𑌅𑌷𑍍𑌟𑌾𑌵𑌕𑍍𑌰 𑌗𑍀𑌤𑌾 𑌪𑍍𑌰𑌥𑌮𑍋𑌽𑌧𑍍𑌯𑌾𑌯𑌃Download PDF

॥ 𑌶𑍍𑌰𑍀 ॥

𑌅𑌥 𑌶𑍍𑌰𑍀𑌮𑌦𑌷𑍍𑌟𑌾𑌵𑌕𑍍𑌰𑌗𑍀𑌤𑌾 𑌪𑍍𑌰𑌾𑌰𑌭𑍍𑌯𑌤𑍇 ॥

𑌜𑌨𑌕 𑌉𑌵𑌾𑌚 ॥

𑌕𑌥𑌂 𑌜𑍍𑌞𑌾𑌨𑌮𑌵𑌾𑌪𑍍𑌨𑍋𑌤𑌿 𑌕𑌥𑌂 𑌮𑍁𑌕𑍍𑌤𑌿𑌰𑍍𑌭𑌵𑌿𑌷𑍍𑌯𑌤𑌿 ।
𑌵𑍈𑌰𑌾𑌗𑍍𑌯𑌂 𑌚 𑌕𑌥𑌂 𑌪𑍍𑌰𑌾𑌪𑍍𑌤𑌮𑍇𑌤𑌦𑍍 𑌬𑍍𑌰𑍂𑌹𑌿 𑌮𑌮 𑌪𑍍𑌰𑌭𑍋 ॥ 1-1॥

𑌅𑌷𑍍𑌟𑌾𑌵𑌕𑍍𑌰 𑌉𑌵𑌾𑌚 ॥

𑌮𑍁𑌕𑍍𑌤𑌿𑌮𑌿𑌚𑍍𑌛𑌸𑌿 𑌚𑍇𑌤𑍍𑌤𑌾𑌤 𑌵𑌿𑌷𑌯𑌾𑌨𑍍 𑌵𑌿𑌷𑌵𑌤𑍍𑌤𑍍𑌯𑌜 ।
𑌕𑍍𑌷𑌮𑌾𑌰𑍍𑌜𑌵𑌦𑌯𑌾𑌤𑍋𑌷𑌸𑌤𑍍𑌯𑌂 𑌪𑍀𑌯𑍂𑌷𑌵𑌦𑍍 𑌭𑌜 ॥ 1-2॥

𑌨 𑌪𑍃𑌥𑍍𑌵𑍀 𑌨 𑌜𑌲𑌂 𑌨𑌾𑌗𑍍𑌨𑌿𑌰𑍍𑌨 𑌵𑌾𑌯𑍁𑌰𑍍𑌦𑍍𑌯𑍌𑌰𑍍𑌨 𑌵𑌾 𑌭𑌵𑌾𑌨𑍍 ।
𑌏𑌷𑌾𑌂 𑌸𑌾𑌕𑍍𑌷𑌿𑌣𑌮𑌾𑌤𑍍𑌮𑌾𑌨𑌂 𑌚𑌿𑌦𑍍𑌰𑍂𑌪𑌂 𑌵𑌿𑌦𑍍𑌧𑌿 𑌮𑍁𑌕𑍍𑌤𑌯𑍇 ॥ 1-3॥

𑌯𑌦𑌿 𑌦𑍇𑌹𑌂 𑌪𑍃𑌥𑌕𑍍 𑌕𑍃𑌤𑍍𑌯 𑌚𑌿𑌤𑌿 𑌵𑌿𑌶𑍍𑌰𑌾𑌮𑍍𑌯 𑌤𑌿𑌷𑍍𑌠𑌸𑌿 ।
𑌅𑌧𑍁𑌨𑍈𑌵 𑌸𑍁𑌖𑍀 𑌶𑌾𑌂𑌤𑍋 𑌬𑌂𑌧𑌮𑍁𑌕𑍍𑌤𑍋 𑌭𑌵𑌿𑌷𑍍𑌯𑌸𑌿 ॥ 1-4॥

