𑌅𑌷𑍍𑌟𑌾𑌵𑌕𑍍𑌰 𑌗𑍀𑌤𑌾 𑌤𑍍𑌰𑌯𑍋𑌦𑌶𑍋𑌽𑌧𑍍𑌯𑌾𑌯𑌃Download PDF

𑌜𑌨𑌕 𑌉𑌵𑌾𑌚 ॥

𑌅𑌕𑌿𑌂𑌚𑌨𑌭𑌵𑌂 𑌸𑍍𑌵𑌾𑌸𑍍𑌥𑍍𑌯𑌂 𑌕𑍌𑌪𑍀𑌨𑌤𑍍𑌵𑍇𑌽𑌪𑌿 𑌦𑍁𑌰𑍍𑌲𑌭𑌮𑍍 ।
𑌤𑍍𑌯𑌾𑌗𑌾𑌦𑌾𑌨𑍇 𑌵𑌿𑌹𑌾𑌯𑌾𑌸𑍍𑌮𑌾𑌦𑌹𑌮𑌾𑌸𑍇 𑌯𑌥𑌾𑌸𑍁𑌖𑌮𑍍 ॥ 13-1॥

𑌕𑍁𑌤𑍍𑌰𑌾𑌪𑌿 𑌖𑍇𑌦𑌃 𑌕𑌾𑌯𑌸𑍍𑌯 𑌜𑌿𑌹𑍍𑌵𑌾 𑌕𑍁𑌤𑍍𑌰𑌾𑌪𑌿 𑌖𑌿𑌦𑍍𑌯𑌤𑍇 ।
𑌮𑌨𑌃 𑌕𑍁𑌤𑍍𑌰𑌾𑌪𑌿 𑌤𑌤𑍍𑌤𑍍𑌯𑌕𑍍𑌤𑍍𑌵𑌾 𑌪𑍁𑌰𑍁𑌷𑌾𑌰𑍍𑌥𑍇 𑌸𑍍𑌥𑌿𑌤𑌃 𑌸𑍁𑌖𑌮𑍍 ॥ 13-2॥

𑌕𑍃𑌤𑌂 𑌕𑌿𑌮𑌪𑌿 𑌨𑍈𑌵 𑌸𑍍𑌯𑌾𑌦𑍍 𑌇𑌤𑌿 𑌸𑌂𑌚𑌿𑌂𑌤𑍍𑌯 𑌤𑌤𑍍𑌤𑍍𑌵𑌤𑌃 ।
𑌯𑌦𑌾 𑌯𑌤𑍍𑌕𑌰𑍍𑌤𑍁𑌮𑌾𑌯𑌾𑌤𑌿 𑌤𑌤𑍍 𑌕𑍃𑌤𑍍𑌵𑌾𑌸𑍇 𑌯𑌥𑌾𑌸𑍁𑌖𑌮𑍍 ॥ 13-3॥

𑌕𑌰𑍍𑌮𑌨𑍈𑌷𑍍𑌕𑌰𑍍𑌮𑍍𑌯𑌨𑌿𑌰𑍍𑌬𑌂𑌧𑌭𑌾𑌵𑌾 𑌦𑍇𑌹𑌸𑍍𑌥𑌯𑍋𑌗𑌿𑌨𑌃 ।
𑌸𑌂𑌯𑍋𑌗𑌾𑌯𑍋𑌗𑌵𑌿𑌰𑌹𑌾𑌦𑌹𑌮𑌾𑌸𑍇 𑌯𑌥𑌾𑌸𑍁𑌖𑌮𑍍 ॥ 13-4॥

𑌅𑌰𑍍𑌥𑌾𑌨𑌰𑍍𑌥𑍌 𑌨 𑌮𑍇 𑌸𑍍𑌥𑌿𑌤𑍍𑌯𑌾 𑌗𑌤𑍍𑌯𑌾 𑌨 𑌶𑌯𑌨𑍇𑌨 𑌵𑌾 ।
𑌤𑌿𑌷𑍍𑌠𑌨𑍍 𑌗𑌚𑍍𑌛𑌨𑍍 𑌸𑍍𑌵𑌪𑌨𑍍 𑌤𑌸𑍍𑌮𑌾𑌦𑌹𑌮𑌾𑌸𑍇 𑌯𑌥𑌾𑌸𑍁𑌖𑌮𑍍 ॥ 13-5॥

𑌸𑍍𑌵𑌪𑌤𑍋 𑌨𑌾𑌸𑍍𑌤𑌿 𑌮𑍇 𑌹𑌾𑌨𑌿𑌃 𑌸𑌿𑌦𑍍𑌧𑌿𑌰𑍍𑌯𑌤𑍍𑌨𑌵𑌤𑍋 𑌨 𑌵𑌾 ।
𑌨𑌾𑌶𑍋𑌲𑍍𑌲𑌾𑌸𑍌 𑌵𑌿𑌹𑌾𑌯𑌾𑌸𑍍𑌮𑌾𑌦𑌹𑌮𑌾𑌸𑍇 𑌯𑌥𑌾𑌸𑍁𑌖𑌮𑍍 ॥ 13-6॥

𑌸𑍁𑌖𑌾𑌦𑌿𑌰𑍂𑌪𑌾 𑌨𑌿𑌯𑌮𑌂 𑌭𑌾𑌵𑍇𑌷𑍍𑌵𑌾𑌲𑍋𑌕𑍍𑌯 𑌭𑍂𑌰𑌿𑌶𑌃 ।
𑌶𑍁𑌭𑌾𑌶𑍁𑌭𑍇 𑌵𑌿𑌹𑌾𑌯𑌾𑌸𑍍𑌮𑌾𑌦𑌹𑌮𑌾𑌸𑍇 𑌯𑌥𑌾𑌸𑍁𑌖𑌮𑍍 ॥ 13-𑍭॥