𑌶𑍍𑌰𑍀 𑌹𑌯𑌗𑍍𑌰𑍀𑌵 𑌸𑍍𑌤𑍋𑌤𑍍𑌰𑌮𑍍

𑌜𑍍𑌞𑌾𑌨𑌾𑌨𑌂𑌦𑌮𑌯𑌂 𑌦𑍇𑌵𑌂 𑌨𑌿𑌰𑍍𑌮𑌲𑌸𑍍𑌫𑌟𑌿𑌕𑌾𑌕𑍃𑌤𑌿𑌂
𑌆𑌧𑌾𑌰𑌂 𑌸𑌰𑍍𑌵𑌵𑌿𑌦𑍍𑌯𑌾𑌨𑌾𑌂 𑌹𑌯𑌗𑍍𑌰𑍀𑌵𑌮𑍁𑌪𑌾𑌸𑍍𑌮𑌹𑍇 ॥1॥

𑌸𑍍𑌵𑌤𑌸𑍍𑌸𑌿𑌦𑍍𑌧𑌂 𑌶𑍁𑌦𑍍𑌧𑌸𑍍𑌫𑌟𑌿𑌕𑌮𑌣𑌿𑌭𑍂 𑌭𑍃𑌤𑍍𑌪𑍍𑌰𑌤𑌿𑌭𑌟𑌂
𑌸𑍁𑌧𑌾𑌸𑌧𑍍𑌰𑍀𑌚𑍀𑌭𑌿𑌰𑍍𑌦𑍍𑌯𑍁𑌤𑌿𑌭𑌿𑌰𑌵𑌦𑌾𑌤𑌤𑍍𑌰𑌿𑌭𑍁𑌵𑌨𑌂
𑌅𑌨𑌂𑌤𑍈𑌸𑍍𑌤𑍍𑌰𑌯𑍍𑌯𑌂𑌤𑍈𑌰𑌨𑍁𑌵𑌿𑌹𑌿𑌤 𑌹𑍇𑌷𑌾𑌹𑌲𑌹𑌲𑌂
𑌹𑌤𑌾𑌶𑍇𑌷𑌾𑌵𑌦𑍍𑌯𑌂 𑌹𑌯𑌵𑌦𑌨𑌮𑍀𑌡𑍇𑌮𑌹𑌿𑌮𑌹𑌃 ॥2॥

𑌸𑌮𑌾𑌹𑌾𑌰𑌸𑍍𑌸𑌾𑌮𑍍𑌨𑌾𑌂 𑌪𑍍𑌰𑌤𑌿𑌪𑌦𑌮𑍃𑌚𑌾𑌂 𑌧𑌾𑌮 𑌯𑌜𑍁𑌷𑌾𑌂
𑌲𑌯𑌃 𑌪𑍍𑌰𑌤𑍍𑌯𑍂𑌹𑌾𑌨𑌾𑌂 𑌲𑌹𑌰𑌿𑌵𑌿𑌤𑌤𑌿𑌰𑍍𑌬𑍋𑌧𑌜𑌲𑌧𑍇𑌃
𑌕𑌥𑌾𑌦𑌰𑍍𑌪𑌕𑍍𑌷𑍁𑌭𑍍𑌯𑌤𑍍𑌕𑌥𑌕𑌕𑍁𑌲𑌕𑍋𑌲𑌾𑌹𑌲𑌭𑌵𑌂
𑌹𑌰𑌤𑍍𑌵𑌂𑌤𑌰𑍍𑌧𑍍𑌵𑌾𑌂𑌤𑌂 𑌹𑌯𑌵𑌦𑌨𑌹𑍇𑌷𑌾𑌹𑌲𑌹𑌲𑌃 ॥3॥

𑌪𑍍𑌰𑌾𑌚𑍀 𑌸𑌂𑌧𑍍𑌯𑌾 𑌕𑌾𑌚𑌿𑌦𑌂𑌤𑌰𑍍𑌨𑌿𑌶𑌾𑌯𑌾𑌃
𑌪𑍍𑌰𑌜𑍍𑌞𑌾𑌦𑍃𑌷𑍍𑌟𑍇 𑌰𑌂𑌜𑌨𑌶𑍍𑌰𑍀𑌰𑌪𑍂𑌰𑍍𑌵𑌾
𑌵𑌕𑍍𑌤𑍍𑌰𑍀 𑌵𑍇𑌦𑌾𑌨𑍍 𑌭𑌾𑌤𑍁 𑌮𑍇 𑌵𑌾𑌜𑌿𑌵𑌕𑍍𑌤𑍍𑌰𑌾
𑌵𑌾𑌗𑍀𑌶𑌾𑌖𑍍𑌯𑌾 𑌵𑌾𑌸𑍁𑌦𑍇𑌵𑌸𑍍𑌯 𑌮𑍂𑌰𑍍𑌤𑌿𑌃 ॥4॥

