𑌚𑌾𑌣𑌕𑍍𑌯 𑌨𑍀𑌤𑌿 – 𑌸𑌪𑍍𑌤𑌮𑍋𑌽𑌧𑍍𑌯𑌾𑌯𑌃Download PDF

𑌅𑌰𑍍𑌥𑌨𑌾𑌶𑌂 𑌮𑌨𑌸𑍍𑌤𑌾𑌪𑌂 𑌗𑍃𑌹𑍇 𑌦𑍁𑌶𑍍𑌚𑌰𑌿𑌤𑌾𑌨𑌿 𑌚 ।
𑌵𑌂𑌚𑌨𑌂 𑌚𑌾𑌪𑌮𑌾𑌨𑌂 𑌚 𑌮𑌤𑌿𑌮𑌾𑌨𑍍𑌨 𑌪𑍍𑌰𑌕𑌾𑌶𑌯𑍇𑌤𑍍 ॥ 01 ॥

𑌧𑌨𑌧𑌾𑌨𑍍𑌯𑌪𑍍𑌰𑌯𑍋𑌗𑍇𑌷𑍁 𑌵𑌿𑌦𑍍𑌯𑌾𑌸𑌂𑌗𑍍𑌰𑌹𑌣𑍇 𑌤𑌥𑌾 ।
𑌆𑌹𑌾𑌰𑍇 𑌵𑍍𑌯𑌵𑌹𑌾𑌰𑍇 𑌚 𑌤𑍍𑌯𑌕𑍍𑌤𑌲𑌜𑍍𑌜𑌃 𑌸𑍁𑌖𑍀 𑌭𑌵𑍇𑌤𑍍 ॥ 02 ॥

𑌸𑌂𑌤𑍋𑌷𑌾𑌮𑍃𑌤𑌤𑍃𑌪𑍍𑌤𑌾𑌨𑌾𑌂 𑌯𑌤𑍍𑌸𑍁𑌖𑌂 𑌶𑌾𑌂𑌤𑌿𑌰𑍇𑌵 𑌚 ।
𑌨 𑌚 𑌤𑌦𑍍𑌧𑌨𑌲𑍁𑌬𑍍𑌧𑌾𑌨𑌾𑌮𑌿𑌤𑌶𑍍𑌚𑍇𑌤𑌶𑍍𑌚 𑌧𑌾𑌵𑌤𑌾𑌮𑍍 ॥ 03 ॥

𑌸𑌂𑌤𑍋𑌷𑌸𑍍𑌤𑍍𑌰𑌿𑌷𑍁 𑌕𑌰𑍍𑌤𑌵𑍍𑌯𑌃 𑌸𑍍𑌵𑌦𑌾𑌰𑍇 𑌭𑍋𑌜𑌨𑍇 𑌧𑌨𑍇 ।
𑌤𑍍𑌰𑌿𑌷𑍁 𑌚𑍈𑌵 𑌨 𑌕𑌰𑍍𑌤𑌵𑍍𑌯𑍋𑌽𑌧𑍍𑌯𑌯𑌨𑍇 𑌜𑌪𑌦𑌾𑌨𑌯𑍋𑌃 ॥ 04 ॥

𑌵𑌿𑌪𑍍𑌰𑌯𑍋𑌰𑍍𑌵𑌿𑌪𑍍𑌰𑌵𑌹𑍍𑌨𑍍𑌯𑍋𑌶𑍍𑌚 𑌦𑌂𑌪𑌤𑍍𑌯𑍋𑌃 𑌸𑍍𑌵𑌾𑌮𑌿𑌭𑍃𑌤𑍍𑌯𑌯𑍋𑌃 ।
𑌅𑌂𑌤𑌰𑍇𑌣 𑌨 𑌗𑌂𑌤𑌵𑍍𑌯𑌂 𑌹𑌲𑌸𑍍𑌯 𑌵𑍃𑌷𑌭𑌸𑍍𑌯 𑌚 ॥ 05 ॥

