4.1 – 𑌯𑍁𑌞𑍍𑌜𑌾𑌨𑌃 𑌪𑍍𑌰𑌥𑌮𑌮𑍍𑌮𑌨𑌃 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃Download PDF

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨𑌃- 𑌅𑌗𑍍𑌨𑌿𑌚𑌿𑌤𑍍𑌯𑌙𑍍𑌗 𑌮𑌨𑍍𑌤𑍍𑌰𑌪𑌾𑌠𑌾𑌭𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌯𑍁॒𑌞𑍍𑌜𑌾॒𑌨𑌃 𑌪𑍍𑌰॑𑌥॒𑌮-𑌮𑍍𑌮𑌨॑𑌸𑍍𑌤॒𑌤𑍍𑌵𑌾𑌯॑ 𑌸𑌵𑌿॒𑌤𑌾 𑌧𑌿𑌯𑌃॑ । 𑌅॒𑌗𑍍𑌨𑌿-𑌞𑍍𑌜𑍍𑌯𑍋𑌤𑌿॑𑌰𑍍𑌨𑌿॒𑌚𑌾𑌯𑍍𑌯॑ 𑌪𑍃𑌥𑌿॒𑌵𑍍𑌯𑌾 𑌅𑌦𑍍𑌧𑍍𑌯𑌾 𑌽𑌭॑𑌰𑌤𑍍 ॥ 𑌯𑍁॒𑌕𑍍𑌤𑍍𑌵𑌾𑌯॒ 𑌮𑌨॑𑌸𑌾 𑌦𑍇॒𑌵𑌾𑌨𑍍-𑌥𑍍𑌸𑍁𑌵॑𑌰𑍍𑌯॒𑌤𑍋 𑌧𑌿॒𑌯𑌾 𑌦𑌿𑌵᳚𑌮𑍍 । 𑌬𑍃॒𑌹𑌜𑍍𑌜𑍍𑌯𑍋𑌤𑌿𑌃॑ 𑌕𑌰𑌿𑌷𑍍𑌯॒𑌤-𑌸𑍍𑌸॑𑌵𑌿॒𑌤𑌾 𑌪𑍍𑌰𑌸𑍁॑𑌵𑌾𑌤𑌿॒ 𑌤𑌾𑌨𑍍 ॥ 𑌯𑍁॒𑌕𑍍𑌤𑍇𑌨॒ 𑌮𑌨॑𑌸𑌾 𑌵॒𑌯-𑌨𑍍𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁-𑌸𑍍𑌸॒𑌵𑍇 । 𑌸𑍁॒𑌵॒𑌰𑍍𑌗𑍇𑌯𑌾॑𑌯॒ 𑌶𑌕𑍍𑌤𑍍𑌯𑍈᳚ ॥ 𑌯𑍁॒𑌞𑍍𑌜𑌤𑍇॒ 𑌮𑌨॑ 𑌉॒𑌤 𑌯𑍁॑𑌞𑍍𑌜𑌤𑍇॒ 𑌧𑌿𑌯𑍋॒ 𑌵𑌿𑌪𑍍𑌰𑌾॒ 𑌵𑌿𑌪𑍍𑌰॑𑌸𑍍𑌯 𑌬𑍃𑌹॒𑌤𑍋 𑌵𑌿॑𑌪॒𑌶𑍍𑌚𑌿𑌤𑌃॑ । 𑌵𑌿 𑌹𑍋𑌤𑍍𑌰𑌾॑ 𑌦𑌧𑍇 𑌵𑌯𑍁𑌨𑌾॒ 𑌵𑌿𑌦𑍇𑌕॒ 𑌇- [𑌵𑌯𑍁𑌨𑌾॒ 𑌵𑌿𑌦𑍇𑌕॒ 𑌇𑌤𑍍, 𑌮॒𑌹𑍀 𑌦𑍇॒𑌵𑌸𑍍𑌯॑] 1

-𑌨𑍍𑌮॒𑌹𑍀 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁𑌃 𑌪𑌰𑌿॑𑌷𑍍𑌟𑍁𑌤𑌿𑌃 ॥ 𑌯𑍁॒𑌜𑍇 𑌵𑌾॒-𑌮𑍍𑌬𑍍𑌰𑌹𑍍𑌮॑ 𑌪𑍂॒𑌰𑍍𑌵𑍍𑌯-𑌨𑍍𑌨𑌮𑍋॑𑌭𑌿॒𑌰𑍍𑌵𑌿 𑌶𑍍𑌲𑍋𑌕𑌾॑ 𑌯𑌨𑍍𑌤𑌿 𑌪॒𑌥𑍍𑌯𑍇॑𑌵॒ 𑌸𑍂𑌰𑌾𑌃᳚ । 𑌶𑍃॒𑌣𑍍𑌵𑌨𑍍𑌤𑌿॒ 𑌵𑌿𑌶𑍍𑌵𑍇॑ 𑌅॒𑌮𑍃𑌤॑𑌸𑍍𑌯 𑌪𑍁॒𑌤𑍍𑌰𑌾 𑌆 𑌯𑍇 𑌧𑌾𑌮𑌾॑𑌨𑌿 𑌦𑌿॒𑌵𑍍𑌯𑌾𑌨𑌿॑ 𑌤॒𑌸𑍍𑌥𑍁𑌃 ॥ 𑌯𑌸𑍍𑌯॑ 𑌪𑍍𑌰॒𑌯𑌾𑌣॒𑌮𑌨𑍍𑌵॒𑌨𑍍𑌯 𑌇𑌦𑍍𑌯॒𑌯𑍁𑌰𑍍𑌦𑍇॒𑌵𑌾 𑌦𑍇॒𑌵𑌸𑍍𑌯॑ 𑌮𑌹𑌿॒𑌮𑌾𑌨॒𑌮𑌰𑍍𑌚॑𑌤𑌃 । 𑌯𑌃 𑌪𑌾𑌰𑍍𑌥𑌿॑𑌵𑌾𑌨𑌿 𑌵𑌿𑌮॒𑌮𑍇 𑌸 𑌏𑌤॑𑌶𑍋॒ 𑌰𑌜𑌾𑌗𑍍​𑌮𑍍॑𑌸𑌿 𑌦𑍇॒𑌵-𑌸𑍍𑌸॑𑌵𑌿॒𑌤𑌾 𑌮॑𑌹𑌿𑌤𑍍𑌵॒𑌨𑌾 ॥ 𑌦𑍇𑌵॑ 𑌸𑌵𑌿𑌤𑌃॒ 𑌪𑍍𑌰𑌸𑍁॑𑌵 𑌯॒𑌜𑍍𑌞-𑌮𑍍𑌪𑍍𑌰𑌸॑𑌵 [ ] 2

𑌯॒𑌜𑍍𑌞𑌪॑𑌤𑌿॒-𑌮𑍍𑌭𑌗𑌾॑𑌯 𑌦𑌿॒𑌵𑍍𑌯𑍋 𑌗॑𑌨𑍍𑌧॒𑌰𑍍𑌵𑌃 । 𑌕𑍇॒𑌤॒𑌪𑍂𑌃 𑌕𑍇𑌤॑𑌨𑍍𑌨𑌃 𑌪𑍁𑌨𑌾𑌤𑍁 𑌵𑌾॒𑌚𑌸𑍍𑌪𑌤𑌿॒𑌰𑍍𑌵𑌾𑌚॑𑌮॒𑌦𑍍𑌯 𑌸𑍍𑌵॑𑌦𑌾𑌤𑌿 𑌨𑌃 ॥ 𑌇॒𑌮-𑌨𑍍𑌨𑍋॑ 𑌦𑍇𑌵 𑌸𑌵𑌿𑌤𑌰𑍍𑌯॒𑌜𑍍𑌞-𑌮𑍍𑌪𑍍𑌰𑌸𑍁॑𑌵 𑌦𑍇𑌵𑌾॒𑌯𑍁𑌵𑌗𑍍​𑌮𑍍॑ 𑌸𑌖𑌿॒𑌵𑌿𑌦𑌗𑍍​𑌮𑍍॑ 𑌸𑌤𑍍𑌰𑌾॒𑌜𑌿𑌤॑-𑌨𑍍𑌧𑌨॒𑌜𑌿𑌤𑌗𑍍​𑌮𑍍॑ 𑌸𑍁𑌵॒𑌰𑍍𑌜𑌿𑌤᳚𑌮𑍍 ॥ 𑌋॒𑌚𑌾 𑌸𑍍𑌤𑍋𑌮॒𑌗𑍍​𑌮𑍍॒ 𑌸𑌮॑𑌰𑍍𑌧𑌯 𑌗𑌾𑌯॒𑌤𑍍𑌰𑍇𑌣॑ 𑌰𑌥𑌨𑍍𑌤॒𑌰𑌮𑍍 । 𑌬𑍃॒𑌹-𑌦𑍍𑌗𑌾॑𑌯॒𑌤𑍍𑌰𑌵॑𑌰𑍍𑌤𑌨𑌿 ॥ 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇᳚ 𑌽𑌶𑍍𑌵𑌿𑌨𑍋᳚𑌰𑍍𑌬𑌾॒𑌹𑍁𑌭𑍍𑌯𑌾᳚-𑌮𑍍𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾-𑌙𑍍𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॒𑌸𑌾 𑌽𑌽𑌦॑𑌦𑍇-𑌽𑌙𑍍𑌗𑌿𑌰॒𑌸𑍍𑌵𑌦𑌭𑍍𑌰𑌿॑𑌰𑌸𑌿॒ 𑌨𑌾𑌰𑌿॑- [𑌨𑌾𑌰𑌿𑌃॑, 𑌅॒𑌸𑌿॒ 𑌪𑍃॒𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑌾॑-] 3

-𑌰𑌸𑌿 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑌾॑-𑌦॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑𑌮𑌙𑍍𑌗𑌿𑌰॒𑌸𑍍𑌵𑌦𑌾 𑌭॑𑌰॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨 𑌤𑍍𑌵𑌾॒ 𑌛𑌨𑍍𑌦॒𑌸𑌾 𑌽𑌽𑌦॑𑌦𑍇-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌬𑌭𑍍𑌰𑌿॑𑌰𑌸𑌿॒ 𑌨𑌾𑌰𑌿॑𑌰𑌸𑌿॒ 𑌤𑍍𑌵𑌯𑌾॑ 𑌵॒𑌯𑌗𑍍​𑌮𑍍 𑌸॒𑌧𑌸𑍍𑌥॒ 𑌆𑌗𑍍𑌨𑌿𑌗𑍍​𑌮𑍍 𑌶॑𑌕𑍇𑌮॒ 𑌖𑌨𑌿॑𑌤𑍁-𑌮𑍍𑌪𑍁𑌰𑍀॒𑌷𑍍𑌯॑-𑌞𑍍𑌜𑌾𑌗॑𑌤𑍇𑌨 𑌤𑍍𑌵𑌾॒ 𑌛𑌨𑍍𑌦॒𑌸𑌾 𑌽𑌽𑌦॑𑌦𑍇-𑌽𑌙𑍍𑌗𑌿𑌰॒𑌸𑍍𑌵𑌦𑍍𑌧𑌸𑍍𑌤॑ 𑌆॒𑌧𑌾𑌯॑ 𑌸𑌵𑌿॒𑌤𑌾 𑌬𑌿𑌭𑍍𑌰॒𑌦𑌭𑍍𑌰𑌿𑌗𑍍​𑌮𑍍॑ 𑌹𑌿𑌰॒𑌣𑍍𑌯𑌯𑍀᳚𑌮𑍍 । 𑌤𑌯𑌾॒ 𑌜𑍍𑌯𑍋𑌤𑌿॒𑌰𑌜॑𑌸𑍍𑌰॒-𑌮𑌿𑌦॒𑌗𑍍𑌨𑌿-𑌙𑍍𑌖𑌾॒𑌤𑍍𑌵𑍀 𑌨॒ 𑌆 𑌭॒𑌰𑌾𑌨𑍁॑𑌷𑍍𑌟𑍁𑌭𑍇𑌨 𑌤𑍍𑌵𑌾॒ 𑌛𑌨𑍍𑌦॒𑌸𑌾 𑌽𑌽𑌦॑𑌦𑍇-𑌽𑌙𑍍𑌗𑌿𑌰॒𑌸𑍍𑌵𑌤𑍍 ॥ 4 ॥
(𑌇–𑌦𑍍𑌯॒𑌜𑍍𑌞-𑌮𑍍𑌪𑍍𑌰𑌸𑍁॑𑌵॒ – 𑌨𑌾𑌰𑌿॒ – 𑌰𑌾𑌨𑍁॑𑌷𑍍𑌟𑍁𑌭𑍇𑌨 𑌤𑍍𑌵𑌾॒ 𑌛𑌨𑍍𑌦॑𑌸𑌾॒ – 𑌤𑍍𑌰𑍀𑌣𑌿॑ 𑌚) (𑌅. 1)

𑌇॒𑌮𑌾𑌮॑𑌗𑍃𑌭𑍍𑌣-𑌨𑍍𑌰𑌶॒𑌨𑌾𑌮𑍃॒𑌤𑌸𑍍𑌯॒ 𑌪𑍂𑌰𑍍𑌵॒ 𑌆𑌯𑍁॑𑌷𑌿 𑌵𑌿॒𑌦𑌥𑍇॑𑌷𑍁 𑌕॒𑌵𑍍𑌯𑌾 । 𑌤𑌯𑌾॑ 𑌦𑍇॒𑌵𑌾-𑌸𑍍𑌸𑍁॒𑌤𑌮𑌾 𑌬॑𑌭𑍂𑌵𑍁𑌰𑍍-𑌋॒𑌤𑌸𑍍𑌯॒ 𑌸𑌾𑌮᳚𑌨𑍍-𑌥𑍍𑌸॒𑌰𑌮𑌾॒𑌰𑌪॑𑌨𑍍𑌤𑍀 ॥ 𑌪𑍍𑌰𑌤𑍂᳚𑌰𑍍𑌤𑌂-𑌵𑌾𑌁𑌜𑌿॒𑌨𑍍𑌨𑌾 𑌦𑍍𑌰॑𑌵॒ 𑌵𑌰𑌿॑𑌷𑍍𑌠𑌾॒𑌮𑌨𑍁॑ 𑌸𑌂॒​𑌵𑌁𑌤᳚𑌮𑍍 । 𑌦𑌿॒𑌵𑌿 𑌤𑍇॒ 𑌜𑌨𑍍𑌮॑ 𑌪𑌰॒𑌮𑌮॒𑌨𑍍𑌤𑌰𑌿॑𑌕𑍍𑌷𑍇॒ 𑌨𑌾𑌭𑌿𑌃॑ 𑌪𑍃𑌥𑌿॒𑌵𑍍𑌯𑌾𑌮𑌧𑌿॒ 𑌯𑍋𑌨𑌿𑌃॑ ॥ 𑌯𑍁॒𑌞𑍍𑌜𑌾𑌥𑌾॒𑌗𑍍​𑌮𑍍॒ 𑌰𑌾𑌸॑𑌭𑌂-𑌯𑍁𑌁॒𑌵𑌮॒𑌸𑍍𑌮𑌿𑌨𑍍. 𑌯𑌾𑌮𑍇॑ 𑌵𑍃𑌷𑌣𑍍𑌵𑌸𑍂 । 𑌅॒𑌗𑍍𑌨𑌿-𑌮𑍍𑌭𑌰॑𑌨𑍍𑌤𑌮𑌸𑍍𑌮॒𑌯𑍁𑌮𑍍 ॥ 𑌯𑍋𑌗𑍇॑𑌯𑍋𑌗𑍇 𑌤॒𑌵𑌸𑍍𑌤॑𑌰𑌂॒-𑌵𑌾𑌁𑌜𑍇॑𑌵𑌾𑌜𑍇 𑌹𑌵𑌾𑌮𑌹𑍇 । 𑌸𑌖𑌾॑𑌯॒ 𑌇𑌨𑍍𑌦𑍍𑌰॑𑌮॒𑌤𑌯𑍇᳚ ॥ 𑌪𑍍𑌰॒𑌤𑍂𑌰𑍍𑌵॒- [𑌪𑍍𑌰॒𑌤𑍂𑌰𑍍𑌵𑌨𑍍𑌨𑍍॑, 𑌏𑌹𑍍𑌯॑𑌵॒𑌕𑍍𑌰𑌾𑌮॒𑌨𑍍𑌨𑌶॑𑌸𑍍𑌤𑍀] 5