𑌨 𑌤𑍍𑌵𑌂 𑌵𑌿𑌪𑍍𑌰𑌾𑌦𑌿𑌕𑍋 𑌵𑌰𑍍𑌣𑍋 𑌨𑌾𑌶𑍍𑌰𑌮𑍀 𑌨𑌾𑌕𑍍𑌷𑌗𑍋𑌚𑌰𑌃 ।
𑌅𑌸𑌂𑌗𑍋𑌽𑌸𑌿 𑌨𑌿𑌰𑌾𑌕𑌾𑌰𑍋 𑌵𑌿𑌶𑍍𑌵𑌸𑌾𑌕𑍍𑌷𑍀 𑌸𑍁𑌖𑍀 𑌭𑌵 ॥ 1-5॥

𑌧𑌰𑍍𑌮𑌾𑌧𑌰𑍍𑌮𑍌 𑌸𑍁𑌖𑌂 𑌦𑍁𑌃𑌖𑌂 𑌮𑌾𑌨𑌸𑌾𑌨𑌿 𑌨 𑌤𑍇 𑌵𑌿𑌭𑍋 ।
𑌨 𑌕𑌰𑍍𑌤𑌾𑌸𑌿 𑌨 𑌭𑍋𑌕𑍍𑌤𑌾𑌸𑌿 𑌮𑍁𑌕𑍍𑌤 𑌏𑌵𑌾𑌸𑌿 𑌸𑌰𑍍𑌵𑌦𑌾 ॥ 1-6॥

𑌏𑌕𑍋 𑌦𑍍𑌰𑌷𑍍𑌟𑌾𑌸𑌿 𑌸𑌰𑍍𑌵𑌸𑍍𑌯 𑌮𑍁𑌕𑍍𑌤𑌪𑍍𑌰𑌾𑌯𑍋𑌽𑌸𑌿 𑌸𑌰𑍍𑌵𑌦𑌾 ।
𑌅𑌯𑌮𑍇𑌵 𑌹𑌿 𑌤𑍇 𑌬𑌂𑌧𑍋 𑌦𑍍𑌰𑌷𑍍𑌟𑌾𑌰𑌂 𑌪𑌶𑍍𑌯𑌸𑍀𑌤𑌰𑌮𑍍 ॥ 1-𑍭॥

𑌅𑌹𑌂 𑌕𑌰𑍍𑌤𑍇𑌤𑍍𑌯𑌹𑌂𑌮𑌾𑌨𑌮𑌹𑌾𑌕𑍃𑌷𑍍𑌣𑌾𑌹𑌿𑌦𑌂𑌶𑌿𑌤𑌃 ।
𑌨𑌾𑌹𑌂 𑌕𑌰𑍍𑌤𑍇𑌤𑌿 𑌵𑌿𑌶𑍍𑌵𑌾𑌸𑌾𑌮𑍃𑌤𑌂 𑌪𑍀𑌤𑍍𑌵𑌾 𑌸𑍁𑌖𑌂 𑌚𑌰 ॥ 1-𑍮॥

𑌏𑌕𑍋 𑌵𑌿𑌶𑍁𑌦𑍍𑌧𑌬𑍋𑌧𑍋𑌽𑌹𑌮𑌿𑌤𑌿 𑌨𑌿𑌶𑍍𑌚𑌯𑌵𑌹𑍍𑌨𑌿𑌨𑌾 ।
𑌪𑍍𑌰𑌜𑍍𑌵𑌾𑌲𑍍𑌯𑌾𑌜𑍍𑌞𑌾𑌨𑌗𑌹𑌨𑌂 𑌵𑍀𑌤𑌶𑍋𑌕𑌃 𑌸𑍁𑌖𑍀 𑌭𑌵 ॥ 1-𑍯॥

