1.𑍮 – 𑌅𑌨𑍁𑌮𑌤𑍍𑌯𑍈 𑌪𑍁𑌰𑍋𑌡𑌾𑌶𑌮𑌷𑍍𑌟𑌾𑌕𑌪𑌾𑌲𑌮𑍍 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃Download PDF

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌅𑌷𑌮𑌃 𑌪𑍍𑌰𑌶𑍍𑌨𑌃 – 𑌰𑌾𑌜𑌸𑍂𑌯𑌃

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁॑𑌮𑌤𑍍𑌯𑍈 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 𑌧𑍇॒𑌨𑍁-𑌰𑍍𑌦𑌕𑍍𑌷𑌿॑𑌣𑌾॒ 𑌯𑍇 𑌪𑍍𑌰॒𑌤𑍍𑌯𑌞𑍍𑌚॒-𑌶𑍍𑌶𑌮𑍍𑌯𑌾॑𑌯𑌾 𑌅𑌵॒𑌶𑍀𑌯॑𑌨𑍍𑌤𑍇॒ 𑌤-𑌨𑍍𑌨𑍈𑌰𑍍-𑌋॒𑌤-𑌮𑍇𑌕॑𑌕𑌪𑌾𑌲-𑌙𑍍𑌕𑍃॒𑌷𑍍𑌣𑌂-𑌵𑌾𑌁𑌸𑌃॑ 𑌕𑍃॒𑌷𑍍𑌣𑌤𑍂॑𑌷॒-𑌨𑍍𑌦𑌕𑍍𑌷𑌿॑𑌣𑌾॒ 𑌵𑍀𑌹𑌿॒ 𑌸𑍍𑌵𑌾𑌹𑌾-𑌽𑌽𑌹𑍁॑𑌤𑌿-𑌞𑍍𑌜𑍁𑌷𑌾॒𑌣 𑌏॒𑌷 𑌤𑍇॑ 𑌨𑌿𑌰𑍍-𑌋𑌤𑍇 𑌭𑌾॒𑌗𑍋 𑌭𑍂𑌤𑍇॑ 𑌹॒𑌵𑌿𑌷𑍍𑌮॑𑌤𑍍𑌯𑌸𑌿 𑌮𑍁॒𑌞𑍍𑌚𑍇𑌮-𑌮𑌗𑍍​𑌮𑍍𑌹॑𑌸॒-𑌸𑍍𑌸𑍍𑌵𑌾𑌹𑌾॒ 𑌨𑌮𑍋॒ 𑌯 𑌇॒𑌦-𑌞𑍍𑌚॒𑌕𑌾𑌰𑌾॑-𑌽𑌽𑌦𑌿॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑌤𑌿॒ 𑌵𑌰𑍋॒ 𑌦𑌕𑍍𑌷𑌿॑𑌣𑌾-𑌽𑌽𑌗𑍍𑌨𑌾𑌵𑍈𑌷𑍍𑌣॒𑌵-𑌮𑍇𑌕𑌾॑𑌦𑌶𑌕𑌪𑌾𑌲𑌂-𑌵𑌾𑌁𑌮॒𑌨𑍋 𑌵॒𑌹𑍀 𑌦𑌕𑍍𑌷𑌿॑𑌣𑌾 𑌽𑌗𑍍𑌨𑍀𑌷𑍋॒𑌮𑍀𑌯॒- [𑌦𑌕𑍍𑌷𑌿॑𑌣𑌾 𑌽𑌗𑍍𑌨𑍀𑌷𑍋॒𑌮𑍀𑌯᳚𑌮𑍍, 𑌏𑌕𑌾॑𑌦𑌶𑌕𑌪𑌾𑌲॒𑌗𑍍​𑌮𑍍॒ 𑌹𑌿𑌰॑𑌣𑍍𑌯𑌂॒] 1

-𑌮𑍇𑌕𑌾॑𑌦𑌶𑌕𑌪𑌾𑌲॒𑌗𑍍​𑌮𑍍॒ 𑌹𑌿𑌰॑𑌣𑍍𑌯॒-𑌨𑍍𑌦𑌕𑍍𑌷𑌿॑𑌣𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲-𑌮𑍃𑌷॒𑌭𑍋 𑌵॒𑌹𑍀 𑌦𑌕𑍍𑌷𑌿॑𑌣𑌾-𑌽𑌽𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲𑌮𑍈॒𑌨𑍍𑌦𑍍𑌰-𑌨𑍍𑌦𑌦𑍍𑌧𑍍𑌯𑍃॑𑌷॒𑌭𑍋 𑌵॒𑌹𑍀 𑌦𑌕𑍍𑌷𑌿॑𑌣𑍈𑌨𑍍𑌦𑍍𑌰𑌾॒𑌗𑍍𑌨-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲𑌂-𑌵𑍈𑌁𑌶𑍍𑌵𑌦𑍇॒𑌵-𑌞𑍍𑌚॒𑌰𑍁-𑌮𑍍𑌪𑍍𑌰॑𑌥𑌮॒𑌜𑍋 𑌵॒𑌥𑍍𑌸𑍋 𑌦𑌕𑍍𑌷𑌿॑𑌣𑌾 𑌸𑍌॒𑌮𑍍𑌯𑌗𑍍𑌗𑍍​ 𑌶𑍍𑌯𑌾॑𑌮𑌾॒𑌕-𑌞𑍍𑌚॒𑌰𑍁𑌂-𑌵𑌾𑌁𑌸𑍋॒ 𑌦𑌕𑍍𑌷𑌿॑𑌣𑌾॒ 𑌸𑌰॑𑌸𑍍𑌵𑌤𑍍𑌯𑍈 𑌚॒𑌰𑍁𑌗𑍍​𑌮𑍍 𑌸𑌰॑𑌸𑍍𑌵𑌤𑍇 𑌚॒𑌰𑍁-𑌮𑍍𑌮𑌿॑𑌥𑍁॒𑌨𑍌 𑌗𑌾𑌵𑍌॒ 𑌦𑌕𑍍𑌷𑌿॑𑌣𑌾 ॥ 2 ॥
(𑌅॒𑌗𑍍𑌨𑍀॒𑌷𑍋॒𑌮𑍀𑌯𑌂॒-𑌚𑌤𑍁॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌚𑍍𑌚) (𑌅. 1)

𑌆॒𑌗𑍍𑌨𑍇॒𑌯𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 𑌸𑍌॒𑌮𑍍𑌯-𑌞𑍍𑌚॒𑌰𑍁𑌗𑍍​𑌮𑍍 𑌸𑌾॑𑌵𑌿॒𑌤𑍍𑌰𑌂-𑌦𑍍𑌵𑌾𑌦॑𑌶𑌕𑌪𑌾𑌲𑌗𑍍​𑌮𑍍 𑌸𑌾𑌰𑌸𑍍𑌵॒𑌤-𑌞𑍍𑌚॒𑌰𑍁-𑌮𑍍𑌪𑍌॒𑌷𑍍𑌣-𑌞𑍍𑌚॒𑌰𑍁-𑌮𑍍𑌮𑌾॑𑌰𑍁॒𑌤𑌗𑍍​𑌮𑍍 𑌸॒𑌪𑍍𑌤𑌕॑𑌪𑌾𑌲𑌂-𑌵𑍈𑌁𑌶𑍍𑌵𑌦𑍇॒𑌵𑍀-𑌮𑌾॒𑌮𑌿𑌕𑍍𑌷𑌾᳚-𑌨𑍍𑌦𑍍𑌯𑌾𑌵𑌾𑌪𑍃𑌥𑌿॒𑌵𑍍𑌯॑-𑌮𑍇𑌕॑𑌕𑌪𑌾𑌲𑌮𑍍 ॥ 3 ॥
(𑌆॒𑌗𑍍𑌨𑍇॒𑌯𑌗𑍍​𑌮𑍍 𑌸𑍌॒𑌮𑍍𑌯-𑌮𑍍𑌮𑌾॑𑌰𑍁॒𑌤-𑌮॒𑌷𑍍𑌟𑌾𑌦॑𑌶) (𑌅. 2)

𑌐॒𑌨𑍍𑌦𑍍𑌰𑌾॒𑌗𑍍𑌨-𑌮𑍇𑌕𑌾॑𑌦𑌶𑌕𑌪𑌾𑌲-𑌮𑍍𑌮𑌾𑌰𑍁॒𑌤𑍀-𑌮𑌾॒𑌮𑌿𑌕𑍍𑌷𑌾𑌂᳚-𑌵𑌾𑌁𑌰𑍁॒𑌣𑍀-𑌮𑌾॒𑌮𑌿𑌕𑍍𑌷𑌾᳚-𑌙𑍍𑌕𑌾॒𑌯𑌮𑍇𑌕॑𑌕𑌪𑌾𑌲-𑌮𑍍𑌪𑍍𑌰𑌘𑌾॒𑌸𑍍𑌯𑌾𑌨𑍍॑. 𑌹𑌵𑌾𑌮𑌹𑍇 𑌮॒𑌰𑍁𑌤𑍋॑ 𑌯॒𑌜𑍍𑌞𑌵𑌾॑𑌹𑌸𑌃 𑌕𑌰॒𑌮𑍍𑌭𑍇𑌣॑ 𑌸॒𑌜𑍋𑌷॑𑌸𑌃 ॥ 𑌮𑍋 𑌷𑍂 𑌣॑ 𑌇𑌨𑍍𑌦𑍍𑌰 𑌪𑍃॒𑌥𑍍𑌸𑍁 𑌦𑍇॒𑌵𑌾𑌸𑍍𑌤𑍁॑ 𑌸𑍍𑌮 𑌤𑍇 𑌶𑍁𑌷𑍍𑌮𑌿𑌨𑍍𑌨𑌵॒𑌯𑌾 । 𑌮॒𑌹𑍀 𑌹𑍍𑌯॑𑌸𑍍𑌯 𑌮𑍀॒𑌢𑍁𑌷𑍋॑ 𑌯॒𑌵𑍍𑌯𑌾 । 𑌹॒𑌵𑌿𑌷𑍍𑌮॑𑌤𑍋 𑌮॒𑌰𑍁𑌤𑍋॒ 𑌵𑌨𑍍𑌦॑𑌤𑍇॒ 𑌗𑍀𑌃 ॥ 𑌯-𑌦𑍍𑌗𑍍𑌰𑌾𑌮𑍇॒ 𑌯𑌦𑌰॑𑌣𑍍𑌯𑍇॒ 𑌯-𑌥𑍍𑌸॒𑌭𑌾𑌯𑌾𑌂॒-𑌯𑌁𑌦𑌿॑𑌨𑍍𑌦𑍍𑌰𑌿॒𑌯𑍇 । 𑌯𑌚𑍍𑌛𑍂॒𑌦𑍍𑌰𑍇 𑌯𑌦॒𑌰𑍍𑌯॑ 𑌏𑌨॑𑌶𑍍𑌚𑌕𑍃॒𑌮𑌾 𑌵॒𑌯𑌮𑍍 । 𑌯𑌦𑍇 𑌕॒𑌸𑍍𑌯𑌾𑌧𑌿॒ 𑌧𑌰𑍍𑌮॑𑌣𑌿॒ 𑌤𑌸𑍍𑌯𑌾॑𑌵॒𑌯𑌜॑𑌨𑌮𑌸𑌿॒ 𑌸𑍍𑌵𑌾𑌹𑌾᳚ ॥ 𑌅𑌕𑍍𑌰॒𑌨𑍍 𑌕𑌰𑍍𑌮॑ 𑌕𑌰𑍍𑌮॒𑌕𑍃𑌤॑-𑌸𑍍𑌸॒𑌹 𑌵𑌾॒𑌚𑌾 𑌮॑𑌯𑍋𑌭𑍁॒𑌵𑌾 । 𑌦𑍇॒𑌵𑍇𑌭𑍍𑌯𑌃॒ 𑌕𑌰𑍍𑌮॑ 𑌕𑍃॒𑌤𑍍𑌵𑌾-𑌽𑌸𑍍𑌤॒-𑌮𑍍𑌪𑍍𑌰𑍇𑌤॑ 𑌸𑍁𑌦𑌾𑌨𑌵𑌃 ॥ 4 ॥
(𑌵॒𑌯𑌂​𑌯𑌁-𑌦𑍍𑌵𑌿𑌗𑍍​𑌮𑍍॑𑌶॒𑌤𑌿𑌶𑍍𑌚॑) (𑌅. 3)

𑌅॒𑌗𑍍𑌨𑌯𑍇-𑌽𑌨𑍀॑𑌕𑌵𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 𑌸𑌾॒𑌕𑌗𑍍​𑌮𑍍 𑌸𑍂𑌰𑍍𑌯𑍇॑𑌣𑍋𑌦𑍍𑌯॒𑌤𑌾 𑌮॒𑌰𑍁𑌦𑍍𑌭𑍍𑌯॑-𑌸𑍍𑌸𑌾𑌨𑍍𑌤𑌪॒𑌨𑍇𑌭𑍍𑌯𑍋॑ 𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇 𑌚॒𑌰𑍁-𑌮𑍍𑌮॒𑌰𑍁𑌦𑍍𑌭𑍍𑌯𑍋॑ 𑌗𑍃𑌹𑌮𑍇॒𑌧𑌿𑌭𑍍𑌯॒-𑌸𑍍𑌸𑌰𑍍𑌵𑌾॑𑌸𑌾-𑌨𑍍𑌦𑍁॒𑌗𑍍𑌧𑍇 𑌸𑌾॒𑌯-𑌞𑍍𑌚॒𑌰𑍁-𑌮𑍍𑌪𑍂॒𑌰𑍍𑌣𑌾 𑌦॑𑌰𑍍𑌵𑌿॒ 𑌪𑌰𑌾॑𑌪𑌤॒ 𑌸𑍁𑌪𑍂᳚𑌰𑍍𑌣𑌾॒ 𑌪𑍁𑌨॒𑌰𑌾 𑌪॑𑌤 । 𑌵॒𑌸𑍍𑌨𑍇𑌵॒ 𑌵𑌿 𑌕𑍍𑌰𑍀॑𑌣𑌾𑌵𑌹𑌾॒ 𑌇𑌷॒𑌮𑍂𑌰𑍍𑌜𑌗𑍍​𑌮𑍍॑ 𑌶𑌤𑌕𑍍𑌰𑌤𑍋 ॥ 𑌦𑍇॒𑌹𑌿 𑌮𑍇॒ 𑌦𑌦𑌾॑𑌮𑌿 𑌤𑍇॒ 𑌨𑌿 𑌮𑍇॑ 𑌧𑍇𑌹𑌿॒ 𑌨𑌿 𑌤𑍇॑ 𑌦𑌧𑍇 । 𑌨𑌿॒𑌹𑌾𑌰॒𑌮𑌿𑌨𑍍𑌨𑌿 𑌮𑍇॑ 𑌹𑌰𑌾 𑌨𑌿॒ 𑌹𑌾𑌰॒- [𑌨𑌿॒ 𑌹𑌾𑌰᳚𑌮𑍍, 𑌨𑌿 𑌹॑𑌰𑌾𑌮𑌿 𑌤𑍇 ।] 5

-𑌨𑍍𑌨𑌿 𑌹॑𑌰𑌾𑌮𑌿 𑌤𑍇 ॥ 𑌮॒𑌰𑍁𑌦𑍍𑌭𑍍𑌯𑌃॑ 𑌕𑍍𑌰𑍀॒𑌡𑌿𑌭𑍍𑌯𑌃॑ 𑌪𑍁𑌰𑍋॒𑌡𑌾𑌶𑌗𑍍​𑌮𑍍॑ 𑌸॒𑌪𑍍𑌤𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 𑌸𑌾॒𑌕𑌗𑍍​𑌮𑍍 𑌸𑍂𑌰𑍍𑌯𑍇॑𑌣𑍋𑌦𑍍𑌯॒𑌤𑌾-𑌽𑌽𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 𑌸𑍌॒𑌮𑍍𑌯-𑌞𑍍𑌚॒𑌰𑍁𑌗𑍍​𑌮𑍍 𑌸𑌾॑𑌵𑌿॒𑌤𑍍𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲𑌗𑍍​𑌮𑍍 𑌸𑌾𑌰𑌸𑍍𑌵॒𑌤-𑌞𑍍𑌚॒𑌰𑍁-𑌮𑍍𑌪𑍌॒𑌷𑍍𑌣-𑌞𑍍𑌚॒𑌰𑍁𑌮𑍈᳚𑌨𑍍𑌦𑍍𑌰𑌾॒𑌗𑍍𑌨-𑌮𑍇𑌕𑌾॑𑌦𑌶𑌕𑌪𑌾𑌲-𑌮𑍈॒𑌨𑍍𑌦𑍍𑌰-𑌞𑍍𑌚॒𑌰𑍁𑌂-𑌵𑍈𑌁᳚𑌶𑍍𑌵𑌕𑌰𑍍𑌮॒𑌣-𑌮𑍇𑌕॑𑌕𑌪𑌾𑌲𑌮𑍍 ॥ 6 ॥
(𑌹॒𑌰𑌾॒ 𑌨𑌿॒𑌹𑌾𑌰॑𑌨𑍍-𑌤𑍍𑌰𑌿॒𑌗𑍍​𑌮𑍍॒𑌶𑌚𑍍𑌚॑) (𑌅. 4)

