𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌦𑍍𑌵𑌿𑌤𑍀𑌯𑌕𑌾𑌣𑍍𑌡𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨𑌃 – 𑌇𑌷𑍍𑌟𑌿𑌵𑌿𑌧𑌾𑌨𑌂
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌪𑍍𑌰॒𑌜𑌾𑌪𑌤𑌿𑌃॑ 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌤𑌾-𑌸𑍍𑌸𑍃॒𑌷𑍍𑌟𑌾॒ 𑌇𑌨𑍍𑌦𑍍𑌰𑌾॒𑌗𑍍𑌨𑍀 𑌅𑌪𑌾॑𑌗𑍂𑌹𑌤𑌾॒𑌗𑍍𑌮𑍍॒ 𑌸𑍋॑-𑌽𑌚𑌾𑌯-𑌤𑍍𑌪𑍍𑌰॒𑌜𑌾𑌪॑𑌤𑌿𑌰𑌿𑌨𑍍𑌦𑍍𑌰𑌾॒𑌗𑍍𑌨𑍀 𑌵𑍈 𑌮𑍇᳚ 𑌪𑍍𑌰॒𑌜𑌾 𑌅𑌪𑌾॑𑌘𑍁𑌕𑍍𑌷𑌤𑌾॒𑌮𑌿𑌤𑌿॒ 𑌸 𑌏॒𑌤𑌮𑍈᳚𑌨𑍍𑌦𑍍𑌰𑌾॒𑌗𑍍𑌨- 𑌮𑍇𑌕𑌾॑𑌦𑌶𑌕𑌪𑌾𑌲-𑌮𑌪𑌶𑍍𑌯॒-𑌤𑍍𑌤-𑌨𑍍𑌨𑌿𑌰॑𑌵𑌪॒-𑌤𑍍𑌤𑌾𑌵॑𑌸𑍍𑌮𑍈 𑌪𑍍𑌰॒𑌜𑌾𑌃 𑌪𑍍𑌰𑌾𑌸𑌾॑𑌧𑌯𑌤𑌾- 𑌮𑌿𑌨𑍍𑌦𑍍𑌰𑌾॒𑌗𑍍𑌨𑍀 𑌵𑌾 𑌏॒𑌤𑌸𑍍𑌯॑ 𑌪𑍍𑌰॒𑌜𑌾𑌮𑌪॑ 𑌗𑍂𑌹𑌤𑍋॒ 𑌯𑍋-𑌽𑌲𑌂॑ 𑌪𑍍𑌰॒𑌜𑌾𑌯𑍈॒ 𑌸-𑌨𑍍𑌪𑍍𑌰॒𑌜𑌾-𑌨𑍍𑌨 𑌵𑌿॒𑌨𑍍𑌦𑌤॑ 𑌐𑌨𑍍𑌦𑍍𑌰𑌾॒𑌗𑍍𑌨-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇𑌤𑍍-𑌪𑍍𑌰॒𑌜𑌾𑌕𑌾॑𑌮 𑌇𑌨𑍍𑌦𑍍𑌰𑌾॒𑌗𑍍𑌨𑍀 [ ] 1
𑌏॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾-𑌮𑍍𑌪𑍍𑌰 𑌸𑌾॑𑌧𑌯𑌤𑍋 𑌵𑌿॒𑌨𑍍𑌦𑌤𑍇᳚ 𑌪𑍍𑌰॒𑌜𑌾-𑌮𑍈᳚𑌨𑍍𑌦𑍍𑌰𑌾॒𑌗𑍍𑌨-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌥𑍍𑌸𑍍𑌪𑌰𑍍𑌧॑𑌮𑌾𑌨𑌃॒, 𑌕𑍍𑌷𑍇𑌤𑍍𑌰𑍇॑ 𑌵𑌾 𑌸𑌜𑌾॒𑌤𑍇𑌷𑍁॑ 𑌵𑍇𑌨𑍍𑌦𑍍𑌰𑌾॒𑌗𑍍𑌨𑍀 𑌏॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌭𑍍𑌯𑌾॑𑌮𑍇॒𑌵𑍇𑌨𑍍𑌦𑍍𑌰𑌿॒𑌯𑌂 𑌵𑍀𑌁॒𑌰𑍍𑌯॑-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 𑌵𑍃𑌙𑍍𑌕𑍍𑌤𑍇॒ 𑌵𑌿 𑌪𑌾॒𑌪𑍍𑌮𑌨𑌾॒ 𑌭𑍍𑌰𑌾𑌤𑍃॑𑌵𑍍𑌯𑍇𑌣 𑌜𑌯॒𑌤𑍇-𑌽𑌪॒ 𑌵𑌾 𑌏॒𑌤𑌸𑍍𑌮𑌾॑𑌦𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌙𑍍𑌕𑍍𑌰𑌾𑌮𑌤𑌿॒ 𑌯-𑌸𑍍𑌸॑𑌗𑍍𑌰𑌾॒𑌮𑍍𑌮-𑌮𑍁॑𑌪𑌪𑍍𑌰॒𑌯𑌾𑌤𑍍𑌯𑍈᳚𑌨𑍍𑌦𑍍𑌰𑌾॒𑌗𑍍𑌨-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿- [-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌃, 𑌵॒𑌪𑍇॒-𑌥𑍍𑌸॒𑌙𑍍𑌗𑍍𑌰𑌾॒𑌮-] 2
-𑌰𑍍𑌵॑𑌪𑍇-𑌥𑍍𑌸𑌙𑍍𑌗𑍍𑌰𑌾॒𑌮-𑌮𑍁॑𑌪𑌪𑍍𑌰𑌯𑌾॒𑌸𑍍𑌯-𑌨𑍍𑌨𑌿॑𑌨𑍍𑌦𑍍𑌰𑌾॒𑌗𑍍𑌨𑍀 𑌏॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌿॑-𑌨𑍍𑌨𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌨𑍍𑌧𑌤𑍍𑌤-𑌸𑍍𑌸॒𑌹𑍇𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣𑍋𑌪॒ 𑌪𑍍𑌰 𑌯𑌾॑𑌤𑌿॒ 𑌜𑌯॑𑌤𑌿॒ 𑌤𑌗𑍍𑌮𑍍 𑌸॑𑌗𑍍𑌰𑌾॒𑌮𑍍𑌮𑌂-𑌵𑌿𑌁 𑌵𑌾 𑌏॒𑌷 𑌇॑𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣𑌰𑍍𑌧𑍍𑌯𑌤𑍇॒ 𑌯-𑌸𑍍𑌸॑𑌗𑍍𑌰𑌾॒𑌮𑍍𑌮-𑌞𑍍𑌜𑌯॑𑌤𑍍𑌯𑍈𑌨𑍍𑌦𑍍𑌰𑌾॒𑌗𑍍𑌨-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌥𑍍𑌸𑌙𑍍𑌗𑍍𑌰𑌾॒𑌮-𑌞𑍍𑌜𑌿॒𑌤𑍍𑌵𑍇𑌨𑍍𑌦𑍍𑌰𑌾॒𑌗𑍍𑌨𑍀 𑌏॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌿॑-𑌨𑍍𑌨𑌿𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌨𑍍- [𑌵𑍀॒𑌰𑍍𑌯᳚𑌮𑍍, 𑌧॒𑌤𑍍𑌤𑍋॒ 𑌨𑍇𑌨𑍍𑌦𑍍𑌰𑌿॒𑌯𑍇𑌣॑] 3
-𑌧𑌤𑍍𑌤𑍋॒ 𑌨𑍇𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣॒ 𑌵𑍍𑌯𑍃॑𑌦𑍍𑌧𑍍𑌯॒𑌤𑍇-𑌽𑌪॒ 𑌵𑌾 𑌏॒𑌤𑌸𑍍𑌮𑌾॑𑌦𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌙𑍍𑌕𑍍𑌰𑌾𑌮𑌤𑌿॒ 𑌯 𑌏𑌤𑌿॑ 𑌜॒𑌨𑌤𑌾॑𑌮𑍈𑌨𑍍𑌦𑍍𑌰𑌾॒𑌗𑍍𑌨-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌜𑍍𑌜॒𑌨𑌤𑌾॑𑌮𑍇॒𑌷𑍍𑌯-𑌨𑍍𑌨𑌿॑𑌨𑍍𑌦𑍍𑌰𑌾॒𑌗𑍍𑌨𑍀 𑌏॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌿॑-𑌨𑍍𑌨𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌨𑍍𑌧𑌤𑍍𑌤-𑌸𑍍𑌸॒𑌹𑍇𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣 𑌜॒𑌨𑌤𑌾॑𑌮𑍇𑌤𑌿 𑌪𑍌॒𑌷𑍍𑌣-𑌞𑍍𑌚॒𑌰𑍁𑌮𑌨𑍁॒ 𑌨𑌿𑌰𑍍𑌵॑𑌪𑍇-𑌤𑍍𑌪𑍂॒𑌷𑌾 𑌵𑌾 𑌇॑𑌨𑍍𑌦𑍍𑌰𑌿॒𑌯𑌸𑍍𑌯॑ 𑌵𑍀॒𑌰𑍍𑌯॑𑌸𑍍𑌯𑌾-𑌽𑌨𑍁𑌪𑍍𑌰𑌦𑌾॒𑌤𑌾 𑌪𑍂॒𑌷𑌣॑𑌮𑍇॒𑌵 [ ] 4
𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌾॑ 𑌇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌨𑍁॒ 𑌪𑍍𑌰𑌯॑𑌚𑍍𑌛𑌤𑌿 𑌕𑍍𑌷𑍈𑌤𑍍𑌰𑌪॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌜𑍍𑌜॒𑌨𑌤𑌾॑-𑌮𑌾॒𑌗𑌤𑍍𑌯𑍇॒𑌯𑌂-𑌵𑍈𑌁 𑌕𑍍𑌷𑍇𑌤𑍍𑌰॑𑌸𑍍𑌯॒ 𑌪𑌤𑌿॑𑌰॒𑌸𑍍𑌯𑌾𑌮𑍇॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑍍𑌯𑍈𑌨𑍍𑌦𑍍𑌰𑌾॒𑌗𑍍𑌨-𑌮𑍇𑌕𑌾॑𑌦𑌶𑌕𑌪𑌾𑌲-𑌮𑍁॒𑌪𑌰𑌿॑𑌷𑍍𑌟𑌾॒-𑌨𑍍𑌨𑌿𑌰𑍍𑌵॑𑌪𑍇𑌦॒𑌸𑍍𑌯𑌾𑌮𑍇॒𑌵 𑌪𑍍𑌰॑𑌤𑌿॒𑌷𑍍𑌠𑌾𑌯𑍇᳚𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌮𑍁॒𑌪𑌰𑌿॑𑌷𑍍𑌟𑌾-𑌦𑌾॒𑌤𑍍𑌮-𑌨𑍍𑌧॑𑌤𑍍𑌤𑍇 ॥ 5 ॥
(𑌪𑍍𑌰॒𑌜𑌾𑌕𑌾॑𑌮 𑌇𑌨𑍍𑌦𑍍𑌰𑌾॒𑌗𑍍𑌨𑍀 – 𑌉॑𑌪𑌪𑍍𑌰॒𑌯𑌾𑌤𑍍𑌯𑍈᳚𑌨𑍍𑌦𑍍𑌰𑌾॒𑌗𑍍𑌨𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿- 𑌰𑍍𑌵𑍀॒𑌰𑍍𑌯𑌂॑ – 𑌪𑍂॒𑌷𑌣॑𑌮𑍇॒ 𑌵𑍈 – 𑌕𑌾॒𑌨𑍍𑌨𑌚॑𑌤𑍍𑌵𑌾𑌰𑌿॒𑌗𑍍𑌮𑍍॒𑌶𑌚𑍍𑌚॑ ) (𑌅. 1)
𑌅॒𑌗𑍍𑌨𑌯𑍇॑ 𑌪𑌥𑌿॒𑌕𑍃𑌤𑍇॑ 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑍋 𑌦॑𑌰𑍍𑌶𑌪𑍂𑌰𑍍𑌣𑌮𑌾𑌸𑌯𑌾॒𑌜𑍀 𑌸𑌨𑍍𑌨॑𑌮𑌾𑌵𑌾॒𑌸𑍍𑌯𑌾𑌂᳚-𑌵𑌾𑌁 𑌪𑍌𑌰𑍍𑌣𑌮𑌾॒𑌸𑍀𑌂-𑌵𑌾𑌁॑-𑌽𑌤𑌿𑌪𑌾॒𑌦𑌯𑍇᳚-𑌤𑍍𑌪॒𑌥𑍋 𑌵𑌾 𑌏॒𑌷𑍋𑌦𑍍𑌧𑍍𑌯𑌪॑𑌥𑍇𑌨𑍈𑌤𑌿॒ 𑌯𑍋 𑌦॑𑌰𑍍𑌶𑌪𑍂𑌰𑍍𑌣𑌮𑌾𑌸𑌯𑌾॒𑌜𑍀 𑌸𑌨𑍍𑌨॑𑌮𑌾𑌵𑌾॒𑌸𑍍𑌯𑌾𑌂᳚-𑌵𑌾𑌁 𑌪𑍌𑌰𑍍𑌣𑌮𑌾॒𑌸𑍀𑌂-𑌵𑌾𑌁॑𑌤𑌿𑌪𑌾॒𑌦𑌯॑𑌤𑍍𑌯॒𑌗𑍍𑌨𑌿𑌮𑍇॒𑌵 𑌪॑𑌥𑌿॒𑌕𑍃𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒𑌮𑌪॑𑌥𑌾॒-𑌤𑍍𑌪𑌨𑍍𑌥𑌾॒𑌮𑌪𑌿॑ 𑌨𑌯𑌤𑍍𑌯𑌨॒𑌡𑍍𑌵𑌾-𑌨𑍍𑌦𑌕𑍍𑌷𑌿॑𑌣𑌾 𑌵॒𑌹𑍀 𑌹𑍍𑌯𑍇॑𑌷 𑌸𑌮𑍃॑𑌦𑍍𑌧𑍍𑌯𑌾 𑌅॒𑌗𑍍𑌨𑌯𑍇᳚ 𑌵𑍍𑌰॒𑌤𑌪॑𑌤𑌯𑍇 [𑌵𑍍𑌰॒𑌤𑌪॑𑌤𑌯𑍇, 𑌪𑍁॒𑌰𑍋॒𑌡𑌾𑌶॑-] 6
𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯 𑌆𑌹𑌿॑𑌤𑌾𑌗𑍍𑌨𑌿॒-𑌸𑍍𑌸𑌨𑍍𑌨॑𑌵𑍍𑌰॒𑌤𑍍𑌯𑌮𑌿॑𑌵॒ 𑌚𑌰𑍇॑𑌦॒𑌗𑍍𑌨𑌿𑌮𑍇॒𑌵 𑌵𑍍𑌰॒𑌤𑌪॑𑌤𑌿॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨𑌂॑-𑌵𑍍𑌰𑌁॒𑌤𑌮𑌾 𑌲॑𑌭𑌂𑌯𑌁𑌤𑌿॒ 𑌵𑍍𑌰𑌤𑍍𑌯𑍋॑ 𑌭𑌵𑌤𑍍𑌯॒𑌗𑍍𑌨𑌯𑍇॑ 𑌰𑌕𑍍𑌷𑍋॒𑌘𑍍𑌨𑍇 𑌪𑍁॑𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌗𑍍𑌮𑍍 𑌰𑌕𑍍𑌷𑌾𑌗𑍍𑌮𑍍॑𑌸𑌿॒ 𑌸𑌚𑍇॑𑌰𑌨𑍍𑌨॒𑌗𑍍𑌨𑌿𑌮𑍇॒𑌵 𑌰॑𑌕𑍍𑌷𑍋॒𑌹𑌣॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌾॒-𑌦𑍍𑌰𑌕𑍍𑌷𑌾॒𑌗𑍍॒𑌸𑍍𑌯𑌪॑ 𑌹𑌨𑍍𑌤𑌿॒ 𑌨𑌿𑌶𑌿॑𑌤𑌾𑌯𑌾॒-𑌨𑍍𑌨𑌿𑌰𑍍𑌵॑𑌪𑍇॒- [𑌨𑌿𑌰𑍍𑌵॑𑌪𑍇𑌤𑍍, 𑌨𑌿𑌶𑌿॑𑌤𑌾𑌯𑌾॒𑌗𑍍𑌮𑍍॒ 𑌹𑌿]
-𑌨𑍍𑌨𑌿𑌶𑌿॑𑌤𑌾𑌯𑌾॒𑌗𑍍𑌮𑍍॒ 𑌹𑌿 𑌰𑌕𑍍𑌷𑌾𑌗𑍍𑌮𑍍॑𑌸𑌿 𑌪𑍍𑌰𑍇॒𑌰𑌤𑍇॑ 𑌸॒𑌪𑍍𑌰𑍇𑌂𑌰𑍍𑌣𑌾᳚𑌨𑍍𑌯𑍇॒𑌵𑍈𑌨𑌾॑𑌨𑌿 𑌹𑌨𑍍𑌤𑌿॒ 𑌪𑌰𑌿॑𑌶𑍍𑌰𑌿𑌤𑍇 𑌯𑌾𑌜𑌯𑍇॒-𑌦𑍍𑌰𑌕𑍍𑌷॑𑌸𑌾॒-𑌮𑌨॑𑌨𑍍𑌵𑌵𑌚𑌾𑌰𑌾𑌯 𑌰𑌕𑍍𑌷𑍋॒𑌘𑍍𑌨𑍀 𑌯𑌾᳚𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤𑍋॒ 𑌰𑌕𑍍𑌷॑𑌸𑌾॒𑌗𑍍॒ 𑌸𑍍𑌤𑍃𑌤𑍍𑌯𑌾॑ 𑌅॒𑌗𑍍𑌨𑌯𑍇॑ 𑌰𑍁॒𑌦𑍍𑌰𑌵॑𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑌭𑌿॒𑌚𑌰॑-𑌨𑍍𑌨𑍇॒𑌷𑌾 𑌵𑌾 𑌅॑𑌸𑍍𑌯 𑌘𑍋॒𑌰𑌾 𑌤॒𑌨𑍂𑌰𑍍𑌯-𑌦𑍍𑌰𑍁॒𑌦𑍍𑌰𑌸𑍍𑌤𑌸𑍍𑌮𑌾॑ 𑌏॒𑌵𑍈𑌨॒𑌮𑌾𑌵𑍃॑𑌶𑍍𑌚𑌤𑌿 𑌤𑌾॒𑌜𑌗𑌾𑌰𑍍𑌤𑌿॒-𑌮𑌾𑌰𑍍𑌚𑍍𑌛॑𑌤𑍍𑌯॒𑌗𑍍𑌨𑌯𑍇॑ 𑌸𑍁𑌰𑌭𑌿॒𑌮𑌤𑍇॑ 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌸𑍍𑌯॒ 𑌗𑌾𑌵𑍋॑ 𑌵𑌾॒ 𑌪𑍁𑌰𑍁॑𑌷𑌾 [𑌵𑌾॒ 𑌪𑍁𑌰𑍁॑𑌷𑌾𑌃, 𑌵𑌾॒ 𑌪𑍍𑌰॒𑌮𑍀𑌯𑍇॑𑌰॒𑌨𑍍॒]