𑌵𑌿𑌶𑍁𑌦𑍍𑌧𑌵𑌿𑌜𑍍𑌞𑌾𑌨𑌘𑌨𑌸𑍍𑌵𑌰𑍂𑌪𑌂
𑌵𑌿𑌜𑍍𑌞𑌾𑌨𑌵𑌿𑌶𑍍𑌰𑌾𑌣𑌨𑌬𑌦𑍍𑌧𑌦𑍀𑌕𑍍𑌷𑌂
𑌦𑌯𑌾𑌨𑌿𑌧𑌿𑌂 𑌦𑍇𑌹𑌭𑍃𑌤𑌾𑌂 𑌶𑌰𑌣𑍍𑌯𑌂
𑌦𑍇𑌵𑌂 𑌹𑌯𑌗𑍍𑌰𑍀𑌵𑌮𑌹𑌂 𑌪𑍍𑌰𑌪𑌦𑍍𑌯𑍇 ॥5॥

𑌅𑌪𑍌𑌰𑍁𑌷𑍇𑌯𑍈𑌰𑌪𑌿 𑌵𑌾𑌕𑍍𑌪𑍍𑌰𑌪𑌂𑌚𑍈𑌃
𑌅𑌦𑍍𑌯𑌾𑌪𑌿 𑌤𑍇 𑌭𑍂𑌤𑌿𑌮𑌦𑍃𑌷𑍍𑌟𑌪𑌾𑌰𑌾𑌂
𑌸𑍍𑌤𑍁𑌵𑌨𑍍𑌨𑌹𑌂 𑌮𑍁𑌗𑍍𑌧 𑌇𑌤𑌿 𑌤𑍍𑌵𑌯𑍈𑌵
𑌕𑌾𑌰𑍁𑌣𑍍𑌯𑌤𑍋 𑌨𑌾𑌥 𑌕𑌟𑌾𑌕𑍍𑌷𑌣𑍀𑌯𑌃 ॥6॥

𑌦𑌾𑌕𑍍𑌷𑌿𑌣𑍍𑌯𑌰𑌮𑍍𑌯𑌾 𑌗𑌿𑌰𑌿𑌶𑌸𑍍𑌯 𑌮𑍂𑌰𑍍𑌤𑌿𑌃-
𑌦𑍇𑌵𑍀 𑌸𑌰𑍋𑌜𑌾𑌸𑌨𑌧𑌰𑍍𑌮𑌪𑌤𑍍𑌨𑍀
𑌵𑍍𑌯𑌾𑌸𑌾𑌦𑌯𑍋𑌽𑌪𑌿 𑌵𑍍𑌯𑌪𑌦𑍇𑌶𑍍𑌯𑌵𑌾𑌚𑌃
𑌸𑍍𑌫𑍁𑌰𑌂𑌤𑌿 𑌸𑌰𑍍𑌵𑍇 𑌤𑌵 𑌶𑌕𑍍𑌤𑌿𑌲𑍇𑌶𑍈𑌃 ॥𑍭॥

𑌮𑌂𑌦𑍋𑌽𑌭𑌵𑌿𑌷𑍍𑌯𑌨𑍍𑌨𑌿𑌯𑌤𑌂 𑌵𑌿𑌰𑌿𑌂𑌚𑌃
𑌵𑌾𑌚𑌾𑌂 𑌨𑌿𑌧𑍇𑌰𑍍𑌵𑌾𑌂𑌛𑌿𑌤𑌭𑌾𑌗𑌧𑍇𑌯𑌃
𑌦𑍈𑌤𑍍𑌯𑌾𑌪𑌨𑍀𑌤𑌾𑌨𑍍 𑌦𑌯𑌯𑍈𑌨 𑌭𑍂𑌯𑍋𑌽𑌪𑌿
𑌅𑌧𑍍𑌯𑌾𑌪𑌯𑌿𑌷𑍍𑌯𑍋 𑌨𑌿𑌗𑌮𑌾𑌨𑍍𑌨𑌚𑍇𑌤𑍍𑌤𑍍𑌵𑌮𑍍 ॥𑍮॥

