𑌉𑌦𑍍𑌧𑌵𑌗𑍀𑌤𑌾 – 𑌦𑍍𑌵𑌿𑌤𑍀𑌯𑍋𑌽𑌧𑍍𑌯𑌾𑌯𑌃Download PDF

𑌅𑌥 𑌦𑍍𑌵𑌿𑌤𑍀𑌯𑍋𑌽𑌧𑍍𑌯𑌾𑌯𑌃 ।

𑌶𑍍𑌰𑍀𑌶𑍁𑌕𑌃 𑌉𑌵𑌾𑌚 ।
𑌗𑍋𑌵𑌿𑌂𑌦𑌭𑍁𑌜𑌗𑍁𑌪𑍍𑌤𑌾𑌯𑌾𑌂 𑌦𑍍𑌵𑌾𑌰𑌵𑌤𑍍𑌯𑌾𑌂 𑌕𑍁𑌰𑍂𑌦𑍍𑌵𑌹 ।
𑌅𑌵𑌾𑌤𑍍𑌸𑍀𑌤𑍍 𑌨𑌾𑌰𑌦𑌃 𑌅𑌭𑍀𑌕𑍍𑌷𑍍𑌣𑌂 𑌕𑍃𑌷𑍍𑌣𑍌𑌪𑌾𑌸𑌨𑌲𑌾𑌲𑌸𑌃 ॥ 1॥

𑌕𑍋 𑌨𑍁 𑌰𑌾𑌜𑌨𑍍 𑌇𑌂𑌦𑍍𑌰𑌿𑌯𑌵𑌾𑌨𑍍 𑌮𑍁𑌕𑍁𑌂𑌦𑌚𑌰𑌣𑌾𑌂𑌬𑍁𑌜𑌮𑍍 ।
𑌨 𑌭𑌜𑍇𑌤𑍍 𑌸𑌰𑍍𑌵𑌤𑌃 𑌮𑍃𑌤𑍍𑌯𑍁𑌃 𑌉𑌪𑌾𑌸𑍍𑌯𑌂 𑌅𑌮𑌰𑍌𑌤𑍍𑌤𑌮𑍈𑌃 ॥ 2॥

𑌤𑌂 𑌏𑌕𑌦𑌾 𑌦𑍇𑌵𑌰𑍍𑌷𑌿𑌂 𑌵𑌸𑍁𑌦𑍇𑌵𑌃 𑌗𑍃𑌹 𑌆𑌗𑌤𑌮𑍍 ।
𑌅𑌰𑍍𑌚𑌿𑌤𑌂 𑌸𑍁𑌖𑌂 𑌆𑌸𑍀𑌨𑌂 𑌅𑌭𑌿𑌵𑌾𑌦𑍍𑌯 𑌇𑌦𑌂 𑌅𑌬𑍍𑌰𑌵𑍀𑌤𑍍 ॥ 3॥

𑌵𑌸𑍁𑌦𑍇𑌵𑌃 𑌉𑌵𑌾𑌚 ।
𑌭𑌗𑌵𑌨𑍍 𑌭𑌵𑌤𑌃 𑌯𑌾𑌤𑍍𑌰𑌾 𑌸𑍍𑌵𑌸𑍍𑌤𑌯𑍇 𑌸𑌰𑍍𑌵𑌦𑍇𑌹𑌿𑌨𑌾𑌮𑍍 ।
𑌕𑍃𑌪𑌣𑌾𑌨𑌾𑌂 𑌯𑌥𑌾 𑌪𑌿𑌤𑍍𑌰𑍋𑌃 𑌉𑌤𑍍𑌤𑌮𑌶𑍍𑌲𑍋𑌕𑌵𑌰𑍍𑌤𑍍𑌮𑌨𑌾𑌮𑍍 ॥ 4॥

𑌭𑍂𑌤𑌾𑌨𑌾𑌂 𑌦𑍇𑌵𑌚𑌰𑌿𑌤𑌂 𑌦𑍁𑌃𑌖𑌾𑌯 𑌚 𑌸𑍁𑌖𑌾𑌯 𑌚 ।
𑌸𑍁𑌖𑌾𑌯 𑌏𑌵 𑌹𑌿 𑌸𑌾𑌧𑍂𑌨𑌾𑌂 𑌤𑍍𑌵𑌾𑌦𑍃𑌶𑌾𑌂 𑌅𑌚𑍍𑌯𑍁𑌤 𑌆𑌤𑍍𑌮𑌨𑌾𑌮𑍍 ॥ 5॥

𑌭𑌜𑌂𑌤𑌿 𑌯𑍇 𑌯𑌥𑌾 𑌦𑍇𑌵𑌾𑌨𑍍 𑌦𑍇𑌵𑌾𑌃 𑌅𑌪𑌿 𑌤𑌥𑌾 𑌏𑌵 𑌤𑌾𑌨𑍍 ।
𑌛𑌾𑌯𑌾 𑌇𑌵 𑌕𑌰𑍍𑌮𑌸𑌚𑌿𑌵𑌾𑌃 𑌸𑌾𑌧𑌵𑌃 𑌦𑍀𑌨𑌵𑌤𑍍𑌸𑌲𑌾𑌃 ॥ 6॥

𑌬𑍍𑌰𑌹𑍍𑌮𑌨𑍍 𑌤𑌥𑌾 𑌅𑌪𑌿 𑌪𑍃𑌚𑍍𑌛𑌾𑌮𑌃 𑌧𑌰𑍍𑌮𑌾𑌨𑍍 𑌭𑌾𑌗𑌵𑌤𑌾𑌨𑍍 𑌤𑌵 ।
𑌯𑌾𑌨𑍍 𑌶𑍍𑌰𑍁𑌤𑍍𑌵𑌾 𑌶𑍍𑌰𑌦𑍍𑌧𑌯𑌾 𑌮𑌰𑍍𑌤𑍍𑌯𑌃 𑌮𑍁𑌚𑍍𑌯𑌤𑍇 𑌸𑌰𑍍𑌵𑌤𑌃 𑌭𑌯𑌾𑌤𑍍 ॥ 𑍭॥