𑌯𑌤𑍍𑌰 𑌵𑌿𑌶𑍍𑌵𑌮𑌿𑌦𑌂 𑌭𑌾𑌤𑌿 𑌕𑌲𑍍𑌪𑌿𑌤𑌂 𑌰𑌜𑍍𑌜𑍁𑌸𑌰𑍍𑌪𑌵𑌤𑍍 ।
𑌆𑌨𑌂𑌦𑌪𑌰𑌮𑌾𑌨𑌂𑌦𑌃 𑌸 𑌬𑍋𑌧𑌸𑍍𑌤𑍍𑌵𑌂 𑌸𑍁𑌖𑌂 𑌭𑌵 ॥ 1-10॥

𑌮𑍁𑌕𑍍𑌤𑌾𑌭𑌿𑌮𑌾𑌨𑍀 𑌮𑍁𑌕𑍍𑌤𑍋 𑌹𑌿 𑌬𑌦𑍍𑌧𑍋 𑌬𑌦𑍍𑌧𑌾𑌭𑌿𑌮𑌾𑌨𑍍𑌯𑌪𑌿 ।
𑌕𑌿𑌂𑌵𑌦𑌂𑌤𑍀𑌹 𑌸𑌤𑍍𑌯𑍇𑌯𑌂 𑌯𑌾 𑌮𑌤𑌿𑌃 𑌸𑌾 𑌗𑌤𑌿𑌰𑍍𑌭𑌵𑍇𑌤𑍍 ॥ 1-11॥

𑌆𑌤𑍍𑌮𑌾 𑌸𑌾𑌕𑍍𑌷𑍀 𑌵𑌿𑌭𑍁𑌃 𑌪𑍂𑌰𑍍𑌣 𑌏𑌕𑍋 𑌮𑍁𑌕𑍍𑌤𑌶𑍍𑌚𑌿𑌦𑌕𑍍𑌰𑌿𑌯𑌃 ।
𑌅𑌸𑌂𑌗𑍋 𑌨𑌿𑌃𑌸𑍍𑌪𑍃𑌹𑌃 𑌶𑌾𑌂𑌤𑍋 𑌭𑍍𑌰𑌮𑌾𑌤𑍍𑌸𑌂𑌸𑌾𑌰𑌵𑌾𑌨𑌿𑌵 ॥ 1-12॥

𑌕𑍂𑌟𑌸𑍍𑌥𑌂 𑌬𑍋𑌧𑌮𑌦𑍍𑌵𑍈𑌤𑌮𑌾𑌤𑍍𑌮𑌾𑌨𑌂 𑌪𑌰𑌿𑌭𑌾𑌵𑌯 ।
𑌆𑌭𑌾𑌸𑍋𑌽𑌹𑌂 𑌭𑍍𑌰𑌮𑌂 𑌮𑍁𑌕𑍍𑌤𑍍𑌵𑌾 𑌭𑌾𑌵𑌂 𑌬𑌾𑌹𑍍𑌯𑌮𑌥𑌾𑌂𑌤𑌰𑌮𑍍 ॥ 1-13॥

𑌦𑍇𑌹𑌾𑌭𑌿𑌮𑌾𑌨𑌪𑌾𑌶𑍇𑌨 𑌚𑌿𑌰𑌂 𑌬𑌦𑍍𑌧𑍋𑌽𑌸𑌿 𑌪𑍁𑌤𑍍𑌰𑌕 ।
𑌬𑍋𑌧𑍋𑌽𑌹𑌂 𑌜𑍍𑌞𑌾𑌨𑌖𑌡𑍍𑌗𑍇𑌨 𑌤𑌨𑍍𑌨𑌿𑌕𑍃𑌤𑍍𑌯 𑌸𑍁𑌖𑍀 𑌭𑌵 ॥ 1-14॥

𑌨𑌿𑌃𑌸𑌂𑌗𑍋 𑌨𑌿𑌷𑍍𑌕𑍍𑌰𑌿𑌯𑍋𑌽𑌸𑌿 𑌤𑍍𑌵𑌂 𑌸𑍍𑌵𑌪𑍍𑌰𑌕𑌾𑌶𑍋 𑌨𑌿𑌰𑌂𑌜𑌨𑌃 ।
𑌅𑌯𑌮𑍇𑌵 𑌹𑌿 𑌤𑍇 𑌬𑌂𑌧𑌃 𑌸𑌮𑌾𑌧𑌿𑌮𑌨𑍁𑌤𑌿𑌷𑍍𑌠𑌸𑌿 ॥ 1-15॥