𑌪𑌾𑌦𑌾𑌭𑍍𑌯𑌾𑌂 𑌨 𑌸𑍍𑌪𑍃𑌶𑍇𑌦𑌗𑍍𑌨𑌿𑌂 𑌗𑍁𑌰𑍁𑌂 𑌬𑍍𑌰𑌾𑌹𑍍𑌮𑌣𑌮𑍇𑌵 𑌚 ।
𑌨𑍈𑌵 𑌗𑌾𑌂 𑌨 𑌕𑍁𑌮𑌾𑌰𑍀𑌂 𑌚 𑌨 𑌵𑍃𑌦𑍍𑌧𑌂 𑌨 𑌶𑌿𑌶𑍁𑌂 𑌤𑌥𑌾 ॥ 06 ॥

𑌶𑌕𑌟𑌂 𑌪𑌂𑌚𑌹𑌸𑍍𑌤𑍇𑌨 𑌦𑌶𑌹𑌸𑍍𑌤𑍇𑌨 𑌵𑌾𑌜𑌿𑌨𑌮𑍍 ।
𑌗𑌜𑌂 𑌹𑌸𑍍𑌤𑌸𑌹𑌸𑍍𑌰𑍇𑌣 𑌦𑍇𑌶𑌤𑍍𑌯𑌾𑌗𑍇𑌨 𑌦𑍁𑌰𑍍𑌜𑌨𑌮𑍍 ॥ 0𑍭 ॥

𑌹𑌸𑍍𑌤𑍀 𑌅𑌂𑌕𑍁𑌶𑌮𑌾𑌤𑍍𑌰𑍇𑌣 𑌵𑌾𑌜𑍀 𑌹𑌸𑍍𑌤𑍇𑌨 𑌤𑌾𑌡𑍍𑌯𑌤𑍇 ।
𑌶‍𑌋𑌂𑌗𑍀 𑌲𑌗𑍁𑌡𑌹𑌸𑍍𑌤𑍇𑌨 𑌖𑌡𑍍𑌗𑌹𑌸𑍍𑌤𑍇𑌨 𑌦𑍁𑌰𑍍𑌜𑌨𑌃 ॥ 0𑍮 ॥

𑌤𑍁𑌷𑍍𑌯𑌂𑌤𑌿 𑌭𑍋𑌜𑌨𑍇 𑌵𑌿𑌪𑍍𑌰𑌾 𑌮𑌯𑍂𑌰𑌾 𑌘𑌨𑌗𑌰𑍍𑌜𑌿𑌤𑍇 ।
𑌸𑌾𑌧𑌵𑌃 𑌪𑌰𑌸𑌂𑌪𑌤𑍍𑌤𑍌 𑌖𑌲𑌾𑌃 𑌪𑌰𑌵𑌿𑌪𑌤𑍍𑌤𑌿𑌷𑍁 ॥ 0𑍯 ॥

𑌅𑌨𑍁𑌲𑍋𑌮𑍇𑌨 𑌬𑌲𑌿𑌨𑌂 𑌪𑍍𑌰𑌤𑌿𑌲𑍋𑌮𑍇𑌨 𑌦𑍁𑌰𑍍𑌜𑌨𑌮𑍍 ।
𑌆𑌤𑍍𑌮𑌤𑍁𑌲𑍍𑌯𑌬𑌲𑌂 𑌶𑌤𑍍𑌰𑍁𑌂 𑌵𑌿𑌨𑌯𑍇𑌨 𑌬𑌲𑍇𑌨 𑌵𑌾 ॥ 10 ॥

𑌬𑌾𑌹𑍁𑌵𑍀𑌰𑍍𑌯𑌂 𑌬𑌲𑌂 𑌰𑌾𑌜𑍍𑌞𑌾𑌂 𑌬𑍍𑌰𑌹𑍍𑌮𑌣𑍋 𑌬𑍍𑌰𑌹𑍍𑌮𑌵𑌿𑌦𑍍𑌬𑌲𑍀 ।
𑌰𑍂𑌪𑌯𑍌𑌵𑌨𑌮𑌾𑌧𑍁𑌰𑍍𑌯𑌂 𑌸𑍍𑌤𑍍𑌰𑍀𑌣𑌾𑌂 𑌬𑌲𑌮𑌨𑍁𑌤𑍍𑌤𑌮𑌮𑍍 ॥ 11 ॥

