দ্রি॒যেণ॑ বী॒র্যে॑ণ জ॒নতা॑মেতি পৌ॒ষ্ণ-ঞ্চ॒রুমনু॒ নির্ব॑পে-ত্পূ॒ষা বা ই॑ন্দ্রি॒যস্য॑ বী॒র্য॑স্যা-ঽনুপ্রদা॒তা পূ॒ষণ॑মে॒ব [ ] 4
স্বেন॑ ভাগ॒ধেযে॒নোপ॑ ধাবতি॒ স এ॒বাস্মা॑ ইন্দ্রি॒যং-বীঁ॒র্য॑মনু॒ প্রয॑চ্ছতি ক্ষৈত্রপ॒ত্য-ঞ্চ॒রু-ন্নির্ব॑পে-জ্জ॒নতা॑-মা॒গত্যে॒যং-বৈঁ ক্ষেত্র॑স্য॒ পতি॑র॒স্যামে॒ব প্রতি॑ তিষ্ঠত্যৈন্দ্রা॒গ্ন-মেকা॑দশকপাল-মু॒পরি॑ষ্টা॒-ন্নির্ব॑পেদ॒স্যামে॒ব প্র॑তি॒ষ্ঠাযে᳚ন্দ্রি॒যং-বীঁ॒র্য॑-মু॒পরি॑ষ্টা-দা॒ত্ম-ন্ধ॑ত্তে ॥ 5 ॥
(প্র॒জাকা॑ম ইন্দ্রা॒গ্নী – উ॑পপ্র॒যাত্যৈ᳚ন্দ্রা॒গ্নমেকা॑দশকপাল॒-ন্নি- র্বী॒র্যং॑ – পূ॒ষণ॑মে॒ বৈ – কা॒ন্নচ॑ত্বারি॒গ্ম্॒শচ্চ॑ ) (অ. 1)
অ॒গ্নযে॑ পথি॒কৃতে॑ পুরো॒ডাশ॑-ম॒ষ্টাক॑পাল॒-ন্নির্ব॑পে॒দ্যো দ॑র্শপূর্ণমাসযা॒জী সন্ন॑মাবা॒স্যাং᳚-বাঁ পৌর্ণমা॒সীং-বাঁ॑-ঽতিপা॒দযে᳚-ত্প॒থো বা এ॒ষোদ্ধ্যপ॑থেনৈতি॒ যো দ॑র্শপূর্ণমাসযা॒জী সন্ন॑মাবা॒স্যাং᳚-বাঁ পৌর্ণমা॒সীং-বাঁ॑তিপা॒দয॑ত্য॒গ্নিমে॒ব প॑থি॒কৃত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বৈন॒মপ॑থা॒-ত্পন্থা॒মপি॑ নযত্যন॒ড্বা-ন্দক্ষি॑ণা ব॒হী হ্যে॑ষ সমৃ॑দ্ধ্যা অ॒গ্নযে᳚ ব্র॒তপ॑তযে [ব্র॒তপ॑তযে, পু॒রো॒ডাশ॑-] 6
পুরো॒ডাশ॑-ম॒ষ্টাক॑পাল॒-ন্নির্ব॑পে॒দ্য আহি॑তাগ্নি॒-স্সন্ন॑ব্র॒ত্যমি॑ব॒ চরে॑দ॒গ্নিমে॒ব ব্র॒তপ॑তি॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বৈনং॑-ব্রঁ॒তমা ল॑ভংযঁতি॒ ব্রত্যো॑ ভবত্য॒গ্নযে॑ রক্ষো॒ঘ্নে পু॑রো॒ডাশ॑-ম॒ষ্টাক॑পাল॒-ন্নির্ব॑পে॒দ্যগ্ম্ রক্ষাগ্ম্॑সি॒ সচে॑রন্ন॒গ্নিমে॒ব র॑ক্ষো॒হণ॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বাস্মা॒-দ্রক্ষা॒গ্॒স্যপ॑ হন্তি॒ নিশি॑তাযা॒-ন্নির্ব॑পে॒- [নির্ব॑পেত্, নিশি॑তাযা॒গ্ম্॒ হি] 7
-ন্নিশি॑তাযা॒গ্ম্॒ হি রক্ষাগ্ম্॑সি প্রে॒রতে॑ স॒প্রেংর্ণা᳚ন্যে॒বৈনা॑নি হন্তি॒ পরি॑শ্রিতে যাজযে॒-দ্রক্ষ॑সা॒-মন॑ন্ববচারায রক্ষো॒ঘ্নী যা᳚জ্যানুবা॒ক্যে॑ ভবতো॒ রক্ষ॑সা॒গ্॒ স্তৃত্যা॑ অ॒গ্নযে॑ রু॒দ্রব॑তে পুরো॒ডাশ॑-ম॒ষ্টাক॑পাল॒-ন্নির্ব॑পে-দভি॒চর॑-ন্নে॒ষা বা অ॑স্য ঘো॒রা ত॒নূর্য-দ্রু॒দ্রস্তস্মা॑ এ॒বৈন॒মাবৃ॑শ্চতি তা॒জগার্তি॒-মার্চ্ছ॑ত্য॒গ্নযে॑ সুরভি॒মতে॑ পুরো॒ডাশ॑-ম॒ষ্টাক॑পাল॒-ন্নির্ব॑পে॒দ্যস্য॒ গাবো॑ বা॒ পুরু॑ষা [বা॒ পুরু॑ষাঃ, বা॒ প্র॒মীযে॑র॒ন্॒] 8
বা প্র॒মীযে॑র॒ন্॒ যো বা॑ বিভী॒যাদে॒ষা বা অ॑স্য ভেষ॒জ্যা॑ ত॒নূর্য-থ্সু॑রভি॒মতী॒-তযৈ॒বা-ঽস্মৈ॑ ভেষ॒জ-ঙ্ক॑রোতি সুরভি॒মতে॑ ভবতি পূতীগ॒ন্ধস্যা-ঽপ॑হত্যা অ॒গ্নযে॒ ক্ষাম॑বতে পুরো॒ডাশ॑-ম॒ষ্টাক॑পাল॒-ন্নির্ব॑পে-থ্সঙ্গ্রা॒মে সংযঁ॑ত্তে ভাগ॒ধেযে॑নৈ॒বৈনগ্ম্॑ শমযি॒ত্বা পরা॑ন॒ভি নির্দি॑শতি॒ যমব॑রেষাং॒-বিঁদ্ধ্য॑ন্তি॒ জীব॑তি॒ স য-ম্পরে॑ষা॒-ম্প্র স মী॑যতে॒ জয॑তি॒ তগ্ম্ স॑ঙ্গ্রা॒ম- [তগ্ম্ স॑ঙ্গ্রা॒মম্, অ॒ভি বা এ॒ষ] 9
-ম॒ভি বা এ॒ষ এ॒তানু॑চ্যতি॒ যেষা᳚-ম্পূর্বাপ॒রা অ॒ন্বঞ্চঃ॑ প্র॒মীয॑ন্তে পুরুষাহু॒তির্-হ্য॑স্য প্রি॒যত॑মা॒-ঽগ্নযে॒ ক্ষাম॑বতে পুরো॒ডাশ॑-ম॒ষ্টাক॑পাল॒-ন্নির্ব॑পে-দ্ভাগ॒ধেযে॑নৈ॒বৈনগ্ম্॑ শমযতি॒ নৈষা᳚-ম্পু॒রা-ঽঽযু॒ষো-ঽপ॑রঃ॒ প্রমী॑যতে॒-ঽভি বা এ॒ষ এ॒তস্য॑ গৃ॒হানু॑চ্যতি॒ যস্য॑ গৃ॒হা-ন্দহ॑ত্য॒গ্নযে॒ ক্ষাম॑বতে পুরো॒ডাশ॑-ম॒ষ্টাক॑পাল॒-ন্নির্ব॑পে-দ্ভাগ॒ধেযে॑নৈ॒বৈনগ্ম্॑ শমযতি॒ না-ঽস্যাপ॑র-ঙ্গৃ॒হা-ন্দ॑হতি ॥ 10 ॥
(ব্র॒তপ॑তযে॒ – নিশি॑তাযা॒-ন্নির্ব॑পে॒ত্ – পুরু॑ষাঃ – সঙ্গ্রা॒মং – ন – চ॒ত্বারি॑ চ) (অ. 2)
অ॒গ্নযে॒ কামা॑য পুরো॒ডাশ॑-ম॒ষ্টাক॑পাল॒-ন্নির্ব॑পে॒দ্য-ঙ্কামো॒ নোপ॒নমে॑-দ॒গ্নিমে॒ব কাম॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বৈন॒-ঙ্কামে॑ন॒ সম॑র্ধয॒ত্যুপৈ॑ন॒-ঙ্কামো॑ নমত্য॒গ্নযে॒ য বি॑ষ্ঠায পুরো॒ডাশ॑-ম॒ষ্টাক॑পাল॒-ন্নির্ব॑পে॒-থ্স্পর্ধ॑মানঃ॒, ক্ষেত্রে॑ বা সজা॒তেষু॑ বা॒-ঽগ্নিমে॒ব যবি॑ষ্ঠ॒গ্গ্॒ স্বেন॑ ভাগ॒ধেযে॒নোপ॑ ধাবতি॒ তেনৈ॒বেন্দ্রি॒যং-বীঁ॒র্য॑-ম্ভ্রাতৃ॑ব্যস্য [ভ্রাতৃ॑ব্যস্য, যু॒ব॒তে॒ বিপা॒প্মনা॒] 11
যুবতে॒ বিপা॒প্মনা॒ ভ্রাতৃ॑ব্যেণ জযতে॒-ঽগ্নযে॒ যবি॑ষ্ঠায পুরো॒ডাশ॑-ম॒ষ্টাক॑পাল॒-ন্নির্ব॑পে-দভিচ॒র্যমা॑ণো॒ ঽগ্নিমে॒ব যবি॑ষ্ঠ॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বাস্মা॒-দ্রক্ষাগ্ম্॑সি যবযতি॒ নৈন॑-মভি॒চরন্᳚-থ্স্তৃণুতে॒-ঽগ্নয॒ আযু॑ষ্মতে পুরো॒ডাশ॑-ম॒ষ্টাক॑পাল॒-ন্নির্ব॑পে॒দ্যঃ কা॒মযে॑ত॒ সর্ব॒-মাযু॑-রিযা॒-মিত্য॒গ্নি- মে॒বা-ঽঽযু॑ষ্মন্ত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বা-ঽস্মি॒- [এ॒বা-ঽস্মিন্ন্॑, আযু॑র্দধাতি॒] 12