-𑌨𑍍𑌨𑍇𑌹𑍍𑌯॑𑌵॒𑌕𑍍𑌰𑌾𑌮॒𑌨𑍍𑌨𑌶॑𑌸𑍍𑌤𑍀 𑌰𑍁॒𑌦𑍍𑌰𑌸𑍍𑌯॒ 𑌗𑌾𑌣॑𑌪𑌤𑍍𑌯𑌾-𑌨𑍍𑌮𑌯𑍋॒𑌭𑍂𑌰𑍇𑌹𑌿॑ । 𑌉॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷॒𑌮𑌨𑍍𑌵𑌿॑𑌹𑌿 𑌸𑍍𑌵॒𑌸𑍍𑌤𑌿 𑌗॑𑌵𑍍𑌯𑍂𑌤𑌿॒𑌰𑌭॑𑌯𑌾𑌨𑌿 𑌕𑍃॒𑌣𑍍𑌵𑌨𑍍𑌨𑍍 ॥ 𑌪𑍂॒𑌷𑍍𑌣𑌾 𑌸॒𑌯𑍁𑌜𑌾॑ 𑌸॒𑌹 । 𑌪𑍃॒𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑌾॑𑌦॒𑌗𑍍𑌨𑌿-𑌮𑍍𑌪𑍁॑𑌰𑌿॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌦𑌚𑍍𑌛𑍇᳚𑌹𑍍𑌯॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑ -𑌮𑌙𑍍𑌗𑌿𑌰॒𑌸𑍍𑌵𑌦-𑌚𑍍𑌛𑍇॑𑌮𑍋॒-𑌽𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌦𑍍𑌭॑𑌰𑌿𑌷𑍍𑌯𑌾𑌮𑍋॒-𑌽𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌦𑍍𑌭॑𑌰𑌾𑌮𑌃 ॥ 𑌅𑌨𑍍𑌵॒𑌗𑍍𑌨𑌿𑌰𑍁॒𑌷𑌸𑌾॒-𑌮𑌗𑍍𑌰॑𑌮𑌖𑍍𑌯॒-𑌦𑌨𑍍𑌵𑌹𑌾॑𑌨𑌿 𑌪𑍍𑌰𑌥॒𑌮𑍋 𑌜𑌾॒𑌤𑌵𑍇॑𑌦𑌾𑌃 । 𑌅𑌨𑍁॒ 𑌸𑍂𑌰𑍍𑌯॑𑌸𑍍𑌯 [𑌸𑍂𑌰𑍍𑌯॑𑌸𑍍𑌯, 𑌪𑍁॒𑌰𑍁॒𑌤𑍍𑌰𑌾 𑌚॑] 6

𑌪𑍁𑌰𑍁॒𑌤𑍍𑌰𑌾 𑌚॑ 𑌰॒𑌶𑍍𑌮𑍀𑌨𑌨𑍁॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌆 𑌤॑𑌤𑌾𑌨 ॥ 𑌆॒𑌗𑌤𑍍𑌯॑ 𑌵𑌾॒𑌜𑍍𑌯𑌦𑍍𑌧𑍍𑌵॑𑌨॒-𑌸𑍍𑌸𑌰𑍍𑌵𑌾॒ 𑌮𑍃𑌧𑍋॒ 𑌵𑌿𑌧𑍂॑𑌨𑍁𑌤𑍇 । 𑌅॒𑌗𑍍𑌨𑌿𑌗𑍍​𑌮𑍍 𑌸॒𑌧𑌸𑍍𑌥𑍇॑ 𑌮𑌹॒𑌤𑌿 𑌚𑌕𑍍𑌷𑍁॑𑌷𑌾॒ 𑌨𑌿 𑌚𑌿॑𑌕𑍀𑌷𑌤𑍇 ॥ 𑌆॒𑌕𑍍𑌰𑌮𑍍𑌯॑ 𑌵𑌾𑌜𑌿-𑌨𑍍𑌪𑍃𑌥𑌿॒𑌵𑍀𑌮॒𑌗𑍍𑌨𑌿𑌮𑌿॑𑌚𑍍𑌛 𑌰𑍁॒𑌚𑌾 𑌤𑍍𑌵𑌮𑍍 । 𑌭𑍂𑌮𑍍𑌯𑌾॑ 𑌵𑍃॒𑌤𑍍𑌵𑌾𑌯॑ 𑌨𑍋 𑌬𑍍𑌰𑍂𑌹𑌿॒ 𑌯𑌤𑌃॒ 𑌖𑌨𑌾॑𑌮॒ 𑌤𑌂-𑌵𑌁॒𑌯𑌮𑍍 ॥ 𑌦𑍍𑌯𑍌𑌸𑍍𑌤𑍇॑ 𑌪𑍃॒𑌷𑍍𑌠-𑌮𑍍𑌪𑍃॑𑌥𑌿॒𑌵𑍀 𑌸॒𑌧𑌸𑍍𑌥॑𑌮𑌾॒𑌤𑍍𑌮𑌾 𑌽𑌨𑍍𑌤𑌰𑌿॑𑌕𑍍𑌷𑌗𑍍​𑌮𑍍 𑌸𑌮𑍁॒𑌦𑍍𑌰𑌸𑍍𑌤𑍇॒ 𑌯𑍋𑌨𑌿𑌃॑ । 𑌵𑌿॒𑌖𑍍𑌯𑌾𑌯॒ 𑌚𑌕𑍍𑌷𑍁॑𑌷𑌾॒ 𑌤𑍍𑌵𑌮॒𑌭𑌿 𑌤𑌿॑𑌷𑍍𑌠 [𑌤𑍍𑌵𑌮॒𑌭𑌿 𑌤𑌿॑𑌷𑍍𑌠, 𑌪𑍃॒𑌤॒𑌨𑍍𑌯॒𑌤𑌃 ।] 𑍭

𑌪𑍃𑌤𑌨𑍍𑌯॒𑌤𑌃 ॥ 𑌉𑌤𑍍𑌕𑍍𑌰𑌾॑𑌮 𑌮𑌹॒𑌤𑍇 𑌸𑍌𑌭॑𑌗𑌾𑌯𑌾॒-𑌸𑍍𑌮𑌾𑌦𑌾॒𑌸𑍍𑌥𑌾𑌨𑌾᳚-𑌦𑍍𑌦𑍍𑌰𑌵𑌿𑌣𑍋॒𑌦𑌾 𑌵𑌾॑𑌜𑌿𑌨𑍍𑌨𑍍 । 𑌵॒𑌯𑌗𑍍𑌗𑍍​ 𑌸𑍍𑌯𑌾॑𑌮 𑌸𑍁𑌮॒𑌤𑍌 𑌪𑍃॑𑌥𑌿॒𑌵𑍍𑌯𑌾 𑌅॒𑌗𑍍𑌨𑌿-𑌙𑍍𑌖॑𑌨𑌿॒𑌷𑍍𑌯𑌨𑍍𑌤॑ 𑌉॒𑌪𑌸𑍍𑌥𑍇॑ 𑌅𑌸𑍍𑌯𑌾𑌃 ॥ 𑌉𑌦॑𑌕𑍍𑌰𑌮𑍀-𑌦𑍍𑌦𑍍𑌰𑌵𑌿𑌣𑍋॒𑌦𑌾 𑌵𑌾॒𑌜𑍍𑌯𑌰𑍍𑌵𑌾-𑌽𑌕॒-𑌸𑍍𑌸 𑌲𑍋॒𑌕𑌗𑍍​𑌮𑍍 𑌸𑍁𑌕𑍃॑𑌤-𑌮𑍍𑌪𑍃𑌥𑌿॒𑌵𑍍𑌯𑌾𑌃 । 𑌤𑌤𑌃॑ 𑌖𑌨𑍇𑌮 𑌸𑍁॒𑌪𑍍𑌰𑌤𑍀॑𑌕𑌮॒𑌗𑍍𑌨𑌿𑌗𑍍​𑌮𑍍 𑌸𑍁𑌵𑍋॒ 𑌰𑍁𑌹𑌾॑𑌣𑌾॒ 𑌅𑌧𑌿॒ 𑌨𑌾𑌕॑ 𑌉𑌤𑍍𑌤॒𑌮𑍇 ॥ 𑌅॒𑌪𑍋 𑌦𑍇॒𑌵𑍀𑌰𑍁𑌪॑ 𑌸𑍃𑌜॒ 𑌮𑌧𑍁॑𑌮𑌤𑍀𑌰𑌯॒𑌕𑍍𑌷𑍍𑌮𑌾𑌯॑ 𑌪𑍍𑌰॒𑌜𑌾𑌭𑍍𑌯𑌃॑ । 𑌤𑌾𑌸𑌾॒𑌗𑍍॒ 𑌸𑍍𑌥𑌾𑌨𑌾॒𑌦𑍁𑌜𑍍𑌜𑌿॑𑌹𑌤𑌾॒-𑌮𑍋𑌷॑𑌧𑌯-𑌸𑍍𑌸𑍁𑌪𑌿𑌪𑍍𑌪॒𑌲𑌾𑌃 ॥ 𑌜𑌿𑌘॑- [𑌜𑌿𑌘॑𑌰𑍍𑌮𑌿, 𑌅॒𑌗𑍍𑌨𑌿-𑌮𑍍𑌮𑌨॑𑌸𑌾] 𑍮

-𑌰𑍍𑌮𑍍𑌯॒𑌗𑍍𑌨𑌿-𑌮𑍍𑌮𑌨॑𑌸𑌾 𑌘𑍃॒𑌤𑍇𑌨॑ 𑌪𑍍𑌰𑌤𑌿॒𑌕𑍍𑌷𑍍𑌯𑌨𑍍𑌤॒-𑌮𑍍𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ । 𑌪𑍃॒𑌥𑍁-𑌨𑍍𑌤𑌿॑𑌰॒𑌶𑍍𑌚𑌾 𑌵𑌯॑𑌸𑌾 𑌬𑍃॒𑌹𑌨𑍍𑌤𑌂॒-𑌵𑍍𑌯𑌁𑌚𑌿॑𑌷𑍍𑌠॒𑌮𑌨𑍍𑌨𑌗𑍍​𑌮𑍍॑ 𑌰𑌭॒𑌸𑌂-𑌵𑌿𑌁𑌦𑌾॑𑌨𑌮𑍍 ॥ 𑌆 𑌤𑍍𑌵𑌾॑ 𑌜𑌿𑌘𑌰𑍍𑌮𑌿॒ 𑌵𑌚॑𑌸𑌾 𑌘𑍃॒𑌤𑍇𑌨𑌾॑-𑌽𑌰॒𑌕𑍍𑌷𑌸𑌾॒ 𑌮𑌨॑𑌸𑌾॒ 𑌤𑌜𑍍𑌜𑍁॑𑌷𑌸𑍍𑌵 । 𑌮𑌰𑍍𑌯॑𑌶𑍍𑌰𑍀-𑌸𑍍𑌸𑍍𑌪𑍃𑌹॒𑌯-𑌦𑍍𑌵॑𑌰𑍍𑌣𑍋 𑌅॒𑌗𑍍𑌨𑌿𑌰𑍍𑌨𑌾-𑌽𑌭𑌿॒𑌮𑍃𑌶𑍇॑ 𑌤॒𑌨𑍁𑌵𑌾॒ 𑌜𑌰𑍍​𑌹𑍃॑𑌷𑌾𑌣𑌃 ॥ 𑌪𑌰𑌿॒ 𑌵𑌾𑌜॑𑌪𑌤𑌿𑌃 𑌕॒𑌵𑌿𑌰॒𑌗𑍍𑌨𑌿𑌰𑍍-𑌹॒𑌵𑍍𑌯𑌾𑌨𑍍𑌯॑𑌕𑍍𑌰𑌮𑍀𑌤𑍍 । 𑌦𑌧॒-𑌦𑍍𑌰𑌤𑍍𑌨𑌾॑𑌨𑌿 𑌦𑌾॒𑌶𑍁𑌷𑍇᳚ ॥ 𑌪𑌰𑌿॑ 𑌤𑍍𑌵𑌾-𑌽𑌗𑍍𑌨𑍇॒ 𑌪𑍁𑌰𑌂॑-𑌵𑌁॒𑌯𑌂-𑌵𑌿𑌁𑌪𑍍𑌰𑌗𑍍​𑌮𑍍॑ 𑌸𑌹𑌸𑍍𑌯 𑌧𑍀𑌮𑌹𑌿 । 𑌧𑍃॒𑌷-𑌦𑍍𑌵॑𑌰𑍍𑌣-𑌨𑍍𑌦𑌿॒𑌵𑍇𑌦𑌿॑𑌵𑍇 𑌭𑍇॒𑌤𑍍𑌤𑌾𑌰॑-𑌮𑍍𑌭𑌙𑍍𑌗𑍁॒𑌰𑌾𑌵॑𑌤𑌃 ॥ 𑌤𑍍𑌵𑌮॑𑌗𑍍𑌨𑍇॒ 𑌦𑍍𑌯𑍁𑌭𑌿॒𑌸𑍍𑌤𑍍𑌵-𑌮𑌾॑𑌶𑍁𑌶𑍁॒𑌕𑍍𑌷𑌣𑌿॒𑌸𑍍𑌤𑍍𑌵-𑌮॒𑌦𑍍𑌭𑍍𑌯𑌸𑍍𑌤𑍍𑌵-𑌮𑌶𑍍𑌮॑𑌨॒𑌸𑍍𑌪𑌰𑌿॑ । 𑌤𑍍𑌵𑌂-𑌵𑌁𑌨𑍇᳚𑌭𑍍𑌯॒ 𑌸𑍍𑌤𑍍𑌵𑌮𑍋𑌷॑𑌧𑍀𑌭𑍍𑌯॒ 𑌸𑍍𑌤𑍍𑌵-𑌨𑍍𑌨𑍃॒𑌣𑌾-𑌨𑍍𑌨𑍃॑𑌪𑌤𑍇 𑌜𑌾𑌯𑌸𑍇॒ 𑌶𑍁𑌚𑌿𑌃॑ ॥ 𑍯 ॥
(𑌪𑍍𑌰॒𑌤𑍂𑌰𑍍𑌵॒𑌨𑍍𑌥𑍍 – 𑌸𑍂𑌰𑍍𑌯॑𑌸𑍍𑌯 – 𑌤𑌿𑌷𑍍𑌠॒ – 𑌜𑌿𑌘॑𑌰𑍍𑌮𑌿 – 𑌭𑍇॒𑌤𑍍𑌤𑌾𑌰𑌂॑ – ​𑌵𑌿𑌁𑌗𑍍​𑌮𑍍𑌶॒𑌤𑌿𑌶𑍍𑌚॑) (𑌅. 2)

𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇᳚-𑌽𑌶𑍍𑌵𑌿𑌨𑍋᳚ 𑌰𑍍𑌬𑌾॒𑌹𑍁𑌭𑍍𑌯𑌾᳚-𑌮𑍍𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾-𑌮𑍍𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇॒-𑌽𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌤𑍍𑌖॑𑌨𑌾𑌮𑌿 ॥ 𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤-𑌨𑍍𑌤𑍍𑌵𑌾-𑌽𑌗𑍍𑌨𑍇 𑌸𑍁॒𑌪𑍍𑌰𑌤𑍀॑𑌕॒𑌮𑌜॑𑌸𑍍𑌰𑍇𑌣 𑌭𑌾॒𑌨𑍁𑌨𑌾॒ 𑌦𑍀𑌦𑍍𑌯𑌾॑𑌨𑌮𑍍 । 𑌶𑌿॒𑌵-𑌮𑍍𑌪𑍍𑌰॒𑌜𑌾𑌭𑍍𑌯𑍋-𑌽𑌹𑌿𑌗𑍍​𑌮𑍍॑ 𑌸𑌨𑍍𑌤-𑌮𑍍𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇॒-𑌽𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑ -𑌮𑌙𑍍𑌗𑌿𑌰॒𑌸𑍍𑌵-𑌤𑍍𑌖॑𑌨𑌾𑌮𑌿 ॥ 𑌅॒𑌪𑌾-𑌮𑍍𑌪𑍃॒𑌷𑍍𑌠𑌮॑𑌸𑌿 𑌸॒𑌪𑍍𑌰𑌥𑌾॑ 𑌉॒𑌰𑍍𑌵॑𑌗𑍍𑌨𑌿-𑌮𑍍𑌭॑𑌰𑌿॒𑌷𑍍𑌯𑌦𑌪॑𑌰𑌾𑌵𑌪𑌿𑌷𑍍𑌠𑌮𑍍 । 𑌵𑌰𑍍𑌧॑𑌮𑌾𑌨-𑌮𑍍𑌮॒𑌹 𑌆 𑌚॒ 𑌪𑍁𑌷𑍍𑌕॑𑌰-𑌨𑍍𑌦𑌿॒𑌵𑍋 𑌮𑌾𑌤𑍍𑌰॑𑌯𑌾 𑌵𑌰𑌿॒𑌣𑌾 𑌪𑍍𑌰॑𑌥𑌸𑍍𑌵 ॥ 𑌶𑌰𑍍𑌮॑ 𑌚 𑌸𑍍𑌥𑍋॒ [𑌶𑌰𑍍𑌮॑ 𑌚 𑌸𑍍𑌥𑌃, 𑌵𑌰𑍍𑌮॑ 𑌚] 10