𑌵𑌾 𑌪𑍍𑌰॒𑌮𑍀𑌯𑍇॑𑌰॒𑌨𑍍॒ 𑌯𑍋 𑌵𑌾॑ 𑌬𑌿𑌭𑍀॒𑌯𑌾𑌦𑍇॒𑌷𑌾 𑌵𑌾 𑌅॑𑌸𑍍𑌯 𑌭𑍇𑌷॒𑌜𑍍𑌯𑌾॑ 𑌤॒𑌨𑍂𑌰𑍍𑌯-𑌥𑍍𑌸𑍁॑𑌰𑌭𑌿॒𑌮𑌤𑍀॒-𑌤𑌯𑍈॒𑌵𑌾-𑌽𑌸𑍍𑌮𑍈॑ 𑌭𑍇𑌷॒𑌜-𑌙𑍍𑌕॑𑌰𑍋𑌤𑌿 𑌸𑍁𑌰𑌭𑌿॒𑌮𑌤𑍇॑ 𑌭𑌵𑌤𑌿 𑌪𑍂𑌤𑍀𑌗॒𑌨𑍍𑌧𑌸𑍍𑌯𑌾-𑌽𑌪॑𑌹𑌤𑍍𑌯𑌾 𑌅॒𑌗𑍍𑌨𑌯𑍇॒ 𑌕𑍍𑌷𑌾𑌮॑𑌵𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌥𑍍𑌸𑌙𑍍𑌗𑍍𑌰𑌾॒𑌮𑍇 𑌸𑌂𑌯𑌁॑𑌤𑍍𑌤𑍇 𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑌗𑍍𑌮𑍍॑ 𑌶𑌮𑌯𑌿॒𑌤𑍍𑌵𑌾 𑌪𑌰𑌾॑𑌨॒𑌭𑌿 𑌨𑌿𑌰𑍍𑌦𑌿॑𑌶𑌤𑌿॒ 𑌯𑌮𑌵॑𑌰𑍇𑌷𑌾𑌂॒-𑌵𑌿𑌁𑌦𑍍𑌧𑍍𑌯॑𑌨𑍍𑌤𑌿॒ 𑌜𑍀𑌵॑𑌤𑌿॒ 𑌸 𑌯-𑌮𑍍𑌪𑌰𑍇॑𑌷𑌾॒-𑌮𑍍𑌪𑍍𑌰 𑌸 𑌮𑍀॑𑌯𑌤𑍇॒ 𑌜𑌯॑𑌤𑌿॒ 𑌤𑌗𑍍𑌮𑍍 𑌸॑𑌙𑍍𑌗𑍍𑌰𑌾॒𑌮- [𑌤𑌗𑍍𑌮𑍍 𑌸॑𑌙𑍍𑌗𑍍𑌰𑌾॒𑌮𑌮𑍍, 𑌅॒𑌭𑌿 𑌵𑌾 𑌏॒𑌷]
-𑌮॒𑌭𑌿 𑌵𑌾 𑌏॒𑌷 𑌏॒𑌤𑌾𑌨𑍁॑𑌚𑍍𑌯𑌤𑌿॒ 𑌯𑍇𑌷𑌾᳚-𑌮𑍍𑌪𑍂𑌰𑍍𑌵𑌾𑌪॒𑌰𑌾 𑌅॒𑌨𑍍𑌵𑌞𑍍𑌚𑌃॑ 𑌪𑍍𑌰॒𑌮𑍀𑌯॑𑌨𑍍𑌤𑍇 𑌪𑍁𑌰𑍁𑌷𑌾𑌹𑍁॒𑌤𑌿𑌰𑍍-𑌹𑍍𑌯॑𑌸𑍍𑌯 𑌪𑍍𑌰𑌿॒𑌯𑌤॑𑌮𑌾॒-𑌽𑌗𑍍𑌨𑌯𑍇॒ 𑌕𑍍𑌷𑌾𑌮॑𑌵𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑌗𑍍𑌮𑍍॑ 𑌶𑌮𑌯𑌤𑌿॒ 𑌨𑍈𑌷𑌾᳚-𑌮𑍍𑌪𑍁॒𑌰𑌾-𑌽𑌽𑌯𑍁॒𑌷𑍋-𑌽𑌪॑𑌰𑌃॒ 𑌪𑍍𑌰𑌮𑍀॑𑌯𑌤𑍇॒-𑌽𑌭𑌿 𑌵𑌾 𑌏॒𑌷 𑌏॒𑌤𑌸𑍍𑌯॑ 𑌗𑍃॒𑌹𑌾𑌨𑍁॑𑌚𑍍𑌯𑌤𑌿॒ 𑌯𑌸𑍍𑌯॑ 𑌗𑍃॒𑌹𑌾-𑌨𑍍𑌦𑌹॑𑌤𑍍𑌯॒𑌗𑍍𑌨𑌯𑍇॒ 𑌕𑍍𑌷𑌾𑌮॑𑌵𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑌗𑍍𑌮𑍍॑ 𑌶𑌮𑌯𑌤𑌿॒ 𑌨𑌾-𑌽𑌸𑍍𑌯𑌾𑌪॑𑌰-𑌙𑍍𑌗𑍃॒𑌹𑌾-𑌨𑍍𑌦॑𑌹𑌤𑌿 ॥ 10 ॥
(𑌵𑍍𑌰॒𑌤𑌪॑𑌤𑌯𑍇॒ – 𑌨𑌿𑌶𑌿॑𑌤𑌾𑌯𑌾॒-𑌨𑍍𑌨𑌿𑌰𑍍𑌵॑𑌪𑍇॒𑌤𑍍 – 𑌪𑍁𑌰𑍁॑𑌷𑌾𑌃 – 𑌸𑌙𑍍𑌗𑍍𑌰𑌾॒𑌮𑌂 – 𑌨 – 𑌚॒𑌤𑍍𑌵𑌾𑌰𑌿॑ 𑌚) (𑌅. 2)
𑌅॒𑌗𑍍𑌨𑌯𑍇॒ 𑌕𑌾𑌮𑌾॑𑌯 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯-𑌙𑍍𑌕𑌾𑌮𑍋॒ 𑌨𑍋𑌪॒𑌨𑌮𑍇॑-𑌦॒𑌗𑍍𑌨𑌿𑌮𑍇॒𑌵 𑌕𑌾𑌮॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒-𑌙𑍍𑌕𑌾𑌮𑍇॑𑌨॒ 𑌸𑌮॑𑌰𑍍𑌧𑌯॒𑌤𑍍𑌯𑍁𑌪𑍈॑𑌨॒-𑌙𑍍𑌕𑌾𑌮𑍋॑ 𑌨𑌮𑌤𑍍𑌯॒𑌗𑍍𑌨𑌯𑍇॒ 𑌯 𑌵𑌿॑𑌷𑍍𑌠𑌾𑌯 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌥𑍍𑌸𑍍𑌪𑌰𑍍𑌧॑𑌮𑌾𑌨𑌃॒, 𑌕𑍍𑌷𑍇𑌤𑍍𑌰𑍇॑ 𑌵𑌾 𑌸𑌜𑌾॒𑌤𑍇𑌷𑍁॑ 𑌵𑌾॒-𑌽𑌗𑍍𑌨𑌿𑌮𑍇॒𑌵 𑌯𑌵𑌿॑𑌷𑍍𑌠॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑍇𑌨𑍈॒𑌵𑍇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 [𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯, 𑌯𑍁॒𑌵॒𑌤𑍇॒ 𑌵𑌿𑌪𑌾॒𑌪𑍍𑌮𑌨𑌾॒] 11
𑌯𑍁𑌵𑌤𑍇॒ 𑌵𑌿𑌪𑌾॒𑌪𑍍𑌮𑌨𑌾॒ 𑌭𑍍𑌰𑌾𑌤𑍃॑𑌵𑍍𑌯𑍇𑌣 𑌜𑌯𑌤𑍇॒-𑌽𑌗𑍍𑌨𑌯𑍇॒ 𑌯𑌵𑌿॑𑌷𑍍𑌠𑌾𑌯 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑌭𑌿𑌚॒𑌰𑍍𑌯𑌮𑌾॑𑌣𑍋॒ 𑌽𑌗𑍍𑌨𑌿𑌮𑍇॒𑌵 𑌯𑌵𑌿॑𑌷𑍍𑌠॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌾॒-𑌦𑍍𑌰𑌕𑍍𑌷𑌾𑌗𑍍𑌮𑍍॑𑌸𑌿 𑌯𑌵𑌯𑌤𑌿॒ 𑌨𑍈𑌨॑-𑌮𑌭𑌿॒𑌚𑌰𑌨𑍍᳚-𑌥𑍍𑌸𑍍𑌤𑍃𑌣𑍁𑌤𑍇॒-𑌽𑌗𑍍𑌨𑌯॒ 𑌆𑌯𑍁॑𑌷𑍍𑌮𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤॒ 𑌸𑌰𑍍𑌵॒-𑌮𑌾𑌯𑍁॑-𑌰𑌿𑌯𑌾॒-𑌮𑌿𑌤𑍍𑌯॒𑌗𑍍𑌨𑌿- 𑌮𑍇॒𑌵𑌾-𑌽𑌽𑌯𑍁॑𑌷𑍍𑌮𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾-𑌽𑌸𑍍𑌮𑌿॒- [𑌏॒𑌵𑌾-𑌽𑌸𑍍𑌮𑌿𑌨𑍍𑌨𑍍॑, 𑌆𑌯𑍁॑𑌰𑍍𑌦𑌧𑌾𑌤𑌿॒] 12
-𑌨𑍍𑌨𑌾𑌯𑍁॑𑌰𑍍𑌦𑌧𑌾𑌤𑌿॒ 𑌸𑌰𑍍𑌵॒𑌮𑌾𑌯𑍁॑-𑌰𑍇𑌤𑍍𑌯॒𑌗𑍍𑌨𑌯𑍇॑ 𑌜𑌾॒𑌤𑌵𑍇॑𑌦𑌸𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌭𑍂𑌤𑌿॑𑌕𑌾𑌮𑍋॒-𑌽𑌗𑍍𑌨𑌿𑌮𑍇॒𑌵 𑌜𑌾॒𑌤𑌵𑍇॑𑌦𑌸॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒-𑌮𑍍𑌭𑍂𑌤𑌿॑-𑌙𑍍𑌗𑌮𑌯𑌤𑌿॒ 𑌭𑌵॑𑌤𑍍𑌯𑍇॒𑌵𑌾𑌗𑍍𑌨𑌯𑍇॒ 𑌰𑍁𑌕𑍍𑌮॑𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌰𑍁𑌕𑍍𑌕𑌾॑𑌮𑍋॒-𑌽𑌗𑍍𑌨𑌿𑌮𑍇॒𑌵 𑌰𑍁𑌕𑍍𑌮॑𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॒-𑌨𑍍𑌰𑍁𑌚॑-𑌨𑍍𑌦𑌧𑌾𑌤𑌿॒-𑌰𑍋𑌚॑𑌤 𑌏॒𑌵𑌾𑌗𑍍𑌨𑌯𑍇॒ 𑌤𑍇𑌜॑𑌸𑍍𑌵𑌤𑍇 𑌪𑍁𑌰𑍋॒𑌡𑌾𑌶॑- [𑌪𑍁𑌰𑍋॒𑌡𑌾𑌶᳚𑌮𑍍, 𑌅॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌤𑍍] 13
-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌤𑍍𑌤𑍇𑌜॑𑌸𑍍𑌕𑌾𑌮𑍋॒-𑌽𑌗𑍍𑌨𑌿𑌮𑍇॒𑌵 𑌤𑍇𑌜॑𑌸𑍍𑌵𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॒-𑌨𑍍𑌤𑍇𑌜𑍋॑ 𑌦𑌧𑌾𑌤𑌿 𑌤𑍇𑌜॒𑌸𑍍𑌵𑍍𑌯𑍇॑𑌵 𑌭॑𑌵𑌤𑍍𑌯॒𑌗𑍍𑌨𑌯𑍇॑ 𑌸𑌾𑌹॒𑌨𑍍𑌤𑍍𑌯𑌾𑌯॑ 𑌪𑍁𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌥𑍍𑌸𑍀𑌕𑍍𑌷॑𑌮𑌾𑌣𑍋॒ 𑌽𑌗𑍍𑌨𑌿𑌮𑍇॒𑌵 𑌸𑌾॑𑌹॒𑌨𑍍𑌤𑍍𑌯𑌗𑍍𑌗𑍍 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑍇𑌨𑍈॒𑌵 𑌸॑𑌹𑌤𑍇॒ 𑌯𑌗𑍍𑌮𑍍 𑌸𑍀𑌕𑍍𑌷॑𑌤𑍇 ॥ 14 ॥
(𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯𑌾 -𑌸𑍍𑌮𑌿॒𑌨𑍍 – 𑌤𑍇𑌜॑𑌸𑍍𑌵𑌤𑍇 𑌪𑍁𑌰𑍋॒𑌡𑌶॑ – 𑌮॒𑌷𑍍𑌟𑌾𑌤𑍍𑌰𑌿𑌗𑍍𑌮𑍍॑𑌶𑌚𑍍𑌚) (𑌅. 3)
𑌅॒𑌗𑍍𑌨𑌯𑍇-𑌽𑌨𑍍𑌨॑𑌵𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॒𑌤𑌾-𑌽𑌨𑍍𑌨॑𑌵𑌾𑌨𑍍-𑌥𑍍𑌸𑍍𑌯𑌾॒𑌮𑌿𑌤𑍍𑌯॒𑌗𑍍𑌨𑌿-𑌮𑍇॒𑌵𑌾-𑌨𑍍𑌨॑𑌵𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒𑌮𑌨𑍍𑌨॑𑌵𑌨𑍍𑌤-𑌙𑍍𑌕𑌰𑍋॒𑌤𑍍𑌯𑌨𑍍𑌨॑𑌵𑌾𑌨𑍇॒𑌵 𑌭॑𑌵𑌤𑍍𑌯॒𑌗𑍍𑌨𑌯𑍇᳚-𑌽𑌨𑍍𑌨𑌾॒𑌦𑌾𑌯॑ 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤𑌾-𑌽𑌨𑍍𑌨𑌾॒𑌦-𑌸𑍍𑌸𑍍𑌯𑌾॒𑌮𑌿𑌤𑍍𑌯॒𑌗𑍍𑌨𑌿-𑌮𑍇॒𑌵𑌾𑌨𑍍𑌨𑌾॒𑌦𑌗𑍍𑌗𑍍 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॑-𑌮𑌨𑍍𑌨𑌾॒𑌦-𑌙𑍍𑌕॑𑌰𑍋𑌤𑍍𑌯𑌨𑍍𑌨𑌾॒𑌦 – [-𑌕॑𑌰𑍋𑌤𑍍𑌯𑌨𑍍𑌨𑌾॒𑌦𑌃, 𑌏॒𑌵 𑌭॑𑌵𑌤𑍍𑌯॒𑌗𑍍𑌨𑌯𑍇-𑌽𑌨𑍍𑌨॑𑌪𑌤𑌯𑍇] 15
𑌏॒𑌵 𑌭॑𑌵𑌤𑍍𑌯॒𑌗𑍍𑌨𑌯𑍇-𑌽𑌨𑍍𑌨॑𑌪𑌤𑌯𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃-𑌕𑌾॒𑌮𑌯𑍇॒𑌤𑌾-𑌽𑌨𑍍𑌨॑𑌪𑌤𑌿-𑌸𑍍𑌸𑍍𑌯𑌾॒-𑌮𑌿𑌤𑍍𑌯॒𑌗𑍍𑌨𑌿-𑌮𑍇॒𑌵𑌾-𑌽𑌨𑍍𑌨॑𑌪𑌤𑌿॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒-𑌮𑌨𑍍𑌨॑𑌪𑌤𑌿-𑌙𑍍𑌕𑌰𑍋॒𑌤𑍍𑌯𑌨𑍍𑌨॑𑌪𑌤𑌿-𑌰𑍇॒𑌵 𑌭॑𑌵𑌤𑍍𑌯॒𑌗𑍍𑌨𑌯𑍇॒ 𑌪𑌵॑𑌮𑌾𑌨𑌾𑌯 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇𑌦॒𑌗𑍍𑌨𑌯𑍇॑ 𑌪𑌾𑌵॒𑌕𑌾𑌯𑌾॒𑌗𑍍𑌨𑌯𑍇॒ 𑌶𑍁𑌚॑𑌯𑍇॒ 𑌜𑍍𑌯𑍋𑌗𑌾॑𑌮𑌯𑌾𑌵𑍀॒ 𑌯𑌦॒𑌗𑍍𑌨𑌯𑍇॒ 𑌪𑌵॑𑌮𑌾𑌨𑌾𑌯 𑌨𑌿॒𑌰𑍍𑌵𑌪॑𑌤𑌿 𑌪𑍍𑌰𑌾॒𑌣-𑌮𑍇॒𑌵𑌾-𑌽𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾𑌤𑌿॒ 𑌯𑌦॒𑌗𑍍𑌨𑌯𑍇॑ – [𑌯𑌦॒𑌗𑍍𑌨𑌯𑍇᳚, 𑌪𑌾॒𑌵॒𑌕𑌾𑌯॒ 𑌵𑌾𑌚॑-] 16
𑌪𑌾𑌵॒𑌕𑌾𑌯॒ 𑌵𑌾𑌚॑-𑌮𑍇॒𑌵𑌾-𑌽𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾𑌤𑌿॒ 𑌯𑌦॒𑌗𑍍𑌨𑌯𑍇॒ 𑌶𑍁𑌚॑𑌯॒ 𑌆𑌯𑍁॑-𑌰𑍇॒𑌵𑌾-𑌽𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾𑌤𑍍𑌯𑍁॒𑌤 𑌯𑌦𑍀॒𑌤𑌾𑌸𑍁॒-𑌰𑍍𑌭𑌵॑𑌤𑌿॒ 𑌜𑍀𑌵॑𑌤𑍍𑌯𑍇॒𑌵𑍈𑌤𑌾-𑌮𑍇॒𑌵 𑌨𑌿𑌰𑍍𑌵॑𑌪𑍇॒-𑌚𑍍𑌚𑌕𑍍𑌷𑍁॑𑌷𑍍𑌕𑌾𑌮𑍋॒ 𑌯𑌦॒𑌗𑍍𑌨𑌯𑍇॒ 𑌪𑌵॑𑌮𑌾𑌨𑌾𑌯 𑌨𑌿॒𑌰𑍍𑌵𑌪॑𑌤𑌿 𑌪𑍍𑌰𑌾॒𑌣-𑌮𑍇॒𑌵𑌾-𑌽𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾𑌤𑌿॒ 𑌯𑌦॒𑌗𑍍𑌨𑌯𑍇॑ 𑌪𑌾𑌵॒𑌕𑌾𑌯॒ 𑌵𑌾𑌚॑-𑌮𑍇॒𑌵𑌾𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾𑌤𑌿॒ 𑌯𑌦॒𑌗𑍍𑌨𑌯𑍇॒ 𑌶𑍁𑌚॑𑌯𑍇॒ 𑌚𑌕𑍍𑌷𑍁॑-𑌰𑍇॒𑌵𑌾𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾- [𑌚𑌕𑍍𑌷𑍁॑𑌰𑍇॒𑌵𑌾𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾𑌤𑌿, 𑌉॒𑌤 𑌯𑌦𑍍𑌯॒𑌨𑍍𑌧𑍋] 1
-𑌤𑍍𑌯𑍁॒𑌤 𑌯𑌦𑍍𑌯॒𑌨𑍍𑌧𑍋 𑌭𑌵॑𑌤𑌿॒ 𑌪𑍍𑌰𑍈𑌵 𑌪॑𑌶𑍍𑌯𑌤𑍍𑌯॒𑌗𑍍𑌨𑌯𑍇॑ 𑌪𑍁॒𑌤𑍍𑌰𑌵॑𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑌿𑌨𑍍𑌦𑍍𑌰𑌾॑𑌯 𑌪𑍁॒𑌤𑍍𑌰𑌿𑌣𑍇॑ 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲-𑌮𑍍𑌪𑍍𑌰॒𑌜𑌾𑌕𑌾॑𑌮𑍋॒-𑌽𑌗𑍍𑌨𑌿-𑌰𑍇॒𑌵𑌾-𑌽𑌸𑍍𑌮𑍈᳚ 𑌪𑍍𑌰॒𑌜𑌾-𑌮𑍍𑌪𑍍𑌰॑𑌜॒𑌨𑌯॑𑌤𑌿 𑌵𑍃॒𑌦𑍍𑌧𑌾-𑌮𑌿𑌨𑍍𑌦𑍍𑌰𑌃॒ 𑌪𑍍𑌰 𑌯॑𑌚𑍍𑌛𑌤𑍍𑌯॒𑌗𑍍𑌨𑌯𑍇॒ 𑌰𑌸॑𑌵𑌤𑍇-𑌽𑌜𑌕𑍍𑌷𑍀॒𑌰𑍇 𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤॒ 𑌰𑌸॑𑌵𑌾𑌨𑍍-𑌥𑍍𑌸𑍍𑌯𑌾॒-𑌮𑌿𑌤𑍍𑌯॒𑌗𑍍𑌨𑌿-𑌮𑍇॒𑌵 𑌰𑌸॑𑌵𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒𑌗𑍍𑌮𑍍॒ 𑌰𑌸॑𑌵𑌨𑍍𑌤-𑌙𑍍𑌕𑌰𑍋𑌤𑌿॒ [𑌰𑌸॑𑌵𑌨𑍍𑌤-𑌙𑍍𑌕𑌰𑍋𑌤𑌿, 𑌰𑌸॑𑌵𑌾𑌨𑍇॒𑌵] 1