-ন্নাযু॑র্দধাতি॒ সর্ব॒মাযু॑-রেত্য॒গ্নযে॑ জা॒তবে॑দসে পুরো॒ডাশ॑-ম॒ষ্টাক॑পাল॒-ন্নির্ব॑পে॒-দ্ভূতি॑কামো॒-ঽগ্নিমে॒ব জা॒তবে॑দস॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বৈন॒-ম্ভূতি॑-ঙ্গমযতি॒ ভব॑ত্যে॒বাগ্নযে॒ রুক্ম॑তে পুরো॒ডাশ॑-ম॒ষ্টাক॑পাল॒-ন্নির্ব॑পে॒-দ্রুক্কা॑মো॒-ঽগ্নিমে॒ব রুক্ম॑ন্ত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বাস্মি॒-ন্রুচ॑-ন্দধাতি॒-রোচ॑ত এ॒বাগ্নযে॒ তেজ॑স্বতে পুরো॒ডাশ॑- [পুরো॒ডাশ᳚ম্, অ॒ষ্টাক॑পাল॒-ন্নির্ব॑পে॒ত্] 13
-ম॒ষ্টাক॑পাল॒-ন্নির্ব॑পে॒-ত্তেজ॑স্কামো॒-ঽগ্নিমে॒ব তেজ॑স্বন্ত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বাস্মি॒-ন্তেজো॑ দধাতি তেজ॒স্ব্যে॑ব ভ॑বত্য॒গ্নযে॑ সাহ॒ন্ত্যায॑ পুরো॒ডাশ॑ম॒ষ্টাক॑পাল॒-ন্নির্ব॑পে॒-থ্সীক্ষ॑মাণো॒ ঽগ্নিমে॒ব সা॑হ॒ন্ত্যগ্গ্ স্বেন॑ ভাগ॒ধেযে॒নোপ॑ ধাবতি॒ তেনৈ॒ব স॑হতে॒ যগ্ম্ সীক্ষ॑তে ॥ 14 ॥
(ভ্রাতৃ॑ব্যস্যা -স্মি॒ন্ – তেজ॑স্বতে পুরো॒ডশ॑ – ম॒ষ্টাত্রিগ্ম্॑শচ্চ) (অ. 3)
অ॒গ্নযে-ঽন্ন॑বতে পুরো॒ডাশ॑-ম॒ষ্টাক॑পাল॒-ন্নির্ব॑পে॒দ্যঃ কা॒মযে॒তা-ঽন্ন॑বান্-থ্স্যা॒মিত্য॒গ্নি-মে॒বা-ন্ন॑বন্ত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বৈন॒মন্ন॑বন্ত-ঙ্করো॒ত্যন্ন॑বানে॒ব ভ॑বত্য॒গ্নযে᳚-ঽন্না॒দায॑ পুরো॒ডাশ॑-ম॒ষ্টাক॑পাল॒-ন্নির্ব॑পে॒দ্যঃ কা॒মযে॑তা-ঽন্না॒দ-স্স্যা॒মিত্য॒গ্নি-মে॒বান্না॒দগ্গ্ স্বেন॑ ভাগ॒ধেযে॒নোপ॑ ধাবতি॒ স এ॒বৈন॑-মন্না॒দ-ঙ্ক॑রোত্যন্না॒দ – [-ক॑রোত্যন্না॒দঃ, এ॒ব ভ॑বত্য॒গ্নযে-ঽন্ন॑পতযে] 15
এ॒ব ভ॑বত্য॒গ্নযে-ঽন্ন॑পতযে পুরো॒ডাশ॑-ম॒ষ্টাক॑পাল॒-ন্নির্ব॑পে॒দ্যঃ-কা॒মযে॒তা-ঽন্ন॑পতি-স্স্যা॒-মিত্য॒গ্নি-মে॒বা-ঽন্ন॑পতি॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বৈন॒-মন্ন॑পতি-ঙ্করো॒ত্যন্ন॑পতি-রে॒ব ভ॑বত্য॒গ্নযে॒ পব॑মানায পুরো॒ডাশ॑-ম॒ষ্টাক॑পাল॒-ন্নির্ব॑পেদ॒গ্নযে॑ পাব॒কাযা॒গ্নযে॒ শুচ॑যে॒ জ্যোগা॑মযাবী॒ যদ॒গ্নযে॒ পব॑মানায নি॒র্বপ॑তি প্রা॒ণ-মে॒বা-ঽস্মি॒-ন্তেন॑ দধাতি॒ যদ॒গ্নযে॑ – [যদ॒গ্নযে᳚, পা॒ব॒কায॒ বাচ॑-] 16
পাব॒কায॒ বাচ॑-মে॒বা-ঽস্মি॒-ন্তেন॑ দধাতি॒ যদ॒গ্নযে॒ শুচ॑য॒ আযু॑-রে॒বা-ঽস্মি॒-ন্তেন॑ দধাত্যু॒ত যদী॒তাসু॒-র্ভব॑তি॒ জীব॑ত্যে॒বৈতা-মে॒ব নির্ব॑পে॒-চ্চক্ষু॑ষ্কামো॒ যদ॒গ্নযে॒ পব॑মানায নি॒র্বপ॑তি প্রা॒ণ-মে॒বা-ঽস্মি॒-ন্তেন॑ দধাতি॒ যদ॒গ্নযে॑ পাব॒কায॒ বাচ॑-মে॒বাস্মি॒-ন্তেন॑ দধাতি॒ যদ॒গ্নযে॒ শুচ॑যে॒ চক্ষু॑-রে॒বাস্মি॒-ন্তেন॑ দধা- [চক্ষু॑রে॒বাস্মি॒-ন্তেন॑ দধাতি, উ॒ত যদ্য॒ন্ধো] 17
-ত্যু॒ত যদ্য॒ন্ধো ভব॑তি॒ প্রৈব প॑শ্যত্য॒গ্নযে॑ পু॒ত্রব॑তে পুরো॒ডাশ॑-ম॒ষ্টাক॑পাল॒-ন্নির্ব॑পে॒-দিন্দ্রা॑য পু॒ত্রিণে॑ পুরো॒ডাশ॒-মেকা॑দশকপাল-ম্প্র॒জাকা॑মো॒-ঽগ্নি-রে॒বা-ঽস্মৈ᳚ প্র॒জা-ম্প্র॑জ॒নয॑তি বৃ॒দ্ধা-মিন্দ্রঃ॒ প্র য॑চ্ছত্য॒গ্নযে॒ রস॑বতে-ঽজক্ষী॒রে চ॒রু-ন্নির্ব॑পে॒দ্যঃ কা॒মযে॑ত॒ রস॑বান্-থ্স্যা॒-মিত্য॒গ্নি-মে॒ব রস॑বন্ত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বৈন॒গ্ম্॒ রস॑বন্ত-ঙ্করোতি॒ [রস॑বন্ত-ঙ্করোতি, রস॑বানে॒ব] 18
রস॑বানে॒ব ভ॑বত্যজক্ষী॒রে ভ॑বত্যাগ্নে॒যী বা এ॒ষা যদ॒জা সা॒ক্ষাদে॒ব রস॒মব॑ রুন্ধে॒-ঽগ্নযে॒ বসু॑মতে পুরো॒ডাশ॑-ম॒ষ্টাক॑পাল॒-ন্নির্ব॑পে॒দ্যঃ কা॒মযে॑ত॒ বসু॑মান্-থ্স্যা॒মিত্য॒গ্নি-মে॒ব বসু॑মন্ত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বৈনং॒-বঁসু॑মন্ত-ঙ্করোতি॒ বসু॑মানে॒ব ভ॑বত্য॒গ্নযে॑ বাজ॒সৃতে॑ পুরো॒ডাশ॑-ম॒ষ্টাক॑পাল॒-ন্নিব॑র্পে-থ্সঙ্গ্রা॒মে সং-যঁ॑ত্তে॒ বাজং॒- [সং-যঁ॑ত্তে॒ বাজ᳚ম্, বা এ॒ষ সি॑সীর্ষতি॒] 19
-বাঁ এ॒ষ সি॑সীর্ষতি॒ য-স্স॑গ্রা॒ম্ম-ঞ্জিগী॑ষত্য॒গ্নিঃ খলু॒ বৈ দে॒বানাং᳚-বাঁজ॒সৃ-দ॒গ্নি-মে॒ব বা॑জ॒সৃত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ ধাব॑তি॒ বাজ॒গ্ম্॒ হন্তি॑ বৃ॒ত্র-ঞ্জয॑তি॒ তগ্ম্ স॑গ্রা॒ম্ম-মথো॑ অ॒গ্নিরি॑ব॒ ন প্র॑তি॒ধৃষে॑ ভবত্য॒গ্নযে᳚-ঽগ্নি॒বতে॑ পুরো॒ডাশ॑-ম॒ষ্টাক॑পাল॒-ন্নির্ব॑পে॒-দ্যস্যা॒গ্না- ব॒গ্নি- ম॑ভ্যু॒দ্ধরে॑যু॒-র্নির্দি॑ষ্টভাগো॒ বা এ॒তযো॑-র॒ন্যো-ঽনি॑র্দিষ্টভাগো॒-ঽন্যস্তৌ স॒ভংবঁ॑ন্তৌ॒ যজ॑মান- [যজ॑মানম্, অ॒ভি] 20
-ম॒ভি স-ম্ভ॑বত॒-স্স ঈ᳚শ্ব॒র আর্তি॒-মার্তো॒-র্য-দ॒গ্নযে᳚-ঽগ্নি॒বতে॑ নি॒র্বপ॑তি ভাগ॒ধেযে॑নৈ॒বৈনৌ॑ শমযতি॒ না-ঽঽর্তি॒মার্চ্ছ॑তি॒ যজ॑মানো॒-ঽগ্নযে॒ জ্যোতি॑ষ্মতে পুরো॒ডাশ॑-ম॒ষ্টাক॑পাল॒-ন্নির্ব॑পে॒-দ্যস্যা॒-গ্নিরুদ্ধৃ॒তো-ঽহু॑তে-ঽগ্নিহো॒ত্র উ॒দ্বাযে॒দপ॑র আ॒দীপ্যা॑-ঽনূ॒দ্ধৃত্য॒ ইত্যা॑হু॒স্ত-ত্তথা॒ ন কা॒র্যং॑-যঁ-দ্ভা॑গ॒ধেয॑ম॒ভি পূর্ব॑ উদ্ধ্রি॒যতে॒ কিমপ॑রো॒-ঽভ্যু- [কিমপ॑রো॒-ঽভ্যুত্, হ্রি॒যে॒তেতি॒ তান্যে॒বা] 21
