𑌚𑌾𑌣𑌕𑍍𑌯 𑌨𑍀𑌤𑌿 – 𑌤𑍃𑌤𑍀𑌯𑍋𑌽𑌧𑍍𑌯𑌾𑌯𑌃Download PDF

𑌕𑌸𑍍𑌯 𑌦𑍋𑌷𑌃 𑌕𑍁𑌲𑍇 𑌨𑌾𑌸𑍍𑌤𑌿 𑌵𑍍𑌯𑌾𑌧𑌿𑌨𑌾 𑌕𑍋 𑌨 𑌪𑍀𑌡𑌿𑌤𑌃 ।
𑌵𑍍𑌯𑌸𑌨𑌂 𑌕𑍇𑌨 𑌨 𑌪𑍍𑌰𑌾𑌪𑍍𑌤𑌂 𑌕𑌸𑍍𑌯 𑌸𑍌𑌖𑍍𑌯𑌂 𑌨𑌿𑌰𑌂𑌤𑌰𑌮𑍍 ॥ 01 ॥

𑌆𑌚𑌾𑌰𑌃 𑌕𑍁𑌲𑌮𑌾𑌖𑍍𑌯𑌾𑌤𑌿 𑌦𑍇𑌶𑌮𑌾𑌖𑍍𑌯𑌾𑌤𑌿 𑌭𑌾𑌷𑌣𑌮𑍍 ।
𑌸𑌂𑌭𑍍𑌰𑌮𑌃 𑌸𑍍𑌨𑍇𑌹𑌮𑌾𑌖𑍍𑌯𑌾𑌤𑌿 𑌵𑌪𑍁𑌰𑌾𑌖𑍍𑌯𑌾𑌤𑌿 𑌭𑍋𑌜𑌨𑌮𑍍 ॥ 02 ॥

𑌸𑍁𑌕𑍁𑌲𑍇 𑌯𑍋𑌜𑌯𑍇𑌤𑍍𑌕𑌨𑍍𑌯𑌾𑌂 𑌪𑍁𑌤𑍍𑌰𑌂 𑌵𑌿𑌦𑍍𑌯𑌾𑌸𑍁 𑌯𑍋𑌜𑌯𑍇𑌤𑍍 ।
𑌵𑍍𑌯𑌸𑌨𑍇 𑌯𑍋𑌜𑌯𑍇𑌚𑍍𑌛𑌤𑍍𑌰𑍁𑌂 𑌮𑌿𑌤𑍍𑌰𑌂 𑌧𑌰𑍍𑌮𑍇𑌣 𑌯𑍋𑌜𑌯𑍇𑌤𑍍 ॥ 03 ॥

𑌦𑍁𑌰𑍍𑌜𑌨𑌸𑍍𑌯 𑌚 𑌸𑌰𑍍𑌪𑌸𑍍𑌯 𑌵𑌰𑌂 𑌸𑌰𑍍𑌪𑍋 𑌨 𑌦𑍁𑌰𑍍𑌜𑌨𑌃 ।
𑌸𑌰𑍍𑌪𑍋 𑌦𑌂𑌶𑌤𑌿 𑌕𑌾𑌲𑍇 𑌤𑍁 𑌦𑍁𑌰𑍍𑌜𑌨𑌸𑍍𑌤𑍁 𑌪𑌦𑍇 𑌪𑌦𑍇 ॥ 04 ॥

𑌏𑌤𑌦𑌰𑍍𑌥𑍇 𑌕𑍁𑌲𑍀𑌨𑌾𑌨𑌾𑌂 𑌨𑍃𑌪𑌾𑌃 𑌕𑍁𑌰𑍍𑌵𑌂𑌤𑌿 𑌸𑌂𑌗𑍍𑌰𑌹𑌮𑍍 ।
𑌆𑌦𑌿𑌮𑌧𑍍𑌯𑌾𑌵𑌸𑌾𑌨𑍇𑌷𑍁 𑌨 𑌤𑍇 𑌗𑌚𑍍𑌛𑌂𑌤𑌿 𑌵𑌿𑌕𑍍𑌰𑌿𑌯𑌾𑌮𑍍 ॥ 05 ॥