𑌅𑌹𑌂 𑌕𑌿𑌲 𑌪𑍁𑌰𑌾 𑌅𑌨𑌂𑌤𑌂 𑌪𑍍𑌰𑌜𑌾𑌰𑍍𑌥𑌃 𑌭𑍁𑌵𑌿 𑌮𑍁𑌕𑍍𑌤𑌿𑌦𑌮𑍍 ।
𑌅𑌪𑍂𑌜𑌯𑌂 𑌨 𑌮𑍋𑌕𑍍𑌷𑌾𑌯 𑌮𑍋𑌹𑌿𑌤𑌃 𑌦𑍇𑌵𑌮𑌾𑌯𑌯𑌾 ॥ 𑍮॥

𑌯𑌯𑌾 𑌵𑌿𑌚𑌿𑌤𑍍𑌰𑌵𑍍𑌯𑌸𑌨𑌾𑌤𑍍 𑌭𑌵𑌦𑍍𑌭𑌿𑌃 𑌵𑌿𑌶𑍍𑌵𑌤𑌃 𑌭𑌯𑌾𑌤𑍍 ।
𑌮𑍁𑌚𑍍𑌯𑍇𑌮 𑌹𑌿 𑌅𑌂𑌜𑌸𑌾 𑌏𑌵 𑌅𑌦𑍍𑌧𑌾 𑌤𑌥𑌾 𑌨𑌃 𑌶𑌾𑌧𑌿 𑌸𑍁𑌵𑍍𑌰𑌤 ॥ 𑍯॥

𑌶𑍍𑌰𑍀𑌶𑍁𑌕𑌃 𑌉𑌵𑌾𑌚 ।
𑌰𑌾𑌜𑌨𑍍 𑌏𑌵𑌂 𑌕𑍃𑌤𑌪𑍍𑌰𑌶𑍍𑌨𑌃 𑌵𑌸𑍁𑌦𑍇𑌵𑍇𑌨 𑌧𑍀𑌮𑌤𑌾 ।
𑌪𑍍𑌰𑍀𑌤𑌃 𑌤𑌂 𑌆𑌹 𑌦𑍇𑌵𑌰𑍍𑌷𑌿𑌃 𑌹𑌰𑍇𑌃 𑌸𑌂𑌸𑍍𑌮𑌾𑌰𑌿𑌤𑌃 𑌗𑍁𑌣𑍈𑌃 ॥ 10॥

𑌨𑌾𑌰𑌦𑌃 𑌉𑌵𑌾𑌚 ।
𑌸𑌮𑍍𑌯𑌕𑍍 𑌏𑌤𑌤𑍍 𑌵𑍍𑌯𑌵𑌸𑌿𑌤𑌂 𑌭𑌵𑌤𑌾 𑌸𑌾𑌤𑍍𑌵𑌤𑌰𑍍𑌷𑌭 ।
𑌯𑌤𑍍 𑌪𑍃𑌚𑍍𑌛𑌸𑍇 𑌭𑌾𑌗𑌵𑌤𑌾𑌨𑍍 𑌧𑌰𑍍𑌮𑌾𑌨𑍍 𑌤𑍍𑌵𑌂 𑌵𑌿𑌶𑍍𑌵𑌭𑌾𑌵𑌨𑌾𑌨𑍍 ॥

11॥

𑌶𑍍𑌰𑍁𑌤𑌃 𑌅𑌨𑍁𑌪𑌠𑌿𑌤𑌃 𑌧𑍍𑌯𑌾𑌤𑌃 𑌆𑌦𑍃𑌤𑌃 𑌵𑌾 𑌅𑌨𑍁𑌮𑍋𑌦𑌿𑌤𑌃 ।
𑌸𑌦𑍍𑌯𑌃 𑌪𑍁𑌨𑌾𑌤𑌿 𑌸𑌦𑍍𑌧𑌰𑍍𑌮𑌃 𑌦𑍇𑌵𑌵𑌿𑌶𑍍𑌵𑌦𑍍𑌰𑍁𑌹𑌃 𑌅𑌪𑌿 ॥ 12॥

𑌤𑍍𑌵𑌯𑌾 𑌪𑌰𑌮𑌕𑌲𑍍𑌯𑌾𑌣𑌃 𑌪𑍁𑌣𑍍𑌯𑌶𑍍𑌰𑌵𑌣𑌕𑍀𑌰𑍍𑌤𑌨𑌃 ।
𑌸𑍍𑌮𑌾𑌰𑌿𑌤𑌃 𑌭𑌗𑌵𑌾𑌨𑍍 𑌅𑌦𑍍𑌯 𑌦𑍇𑌵𑌃 𑌨𑌾𑌰𑌾𑌯𑌣𑌃 𑌮𑌮 ॥ 13॥

𑌅𑌤𑍍𑌰 𑌅𑌪𑌿 𑌉𑌦𑌾𑌹𑌰𑌂𑌤𑌿 𑌇𑌮𑌂 𑌇𑌤𑌿𑌹𑌾𑌸𑌂 𑌪𑍁𑌰𑌾𑌤𑌨𑌮𑍍 ।
𑌆𑌰𑍍𑌷𑌭𑌾𑌣𑌾𑌂 𑌚 𑌸𑌂𑌵𑌾𑌦𑌂 𑌵𑌿𑌦𑍇𑌹𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 14॥

𑌪𑍍𑌰𑌿𑌯𑌵𑍍𑌰𑌤𑌃 𑌨𑌾𑌮 𑌸𑍁𑌤𑌃 𑌮𑌨𑍋𑌃 𑌸𑍍𑌵𑌾𑌯𑌂𑌭𑍁𑌵𑌸𑍍𑌯 𑌯𑌃 ।
𑌤𑌸𑍍𑌯 𑌅𑌗𑍍𑌨𑍀𑌧𑍍𑌰𑌃 𑌤𑌤𑌃 𑌨𑌾𑌭𑌿𑌃 𑌋𑌷𑌭𑌃 𑌤𑌤𑍍 𑌸𑍁𑌤𑌃 𑌸𑍍𑌮𑍃𑌤𑌃 ॥ 15॥

