𑌦𑍇𑌵𑌵𑌾𑌣𑍀𑌂 𑌵𑍇𑌦𑌵𑌾𑌣𑍀𑌂 𑌮𑌾𑌤𑌰𑌂 𑌵𑌂𑌦𑌾𑌮𑌹𑍇Download PDF

𑌦𑍇𑌵𑌵𑌾𑌣𑍀𑌂 𑌵𑍇𑌦𑌵𑌾𑌣𑍀𑌂 𑌮𑌾𑌤𑌰𑌂 𑌵𑌂𑌦𑌾𑌮𑌹𑍇 ।
𑌚𑌿𑌰𑌨𑌵𑍀𑌨𑌾 𑌚𑌿𑌰𑌪𑍁𑌰𑌾𑌣𑍀𑌂 𑌸𑌾𑌦𑌰𑌂 𑌵𑌂𑌦𑌾𑌮𑌹𑍇 ॥ 𑌧𑍍𑌰𑍁॥

𑌦𑌿𑌵𑍍𑌯𑌸𑌂𑌸𑍍𑌕𑍃𑌤𑌿𑌰𑌕𑍍𑌷𑌣𑌾𑌯 𑌤𑌤𑍍𑌪𑌰𑌾 𑌭𑍁𑌵𑌨𑍇 𑌭𑍍𑌰𑌮𑌂𑌤𑌃 ।
𑌲𑍋𑌕𑌜𑌾𑌗𑌰𑌣𑌾𑌯 𑌸𑌿𑌦𑍍𑌧𑌾𑌃 𑌸𑌂𑌘𑌟𑌨𑌮𑌂𑌤𑍍𑌰𑌂 𑌜𑌪𑌂𑌤𑌃 ।
𑌕𑍃𑌤𑌿𑌪𑌰𑌾 𑌲𑌕𑍍𑌷𑍍𑌯𑍈𑌕𑌨𑌿𑌷𑍍𑌠𑌾 𑌭𑌾𑌰𑌤𑌂 𑌸𑍇𑌵𑌾𑌮𑌹𑍇 ॥ 1॥

𑌭𑍇𑌦𑌭𑌾𑌵𑌨𑌿𑌵𑌾𑌰𑌣𑌾𑌯 𑌬𑌂𑌧𑍁𑌤𑌾𑌮𑌨𑍁𑌭𑌾𑌵𑌯𑍇𑌮 ।
𑌕𑌰𑍍𑌮𑌣𑌾 𑌮𑌨𑌸𑌾 𑌚 𑌵𑌚𑌸𑌾 𑌮𑌾𑌤𑍃𑌵𑌂𑌦𑌨𑌮𑌾𑌚𑌰𑍇𑌮 ।
𑌕𑍀𑌰𑍍𑌤𑌿𑌧𑌨𑌪𑌦𑌕𑌾𑌮𑌨𑌾𑌭𑌿𑌰𑍍𑌵𑌿𑌰𑌹𑌿𑌤𑌾 𑌮𑍋𑌦𑌾𑌮𑌹𑍇 ॥ 2॥

𑌸𑌂𑌸𑍍𑌕𑍃𑌤𑍇𑌰𑍍𑌵𑌿𑌮𑍁𑌖𑌂 𑌸𑌮𑌾𑌜𑌂 𑌜𑍀𑌵𑌨𑍇𑌨 𑌶𑌿𑌕𑍍𑌷𑌯𑍇𑌮 ।
𑌮𑌾𑌨𑍁𑌕𑍂𑌲𑌾𑌦𑌰𑍍𑌶𑌂 𑌵𑌯𑌂 𑌵𑍈 𑌪𑌾𑌲𑌯𑌿𑌤𑍍𑌵𑌾 𑌦𑌰𑍍𑌶𑌯𑍇𑌮 ।
𑌜𑍀𑌵𑌨𑌂 𑌸𑌂𑌸𑍍𑌕𑍃𑌤 𑌹𑌿𑌤𑌾𑌰𑍍𑌥𑌂 𑌹𑍍𑌯𑌰𑍍𑌪𑌿𑌤𑌂 𑌮𑌨𑍍𑌯𑌾𑌮𑌹𑍇 ॥ 3॥

𑌵𑌯𑌮𑌸𑌾𑌧𑍍𑌯𑌂 𑌲𑌕𑍍𑌷𑍍𑌯𑌮𑍇𑌤𑌤𑍍 𑌸𑌂𑌸𑍍𑌕𑍃𑌤𑍇𑌨 𑌸𑌾𑌧𑌯𑌂𑌤𑌃 ।
𑌤𑍍𑌯𑌾𑌗𑌧𑍈𑌰𑍍𑌯𑌸𑌮𑌰𑍍𑌪𑌣𑍇𑌨 𑌨𑌵𑌲𑌮𑌿𑌤𑌿𑌹𑌾𑌸𑌂 𑌲𑌿𑌖𑌂𑌤𑌃 ।
𑌜𑌨𑍍𑌮𑌭𑍂𑌮𑌿𑌸𑌮𑌰𑍍𑌚𑌨𑍇𑌨 𑌸𑌰𑍍𑌵𑌤𑌃 𑌸𑍍𑌪𑌂𑌦𑌾𑌮𑌹𑍇 ॥ 4॥

𑌭𑌾𑌰𑌤𑌾𑌃 𑌸𑍋𑌦𑌰𑌾𑌃 𑌸𑍍𑌮𑍋 𑌭𑌾𑌵𑌨𑍇𑌯𑌂 𑌹𑍃𑌦𑌿 𑌨𑌿𑌧𑌾𑌯 ।
𑌵𑌯𑌂 𑌸𑌂𑌸𑍍𑌕𑍃𑌤𑌸𑍈𑌨𑌿𑌕𑌾𑌃 𑌸𑌜𑍍𑌜𑍀𑌤𑌾 𑌨𑍈𑌜𑌂 𑌵𑌿𑌹𑌾𑌯 ।
𑌪𑌰𑌮𑌵𑍈𑌭𑌵𑌸𑌾𑌧𑌨𑌾𑌯𑌾 𑌵𑌰𑌮𑌹𑍋 𑌯𑌾𑌚𑌾𑌮𑌹𑍇 ॥ 5॥

𑌦𑍇𑌵𑌵𑌾𑌣𑍀𑌂 𑌵𑍇𑌦𑌵𑌾𑌣𑍀𑌂 𑌮𑌾𑌤𑌰𑌂 𑌵𑌂𑌦𑌾𑌮𑌹𑍇
𑌚𑌿𑌰𑌨𑌵𑍀𑌨𑌾𑌂 𑌚𑌿𑌰𑌪𑍁𑌰𑌾𑌣𑍀𑌂 𑌸𑌾𑌦𑌰𑌂 𑌵𑌂𑌦𑌾𑌮𑌹𑍇 ॥