𑌸𑍋𑌮𑌾॑𑌯 𑌪𑌿𑌤𑍃॒𑌮𑌤𑍇॑ 𑌪𑍁𑌰𑍋॒𑌡𑌾𑌶॒𑌗𑍍​𑌮𑍍॒ 𑌷𑌟𑍍𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 𑌪𑌿॒𑌤𑍃𑌭𑍍𑌯𑍋॑ 𑌬𑌰𑍍​𑌹𑌿॒𑌷𑌦𑍍𑌭𑍍𑌯𑍋॑ 𑌧𑌾॒𑌨𑌾𑌃 𑌪𑌿॒𑌤𑍃𑌭𑍍𑌯𑍋᳚-𑌽𑌗𑍍𑌨𑌿𑌷𑍍𑌵𑌾॒𑌤𑍍𑌤𑍇𑌭𑍍𑌯𑍋॑ 𑌽𑌭𑌿𑌵𑌾॒𑌨𑍍𑌯𑌾॑𑌯𑍈 𑌦𑍁॒𑌗𑍍𑌧𑍇 𑌮॒𑌨𑍍𑌥𑌮𑍇॒𑌤-𑌤𑍍𑌤𑍇॑ 𑌤𑌤॒ 𑌯𑍇 𑌚॒ 𑌤𑍍𑌵𑌾-𑌮𑌨𑍍𑌵𑍇॒𑌤-𑌤𑍍𑌤𑍇॑ 𑌪𑌿𑌤𑌾𑌮𑌹 𑌪𑍍𑌰𑌪𑌿𑌤𑌾𑌮𑌹॒ 𑌯𑍇 𑌚॒ 𑌤𑍍𑌵𑌾𑌮𑌨𑍍𑌵𑌤𑍍𑌰॑ 𑌪𑌿𑌤𑌰𑍋 𑌯𑌥𑌾𑌭𑌾॒𑌗-𑌮𑍍𑌮॑𑌨𑍍𑌦𑌦𑍍𑌧𑍍𑌵𑌗𑍍​𑌮𑍍 𑌸𑍁𑌸॒𑌨𑍍𑌦𑍃𑌶॑-𑌨𑍍𑌤𑍍𑌵𑌾 𑌵॒𑌯-𑌮𑍍𑌮𑌘॑𑌵-𑌨𑍍𑌮𑌨𑍍𑌦𑌿𑌷𑍀॒𑌮𑌹𑌿॑ । 𑌪𑍍𑌰𑌨𑍂॒𑌨-𑌮𑍍𑌪𑍂॒𑌰𑍍𑌣𑌵॑𑌨𑍍𑌧𑍁𑌰-𑌸𑍍𑌸𑍍𑌤𑍁॒𑌤𑍋 𑌯𑌾॑𑌸𑌿॒ 𑌵𑌶𑌾॒𑌗𑍍​𑌮𑍍॒ 𑌅𑌨𑍁॑ । 𑌯𑍋𑌜𑌾॒ 𑌨𑍍𑌵𑌿॑𑌨𑍍𑌦𑍍𑌰 𑌤𑍇॒ 𑌹𑌰𑍀᳚ ॥ 𑍭 ॥

𑌅𑌕𑍍𑌷॒𑌨𑍍𑌨𑌮𑍀॑𑌮𑌦𑌨𑍍𑌤॒ 𑌹𑍍𑌯𑌵॑ 𑌪𑍍𑌰𑌿॒𑌯𑌾 𑌅॑𑌧𑍂𑌷𑌤 । 𑌅𑌸𑍍𑌤𑍋॑𑌷𑌤॒ 𑌸𑍍𑌵𑌭𑌾॑𑌨𑌵𑍋॒ 𑌵𑌿𑌪𑍍𑌰𑌾॒ 𑌨𑌵𑌿॑𑌷𑍍𑌠𑌯𑌾 𑌮॒𑌤𑍀 । 𑌯𑍋𑌜𑌾॒ 𑌨𑍍𑌵𑌿॑𑌨𑍍𑌦𑍍𑌰 𑌤𑍇॒ 𑌹𑌰𑍀᳚ ॥ 𑌅𑌕𑍍𑌷॑-𑌨𑍍𑌪𑌿॒𑌤𑌰𑍋-𑌽𑌮𑍀॑𑌮𑌦𑌨𑍍𑌤 𑌪𑌿॒𑌤𑌰𑍋-𑌽𑌤𑍀॑𑌤𑍃𑌪𑌨𑍍𑌤 𑌪𑌿॒𑌤𑌰𑍋-𑌽𑌮𑍀॑𑌮𑍃𑌜𑌨𑍍𑌤 𑌪𑌿॒𑌤𑌰𑌃॑ ॥ 𑌪𑌰𑍇॑𑌤 𑌪𑌿𑌤𑌰-𑌸𑍍𑌸𑍋𑌮𑍍𑌯𑌾 𑌗𑌮𑍍𑌭𑍀॒𑌰𑍈𑌃 𑌪॒𑌥𑌿𑌭𑌿𑌃॑ 𑌪𑍂॒𑌰𑍍𑌵𑍍𑌯𑍈𑌃 । 𑌅𑌥𑌾॑ 𑌪𑌿॒𑌤𑍃𑌨𑍍-𑌥𑍍𑌸𑍁॑𑌵𑌿॒𑌦𑌤𑍍𑌰𑌾॒𑌗𑍍​𑌮𑍍॒ 𑌅𑌪𑍀॑𑌤 𑌯॒𑌮𑍇𑌨॒ 𑌯𑍇 𑌸॑𑌧॒𑌮𑌾𑌦॒-𑌮𑍍𑌮𑌦॑𑌨𑍍𑌤𑌿 ॥ 𑌮𑌨𑍋॒ 𑌨𑍍𑌵𑌾 𑌹𑍁॑𑌵𑌾𑌮𑌹𑍇 𑌨𑌾𑌰𑌾𑌶॒𑌗𑍍​𑌮𑍍॒𑌸𑍇𑌨॒ 𑌸𑍍𑌤𑍋𑌮𑍇॑𑌨 𑌪𑌿𑌤𑍃॒𑌣𑌾-𑌞𑍍𑌚॒ 𑌮𑌨𑍍𑌮॑𑌭𑌿𑌃 ॥ 𑌆 [𑌆, 𑌨॒ 𑌏॒𑌤𑍁॒ 𑌮𑌨𑌃॒ 𑌪𑍁𑌨𑌃॒ 𑌕𑍍𑌰𑌤𑍍𑌵𑍇॒] 𑍮

𑌨॑ 𑌏𑌤𑍁॒ 𑌮𑌨𑌃॒ 𑌪𑍁𑌨𑌃॒ 𑌕𑍍𑌰𑌤𑍍𑌵𑍇॒ 𑌦𑌕𑍍𑌷𑌾॑𑌯 𑌜𑍀॒𑌵𑌸𑍇᳚ । 𑌜𑍍𑌯𑍋𑌕𑍍𑌚॒ 𑌸𑍂𑌰𑍍𑌯॑-𑌨𑍍𑌦𑍃॒𑌶𑍇 ॥ 𑌪𑍁𑌨॑𑌰𑍍𑌨𑌃 𑌪𑌿॒𑌤𑌰𑍋॒ 𑌮𑌨𑍋॒ 𑌦𑌦𑌾॑𑌤𑍁॒ 𑌦𑍈𑌵𑍍𑌯𑍋॒ 𑌜𑌨𑌃॑ । 𑌜𑍀॒𑌵𑌂-𑌵𑍍𑌰𑌾𑌁𑌤𑌗𑍍​𑌮𑍍॑ 𑌸𑌚𑍇𑌮𑌹𑌿 ॥ 𑌯𑌦॒𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍃𑌥𑌿॒𑌵𑍀𑌮𑍁॒𑌤 𑌦𑍍𑌯𑌾𑌂-𑌯𑌁𑌨𑍍𑌮𑌾॒𑌤𑌰॑-𑌮𑍍𑌪𑌿॒𑌤𑌰𑌂॑-𑌵𑌾𑌁 𑌜𑌿𑌹𑌿𑌗𑍍​𑌮𑍍𑌸𑌿॒𑌮 । 𑌅॒𑌗𑍍𑌨𑌿-𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑍋॒ 𑌗𑌾𑌰𑍍​𑌹॑𑌪𑌤𑍍𑌯𑌃॒ 𑌪𑍍𑌰 𑌮𑍁॑𑌞𑍍𑌚𑌤𑍁 𑌦𑍁𑌰𑌿॒𑌤𑌾 𑌯𑌾𑌨𑌿॑ 𑌚𑌕𑍃॒𑌮 𑌕॒𑌰𑍋𑌤𑍁॒ 𑌮𑌾-𑌮॑𑌨𑍇॒𑌨𑌸᳚𑌮𑍍 ॥ 𑍯 ॥
(𑌹𑌰𑍀॒-𑌮𑌨𑍍𑌮॑𑌭𑌿॒𑌰𑌾-𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 5)

𑌪𑍍𑌰॒𑌤𑌿॒𑌪𑍂॒𑌰𑍁॒𑌷𑌮𑍇𑌕॑𑌕𑌪𑌾𑌲𑌾॒-𑌨𑍍𑌨𑌿𑌰𑍍𑌵॑𑌪॒𑌤𑍍𑌯𑍇𑌕॒-𑌮𑌤𑌿॑𑌰𑌿𑌕𑍍𑌤𑌂॒-𑌯𑌾𑌁𑌵॑𑌨𑍍𑌤𑍋 𑌗𑍃॒𑌹𑍍𑌯𑌾᳚-𑌸𑍍𑌸𑍍𑌮𑌸𑍍𑌤𑍇𑌭𑍍𑌯𑌃॒ 𑌕𑌮॑𑌕𑌰-𑌮𑍍𑌪𑌶𑍂॒𑌨𑌾𑌗𑍍​𑌮𑍍 𑌶𑌰𑍍𑌮𑌾॑𑌸𑌿॒ 𑌶𑌰𑍍𑌮॒ 𑌯𑌜॑𑌮𑌾𑌨𑌸𑍍𑌯॒ 𑌶𑌰𑍍𑌮॑ 𑌮𑍇 𑌯॒𑌚𑍍𑌛𑍈𑌕॑ 𑌏॒𑌵 𑌰𑍁॒𑌦𑍍𑌰𑍋 𑌨 𑌦𑍍𑌵𑌿॒𑌤𑍀𑌯𑌾॑𑌯 𑌤𑌸𑍍𑌥 𑌆॒𑌖𑍁𑌸𑍍𑌤𑍇॑ 𑌰𑍁𑌦𑍍𑌰 𑌪॒𑌶𑍁𑌸𑍍𑌤-𑌞𑍍𑌜𑍁॑𑌷𑌸𑍍𑌵𑍈॒𑌷 𑌤𑍇॑ 𑌰𑍁𑌦𑍍𑌰 𑌭𑌾॒𑌗-𑌸𑍍𑌸॒𑌹 𑌸𑍍𑌵𑌸𑍍𑌰𑌾-𑌽𑌮𑍍𑌬𑌿॑𑌕𑌯𑌾॒ 𑌤-𑌞𑍍𑌜𑍁॑𑌷𑌸𑍍𑌵 𑌭𑍇𑌷॒𑌜-𑌙𑍍𑌗𑌵𑍇-𑌽𑌶𑍍𑌵𑌾॑𑌯॒ 𑌪𑍁𑌰𑍁॑𑌷𑌾𑌯 𑌭𑍇𑌷॒𑌜𑌮𑌥𑍋॑ 𑌅॒𑌸𑍍𑌮𑌭𑍍𑌯॑-𑌮𑍍𑌭𑍇𑌷॒𑌜𑌗𑍍​𑌮𑍍 𑌸𑍁𑌭𑍇॑𑌷𑌜𑌂॒- [𑌸𑍁𑌭𑍇॑𑌷𑌜𑌮𑍍, 𑌯𑌥𑌾-𑌽𑌸॑𑌤𑌿 ।] 10

-​𑌯𑌁𑌥𑌾-𑌽𑌸॑𑌤𑌿 । 𑌸𑍁॒𑌗-𑌮𑍍𑌮𑍇॒𑌷𑌾𑌯॑ 𑌮𑍇॒𑌷𑍍𑌯𑌾॑ 𑌅𑌵𑌾᳚𑌮𑍍𑌬 𑌰𑍁॒𑌦𑍍𑌰-𑌮॑𑌦𑌿𑌮॒𑌹𑍍𑌯𑌵॑ 𑌦𑍇॒𑌵-𑌨𑍍𑌤𑍍𑌯𑍍𑌰॑𑌮𑍍𑌬𑌕𑌮𑍍 । 𑌯𑌥𑌾॑ 𑌨॒-𑌶𑍍𑌶𑍍𑌰𑍇𑌯॑𑌸𑌃॒ 𑌕𑌰॒-𑌦𑍍𑌯𑌥𑌾॑ 𑌨𑍋॒ 𑌵𑌸𑍍𑌯॑𑌸𑌃॒ 𑌕𑌰॒-𑌦𑍍𑌯𑌥𑌾॑ 𑌨𑌃 𑌪𑌶𑍁॒𑌮𑌤𑌃॒ 𑌕𑌰॒-𑌦𑍍𑌯𑌥𑌾॑ 𑌨𑍋 𑌵𑍍𑌯𑌵𑌸𑌾॒𑌯𑌯𑌾᳚𑌤𑍍 ॥ 𑌤𑍍𑌯𑍍𑌰॑𑌮𑍍𑌬𑌕𑌂-𑌯𑌁𑌜𑌾𑌮𑌹𑍇 𑌸𑍁𑌗॒𑌨𑍍𑌧𑌿-𑌮𑍍𑌪𑍁॑𑌷𑍍𑌟𑌿॒𑌵𑌰𑍍𑌧॑𑌨𑌮𑍍 । 𑌉॒𑌰𑍍𑌵𑌾॒𑌰𑍁॒𑌕-𑌮𑌿॑𑌵॒ 𑌬𑌨𑍍𑌧॑𑌨𑌾-𑌨𑍍𑌮𑍃॒𑌤𑍍𑌯𑍋-𑌰𑍍𑌮𑍁॑𑌕𑍍𑌷𑍀𑌯॒ 𑌮𑌾-𑌽𑌮𑍃𑌤𑌾᳚𑌤𑍍 ॥ 𑌏॒𑌷 𑌤𑍇॑ 𑌰𑍁𑌦𑍍𑌰 𑌭𑌾॒𑌗𑌸𑍍𑌤-𑌞𑍍𑌜𑍁॑𑌷𑌸𑍍𑌵॒ 𑌤𑍇𑌨𑌾॑𑌵॒𑌸𑍇𑌨॑ 𑌪॒𑌰𑍋 𑌮𑍂𑌜॑𑌵॒𑌤𑍋-𑌽𑌤𑍀॒𑌹𑍍𑌯 𑌵॑𑌤𑌤𑌧𑌨𑍍𑌵𑌾॒ 𑌪𑌿𑌨𑌾॑𑌕𑌹𑌸𑍍𑌤𑌃॒ 𑌕𑍃𑌤𑍍𑌤𑌿॑𑌵𑌾𑌸𑌾𑌃 ॥ 11 ॥
(𑌸𑍁𑌭𑍇॑𑌷𑌜-𑌮𑌿𑌹𑌿॒ 𑌤𑍍𑌰𑍀𑌣𑌿॑ 𑌚) (𑌅. 6)

𑌐॒𑌨𑍍𑌦𑍍𑌰𑌾॒𑌗𑍍𑌨-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲𑌂-𑌵𑍈𑌁𑌶𑍍𑌵𑌦𑍇॒𑌵-𑌞𑍍𑌚॒𑌰𑍁𑌮𑌿𑌨𑍍𑌦𑍍𑌰𑌾॑𑌯॒ 𑌶𑍁𑌨𑌾॒𑌸𑍀𑌰𑌾॑𑌯 𑌪𑍁𑌰𑍋॒𑌡𑌾𑌶॒-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲𑌂-𑌵𑌾𑌁𑌯॒𑌵𑍍𑌯॑-𑌮𑍍𑌪𑌯॑-𑌸𑍍𑌸𑍌॒𑌰𑍍𑌯𑌮𑍇𑌕॑𑌕𑌪𑌾𑌲-𑌨𑍍𑌦𑍍𑌵𑌾𑌦𑌶𑌗॒𑌵𑌗𑍍​𑌮𑍍 𑌸𑍀𑌰॒-𑌨𑍍𑌦𑌕𑍍𑌷𑌿॑𑌣𑌾- 𑌽𑌽𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 𑌰𑍌॒𑌦𑍍𑌰-𑌙𑍍𑌗𑌾॑𑌵𑍀𑌧𑍁॒𑌕-𑌞𑍍𑌚॒𑌰𑍁𑌮𑍈॒𑌨𑍍𑌦𑍍𑌰-𑌨𑍍𑌦𑌧𑌿॑ 𑌵𑌾𑌰𑍁॒𑌣𑌂-𑌯𑌁॑𑌵॒𑌮𑌯॑-𑌞𑍍𑌚॒𑌰𑍁𑌂-𑌵𑌁॒𑌹𑌿𑌨𑍀॑ 𑌧𑍇॒𑌨𑍁-𑌰𑍍𑌦𑌕𑍍𑌷𑌿॑𑌣𑌾॒ 𑌯𑍇 𑌦𑍇॒𑌵𑌾𑌃 𑌪𑍁॑𑌰॒𑌸𑍍𑌸𑌦𑍋॒-𑌽𑌗𑍍𑌨𑌿𑌨𑍇᳚𑌤𑍍𑌰𑌾 𑌦𑌕𑍍𑌷𑌿𑌣॒𑌸𑌦𑍋॑ 𑌯॒𑌮𑌨𑍇᳚𑌤𑍍𑌰𑌾𑌃 𑌪𑌶𑍍𑌚𑌾॒𑌥𑍍𑌸𑌦॑-𑌸𑍍𑌸𑌵𑌿॒𑌤𑍃𑌨𑍇᳚𑌤𑍍𑌰𑌾 𑌉𑌤𑍍𑌤𑌰॒𑌸𑌦𑍋॒ 𑌵𑌰𑍁॑𑌣𑌨𑍇𑌤𑍍𑌰𑌾 𑌉𑌪𑌰𑌿॒𑌷𑌦𑍋॒ 𑌬𑍃𑌹॒𑌸𑍍𑌪𑌤𑌿॑𑌨𑍇𑌤𑍍𑌰𑌾 𑌰𑌕𑍍𑌷𑍋॒𑌹𑌣॒𑌸𑍍𑌤𑍇 𑌨𑌃॑ 𑌪𑌾𑌨𑍍𑌤𑍁॒ 𑌤𑍇 𑌨𑍋॑-𑌽𑌵𑌨𑍍𑌤𑍁॒ 𑌤𑍇𑌭𑍍𑌯𑍋॒ [𑌤𑍇 𑌨𑍋॑-𑌽𑌵𑌨𑍍𑌤𑍁॒ 𑌤𑍇𑌭𑍍𑌯𑌃॑, 𑌨𑌮॒𑌸𑍍𑌤𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾॒] 12