𑌵𑌿𑌤𑌰𑍍𑌕𑌡𑍋𑌲𑌾𑌂 𑌵𑍍𑌯𑌵𑌧𑍂𑌯 𑌸𑌤𑍍𑌤𑍍𑌵𑍇
𑌬𑍃𑌹𑌸𑍍𑌪𑌤𑌿𑌂 𑌵𑌰𑍍𑌤𑌯𑌸𑍇 𑌯𑌤𑌸𑍍𑌤𑍍𑌵𑌂
𑌤𑍇𑌨𑍈𑌵 𑌦𑍇𑌵 𑌤𑍍𑌰𑌿𑌦𑍇𑌶𑍇𑌶𑍍𑌵𑌰𑌾𑌣𑌾
𑌅𑌸𑍍𑌪𑍃𑌷𑍍𑌟𑌡𑍋𑌲𑌾𑌯𑌿𑌤𑌮𑌾𑌧𑌿𑌰𑌾𑌜𑍍𑌯𑌮𑍍 ॥𑍯॥

𑌅𑌗𑍍𑌨𑍌 𑌸𑌮𑌿𑌦𑍍𑌧𑌾𑌰𑍍𑌚𑌿𑌷𑌿 𑌸𑌪𑍍𑌤𑌤𑌂𑌤𑍋𑌃
𑌆𑌤𑌸𑍍𑌥𑌿𑌵𑌾𑌨𑍍𑌮𑌂𑌤𑍍𑌰𑌮𑌯𑌂 𑌶𑌰𑍀𑌰𑌂
𑌅𑌖𑌂𑌡𑌸𑌾𑌰𑍈𑌰𑍍𑌹𑌵𑌿𑌷𑌾𑌂 𑌪𑍍𑌰𑌦𑌾𑌨𑍈𑌃
𑌆𑌪𑍍𑌯𑌾𑌯𑌨𑌂 𑌵𑍍𑌯𑍋𑌮𑌸𑌦𑌾𑌂 𑌵𑌿𑌧𑌤𑍍𑌸𑍇 ॥10॥

𑌯𑌨𑍍𑌮𑍂𑌲 𑌮𑍀𑌦𑍃𑌕𑍍𑌪𑍍𑌰𑌤𑌿𑌭𑌾𑌤𑌤𑍍𑌤𑍍𑌵𑌂
𑌯𑌾 𑌮𑍂𑌲𑌮𑌾𑌮𑍍𑌨𑌾𑌯𑌮𑌹𑌾𑌦𑍍𑌰𑍁𑌮𑌾𑌣𑌾𑌂
𑌤𑌤𑍍𑌤𑍍𑌵𑍇𑌨 𑌜𑌾𑌨𑌂𑌤𑌿 𑌵𑌿𑌶𑍁𑌦𑍍𑌧𑌸𑌤𑍍𑌤𑍍𑌵𑌾𑌃
𑌤𑍍𑌵𑌾𑌮𑌕𑍍𑌷𑌰𑌾𑌮𑌕𑍍𑌷𑌰𑌮𑌾𑌤𑍃𑌕𑌾𑌂 𑌤𑍍𑌵𑌾𑌮𑍍 ॥11॥

𑌅𑌵𑍍𑌯𑌾𑌕𑍃𑌤𑌾𑌦𑍍𑌵𑍍𑌯𑌾𑌕𑍃𑌤𑌵𑌾𑌨𑌸𑌿 𑌤𑍍𑌵𑌂
𑌨𑌾𑌮𑌾𑌨𑌿 𑌰𑍂𑌪𑌾𑌣𑌿 𑌚 𑌯𑌾𑌨𑌿 𑌪𑍂𑌰𑍍𑌵𑌂
𑌶𑌂𑌸𑌂𑌤𑌿 𑌤𑍇𑌷𑌾𑌂 𑌚𑌰𑌮𑌾𑌂 𑌪𑍍𑌰𑌤𑌿𑌷𑍍𑌠𑌾𑌂
𑌵𑌾𑌗𑍀𑌶𑍍𑌵𑌰 𑌤𑍍𑌵𑌾𑌂 𑌤𑍍𑌵𑌦𑍁𑌪𑌜𑍍𑌞𑌵𑌾𑌚𑌃 ॥12॥