𑌪𑍍𑌰𑌲𑌯𑍇 𑌭𑌿𑌨𑍍𑌨𑌮𑌰𑍍𑌯𑌾𑌦𑌾 𑌭𑌵𑌂𑌤𑌿 𑌕𑌿𑌲 𑌸𑌾𑌗𑌰𑌾𑌃 ।
𑌸𑌾𑌗𑌰𑌾 𑌭𑍇𑌦𑌮𑌿𑌚𑍍𑌛𑌂𑌤𑌿 𑌪𑍍𑌰𑌲𑌯𑍇𑌽𑌪𑌿 𑌨 𑌸𑌾𑌧𑌵𑌃 ॥ 06 ॥

𑌮𑍂𑌰𑍍𑌖𑌸𑍍𑌤𑍁 𑌪𑍍𑌰𑌹𑌰𑍍𑌤𑌵𑍍𑌯𑌃 𑌪𑍍𑌰𑌤𑍍𑌯𑌕𑍍𑌷𑍋 𑌦𑍍𑌵𑌿𑌪𑌦𑌃 𑌪𑌶𑍁𑌃 ।
𑌭𑌿𑌦𑍍𑌯𑌤𑍇 𑌵𑌾𑌕𑍍𑌯-𑌶𑌲𑍍𑌯𑍇𑌨 𑌅𑌦𑍃𑌶𑌂 𑌕𑌂𑌟𑌕𑌂 𑌯𑌥𑌾 ॥ 0𑍭 ॥

𑌰𑍂𑌪𑌯𑍌𑌵𑌨𑌸𑌂𑌪𑌨𑍍𑌨𑌾 𑌵𑌿𑌶𑌾𑌲𑌕𑍁𑌲𑌸𑌂𑌭𑌵𑌾𑌃 ।
𑌵𑌿𑌦𑍍𑌯𑌾𑌹𑍀𑌨𑌾 𑌨 𑌶𑍋𑌭𑌂𑌤𑍇 𑌨𑌿𑌰𑍍𑌗𑌂𑌧𑌾𑌃 𑌕𑌿𑌂𑌶𑍁𑌕𑌾 𑌯𑌥𑌾 ॥ 0𑍮 ॥

𑌕𑍋𑌕𑌿𑌲𑌾𑌨𑌾𑌂 𑌸𑍍𑌵𑌰𑍋 𑌰𑍂𑌪𑌂 𑌸𑍍𑌤𑍍𑌰𑍀𑌣𑌾𑌂 𑌰𑍂𑌪𑌂 𑌪𑌤𑌿𑌵𑍍𑌰𑌤𑌮𑍍 ।
𑌵𑌿𑌦𑍍𑌯𑌾 𑌰𑍂𑌪𑌂 𑌕𑍁𑌰𑍂𑌪𑌾𑌣𑌾𑌂 𑌕𑍍𑌷𑌮𑌾 𑌰𑍂𑌪𑌂 𑌤𑌪𑌸𑍍𑌵𑌿𑌨𑌾𑌮𑍍 ॥ 0𑍯 ॥

𑌤𑍍𑌯𑌜𑍇𑌦𑍇𑌕𑌂 𑌕𑍁𑌲𑌸𑍍𑌯𑌾𑌰𑍍𑌥𑍇 𑌗𑍍𑌰𑌾𑌮𑌸𑍍𑌯𑌾𑌰𑍍𑌥𑍇 𑌕𑍁𑌲𑌂 𑌤𑍍𑌯𑌜𑍇𑌤𑍍 ।
𑌗𑍍𑌰𑌾𑌮𑌂 𑌜𑌨𑌪𑌦𑌸𑍍𑌯𑌾𑌰𑍍𑌥𑍇 𑌆𑌤𑍍𑌮𑌾𑌰𑍍𑌥𑍇 𑌪𑍃𑌥𑌿𑌵𑍀𑌂 𑌤𑍍𑌯𑌜𑍇𑌤𑍍 ॥ 10 ॥