𑌤𑌂 𑌆𑌹𑍁𑌃 𑌵𑌾𑌸𑍁𑌦𑍇𑌵𑌾𑌂𑌶𑌂 𑌮𑍋𑌕𑍍𑌷𑌧𑌰𑍍𑌮𑌵𑌿𑌵𑌕𑍍𑌷𑌯𑌾 ।
𑌅𑌵𑌤𑍀𑌰𑍍𑌣𑌂 𑌸𑍁𑌤𑌶𑌤𑌂 𑌤𑌸𑍍𑌯 𑌆𑌸𑍀𑌤𑍍 𑌵𑍇𑌦𑌪𑌾𑌰𑌗𑌮𑍍 ॥ 16॥

𑌤𑍇𑌷𑌾𑌂 𑌵𑍈 𑌭𑌰𑌤𑌃 𑌜𑍍𑌯𑍇𑌷𑍍𑌠𑌃 𑌨𑌾𑌰𑌾𑌯𑌣𑌪𑌰𑌾𑌯𑌣𑌃 ।
𑌵𑌿𑌖𑍍𑌯𑌾𑌤𑌂 𑌵𑌰𑍍𑌷𑌂 𑌏𑌤𑌤𑍍 𑌯𑌤𑍍 𑌨𑌾𑌮𑍍𑌨𑌾 𑌭𑌾𑌰𑌤𑌂 𑌅𑌦𑍍𑌭𑍁𑌤𑌮𑍍 ॥ 1𑍭॥

𑌸𑌃 𑌭𑍁𑌕𑍍𑌤𑌭𑍋𑌗𑌾𑌂 𑌤𑍍𑌯𑌕𑍍𑌤𑍍𑌵𑌾 𑌇𑌮𑌾𑌂 𑌨𑌿𑌰𑍍𑌗𑌤𑌃 𑌤𑌪𑌸𑌾 𑌹𑌰𑌿𑌮𑍍 ।
𑌉𑌪𑌾𑌸𑍀𑌨𑌃 𑌤𑌤𑍍 𑌪𑌦𑌵𑍀𑌂 𑌲𑍇𑌭𑍇 𑌵𑍈 𑌜𑌨𑍍𑌮𑌭𑌿𑌃 𑌤𑍍𑌰𑌿𑌭𑌿𑌃 ॥ 1𑍮॥

𑌤𑍇𑌷𑌾𑌂 𑌨𑌵 𑌨𑌵𑌦𑍍𑌵𑍀𑌪𑌪𑌤𑌯𑌃 𑌅𑌸𑍍𑌯 𑌸𑌮𑌂𑌤𑌤𑌃 ।
𑌕𑌰𑍍𑌮𑌤𑌂𑌤𑍍𑌰𑌪𑍍𑌰𑌣𑍇𑌤𑌾𑌰𑌃 𑌏𑌕𑌾𑌶𑍀𑌤𑌿𑌃 𑌦𑍍𑌵𑌿𑌜𑌾𑌤𑌯𑌃 ॥ 1𑍯॥

𑌨𑌵 𑌅𑌭𑌵𑌨𑍍 𑌮𑌹𑌾𑌭𑌾𑌗𑌾𑌃 𑌮𑍁𑌨𑌯𑌃 𑌹𑌿 𑌅𑌰𑍍𑌥𑌶𑌂𑌸𑌿𑌨𑌃 ।
𑌶𑍍𑌰𑌮𑌣𑌾𑌃 𑌵𑌾𑌤𑌃 𑌅𑌶𑌨𑌾𑌃 𑌆𑌤𑍍𑌮𑌵𑌿𑌦𑍍𑌯𑌾𑌵𑌿𑌶𑌾𑌰𑌦𑌾𑌃 ॥ 20॥

𑌕𑌵𑌿𑌃 𑌹𑌰𑌿𑌃 𑌅𑌂𑌤𑌰𑌿𑌕𑍍𑌷𑌃 𑌪𑍍𑌰𑌬𑍁𑌦𑍍𑌧𑌃 𑌪𑌿𑌪𑍍𑌪𑌲𑌾𑌯𑌨𑌃 ।
𑌆𑌵𑌿𑌰𑍍𑌹𑍋𑌤𑍍𑌰𑌃 𑌅𑌥 𑌦𑍍𑌰𑍁𑌮𑌿𑌲𑌃 𑌚𑌮𑌸𑌃 𑌕𑌰𑌭𑌾𑌜𑌨𑌃 ॥ 21॥

𑌏𑌤𑍇 𑌵𑍈 𑌭𑌗𑌵𑌦𑍍𑌰𑍂𑌪𑌂 𑌵𑌿𑌶𑍍𑌵𑌂 𑌸𑌦𑌸𑌦𑍍 𑌆𑌤𑍍𑌮𑌕𑌮𑍍 ।
𑌆𑌤𑍍𑌮𑌨𑌃 𑌅𑌵𑍍𑌯𑌤𑌿𑌰𑍇𑌕𑍇𑌣 𑌪𑌶𑍍𑌯𑌂𑌤𑌃 𑌵𑍍𑌯𑌚𑌰𑌤𑍍 𑌮𑌹𑍀𑌮𑍍 ॥ 22॥

𑌅𑌵𑍍𑌯𑌾𑌹𑌤 𑌇𑌷𑍍𑌟𑌗𑌤𑌯𑌾𑌃 𑌸𑍁𑌰𑌸𑌿𑌦𑍍𑌧𑌸𑌿𑌦𑍍𑌧𑌸𑌾𑌧𑍍𑌯
𑌗𑌂𑌧𑌰𑍍𑌵𑌯𑌕𑍍𑌷𑌨𑌰𑌕𑌿𑌨𑍍𑌨𑌰𑌨𑌾𑌗𑌲𑍋𑌕𑌾𑌨𑍍 ।
𑌮𑍁𑌕𑍍𑌤𑌾𑌃 𑌚𑌰𑌂𑌤𑌿 𑌮𑍁𑌨𑌿𑌚𑌾𑌰𑌣𑌭𑍂𑌤𑌨𑌾𑌥
𑌵𑌿𑌦𑍍𑌯𑌾𑌧𑌰𑌦𑍍𑌵𑌿𑌜𑌗𑌵𑌾𑌂 𑌭𑍁𑌵𑌨𑌾𑌨𑌿 𑌕𑌾𑌮𑌮𑍍 ॥ 23॥

