𑌧𑍍𑌯𑍇𑌯𑌪𑌥𑌿𑌕𑌸𑌾𑌧𑌕
𑌕𑌾𑌰𑍍𑌯𑌪𑌥𑍇 𑌸𑌾𑌧𑌯
𑌮𑍃𑌦𑍁 𑌹𑌸𑌨𑍍 𑌮𑌧𑍁𑌕𑌿𑌰𑌨𑍍 𑌮𑌾𑌤𑌰𑌂 𑌸𑌦𑌾 𑌸𑍍𑌮𑌰𑌨𑍍 ॥
𑌜𑍀𑌵𑌨𑌂 𑌨 𑌶𑌾𑌶𑍍𑌵𑌤𑌂, 𑌵𑍈𑌭𑌵𑌂 𑌨 𑌹𑌿 𑌸𑍍𑌥𑌿𑌰𑌂
𑌸𑍍𑌵𑌾𑌰𑍍𑌥𑌲𑍇𑌪𑌨𑌂 𑌵𑌿𑌨𑌾, 𑌯𑌤𑍍𑌕𑍃𑌤𑌂 𑌹𑌿 𑌤𑌚𑍍𑌚𑌿𑌰𑌂
𑌸𑌰𑌲𑌤𑌾 𑌸𑍍𑌵𑌜𑍀𑌵𑌨𑍇
𑌚𑌿𑌂𑌤𑌨𑍇 𑌸𑌦𑍋𑌚𑍍𑌚𑌤𑌾
𑌸𑌮𑌾𑌜𑌪𑍋𑌷𑌿𑌤𑌾 𑌵𑌯𑌂 𑌸𑌮𑌾𑌜𑌪𑍋𑌷𑌕𑌾𑌶𑍍𑌚𑌿𑌰𑌮𑍍 ॥ 1 ॥
𑌯𑌚𑍍𑌚 𑌮𑌨𑌸𑌿 𑌚𑌿𑌂𑌤𑍍𑌯𑌤𑍇, 𑌯𑌚𑍍𑌚 𑌕𑍀𑌰𑍍𑌤𑍍𑌯𑌤𑍇 𑌗𑌿𑌰𑌾
𑌤𑌚𑍍𑌚 𑌮𑍂𑌰𑍍𑌤𑌰𑍂𑌪𑌤𑌾𑌮𑍍, 𑌏𑌤𑌿 𑌨𑌿𑌤𑍍𑌯𑌜𑍀𑌵𑌨𑍇
𑌜𑌨𑌨𑍍𑌯𑌨𑌨𑍍𑌯𑌚𑌰𑌣𑌯𑍋𑌃
𑌸𑌮𑌰𑍍𑌪𑌿𑌤𑌸𑍍𑌵𑌜𑍀𑌵𑌨𑌾𑌃
𑌧𑍍𑌯𑍇𑌯𑌸𑌾𑌧𑌨𑌵𑍍𑌰𑌤𑌾 𑌵𑌯𑌂 𑌭𑌵𑍇𑌮 𑌸𑌂𑌗𑌤𑌾𑌃 ॥ 2 ॥
𑌸𑍍𑌮𑌰𑌤𑍍𑌵𑌿𑌹𑌾𑌗𑍍𑌰𑌜𑌨𑍍𑌮𑌨𑌾𑌂, 𑌤𑍍𑌯𑌾𑌗𑌬𑌲𑌿𑌸𑌮𑌰𑍍𑌪𑌣𑌂
𑌸𑌿𑌂𑌹𑌕𑍁𑌲𑌸𑌮𑍁𑌦𑍍𑌭𑌵𑌾𑌃 𑌸𑌿𑌂𑌹𑌵𑌿𑌕𑍍𑌰𑌮𑌾 𑌵𑌯𑌂
𑌸𑌂𑌤𑍁 𑌕𑌷𑍍𑌟𑌕𑍋𑌟𑌯𑍋
𑌭𑌵𑌤𑍁 𑌵𑌿𑌘𑍍𑌨𑌵𑌰𑍍𑌷𑌣𑌂
𑌸𑌕𑍃𑌤𑍍𑌪𑍍𑌰𑌤𑌿𑌜𑍍𑌞𑌕𑌾 𑌵𑌯𑌂 𑌭𑌜𑍇𑌮 𑌨𑍋 𑌪𑌲𑌾𑌯𑌨𑌮𑍍 ॥ 3 ॥
𑌰𑌚𑌨: 𑌶𑍍𑌰𑍀 𑌜𑌨𑌾𑌰𑍍𑌦𑌨 𑌹𑍇𑌗𑍍𑌡𑍇