𑌵𑌰𑍍𑌮॑ 𑌚 𑌸𑍍𑌥𑍋॒ 𑌅𑌚𑍍𑌛𑌿॑𑌦𑍍𑌰𑍇 𑌬𑌹𑍁॒𑌲𑍇 𑌉॒𑌭𑍇 । 𑌵𑍍𑌯𑌚॑𑌸𑍍𑌵𑌤𑍀॒ 𑌸𑌂-𑌵𑌁॑𑌸𑌾𑌥𑌾-𑌮𑍍𑌭॒𑌰𑍍𑌤𑌮॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯᳚𑌮𑍍 ॥ 𑌸𑌂​𑌵𑌁॑𑌸𑌾𑌥𑌾𑌗𑍍​𑌮𑍍 𑌸𑍁𑌵॒𑌰𑍍𑌵𑌿𑌦𑌾॑ 𑌸॒𑌮𑍀𑌚𑍀॒ 𑌉𑌰॑𑌸𑌾॒ 𑌤𑍍𑌮𑌨𑌾᳚ । 𑌅॒𑌗𑍍𑌨𑌿𑌮॒𑌨𑍍𑌤 𑌰𑍍𑌭॑𑌰𑌿॒𑌷𑍍𑌯𑌨𑍍𑌤𑍀॒ 𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤॒ 𑌮𑌜॑𑌸𑍍𑌰॒𑌮𑌿𑌤𑍍 ॥ 𑌪𑍁॒𑌰𑍀॒𑌷𑍍𑌯𑍋॑-𑌽𑌸𑌿 𑌵𑌿॒𑌶𑍍𑌵𑌭॑𑌰𑌾𑌃 । 𑌅𑌥॑𑌰𑍍𑌵𑌾 𑌤𑍍𑌵𑌾 𑌪𑍍𑌰𑌥॒𑌮𑍋 𑌨𑌿𑌰॑𑌮𑌨𑍍𑌥𑌦𑌗𑍍𑌨𑍇 ॥ 𑌤𑍍𑌵𑌾𑌮॑𑌗𑍍𑌨𑍇॒ 𑌪𑍁𑌷𑍍𑌕॑𑌰𑌾॒𑌦𑌦𑍍𑌧𑍍𑌯𑌥॑𑌰𑍍𑌵𑌾॒ 𑌨𑌿𑌰॑𑌮𑌨𑍍𑌥𑌤 । 𑌮𑍂॒𑌰𑍍𑌧𑍍𑌨𑍋 𑌵𑌿𑌶𑍍𑌵॑𑌸𑍍𑌯 𑌵𑌾॒𑌘𑌤𑌃॑ ॥ 𑌤𑌮𑍁॑ 𑌤𑍍𑌵𑌾 𑌦॒𑌦𑍍𑌧𑍍𑌯𑌙𑍍𑌙𑍃𑌷𑌿𑌃॑ 𑌪𑍁॒𑌤𑍍𑌰 𑌈॑𑌧𑍇॒ [𑌪𑍁॒𑌤𑍍𑌰 𑌈॑𑌧𑍇, 𑌅𑌥॑𑌰𑍍𑌵𑌣𑌃 ।] 11

𑌅𑌥॑𑌰𑍍𑌵𑌣𑌃 । 𑌵𑍃॒𑌤𑍍𑌰॒𑌹𑌣॑-𑌮𑍍𑌪𑍁𑌰𑌨𑍍𑌦॒𑌰𑌮𑍍 ॥ 𑌤𑌮𑍁॑ 𑌤𑍍𑌵𑌾 𑌪𑌾॒𑌥𑍍𑌯𑍋 𑌵𑍃𑌷𑌾॒ 𑌸𑌮𑍀॑𑌧𑍇 𑌦𑌸𑍍𑌯𑍁॒𑌹𑌨𑍍𑌤॑𑌮𑌮𑍍 । 𑌧॒𑌨॒𑌞𑍍𑌜॒𑌯𑌗𑍍​𑌮𑍍 𑌰𑌣𑍇॑𑌰𑌣𑍇 ॥ 𑌸𑍀𑌦॑ 𑌹𑍋𑌤॒-𑌸𑍍𑌸𑍍𑌵 𑌉॑ 𑌲𑍋॒𑌕𑍇 𑌚𑌿॑𑌕𑌿॒𑌤𑍍𑌵𑌾𑌨𑍍-𑌥𑍍𑌸𑌾॒𑌦𑌯𑌾॑ 𑌯॒𑌜𑍍𑌞𑌗𑍍​𑌮𑍍 𑌸𑍁॑𑌕𑍃॒𑌤𑌸𑍍𑌯॒ 𑌯𑍋𑌨𑍌᳚ । 𑌦𑍇॒𑌵𑌾॒𑌵𑍀𑌰𑍍𑌦𑍇॒𑌵𑌾𑌨𑍍. 𑌹॒𑌵𑌿𑌷𑌾॑ 𑌯𑌜𑌾॒𑌸𑍍𑌯𑌗𑍍𑌨𑍇॑ 𑌬𑍃॒𑌹-𑌦𑍍𑌯𑌜॑𑌮𑌾𑌨𑍇॒ 𑌵𑌯𑍋॑ 𑌧𑌾𑌃 ॥ 𑌨𑌿 𑌹𑍋𑌤𑌾॑ 𑌹𑍋𑌤𑍃॒𑌷𑌦॑𑌨𑍇॒ 𑌵𑌿𑌦𑌾॑𑌨𑌸𑍍𑌤𑍍𑌵𑍇॒𑌷𑍋 𑌦𑍀॑𑌦𑌿॒𑌵𑌾𑌗𑍍​𑌮𑍍 𑌅॑𑌸𑌦-𑌥𑍍𑌸𑍁॒𑌦𑌕𑍍𑌷𑌃॑ । 𑌅𑌦॑𑌬𑍍𑌧𑌵𑍍𑌰𑌤 𑌪𑍍𑌰𑌮𑌤𑌿॒𑌰𑍍𑌵𑌸𑌿॑𑌷𑍍𑌠-𑌸𑍍𑌸𑌹𑌸𑍍𑌰-𑌮𑍍𑌭॒𑌰-𑌶𑍍𑌶𑍁𑌚𑌿॑𑌜𑌿𑌹𑍍𑌵𑍋 𑌅॒𑌗𑍍𑌨𑌿𑌃 ॥ 𑌸𑌗𑍍​𑌮𑍍 𑌸𑍀॑𑌦𑌸𑍍𑌵 𑌮॒𑌹𑌾𑌗𑍍​𑌮𑍍 𑌅॑𑌸𑌿॒ 𑌶𑍋𑌚॑𑌸𑍍𑌵 [𑌶𑍋𑌚॑𑌸𑍍𑌵, 𑌦𑍇॒𑌵॒𑌵𑍀𑌤॑𑌮𑌃 ।] 12

𑌦𑍇𑌵॒𑌵𑍀𑌤॑𑌮𑌃 । 𑌵𑌿 𑌧𑍂॒𑌮𑌮॑𑌗𑍍𑌨𑍇 𑌅𑌰𑍁॒𑌷-𑌮𑍍𑌮𑌿॑𑌯𑍇𑌦𑍍𑌧𑍍𑌯 𑌸𑍃॒𑌜 𑌪𑍍𑌰॑𑌶𑌸𑍍𑌤 𑌦𑌰𑍍​𑌶॒𑌤𑌮𑍍 ॥ 𑌜𑌨𑌿॑𑌷𑍍𑌵𑌾॒ 𑌹𑌿 𑌜𑍇𑌨𑍍𑌯𑍋॒ 𑌅𑌗𑍍𑌰𑍇॒ 𑌅𑌹𑍍𑌨𑌾𑌗𑍍​𑌮𑍍॑ 𑌹𑌿॒𑌤𑍋 𑌹𑌿॒𑌤𑍇𑌷𑍍𑌵॑𑌰𑍁॒𑌷𑍋 𑌵𑌨𑍇॑𑌷𑍁 । 𑌦𑌮𑍇॑𑌦𑌮𑍇 𑌸॒𑌪𑍍𑌤 𑌰𑌤𑍍𑌨𑌾॒ 𑌦𑌧𑌾॑𑌨𑍋॒-𑌽𑌗𑍍𑌨𑌿𑌰𑍍​𑌹𑍋𑌤𑌾॒ 𑌨𑌿 𑌷॑𑌸𑌾𑌦𑌾॒ 𑌯𑌜𑍀॑𑌯𑌾𑌨𑍍 ॥ 13 ॥
(𑌸𑍍𑌥॒ – 𑌈॒𑌧𑍇॒ – 𑌶𑍋𑌚॑𑌸𑍍𑌵 – 𑌸॒𑌪𑍍𑌤𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) – (𑌅. 3)

𑌸-𑌨𑍍𑌤𑍇॑ 𑌵𑌾॒𑌯𑍁𑌰𑍍𑌮𑌾॑𑌤॒𑌰𑌿𑌶𑍍𑌵𑌾॑ 𑌦𑌧𑌾𑌤𑍂𑌤𑍍𑌤𑌾॒𑌨𑌾𑌯𑍈॒ 𑌹𑍃𑌦॑𑌯𑌂॒-𑌯𑌁𑌦𑍍𑌵𑌿𑌲𑌿॑𑌷𑍍𑌟𑌮𑍍 । 𑌦𑍇॒𑌵𑌾𑌨𑌾𑌂॒-𑌯𑌁𑌶𑍍𑌚𑌰॑𑌤𑌿 𑌪𑍍𑌰𑌾॒𑌣𑌥𑍇॑𑌨॒ 𑌤𑌸𑍍𑌮𑍈॑ 𑌚 𑌦𑍇𑌵𑌿॒ 𑌵𑌷॑𑌡𑌸𑍍𑌤𑍁॒ 𑌤𑍁𑌭𑍍𑌯᳚𑌮𑍍 ॥ 𑌸𑍁𑌜𑌾॑𑌤𑍋॒ 𑌜𑍍𑌯𑍋𑌤𑌿॑𑌷𑌾 𑌸॒𑌹 𑌶𑌰𑍍𑌮॒ 𑌵𑌰𑍂॑𑌥॒𑌮𑌾-𑌽𑌸॑𑌦॒-𑌸𑍍𑌸𑍁𑌵𑌃॑ । 𑌵𑌾𑌸𑍋॑ 𑌅𑌗𑍍𑌨𑍇 𑌵𑌿॒𑌶𑍍𑌵𑌰𑍂॑𑌪॒𑌗𑍍​𑌮𑍍॒ 𑌸𑌂​𑌵𑍍𑌯𑌁॑𑌯𑌸𑍍𑌵 𑌵𑌿𑌭𑌾𑌵𑌸𑍋 ॥ 𑌉𑌦𑍁॑ 𑌤𑌿𑌷𑍍𑌠 𑌸𑍍𑌵𑌦𑍍𑌧𑍍𑌵॒𑌰𑌾𑌵𑌾॑ 𑌨𑍋 𑌦𑍇॒𑌵𑍍𑌯𑌾 𑌕𑍃॒𑌪𑌾 । 𑌦𑍃॒𑌶𑍇 𑌚॑ 𑌭𑌾॒𑌸𑌾 𑌬𑍃॑𑌹॒𑌤𑌾 𑌸𑍁॑𑌶𑍁॒𑌕𑍍𑌵𑌨𑌿॒𑌰𑌾-𑌽𑌗𑍍𑌨𑍇॑ 𑌯𑌾𑌹𑌿 𑌸𑍁𑌶॒𑌸𑍍𑌤𑌿𑌭𑌿𑌃॑ ॥ 14 ॥

𑌊॒𑌰𑍍𑌧𑍍𑌵 𑌊॒ 𑌷𑍁 𑌣॑ 𑌊॒𑌤𑌯𑍇॒ 𑌤𑌿𑌷𑍍𑌠𑌾॑ 𑌦𑍇॒𑌵𑍋 𑌨 𑌸॑𑌵𑌿॒𑌤𑌾 । 𑌊॒𑌰𑍍𑌧𑍍𑌵𑍋 𑌵𑌾𑌜॑𑌸𑍍𑌯॒ 𑌸𑌨𑌿॑𑌤𑌾॒ 𑌯𑌦॒𑌞𑍍𑌜𑌿𑌭𑌿॑-𑌰𑍍𑌵𑌾॒𑌘𑌦𑍍𑌭𑌿॑-𑌰𑍍𑌵𑌿॒𑌹𑍍𑌵𑌯𑌾॑𑌮𑌹𑍇 ॥ 𑌸 𑌜𑌾॒𑌤𑍋 𑌗𑌰𑍍𑌭𑍋॑ 𑌅𑌸𑌿॒ 𑌰𑍋𑌦॑𑌸𑍍𑌯𑍋॒𑌰𑌗𑍍𑌨𑍇॒ 𑌚𑌾𑌰𑍁॒𑌰𑍍𑌵𑌿𑌭𑍃॑𑌤॒ 𑌓𑌷॑𑌧𑍀𑌷𑍁 । 𑌚𑌿॒𑌤𑍍𑌰-𑌶𑍍𑌶𑌿𑌶𑍁𑌃॒ 𑌪𑌰𑌿॒ 𑌤𑌮𑌾𑌗𑍍॑𑌸𑍍𑌯॒𑌕𑍍𑌤𑌃 𑌪𑍍𑌰 𑌮𑌾॒𑌤𑍃𑌭𑍍𑌯𑍋॒ 𑌅𑌧𑌿॒ 𑌕𑌨𑌿॑𑌕𑍍𑌰𑌦𑌦𑍍𑌗𑌾𑌃 ॥ 𑌸𑍍𑌥𑌿॒𑌰𑍋 𑌭॑𑌵 𑌵𑍀॒𑌡𑍍𑌵॑𑌙𑍍𑌗 𑌆॒𑌶𑍁𑌰𑍍𑌭॑𑌵 𑌵𑌾॒𑌜𑍍𑌯॑𑌰𑍍𑌵𑌨𑍍𑌨𑍍 । 𑌪𑍃॒𑌥𑍁𑌰𑍍𑌭॑𑌵 𑌸𑍁॒𑌷𑌦॒𑌸𑍍𑌤𑍍𑌵𑌮॒𑌗𑍍𑌨𑍇𑌃 𑌪𑍁॑𑌰𑍀𑌷॒𑌵𑌾𑌹॑𑌨𑌃 ॥ 𑌶𑌿॒𑌵𑍋 𑌭॑𑌵 [ ] 15

𑌪𑍍𑌰॒𑌜𑌾𑌭𑍍𑌯𑍋॒ 𑌮𑌾𑌨𑍁॑𑌷𑍀𑌭𑍍𑌯॒𑌸𑍍𑌤𑍍𑌵𑌮॑𑌙𑍍𑌗𑌿𑌰𑌃 । 𑌮𑌾 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌭𑌿 𑌶𑍂॑𑌶𑍁𑌚𑍋॒ 𑌮𑌾-𑌽𑌨𑍍𑌤𑌰𑌿॑𑌕𑍍𑌷॒-𑌮𑍍𑌮𑌾 𑌵𑌨॒𑌸𑍍𑌪𑌤𑍀𑌨𑍍॑ ॥ 𑌪𑍍𑌰𑍈𑌤𑍁॑ 𑌵𑌾॒𑌜𑍀 𑌕𑌨𑌿॑𑌕𑍍𑌰𑌦॒-𑌨𑍍𑌨𑌾𑌨॑𑌦॒-𑌦𑍍𑌰𑌾𑌸॑𑌭𑌃॒ 𑌪𑌤𑍍𑌵𑌾᳚ । 𑌭𑌰॑𑌨𑍍𑌨॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑍍𑌮𑌾 𑌪𑌾॒𑌦𑍍𑌯𑌾𑌯𑍁॑𑌷𑌃 𑌪𑍁॒𑌰𑌾 ॥ 𑌰𑌾𑌸॑𑌭𑍋 𑌵𑌾॒-𑌙𑍍𑌕𑌨𑌿॑𑌕𑍍𑌰𑌦॒-𑌥𑍍𑌸𑍁𑌯𑍁॑𑌕𑍍𑌤𑍋 𑌵𑍃𑌷𑌣𑌾॒ 𑌰𑌥𑍇᳚ । 𑌸 𑌵𑌾॑𑌮॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑𑌮𑌾॒𑌶𑍁𑌰𑍍𑌦𑍂॒𑌤𑍋 𑌵॑𑌹𑌾𑌦𑌿॒𑌤𑌃 ॥ 𑌵𑍃𑌷𑌾॒-𑌽𑌗𑍍𑌨𑌿𑌂-𑌵𑍃𑌁𑌷॑𑌣॒-𑌮𑍍𑌭𑌰॑𑌨𑍍𑌨॒𑌪𑌾-𑌙𑍍𑌗𑌰𑍍𑌭𑌗𑍍​𑌮𑍍॑ 𑌸𑌮𑍁॒𑌦𑍍𑌰𑌿𑌯᳚𑌮𑍍 । 𑌅𑌗𑍍𑌨॒ 𑌆 𑌯𑌾॑𑌹𑌿 [ ] 16