𑌰𑌸॑𑌵𑌾𑌨𑍇॒𑌵 𑌭॑𑌵𑌤𑍍𑌯𑌜𑌕𑍍𑌷𑍀॒𑌰𑍇 𑌭॑𑌵𑌤𑍍𑌯𑌾𑌗𑍍𑌨𑍇॒𑌯𑍀 𑌵𑌾 𑌏॒𑌷𑌾 𑌯𑌦॒𑌜𑌾 𑌸𑌾॒𑌕𑍍𑌷𑌾𑌦𑍇॒𑌵 𑌰𑌸॒𑌮𑌵॑ 𑌰𑍁𑌨𑍍𑌧𑍇॒-𑌽𑌗𑍍𑌨𑌯𑍇॒ 𑌵𑌸𑍁॑𑌮𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤॒ 𑌵𑌸𑍁॑𑌮𑌾𑌨𑍍-𑌥𑍍𑌸𑍍𑌯𑌾॒𑌮𑌿𑌤𑍍𑌯॒𑌗𑍍𑌨𑌿-𑌮𑍇॒𑌵 𑌵𑌸𑍁॑𑌮𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨𑌂॒-𑌵𑌁𑌸𑍁॑𑌮𑌨𑍍𑌤-𑌙𑍍𑌕𑌰𑍋𑌤𑌿॒ 𑌵𑌸𑍁॑𑌮𑌾𑌨𑍇॒𑌵 𑌭॑𑌵𑌤𑍍𑌯॒𑌗𑍍𑌨𑌯𑍇॑ 𑌵𑌾𑌜॒𑌸𑍃𑌤𑍇॑ 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌵॑𑌰𑍍𑌪𑍇-𑌥𑍍𑌸𑌙𑍍𑌗𑍍𑌰𑌾॒𑌮𑍇 𑌸𑌂-𑌯𑌁॑𑌤𑍍𑌤𑍇॒ 𑌵𑌾𑌜𑌂॒- [𑌸𑌂-𑌯𑌁॑𑌤𑍍𑌤𑍇॒ 𑌵𑌾𑌜᳚𑌮𑍍, 𑌵𑌾 𑌏॒𑌷 𑌸𑌿॑𑌸𑍀𑌰𑍍𑌷𑌤𑌿॒] 1
-𑌵𑌾𑌁 𑌏॒𑌷 𑌸𑌿॑𑌸𑍀𑌰𑍍𑌷𑌤𑌿॒ 𑌯-𑌸𑍍𑌸॑𑌗𑍍𑌰𑌾॒𑌮𑍍𑌮-𑌞𑍍𑌜𑌿𑌗𑍀॑𑌷𑌤𑍍𑌯॒𑌗𑍍𑌨𑌿𑌃 𑌖𑌲𑍁॒ 𑌵𑍈 𑌦𑍇॒𑌵𑌾𑌨𑌾𑌂᳚-𑌵𑌾𑌁𑌜॒𑌸𑍃-𑌦॒𑌗𑍍𑌨𑌿-𑌮𑍇॒𑌵 𑌵𑌾॑𑌜॒𑌸𑍃𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌧𑌾𑌵॑𑌤𑌿॒ 𑌵𑌾𑌜॒𑌗𑍍𑌮𑍍॒ 𑌹𑌨𑍍𑌤𑌿॑ 𑌵𑍃॒𑌤𑍍𑌰-𑌞𑍍𑌜𑌯॑𑌤𑌿॒ 𑌤𑌗𑍍𑌮𑍍 𑌸॑𑌗𑍍𑌰𑌾॒𑌮𑍍𑌮-𑌮𑌥𑍋॑ 𑌅॒𑌗𑍍𑌨𑌿𑌰𑌿॑𑌵॒ 𑌨 𑌪𑍍𑌰॑𑌤𑌿॒𑌧𑍃𑌷𑍇॑ 𑌭𑌵𑌤𑍍𑌯॒𑌗𑍍𑌨𑌯𑍇᳚-𑌽𑌗𑍍𑌨𑌿॒𑌵𑌤𑍇॑ 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌯𑌸𑍍𑌯𑌾॒𑌗𑍍𑌨𑌾- 𑌵॒𑌗𑍍𑌨𑌿- 𑌮॑𑌭𑍍𑌯𑍁॒𑌦𑍍𑌧𑌰𑍇॑𑌯𑍁॒-𑌰𑍍𑌨𑌿𑌰𑍍𑌦𑌿॑𑌷𑍍𑌟𑌭𑌾𑌗𑍋॒ 𑌵𑌾 𑌏॒𑌤𑌯𑍋॑-𑌰॒𑌨𑍍𑌯𑍋-𑌽𑌨𑌿॑𑌰𑍍𑌦𑌿𑌷𑍍𑌟𑌭𑌾𑌗𑍋॒-𑌽𑌨𑍍𑌯𑌸𑍍𑌤𑍌 𑌸॒𑌭𑌂𑌵𑌁॑𑌨𑍍𑌤𑍌॒ 𑌯𑌜॑𑌮𑌾𑌨- [𑌯𑌜॑𑌮𑌾𑌨𑌮𑍍, 𑌅॒𑌭𑌿] 20
-𑌮॒𑌭𑌿 𑌸-𑌮𑍍𑌭॑𑌵𑌤॒-𑌸𑍍𑌸 𑌈᳚𑌶𑍍𑌵॒𑌰 𑌆𑌰𑍍𑌤𑌿॒-𑌮𑌾𑌰𑍍𑌤𑍋॒-𑌰𑍍𑌯-𑌦॒𑌗𑍍𑌨𑌯𑍇᳚-𑌽𑌗𑍍𑌨𑌿॒𑌵𑌤𑍇॑ 𑌨𑌿॒𑌰𑍍𑌵𑌪॑𑌤𑌿 𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑍌॑ 𑌶𑌮𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯𑌜॑𑌮𑌾𑌨𑍋॒-𑌽𑌗𑍍𑌨𑌯𑍇॒ 𑌜𑍍𑌯𑍋𑌤𑌿॑𑌷𑍍𑌮𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌯𑌸𑍍𑌯𑌾॒-𑌗𑍍𑌨𑌿𑌰𑍁𑌦𑍍𑌧𑍃॒𑌤𑍋-𑌽𑌹𑍁॑𑌤𑍇-𑌽𑌗𑍍𑌨𑌿𑌹𑍋॒𑌤𑍍𑌰 𑌉॒𑌦𑍍𑌵𑌾𑌯𑍇॒𑌦𑌪॑𑌰 𑌆॒𑌦𑍀𑌪𑍍𑌯𑌾॑-𑌽𑌨𑍂॒𑌦𑍍𑌧𑍃𑌤𑍍𑌯॒ 𑌇𑌤𑍍𑌯𑌾॑𑌹𑍁॒𑌸𑍍𑌤-𑌤𑍍𑌤𑌥𑌾॒ 𑌨 𑌕𑌾॒𑌰𑍍𑌯𑌂॑-𑌯𑌁-𑌦𑍍𑌭𑌾॑𑌗॒𑌧𑍇𑌯॑𑌮॒𑌭𑌿 𑌪𑍂𑌰𑍍𑌵॑ 𑌉𑌦𑍍𑌧𑍍𑌰𑌿॒𑌯𑌤𑍇॒ 𑌕𑌿𑌮𑌪॑𑌰𑍋॒-𑌽𑌭𑍍𑌯𑍁- [𑌕𑌿𑌮𑌪॑𑌰𑍋॒-𑌽𑌭𑍍𑌯𑍁𑌤𑍍, 𑌹𑍍𑌰𑌿॒𑌯𑍇॒𑌤𑍇𑌤𑌿॒ 𑌤𑌾𑌨𑍍𑌯𑍇॒𑌵𑌾] 21
-𑌦𑍍𑌧𑍍𑌰𑌿॑𑌯𑍇॒𑌤𑍇𑌤𑌿॒ 𑌤𑌾𑌨𑍍𑌯𑍇॒𑌵𑌾 𑌵॒𑌕𑍍𑌷𑌾𑌣𑌾॑𑌨𑌿 𑌸𑌨𑍍𑌨𑌿॒𑌧𑌾𑌯॑ 𑌮𑌨𑍍𑌥𑍇𑌦𑌿॒𑌤𑌃 𑌪𑍍𑌰॑𑌥॒𑌮-𑌞𑍍𑌜॑𑌜𑍍𑌞𑍇 𑌅॒𑌗𑍍𑌨𑌿-𑌸𑍍𑌸𑍍𑌵𑌾𑌦𑍍𑌯𑍋𑌨𑍇॒𑌰𑌧𑌿॑ 𑌜𑌾॒𑌤𑌵𑍇॑𑌦𑌾𑌃 । 𑌸 𑌗𑌾॑𑌯𑌤𑍍𑌰𑌿॒𑌯𑌾 𑌤𑍍𑌰𑌿॒𑌷𑍍𑌟𑍁𑌭𑌾॒ 𑌜𑌗॑𑌤𑍍𑌯𑌾 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌂-𑌵𑌁॑𑌹𑌤𑍁 𑌪𑍍𑌰𑌜𑌾॒𑌨𑌨𑍍𑌨𑌿𑌤𑌿॒ 𑌛𑌨𑍍𑌦𑍋॑𑌭𑌿-𑌰𑍇॒𑌵𑍈𑌨॒𑌗𑍍𑌗𑍍॒ 𑌸𑍍𑌵𑌾𑌦𑍍𑌯𑍋𑌨𑍇𑌃॒ 𑌪𑍍𑌰𑌜॑𑌨𑌯𑌤𑍍𑌯𑍇॒𑌷 𑌵𑌾 𑌵 𑌸𑍋᳚-𑌽𑌗𑍍𑌨𑌿𑌰𑌿𑌤𑍍𑌯𑌾॑𑌹𑍁॒ 𑌰𑍍𑌜𑍍𑌯𑍋𑌤𑌿॒𑌸𑍍𑌤𑍍𑌵𑌾 𑌅॑𑌸𑍍𑌯॒ 𑌪𑌰𑌾॑𑌪𑌤𑌿𑌤॒-𑌮𑌿𑌤𑌿॒ 𑌯𑌦॒𑌗𑍍𑌨𑌯𑍇॒ 𑌜𑍍𑌯𑍋𑌤𑌿॑𑌷𑍍𑌮𑌤𑍇 𑌨𑌿॒𑌰𑍍𑌵𑌪॑𑌤𑌿॒ 𑌯𑌦𑍇॒𑌵𑌾𑌸𑍍𑌯॒ 𑌜𑍍𑌯𑍋𑌤𑌿𑌃॒ 𑌪𑌰𑌾॑𑌪𑌤𑌿𑌤॒-𑌨𑍍𑌤𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇 ॥ 22 ॥
(𑌕॒𑌰𑍋॒𑌤𑍍𑌯॒𑌨𑍍𑌨𑌾॒𑌦𑍋 – 𑌦॑𑌧𑌾𑌤𑌿॒ 𑌯𑌦॒𑌗𑍍𑌨𑌯𑍇॒ – 𑌶𑍁𑌚॑𑌯𑍇॒ 𑌚𑌕𑍍𑌷𑍁॑𑌰𑍇॒𑌵𑌾𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾𑌤𑌿 -𑌕𑌰𑍋𑌤𑌿॒ – 𑌵𑌾𑌜𑌂॒ -𑌯𑌁𑌜॑𑌮𑌾𑌨॒ – 𑌮𑍁 – 𑌦𑍇॒𑌵𑌾𑌸𑍍𑌯॒ – 𑌷𑌟𑍍𑌚॑) (𑌅. 4)
𑌵𑍈॒𑌶𑍍𑌵𑌾॒𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌵𑌾𑌰𑍁॒𑌣-𑌞𑍍𑌚॒𑌰𑍁-𑌨𑍍𑌦॑𑌧𑌿॒𑌕𑍍𑌰𑌾𑌵𑍍𑌣𑍍𑌣𑍇॑ 𑌚॒𑌰𑍁𑌮॑𑌭𑌿𑌶॒𑌸𑍍𑌯𑌮𑌾॑𑌨𑍋॒ 𑌯-𑌦𑍍𑌵𑍈᳚𑌶𑍍𑌵𑌾𑌨॒𑌰𑍋 𑌦𑍍𑌵𑌾𑌦॑𑌶𑌕𑌪𑌾𑌲𑍋॒ 𑌭𑌵॑𑌤𑌿 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿 𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍇𑌣𑍈॒𑌵𑍈𑌨𑌗𑍍𑌗𑍍॑ 𑌸𑍍𑌵𑌦𑌯॒𑌤𑍍𑌯𑌪॑ 𑌪𑌾॒𑌪𑌂-𑌵𑌁𑌰𑍍𑌣𑌗𑍍𑌮𑍍॑ 𑌹𑌤𑍇 𑌵𑌾𑌰𑍁॒𑌣𑍇𑌨𑍈॒𑌵𑍈𑌨𑌂॑-𑌵𑌁𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 𑌦𑌧𑌿॒𑌕𑍍𑌰𑌾𑌵𑍍𑌣𑍍𑌣𑌾॑ 𑌪𑍁𑌨𑌾𑌤𑌿॒ 𑌹𑌿𑌰॑𑌣𑍍𑌯॒-𑌨𑍍𑌦𑌕𑍍𑌷𑌿॑𑌣𑌾 𑌪॒𑌵𑌿𑌤𑍍𑌰𑌂॒-𑌵𑍈𑌁 𑌹𑌿𑌰॑𑌣𑍍𑌯-𑌮𑍍𑌪𑍁॒𑌨𑌾𑌤𑍍𑌯𑍇॒𑌵𑍈𑌨॑-𑌮𑌾॒𑌦𑍍𑌯॑-𑌮॒𑌸𑍍𑌯𑌾-𑌽𑌨𑍍𑌨॑-𑌮𑍍𑌭𑌵𑌤𑍍𑌯𑍇॒𑌤𑌾𑌮𑍇॒𑌵 𑌨𑌿𑌰𑍍𑌵॑𑌪𑍇-𑌤𑍍𑌪𑍍𑌰॒𑌜𑌾𑌕𑌾॑𑌮-𑌸𑍍𑌸𑌂𑌵𑌁𑌥𑍍𑌸॒𑌰𑍋 [𑌸𑌂𑌵𑌁𑌥𑍍𑌸॒𑌰𑌃, 𑌵𑌾] 23
𑌵𑌾 𑌏॒𑌤𑌸𑍍𑌯𑌾-𑌽𑌶𑌾᳚𑌨𑍍𑌤𑍋॒ 𑌯𑍋𑌨𑌿॑-𑌮𑍍𑌪𑍍𑌰॒𑌜𑌾𑌯𑍈॑ 𑌪𑌶𑍂॒𑌨𑌾-𑌨𑍍𑌨𑌿𑌰𑍍𑌦॑𑌹𑌤𑌿॒ 𑌯𑍋-𑌽𑌲॑-𑌮𑍍𑌪𑍍𑌰॒𑌜𑌾𑌯𑍈॒ 𑌸-𑌨𑍍𑌪𑍍𑌰॒𑌜𑌾-𑌨𑍍𑌨 𑌵𑌿॒𑌨𑍍𑌦𑌤𑍇॒ 𑌯-𑌦𑍍𑌵𑍈᳚𑌶𑍍𑌵𑌾𑌨॒𑌰𑍋 𑌦𑍍𑌵𑌾𑌦॑𑌶𑌕𑌪𑌾𑌲𑍋॒ 𑌭𑌵॑𑌤𑌿 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿 𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑌮𑍇॒𑌵 𑌭𑌾॑𑌗॒𑌧𑍇𑌯𑍇॑𑌨 𑌶𑌮𑌯𑌤𑌿॒ 𑌸𑍋᳚-𑌽𑌸𑍍𑌮𑍈 𑌶𑌾॒𑌨𑍍𑌤-𑌸𑍍𑌸𑍍𑌵𑌾𑌦𑍍𑌯𑍋𑌨𑍇𑌃᳚ 𑌪𑍍𑌰॒𑌜𑌾-𑌮𑍍𑌪𑍍𑌰𑌜॑𑌨𑌯𑌤𑌿 𑌵𑌾𑌰𑍁॒𑌣𑍇𑌨𑍈॒𑌵𑍈𑌨𑌂॑-𑌵𑌁𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 𑌦𑌧𑌿॒𑌕𑍍𑌰𑌾𑌵𑍍𑌣𑍍𑌣𑌾॑ 𑌪𑍁𑌨𑌾𑌤𑌿॒ 𑌹𑌿𑌰॑𑌣𑍍𑌯॒-𑌨𑍍𑌦𑌕𑍍𑌷𑌿॑𑌣𑌾 𑌪॒𑌵𑌿𑌤𑍍𑌰𑌂॒-𑌵𑍈𑌁 𑌹𑌿𑌰॑𑌣𑍍𑌯-𑌮𑍍𑌪𑍁॒𑌨𑌾𑌤𑍍𑌯𑍇॒𑌵𑍈𑌨𑌂॑- [𑌪𑍁॒𑌨𑌾𑌤𑍍𑌯𑍇॒𑌵𑍈𑌨᳚𑌮𑍍, 𑌵𑌿॒𑌨𑍍𑌦𑌤𑍇᳚] 24
-𑌵𑌿𑌁॒𑌨𑍍𑌦𑌤𑍇᳚ 𑌪𑍍𑌰॒𑌜𑌾𑌂-𑌵𑍈𑌁᳚𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌤𑍍𑌪𑍁॒𑌤𑍍𑌰𑍇 𑌜𑌾॒𑌤𑍇𑌯𑌦॒𑌷𑍍𑌟𑌾𑌕॑𑌪𑌾𑌲𑍋॒ 𑌭𑌵॑𑌤𑌿 𑌗𑌾𑌯𑌤𑍍𑌰𑌿॒𑌯𑍈𑌵𑍈𑌨॑-𑌮𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ 𑌪𑍁𑌨𑌾𑌤𑌿॒ 𑌯𑌨𑍍𑌨𑌵॑𑌕𑌪𑌾𑌲-𑌸𑍍𑌤𑍍𑌰𑌿॒𑌵𑍃𑌤𑍈॒𑌵𑌾𑌸𑍍𑌮𑌿॒-𑌨𑍍𑌤𑍇𑌜𑍋॑ 𑌦𑌧𑌾𑌤𑌿॒ 𑌯-𑌦𑍍𑌦𑌶॑𑌕𑌪𑌾𑌲𑍋 𑌵𑌿॒𑌰𑌾𑌜𑍈॒𑌵𑌾-𑌽𑌸𑍍𑌮𑌿॑-𑌨𑍍𑌨॒𑌨𑍍𑌨𑌾𑌦𑍍𑌯॑-𑌨𑍍𑌦𑌧𑌾𑌤𑌿॒ 𑌯𑌦𑍇𑌕𑌾॑𑌦𑌶𑌕𑌪𑌾𑌲- 𑌸𑍍𑌤𑍍𑌰𑌿॒𑌷𑍍𑌟𑍁𑌭𑍈॒𑌵𑌾-𑌽𑌸𑍍𑌮𑌿॑-𑌨𑍍𑌨𑌿𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾𑌤𑌿॒ 𑌯-𑌦𑍍𑌦𑍍𑌵𑌾𑌦॑𑌶𑌕𑌪𑌾𑌲𑍋॒ 𑌜𑌗॑𑌤𑍍𑌯𑍈॒𑌵𑌾-𑌽𑌸𑍍𑌮𑌿॑-𑌨𑍍𑌪॒𑌶𑍂-𑌨𑍍𑌦॑𑌧𑌾𑌤𑌿॒ 𑌯𑌸𑍍𑌮𑌿॑𑌨𑍍 𑌜𑌾॒𑌤 𑌏॒𑌤𑌾𑌮𑌿𑌷𑍍𑌟𑌿॑-𑌨𑍍𑌨𑌿॒𑌰𑍍𑌵𑌪॑𑌤𑌿 𑌪𑍂॒𑌤 [𑌪𑍂॒𑌤𑌃, 𑌏॒𑌵 𑌤𑍇॑𑌜॒𑌸𑍍𑌵𑍍𑌯॑𑌨𑍍𑌨𑌾॒𑌦] 25
𑌏॒𑌵 𑌤𑍇॑𑌜॒𑌸𑍍𑌵𑍍𑌯॑𑌨𑍍𑌨𑌾॒𑌦 𑌇॑𑌨𑍍𑌦𑍍𑌰𑌿𑌯𑌾॒𑌵𑍀 𑌪॑𑌶𑍁॒𑌮𑌾-𑌨𑍍𑌭॑𑌵॒𑌤𑍍𑌯𑌵॒ 𑌵𑌾 𑌏॒𑌷 𑌸𑍁॑𑌵॒𑌰𑍍𑌗𑌾-𑌲𑍍𑌲𑍋॒𑌕𑌾-𑌚𑍍𑌛𑌿॑𑌦𑍍𑌯𑌤𑍇॒ 𑌯𑍋 𑌦॑𑌰𑍍𑌶𑌪𑍂𑌰𑍍𑌣𑌮𑌾𑌸𑌯𑌾॒𑌜𑍀 𑌸𑌨𑍍𑌨॑𑌮𑌾𑌵𑌾॒𑌸𑍍𑌯𑌾𑌂᳚-𑌵𑌾𑌁 𑌪𑍌𑌰𑍍𑌣𑌮𑌾॒𑌸𑍀𑌂-𑌵𑌾𑌁॑𑌤𑌿𑌪𑌾॒𑌦𑌯॑𑌤𑌿 𑌸𑍁𑌵॒𑌰𑍍𑌗𑌾𑌯॒ 𑌹𑌿 𑌲𑍋॒𑌕𑌾𑌯॑ 𑌦𑌰𑍍𑌶𑌪𑍂𑌰𑍍𑌣𑌮𑌾॒𑌸𑌾 𑌵𑌿॒𑌜𑍍𑌯𑍇𑌤𑍇॑ 𑌵𑍈𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑌮𑌾𑌵𑌾॒𑌸𑍍𑌯𑌾𑌂᳚-𑌵𑌾𑌁 𑌪𑍌𑌰𑍍𑌣𑌮𑌾॒𑌸𑍀𑌂-𑌵𑌾𑌁॑-𑌽𑌤𑌿॒𑌪𑌾𑌦𑍍𑌯॑ 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿 𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑌮𑍇॒𑌵 𑌪𑍍𑌰𑍀॑𑌣𑌾॒𑌤𑍍𑌯𑌥𑍋॑ 𑌸𑌂𑌵𑌁𑌥𑍍𑌸॒𑌰𑌮𑍇॒𑌵𑌾𑌸𑍍𑌮𑌾॒ 𑌉𑌪॑ 𑌦𑌧𑌾𑌤𑌿 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑌾॒ [𑌸𑌮॑𑌷𑍍𑌟𑍍𑌯𑍈, 𑌅𑌥𑍋॑] 26
𑌅𑌥𑍋॑ 𑌦𑍇॒𑌵𑌤𑌾॑ 𑌏॒𑌵𑌾𑌨𑍍𑌵𑌾॒𑌰𑌭𑍍𑌯॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 𑌵𑍀𑌰॒𑌹𑌾 𑌵𑌾 𑌏॒𑌷 𑌦𑍇॒𑌵𑌾𑌨𑌾𑌂॒-𑌯𑍋𑌁᳚-𑌽𑌗𑍍𑌨𑌿-𑌮𑍁॑𑌦𑍍𑌵𑌾॒𑌸𑌯॑𑌤𑍇॒ 𑌨 𑌵𑌾 𑌏॒𑌤𑌸𑍍𑌯॑ 𑌬𑍍𑌰𑌾𑌹𑍍𑌮॒𑌣𑌾 𑌋॑𑌤𑌾॒𑌯𑌵𑌃॑ 𑌪𑍁॒𑌰𑌾-𑌽𑌨𑍍𑌨॑-𑌮𑌕𑍍𑌷-𑌨𑍍𑌨𑌾𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌵𑍈𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲-𑌮॒𑌗𑍍𑌨𑌿𑌮𑍁॑𑌦𑍍𑌵𑌾𑌸𑌯𑌿॒𑌷𑍍𑌯𑌨𑍍. 𑌯𑌦॒𑌷𑍍𑌟𑌾𑌕॑𑌪𑌾𑌲𑍋॒ 𑌭𑌵॑𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀-𑌗𑌾॑𑌯॒𑌤𑍍𑌰𑍋᳚ 𑌽𑌗𑍍𑌨𑌿-𑌰𑍍𑌯𑌾𑌵𑌾॑-𑌨𑍇॒𑌵𑌾-𑌽𑌗𑍍𑌨𑌿𑌸𑍍𑌤𑌸𑍍𑌮𑌾॑ 𑌆𑌤𑌿॒𑌥𑍍𑌯-𑌙𑍍𑌕॑𑌰𑍋॒𑌤𑍍𑌯𑌥𑍋॒ 𑌯𑌥𑌾॒ 𑌜𑌨𑌂॑-𑌯𑌁॒𑌤𑍇॑-𑌽𑌵॒𑌸-𑌙𑍍𑌕॒𑌰𑍋𑌤𑌿॑ 𑌤𑌾॒𑌦𑍃- [𑌤𑌾॒𑌦𑍃𑌕𑍍, 𑌏॒𑌵] 2