𑌤𑌃 𑌏𑌕𑌦𑌾 𑌨𑌿𑌮𑍇𑌃 𑌸𑌤𑍍𑌰𑌂 𑌉𑌪𑌜𑌗𑍍𑌮𑍁𑌃 𑌯𑌤𑍍 𑌋𑌚𑍍𑌛𑌯𑌾 ।
𑌵𑌿𑌤𑌾𑌯𑌮𑌾𑌨𑌂 𑌋𑌷𑌿𑌭𑌿𑌃 𑌅𑌜𑌨𑌾𑌭𑍇 𑌮𑌹𑌾𑌤𑍍𑌮𑌨𑌃 ॥ 24॥

𑌤𑌾𑌨𑍍 𑌦𑍃𑌷𑍍𑌟𑍍𑌵𑌾 𑌸𑍂𑌰𑍍𑌯𑌸𑌂𑌕𑌾𑌶𑌾𑌨𑍍 𑌮𑌹𑌾𑌭𑌗𑌵𑌤𑌾𑌨𑍍 𑌨𑍃𑌪𑌃 ।
𑌯𑌜𑌮𑌾𑌨𑌃 𑌅𑌗𑍍𑌨𑌯𑌃 𑌵𑌿𑌪𑍍𑌰𑌾𑌃 𑌸𑌰𑍍𑌵𑌃 𑌏𑌵 𑌉𑌪𑌤𑌸𑍍𑌥𑌿𑌰𑍇 ॥ 25॥

𑌵𑌿𑌦𑍇𑌹𑌃 𑌤𑌾𑌨𑍍 𑌅𑌭𑌿𑌪𑍍𑌰𑍇𑌤𑍍𑌯 𑌨𑌾𑌰𑌾𑌯𑌣𑌪𑌰𑌾𑌯𑌣𑌾𑌨𑍍 ।
𑌪𑍍𑌰𑍀𑌤𑌃 𑌸𑌂𑌪𑍂𑌜𑌯𑌾𑌨𑍍 𑌚𑌕𑍍𑌰𑍇 𑌆𑌸𑌨𑌸𑍍𑌥𑌾𑌨𑍍 𑌯𑌥𑌾 𑌅𑌰𑍍𑌹𑌤𑌃 ॥ 26॥

𑌤𑌾𑌨𑍍 𑌰𑍋𑌚𑌮𑌾𑌨𑌾𑌨𑍍 𑌸𑍍𑌵𑌰𑍁𑌚𑌾 𑌬𑍍𑌰𑌹𑍍𑌮𑌪𑍁𑌤𑍍𑌰𑍌𑌪𑌮𑌾𑌨𑍍 𑌨𑌵 ।
𑌪𑌪𑍍𑌰𑌚𑍍𑌛 𑌪𑌰𑌮𑌪𑍍𑌰𑍀𑌤𑌃 𑌪𑍍𑌰𑌶𑍍𑌰𑌯 𑌅𑌵𑌨𑌤𑌃 𑌨𑍃𑌪𑌃 ॥ 2𑍭॥

𑌵𑌿𑌦𑍇𑌹𑌃 𑌉𑌵𑌾𑌚 ।
𑌮𑌨𑍍𑌯𑍇 𑌭𑌗𑌵𑌤𑌃 𑌸𑌾𑌕𑍍𑌷𑌾𑌤𑍍 𑌪𑌾𑌰𑍍𑌷𑌦𑌾𑌨𑍍 𑌵𑌃 𑌮𑌧𑍁𑌦𑍍𑌵𑌿𑌷𑌃 ।
𑌵𑌿𑌷𑍍𑌣𑍋𑌃 𑌭𑍂𑌤𑌾𑌨𑌿 𑌲𑍋𑌕𑌾𑌨𑌾𑌂 𑌪𑌾𑌵𑌨𑌾𑌯 𑌚𑌰𑌂𑌤𑌿 𑌹𑌿 ॥ 2𑍮॥

𑌦𑍁𑌰𑍍𑌲𑌭𑌃 𑌮𑌾𑌨𑍁𑌷𑌃 𑌦𑍇𑌹𑌃 𑌦𑍇𑌹𑌿𑌨𑌾𑌂 𑌕𑍍𑌷𑌣𑌭𑌂𑌗𑍁𑌰𑌃 ।
𑌤𑌤𑍍𑌰 𑌅𑌪𑌿 𑌦𑍁𑌰𑍍𑌲𑌭𑌂 𑌮𑌨𑍍𑌯𑍇 𑌵𑍈𑌕𑍁𑌂𑌠𑌪𑍍𑌰𑌿𑌯𑌦𑌰𑍍𑌶𑌨𑌮𑍍 ॥ 2𑍯॥

𑌅𑌤𑌃 𑌆𑌤𑍍𑌯𑌂𑌤𑌿𑌕𑌂 𑌕𑌹𑍇𑌮𑌂 𑌪𑍃𑌚𑍍𑌛𑌾𑌮𑌃 𑌭𑌵𑌤𑌃 𑌅𑌨𑌘𑌾𑌃 ।
𑌸𑌂𑌸𑌾𑌰𑍇 𑌅𑌸𑍍𑌮𑌿𑌨𑍍 𑌕𑍍𑌷𑌣𑌾𑌰𑍍𑌧𑌃 𑌅𑌪𑌿 𑌸𑌤𑍍𑌸𑌂𑌗𑌃 𑌶𑍇𑌵𑌧𑌿𑌃 𑌨𑍃𑌣𑌾𑌮𑍍 ॥