-দ্ধ্রি॑যে॒তেতি॒ তান্যে॒বা ব॒ক্ষাণা॑নি সন্নি॒ধায॑ মন্থেদি॒তঃ প্র॑থ॒ম-ঞ্জ॑জ্ঞে অ॒গ্নি-স্স্বাদ্যোনে॒রধি॑ জা॒তবে॑দাঃ । স গা॑যত্রি॒যা ত্রি॒ষ্টুভা॒ জগ॑ত্যা দে॒বেভ্যো॑ হ॒ব্যং-বঁ॑হতু প্রজা॒নন্নিতি॒ ছন্দো॑ভি-রে॒বৈন॒গ্গ্॒ স্বাদ্যোনেঃ॒ প্রজ॑নযত্যে॒ষ বা ব সো᳚-ঽগ্নিরিত্যা॑হু॒ র্জ্যোতি॒স্ত্বা অ॑স্য॒ পরা॑পতিত॒-মিতি॒ যদ॒গ্নযে॒ জ্যোতি॑ষ্মতে নি॒র্বপ॑তি॒ যদে॒বাস্য॒ জ্যোতিঃ॒ পরা॑পতিত॒-ন্তদে॒বাব॑ রুন্ধে ॥ 22 ॥
(ক॒রো॒ত্য॒ন্না॒দো – দ॑ধাতি॒ যদ॒গ্নযে॒ – শুচ॑যে॒ চক্ষু॑রে॒বাস্মি॒-ন্তেন॑ দধাতি -করোতি॒ – বাজং॒ -যঁজ॑মান॒ – মু – দে॒বাস্য॒ – ষট্চ॑) (অ. 4)
বৈ॒শ্বা॒ন॒র-ন্দ্বাদ॑শকপাল॒-ন্নির্ব॑পে-দ্বারু॒ণ-ঞ্চ॒রু-ন্দ॑ধি॒ক্রাব্ণ্ণে॑ চ॒রুম॑ভিশ॒স্যমা॑নো॒ য-দ্বৈ᳚শ্বান॒রো দ্বাদ॑শকপালো॒ ভব॑তি সংবঁথ্স॒রো বা অ॒গ্নি র্বৈ᳚শ্বান॒র-স্সং॑বঁথ্স॒রেণৈ॒বৈনগ্গ্॑ স্বদয॒ত্যপ॑ পা॒পং-বঁর্ণগ্ম্॑ হতে বারু॒ণেনৈ॒বৈনং॑-বঁরুণপা॒শা-ন্মু॑ঞ্চতি দধি॒ক্রাব্ণ্ণা॑ পুনাতি॒ হির॑ণ্য॒-ন্দক্ষি॑ণা প॒বিত্রং॒-বৈঁ হির॑ণ্য-ম্পু॒নাত্যে॒বৈন॑-মা॒দ্য॑-ম॒স্যা-ঽন্ন॑-ম্ভবত্যে॒তামে॒ব নির্ব॑পে-ত্প্র॒জাকা॑ম-স্সংবঁথ্স॒রো [সংবঁথ্স॒রঃ, বা] 23
বা এ॒তস্যা-ঽশা᳚ন্তো॒ যোনি॑-ম্প্র॒জাযৈ॑ পশূ॒না-ন্নির্দ॑হতি॒ যো-ঽল॑-ম্প্র॒জাযৈ॒ স-ন্প্র॒জা-ন্ন বি॒ন্দতে॒ য-দ্বৈ᳚শ্বান॒রো দ্বাদ॑শকপালো॒ ভব॑তি সংবঁথ্স॒রো বা অ॒গ্নি র্বৈ᳚শ্বান॒র-স্সং॑বঁথ্স॒রমে॒ব ভা॑গ॒ধেযে॑ন শমযতি॒ সো᳚-ঽস্মৈ শা॒ন্ত-স্স্বাদ্যোনেঃ᳚ প্র॒জা-ম্প্রজ॑নযতি বারু॒ণেনৈ॒বৈনং॑-বঁরুণপা॒শা-ন্মু॑ঞ্চতি দধি॒ক্রাব্ণ্ণা॑ পুনাতি॒ হির॑ণ্য॒-ন্দক্ষি॑ণা প॒বিত্রং॒-বৈঁ হির॑ণ্য-ম্পু॒নাত্যে॒বৈনং॑- [পু॒নাত্যে॒বৈন᳚ম্, বি॒ন্দতে᳚] 24
-বিঁ॒ন্দতে᳚ প্র॒জাং-বৈঁ᳚শ্বান॒র-ন্দ্বাদ॑শকপাল॒-ন্নির্ব॑পে-ত্পু॒ত্রে জা॒তেযদ॒ষ্টাক॑পালো॒ ভব॑তি গাযত্রি॒যৈবৈন॑-ম্ব্রহ্মবর্চ॒সেন॑ পুনাতি॒ যন্নব॑কপাল-স্ত্রি॒বৃতৈ॒বাস্মি॒-ন্তেজো॑ দধাতি॒ য-দ্দশ॑কপালো বি॒রাজৈ॒বা-ঽস্মি॑-ন্ন॒ন্নাদ্য॑-ন্দধাতি॒ যদেকা॑দশকপাল- স্ত্রি॒ষ্টুভৈ॒বা-ঽস্মি॑-ন্নিন্দ্রি॒য-ন্দ॑ধাতি॒ য-দ্দ্বাদ॑শকপালো॒ জগ॑ত্যৈ॒বা-ঽস্মি॑-ন্প॒শূ-ন্দ॑ধাতি॒ যস্মি॑ন্ জা॒ত এ॒তামিষ্টি॑-ন্নি॒র্বপ॑তি পূ॒ত [পূ॒তঃ, এ॒ব তে॑জ॒স্ব্য॑ন্না॒দ] 25
এ॒ব তে॑জ॒স্ব্য॑ন্না॒দ ই॑ন্দ্রিযা॒বী প॑শু॒মা-ন্ভ॑ব॒ত্যব॒ বা এ॒ষ সু॑ব॒র্গা-ল্লো॒কা-চ্ছি॑দ্যতে॒ যো দ॑র্শপূর্ণমাসযা॒জী সন্ন॑মাবা॒স্যাং᳚-বাঁ পৌর্ণমা॒সীং-বাঁ॑তিপা॒দয॑তি সুব॒র্গায॒ হি লো॒কায॑ দর্শপূর্ণমা॒সা বি॒জ্যেতে॑ বৈশ্বান॒র-ন্দ্বাদ॑শকপাল॒-ন্নির্ব॑পে-দমাবা॒স্যাং᳚-বাঁ পৌর্ণমা॒সীং-বাঁ॑-ঽতি॒পাদ্য॑ সংবঁথ্স॒রো বা অ॒গ্নি র্বৈ᳚শ্বান॒র-স্সং॑বঁথ্স॒রমে॒ব প্রী॑ণা॒ত্যথো॑ সংবঁথ্স॒রমে॒বাস্মা॒ উপ॑ দধাতি সুব॒র্গস্য॑ লো॒কস্য॒ সম॑ষ্ট্যা॒ [সম॑ষ্ট্যৈ, অথো॑] 26
অথো॑ দে॒বতা॑ এ॒বান্বা॒রভ্য॑ সুব॒র্গং-লোঁ॒কমে॑তি বীর॒হা বা এ॒ষ দে॒বানাং॒-যোঁ᳚-ঽগ্নি-মু॑দ্বা॒সয॑তে॒ ন বা এ॒তস্য॑ ব্রাহ্ম॒ণা ঋ॑তা॒যবঃ॑ পু॒রা-ঽন্ন॑-মক্ষ-ন্নাগ্নে॒য-ম॒ষ্টাক॑পাল॒-ন্নির্ব॑পে-দ্বৈশ্বান॒র-ন্দ্বাদ॑শকপাল-ম॒গ্নিমু॑দ্বাসযি॒ষ্যন্. যদ॒ষ্টাক॑পালো॒ ভব॑ত্য॒ষ্টাক্ষ॑রা গায॒ত্রী-গা॑য॒ত্রো᳚ ঽগ্নি-র্যাবা॑-নে॒বা-ঽগ্নিস্তস্মা॑ আতি॒থ্য-ঙ্ক॑রো॒ত্যথো॒ যথা॒ জনং॑-যঁ॒তে॑-ঽব॒স-ঙ্ক॒রোতি॑ তা॒দৃ- [তা॒দৃক্, এ॒ব] 27
-গে॒ব ত-দ্দ্বাদ॑শকপালো বৈশ্বান॒রো ভ॑বতি॒ দ্বাদ॑শ॒ মাসা᳚-স্সংবঁথ্স॒র-স্সং॑বঁথ্স॒রঃ খলু॒ বা অ॒গ্নের্যোনি॒-স্স্বামে॒বৈনং॒-যোঁনি॑-ঙ্গময-ত্যা॒দ্য॑ম॒স্যান্ন॑-ম্ভবতি বৈশ্বান॒র-ন্দ্বাদ॑শকপাল॒-ন্নির্ব॑পেন্মারু॒তগ্ম্ স॒প্তক॑পাল॒-ঙ্গ্রাম॑কাম আহব॒নীযে॑ বৈশ্বান॒রমধি॑ শ্রযতি॒ গার্হ॑পত্যে মারু॒ত-ম্পা॑পবস্য॒সস্য॒ বিধৃ॑ত্যৈ॒ দ্বাদ॑শকপালো বৈশ্বান॒রো ভ॑বতি॒ দ্বাদ॑শ॒ মাসা᳚-স্সংবঁথ্স॒র-স্সং॑বঁথ্স॒রেণৈ॒বাস্মৈ॑ সজা॒তাগ্শ্চ্যা॑বযতি মারু॒তো ভ॑বতি [ ] 28
ম॒রুতো॒ বৈ দে॒বানাং॒-বিঁশো॑ দেববি॒শেনৈ॒বা-ঽস্মৈ॑ মনুষ্য বি॒শমব॑ রুন্ধে স॒প্তক॑পালো ভবতি স॒প্ত গ॑ণা॒ বৈ ম॒রুতো॑ গণ॒শ এ॒বাস্মৈ॑ সজা॒তানব॑ রুন্ধে ঽনূ॒চ্যমা॑ন॒ আ সা॑দযতি॒ বিশ॑মে॒বাস্মা॒ অনু॑বর্ত্মান-ঙ্করোতি ॥ 29 ॥
(প্র॒জাকা॑ম-স্সংবঁথ্স॒রঃ – পু॒নাত্যে॒বৈনং॑ – পূ॒তঃ – সম॑ষ্ট্যৈ -তা॒দৃং – মা॑রু॒তো ভ॑ব॒ – ত্যেকা॒ন্ন ত্রি॒গ্ম্॒শচ্চ॑ ) (অ. 5)
আ॒দি॒ত্য-ঞ্চ॒রু-ন্নির্ব॑পে-থ্সঙ্গ্রা॒ম-মু॑পপ্রযা॒স্য-ন্নি॒যং-বাঁ অদি॑তি-র॒স্যামে॒ব পূর্বে॒ প্রতি॑তিষ্ঠন্তি বৈশ্বান॒র-ন্দ্বাদ॑শকপাল॒-ন্নির্ব॑পে-দা॒যত॑ন-ঙ্গ॒ত্বা-সং॑বঁথ্স॒রো বা অ॒গ্নি র্বৈ᳚শ্বান॒র-স্সং॑বঁথ্স॒রঃ খলু॒ বৈ দে॒বানা॑-মা॒যত॑ন-মে॒তস্মা॒দ্বা আ॒যত॑না-দ্দে॒বা অসু॑রা-নজয॒ন্॒. য-দ্বৈ᳚শ্বান॒র-ন্দ্বাদ॑শকপাল-ন্নি॒র্বপ॑তি দে॒বানা॑-মে॒বা-ঽঽযত॑নে যততে॒ জয॑তি॒ তগ্ম্ স॑গ্রা॒ম্ম-মে॒তস্মি॒ন্ বা এ॒তৌ মৃ॑জাতে॒ [এ॒তৌ মৃ॑জাতে, যো বি॑দ্বিষা॒ণযো॒-রন্ন॒-মত্তি॑] ॥ 30 ॥