𑌮𑍁𑌗𑍍𑌧𑍇𑌂𑌦𑍁𑌨𑌿𑌷𑍍𑌯𑌂𑌦𑌵𑌿𑌲𑍋𑌭𑌨𑍀𑌯𑌾𑌂
𑌮𑍂𑌰𑍍𑌤𑌿𑌂 𑌤𑌵𑌾𑌨𑌂𑌦𑌸𑍁𑌧𑌾𑌪𑍍𑌰𑌸𑍂𑌤𑌿𑌂
𑌵𑌿𑌪𑌶𑍍𑌚𑌿𑌤𑌶𑍍𑌚𑍇𑌤𑌸𑌿 𑌭𑌾𑌵𑌯𑌂𑌤𑍇
𑌵𑍇𑌲𑌾𑌮𑍁𑌦𑌾𑌰𑌾𑌮𑌿𑌵 𑌦𑍁𑌗𑍍𑌧 𑌸𑌿𑌂𑌧𑍋𑌃 ॥13॥

𑌮𑌨𑍋𑌗𑌤𑌂 𑌪𑌶𑍍𑌯𑌤𑌿 𑌯𑌸𑍍𑌸𑌦𑌾 𑌤𑍍𑌵𑌾𑌂
𑌮𑌨𑍀𑌷𑌿𑌣𑌾𑌂 𑌮𑌾𑌨𑌸𑌰𑌾𑌜𑌹𑌂𑌸𑌂
𑌸𑍍𑌵𑌯𑌂𑌪𑍁𑌰𑍋𑌭𑌾𑌵𑌵𑌿𑌵𑌾𑌦𑌭𑌾𑌜𑌃
𑌕𑌿𑌂𑌕𑍁𑌰𑍍𑌵𑌤𑍇 𑌤𑌸𑍍𑌯 𑌗𑌿𑌰𑍋 𑌯𑌥𑌾𑌰𑍍𑌹𑌮𑍍 ॥14॥

𑌅𑌪𑌿 𑌕𑍍𑌷𑌣𑌾𑌰𑍍𑌧𑌂 𑌕𑌲𑌯𑌂𑌤𑌿 𑌯𑍇 𑌤𑍍𑌵𑌾𑌂
𑌆𑌪𑍍𑌲𑌾𑌵𑌯𑌂𑌤𑌂 𑌵𑌿𑌶𑌦𑍈𑌰𑍍𑌮𑌯𑍂𑌖𑍈𑌃
𑌵𑌾𑌚𑌾𑌂 𑌪𑍍𑌰𑌵𑌾𑌹𑍈𑌰𑌨𑌿𑌵𑌾𑌰𑌿𑌤𑍈𑌸𑍍𑌤𑍇
𑌮𑌂𑌦𑌾𑌕𑌿𑌨𑍀𑌂 𑌮𑌂𑌦𑌯𑌿𑌤𑍁𑌂 𑌕𑍍𑌷𑌮𑌂𑌤𑍇 ॥15॥

𑌸𑍍𑌵𑌾𑌮𑌿𑌨𑍍𑌭𑌵𑌦𑍍𑌦𑍍𑌯𑌾𑌨𑌸𑍁𑌧𑌾𑌭𑌿𑌷𑍇𑌕𑌾𑌤𑍍
𑌵𑌹𑌂𑌤𑌿 𑌧𑌨𑍍𑌯𑌾𑌃 𑌪𑍁𑌲𑌕𑌾𑌨𑍁𑌬𑌂𑌦𑌂
𑌅𑌲𑌕𑍍𑌷𑌿𑌤𑍇 𑌕𑍍𑌵𑌾𑌪𑌿 𑌨𑌿𑌰𑍂𑌢 𑌮𑍂𑌲𑌂
𑌅𑌂𑌗𑍍𑌵𑍇𑌷𑍍𑌵𑌿 𑌵𑌾𑌨𑌂𑌦𑌥𑍁𑌮𑌂𑌕𑍁𑌰𑌂𑌤𑌮𑍍 ॥16॥