𑌵𑍀॒𑌤𑌯॑ 𑌋॒𑌤𑌗𑍍​𑌮𑍍 𑌸॒𑌤𑍍𑌯𑌮𑍍 ॥ 𑌓𑌷॑𑌧𑌯𑌃॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑍀𑌤𑌾॒-𑌽𑌗𑍍𑌨𑌿𑌮𑍇॒𑌤𑌗𑍍​𑌮𑍍 𑌶𑌿॒𑌵𑌮𑌾॒𑌯𑌨𑍍𑌤॑𑌮॒𑌭𑍍𑌯𑌤𑍍𑌰॑ 𑌯𑍁॒𑌷𑍍𑌮𑌾𑌨𑍍 । 𑌵𑍍𑌯𑌸𑍍𑌯॒𑌨𑍍 𑌵𑌿𑌶𑍍𑌵𑌾॒ 𑌅𑌮॑𑌤𑍀॒𑌰𑌰𑌾॑𑌤𑍀-𑌰𑍍𑌨𑌿॒𑌷𑍀𑌦॑𑌨𑍍𑌨𑍋॒ 𑌅𑌪॑ 𑌦𑍁𑌰𑍍𑌮॒𑌤𑌿𑌗𑍍​𑌮𑍍 𑌹॑𑌨𑌤𑍍 ॥ 𑌓𑌷॑𑌧𑌯𑌃॒ 𑌪𑍍𑌰𑌤𑌿॑ 𑌮𑍋𑌦𑌦𑍍𑌧𑍍𑌵𑌮𑍇𑌨॒-𑌮𑍍𑌪𑍁𑌷𑍍𑌪𑌾॑𑌵𑌤𑍀-𑌸𑍍𑌸𑍁𑌪𑌿𑌪𑍍𑌪॒𑌲𑌾𑌃 । 𑌅॒𑌯𑌂-𑌵𑍋𑌁॒ 𑌗𑌰𑍍𑌭॑ 𑌋॒𑌤𑍍𑌵𑌿𑌯𑌃॑ 𑌪𑍍𑌰॒𑌤𑍍𑌨𑌗𑍍​𑌮𑍍 𑌸॒𑌧𑌸𑍍𑌥॒𑌮𑌾 𑌽𑌸॑𑌦𑌤𑍍 ॥ 1𑍭 ॥
(𑌸𑍁॒𑌶॒𑌸𑍍𑌤𑌿𑌭𑌿𑌃॑ – 𑌶𑌿॒𑌵𑍋 𑌭॑𑌵 – 𑌯𑌾𑌹𑌿॒ – 𑌷𑌟𑍍𑌤𑍍𑌰𑌿𑌗𑍍​𑌮𑍍॑𑌶𑌚𑍍𑌚) (𑌅. 4)

𑌵𑌿 𑌪𑌾𑌜॑𑌸𑌾 𑌪𑍃॒𑌥𑍁𑌨𑌾॒ 𑌶𑍋𑌶𑍁॑𑌚𑌾𑌨𑍋॒ 𑌬𑌾𑌧॑𑌸𑍍𑌵 𑌦𑍍𑌵𑌿॒𑌷𑍋 𑌰॒𑌕𑍍𑌷𑌸𑍋॒ 𑌅𑌮𑍀॑𑌵𑌾𑌃 । 𑌸𑍁॒𑌶𑌰𑍍𑌮॑𑌣𑍋 𑌬𑍃𑌹॒𑌤-𑌶𑍍𑌶𑌰𑍍𑌮॑𑌣𑌿 𑌸𑍍𑌯𑌾𑌮॒𑌗𑍍𑌨𑍇𑌰॒𑌹𑌗𑍍​𑌮𑍍 𑌸𑍁॒𑌹𑌵॑𑌸𑍍𑌯॒ 𑌪𑍍𑌰𑌣𑍀॑𑌤𑍌 ॥ 𑌆𑌪𑍋॒ 𑌹𑌿 𑌷𑍍𑌠𑌾 𑌮॑𑌯𑍋॒𑌭𑍁𑌵॒𑌸𑍍𑌤𑌾 𑌨॑ 𑌊॒𑌰𑍍𑌜𑍇 𑌦॑𑌧𑌾𑌤𑌨 । 𑌮॒𑌹𑍇 𑌰𑌣𑌾॑𑌯॒ 𑌚𑌕𑍍𑌷॑𑌸𑍇 ॥ 𑌯𑍋 𑌵॑-𑌶𑍍𑌶𑌿॒𑌵𑌤॑𑌮𑍋॒ 𑌰𑌸॒𑌸𑍍𑌤𑌸𑍍𑌯॑ 𑌭𑌾𑌜𑌯𑌤𑍇॒𑌹 𑌨𑌃॑ । 𑌉॒𑌶॒𑌤𑍀𑌰𑌿॑𑌵 𑌮𑌾॒𑌤𑌰𑌃॑ ॥ 𑌤𑌸𑍍𑌮𑌾॒ 𑌅𑌰॑-𑌙𑍍𑌗𑌮𑌾𑌮 𑌵𑍋॒ 𑌯𑌸𑍍𑌯॒ 𑌕𑍍𑌷𑌯𑌾॑𑌯॒ 𑌜𑌿𑌨𑍍𑌵॑𑌥 । 𑌆𑌪𑍋॑ 𑌜॒𑌨𑌯॑𑌥𑌾 𑌚 𑌨𑌃 ॥ 𑌮𑌿॒𑌤𑍍𑌰- [𑌮𑌿॒𑌤𑍍𑌰𑌃, 𑌸॒𑌗𑍍​𑌮𑍍॒𑌸𑍃𑌜𑍍𑌯॑] 1𑍮

-𑌸𑍍𑌸॒𑌗𑍍​𑌮𑍍॒𑌸𑍃𑌜𑍍𑌯॑ 𑌪𑍃𑌥𑌿॒𑌵𑍀-𑌮𑍍𑌭𑍂𑌮𑌿॑-𑌞𑍍𑌚॒ 𑌜𑍍𑌯𑍋𑌤𑌿॑𑌷𑌾 𑌸॒𑌹 । 𑌸𑍁𑌜𑌾॑𑌤-𑌞𑍍𑌜𑌾॒𑌤𑌵𑍇॑𑌦𑌸𑌮॒𑌗𑍍𑌨𑌿𑌂-𑌵𑍈𑌁᳚𑌶𑍍𑌵𑌾𑌨॒𑌰𑌂-𑌵𑌿𑌁॒𑌭𑍁𑌮𑍍 ॥ 𑌅॒𑌯॒𑌕𑍍𑌷𑍍𑌮𑌾𑌯॑ 𑌤𑍍𑌵𑌾॒ 𑌸𑌗𑍍​𑌮𑍍 𑌸𑍃॑𑌜𑌾𑌮𑌿 𑌪𑍍𑌰॒𑌜𑌾𑌭𑍍𑌯𑌃॑ । 𑌵𑌿𑌶𑍍𑌵𑍇᳚ 𑌤𑍍𑌵𑌾 𑌦𑍇॒𑌵𑌾 𑌵𑍈᳚𑌶𑍍𑌵𑌾𑌨॒𑌰𑌾-𑌸𑍍𑌸𑌗𑍍​𑌮𑍍 𑌸𑍃॑𑌜॒𑌨𑍍𑌤𑍍𑌵𑌾-𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵𑌤𑍍 ॥ 𑌰𑍁॒𑌦𑍍𑌰𑌾-𑌸𑍍𑌸॒𑌭𑍃𑌨𑍍𑌤𑍍𑌯॑ 𑌪𑍃𑌥𑌿॒𑌵𑍀-𑌮𑍍𑌬𑍃॒𑌹𑌜𑍍𑌜𑍍𑌯𑍋𑌤𑌿॒-𑌸𑍍𑌸𑌮𑍀॑𑌧𑌿𑌰𑍇 । 𑌤𑍇𑌷𑌾᳚-𑌮𑍍𑌭𑌾॒𑌨𑍁𑌰𑌜॑𑌸𑍍𑌰॒ 𑌇𑌚𑍍𑌛𑍁॒𑌕𑍍𑌰𑍋 𑌦𑍇॒𑌵𑍇𑌷𑍁॑ 𑌰𑍋𑌚𑌤𑍇 ॥ 𑌸𑌗𑍍​𑌮𑍍 𑌸𑍃॑𑌷𑍍𑌟𑌾𑌂॒-𑌵𑌁𑌸𑍁॑𑌭𑍀 𑌰𑍁॒𑌦𑍍𑌰𑍈𑌰𑍍𑌧𑍀𑌰𑍈𑌃᳚ 𑌕𑌰𑍍𑌮॒𑌣𑍍𑌯𑌾᳚-𑌮𑍍𑌮𑍃𑌦᳚𑌮𑍍 । 𑌹𑌸𑍍𑌤𑌾᳚𑌭𑍍𑌯𑌾-𑌮𑍍𑌮𑍃॒𑌦𑍍𑌵𑍀-𑌙𑍍𑌕𑍃॒𑌤𑍍𑌵𑌾 𑌸𑌿॑𑌨𑍀𑌵𑌾॒𑌲𑍀 𑌕॑𑌰𑍋𑌤𑍁॒ [𑌸𑌿॑𑌨𑍀𑌵𑌾॒𑌲𑍀 𑌕॑𑌰𑍋𑌤𑍁, 𑌤𑌾𑌮𑍍 ।] 1𑍯

𑌤𑌾𑌮𑍍 ॥ 𑌸𑌿॒𑌨𑍀॒𑌵𑌾॒𑌲𑍀 𑌸𑍁॑𑌕𑌪॒𑌰𑍍𑌦𑌾 𑌸𑍁॑𑌕𑍁𑌰𑍀॒𑌰𑌾 𑌸𑍍𑌵𑍌॑𑌪॒𑌶𑌾 । 𑌸𑌾 𑌤𑍁𑌭𑍍𑌯॑𑌮𑌦𑌿𑌤𑍇 𑌮𑌹॒ 𑌓𑌖𑌾-𑌨𑍍𑌦॑𑌧𑌾𑌤𑍁॒ 𑌹𑌸𑍍𑌤॑𑌯𑍋𑌃 ॥ 𑌉॒𑌖𑌾-𑌙𑍍𑌕॑𑌰𑍋𑌤𑍁॒ 𑌶𑌕𑍍𑌤𑍍𑌯𑌾॑ 𑌬𑌾॒𑌹𑍁𑌭𑍍𑌯𑌾॒-𑌮𑌦𑌿॑𑌤𑌿𑌰𑍍𑌧𑌿॒𑌯𑌾 । 𑌮𑌾॒𑌤𑌾 𑌪𑍁॒𑌤𑍍𑌰𑌂-𑌯𑌁𑌥𑍋॒𑌪𑌸𑍍𑌥𑍇॒ 𑌸𑌾-𑌽𑌗𑍍𑌨𑌿-𑌮𑍍𑌬𑌿॑𑌭𑌰𑍍𑌤𑍁॒ 𑌗𑌰𑍍𑌭॒ 𑌆 ॥ 𑌮॒𑌖𑌸𑍍𑌯॒ 𑌶𑌿𑌰𑍋॑-𑌽𑌸𑌿 𑌯॒𑌜𑍍𑌞𑌸𑍍𑌯॑ 𑌪॒𑌦𑍇 𑌸𑍍𑌥𑌃॑ । 𑌵𑌸॑𑌵𑌸𑍍𑌤𑍍𑌵𑌾 𑌕𑍃𑌣𑍍𑌵𑌨𑍍𑌤𑍁 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾 𑌽𑌙𑍍𑌗𑌿𑌰॒𑌸𑍍𑌵-𑌤𑍍𑌪𑍃॑𑌥𑌿॒𑌵𑍍𑌯॑𑌸𑌿 𑌰𑍁॒𑌦𑍍𑌰𑌾𑌸𑍍𑌤𑍍𑌵𑌾॑ 𑌕𑍃𑌣𑍍𑌵𑌨𑍍𑌤𑍁॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॑𑌸𑌾 𑌽𑌙𑍍𑌗𑌿𑌰॒𑌸𑍍𑌵𑌦॒𑌨𑍍𑌤𑌰𑌿॑𑌕𑍍𑌷𑌮- [-𑌽𑌙𑍍𑌗𑌿𑌰॒𑌸𑍍𑌵𑌦॒𑌨𑍍𑌤𑌰𑌿॑𑌕𑍍𑌷𑌮𑌸𑌿, 𑌆॒𑌦𑌿॒𑌤𑍍𑌯𑌾𑌸𑍍𑌤𑍍𑌵𑌾॑] 20

-𑌸𑍍𑌯𑌾𑌦𑌿॒𑌤𑍍𑌯𑌾𑌸𑍍𑌤𑍍𑌵𑌾॑ 𑌕𑍃𑌣𑍍𑌵𑌨𑍍𑌤𑍁॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌦𑍍𑌯𑍌𑌰॑𑌸𑌿॒ 𑌵𑌿𑌶𑍍𑌵𑍇᳚ 𑌤𑍍𑌵𑌾 𑌦𑍇॒𑌵𑌾 𑌵𑍈᳚𑌶𑍍𑌵𑌾𑌨॒𑌰𑌾𑌃 𑌕𑍃॑𑌣𑍍𑌵॒𑌨𑍍𑌤𑍍𑌵𑌾𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌦𑌿𑌶𑍋॑-𑌽𑌸𑌿 𑌧𑍍𑌰𑍁॒𑌵𑌾-𑌽𑌸𑌿॑ 𑌧𑌾॒𑌰𑌯𑌾॒ 𑌮𑌯𑌿॑ 𑌪𑍍𑌰॒𑌜𑌾𑌗𑍍​𑌮𑍍 𑌰𑌾॒𑌯𑌸𑍍𑌪𑍋𑌷॑-𑌙𑍍𑌗𑍌𑌪॒𑌤𑍍𑌯𑌗𑍍​𑌮𑍍 𑌸𑍁॒𑌵𑍀𑌰𑍍𑌯𑌗𑍍​𑌮𑍍॑ 𑌸𑌜𑌾॒𑌤𑌾𑌨𑍍. 𑌯𑌜॑𑌮𑌾𑌨𑌾॒𑌯𑌾-𑌽𑌦𑌿॑𑌤𑍍𑌯𑍈॒ 𑌰𑌾𑌸𑍍𑌨𑌾॒-𑌽𑌸𑍍𑌯 𑌦𑌿॑𑌤𑌿𑌸𑍍𑌤𑍇॒ 𑌬𑌿𑌲॑-𑌙𑍍𑌗𑍃𑌹𑍍𑌣𑌾𑌤𑍁॒ 𑌪𑌾𑌙𑍍𑌕𑍍𑌤𑍇॑𑌨॒ 𑌛𑌨𑍍𑌦॑𑌸𑌾 𑌽𑌙𑍍𑌗𑌿𑌰॒𑌸𑍍𑌵𑌤𑍍 ॥ 𑌕𑍃॒𑌤𑍍𑌵𑌾𑌯॒ 𑌸𑌾 𑌮॒𑌹𑍀𑌮𑍁॒𑌖𑌾-𑌮𑍍𑌮𑍃॒𑌨𑍍𑌮𑌯𑍀𑌂॒-𑌯𑍋𑌁𑌨𑌿॑𑌮॒𑌗𑍍𑌨𑌯𑍇᳚ । 𑌤𑌾-𑌮𑍍𑌪𑍁॒𑌤𑍍𑌰𑍇𑌭𑍍𑌯॒-𑌸𑍍𑌸-𑌮𑍍𑌪𑍍𑌰𑌾 𑌯॑𑌚𑍍𑌛॒𑌦𑌦𑌿॑𑌤𑌿-𑌶𑍍𑌶𑍍𑌰॒𑌪𑌯𑌾॒𑌨𑌿𑌤𑌿॑ ॥ 21 ॥
(𑌮𑌿॒𑌤𑍍𑌰𑌃 – 𑌕॑𑌰𑍋 – 𑌤𑍍𑌵॒𑌨𑍍𑌤𑌰𑌿॑𑌕𑍍𑌷𑌮𑌸𑌿॒ – 𑌪𑍍𑌰 – 𑌚॒𑌤𑍍𑌵𑌾𑌰𑌿॑ 𑌚) (𑌅. 5)

𑌵𑌸॑𑌵𑌸𑍍𑌤𑍍𑌵𑌾 𑌧𑍂𑌪𑌯𑌨𑍍𑌤𑍁 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌰𑍁॒𑌦𑍍𑌰𑌾𑌸𑍍𑌤𑍍𑌵𑌾॑ 𑌧𑍂𑌪𑌯𑌨𑍍𑌤𑍁॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑌾॑𑌦𑌿॒𑌤𑍍𑌯𑌾𑌸𑍍𑌤𑍍𑌵𑌾॑ 𑌧𑍂𑌪𑌯𑌨𑍍𑌤𑍁॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵𑌦𑍍- 𑌵𑌿𑌶𑍍𑌵𑍇᳚ 𑌤𑍍𑌵𑌾 𑌦𑍇॒𑌵𑌾 𑌵𑍈᳚𑌶𑍍𑌵𑌾𑌨॒𑌰𑌾 𑌧𑍂॑𑌪𑌯॒𑌨𑍍𑌤𑍍𑌵𑌾𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑌿𑌨𑍍𑌦𑍍𑌰॑𑌸𑍍𑌤𑍍𑌵𑌾 𑌧𑍂𑌪𑌯𑌤𑍍𑌵𑌙𑍍𑌗𑌿𑌰॒𑌸𑍍𑌵–𑌦𑍍𑌵𑌿𑌷𑍍𑌣𑍁॑𑌸𑍍𑌤𑍍𑌵𑌾 𑌧𑍂𑌪𑌯𑌤𑍍𑌵𑌙𑍍𑌗𑌿𑌰॒𑌸𑍍𑌵-𑌦𑍍𑌵𑌰𑍁॑𑌣𑌸𑍍𑌤𑍍𑌵𑌾 𑌧𑍂𑌪𑌯𑌤𑍍𑌵𑌙𑍍𑌗𑌿𑌰॒𑌸𑍍𑌵-𑌦𑌦𑌿॑𑌤𑌿𑌸𑍍𑌤𑍍𑌵𑌾 𑌦𑍇॒𑌵𑍀 𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍀 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇᳚-𑌽𑌙𑍍𑌗𑌿𑌰॒𑌸𑍍𑌵-𑌤𑍍𑌖॑𑌨𑌤𑍍𑌵𑌵𑌟 𑌦𑍇॒𑌵𑌾𑌨𑌾᳚-𑌨𑍍𑌤𑍍𑌵𑌾॒ 𑌪𑌤𑍍𑌨𑍀᳚- [𑌪𑌤𑍍𑌨𑍀𑌃᳚, 𑌦𑍇॒𑌵𑍀-𑌰𑍍𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍀𑌃] 22