যো বি॑দ্বিষা॒ণযো॒-রন্ন॒-মত্তি॑ বৈশ্বান॒র-ন্দ্বাদ॑শকপাল॒-ন্নির্ব॑পে-দ্বিদ্বিষা॒ণযো॒রন্ন॑-ঞ্জ॒গ্ধ্বা সং॑বঁথ্স॒রো বা অ॒গ্নি-র্বৈ᳚শ্বান॒র-স্সং॑বঁথ্স॒র স্ব॑দিত-মে॒বা-ঽত্তি॒ নাস্মি॑-ন্মৃজাতে সংবঁথ্স॒রায॒ বা এ॒তৌ সম॑মাতে॒ যৌ স॑ম॒মাতে॒ তযো॒র্যঃ পূর্বো॑-ঽভি॒দ্রুহ্য॑তি॒ তং-বঁরু॑ণো গৃহ্ণাতি বৈশ্বান॒র-ন্দ্বাদ॑শকপাল॒-ন্নির্ব॑পে-থ্সমমা॒নযোঃ॒ পূর্বো॑-ঽভি॒দ্রুহ্য॑ সংবঁথ্স॒রো বা অ॒গ্নি-র্বৈ᳚শ্বান॒র-স্সং॑বঁথ্স॒র-মে॒বা-ঽঽপ্ত্বা নি॑র্বরু॒ণং- [নি॑র্বরু॒ণম্, প॒রস্তা॑-দ॒ভি] ॥ 31 ॥
-প॒রস্তা॑-দ॒ভি দ্রু॑হ্যতি॒ নৈনং॒-বঁরু॑ণো গৃহ্ণাত্যা॒ব্যং॑-বাঁ এ॒ষ প্রতি॑ গৃহ্ণাতি॒ যো-ঽবি॑-ম্প্রতিগৃ॒হ্ণাতি॑ বৈশ্বান॒র-ন্দ্বাদ॑শকপাল॒-ন্নির্ব॑পে॒দবি॑-ম্প্রতি॒গৃহ্য॑ সংবঁথ্স॒রো বা অ॒গ্নি-র্বৈ᳚শ্বান॒র-স্সং॑বঁথ্স॒র-স্ব॑দিতামে॒ব প্রতি॑গৃহ্ণাতি॒ না-ঽঽব্য॑-ম্প্রতি॑গৃহ্ণাত্যা॒ত্মনো॒ বা এ॒ষ মাত্রা॑মাপ্নোতি॒ য উ॑ভ॒যাদ॑-ত্প্রতিগৃ॒হ্ণাত্যশ্বং॑-বাঁ॒ পুরু॑ষং-বাঁ বৈশ্বান॒র-ন্দ্বাদ॑শকপাল॒-ন্নির্ব॑পে-দুভ॒যাদ॑- [নির্ব॑পে-দুভ॒যাদ॑ত্, প্র॒তি॒গৃহ্য॑] ॥ 32 ॥
-ত্প্রতি॒গৃহ্য॑ সংবঁথ্স॒রো বা অ॒গ্নির্বৈ᳚শ্বান॒র-স্সং॑বঁথ্স॒র-স্ব॑দিতমে॒ব প্রতি॑ গৃহ্ণাতি॒ নাত্মনো॒ মাত্রা॑মাপ্নোতি বৈশ্বান॒র-ন্দ্বাদ॑শকপাল॒-ন্নির্ব॑পে-থ্স॒নি-মে॒ষ্যন্-থ্সং॑বঁথ্স॒রো বা অ॒গ্নি-র্বৈ᳚শ্বান॒রো য॒দা খলু॒ বৈ সং॑বঁথ্স॒র-ঞ্জ॒নতা॑যা॒-ঞ্চর॒ত্যথ॒ স ধ॑না॒র্ঘো ভ॑বতি॒য-দ্বৈ᳚শ্বান॒র-ন্দ্বাদ॑শকপাল-ন্নি॒র্বপ॑তি সংবঁথ্স॒র-সা॑তামে॒ব স॒নিম॒ভি প্রচ্য॑বতে॒ দান॑কামা অস্মৈ প্র॒জা ভ॑বন্তি॒ যো বৈ সং॑বঁথ্স॒রং- [বৈ সং॑বঁথ্স॒রম্, প্র॒যুজ্য॒ ন] ॥ 33 ॥
-প্র॒যুজ্য॒ ন বি॑মু॒ঞ্চত্য॑প্রতিষ্ঠা॒নো বৈ স ভ॑বত্যে॒ত-মে॒ব বৈ᳚শ্বান॒র-ম্পুন॑রা॒গত্য॒ নির্ব॑পে॒দ্য-মে॒ব প্র॑যু॒ঙ্ক্তে ত-ম্ভা॑গ॒ধেযে॑ন॒ বি মু॑ঞ্চতি॒ প্রতি॑ষ্ঠিত্যৈ॒ যযা॒ রজ্বো᳚ত্ত॒মা-ঙ্গামা॒জে-ত্তা-ম্ভ্রাতৃ॑ব্যায॒ প্র হি॑ণুযা॒-ন্নির্-ঋ॑তি-মে॒বাস্মৈ॒ প্র হি॑ণোতি ॥ 34 ॥
(মৃ॒জা॒তে॒ – নি॒র্ব॒রু॒ণং – বঁ॑পেদুভ॒যাদ॒–দ্যো বৈ সং॑বঁথ্স॒রগ্ম্ – ষট্ত্রিগ্ম্॑শচ্চ) (অ. 6)
ঐ॒ন্দ্র-ঞ্চ॒রু-ন্নির্ব॑পে-ত্প॒শুকা॑ম ঐ॒ন্দ্রা বৈ প॒শব॒ ইন্দ্র॑মে॒ব স্বেন॑ ভাগ॒ধেযে॒নোপ॑ ধাবতি॒ স এ॒বাস্মৈ॑ প॒শূ-ন্প্রয॑চ্ছতি পশু॒মা-নে॒ব ভ॑বতি চ॒রুর্ভ॑বতি॒ স্বাদে॒বাস্মৈ॒ যোনেঃ᳚ প॒শূ-ন্প্রজ॑নয॒তীন্দ্রা॑যেন্দ্রি॒যাব॑তে পুরো॒ডাশ॒-মেকা॑দশকপাল॒-ন্নির্ব॑পে-ত্প॒শুকা॑ম ইন্দ্রি॒যং-বৈঁ প॒শব॒ ইন্দ্র॑-মে॒বেন্দ্রি॒যাব॑ন্ত॒গ্গ্॒ স্বেন ॑ভাগ॒ধেযে॒নোপ॑ ধাবতি॒ স [ধাবতি॒ সঃ, এ॒বা-ঽস্মা॑] ॥ 35 ॥
এ॒বা-ঽস্মা॑ ইন্দ্রি॒য-ম্প॒শূ-ন্প্রয॑চ্ছতি পশু॒মানে॒ব ভ॑ব॒তীন্দ্রা॑য-ঘ॒র্মব॑তে পুরো॒ডাশ॒-মেকা॑দশকপাল॒-ন্নির্ব॑পে-দ্ব্রহ্মবর্চ॒সকা॑মো ব্রহ্মবর্চ॒সং-বৈঁ ঘ॒র্ম ইন্দ্র॑মে॒ব ঘ॒র্মব॑ন্ত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বাস্মি॑-ন্ব্রহ্মবর্চ॒স-ন্দ॑ধাতি ব্রহ্মবর্চ॒স্যে॑ব ভ॑ব॒তীন্দ্রা॑যা॒-ঽর্কব॑তে পুরো॒ডাশ॒-মেকা॑দশকপাল॒-ন্নির্ব॑পে॒-দন্ন॑কামো॒-ঽর্কো বৈ দে॒বানা॒-মন্ন॒-মিন্দ্র॑-মে॒বা-ঽর্কব॑ন্ত॒গ্গ্॒ স্বেন॑ ভাগ॒ধেযে॒নো- [স্বেন॑ ভাগ॒ধেযে॑ন, উপ॑ ধাবতি॒ স] ॥ 36॥
-প॑ ধাবতি॒ স এ॒বাস্মা॒ অন্ন॒-ম্প্রয॑চ্ছত্যন্না॒দ এ॒ব ভ॑ব॒তীন্দ্রা॑য ঘ॒র্মব॑তে পুরো॒ডাশ॒-মেকা॑দশকপাল॒-ন্নির্ব॑পে॒-দিন্দ্রা॑যে-ন্দ্রি॒যাব॑ত॒ ইন্দ্রা॑যা॒-ঽর্কব॑তে॒ ভূতি॑কামো॒ যদিন্দ্রা॑য ঘ॒র্মব॑তে নি॒র্বপ॑তি॒ শির॑ এ॒বাস্য॒ তেন॑ করোতি॒ যদিন্দ্রা॑যেন্দ্রি॒যাব॑ত আ॒ত্মান॑-মে॒বাস্য॒ তেন॑ করোতি॒-য-দিন্দ্রা॑যা॒-ঽর্কব॑তে ভূ॒ত এ॒বান্নাদ্যে॒ প্রতি॑-তিষ্ঠতি॒ ভব॑ত্যে॒বেন্দ্রা॑যা- [ভব॑ত্যে॒বেন্দ্রা॑যা, অ॒গ্ম্॒ হো॒মুচে॑] ॥ 37 ॥
-ঽগ্ম্ হো॒মুচে॑ পুরো॒ডাশ॒-মেকা॑দশকপাল॒-ন্নির্ব॑পে॒দ্যঃ পা॒প্মনা॑ গৃহী॒ত-স্স্যা-ত্পা॒প্মা বা অগ্ম্হ॒ ইন্দ্র॑মে॒বা-ঽগ্ম্ হো॒মুচ॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বৈন॑-ম্পা॒প্মনো-ঽগ্ম্হ॑সো মুঞ্চ॒তীন্দ্রা॑য বৈমৃ॒ধায॑ পুরো॒ডাশ॒-মেকা॑দশকপাল॒-ন্নির্ব॑পে॒দ্য-ম্মৃধো॒-ঽভি প্র॒বেপে॑রন্-রা॒ষ্ট্রাণি॑ বা॒-ঽভি স॑মি॒যু-রিন্দ্র॑-মে॒ব বৈ॑মৃ॒ধগ্গ্ স্বেন॑ ভাগ॒ধেযে॒নোপ॑ ধাবতি॒ স এ॒বা-ঽস্মা॒ন্মৃধো- [এ॒বা-ঽস্মা॒ন্মৃধঃ॑, অপ॑ হ॒ন্তীন্দ্রা॑য] ॥ 38 ॥