𑌸𑍍𑌵𑌾𑌮𑌿𑌨𑍍𑌪𑍍𑌰𑌤𑍀𑌚𑌾 𑌹𑍃𑌦𑌯𑍇𑌨 𑌧𑌨𑍍𑌯𑌾𑌃
𑌤𑍍𑌵𑌦𑍍𑌧𑍍𑌯𑌾𑌨𑌚𑌂𑌦𑍍𑌰𑍋𑌦𑌯𑌵𑌰𑍍𑌧𑌮𑌾𑌨𑌂
𑌅𑌮𑌾𑌂𑌤𑌮𑌾𑌨𑌂𑌦𑌪𑌯𑍋𑌧𑌿𑌮𑌂𑌤𑌃
𑌪𑌯𑍋𑌭𑌿 𑌰𑌕𑍍𑌷𑍍𑌣𑌾𑌂 𑌪𑌰𑌿𑌵𑌾𑌹𑌯𑌂𑌤𑌿 ॥1𑍭॥

𑌸𑍍𑌵𑍈𑌰𑌾𑌨𑍁𑌭𑌾𑌵𑌾𑌸𑍍 𑌤𑍍𑌵𑌦𑌧𑍀𑌨𑌭𑌾𑌵𑌾𑌃
𑌸𑌮𑍃𑌦𑍍𑌧𑌵𑍀𑌰𑍍𑌯𑌾𑌸𑍍𑌤𑍍𑌵𑌦𑌨𑍁𑌗𑍍𑌰𑌹𑍇𑌣
𑌵𑌿𑌪𑌶𑍍𑌚𑌿𑌤𑍋𑌨𑌾𑌥 𑌤𑌰𑌂𑌤𑌿 𑌮𑌾𑌯𑌾𑌂
𑌵𑍈𑌹𑌾𑌰𑌿𑌕𑍀𑌂 𑌮𑍋𑌹𑌨𑌪𑌿𑌂𑌛𑌿𑌕𑌾𑌂 𑌤𑍇 ॥1𑍮॥

𑌪𑍍𑌰𑌾𑌙𑍍𑌨𑌿𑌰𑍍𑌮𑌿𑌤𑌾𑌨𑌾𑌂 𑌤𑌪𑌸𑌾𑌂 𑌵𑌿𑌪𑌾𑌕𑌾𑌃
𑌪𑍍𑌰𑌤𑍍𑌯𑌗𑍍𑌰𑌨𑌿𑌶𑍍𑌶𑍍𑌰𑍇𑌯𑌸𑌸𑌂𑌪𑌦𑍋 𑌮𑍇
𑌸𑌮𑍇𑌧𑌿𑌷𑍀𑌰𑌂 𑌸𑍍𑌤𑌵 𑌪𑌾𑌦𑌪𑌦𑍍𑌮𑍇
𑌸𑌂𑌕𑌲𑍍𑌪𑌚𑌿𑌂𑌤𑌾𑌮𑌣𑌯𑌃 𑌪𑍍𑌰𑌣𑌾𑌮𑌾𑌃 ॥1𑍯॥

𑌵𑌿𑌲𑍁𑌪𑍍𑌤𑌮𑍂𑌰𑍍𑌧𑌨𑍍𑌯𑌲𑌿𑌪𑌿𑌕𑍍𑌰𑌮𑌾𑌣𑌾
𑌸𑍁𑌰𑍇𑌂𑌦𑍍𑌰𑌚𑍂𑌡𑌾𑌪𑌦𑌲𑌾𑌲𑌿𑌤𑌾𑌨𑌾𑌂
𑌤𑍍𑌵𑌦𑌂𑌘𑍍𑌰𑌿 𑌰𑌾𑌜𑍀𑌵𑌰𑌜𑌃𑌕𑌣𑌾𑌨𑌾𑌂
𑌭𑍂𑌯𑌾𑌨𑍍𑌪𑍍𑌰𑌸𑌾𑌦𑍋 𑌮𑌯𑌿 𑌨𑌾𑌥 𑌭𑍂𑌯𑌾𑌤𑍍 ॥20॥