-𑌰𑍍𑌦𑍇॒𑌵𑍀-𑌰𑍍𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍀𑌃 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇᳚-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌦॑𑌧𑌤𑍂𑌖𑍇 𑌧𑌿॒𑌷𑌣𑌾᳚𑌸𑍍𑌤𑍍𑌵𑌾 𑌦𑍇॒𑌵𑍀𑌰𑍍𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍀𑌃 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇᳚-𑌽𑌙𑍍𑌗𑌿𑌰॒𑌸𑍍𑌵-𑌦॒𑌭𑍀𑌨𑍍𑌧॑𑌤𑌾𑌮𑍁𑌖𑍇॒ 𑌗𑍍𑌨𑌾𑌸𑍍𑌤𑍍𑌵𑌾॑ 𑌦𑍇॒𑌵𑍀𑌰𑍍𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍀𑌃 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇᳚-𑌽𑌙𑍍𑌗𑌿𑌰॒𑌸𑍍𑌵-𑌚𑍍𑌛𑍍𑌰॑𑌪𑌯𑌨𑍍𑌤𑍂𑌖𑍇॒ 𑌵𑌰𑍂᳚𑌤𑍍𑌰𑌯𑍋॒ 𑌜𑌨॑𑌯𑌸𑍍𑌤𑍍𑌵𑌾 𑌦𑍇॒𑌵𑍀𑌰𑍍𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍀𑌃 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇᳚-𑌽𑌙𑍍𑌗𑌿𑌰॒𑌸𑍍𑌵-𑌤𑍍𑌪॑𑌚𑌨𑍍𑌤𑍂𑌖𑍇 । 𑌮𑌿𑌤𑍍𑌰𑍈॒𑌤𑌾𑌮𑍁॒𑌖𑌾-𑌮𑍍𑌪॑𑌚𑍈॒𑌷𑌾 𑌮𑌾 𑌭𑍇॑𑌦𑌿 । 𑌏॒𑌤𑌾-𑌨𑍍𑌤𑍇॒ 𑌪𑌰𑌿॑ 𑌦𑌦𑌾॒𑌮𑍍𑌯𑌭𑌿॑𑌤𑍍𑌤𑍍𑌯𑍈 ॥ 𑌅॒𑌭𑍀𑌮𑌾- [𑌅॒𑌭𑍀𑌮𑌾𑌮𑍍, 𑌮॒𑌹𑌿॒𑌨𑌾 𑌦𑌿𑌵॑-𑌮𑍍𑌮𑌿॒𑌤𑍍𑌰𑍋] 23

-𑌮𑍍𑌮॑𑌹𑌿॒𑌨𑌾 𑌦𑌿𑌵॑-𑌮𑍍𑌮𑌿॒𑌤𑍍𑌰𑍋 𑌬॑𑌭𑍂𑌵 𑌸॒𑌪𑍍𑌰𑌥𑌾𑌃᳚ । 𑌉॒𑌤 𑌶𑍍𑌰𑌵॑𑌸𑌾 𑌪𑍃𑌥𑌿॒𑌵𑍀𑌮𑍍 ॥ 𑌮𑌿॒𑌤𑍍𑌰𑌸𑍍𑌯॑ 𑌚𑌰𑍍​𑌷𑌣𑍀॒𑌧𑍃𑌤॒-𑌶𑍍𑌶𑍍𑌰𑌵𑍋॑ 𑌦𑍇॒𑌵𑌸𑍍𑌯॑ 𑌸𑌾𑌨॒𑌸𑌿𑌮𑍍 । 𑌦𑍍𑌯𑍁॒𑌮𑍍𑌨-𑌞𑍍𑌚𑌿॒𑌤𑍍𑌰𑌶𑍍𑌰॑𑌵𑌸𑍍𑌤𑌮𑌮𑍍 ॥ 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋𑌦𑍍𑌵॑𑌪𑌤𑍁 𑌸𑍁𑌪𑌾॒𑌣𑌿-𑌸𑍍𑌸𑍍𑌵॑𑌙𑍍𑌗𑍁॒𑌰𑌿𑌃 । 𑌸𑍁॒𑌬𑌾॒𑌹𑍁𑌰𑍁॒𑌤 𑌶𑌕𑍍𑌤𑍍𑌯𑌾᳚ ॥ 𑌅𑌪॑𑌦𑍍𑌯𑌮𑌾𑌨𑌾 𑌪𑍃𑌥𑌿॒𑌵𑍍𑌯𑌾𑌶𑌾॒ 𑌦𑌿𑌶॒ 𑌆 𑌪𑍃॑𑌣 । 𑌉𑌤𑍍𑌤𑌿॑𑌷𑍍𑌠 𑌬𑍃𑌹॒𑌤𑍀 𑌭॑𑌵𑍋॒𑌰𑍍𑌧𑍍𑌵𑌾 𑌤𑌿॑𑌷𑍍𑌠 𑌧𑍍𑌰𑍁॒𑌵𑌾 𑌤𑍍𑌵𑌮𑍍 ॥ 𑌵𑌸॑𑌵॒𑌸𑍍𑌤𑍍𑌵𑌾 𑌽𑌽𑌚𑍍𑌛𑍃॑𑌨𑍍𑌦𑌨𑍍𑌤𑍁 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌰𑍁॒𑌦𑍍𑌰𑌾𑌸𑍍𑌤𑍍𑌵𑌾-𑌽𑌽 𑌚𑍍𑌛𑍃॑𑌨𑍍𑌦𑌨𑍍𑌤𑍁॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑌾॑𑌦𑌿॒𑌤𑍍𑌯𑌾𑌸𑍍𑌤𑍍𑌵𑌾 𑌽𑌽𑌚𑍍𑌛𑍃॑𑌨𑍍𑌦𑌨𑍍𑌤𑍁॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌵𑌿𑌶𑍍𑌵𑍇᳚ 𑌤𑍍𑌵𑌾 𑌦𑍇॒𑌵𑌾 𑌵𑍈᳚𑌶𑍍𑌵𑌾𑌨॒𑌰𑌾 𑌆 𑌚𑍍𑌛𑍃॑𑌨𑍍𑌦॒𑌨𑍍𑌤𑍍𑌵𑌾𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵𑌤𑍍 ॥ 24 ॥
(𑌪𑌤𑍍𑌨𑍀॑ – 𑌰𑌿॒𑌮𑌾𑌗𑍍​𑌮𑍍 – 𑌰𑍁॒𑌦𑍍𑌰𑌾𑌸𑍍𑌤𑍍𑌵𑌾-𑌽𑌽 𑌚𑍍𑌛𑍃॑𑌨𑍍𑌦॒𑌨𑍍𑌤𑍍𑌵𑍇 – 𑌕𑌾॒𑌨𑍍𑌨 𑌵𑌿𑌗𑍍​𑌮𑍍॑𑌶॒𑌤𑌿𑌶𑍍𑌚॑) (𑌅. 6)

𑌸𑌮𑌾᳚𑌸𑍍𑌤𑍍𑌵𑌾-𑌽𑌗𑍍𑌨 𑌋॒𑌤𑌵𑍋॑ 𑌵𑌰𑍍𑌧𑌯𑌨𑍍𑌤𑍁 𑌸𑌂​𑌵𑌁𑌥𑍍𑌸॒𑌰𑌾 𑌋𑌷॑𑌯𑍋॒ 𑌯𑌾𑌨𑌿॑ 𑌸॒𑌤𑍍𑌯𑌾 । 𑌸-𑌨𑍍𑌦𑌿॒𑌵𑍍𑌯𑍇𑌨॑ 𑌦𑍀𑌦𑌿𑌹𑌿 𑌰𑍋𑌚॒𑌨𑍇𑌨॒ 𑌵𑌿𑌶𑍍𑌵𑌾॒ 𑌆 𑌭𑌾॑𑌹𑌿 𑌪𑍍𑌰॒𑌦𑌿𑌶𑌃॑ 𑌪𑍃𑌥𑌿॒𑌵𑍍𑌯𑌾𑌃 ॥ 𑌸-𑌞𑍍𑌚𑍇॒𑌦𑍍𑌧𑍍𑌯𑌸𑍍𑌵𑌾᳚-𑌽𑌗𑍍𑌨𑍇॒ 𑌪𑍍𑌰 𑌚॑ 𑌬𑍋𑌧𑌯𑍈𑌨॒𑌮𑍁𑌚𑍍𑌚॑ 𑌤𑌿𑌷𑍍𑌠 𑌮𑌹॒𑌤𑍇 𑌸𑍌𑌭॑𑌗𑌾𑌯 । 𑌮𑌾 𑌚॑ 𑌰𑌿𑌷𑌦𑍁𑌪𑌸॒𑌤𑍍𑌤𑌾 𑌤𑍇॑ 𑌅𑌗𑍍𑌨𑍇 𑌬𑍍𑌰॒𑌹𑍍𑌮𑌾𑌣॑𑌸𑍍𑌤𑍇 𑌯॒𑌶𑌸॑-𑌸𑍍𑌸𑌨𑍍𑌤𑍁॒ 𑌮𑌾-𑌽𑌨𑍍𑌯𑍇 ॥ 𑌤𑍍𑌵𑌾𑌮॑𑌗𑍍𑌨𑍇 𑌵𑍃𑌣𑌤𑍇 𑌬𑍍𑌰𑌾𑌹𑍍𑌮॒𑌣𑌾 𑌇॒𑌮𑍇 𑌶𑌿॒𑌵𑍋 𑌅॑𑌗𑍍𑌨𑍇 [ ] 25

𑌸𑌂॒-𑌵𑌁𑌰॑𑌣𑍇 𑌭𑌵𑌾 𑌨𑌃 । 𑌸॒𑌪॒𑌤𑍍𑌨॒𑌹𑌾 𑌨𑍋॑ 𑌅𑌭𑌿𑌮𑌾𑌤𑌿॒𑌜𑌿𑌚𑍍𑌚॒ 𑌸𑍍𑌵𑍇 𑌗𑌯𑍇॑ 𑌜𑌾𑌗𑍃॒𑌹𑍍𑌯 𑌪𑍍𑌰॑𑌯𑍁𑌚𑍍𑌛𑌨𑍍𑌨𑍍 ॥ 𑌇॒𑌹𑍈𑌵𑌾𑌗𑍍𑌨𑍇॒ 𑌅𑌧𑌿॑ 𑌧𑌾𑌰𑌯𑌾 𑌰॒𑌯𑌿-𑌮𑍍𑌮𑌾 𑌤𑍍𑌵𑌾॒ 𑌨𑌿𑌕𑍍𑌰॑-𑌨𑍍𑌪𑍂𑌰𑍍𑌵॒𑌚𑌿𑌤𑍋॑ 𑌨𑌿𑌕𑌾॒𑌰𑌿𑌣𑌃॑ । 𑌕𑍍𑌷॒𑌤𑍍𑌰𑌮॑𑌗𑍍𑌨𑍇 𑌸𑍁॒𑌯𑌮॑𑌮𑌸𑍍𑌤𑍁॒ 𑌤𑍁𑌭𑍍𑌯॑𑌮𑍁𑌪𑌸॒𑌤𑍍𑌤𑌾 𑌵॑𑌰𑍍𑌧𑌤𑌾-𑌨𑍍𑌤𑍇॒ 𑌅𑌨𑌿॑𑌷𑍍𑌟𑍃𑌤𑌃 ॥ 𑌕𑍍𑌷॒𑌤𑍍𑌰𑍇𑌣𑌾᳚-𑌽𑌗𑍍𑌨𑍇॒ 𑌸𑍍𑌵𑌾𑌯𑍁॒-𑌸𑍍𑌸𑌗𑍍​𑌮𑍍 𑌰॑𑌭𑌸𑍍𑌵 𑌮𑌿॒𑌤𑍍𑌰𑍇𑌣𑌾᳚-𑌽𑌗𑍍𑌨𑍇 𑌮𑌿𑌤𑍍𑌰॒𑌧𑍇𑌯𑍇॑ 𑌯𑌤𑌸𑍍𑌵 । 𑌸॒𑌜𑌾॒𑌤𑌾𑌨𑌾᳚-𑌮𑍍𑌮𑌦𑍍𑌧𑍍𑌯𑌮॒𑌸𑍍𑌥𑌾 𑌏॑𑌧𑌿॒ 𑌰𑌾𑌜𑍍𑌞𑌾॑𑌮𑌗𑍍𑌨𑍇 𑌵𑌿𑌹॒𑌵𑍍𑌯𑍋॑ 𑌦𑍀𑌦𑌿𑌹𑍀॒𑌹 ॥ 𑌅𑌤𑌿॒ [𑌅𑌤𑌿॑, 𑌨𑌿𑌹𑍋॒ 𑌅𑌤𑌿॒ 𑌸𑍍𑌰𑌿𑌧𑍋] 26

𑌨𑌿𑌹𑍋॒ 𑌅𑌤𑌿॒ 𑌸𑍍𑌰𑌿𑌧𑍋 𑌽𑌤𑍍𑌯𑌚𑌿॑𑌤𑍍𑌤𑌿॒-𑌮𑌤𑍍𑌯𑌰𑌾॑𑌤𑌿𑌮𑌗𑍍𑌨𑍇 । 𑌵𑌿𑌶𑍍𑌵𑌾॒ 𑌹𑍍𑌯॑𑌗𑍍𑌨𑍇 𑌦𑍁𑌰𑌿॒𑌤𑌾 𑌸𑌹॒𑌸𑍍𑌵𑌾𑌥𑌾॒𑌸𑍍𑌮𑌭𑍍𑌯𑌗𑍍​𑌮𑍍॑ 𑌸॒𑌹𑌵𑍀॑𑌰𑌾𑌗𑍍​𑌮𑍍 𑌰॒𑌯𑌿𑌨𑍍𑌦𑌾𑌃᳚ ॥ 𑌅॒𑌨𑌾॒𑌧𑍃॒𑌷𑍍𑌯𑍋 𑌜𑌾॒𑌤𑌵॑𑌦𑌾॒ 𑌅𑌨𑌿॑𑌷𑍍𑌟𑍃𑌤𑍋 𑌵𑌿॒𑌰𑌾𑌡॑𑌗𑍍𑌨𑍇 𑌕𑍍𑌷𑌤𑍍𑌰॒𑌭𑍃-𑌦𑍍𑌦𑍀॑𑌦𑌿𑌹𑍀॒𑌹 । 𑌵𑌿𑌶𑍍𑌵𑌾॒ 𑌆𑌶𑌾𑌃᳚ 𑌪𑍍𑌰𑌮𑍁॒𑌞𑍍𑌚-𑌨𑍍𑌮𑌾𑌨𑍁॑𑌷𑍀𑌰𑍍𑌭𑌿॒𑌯-𑌶𑍍𑌶𑌿॒𑌵𑌾𑌭𑌿॑𑌰॒𑌦𑍍𑌯 𑌪𑌰𑌿॑ 𑌪𑌾𑌹𑌿 𑌨𑍋 𑌵𑍃॒𑌧𑍇 ॥ 𑌬𑍃𑌹॑𑌸𑍍𑌪𑌤𑍇 𑌸𑌵𑌿𑌤𑌰𑍍𑌬𑍋॒𑌧𑌯𑍈॑𑌨॒𑌗𑍍​𑌮𑍍॒ 𑌸𑌗𑍍​𑌮𑍍𑌶𑌿॑𑌤-𑌞𑍍𑌚𑌿𑌥𑍍𑌸-𑌨𑍍𑌤॒𑌰𑌾𑌗𑍍​𑌮𑍍 𑌸𑌗𑍍​𑌮𑍍 𑌶𑌿॑𑌶𑌾𑌧𑌿 । 𑌵॒𑌰𑍍𑌧𑌯𑍈॑𑌨-𑌮𑍍𑌮𑌹॒𑌤𑍇 𑌸𑍌𑌭॑𑌗𑌾𑌯॒ [𑌸𑍌𑌭॑𑌗𑌾𑌯, 𑌵𑌿𑌶𑍍𑌵॑ 𑌏𑌨॒𑌮𑌨𑍁॑ 𑌮𑌦𑌨𑍍𑌤𑍁 𑌦𑍇॒𑌵𑌾𑌃 ।] 2𑍭

