𑌚𑌾𑌣𑌕𑍍𑌯 𑌨𑍀𑌤𑌿 – 𑌨𑌵𑌮𑍋𑌽𑌧𑍍𑌯𑌾𑌯𑌃Download PDF

𑌮𑍁𑌕𑍍𑌤𑌿𑌮𑌿𑌚𑍍𑌛𑌸𑌿 𑌚𑍇𑌤𑍍𑌤𑌾𑌤 𑌵𑌿𑌷𑌯𑌾𑌨𑍍𑌵𑌿𑌷𑌵𑌤𑍍𑌤𑍍𑌯𑌜 ।
𑌕𑍍𑌷𑌮𑌾𑌰𑍍𑌜𑌵𑌦𑌯𑌾𑌶𑍌𑌚𑌂 𑌸𑌤𑍍𑌯𑌂 𑌪𑍀𑌯𑍂𑌷𑌵𑌤𑍍𑌪𑌿𑌬 ॥ 01 ॥

𑌪𑌰𑌸𑍍𑌪𑌰𑌸𑍍𑌯 𑌮𑌰𑍍𑌮𑌾𑌣𑌿 𑌯𑍇 𑌭𑌾𑌷𑌂𑌤𑍇 𑌨𑌰𑌾𑌧𑌮𑌾𑌃 ।
𑌤 𑌏𑌵 𑌵𑌿𑌲𑌯𑌂 𑌯𑌾𑌂𑌤𑌿 𑌵𑌲𑍍𑌮𑍀𑌕𑍋𑌦𑌰𑌸𑌰𑍍𑌪𑌵𑌤𑍍 ॥ 02 ॥

𑌗𑌂𑌧𑌃 𑌸𑍁𑌵𑌰𑍍𑌣𑍇 𑌫𑌲𑌮𑌿𑌕𑍍𑌷𑍁𑌦𑌂𑌡𑍇
𑌨𑌾𑌕𑌰𑌿 𑌪𑍁𑌷𑍍𑌪𑌂 𑌖𑌲𑍁 𑌚𑌂𑌦𑌨𑌸𑍍𑌯 ।
𑌵𑌿𑌦𑍍𑌵𑌾𑌂𑌧𑌨𑌾𑌢𑍍𑌯𑌶𑍍𑌚 𑌨𑍃𑌪𑌶𑍍𑌚𑌿𑌰𑌾𑌯𑍁𑌃
𑌧𑌾𑌤𑍁𑌃 𑌪𑍁𑌰𑌾 𑌕𑍋𑌽𑌪𑌿 𑌨 𑌬𑍁𑌦𑍍𑌧𑌿𑌦𑍋𑌽𑌭𑍂𑌤𑍍 ॥ 03 ॥

𑌸𑌰𑍍𑌵𑍌𑌷𑌧𑍀𑌨𑌾𑌮𑌮𑍃𑌤𑌾 𑌪𑍍𑌰𑌧𑌾𑌨𑌾
𑌸𑌰𑍍𑌵𑍇𑌷𑍁 𑌸𑍌𑌖𑍍𑌯𑍇𑌷𑍍𑌵𑌶𑌨𑌂 𑌪𑍍𑌰𑌧𑌾𑌨𑌮𑍍 ।
𑌸𑌰𑍍𑌵𑍇𑌂𑌦𑍍𑌰𑌿𑌯𑌾𑌣𑌾𑌂 𑌨𑌯𑌨𑌂 𑌪𑍍𑌰𑌧𑌾𑌨𑌂
𑌸𑌰𑍍𑌵𑍇𑌷𑍁 𑌗𑌾𑌤𑍍𑌰𑍇𑌷𑍁 𑌶𑌿𑌰𑌃 𑌪𑍍𑌰𑌧𑌾𑌨𑌮𑍍 ॥ 04 ॥