30॥

𑌧𑌰𑍍𑌮𑌾𑌨𑍍 𑌭𑌾𑌗𑌵𑌤𑌾𑌨𑍍 𑌬𑍍𑌰𑍂𑌤 𑌯𑌦𑌿 𑌨𑌃 𑌶𑍍𑌰𑍁𑌤𑌯𑍇 𑌕𑍍𑌷𑌮𑌮𑍍 ।
𑌯𑍈𑌃 𑌪𑍍𑌰𑌸𑌨𑍍𑌨𑌃 𑌪𑍍𑌰𑌪𑌨𑍍𑌨𑌾𑌯 𑌦𑌾𑌸𑍍𑌯𑌤𑌿 𑌆𑌤𑍍𑌮𑌾𑌨𑌂 𑌅𑌪𑌿 𑌅𑌜𑌃 ॥ 31॥

𑌶𑍍𑌰𑍀𑌨𑌾𑌰𑌦𑌃 𑌉𑌵𑌾𑌚 ।
𑌏𑌵𑌂 𑌤𑍇 𑌨𑌿𑌮𑌿𑌨𑌾 𑌪𑍃𑌷𑍍𑌟𑌾 𑌵𑌸𑍁𑌦𑍇𑌵 𑌮𑌹𑌤𑍍𑌤𑌮𑌾𑌃 ।
𑌪𑍍𑌰𑌤𑌿𑌪𑍂𑌜𑍍𑌯 𑌅𑌬𑍍𑌰𑍁𑌵𑌨𑍍 𑌪𑍍𑌰𑍀𑌤𑍍𑌯𑌾 𑌸𑌸𑌦𑌸𑌿 𑌋𑌤𑍍𑌵𑌿𑌜𑌂 𑌨𑍃𑌪𑌮𑍍 ॥ 32॥

𑌕𑌵𑌿𑌃 𑌉𑌵𑌾𑌚 ।
𑌮𑌨𑍍𑌯𑍇 𑌅𑌕𑍁𑌤𑌶𑍍𑌚𑌿𑌤𑍍 𑌭𑌯𑌂 𑌅𑌚𑍍𑌯𑍁𑌤𑌸𑍍𑌯
𑌪𑌾𑌦𑌾𑌂𑌬𑍁𑌜𑍌𑌪𑌾𑌸𑌨𑌂 𑌅𑌤𑍍𑌰 𑌨𑌿𑌤𑍍𑌯𑌮𑍍 ।
𑌉𑌦𑍍𑌵𑌿𑌗𑍍𑌨𑌬𑍁𑌦𑍍𑌧𑍇𑌃 𑌅𑌸𑌤𑍍 𑌆𑌤𑍍𑌮𑌭𑌾𑌵𑌾𑌤𑍍
𑌵𑌿𑌶𑍍𑌵𑌾𑌤𑍍𑌮𑌨𑌾 𑌯𑌤𑍍𑌰 𑌨𑌿𑌵𑌰𑍍𑌤𑌤𑍇 𑌭𑍀𑌃 ॥ 33॥

𑌯𑍇 𑌵𑍈 𑌭𑌗𑌵𑌤𑌾 𑌪𑍍𑌰𑍋𑌕𑍍𑌤𑌾𑌃 𑌉𑌪𑌾𑌯𑌾𑌃 𑌹𑌿 𑌆𑌤𑍍𑌮𑌲𑌬𑍍𑌧𑌯𑍇 ।
𑌅𑌂𑌜𑌃 𑌪𑍁𑌂𑌸𑌾𑌂 𑌅𑌵𑌿𑌦𑍁𑌷𑌾𑌂 𑌵𑌿𑌦𑍍𑌧𑌿 𑌭𑌾𑌗𑌵𑌤𑌾𑌨𑍍 𑌹𑌿 𑌤𑌾𑌨𑍍 ॥ 34॥

𑌯𑌾𑌨𑍍 𑌆𑌸𑍍𑌥𑌾𑌯 𑌨𑌰𑌃 𑌰𑌾𑌜𑌨𑍍 𑌨 𑌪𑍍𑌰𑌮𑌾𑌦𑍍𑌯𑍇𑌤 𑌕𑌰𑍍𑌹𑌿𑌚𑌿𑌤𑍍 ।
𑌧𑌾𑌵𑌨𑍍 𑌨𑌿𑌮𑍀𑌲𑍍𑌯 𑌵𑌾 𑌨𑍇𑌤𑍍𑌰𑍇 𑌨 𑌸𑍍𑌖𑌲𑍇𑌨 𑌪𑌤𑍇𑌤𑍍 𑌇𑌹 ॥ 35॥

𑌕𑌾𑌯𑍇𑌨 𑌵𑌾𑌚𑌾 𑌮𑌨𑌸𑌾 𑌇𑌂𑌦𑍍𑌰𑌿𑌯𑍈𑌃 𑌵𑌾
𑌬𑍁𑌦𑍍𑌧𑍍𑌯𑌾 𑌆𑌤𑍍𑌮𑌨𑌾 𑌵𑌾 𑌅𑌨𑍁𑌸𑍃𑌤𑌸𑍍𑌵𑌭𑌾𑌵𑌾𑌤𑍍 ।
𑌕𑌰𑍋𑌤𑌿 𑌯𑌤𑍍 𑌯𑌤𑍍 𑌸𑌕𑌲𑌂 𑌪𑌰𑌸𑍍𑌮𑍈
𑌨𑌾𑌰𑌾𑌯𑌣𑌾𑌯 𑌇𑌤𑌿 𑌸𑌮𑌰𑍍𑌪𑌯𑍇𑌤𑍍 𑌤𑌤𑍍 ॥ 36॥