-ঽপ॑ হ॒ন্তীন্দ্রা॑য ত্রা॒ত্রে পু॑রো॒ডাশ॒-মেকা॑দশকপাল॒-ন্নির্ব॑পে-দ্ব॒দ্ধো বা॒ পরি॑যত্তো॒ বেন্দ্র॑মে॒ব ত্রা॒তার॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বৈন॑-ন্ত্রাযত॒ ইন্দ্রা॑যা-ঽর্কাশ্বমে॒ধব॑তে পুরো॒ডাশ॒-মেকা॑দশকপাল॒-ন্নির্ব॑পে॒দ্য-ম্ম॑হায॒জ্ঞো নোপ॒নমে॑দে॒তে বৈ ম॑হায॒জ্ঞস্যা-ঽন্ত্যে॑ ত॒নূ য-দ॑র্কাশ্বমে॒ধা-বিন্দ্র॑-মে॒বা-ঽর্কা᳚শ্বমে॒ধ- ব॑ন্ত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বাস্মা॑ অন্ত॒তো ম॑হায॒জ্ঞ-ঞ্চ্যা॑বয॒ত্যুপৈ॑ন-ম্মহায॒জ্ঞো ন॑মতি ॥ 39 ॥
(ই॒ন্দ্রি॒যাব॑ন্ত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ সো᳚ – ঽর্কব॑ন্ত॒গ্গ্॒ স্বেন॑ ভাগ॒ধেযে॑নৈ॒ – বেন্দ্রা॑যা – স্মা॒-ন্মৃধো᳚ – ঽস্মৈ – স॒প্ত চ॑ ) (অ. 7)
ইন্দ্রা॒যা-ঽন্বৃ॑জবে পুরো॒ডাশ॒-মেকা॑দশকপাল॒-ন্নির্ব॑পে॒-দ্গ্রাম॑কাম॒ ইন্দ্র॑-মে॒বা-ঽন্বৃ॑জু॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বাস্মৈ॑ সজা॒তা-ননু॑কান্ করোতি গ্রা॒ম্যে॑ব ভ॑বতীন্দ্রা॒ণ্যৈ চ॒রু-ন্নির্ব॑পে॒দ্যস্য॒ সেনা-ঽসগ্ম্॑শিতেব॒ স্যা-দি॑ন্দ্রা॒ণী বৈ সেনা॑যৈ দে॒বতে᳚ন্দ্রা॒ণী-মে॒ব স্বেন॑ ভাগ॒ধেযে॒নোপ॑ ধাবতি॒ সৈবাস্য॒ সেনা॒গ্ম্॒ সগ্গ্ শ্য॑তি॒ বল্ব॑জা॒নপী॒- [বল্ব॑জা॒নপি॑, ই॒দ্ধ্মে স-ন্ন॑হ্যে॒দ্গৌ-] ॥ 40 ॥
-দ্ধ্মে স-ন্ন॑হ্যে॒দ্গৌ-র্যত্রা-ঽধি॑ষ্কন্না॒-ন্যমে॑হ॒-ত্ততো॒ বল্ব॑জা॒ উদ॑তিষ্ঠ॒-ন্গবা॑-মে॒বৈন॑-ন্ন্যা॒য-ম॑পি॒নীয॒ গা বে॑দয॒তীন্দ্রা॑য মন্যু॒মতে॒ মন॑স্বতে পুরো॒ডাশ॒-মেকা॑দশকপাল॒-ন্নির্ব॑পে-থ্সঙ্গ্রা॒মে সংযঁ॑ত্ত ইন্দ্রি॒যেণ॒ বৈ ম॒ন্যুনা॒ মন॑সা সঙ্গ্রা॒ম-ঞ্জ॑য॒তীন্দ্র॑-মে॒ব ম॑ন্যু॒মন্ত॒-ম্মন॑স্বন্ত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বাস্মি॑ন্নিন্দ্রি॒য-ম্ম॒ন্যু-ম্মনো॑ দধাতি॒ জয॑তি॒ তগ্ম্ [জয॑তি॒ তম্, স॒গ্রা॒ম-মে॒তা-মে॒ব] ॥ 41 ॥
স॑গ্রা॒ম-মে॒তা-মে॒ব নির্ব॑পে॒দ্যো হ॒তম॑না-স্স্ব॒য-ম্পা॑প ইব॒ স্যাদে॒তানি॒ হি বা এ॒তস্মা॒ দপ॑ক্রান্তা॒ন্যথৈ॒ষ হ॒তম॑না-স্স্ব॒য-ম্পা॑প॒ ইন্দ্র॑মে॒ব ম॑ন্যু॒মন্ত॒-ম্মন॑স্বন্ত॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বাস্মি॑-ন্নিন্দ্রি॒য-ম্ম॒ন্যু-ম্মনো॑ দধাতি॒ ন হ॒তম॑না-স্স্ব॒য-ম্পা॑পো ভব॒তীন্দ্রা॑য দা॒ত্রে পু॑রো॒ডাশ॒-মেকা॑দশকপাল॒-ন্নির্ব॑পে॒দ্যঃ কা॒মযে॑ত॒ দান॑কামা মে প্র॒জা-স্স্যু॒- [দান॑কামা মে প্র॒জা-স্স্যুঃ॑, ইতীন্দ্র॑-মে॒ব] ॥ 42 ॥
-রিতীন্দ্র॑-মে॒ব দা॒তার॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বাস্মৈ॒ দান॑কামাঃ প্র॒জাঃ ক॑রোতি॒ দান॑কামা অস্মৈ প্র॒জা ভ॑ব॒ন্তীন্দ্রা॑য প্রদা॒ত্রে পু॑রো॒ডাশ॒-মেকা॑দশকপাল॒-ন্নির্ব॑পে॒-দ্যস্মৈ॒ প্রত্ত॑মিব॒ সন্ন প্র॑দী॒যেতেন্দ্র॑-মে॒ব প্র॑দা॒তার॒গ্গ্॒ স্বেন॑ ভাগ॒ধেযে॒নোপ॑-ধাবতি॒ স এ॒বাস্মৈ॒ প্র-দা॑পয॒তীন্দ্রা॑য সু॒ত্রাম্ণে॑ পুরো॒ডাশ॒-মেকা॑দশকপাল॒-ন্নির্ব॑পে॒-দপ॑রুদ্ধো বা- [-দপ॑রুদ্ধো বা, অ॒প॒রু॒দ্ধযমা॑নো॒] ॥ 43 ॥
-ঽপরু॒দ্ধযমা॑নো॒ বেন্দ্র॑মে॒ব সু॒ত্রামা॑ণ॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বৈন॑-ন্ত্রাযতে ঽনপরু॒দ্ধ্যো ভ॑ব॒তীন্দ্রো॒ বৈ স॒দৃ-ন্দে॒বতা॑ভিরাসী॒-থ্স ন ব্যা॒বৃত॑মগচ্ছ॒-থ্স প্র॒জাপ॑তি॒-মুপা॑ধাব॒-ত্তস্মা॑ এ॒ত-মৈ॒ন্দ্র-মেকা॑দশকপাল॒-ন্নির॑বপ॒-ত্তেনৈ॒-বা-ঽস্মি॑-ন্নিন্দ্রি॒য-ম॑দধা॒-চ্ছক্ব॑রী যাজ্যানুবা॒ক্যে॑ অকরো॒-দ্বজ্রো॒ বৈ শক্ব॑রী॒ স এ॑নং॒-বঁজ্রো॒ ভূত্যা॑ ঐন্ধ॒- [ভূত্যা॑ ঐন্ধ, সো॑-ঽভব॒-থ্সো॑-ঽবিভে-] ॥ 44 ॥
-সো॑-ঽভব॒থ্সো॑-ঽবিভে-দ্ভূ॒তঃ প্র মা॑ ধক্ষ্য॒তীতি॒ স প্র॒জাপ॑তি॒-ম্পুন॒রুপা॑-ঽধাব॒-থ্স প্র॒জাপ॑তি॒-শ্শক্ব॑র্যা॒ অধি॑ রে॒বতী॒-ন্নির॑মিমীত॒ শান্ত্যা॒ অপ্র॑দাহায॒ যো-ঽলগ্গ্॑ শ্রি॒যৈ সন্-থ্স॒দৃঙ্খ্স॑মা॒নৈ-স্স্যা-ত্তস্মা॑ এ॒ত-মৈ॒ন্দ্র-মেকা॑দশকপাল॒-ন্নির্ব॑পে॒-দিন্দ্র॑মে॒ব স্বেন॑ ভাগ॒ধেযে॒নোপ॑ ধাবতি॒ স এ॒বা-ঽস্মি॑-ন্নিন্দ্রি॒য-ন্দ॑ধাতি রে॒বতী॑ পুরোনুবা॒ক্যা॑ ভবতি॒ শান্ত্যা॒ অপ্র॑দাহায॒ শক্ব॑রী যা॒জ্যা॑ বজ্রো॒ বৈ শক্ব॑রী॒স এ॑নং॒-বঁজ্রো॒ ভূত্যা॑ ইন্ধে॒ ভব॑ত্যে॒ব ॥ 45 ॥
(অপি॒ – তগ্গ্ – স্যু॑ – র্বৈ – ন্ধ – ভবতি॒ – চতু॑র্দশ চ ) (অ. 8)
আ॒গ্না॒-বৈ॒ষ্ণ॒ব-মেকা॑দশকপাল॒-ন্নির্ব॑পে-দভি॒চর॒ন্-থ্সর॑স্ব॒ত্যাজ্য॑ ভাগা॒ স্যা-দ্বা॑র্হস্প॒ত্ যশ্চ॒রুর্যদা᳚গ্না-বৈষ্ণ॒ব একা॑দশকপালো॒ ভব॑ত্য॒গ্নি-স্সর্বা॑ দে॒বতা॒ বিষ্ণু॑র্য॒জ্ঞো দে॒বতা॑ভি-শ্চৈ॒বৈনং॑-যঁ॒জ্ঞেন॑ চা॒ভি চ॑রতি॒-সর॑স্ব॒ত্যাজ্য॑ভাগা ভবতি॒ বাগ্বৈ সর॑স্বতী বা॒চৈবৈন॑-ম॒ভি চ॑রতি বার্হস্প॒ত্য-শ্চ॒রু র্ভ॑বতি॒ ব্রহ্ম॒ বৈ দে॒বানা॒-ম্বৃহ॒স্পতি॒ র্ব্রহ্ম॑ণৈ॒বৈন॑-ম॒ভি চ॑রতি॒ [-ম॒ভি চ॑রতি, প্রতি॒ বৈ] ॥ 46 ॥