𑌨𑌮॒𑌸𑍍𑌤𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾॒ 𑌸𑌮𑍂॑𑌢॒𑌗𑍍​𑌮𑍍॒ 𑌰𑌕𑍍𑌷॒-𑌸𑍍𑌸𑌨𑍍𑌦॑॑𑌗𑍍𑌧॒𑌗𑍍​𑌮𑍍॒ 𑌰𑌕𑍍𑌷॑ 𑌇॒𑌦𑌮॒𑌹𑌗𑍍​𑌮𑍍 𑌰𑌕𑍍𑌷𑍋॒-𑌽𑌭𑌿 𑌸-𑌨𑍍𑌦॑𑌹𑌾𑌮𑍍𑌯॒𑌗𑍍𑌨𑌯𑍇॑ 𑌰𑌕𑍍𑌷𑍋॒𑌘𑍍𑌨𑍇 𑌸𑍍𑌵𑌾𑌹𑌾॑ 𑌯॒𑌮𑌾𑌯॑ 𑌸𑌵𑌿॒𑌤𑍍𑌰𑍇 𑌵𑌰𑍁॑𑌣𑌾𑌯॒ 𑌬𑍃𑌹॒𑌸𑍍𑌪𑌤॑𑌯𑍇॒ 𑌦𑍁𑌵॑𑌸𑍍𑌵𑌤𑍇 𑌰𑌕𑍍𑌷𑍋॒𑌘𑍍𑌨𑍇 𑌸𑍍𑌵𑌾𑌹𑌾᳚ 𑌪𑍍𑌰𑌷𑍍𑌟𑌿𑌵𑌾॒𑌹𑍀 𑌰𑌥𑍋॒ 𑌦𑌕𑍍𑌷𑌿॑𑌣𑌾 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇᳚-𑌽𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾᳚-𑌮𑍍𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒𑌗𑍍​𑌮𑍍॒ 𑌰𑌕𑍍𑌷॑𑌸𑍋 𑌵॒𑌧-𑌞𑍍𑌜𑍁॑𑌹𑍋𑌮𑌿 𑌹॒𑌤𑌗𑍍​𑌮𑍍 𑌰𑌕𑍍𑌷𑍋-𑌽𑌵॑𑌧𑌿𑌷𑍍𑌮॒ 𑌰𑌕𑍍𑌷𑍋॒ 𑌯-𑌦𑍍𑌵𑌸𑍍𑌤𑍇॒ 𑌤-𑌦𑍍𑌦𑌕𑍍𑌷𑌿॑𑌣𑌾 ॥ 13 ॥
(𑌤𑍇𑌭𑍍𑌯𑌃॒-𑌪𑌞𑍍𑌚॑𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 𑍭)

𑌧𑌾॒𑌤𑍍𑌰𑍇 𑌪𑍁॑𑌰𑍋॒𑌡𑌾𑌶॒-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪॒𑌤𑍍𑌯𑌨𑍁॑𑌮𑌤𑍍𑌯𑍈 𑌚॒𑌰𑍁𑌗𑍍​𑌮𑍍 𑌰𑌾॒𑌕𑌾𑌯𑍈॑ 𑌚॒𑌰𑍁𑌗𑍍​𑌮𑍍 𑌸𑌿॑𑌨𑍀𑌵𑌾॒𑌲𑍍𑌯𑍈 𑌚॒𑌰𑍁-𑌙𑍍𑌕𑍁॒𑌹𑍍𑌵𑍈॑ 𑌚॒𑌰𑍁-𑌮𑍍𑌮𑌿॑𑌥𑍁॒𑌨𑍌 𑌗𑌾𑌵𑍌॒ 𑌦𑌕𑍍𑌷𑌿॑𑌣𑌾 𑌽𑌽𑌗𑍍𑌨𑌾𑌵𑍈𑌷𑍍𑌣॒𑌵-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑍍𑌯𑍈𑌨𑍍𑌦𑍍𑌰𑌾𑌵𑍈𑌷𑍍𑌣॒𑌵-𑌮𑍇𑌕𑌾॑𑌦𑌶𑌕𑌪𑌾𑌲𑌂-𑌵𑍈𑌁𑌷𑍍𑌣॒𑌵-𑌨𑍍𑌤𑍍𑌰𑌿॑𑌕𑌪𑌾॒𑌲𑌂-𑌵𑌾𑌁॑𑌮॒𑌨𑍋 𑌵॒𑌹𑍀 𑌦𑌕𑍍𑌷𑌿॑𑌣𑌾-𑌽𑌗𑍍𑌨𑍀𑌷𑍋॒𑌮𑍀𑌯॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑍀𑌨𑍍𑌦𑍍𑌰𑌾𑌸𑍋॒𑌮𑍀𑌯॒- 𑌮𑍇𑌕𑌾॑𑌦𑌶𑌕𑌪𑌾𑌲𑌗𑍍​𑌮𑍍 𑌸𑍌॒𑌮𑍍𑌯-𑌞𑍍𑌚॒𑌰𑍁-𑌮𑍍𑌬॒𑌭𑍍𑌰𑍁-𑌰𑍍𑌦𑌕𑍍𑌷𑌿॑𑌣𑌾 𑌸𑍋𑌮𑌾𑌪𑍌॒𑌷𑍍𑌣-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑌤𑍍𑌯𑍈𑌨𑍍𑌦𑍍𑌰𑌾 𑌪𑍌॒𑌷𑍍𑌣-𑌞𑍍𑌚॒𑌰𑍁-𑌮𑍍𑌪𑍌॒𑌷𑍍𑌣-𑌞𑍍𑌚॒𑌰𑍁𑌗𑍍𑌗𑍍​ 𑌶𑍍𑌯𑌾॒𑌮𑍋 𑌦𑌕𑍍𑌷𑌿॑𑌣𑌾 𑌵𑍈𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿॒ 𑌹𑌿𑌰॑𑌣𑍍𑌯॒-𑌨𑍍𑌦𑌕𑍍𑌷𑌿॑𑌣𑌾 𑌵𑌾𑌰𑍁॒𑌣𑌂-𑌯𑌁॑𑌵॒𑌮𑌯॑-𑌞𑍍𑌚॒𑌰𑍁𑌮𑌶𑍍𑌵𑍋॒ 𑌦𑌕𑍍𑌷𑌿॑𑌣𑌾 ॥ 14 ॥
(𑌵𑍈॒𑌶𑍍𑌵𑌾॒𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿॒-𑌰𑌷𑍍𑌟𑍌 𑌚॑) (𑌅. 𑍮)

𑌬𑌾॒𑌰𑍍॒𑌹॒𑌸𑍍𑌪॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑌤𑌿 𑌬𑍍𑌰॒𑌹𑍍𑌮𑌣𑍋॑ 𑌗𑍃॒𑌹𑍇 𑌶𑌿॑𑌤𑌿𑌪𑍃॒𑌷𑍍𑌠𑍋 𑌦𑌕𑍍𑌷𑌿॑𑌣𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲𑌗𑍍​𑌮𑍍 𑌰𑌾𑌜॒𑌨𑍍𑌯॑𑌸𑍍𑌯 𑌗𑍃॒𑌹 𑌋॑𑌷॒𑌭𑍋 𑌦𑌕𑍍𑌷𑌿॑𑌣𑌾-𑌽𑌽𑌦𑌿॒𑌤𑍍𑌯-𑌞𑍍𑌚॒𑌰𑍁-𑌮𑍍𑌮𑌹𑌿॑𑌷𑍍𑌯𑍈 𑌗𑍃॒𑌹𑍇 𑌧𑍇॒𑌨𑍁-𑌰𑍍𑌦𑌕𑍍𑌷𑌿॑𑌣𑌾 𑌨𑍈𑌰𑍍-𑌋॒𑌤-𑌞𑍍𑌚॒𑌰𑍁-𑌮𑍍𑌪॑𑌰𑌿𑌵𑍃॒𑌕𑍍𑌤𑍍𑌯𑍈॑ 𑌗𑍃॒𑌹𑍇 𑌕𑍃॒𑌷𑍍𑌣𑌾𑌨𑌾𑌂᳚-𑌵𑍍𑌰𑍀𑌁𑌹𑍀॒𑌣𑌾-𑌨𑍍𑌨॒𑌖𑌨𑌿॑𑌰𑍍𑌭𑌿𑌨𑍍𑌨-𑌙𑍍𑌕𑍃॒𑌷𑍍𑌣𑌾 𑌕𑍂॒𑌟𑌾 𑌦𑌕𑍍𑌷𑌿॑𑌣𑌾 𑌽𑌽𑌗𑍍𑌨𑍇॒𑌯𑌮॒𑌷𑍍𑌟𑌾𑌕॑𑌪𑌾𑌲𑌗𑍍​𑌮𑍍 𑌸𑍇𑌨𑌾॒𑌨𑍍𑌯𑍋॑ 𑌗𑍃॒𑌹𑍇 𑌹𑌿𑌰॑𑌣𑍍𑌯॒-𑌨𑍍𑌦𑌕𑍍𑌷𑌿॑𑌣𑌾 𑌵𑌾𑌰𑍁॒𑌣-𑌨𑍍𑌦𑌶॑𑌕𑌪𑌾𑌲𑌗𑍍​𑌮𑍍 𑌸𑍂॒𑌤𑌸𑍍𑌯॑ 𑌗𑍃॒𑌹𑍇 𑌮॒𑌹𑌾𑌨𑌿॑𑌰𑌷𑍍𑌟𑍋॒ 𑌦𑌕𑍍𑌷𑌿॑𑌣𑌾 𑌮𑌾𑌰𑍁॒𑌤𑌗𑍍​𑌮𑍍 𑌸॒𑌪𑍍𑌤𑌕॑𑌪𑌾𑌲-𑌙𑍍𑌗𑍍𑌰𑌾𑌮॒𑌣𑍍𑌯𑍋॑ 𑌗𑍃॒𑌹𑍇 𑌪𑍃𑌶𑍍𑌞𑌿॒-𑌰𑍍𑌦𑌕𑍍𑌷𑌿॑𑌣𑌾 𑌸𑌾𑌵𑌿॒𑌤𑍍𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲𑌂- [𑌦𑍍𑌵𑌾𑌦॑𑌶𑌕𑌪𑌾𑌲𑌮𑍍, 𑌕𑍍𑌷॒𑌤𑍍𑌤𑍁-𑌰𑍍𑌗𑍃॒𑌹] 15

-𑌕𑍍𑌷॒𑌤𑍍𑌤𑍁-𑌰𑍍𑌗𑍃॒𑌹 𑌉॑𑌪𑌦𑍍𑌧𑍍𑌵॒𑌸𑍍𑌤𑍋 𑌦𑌕𑍍𑌷𑌿॑𑌣𑌾-𑌽𑌽𑌶𑍍𑌵𑌿॒𑌨-𑌨𑍍𑌦𑍍𑌵𑌿॑𑌕𑌪𑌾॒𑌲𑌗𑍍​𑌮𑍍 𑌸॑𑌙𑍍𑌗𑍍𑌰𑌹𑍀॒𑌤𑍁-𑌰𑍍𑌗𑍃॒𑌹𑍇 𑌸॑𑌵𑌾॒𑌤𑍍𑌯𑍌॑ 𑌦𑌕𑍍𑌷𑌿॑𑌣𑌾 𑌪𑍌॒𑌷𑍍𑌣-𑌞𑍍𑌚॒𑌰𑍁-𑌮𑍍𑌭𑌾॑𑌗𑌦𑍁॒𑌘𑌸𑍍𑌯॑ 𑌗𑍃॒𑌹𑍇 𑌶𑍍𑌯𑌾॒𑌮𑍋 𑌦𑌕𑍍𑌷𑌿॑𑌣𑌾 𑌰𑍌॒𑌦𑍍𑌰-𑌙𑍍𑌗𑌾॑𑌵𑍀𑌧𑍁॒𑌕-𑌞𑍍𑌚॒𑌰𑍁𑌮॑𑌕𑍍𑌷𑌾𑌵𑌾॒𑌪𑌸𑍍𑌯॑ 𑌗𑍃॒𑌹𑍇 𑌶॒𑌬𑌲॒ 𑌉𑌦𑍍𑌵𑌾॑𑌰𑍋॒ 𑌦𑌕𑍍𑌷𑌿॒𑌣𑍇𑌨𑍍𑌦𑍍𑌰𑌾॑𑌯 𑌸𑍁॒𑌤𑍍𑌰𑌾𑌂𑌣𑍇॑ 𑌪𑍁𑌰𑍋॒𑌡𑌾𑌶॒𑌮𑍇𑌕𑌾॑𑌦𑌶𑌕𑌪𑌾𑌲॒-𑌮𑍍𑌪𑍍𑌰𑌤𑌿॒ 𑌨𑌿𑌰𑍍𑌵॑𑌪॒𑌤𑍀𑌨𑍍𑌦𑍍𑌰𑌾॑𑌯𑌾𑌗𑍍​𑌮𑍍𑌹𑍋॒𑌮𑍁𑌚𑍇॒ 𑌽𑌯-𑌨𑍍𑌨𑍋॒ 𑌰𑌾𑌜𑌾॑ 𑌵𑍃𑌤𑍍𑌰॒𑌹𑌾 𑌰𑌾𑌜𑌾॑ 𑌭𑍂॒𑌤𑍍𑌵𑌾 𑌵𑍃॒𑌤𑍍𑌰𑌂-𑌵𑌁॑𑌦𑍍𑌧𑍍𑌯𑌾-𑌨𑍍𑌮𑍈𑌤𑍍𑌰𑌾𑌬𑌾𑌰𑍍​𑌹𑌸𑍍𑌪॒𑌤𑍍𑌯-𑌮𑍍𑌭॑𑌵𑌤𑌿 𑌶𑍍𑌵𑍇॒𑌤𑌾𑌯𑍈᳚ 𑌶𑍍𑌵𑍇॒𑌤𑌵॑𑌥𑍍𑌸𑌾𑌯𑍈 𑌦𑍁॒𑌗𑍍𑌧𑍇 𑌸𑍍𑌵॑𑌯𑌮𑍍𑌮𑍂॒𑌰𑍍𑌤𑍇 𑌸𑍍𑌵॑𑌯𑌮𑍍𑌮𑌥𑌿॒𑌤 𑌆𑌜𑍍𑌯॒ 𑌆𑌶𑍍𑌵॑𑌤𑍍𑌥𑍇॒ [𑌆𑌶𑍍𑌵॑𑌤𑍍𑌥𑍇, 𑌪𑌾𑌤𑍍𑌰𑍇॒ 𑌚𑌤𑍁॑𑌸𑍍𑌸𑍍𑌰𑌕𑍍𑌤𑍌] 16

𑌪𑌾𑌤𑍍𑌰𑍇॒ 𑌚𑌤𑍁॑𑌸𑍍𑌸𑍍𑌰𑌕𑍍𑌤𑍌 𑌸𑍍𑌵𑌯𑌮𑌵𑌪॒𑌨𑍍𑌨𑌾𑌯𑍈॒ 𑌶𑌾𑌖𑌾॑𑌯𑍈 𑌕॒𑌰𑍍𑌣𑌾𑌗𑍍​𑌶𑍍𑌚𑌾𑌕॑𑌰𑍍𑌣𑌾𑌗𑍍​𑌶𑍍𑌚 𑌤𑌣𑍍𑌡𑍁॒𑌲𑌾𑌨𑍍 𑌵𑌿 𑌚𑌿॑𑌨𑍁𑌯𑌾-𑌦𑍍𑌯𑍇𑌕॒𑌰𑍍𑌣𑌾-𑌸𑍍𑌸 𑌪𑌯॑𑌸𑌿 𑌬𑌾𑌰𑍍​𑌹𑌸𑍍𑌪॒𑌤𑍍𑌯𑍋 𑌯𑍇-𑌽𑌕॑𑌰𑍍𑌣𑌾॒-𑌸𑍍𑌸 𑌆𑌜𑍍𑌯𑍇॑ 𑌮𑍈॒𑌤𑍍𑌰-𑌸𑍍𑌸𑍍𑌵॑𑌯𑌙𑍍𑌕𑍃॒𑌤𑌾 𑌵𑍇𑌦𑌿॑-𑌰𑍍𑌭𑌵𑌤𑌿 𑌸𑍍𑌵𑌯𑌨𑍍𑌦𑌿॒𑌨-𑌮𑍍𑌬॒𑌰𑍍॒𑌹𑌿-𑌸𑍍𑌸𑍍𑌵॑𑌯𑌙𑍍𑌕𑍃॒𑌤 𑌇॒𑌦𑍍𑌧𑍍𑌮-𑌸𑍍𑌸𑍈𑌵 𑌶𑍍𑌵𑍇॒𑌤𑌾 𑌶𑍍𑌵𑍇॒𑌤𑌵॑𑌥𑍍𑌸𑌾॒ 𑌦𑌕𑍍𑌷𑌿॑𑌣𑌾 ॥ 1𑍭 ॥
(𑌸𑌾𑌵𑌿॒𑌤𑍍𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌮𑌾𑌶𑍍𑌵॑𑌤𑍍𑌥𑍇॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌚𑍍𑌚) (𑌅. 𑍯)

𑌅॒𑌗𑍍𑌨𑌯𑍇॑ 𑌗𑍃॒𑌹𑌪॑𑌤𑌯𑍇 𑌪𑍁𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 𑌕𑍃॒𑌷𑍍𑌣𑌾𑌨𑌾𑌂᳚-𑌵𑍍𑌰𑍀𑌁𑌹𑍀॒𑌣𑌾𑌗𑍍​𑌮𑍍 𑌸𑍋𑌮𑌾॑𑌯॒ 𑌵𑌨॒𑌸𑍍𑌪𑌤॑𑌯𑍇 𑌶𑍍𑌯𑌾𑌮𑌾॒𑌕-𑌞𑍍𑌚॒𑌰𑍁𑌗𑍍​𑌮𑍍 𑌸॑𑌵𑌿॒𑌤𑍍𑌰𑍇 𑌸॒𑌤𑍍𑌯𑌪𑍍𑌰॑𑌸𑌵𑌾𑌯 𑌪𑍁𑌰𑍋॒𑌡𑌾𑌶॒-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲-𑌮𑌾𑌶𑍂॒𑌨𑌾𑌂-𑌵𑍍𑌰𑍀𑌁॑𑌹𑍀॒𑌣𑌾𑌗𑍍​𑌮𑍍 𑌰𑍁॒𑌦𑍍𑌰𑌾𑌯॑ 𑌪𑌶𑍁॒𑌪𑌤॑𑌯𑍇 𑌗𑌾𑌵𑍀𑌧𑍁॒𑌕-𑌞𑍍𑌚॒𑌰𑍁-𑌮𑍍𑌬𑍃𑌹॒𑌸𑍍𑌪𑌤॑𑌯𑍇 𑌵𑌾॒𑌚𑌸𑍍𑌪𑌤॑𑌯𑍇 𑌨𑍈𑌵𑌾॒𑌰-𑌞𑍍𑌚॒𑌰𑍁𑌮𑌿𑌨𑍍𑌦𑍍𑌰𑌾॑𑌯 𑌜𑍍𑌯𑍇॒𑌷𑍍𑌠𑌾𑌯॑ 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲-𑌮𑍍𑌮॒𑌹𑌾𑌵𑍍𑌰𑍀॑𑌹𑍀𑌣𑌾-𑌮𑍍𑌮𑌿॒𑌤𑍍𑌰𑌾𑌯॑ 𑌸॒𑌤𑍍𑌯𑌾𑌯𑌾॒-𑌽𑌽𑌮𑍍𑌬𑌾𑌨𑌾᳚-𑌞𑍍𑌚॒𑌰𑍁𑌂-𑌵𑌁𑌰𑍁॑𑌣𑌾𑌯॒ 𑌧𑌰𑍍𑌮॑𑌪𑌤𑌯𑍇 𑌯𑌵॒𑌮𑌯॑-𑌞𑍍𑌚॒𑌰𑍁𑌗𑍍​𑌮𑍍 𑌸॑𑌵𑌿॒𑌤𑌾 𑌤𑍍𑌵𑌾᳚ 𑌪𑍍𑌰𑌸॒𑌵𑌾𑌨𑌾𑌗𑍍​𑌮𑍍॑ 𑌸𑍁𑌵𑌤𑌾𑌮॒𑌗𑍍𑌨𑌿-𑌰𑍍𑌗𑍃॒𑌹𑌪॑𑌤𑍀𑌨𑌾॒𑌗𑍍​𑌮𑍍॒ 𑌸𑍋𑌮𑍋॒ 𑌵𑌨॒𑌸𑍍𑌪𑌤𑍀॑𑌨𑌾𑌗𑍍​𑌮𑍍 𑌰𑍁॒𑌦𑍍𑌰𑌃 𑌪॑𑌶𑍂॒𑌨𑌾𑌂- [𑌪॑𑌶𑍂॒𑌨𑌾𑌮𑍍, 𑌬𑍃𑌹॒𑌸𑍍𑌪𑌤𑌿॑-𑌰𑍍𑌵𑌾॒𑌚𑌾𑌮𑌿𑌨𑍍𑌦𑍍𑌰𑍋᳚] 1𑍮