𑌦𑍂𑌤𑍋 𑌨 𑌸𑌂𑌚𑌰𑌤𑌿 𑌖𑍇 𑌨 𑌚𑌲𑍇𑌚𑍍𑌚 𑌵𑌾𑌰𑍍𑌤𑌾
𑌪𑍂𑌰𑍍𑌵𑌂 𑌨 𑌜𑌲𑍍𑌪𑌿𑌤𑌮𑌿𑌦𑌂 𑌨 𑌚 𑌸𑌂𑌗𑌮𑍋𑌽𑌸𑍍𑌤𑌿 ।
𑌵𑍍𑌯𑍋𑌮𑍍𑌨𑌿 𑌸𑍍𑌥𑌿𑌤𑌂 𑌰𑌵𑌿𑌶𑌾𑌶𑌿𑌗𑍍𑌰𑌹𑌣𑌂 𑌪𑍍𑌰𑌶𑌸𑍍𑌤𑌂
𑌜𑌾𑌨𑌾𑌤𑌿 𑌯𑍋 𑌦𑍍𑌵𑌿𑌜𑌵𑌰𑌃 𑌸 𑌕𑌥𑌂 𑌨 𑌵𑌿𑌦𑍍𑌵𑌾𑌨𑍍 ॥ 05 ॥

𑌵𑌿𑌦𑍍𑌯𑌾𑌰𑍍𑌥𑍀 𑌸𑍇𑌵𑌕𑌃 𑌪𑌾𑌂𑌥𑌃 𑌕𑍍𑌷𑍁𑌧𑌾𑌰𑍍𑌤𑍋 𑌭𑌯𑌕𑌾𑌤𑌰𑌃 ।
𑌭𑌾𑌂𑌡𑌾𑌰𑍀 𑌪𑍍𑌰𑌤𑌿𑌹𑌾𑌰𑍀 𑌚 𑌸𑌪𑍍𑌤 𑌸𑍁𑌪𑍍𑌤𑌾𑌨𑍍𑌪𑍍𑌰𑌬𑍋𑌧𑌯𑍇𑌤𑍍 ॥ 06 ॥

𑌅𑌹𑌿𑌂 𑌨𑍃𑌪𑌂 𑌚 𑌶𑌾𑌰𑍍𑌦𑍂𑌲𑌂 𑌵𑍃𑌦𑍍𑌧𑌂 𑌚 𑌬𑌾𑌲𑌕𑌂 𑌤𑌥𑌾 ।
𑌪𑌰𑌶𑍍𑌵𑌾𑌨𑌂 𑌚 𑌮𑍂𑌰𑍍𑌖𑌂 𑌚 𑌸𑌪𑍍𑌤 𑌸𑍁𑌪𑍍𑌤𑌾𑌨𑍍𑌨 𑌬𑍋𑌧𑌯𑍇𑌤𑍍 ॥ 0𑍭 ॥

𑌅𑌰𑍍𑌧𑌾𑌧𑍀𑌤𑌾𑌶𑍍𑌚 𑌯𑍈𑌰𑍍𑌵𑍇𑌦𑌾𑌸𑍍𑌤𑌥𑌾 𑌶𑍂𑌦𑍍𑌰𑌾𑌨𑍍𑌨𑌭𑍋𑌜𑌨𑌾𑌃 ।
𑌤𑍇 𑌦𑍍𑌵𑌿𑌜𑌾𑌃 𑌕𑌿𑌂 𑌕𑌰𑌿𑌷𑍍𑌯𑌂𑌤𑌿 𑌨𑌿𑌰𑍍𑌵𑌿𑌷𑌾 𑌇𑌵 𑌪𑌨𑍍𑌨𑌗𑌾𑌃 ॥ 0𑍮 ॥

𑌯𑌸𑍍𑌮𑌿𑌨𑍍𑌰𑍁𑌷𑍍𑌟𑍇 𑌭𑌯𑌂 𑌨𑌾𑌸𑍍𑌤𑌿 𑌤𑍁𑌷𑍍𑌟𑍇 𑌨𑍈𑌵 𑌧𑌨𑌾𑌗𑌮𑌃 ।
𑌨𑌿𑌗𑍍𑌰𑌹𑍋𑌽𑌨𑍁𑌗𑍍𑌰𑌹𑍋 𑌨𑌾𑌸𑍍𑌤𑌿 𑌸 𑌰𑍁𑌷𑍍𑌟𑌃 𑌕𑌿𑌂 𑌕𑌰𑌿𑌷𑍍𑌯𑌤𑌿 ॥ 0𑍯 ॥

𑌨𑌿𑌰𑍍𑌵𑌿𑌷𑍇𑌣𑌾𑌪𑌿 𑌸𑌰𑍍𑌪𑍇𑌣 𑌕𑌰𑍍𑌤𑌵𑍍𑌯𑌾 𑌮𑌹𑌤𑍀 𑌫𑌣𑌾 ।
𑌵𑌿𑌷𑌮𑌸𑍍𑌤𑍁 𑌨 𑌚𑌾𑌪𑍍𑌯𑌸𑍍𑌤𑍁 𑌘𑌟𑌾𑌟𑍋𑌪𑍋 𑌭𑌯𑌂𑌕𑌰𑌃 ॥ 10 ॥