-𑌗𑍇॒𑌵 𑌤-𑌦𑍍𑌦𑍍𑌵𑌾𑌦॑𑌶𑌕𑌪𑌾𑌲𑍋 𑌵𑍈𑌶𑍍𑌵𑌾𑌨॒𑌰𑍋 𑌭॑𑌵𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑌃 𑌖𑌲𑍁॒ 𑌵𑌾 𑌅॒𑌗𑍍𑌨𑍇𑌰𑍍𑌯𑍋𑌨𑌿॒-𑌸𑍍𑌸𑍍𑌵𑌾𑌮𑍇॒𑌵𑍈𑌨𑌂॒-𑌯𑍋𑌁𑌨𑌿॑-𑌙𑍍𑌗𑌮𑌯-𑌤𑍍𑌯𑌾॒𑌦𑍍𑌯॑𑌮॒𑌸𑍍𑌯𑌾𑌨𑍍𑌨॑-𑌮𑍍𑌭𑌵𑌤𑌿 𑌵𑍈𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇𑌨𑍍𑌮𑌾𑌰𑍁॒𑌤𑌗𑍍𑌮𑍍 𑌸॒𑌪𑍍𑌤𑌕॑𑌪𑌾𑌲॒-𑌙𑍍𑌗𑍍𑌰𑌾𑌮॑𑌕𑌾𑌮 𑌆𑌹𑌵॒𑌨𑍀𑌯𑍇॑ 𑌵𑍈𑌶𑍍𑌵𑌾𑌨॒𑌰𑌮𑌧𑌿॑ 𑌶𑍍𑌰𑌯𑌤𑌿॒ 𑌗𑌾𑌰𑍍𑌹॑𑌪𑌤𑍍𑌯𑍇 𑌮𑌾𑌰𑍁॒𑌤-𑌮𑍍𑌪𑌾॑𑌪𑌵𑌸𑍍𑌯॒𑌸𑌸𑍍𑌯॒ 𑌵𑌿𑌧𑍃॑𑌤𑍍𑌯𑍈॒ 𑌦𑍍𑌵𑌾𑌦॑𑌶𑌕𑌪𑌾𑌲𑍋 𑌵𑍈𑌶𑍍𑌵𑌾𑌨॒𑌰𑍋 𑌭॑𑌵𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾𑌗𑍍𑌶𑍍𑌚𑍍𑌯𑌾॑𑌵𑌯𑌤𑌿 𑌮𑌾𑌰𑍁॒𑌤𑍋 𑌭॑𑌵𑌤𑌿 [ ] 2
𑌮॒𑌰𑍁𑌤𑍋॒ 𑌵𑍈 𑌦𑍇॒𑌵𑌾𑌨𑌾𑌂॒-𑌵𑌿𑌁𑌶𑍋॑ 𑌦𑍇𑌵𑌵𑌿॒𑌶𑍇𑌨𑍈॒𑌵𑌾-𑌽𑌸𑍍𑌮𑍈॑ 𑌮𑌨𑍁𑌷𑍍𑌯 𑌵𑌿॒𑌶𑌮𑌵॑ 𑌰𑍁𑌨𑍍𑌧𑍇 𑌸॒𑌪𑍍𑌤𑌕॑𑌪𑌾𑌲𑍋 𑌭𑌵𑌤𑌿 𑌸॒𑌪𑍍𑌤 𑌗॑𑌣𑌾॒ 𑌵𑍈 𑌮॒𑌰𑍁𑌤𑍋॑ 𑌗𑌣॒𑌶 𑌏॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾𑌨𑌵॑ 𑌰𑍁𑌨𑍍𑌧𑍇 𑌽𑌨𑍂॒𑌚𑍍𑌯𑌮𑌾॑𑌨॒ 𑌆 𑌸𑌾॑𑌦𑌯𑌤𑌿॒ 𑌵𑌿𑌶॑𑌮𑍇॒𑌵𑌾𑌸𑍍𑌮𑌾॒ 𑌅𑌨𑍁॑𑌵𑌰𑍍𑌤𑍍𑌮𑌾𑌨-𑌙𑍍𑌕𑌰𑍋𑌤𑌿 ॥ 2 ॥
(𑌪𑍍𑌰॒𑌜𑌾𑌕𑌾॑𑌮-𑌸𑍍𑌸𑌂𑌵𑌁𑌥𑍍𑌸॒𑌰𑌃 – 𑌪𑍁॒𑌨𑌾𑌤𑍍𑌯𑍇॒𑌵𑍈𑌨𑌂॑ – 𑌪𑍂॒𑌤𑌃 – 𑌸𑌮॑𑌷𑍍𑌟𑍍𑌯𑍈 -𑌤𑌾॒𑌦𑍃𑌂 – 𑌮𑌾॑𑌰𑍁॒𑌤𑍋 𑌭॑𑌵॒ – 𑌤𑍍𑌯𑍇𑌕𑌾॒𑌨𑍍𑌨 𑌤𑍍𑌰𑌿॒𑌗𑍍𑌮𑍍॒𑌶𑌚𑍍𑌚॑ ) (𑌅. 5)
𑌆॒𑌦𑌿॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌥𑍍𑌸𑌙𑍍𑌗𑍍𑌰𑌾॒𑌮-𑌮𑍁॑𑌪𑌪𑍍𑌰𑌯𑌾॒𑌸𑍍𑌯-𑌨𑍍𑌨𑌿॒𑌯𑌂-𑌵𑌾𑌁 𑌅𑌦𑌿॑𑌤𑌿-𑌰॒𑌸𑍍𑌯𑌾𑌮𑍇॒𑌵 𑌪𑍂𑌰𑍍𑌵𑍇॒ 𑌪𑍍𑌰𑌤𑌿॑𑌤𑌿𑌷𑍍𑌠𑌨𑍍𑌤𑌿 𑌵𑍈𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑌾॒𑌯𑌤॑𑌨-𑌙𑍍𑌗॒𑌤𑍍𑌵𑌾-𑌸𑌂॑𑌵𑌁𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿 𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑌃 𑌖𑌲𑍁॒ 𑌵𑍈 𑌦𑍇॒𑌵𑌾𑌨𑌾॑-𑌮𑌾॒𑌯𑌤॑𑌨-𑌮𑍇॒𑌤𑌸𑍍𑌮𑌾॒𑌦𑍍𑌵𑌾 𑌆॒𑌯𑌤॑𑌨𑌾-𑌦𑍍𑌦𑍇॒𑌵𑌾 𑌅𑌸𑍁॑𑌰𑌾-𑌨𑌜𑌯॒𑌨𑍍॒. 𑌯-𑌦𑍍𑌵𑍈᳚𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲-𑌨𑍍𑌨𑌿॒𑌰𑍍𑌵𑌪॑𑌤𑌿 𑌦𑍇॒𑌵𑌾𑌨𑌾॑-𑌮𑍇॒𑌵𑌾-𑌽𑌽𑌯𑌤॑𑌨𑍇 𑌯𑌤𑌤𑍇॒ 𑌜𑌯॑𑌤𑌿॒ 𑌤𑌗𑍍𑌮𑍍 𑌸॑𑌗𑍍𑌰𑌾॒𑌮𑍍𑌮-𑌮𑍇॒𑌤𑌸𑍍𑌮𑌿॒𑌨𑍍 𑌵𑌾 𑌏॒𑌤𑍌 𑌮𑍃॑𑌜𑌾𑌤𑍇॒ [𑌏॒𑌤𑍌 𑌮𑍃॑𑌜𑌾𑌤𑍇, 𑌯𑍋 𑌵𑌿॑𑌦𑍍𑌵𑌿𑌷𑌾॒𑌣𑌯𑍋॒-𑌰𑌨𑍍𑌨॒-𑌮𑌤𑍍𑌤𑌿॑] ॥ 30 ॥
𑌯𑍋 𑌵𑌿॑𑌦𑍍𑌵𑌿𑌷𑌾॒𑌣𑌯𑍋॒-𑌰𑌨𑍍𑌨॒-𑌮𑌤𑍍𑌤𑌿॑ 𑌵𑍈𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌵𑌿𑌦𑍍𑌵𑌿𑌷𑌾॒𑌣𑌯𑍋॒𑌰𑌨𑍍𑌨॑-𑌞𑍍𑌜॒𑌗𑍍𑌧𑍍𑌵𑌾 𑌸𑌂॑𑌵𑌁𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿-𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰 𑌸𑍍𑌵॑𑌦𑌿𑌤-𑌮𑍇॒𑌵𑌾-𑌽𑌤𑍍𑌤𑌿॒ 𑌨𑌾𑌸𑍍𑌮𑌿॑-𑌨𑍍𑌮𑍃𑌜𑌾𑌤𑍇 𑌸𑌂𑌵𑌁𑌥𑍍𑌸॒𑌰𑌾𑌯॒ 𑌵𑌾 𑌏॒𑌤𑍌 𑌸𑌮॑𑌮𑌾𑌤𑍇॒ 𑌯𑍌 𑌸॑𑌮॒𑌮𑌾𑌤𑍇॒ 𑌤𑌯𑍋॒𑌰𑍍𑌯𑌃 𑌪𑍂𑌰𑍍𑌵𑍋॑-𑌽𑌭𑌿॒𑌦𑍍𑌰𑍁𑌹𑍍𑌯॑𑌤𑌿॒ 𑌤𑌂-𑌵𑌁𑌰𑍁॑𑌣𑍋 𑌗𑍃𑌹𑍍𑌣𑌾𑌤𑌿 𑌵𑍈𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌥𑍍𑌸𑌮𑌮𑌾॒𑌨𑌯𑍋𑌃॒ 𑌪𑍂𑌰𑍍𑌵𑍋॑-𑌽𑌭𑌿॒𑌦𑍍𑌰𑍁𑌹𑍍𑌯॑ 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿-𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰-𑌮𑍇॒𑌵𑌾-𑌽𑌽𑌪𑍍𑌤𑍍𑌵𑌾 𑌨𑌿॑𑌰𑍍𑌵𑌰𑍁॒𑌣𑌂- [𑌨𑌿॑𑌰𑍍𑌵𑌰𑍁॒𑌣𑌮𑍍, 𑌪॒𑌰𑌸𑍍𑌤𑌾॑-𑌦॒𑌭𑌿] ॥ 31 ॥
-𑌪॒𑌰𑌸𑍍𑌤𑌾॑-𑌦॒𑌭𑌿 𑌦𑍍𑌰𑍁॑𑌹𑍍𑌯𑌤𑌿॒ 𑌨𑍈𑌨𑌂॒-𑌵𑌁𑌰𑍁॑𑌣𑍋 𑌗𑍃𑌹𑍍𑌣𑌾𑌤𑍍𑌯𑌾॒𑌵𑍍𑌯𑌂॑-𑌵𑌾𑌁 𑌏॒𑌷 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿॒ 𑌯𑍋-𑌽𑌵𑌿॑-𑌮𑍍𑌪𑍍𑌰𑌤𑌿𑌗𑍃॒𑌹𑍍𑌣𑌾𑌤𑌿॑ 𑌵𑍈𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑌵𑌿॑-𑌮𑍍𑌪𑍍𑌰𑌤𑌿॒𑌗𑍃𑌹𑍍𑌯॑ 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿-𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰-𑌸𑍍𑌵॑𑌦𑌿𑌤𑌾𑌮𑍇॒𑌵 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌤𑌿॒ 𑌨𑌾-𑌽𑌽𑌵𑍍𑌯॑-𑌮𑍍𑌪𑍍𑌰𑌤𑌿॑𑌗𑍃𑌹𑍍𑌣𑌾𑌤𑍍𑌯𑌾॒𑌤𑍍𑌮𑌨𑍋॒ 𑌵𑌾 𑌏॒𑌷 𑌮𑌾𑌤𑍍𑌰𑌾॑𑌮𑌾𑌪𑍍𑌨𑍋𑌤𑌿॒ 𑌯 𑌉॑𑌭॒𑌯𑌾𑌦॑-𑌤𑍍𑌪𑍍𑌰𑌤𑌿𑌗𑍃॒𑌹𑍍𑌣𑌾𑌤𑍍𑌯𑌶𑍍𑌵𑌂॑-𑌵𑌾𑌁॒ 𑌪𑍁𑌰𑍁॑𑌷𑌂-𑌵𑌾𑌁 𑌵𑍈𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑍁𑌭॒𑌯𑌾𑌦॑- [𑌨𑌿𑌰𑍍𑌵॑𑌪𑍇-𑌦𑍁𑌭॒𑌯𑌾𑌦॑𑌤𑍍, 𑌪𑍍𑌰॒𑌤𑌿॒𑌗𑍃𑌹𑍍𑌯॑] ॥ 32 ॥
-𑌤𑍍𑌪𑍍𑌰𑌤𑌿॒𑌗𑍃𑌹𑍍𑌯॑ 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰-𑌸𑍍𑌵॑𑌦𑌿𑌤𑌮𑍇॒𑌵 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿॒ 𑌨𑌾𑌤𑍍𑌮𑌨𑍋॒ 𑌮𑌾𑌤𑍍𑌰𑌾॑𑌮𑌾𑌪𑍍𑌨𑍋𑌤𑌿 𑌵𑍈𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌥𑍍𑌸॒𑌨𑌿-𑌮𑍇॒𑌷𑍍𑌯𑌨𑍍-𑌥𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿-𑌰𑍍𑌵𑍈᳚𑌶𑍍𑌵𑌾𑌨॒𑌰𑍋 𑌯॒𑌦𑌾 𑌖𑌲𑍁॒ 𑌵𑍈 𑌸𑌂॑𑌵𑌁𑌥𑍍𑌸॒𑌰-𑌞𑍍𑌜॒𑌨𑌤𑌾॑𑌯𑌾॒-𑌞𑍍𑌚𑌰॒𑌤𑍍𑌯𑌥॒ 𑌸 𑌧॑𑌨𑌾॒𑌰𑍍𑌘𑍋 𑌭॑𑌵𑌤𑌿॒𑌯-𑌦𑍍𑌵𑍈᳚𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲-𑌨𑍍𑌨𑌿॒𑌰𑍍𑌵𑌪॑𑌤𑌿 𑌸𑌂𑌵𑌁𑌥𑍍𑌸॒𑌰-𑌸𑌾॑𑌤𑌾𑌮𑍇॒𑌵 𑌸॒𑌨𑌿𑌮॒𑌭𑌿 𑌪𑍍𑌰𑌚𑍍𑌯॑𑌵𑌤𑍇॒ 𑌦𑌾𑌨॑𑌕𑌾𑌮𑌾 𑌅𑌸𑍍𑌮𑍈 𑌪𑍍𑌰॒𑌜𑌾 𑌭॑𑌵𑌨𑍍𑌤𑌿॒ 𑌯𑍋 𑌵𑍈 𑌸𑌂॑𑌵𑌁𑌥𑍍𑌸॒𑌰𑌂- [𑌵𑍈 𑌸𑌂॑𑌵𑌁𑌥𑍍𑌸॒𑌰𑌮𑍍, 𑌪𑍍𑌰॒𑌯𑍁𑌜𑍍𑌯॒ 𑌨] ॥ 33 ॥
-𑌪𑍍𑌰॒𑌯𑍁𑌜𑍍𑌯॒ 𑌨 𑌵𑌿॑𑌮𑍁॒𑌞𑍍𑌚𑌤𑍍𑌯॑𑌪𑍍𑌰𑌤𑌿𑌷𑍍𑌠𑌾॒𑌨𑍋 𑌵𑍈 𑌸 𑌭॑𑌵𑌤𑍍𑌯𑍇॒𑌤-𑌮𑍇॒𑌵 𑌵𑍈᳚𑌶𑍍𑌵𑌾𑌨॒𑌰-𑌮𑍍𑌪𑍁𑌨॑𑌰𑌾॒𑌗𑌤𑍍𑌯॒ 𑌨𑌿𑌰𑍍𑌵॑𑌪𑍇॒𑌦𑍍𑌯-𑌮𑍇॒𑌵 𑌪𑍍𑌰॑𑌯𑍁॒𑌙𑍍𑌕𑍍𑌤𑍇 𑌤-𑌮𑍍𑌭𑌾॑𑌗॒𑌧𑍇𑌯𑍇॑𑌨॒ 𑌵𑌿 𑌮𑍁॑𑌞𑍍𑌚𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌯𑌯𑌾॒ 𑌰𑌜𑍍𑌵𑍋᳚𑌤𑍍𑌤॒𑌮𑌾-𑌙𑍍𑌗𑌾𑌮𑌾॒𑌜𑍇-𑌤𑍍𑌤𑌾-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌾𑌯॒ 𑌪𑍍𑌰 𑌹𑌿॑𑌣𑍁𑌯𑌾॒-𑌨𑍍𑌨𑌿𑌰𑍍-𑌋॑𑌤𑌿-𑌮𑍇॒𑌵𑌾𑌸𑍍𑌮𑍈॒ 𑌪𑍍𑌰 𑌹𑌿॑𑌣𑍋𑌤𑌿 ॥ 34 ॥
(𑌮𑍃॒𑌜𑌾॒𑌤𑍇॒ – 𑌨𑌿॒𑌰𑍍𑌵॒𑌰𑍁॒𑌣𑌂 – 𑌵𑌁॑𑌪𑍇𑌦𑍁𑌭॒𑌯𑌾𑌦॒–𑌦𑍍𑌯𑍋 𑌵𑍈 𑌸𑌂॑𑌵𑌁𑌥𑍍𑌸॒𑌰𑌗𑍍𑌮𑍍 – 𑌷𑌟𑍍𑌤𑍍𑌰𑌿𑌗𑍍𑌮𑍍॑𑌶𑌚𑍍𑌚) (𑌅. 6)
𑌐॒𑌨𑍍𑌦𑍍𑌰-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌤𑍍𑌪॒𑌶𑍁𑌕𑌾॑𑌮 𑌐॒𑌨𑍍𑌦𑍍𑌰𑌾 𑌵𑍈 𑌪॒𑌶𑌵॒ 𑌇𑌨𑍍𑌦𑍍𑌰॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌪𑍍𑌰𑌯॑𑌚𑍍𑌛𑌤𑌿 𑌪𑌶𑍁॒𑌮𑌾-𑌨𑍇॒𑌵 𑌭॑𑌵𑌤𑌿 𑌚॒𑌰𑍁𑌰𑍍𑌭॑𑌵𑌤𑌿॒ 𑌸𑍍𑌵𑌾𑌦𑍇॒𑌵𑌾𑌸𑍍𑌮𑍈॒ 𑌯𑍋𑌨𑍇𑌃᳚ 𑌪॒𑌶𑍂-𑌨𑍍𑌪𑍍𑌰𑌜॑𑌨𑌯॒𑌤𑍀𑌨𑍍𑌦𑍍𑌰𑌾॑𑌯𑍇𑌨𑍍𑌦𑍍𑌰𑌿॒𑌯𑌾𑌵॑𑌤𑍇 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌤𑍍𑌪॒𑌶𑍁𑌕𑌾॑𑌮 𑌇𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌪॒𑌶𑌵॒ 𑌇𑌨𑍍𑌦𑍍𑌰॑-𑌮𑍇॒𑌵𑍇𑌨𑍍𑌦𑍍𑌰𑌿॒𑌯𑌾𑌵॑𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨 ॑𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 [𑌧𑌾𑌵𑌤𑌿॒ 𑌸𑌃, 𑌏॒𑌵𑌾-𑌽𑌸𑍍𑌮𑌾॑] ॥ 35 ॥