𑌪𑌰𑌿𑌸𑍍𑌫𑍁𑌰𑌨𑍍𑌨𑍂𑌪𑍁𑌰𑌚𑌿𑌤𑍍𑌰𑌭𑌾𑌨𑍁 –
𑌪𑍍𑌰𑌕𑌾𑌶𑌨𑌿𑌰𑍍𑌧𑍂𑌤𑌤𑌮𑍋𑌨𑍁𑌷𑌂𑌗𑌾
𑌪𑌦𑌦𑍍𑌵𑌯𑍀𑌂 𑌤𑍇 𑌪𑌰𑌿𑌚𑌿𑌨𑍍𑌮𑌹𑍇𑌽𑌂𑌤𑌃
𑌪𑍍𑌰𑌬𑍋𑌧𑌰𑌾𑌜𑍀𑌵𑌵𑌿𑌭𑌾𑌤𑌸𑌂𑌧𑍍𑌯𑌾𑌮𑍍 ॥21॥

𑌤𑍍𑌵𑌤𑍍𑌕𑌿𑌂𑌕𑌰𑌾𑌲𑌂𑌕𑌰𑌣𑍋𑌚𑌿𑌤𑌾𑌨𑌾𑌂
𑌤𑍍𑌵𑌯𑍈𑌵 𑌕𑌲𑍍𑌪𑌾𑌂𑌤𑌰𑌪𑌾𑌲𑌿𑌤𑌾𑌨𑌾𑌂
𑌮𑌂𑌜𑍁𑌪𑍍𑌰𑌣𑌾𑌦𑌂 𑌮𑌣𑌿𑌨𑍂𑌪𑍁𑌰𑌂 𑌤𑍇
𑌮𑌂𑌜𑍂𑌷𑌿𑌕𑌾𑌂 𑌵𑍇𑌦𑌗𑌿𑌰𑌾𑌂 𑌪𑍍𑌰𑌤𑍀𑌮𑌃 ॥22॥

𑌸𑌂𑌚𑌿𑌂𑌤𑌯𑌾𑌮𑌿 𑌪𑍍𑌰𑌤𑌿𑌭𑌾𑌦𑌶𑌾𑌸𑍍𑌥𑌾𑌨𑍍
𑌸𑌂𑌧𑍁𑌕𑍍𑌷𑌯𑌂𑌤𑌂 𑌸𑌮𑌯𑌪𑍍𑌰𑌦𑍀𑌪𑌾𑌨𑍍
𑌵𑌿𑌜𑍍𑌞𑌾𑌨𑌕𑌲𑍍𑌪𑌦𑍍𑌰𑍁𑌮𑌪𑌲𑍍𑌲𑌵𑌾𑌭𑌂
𑌵𑍍𑌯𑌾𑌖𑍍𑌯𑌾𑌨𑌮𑍁𑌦𑍍𑌰𑌾𑌮𑌧𑍁𑌰𑌂 𑌕𑌰𑌂 𑌤𑍇 ॥23॥

𑌚𑌿𑌤𑍍𑌤𑍇 𑌕𑌰𑍋𑌮𑌿 𑌸𑍍𑌫𑍁𑌰𑌿𑌤𑌾𑌕𑍍𑌷𑌮𑌾𑌲𑌂
𑌸𑌵𑍍𑌯𑍇𑌤𑌰𑌂 𑌨𑌾𑌥 𑌕𑌰𑌂 𑌤𑍍𑌵𑌦𑍀𑌯𑌂
𑌜𑍍𑌞𑌾𑌨𑌾𑌮𑍃𑌤𑍋𑌦𑌂𑌚𑌨𑌲𑌂𑌪𑌟𑌾𑌨𑌾𑌂
𑌲𑍀𑌲𑌾𑌘𑌟𑍀𑌯𑌂𑌤𑍍𑌰𑌮𑌿𑌵𑌾𑌽𑌽𑌶𑍍𑌰𑌿𑌤𑌾𑌨𑌾𑌮𑍍 ॥24॥

𑌪𑍍𑌰𑌬𑍋𑌧𑌸𑌿𑌂𑌧𑍋𑌰𑌰𑍁𑌣𑍈𑌃 𑌪𑍍𑌰𑌕𑌾𑌶𑍈𑌃
𑌪𑍍𑌰𑌵𑌾𑌳𑌸𑌂𑌘𑌾𑌤𑌮𑌿𑌵𑍋𑌦𑍍𑌵𑌹𑌂𑌤𑌂
𑌵𑌿𑌭𑌾𑌵𑌯𑍇 𑌦𑍇𑌵 𑌸 𑌪𑍁𑌸𑍍𑌤𑌕𑌂 𑌤𑍇
𑌵𑌾𑌮𑌂 𑌕𑌰𑌂 𑌦𑌕𑍍𑌷𑌿𑌣𑌮𑌾𑌶𑍍𑌰𑌿𑌤𑌾𑌨𑌾𑌮𑍍 ॥25॥