-𑌬𑍃𑌹॒𑌸𑍍𑌪𑌤𑌿॑-𑌰𑍍𑌵𑌾॒𑌚𑌾𑌮𑌿𑌨𑍍𑌦𑍍𑌰𑍋᳚ 𑌜𑍍𑌯𑍇॒𑌷𑍍𑌠𑌾𑌨𑌾᳚-𑌮𑍍𑌮𑌿॒𑌤𑍍𑌰-𑌸𑍍𑌸॒𑌤𑍍𑌯𑌾𑌨𑌾𑌂॒-𑌵𑌁𑌰𑍁॑𑌣𑍋॒ 𑌧𑌰𑍍𑌮॑𑌪𑌤𑍀𑌨𑌾𑌂॒-𑌯𑍇𑌁 𑌦𑍇॑𑌵𑌾 𑌦𑍇𑌵॒𑌸𑍁𑌵॒-𑌸𑍍𑌸𑍍𑌥 𑌤 𑌇॒𑌮-𑌮𑌾॑𑌮𑍁𑌷𑍍𑌯𑌾𑌯॒𑌣-𑌮॑𑌨𑌮𑌿॒𑌤𑍍𑌰𑌾𑌯॑ 𑌸𑍁𑌵𑌦𑍍𑌧𑍍𑌵-𑌮𑍍𑌮𑌹॒𑌤𑍇 𑌕𑍍𑌷॒𑌤𑍍𑌰𑌾𑌯॑ 𑌮𑌹॒𑌤 𑌆𑌧𑌿॑𑌪𑌤𑍍𑌯𑌾𑌯 𑌮𑌹॒𑌤𑍇 𑌜𑌾𑌨॑𑌰𑌾𑌜𑍍𑌯𑌾𑌯𑍈॒𑌷 𑌵𑍋॑ 𑌭𑌰𑌤𑌾॒ 𑌰𑌾𑌜𑌾॒ 𑌸𑍋𑌮𑍋॒-𑌽𑌸𑍍𑌮𑌾𑌕॑-𑌮𑍍𑌬𑍍𑌰𑌾𑌹𑍍𑌮॒𑌣𑌾𑌨𑌾॒𑌗𑍍​𑌮𑍍॒ 𑌰𑌾𑌜𑌾॒ 𑌪𑍍𑌰𑌤𑌿॒ 𑌤𑍍𑌯𑌨𑍍𑌨𑌾𑌮॑ 𑌰𑌾॒𑌜𑍍𑌯-𑌮॑𑌧𑌾𑌯𑌿॒ 𑌸𑍍𑌵𑌾-𑌨𑍍𑌤॒𑌨𑍁𑌵𑌂॒-𑌵𑌁𑌰𑍁॑𑌣𑍋 𑌅𑌶𑌿𑌶𑍍𑌰𑍇॒𑌚𑍍𑌛𑍁𑌚𑍇᳚-𑌰𑍍𑌮𑌿॒𑌤𑍍𑌰𑌸𑍍𑌯॒ 𑌵𑍍𑌰𑌤𑍍𑌯𑌾॑ 𑌅𑌭𑍂॒𑌮𑌾𑌮॑𑌨𑍍𑌮𑌹𑌿 𑌮𑌹॒𑌤 𑌋॒𑌤𑌸𑍍𑌯॒ 𑌨𑌾𑌮॒ 𑌸𑌰𑍍𑌵𑍇॒ 𑌵𑍍𑌰𑌾𑌤𑌾॒ 𑌵𑌰𑍁॑𑌣𑌸𑍍𑌯𑌾𑌭𑍂𑌵॒𑌨𑍍 𑌵𑌿 𑌮𑌿॒𑌤𑍍𑌰 𑌏𑌵𑍈॒-𑌰𑌰𑌾॑𑌤𑌿-𑌮𑌤𑌾𑌰𑍀॒𑌦𑌸𑍂॑𑌷𑍁𑌦𑌨𑍍𑌤 𑌯॒𑌜𑍍𑌞𑌿𑌯𑌾॑ 𑌋॒𑌤𑍇𑌨॒ 𑌵𑍍𑌯𑍁॑ 𑌤𑍍𑌰𑌿॒𑌤𑍋 𑌜॑𑌰𑌿॒𑌮𑌾𑌣॑-𑌨𑍍𑌨 𑌆𑌨॒-𑌡𑍍𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋॑-𑌽𑌸𑌿॒ 𑌵𑌿𑌷𑍍𑌣𑍋𑌃᳚ 𑌕𑍍𑌰𑌾॒𑌨𑍍𑌤𑌮॑𑌸𑌿॒ 𑌵𑌿𑌷𑍍𑌣𑍋॒-𑌰𑍍𑌵𑌿𑌕𑍍𑌰𑌾᳚𑌨𑍍𑌤-𑌮𑌸𑌿 ॥ 1𑍯 ॥
(𑌪॒𑌶𑍂॒𑌨𑌾𑌂​𑌵𑍍𑌰𑌾𑌁𑌤𑌾𑌃॒-𑌪𑌞𑍍𑌚॑𑌵𑌿𑌗𑍍​𑌮𑍍𑌶𑌤𑌿𑌶𑍍𑌚) (𑌅. 10)

𑌅॒𑌰𑍍𑌥𑍇𑌤॑-𑌸𑍍𑌸𑍍𑌥𑌾॒-𑌽𑌪𑌾-𑌮𑍍𑌪𑌤𑌿॑𑌰𑌸𑌿॒ 𑌵𑍃𑌷𑌾᳚-𑌽𑌸𑍍𑌯𑍂॒𑌰𑍍𑌮𑌿-𑌰𑍍𑌵𑍃॑𑌷𑌸𑍇॒𑌨𑍋॑-𑌽𑌸𑌿 𑌵𑍍𑌰𑌜॒𑌕𑍍𑌷𑌿𑌤॑-𑌸𑍍𑌸𑍍𑌥 𑌮॒𑌰𑍁𑌤𑌾॒𑌮𑍋𑌜॑-𑌸𑍍𑌸𑍍𑌥॒ 𑌸𑍂𑌰𑍍𑌯॑𑌵𑌰𑍍𑌚𑌸-𑌸𑍍𑌸𑍍𑌥॒ 𑌸𑍂𑌰𑍍𑌯॑𑌤𑍍𑌵𑌚𑌸-𑌸𑍍𑌸𑍍𑌥॒ 𑌮𑌾𑌨𑍍𑌦𑌾᳚-𑌸𑍍𑌸𑍍𑌥॒ 𑌵𑌾𑌶𑌾᳚-𑌸𑍍𑌸𑍍𑌥॒ 𑌶𑌕𑍍𑌵॑𑌰𑍀-𑌸𑍍𑌸𑍍𑌥 𑌵𑌿𑌶𑍍𑌵॒𑌭𑍃𑌤॑-𑌸𑍍𑌸𑍍𑌥 𑌜𑌨॒𑌭𑍃𑌤॑-𑌸𑍍𑌸𑍍𑌥𑌾॒-𑌽𑌗𑍍𑌨𑍇𑌸𑍍𑌤𑍇॑𑌜॒𑌸𑍍𑌯𑌾᳚-𑌸𑍍𑌸𑍍𑌥𑌾॒-𑌽𑌪𑌾𑌮𑍋𑌷॑𑌧𑍀𑌨𑌾॒𑌗𑍍​𑌮𑍍॒ 𑌰𑌸॑-𑌸𑍍𑌸𑍍𑌥𑌾॒-𑌽𑌪𑍋 𑌦𑍇॒𑌵𑍀-𑌰𑍍𑌮𑌧𑍁॑𑌮𑌤𑍀𑌰𑌗𑍃𑌹𑍍𑌣॒𑌨𑍍𑌨𑍂𑌰𑍍𑌜॑𑌸𑍍𑌵𑌤𑍀 𑌰𑌾𑌜॒𑌸𑍂𑌯𑌾॑𑌯॒ 𑌚𑌿𑌤𑌾॑𑌨𑌾𑌃 ॥ 𑌯𑌾𑌭𑌿॑-𑌰𑍍𑌮𑌿॒𑌤𑍍𑌰𑌾𑌵𑌰𑍁॑𑌣𑌾𑌵॒-𑌭𑍍𑌯𑌷𑌿॑𑌞𑍍𑌚॒𑌨𑍍॒. 𑌯𑌾𑌭𑌿॒-𑌰𑌿𑌨𑍍𑌦𑍍𑌰॒𑌮𑌨॑𑌯॒𑌨𑍍𑌨𑌤𑍍𑌯 𑌰𑌾॑𑌤𑍀𑌃 ॥ 𑌰𑌾॒𑌷𑍍𑌟𑍍𑌰॒𑌦𑌾-𑌸𑍍𑌸𑍍𑌥॑ 𑌰𑌾॒𑌷𑍍𑌟𑍍𑌰-𑌨𑍍𑌦॑𑌤𑍍𑌤॒ 𑌸𑍍𑌵𑌾𑌹𑌾॑ 𑌰𑌾𑌷𑍍𑌟𑍍𑌰॒𑌦𑌾-𑌸𑍍𑌸𑍍𑌥॑ 𑌰𑌾॒𑌷𑍍𑌟𑍍𑌰𑌮॒𑌮𑍁𑌷𑍍𑌮𑍈॑ 𑌦𑌤𑍍𑌤 ॥ 20 ॥
(𑌅𑌤𑍍𑌯𑍇-𑌕𑌾॑𑌦𑌶 𑌚) (𑌅. 11)

𑌦𑍇𑌵𑍀॑𑌰𑌾𑌪॒-𑌸𑍍𑌸-𑌮𑍍𑌮𑌧𑍁॑𑌮𑌤𑍀॒-𑌰𑍍𑌮𑌧𑍁॑𑌮𑌤𑍀𑌭𑌿-𑌸𑍍𑌸𑍃𑌜𑍍𑌯𑌦𑍍𑌧𑍍𑌵॒-𑌮𑍍𑌮𑌹𑌿॒ 𑌵𑌰𑍍𑌚𑌃॑, 𑌕𑍍𑌷॒𑌤𑍍𑌰𑌿𑌯𑌾॑𑌯 𑌵𑌨𑍍𑌵𑌾॒𑌨𑌾 𑌅𑌨𑌾॑𑌧𑍃𑌷𑍍𑌟𑌾-𑌸𑍍𑌸𑍀𑌦॒𑌤𑍋𑌰𑍍𑌜॑𑌸𑍍𑌵𑌤𑍀॒𑌰𑍍𑌮𑌹𑌿॒ 𑌵𑌰𑍍𑌚𑌃॑, 𑌕𑍍𑌷॒𑌤𑍍𑌰𑌿𑌯𑌾॑𑌯॒ 𑌦𑌧॑𑌤𑍀॒𑌰𑌨𑌿॑𑌭𑍃𑌷𑍍𑌟𑌮𑌸𑌿 𑌵𑌾॒𑌚𑍋 𑌬𑌨𑍍𑌧𑍁॑𑌸𑍍𑌤𑌪𑍋॒𑌜𑌾-𑌸𑍍𑌸𑍋𑌮॑𑌸𑍍𑌯 𑌦𑌾॒𑌤𑍍𑌰𑌮॑𑌸𑌿 𑌶𑍁॒𑌕𑍍𑌰𑌾 𑌵॑-𑌶𑍍𑌶𑍁॒𑌕𑍍𑌰𑍇𑌣𑍋𑌤𑍍𑌪𑍁॑𑌨𑌾𑌮𑌿 𑌚॒𑌨𑍍𑌦𑍍𑌰𑌾𑌶𑍍𑌚॒𑌨𑍍𑌦𑍍𑌰𑍇𑌣𑌾॒𑌮𑍃𑌤𑌾॑ 𑌅॒𑌮𑍃𑌤𑍇॑𑌨॒ 𑌸𑍍𑌵𑌾𑌹𑌾॑ 𑌰𑌾𑌜॒𑌸𑍂𑌯𑌾॑𑌯॒ 𑌚𑌿𑌤𑌾॑𑌨𑌾𑌃 । 𑌸॒𑌧॒𑌮𑌾𑌦𑍋᳚ 𑌦𑍍𑌯𑍁॒𑌮𑍍𑌨𑌿𑌨𑍀॒𑌰𑍂𑌰𑍍𑌜॑ 𑌏॒𑌤𑌾 𑌅𑌨𑌿॑𑌭𑍃𑌷𑍍𑌟𑌾 𑌅𑌪॒𑌸𑍍𑌯𑍁𑌵𑍋॒ 𑌵𑌸𑌾॑𑌨𑌃 ॥ 𑌪॒𑌸𑍍𑌤𑍍𑌯𑌾॑𑌸𑍁 𑌚𑌕𑍍𑌰𑍇॒ 𑌵𑌰𑍁॑𑌣-𑌸𑍍𑌸॒𑌧𑌸𑍍𑌥॑𑌮॒𑌪𑌾𑌗𑍍​𑌮𑍍 𑌶𑌿𑌶𑍁॑- [𑌶𑌿𑌶𑍁𑌃॑, 𑌮𑌾॒𑌤𑍃𑌤॑𑌮𑌾𑌸𑍍𑌵॒𑌨𑍍𑌤𑌃 ।] 21

-𑌰𑍍𑌮𑌾॒𑌤𑍃𑌤॑𑌮𑌾𑌸𑍍𑌵॒𑌨𑍍𑌤𑌃 ॥ 𑌕𑍍𑌷॒𑌤𑍍𑌰𑌸𑍍𑌯𑍋𑌲𑍍𑌬॑𑌮𑌸𑌿 𑌕𑍍𑌷॒𑌤𑍍𑌰𑌸𑍍𑌯॒ 𑌯𑍋𑌨𑌿॑𑌰॒𑌸𑍍𑌯𑌾𑌵𑌿॑𑌨𑍍𑌨𑍋 𑌅॒𑌗𑍍𑌨𑌿-𑌰𑍍𑌗𑍃॒𑌹𑌪॑𑌤𑌿॒𑌰𑌾𑌵𑌿॑𑌨𑍍𑌨॒ 𑌇𑌨𑍍𑌦𑍍𑌰𑍋॑ 𑌵𑍃॒𑌦𑍍𑌧𑌶𑍍𑌰॑𑌵𑌾॒ 𑌆𑌵𑌿॑𑌨𑍍𑌨𑌃 𑌪𑍂॒𑌷𑌾 𑌵𑌿॒𑌶𑍍𑌵𑌵𑍇॑𑌦𑌾॒ 𑌆𑌵𑌿॑𑌨𑍍𑌨𑍌 𑌮𑌿॒𑌤𑍍𑌰𑌾𑌵𑌰𑍁॑𑌣𑌾 𑌵𑍃𑌤𑌾॒𑌵𑍃𑌧𑌾॒𑌵𑌾𑌵𑌿॑𑌨𑍍𑌨𑍇॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌧𑍃॒𑌤𑌵𑍍𑌰॑𑌤𑍇॒ 𑌆𑌵𑌿॑𑌨𑍍𑌨𑌾 𑌦𑍇॒𑌵𑍍𑌯𑌦𑌿॑𑌤𑌿-𑌰𑍍𑌵𑌿𑌶𑍍𑌵𑌰𑍂॒𑌪𑍍𑌯𑌾𑌵𑌿॑𑌨𑍍𑌨𑍋॒ 𑌽𑌯𑌮॒𑌸𑌾𑌵𑌾॑𑌮𑍁𑌷𑍍𑌯𑌾𑌯॒𑌣𑍋᳚-𑌽𑌸𑍍𑌯𑌾𑌂-𑌵𑌿𑌁॒𑌶𑍍𑌯॑𑌸𑍍𑌮𑌿-𑌨𑍍𑌰𑌾॒𑌷𑍍𑌟𑍍𑌰𑍇 𑌮॑𑌹॒𑌤𑍇 𑌕𑍍𑌷॒𑌤𑍍𑌰𑌾𑌯॑ 𑌮𑌹॒𑌤 𑌆𑌧𑌿॑𑌪𑌤𑍍𑌯𑌾𑌯 𑌮𑌹॒𑌤𑍇 𑌜𑌾𑌨॑𑌰𑌾𑌜𑍍𑌯𑌾𑌯𑍈॒𑌷 𑌵𑍋॑ 𑌭𑌰𑌤𑌾॒ 𑌰𑌾𑌜𑌾॒ 𑌸𑍋𑌮𑍋॒-𑌽𑌸𑍍𑌮𑌾𑌕॑-𑌮𑍍𑌬𑍍𑌰𑌾𑌹𑍍𑌮॒𑌣𑌾𑌨𑌾॒𑌗𑍍​𑌮𑍍॒ 𑌰𑌾𑌜𑍇𑌨𑍍𑌦𑍍𑌰॑𑌸𑍍𑌯॒ [𑌰𑌾𑌜𑍇𑌨𑍍𑌦𑍍𑌰॑𑌸𑍍𑌯, 𑌵𑌜𑍍𑌰𑍋॑-𑌽𑌸𑌿॒] 22