প্রতি॒ বৈ প॒রস্তা॑-দভি॒চর॑ন্ত-ম॒ভি চ॑রন্তি॒ দ্বেদ্বে॑ পুরো-ঽনুবা॒ক্যে॑ কুর্যা॒দতি॒ প্রযু॑ক্ত্যা এ॒তযৈ॒ব য॑জেতাভি চ॒র্যমা॑ণো দে॒বতা॑ভি-রে॒ব দে॒বতাঃ᳚ প্রতি॒চর॑তি য॒জ্ঞেন॑ য॒জ্ঞং-বাঁ॒চা বাচ॒-ম্ব্রহ্ম॑ণা॒ ব্রহ্ম॒ স দে॒বতা᳚শ্চৈ॒ব য॒জ্ঞ-ঞ্চ॑ মদ্ধ্য॒তো ব্যব॑সর্পতি॒ তস্য॒ ন কুত॑-শ্চ॒নোপা᳚ব্যা॒ধো ভ॑বতি॒ নৈন॑-মভি॒চরন্᳚-থ্স্তৃণুত আগ্নাবৈষ্ণ॒ব-মেকা॑দশকপাল॒-ন্নির্ব॑পে॒দ্যং-যঁ॒জ্ঞো নো- [-য॒জ্ঞো ন, উ॒প॒নমে॑দ॒গ্নি-স্সর্বা॑] ॥ 47 ॥
-প॒নমে॑দ॒গ্নি-স্সর্বা॑ দে॒বতা॒ বিষ্ণু॑-র্য॒জ্ঞো᳚-ঽগ্নি-ঞ্চৈ॒ব বিষ্ণু॑-ঞ্চ॒ স্বেন॑ ভাগ॒ধেযে॒নোপ॑ ধাবতি॒ তাবে॒বাস্মৈ॑ য॒জ্ঞ-ম্প্রয॑চ্ছত॒ উপৈ॑নং-যঁ॒জ্ঞো ন॑মত্যাগ্না- বৈষ্ণ॒ব-ঙ্ঘৃ॒তে চ॒রু-ন্নির্ব॑পে॒চ্চক্ষু॑ষ্কামো॒-ঽগ্নের্বৈ চক্ষু॑ষা মনু॒ষ্যা॑ বি প॑শ্যন্তি য॒জ্ঞস্য॑ দে॒বা অ॒গ্নি-ঞ্চৈ॒ব বিষ্ণু॑-ঞ্চ॒ স্বেন॑ ভাগ॒ধেযে॒নোপ॑ ধাবতি॒ তাবে॒বা- [তাবে॒ব, অ॒স্মি॒ন্ চক্ষু॑র্ধত্ত॒-] ॥ 48 ॥
-ঽস্মি॒ন্ চক্ষু॑-র্ধত্ত॒-শ্চক্ষু॑ষ্মা-নে॒ব ভ॑বতি ধে॒ন্বৈ বা এ॒ত-দ্রেতো॒ যদাজ্য॑-মন॒ডুহ॑-স্তণ্ডু॒লা মি॑থু॒না-দে॒বাস্মৈ॒ চক্ষুঃ॒ প্রজ॑নযতি ঘৃ॒তে ভ॑বতি॒ তেজো॒ বৈ ঘৃ॒ত-ন্তেজ॒শ্চক্ষু॒-স্তেজ॑সৈ॒বাস্মৈ॒ তেজ॒-শ্চক্ষু॒রব॑ রুন্ধ ইন্দ্রি॒যং-বৈঁ বী॒র্যং॑-বৃঁঙ্ক্তে॒ ভ্রাতৃ॑ব্যো॒ যজ॑মা॒নো-ঽয॑জমানস্যা-ধ্ব॒রক॑ল্পা॒-ম্প্রতি॒ নির্ব॑পে॒-দ্ভ্রাতৃ॑ব্যে॒ যজ॑মানে॒ না-ঽস্যে᳚ন্দ্রি॒যং- [না-ঽস্যে᳚ন্দ্রি॒যম্, বী॒র্যং॑ বৃঁঙ্ক্তে] ॥ 49 ॥
-বীঁ॒র্যং॑ বৃঁঙ্ক্তে পু॒রাবা॒চঃ প্রব॑দিতো॒-র্নির্ব॑পে॒-দ্যাব॑ত্যে॒ব বা-ক্তামপ্রো॑দিতা॒-ম্ভ্রাতৃ॑ব্যস্য বৃঙ্ক্তে॒ তাম॑স্য॒ বাচ॑-ম্প্র॒বদ॑ন্তী-ম॒ন্যা বাচো-ঽনু॒ প্রব॑দন্তি॒ তা ই॑ন্দ্রি॒যং-বীঁ॒র্যং॑-যঁজ॑মানে দধত্যাগ্না বৈষ্ণ॒ব-ম॒ষ্টাক॑পাল॒-ন্নির্ব॑পে-ত্প্রাত-স্সবন॒স্যা॑-ঽঽ কা॒লে সর॑স্ব॒ত্যাজ্য॑ভাগা॒ স্যা-দ্বা॑র্হস্প॒ত্যশ্চ॒রু- র্যদ॒ষ্টাক॑পালো॒ ভব॑ত্য॒ষ্টাক্ষ॑রা গায॒ত্রী গা॑য॒ত্র-ম্প্রা॑ত-স্সব॒ন-ম্প্রা॑ত-স্সব॒নমে॒ব তেনা᳚-ঽঽপ্নো- [তেনা᳚-ঽঽপ্নোতি, আ॒গ্না॒বৈ॒ষ্ণ॒ব-] ॥ 50 ॥
-ত্যাগ্নাবৈষ্ণ॒ব-মেকা॑দশকপাল॒-ন্নির্ব॑পে॒-ন্মাদ্ধ্য॑ন্দিনস্য॒ সব॑নস্যা-ঽঽ কা॒লে সর॑স্ব॒ত্যাজ্য॑ভাগা॒ স্যা-দ্বা॑র্হস্প॒ত্য-শ্চ॒রু র্যদেকা॑দশকপালো॒ ভব॒ত্যেকা॑দশাক্ষরা ত্রি॒ষ্টু-প্ত্রৈষ্টু॑ভ॒-ম্মাদ্ধ্য॑ন্দিন॒গ্ম্॒ সব॑ন॒-ম্মাদ্ধ্য॑দিন্নমে॒ব সব॑ন॒-ন্তেনা᳚-ঽঽপ্নোত্যাগ্নাবৈষ্ণ॒ব-ন্দ্বাদ॑শকপাল॒-ন্নির্ব॑পে-ত্তৃতীযসব॒নস্যা॑-ঽঽকা॒লে সর॑স্ব॒ত্যাজ্য॑ভাগা॒ স্যা-দ্বা॑র্হস্প॒ত্য-শ্চ॒রুর্য-দ্দ্বাদ॑শকপালো॒ ভব॑তি॒ দ্বাদ॑শাক্ষরা॒ জগ॑তী॒ জাগ॑ত-ন্তৃতীযসব॒ন-ন্তৃ॑তীয সব॒নমে॒ব তেনা᳚-ঽঽপ্নোতি দে॒বতা॑ভিরে॒ব দে॒বতাঃ᳚ [দে॒বতাঃ᳚, প্র॒তি॒চর॑তি] ॥ 51 ॥
প্রতি॒চর॑তি য॒জ্ঞেন॑ য॒জ্ঞং-বাঁ॒চা বাচ॒-ম্ব্রহ্ম॑ণা॒ ব্রহ্ম॑ ক॒পালৈ॑রে॒ব ছন্দাগ্॑স্যা॒প্নোতি॑ পুরো॒ডাশৈ॒-স্সব॑নানি মৈত্রাবরু॒ণ-মেক॑কপাল॒-ন্নির্ব॑পে-দ্ব॒শাযৈ॑ কা॒লে যৈবাসৌ ভ্রাতৃ॑ব্যস্য ব॒শা-ঽনূ॑ব॒ন্ধ্যা॑ সো এ॒বৈষৈতস্যৈক॑কপালো ভবতি॒ ন হি ক॒পালৈঃ᳚ প॒শু-মর্হ॒ত্যাপ্তু᳚ম্ ॥ 52 ॥
(ব্রহ্ম॑ণৈ॒বৈন॑ম॒ভি চ॑রতি – য॒জ্ঞো ন – তাবে॒বা – ঽস্যে᳚ন্দ্রি॒য – মা᳚প্নোতি -দে॒বতাঃ᳚ – স॒প্তত্রিগ্ম্॑শচ্চ ) (অ. 9)
অ॒সাবা॑দি॒ত্যো ন ব্য॑রোচত॒ তস্মৈ॑ দে॒বাঃ প্রায॑শ্চিত্তি-মৈচ্ছ॒-ন্তস্মা॑ এ॒তগ্ম্ সো॑মারৌ॒দ্র-ঞ্চ॒রু-ন্নির॑বপ॒-ন্তেনৈ॒বাস্মি॒-ন্রুচ॑মদধু॒র্যো ব্র॑হ্মবর্চ॒সকা॑ম॒-স্স্যা-ত্তস্মা॑ এ॒তগ্ম্ সো॑মারৌ॒দ্র-ঞ্চ॒রু-ন্নির্ব॑পে॒-থ্সোম॑-ঞ্চৈ॒ব রু॒দ্র-ঞ্চ॒ স্বেন॑ ভাগ॒ধেযে॒নোপ॑ ধাবতি॒ তাবে॒বাস্মি॑-ন্ব্রহ্মবর্চ॒স-ন্ধ॑ত্তো ব্রহ্মবর্চ॒স্যে॑ব ভ॑বতি তিষ্যাপূর্ণমা॒সে নির্ব॑পেদ্রু॒দ্রো [নির্ব॑পেদ্রু॒দ্রঃ, বৈ তি॒ষ্য॑-স্সোমঃ॑] ॥ 53 ॥
বৈ তি॒ষ্য॑-স্সোমঃ॑ পূ॒র্ণমা॑স-স্সা॒ক্ষাদে॒ব ব্র॑হ্মবর্চ॒সমব॑ রুন্ধে॒ পরি॑শ্রিতে যাজযতি ব্রহ্মবর্চ॒সস্য॒ পরি॑গৃহীত্যৈ শ্বে॒তাযৈ᳚ শ্বে॒তব॑থ্সাযৈ দু॒গ্ধ-ম্ম॑থি॒তমাজ্য॑-ম্ভব॒ত্যাজ্য॒-ম্প্রোক্ষ॑ণ॒মাজ্যে॑ন মার্জযন্তে॒ যাব॑দে॒ব ব্র॑হ্মবর্চ॒স-ন্ত-থ্সর্ব॑-ঙ্করো॒ত্যতি॑ ব্রহ্মবর্চ॒স-ঙ্ক্রি॑যত॒ ইত্যা॑হুরীশ্ব॒রো দু॒শ্চর্মা॒ ভবি॑তো॒রিতি॑ মান॒বী ঋচৌ॑ ধা॒য্যে॑ কুর্যা॒-দ্যদ্বৈ কিঞ্চ॒ মনু॒-রব॑দ॒ত্ত-দ্ভে॑ষ॒জং- [-দ্ভে॑ষ॒জম্, ভে॒ষ॒জ-মে॒বা-ঽস্মৈ॑] ॥ 54 ॥
-ভে॑ষ॒জ-মে॒বা-ঽস্মৈ॑ করোতি॒ যদি॑ বিভী॒যা-দ্দু॒শ্চর্মা॑ ভবিষ্যা॒মীতি॑ সোমাপৌ॒ষ্ণ-ঞ্চ॒রু-ন্নির্ব॑পে-থ্সৌ॒ম্যো বৈ দে॒বত॑যা॒ পুরু॑ষঃ পৌ॒ষ্ণাঃ প॒শব॒-স্স্বযৈ॒ বাস্মৈ॑ দে॒বত॑যা প॒শুভি॒-স্ত্বচ॑-ঙ্করোতি॒ ন দু॒শ্চর্মা॑ ভবতি সোমারৌ॒দ্র-ঞ্চ॒রু-ন্নির্ব॑পে-ত্প্র॒জাকা॑ম॒-স্সোমো॒ বৈ রে॑তো॒ধা অ॒গ্নিঃ প্র॒জানা᳚-ম্প্রজনযি॒তা সোম॑ এ॒বাস্মৈ॒ রেতো॒ দধা᳚ত্য॒গ্নিঃ প্র॒জা-ম্প্রজ॑নযতি বি॒ন্দতে᳚ – [ ] ॥ 55 ॥