𑌨𑌾𑌤𑍍𑌯𑌂𑌤𑌂 𑌸𑌰𑌲𑍈𑌰𑍍𑌭𑌾𑌵𑍍𑌯𑌂 𑌗𑌤𑍍𑌵𑌾 𑌪𑌶𑍍𑌯 𑌵𑌨𑌸𑍍𑌥𑌲𑍀𑌮𑍍 ।
𑌛𑌿𑌦𑍍𑌯𑌂𑌤𑍇 𑌸𑌰𑌲𑌾𑌸𑍍𑌤𑌤𑍍𑌰 𑌕𑍁𑌬𑍍𑌜𑌾𑌸𑍍𑌤𑌿𑌷𑍍𑌠𑌂𑌤𑌿 𑌪𑌾𑌦𑌪𑌾𑌃 ॥ 12 ॥

𑌯𑌤𑍍𑌰𑍋𑌦𑌕𑌂 𑌤𑌤𑍍𑌰 𑌵𑌸𑌂𑌤𑌿 𑌹𑌂𑌸𑌾-
𑌸𑍍𑌤𑌥𑍈𑌵 𑌶𑍁𑌷𑍍𑌕𑌂 𑌪𑌰𑌿𑌵𑌰𑍍𑌜𑌯𑌂𑌤𑌿 ।
𑌨 𑌹𑌂𑌸𑌤𑍁𑌲𑍍𑌯𑍇𑌨 𑌨𑌰𑍇𑌣 𑌭𑌾𑌵𑍍𑌯𑌂
𑌪𑍁𑌨𑌸𑍍𑌤𑍍𑌯𑌜𑌂𑌤𑌃 𑌪𑍁𑌨𑌰𑌾𑌶𑍍𑌰𑌯𑌂𑌤𑍇 ॥ 13 ॥

𑌉𑌪𑌾𑌰𑍍𑌜𑌿𑌤𑌾𑌨𑌾𑌂 𑌵𑌿𑌤𑍍𑌤𑌾𑌨𑌾𑌂 𑌤𑍍𑌯𑌾𑌗 𑌏𑌵 𑌹𑌿 𑌰𑌕𑍍𑌷𑌣𑌮𑍍 ।
𑌤𑌡𑌾𑌗𑍋𑌦𑌰𑌸𑌂𑌸𑍍𑌥𑌾𑌨𑌾𑌂 𑌪𑌰𑍀𑌵𑌾𑌹 𑌇𑌵𑌾𑌂𑌭𑌸𑌾𑌮𑍍 ॥ 14 ॥

𑌯𑌸𑍍𑌯𑌾𑌰𑍍𑌥𑌾𑌸𑍍𑌤𑌸𑍍𑌯 𑌮𑌿𑌤𑍍𑌰𑌾𑌣𑌿 𑌯𑌸𑍍𑌯𑌾𑌰𑍍𑌥𑌾𑌸𑍍𑌤𑌸𑍍𑌯 𑌬𑌾𑌂𑌧𑌵𑌾𑌃 ।
𑌯𑌸𑍍𑌯𑌾𑌰𑍍𑌥𑌾𑌃 𑌸 𑌪𑍁𑌮𑌾𑌁𑌲𑍍𑌲𑍋𑌕𑍇 𑌯𑌸𑍍𑌯𑌾𑌰𑍍𑌥𑌾𑌃 𑌸 𑌚 𑌪𑌂𑌡𑌿𑌤𑌃 ॥ 15 ॥

𑌸𑍍𑌵𑌰𑍍𑌗𑌸𑍍𑌥𑌿𑌤𑌾𑌨𑌾𑌮𑌿𑌹 𑌜𑍀𑌵𑌲𑍋𑌕𑍇
𑌚𑌤𑍍𑌵𑌾𑌰𑌿 𑌚𑌿𑌹𑍍𑌨𑌾𑌨𑌿 𑌵𑌸𑌂𑌤𑌿 𑌦𑍇𑌹𑍇 ।
𑌦𑌾𑌨𑌪𑍍𑌰𑌸𑌂𑌗𑍋 𑌮𑌧𑍁𑌰𑌾 𑌚 𑌵𑌾𑌣𑍀
𑌦𑍇𑌵𑌾𑌰𑍍𑌚𑌨𑌂 𑌬𑍍𑌰𑌾𑌹𑍍𑌮𑌣𑌤𑌰𑍍𑌪𑌣𑌂 𑌚 ॥ 16 ॥