𑌵𑌜𑍍𑌰𑍋॑-𑌽𑌸𑌿॒ 𑌵𑌾𑌰𑍍𑌤𑍍𑌰॑𑌘𑍍𑌨॒𑌸𑍍𑌤𑍍𑌵𑌯𑌾॒ 𑌯𑌂-𑌵𑍃𑌁॒𑌤𑍍𑌰𑌂-𑌵𑌁॑𑌦𑍍𑌧𑍍𑌯𑌾𑌚𑍍𑌛𑌤𑍍𑌰𑍁॒𑌬𑌾𑌧॑𑌨𑌾-𑌸𑍍𑌸𑍍𑌥 𑌪𑌾॒𑌤 𑌮𑌾᳚ 𑌪𑍍𑌰॒𑌤𑍍𑌯𑌞𑍍𑌚॑-𑌮𑍍𑌪𑌾॒𑌤 𑌮𑌾॑ 𑌤𑌿॒𑌰𑍍𑌯𑌞𑍍𑌚॑𑌮॒𑌨𑍍𑌵𑌞𑍍𑌚॑-𑌮𑍍𑌮𑌾 𑌪𑌾𑌤 𑌦𑌿॒𑌗𑍍𑌭𑍍𑌯𑍋 𑌮𑌾॑ 𑌪𑌾𑌤॒ 𑌵𑌿𑌶𑍍𑌵𑌾᳚𑌭𑍍𑌯𑍋 𑌮𑌾 𑌨𑌾॒𑌷𑍍𑌟𑍍𑌰𑌾𑌭𑍍𑌯𑌃॑ 𑌪𑌾𑌤॒ 𑌹𑌿𑌰॑𑌣𑍍𑌯𑌵𑌰𑍍𑌣𑌾-𑌵𑍁॒𑌷𑌸𑌾𑌂᳚ ​𑌵𑌿𑌁𑌰𑍋॒𑌕𑍇-𑌽𑌯॑𑌸𑍍𑌸𑍍𑌥𑍂𑌣𑌾॒-𑌵𑍁𑌦𑌿॑𑌤𑍌॒ 𑌸𑍂𑌰𑍍𑌯॒𑌸𑍍𑌯𑌾-𑌽𑌽 𑌰𑍋॑𑌹𑌤𑌂-𑌵𑌁𑌰𑍁𑌣 𑌮𑌿𑌤𑍍𑌰॒ 𑌗𑌰𑍍𑌤॒-𑌨𑍍𑌤𑌤॑𑌶𑍍𑌚𑌕𑍍𑌷𑌾𑌥𑌾॒𑌮𑌦𑌿॑𑌤𑌿॒-𑌨𑍍𑌦𑌿𑌤𑌿॑-𑌞𑍍𑌚 ॥ 23 ॥
(𑌶𑌿𑌶𑍁॒-𑌰𑌿𑌨𑍍𑌦𑍍𑌰॒𑌸𑍍𑌯𑍈-𑌕॑𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 12)

𑌸॒𑌮𑌿𑌧॒𑌮𑌾 𑌤𑌿॑𑌷𑍍𑌠 𑌗𑌾𑌯॒𑌤𑍍𑌰𑍀 𑌤𑍍𑌵𑌾॒ 𑌛𑌨𑍍𑌦॑𑌸𑌾𑌮𑌵𑌤𑍁 𑌤𑍍𑌰𑌿॒𑌵𑍃𑌥𑍍𑌸𑍍𑌤𑍋𑌮𑍋॑ 𑌰𑌥𑌨𑍍𑌤॒𑌰𑌗𑍍​𑌮𑍍 𑌸𑌾𑌮𑌾॒𑌗𑍍𑌨𑌿-𑌰𑍍𑌦𑍇॒𑌵𑌤𑌾॒ 𑌬𑍍𑌰𑌹𑍍𑌮॒ 𑌦𑍍𑌰𑌵𑌿॑𑌣𑌮𑍁॒𑌗𑍍𑌰𑌾𑌮𑌾 𑌤𑌿॑𑌷𑍍𑌠 𑌤𑍍𑌰𑌿॒𑌷𑍍𑌟𑍁-𑌪𑍍𑌤𑍍𑌵𑌾॒ 𑌛𑌨𑍍𑌦॑𑌸𑌾𑌮𑌵𑌤𑍁 𑌪𑌞𑍍𑌚𑌦॒𑌶-𑌸𑍍𑌸𑍍𑌤𑍋𑌮𑍋॑ 𑌬𑍃॒𑌹-𑌥𑍍𑌸𑌾𑌮𑍇𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾᳚ 𑌕𑍍𑌷॒𑌤𑍍𑌰-𑌨𑍍𑌦𑍍𑌰𑌵𑌿॑𑌣𑌂-𑌵𑌿𑌁॒𑌰𑌾𑌜॒𑌮𑌾 𑌤𑌿॑𑌷𑍍𑌠॒ 𑌜𑌗॑𑌤𑍀 𑌤𑍍𑌵𑌾॒ 𑌛𑌨𑍍𑌦॑𑌸𑌾𑌮𑌵𑌤𑍁 𑌸𑌪𑍍𑌤𑌦॒𑌶-𑌸𑍍𑌸𑍍𑌤𑍋𑌮𑍋॑ 𑌵𑍈𑌰𑍂॒𑌪𑌗𑍍​𑌮𑍍 𑌸𑌾𑌮॑ 𑌮॒𑌰𑍁𑌤𑍋॑ 𑌦𑍇॒𑌵𑌤𑌾॒ 𑌵𑌿-𑌡𑍍𑌦𑍍𑌰𑌵𑌿॑𑌣॒-𑌮𑍁𑌦𑍀॑𑌚𑍀॒𑌮𑌾-𑌤𑌿॑𑌷𑍍𑌠𑌾𑌨𑍁॒𑌷𑍍𑌟𑍁-𑌪𑍍𑌤𑍍𑌵𑌾॒ – [𑌤𑌿॑𑌷𑍍𑌠𑌾𑌨𑍁॒𑌷𑍍𑌟𑍁-𑌪𑍍𑌤𑍍𑌵𑌾᳚, 𑌛𑌨𑍍𑌦॑𑌸𑌾-] 24

𑌛𑌨𑍍𑌦॑𑌸𑌾-𑌮𑌵𑌤𑍍𑌵𑍇𑌕𑌵𑌿॒𑌗𑍍​𑌮𑍍॒𑌶-𑌸𑍍𑌸𑍍𑌤𑍋𑌮𑍋॑ 𑌵𑍈𑌰𑌾॒𑌜𑌗𑍍​𑌮𑍍 𑌸𑌾𑌮॑ 𑌮𑌿॒𑌤𑍍𑌰𑌾𑌵𑌰𑍁॑𑌣𑍌 𑌦𑍇॒𑌵𑌤𑌾॒ 𑌬𑌲॒-𑌨𑍍𑌦𑍍𑌰𑌵𑌿॑𑌣-𑌮𑍂॒𑌰𑍍𑌧𑍍𑌵𑌾𑌮𑌾 𑌤𑌿॑𑌷𑍍𑌠 𑌪॒𑌙𑍍𑌕𑍍𑌤𑌿𑌸𑍍𑌤𑍍𑌵𑌾॒ 𑌛𑌨𑍍𑌦॑𑌸𑌾𑌮𑌵𑌤𑍁 𑌤𑍍𑌰𑌿𑌣𑌵𑌤𑍍𑌰𑌯𑌸𑍍𑌤𑍍𑌰𑌿॒𑌗𑍍​𑌮𑍍॒𑌶𑍌 𑌸𑍍𑌤𑍋𑌮𑍌॑ 𑌶𑌾𑌕𑍍𑌵𑌰𑌰𑍈𑌵॒𑌤𑍇 𑌸𑌾𑌮॑𑌨𑍀॒ 𑌬𑍃𑌹॒𑌸𑍍𑌪𑌤𑌿॑-𑌰𑍍𑌦𑍇॒𑌵𑌤𑌾॒ 𑌵𑌰𑍍𑌚𑍋॒ 𑌦𑍍𑌰𑌵𑌿॑𑌣-𑌮𑍀॒𑌦𑍃-𑌞𑍍𑌚𑌾᳚𑌨𑍍𑌯𑌾॒𑌦𑍃-𑌞𑍍𑌚𑍈॑𑌤𑌾॒𑌦𑍃-𑌞𑍍𑌚॑ 𑌪𑍍𑌰𑌤𑌿॒𑌦𑍃-𑌞𑍍𑌚॑ 𑌮𑌿॒𑌤𑌶𑍍𑌚॒ 𑌸𑌮𑍍𑌮𑌿॑𑌤𑌶𑍍𑌚॒ 𑌸𑌭॑𑌰𑌾𑌃 । 𑌶𑍁॒𑌕𑍍𑌰𑌜𑍍𑌯𑍋॑𑌤𑌿𑌶𑍍𑌚 𑌚𑌿॒𑌤𑍍𑌰𑌜𑍍𑌯𑍋॑𑌤𑌿𑌶𑍍𑌚 𑌸॒𑌤𑍍𑌯𑌜𑍍𑌯𑍋॑𑌤𑌿𑌶𑍍𑌚॒ 𑌜𑍍𑌯𑍋𑌤𑌿॑𑌷𑍍𑌮𑌾𑌗𑍍​𑌶𑍍𑌚 𑌸॒𑌤𑍍𑌯𑌶𑍍𑌚॑𑌰𑍍𑌤॒𑌪𑌾𑌶𑍍𑌚𑌾- [𑌸॒𑌤𑍍𑌯𑌶𑍍𑌚॑𑌰𑍍𑌤॒𑌪𑌾𑌶𑍍𑌚॑, 𑌅𑌤𑍍𑌯𑌗𑍍​𑌮𑍍॑𑌹𑌾𑌃 ।] 25

-𑌽𑌤𑍍𑌯𑌗𑍍​𑌮𑍍॑𑌹𑌾𑌃 । 𑌅॒𑌗𑍍𑌨𑌯𑍇॒ 𑌸𑍍𑌵𑌾𑌹𑌾॒ 𑌸𑍋𑌮𑌾॑𑌯॒ 𑌸𑍍𑌵𑌾𑌹𑌾॑ 𑌸𑌵𑌿॒𑌤𑍍𑌰𑍇 𑌸𑍍𑌵𑌾𑌹𑌾॒ 𑌸𑌰॑𑌸𑍍𑌵𑌤𑍍𑌯𑍈॒ 𑌸𑍍𑌵𑌾𑌹𑌾॑ 𑌪𑍂॒𑌷𑍍𑌣𑍇 𑌸𑍍𑌵𑌾𑌹𑌾॒ 𑌬𑍃𑌹॒𑌸𑍍𑌪𑌤॑𑌯𑍇॒ 𑌸𑍍𑌵𑌾𑌹𑍇𑌨𑍍𑌦𑍍𑌰𑌾॑𑌯॒ 𑌸𑍍𑌵𑌾𑌹𑌾॒ 𑌘𑍋𑌷𑌾॑𑌯॒ 𑌸𑍍𑌵𑌾𑌹𑌾॒ 𑌶𑍍𑌲𑍋𑌕𑌾॑𑌯॒ 𑌸𑍍𑌵𑌾𑌹𑌾 𑌽𑌗𑍍​𑌮𑍍𑌶𑌾॑𑌯॒ 𑌸𑍍𑌵𑌾𑌹𑌾॒ 𑌭𑌗𑌾॑𑌯॒ 𑌸𑍍𑌵𑌾𑌹𑌾॒ 𑌕𑍍𑌷𑍇𑌤𑍍𑌰॑𑌸𑍍𑌯॒ 𑌪𑌤॑𑌯𑍇॒ 𑌸𑍍𑌵𑌾𑌹𑌾॑ 𑌪𑍃𑌥𑌿॒𑌵𑍍𑌯𑍈 𑌸𑍍𑌵𑌾𑌹𑌾॒ 𑌽𑌨𑍍𑌤𑌰𑌿॑𑌕𑍍𑌷𑌾𑌯॒ 𑌸𑍍𑌵𑌾𑌹𑌾॑ 𑌦𑌿॒𑌵𑍇 𑌸𑍍𑌵𑌾𑌹𑌾॒ 𑌸𑍂𑌰𑍍𑌯𑌾॑𑌯॒ 𑌸𑍍𑌵𑌾𑌹𑌾॑ 𑌚॒𑌨𑍍𑌦𑍍𑌰𑌮॑𑌸𑍇॒ 𑌸𑍍𑌵𑌾𑌹𑌾॒ 𑌨𑌕𑍍𑌷॑𑌤𑍍𑌰𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾॒ 𑌽𑌦𑍍𑌭𑍍𑌯-𑌸𑍍𑌸𑍍𑌵𑌾𑌹𑍌𑌷॑𑌧𑍀𑌭𑍍𑌯॒-𑌸𑍍𑌸𑍍𑌵𑌾𑌹𑌾॒ 𑌵𑌨॒𑌸𑍍𑌪𑌤𑌿॑𑌭𑍍𑌯॒-𑌸𑍍𑌸𑍍𑌵𑌾𑌹𑌾॑ 𑌚𑌰𑌾𑌚॒𑌰𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾॑ 𑌪𑌰𑌿𑌪𑍍𑌲॒𑌵𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾॑ 𑌸𑌰𑍀𑌸𑍃॒𑌪𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ ॥ 26 ॥
(𑌅॒𑌨𑍁॒𑌷𑍍𑌟𑍁𑌪𑍍𑌤𑍍𑌵॑-𑌰𑍍𑌤॒𑌪𑌾𑌶𑍍𑌚॑ – 𑌸𑌰𑍀𑌸𑍃॒𑌪𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚) (𑌅. 13)

𑌸𑍋𑌮॑𑌸𑍍𑌯॒ 𑌤𑍍𑌵𑌿𑌷𑌿॑𑌰𑌸𑌿॒ 𑌤𑌵𑍇॑𑌵 𑌮𑍇॒ 𑌤𑍍𑌵𑌿𑌷𑌿॑-𑌰𑍍𑌭𑍂𑌯𑌾𑌦॒𑌮𑍃𑌤॑𑌮𑌸𑌿 𑌮𑍃॒𑌤𑍍𑌯𑍋-𑌰𑍍𑌮𑌾॑ 𑌪𑌾𑌹𑌿 𑌦𑌿॒𑌦𑍍𑌯𑍋𑌨𑍍𑌮𑌾॑ 𑌪𑌾॒𑌹𑍍𑌯𑌵𑍇᳚𑌷𑍍𑌟𑌾 𑌦𑌨𑍍𑌦॒𑌶𑍂𑌕𑌾॒ 𑌨𑌿𑌰॑𑌸𑍍𑌤॒-𑌨𑍍𑌨𑌮𑍁॑𑌚𑍇॒-𑌶𑍍𑌶𑌿𑌰𑌃॑ ॥ 𑌸𑍋𑌮𑍋॒ 𑌰𑌾𑌜𑌾॒ 𑌵𑌰𑍁॑𑌣𑍋 𑌦𑍇॒𑌵𑌾 𑌧॑𑌰𑍍𑌮॒𑌸𑍁𑌵॑𑌶𑍍𑌚॒ 𑌯𑍇 । 𑌤𑍇 𑌤𑍇॒ 𑌵𑌾𑌚𑌗𑍍​𑌮𑍍॑ 𑌸𑍁𑌵𑌨𑍍𑌤𑌾॒-𑌨𑍍𑌤𑍇 𑌤𑍇᳚ 𑌪𑍍𑌰𑌾॒𑌣𑌗𑍍​𑌮𑍍 𑌸𑍁॑𑌵𑌨𑍍𑌤𑌾॒-𑌨𑍍𑌤𑍇 𑌤𑍇॒ 𑌚𑌕𑍍𑌷𑍁॑-𑌸𑍍𑌸𑍁𑌵𑌨𑍍𑌤𑌾॒-𑌨𑍍𑌤𑍇 𑌤𑍇॒ 𑌶𑍍𑌰𑍋𑌤𑍍𑌰𑌗𑍍​𑌮𑍍॑ 𑌸𑍁𑌵𑌨𑍍𑌤𑌾॒𑌗𑍍​𑌮𑍍॒ 𑌸𑍋𑌮॑𑌸𑍍𑌯 𑌤𑍍𑌵𑌾 𑌦𑍍𑌯𑍁॒𑌮𑍍𑌨𑍇𑌨𑌾॒𑌭𑌿 𑌷𑌿॑𑌞𑍍𑌚𑌾𑌮𑍍𑌯॒𑌗𑍍𑌨𑍇- [𑌷𑌿॑𑌞𑍍𑌚𑌾𑌮𑍍𑌯॒𑌗𑍍𑌨𑍇𑌃, 𑌤𑍇𑌜॑𑌸𑌾॒ 𑌸𑍂𑌰𑍍𑌯॑𑌸𑍍𑌯॒] 2𑍭

-𑌸𑍍𑌤𑍇𑌜॑𑌸𑌾॒ 𑌸𑍂𑌰𑍍𑌯॑𑌸𑍍𑌯॒ 𑌵𑌰𑍍𑌚॒𑌸𑍇𑌨𑍍𑌦𑍍𑌰॑𑌸𑍍𑌯𑍇𑌨𑍍𑌦𑍍𑌰𑌿॒𑌯𑍇𑌣॑ 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋-𑌰𑍍𑌵𑍀॒𑌰𑍍𑌯𑍇॑𑌣 𑌮॒𑌰𑍁𑌤𑌾॒𑌮𑍋𑌜॑𑌸𑌾 𑌕𑍍𑌷॒𑌤𑍍𑌰𑌾𑌣𑌾᳚-𑌙𑍍𑌕𑍍𑌷॒𑌤𑍍𑌰𑌪॑𑌤𑌿𑌰॒𑌸𑍍𑌯𑌤𑌿॑ 𑌦𑌿॒𑌵𑌸𑍍𑌪𑌾॑𑌹𑌿 𑌸॒𑌮𑌾𑌵॑𑌵𑍃𑌤𑍍𑌰𑌨𑍍𑌨-𑌧॒𑌰𑌾𑌗𑍁𑌦𑍀॑𑌚𑍀॒-𑌰𑌹𑌿॑-𑌮𑍍𑌬𑍁॒𑌦𑍍𑌧𑍍𑌨𑌿𑌯॒𑌮𑌨𑍁॑ 𑌸॒𑌞𑍍𑌚𑌰॑𑌨𑍍𑌤𑍀॒𑌸𑍍𑌤𑌾𑌃 𑌪𑌰𑍍𑌵॑𑌤𑌸𑍍𑌯 𑌵𑍃𑌷॒𑌭𑌸𑍍𑌯॑ 𑌪𑍃॒𑌷𑍍𑌠𑍇 𑌨𑌾𑌵॑𑌶𑍍𑌚𑌰𑌨𑍍𑌤𑌿 𑌸𑍍𑌵॒𑌸𑌿𑌚॑ 𑌇𑌯𑌾॒𑌨𑌾𑌃 ॥ 𑌰𑍁𑌦𑍍𑌰॒ 𑌯𑌤𑍍𑌤𑍇॒ 𑌕𑍍𑌰𑌯𑍀॒ 𑌪𑌰॒-𑌨𑍍𑌨𑌾𑌮॒ 𑌤𑌸𑍍𑌮𑍈॑ 𑌹𑍁॒𑌤𑌮॑𑌸𑌿 𑌯॒𑌮𑍇𑌷𑍍𑌟॑𑌮𑌸𑌿 । 𑌪𑍍𑌰𑌜𑌾॑𑌪𑌤𑍇॒ 𑌨 𑌤𑍍𑌵𑌦𑍇॒𑌤𑌾𑌨𑍍𑌯॒𑌨𑍍𑌯𑍋 𑌵𑌿𑌶𑍍𑌵𑌾॑ 𑌜𑌾॒𑌤𑌾𑌨𑌿॒ 𑌪𑌰𑌿॒ 𑌤𑌾 𑌬॑𑌭𑍂𑌵 । 𑌯𑌤𑍍𑌕𑌾॑𑌮𑌾𑌸𑍍𑌤𑍇 𑌜𑍁𑌹𑍁॒𑌮𑌸𑍍𑌤𑌨𑍍𑌨𑍋॑ 𑌅𑌸𑍍𑌤𑍁 𑌵॒𑌯𑌗𑍍𑌗𑍍​ 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ 2𑍮 ॥
(𑌅॒𑌗𑍍𑌨𑍇-𑌸𑍍𑌤𑍈-𑌕𑌾॑𑌦𑌶 𑌚) (𑌅. 14)