𑌏॒𑌵𑌾-𑌽𑌸𑍍𑌮𑌾॑ 𑌇𑌨𑍍𑌦𑍍𑌰𑌿॒𑌯-𑌮𑍍𑌪॒𑌶𑍂-𑌨𑍍𑌪𑍍𑌰𑌯॑𑌚𑍍𑌛𑌤𑌿 𑌪𑌶𑍁॒𑌮𑌾𑌨𑍇॒𑌵 𑌭॑𑌵॒𑌤𑍀𑌨𑍍𑌦𑍍𑌰𑌾॑𑌯-𑌘॒𑌰𑍍𑌮𑌵॑𑌤𑍇 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑌕𑌾॑𑌮𑍋 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌂-𑌵𑍈𑌁 𑌘॒𑌰𑍍𑌮 𑌇𑌨𑍍𑌦𑍍𑌰॑𑌮𑍇॒𑌵 𑌘॒𑌰𑍍𑌮𑌵॑𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌦॑𑌧𑌾𑌤𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 𑌭॑𑌵॒𑌤𑍀𑌨𑍍𑌦𑍍𑌰𑌾॑𑌯𑌾॒-𑌽𑌰𑍍𑌕𑌵॑𑌤𑍇 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑌨𑍍𑌨॑𑌕𑌾𑌮𑍋॒-𑌽𑌰𑍍𑌕𑍋 𑌵𑍈 𑌦𑍇॒𑌵𑌾𑌨𑌾॒-𑌮𑌨𑍍𑌨॒-𑌮𑌿𑌨𑍍𑌦𑍍𑌰॑-𑌮𑍇॒𑌵𑌾-𑌽𑌰𑍍𑌕𑌵॑𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋- [𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॑𑌨, 𑌉𑌪॑ 𑌧𑌾𑌵𑌤𑌿॒ 𑌸] ॥ 36॥
-𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌾॒ 𑌅𑌨𑍍𑌨॒-𑌮𑍍𑌪𑍍𑌰𑌯॑𑌚𑍍𑌛𑌤𑍍𑌯𑌨𑍍𑌨𑌾॒𑌦 𑌏॒𑌵 𑌭॑𑌵॒𑌤𑍀𑌨𑍍𑌦𑍍𑌰𑌾॑𑌯 𑌘॒𑌰𑍍𑌮𑌵॑𑌤𑍇 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑌿𑌨𑍍𑌦𑍍𑌰𑌾॑𑌯𑍇-𑌨𑍍𑌦𑍍𑌰𑌿॒𑌯𑌾𑌵॑𑌤॒ 𑌇𑌨𑍍𑌦𑍍𑌰𑌾॑𑌯𑌾॒-𑌽𑌰𑍍𑌕𑌵॑𑌤𑍇॒ 𑌭𑍂𑌤𑌿॑𑌕𑌾𑌮𑍋॒ 𑌯𑌦𑌿𑌨𑍍𑌦𑍍𑌰𑌾॑𑌯 𑌘॒𑌰𑍍𑌮𑌵॑𑌤𑍇 𑌨𑌿॒𑌰𑍍𑌵𑌪॑𑌤𑌿॒ 𑌶𑌿𑌰॑ 𑌏॒𑌵𑌾𑌸𑍍𑌯॒ 𑌤𑍇𑌨॑ 𑌕𑌰𑍋𑌤𑌿॒ 𑌯𑌦𑌿𑌨𑍍𑌦𑍍𑌰𑌾॑𑌯𑍇𑌨𑍍𑌦𑍍𑌰𑌿॒𑌯𑌾𑌵॑𑌤 𑌆॒𑌤𑍍𑌮𑌾𑌨॑-𑌮𑍇॒𑌵𑌾𑌸𑍍𑌯॒ 𑌤𑍇𑌨॑ 𑌕𑌰𑍋𑌤𑌿॒-𑌯-𑌦𑌿𑌨𑍍𑌦𑍍𑌰𑌾॑𑌯𑌾॒-𑌽𑌰𑍍𑌕𑌵॑𑌤𑍇 𑌭𑍂॒𑌤 𑌏॒𑌵𑌾𑌨𑍍𑌨𑌾𑌦𑍍𑌯𑍇॒ 𑌪𑍍𑌰𑌤𑌿॑-𑌤𑌿𑌷𑍍𑌠𑌤𑌿॒ 𑌭𑌵॑𑌤𑍍𑌯𑍇॒𑌵𑍇𑌨𑍍𑌦𑍍𑌰𑌾॑𑌯𑌾- [𑌭𑌵॑𑌤𑍍𑌯𑍇॒𑌵𑍇𑌨𑍍𑌦𑍍𑌰𑌾॑𑌯𑌾, 𑌅॒𑌗𑍍𑌮𑍍॒ 𑌹𑍋॒𑌮𑍁𑌚𑍇॑] ॥ 3 ॥
-𑌽𑌗𑍍𑌮𑍍 𑌹𑍋॒𑌮𑍁𑌚𑍇॑ 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌪𑌾॒𑌪𑍍𑌮𑌨𑌾॑ 𑌗𑍃𑌹𑍀॒𑌤-𑌸𑍍𑌸𑍍𑌯𑌾-𑌤𑍍𑌪𑌾॒𑌪𑍍𑌮𑌾 𑌵𑌾 𑌅𑌗𑍍𑌮𑍍𑌹॒ 𑌇𑌨𑍍𑌦𑍍𑌰॑𑌮𑍇॒𑌵𑌾-𑌽𑌗𑍍𑌮𑍍 𑌹𑍋॒𑌮𑍁𑌚॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॑-𑌮𑍍𑌪𑌾॒𑌪𑍍𑌮𑌨𑍋-𑌽𑌗𑍍𑌮𑍍𑌹॑𑌸𑍋 𑌮𑍁𑌞𑍍𑌚॒𑌤𑍀𑌨𑍍𑌦𑍍𑌰𑌾॑𑌯 𑌵𑍈𑌮𑍃॒𑌧𑌾𑌯॑ 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯-𑌮𑍍𑌮𑍃𑌧𑍋॒-𑌽𑌭𑌿 𑌪𑍍𑌰॒𑌵𑍇𑌪𑍇॑𑌰𑌨𑍍-𑌰𑌾॒𑌷𑍍𑌟𑍍𑌰𑌾𑌣𑌿॑ 𑌵𑌾॒-𑌽𑌭𑌿 𑌸॑𑌮𑌿॒𑌯𑍁-𑌰𑌿𑌨𑍍𑌦𑍍𑌰॑-𑌮𑍇॒𑌵 𑌵𑍈॑𑌮𑍃॒𑌧𑌗𑍍𑌗𑍍 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾-𑌽𑌸𑍍𑌮𑌾॒𑌨𑍍𑌮𑍃𑌧𑍋- [𑌏॒𑌵𑌾-𑌽𑌸𑍍𑌮𑌾॒𑌨𑍍𑌮𑍃𑌧𑌃॑, 𑌅𑌪॑ 𑌹॒𑌨𑍍𑌤𑍀𑌨𑍍𑌦𑍍𑌰𑌾॑𑌯] ॥ 3 ॥
-𑌽𑌪॑ 𑌹॒𑌨𑍍𑌤𑍀𑌨𑍍𑌦𑍍𑌰𑌾॑𑌯 𑌤𑍍𑌰𑌾॒𑌤𑍍𑌰𑍇 𑌪𑍁॑𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌬॒𑌦𑍍𑌧𑍋 𑌵𑌾॒ 𑌪𑌰𑌿॑𑌯𑌤𑍍𑌤𑍋॒ 𑌵𑍇𑌨𑍍𑌦𑍍𑌰॑𑌮𑍇॒𑌵 𑌤𑍍𑌰𑌾॒𑌤𑌾𑌰॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॑-𑌨𑍍𑌤𑍍𑌰𑌾𑌯𑌤॒ 𑌇𑌨𑍍𑌦𑍍𑌰𑌾॑𑌯𑌾-𑌽𑌰𑍍𑌕𑌾𑌶𑍍𑌵𑌮𑍇॒𑌧𑌵॑𑌤𑍇 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯-𑌮𑍍𑌮॑𑌹𑌾𑌯॒𑌜𑍍𑌞𑍋 𑌨𑍋𑌪॒𑌨𑌮𑍇॑𑌦𑍇॒𑌤𑍇 𑌵𑍈 𑌮॑𑌹𑌾𑌯॒𑌜𑍍𑌞𑌸𑍍𑌯𑌾-𑌽𑌨𑍍𑌤𑍍𑌯𑍇॑ 𑌤॒𑌨𑍂 𑌯-𑌦॑𑌰𑍍𑌕𑌾𑌶𑍍𑌵𑌮𑍇॒𑌧𑌾-𑌵𑌿𑌨𑍍𑌦𑍍𑌰॑-𑌮𑍇॒𑌵𑌾-𑌽𑌰𑍍𑌕𑌾᳚𑌶𑍍𑌵𑌮𑍇॒𑌧- 𑌵॑𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌾॑ 𑌅𑌨𑍍𑌤॒𑌤𑍋 𑌮॑𑌹𑌾𑌯॒𑌜𑍍𑌞-𑌞𑍍𑌚𑍍𑌯𑌾॑𑌵𑌯॒𑌤𑍍𑌯𑍁𑌪𑍈॑𑌨-𑌮𑍍𑌮𑌹𑌾𑌯॒𑌜𑍍𑌞𑍋 𑌨॑𑌮𑌤𑌿 ॥ 3 ॥
(𑌇॒𑌨𑍍𑌦𑍍𑌰𑌿॒𑌯𑌾𑌵॑𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸𑍋᳚ – 𑌽𑌰𑍍𑌕𑌵॑𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॑𑌨𑍈॒ – 𑌵𑍇𑌨𑍍𑌦𑍍𑌰𑌾॑𑌯𑌾 – 𑌸𑍍𑌮𑌾॒-𑌨𑍍𑌮𑍃𑌧𑍋᳚ – 𑌽𑌸𑍍𑌮𑍈 – 𑌸॒𑌪𑍍𑌤 𑌚॑ ) (𑌅. )
𑌇𑌨𑍍𑌦𑍍𑌰𑌾॒𑌯𑌾-𑌽𑌨𑍍𑌵𑍃॑𑌜𑌵𑍇 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌗𑍍𑌰𑌾𑌮॑𑌕𑌾𑌮॒ 𑌇𑌨𑍍𑌦𑍍𑌰॑-𑌮𑍇॒𑌵𑌾-𑌽𑌨𑍍𑌵𑍃॑𑌜𑍁॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾-𑌨𑌨𑍁॑𑌕𑌾𑌨𑍍 𑌕𑌰𑍋𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑍀𑌨𑍍𑌦𑍍𑌰𑌾॒𑌣𑍍𑌯𑍈 𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌸𑍍𑌯॒ 𑌸𑍇𑌨𑌾-𑌽𑌸𑌗𑍍𑌮𑍍॑𑌶𑌿𑌤𑍇𑌵॒ 𑌸𑍍𑌯𑌾-𑌦𑌿॑𑌨𑍍𑌦𑍍𑌰𑌾॒𑌣𑍀 𑌵𑍈 𑌸𑍇𑌨𑌾॑𑌯𑍈 𑌦𑍇॒𑌵𑌤𑍇᳚𑌨𑍍𑌦𑍍𑌰𑌾॒𑌣𑍀-𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸𑍈𑌵𑌾𑌸𑍍𑌯॒ 𑌸𑍇𑌨𑌾॒𑌗𑍍𑌮𑍍॒ 𑌸𑌗𑍍𑌗𑍍 𑌶𑍍𑌯॑𑌤𑌿॒ 𑌬𑌲𑍍𑌬॑𑌜𑌾॒𑌨𑌪𑍀॒- [𑌬𑌲𑍍𑌬॑𑌜𑌾॒𑌨𑌪𑌿॑, 𑌇॒𑌦𑍍𑌧𑍍𑌮𑍇 𑌸-𑌨𑍍𑌨॑𑌹𑍍𑌯𑍇॒𑌦𑍍𑌗𑍌-] ॥ 40 ॥
-𑌦𑍍𑌧𑍍𑌮𑍇 𑌸-𑌨𑍍𑌨॑𑌹𑍍𑌯𑍇॒𑌦𑍍𑌗𑍌-𑌰𑍍𑌯𑌤𑍍𑌰𑌾-𑌽𑌧𑌿॑𑌷𑍍𑌕𑌨𑍍𑌨𑌾॒-𑌨𑍍𑌯𑌮𑍇॑𑌹॒-𑌤𑍍𑌤𑌤𑍋॒ 𑌬𑌲𑍍𑌬॑𑌜𑌾॒ 𑌉𑌦॑𑌤𑌿𑌷𑍍𑌠॒-𑌨𑍍𑌗𑌵𑌾॑-𑌮𑍇॒𑌵𑍈𑌨॑-𑌨𑍍𑌨𑍍𑌯𑌾॒𑌯-𑌮॑𑌪𑌿॒𑌨𑍀𑌯॒ 𑌗𑌾 𑌵𑍇॑𑌦𑌯॒𑌤𑍀𑌨𑍍𑌦𑍍𑌰𑌾॑𑌯 𑌮𑌨𑍍𑌯𑍁॒𑌮𑌤𑍇॒ 𑌮𑌨॑𑌸𑍍𑌵𑌤𑍇 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌥𑍍𑌸𑌙𑍍𑌗𑍍𑌰𑌾॒𑌮𑍇 𑌸𑌂𑌯𑌁॑𑌤𑍍𑌤 𑌇𑌨𑍍𑌦𑍍𑌰𑌿॒𑌯𑍇𑌣॒ 𑌵𑍈 𑌮॒𑌨𑍍𑌯𑍁𑌨𑌾॒ 𑌮𑌨॑𑌸𑌾 𑌸𑌙𑍍𑌗𑍍𑌰𑌾॒𑌮-𑌞𑍍𑌜॑𑌯॒𑌤𑍀𑌨𑍍𑌦𑍍𑌰॑-𑌮𑍇॒𑌵 𑌮॑𑌨𑍍𑌯𑍁॒𑌮𑌨𑍍𑌤॒-𑌮𑍍𑌮𑌨॑𑌸𑍍𑌵𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॑𑌨𑍍𑌨𑌿𑌨𑍍𑌦𑍍𑌰𑌿॒𑌯-𑌮𑍍𑌮॒𑌨𑍍𑌯𑍁-𑌮𑍍𑌮𑌨𑍋॑ 𑌦𑌧𑌾𑌤𑌿॒ 𑌜𑌯॑𑌤𑌿॒ 𑌤𑌗𑍍𑌮𑍍 [𑌜𑌯॑𑌤𑌿॒ 𑌤𑌮𑍍, 𑌸॒𑌗𑍍𑌰𑌾॒𑌮-𑌮𑍇॒𑌤𑌾-𑌮𑍇॒𑌵] ॥ 41 ॥
𑌸॑𑌗𑍍𑌰𑌾॒𑌮-𑌮𑍇॒𑌤𑌾-𑌮𑍇॒𑌵 𑌨𑌿𑌰𑍍𑌵॑𑌪𑍇॒𑌦𑍍𑌯𑍋 𑌹॒𑌤𑌮॑𑌨𑌾-𑌸𑍍𑌸𑍍𑌵॒𑌯-𑌮𑍍𑌪𑌾॑𑌪 𑌇𑌵॒ 𑌸𑍍𑌯𑌾𑌦𑍇॒𑌤𑌾𑌨𑌿॒ 𑌹𑌿 𑌵𑌾 𑌏॒𑌤𑌸𑍍𑌮𑌾॒ 𑌦𑌪॑𑌕𑍍𑌰𑌾𑌨𑍍𑌤𑌾॒𑌨𑍍𑌯𑌥𑍈॒𑌷 𑌹॒𑌤𑌮॑𑌨𑌾-𑌸𑍍𑌸𑍍𑌵॒𑌯-𑌮𑍍𑌪𑌾॑𑌪॒ 𑌇𑌨𑍍𑌦𑍍𑌰॑𑌮𑍇॒𑌵 𑌮॑𑌨𑍍𑌯𑍁॒𑌮𑌨𑍍𑌤॒-𑌮𑍍𑌮𑌨॑𑌸𑍍𑌵𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॑-𑌨𑍍𑌨𑌿𑌨𑍍𑌦𑍍𑌰𑌿॒𑌯-𑌮𑍍𑌮॒𑌨𑍍𑌯𑍁-𑌮𑍍𑌮𑌨𑍋॑ 𑌦𑌧𑌾𑌤𑌿॒ 𑌨 𑌹॒𑌤𑌮॑𑌨𑌾-𑌸𑍍𑌸𑍍𑌵॒𑌯-𑌮𑍍𑌪𑌾॑𑌪𑍋 𑌭𑌵॒𑌤𑍀𑌨𑍍𑌦𑍍𑌰𑌾॑𑌯 𑌦𑌾॒𑌤𑍍𑌰𑍇 𑌪𑍁॑𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤॒ 𑌦𑌾𑌨॑𑌕𑌾𑌮𑌾 𑌮𑍇 𑌪𑍍𑌰॒𑌜𑌾-𑌸𑍍𑌸𑍍𑌯𑍁॒- [𑌦𑌾𑌨॑𑌕𑌾𑌮𑌾 𑌮𑍇 𑌪𑍍𑌰॒𑌜𑌾-𑌸𑍍𑌸𑍍𑌯𑍁𑌃॑, 𑌇𑌤𑍀𑌨𑍍𑌦𑍍𑌰॑-𑌮𑍇॒𑌵] ॥ 42 ॥
-𑌰𑌿𑌤𑍀𑌨𑍍𑌦𑍍𑌰॑-𑌮𑍇॒𑌵 𑌦𑌾॒𑌤𑌾𑌰॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॒ 𑌦𑌾𑌨॑𑌕𑌾𑌮𑌾𑌃 𑌪𑍍𑌰॒𑌜𑌾𑌃 𑌕॑𑌰𑍋𑌤𑌿॒ 𑌦𑌾𑌨॑𑌕𑌾𑌮𑌾 𑌅𑌸𑍍𑌮𑍈 𑌪𑍍𑌰॒𑌜𑌾 𑌭॑𑌵॒𑌨𑍍𑌤𑍀𑌨𑍍𑌦𑍍𑌰𑌾॑𑌯 𑌪𑍍𑌰𑌦𑌾॒𑌤𑍍𑌰𑍇 𑌪𑍁॑𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌯𑌸𑍍𑌮𑍈॒ 𑌪𑍍𑌰𑌤𑍍𑌤॑𑌮𑌿𑌵॒ 𑌸𑌨𑍍𑌨 𑌪𑍍𑌰॑𑌦𑍀॒𑌯𑍇𑌤𑍇𑌨𑍍𑌦𑍍𑌰॑-𑌮𑍇॒𑌵 𑌪𑍍𑌰॑𑌦𑌾॒𑌤𑌾𑌰॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑-𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॒ 𑌪𑍍𑌰-𑌦𑌾॑𑌪𑌯॒𑌤𑍀𑌨𑍍𑌦𑍍𑌰𑌾॑𑌯 𑌸𑍁॒𑌤𑍍𑌰𑌾𑌮𑍍𑌣𑍇॑ 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑌪॑𑌰𑍁𑌦𑍍𑌧𑍋 𑌵𑌾- [-𑌦𑌪॑𑌰𑍁𑌦𑍍𑌧𑍋 𑌵𑌾, 𑌅॒𑌪॒𑌰𑍁॒𑌦𑍍𑌧𑌯𑌮𑌾॑𑌨𑍋॒] ॥ 43 ॥
-𑌽𑌪𑌰𑍁॒𑌦𑍍𑌧𑌯𑌮𑌾॑𑌨𑍋॒ 𑌵𑍇𑌨𑍍𑌦𑍍𑌰॑𑌮𑍇॒𑌵 𑌸𑍁॒𑌤𑍍𑌰𑌾𑌮𑌾॑𑌣॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॑-𑌨𑍍𑌤𑍍𑌰𑌾𑌯𑌤𑍇 𑌽𑌨𑌪𑌰𑍁॒𑌦𑍍𑌧𑍍𑌯𑍋 𑌭॑𑌵॒𑌤𑍀𑌨𑍍𑌦𑍍𑌰𑍋॒ 𑌵𑍈 𑌸॒𑌦𑍃-𑌨𑍍𑌦𑍇॒𑌵𑌤𑌾॑𑌭𑌿𑌰𑌾𑌸𑍀॒-𑌥𑍍𑌸 𑌨 𑌵𑍍𑌯𑌾॒𑌵𑍃𑌤॑𑌮𑌗𑌚𑍍𑌛॒-𑌥𑍍𑌸 𑌪𑍍𑌰॒𑌜𑌾𑌪॑𑌤𑌿॒-𑌮𑍁𑌪𑌾॑𑌧𑌾𑌵॒-𑌤𑍍𑌤𑌸𑍍𑌮𑌾॑ 𑌏॒𑌤-𑌮𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰॑𑌵𑌪॒-𑌤𑍍𑌤𑍇𑌨𑍈॒-𑌵𑌾-𑌽𑌸𑍍𑌮𑌿॑-𑌨𑍍𑌨𑌿𑌨𑍍𑌦𑍍𑌰𑌿॒𑌯-𑌮॑𑌦𑌧𑌾॒-𑌚𑍍𑌛𑌕𑍍𑌵॑𑌰𑍀 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌅𑌕𑌰𑍋॒-𑌦𑍍𑌵𑌜𑍍𑌰𑍋॒ 𑌵𑍈 𑌶𑌕𑍍𑌵॑𑌰𑍀॒ 𑌸 𑌏॑𑌨𑌂॒-𑌵𑌁𑌜𑍍𑌰𑍋॒ 𑌭𑍂𑌤𑍍𑌯𑌾॑ 𑌐𑌨𑍍𑌧॒- [𑌭𑍂𑌤𑍍𑌯𑌾॑ 𑌐𑌨𑍍𑌧, 𑌸𑍋॑-𑌽𑌭𑌵॒-𑌥𑍍𑌸𑍋॑-𑌽𑌬𑌿𑌭𑍇-] ॥ 44 ॥