𑌤𑌮𑌾𑌂 𑌸𑌿𑌭𑌿𑌤𑍍𑌤𑍍𑌵𑌾𑌵𑌿𑌶𑌦𑍈𑌰𑍍𑌮𑌯𑍂𑌖𑍈𑌃
𑌸𑌂𑌪𑍍𑌰𑍀𑌣𑌯𑌂𑌤𑌂 𑌵𑌿𑌦𑍁𑌷𑌶𑍍𑌚𑌕𑍋𑌰𑌾𑌨𑍍
𑌨𑌿𑌶𑌾𑌮𑌯𑍇 𑌤𑍍𑌵𑌾𑌂 𑌨𑌵𑌪𑍁𑌂𑌡𑌰𑍀𑌕𑍇
𑌶𑌰𑌦𑍍𑌘𑌨𑍇𑌚𑌂𑌦𑍍𑌰𑌮𑌿𑌵 𑌸𑍍𑌫𑍁𑌰𑌂𑌤𑌮𑍍 ॥26॥

𑌦𑌿𑌶𑌂𑌤𑍁 𑌮𑍇 𑌦𑍇𑌵 𑌸𑌦𑌾 𑌤𑍍𑌵𑌦𑍀𑌯𑌾𑌃
𑌦𑌯𑌾𑌤𑌰𑌂𑌗𑌾𑌨𑍁𑌚𑌰𑌾𑌃 𑌕𑌟𑌾𑌕𑍍𑌷𑌾𑌃
𑌶𑍍𑌰𑍋𑌤𑍍𑌰𑍇𑌷𑍁 𑌪𑍁𑌂𑌸𑌾𑌮𑌮𑍃𑌤𑌂𑌕𑍍𑌷𑌰𑌂𑌤𑍀𑌂
𑌸𑌰𑌸𑍍𑌵𑌤𑍀𑌂 𑌸𑌂𑌶𑍍𑌰𑌿𑌤𑌕𑌾𑌮𑌧𑍇𑌨𑍁𑌮𑍍 ॥2𑍭॥

𑌵𑌿𑌶𑍇𑌷𑌵𑌿𑌤𑍍𑌪𑌾𑌰𑌿𑌷𑌦𑍇𑌷𑍁 𑌨𑌾𑌥
𑌵𑌿𑌦𑌗𑍍𑌧𑌗𑍋𑌷𑍍𑌠𑍀 𑌸𑌮𑌰𑌾𑌂𑌗𑌣𑍇𑌷𑍁
𑌜𑌿𑌗𑍀𑌷𑌤𑍋 𑌮𑍇 𑌕𑌵𑌿𑌤𑌾𑌰𑍍𑌕𑌿𑌕𑍇𑌂𑌦𑍍𑌰𑌾𑌨𑍍
𑌜𑌿𑌹𑍍𑌵𑌾𑌗𑍍𑌰𑌸𑌿𑌂𑌹𑌾𑌸𑌨𑌮𑌭𑍍𑌯𑍁𑌪𑍇𑌯𑌾𑌃 ॥2𑍮॥

𑌤𑍍𑌵𑌾𑌂 𑌚𑌿𑌂𑌤𑌯𑌨𑍍 𑌤𑍍𑌵𑌨𑍍𑌮𑌯𑌤𑌾𑌂 𑌪𑍍𑌰𑌪𑌨𑍍𑌨𑌃
𑌤𑍍𑌵𑌾𑌮𑍁𑌦𑍍𑌗𑍃𑌣𑌨𑍍 𑌶𑌬𑍍𑌦𑌮𑌯𑍇𑌨 𑌧𑌾𑌮𑍍𑌨𑌾
𑌸𑍍𑌵𑌾𑌮𑌿𑌨𑍍𑌸𑌮𑌾𑌜𑍇𑌷𑍁 𑌸𑌮𑍇𑌧𑌿𑌷𑍀𑌯
𑌸𑍍𑌵𑌚𑍍𑌛𑌂𑌦𑌵𑌾𑌦𑌾𑌹𑌵𑌬𑌦𑍍𑌧𑌶𑍂𑌰𑌃 ॥2𑍯॥