𑌇𑌨𑍍𑌦𑍍𑌰॑𑌸𑍍𑌯॒ 𑌵𑌜𑍍𑌰𑍋॑-𑌽𑌸𑌿॒ 𑌵𑌾𑌰𑍍𑌤𑍍𑌰॑𑌘𑍍𑌨॒𑌸𑍍𑌤𑍍𑌵𑌯𑌾॒-𑌽𑌯𑌂-𑌵𑍃𑌁॒𑌤𑍍𑌰𑌂-𑌵𑌁॑𑌦𑍍𑌧𑍍𑌯𑌾-𑌨𑍍𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋𑌸𑍍𑌤𑍍𑌵𑌾 𑌪𑍍𑌰𑌶𑌾॒𑌸𑍍𑌤𑍍𑌰𑍋𑌃 𑌪𑍍𑌰॒𑌶𑌿𑌷𑌾॑ 𑌯𑍁𑌨𑌜𑍍𑌮𑌿 𑌯॒𑌜𑍍𑌞𑌸𑍍𑌯॒ 𑌯𑍋𑌗𑍇॑𑌨॒ 𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋॑-𑌽𑌸𑌿॒ 𑌵𑌿𑌷𑍍𑌣𑍋𑌃᳚ 𑌕𑍍𑌰𑌾॒𑌨𑍍𑌤𑌮॑𑌸𑌿॒ 𑌵𑌿𑌷𑍍𑌣𑍋॒-𑌰𑍍𑌵𑌿𑌕𑍍𑌰𑌾᳚𑌨𑍍𑌤𑌮𑌸𑌿 𑌮॒𑌰𑍁𑌤𑌾᳚-𑌮𑍍𑌪𑍍𑌰𑌸॒𑌵𑍇 𑌜𑍇॑𑌷𑌮𑌾॒𑌪𑍍𑌤-𑌮𑍍𑌮𑌨॒-𑌸𑍍𑌸𑌮॒𑌹𑌮𑌿॑𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣 𑌪𑌶𑍂॒𑌨𑌾-𑌮𑍍𑌮॒𑌨𑍍𑌯𑍁𑌰॑𑌸𑌿॒ 𑌤𑌵𑍇॑𑌵 𑌮𑍇 𑌮॒𑌨𑍍𑌯𑍁-𑌰𑍍𑌭𑍂॑𑌯𑌾॒𑌨𑍍𑌨𑌮𑍋॑ 𑌮𑌾॒𑌤𑍍𑌰𑍇 𑌪𑍃॑𑌥𑌿॒𑌵𑍍𑌯𑍈 𑌮𑌾-𑌽𑌹-𑌮𑍍𑌮𑌾॒𑌤𑌰॑-𑌮𑍍𑌪𑍃𑌥𑌿॒𑌵𑍀𑌗𑍍​𑌮𑍍 𑌹𑌿𑌗𑍍​𑌮𑍍॑𑌸𑌿𑌷॒-𑌮𑍍𑌮𑌾 [ ] 2𑍯

𑌮𑌾-𑌮𑍍𑌮𑌾॒𑌤𑌾 𑌪𑍃॑𑌥𑌿॒𑌵𑍀 𑌹𑌿𑌗𑍍​𑌮𑍍॑𑌸𑍀॒𑌦𑌿𑌯॑𑌦॒𑌸𑍍𑌯𑌾𑌯𑍁॑-𑌰॒𑌸𑍍𑌯𑌾𑌯𑍁॑-𑌰𑍍𑌮𑍇 𑌧𑍇॒𑌹𑍍𑌯𑍂𑌰𑍍𑌗॒𑌸𑍍𑌯𑍂𑌰𑍍𑌜॑-𑌮𑍍𑌮𑍇 𑌧𑍇𑌹𑌿॒ 𑌯𑍁𑌙𑍍𑌙॑𑌸𑌿॒ 𑌵𑌰𑍍𑌚𑍋॑-𑌽𑌸𑌿॒ 𑌵𑌰𑍍𑌚𑍋॒ 𑌮𑌯𑌿॑ 𑌧𑍇𑌹𑍍𑌯॒𑌗𑍍𑌨𑌯𑍇॑ 𑌗𑍃॒𑌹𑌪॑𑌤𑌯𑍇॒ 𑌸𑍍𑌵𑌾𑌹𑌾॒ 𑌸𑍋𑌮𑌾॑𑌯॒ 𑌵𑌨॒𑌸𑍍𑌪𑌤॑𑌯𑍇॒ 𑌸𑍍𑌵𑌾𑌹𑍇𑌨𑍍𑌦𑍍𑌰॑𑌸𑍍𑌯॒ 𑌬𑌲𑌾॑𑌯॒ 𑌸𑍍𑌵𑌾𑌹𑌾॑ 𑌮॒𑌰𑍁𑌤𑌾॒𑌮𑍋𑌜॑𑌸𑍇॒ 𑌸𑍍𑌵𑌾𑌹𑌾॑ 𑌹॒𑌗𑍍​𑌮𑍍॒𑌸-𑌶𑍍𑌶𑍁॑𑌚𑌿॒𑌷-𑌦𑍍𑌵𑌸𑍁॑𑌰𑌨𑍍𑌤𑌰𑌿𑌕𑍍𑌷॒ -𑌸𑌦𑍍𑌧𑍋𑌤𑌾॑ 𑌵𑍇𑌦𑌿॒𑌷𑌦𑌤𑌿॑𑌥𑌿-𑌰𑍍𑌦𑍁𑌰𑍋𑌣॒𑌸𑌤𑍍 । 𑌨𑍃॒𑌷-𑌦𑍍𑌵॑𑌰॒𑌸𑌦𑍃॑𑌤॒𑌸-𑌦𑍍𑌵𑍍𑌯𑍋॑𑌮॒𑌸𑌦॒𑌬𑍍𑌜𑌾 𑌗𑍋॒𑌜𑌾 𑌋॑𑌤॒𑌜𑌾 𑌅॑𑌦𑍍𑌰𑌿॒𑌜𑌾 𑌋॒𑌤-𑌮𑍍𑌬𑍃॒𑌹𑌤𑍍 ॥ 30 ॥
(𑌹𑌿॒𑌗𑍍​𑌮𑍍॒𑌸𑌿॒𑌷॒-𑌮𑍍𑌮-𑌰𑍍𑌤॒𑌜𑌾-𑌸𑍍𑌤𑍍𑌰𑍀𑌣𑌿॑ 𑌚) (𑌅. 15)

𑌮𑌿॒𑌤𑍍𑌰𑍋॑-𑌽𑌸𑌿॒ 𑌵𑌰𑍁॑𑌣𑍋-𑌽𑌸𑌿॒ 𑌸𑌮॒𑌹𑌂-𑌵𑌿𑌁॒𑌶𑍍𑌵𑍈᳚-𑌰𑍍𑌦𑍇॒𑌵𑍈𑌃, 𑌕𑍍𑌷॒𑌤𑍍𑌰𑌸𑍍𑌯॒ 𑌨𑌾𑌭𑌿॑𑌰𑌸𑌿 𑌕𑍍𑌷॒𑌤𑍍𑌰𑌸𑍍𑌯॒ 𑌯𑍋𑌨𑌿॑𑌰𑌸𑌿 𑌸𑍍𑌯𑍋॒𑌨𑌾𑌮𑌾 𑌸𑍀॑𑌦 𑌸𑍁॒𑌷𑌦𑌾॒𑌮𑌾 𑌸𑍀॑𑌦॒ 𑌮𑌾 𑌤𑍍𑌵𑌾॑ 𑌹𑌿𑌗𑍍​𑌮𑍍𑌸𑍀॒𑌨𑍍𑌮𑌾 𑌮𑌾॑ 𑌹𑌿𑌗𑍍​𑌮𑍍𑌸𑍀॒𑌨𑍍𑌨𑌿 𑌷॑𑌸𑌾𑌦 𑌧𑍃॒𑌤𑌵𑍍𑌰॑𑌤𑍋॒ 𑌵𑌰𑍁॑𑌣𑌃 𑌪॒𑌸𑍍𑌤𑍍𑌯𑌾᳚𑌸𑍍𑌵𑌾 𑌸𑌾𑌮𑍍𑌰𑌾᳚𑌜𑍍𑌯𑌾𑌯 𑌸𑍁॒𑌕𑍍𑌰𑌤𑍁॒-𑌰𑍍𑌬𑍍𑌰𑌹𑍍𑌮𑌾(3)-𑌨𑍍𑌤𑍍𑌵𑌗𑍍​𑌮𑍍 𑌰𑌾॑𑌜-𑌨𑍍𑌬𑍍𑌰॒𑌹𑍍𑌮𑌾-𑌽𑌸𑌿॑ 𑌸𑌵𑌿॒𑌤𑌾-𑌽𑌸𑌿॑ 𑌸॒𑌤𑍍𑌯𑌸॑𑌵𑍋॒ 𑌬𑍍𑌰𑌹𑍍𑌮𑌾(3)-𑌨𑍍𑌤𑍍𑌵𑌗𑍍​𑌮𑍍 𑌰𑌾॑𑌜-𑌨𑍍𑌬𑍍𑌰॒𑌹𑍍𑌮𑌾-𑌽𑌸𑍀𑌨𑍍𑌦𑍍𑌰𑍋॑-𑌽𑌸𑌿 𑌸॒𑌤𑍍𑌯𑍌𑌜𑌾॒ [𑌸॒𑌤𑍍𑌯𑍌𑌜𑌾𑌃᳚, 𑌬𑍍𑌰𑌹𑍍𑌮𑌾(3)𑌨𑍍𑌤𑍍𑌵𑌗𑍍​𑌮𑍍] 31

𑌬𑍍𑌰𑌹𑍍𑌮𑌾(3)𑌨𑍍𑌤𑍍𑌵𑌗𑍍​𑌮𑍍 𑌰𑌾॑𑌜-𑌨𑍍𑌬𑍍𑌰॒𑌹𑍍𑌮𑌾-𑌽𑌸𑌿॑ 𑌮𑌿॒𑌤𑍍𑌰𑍋॑-𑌽𑌸𑌿 𑌸𑍁॒𑌶𑍇𑌵𑍋॒ 𑌬𑍍𑌰𑌹𑍍𑌮𑌾(3)-𑌨𑍍𑌤𑍍𑌵𑌗𑍍​𑌮𑍍 𑌰𑌾॑𑌜-𑌨𑍍𑌬𑍍𑌰॒𑌹𑍍𑌮𑌾-𑌽𑌸𑌿॒ 𑌵𑌰𑍁॑𑌣𑍋-𑌽𑌸𑌿 𑌸॒𑌤𑍍𑌯𑌧॒𑌰𑍍𑌮𑍇𑌨𑍍𑌦𑍍𑌰॑𑌸𑍍𑌯॒ 𑌵𑌜𑍍𑌰𑍋॑-𑌽𑌸𑌿॒ 𑌵𑌾𑌰𑍍𑌤𑍍𑌰॑𑌘𑍍𑌨॒𑌸𑍍𑌤𑍇𑌨॑ 𑌮𑍇 𑌰𑌦𑍍𑌧𑍍𑌯॒ 𑌦𑌿𑌶𑍋॒-𑌽𑌭𑍍𑌯॑𑌯𑌗𑍍​𑌮𑍍 𑌰𑌾𑌜𑌾॑-𑌽𑌭𑍂॒-𑌥𑍍𑌸𑍁𑌶𑍍𑌲𑍋॒𑌕𑌾(4) 𑌸𑍁𑌮॑𑌙𑍍𑌗॒𑌲𑌾(4) 𑌸𑌤𑍍𑌯॑𑌰𑌾॒𑌜𑌾(3)𑌨𑍍 । 𑌅॒𑌪𑌾-𑌨𑍍𑌨𑌪𑍍𑌤𑍍𑌰𑍇॒ 𑌸𑍍𑌵𑌾𑌹𑍋॒𑌰𑍍𑌜𑍋 𑌨𑌪𑍍𑌤𑍍𑌰𑍇॒ 𑌸𑍍𑌵𑌾𑌹𑌾॒-𑌽𑌗𑍍𑌨𑌯𑍇॑ 𑌗𑍃॒𑌹𑌪॑𑌤𑌯𑍇॒ 𑌸𑍍𑌵𑌾𑌹𑌾᳚ ॥ 32 ॥
(𑌸॒𑌤𑍍𑌯𑍌𑌜𑌾᳚-𑌶𑍍𑌚𑌤𑍍𑌵𑌾𑌰𑌿॒𑌗𑍍​𑌮𑍍॒𑌶𑌚𑍍𑌚॑) (𑌅. 16)

𑌆॒𑌗𑍍𑌨𑍇॒𑌯𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿॒ 𑌹𑌿𑌰॑𑌣𑍍𑌯॒-𑌨𑍍𑌦𑌕𑍍𑌷𑌿॑𑌣𑌾 𑌸𑌾𑌰𑌸𑍍𑌵॒𑌤-𑌞𑍍𑌚॒𑌰𑍁𑌂-𑌵𑌁॑𑌥𑍍𑌸𑌤॒𑌰𑍀 𑌦𑌕𑍍𑌷𑌿॑𑌣𑌾 𑌸𑌾𑌵𑌿॒𑌤𑍍𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲-𑌮𑍁𑌪𑌦𑍍𑌧𑍍𑌵॒𑌸𑍍𑌤𑍋 𑌦𑌕𑍍𑌷𑌿॑𑌣𑌾 𑌪𑍌॒𑌷𑍍𑌣-𑌞𑍍𑌚॒𑌰𑍁𑌗𑍍𑌗𑍍​ 𑌶𑍍𑌯𑌾॒𑌮𑍋 𑌦𑌕𑍍𑌷𑌿॑𑌣𑌾 𑌬𑌾𑌰𑍍​𑌹𑌸𑍍𑌪॒𑌤𑍍𑌯-𑌞𑍍𑌚॒𑌰𑍁𑌗𑍍​𑌮𑍍 𑌶𑌿॑𑌤𑌿𑌪𑍃॒𑌷𑍍𑌠𑍋 𑌦𑌕𑍍𑌷𑌿॑𑌣𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲-𑌮𑍃𑌷॒𑌭𑍋 𑌦𑌕𑍍𑌷𑌿॑𑌣𑌾 𑌵𑌾𑌰𑍁॒𑌣-𑌨𑍍𑌦𑌶॑𑌕𑌪𑌾𑌲-𑌮𑍍𑌮॒𑌹𑌾𑌨𑌿॑𑌰𑌷𑍍𑌟𑍋॒ 𑌦𑌕𑍍𑌷𑌿॑𑌣𑌾 𑌸𑍌॒𑌮𑍍𑌯-𑌞𑍍𑌚॒𑌰𑍁-𑌮𑍍𑌬॒𑌭𑍍𑌰𑍁-𑌰𑍍𑌦𑌕𑍍𑌷𑌿॑𑌣𑌾 𑌤𑍍𑌵𑌾॒𑌷𑍍𑌟𑍍𑌰𑌮॒𑌷𑍍𑌟𑌾𑌕॑𑌪𑌾𑌲𑌗𑍍​𑌮𑍍 𑌶𑍁॒𑌣𑍍𑌠𑍋 𑌦𑌕𑍍𑌷𑌿॑𑌣𑌾 𑌵𑍈𑌷𑍍𑌣॒𑌵-𑌨𑍍𑌤𑍍𑌰𑌿॑𑌕𑌪𑌾॒𑌲𑌂-𑌵𑌾𑌁॑𑌮॒𑌨𑍋 𑌦𑌕𑍍𑌷𑌿॑𑌣𑌾 ॥ 33 ॥
(𑌆॒𑌗𑍍𑌨𑍇॒𑌯𑌗𑍍​𑌮𑍍 𑌹𑌿𑌰॑𑌣𑍍𑌯𑌗𑍍​𑌮𑍍 𑌸𑌾𑌰𑌸𑍍𑌵॒𑌤𑌂-𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌤𑍍 ) (𑌅. 1𑍭)

