𑌨𑌾𑌰𑌾𑌯𑌣 𑌸𑍂𑌕𑍍𑌤𑌮𑍍

𑌓𑌂 𑌸॒𑌹 𑌨𑌾॑𑌵𑌵𑌤𑍁 । 𑌸॒𑌹 𑌨𑍌॑ 𑌭𑍁𑌨𑌕𑍍𑌤𑍁 । 𑌸॒𑌹 𑌵𑍀॒𑌰𑍍𑌯𑌂॑ 𑌕𑌰𑌵𑌾𑌵𑌹𑍈 ।
𑌤𑍇॒𑌜॒𑌸𑍍𑌵𑌿𑌨𑌾॒𑌵𑌧𑍀॑𑌤𑌮𑌸𑍍𑌤𑍁॒ 𑌮𑌾 𑌵𑌿॑𑌦𑍍𑌵𑌿𑌷𑌾॒𑌵𑌹𑍈᳚ ॥
𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥

𑌓𑌮𑍍 ॥ 𑌸॒𑌹॒𑌸𑍍𑌰॒𑌶𑍀𑌰𑍍॑​𑌷𑌂 𑌦𑍇॒𑌵𑌂॒ 𑌵𑌿॒𑌶𑍍𑌵𑌾𑌕𑍍𑌷𑌂॑-𑌵𑌿𑌁॒𑌶𑍍𑌵𑌶𑌂॑𑌭𑍁𑌵𑌮𑍍 ।
𑌵𑌿𑌶𑍍𑌵𑌂॑ 𑌨𑌾॒𑌰𑌾𑌯॑𑌣𑌂 𑌦𑍇॒𑌵॒𑌮॒𑌕𑍍𑌷𑌰𑌂॑ 𑌪𑌰॒𑌮𑌂 𑌪𑌦𑌮𑍍 ।

𑌵𑌿॒𑌶𑍍𑌵𑌤𑌃॒ 𑌪𑌰॑𑌮𑌾𑌨𑍍𑌨𑌿॒𑌤𑍍𑌯𑌂॒-𑌵𑌿𑌁॒𑌶𑍍𑌵𑌂 𑌨𑌾॑𑌰𑌾𑌯॒𑌣𑌗𑍍​𑌮𑍍 𑌹॑𑌰𑌿𑌮𑍍 ।
𑌵𑌿𑌶𑍍𑌵॑𑌮𑍇॒𑌵𑍇𑌦𑌂 𑌪𑍁𑌰𑍁॑𑌷॒-𑌸𑍍𑌤𑌦𑍍𑌵𑌿𑌶𑍍𑌵-𑌮𑍁𑌪॑𑌜𑍀𑌵𑌤𑌿 ।

𑌪𑌤𑌿𑌂॒-𑌵𑌿𑌁𑌶𑍍𑌵॑𑌸𑍍𑌯𑌾॒𑌤𑍍𑌮𑍇𑌶𑍍𑌵॑𑌰॒𑌗𑍍​𑌮𑍍॒ 𑌶𑌾𑌶𑍍𑌵॑𑌤𑌗𑍍​𑌮𑍍 𑌶𑌿॒𑌵-𑌮॑𑌚𑍍𑌯𑍁𑌤𑌮𑍍 ।
𑌨𑌾॒𑌰𑌾𑌯॒𑌣𑌂 𑌮॑𑌹𑌾𑌜𑍍𑌞𑍇॒𑌯𑌂॒-𑌵𑌿𑌁॒𑌶𑍍𑌵𑌾𑌤𑍍𑌮𑌾॑𑌨𑌂 𑌪॒𑌰𑌾𑌯॑𑌣𑌮𑍍 ।

𑌨𑌾॒𑌰𑌾𑌯॒𑌣𑌪॑𑌰𑍋 𑌜𑍍𑌯𑍋॒𑌤𑌿॒𑌰𑌾॒𑌤𑍍𑌮𑌾 𑌨𑌾॑𑌰𑌾𑌯॒𑌣𑌃 𑌪॑𑌰𑌃 ।
𑌨𑌾॒𑌰𑌾𑌯॒𑌣𑌪𑌰𑌂॑ 𑌬𑍍𑌰॒𑌹𑍍𑌮॒ 𑌤𑌤𑍍𑌤𑍍𑌵𑌂 𑌨𑌾॑𑌰𑌾𑌯॒𑌣𑌃 𑌪॑𑌰𑌃 ।