𑌉𑌦𑍍𑌯𑍋𑌗𑍇 𑌨𑌾𑌸𑍍𑌤𑌿 𑌦𑌾𑌰𑌿𑌦𑍍𑌰𑍍𑌯𑌂 𑌜𑌪𑌤𑍋 𑌨𑌾𑌸𑍍𑌤𑌿 𑌪𑌾𑌤𑌕𑌮𑍍 ।
𑌮𑍌𑌨𑍇𑌨 𑌕𑌲𑌹𑍋 𑌨𑌾𑌸𑍍𑌤𑌿 𑌨𑌾𑌸𑍍𑌤𑌿 𑌜𑌾𑌗𑌰𑌿𑌤𑍇 𑌭𑌯𑌮𑍍 ॥ 11 ॥

𑌅𑌤𑌿𑌰𑍂𑌪𑍇𑌣 𑌵𑌾 𑌸𑍀𑌤𑌾 𑌅𑌤𑌿𑌗𑌰𑍍𑌵𑍇𑌣 𑌰𑌾𑌵𑌣𑌃 ।
𑌅𑌤𑌿𑌦𑌾𑌨𑌾𑌦𑍍𑌬𑌲𑌿𑌰𑍍𑌬𑌦𑍍𑌧𑍋 𑌹𑍍𑌯𑌤𑌿𑌸𑌰𑍍𑌵𑌤𑍍𑌰 𑌵𑌰𑍍𑌜𑌯𑍇𑌤𑍍 ॥ 12 ॥

𑌕𑍋 𑌹𑌿 𑌭𑌾𑌰𑌃 𑌸𑌮𑌰𑍍𑌥𑌾𑌨𑌾𑌂 𑌕𑌿𑌂 𑌦𑍂𑌰𑌂 𑌵𑍍𑌯𑌵𑌸𑌾𑌯𑌿𑌨𑌾𑌮𑍍 ।
𑌕𑍋 𑌵𑌿𑌦𑍇𑌶𑌃 𑌸𑍁𑌵𑌿𑌦𑍍𑌯𑌾𑌨𑌾𑌂 𑌕𑌃 𑌪𑌰𑌃 𑌪𑍍𑌰𑌿𑌯𑌵𑌾𑌦𑌿𑌨𑌾𑌮𑍍 ॥ 13 ॥

𑌏𑌕𑍇𑌨𑌾𑌪𑌿 𑌸𑍁𑌵𑍃𑌕𑍍𑌷𑍇𑌣 𑌪𑍁𑌷𑍍𑌪𑌿𑌤𑍇𑌨 𑌸𑍁𑌗𑌂𑌧𑌿𑌨𑌾 ।
𑌵𑌾𑌸𑌿𑌤𑌂 𑌤𑌦𑍍𑌵𑌨𑌂 𑌸𑌰𑍍𑌵𑌂 𑌸𑍁𑌪𑍁𑌤𑍍𑌰𑍇𑌣 𑌕𑍁𑌲𑌂 𑌯𑌥𑌾 ॥ 14 ॥

𑌏𑌕𑍇𑌨 𑌶𑍁𑌷𑍍𑌕𑌵𑍃𑌕𑍍𑌷𑍇𑌣 𑌦𑌹𑍍𑌯𑌮𑌾𑌨𑍇𑌨 𑌵𑌹𑍍𑌨𑌿𑌨𑌾 ।
𑌦𑌹𑍍𑌯𑌤𑍇 𑌤𑌦𑍍𑌵𑌨𑌂 𑌸𑌰𑍍𑌵𑌂 𑌕𑍁𑌪𑍁𑌤𑍍𑌰𑍇𑌣 𑌕𑍁𑌲𑌂 𑌯𑌥𑌾 ॥ 15 ॥

𑌏𑌕𑍇𑌨𑌾𑌪𑌿 𑌸𑍁𑌪𑍁𑌤𑍍𑌰𑍇𑌣 𑌵𑌿𑌦𑍍𑌯𑌾𑌯𑍁𑌕𑍍𑌤𑍇𑌨 𑌸𑌾𑌧𑍁𑌨𑌾 ।
𑌆𑌹𑍍𑌲𑌾𑌦𑌿𑌤𑌂 𑌕𑍁𑌲𑌂 𑌸𑌰𑍍𑌵𑌂 𑌯𑌥𑌾 𑌚𑌂𑌦𑍍𑌰𑍇𑌣 𑌶𑌰𑍍𑌵𑌰𑍀 ॥ 16 ॥