𑌭𑌯𑌂 𑌦𑍍𑌵𑌿𑌤𑍀𑌯𑌾𑌭𑌿𑌨𑌿𑌵𑍇𑌶𑌤𑌃 𑌸𑍍𑌯𑌾𑌤𑍍
𑌈𑌶𑌾𑌤𑍍 𑌅𑌪𑍇𑌤𑌸𑍍𑌯 𑌵𑌿𑌪𑌰𑍍𑌯𑌯𑌃 𑌅𑌸𑍍𑌮𑍃𑌤𑌿𑌃 ।
𑌤𑌤𑍍 𑌮𑌾𑌯𑌯𑌾 𑌅𑌤𑌃 𑌬𑍁𑌧𑌃 𑌆𑌭𑌜𑍇𑌤𑍍 𑌤𑌂
𑌭𑌕𑍍𑌤𑍍𑌯𑌾 𑌏𑌕 𑌈𑌶𑌂 𑌗𑍁𑌰𑍁𑌦𑍇𑌵𑌤𑌾𑌤𑍍𑌮𑌾 ॥ 3𑍭।
𑌅𑌵𑌿𑌦𑍍𑌯𑌮𑌾𑌨𑌃 𑌅𑌪𑌿 𑌅𑌵𑌭𑌾𑌤𑌿 𑌹𑌿 𑌦𑍍𑌵𑌯𑍋𑌃
𑌧𑍍𑌯𑌾𑌤𑍁𑌃 𑌧𑌿𑌯𑌾 𑌸𑍍𑌵𑌪𑍍𑌨𑌮𑌨𑍋𑌰𑌥𑍌 𑌯𑌥𑌾 ।
𑌤𑌤𑍍 𑌕𑌰𑍍𑌮𑌸𑌂𑌕𑌲𑍍𑌪𑌵𑌿𑌕𑌲𑍍𑌪𑌕𑌂 𑌮𑌨𑌃
𑌬𑍁𑌧𑌃 𑌨𑌿𑌰𑍁𑌂𑌧𑍍𑌯𑌾𑌤𑍍 𑌅𑌭𑌯𑌂 𑌤𑌤𑌃 𑌸𑍍𑌯𑌾𑌤𑍍 ॥ 3𑍮॥

𑌶𑍍𑌰𑍁𑌣𑍍𑌵𑌨𑍍 𑌸𑍁𑌭𑌦𑍍𑌰𑌾𑌣𑌿 𑌰𑌥𑌾𑌂𑌗𑌪𑌾𑌣𑍇𑌃
𑌜𑌨𑍍𑌮𑌾𑌨𑌿 𑌕𑌰𑍍𑌮𑌾𑌣𑌿 𑌚 𑌯𑌾𑌨𑌿 𑌲𑍋𑌕𑍇 ।
𑌗𑍀𑌤𑌾𑌨𑌿 𑌨𑌾𑌮𑌾𑌨𑌿 𑌤𑌤𑍍 𑌅𑌰𑍍𑌥𑌕𑌾𑌨𑌿
𑌗𑌾𑌯𑌨𑍍 𑌵𑌿𑌲𑌜𑍍𑌜𑌃 𑌵𑌿𑌚𑌰𑍇𑌤𑍍 𑌅𑌸𑌂𑌗𑌃 ॥ 3𑍯॥

𑌏𑌵𑌂 𑌵𑍍𑌰𑌤𑌃 𑌸𑍍𑌵𑌪𑍍𑌰𑌿𑌯𑌨𑌾𑌮𑌕𑍀𑌰𑍍𑌤𑍍𑌯𑌾
𑌜𑌾𑌤𑌾𑌨𑍁𑌰𑌾𑌗𑌃 𑌦𑍍𑌰𑍁𑌤𑌚𑌿𑌤𑍍𑌤𑌃 𑌉𑌚𑍍𑌚𑍈𑌃 ।
𑌹𑌸𑌤𑌿 𑌅𑌥𑌃 𑌰𑍋𑌦𑌿𑌤𑌿 𑌰𑍌𑌤𑌿 𑌗𑌾𑌯𑌤𑌿
𑌉𑌨𑍍𑌮𑌾𑌦𑌵𑌤𑍍 𑌨𑍃𑌤𑍍𑌯𑌤𑌿 𑌲𑍋𑌕𑌬𑌾𑌹𑍍𑌯𑌃 ॥ 40॥

𑌖𑌂 𑌵𑌾𑌯𑍁𑌂 𑌅𑌗𑍍𑌨𑌿𑌂 𑌸𑌲𑌿𑌲𑌂 𑌮𑌹𑍀𑌂 𑌚
𑌜𑍍𑌯𑍋𑌤𑍀𑌂𑌷𑌿 𑌸𑌤𑍍𑌤𑍍𑌵𑌾𑌨𑌿 𑌦𑌿𑌶𑌃 𑌦𑍍𑌰𑍁𑌮𑌾𑌦𑍀𑌨𑍍 ।
𑌸𑌰𑌿𑌤𑍍 𑌸𑌮𑍁𑌦𑍍𑌰𑌾𑌨𑍍 𑌚 𑌹𑌰𑍇𑌃 𑌶𑌰𑍀𑌰𑌂
𑌯𑌤𑍍𑌕𑌿𑌂𑌚 𑌭𑍂𑌤𑌂 𑌪𑍍𑌰𑌣𑌮𑍇𑌤𑍍 𑌅𑌨𑌨𑍍𑌯𑌃 ॥ 41॥

𑌭𑌕𑍍𑌤𑌿𑌃 𑌪𑌰𑍇𑌶 𑌅𑌨𑍁𑌭𑌵𑌃 𑌵𑌿𑌰𑌕𑍍𑌤𑌿𑌃
𑌅𑌨𑍍𑌯𑌤𑍍𑌰 𑌏𑌷 𑌤𑍍𑌰𑌿𑌕𑌃 𑌏𑌕𑌕𑌾𑌲𑌃 ।
𑌪𑍍𑌰𑌪𑌦𑍍𑌯𑌮𑌾𑌨𑌸𑍍𑌯 𑌯𑌥𑌾 𑌅𑌶𑍍𑌨𑌤𑌃 𑌸𑍍𑌯𑍁𑌃
𑌤𑍁𑌷𑍍𑌟𑌿𑌃 𑌪𑍁𑌷𑍍𑌟𑌿𑌃 𑌕𑍍𑌷𑍁𑌤𑍍 𑌅𑌪𑌾𑌯𑌃 𑌅𑌨𑍁𑌘𑌾𑌸𑌮𑍍 ॥ 42॥