-𑌸𑍋॑-𑌽𑌭𑌵॒𑌥𑍍𑌸𑍋॑-𑌽𑌬𑌿𑌭𑍇-𑌦𑍍𑌭𑍂॒𑌤𑌃 𑌪𑍍𑌰 𑌮𑌾॑ 𑌧𑌕𑍍𑌷𑍍𑌯॒𑌤𑍀𑌤𑌿॒ 𑌸 𑌪𑍍𑌰॒𑌜𑌾𑌪॑𑌤𑌿॒-𑌮𑍍𑌪𑍁𑌨॒𑌰𑍁𑌪𑌾॑-𑌽𑌧𑌾𑌵॒-𑌥𑍍𑌸 𑌪𑍍𑌰॒𑌜𑌾𑌪॑𑌤𑌿॒-𑌶𑍍𑌶𑌕𑍍𑌵॑𑌰𑍍𑌯𑌾॒ 𑌅𑌧𑌿॑ 𑌰𑍇॒𑌵𑌤𑍀॒-𑌨𑍍𑌨𑌿𑌰॑𑌮𑌿𑌮𑍀𑌤॒ 𑌶𑌾𑌨𑍍𑌤𑍍𑌯𑌾॒ 𑌅𑌪𑍍𑌰॑𑌦𑌾𑌹𑌾𑌯॒ 𑌯𑍋-𑌽𑌲𑌗𑍍𑌗𑍍॑ 𑌶𑍍𑌰𑌿॒𑌯𑍈 𑌸𑌨𑍍-𑌥𑍍𑌸॒𑌦𑍃𑌙𑍍𑌖𑍍𑌸॑𑌮𑌾॒𑌨𑍈-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤-𑌮𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑌿𑌨𑍍𑌦𑍍𑌰॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾-𑌽𑌸𑍍𑌮𑌿॑-𑌨𑍍𑌨𑌿𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾𑌤𑌿 𑌰𑍇॒𑌵𑌤𑍀॑ 𑌪𑍁𑌰𑍋𑌨𑍁𑌵𑌾॒𑌕𑍍𑌯𑌾॑ 𑌭𑌵𑌤𑌿॒ 𑌶𑌾𑌨𑍍𑌤𑍍𑌯𑌾॒ 𑌅𑌪𑍍𑌰॑𑌦𑌾𑌹𑌾𑌯॒ 𑌶𑌕𑍍𑌵॑𑌰𑍀 𑌯𑌾॒𑌜𑍍𑌯𑌾॑ 𑌵𑌜𑍍𑌰𑍋॒ 𑌵𑍈 𑌶𑌕𑍍𑌵॑𑌰𑍀॒𑌸 𑌏॑𑌨𑌂॒-𑌵𑌁𑌜𑍍𑌰𑍋॒ 𑌭𑍂𑌤𑍍𑌯𑌾॑ 𑌇𑌨𑍍𑌧𑍇॒ 𑌭𑌵॑𑌤𑍍𑌯𑍇॒𑌵 ॥ 45 ॥
(𑌅𑌪𑌿॒ – 𑌤𑌗𑍍𑌗𑍍 – 𑌸𑍍𑌯𑍁॑ – 𑌰𑍍𑌵𑍈 – 𑌨𑍍𑌧 – 𑌭𑌵𑌤𑌿॒ – 𑌚𑌤𑍁॑𑌰𑍍𑌦𑌶 𑌚 ) (𑌅. )
𑌆॒𑌗𑍍𑌨𑌾॒-𑌵𑍈॒𑌷𑍍𑌣॒𑌵-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑌭𑌿॒𑌚𑌰॒𑌨𑍍-𑌥𑍍𑌸𑌰॑𑌸𑍍𑌵॒𑌤𑍍𑌯𑌾𑌜𑍍𑌯॑ 𑌭𑌾𑌗𑌾॒ 𑌸𑍍𑌯𑌾-𑌦𑍍𑌬𑌾॑𑌰𑍍𑌹𑌸𑍍𑌪॒𑌤𑍍 𑌯𑌶𑍍𑌚॒𑌰𑍁𑌰𑍍𑌯𑌦𑌾᳚𑌗𑍍𑌨𑌾-𑌵𑍈𑌷𑍍𑌣॒𑌵 𑌏𑌕𑌾॑𑌦𑌶𑌕𑌪𑌾𑌲𑍋॒ 𑌭𑌵॑𑌤𑍍𑌯॒𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒ 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑍋 𑌦𑍇॒𑌵𑌤𑌾॑𑌭𑌿-𑌶𑍍𑌚𑍈॒𑌵𑍈𑌨𑌂॑-𑌯𑌁॒𑌜𑍍𑌞𑍇𑌨॑ 𑌚𑌾॒𑌭𑌿 𑌚॑𑌰𑌤𑌿॒-𑌸𑌰॑𑌸𑍍𑌵॒𑌤𑍍𑌯𑌾𑌜𑍍𑌯॑𑌭𑌾𑌗𑌾 𑌭𑌵𑌤𑌿॒ 𑌵𑌾𑌗𑍍𑌵𑍈 𑌸𑌰॑𑌸𑍍𑌵𑌤𑍀 𑌵𑌾॒𑌚𑍈𑌵𑍈𑌨॑-𑌮॒𑌭𑌿 𑌚॑𑌰𑌤𑌿 𑌬𑌾𑌰𑍍𑌹𑌸𑍍𑌪॒𑌤𑍍𑌯-𑌶𑍍𑌚॒𑌰𑍁 𑌰𑍍𑌭॑𑌵𑌤𑌿॒ 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒ 𑌰𑍍𑌬𑍍𑌰𑌹𑍍𑌮॑𑌣𑍈॒𑌵𑍈𑌨॑-𑌮॒𑌭𑌿 𑌚॑𑌰𑌤𑌿॒ [-𑌮॒𑌭𑌿 𑌚॑𑌰𑌤𑌿, 𑌪𑍍𑌰𑌤𑌿॒ 𑌵𑍈] ॥ 46 ॥
𑌪𑍍𑌰𑌤𑌿॒ 𑌵𑍈 𑌪॒𑌰𑌸𑍍𑌤𑌾॑-𑌦𑌭𑌿॒𑌚𑌰॑𑌨𑍍𑌤-𑌮॒𑌭𑌿 𑌚॑𑌰𑌨𑍍𑌤𑌿॒ 𑌦𑍍𑌵𑍇𑌦𑍍𑌵𑍇॑ 𑌪𑍁𑌰𑍋-𑌽𑌨𑍁𑌵𑌾॒𑌕𑍍𑌯𑍇॑ 𑌕𑍁𑌰𑍍𑌯𑌾॒𑌦𑌤𑌿॒ 𑌪𑍍𑌰𑌯𑍁॑𑌕𑍍𑌤𑍍𑌯𑌾 𑌏॒𑌤𑌯𑍈॒𑌵 𑌯॑𑌜𑍇𑌤𑌾𑌭𑌿 𑌚॒𑌰𑍍𑌯𑌮𑌾॑𑌣𑍋 𑌦𑍇॒𑌵𑌤𑌾॑𑌭𑌿-𑌰𑍇॒𑌵 𑌦𑍇॒𑌵𑌤𑌾𑌃᳚ 𑌪𑍍𑌰𑌤𑌿॒𑌚𑌰॑𑌤𑌿 𑌯॒𑌜𑍍𑌞𑍇𑌨॑ 𑌯॒𑌜𑍍𑌞𑌂-𑌵𑌾𑌁॒𑌚𑌾 𑌵𑌾𑌚॒-𑌮𑍍𑌬𑍍𑌰𑌹𑍍𑌮॑𑌣𑌾॒ 𑌬𑍍𑌰𑌹𑍍𑌮॒ 𑌸 𑌦𑍇॒𑌵𑌤𑌾᳚𑌶𑍍𑌚𑍈॒𑌵 𑌯॒𑌜𑍍𑌞-𑌞𑍍𑌚॑ 𑌮𑌦𑍍𑌧𑍍𑌯॒𑌤𑍋 𑌵𑍍𑌯𑌵॑𑌸𑌰𑍍𑌪𑌤𑌿॒ 𑌤𑌸𑍍𑌯॒ 𑌨 𑌕𑍁𑌤॑-𑌶𑍍𑌚॒𑌨𑍋𑌪𑌾᳚𑌵𑍍𑌯𑌾॒𑌧𑍋 𑌭॑𑌵𑌤𑌿॒ 𑌨𑍈𑌨॑-𑌮𑌭𑌿॒𑌚𑌰𑌨𑍍᳚-𑌥𑍍𑌸𑍍𑌤𑍃𑌣𑍁𑌤 𑌆𑌗𑍍𑌨𑌾𑌵𑍈𑌷𑍍𑌣॒𑌵-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌂-𑌯𑌁॒𑌜𑍍𑌞𑍋 𑌨𑍋- [-𑌯॒𑌜𑍍𑌞𑍋 𑌨, 𑌉॒𑌪॒𑌨𑌮𑍇॑𑌦॒𑌗𑍍𑌨𑌿-𑌸𑍍𑌸𑌰𑍍𑌵𑌾॑] ॥ 4 ॥
-𑌪॒𑌨𑌮𑍇॑𑌦॒𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒ 𑌵𑌿𑌷𑍍𑌣𑍁॑-𑌰𑍍𑌯॒𑌜𑍍𑌞𑍋᳚-𑌽𑌗𑍍𑌨𑌿-𑌞𑍍𑌚𑍈॒𑌵 𑌵𑌿𑌷𑍍𑌣𑍁॑-𑌞𑍍𑌚॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑍈॑ 𑌯॒𑌜𑍍𑌞-𑌮𑍍𑌪𑍍𑌰𑌯॑𑌚𑍍𑌛𑌤॒ 𑌉𑌪𑍈॑𑌨𑌂-𑌯𑌁॒𑌜𑍍𑌞𑍋 𑌨॑𑌮𑌤𑍍𑌯𑌾𑌗𑍍𑌨𑌾- 𑌵𑍈𑌷𑍍𑌣॒𑌵-𑌙𑍍𑌘𑍃॒𑌤𑍇 𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒𑌚𑍍𑌚𑌕𑍍𑌷𑍁॑𑌷𑍍𑌕𑌾𑌮𑍋॒-𑌽𑌗𑍍𑌨𑍇𑌰𑍍𑌵𑍈 𑌚𑌕𑍍𑌷𑍁॑𑌷𑌾 𑌮𑌨𑍁॒𑌷𑍍𑌯𑌾॑ 𑌵𑌿 𑌪॑𑌶𑍍𑌯𑌨𑍍𑌤𑌿 𑌯॒𑌜𑍍𑌞𑌸𑍍𑌯॑ 𑌦𑍇॒𑌵𑌾 𑌅॒𑌗𑍍𑌨𑌿-𑌞𑍍𑌚𑍈॒𑌵 𑌵𑌿𑌷𑍍𑌣𑍁॑-𑌞𑍍𑌚॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾- [𑌤𑌾𑌵𑍇॒𑌵, 𑌅॒𑌸𑍍𑌮𑌿॒𑌨𑍍 𑌚𑌕𑍍𑌷𑍁॑𑌰𑍍𑌧𑌤𑍍𑌤॒-] ॥ 4 ॥
-𑌽𑌸𑍍𑌮𑌿॒𑌨𑍍 𑌚𑌕𑍍𑌷𑍁॑-𑌰𑍍𑌧𑌤𑍍𑌤॒-𑌶𑍍𑌚𑌕𑍍𑌷𑍁॑𑌷𑍍𑌮𑌾-𑌨𑍇॒𑌵 𑌭॑𑌵𑌤𑌿 𑌧𑍇॒𑌨𑍍𑌵𑍈 𑌵𑌾 𑌏॒𑌤-𑌦𑍍𑌰𑍇𑌤𑍋॒ 𑌯𑌦𑌾𑌜𑍍𑌯॑-𑌮𑌨॒𑌡𑍁𑌹॑-𑌸𑍍𑌤𑌣𑍍𑌡𑍁॒𑌲𑌾 𑌮𑌿॑𑌥𑍁॒𑌨𑌾-𑌦𑍇॒𑌵𑌾𑌸𑍍𑌮𑍈॒ 𑌚𑌕𑍍𑌷𑍁𑌃॒ 𑌪𑍍𑌰𑌜॑𑌨𑌯𑌤𑌿 𑌘𑍃॒𑌤𑍇 𑌭॑𑌵𑌤𑌿॒ 𑌤𑍇𑌜𑍋॒ 𑌵𑍈 𑌘𑍃॒𑌤-𑌨𑍍𑌤𑍇𑌜॒𑌶𑍍𑌚𑌕𑍍𑌷𑍁॒-𑌸𑍍𑌤𑍇𑌜॑𑌸𑍈॒𑌵𑌾𑌸𑍍𑌮𑍈॒ 𑌤𑍇𑌜॒-𑌶𑍍𑌚𑌕𑍍𑌷𑍁॒𑌰𑌵॑ 𑌰𑍁𑌨𑍍𑌧 𑌇𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌵𑍀॒𑌰𑍍𑌯𑌂॑-𑌵𑍃𑌁𑌙𑍍𑌕𑍍𑌤𑍇॒ 𑌭𑍍𑌰𑌾𑌤𑍃॑𑌵𑍍𑌯𑍋॒ 𑌯𑌜॑𑌮𑌾॒𑌨𑍋-𑌽𑌯॑𑌜𑌮𑌾𑌨𑌸𑍍𑌯𑌾-𑌧𑍍𑌵॒𑌰𑌕॑𑌲𑍍𑌪𑌾॒-𑌮𑍍𑌪𑍍𑌰𑌤𑌿॒ 𑌨𑌿𑌰𑍍𑌵॑𑌪𑍇॒-𑌦𑍍𑌭𑍍𑌰𑌾𑌤𑍃॑𑌵𑍍𑌯𑍇॒ 𑌯𑌜॑𑌮𑌾𑌨𑍇॒ 𑌨𑌾-𑌽𑌸𑍍𑌯𑍇᳚𑌨𑍍𑌦𑍍𑌰𑌿॒𑌯𑌂- [𑌨𑌾-𑌽𑌸𑍍𑌯𑍇᳚𑌨𑍍𑌦𑍍𑌰𑌿॒𑌯𑌮𑍍, 𑌵𑍀॒𑌰𑍍𑌯𑌂॑ 𑌵𑍃𑌁𑌙𑍍𑌕𑍍𑌤𑍇] ॥ 4 ॥
-𑌵𑍀𑌁॒𑌰𑍍𑌯𑌂॑ 𑌵𑍃𑌁𑌙𑍍𑌕𑍍𑌤𑍇 𑌪𑍁॒𑌰𑌾𑌵𑌾॒𑌚𑌃 𑌪𑍍𑌰𑌵॑𑌦𑌿𑌤𑍋॒-𑌰𑍍𑌨𑌿𑌰𑍍𑌵॑𑌪𑍇॒-𑌦𑍍𑌯𑌾𑌵॑𑌤𑍍𑌯𑍇॒𑌵 𑌵𑌾-𑌕𑍍𑌤𑌾𑌮𑌪𑍍𑌰𑍋॑𑌦𑌿𑌤𑌾॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 𑌵𑍃𑌙𑍍𑌕𑍍𑌤𑍇॒ 𑌤𑌾𑌮॑𑌸𑍍𑌯॒ 𑌵𑌾𑌚॑-𑌮𑍍𑌪𑍍𑌰॒𑌵𑌦॑𑌨𑍍𑌤𑍀-𑌮॒𑌨𑍍𑌯𑌾 𑌵𑌾𑌚𑍋-𑌽𑌨𑍁॒ 𑌪𑍍𑌰𑌵॑𑌦𑌨𑍍𑌤𑌿॒ 𑌤𑌾 𑌇॑𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯𑌂॑-𑌯𑌁𑌜॑𑌮𑌾𑌨𑍇 𑌦𑌧𑌤𑍍𑌯𑌾𑌗𑍍𑌨𑌾 𑌵𑍈𑌷𑍍𑌣॒𑌵-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌤𑍍𑌪𑍍𑌰𑌾𑌤-𑌸𑍍𑌸𑌵𑌨॒𑌸𑍍𑌯𑌾॑-𑌽𑌽 𑌕𑌾॒𑌲𑍇 𑌸𑌰॑𑌸𑍍𑌵॒𑌤𑍍𑌯𑌾𑌜𑍍𑌯॑𑌭𑌾𑌗𑌾॒ 𑌸𑍍𑌯𑌾-𑌦𑍍𑌬𑌾॑𑌰𑍍𑌹𑌸𑍍𑌪॒𑌤𑍍𑌯𑌶𑍍𑌚॒𑌰𑍁- 𑌰𑍍𑌯𑌦॒𑌷𑍍𑌟𑌾𑌕॑𑌪𑌾𑌲𑍋॒ 𑌭𑌵॑𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰-𑌮𑍍𑌪𑍍𑌰𑌾॑𑌤-𑌸𑍍𑌸𑌵॒𑌨-𑌮𑍍𑌪𑍍𑌰𑌾॑𑌤-𑌸𑍍𑌸𑌵॒𑌨𑌮𑍇॒𑌵 𑌤𑍇𑌨𑌾᳚-𑌽𑌽𑌪𑍍𑌨𑍋- [𑌤𑍇𑌨𑌾᳚-𑌽𑌽𑌪𑍍𑌨𑍋𑌤𑌿, 𑌆॒𑌗𑍍𑌨𑌾॒𑌵𑍈॒𑌷𑍍𑌣॒𑌵-] ॥ 50 ॥
-𑌤𑍍𑌯𑌾𑌗𑍍𑌨𑌾𑌵𑍈𑌷𑍍𑌣॒𑌵-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌨𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑌸𑍍𑌯॒ 𑌸𑌵॑𑌨𑌸𑍍𑌯𑌾-𑌽𑌽 𑌕𑌾॒𑌲𑍇 𑌸𑌰॑𑌸𑍍𑌵॒𑌤𑍍𑌯𑌾𑌜𑍍𑌯॑𑌭𑌾𑌗𑌾॒ 𑌸𑍍𑌯𑌾-𑌦𑍍𑌬𑌾॑𑌰𑍍𑌹𑌸𑍍𑌪॒𑌤𑍍𑌯-𑌶𑍍𑌚॒𑌰𑍁 𑌰𑍍𑌯𑌦𑍇𑌕𑌾॑𑌦𑌶𑌕𑌪𑌾𑌲𑍋॒ 𑌭𑌵॒𑌤𑍍𑌯𑍇𑌕𑌾॑𑌦𑌶𑌾𑌕𑍍𑌷𑌰𑌾 𑌤𑍍𑌰𑌿॒𑌷𑍍𑌟𑍁-𑌪𑍍𑌤𑍍𑌰𑍈𑌷𑍍𑌟𑍁॑𑌭॒-𑌮𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨॒𑌗𑍍𑌮𑍍॒ 𑌸𑌵॑𑌨॒-𑌮𑍍𑌮𑌾𑌦𑍍𑌧𑍍𑌯॑𑌦𑌿𑌨𑍍𑌨𑌮𑍇॒𑌵 𑌸𑌵॑𑌨॒-𑌨𑍍𑌤𑍇𑌨𑌾᳚-𑌽𑌽𑌪𑍍𑌨𑍋𑌤𑍍𑌯𑌾𑌗𑍍𑌨𑌾𑌵𑍈𑌷𑍍𑌣॒𑌵-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌤𑍍𑌤𑍃𑌤𑍀𑌯𑌸𑌵॒𑌨𑌸𑍍𑌯𑌾॑-𑌽𑌽𑌕𑌾॒𑌲𑍇 𑌸𑌰॑𑌸𑍍𑌵॒𑌤𑍍𑌯𑌾𑌜𑍍𑌯॑𑌭𑌾𑌗𑌾॒ 𑌸𑍍𑌯𑌾-𑌦𑍍𑌬𑌾॑𑌰𑍍𑌹𑌸𑍍𑌪॒𑌤𑍍𑌯-𑌶𑍍𑌚॒𑌰𑍁𑌰𑍍𑌯-𑌦𑍍𑌦𑍍𑌵𑌾𑌦॑𑌶𑌕𑌪𑌾𑌲𑍋॒ 𑌭𑌵॑𑌤𑌿॒ 𑌦𑍍𑌵𑌾𑌦॑𑌶𑌾𑌕𑍍𑌷𑌰𑌾॒ 𑌜𑌗॑𑌤𑍀॒ 𑌜𑌾𑌗॑𑌤-𑌨𑍍𑌤𑍃𑌤𑍀𑌯𑌸𑌵॒𑌨-𑌨𑍍𑌤𑍃॑𑌤𑍀𑌯 𑌸𑌵॒𑌨𑌮𑍇॒𑌵 𑌤𑍇𑌨𑌾᳚-𑌽𑌽𑌪𑍍𑌨𑍋𑌤𑌿 𑌦𑍇॒𑌵𑌤𑌾॑𑌭𑌿𑌰𑍇॒𑌵 𑌦𑍇॒𑌵𑌤𑌾𑌃᳚ [𑌦𑍇॒𑌵𑌤𑌾𑌃᳚, 𑌪𑍍𑌰॒𑌤𑌿॒𑌚𑌰॑𑌤𑌿] ॥ 51 ॥
𑌪𑍍𑌰𑌤𑌿॒𑌚𑌰॑𑌤𑌿 𑌯॒𑌜𑍍𑌞𑍇𑌨॑ 𑌯॒𑌜𑍍𑌞𑌂-𑌵𑌾𑌁॒𑌚𑌾 𑌵𑌾𑌚॒-𑌮𑍍𑌬𑍍𑌰𑌹𑍍𑌮॑𑌣𑌾॒ 𑌬𑍍𑌰𑌹𑍍𑌮॑ 𑌕॒𑌪𑌾𑌲𑍈॑𑌰𑍇॒𑌵 𑌛𑌨𑍍𑌦𑌾𑌗𑍍॑𑌸𑍍𑌯𑌾॒𑌪𑍍𑌨𑍋𑌤𑌿॑ 𑌪𑍁𑌰𑍋॒𑌡𑌾𑌶𑍈॒-𑌸𑍍𑌸𑌵॑𑌨𑌾𑌨𑌿 𑌮𑍈𑌤𑍍𑌰𑌾𑌵𑌰𑍁॒𑌣-𑌮𑍇𑌕॑𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌵॒𑌶𑌾𑌯𑍈॑ 𑌕𑌾॒𑌲𑍇 𑌯𑍈𑌵𑌾𑌸𑍌 𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 𑌵॒𑌶𑌾-𑌽𑌨𑍂॑𑌬॒𑌨𑍍𑌧𑍍𑌯𑌾॑ 𑌸𑍋 𑌏॒𑌵𑍈𑌷𑍈𑌤𑌸𑍍𑌯𑍈𑌕॑𑌕𑌪𑌾𑌲𑍋 𑌭𑌵𑌤𑌿॒ 𑌨 𑌹𑌿 𑌕॒𑌪𑌾𑌲𑍈𑌃᳚ 𑌪॒𑌶𑍁-𑌮𑌰𑍍𑌹॒𑌤𑍍𑌯𑌾𑌪𑍍𑌤𑍁᳚𑌮𑍍 ॥ 52 ॥
(𑌬𑍍𑌰𑌹𑍍𑌮॑𑌣𑍈॒𑌵𑍈𑌨॑𑌮॒𑌭𑌿 𑌚॑𑌰𑌤𑌿 – 𑌯॒𑌜𑍍𑌞𑍋 𑌨 – 𑌤𑌾𑌵𑍇॒𑌵𑌾 – 𑌽𑌸𑍍𑌯𑍇᳚𑌨𑍍𑌦𑍍𑌰𑌿॒𑌯 – 𑌮𑌾᳚𑌪𑍍𑌨𑍋𑌤𑌿 -𑌦𑍇॒𑌵𑌤𑌾𑌃᳚ – 𑌸॒𑌪𑍍𑌤𑌤𑍍𑌰𑌿𑌗𑍍𑌮𑍍॑𑌶𑌚𑍍𑌚 ) (𑌅. )
𑌅॒𑌸𑌾𑌵𑌾॑𑌦𑌿॒𑌤𑍍𑌯𑍋 𑌨 𑌵𑍍𑌯॑𑌰𑍋𑌚𑌤॒ 𑌤𑌸𑍍𑌮𑍈॑ 𑌦𑍇॒𑌵𑌾𑌃 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿-𑌮𑍈𑌚𑍍𑌛॒-𑌨𑍍𑌤𑌸𑍍𑌮𑌾॑ 𑌏॒𑌤𑌗𑍍𑌮𑍍 𑌸𑍋॑𑌮𑌾𑌰𑍌॒𑌦𑍍𑌰-𑌞𑍍𑌚॒𑌰𑍁-𑌨𑍍𑌨𑌿𑌰॑𑌵𑌪॒-𑌨𑍍𑌤𑍇𑌨𑍈॒𑌵𑌾𑌸𑍍𑌮𑌿॒-𑌨𑍍𑌰𑍁𑌚॑𑌮𑌦𑌧𑍁॒𑌰𑍍𑌯𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌕𑌾॑𑌮॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌗𑍍𑌮𑍍 𑌸𑍋॑𑌮𑌾𑌰𑍌॒𑌦𑍍𑌰-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒-𑌥𑍍𑌸𑍋𑌮॑-𑌞𑍍𑌚𑍈॒𑌵 𑌰𑍁॒𑌦𑍍𑌰-𑌞𑍍𑌚॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌧॑𑌤𑍍𑌤𑍋 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 𑌭॑𑌵𑌤𑌿 𑌤𑌿𑌷𑍍𑌯𑌾𑌪𑍂𑌰𑍍𑌣𑌮𑌾॒𑌸𑍇 𑌨𑌿𑌰𑍍𑌵॑𑌪𑍇𑌦𑍍𑌰𑍁॒𑌦𑍍𑌰𑍋 [𑌨𑌿𑌰𑍍𑌵॑𑌪𑍇𑌦𑍍𑌰𑍁॒𑌦𑍍𑌰𑌃, 𑌵𑍈 𑌤𑌿॒𑌷𑍍𑌯॑-𑌸𑍍𑌸𑍋𑌮𑌃॑] ॥ 53 ॥
