𑌨𑌿𑌰𑍍𑌵𑌾𑌣 𑌦𑌶𑌕𑌂Download PDF

𑌨 𑌭𑍂𑌮𑌿𑌰𑍍𑌨 𑌤𑍋𑌯𑌂 𑌨 𑌤𑍇𑌜𑍋 𑌨 𑌵𑌾𑌯𑍁𑌃
𑌨 𑌖𑌂 𑌨𑍇𑌂𑌦𑍍𑌰𑌿𑌯𑌂 𑌵𑌾 𑌨 𑌤𑍇𑌷𑌾𑌂 𑌸𑌮𑍂𑌹𑌃
𑌅𑌨𑍇𑌕𑌾𑌂𑌤𑌿𑌕𑌤𑍍𑌵𑌾𑌤𑍍𑌸𑍁𑌷𑍁𑌪𑍍𑌤𑍍𑌯𑍇𑌕𑌸𑌿𑌦𑍍𑌧𑌃
𑌤𑌦𑍇𑌕𑍋𑌽𑌵𑌶𑌿𑌷𑍍𑌟𑌃 𑌶𑌿𑌵𑌃 𑌕𑍇𑌵𑌲𑍋𑌽𑌹𑌮𑍍 ॥ 1 ॥

𑌨 𑌵𑌰𑍍𑌣𑌾 𑌨 𑌵𑌰𑍍𑌣𑌾𑌶𑍍𑌰𑌮𑌾𑌚𑌾𑌰𑌧𑌰𑍍𑌮𑌾
𑌨 𑌮𑍇 𑌧𑌾𑌰𑌣𑌾𑌧𑍍𑌯𑌾𑌨𑌯𑍋𑌗𑌾𑌦𑌯𑍋𑌪𑌿
𑌅𑌨𑌾𑌤𑍍𑌮𑌾𑌶𑍍𑌰𑌯𑌾𑌹𑌂 𑌮𑌮𑌾𑌧𑍍𑌯𑌾𑌸𑌹𑌾𑌨𑌾-
𑌤𑌦𑍇𑌕𑍋𑌽𑌵𑌶𑌿𑌷𑍍𑌟𑌃 𑌶𑌿𑌵𑌃 𑌕𑍇𑌵𑌲𑍋𑌽𑌹𑌮𑍍 ॥ 2 ॥

𑌨 𑌮𑌾𑌤𑌾 𑌪𑌿𑌤𑌾 𑌵𑌾 𑌨 𑌦𑍇𑌵𑌾 𑌨 𑌲𑍋𑌕𑌾
𑌨 𑌵𑍇𑌦𑌾 𑌨 𑌯𑌜𑍍𑌞𑌾 𑌨 𑌤𑍀𑌰𑍍𑌥 𑌬𑍍𑌰𑍁𑌵𑌂𑌤𑌿
𑌸𑍁𑌷𑍁𑌪𑍍𑌤𑍌 𑌨𑌿𑌰𑌸𑍍𑌤𑌾𑌤𑌿𑌶𑍂𑌨𑍍𑌯𑌾𑌤𑍍𑌮𑌕𑌤𑍍𑌵𑌾-
𑌤𑌦𑍇𑌕𑍋𑌽𑌵𑌶𑌿𑌷𑍍𑌟𑌃 𑌶𑌿𑌵𑌃 𑌕𑍇𑌵𑌲𑍋𑌽𑌹𑌮𑍍 ॥ 3 ॥

𑌨 𑌸𑌾𑌂𑌖𑍍𑌯𑌂 𑌨 𑌶𑍈𑌵𑌂 𑌨 𑌤𑌤𑍍𑌪𑌾𑌂𑌚𑌰𑌾𑌤𑍍𑌰𑌂
𑌨 𑌜𑍈𑌨𑌂 𑌨 𑌮𑍀𑌮𑌾𑌂𑌸𑌕𑌾𑌦𑍇𑌰𑍍𑌮𑌤𑌂 𑌵𑌾
𑌵𑌿𑌶𑌿𑌷𑍍𑌟𑌾𑌨𑍁𑌭𑍂𑌤𑍍𑌯𑌾 𑌵𑌿𑌶𑍁𑌦𑍍𑌧𑌾𑌤𑍍𑌮𑌕𑌤𑍍𑌵𑌾-
𑌤𑌦𑍇𑌕𑍋𑌽𑌵𑌶𑌿𑌷𑍍𑌟𑌃 𑌶𑌿𑌵𑌃 𑌕𑍇𑌵𑌲𑍋𑌽𑌹𑌮𑍍 ॥ 4 ॥

𑌨 𑌚𑍋𑌰𑍍𑌧𑍍𑌵𑌂 𑌨 𑌚𑌾𑌧𑍋 𑌨 𑌚𑌾𑌂𑌤𑌰𑍍𑌨 𑌬𑌾𑌹𑍍𑌯𑌂
𑌨 𑌮𑌧𑍍𑌯𑌂 𑌨 𑌤𑌿𑌰𑍍𑌯𑌨𑍍𑌨 𑌪𑍂𑌰𑍍𑌵𑌾𑌽𑌪𑌰𑌾 𑌦𑌿𑌕𑍍
𑌵𑌿𑌯𑌦𑍍𑌵𑍍𑌯𑌾𑌪𑌕𑌤𑍍𑌵𑌾𑌦𑌖𑌂𑌡𑍈𑌕𑌰𑍂𑌪𑌃
𑌤𑌦𑍇𑌕𑍋𑌽𑌵𑌶𑌿𑌷𑍍𑌟𑌃 𑌶𑌿𑌵𑌃 𑌕𑍇𑌵𑌲𑍋𑌽𑌹𑌮𑍍 ॥ 5 ॥