𑌪𑍍𑌰𑌾𑌤𑌰𑍍𑌦𑍍𑌯𑍂𑌤𑌪𑍍𑌰𑌸𑌂𑌗𑍇𑌨 𑌮𑌧𑍍𑌯𑌾𑌹𑍍𑌨𑍇 𑌸𑍍𑌤𑍍𑌰𑍀𑌪𑍍𑌰𑌸𑌂𑌗𑌤𑌃 ।
𑌰𑌾𑌤𑍍𑌰𑍌 𑌚𑍌𑌰𑌪𑍍𑌰𑌸𑌂𑌗𑍇𑌨 𑌕𑌾𑌲𑍋 𑌗𑌚𑍍𑌛𑌂𑌤𑌿 𑌧𑍀𑌮𑌤𑌾𑌮𑍍 ॥ 11 ॥

𑌸𑍍𑌵𑌹𑌸𑍍𑌤𑌗𑍍𑌰𑌥𑌿𑌤𑌾 𑌮𑌾𑌲𑌾 𑌸𑍍𑌵𑌹𑌸𑍍𑌤𑌘𑍃𑌷𑍍𑌟𑌚𑌂𑌦𑌨𑌮𑍍 ।
𑌸𑍍𑌵𑌹𑌸𑍍𑌤𑌲𑌿𑌖𑌿𑌤𑌂 𑌸𑍍𑌤𑍋𑌤𑍍𑌰𑌂 𑌶𑌕𑍍𑌰𑌸𑍍𑌯𑌾𑌪𑌿 𑌶𑍍𑌰𑌿𑌯𑌂 𑌹𑌰𑍇𑌤𑍍 ॥ 12 ॥

𑌇𑌕𑍍𑌷𑍁𑌦𑌂𑌡𑌾𑌸𑍍𑌤𑌿𑌲𑌾𑌃 𑌶𑍂𑌦𑍍𑌰𑌾𑌃 𑌕𑌾𑌂𑌤𑌾 𑌹𑍇𑌮 𑌚 𑌮𑍇𑌦𑌿𑌨𑍀 ।
𑌚𑌂𑌦𑌨𑌂 𑌦𑌧𑌿 𑌤𑌾𑌂𑌬𑍂𑌲𑌂 𑌮𑌰𑍍𑌦𑌨𑌂 𑌗𑍁𑌣𑌵𑌰𑍍𑌧𑌨𑌮𑍍 ॥ 13 ॥

𑌦𑌹𑍍𑌯𑌮𑌾𑌨𑌾𑌃 𑌸𑍁𑌤𑍀𑌵𑍍𑌰𑍇𑌣 𑌨𑍀𑌚𑌾𑌃 𑌪𑌰𑌯𑌶𑍋𑌽𑌗𑍍𑌨𑌿𑌨𑌾
𑌅𑌶𑌕𑍍𑌤𑌾𑌸𑍍𑌤𑌤𑍍𑌪𑌦𑌂 𑌗𑌂𑌤𑍁𑌂 𑌤𑌤𑍋 𑌨𑌿𑌂𑌦𑌾𑌂 𑌪𑍍𑌰𑌕𑍁𑌰𑍍𑌵𑌤𑍇 ।
𑌦𑌰𑌿𑌦𑍍𑌰𑌤𑌾 𑌧𑍀𑌰𑌤𑌯𑌾 𑌵𑌿𑌰𑌾𑌜𑌤𑍇𑌕𑍁𑌵𑌸𑍍𑌤𑍍𑌰𑌤𑌾 𑌶𑍁𑌭𑍍𑌰𑌤𑌯𑌾 𑌵𑌿𑌰𑌾𑌜𑌤𑍇
𑌕𑌦𑌨𑍍𑌨𑌤𑌾 𑌚𑍋𑌷𑍍𑌣𑌤𑌯𑌾 𑌵𑌿𑌰𑌾𑌜𑌤𑍇 𑌕𑍁𑌰𑍂𑌪𑌤𑌾 𑌶𑍀𑌲𑌤𑌯𑌾 𑌵𑌿𑌰𑌾𑌜𑌤𑍇 ॥ 14 ॥