𑌨𑌾॒𑌰𑌾𑌯॒𑌣𑌪॑𑌰𑍋 𑌧𑍍𑌯𑌾॒𑌤𑌾॒ 𑌧𑍍𑌯𑌾॒𑌨𑌂 𑌨𑌾॑𑌰𑌾𑌯॒𑌣𑌃 𑌪॑𑌰𑌃 ।
𑌯𑌚𑍍𑌚॑ 𑌕𑌿𑌂॒𑌚𑌿𑌜𑍍𑌜𑌗𑌤𑍍𑌸॒𑌰𑍍𑌵𑌂॒ 𑌦𑍃॒𑌶𑍍𑌯𑌤𑍇᳚ 𑌶𑍍𑌰𑍂𑌯॒𑌤𑍇𑌽𑌪𑌿॑ 𑌵𑌾 ॥

𑌅𑌂𑌤॑𑌰𑍍𑌬॒𑌹𑌿𑌶𑍍𑌚॑ 𑌤𑌤𑍍𑌸॒𑌰𑍍𑌵𑌂॒-𑌵𑍍𑌯𑌾𑌁॒𑌪𑍍𑌯 𑌨𑌾॑𑌰𑌾𑌯॒𑌣𑌃 𑌸𑍍𑌥𑌿॑𑌤𑌃 ।
𑌅𑌨𑌂𑌤॒𑌮𑌵𑍍𑌯𑌯𑌂॑ 𑌕॒𑌵𑌿𑌗𑍍​𑌮𑍍 𑌸॑𑌮𑍁॒𑌦𑍍𑌰𑍇𑌂𑌽𑌤𑌂॑-𑌵𑌿𑌁॒𑌶𑍍𑌵𑌶𑌂॑𑌭𑍁𑌵𑌮𑍍 ।

𑌪॒𑌦𑍍𑌮॒𑌕𑍋॒𑌶-𑌪𑍍𑌰॑𑌤𑍀𑌕𑌾॒𑌶॒𑌗𑍍​𑌮𑍍॒ 𑌹𑍃॒𑌦𑌯𑌂॑ 𑌚𑌾𑌪𑍍𑌯॒𑌧𑍋𑌮𑍁॑𑌖𑌮𑍍 ।
𑌅𑌧𑍋॑ 𑌨𑌿॒𑌷𑍍𑌟𑍍𑌯𑌾 𑌵𑌿॑𑌤𑌸𑍍𑌯𑌾𑌂॒𑌤𑍇॒ 𑌨𑌾॒𑌭𑍍𑌯𑌾𑌮𑍁॑𑌪𑌰𑌿॒ 𑌤𑌿𑌷𑍍𑌠॑𑌤𑌿 ।

𑌜𑍍𑌵𑌾॒𑌲॒𑌮𑌾॒𑌲𑌾𑌕𑍁॑𑌲𑌂 𑌭𑌾॒𑌤𑍀॒ 𑌵𑌿॒𑌶𑍍𑌵𑌸𑍍𑌯𑌾॑𑌯𑌤॒𑌨𑌂 𑌮॑𑌹𑌤𑍍 ।
𑌸𑌂𑌤॑𑌤𑌗𑍍​𑌮𑍍 𑌶𑌿॒𑌲𑌾𑌭𑌿॑𑌸𑍍𑌤𑍁॒ 𑌲𑌂𑌬॑𑌤𑍍𑌯𑌾𑌕𑍋𑌶॒𑌸𑌨𑍍𑌨𑌿॑𑌭𑌮𑍍 ।

𑌤𑌸𑍍𑌯𑌾𑌂𑌤𑍇॑ 𑌸𑍁𑌷𑌿॒𑌰𑌗𑍍​𑌮𑍍 𑌸𑍂॒𑌕𑍍𑌷𑍍𑌮𑌂 𑌤𑌸𑍍𑌮𑌿𑌨𑍍᳚ 𑌸॒𑌰𑍍𑌵𑌂 𑌪𑍍𑌰𑌤𑌿॑𑌷𑍍𑌠𑌿𑌤𑌮𑍍 ।
𑌤𑌸𑍍𑌯॒ 𑌮𑌧𑍍𑌯𑍇॑ 𑌮॒𑌹𑌾𑌨॑𑌗𑍍𑌨𑌿-𑌰𑍍𑌵𑌿॒𑌶𑍍𑌵𑌾𑌰𑍍𑌚𑌿॑-𑌰𑍍𑌵𑌿॒𑌶𑍍𑌵𑌤𑍋॑𑌮𑍁𑌖𑌃 ।