𑌵𑌿𑌶𑍍𑌵॑ 𑌏𑌨॒𑌮𑌨𑍁॑ 𑌮𑌦𑌨𑍍𑌤𑍁 𑌦𑍇॒𑌵𑌾𑌃 ॥ 𑌅॒𑌮𑍁॒𑌤𑍍𑌰॒𑌭𑍂𑌯𑌾॒𑌦𑌧॒ 𑌯𑌦𑍍𑌯॒𑌮𑌸𑍍𑌯॒ 𑌬𑍃𑌹॑𑌸𑍍𑌪𑌤𑍇 𑌅॒𑌭𑌿𑌶॑𑌸𑍍𑌤𑍇॒𑌰 𑌮𑍁॑𑌞𑍍𑌚𑌃 । 𑌪𑍍𑌰𑌤𑍍𑌯𑍌॑𑌹𑌤𑌾-𑌮॒𑌶𑍍𑌵𑌿𑌨𑌾॑ 𑌮𑍃॒𑌤𑍍𑌯𑍁𑌮॑𑌸𑍍𑌮𑌾-𑌦𑍍𑌦𑍇॒𑌵𑌾𑌨𑌾॑-𑌮𑌗𑍍𑌨𑍇 𑌭𑌿॒𑌷𑌜𑌾॒ 𑌶𑌚𑍀॑𑌭𑌿𑌃 ॥ 𑌉𑌦𑍍𑌵॒𑌯-𑌨𑍍𑌤𑌮॑𑌸॒𑌸𑍍𑌪𑌰𑌿॒ 𑌪𑌶𑍍𑌯॑𑌨𑍍𑌤𑍋॒ 𑌜𑍍𑌯𑍋𑌤𑌿॒𑌰𑍁𑌤𑍍𑌤॑𑌰𑌮𑍍 । 𑌦𑍇॒𑌵-𑌨𑍍𑌦𑍇॑𑌵॒𑌤𑍍𑌰𑌾 𑌸𑍂𑌰𑍍𑌯॒𑌮𑌗॑𑌨𑍍𑌮॒ 𑌜𑍍𑌯𑍋𑌤𑌿॑𑌰𑍁𑌤𑍍𑌤॒𑌮𑌮𑍍 ॥ 2𑍮 ॥
(𑌇॒𑌮𑍇 𑌶𑌿॒𑌵𑍋 𑌅॒𑌗𑍍𑌨𑍇 – 𑌽𑌤𑌿॒ – 𑌸𑍌𑌭॑𑌗𑌾𑌯॒ – 𑌚𑌤𑍁॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌚𑍍𑌚) (𑌅. 𑍭)

𑌊॒𑌰𑍍𑌧𑍍𑌵𑌾 𑌅॑𑌸𑍍𑌯 𑌸॒𑌮𑌿𑌧𑍋॑ 𑌭𑌵𑌨𑍍𑌤𑍍𑌯𑍂॒𑌰𑍍𑌧𑍍𑌵𑌾 𑌶𑍁॒𑌕𑍍𑌰𑌾 𑌶𑍋॒𑌚𑍀𑌗𑍍​𑌷𑍍𑌯॒𑌗𑍍𑌨𑍇𑌃 । 𑌦𑍍𑌯𑍁॒𑌮𑌤𑍍𑌤॑𑌮𑌾 𑌸𑍁॒𑌪𑍍𑌰𑌤𑍀॑𑌕𑌸𑍍𑌯 𑌸𑍂॒𑌨𑍋𑌃 ॥ 𑌤𑌨𑍂॒𑌨𑌪𑌾॒𑌦𑌸𑍁॑𑌰𑍋 𑌵𑌿॒𑌶𑍍𑌵𑌵𑍇॑𑌦𑌾 𑌦𑍇॒𑌵𑍋 𑌦𑍇॒𑌵𑍇𑌷𑍁॑ 𑌦𑍇॒𑌵𑌃 । 𑌪॒𑌥 𑌆-𑌽𑌨॑𑌕𑍍𑌤𑌿॒ 𑌮𑌦𑍍𑌧𑍍𑌵𑌾॑ 𑌘𑍃॒𑌤𑍇𑌨॑ ॥ 𑌮𑌦𑍍𑌧𑍍𑌵𑌾॑ 𑌯॒𑌜𑍍𑌞-𑌨𑍍𑌨॑𑌕𑍍𑌷𑌸𑍇 𑌪𑍍𑌰𑍀𑌣𑌾॒𑌨𑍋 𑌨𑌰𑌾॒𑌶𑌗𑍍​𑌮𑍍𑌸𑍋॑ 𑌅𑌗𑍍𑌨𑍇 । 𑌸𑍁॒𑌕𑍃𑌦𑍍𑌦𑍇॒𑌵-𑌸𑍍𑌸॑𑌵𑌿॒𑌤𑌾 𑌵𑌿॒𑌶𑍍𑌵𑌵𑌾॑𑌰𑌃 ॥ 𑌅𑌚𑍍𑌛𑌾॒𑌯𑌮𑍇॑𑌤𑌿॒ 𑌶𑌵॑𑌸𑌾 𑌘𑍃॒𑌤𑍇𑌨𑍇॑𑌡𑌾॒𑌨𑍋 𑌵𑌹𑍍𑌨𑌿॒𑌰𑍍𑌨𑌮॑𑌸𑌾 । 𑌅॒𑌗𑍍𑌨𑌿𑌗𑍍𑌗𑍍​ 𑌸𑍍𑌰𑍁𑌚𑍋॑ 𑌅𑌦𑍍𑌧𑍍𑌵॒𑌰𑍇𑌷𑍁॑ 𑌪𑍍𑌰॒𑌯𑌥𑍍𑌸𑍁॑ ॥ 𑌸 𑌯॑𑌕𑍍𑌷𑌦𑌸𑍍𑌯 𑌮𑌹𑌿॒𑌮𑌾𑌨॑𑌮॒𑌗𑍍𑌨𑍇-𑌸𑍍𑌸 [𑌮𑌹𑌿॒𑌮𑌾𑌨॑𑌮॒𑌗𑍍𑌨𑍇-𑌸𑍍𑌸𑌃, 𑌈॒ 𑌮॒𑌨𑍍𑌦𑍍𑌰𑌾𑌸𑍁॑ 𑌪𑍍𑌰॒𑌯𑌸𑌃॑ ।] 2𑍯

𑌈॑ 𑌮॒𑌨𑍍𑌦𑍍𑌰𑌾𑌸𑍁॑ 𑌪𑍍𑌰॒𑌯𑌸𑌃॑ । 𑌵𑌸𑍁॒𑌶𑍍𑌚𑍇𑌤𑌿॑𑌷𑍍𑌠𑍋 𑌵𑌸𑍁॒𑌧𑌾𑌤॑𑌮𑌶𑍍𑌚 ॥ 𑌦𑍍𑌵𑌾𑌰𑍋॑ 𑌦𑍇॒𑌵𑍀𑌰𑌨𑍍𑌵॑𑌸𑍍𑌯॒ 𑌵𑌿𑌶𑍍𑌵𑍇᳚ 𑌵𑍍𑌰॒𑌤𑌾 𑌦॑𑌦𑌨𑍍𑌤𑍇 𑌅॒𑌗𑍍𑌨𑍇𑌃 । 𑌉॒𑌰𑍁॒𑌵𑍍𑌯𑌚॑𑌸𑍋॒ 𑌧𑌾𑌮𑍍𑌨𑌾॒ 𑌪𑌤𑍍𑌯॑𑌮𑌾𑌨𑌾𑌃 ॥ 𑌤𑍇 𑌅॑𑌸𑍍𑌯॒ 𑌯𑍋𑌷॑𑌣𑍇 𑌦𑌿॒𑌵𑍍𑌯𑍇 𑌨 𑌯𑍋𑌨𑌾॑𑌵𑍁॒𑌷𑌾𑌸𑌾॒𑌨𑌕𑍍𑌤𑌾᳚ । 𑌇॒𑌮𑌂-𑌯𑌁॒𑌜𑍍𑌞𑌮॑𑌵𑌤𑌾 𑌮𑌦𑍍𑌧𑍍𑌵॒𑌰-𑌨𑍍𑌨𑌃॑ ॥ 𑌦𑍈𑌵𑍍𑌯𑌾॑ 𑌹𑍋𑌤𑌾𑌰𑌾𑌵𑍂॒𑌰𑍍𑌧𑍍𑌵-𑌮॑𑌦𑍍𑌧𑍍𑌵॒𑌰-𑌨𑍍𑌨𑍋॒-𑌽𑌗𑍍𑌨𑍇𑌰𑍍𑌜𑌿॒𑌹𑍍𑌵𑌾𑌮॒𑌭𑌿 𑌗𑍃॑𑌣𑍀𑌤𑌮𑍍 । 𑌕𑍃॒𑌣𑍁॒𑌤-𑌨𑍍𑌨॒-𑌸𑍍𑌸𑍍𑌵𑌿॑𑌷𑍍𑌟𑌿𑌮𑍍 ॥ 𑌤𑌿॒𑌸𑍍𑌰𑍋 𑌦𑍇॒𑌵𑍀𑌰𑍍𑌬॒𑌰𑍍॒𑌹𑌿𑌰𑍇𑌦𑌗𑍍​𑌮𑍍 𑌸॑𑌦॒𑌨𑍍𑌤𑍍𑌵𑌿𑌡𑌾॒ 𑌸𑌰॑𑌸𑍍𑌵𑌤𑍀॒ [𑌸𑌰॑𑌸𑍍𑌵𑌤𑍀, 𑌭𑌾𑌰॑𑌤𑍀 ।] 30

𑌭𑌾𑌰॑𑌤𑍀 । 𑌮॒𑌹𑍀 𑌗𑍃॑𑌣𑌾॒𑌨𑌾 ॥ 𑌤𑌨𑍍𑌨॑𑌸𑍍𑌤𑍁॒𑌰𑍀𑌪॒𑌮𑌦𑍍𑌭𑍁॑𑌤-𑌮𑍍𑌪𑍁𑌰𑍁॒𑌕𑍍𑌷𑍁 𑌤𑍍𑌵𑌷𑍍𑌟𑌾॑ 𑌸𑍁॒𑌵𑍀𑌰᳚𑌮𑍍 । 𑌰𑌾॒𑌯𑌸𑍍𑌪𑍋𑌷𑌂॒-𑌵𑌿𑌁 𑌷𑍍𑌯॑𑌤𑍁॒ 𑌨𑌾𑌭𑌿॑𑌮॒𑌸𑍍𑌮𑍇 ॥ 𑌵𑌨॑𑌸𑍍𑌪॒𑌤𑍇-𑌽𑌵॑ 𑌸𑍃𑌜𑌾॒ 𑌰𑌰𑌾॑𑌣॒𑌸𑍍𑌤𑍍𑌮𑌨𑌾॑ 𑌦𑍇॒𑌵𑍇𑌷𑍁॑ । 𑌅॒𑌗𑍍𑌨𑌿𑌰𑍍​𑌹॒𑌵𑍍𑌯𑌗𑍍​𑌮𑍍 𑌶॑𑌮𑌿॒𑌤𑌾 𑌸𑍂॑𑌦𑌯𑌾𑌤𑌿 ॥ 𑌅𑌗𑍍𑌨𑍇॒ 𑌸𑍍𑌵𑌾𑌹𑌾॑ 𑌕𑍃𑌣𑍁𑌹𑌿 𑌜𑌾𑌤𑌵𑍇𑌦॒ 𑌇𑌨𑍍𑌦𑍍𑌰𑌾॑𑌯 𑌹॒𑌵𑍍𑌯𑌮𑍍 । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌹॒𑌵𑌿𑌰𑌿॒𑌦-𑌞𑍍𑌜𑍁॑𑌷𑌨𑍍𑌤𑌾𑌮𑍍 ॥ 𑌹𑌿॒𑌰॒𑌣𑍍𑌯॒𑌗॒𑌰𑍍𑌭-𑌸𑍍𑌸𑌮॑𑌵𑌰𑍍𑌤॒𑌤𑌾𑌗𑍍𑌰𑍇॑ 𑌭𑍂॒𑌤𑌸𑍍𑌯॑ 𑌜𑌾॒𑌤𑌃 𑌪𑌤𑌿॒𑌰𑍇𑌕॑ 𑌆𑌸𑍀𑌤𑍍 । 𑌸 𑌦𑌾॑𑌧𑌾𑌰 𑌪𑍃𑌥𑌿॒𑌵𑍀-𑌨𑍍𑌦𑍍𑌯𑌾- [𑌪𑍃𑌥𑌿॒𑌵𑍀-𑌨𑍍𑌦𑍍𑌯𑌾𑌮𑍍, 𑌉॒𑌤𑍇𑌮𑌾-𑌙𑍍𑌕𑌸𑍍𑌮𑍈॑] 31

-𑌮𑍁॒𑌤𑍇𑌮𑌾-𑌙𑍍𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌯𑌃 𑌪𑍍𑌰𑌾॑𑌣॒𑌤𑍋 𑌨𑌿॑𑌮𑌿𑌷॒𑌤𑍋 𑌮॑𑌹𑌿॒𑌤𑍍𑌵𑍈𑌕॒ 𑌇𑌦𑍍𑌰𑌾𑌜𑌾॒ 𑌜𑌗॑𑌤𑍋 𑌬॒𑌭𑍂𑌵॑ । 𑌯 𑌈𑌶𑍇॑ 𑌅॒𑌸𑍍𑌯 𑌦𑍍𑌵𑌿॒𑌪𑌦॒𑌶𑍍𑌚𑌤𑍁॑𑌷𑍍𑌪𑌦𑌃॒ 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌯 𑌆᳚𑌤𑍍𑌮॒𑌦𑌾 𑌬॑𑌲॒𑌦𑌾 𑌯𑌸𑍍𑌯॒ 𑌵𑌿𑌶𑍍𑌵॑ 𑌉॒𑌪𑌾𑌸॑𑌤𑍇 𑌪𑍍𑌰॒𑌶𑌿𑌷𑌂॒-𑌯𑌁𑌸𑍍𑌯॑ 𑌦𑍇॒𑌵𑌾𑌃 । 𑌯𑌸𑍍𑌯॑ 𑌛𑌾॒𑌯𑌾-𑌽𑌮𑍃𑌤𑌂॒-𑌯𑌁𑌸𑍍𑌯॑ 𑌮𑍃॒𑌤𑍍𑌯𑍁𑌃 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌯𑌸𑍍𑌯𑍇॒𑌮𑍇 𑌹𑌿॒𑌮𑌵॑𑌨𑍍𑌤𑍋 𑌮𑌹𑌿॒𑌤𑍍𑌵𑌾 𑌯𑌸𑍍𑌯॑ 𑌸𑌮𑍁॒𑌦𑍍𑌰𑌗𑍍​𑌮𑍍 𑌰॒𑌸𑌯𑌾॑ 𑌸॒𑌹𑌾- [𑌸॒𑌹, 𑌆॒𑌹𑍁𑌃 ।] 32

-𑌽𑌽𑌹𑍁𑌃 । 𑌯𑌸𑍍𑌯𑍇॒𑌮𑌾𑌃 𑌪𑍍𑌰॒𑌦𑌿𑌶𑍋॒ 𑌯𑌸𑍍𑌯॑ 𑌬𑌾॒𑌹𑍂 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌯-𑌙𑍍𑌕𑍍𑌰𑌨𑍍𑌦॑𑌸𑍀॒ 𑌅𑌵॑𑌸𑌾 𑌤𑌸𑍍𑌤𑌭𑌾॒𑌨𑍇 𑌅॒𑌭𑍍𑌯𑍈𑌕𑍍𑌷𑍇॑𑌤𑌾॒-𑌮𑍍𑌮𑌨॑𑌸𑌾॒ 𑌰𑍇𑌜॑𑌮𑌾𑌨𑍇 । 𑌯𑌤𑍍𑌰𑌾𑌧𑌿॒ 𑌸𑍂𑌰॒ 𑌉𑌦𑌿॑𑌤𑍌॒ 𑌵𑍍𑌯𑍇𑌤𑌿॒ 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌯𑍇𑌨॒ 𑌦𑍍𑌯𑍌𑌰𑍁॒𑌗𑍍𑌰𑌾 𑌪𑍃॑𑌥𑌿॒𑌵𑍀 𑌚॑ 𑌦𑍃॒𑌢𑍇 𑌯𑍇𑌨॒ 𑌸𑍁॒𑌵॑-𑌸𑍍𑌸𑍍𑌤𑌭𑌿॒𑌤𑌂-𑌯𑍇𑌁𑌨॒ 𑌨𑌾𑌕𑌃॑ । 𑌯𑍋 𑌅॒𑌨𑍍𑌤𑌰𑌿॑𑌕𑍍𑌷𑍇॒ 𑌰𑌜॑𑌸𑍋 𑌵𑌿॒𑌮𑌾𑌨Q𑌃𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌆𑌪𑍋॑ 𑌹॒ 𑌯𑌨𑍍𑌮॑𑌹॒𑌤𑍀 𑌰𑍍𑌵𑌿𑌶𑍍𑌵॒- [𑌯𑌨𑍍𑌮॑𑌹॒𑌤𑍀 𑌰𑍍𑌵𑌿𑌶𑍍𑌵᳚𑌮𑍍, 𑌅𑌯॒-𑌨𑍍𑌦𑌕𑍍𑌷॒-𑌨𑍍𑌦𑌧𑌾॑𑌨𑌾] 33