প্র॒জাগ্ম্ সো॑মারৌ॒দ্র-ঞ্চ॒রু-ন্নির্ব॑পে-দভি॒চরন্᳚-থ্সৌ॒ম্যো বৈ দে॒বত॑যা॒ পুরু॑ষ এ॒ষ রু॒দ্রো যদ॒গ্নি-স্স্বাযা॑ এ॒বৈন॑-ন্দে॒বতা॑যৈ নি॒ষ্ক্রীয॑ রু॒দ্রাযাপি॑ দধাতি তা॒জগার্তি॒-মার্চ্ছ॑তি সোমারৌ॒দ্র-ঞ্চ॒রু-ন্নির্ব॑পে॒-জ্জ্যোগা॑মযাবী॒ সোমং॒-বাঁ এ॒তস্য॒ রসো॑ গচ্ছত্য॒গ্নিগ্ম্ শরী॑রং॒-যঁস্য॒ জ্যোগা॒ময॑তি॒ সোমা॑দে॒বাস্য॒ রস॑-ন্নিষ্ক্রী॒ণাত্য॒গ্নে-শ্শরী॑রমু॒ত যদী॒- [যদি॑, ই॒তাসু॒ র্ভব॑তি॒] ॥ 56 ॥
-তাসু॒ র্ভব॑তি॒ জীব॑ত্যে॒ব সো॑মারু॒দ্রযো॒র্বা এ॒ত-ঙ্গ্র॑সি॒তগ্ম্ হোতা॒ নিষ্খি॑দতি॒ স ঈ᳚শ্ব॒র আর্তি॒মার্তো॑-রন॒ড্বান্. হোত্রা॒ দেযো॒ বহ্নি॒র্বা অ॑ন॒ড্বান্. বহ্নি॒র্॒হোতা॒ বহ্নি॑নৈ॒ব বহ্নি॑-মা॒ত্মানগ্গ্॑ স্পৃণোতি সোমারৌ॒দ্র-ঞ্চ॒রু-ন্নির্ব॑পে॒দ্যঃ কা॒মযে॑ত॒ স্বে᳚-ঽস্মা আ॒যত॑নে॒ ভ্রাতৃ॑ব্য-ঞ্জনযেয॒মিতি॒ বেদি॑-ম্পরি॒গৃহ্যা॒-ঽর্ধ-মু॑দ্ধ॒ন্যা-দ॒র্ধ-ন্নার্ধ-ম্ব॒র্॒হিষ॑-স্স্তৃণী॒যা-দ॒র্ধ-ন্নার্ধ-মি॒দ্ধ্মস্যা᳚-ঽভ্যা-দ॒দ্ধ্যা-দদ্॒র্ধ-ন্ন স্ব এ॒বাস্মা॑ আ॒যত॑নে॒ ভ্রাতৃ॑ব্য-ঞ্জনযতি ॥ 57 ॥
(রু॒দ্রো – ভে॑ষ॒জং – বি॒ন্দতে॒- যদি॑ – স্তৃণী॒যাদ॒র্ধং – দ্বাদ॑শ চ) (অ. 10)
ঐ॒ন্দ্র-মেকা॑দশকপাল॒-ন্নির্ব॑পেন্মারু॒তগ্ম্ স॒প্তক॑পাল॒-ঙ্গ্রাম॑কাম॒ ইন্দ্র॑-ঞ্চৈ॒ব ম॒রুত॑শ্চ॒ স্বেন॑ ভাগ॒ধেযে॒নোপ॑ ধাবতি॒ ত এ॒বাস্মৈ॑ সজা॒তা-ন্প্রয॑চ্ছন্তি গ্রা॒ম্যে॑ব ভ॑বত্যাহব॒নীয॑ ঐ॒ন্দ্রমধি॑ শ্রযতি॒ গার্হ॑পত্যে মারু॒ত-ম্পা॑পবস্য॒সস্য॒ বিধৃ॑ত্যৈ স॒প্তক॑পালো মারু॒তো ভ॑বতি স॒প্তগ॑ণা॒ বৈ ম॒রুতো॑গণ॒শ এ॒বাস্মৈ॑ সজা॒তানব॑ রুন্ধে-ঽনূ॒চ্যমা॑ন॒ আ সা॑দযতি॒ বিশ॑মে॒বা- [বিশ॑মে॒ব, অ॒স্মা॒ অনু॑বর্ত্মানং-] ॥ 58 ॥
-ঽস্মা॒ অনু॑বর্ত্মান-ঙ্করোত্যে॒তামে॒ব নির্ব॑পে॒দ্যঃ কা॒মযে॑ত ক্ষ॒ত্রায॑ চ বি॒শে চ॑ স॒মদ॑-ন্দদ্ধ্যা॒-মিত্যৈ॒ন্দ্রস্যা॑-ঽব॒দ্য-ন্ব্রূ॑যা॒-দিন্দ্রা॒যা-ঽনু॑ ব্রূ॒হীত্যা॒শ্রাব্য॑ ব্রূযা-ন্ম॒রুতো॑ য॒জেতি॑ মারু॒তস্যা॑-ঽব॒দ্য-ন্ব্রূ॑যা-ন্ম॒রুদ্ভ্যো-ঽনু॑ ব্রূ॒হীত্যা॒শ্রাব্য॑ ব্রূযা॒দিন্দ্রং॑-যঁ॒জেতি॒ স্ব এ॒বৈভ্যো॑ ভাগ॒ধেযে॑ স॒মদ॑-ন্দধাতি বিতৃগ্ম্হা॒ণা-স্তি॑ষ্ঠন্ত্যে॒ তামে॒ব [ ] ॥ 59 ॥
নির্ব॑পে॒দ্যঃ কা॒মযে॑ত॒ কল্পে॑র॒ন্নিতি॑ যথাদেব॒ত-ম॑ব॒দায॑ যথা দেব॒তং-যঁ॑জে-দ্ভাগ॒ধেযে॑নৈ॒বৈনান্॑ যথায॒থ-ঙ্ক॑ল্পযতি॒ কল্প॑ন্ত এ॒বৈন্দ্র-মেকা॑দশকপাল॒-ন্নির্ব॑পে-দ্বৈশ্বদে॒ব-ন্দ্বাদ॑শকপাল॒-ঙ্গ্রাম॑কাম॒ ইন্দ্র॑-ঞ্চৈ॒ব বিশ্বাগ্॑শ্চ দে॒বান্-থ্স্বেন॑ ভাগ॒ধেযে॒নোপ॑ ধাবতি॒ ত এ॒বাস্মৈ॑ সজা॒তা-ন্প্রয॑চ্ছন্তি গ্রা॒ম্যে॑ব ভ॑বত্যৈ॒ন্দ্রস্যা॑-ঽব॒দায॑ বৈশ্বদে॒বস্যাব॑ দ্যে॒-দথৈ॒ন্দ্রস্যো॒- [-দথৈ॒ন্দ্রস্য॑, উ॒পরি॑ষ্টা-] ॥ 60 ॥
-পরি॑ষ্টা-দিন্দ্রি॒যেণৈ॒বাস্মা॑ উভ॒যত॑-স্সজা॒তা-ন্পরি॑ গৃহ্ণাত্যুপাধা॒য্য॑ পূর্বযং॒-বাঁসো॒ দক্ষি॑ণা সজা॒তানা॒মুপ॑হিত্যৈ॒ পৃশ্ঞি॑যৈ দু॒গ্ধে প্রৈয॑ঙ্গব-ঞ্চ॒রু-ন্নির্ব॑পেন্ম॒রুদ্ভ্যো॒ গ্রাম॑কামঃ॒ পৃশ্ঞি॑যৈ॒ বৈ পয॑সো ম॒রুতো॑ জা॒তাঃ পৃশ্ঞি॑যৈ প্রি॒যঙ্গ॑বো মারু॒তাঃ খলু॒ বৈ দে॒বত॑যা সজা॒তা ম॒রুত॑ এ॒ব স্বেন॑ ভাগ॒ধেযে॒নোপ॑ ধাবতি॒ ত এ॒বাস্মৈ॑ সজা॒তা-ন্প্রয॑চ্ছন্তি গ্রা॒ম্যে॑ব ভ॑বতি প্রি॒যব॑তী যাজ্যানুবা॒ক্যে॑ [যাজ্যানুবা॒ক্যে᳚, ভ॒ব॒তঃ॒ প্রি॒যমে॒বৈনগ্ম্॑] ॥ 61 ॥
ভবতঃ প্রি॒যমে॒বৈনগ্ম্॑ সমা॒নানা᳚-ঙ্করোতি দ্বি॒পদা॑ পুরো-ঽনুবা॒ক্যা॑ ভবতি দ্বি॒পদ॑ এ॒বাব॑ রুন্ধে॒ চতু॑ষ্পদা যা॒জ্যা॑ চতু॑ষ্পদ এ॒ব প॒শূনব॑ রুন্ধে দেবাসু॒রা-স্সংযঁ॑ত্তা আস॒-ন্তে দে॒বা মি॒থো বিপ্রি॑যা আস॒-ন্তে᳚(1॒) ঽন্যো᳚-ঽন্যস্মৈ॒ জ্যৈষ্ঠ্যা॒যা-তি॑ষ্ঠমানা-শ্চতু॒র্ধা ব্য॑ক্রাম-ন্ন॒গ্নি-র্বসু॑ভি॒-স্সোমো॑ রু॒দ্রৈরিন্দ্রো॑ ম॒রুদ্ভি॒-র্বরু॑ণ আদি॒ত্যৈ-স্স ইন্দ্রঃ॑ প্র॒জাপ॑তি॒-মুপা॑-ঽধাব॒-ত্ত- [-ঽধাব॒-ত্তম্, এ॒তযা॑] ॥ 62 ॥
-মে॒তযা॑ সং॒(2)জ্ঞান্যা॑-ঽযাজয-দ॒গ্নযে॒ বসু॑মতে পুরো॒ডাশ॑-ম॒ষ্টাক॑পাল॒-ন্নির॑বপ॒-থ্সোমা॑য রু॒দ্রব॑তে চ॒রুমিন্দ্রা॑য ম॒রুত্ব॑তে পুরো॒ডাশ॒ -মেকা॑দশকপালং॒-বঁরু॑ণাযা-ঽঽদি॒ত্যব॑তে চ॒রু-ন্ততো॒ বা ইন্দ্র॑-ন্দে॒বা জ্যৈষ্ঠ্যা॑যা॒ভি সম॑জানত॒ য-স্স॑মা॒নৈ-র্মি॒থো বিপ্রি॑য॒-স্স্যা-ত্তমে॒তযা॑ সং॒(2)জ্ঞান্যা॑ যাজযে-দ॒গ্নযে॒ বসু॑মতে পুরো॒ডাশ॑-ম॒ষ্টাক॑পাল॒-ন্নির্ব॑পে॒-থ্সোমা॑য রু॒দ্রব॑তে চ॒রু-মিন্দ্রা॑য ম॒রুত্ব॑তে পুরো॒ডাশ॒-মেকা॑দশকপালং॒-বঁরু॑ণাযা ঽঽদি॒ত্যব॑তে চ॒রু-মিন্দ্র॑-মে॒বৈন॑-ম্ভূ॒ত-ঞ্জ্যৈষ্ঠ্যা॑য সমা॒না অ॒ভি স-ঞ্জা॑নতে॒ বসি॑ষ্ঠ-স্সমা॒নানা᳚-ম্ভবতি ॥ 63 ॥