𑌵𑍈 𑌤𑌿॒𑌷𑍍𑌯॑-𑌸𑍍𑌸𑍋𑌮𑌃॑ 𑌪𑍂॒𑌰𑍍𑌣𑌮𑌾॑𑌸-𑌸𑍍𑌸𑌾॒𑌕𑍍𑌷𑌾𑌦𑍇॒𑌵 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌮𑌵॑ 𑌰𑍁𑌨𑍍𑌧𑍇॒ 𑌪𑌰𑌿॑𑌶𑍍𑌰𑌿𑌤𑍇 𑌯𑌾𑌜𑌯𑌤𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌸𑍍𑌯॒ 𑌪𑌰𑌿॑𑌗𑍃𑌹𑍀𑌤𑍍𑌯𑍈 𑌶𑍍𑌵𑍇॒𑌤𑌾𑌯𑍈᳚ 𑌶𑍍𑌵𑍇॒𑌤𑌵॑𑌥𑍍𑌸𑌾𑌯𑍈 𑌦𑍁॒𑌗𑍍𑌧-𑌮𑍍𑌮॑𑌥𑌿॒𑌤𑌮𑌾𑌜𑍍𑌯॑-𑌮𑍍𑌭𑌵॒𑌤𑍍𑌯𑌾𑌜𑍍𑌯॒-𑌮𑍍𑌪𑍍𑌰𑍋𑌕𑍍𑌷॑𑌣॒𑌮𑌾𑌜𑍍𑌯𑍇॑𑌨 𑌮𑌾𑌰𑍍𑌜𑌯𑌨𑍍𑌤𑍇॒ 𑌯𑌾𑌵॑𑌦𑍇॒𑌵 𑌬𑍍𑌰॑𑌹𑍍𑌮𑌵𑌰𑍍𑌚॒𑌸-𑌨𑍍𑌤-𑌥𑍍𑌸𑌰𑍍𑌵॑-𑌙𑍍𑌕𑌰𑍋॒𑌤𑍍𑌯𑌤𑌿॑ 𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌙𑍍𑌕𑍍𑌰𑌿॑𑌯𑌤॒ 𑌇𑌤𑍍𑌯𑌾॑𑌹𑍁𑌰𑍀𑌶𑍍𑌵॒𑌰𑍋 𑌦𑍁॒𑌶𑍍𑌚𑌰𑍍𑌮𑌾॒ 𑌭𑌵𑌿॑𑌤𑍋॒𑌰𑌿𑌤𑌿॑ 𑌮𑌾𑌨॒𑌵𑍀 𑌋𑌚𑍌॑ 𑌧𑌾॒𑌯𑍍𑌯𑍇॑ 𑌕𑍁𑌰𑍍𑌯𑌾॒-𑌦𑍍𑌯𑌦𑍍𑌵𑍈 𑌕𑌿𑌞𑍍𑌚॒ 𑌮𑌨𑍁॒-𑌰𑌵॑𑌦॒𑌤𑍍𑌤-𑌦𑍍𑌭𑍇॑𑌷॒𑌜𑌂- [-𑌦𑍍𑌭𑍇॑𑌷॒𑌜𑌮𑍍, 𑌭𑍇॒𑌷॒𑌜-𑌮𑍇॒𑌵𑌾-𑌽𑌸𑍍𑌮𑍈॑] ॥ 54 ॥
-𑌭𑍇॑𑌷॒𑌜-𑌮𑍇॒𑌵𑌾-𑌽𑌸𑍍𑌮𑍈॑ 𑌕𑌰𑍋𑌤𑌿॒ 𑌯𑌦𑌿॑ 𑌬𑌿𑌭𑍀॒𑌯𑌾-𑌦𑍍𑌦𑍁॒𑌶𑍍𑌚𑌰𑍍𑌮𑌾॑ 𑌭𑌵𑌿𑌷𑍍𑌯𑌾॒𑌮𑍀𑌤𑌿॑ 𑌸𑍋𑌮𑌾𑌪𑍌॒𑌷𑍍𑌣-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌥𑍍𑌸𑍌॒𑌮𑍍𑌯𑍋 𑌵𑍈 𑌦𑍇॒𑌵𑌤॑𑌯𑌾॒ 𑌪𑍁𑌰𑍁॑𑌷𑌃 𑌪𑍌॒𑌷𑍍𑌣𑌾𑌃 𑌪॒𑌶𑌵॒-𑌸𑍍𑌸𑍍𑌵𑌯𑍈॒ 𑌵𑌾𑌸𑍍𑌮𑍈॑ 𑌦𑍇॒𑌵𑌤॑𑌯𑌾 𑌪॒𑌶𑍁𑌭𑌿॒-𑌸𑍍𑌤𑍍𑌵𑌚॑-𑌙𑍍𑌕𑌰𑍋𑌤𑌿॒ 𑌨 𑌦𑍁॒𑌶𑍍𑌚𑌰𑍍𑌮𑌾॑ 𑌭𑌵𑌤𑌿 𑌸𑍋𑌮𑌾𑌰𑍌॒𑌦𑍍𑌰-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌤𑍍𑌪𑍍𑌰॒𑌜𑌾𑌕𑌾॑𑌮॒-𑌸𑍍𑌸𑍋𑌮𑍋॒ 𑌵𑍈 𑌰𑍇॑𑌤𑍋॒𑌧𑌾 𑌅॒𑌗𑍍𑌨𑌿𑌃 𑌪𑍍𑌰॒𑌜𑌾𑌨𑌾᳚-𑌮𑍍𑌪𑍍𑌰𑌜𑌨𑌯𑌿॒𑌤𑌾 𑌸𑍋𑌮॑ 𑌏॒𑌵𑌾𑌸𑍍𑌮𑍈॒ 𑌰𑍇𑌤𑍋॒ 𑌦𑌧𑌾᳚𑌤𑍍𑌯॒𑌗𑍍𑌨𑌿𑌃 𑌪𑍍𑌰॒𑌜𑌾-𑌮𑍍𑌪𑍍𑌰𑌜॑𑌨𑌯𑌤𑌿 𑌵𑌿॒𑌨𑍍𑌦𑌤𑍇᳚ – [ ] ॥ 55 ॥
𑌪𑍍𑌰॒𑌜𑌾𑌗𑍍𑌮𑍍 𑌸𑍋॑𑌮𑌾𑌰𑍌॒𑌦𑍍𑌰-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌦𑌭𑌿॒𑌚𑌰𑌨𑍍᳚-𑌥𑍍𑌸𑍌॒𑌮𑍍𑌯𑍋 𑌵𑍈 𑌦𑍇॒𑌵𑌤॑𑌯𑌾॒ 𑌪𑍁𑌰𑍁॑𑌷 𑌏॒𑌷 𑌰𑍁॒𑌦𑍍𑌰𑍋 𑌯𑌦॒𑌗𑍍𑌨𑌿-𑌸𑍍𑌸𑍍𑌵𑌾𑌯𑌾॑ 𑌏॒𑌵𑍈𑌨॑-𑌨𑍍𑌦𑍇॒𑌵𑌤𑌾॑𑌯𑍈 𑌨𑌿॒𑌷𑍍𑌕𑍍𑌰𑍀𑌯॑ 𑌰𑍁॒𑌦𑍍𑌰𑌾𑌯𑌾𑌪𑌿॑ 𑌦𑌧𑌾𑌤𑌿 𑌤𑌾॒𑌜𑌗𑌾𑌰𑍍𑌤𑌿॒-𑌮𑌾𑌰𑍍𑌚𑍍𑌛॑𑌤𑌿 𑌸𑍋𑌮𑌾𑌰𑍌॒𑌦𑍍𑌰-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒-𑌜𑍍𑌜𑍍𑌯𑍋𑌗𑌾॑𑌮𑌯𑌾𑌵𑍀॒ 𑌸𑍋𑌮𑌂॒-𑌵𑌾𑌁 𑌏॒𑌤𑌸𑍍𑌯॒ 𑌰𑌸𑍋॑ 𑌗𑌚𑍍𑌛𑌤𑍍𑌯॒𑌗𑍍𑌨𑌿𑌗𑍍𑌮𑍍 𑌶𑌰𑍀॑𑌰𑌂॒-𑌯𑌁𑌸𑍍𑌯॒ 𑌜𑍍𑌯𑍋𑌗𑌾॒𑌮𑌯॑𑌤𑌿॒ 𑌸𑍋𑌮𑌾॑𑌦𑍇॒𑌵𑌾𑌸𑍍𑌯॒ 𑌰𑌸॑-𑌨𑍍𑌨𑌿𑌷𑍍𑌕𑍍𑌰𑍀॒𑌣𑌾𑌤𑍍𑌯॒𑌗𑍍𑌨𑍇-𑌶𑍍𑌶𑌰𑍀॑𑌰𑌮𑍁॒𑌤 𑌯𑌦𑍀॒- [𑌯𑌦𑌿॑, 𑌇॒𑌤𑌾𑌸𑍁॒ 𑌰𑍍𑌭𑌵॑𑌤𑌿॒] ॥ 56 ॥
-𑌤𑌾𑌸𑍁॒ 𑌰𑍍𑌭𑌵॑𑌤𑌿॒ 𑌜𑍀𑌵॑𑌤𑍍𑌯𑍇॒𑌵 𑌸𑍋॑𑌮𑌾𑌰𑍁॒𑌦𑍍𑌰𑌯𑍋॒𑌰𑍍𑌵𑌾 𑌏॒𑌤-𑌙𑍍𑌗𑍍𑌰॑𑌸𑌿॒𑌤𑌗𑍍𑌮𑍍 𑌹𑍋𑌤𑌾॒ 𑌨𑌿𑌷𑍍𑌖𑌿॑𑌦𑌤𑌿॒ 𑌸 𑌈᳚𑌶𑍍𑌵॒𑌰 𑌆𑌰𑍍𑌤𑌿॒𑌮𑌾𑌰𑍍𑌤𑍋॑-𑌰𑌨॒𑌡𑍍𑌵𑌾𑌨𑍍. 𑌹𑍋𑌤𑍍𑌰𑌾॒ 𑌦𑍇𑌯𑍋॒ 𑌵𑌹𑍍𑌨𑌿॒𑌰𑍍𑌵𑌾 𑌅॑𑌨॒𑌡𑍍𑌵𑌾𑌨𑍍. 𑌵𑌹𑍍𑌨𑌿॒𑌰𑍍॒𑌹𑍋𑌤𑌾॒ 𑌵𑌹𑍍𑌨𑌿॑𑌨𑍈॒𑌵 𑌵𑌹𑍍𑌨𑌿॑-𑌮𑌾॒𑌤𑍍𑌮𑌾𑌨𑌗𑍍𑌗𑍍॑ 𑌸𑍍𑌪𑍃𑌣𑍋𑌤𑌿 𑌸𑍋𑌮𑌾𑌰𑍌॒𑌦𑍍𑌰-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤॒ 𑌸𑍍𑌵𑍇᳚-𑌽𑌸𑍍𑌮𑌾 𑌆॒𑌯𑌤॑𑌨𑍇॒ 𑌭𑍍𑌰𑌾𑌤𑍃॑𑌵𑍍𑌯-𑌞𑍍𑌜𑌨𑌯𑍇𑌯॒𑌮𑌿𑌤𑌿॒ 𑌵𑍇𑌦𑌿॑-𑌮𑍍𑌪𑌰𑌿॒𑌗𑍃𑌹𑍍𑌯𑌾॒-𑌽𑌰𑍍𑌧-𑌮𑍁॑𑌦𑍍𑌧॒𑌨𑍍𑌯𑌾-𑌦॒𑌰𑍍𑌧-𑌨𑍍𑌨𑌾𑌰𑍍𑌧-𑌮𑍍𑌬॒𑌰𑍍॒𑌹𑌿𑌷॑-𑌸𑍍𑌸𑍍𑌤𑍃𑌣𑍀॒𑌯𑌾-𑌦॒𑌰𑍍𑌧-𑌨𑍍𑌨𑌾𑌰𑍍𑌧-𑌮𑌿॒𑌦𑍍𑌧𑍍𑌮𑌸𑍍𑌯𑌾᳚-𑌽𑌭𑍍𑌯𑌾-𑌦॒𑌦𑍍𑌧𑍍𑌯𑌾-𑌦𑌦𑍍॒𑌰𑍍𑌧-𑌨𑍍𑌨 𑌸𑍍𑌵 𑌏॒𑌵𑌾𑌸𑍍𑌮𑌾॑ 𑌆॒𑌯𑌤॑𑌨𑍇॒ 𑌭𑍍𑌰𑌾𑌤𑍃॑𑌵𑍍𑌯-𑌞𑍍𑌜𑌨𑌯𑌤𑌿 ॥ 5 ॥
(𑌰𑍁॒𑌦𑍍𑌰𑍋 – 𑌭𑍇॑𑌷॒𑌜𑌂 – 𑌵𑌿॒𑌨𑍍𑌦𑌤𑍇॒- 𑌯𑌦𑌿॑ – 𑌸𑍍𑌤𑍃𑌣𑍀॒𑌯𑌾𑌦॒𑌰𑍍𑌧𑌂 – 𑌦𑍍𑌵𑌾𑌦॑𑌶 𑌚) (𑌅. 10)
𑌐॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇𑌨𑍍𑌮𑌾𑌰𑍁॒𑌤𑌗𑍍𑌮𑍍 𑌸॒𑌪𑍍𑌤𑌕॑𑌪𑌾𑌲॒-𑌙𑍍𑌗𑍍𑌰𑌾𑌮॑𑌕𑌾𑌮॒ 𑌇𑌨𑍍𑌦𑍍𑌰॑-𑌞𑍍𑌚𑍈॒𑌵 𑌮॒𑌰𑍁𑌤॑𑌶𑍍𑌚॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾-𑌨𑍍𑌪𑍍𑌰𑌯॑𑌚𑍍𑌛𑌨𑍍𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑍍𑌯𑌾𑌹𑌵॒𑌨𑍀𑌯॑ 𑌐॒𑌨𑍍𑌦𑍍𑌰𑌮𑌧𑌿॑ 𑌶𑍍𑌰𑌯𑌤𑌿॒ 𑌗𑌾𑌰𑍍𑌹॑𑌪𑌤𑍍𑌯𑍇 𑌮𑌾𑌰𑍁॒𑌤-𑌮𑍍𑌪𑌾॑𑌪𑌵𑌸𑍍𑌯॒𑌸𑌸𑍍𑌯॒ 𑌵𑌿𑌧𑍃॑𑌤𑍍𑌯𑍈 𑌸॒𑌪𑍍𑌤𑌕॑𑌪𑌾𑌲𑍋 𑌮𑌾𑌰𑍁॒𑌤𑍋 𑌭॑𑌵𑌤𑌿 𑌸॒𑌪𑍍𑌤𑌗॑𑌣𑌾॒ 𑌵𑍈 𑌮॒𑌰𑍁𑌤𑍋॑𑌗𑌣॒𑌶 𑌏॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾𑌨𑌵॑ 𑌰𑍁𑌨𑍍𑌧𑍇-𑌽𑌨𑍂॒𑌚𑍍𑌯𑌮𑌾॑𑌨॒ 𑌆 𑌸𑌾॑𑌦𑌯𑌤𑌿॒ 𑌵𑌿𑌶॑𑌮𑍇॒𑌵𑌾- [𑌵𑌿𑌶॑𑌮𑍇॒𑌵, 𑌅॒𑌸𑍍𑌮𑌾॒ 𑌅𑌨𑍁॑𑌵𑌰𑍍𑌤𑍍𑌮𑌾𑌨𑌂-] ॥ 5 ॥
-𑌽𑌸𑍍𑌮𑌾॒ 𑌅𑌨𑍁॑𑌵𑌰𑍍𑌤𑍍𑌮𑌾𑌨-𑌙𑍍𑌕𑌰𑍋𑌤𑍍𑌯𑍇॒𑌤𑌾𑌮𑍇॒𑌵 𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤 𑌕𑍍𑌷॒𑌤𑍍𑌰𑌾𑌯॑ 𑌚 𑌵𑌿॒𑌶𑍇 𑌚॑ 𑌸॒𑌮𑌦॑-𑌨𑍍𑌦𑌦𑍍𑌧𑍍𑌯𑌾॒-𑌮𑌿𑌤𑍍𑌯𑍈॒𑌨𑍍𑌦𑍍𑌰𑌸𑍍𑌯𑌾॑-𑌽𑌵॒𑌦𑍍𑌯-𑌨𑍍𑌬𑍍𑌰𑍂॑𑌯𑌾॒-𑌦𑌿𑌨𑍍𑌦𑍍𑌰𑌾॒𑌯𑌾-𑌽𑌨𑍁॑ 𑌬𑍍𑌰𑍂॒𑌹𑍀𑌤𑍍𑌯𑌾॒𑌶𑍍𑌰𑌾𑌵𑍍𑌯॑ 𑌬𑍍𑌰𑍂𑌯𑌾-𑌨𑍍𑌮॒𑌰𑍁𑌤𑍋॑ 𑌯॒𑌜𑍇𑌤𑌿॑ 𑌮𑌾𑌰𑍁॒𑌤𑌸𑍍𑌯𑌾॑-𑌽𑌵॒𑌦𑍍𑌯-𑌨𑍍𑌬𑍍𑌰𑍂॑𑌯𑌾-𑌨𑍍𑌮॒𑌰𑍁𑌦𑍍𑌭𑍍𑌯𑍋-𑌽𑌨𑍁॑ 𑌬𑍍𑌰𑍂॒𑌹𑍀𑌤𑍍𑌯𑌾॒𑌶𑍍𑌰𑌾𑌵𑍍𑌯॑ 𑌬𑍍𑌰𑍂𑌯𑌾॒𑌦𑌿𑌨𑍍𑌦𑍍𑌰𑌂॑-𑌯𑌁॒𑌜𑍇𑌤𑌿॒ 𑌸𑍍𑌵 𑌏॒𑌵𑍈𑌭𑍍𑌯𑍋॑ 𑌭𑌾𑌗॒𑌧𑍇𑌯𑍇॑ 𑌸॒𑌮𑌦॑-𑌨𑍍𑌦𑌧𑌾𑌤𑌿 𑌵𑌿𑌤𑍃𑌗𑍍𑌮𑍍𑌹𑌾॒𑌣𑌾-𑌸𑍍𑌤𑌿॑𑌷𑍍𑌠𑌨𑍍𑌤𑍍𑌯𑍇॒ 𑌤𑌾𑌮𑍇॒𑌵 [ ] ॥ 5 ॥
𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤॒ 𑌕𑌲𑍍𑌪𑍇॑𑌰॒𑌨𑍍𑌨𑌿𑌤𑌿॑ 𑌯𑌥𑌾𑌦𑍇𑌵॒𑌤-𑌮॑𑌵॒𑌦𑌾𑌯॑ 𑌯𑌥𑌾 𑌦𑍇𑌵॒𑌤𑌂-𑌯𑌁॑𑌜𑍇-𑌦𑍍𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑌾𑌨𑍍॑ 𑌯𑌥𑌾𑌯॒𑌥-𑌙𑍍𑌕॑𑌲𑍍𑌪𑌯𑌤𑌿॒ 𑌕𑌲𑍍𑌪॑𑌨𑍍𑌤 𑌏॒𑌵𑍈𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌵𑍈𑌶𑍍𑌵𑌦𑍇॒𑌵-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌙𑍍𑌗𑍍𑌰𑌾𑌮॑𑌕𑌾𑌮॒ 𑌇𑌨𑍍𑌦𑍍𑌰॑-𑌞𑍍𑌚𑍈॒𑌵 𑌵𑌿𑌶𑍍𑌵𑌾𑌗𑍍॑𑌶𑍍𑌚 𑌦𑍇॒𑌵𑌾𑌨𑍍-𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾-𑌨𑍍𑌪𑍍𑌰𑌯॑𑌚𑍍𑌛𑌨𑍍𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑍍𑌯𑍈॒𑌨𑍍𑌦𑍍𑌰𑌸𑍍𑌯𑌾॑-𑌽𑌵॒𑌦𑌾𑌯॑ 𑌵𑍈𑌶𑍍𑌵𑌦𑍇॒𑌵𑌸𑍍𑌯𑌾𑌵॑ 𑌦𑍍𑌯𑍇॒-𑌦𑌥𑍈॒𑌨𑍍𑌦𑍍𑌰𑌸𑍍𑌯𑍋॒- [-𑌦𑌥𑍈॒𑌨𑍍𑌦𑍍𑌰𑌸𑍍𑌯॑, 𑌉॒𑌪𑌰𑌿॑𑌷𑍍𑌟𑌾-] ॥ 60 ॥
-𑌪𑌰𑌿॑𑌷𑍍𑌟𑌾-𑌦𑌿𑌨𑍍𑌦𑍍𑌰𑌿॒𑌯𑍇𑌣𑍈॒𑌵𑌾𑌸𑍍𑌮𑌾॑ 𑌉𑌭॒𑌯𑌤॑-𑌸𑍍𑌸𑌜𑌾॒𑌤𑌾-𑌨𑍍𑌪𑌰𑌿॑ 𑌗𑍃𑌹𑍍𑌣𑌾𑌤𑍍𑌯𑍁𑌪𑌾𑌧𑌾॒𑌯𑍍𑌯॑ 𑌪𑍂𑌰𑍍𑌵𑌯𑌂॒-𑌵𑌾𑌁𑌸𑍋॒ 𑌦𑌕𑍍𑌷𑌿॑𑌣𑌾 𑌸𑌜𑌾॒𑌤𑌾𑌨𑌾॒𑌮𑍁𑌪॑𑌹𑌿𑌤𑍍𑌯𑍈॒ 𑌪𑍃𑌶𑍍𑌞𑌿॑𑌯𑍈 𑌦𑍁॒𑌗𑍍𑌧𑍇 𑌪𑍍𑌰𑍈𑌯॑𑌙𑍍𑌗𑌵-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇𑌨𑍍𑌮॒𑌰𑍁𑌦𑍍𑌭𑍍𑌯𑍋॒ 𑌗𑍍𑌰𑌾𑌮॑𑌕𑌾𑌮𑌃॒ 𑌪𑍃𑌶𑍍𑌞𑌿॑𑌯𑍈॒ 𑌵𑍈 𑌪𑌯॑𑌸𑍋 𑌮॒𑌰𑍁𑌤𑍋॑ 𑌜𑌾॒𑌤𑌾𑌃 𑌪𑍃𑌶𑍍𑌞𑌿॑𑌯𑍈 𑌪𑍍𑌰𑌿॒𑌯𑌙𑍍𑌗॑𑌵𑍋 𑌮𑌾𑌰𑍁॒𑌤𑌾𑌃 𑌖𑌲𑍁॒ 𑌵𑍈 𑌦𑍇॒𑌵𑌤॑𑌯𑌾 𑌸𑌜𑌾॒𑌤𑌾 𑌮॒𑌰𑍁𑌤॑ 𑌏॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾-𑌨𑍍𑌪𑍍𑌰𑌯॑𑌚𑍍𑌛𑌨𑍍𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿 𑌪𑍍𑌰𑌿॒𑌯𑌵॑𑌤𑍀 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ [𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇᳚, 𑌭॒𑌵॒𑌤𑌃॒ 𑌪𑍍𑌰𑌿॒𑌯𑌮𑍇॒𑌵𑍈𑌨𑌗𑍍𑌮𑍍॑] ॥ 61 ॥
𑌭𑌵𑌤𑌃 𑌪𑍍𑌰𑌿॒𑌯𑌮𑍇॒𑌵𑍈𑌨𑌗𑍍𑌮𑍍॑ 𑌸𑌮𑌾॒𑌨𑌾𑌨𑌾᳚-𑌙𑍍𑌕𑌰𑍋𑌤𑌿 𑌦𑍍𑌵𑌿॒𑌪𑌦𑌾॑ 𑌪𑍁𑌰𑍋-𑌽𑌨𑍁𑌵𑌾॒𑌕𑍍𑌯𑌾॑ 𑌭𑌵𑌤𑌿 𑌦𑍍𑌵𑌿॒𑌪𑌦॑ 𑌏॒𑌵𑌾𑌵॑ 𑌰𑍁𑌨𑍍𑌧𑍇॒ 𑌚𑌤𑍁॑𑌷𑍍𑌪𑌦𑌾 𑌯𑌾॒𑌜𑍍𑌯𑌾॑ 𑌚𑌤𑍁॑𑌷𑍍𑌪𑌦 𑌏॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 𑌦𑍇𑌵𑌾𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑍇 𑌦𑍇॒𑌵𑌾 𑌮𑌿॒𑌥𑍋 𑌵𑌿𑌪𑍍𑌰𑌿॑𑌯𑌾 𑌆𑌸॒-𑌨𑍍𑌤𑍇᳚(1॒) 𑌽𑌨𑍍𑌯𑍋᳚-𑌽𑌨𑍍𑌯𑌸𑍍𑌮𑍈॒ 𑌜𑍍𑌯𑍈𑌷𑍍𑌠𑍍𑌯𑌾॒𑌯𑌾-𑌤𑌿॑𑌷𑍍𑌠𑌮𑌾𑌨𑌾-𑌶𑍍𑌚𑌤𑍁॒𑌰𑍍𑌧𑌾 𑌵𑍍𑌯॑𑌕𑍍𑌰𑌾𑌮-𑌨𑍍𑌨॒𑌗𑍍𑌨𑌿-𑌰𑍍𑌵𑌸𑍁॑𑌭𑌿॒-𑌸𑍍𑌸𑍋𑌮𑍋॑ 𑌰𑍁॒𑌦𑍍𑌰𑍈𑌰𑌿𑌨𑍍𑌦𑍍𑌰𑍋॑ 𑌮॒𑌰𑍁𑌦𑍍𑌭𑌿॒-𑌰𑍍𑌵𑌰𑍁॑𑌣 𑌆𑌦𑌿॒𑌤𑍍𑌯𑍈-𑌸𑍍𑌸 𑌇𑌨𑍍𑌦𑍍𑌰𑌃॑ 𑌪𑍍𑌰॒𑌜𑌾𑌪॑𑌤𑌿॒-𑌮𑍁𑌪𑌾॑-𑌽𑌧𑌾𑌵॒-𑌤𑍍𑌤- [-𑌽𑌧𑌾𑌵॒-𑌤𑍍𑌤𑌮𑍍, 𑌏॒𑌤𑌯𑌾॑] ॥ 62 ॥