𑌅𑌤𑍍𑌯𑌂𑌤𑌕𑍋𑌪𑌃 𑌕𑌟𑍁𑌕𑌾 𑌚 𑌵𑌾𑌣𑍀
𑌦𑌰𑌿𑌦𑍍𑌰𑌤𑌾 𑌚 𑌸𑍍𑌵𑌜𑌨𑍇𑌷𑍁 𑌵𑍈𑌰𑌮𑍍 ।
𑌨𑍀𑌚𑌪𑍍𑌰𑌸𑌂𑌗𑌃 𑌕𑍁𑌲𑌹𑍀𑌨𑌸𑍇𑌵𑌾
𑌚𑌿𑌹𑍍𑌨𑌾𑌨𑌿 𑌦𑍇𑌹𑍇 𑌨𑌰𑌕𑌸𑍍𑌥𑌿𑌤𑌾𑌨𑌾𑌮𑍍 ॥ 1𑍭 ॥

𑌗𑌮𑍍𑌯𑌤𑍇 𑌯𑌦𑌿 𑌮𑍃𑌗𑍇𑌂𑌦𑍍𑌰𑌮𑌂𑌦𑌿𑌰𑌂
𑌲𑌭𑍍𑌯𑌤𑍇 𑌕𑌰𑌿𑌕𑌪𑌾𑌲𑌮𑍌𑌕𑍍𑌤𑌿𑌕𑌮𑍍 ।
𑌜𑌂𑌬𑍁𑌕𑌾𑌲𑌯𑌗𑌤𑍇 𑌚 𑌪𑍍𑌰𑌾𑌪𑍍𑌯𑌤𑍇
𑌵𑌤𑍍𑌸𑌪𑍁𑌚𑍍𑌛𑌖𑌰𑌚𑌰𑍍𑌮𑌖𑌂𑌡𑌨𑌮𑍍 ॥ 1𑍮 ॥

𑌶𑍁𑌨𑌃 𑌪𑍁𑌚𑍍𑌛𑌮𑌿𑌵 𑌵𑍍𑌯𑌰𑍍𑌥𑌂 𑌜𑍀𑌵𑌿𑌤𑌂 𑌵𑌿𑌦𑍍𑌯𑌯𑌾 𑌵𑌿𑌨𑌾 ।
𑌨 𑌗𑍁𑌹𑍍𑌯𑌗𑍋𑌪𑌨𑍇 𑌶𑌕𑍍𑌤𑌂 𑌨 𑌚 𑌦𑌂𑌶𑌨𑌿𑌵𑌾𑌰𑌣𑍇 ॥ 1𑍯 ॥

𑌵𑌾𑌚𑌾𑌂 𑌶𑍌𑌚𑌂 𑌚 𑌮𑌨𑌸𑌃 𑌶𑍌𑌚𑌮𑌿𑌂𑌦𑍍𑌰𑌿𑌯𑌨𑌿𑌗𑍍𑌰𑌹𑌃 ।
𑌸𑌰𑍍𑌵𑌭𑍂𑌤𑌦𑌯𑌾𑌶𑍌𑌚𑌮𑍇𑌤𑌚𑍍𑌛𑍌𑌚𑌂 𑌪𑌰𑌾𑌰𑍍𑌥𑌿𑌨𑌾𑌮𑍍 ॥ 20 ॥

𑌪𑍁𑌷𑍍𑌪𑍇 𑌗𑌂𑌧𑌂 𑌤𑌿𑌲𑍇 𑌤𑍈𑌲𑌂 𑌕𑌾𑌷𑍍𑌠𑍇𑌽𑌗𑍍𑌨𑌿𑌂 𑌪𑌯𑌸𑌿 𑌘𑍃𑌤𑌮𑍍 ।
𑌇𑌕𑍍𑌷𑍌 𑌗𑍁𑌡𑌂 𑌤𑌥𑌾 𑌦𑍇𑌹𑍇 𑌪𑌶𑍍𑌯𑌾𑌤𑍍𑌮𑌾𑌨𑌂 𑌵𑌿𑌵𑍇𑌕𑌤𑌃 ॥ 21 ॥