𑌸𑍋𑌽𑌗𑍍𑌰॑𑌭𑍁॒𑌗𑍍𑌵𑌿𑌭॑𑌜𑌂𑌤𑌿॒𑌷𑍍𑌠॒-𑌨𑍍𑌨𑌾𑌹𑌾॑𑌰𑌮𑌜॒𑌰𑌃 𑌕॒𑌵𑌿𑌃 ।
𑌤𑌿॒𑌰𑍍𑌯॒𑌗𑍂॒𑌰𑍍𑌧𑍍𑌵𑌮॑𑌧𑌶𑍍𑌶𑌾॒𑌯𑍀॒ 𑌰॒𑌶𑍍𑌮𑌯॑𑌸𑍍𑌤𑌸𑍍𑌯॒ 𑌸𑌂𑌤॑𑌤𑌾 ।

𑌸𑌂॒𑌤𑌾॒𑌪𑌯॑𑌤𑌿 𑌸𑍍𑌵𑌂 𑌦𑍇॒𑌹𑌮𑌾𑌪𑌾॑𑌦𑌤𑌲॒𑌮𑌸𑍍𑌤॑𑌕𑌃 ।
𑌤𑌸𑍍𑌯॒ 𑌮𑌧𑍍𑌯𑍇॒ 𑌵𑌹𑍍𑌨𑌿॑𑌶𑌿𑌖𑌾 𑌅॒𑌣𑍀𑌯𑍋᳚𑌰𑍍𑌧𑍍𑌵𑌾 𑌵𑍍𑌯॒𑌵𑌸𑍍𑌥𑌿॑𑌤𑌃 ।

𑌨𑍀॒𑌲𑌤𑍋॑-𑌯𑌦॑𑌮𑌧𑍍𑌯॒𑌸𑍍𑌥𑌾॒-𑌦𑍍𑌵𑌿॒𑌧𑍍𑌯𑍁𑌲𑍍𑌲𑍇॑𑌖𑍇𑌵॒ 𑌭𑌾𑌸𑍍𑌵॑𑌰𑌾 ।
𑌨𑍀॒𑌵𑌾𑌰॒𑌶𑍂𑌕॑𑌵𑌤𑍍𑌤॒𑌨𑍍𑌵𑍀॒ 𑌪𑍀॒𑌤𑌾 𑌭𑌾᳚𑌸𑍍𑌵𑌤𑍍𑌯॒𑌣𑍂𑌪॑𑌮𑌾 ।

𑌤𑌸𑍍𑌯𑌾𑌃᳚ 𑌶𑌿𑌖𑌾॒𑌯𑌾 𑌮॑𑌧𑍍𑌯𑍇 𑌪॒𑌰𑌮𑌾᳚𑌤𑍍𑌮𑌾 𑌵𑍍𑌯॒𑌵𑌸𑍍𑌥𑌿॑𑌤𑌃 ।
𑌸 𑌬𑍍𑌰𑌹𑍍𑌮॒ 𑌸 𑌶𑌿𑌵𑌃॒ 𑌸 𑌹𑌰𑌿𑌃॒ 𑌸𑍇𑌂𑌦𑍍𑌰𑌃॒ 𑌸𑍋𑌽𑌕𑍍𑌷॑𑌰𑌃 𑌪𑌰॒𑌮𑌃 𑌸𑍍𑌵॒𑌰𑌾𑌟𑍍 ॥

𑌋𑌤𑌗𑍍​𑌮𑍍 𑌸॒𑌤𑍍𑌯𑌂 𑌪॑𑌰𑌂 𑌬𑍍𑌰॒𑌹𑍍𑌮॒ 𑌪𑍁॒𑌰𑍁𑌷𑌂॑ 𑌕𑍃𑌷𑍍𑌣॒𑌪𑌿𑌂𑌗॑𑌲𑌮𑍍 ।
𑌊॒𑌰𑍍𑌧𑍍𑌵𑌰𑍇॑𑌤𑌂-𑌵𑌿𑌁॑𑌰𑍂𑌪𑌾॒𑌕𑍍𑌷𑌂॒-𑌵𑌿𑌁॒𑌶𑍍𑌵𑌰𑍂॑𑌪𑌾𑌯॒ 𑌵𑍈 𑌨𑌮𑍋॒ 𑌨𑌮𑌃॑ ॥

𑌓𑌂 𑌨𑌾॒𑌰𑌾॒𑌯॒𑌣𑌾𑌯॑ 𑌵𑌿॒𑌦𑍍𑌮𑌹𑍇॑ 𑌵𑌾𑌸𑍁𑌦𑍇॒𑌵𑌾𑌯॑ 𑌧𑍀𑌮𑌹𑌿 ।
𑌤𑌨𑍍𑌨𑍋॑ 𑌵𑌿𑌷𑍍𑌣𑍁𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥

𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