𑌕𑌿𑌂 𑌜𑌾𑌤𑍈𑌰𑍍𑌬𑌹𑍁𑌭𑌿𑌃 𑌪𑍁𑌤𑍍𑌰𑍈𑌃 𑌶𑍋𑌕𑌸𑌂𑌤𑌾𑌪𑌕𑌾𑌰𑌕𑍈𑌃 ।
𑌵𑌰𑌮𑍇𑌕𑌃 𑌕𑍁𑌲𑌾𑌲𑌂𑌬𑍀 𑌯𑌤𑍍𑌰 𑌵𑌿𑌶𑍍𑌰𑌾𑌮𑍍𑌯𑌤𑍇 𑌕𑍁𑌲𑌮𑍍 ॥ 1𑍭 ॥

𑌲𑌾𑌲𑌯𑍇𑌤𑍍𑌪𑌂𑌚𑌵𑌰𑍍𑌷𑌾𑌣𑌿 𑌦𑌶𑌵𑌰𑍍𑌷𑌾𑌣𑌿 𑌤𑌾𑌡𑌯𑍇𑌤𑍍 ।
𑌪𑍍𑌰𑌾𑌪𑍍𑌤𑍇 𑌤𑍁 𑌷𑍋𑌡𑌶𑍇 𑌵𑌰𑍍𑌷𑍇 𑌪𑍁𑌤𑍍𑌰𑍇 𑌮𑌿𑌤𑍍𑌰𑌵𑌦𑌾𑌚𑌰𑍇𑌤𑍍 ॥ 1𑍮 ॥

𑌉𑌪𑌸𑌰𑍍𑌗𑍇𑌽𑌨𑍍𑌯𑌚𑌕𑍍𑌰𑍇 𑌚 𑌦𑍁𑌰𑍍𑌭𑌿𑌕𑍍𑌷𑍇 𑌚 𑌭𑌯𑌾𑌵𑌹𑍇 ।
𑌅𑌸𑌾𑌧𑍁𑌜𑌨𑌸𑌂𑌪𑌰𑍍𑌕𑍇 𑌯𑌃 𑌪𑌲𑌾𑌯𑍇𑌤𑍍𑌸 𑌜𑍀𑌵𑌤𑌿 ॥ 1𑍯 ॥

𑌧𑌰𑍍𑌮𑌾𑌰𑍍𑌥𑌕𑌾𑌮𑌮𑍋𑌕𑍍𑌷𑌾𑌣𑌾𑌂 𑌯𑌸𑍍𑌯𑍈𑌕𑍋𑌽𑌪𑌿 𑌨 𑌵𑌿𑌦𑍍𑌯𑌤𑍇 ।
𑌅𑌜𑌾𑌗𑌲𑌸𑍍𑌤𑌨𑌸𑍍𑌯𑍇𑌵 𑌤𑌸𑍍𑌯 𑌜𑌨𑍍𑌮 𑌨𑌿𑌰𑌰𑍍𑌥𑌕𑌮𑍍 ॥ 20 ॥

𑌮𑍂𑌰𑍍𑌖𑌾 𑌯𑌤𑍍𑌰 𑌨 𑌪𑍂𑌜𑍍𑌯𑌂𑌤𑍇 𑌧𑌾𑌨𑍍𑌯𑌂 𑌯𑌤𑍍𑌰 𑌸𑍁𑌸𑌂𑌚𑌿𑌤𑌮𑍍 ।
𑌦𑌾𑌂𑌪𑌤𑍍𑌯𑍇 𑌕𑌲𑌹𑍋 𑌨𑌾𑌸𑍍𑌤𑌿 𑌤𑌤𑍍𑌰 𑌶𑍍𑌰𑍀𑌃 𑌸𑍍𑌵𑌯𑌮𑌾𑌗𑌤𑌾 ॥ 21 ॥