𑌨 𑌶𑍁𑌕𑍍𑌲𑌂 𑌨 𑌕𑍃𑌷𑍍𑌣𑌂 𑌨 𑌰𑌕𑍍𑌤𑌂 𑌨 𑌪𑍀𑌤𑌂
𑌨 𑌕𑍁𑌬𑍍𑌜𑌂 𑌨 𑌪𑍀𑌨𑌂 𑌨 𑌹𑍍𑌰𑌸𑍍𑌵𑌂 𑌨 𑌦𑍀𑌰𑍍𑌘𑌂
𑌅𑌰𑍂𑌪𑌂 𑌤𑌥𑌾 𑌜𑍍𑌯𑍋𑌤𑌿𑌰𑌾𑌕𑌾𑌰𑌕𑌤𑍍𑌵𑌾-
𑌤𑌦𑍇𑌕𑍋𑌽𑌵𑌶𑌿𑌷𑍍𑌟𑌃 𑌶𑌿𑌵𑌃 𑌕𑍇𑌵𑌲𑍋𑌽𑌹𑌮𑍍 ॥ 6 ॥

𑌨 𑌶𑌾𑌸𑍍𑌤𑌾 𑌨 𑌶𑌾𑌸𑍍𑌤𑍍𑌰𑌂 𑌨 𑌶𑌿𑌷𑍍𑌯𑍋 𑌨 𑌶𑌿𑌕𑍍𑌷𑌾
𑌨 𑌚 𑌤𑍍𑌵𑌂 𑌨 𑌚𑌾𑌹𑌂 𑌨 𑌚𑌾𑌯𑌂 𑌪𑍍𑌰𑌪𑌂𑌚𑌃
𑌸𑍍𑌵𑌰𑍂𑌪𑌾𑌵𑌬𑍋𑌧𑍀 𑌵𑌿𑌕𑌲𑍍𑌪𑌾𑌸𑌹𑌿𑌷𑍍𑌣𑍁𑌃
𑌤𑌦𑍇𑌕𑍋𑌽𑌵𑌶𑌿𑌷𑍍𑌟𑌃 𑌶𑌿𑌵𑌃 𑌕𑍇𑌵𑌲𑍋𑌽𑌹𑌮𑍍 ॥ 𑍭 ॥

𑌨 𑌜𑌾𑌗𑍍𑌰𑌨𑍍𑌨 𑌮𑍇 𑌸𑍍𑌵𑌪𑍍𑌨𑌕𑍋 𑌵𑌾 𑌸𑍁𑌷𑍁𑌪𑍍𑌤𑌿𑌃
𑌨 𑌵𑌿𑌶𑍍𑌵𑍋 𑌨 𑌵𑌾 𑌤𑍈𑌜𑌸𑌃 𑌪𑌾𑌜𑍍𑌞𑌕𑍋 𑌵𑌾
𑌅𑌵𑌿𑌦𑍍𑌯𑌾𑌤𑍍𑌮𑌕𑌤𑍍𑌵𑌾𑌤𑍍𑌤𑍍𑌰𑌯𑌾𑌣𑌂 𑌤𑍁𑌰𑍀𑌯𑌃
𑌤𑌦𑍇𑌕𑍋𑌽𑌵𑌶𑌿𑌷𑍍𑌟𑌃 𑌶𑌿𑌵𑌃 𑌕𑍇𑌵𑌲𑍋𑌽𑌹𑌮𑍍 ॥ 𑍮 ॥

𑌅𑌪𑌿 𑌵𑍍𑌯𑌾𑌪𑌕𑌤𑍍𑌵𑌾𑌦𑍍𑌧𑌿𑌤𑌤𑍍𑌵𑌪𑍍𑌰𑌯𑍋𑌗𑌾-
𑌤𑍍𑌸𑍍𑌵𑌤𑌃 𑌸𑌿𑌦𑍍𑌧𑌭𑌾𑌵𑌾𑌦𑌨𑌨𑍍𑌯𑌾𑌶𑍍𑌰𑌯𑌤𑍍𑌵𑌾𑌤𑍍
𑌜𑌗𑌤𑍍𑌤𑍁𑌚𑍍𑌛𑌮𑍇𑌤𑌤𑍍𑌸𑌮𑌸𑍍𑌤𑌂 𑌤𑌦𑌨𑍍𑌯-
𑌤𑌦𑍇𑌕𑍋𑌽𑌵𑌶𑌿𑌷𑍍𑌟𑌃 𑌶𑌿𑌵𑌃 𑌕𑍇𑌵𑌲𑍋𑌽𑌹𑌮𑍍 ॥ 𑍯 ॥

𑌨 𑌚𑍈𑌕𑌂 𑌤𑌦𑌨𑍍𑌯𑌦𑍍𑌦𑍍𑌵𑌿𑌤𑍀𑌯𑌂 𑌕𑍁𑌤𑌃 𑌸𑍍𑌯𑌾𑌤𑍍
𑌨 𑌕𑍇𑌵𑌲𑌤𑍍𑌵𑌂 𑌨 𑌚𑌾𑌕𑍇𑌵𑌲𑌤𑍍𑌵𑌂
𑌨 𑌶𑍂𑌨𑍍𑌯𑌂 𑌨 𑌚𑌾𑌶𑍂𑌨𑍍𑌯𑌮𑌦𑍍𑌵𑍈𑌤𑌕𑌤𑍍𑌵𑌾-
𑌕𑌥𑌂 𑌸𑌰𑍍𑌵𑌵𑍇𑌦𑌾𑌂𑌤𑌸𑌿𑌦𑍍𑌧𑌿𑌂 𑌬𑍍𑌰𑌵𑍀𑌮𑌿 ॥ 10 ॥