𑌪𑍍𑌰𑌕𑍃𑌤𑍍𑌯𑌾 𑌸𑍁𑌰𑌮𑍍𑌯𑌂 𑌵𑌿𑌶𑌾𑌲𑌂 𑌪𑍍𑌰𑌕𑌾𑌮𑌂
𑌸𑌰𑌿𑌤𑍍𑌤𑌾𑌰𑌹𑌾𑌰𑍈𑌃 𑌲𑌲𑌾𑌮𑌂 𑌨𑌿𑌕𑌾𑌮𑌮𑍍 ।
𑌹𑌿𑌮𑌾𑌦𑍍𑌰𑌿𑌰𑍍𑌲𑌲𑌾𑌟𑍇 𑌪𑌦𑍇 𑌚𑍈𑌵 𑌸𑌿𑌂𑌧𑍁𑌃
𑌪𑍍𑌰𑌿𑌯𑌂 𑌭𑌾𑌰𑌤𑌂 𑌸𑌰𑍍𑌵𑌦𑌾 𑌦𑌰𑍍𑌶𑌨𑍀𑌯𑌮𑍍 ॥ 1 ॥
𑌧𑌨𑌾𑌨𑌾𑌂 𑌨𑌿𑌧𑌾𑌨𑌂 𑌧𑌰𑌾𑌯𑌾𑌂 𑌪𑍍𑌰𑌧𑌾𑌨𑌂
𑌇𑌦𑌂 𑌭𑌾𑌰𑌤𑌂 𑌦𑍇𑌵𑌲𑍋𑌕𑍇𑌨 𑌤𑍁𑌲𑍍𑌯𑌮𑍍 ।
𑌯𑌶𑍋 𑌯𑌸𑍍𑌯 𑌶𑍁𑌭𑍍𑌰𑌂 𑌵𑌿𑌦𑍇𑌶𑍇𑌷𑍁 𑌗𑍀𑌤𑌂
𑌪𑍍𑌰𑌿𑌯𑌂 𑌭𑌾𑌰𑌤𑌂 𑌤𑌤𑍍 𑌸𑌦𑌾 𑌪𑍂𑌜𑌨𑍀𑌯𑌮𑍍 ॥ 2 ॥
𑌅𑌨𑍇𑌕𑍇 𑌪𑍍𑌰𑌦𑍇𑌶𑌾𑌃 𑌅𑌨𑍇𑌕𑍇 𑌚 𑌵𑍇𑌷𑌾𑌃
𑌅𑌨𑍇𑌕𑌾𑌨𑌿 𑌰𑍁𑌪𑌾𑌣𑌿 𑌭𑌾𑌷𑌾 𑌅𑌨𑍇𑌕𑌾𑌃 ।
𑌪𑌰𑌂 𑌯𑌤𑍍𑌰 𑌸𑌰𑍍𑌵𑍇 𑌵𑌯𑌂 𑌭𑌾𑌰𑌤𑍀𑌯𑌾𑌃
𑌪𑍍𑌰𑌿𑌯𑌂 𑌭𑌾𑌰𑌤𑌂 𑌤𑌤𑍍 𑌸𑌦𑌾 𑌰𑌕𑍍𑌷𑌣𑍀𑌯𑌮𑍍 ॥ 3 ॥
𑌵𑌯𑌂 𑌭𑌾𑌰𑌤𑍀𑌯𑌾𑌃 𑌸𑍍𑌵𑌦𑍇𑌶𑌂 𑌨𑌮𑌾𑌮𑌃
𑌪𑌰𑌂 𑌧𑌰𑍍𑌮𑌮𑍇𑌕𑌂 𑌸𑌦𑌾 𑌮𑌾𑌨𑌯𑌾𑌮𑌃 ।
𑌤𑌦𑌰𑍍𑌥𑌂 𑌧𑌨𑌂 𑌜𑍀𑌵𑌨𑌂 𑌚𑌾𑌰𑍍𑌪𑌯𑌾𑌮
𑌪𑍍𑌰𑌿𑌯𑌂 𑌭𑌾𑌰𑌤𑌂 𑌮𑍇 𑌸𑌦𑌾 𑌵𑌂𑌦𑌨𑍀𑌯𑌮𑍍 ॥ 4 ॥
𑌰𑌚𑌨: 𑌡𑌾. 𑌚𑌂𑌦𑍍𑌰𑌭𑌾𑌨𑍁 𑌤𑍍𑌰𑌿𑌪𑌾𑌠𑍀