-𑌮𑍇॒𑌤𑌯𑌾॑ 𑌸𑌂॒(2)𑌜𑍍𑌞𑌾𑌨𑍍𑌯𑌾॑-𑌽𑌯𑌾𑌜𑌯-𑌦॒𑌗𑍍𑌨𑌯𑍇॒ 𑌵𑌸𑍁॑𑌮𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰॑𑌵𑌪॒-𑌥𑍍𑌸𑍋𑌮𑌾॑𑌯 𑌰𑍁॒𑌦𑍍𑌰𑌵॑𑌤𑍇 𑌚॒𑌰𑍁𑌮𑌿𑌨𑍍𑌦𑍍𑌰𑌾॑𑌯 𑌮॒𑌰𑍁𑌤𑍍𑌵॑𑌤𑍇 𑌪𑍁𑌰𑍋॒𑌡𑌾𑌶॒ -𑌮𑍇𑌕𑌾॑𑌦𑌶𑌕𑌪𑌾𑌲𑌂॒-𑌵𑌁𑌰𑍁॑𑌣𑌾𑌯𑌾-𑌽𑌽𑌦𑌿॒𑌤𑍍𑌯𑌵॑𑌤𑍇 𑌚॒𑌰𑍁-𑌨𑍍𑌤𑌤𑍋॒ 𑌵𑌾 𑌇𑌨𑍍𑌦𑍍𑌰॑-𑌨𑍍𑌦𑍇॒𑌵𑌾 𑌜𑍍𑌯𑍈𑌷𑍍𑌠𑍍𑌯𑌾॑𑌯𑌾॒𑌭𑌿 𑌸𑌮॑𑌜𑌾𑌨𑌤॒ 𑌯-𑌸𑍍𑌸॑𑌮𑌾॒𑌨𑍈-𑌰𑍍𑌮𑌿॒𑌥𑍋 𑌵𑌿𑌪𑍍𑌰𑌿॑𑌯॒-𑌸𑍍𑌸𑍍𑌯𑌾-𑌤𑍍𑌤𑌮𑍇॒𑌤𑌯𑌾॑ 𑌸𑌂॒(2)𑌜𑍍𑌞𑌾𑌨𑍍𑌯𑌾॑ 𑌯𑌾𑌜𑌯𑍇-𑌦॒𑌗𑍍𑌨𑌯𑍇॒ 𑌵𑌸𑍁॑𑌮𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌥𑍍𑌸𑍋𑌮𑌾॑𑌯 𑌰𑍁॒𑌦𑍍𑌰𑌵॑𑌤𑍇 𑌚॒𑌰𑍁-𑌮𑌿𑌨𑍍𑌦𑍍𑌰𑌾॑𑌯 𑌮॒𑌰𑍁𑌤𑍍𑌵॑𑌤𑍇 𑌪𑍁𑌰𑍋॒𑌡𑌾𑌶॒-𑌮𑍇𑌕𑌾॑𑌦𑌶𑌕𑌪𑌾𑌲𑌂॒-𑌵𑌁𑌰𑍁॑𑌣𑌾𑌯𑌾 𑌽𑌽𑌦𑌿॒𑌤𑍍𑌯𑌵॑𑌤𑍇 𑌚॒𑌰𑍁-𑌮𑌿𑌨𑍍𑌦𑍍𑌰॑-𑌮𑍇॒𑌵𑍈𑌨॑-𑌮𑍍𑌭𑍂॒𑌤-𑌞𑍍𑌜𑍍𑌯𑍈𑌷𑍍𑌠𑍍𑌯𑌾॑𑌯 𑌸𑌮𑌾॒𑌨𑌾 𑌅॒𑌭𑌿 𑌸-𑌞𑍍𑌜𑌾॑𑌨𑌤𑍇॒ 𑌵𑌸𑌿॑𑌷𑍍𑌠-𑌸𑍍𑌸𑌮𑌾॒𑌨𑌾𑌨𑌾᳚-𑌮𑍍𑌭𑌵𑌤𑌿 ॥ 63 ॥
(𑌵𑌿𑌶॑𑌮𑍇॒𑌵 – 𑌤𑌿॑𑌷𑍍𑌠𑌨𑍍𑌤𑍍𑌯𑍇॒𑌤𑌾𑌮𑍇॒ – 𑌵𑌾𑌥𑍈॒𑌨𑍍𑌦𑍍𑌰𑌸𑍍𑌯॑ – 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ – 𑌤𑌂 – 𑌵𑌁𑌰𑍁॑𑌣𑌾𑌯॒ -𑌚𑌤𑍁॑𑌰𑍍𑌦𑌶 𑌚) (𑌅. 11)
𑌹𑌿॒𑌰॒𑌣𑍍𑌯॒𑌗॒𑌰𑍍𑌭 𑌆𑌪𑍋॑ 𑌹॒ 𑌯𑌤𑍍𑌪𑍍𑌰𑌜𑌾॑𑌪𑌤𑍇 ॥ 𑌸 𑌵𑍇॑𑌦 𑌪𑍁॒𑌤𑍍𑌰𑌃 𑌪𑌿॒𑌤𑌰॒𑌗𑍍𑌮𑍍॒ 𑌸 𑌮𑌾॒𑌤𑌰॒𑌗𑍍𑌮𑍍॒ 𑌸 𑌸𑍂॒𑌨𑍁𑌭॑𑌰𑍍𑌵॒-𑌥𑍍𑌸 𑌭𑍁॑𑌵॒-𑌤𑍍𑌪𑍁𑌨॑𑌰𑍍𑌮𑌘𑌃 । 𑌸 𑌦𑍍𑌯𑌾𑌮𑍌𑌰𑍍𑌣𑍋॑𑌦॒𑌨𑍍𑌤𑌰𑌿॑𑌕𑍍𑌷॒𑌗𑍍𑌮𑍍॒ 𑌸 𑌸𑍁𑌵॒-𑌸𑍍𑌸 𑌵𑌿𑌶𑍍𑌵𑌾॒ 𑌭𑍁𑌵𑍋॑ 𑌅𑌭𑌵॒-𑌥𑍍𑌸 𑌆-𑌽𑌭॑𑌵𑌤𑍍 ॥ 𑌉𑌦𑍁॒ 𑌤𑍍𑌯-𑌞𑍍𑌚𑌿॒𑌤𑍍𑌰𑌮𑍍 ॥ 𑌸 𑌪𑍍𑌰॑𑌤𑍍𑌨॒𑌵𑌨𑍍𑌨𑌵𑍀॑𑌯॒𑌸𑌾-𑌽𑌗𑍍𑌨𑍇᳚ 𑌦𑍍𑌯𑍁॒𑌮𑍍𑌨𑍇𑌨॑ 𑌸𑌂॒𑌯𑌁𑌤𑌾᳚ । 𑌬𑍃॒𑌹-𑌤𑍍𑌤॑𑌤𑌨𑍍𑌥 𑌭𑌾॒𑌨𑍁𑌨𑌾᳚ ॥ 𑌨𑌿 𑌕𑌾𑌵𑍍𑌯𑌾॑ 𑌵𑍇॒𑌧𑌸॒-𑌶𑍍𑌶𑌶𑍍𑌵॑𑌤𑌸𑍍𑌕॒𑌰𑍍॒𑌹𑌸𑍍𑌤𑍇॒ 𑌦𑌧𑌾॑𑌨𑍋॒ [𑌦𑌧𑌾॑𑌨𑌃, 𑌨𑌰𑍍𑌯𑌾॑ 𑌪𑍁॒𑌰𑍂𑌣𑌿॑ ।] ॥ 64 ॥
𑌨𑌰𑍍𑌯𑌾॑ 𑌪𑍁॒𑌰𑍂𑌣𑌿॑ । 𑌅॒𑌗𑍍𑌨𑌿𑌰𑍍𑌭𑍁॑𑌵𑌦𑍍𑌰𑌯𑌿॒𑌪𑌤𑍀॑ 𑌰𑌯𑍀॒𑌣𑌾𑌗𑍍𑌮𑍍 𑌸॒𑌤𑍍𑌰𑌾 𑌚॑𑌕𑍍𑌰𑌾॒𑌣𑍋 𑌅॒𑌮𑍃𑌤𑌾॑𑌨𑌿॒ 𑌵𑌿𑌶𑍍𑌵𑌾᳚ ॥ 𑌹𑌿𑌰॑𑌣𑍍𑌯𑌪𑌾𑌣𑌿𑌮𑍂॒𑌤𑌯𑍇॑ 𑌸𑌵𑌿॒𑌤𑌾𑌰॒𑌮𑍁𑌪॑ 𑌹𑍍𑌵𑌯𑍇 । 𑌸 𑌚𑍇𑌤𑍍𑌤𑌾॑ 𑌦𑍇॒𑌵𑌤𑌾॑ 𑌪॒𑌦𑌮𑍍 ॥ 𑌵𑌾॒𑌮𑌮॒𑌦𑍍𑌯 𑌸॑𑌵𑌿𑌤𑌰𑍍𑌵𑌾॒𑌮𑌮𑍁॒ 𑌶𑍍𑌵𑍋 𑌦𑌿॒𑌵𑍇𑌦𑌿॑𑌵𑍇 𑌵𑌾॒𑌮𑌮॒𑌸𑍍𑌮𑌭𑍍𑌯𑌗𑍍𑌮𑍍॑ 𑌸𑌾𑌵𑍀𑌃 । 𑌵𑌾॒𑌮𑌸𑍍𑌯॒ 𑌹𑌿 𑌕𑍍𑌷𑌯॑𑌸𑍍𑌯 𑌦𑍇𑌵॒ 𑌭𑍂𑌰𑍇॑𑌰॒𑌯𑌾 𑌧𑌿॒𑌯𑌾 𑌵𑌾॑𑌮॒𑌭𑌾𑌜॑-𑌸𑍍𑌸𑍍𑌯𑌾𑌮 ॥ 𑌬𑌡𑌿॒𑌤𑍍𑌥𑌾 𑌪𑌰𑍍𑌵॑𑌤𑌾𑌨𑌾-𑌙𑍍𑌖𑌿॒𑌦𑍍𑌰-𑌮𑍍𑌬𑌿॑𑌭𑌰𑍍𑌷𑌿 𑌪𑍃𑌥𑌿𑌵𑌿 । 𑌪𑍍𑌰 𑌯𑌾 𑌭𑍂॑𑌮𑌿 𑌪𑍍𑌰𑌵𑌤𑍍𑌵𑌤𑌿 𑌮॒𑌹𑍍𑌨𑌾 𑌜𑌿॒𑌨𑍋𑌷𑌿॑ [𑌜𑌿॒𑌨𑍋𑌷𑌿॑, 𑌮॒𑌹𑌿॒𑌨𑌿॒ ।] ॥ 65 ॥
𑌮𑌹𑌿𑌨𑌿 ॥ 𑌸𑍍𑌤𑍋𑌮𑌾॑𑌸𑌸𑍍𑌤𑍍𑌵𑌾 𑌵𑌿𑌚𑌾𑌰𑌿𑌣𑌿॒ 𑌪𑍍𑌰𑌤𑌿॑𑌷𑍍𑌟𑍋𑌭𑌨𑍍𑌤𑍍𑌯॒𑌕𑍍𑌤𑍁𑌭𑌿𑌃॑ । 𑌪𑍍𑌰𑌯𑌾 𑌵𑌾𑌜॒-𑌨𑍍𑌨 𑌹𑍇𑌷॑𑌨𑍍𑌤-𑌮𑍍𑌪𑍇॒𑌰𑍁-𑌮𑌸𑍍𑌯॑𑌸𑍍𑌯𑌰𑍍𑌜𑍁𑌨𑌿 ॥ 𑌋॒𑌦𑍂॒𑌦𑌰𑍇॑𑌣॒ 𑌸𑌖𑍍𑌯𑌾॑ 𑌸𑌚𑍇𑌯॒ 𑌯𑍋 𑌮𑌾॒ 𑌨 𑌰𑌿𑌷𑍍𑌯𑍇᳚𑌦𑍍𑌧𑌰𑍍𑌯𑌶𑍍𑌵 𑌪𑍀॒𑌤𑌃 । 𑌅॒𑌯𑌂-𑌯𑌁-𑌸𑍍𑌸𑍋𑌮𑍋॒ 𑌨𑍍𑌯𑌧𑌾᳚𑌯𑍍𑌯॒𑌸𑍍𑌮𑍇 𑌤𑌸𑍍𑌮𑌾॒ 𑌇𑌨𑍍𑌦𑍍𑌰॑-𑌮𑍍𑌪𑍍𑌰॒𑌤𑌿𑌰॑-𑌮𑍇॒𑌮𑍍𑌯𑌚𑍍𑌛॑ ॥ 𑌆𑌪𑌾᳚𑌨𑍍𑌤𑌮𑌨𑍍𑌯𑍁-𑌸𑍍𑌤𑍃॒𑌪𑌲॑-𑌪𑍍𑌰𑌭𑌰𑍍𑌮𑌾॒ 𑌧𑍁𑌨𑌿॒-𑌶𑍍𑌶𑌿𑌮𑍀॑ 𑌵𑌾॒𑌞𑍍𑌛𑌰𑍁॑𑌮𑌾𑌗𑍍𑌮𑍍 𑌋𑌜𑍀॒𑌷𑍀 । 𑌸𑍋𑌮𑍋॒ 𑌵𑌿𑌶𑍍𑌵𑌾᳚𑌨𑍍𑌯𑌤॒𑌸𑌾 𑌵𑌨𑌾॑𑌨𑌿॒ 𑌨𑌾𑌰𑍍𑌵𑌾𑌗𑌿𑌨𑍍𑌦𑍍𑌰॑-𑌮𑍍𑌪𑍍𑌰𑌤𑌿॒𑌮𑌾𑌨𑌾॑𑌨𑌿 𑌦𑍇𑌭𑍁𑌃 ॥ 𑌪𑍍𑌰- [𑌪𑍍𑌰, 𑌸𑍁॒𑌵𑌾॒𑌨-𑌸𑍍𑌸𑍋𑌮॑] ॥ 66 ॥
-𑌸𑍁॑𑌵𑌾॒𑌨-𑌸𑍍𑌸𑍋𑌮॑ 𑌋𑌤॒𑌯𑍁-𑌶𑍍𑌚𑌿॑𑌕𑍇॒𑌤𑍇𑌨𑍍𑌦𑍍𑌰𑌾॑𑌯॒ 𑌬𑍍𑌰𑌹𑍍𑌮॑ 𑌜॒𑌮𑌦॑𑌗𑍍𑌨𑌿॒-𑌰𑌰𑍍𑌚𑌨𑍍𑌨𑍍॑ । 𑌵𑍃𑌷𑌾॑ 𑌯॒𑌨𑍍𑌤𑌾-𑌽𑌸𑌿॒ 𑌶𑌵॑𑌸-𑌸𑍍𑌤𑍁॒𑌰𑌸𑍍𑌯𑌾॒-𑌽𑌨𑍍𑌤-𑌰𑍍𑌯॑𑌚𑍍𑌛 𑌗𑍃𑌣॒𑌤𑍇 𑌧॒𑌰𑍍𑌤𑍍𑌰-𑌨𑍍𑌦𑍃𑌗𑍍𑌮𑍍॑𑌹 ॥ 𑌸॒𑌬𑌾𑌧॑𑌸𑍍𑌤𑍇॒ 𑌮𑌦॑-𑌞𑍍𑌚 𑌶𑍁𑌷𑍍𑌮॒𑌯-𑌞𑍍𑌚॒ 𑌬𑍍𑌰𑌹𑍍𑌮॒ 𑌨𑌰𑍋᳚ 𑌬𑍍𑌰𑌹𑍍𑌮॒𑌕𑍃𑌤॑-𑌸𑍍𑌸𑌪𑌰𑍍𑌯𑌨𑍍𑌨𑍍 । 𑌅॒𑌰𑍍𑌕𑍋 𑌵𑌾॒ 𑌯-𑌤𑍍𑌤𑍁॒𑌰𑌤𑍇॒ 𑌸𑍋𑌮॑𑌚𑌕𑍍𑌷𑌾॒-𑌸𑍍𑌤𑌤𑍍𑌰𑍇-𑌦𑌿𑌨𑍍𑌦𑍍𑌰𑍋॑ 𑌦𑌧𑌤𑍇 𑌪𑍃॒𑌥𑍍𑌸𑍁 𑌤𑍁॒𑌰𑍍𑌯𑌾𑌮𑍍 ॥ 𑌵𑌷॑-𑌟𑍍𑌤𑍇 𑌵𑌿𑌷𑍍𑌣𑌵𑌾॒𑌸 𑌆 𑌕𑍃॑𑌣𑍋𑌮𑌿॒ 𑌤𑌨𑍍𑌮𑍇॑ 𑌜𑍁𑌷𑌸𑍍𑌵 𑌶𑌿𑌪𑌿𑌵𑌿𑌷𑍍𑌟 𑌹॒𑌵𑍍𑌯𑌮𑍍 । ॥ 6 ॥
𑌵𑌰𑍍𑌧॑𑌨𑍍𑌤𑍁 𑌤𑍍𑌵𑌾 𑌸𑍁𑌷𑍍𑌟𑍁॒𑌤𑌯𑍋॒ 𑌗𑌿𑌰𑍋॑ 𑌮𑍇 𑌯𑍂॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑ 𑌨𑌃 ॥𑌪𑍍𑌰 𑌤-𑌤𑍍𑌤𑍇॑ 𑌅॒𑌦𑍍𑌯 𑌶𑌿॑𑌪𑌿𑌵𑌿𑌷𑍍𑌟॒ 𑌨𑌾𑌮𑌾॒-𑌽𑌰𑍍𑌯-𑌶𑍍𑌶𑌗𑍍𑌮𑍍॑ 𑌸𑌾𑌮𑌿 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾𑌨𑍍 । 𑌤𑌨𑍍𑌤𑍍𑌵𑌾॑ 𑌗𑍃𑌣𑌾𑌮𑌿 𑌤॒𑌵𑌸॒-𑌮𑌤॑𑌵𑍀𑌯𑌾॒𑌨𑍍 𑌕𑍍𑌷𑌯॑𑌨𑍍𑌤𑌮॒𑌸𑍍𑌯 𑌰𑌜॑𑌸𑌃 𑌪𑌰𑌾॒𑌕𑍇 ॥ 𑌕𑌿𑌮𑌿-𑌤𑍍𑌤𑍇॑ 𑌵𑌿𑌷𑍍𑌣𑍋 𑌪𑌰𑌿॒𑌚𑌕𑍍𑌷𑍍𑌯॑-𑌮𑍍𑌭𑍂॒-𑌤𑍍𑌪𑍍𑌰 𑌯𑌦𑍍𑌵॑𑌵॒𑌕𑍍𑌷𑍇 𑌶𑌿॑𑌪𑌿𑌵𑌿॒𑌷𑍍𑌟𑍋 𑌅॑𑌸𑍍𑌮𑌿 । 𑌮𑌾 𑌵𑌰𑍍𑌪𑍋॑ 𑌅॒𑌸𑍍𑌮𑌦𑌪॑ 𑌗𑍂𑌹 𑌏॒𑌤𑌦𑍍𑌯-𑌦॒𑌨𑍍𑌯𑌰𑍂॑𑌪-𑌸𑍍𑌸𑌮𑌿॒𑌥𑍇 𑌬॒𑌭𑍂𑌥॑ । ॥ 6 ॥
𑌅𑌗𑍍𑌨𑍇॒ 𑌦𑌾 𑌦𑌾॒𑌶𑍁𑌷𑍇॑ 𑌰॒𑌯𑌿𑌂-𑌵𑍀𑌁॒𑌰𑌵॑𑌨𑍍𑌤॒-𑌮𑍍𑌪𑌰𑍀॑𑌣𑌸𑌮𑍍 । 𑌶𑌿॒𑌶𑍀॒𑌹𑌿 𑌨॑-𑌸𑍍𑌸𑍂𑌨𑍁॒𑌮𑌤𑌃॑ ॥ 𑌦𑌾 𑌨𑍋॑ 𑌅𑌗𑍍𑌨𑍇 𑌶॒𑌤𑌿𑌨𑍋॒ 𑌦𑌾-𑌸𑍍𑌸॑𑌹॒𑌸𑍍𑌰𑌿𑌣𑍋॑ 𑌦𑍁॒𑌰𑍋 𑌨 𑌵𑌾𑌜॒𑌗𑍍𑌗𑍍॒ 𑌶𑍍𑌰𑍁𑌤𑍍𑌯𑌾॒ 𑌅𑌪𑌾॑ 𑌵𑍃𑌧𑌿 । 𑌪𑍍𑌰𑌾𑌚𑍀॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌬𑍍𑌰𑌹𑍍𑌮॑𑌣𑌾 𑌕𑍃𑌧𑌿॒ 𑌸𑍁𑌵॒𑌰𑍍𑌣 𑌶𑍁॒𑌕𑍍𑌰𑌮𑍁॒𑌷𑌸𑍋॒ 𑌵𑌿 𑌦𑌿॑𑌦𑍍𑌯𑍁𑌤𑍁𑌃 ॥ 𑌅॒𑌗𑍍𑌨𑌿𑌰𑍍𑌦𑌾॒ 𑌦𑍍𑌰𑌵𑌿॑𑌣𑌂-𑌵𑍀𑌁॒𑌰𑌪𑍇॑𑌶𑌾 𑌅॒𑌗𑍍𑌨𑌿𑌰𑍍-𑌋𑌷𑌿𑌂॒-𑌯𑌁-𑌸𑍍𑌸॒𑌹𑌸𑍍𑌰𑌾॑ 𑌸॒𑌨𑍋𑌤𑌿॑ । 𑌅॒𑌗𑍍𑌨𑌿𑌰𑍍𑌦𑌿॒𑌵𑌿 𑌹॒𑌵𑍍𑌯𑌮𑌾 𑌤॑𑌤𑌾𑌨𑌾॒-𑌽𑌗𑍍𑌨𑍇-𑌰𑍍𑌧𑌾𑌮𑌾॑𑌨𑌿॒ 𑌵𑌿𑌭𑍃॑𑌤𑌾 𑌪𑍁𑌰𑍁॒𑌤𑍍𑌰𑌾 ॥ 𑌮𑌾 [𑌮𑌾, 𑌨𑍋॒ 𑌮॒𑌰𑍍𑌧𑍀॒ 𑌰𑌾 𑌤𑍂 𑌭॑𑌰 ।] ॥ 6 ॥
𑌨𑍋॑ 𑌮𑌰𑍍𑌧𑍀॒ 𑌰𑌾 𑌤𑍂 𑌭॑𑌰 ॥ 𑌘𑍃॒𑌤-𑌨𑍍𑌨 𑌪𑍂॒𑌤-𑌨𑍍𑌤॒𑌨𑍂𑌰॑𑌰𑍇॒𑌪𑌾-𑌶𑍍𑌶𑍁𑌚𑌿॒ 𑌹𑌿𑌰॑𑌣𑍍𑌯𑌮𑍍 । 𑌤-𑌤𑍍𑌤𑍇॑ 𑌰𑍁॒𑌕𑍍𑌮𑍋 𑌨 𑌰𑍋॑𑌚𑌤 𑌸𑍍𑌵𑌧𑌾𑌵𑌃 ॥ 𑌉॒𑌭𑍇 𑌸𑍁॑𑌶𑍍𑌚𑌨𑍍𑌦𑍍𑌰 𑌸॒𑌰𑍍𑌪𑌿𑌷𑍋॒ 𑌦𑌰𑍍𑌵𑍀᳚ 𑌶𑍍𑌰𑍀𑌣𑍀𑌷 𑌆॒𑌸𑌨𑌿॑ । 𑌉॒𑌤𑍋 𑌨॒ 𑌉-𑌤𑍍𑌪𑍁॑𑌪𑍂𑌰𑍍𑌯𑌾 𑌉॒𑌕𑍍𑌥𑍇𑌷𑍁॑ 𑌶𑌵𑌸𑌸𑍍𑌪𑌤॒ 𑌇𑌷𑌗𑍍𑌗𑍍॑ 𑌸𑍍𑌤𑍋॒𑌤𑍃𑌭𑍍𑌯॒ 𑌆 𑌭॑𑌰 ॥ 𑌵𑌾𑌯𑍋॑ 𑌶॒𑌤𑌗𑍍𑌮𑍍 𑌹𑌰𑍀॑𑌣𑌾𑌂-𑌯𑍁𑌁॒𑌵𑌸𑍍𑌵॒ 𑌪𑍋𑌷𑍍𑌯𑌾॑𑌣𑌾𑌮𑍍 । 𑌉॒𑌤 𑌵𑌾॑ 𑌤𑍇 𑌸𑌹॒𑌸𑍍𑌰𑌿𑌣𑍋॒ 𑌰𑌥॒ 𑌆 𑌯𑌾॑𑌤𑍁॒ 𑌪𑌾𑌜॑𑌸𑌾 ॥ 𑌪𑍍𑌰 𑌯𑌾𑌭𑌿॒- [𑌪𑍍𑌰 𑌯𑌾𑌭𑌿𑌃, 𑌯𑌾𑌸𑌿॑ 𑌦𑌾॒𑌶𑍍𑌵𑌾𑌗𑍍𑌮𑍍 𑌸॒𑌮𑌚𑍍𑌛𑌾॑] ॥ 0 ॥
-𑌰𑍍𑌯𑌾𑌸𑌿॑ 𑌦𑌾॒𑌶𑍍𑌵𑌾𑌗𑍍𑌮𑍍 𑌸॒𑌮𑌚𑍍𑌛𑌾॑ 𑌨𑌿॒𑌯𑍁𑌦𑍍𑌭𑌿॑-𑌰𑍍𑌵𑌾𑌯𑌵𑌿॒𑌷𑍍𑌟𑌯𑍇॑ 𑌦𑍁𑌰𑍋॒𑌣𑍇 । 𑌨𑌿 𑌨𑍋॑ 𑌰॒𑌯𑌿𑌗𑍍𑌮𑍍 𑌸𑍁॒𑌭𑍋𑌜॑𑌸𑌂-𑌯𑍁𑌁𑌵𑍇॒𑌹 𑌨𑌿 𑌵𑍀॒𑌰𑌵॒-𑌦𑍍𑌗𑌵𑍍𑌯॒𑌮𑌶𑍍𑌵𑌿॑𑌯-𑌞𑍍𑌚॒ 𑌰𑌾𑌧𑌃॑ ॥𑌰𑍇॒𑌵𑌤𑍀᳚𑌰𑍍𑌨-𑌸𑍍𑌸𑌧॒𑌮𑌾𑌦॒ 𑌇𑌨𑍍𑌦𑍍𑌰𑍇॑ 𑌸𑌨𑍍𑌤𑍁 𑌤𑍁॒𑌵𑌿𑌵𑌾॑𑌜𑌾𑌃 । 𑌕𑍍𑌷𑍁॒𑌮𑌨𑍍𑌤𑍋॒ 𑌯𑌾𑌭𑌿॒𑌰𑍍𑌮𑌦𑍇॑𑌮 ॥ 𑌰𑍇॒𑌵𑌾𑌗𑍍𑌮𑍍 𑌇𑌦𑍍𑌰𑍇॒𑌵𑌤॑-𑌸𑍍𑌸𑍍𑌤𑍋॒𑌤𑌾 𑌸𑍍𑌯𑌾-𑌤𑍍𑌤𑍍𑌵𑌾𑌵॑𑌤𑍋 𑌮॒𑌘𑍋𑌨𑌃॑ । 𑌪𑍍𑌰𑍇𑌦𑍁॑ 𑌹𑌰𑌿𑌵-𑌶𑍍𑌶𑍍𑌰𑍁॒𑌤𑌸𑍍𑌯॑ ॥ 1 ॥
(𑌦𑌧𑌾॑𑌨𑍋 – 𑌜𑌿॒𑌨𑍋𑌷𑌿॑ – 𑌦𑍇𑌭𑍁𑌃॒ 𑌪𑍍𑌰 – 𑌹॒𑌵𑍍𑌯𑌂 – 𑌬॒𑌭𑍂𑌥॒ – 𑌮𑌾 – 𑌯𑌾𑌭𑌿॑ – 𑌶𑍍𑌚𑌤𑍍𑌵𑌾𑌰𑌿॒𑌗𑍍𑌮𑍍॒𑌶𑌚𑍍𑌚॑ ) (𑌅. 12)
(𑌪𑍍𑌰॒𑌜𑌾𑌪॑𑌤𑌿॒𑌸𑍍𑌤𑌾-𑌸𑍍𑌸𑍃॒𑌷𑍍𑌟𑌾 – 𑌅॒𑌗𑍍𑌨𑌯𑍇॑ 𑌪𑌥𑌿॒𑌕𑍃𑌤𑍇॒ – 𑌗𑍍𑌨𑌯𑍇॒ 𑌕𑌾𑌮𑌾॑𑌯𑌾॒ – 𑌗𑍍𑌨𑌯𑍇𑌨𑍍𑌨॑𑌵𑌤𑍇 -𑌵𑍈𑌶𑍍𑌵𑌾𑌨॒𑌰 -𑌮𑌾॑𑌦𑌿॒𑌤𑍍𑌯-𑌞𑍍𑌚॒𑌰𑍁 – 𑌮𑍈॒𑌨𑍍𑌦𑍍𑌰-𑌞𑍍𑌚॒𑌰𑍁 – 𑌮𑌿𑌨𑍍𑌦𑍍𑌰𑌾॒𑌯𑌾𑌨𑍍𑌵𑍃॑𑌜𑌵 – 𑌆𑌗𑍍𑌨𑌾𑌵𑍈𑌷𑍍𑌣॒𑌵 -𑌮॒𑌸𑍌 𑌸𑍋॑𑌮𑌾𑌰𑍌॒𑌦𑍍𑌰 – 𑌮𑍈॒𑌨𑍍𑌦𑍍𑌰𑌮॒𑌕𑌾॑𑌦𑌶𑌕𑌪𑌾𑌲𑌗𑍍𑌮𑍍- 𑌹𑌿𑌰𑌣𑍍𑌯𑌗॒𑌰𑍍𑌭𑍋 – 𑌦𑍍𑌵𑌾𑌦॑𑌶 )
(𑌪𑍍𑌰॒𑌜𑌾𑌪॑𑌤𑌿 – 𑌰॒𑌗𑍍𑌨𑌯𑍇॒ 𑌕𑌾𑌮𑌾॑𑌯𑌾॒ – 𑌽𑌭𑌿 𑌸-𑌮𑍍𑌭॑𑌵𑌤𑍋॒ – 𑌯𑍋 𑌵𑌿॑𑌦𑍍𑌵𑌿𑌷𑌾॒𑌣𑌯𑍋॑ -𑌰𑌿॒𑌧𑍍𑌮𑍇 𑌸𑌨𑍍𑌨॑ 𑌹𑍍𑌯𑍇 – 𑌦𑌾𑌗𑍍𑌨𑌾𑌵𑍈𑌷𑍍𑌣॒𑌵𑌮𑍁॒ – 𑌪𑌰𑌿॑𑌷𑍍𑌟𑌾॒ – 𑌦𑍍𑌯𑌾𑌸𑌿॑ 𑌦𑌾॒𑌶𑍍𑌵𑌾𑌗𑍍𑌮𑍍𑌸॒ – 𑌮𑍇𑌕॑𑌸𑌪𑍍𑌤𑌤𑌿𑌃 )
(𑌪𑍍𑌰॒𑌜𑌾𑌪॑𑌤𑌿𑌃॒, 𑌪𑍍𑌰𑍇𑌦𑍁॑ 𑌹𑌰𑌿𑌵-𑌶𑍍𑌶𑍍𑌰𑍁॒𑌤𑌸𑍍𑌯॑)
॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌦𑍍𑌵𑌿𑌤𑍀𑌯𑌕𑌾𑌣𑍍𑌡𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