𑌅𑌷𑍍𑌟𑌾𑌵𑌕𑍍𑌰 𑌗𑍀𑌤𑌾 𑌏𑌕𑌾𑌦𑌶𑍋𑌽𑌧𑍍𑌯𑌾𑌯𑌃Download PDF

𑌅𑌷𑍍𑌟𑌾𑌵𑌕𑍍𑌰 𑌉𑌵𑌾𑌚 ॥

𑌭𑌾𑌵𑌾𑌭𑌾𑌵𑌵𑌿𑌕𑌾𑌰𑌶𑍍𑌚 𑌸𑍍𑌵𑌭𑌾𑌵𑌾𑌦𑌿𑌤𑌿 𑌨𑌿𑌶𑍍𑌚𑌯𑍀 ।
𑌨𑌿𑌰𑍍𑌵𑌿𑌕𑌾𑌰𑍋 𑌗𑌤𑌕𑍍𑌲𑍇𑌶𑌃 𑌸𑍁𑌖𑍇𑌨𑍈𑌵𑍋𑌪𑌶𑌾𑌮𑍍𑌯𑌤𑌿 ॥ 11-1॥

𑌈𑌶𑍍𑌵𑌰𑌃 𑌸𑌰𑍍𑌵𑌨𑌿𑌰𑍍𑌮𑌾𑌤𑌾 𑌨𑍇𑌹𑌾𑌨𑍍𑌯 𑌇𑌤𑌿 𑌨𑌿𑌶𑍍𑌚𑌯𑍀 ।
𑌅𑌂𑌤𑌰𑍍𑌗𑌲𑌿𑌤𑌸𑌰𑍍𑌵𑌾𑌶𑌃 𑌶𑌾𑌂𑌤𑌃 𑌕𑍍𑌵𑌾𑌪𑌿 𑌨 𑌸𑌜𑍍𑌜𑌤𑍇 ॥ 11-2॥

𑌆𑌪𑌦𑌃 𑌸𑌂𑌪𑌦𑌃 𑌕𑌾𑌲𑍇 𑌦𑍈𑌵𑌾𑌦𑍇𑌵𑍇𑌤𑌿 𑌨𑌿𑌶𑍍𑌚𑌯𑍀 ।
𑌤𑍃𑌪𑍍𑌤𑌃 𑌸𑍍𑌵𑌸𑍍𑌥𑍇𑌂𑌦𑍍𑌰𑌿𑌯𑍋 𑌨𑌿𑌤𑍍𑌯𑌂 𑌨 𑌵𑌾𑌂𑌛𑌤𑌿 𑌨 𑌶𑍋𑌚𑌤𑌿 ॥ 11-3॥

𑌸𑍁𑌖𑌦𑍁𑌃𑌖𑍇 𑌜𑌨𑍍𑌮𑌮𑍃𑌤𑍍𑌯𑍂 𑌦𑍈𑌵𑌾𑌦𑍇𑌵𑍇𑌤𑌿 𑌨𑌿𑌶𑍍𑌚𑌯𑍀 ।
𑌸𑌾𑌧𑍍𑌯𑌾𑌦𑌰𑍍𑌶𑍀 𑌨𑌿𑌰𑌾𑌯𑌾𑌸𑌃 𑌕𑍁𑌰𑍍𑌵𑌨𑍍𑌨𑌪𑌿 𑌨 𑌲𑌿𑌪𑍍𑌯𑌤𑍇 ॥ 11-4॥

𑌚𑌿𑌂𑌤𑌯𑌾 𑌜𑌾𑌯𑌤𑍇 𑌦𑍁𑌃𑌖𑌂 𑌨𑌾𑌨𑍍𑌯𑌥𑍇𑌹𑍇𑌤𑌿 𑌨𑌿𑌶𑍍𑌚𑌯𑍀 ।
𑌤𑌯𑌾 𑌹𑍀𑌨𑌃 𑌸𑍁𑌖𑍀 𑌶𑌾𑌂𑌤𑌃 𑌸𑌰𑍍𑌵𑌤𑍍𑌰 𑌗𑌲𑌿𑌤𑌸𑍍𑌪𑍃𑌹𑌃 ॥ 11-5॥

𑌨𑌾𑌹𑌂 𑌦𑍇𑌹𑍋 𑌨 𑌮𑍇 𑌦𑍇𑌹𑍋 𑌬𑍋𑌧𑍋𑌽𑌹𑌮𑌿𑌤𑌿 𑌨𑌿𑌶𑍍𑌚𑌯𑍀 ।
𑌕𑍈𑌵𑌲𑍍𑌯𑌮𑌿𑌵 𑌸𑌂𑌪𑍍𑌰𑌾𑌪𑍍𑌤𑍋 𑌨 𑌸𑍍𑌮𑌰𑌤𑍍𑌯𑌕𑍃𑌤𑌂 𑌕𑍃𑌤𑌮𑍍 ॥ 11-6॥

𑌆𑌬𑍍𑌰𑌹𑍍𑌮𑌸𑍍𑌤𑌂𑌬𑌪𑌰𑍍𑌯𑌂𑌤𑌮𑌹𑌮𑍇𑌵𑍇𑌤𑌿 𑌨𑌿𑌶𑍍𑌚𑌯𑍀 ।
𑌨𑌿𑌰𑍍𑌵𑌿𑌕𑌲𑍍𑌪𑌃 𑌶𑍁𑌚𑌿𑌃 𑌶𑌾𑌂𑌤𑌃 𑌪𑍍𑌰𑌾𑌪𑍍𑌤𑌾𑌪𑍍𑌰𑌾𑌪𑍍𑌤𑌵𑌿𑌨𑌿𑌰𑍍𑌵𑍃𑌤𑌃 ॥ 11-𑍭॥

𑌨𑌾𑌨𑌾𑌶𑍍𑌚𑌰𑍍𑌯𑌮𑌿𑌦𑌂 𑌵𑌿𑌶𑍍𑌵𑌂 𑌨 𑌕𑌿𑌂𑌚𑌿𑌦𑌿𑌤𑌿 𑌨𑌿𑌶𑍍𑌚𑌯𑍀 ।
𑌨𑌿𑌰𑍍𑌵𑌾𑌸𑌨𑌃 𑌸𑍍𑌫𑍂𑌰𑍍𑌤𑌿𑌮𑌾𑌤𑍍𑌰𑍋 𑌨 𑌕𑌿𑌂𑌚𑌿𑌦𑌿𑌵 𑌶𑌾𑌮𑍍𑌯𑌤𑌿 ॥ 11-𑍮॥