𑌨𑌾𑌨𑌾𑌵𑌿𑌧𑌾𑌨𑌾𑌮𑌗𑌤𑌿𑌃 𑌕𑌲𑌾𑌨𑌾𑌂
𑌨 𑌚𑌾𑌪𑌿 𑌤𑍀𑌰𑍍𑌥𑍇𑌷𑍁 𑌕𑍃𑌤𑌾𑌵𑌤𑌾𑌰𑌃
𑌧𑍍𑌰𑍁𑌵𑌂 𑌤𑌵𑌾𑌽𑌨𑌾𑌧 𑌪𑌰𑌿𑌗𑍍𑌰𑌹𑌾𑌯𑌾𑌃
𑌨𑌵 𑌨𑌵𑌂 𑌪𑌾𑌤𑍍𑌰𑌮𑌹𑌂 𑌦𑌯𑌾𑌯𑌾𑌃 ॥30॥

𑌅𑌕𑌂𑌪𑌨𑍀𑌯𑌾𑌨𑍍𑌯𑌪𑌨𑍀𑌤𑌿𑌭𑍇𑌦𑍈𑌃
𑌅𑌲𑌂𑌕𑍃𑌷𑍀𑌰𑌨𑍍 𑌹𑍃𑌦𑌯𑌂 𑌮𑌦𑍀𑌯𑌮𑍍
𑌶𑌂𑌕𑌾 𑌕𑌳𑌂𑌕𑌾 𑌪𑌗𑌮𑍋𑌜𑍍𑌜𑍍𑌵𑌲𑌾𑌨𑌿
𑌤𑌤𑍍𑌤𑍍𑌵𑌾𑌨𑌿 𑌸𑌮𑍍𑌯𑌂𑌚𑌿 𑌤𑌵 𑌪𑍍𑌰𑌸𑌾𑌦𑌾𑌤𑍍 ॥31॥

𑌵𑍍𑌯𑌾𑌖𑍍𑌯𑌾𑌮𑍁𑌦𑍍𑌰𑌾𑌂 𑌕𑌰𑌸𑌰𑌸𑌿𑌜𑍈𑌃 𑌪𑍁𑌸𑍍𑌤𑌕𑌂 𑌶𑌂𑌖𑌚𑌕𑍍𑌰𑍇
𑌭𑌿𑌭𑍍𑌰𑌦𑍍𑌭𑌿𑌨𑍍𑌨 𑌸𑍍𑌫𑌟𑌿𑌕𑌰𑍁𑌚𑌿𑌰𑍇 𑌪𑍁𑌂𑌡𑌰𑍀𑌕𑍇 𑌨𑌿𑌷𑌣𑍍𑌣𑌃 ।
𑌅𑌮𑍍𑌲𑌾𑌨𑌶𑍍𑌰𑍀𑌰𑌮𑍃𑌤𑌵𑌿𑌶𑌦𑍈𑌰𑌂𑌶𑍁𑌭𑌿𑌃 𑌪𑍍𑌲𑌾𑌵𑌯𑌨𑍍𑌮𑌾𑌂
𑌆𑌵𑌿𑌰𑍍𑌭𑍂𑌯𑌾𑌦𑌨𑌘𑌮𑌹𑌿𑌮𑌾𑌮𑌾𑌨𑌸𑍇 𑌵𑌾𑌗𑌧𑍀𑌶𑌃 ॥32॥

𑌵𑌾𑌗𑌰𑍍𑌥𑌸𑌿𑌦𑍍𑌧𑌿𑌹𑍇𑌤𑍋𑌃𑌪𑌠𑌤 𑌹𑌯𑌗𑍍𑌰𑍀𑌵𑌸𑌂𑌸𑍍𑌤𑍁𑌤𑌿𑌂 𑌭𑌕𑍍𑌤𑍍𑌯𑌾
𑌕𑌵𑌿𑌤𑌾𑌰𑍍𑌕𑌿𑌕𑌕𑍇𑌸𑌰𑌿𑌣𑌾 𑌵𑍇𑌂𑌕𑌟𑌨𑌾𑌥𑍇𑌨 𑌵𑌿𑌰𑌚𑌿𑌤𑌾𑌮𑍇𑌤𑌾𑌮𑍍 ॥33॥