(বিশ॑মে॒ব – তি॑ষ্ঠন্ত্যে॒তামে॒ – বাথৈ॒ন্দ্রস্য॑ – যাজ্যানুবা॒ক্যে॑ – তং – বঁরু॑ণায॒ -চতু॑র্দশ চ) (অ. 11)
হি॒র॒ণ্য॒গ॒র্ভ আপো॑ হ॒ যত্প্রজা॑পতে ॥ স বে॑দ পু॒ত্রঃ পি॒তর॒গ্ম্॒ স মা॒তর॒গ্ম্॒ স সূ॒নুভ॑র্ব॒-থ্স ভু॑ব॒-ত্পুন॑র্মঘঃ । স দ্যামৌর্ণো॑দ॒ন্তরি॑ক্ষ॒গ্ম্॒ স সুব॒-স্স বিশ্বা॒ ভুবো॑ অভব॒-থ্স আ-ঽভ॑বত্ ॥ উদু॒ ত্য-ঞ্চি॒ত্রম্ ॥ স প্র॑ত্ন॒বন্নবী॑য॒সা-ঽগ্নে᳚ দ্যু॒ম্নেন॑ সং॒যঁতা᳚ । বৃ॒হ-ত্ত॑তন্থ ভা॒নুনা᳚ ॥ নি কাব্যা॑ বে॒ধস॒-শ্শশ্ব॑তস্ক॒র্॒হস্তে॒ দধা॑নো॒ [দধা॑নঃ, নর্যা॑ পু॒রূণি॑ ।] ॥ 64 ॥
নর্যা॑ পু॒রূণি॑ । অ॒গ্নির্ভু॑বদ্রযি॒পতী॑ রযী॒ণাগ্ম্ স॒ত্রা চ॑ক্রা॒ণো অ॒মৃতা॑নি॒ বিশ্বা᳚ ॥ হির॑ণ্যপাণিমূ॒তযে॑ সবি॒তার॒মুপ॑ হ্বযে । স চেত্তা॑ দে॒বতা॑ প॒দম্ ॥ বা॒মম॒দ্য স॑বিতর্বা॒মমু॒ শ্বো দি॒বেদি॑বে বা॒মম॒স্মভ্যগ্ম্॑ সাবীঃ । বা॒মস্য॒ হি ক্ষয॑স্য দেব॒ ভূরে॑র॒যা ধি॒যা বা॑ম॒ভাজ॑-স্স্যাম ॥ বডি॒ত্থা পর্ব॑তানা-ঙ্খি॒দ্র-ম্বি॑ভর্ষি পৃথিবি । প্র যা ভূ॑মি প্রবত্বতি ম॒হ্না জি॒নোষি॑ [জি॒নোষি॑, ম॒হি॒নি॒ ।] ॥ 65 ॥
মহিনি ॥ স্তোমা॑সস্ত্বা বিচারিণি॒ প্রতি॑ষ্টোভন্ত্য॒ক্তুভিঃ॑ । প্রযা বাজ॒-ন্ন হেষ॑ন্ত-ম্পে॒রু-মস্য॑স্যর্জুনি ॥ ঋ॒দূ॒দরে॑ণ॒ সখ্যা॑ সচেয॒ যো মা॒ ন রিষ্যে᳚দ্ধর্যশ্ব পী॒তঃ । অ॒যং-যঁ-স্সোমো॒ ন্যধা᳚য্য॒স্মে তস্মা॒ ইন্দ্র॑-ম্প্র॒তির॑-মে॒ম্যচ্ছ॑ ॥ আপা᳚ন্তমন্যু-স্তৃ॒পল॑-প্রভর্মা॒ ধুনি॒-শ্শিমী॑ বা॒ঞ্ছরু॑মাগ্ম্ ঋজী॒ষী । সোমো॒ বিশ্বা᳚ন্যত॒সা বনা॑নি॒ নার্বাগিন্দ্র॑-ম্প্রতি॒মানা॑নি দেভুঃ ॥ প্র- [প্র, সু॒বা॒ন-স্সোম॑] ॥ 66 ॥
-সু॑বা॒ন-স্সোম॑ ঋত॒যু-শ্চি॑কে॒তেন্দ্রা॑য॒ ব্রহ্ম॑ জ॒মদ॑গ্নি॒-রর্চন্ন্॑ । বৃষা॑ য॒ন্তা-ঽসি॒ শব॑স-স্তু॒রস্যা॒-ঽন্ত-র্য॑চ্ছ গৃণ॒তে ধ॒র্ত্র-ন্দৃগ্ম্॑হ ॥ স॒বাধ॑স্তে॒ মদ॑-ঞ্চ শুষ্ম॒য-ঞ্চ॒ ব্রহ্ম॒ নরো᳚ ব্রহ্ম॒কৃত॑-স্সপর্যন্ন্ । অ॒র্কো বা॒ য-ত্তু॒রতে॒ সোম॑চক্ষা॒-স্তত্রে-দিন্দ্রো॑ দধতে পৃ॒থ্সু তু॒র্যাম্ ॥ বষ॑-ট্তে বিষ্ণবা॒স আ কৃ॑ণোমি॒ তন্মে॑ জুষস্ব শিপিবিষ্ট হ॒ব্যম্ । ॥ 67 ॥
বর্ধ॑ন্তু ত্বা সুষ্টু॒তযো॒ গিরো॑ মে যূ॒য-ম্পা॑ত স্ব॒স্তিভি॒-স্সদা॑ নঃ ॥প্র ত-ত্তে॑ অ॒দ্য শি॑পিবিষ্ট॒ নামা॒-ঽর্য-শ্শগ্ম্॑ সামি ব॒যুনা॑নি বি॒দ্বান্ । তন্ত্বা॑ গৃণামি ত॒বস॒-মত॑বীযা॒ন্ ক্ষয॑ন্তম॒স্য রজ॑সঃ পরা॒কে ॥ কিমি-ত্তে॑ বিষ্ণো পরি॒চক্ষ্য॑-ম্ভূ॒-ত্প্র যদ্ব॑ব॒ক্ষে শি॑পিবি॒ষ্টো অ॑স্মি । মা বর্পো॑ অ॒স্মদপ॑ গূহ এ॒তদ্য-দ॒ন্যরূ॑প-স্সমি॒থে ব॒ভূথ॑ । ॥ 68 ॥
অগ্নে॒ দা দা॒শুষে॑ র॒যিং-বীঁ॒রব॑ন্ত॒-ম্পরী॑ণসম্ । শি॒শী॒হি ন॑-স্সূনু॒মতঃ॑ ॥ দা নো॑ অগ্নে শ॒তিনো॒ দা-স্স॑হ॒স্রিণো॑ দু॒রো ন বাজ॒গ্গ্॒ শ্রুত্যা॒ অপা॑ বৃধি । প্রাচী॒ দ্যাবা॑পৃথি॒বী ব্রহ্ম॑ণা কৃধি॒ সুব॒র্ণ শু॒ক্রমু॒ষসো॒ বি দি॑দ্যুতুঃ ॥ অ॒গ্নির্দা॒ দ্রবি॑ণং-বীঁ॒রপে॑শা অ॒গ্নির্-ঋষিং॒-যঁ-স্স॒হস্রা॑ স॒নোতি॑ । অ॒গ্নির্দি॒বি হ॒ব্যমা ত॑তানা॒-ঽগ্নে-র্ধামা॑নি॒ বিভৃ॑তা পুরু॒ত্রা ॥ মা [মা, নো॒ ম॒র্ধী॒ রা তূ ভ॑র ।] ॥ 69 ॥
নো॑ মর্ধী॒ রা তূ ভ॑র ॥ ঘৃ॒ত-ন্ন পূ॒ত-ন্ত॒নূর॑রে॒পা-শ্শুচি॒ হির॑ণ্যম্ । ত-ত্তে॑ রু॒ক্মো ন রো॑চত স্বধাবঃ ॥ উ॒ভে সু॑শ্চন্দ্র স॒র্পিষো॒ দর্বী᳚ শ্রীণীষ আ॒সনি॑ । উ॒তো ন॒ উ-ত্পু॑পূর্যা উ॒ক্থেষু॑ শবসস্পত॒ ইষগ্গ্॑ স্তো॒তৃভ্য॒ আ ভ॑র ॥ বাযো॑ শ॒তগ্ম্ হরী॑ণাং-যুঁ॒বস্ব॒ পোষ্যা॑ণাম্ । উ॒ত বা॑ তে সহ॒স্রিণো॒ রথ॒ আ যা॑তু॒ পাজ॑সা ॥ প্র যাভি॒- [প্র যাভিঃ, যাসি॑ দা॒শ্বাগ্ম্ স॒মচ্ছা॑] ॥ 70 ॥
-র্যাসি॑ দা॒শ্বাগ্ম্ স॒মচ্ছা॑ নি॒যুদ্ভি॑-র্বাযবি॒ষ্টযে॑ দুরো॒ণে । নি নো॑ র॒যিগ্ম্ সু॒ভোজ॑সং-যুঁবে॒হ নি বী॒রব॒-দ্গব্য॒মশ্বি॑য-ঞ্চ॒ রাধঃ॑ ॥রে॒বতী᳚র্ন-স্সধ॒মাদ॒ ইন্দ্রে॑ সন্তু তু॒বিবা॑জাঃ । ক্ষু॒মন্তো॒ যাভি॒র্মদে॑ম ॥ রে॒বাগ্ম্ ইদ্রে॒বত॑-স্স্তো॒তা স্যা-ত্ত্বাব॑তো ম॒ঘোনঃ॑ । প্রেদু॑ হরিব-শ্শ্রু॒তস্য॑ ॥ 71 ॥
(দধা॑নো – জি॒নোষি॑ – দেভুঃ॒ প্র – হ॒ব্যং – ব॒ভূথ॒ – মা – যাভি॑ – শ্চত্বারি॒গ্ম্॒শচ্চ॑ ) (অ. 12)
(প্র॒জাপ॑তি॒স্তা-স্সৃ॒ষ্টা – অ॒গ্নযে॑ পথি॒কৃতে॒ – গ্নযে॒ কামা॑যা॒ – গ্নযেন্ন॑বতে -বৈশ্বান॒র -মা॑দি॒ত্য-ঞ্চ॒রু – মৈ॒ন্দ্র-ঞ্চ॒রু – মিন্দ্রা॒যান্বৃ॑জব – আগ্নাবৈষ্ণ॒ব -ম॒সৌ সো॑মারৌ॒দ্র – মৈ॒ন্দ্রম॒কা॑দশকপালগ্ম্- হিরণ্যগ॒র্ভো – দ্বাদ॑শ )
(প্র॒জাপ॑তি – র॒গ্নযে॒ কামা॑যা॒ – ঽভি স-ম্ভ॑বতো॒ – যো বি॑দ্বিষা॒ণযো॑ -রি॒ধ্মে সন্ন॑ হ্যে – দাগ্নাবৈষ্ণ॒বমু॒ – পরি॑ষ্টা॒ – দ্যাসি॑ দা॒শ্বাগ্ম্স॒ – মেক॑সপ্ততিঃ )
(প্র॒জাপ॑তিঃ॒, প্রেদু॑ হরিব-শ্শ্রু॒তস্য॑)
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয সংহিতাযা-ন্দ্বিতীযকাণ্ডে দ্বিতীযঃ প্রশ্ন-স্সমাপ্তঃ ॥