𑌤𑍍𑌵𑌯𑌾 𑌵𑍍𑌯𑌾𑌪𑍍𑌤𑌮𑌿𑌦𑌂 𑌵𑌿𑌶𑍍𑌵𑌂 𑌤𑍍𑌵𑌯𑌿 𑌪𑍍𑌰𑍋𑌤𑌂 𑌯𑌥𑌾𑌰𑍍𑌥𑌤𑌃 ।
𑌶𑍁𑌦𑍍𑌧𑌬𑍁𑌦𑍍𑌧𑌸𑍍𑌵𑌰𑍂𑌪𑌸𑍍𑌤𑍍𑌵𑌂 𑌮𑌾 𑌗𑌮𑌃 𑌕𑍍𑌷𑍁𑌦𑍍𑌰𑌚𑌿𑌤𑍍𑌤𑌤𑌾𑌮𑍍 ॥ 1-16॥

𑌨𑌿𑌰𑌪𑍇𑌕𑍍𑌷𑍋 𑌨𑌿𑌰𑍍𑌵𑌿𑌕𑌾𑌰𑍋 𑌨𑌿𑌰𑍍𑌭𑌰𑌃 𑌶𑍀𑌤𑌲𑌾𑌶𑌯𑌃 ।
𑌅𑌗𑌾𑌧𑌬𑍁𑌦𑍍𑌧𑌿𑌰𑌕𑍍𑌷𑍁𑌬𑍍𑌧𑍋 𑌭𑌵 𑌚𑌿𑌨𑍍𑌮𑌾𑌤𑍍𑌰𑌵𑌾𑌸𑌨𑌃 ॥ 1-1𑍭॥

𑌸𑌾𑌕𑌾𑌰𑌮𑌨𑍃𑌤𑌂 𑌵𑌿𑌦𑍍𑌧𑌿 𑌨𑌿𑌰𑌾𑌕𑌾𑌰𑌂 𑌤𑍁 𑌨𑌿𑌶𑍍𑌚𑌲𑌮𑍍 ।
𑌏𑌤𑌤𑍍𑌤𑌤𑍍𑌤𑍍𑌵𑍋𑌪𑌦𑍇𑌶𑍇𑌨 𑌨 𑌪𑍁𑌨𑌰𑍍𑌭𑌵𑌸𑌂𑌭𑌵𑌃 ॥ 1-1𑍮॥

𑌯𑌥𑍈𑌵𑌾𑌦𑌰𑍍𑌶𑌮𑌧𑍍𑌯𑌸𑍍𑌥𑍇 𑌰𑍂𑌪𑍇𑌽𑌂𑌤𑌃 𑌪𑌰𑌿𑌤𑌸𑍍𑌤𑍁 𑌸𑌃 ।
𑌤𑌥𑍈𑌵𑌾𑌽𑌸𑍍𑌮𑌿𑌨𑍍 𑌶𑌰𑍀𑌰𑍇𑌽𑌂𑌤𑌃 𑌪𑌰𑌿𑌤𑌃 𑌪𑌰𑌮𑍇𑌶𑍍𑌵𑌰𑌃 ॥ 1-1𑍯॥

𑌏𑌕𑌂 𑌸𑌰𑍍𑌵𑌗𑌤𑌂 𑌵𑍍𑌯𑍋𑌮 𑌬𑌹𑌿𑌰𑌂𑌤𑌰𑍍𑌯𑌥𑌾 𑌘𑌟𑍇 ।
𑌨𑌿𑌤𑍍𑌯𑌂 𑌨𑌿𑌰𑌂𑌤𑌰𑌂 𑌬𑍍𑌰𑌹𑍍𑌮 𑌸𑌰𑍍𑌵𑌭𑍂𑌤𑌗𑌣𑍇 𑌤𑌥𑌾 ॥ 1-20॥