𑌅𑌷𑍍𑌟𑌾𑌵𑌕𑍍𑌰 𑌗𑍀𑌤𑌾 𑌨𑌵𑌦𑌶𑍋𑌽𑌧𑍍𑌯𑌾𑌯𑌃Download PDF

𑌜𑌨𑌕 𑌉𑌵𑌾𑌚 ॥

𑌤𑌤𑍍𑌤𑍍𑌵𑌵𑌿𑌜𑍍𑌞𑌾𑌨𑌸𑌂𑌦𑌂𑌶𑌮𑌾𑌦𑌾𑌯 𑌹𑍃𑌦𑌯𑍋𑌦𑌰𑌾𑌤𑍍 ।
𑌨𑌾𑌨𑌾𑌵𑌿𑌧𑌪𑌰𑌾𑌮𑌰𑍍𑌶𑌶𑌲𑍍𑌯𑍋𑌦𑍍𑌧𑌾𑌰𑌃 𑌕𑍃𑌤𑍋 𑌮𑌯𑌾 ॥ 1𑍯-1॥

𑌕𑍍𑌵 𑌧𑌰𑍍𑌮𑌃 𑌕𑍍𑌵 𑌚 𑌵𑌾 𑌕𑌾𑌮𑌃 𑌕𑍍𑌵 𑌚𑌾𑌰𑍍𑌥𑌃 𑌕𑍍𑌵 𑌵𑌿𑌵𑍇𑌕𑌿𑌤𑌾 ।
𑌕𑍍𑌵 𑌦𑍍𑌵𑍈𑌤𑌂 𑌕𑍍𑌵 𑌚 𑌵𑌾𑌽𑌦𑍍𑌵𑍈𑌤𑌂 𑌸𑍍𑌵𑌮𑌹𑌿𑌮𑍍𑌨𑌿 𑌸𑍍𑌥𑌿𑌤𑌸𑍍𑌯 𑌮𑍇 ॥ 1𑍯-2॥

𑌕𑍍𑌵 𑌭𑍂𑌤𑌂 𑌕𑍍𑌵 𑌭𑌵𑌿𑌷𑍍𑌯𑌦𑍍 𑌵𑌾 𑌵𑌰𑍍𑌤𑌮𑌾𑌨𑌮𑌪𑌿 𑌕𑍍𑌵 𑌵𑌾 ।
𑌕𑍍𑌵 𑌦𑍇𑌶𑌃 𑌕𑍍𑌵 𑌚 𑌵𑌾 𑌨𑌿𑌤𑍍𑌯𑌂 𑌸𑍍𑌵𑌮𑌹𑌿𑌮𑍍𑌨𑌿 𑌸𑍍𑌥𑌿𑌤𑌸𑍍𑌯 𑌮𑍇 ॥ 1𑍯-3॥

𑌕𑍍𑌵 𑌚𑌾𑌤𑍍𑌮𑌾 𑌕𑍍𑌵 𑌚 𑌵𑌾𑌨𑌾𑌤𑍍𑌮𑌾 𑌕𑍍𑌵 𑌶𑍁𑌭𑌂 𑌕𑍍𑌵𑌾𑌶𑍁𑌭𑌂 𑌯𑌥𑌾 ।
𑌕𑍍𑌵 𑌚𑌿𑌂𑌤𑌾 𑌕𑍍𑌵 𑌚 𑌵𑌾𑌚𑌿𑌂𑌤𑌾 𑌸𑍍𑌵𑌮𑌹𑌿𑌮𑍍𑌨𑌿 𑌸𑍍𑌥𑌿𑌤𑌸𑍍𑌯 𑌮𑍇 ॥ 1𑍯-4॥

𑌕𑍍𑌵 𑌸𑍍𑌵𑌪𑍍𑌨𑌃 𑌕𑍍𑌵 𑌸𑍁𑌷𑍁𑌪𑍍𑌤𑌿𑌰𑍍𑌵𑌾 𑌕𑍍𑌵 𑌚 𑌜𑌾𑌗𑌰𑌣𑌂 𑌤𑌥𑌾 ।
𑌕𑍍𑌵 𑌤𑍁𑌰𑍀𑌯𑌂 𑌭𑌯𑌂 𑌵𑌾𑌪𑌿 𑌸𑍍𑌵𑌮𑌹𑌿𑌮𑍍𑌨𑌿 𑌸𑍍𑌥𑌿𑌤𑌸𑍍𑌯 𑌮𑍇 ॥ 1𑍯-5॥

𑌕𑍍𑌵 𑌦𑍂𑌰𑌂 𑌕𑍍𑌵 𑌸𑌮𑍀𑌪𑌂 𑌵𑌾 𑌬𑌾𑌹𑍍𑌯𑌂 𑌕𑍍𑌵𑌾𑌭𑍍𑌯𑌂𑌤𑌰𑌂 𑌕𑍍𑌵 𑌵𑌾 ।
𑌕𑍍𑌵 𑌸𑍍𑌥𑍂𑌲𑌂 𑌕𑍍𑌵 𑌚 𑌵𑌾 𑌸𑍂𑌕𑍍𑌷𑍍𑌮𑌂 𑌸𑍍𑌵𑌮𑌹𑌿𑌮𑍍𑌨𑌿 𑌸𑍍𑌥𑌿𑌤𑌸𑍍𑌯 𑌮𑍇 ॥ 1𑍯-6॥

𑌕𑍍𑌵 𑌮𑍃𑌤𑍍𑌯𑍁𑌰𑍍𑌜𑍀𑌵𑌿𑌤𑌂 𑌵𑌾 𑌕𑍍𑌵 𑌲𑍋𑌕𑌾𑌃 𑌕𑍍𑌵𑌾𑌸𑍍𑌯 𑌕𑍍𑌵 𑌲𑍌𑌕𑌿𑌕𑌮𑍍 ।
𑌕𑍍𑌵 𑌲𑌯𑌃 𑌕𑍍𑌵 𑌸𑌮𑌾𑌧𑌿𑌰𑍍𑌵𑌾 𑌸𑍍𑌵𑌮𑌹𑌿𑌮𑍍𑌨𑌿 𑌸𑍍𑌥𑌿𑌤𑌸𑍍𑌯 𑌮𑍇 ॥ 1𑍯-𑍭॥

𑌅𑌲𑌂 𑌤𑍍𑌰𑌿𑌵𑌰𑍍𑌗𑌕𑌥𑌯𑌾 𑌯𑍋𑌗𑌸𑍍𑌯 𑌕𑌥𑌯𑌾𑌪𑍍𑌯𑌲𑌮𑍍 ।
𑌅𑌲𑌂 𑌵𑌿𑌜𑍍𑌞𑌾𑌨𑌕𑌥𑌯𑌾 𑌵𑌿𑌶𑍍𑌰𑌾𑌂𑌤𑌸𑍍𑌯 𑌮𑌮𑌾𑌤𑍍𑌮𑌨𑌿 ॥ 1𑍯-𑍮॥