-𑌮𑌾𑌯॒-𑌨𑍍𑌦𑌕𑍍𑌷॒-𑌨𑍍𑌦𑌧𑌾॑𑌨𑌾 𑌜॒𑌨𑌯॑𑌨𑍍𑌤𑍀𑌰॒𑌗𑍍𑌨𑌿𑌮𑍍 । 𑌤𑌤𑍋॑ 𑌦𑍇॒𑌵𑌾𑌨𑌾॒-𑌨𑍍𑌨𑌿𑌰॑𑌵𑌰𑍍𑌤॒𑌤𑌾𑌸𑍁॒𑌰𑍇𑌕𑌃॒ 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌯𑌶𑍍𑌚𑌿॒𑌦𑌾𑌪𑍋॑ 𑌮𑌹𑌿॒𑌨𑌾 𑌪॒𑌰𑍍𑌯𑌪॑𑌶𑍍𑌯॒-𑌦𑍍𑌦𑌕𑍍𑌷॒-𑌨𑍍𑌦𑌧𑌾॑𑌨𑌾 𑌜॒𑌨𑌯॑𑌨𑍍𑌤𑍀𑌰॒𑌗𑍍𑌨𑌿𑌮𑍍 । 𑌯𑍋 𑌦𑍇॒𑌵𑍇𑌷𑍍𑌵𑌧𑌿॑ 𑌦𑍇॒𑌵 𑌏𑌕॒ 𑌆𑌸𑍀॒-𑌤𑍍𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 34 ॥
(𑌅॒𑌗𑍍𑌨𑍇-𑌸𑍍𑌸 – 𑌸𑌰॑𑌸𑍍𑌵𑌤𑍀॒ – 𑌦𑍍𑌯𑌾𑌗𑍍​𑌮𑍍 – 𑌸॒𑌹 – 𑌵𑌿𑌶𑍍𑌵𑌂॒ – 𑌚𑌤𑍁॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌚𑍍𑌚) (𑌅. 𑍮)

(𑌊॒𑌰𑍍𑌧𑍍𑌵𑌾 – 𑌯𑌃 𑌪𑍍𑌰𑌾॑𑌣॒𑌤𑍋 – 𑌯 𑌆᳚𑌤𑍍𑌮॒𑌦𑌾 – 𑌯𑌸𑍍𑌯𑍇॒𑌮𑍇 – 𑌯𑌙𑍍𑌕𑍍𑌰𑌨𑍍𑌦॑𑌸𑍀॒ – 𑌯𑍇𑌨॒ 𑌦𑍍𑌯𑍌- 𑌰𑌾𑌪𑍋॑ 𑌹॒ 𑌯𑌤𑍍 – 𑌤𑌤𑍋॑ 𑌦𑍇॒𑌵𑌾𑌨𑌾𑌂॒ – ​𑌯𑌁𑌶𑍍𑌚𑌿॒𑌦𑌾𑌪𑍋॒ – 𑌯𑍋 𑌦𑍇॒𑌵𑍇𑌷𑍁॒ – 𑌨𑌵॑ )

𑌆𑌕𑍂॑𑌤𑌿𑌮॒𑌗𑍍𑌨𑌿-𑌮𑍍𑌪𑍍𑌰॒𑌯𑍁𑌜॒𑌗𑍍𑌗𑍍॒ 𑌸𑍍𑌵𑌾𑌹𑌾॒ 𑌮𑌨𑍋॑ 𑌮𑍇॒𑌧𑌾𑌮॒𑌗𑍍𑌨𑌿-𑌮𑍍𑌪𑍍𑌰॒𑌯𑍁𑌜॒𑌗𑍍𑌗𑍍॒ 𑌸𑍍𑌵𑌾𑌹𑌾॑ 𑌚𑌿॒𑌤𑍍𑌤𑌂-𑌵𑌿𑌁𑌜𑍍𑌞𑌾॑𑌤𑌮॒𑌗𑍍𑌨𑌿-𑌮𑍍𑌪𑍍𑌰॒𑌯𑍁𑌜॒𑌗𑍍𑌗𑍍॒ 𑌸𑍍𑌵𑌾𑌹𑌾॑ 𑌵𑌾॒𑌚𑍋 𑌵𑌿𑌧𑍃॑𑌤𑌿𑌮॒𑌗𑍍𑌨𑌿-𑌮𑍍𑌪𑍍𑌰॒𑌯𑍁𑌜॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ 𑌪𑍍𑌰॒𑌜𑌾𑌪॑𑌤𑌯𑍇॒ 𑌮𑌨॑𑌵𑍇॒ 𑌸𑍍𑌵𑌾𑌹𑌾॒-𑌽𑌗𑍍𑌨𑌯𑍇॑ 𑌵𑍈𑌶𑍍𑌵𑌾𑌨॒𑌰𑌾𑌯॒ 𑌸𑍍𑌵𑌾𑌹𑌾॒ 𑌵𑌿𑌶𑍍𑌵𑍇॑ 𑌦𑍇॒𑌵𑌸𑍍𑌯॑ 𑌨𑍇॒𑌤𑍁𑌰𑍍𑌮𑌰𑍍𑌤𑍋॑ 𑌵𑍃𑌣𑍀𑌤 𑌸॒𑌖𑍍𑌯𑌂-𑌵𑌿𑌁𑌶𑍍𑌵𑍇॑ 𑌰𑌾॒𑌯 𑌇॑𑌷𑍁𑌦𑍍𑌧𑍍𑌯𑌸𑌿 𑌦𑍍𑌯𑍁॒𑌮𑍍𑌨𑌂-𑌵𑍃𑌁॑𑌣𑍀𑌤 𑌪𑍁॒𑌷𑍍𑌯𑌸𑍇॒ 𑌸𑍍𑌵𑌾𑌹𑌾॒ 𑌮𑌾 𑌸𑍁 𑌭𑌿॑𑌤𑍍𑌥𑌾॒ 𑌮𑌾 𑌸𑍁 𑌰𑌿॑𑌷𑍋॒ 𑌦𑍃𑌗𑍍​𑌮𑍍𑌹॑𑌸𑍍𑌵 𑌵𑍀॒𑌡𑌯॑𑌸𑍍𑌵॒ 𑌸𑍁 । 𑌅𑌮𑍍𑌬॑ 𑌧𑍃𑌷𑍍𑌣𑍁 𑌵𑍀॒𑌰𑌯॑𑌸𑍍𑌵𑌾॒- [𑌵𑍀॒𑌰𑌯॑𑌸𑍍𑌵, 𑌅॒𑌗𑍍𑌨𑌿𑌶𑍍𑌚𑍇॒𑌦-𑌙𑍍𑌕॑𑌰𑌿𑌷𑍍𑌯𑌥𑌃 ।] 35

-𑌽𑌗𑍍𑌨𑌿𑌶𑍍𑌚𑍇॒𑌦-𑌙𑍍𑌕॑𑌰𑌿𑌷𑍍𑌯𑌥𑌃 ॥ 𑌦𑍃𑌗𑍍​𑌮𑍍𑌹॑𑌸𑍍𑌵 𑌦𑍇𑌵𑌿 𑌪𑍃𑌥𑌿𑌵𑌿 𑌸𑍍𑌵॒𑌸𑍍𑌤𑌯॑ 𑌆𑌸𑍁॒𑌰𑍀 𑌮𑌾॒𑌯𑌾 𑌸𑍍𑌵॒𑌧𑌯𑌾॑ 𑌕𑍃॒𑌤𑌾-𑌽𑌸𑌿॑ । 𑌜𑍁𑌷𑍍𑌟॑-𑌨𑍍𑌦𑍇॒𑌵𑌾𑌨𑌾॑𑌮𑌿॒𑌦𑌮॑𑌸𑍍𑌤𑍁 𑌹॒𑌵𑍍𑌯𑌮𑌰𑌿॑𑌷𑍍𑌟𑌾॒ 𑌤𑍍𑌵𑌮𑍁𑌦𑌿॑𑌹𑌿 𑌯॒𑌜𑍍𑌞𑍇 𑌅॒𑌸𑍍𑌮𑌿𑌨𑍍𑌨𑍍 ॥ 𑌮𑌿𑌤𑍍𑌰𑍈॒𑌤𑌾𑌮𑍁॒𑌖𑌾-𑌨𑍍𑌤॑𑌪𑍈॒𑌷𑌾 𑌮𑌾 𑌭𑍇॑𑌦𑌿 । 𑌏॒𑌤𑌾-𑌨𑍍𑌤𑍇॒ 𑌪𑌰𑌿॑ 𑌦𑌦𑌾॒𑌮𑍍𑌯𑌭𑌿॑𑌤𑍍𑌤𑍍𑌯𑍈 ॥ 𑌦𑍍𑌰𑍍𑌵॑𑌨𑍍𑌨-𑌸𑍍𑌸॒𑌰𑍍𑌪𑌿𑌰𑌾॑𑌸𑍁𑌤𑌿𑌃 𑌪𑍍𑌰॒𑌤𑍍𑌨𑍋 𑌹𑍋𑌤𑌾॒ 𑌵𑌰𑍇᳚𑌣𑍍𑌯𑌃 । 𑌸𑌹॑𑌸𑌸𑍍𑌪𑍁॒𑌤𑍍𑌰𑍋 𑌅𑌦𑍍𑌭𑍁॑𑌤𑌃 ॥ 𑌪𑌰॑𑌸𑍍𑌯𑌾॒ 𑌅𑌧𑌿॑ 𑌸𑌂॒​𑌵𑌁𑌤𑍋-𑌽𑌵॑𑌰𑌾𑌗𑍍​𑌮𑍍 𑌅॒𑌭𑍍𑌯𑌾 [𑌅॒𑌭𑍍𑌯𑌾, 𑌤॒𑌰॒ ।] 36

𑌤॑𑌰 । 𑌯𑌤𑍍𑌰𑌾॒𑌹𑌮𑌸𑍍𑌮𑌿॒ 𑌤𑌾𑌗𑍍​𑌮𑍍 𑌅॑𑌵 ॥ 𑌪॒𑌰॒𑌮𑌸𑍍𑌯𑌾𑌃᳚ 𑌪𑌰𑌾॒𑌵𑌤𑍋॑ 𑌰𑍋॒𑌹𑌿𑌦॑𑌶𑍍𑌵 𑌇॒𑌹𑌾-𑌽𑌗॑𑌹𑌿 । 𑌪𑍁॒𑌰𑍀॒𑌷𑍍𑌯𑌃॑ 𑌪𑍁𑌰𑍁𑌪𑍍𑌰𑌿॒𑌯𑍋-𑌽𑌗𑍍𑌨𑍇॒ 𑌤𑍍𑌵-𑌨𑍍𑌤॑𑌰𑌾॒ 𑌮𑍃𑌧𑌃॑ ॥ 𑌸𑍀𑌦॒ 𑌤𑍍𑌵-𑌮𑍍𑌮𑌾॒𑌤𑍁𑌰॒𑌸𑍍𑌯𑌾 𑌉॒𑌪𑌸𑍍𑌥𑍇॒ 𑌵𑌿𑌶𑍍𑌵𑌾᳚𑌨𑍍𑌯𑌗𑍍𑌨𑍇 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾𑌨𑍍 । 𑌮𑍈𑌨𑌾॑𑌮॒𑌰𑍍𑌚𑌿𑌷𑌾॒ 𑌮𑌾 𑌤𑌪॑𑌸𑌾॒-𑌽𑌭𑌿 𑌶𑍂॑𑌶𑍁𑌚𑍋॒-𑌽𑌨𑍍𑌤𑌰॑𑌸𑍍𑌯𑌾𑌗𑍍​𑌮𑍍 𑌶𑍁॒𑌕𑍍𑌰 𑌜𑍍𑌯𑍋॑𑌤𑌿॒𑌰𑍍𑌵𑌿 𑌭𑌾॑𑌹𑌿 ॥ 𑌅॒𑌨𑍍𑌤𑌰॑𑌗𑍍𑌨𑍇 𑌰𑍁॒𑌚𑌾 𑌤𑍍𑌵𑌮𑍁॒𑌖𑌾𑌯𑍈॒ 𑌸𑌦॑𑌨𑍇॒ 𑌸𑍍𑌵𑍇 । 𑌤𑌸𑍍𑌯𑌾॒𑌸𑍍𑌤𑍍𑌵𑌗𑍍​𑌮𑍍 𑌹𑌰॑𑌸𑌾॒ 𑌤𑌪॒𑌨𑍍 𑌜𑌾𑌤॑𑌵𑍇𑌦-𑌶𑍍𑌶𑌿॒𑌵𑍋 𑌭॑𑌵 ॥ 𑌶𑌿॒𑌵𑍋 𑌭𑍂॒𑌤𑍍𑌵𑌾 𑌮𑌹𑍍𑌯॑𑌮॒𑌗𑍍𑌨𑍇-𑌽𑌥𑍋॑ 𑌸𑍀𑌦 𑌶𑌿॒𑌵𑌸𑍍𑌤𑍍𑌵𑌮𑍍 । 𑌶𑌿॒𑌵𑌾𑌃 𑌕𑍃॒𑌤𑍍𑌵𑌾 𑌦𑌿𑌶॒-𑌸𑍍𑌸𑌰𑍍𑌵𑌾॒-𑌸𑍍𑌸𑍍𑌵𑌾𑌂-𑌯𑍋𑌁𑌨𑌿॑𑌮𑌿॒𑌹𑌾-𑌽𑌽𑌸॑𑌦𑌃 ॥ 3𑍭 ॥
(𑌵𑍀॒𑌰𑌯॒𑌸𑍍𑌵𑌾 – 𑌽𑌽 – 𑌤𑌪॑𑌨𑍍 – 𑌵𑌿𑌗𑍍​𑌮𑍍𑌶॒𑌤𑌿𑌶𑍍𑌚॑) (𑌅. 𑍯)

𑌯𑌦॑𑌗𑍍𑌨𑍇॒ 𑌯𑌾𑌨𑌿॒ 𑌕𑌾𑌨𑌿॒ 𑌚𑌾-𑌽𑌽𑌤𑍇॒ 𑌦𑌾𑌰𑍂॑𑌣𑌿 𑌦॒𑌦𑍍𑌧𑍍𑌮𑌸𑌿॑ । 𑌤𑌦॑𑌸𑍍𑌤𑍁॒ 𑌤𑍁𑌭𑍍𑌯॒𑌮𑌿-𑌦𑍍𑌘𑍃॒𑌤-𑌨𑍍𑌤𑌜𑍍𑌜𑍁॑𑌷𑌸𑍍𑌵 𑌯𑌵𑌿𑌷𑍍𑌠𑍍𑌯 ॥ 𑌯𑌦𑌤𑍍𑌤𑍍𑌯𑍁॑𑌪॒𑌜𑌿𑌹𑍍𑌵𑌿॑𑌕𑌾॒ 𑌯𑌦𑍍𑌵॒𑌮𑍍𑌰𑍋 𑌅॑𑌤𑌿॒𑌸𑌰𑍍𑌪॑𑌤𑌿 । 𑌸𑌰𑍍𑌵॒-𑌨𑍍𑌤𑌦॑𑌸𑍍𑌤𑍁 𑌤𑍇 𑌘𑍃॒𑌤-𑌨𑍍𑌤𑌜𑍍𑌜𑍁॑𑌷𑌸𑍍𑌵 𑌯𑌵𑌿𑌷𑍍𑌠𑍍𑌯 ॥ 𑌰𑌾𑌤𑍍𑌰𑌿𑌗𑍍​𑌮𑍍॑ 𑌰𑌾𑌤𑍍𑌰𑌿॒𑌮𑌪𑍍𑌰॑𑌯𑌾𑌵॒-𑌮𑍍𑌭𑌰॒𑌨𑍍𑌤𑍋-𑌽𑌶𑍍𑌵𑌾॑𑌯𑍇𑌵॒ 𑌤𑌿𑌷𑍍𑌠॑𑌤𑍇 𑌘𑌾॒𑌸𑌮॑𑌸𑍍𑌮𑍈 । 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌸𑌮𑌿॒𑌷𑌾 𑌮𑌦॒𑌨𑍍𑌤𑍋-𑌽𑌗𑍍𑌨𑍇॒ 𑌮𑌾 𑌤𑍇॒ 𑌪𑍍𑌰𑌤𑌿॑𑌵𑍇𑌶𑌾 𑌰𑌿𑌷𑌾𑌮 ॥ 𑌨𑌾𑌭𑌾॑ [𑌨𑌾𑌭𑌾᳚, 𑌪𑍃॒𑌥𑌿॒𑌵𑍍𑌯𑌾-𑌸𑍍𑌸॑𑌮𑌿𑌧𑌾॒𑌨-] 3𑍮