𑌸॒𑌦𑍍𑌯𑍋 𑌦𑍀᳚𑌕𑍍𑌷𑌯𑌨𑍍𑌤𑌿 𑌸॒𑌦𑍍𑌯-𑌸𑍍𑌸𑍋𑌮॑-𑌙𑍍𑌕𑍍𑌰𑍀𑌣𑌨𑍍𑌤𑌿 𑌪𑍁𑌣𑍍𑌡𑌰𑌿𑌸𑍍𑌰॒𑌜𑌾-𑌮𑍍𑌪𑍍𑌰 𑌯॑𑌚𑍍𑌛𑌤𑌿 𑌦॒𑌶𑌭𑌿॑-𑌰𑍍𑌵𑌥𑍍𑌸𑌤॒𑌰𑍈-𑌸𑍍𑌸𑍋𑌮॑-𑌙𑍍𑌕𑍍𑌰𑍀𑌣𑌾𑌤𑌿 𑌦𑌶॒𑌪𑍇𑌯𑍋॑ 𑌭𑌵𑌤𑌿 𑌶॒𑌤-𑌮𑍍𑌬𑍍𑌰𑌾᳚𑌹𑍍𑌮॒𑌣𑌾𑌃 𑌪𑌿॑𑌬𑌨𑍍𑌤𑌿 𑌸𑌪𑍍𑌤𑌦॒𑌶𑌗𑍍𑌗𑍍​ 𑌸𑍍𑌤𑍋॒𑌤𑍍𑌰-𑌮𑍍𑌭॑𑌵𑌤𑌿 𑌪𑍍𑌰𑌾𑌕𑌾॒𑌶𑌾𑌵॑𑌦𑍍𑌧𑍍𑌵॒𑌰𑍍𑌯𑌵𑍇॑ 𑌦𑌦𑌾𑌤𑌿॒ 𑌸𑍍𑌰𑌜॑-𑌮𑍁𑌦𑍍𑌗𑌾॒𑌤𑍍𑌰𑍇 𑌰𑍁॒𑌕𑍍𑌮𑌗𑍍​𑌮𑍍 𑌹𑍋𑌤𑍍𑌰𑍇-𑌽𑌶𑍍𑌵॑-𑌮𑍍𑌪𑍍𑌰𑌸𑍍𑌤𑍋𑌤𑍃𑌪𑍍𑌰𑌤𑌿𑌹॒𑌰𑍍𑌤𑍃𑌭𑍍𑌯𑌾॒-𑌨𑍍𑌦𑍍𑌵𑌾𑌦॑𑌶 𑌪𑌷𑍍𑌠𑍌॒𑌹𑍀-𑌰𑍍𑌬𑍍𑌰॒𑌹𑍍𑌮𑌣𑍇॑ 𑌵॒𑌶𑌾-𑌮𑍍𑌮𑍈᳚𑌤𑍍𑌰𑌾𑌵𑌰𑍁॒𑌣𑌾𑌯॑𑌰𑍍​𑌷॒𑌭-𑌮𑍍𑌬𑍍𑌰𑌾᳚𑌹𑍍𑌮𑌣𑌾𑌚𑍍𑌛॒𑌗𑍍​𑌮𑍍॒𑌸𑌿𑌨𑍇॒ 𑌵𑌾𑌸॑𑌸𑍀 𑌨𑍇𑌷𑍍𑌟𑌾𑌪𑍋॒𑌤𑍃𑌭𑍍𑌯𑌾॒𑌗𑍍॒ 𑌸𑍍𑌥𑍂𑌰𑌿॑ 𑌯𑌵𑌾𑌚𑌿॒𑌤-𑌮॑𑌚𑍍𑌛𑌾𑌵𑌾॒𑌕𑌾𑌯𑌾॑-𑌽𑌨॒𑌡𑍍𑌵𑌾𑌹॑-𑌮॒𑌗𑍍𑌨𑍀𑌧𑍇॑ 𑌭𑌾𑌰𑍍𑌗॒𑌵𑍋 𑌹𑍋𑌤𑌾॑ 𑌭𑌵𑌤𑌿 𑌶𑍍𑌰𑌾𑌯॒𑌨𑍍𑌤𑍀𑌯॑-𑌮𑍍𑌬𑍍𑌰𑌹𑍍𑌮𑌸𑌾॒𑌮-𑌮𑍍𑌭॑𑌵𑌤𑌿 𑌵𑌾𑌰𑌵॒𑌨𑍍𑌤𑍀𑌯॑ 𑌮𑌗𑍍𑌨𑌿𑌷𑍍𑌟𑍋𑌮𑌸𑌾॒𑌮𑌗𑍍​𑌮𑍍 𑌸𑌾॑𑌰𑌸𑍍𑌵॒𑌤𑍀-𑌰॒𑌪𑍋 𑌗𑍃॑𑌹𑍍𑌣𑌾𑌤𑌿 ॥ 34 ॥
(𑌵𑌾॒𑌰॒𑌵॒𑌨𑍍𑌤𑍀𑌯॑-𑌞𑍍𑌚॒𑌤𑍍𑌵𑌾𑌰𑌿॑ 𑌚)(𑌆1𑍮)

𑌆॒𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿॒ 𑌹𑌿𑌰॑𑌣𑍍𑌯॒-𑌨𑍍𑌦𑌕𑍍𑌷𑌿॑𑌣𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲-𑌮𑍃𑌷॒𑌭𑍋 𑌦𑌕𑍍𑌷𑌿॑𑌣𑌾 𑌵𑍈𑌶𑍍𑌵𑌦𑍇॒𑌵-𑌞𑍍𑌚॒𑌰𑍁-𑌮𑍍𑌪𑌿॒𑌶𑌙𑍍𑌗𑍀॑ 𑌪𑌷𑍍𑌠𑍌॒𑌹𑍀 𑌦𑌕𑍍𑌷𑌿॑𑌣𑌾 𑌮𑍈𑌤𑍍𑌰𑌾𑌵𑌰𑍁॒𑌣𑍀-𑌮𑌾॒𑌮𑌿𑌕𑍍𑌷𑌾𑌂᳚-𑌵𑌁॒𑌶𑌾 𑌦𑌕𑍍𑌷𑌿॑𑌣𑌾 𑌬𑌾𑌰𑍍​𑌹𑌸𑍍𑌪॒𑌤𑍍𑌯-𑌞𑍍𑌚॒𑌰𑍁𑌗𑍍​𑌮𑍍 𑌶𑌿॑𑌤𑌿𑌪𑍃॒𑌷𑍍𑌠𑍋 𑌦𑌕𑍍𑌷𑌿॑𑌣𑌾-𑌽𑌽𑌦𑌿॒𑌤𑍍𑌯𑌾-𑌮𑍍𑌮॒𑌲𑍍॒𑌃𑌆-𑌙𑍍𑌗॒𑌰𑍍𑌭𑌿𑌣𑍀॒𑌮𑌾 𑌲॑𑌭𑌤𑍇 𑌮𑌾𑌰𑍁॒𑌤𑍀-𑌮𑍍𑌪𑍃𑌶𑍍𑌞𑌿॑-𑌮𑍍𑌪𑌷𑍍𑌠𑍌॒𑌹𑍀-𑌮॒𑌶𑍍𑌵𑌿𑌭𑍍𑌯𑌾᳚-𑌮𑍍𑌪𑍂॒𑌷𑍍𑌣𑍇 𑌪𑍁॑𑌰𑍋॒𑌡𑌾𑌶॒-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿॒ 𑌸𑌰॑𑌸𑍍𑌵𑌤𑍇 𑌸𑌤𑍍𑌯॒𑌵𑌾𑌚𑍇॑ 𑌚॒𑌰𑍁𑌗𑍍​𑌮𑍍 𑌸॑𑌵𑌿॒𑌤𑍍𑌰𑍇 𑌸॒𑌤𑍍𑌯𑌪𑍍𑌰॑𑌸𑌵𑌾𑌯 𑌪𑍁𑌰𑍋॒𑌡𑌾𑌶॒-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲-𑌨𑍍𑌤𑌿𑌸𑍃𑌧॒𑌨𑍍𑌵𑌗𑍍​𑌮𑍍 𑌶𑍁॑𑌷𑍍𑌕𑌦𑍃॒𑌤𑌿-𑌰𑍍𑌦𑌕𑍍𑌷𑌿॑𑌣𑌾 ॥ 35 ॥
(𑌅॒𑌗𑍍𑌨𑍇॒𑌯𑌗𑍍​𑌮𑍍 𑌹𑌿𑌰॑𑌣𑍍𑌯𑌮𑍈॒𑌦𑍍𑌰𑌮𑍃॑𑌷॒𑌭𑍋 𑌵𑍈᳚𑌶𑍍𑌵𑌦𑍇॒𑌵-𑌮𑍍𑌪𑌿॒𑌶𑌙𑍍𑌗𑍀॑ 𑌬𑌾𑌰𑍍​𑌹𑌸𑍍𑌪॒𑌤𑍍𑌯𑌗𑍍​𑌮𑍍-𑌸॒𑌪𑍍𑌤𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌤𑍍) (𑌅. 1𑍯)

𑌆॒𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 𑌸𑍌॒𑌮𑍍𑌯-𑌞𑍍𑌚॒𑌰𑍁𑌗𑍍​𑌮𑍍 𑌸𑌾॑𑌵𑌿॒𑌤𑍍𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲-𑌮𑍍𑌬𑌾𑌰𑍍​𑌹𑌸𑍍𑌪॒𑌤𑍍𑌯-𑌞𑍍𑌚॒𑌰𑍁-𑌨𑍍𑌤𑍍𑌵𑌾॒𑌷𑍍𑌟𑍍𑌰𑌮॒𑌷𑍍𑌟𑌾𑌕॑𑌪𑌾𑌲𑌂-𑌵𑍈𑌁𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌦𑌕𑍍𑌷𑌿॑𑌣𑍋 𑌰𑌥𑌵𑌾𑌹𑌨𑌵𑌾॒𑌹𑍋 𑌦𑌕𑍍𑌷𑌿॑𑌣𑌾 𑌸𑌾𑌰𑌸𑍍𑌵॒𑌤-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑌤𑌿 𑌪𑍌॒𑌷𑍍𑌣-𑌞𑍍𑌚॒𑌰𑍁-𑌮𑍍𑌮𑍈॒𑌤𑍍𑌰-𑌞𑍍𑌚॒𑌰𑍁𑌂-𑌵𑌾𑌁॑𑌰𑍁॒𑌣-𑌞𑍍𑌚॒𑌰𑍁-𑌙𑍍𑌕𑍍𑌷𑍈᳚𑌤𑍍𑌰𑌪॒𑌤𑍍𑌯-𑌞𑍍𑌚॒𑌰𑍁𑌮𑌾॑𑌦𑌿॒𑌤𑍍𑌯-𑌞𑍍𑌚॒𑌰𑍁𑌮𑍁𑌤𑍍𑌤॑𑌰𑍋 𑌰𑌥𑌵𑌾𑌹𑌨𑌵𑌾॒𑌹𑍋 𑌦𑌕𑍍𑌷𑌿॑𑌣𑌾 ॥ 36 ॥
(𑌆॒𑌗𑍍𑌨𑍇॒𑌯𑌗𑍍​𑌮𑍍 𑌸𑍌॒𑌮𑍍𑌯-𑌮𑍍𑌬𑌾॑𑌰𑍍​𑌹𑌸𑍍𑌪॒𑌤𑍍𑌯𑌂-𑌚𑌤𑍁॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌤𑍍) (𑌅. 20)

𑌸𑍍𑌵𑌾॒𑌦𑍍𑌵𑍀-𑌨𑍍𑌤𑍍𑌵𑌾᳚ 𑌸𑍍𑌵𑌾॒𑌦𑍁𑌨𑌾॑ 𑌤𑍀॒𑌵𑍍𑌰𑌾-𑌨𑍍𑌤𑍀॒𑌵𑍍𑌰𑍇𑌣𑌾॒-𑌽𑌮𑍃𑌤𑌾॑-𑌮॒𑌮𑍃𑌤𑍇॑𑌨 𑌸𑍃॒𑌜𑌾𑌮𑌿॒ 𑌸𑌗𑍍​𑌮𑍍 𑌸𑍋𑌮𑍇॑𑌨॒ 𑌸𑍋𑌮𑍋᳚-𑌽𑌸𑍍𑌯॒𑌶𑍍𑌵𑌿𑌭𑍍𑌯𑌾᳚-𑌮𑍍𑌪𑌚𑍍𑌯𑌸𑍍𑌵॒ 𑌸𑌰॑𑌸𑍍𑌵𑌤𑍍𑌯𑍈 𑌪𑌚𑍍𑌯॒𑌸𑍍𑌵𑍇𑌨𑍍𑌦𑍍𑌰𑌾॑𑌯 𑌸𑍁॒𑌤𑍍𑌰𑌾𑌂𑌣𑍇॑ 𑌪𑌚𑍍𑌯𑌸𑍍𑌵 𑌪𑍁॒𑌨𑌾𑌤𑍁॑ 𑌤𑍇 𑌪𑌰𑌿॒𑌸𑍍𑌰𑍁𑌤॒𑌗𑍍​𑌮𑍍॒ 𑌸𑍋𑌮॒𑌗𑍍​𑌮𑍍॒ 𑌸𑍂𑌰𑍍𑌯॑𑌸𑍍𑌯 𑌦𑍁𑌹𑌿॒𑌤𑌾 । 𑌵𑌾𑌰𑍇॑𑌣॒ 𑌶𑌶𑍍𑌵॑𑌤𑌾॒ 𑌤𑌨𑌾᳚ ॥ 𑌵𑌾॒𑌯𑍁𑌃 𑌪𑍂॒𑌤𑌃 𑌪॒𑌵𑌿𑌤𑍍𑌰𑍇॑𑌣 𑌪𑍍𑌰॒𑌤𑍍𑌯𑌂 𑌸𑍋𑌮𑍋॒ 𑌅𑌤𑌿॑𑌦𑍍𑌰𑍁𑌤𑌃 । 𑌇𑌨𑍍𑌦𑍍𑌰॑𑌸𑍍𑌯॒ 𑌯𑍁𑌜𑍍𑌯॒-𑌸𑍍𑌸𑌖𑌾᳚ ॥ 𑌕𑍁॒𑌵𑌿𑌦𑌂॒-𑌯𑌁𑌵॑𑌮𑌨𑍍𑌤𑍋॒ 𑌯𑌵॑-𑌞𑍍𑌚𑌿॒-𑌦𑍍𑌯𑌥𑌾॒ 𑌦𑌾𑌨𑍍𑌤𑍍𑌯॑𑌨𑍁𑌪𑍂॒𑌰𑍍𑌵𑌂-𑌵𑌿𑌁॒𑌯𑍂𑌯॑ । 𑌇॒𑌹𑍇𑌹𑍈॑𑌷𑌾-𑌙𑍍𑌕𑍃𑌣𑍁𑌤॒ 𑌭𑍋𑌜॑𑌨𑌾𑌨𑌿॒ 𑌯𑍇 𑌬॒𑌰𑍍॒𑌹𑌿𑌷𑍋॒ 𑌨𑌮𑍋॑𑌵𑍃𑌕𑍍𑌤𑌿॒-𑌨𑍍𑌨 𑌜॒𑌗𑍍𑌮𑍁𑌃 ॥ 𑌆॒𑌶𑍍𑌵𑌿॒𑌨-𑌨𑍍𑌧𑍂॒𑌮𑍍𑌰𑌮𑌾 𑌲॑𑌭𑌤𑍇 𑌸𑌾𑌰𑌸𑍍𑌵॒𑌤-𑌮𑍍𑌮𑍇॒𑌷𑌮𑍈॒𑌨𑍍𑌦𑍍𑌰𑌮𑍃॑𑌷॒𑌭-𑌮𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 𑌸𑌾𑌵𑌿॒𑌤𑍍𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲𑌂-𑌵𑌾𑌁𑌰𑍁॒𑌣-𑌨𑍍𑌦𑌶॑𑌕𑌪𑌾𑌲॒𑌗𑍍​𑌮𑍍॒ 𑌸𑍋𑌮॑𑌪𑍍𑌰𑌤𑍀𑌕𑌾𑌃 𑌪𑌿𑌤𑌰𑌸𑍍𑌤𑍃𑌪𑍍𑌣𑍁𑌤॒ 𑌵𑌡॑𑌬𑌾॒ 𑌦𑌕𑍍𑌷𑌿॑𑌣𑌾 ॥ 3𑍭 ॥
(𑌭𑍋𑌜॑𑌨𑌾𑌨𑌿॒-𑌷𑌡𑍍𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) (𑌅. 21)

𑌅𑌗𑍍𑌨𑌾॑𑌵𑌿𑌷𑍍𑌣𑍂॒ 𑌮𑌹𑌿॒ 𑌤-𑌦𑍍𑌵𑌾᳚-𑌮𑍍𑌮𑌹𑌿॒𑌤𑍍𑌵𑌂-𑌵𑍀𑌁॒𑌤-𑌙𑍍𑌘𑍃॒𑌤𑌸𑍍𑌯॒ 𑌗𑍁𑌹𑍍𑌯𑌾॑𑌨𑌿॒ 𑌨𑌾𑌮॑ । 𑌦𑌮𑍇॑𑌦𑌮𑍇 𑌸॒𑌪𑍍𑌤 𑌰𑌤𑍍𑌨𑌾॒ 𑌦𑌧𑌾॑𑌨𑌾॒ 𑌪𑍍𑌰𑌤𑌿॑ 𑌵𑌾-𑌞𑍍𑌜𑌿॒𑌹𑍍𑌵𑌾 𑌘𑍃॒𑌤𑌮𑌾 𑌚॑𑌰𑌣𑍍𑌯𑍇𑌤𑍍 ॥ 𑌅𑌗𑍍𑌨𑌾॑𑌵𑌿𑌷𑍍𑌣𑍂॒ 𑌮𑌹𑌿॒ 𑌧𑌾𑌮॑ 𑌪𑍍𑌰𑌿॒𑌯𑌂-𑌵𑌾𑌁𑌂᳚-𑌵𑍀𑌁॒𑌥𑍋 𑌘𑍃॒𑌤𑌸𑍍𑌯॒ 𑌗𑍁𑌹𑍍𑌯𑌾॑ 𑌜𑍁𑌷𑌾॒𑌣𑌾 । 𑌦𑌮𑍇॑𑌦𑌮𑍇 𑌸𑍁𑌷𑍍𑌟𑍁॒𑌤𑍀-𑌰𑍍𑌵𑌾॑𑌵𑍃𑌧𑌾॒𑌨𑌾 𑌪𑍍𑌰𑌤𑌿॑ 𑌵𑌾-𑌞𑍍𑌜𑌿॒𑌹𑍍𑌵𑌾 𑌘𑍃॒𑌤𑌮𑍁𑌚𑍍𑌚॑𑌰𑌣𑍍𑌯𑍇𑌤𑍍 ॥ 𑌪𑍍𑌰 𑌣𑍋॑ 𑌦𑍇॒𑌵𑍀 𑌸𑌰॑𑌸𑍍𑌵𑌤𑍀॒ 𑌵𑌾𑌜𑍇॑𑌭𑌿-𑌰𑍍𑌵𑌾॒𑌜𑌿𑌨𑍀॑𑌵𑌤𑍀 । 𑌧𑍀॒𑌨𑌾-𑌮॑𑌵𑌿॒𑌤𑍍𑌯𑍍𑌰॑𑌵𑌤𑍁 । 𑌆 𑌨𑍋॑ 𑌦𑌿॒𑌵𑍋 𑌬𑍃॑𑌹॒𑌤𑌃 – [𑌬𑍃॑𑌹॒𑌤𑌃, 𑌪𑌰𑍍𑌵॑𑌤𑌾॒𑌦𑌾] 3𑍮