𑌇𑌤𑌿 𑌅𑌚𑍍𑌯𑍁𑌤 𑌅𑌂𑌘𑍍𑌰𑌿𑌂 𑌭𑌜𑌤𑌃 𑌅𑌨𑍁𑌵𑍃𑌤𑍍𑌤𑍍𑌯𑌾
𑌭𑌕𑍍𑌤𑌿𑌃 𑌵𑌿𑌰𑌕𑍍𑌤𑌿𑌃 𑌭𑌗𑌵𑌤𑍍 𑌪𑍍𑌰𑌬𑍋𑌧𑌃 ।
𑌭𑌵𑌂𑌤𑌿 𑌵𑍈 𑌭𑌾𑌗𑌵𑌤𑌸𑍍𑌯 𑌰𑌾𑌜𑌨𑍍
𑌤𑌤𑌃 𑌪𑌰𑌾𑌂 𑌶𑌾𑌂𑌤𑌿𑌂 𑌉𑌪𑍈𑌤𑌿 𑌸𑌾𑌕𑍍𑌷𑌾𑌤𑍍 ॥ 43॥

𑌰𑌾𑌜𑌾 𑌉𑌵𑌾𑌚 ।
𑌅𑌥 𑌭𑌾𑌗𑌵𑌤𑌂 𑌬𑍍𑌰𑍂𑌤 𑌯𑌤𑍍 𑌧𑌰𑍍𑌮𑌃 𑌯𑌾𑌦𑍃𑌶𑌃 𑌨𑍃𑌣𑌾𑌮𑍍 ।
𑌯𑌥𑌾 𑌚𑌰𑌤𑌿 𑌯𑌤𑍍 𑌬𑍍𑌰𑍂𑌤𑍇 𑌯𑍈𑌃 𑌲𑌿𑌂𑌗𑍈𑌃 𑌭𑌗𑌵𑌤𑍍 𑌪𑍍𑌰𑌿𑌯𑌃 ॥ 44॥

𑌹𑌰𑌿𑌃 𑌉𑌵𑌾𑌚 ।
𑌸𑌰𑍍𑌵𑌭𑍂𑌤𑍇𑌷𑍁 𑌯𑌃 𑌪𑌶𑍍𑌯𑍇𑌤𑍍 𑌭𑌗𑌵𑌤𑍍 𑌭𑌾𑌵 𑌆𑌤𑍍𑌮𑌨𑌃 ।
𑌭𑍂𑌤𑌾𑌨𑌿 𑌭𑌾𑌗𑌵𑌤𑌿 𑌆𑌤𑍍𑌮𑌨𑌿 𑌏𑌷 𑌭𑌾𑌗𑌵𑌤𑍌𑌤𑍍𑌤𑌮𑌃 ॥ 45॥

𑌈𑌶𑍍𑌵𑌰𑍇 𑌤𑌤𑍍 𑌅𑌧𑍀𑌨𑍇𑌷𑍁 𑌬𑌾𑌲𑌿𑌶𑍇𑌷𑍁 𑌦𑍍𑌵𑌿𑌷𑌤𑍍𑌸𑍁 𑌚 ।
𑌪𑍍𑌰𑍇𑌮𑌮𑍈𑌤𑍍𑌰𑍀𑌕𑍃𑌪𑌾𑌉𑌪𑍇𑌕𑍍𑌷𑌾 𑌯𑌃 𑌕𑌰𑍋𑌤𑌿 𑌸 𑌮𑌧𑍍𑌯𑌮𑌃 ॥ 46॥

𑌅𑌰𑍍𑌚𑌾𑌯𑌾𑌂 𑌏𑌵 𑌹𑌰𑌯𑍇 𑌪𑍂𑌜𑌾𑌂 𑌯𑌃 𑌶𑍍𑌰𑌦𑍍𑌧𑌯𑌾 𑌈𑌹𑌤𑍇 ।
𑌨 𑌤𑌤𑍍 𑌭𑌕𑍍𑌤𑍇𑌷𑍁 𑌚 𑌅𑌨𑍍𑌯𑍇𑌷𑍁 𑌸𑌃 𑌭𑌕𑍍𑌤𑌃 𑌪𑍍𑌰𑌾𑌕𑍃𑌤𑌃 𑌸𑍍𑌮𑍃𑌤𑌃 ॥

4𑍭॥

𑌗𑍃𑌹𑍀𑌤𑍍𑌵𑌾 𑌅𑌪𑌿 𑌇𑌂𑌦𑍍𑌰𑌿𑌯𑍈𑌃 𑌅𑌰𑍍𑌥𑌾𑌨𑍍𑌯𑌃 𑌨 𑌦𑍍𑌵𑍇𑌷𑍍𑌟𑌿 𑌨 𑌹𑍃𑌷𑍍𑌯𑌤𑌿 ।
𑌵𑌿𑌷𑍍𑌣𑍋𑌃 𑌮𑌾𑌯𑌾𑌂 𑌇𑌦𑌂 𑌪𑌶𑍍𑌯𑌨𑍍 𑌸𑌃 𑌵𑍈 𑌭𑌾𑌗𑌵𑌤 𑌉𑌤𑍍𑌤𑌮𑌃 ॥ 4𑍮॥

𑌦𑍇𑌹𑍈𑌂𑌦𑍍𑌰𑌿𑌯𑌪𑍍𑌰𑌾𑌣𑌮𑌨𑌃𑌧𑌿𑌯𑌾𑌂 𑌯𑌃
𑌜𑌨𑍍𑌮𑌾𑌪𑌿𑌅𑌯𑌕𑍍𑌷𑍁𑌤𑍍 𑌭𑌯𑌤𑌰𑍍𑌷𑌕𑍃𑌚𑍍𑌛𑍍𑌰𑍈𑌃 ।
𑌸𑌂𑌸𑌾𑌰𑌧𑌰𑍍𑌮𑍈𑌃 𑌅𑌵𑌿𑌮𑍁𑌹𑍍𑌯𑌮𑌾𑌨𑌃
𑌸𑍍𑌮𑍃𑌤𑍍𑌯𑌾 𑌹𑌰𑍇𑌃 𑌭𑌾𑌗𑌵𑌤𑌪𑍍𑌰𑌧𑌾𑌨𑌃 ॥ 4𑍯॥

