𑌅𑌷𑍍𑌟𑌾𑌵𑌕𑍍𑌰 𑌗𑍀𑌤𑌾 𑌚𑌤𑍁𑌰𑍍𑌥𑍋𑌽𑌧𑍍𑌯𑌾𑌯𑌃Download PDF

𑌜𑌨𑌕 𑌉𑌵𑌾𑌚 ॥

𑌹𑌂𑌤𑌾𑌤𑍍𑌮𑌜𑍍𑌞𑌾𑌨𑌸𑍍𑌯 𑌧𑍀𑌰𑌸𑍍𑌯 𑌖𑍇𑌲𑌤𑍋 𑌭𑍋𑌗𑌲𑍀𑌲𑌯𑌾 ।
𑌨 𑌹𑌿 𑌸𑌂𑌸𑌾𑌰𑌵𑌾𑌹𑍀𑌕𑍈𑌰𑍍𑌮𑍂𑌢𑍈𑌃 𑌸𑌹 𑌸𑌮𑌾𑌨𑌤𑌾 ॥ 4-1॥

𑌯𑌤𑍍 𑌪𑌦𑌂 𑌪𑍍𑌰𑍇𑌪𑍍𑌸𑌵𑍋 𑌦𑍀𑌨𑌾𑌃 𑌶𑌕𑍍𑌰𑌾𑌦𑍍𑌯𑌾𑌃 𑌸𑌰𑍍𑌵𑌦𑍇𑌵𑌤𑌾𑌃 ।
𑌅𑌹𑍋 𑌤𑌤𑍍𑌰 𑌸𑍍𑌥𑌿𑌤𑍋 𑌯𑍋𑌗𑍀 𑌨 𑌹𑌰𑍍𑌷𑌮𑍁𑌪𑌗𑌚𑍍𑌛𑌤𑌿 ॥ 4-2॥

𑌤𑌜𑍍𑌜𑍍𑌞𑌸𑍍𑌯 𑌪𑍁𑌣𑍍𑌯𑌪𑌾𑌪𑌾𑌭𑍍𑌯𑌾𑌂 𑌸𑍍𑌪𑌰𑍍𑌶𑍋 𑌹𑍍𑌯𑌂𑌤𑌰𑍍𑌨 𑌜𑌾𑌯𑌤𑍇 ।
𑌨 𑌹𑍍𑌯𑌾𑌕𑌾𑌶𑌸𑍍𑌯 𑌧𑍂𑌮𑍇𑌨 𑌦𑍃𑌶𑍍𑌯𑌮𑌾𑌨𑌾𑌪𑌿 𑌸𑌂𑌗𑌤𑌿𑌃 ॥ 4-3॥

𑌆𑌤𑍍𑌮𑍈𑌵𑍇𑌦𑌂 𑌜𑌗𑌤𑍍𑌸𑌰𑍍𑌵𑌂 𑌜𑍍𑌞𑌾𑌤𑌂 𑌯𑍇𑌨 𑌮𑌹𑌾𑌤𑍍𑌮𑌨𑌾 ।
𑌯𑌦𑍃𑌚𑍍𑌛𑌯𑌾 𑌵𑌰𑍍𑌤𑌮𑌾𑌨𑌂 𑌤𑌂 𑌨𑌿𑌷𑍇𑌦𑍍𑌧𑍁𑌂 𑌕𑍍𑌷𑌮𑍇𑌤 𑌕𑌃 ॥ 4-4॥

𑌆𑌬𑍍𑌰𑌹𑍍𑌮𑌸𑍍𑌤𑌂𑌬𑌪𑌰𑍍𑌯𑌂𑌤𑍇 𑌭𑍂𑌤𑌗𑍍𑌰𑌾𑌮𑍇 𑌚𑌤𑍁𑌰𑍍𑌵𑌿𑌧𑍇 ।
𑌵𑌿𑌜𑍍𑌞𑌸𑍍𑌯𑍈𑌵 𑌹𑌿 𑌸𑌾𑌮𑌰𑍍𑌥𑍍𑌯𑌮𑌿𑌚𑍍𑌛𑌾𑌨𑌿𑌚𑍍𑌛𑌾𑌵𑌿𑌵𑌰𑍍𑌜𑌨𑍇 ॥ 4-5॥

𑌆𑌤𑍍𑌮𑌾𑌨𑌮𑌦𑍍𑌵𑌯𑌂 𑌕𑌶𑍍𑌚𑌿𑌜𑍍𑌜𑌾𑌨𑌾𑌤𑌿 𑌜𑌗𑌦𑍀𑌶𑍍𑌵𑌰𑌮𑍍 ।
𑌯𑌦𑍍 𑌵𑍇𑌤𑍍𑌤𑌿 𑌤𑌤𑍍𑌸 𑌕𑍁𑌰𑍁𑌤𑍇 𑌨 𑌭𑌯𑌂 𑌤𑌸𑍍𑌯 𑌕𑍁𑌤𑍍𑌰𑌚𑌿𑌤𑍍 ॥ 4-6॥