𑌪𑌰𑍍𑌵॑𑌤𑌾॒𑌦𑌾 𑌸𑌰॑𑌸𑍍𑌵𑌤𑍀 𑌯𑌜॒𑌤𑌾 𑌗॑𑌨𑍍𑌤𑍁 𑌯॒𑌜𑍍𑌞𑌮𑍍 । 𑌹𑌵॑-𑌨𑍍𑌦𑍇॒𑌵𑍀 𑌜𑍁॑𑌜𑍁𑌷𑌾॒𑌣𑌾 𑌘𑍃॒𑌤𑌾𑌚𑍀॑ 𑌶॒𑌗𑍍𑌮𑌾-𑌨𑍍𑌨𑍋॒ 𑌵𑌾𑌚॑𑌮𑍁𑌶॒𑌤𑍀 𑌶𑍃॑𑌣𑍋𑌤𑍁 ॥ 𑌬𑍃𑌹॑𑌸𑍍𑌪𑌤𑍇 𑌜𑍁॒𑌷𑌸𑍍𑌵॑ 𑌨𑍋 𑌹॒𑌵𑍍𑌯𑌾𑌨𑌿॑ 𑌵𑌿𑌶𑍍𑌵𑌦𑍇𑌵𑍍𑌯 । 𑌰𑌾𑌸𑍍𑌵॒ 𑌰𑌤𑍍𑌨𑌾॑𑌨𑌿 𑌦𑌾॒𑌶𑍁𑌷𑍇᳚ ॥ 𑌏॒𑌵𑌾 𑌪𑌿॒𑌤𑍍𑌰𑍇 𑌵𑌿॒𑌶𑍍𑌵𑌦𑍇॑𑌵𑌾𑌯॒ 𑌵𑍃𑌷𑍍𑌣𑍇॑ 𑌯॒𑌜𑍍𑌞𑍈-𑌰𑍍𑌵𑌿॑𑌧𑍇𑌮॒ 𑌨𑌮॑𑌸𑌾 𑌹॒𑌵𑌿𑌰𑍍𑌭𑌿𑌃॑ । 𑌬𑍃𑌹॑𑌸𑍍𑌪𑌤𑍇 𑌸𑍁𑌪𑍍𑌰॒𑌜𑌾 𑌵𑍀॒𑌰𑌵॑𑌨𑍍𑌤𑍋 𑌵॒𑌯𑌗𑍍𑌗𑍍​ 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ 𑌬𑍃𑌹॑𑌸𑍍𑌪𑌤𑍇॒ 𑌅𑌤𑌿॒ 𑌯𑌦॒𑌰𑍍𑌯𑍋 𑌅𑌰𑍍​𑌹𑌾᳚-𑌦𑍍𑌦𑍍𑌯𑍁॒𑌮-𑌦𑍍𑌵𑌿॒𑌭𑌾𑌤𑌿॒ 𑌕𑍍𑌰𑌤𑍁॑𑌮॒𑌜𑍍𑌜𑌨𑍇॑𑌷𑍁 । 𑌯-𑌦𑍍𑌦𑍀॒𑌦𑌯॒𑌚𑍍𑌛𑌵॑𑌸- [𑌯-𑌦𑍍𑌦𑍀॒𑌦𑌯॒𑌚𑍍𑌛𑌵॑𑌸𑌃, 𑌋॒𑌤॒𑌪𑍍𑌰॒𑌜𑌾॒𑌤॒ 𑌤𑌦॒𑌸𑍍𑌮𑌾𑌸𑍁॒] 3𑍯

-𑌰𑍍𑌤𑌪𑍍𑌰𑌜𑌾𑌤॒ 𑌤𑌦॒𑌸𑍍𑌮𑌾𑌸𑍁॒ 𑌦𑍍𑌰𑌵𑌿॑𑌣-𑌨𑍍𑌧𑍇𑌹𑌿 𑌚𑌿॒𑌤𑍍𑌰𑌮𑍍 ॥ 𑌆 𑌨𑍋॑ 𑌮𑌿𑌤𑍍𑌰𑌾𑌵𑌰𑍁𑌣𑌾 𑌘𑍃॒𑌤𑍈-𑌰𑍍𑌗𑌵𑍍𑌯𑍂॑𑌤𑌿𑌮𑍁𑌕𑍍𑌷𑌤𑌮𑍍 । 𑌮𑌦𑍍𑌧𑍍𑌵𑌾॒ 𑌰𑌜𑌾𑌗𑍍​𑌮𑍍॑𑌸𑌿 𑌸𑍁𑌕𑍍𑌰𑌤𑍂 ॥ 𑌪𑍍𑌰 𑌬𑌾॒𑌹𑌵𑌾॑ 𑌸𑌿𑌸𑍃𑌤-𑌞𑍍𑌜𑍀॒𑌵𑌸𑍇॑ 𑌨॒ 𑌆 𑌨𑍋॒ 𑌗𑌵𑍍𑌯𑍂॑𑌤𑌿-𑌮𑍁𑌕𑍍𑌷𑌤-𑌙𑍍𑌘𑍃॒𑌤𑍇𑌨॑ । 𑌆 𑌨𑍋॒ 𑌜𑌨𑍇᳚ 𑌶𑍍𑌰𑌵𑌯𑌤𑌂-𑌯𑍁𑌁𑌵𑌾𑌨𑌾 𑌶𑍍𑌰𑍁॒𑌤-𑌮𑍍𑌮𑍇॑ 𑌮𑌿𑌤𑍍𑌰𑌾𑌵𑌰𑍁𑌣𑌾॒ 𑌹𑌵𑍇॒𑌮𑌾 ॥ 𑌅॒𑌗𑍍𑌨𑌿𑌂-𑌵𑌁𑌃॑ 𑌪𑍂॒𑌰𑍍𑌵𑍍𑌯-𑌙𑍍𑌗𑌿॒𑌰𑌾 𑌦𑍇॒𑌵𑌮𑍀॑𑌡𑍇॒ 𑌵𑌸𑍂॑𑌨𑌾𑌮𑍍 । 𑌸॒𑌪॒𑌰𑍍𑌯𑌨𑍍𑌤𑌃॑ 𑌪𑍁𑌰𑍁𑌪𑍍𑌰𑌿॒𑌯-𑌮𑍍𑌮𑌿॒𑌤𑍍𑌰-𑌨𑍍𑌨 𑌕𑍍𑌷𑍇᳚𑌤𑍍𑌰॒𑌸𑌾𑌧॑𑌸𑌮𑍍 ॥ 𑌮॒𑌕𑍍𑌷𑍂 𑌦𑍇॒𑌵𑌵॑𑌤𑍋॒ 𑌰𑌥॒- [𑌰𑌥𑌃॑, 𑌶𑍂𑌰𑍋॑ 𑌵𑌾 𑌪𑍃॒𑌥𑍍𑌸𑍁] 40

-𑌶𑍍𑌶𑍂𑌰𑍋॑ 𑌵𑌾 𑌪𑍃॒𑌥𑍍𑌸𑍁 𑌕𑌾𑌸𑍁॑ 𑌚𑌿𑌤𑍍 । 𑌦𑍇॒𑌵𑌾𑌨𑌾𑌂॒-𑌯𑌁 𑌇𑌨𑍍𑌮𑌨𑍋॒ 𑌯𑌜॑𑌮𑌾𑌨॒ 𑌇𑌯॑𑌕𑍍𑌷𑌤𑍍𑌯॒𑌭𑍀𑌦𑌯॑𑌜𑍍𑌵𑌨𑍋 𑌭𑍁𑌵𑌤𑍍 ॥ 𑌨 𑌯॑𑌜𑌮𑌾𑌨 𑌰𑌿𑌷𑍍𑌯𑌸𑌿॒ 𑌨 𑌸𑍁॑𑌨𑍍𑌵𑌾𑌨॒ 𑌨 𑌦𑍇॑𑌵𑌯𑍋 ॥ 𑌅𑌸॒𑌦𑌤𑍍𑌰॑ 𑌸𑍁॒𑌵𑍀𑌰𑍍𑌯॑𑌮𑍁॒𑌤 𑌤𑍍𑌯𑌦𑌾॒𑌶𑍍𑌵𑌶𑍍𑌵𑌿॑𑌯𑌮𑍍 ॥ 𑌨𑌕𑌿॒𑌷𑍍𑌟-𑌙𑍍𑌕𑌰𑍍𑌮॑𑌣𑌾 𑌨𑌶॒𑌨𑍍𑌨 𑌪𑍍𑌰 𑌯𑍋॑𑌷॒𑌨𑍍𑌨 𑌯𑍋॑𑌷𑌤𑌿 ॥ 𑌉𑌪॑ 𑌕𑍍𑌷𑌰𑌨𑍍𑌤𑌿॒ 𑌸𑌿𑌨𑍍𑌧॑𑌵𑍋 𑌮𑌯𑍋॒𑌭𑍁𑌵॑ 𑌈𑌜𑌾॒𑌨-𑌞𑍍𑌚॑ 𑌯॒𑌕𑍍𑌷𑍍𑌯𑌮𑌾॑𑌣-𑌞𑍍𑌚 𑌧𑍇॒𑌨𑌵𑌃॑ । 𑌪𑍃॒𑌣𑌨𑍍𑌤॑-𑌞𑍍𑌚॒ 𑌪𑌪𑍁॑𑌰𑌿-𑌞𑍍𑌚 [𑌪𑌪𑍁॑𑌰𑌿-𑌞𑍍𑌚, 𑌶𑍍𑌰॒𑌵॒𑌸𑍍𑌯𑌵𑍋॑ 𑌘𑍃॒𑌤𑌸𑍍𑌯॒] 41

𑌶𑍍𑌰𑌵॒𑌸𑍍𑌯𑌵𑍋॑ 𑌘𑍃॒𑌤𑌸𑍍𑌯॒ 𑌧𑌾𑌰𑌾॒ 𑌉𑌪॑ 𑌯𑌨𑍍𑌤𑌿 𑌵𑌿॒𑌶𑍍𑌵𑌤𑌃॑ ॥𑌸𑍋𑌮𑌾॑𑌰𑍁𑌦𑍍𑌰𑌾॒ 𑌵𑌿 𑌵𑍃॑𑌹𑌤𑌂॒-𑌵𑌿𑌁𑌷𑍂॑𑌚𑍀॒𑌮𑌮𑍀॑𑌵𑌾॒ 𑌯𑌾 𑌨𑍋॒ 𑌗𑌯॑-𑌮𑌾𑌵𑌿॒𑌵𑍇𑌶॑ । 𑌆॒𑌰𑍇 𑌬𑌾॑𑌧𑍇𑌥𑌾॒-𑌨𑍍𑌨𑌿𑌰𑍍-𑌋॑𑌤𑌿-𑌮𑍍𑌪𑌰𑌾॒𑌚𑍈𑌃 𑌕𑍃॒𑌤-𑌞𑍍𑌚𑌿॒𑌦𑍇𑌨𑌃॒ 𑌪𑍍𑌰 𑌮𑍁॑𑌮𑍁𑌕𑍍𑌤-𑌮॒𑌸𑍍𑌮𑌤𑍍 ॥ 𑌸𑍋𑌮𑌾॑𑌰𑍁𑌦𑍍𑌰𑌾 𑌯𑍁॒𑌵-𑌮𑍇॒𑌤𑌾𑌨𑍍𑌯॒𑌸𑍍𑌮𑍇 𑌵𑌿𑌶𑍍𑌵𑌾॑ 𑌤॒𑌨𑍂𑌷𑍁॑ 𑌭𑍇𑌷॒𑌜𑌾𑌨𑌿॑ 𑌧𑌤𑍍𑌤𑌮𑍍 । 𑌅𑌵॑ 𑌸𑍍𑌯𑌤-𑌮𑍍𑌮𑍁॒𑌞𑍍𑌚𑌤𑌂॒-𑌯𑌁𑌨𑍍𑌨𑍋॒ 𑌅𑌸𑍍𑌤𑌿॑ 𑌤॒𑌨𑍂𑌷𑍁॑ 𑌬॒𑌦𑍍𑌧-𑌙𑍍𑌕𑍃॒𑌤𑌮𑍇𑌨𑍋॑ 𑌅॒𑌸𑍍𑌮𑌤𑍍 ॥ 𑌸𑍋𑌮𑌾॑𑌪𑍂𑌷𑌣𑌾॒ 𑌜𑌨॑𑌨𑌾 𑌰𑌯𑍀॒𑌣𑌾-𑌞𑍍𑌜𑌨॑𑌨𑌾 𑌦𑌿॒𑌵𑍋 𑌜𑌨॑𑌨𑌾 𑌪𑍃𑌥𑌿॒𑌵𑍍𑌯𑌾𑌃 । 𑌜𑌾॒𑌤𑍌 𑌵𑌿𑌶𑍍𑌵॑𑌸𑍍𑌯॒ 𑌭𑍁𑌵॑𑌨𑌸𑍍𑌯 𑌗𑍋॒𑌪𑍌 𑌦𑍇॒𑌵𑌾 𑌅॑𑌕𑍃𑌣𑍍𑌵𑌨𑍍𑌨॒𑌮𑍃𑌤॑𑌸𑍍𑌯॒ 𑌨𑌾𑌭𑌿᳚𑌮𑍍 ॥ 𑌇॒𑌮𑍌 𑌦𑍇॒𑌵𑍌 𑌜𑌾𑌯॑𑌮𑌾𑌨𑍌 𑌜𑍁𑌷𑌨𑍍𑌤𑍇॒𑌮𑍌 𑌤𑌮𑌾𑌗𑍍​𑌮𑍍॑𑌸𑌿 𑌗𑍂𑌹𑌤𑌾॒-𑌮𑌜𑍁॑𑌷𑍍𑌟𑌾 । 𑌆॒𑌭𑍍𑌯𑌾𑌮𑌿𑌨𑍍𑌦𑍍𑌰𑌃॑ 𑌪॒𑌕𑍍𑌵𑌮𑌾॒𑌮𑌾𑌸𑍍𑌵॒𑌨𑍍𑌤-𑌸𑍍𑌸𑍋॑𑌮𑌾𑌪𑍂॒𑌷𑌭𑍍𑌯𑌾᳚-𑌞𑍍𑌜𑌨𑌦𑍁॒𑌸𑍍𑌰𑌿𑌯𑌾॑𑌸𑍁 ॥ 42 ॥
(𑌬𑍃॒𑌹॒𑌤𑌃-𑌶𑌵॑𑌸𑌾॒-𑌰𑌥𑌃॒-𑌪𑌪𑍁॑𑌰𑌿-𑌞𑍍𑌚-𑌦𑌿॒𑌵𑍋 𑌜𑌨॑𑌨𑌾॒-𑌪𑌞𑍍𑌚॑𑌵𑌿𑌗𑍍​𑌮𑍍𑌶𑌤𑌿𑌶𑍍𑌚) (𑌅. 22)

(𑌅𑌨𑍁॑𑌮𑌤𑍍𑌯𑌾-𑌆𑌗𑍍𑌨𑍇॒𑌯-𑌮𑍈᳚𑌨𑍍𑌦𑍍𑌰𑌾॒𑌗𑍍𑌨𑌮॒𑌗𑍍𑌨𑌯𑍇॒-𑌸𑍋𑌮𑌾॑𑌯-𑌪𑍍𑌰𑌤𑌿𑌪𑍂॒𑌰𑍁𑌷-𑌮𑍈᳚𑌨𑍍𑌦𑍍𑌰𑌾𑌗𑍍𑌨𑌂-𑌧𑌾॒𑌤𑍍𑌰𑍇 𑌬𑌾॑𑌰𑍍​𑌹𑌸𑍍𑌪॒𑌤𑍍𑌯-𑌮॒𑌗𑍍𑌨𑌯𑍇॒-𑌰𑍍-𑌽𑌥𑌤𑍋॒-𑌦𑍇𑌵𑍀𑌃᳚-𑌸॒𑌮𑌿𑌧॒𑌗𑍍​𑌮𑍍॒-𑌸𑍋𑌮॒𑌸𑍍𑌯𑍇-𑌨𑍍𑌦𑍍𑌰॑𑌸𑍍𑌯 -𑌮𑌿॒𑌤𑍍𑌰-𑌆᳚𑌗𑍍𑌨𑍇॒𑌯𑌗𑍍​𑌮𑍍-𑌸॒𑌦𑍍𑌯-𑌆᳚𑌗𑍍𑌨𑍇॒𑌯𑌗𑍍​𑌮𑍍-𑌮𑌾᳚𑌗𑍍𑌨𑍇॒𑌯𑌗𑍍𑌗𑍍​-𑌸𑍍𑌵𑌾॒𑌦𑍍𑌵𑍀-𑌨𑍍𑌤𑍍𑌵𑌾-𑌽𑌗𑍍𑌨𑌾॑𑌵𑌿𑌷𑍍𑌣𑍂॒-𑌦𑍍𑌵𑌾𑌵𑌿𑌗𑍍​𑌮𑍍॑𑌶𑌤𑌿𑌃 । )

(𑌅𑌨𑍁॑𑌮𑌤𑍍𑌯𑍈॒-𑌯𑌥𑌾-𑌽𑌸॑𑌤𑌿॒-𑌦𑍇𑌵𑍀॑𑌰𑌾𑌪𑍋-𑌮𑌿॒𑌤𑍍𑌰𑍋॑-𑌽𑌸𑌿॒-𑌶𑍂𑌰𑍋॑ 𑌵𑌾॒-𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌤𑍍 । )

(𑌅𑌨𑍁॑𑌮𑌤𑍍𑌯𑌾, 𑌉॒𑌸𑍍𑌰𑌿𑌯𑌾॑𑌸𑍁)

(𑌇॒𑌷, 𑌆𑌪𑍋॑, 𑌦𑍇॒𑌵𑌸𑍍𑌯𑌾, 𑌽𑌽𑌦॑𑌦𑍇, 𑌦𑍇𑌵𑌾𑌸𑍁॒𑌰𑌾, 𑌸𑍍𑌸𑌨𑍍𑌤𑍍𑌵𑌾॑, 𑌪𑌾𑌕𑌯॒𑌜𑍍𑌞, 𑌮𑌨𑍁॒𑌮𑌤𑍍𑌯𑌾, 𑌅॒𑌷𑍍𑌟𑍌) (𑍮)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌅𑌷𑍍𑌤𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