𑌨 𑌕𑌾𑌮𑌕𑌰𑍍𑌮𑌬𑍀𑌜𑌾𑌨𑌾𑌂 𑌯𑌸𑍍𑌯 𑌚𑍇𑌤𑌸𑌿 𑌸𑌂𑌭𑌵𑌃 ।
𑌵𑌾𑌸𑍁𑌦𑍇𑌵𑍇𑌕𑌨𑌿𑌲𑌯𑌃 𑌸𑌃 𑌵𑍈 𑌭𑌾𑌗𑌵𑌤 𑌉𑌤𑍍𑌤𑌮𑌃 ॥ 50॥

𑌨 𑌯𑌸𑍍𑌯 𑌜𑌨𑍍𑌮𑌕𑌰𑍍𑌮𑌭𑍍𑌯𑌾𑌂 𑌨 𑌵𑌰𑍍𑌣𑌾𑌶𑍍𑌰𑌮𑌜𑌾𑌤𑌿𑌭𑌿𑌃 ।
𑌸𑌜𑍍𑌜𑌤𑍇 𑌅𑌸𑍍𑌮𑌿𑌨𑍍 𑌅𑌹𑌂𑌭𑌾𑌵𑌃 𑌦𑍇𑌹𑍇 𑌵𑍈 𑌸𑌃 𑌹𑌰𑍇𑌃 𑌪𑍍𑌰𑌿𑌯𑌃 ॥ 51॥

𑌨 𑌯𑌸𑍍𑌯 𑌸𑍍𑌵𑌃 𑌪𑌰𑌃 𑌇𑌤𑌿 𑌵𑌿𑌤𑍍𑌤𑍇𑌷𑍁 𑌆𑌤𑍍𑌮𑌨𑌿 𑌵𑌾 𑌭𑌿𑌦𑌾 ।
𑌸𑌰𑍍𑌵𑌭𑍂𑌤𑌸𑌮𑌃 𑌶𑌾𑌂𑌤𑌃 𑌸𑌃 𑌵𑍌 𑌭𑌾𑌗𑌵𑌤 𑌉𑌤𑍍𑌤𑌮𑌃 ॥ 52॥

𑌤𑍍𑌰𑌿𑌭𑍁𑌵𑌨𑌵𑌿𑌭𑌵𑌹𑍇𑌤𑌵𑍇 𑌅𑌪𑌿 𑌅𑌕𑍁𑌂𑌠𑌸𑍍𑌮𑍃𑌤𑌿𑌃
𑌅𑌜𑌿𑌤𑌾𑌤𑍍𑌮𑌸𑍁𑌰𑌾𑌦𑌿𑌭𑌿𑌃 𑌵𑌿𑌮𑍃𑌗𑍍𑌯𑌾𑌤𑍍 ।
𑌨 𑌚𑌲𑌤𑌿 𑌭𑌗𑌵𑌤𑍍 𑌪𑌦 𑌅𑌰𑌵𑌿𑌂𑌦𑌾𑌤𑍍
𑌲𑌵𑌨𑌿𑌮𑌿𑌷 𑌅𑌰𑍍𑌧𑌂 𑌅𑌪𑌿 𑌯𑌃 𑌸𑌃 𑌵𑍈𑌷𑍍𑌣𑌵 𑌅𑌗𑍍𑌰𑍍𑌯𑌃 ॥ 53॥

𑌭𑌗𑌵𑌤𑌃 𑌉𑌰𑍁𑌵𑌿𑌕𑍍𑌰𑌮 𑌅𑌂𑌘𑍍𑌰𑌿𑌶𑌾𑌖𑌾
𑌨𑌖𑌮𑌣𑌿𑌚𑌂𑌦𑍍𑌰𑌿𑌕𑌯𑌾 𑌨𑌿𑌰𑌸𑍍𑌤𑌤𑌾𑌪𑍇 ।
𑌹𑍃𑌦𑌿 𑌕𑌥𑌂 𑌉𑌪𑌸𑍀𑌦𑌤𑌾𑌂 𑌪𑍁𑌨𑌃 𑌸𑌃
𑌪𑍍𑌰𑌭𑌵𑌤𑌿 𑌚𑌂𑌦𑍍𑌰𑌃 𑌇𑌵 𑌉𑌦𑌿𑌤𑍇 𑌅𑌰𑍍𑌕𑌤𑌾𑌪𑌃 ॥ 54॥

𑌵𑌿𑌸𑍃𑌜𑌤𑌿 𑌹𑍃𑌦𑌯𑌂 𑌨 𑌯𑌸𑍍𑌯 𑌸𑌾𑌕𑍍𑌷𑌾𑌤𑍍
𑌹𑌰𑌿𑌃 𑌅𑌵𑌶 𑌅𑌭𑌿𑌹𑌿𑌤𑌃 𑌅𑌪𑌿 𑌅𑌘𑍌𑌘𑌨𑌾𑌶𑌃 ।
𑌪𑍍𑌰𑌣𑌯𑌃 𑌅𑌶𑌨𑌯𑌾 𑌧𑍃𑌤 𑌅𑌂𑌘𑍍𑌰𑌿𑌪𑌦𑍍𑌮𑌃
𑌸𑌃 𑌭𑌵𑌤𑌿 𑌭𑌾𑌗𑌵𑌤𑌪𑍍𑌰𑌧𑌾𑌨𑌃 𑌉𑌕𑍍𑌤𑌃 ॥ 55॥

𑌇𑌤𑌿 𑌶𑍍𑌰𑍀𑌮𑌤𑍍 𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌂 𑌏𑌕𑌾𑌦𑌶𑌸𑍍𑌕𑌂𑌧𑍇 𑌨𑌿𑌮𑌿𑌜𑌾𑌯𑌂𑌤𑌸𑌂𑌵𑌾𑌦𑍇 𑌦𑍍𑌵𑌿𑌤𑍀𑌯𑌃
𑌅𑌧𑍍𑌯𑌾𑌯𑌃 ॥