𑌪𑍃𑌥𑌿॒𑌵𑍍𑌯𑌾-𑌸𑍍𑌸॑𑌮𑌿𑌧𑌾॒𑌨-𑌮॒𑌗𑍍𑌨𑌿𑌗𑍍​𑌮𑍍 𑌰𑌾॒𑌯𑌸𑍍𑌪𑍋𑌷𑌾॑𑌯 𑌬𑍃𑌹॒𑌤𑍇 𑌹॑𑌵𑌾𑌮𑌹𑍇 । 𑌇॒𑌰॒𑌮𑍍𑌮॒𑌦-𑌮𑍍𑌬𑍃॒𑌹𑌦𑍁॑𑌕𑍍𑌥𑌂॒-𑌯𑌁𑌜॑𑌤𑍍𑌰॒-𑌞𑍍𑌜𑍇𑌤𑌾॑𑌰𑌮॒𑌗𑍍𑌨𑌿-𑌮𑍍𑌪𑍃𑌤॑𑌨𑌾𑌸𑍁 𑌸𑌾𑌸॒𑌹𑌿𑌮𑍍 ॥ 𑌯𑌾-𑌸𑍍𑌸𑍇𑌨𑌾॑ 𑌅॒𑌭𑍀𑌤𑍍𑌵॑𑌰𑍀𑌰𑌾-𑌵𑍍𑌯𑌾॒𑌧𑌿𑌨𑍀॒-𑌰𑍁𑌗॑𑌣𑌾 𑌉॒𑌤 । 𑌯𑍇 𑌸𑍍𑌤𑍇॒𑌨𑌾 𑌯𑍇 𑌚॒ 𑌤𑌸𑍍𑌕॑𑌰𑌾॒𑌸𑍍𑌤𑌾𑌗𑍍​𑌸𑍍𑌤𑍇॑ 𑌅॒𑌗𑍍𑌨𑍇-𑌽𑌪𑌿॑ 𑌦𑌧𑌾𑌮𑍍𑌯𑌾॒𑌸𑍍𑌯𑍇᳚ ॥ 𑌦𑌗𑍍𑌗𑍍​𑌷𑍍𑌟𑍍𑌰𑌾᳚𑌭𑍍𑌯𑌾-𑌮𑍍𑌮॒𑌲𑌿𑌮𑍍𑌲𑍂॒𑌨𑍍 𑌜𑌮𑍍𑌭𑍍𑌯𑍈॒-𑌸𑍍𑌤𑌸𑍍𑌕॑𑌰𑌾𑌗𑍍​𑌮𑍍 𑌉॒𑌤 । 𑌹𑌨𑍂᳚𑌭𑍍𑌯𑌾𑌗𑍍​ 𑌸𑍍𑌤𑍇॒𑌨𑌾𑌨𑍍-𑌭॑𑌗𑌵॒𑌸𑍍𑌤𑌾𑌗𑍍​-𑌸𑍍𑌤𑍍𑌵-𑌙𑍍𑌖𑌾॑𑌦॒ 𑌸𑍁𑌖𑌾॑𑌦𑌿𑌤𑌾𑌨𑍍 ॥ 𑌯𑍇 𑌜𑌨𑍇॑𑌷𑍁 𑌮॒𑌲𑌿𑌮𑍍𑌲॑𑌵-𑌸𑍍𑌸𑍍𑌤𑍇॒𑌨𑌾𑌸॒-𑌸𑍍𑌤𑌸𑍍𑌕॑𑌰𑌾॒ 𑌵𑌨𑍇᳚ । 𑌯𑍇 [ ] 3𑍯

𑌕𑌕𑍍𑌷𑍇᳚𑌷𑍍𑌵𑌘𑌾॒ 𑌯𑌵॒𑌸𑍍𑌤𑌾𑌗𑍍​𑌸𑍍𑌤𑍇॑ 𑌦𑌧𑌾𑌮𑌿॒ 𑌜𑌮𑍍𑌭॑𑌯𑍋𑌃 ॥ 𑌯𑍋 𑌅॒𑌸𑍍𑌮𑌭𑍍𑌯॑𑌮𑌰𑌾𑌤𑍀॒𑌯𑌾-𑌦𑍍𑌯𑌶𑍍𑌚॑ 𑌨𑍋॒ 𑌦𑍍𑌵𑍇𑌷॑𑌤𑍇॒ 𑌜𑌨𑌃॑ । 𑌨𑌿𑌨𑍍𑌦𑌾॒𑌦𑍍𑌯𑍋 𑌅॒𑌸𑍍𑌮𑌾-𑌨𑍍𑌦𑌿𑌫𑍍𑌸𑌾᳚𑌚𑍍𑌚॒ 𑌸𑌰𑍍𑌵॒-𑌨𑍍𑌤-𑌮𑍍𑌮॑𑌸𑍍𑌮॒𑌸𑌾 𑌕𑍁॑𑌰𑍁 ॥ 𑌸𑌗𑍍​𑌮𑍍𑌶𑌿॑𑌤-𑌮𑍍𑌮𑍇॒ 𑌬𑍍𑌰𑌹𑍍𑌮॒ 𑌸𑌗𑍍​𑌮𑍍𑌶𑌿॑𑌤𑌂-𑌵𑍀𑌁॒𑌰𑍍𑌯॑-𑌮𑍍𑌬𑌲᳚𑌮𑍍 । 𑌸𑌗𑍍​𑌮𑍍𑌶𑌿॑𑌤-𑌙𑍍𑌕𑍍𑌷॒𑌤𑍍𑌰-𑌞𑍍𑌜𑌿॒𑌷𑍍𑌣𑍁 𑌯𑌸𑍍𑌯𑌾॒-𑌽𑌹𑌮𑌸𑍍𑌮𑌿॑ 𑌪𑍁॒𑌰𑍋𑌹𑌿॑𑌤𑌃 ॥ 𑌉𑌦𑍇॑𑌷𑌾-𑌮𑍍𑌬𑌾॒𑌹𑍂 𑌅॑𑌤𑌿𑌰॒𑌮𑍁𑌦𑍍𑌵𑌰𑍍𑌚॒ 𑌉𑌦𑍂॒ 𑌬𑌲᳚𑌮𑍍 । 𑌕𑍍𑌷𑌿॒𑌣𑍋𑌮𑌿॒ 𑌬𑍍𑌰𑌹𑍍𑌮॑𑌣𑌾॒-𑌽𑌮𑌿𑌤𑍍𑌰𑌾॒𑌨𑍁𑌨𑍍𑌨॑𑌯𑌾𑌮𑌿॒ [-𑌽𑌮𑌿𑌤𑍍𑌰𑌾॒-𑌨𑍁𑌨𑍍𑌨॑𑌯𑌾𑌮𑌿, 𑌸𑍍𑌵𑌾𑌗𑍍​𑌮𑍍 𑌅॒𑌹𑌮𑍍 ।] 40

𑌸𑍍𑌵𑌾𑌗𑍍​𑌮𑍍 𑌅॒𑌹𑌮𑍍 ॥ 𑌦𑍃॒𑌶𑌾॒𑌨𑍋 𑌰𑍁॒𑌕𑍍𑌮 𑌉॒𑌰𑍍𑌵𑍍𑌯𑌾 𑌵𑍍𑌯॑𑌦𑍍𑌯𑍌𑌦𑍍𑌦𑍁॒𑌰𑍍𑌮𑌰𑍍​𑌷॒𑌮𑌾𑌯𑍁॑-𑌶𑍍𑌶𑍍𑌰𑌿॒𑌯𑍇 𑌰𑍁॑𑌚𑌾॒𑌨𑌃 । 𑌅॒𑌗𑍍𑌨𑌿𑌰॒𑌮𑍃𑌤𑍋॑ 𑌅𑌭𑌵॒𑌦𑍍𑌵𑌯𑍋॑-𑌭𑌿॒𑌰𑍍𑌯𑌦𑍇॑𑌨॒-𑌨𑍍𑌦𑍍𑌯𑍌𑌰𑌜॑𑌨𑌯-𑌥𑍍𑌸𑍁॒𑌰𑍇𑌤𑌾𑌃᳚ ॥ 𑌵𑌿𑌶𑍍𑌵𑌾॑ 𑌰𑍂॒𑌪𑌾𑌣𑌿॒ 𑌪𑍍𑌰𑌤𑌿॑ 𑌮𑍁𑌞𑍍𑌚𑌤𑍇 𑌕॒𑌵𑌿𑌃 𑌪𑍍𑌰𑌾-𑌽𑌸𑌾॑𑌵𑍀𑌦𑍍𑌭॒𑌦𑍍𑌰-𑌨𑍍𑌦𑍍𑌵𑌿॒𑌪𑌦𑍇॒ 𑌚𑌤𑍁॑𑌷𑍍𑌪𑌦𑍇 । 𑌵𑌿 𑌨𑌾𑌕॑𑌮𑌖𑍍𑌯-𑌥𑍍𑌸𑌵𑌿॒𑌤𑌾 𑌵𑌰𑍇॒𑌣𑍍𑌯𑍋-𑌽𑌨𑍁॑ 𑌪𑍍𑌰॒𑌯𑌾𑌣॑𑌮𑍁॒𑌷𑌸𑍋॒ 𑌵𑌿॑𑌰𑌾𑌜𑌤𑌿 ॥ 𑌨𑌕𑍍𑌤𑍋॒𑌷𑌾𑌸𑌾॒ 𑌸𑌮॑𑌨𑌸𑌾॒ 𑌵𑌿𑌰𑍂॑𑌪𑍇 𑌧𑌾॒𑌪𑌯𑍇॑𑌤𑍇॒ 𑌶𑌿𑌶𑍁॒𑌮𑍇𑌕𑌗𑍍​𑌮𑍍॑ 𑌸𑌮𑍀॒𑌚𑍀 । 𑌦𑍍𑌯𑌾𑌵𑌾॒ 𑌕𑍍𑌷𑌾𑌮𑌾॑ 𑌰𑍁॒𑌕𑍍𑌮𑍋 [𑌰𑍁॒𑌕𑍍𑌮𑌃, 𑌅॒𑌨𑍍𑌤𑌰𑍍𑌵𑌿 𑌭𑌾॑𑌤𑌿] 41

𑌅॒𑌨𑍍𑌤𑌰𑍍𑌵𑌿 𑌭𑌾॑𑌤𑌿 𑌦𑍇॒𑌵𑌾 𑌅॒𑌗𑍍𑌨𑌿-𑌨𑍍𑌧𑌾॑𑌰𑌯-𑌨𑍍𑌦𑍍𑌰𑌵𑌿𑌣𑍋॒𑌦𑌾𑌃 ॥ 𑌸𑍁॒𑌪॒𑌰𑍍𑌣𑍋॑-𑌽𑌸𑌿 𑌗॒𑌰𑍁𑌤𑍍𑌮𑌾᳚-𑌨𑍍𑌤𑍍𑌰𑌿॒𑌵𑍃𑌤𑍍𑌤𑍇॒ 𑌶𑌿𑌰𑍋॑ 𑌗𑌾𑌯॒𑌤𑍍𑌰-𑌞𑍍𑌚𑌕𑍍𑌷𑍁॒-𑌸𑍍𑌸𑍍𑌤𑍋𑌮॑ 𑌆॒𑌤𑍍𑌮𑌾 𑌸𑌾𑌮॑ 𑌤𑍇 𑌤॒𑌨𑍂𑌰𑍍𑌵𑌾॑𑌮𑌦𑍇॒𑌵𑍍𑌯-𑌮𑍍𑌬𑍃॑𑌹-𑌦𑍍𑌰𑌥𑌨𑍍𑌤॒𑌰𑍇 𑌪॒𑌕𑍍𑌷𑍌 𑌯॑𑌜𑍍𑌞𑌾𑌯॒𑌜𑍍𑌞𑌿𑌯॒-𑌮𑍍𑌪𑍁𑌚𑍍𑌛॒-𑌞𑍍𑌛𑌨𑍍𑌦𑌾॒𑌗𑍍॒𑌸𑍍𑌯𑌙𑍍𑌗𑌾॑𑌨𑌿॒ 𑌧𑌿𑌷𑍍𑌣𑌿॑𑌯𑌾-𑌶𑍍𑌶॒𑌫𑌾 𑌯𑌜𑍂𑌗𑍍​𑌮𑍍॑𑌷𑌿॒ 𑌨𑌾𑌮॑ ॥ 𑌸𑍁॒𑌪॒𑌰𑍍𑌣𑍋॑-𑌽𑌸𑌿 𑌗॒𑌰𑍁𑌤𑍍𑌮𑌾॒-𑌨𑍍𑌦𑌿𑌵॑-𑌙𑍍𑌗𑌚𑍍𑌛॒ 𑌸𑍁𑌵𑌃॑ 𑌪𑌤 ॥ 42 ॥
(𑌨𑌾𑌭𑌾॒ – 𑌵𑌨𑍇॒ 𑌯𑍇 – 𑌨॑𑌯𑌾𑌮𑌿॒ – 𑌕𑍍𑌷𑌾𑌮𑌾॑ 𑌰𑍁॒𑌕𑍍𑌮𑍋᳚ – 𑌽𑌷𑍍𑌟𑌾𑌤𑍍𑌰𑌿𑌗𑍍​𑌮𑍍॑𑌶𑌚𑍍𑌚) (𑌅. 10)

𑌅𑌗𑍍𑌨𑍇॒ 𑌯𑌂-𑌯𑌁॒𑌜𑍍𑌞𑌮॑𑌦𑍍𑌧𑍍𑌵॒𑌰𑌂-𑌵𑌿𑌁॒𑌶𑍍𑌵𑌤𑌃॑ 𑌪𑌰𑌿॒𑌭𑍂𑌰𑌸𑌿॑ । 𑌸 𑌇𑌦𑍍𑌦𑍇॒𑌵𑍇𑌷𑍁॑ 𑌗𑌚𑍍𑌛𑌤𑌿 ॥ 𑌸𑍋𑌮॒ 𑌯𑌾𑌸𑍍𑌤𑍇॑ 𑌮𑌯𑍋॒𑌭𑍁𑌵॑ 𑌊॒𑌤𑌯॒-𑌸𑍍𑌸𑌨𑍍𑌤𑌿॑ 𑌦𑌾॒𑌶𑍁𑌷𑍇᳚ । 𑌤𑌾𑌭𑌿॑𑌰𑍍𑌨𑍋-𑌽𑌵𑌿॒𑌤𑌾 𑌭॑𑌵 ॥ 𑌅॒𑌗𑍍𑌨𑌿𑌰𑍍𑌮𑍂॒𑌰𑍍𑌧𑌾 𑌭𑍁𑌵𑌃॑ ॥ 𑌤𑍍𑌵𑌨𑍍𑌨॑-𑌸𑍍𑌸𑍋𑌮॒ , 𑌯𑌾 𑌤𑍇॒ 𑌧𑌾𑌮𑌾॑𑌨𑌿 ॥ 𑌤-𑌥𑍍𑌸॑𑌵𑌿॒𑌤𑍁𑌰𑍍𑌵𑌰𑍇᳚𑌣𑍍𑌯॒-𑌮𑍍𑌭𑌰𑍍𑌗𑍋॑ 𑌦𑍇॒𑌵𑌸𑍍𑌯॑ 𑌧𑍀𑌮𑌹𑌿 । 𑌧𑌿𑌯𑍋॒ 𑌯𑍋 𑌨𑌃॑ 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥ 𑌅𑌚𑌿॑𑌤𑍍𑌤𑍀॒ 𑌯𑌚𑍍𑌚॑𑌕𑍃॒𑌮𑌾 𑌦𑍈𑌵𑍍𑌯𑍇॒ 𑌜𑌨𑍇॑ 𑌦𑍀॒𑌨𑍈𑌰𑍍𑌦𑌕𑍍𑌷𑍈𑌃॒ 𑌪𑍍𑌰𑌭𑍂॑𑌤𑍀 𑌪𑍂𑌰𑍁𑌷॒𑌤𑍍𑌵𑌤𑌾᳚ । 43

𑌦𑍇॒𑌵𑍇𑌷𑍁॑ 𑌚 𑌸𑌵𑌿𑌤॒𑌰𑍍𑌮𑌾𑌨𑍁॑𑌷𑍇𑌷𑍁 𑌚॒ 𑌤𑍍𑌵𑌨𑍍𑌨𑍋॒ 𑌅𑌤𑍍𑌰॑ 𑌸𑍁𑌵𑌤𑌾॒𑌦𑌨𑌾॑𑌗𑌸𑌃 ॥ 𑌚𑍋॒𑌦॒𑌯𑌿॒𑌤𑍍𑌰𑍀 𑌸𑍂॒𑌨𑍃𑌤𑌾॑𑌨𑌾॒-𑌞𑍍𑌚𑍇𑌤॑𑌨𑍍𑌤𑍀 𑌸𑍁𑌮𑌤𑍀॒𑌨𑌾𑌮𑍍 । 𑌯॒𑌜𑍍𑌞-𑌨𑍍𑌦॑𑌧𑍇॒ 𑌸𑌰॑𑌸𑍍𑌵𑌤𑍀 ॥ 𑌪𑌾𑌵𑍀॑𑌰𑌵𑍀 𑌕॒𑌨𑍍𑌯𑌾॑ 𑌚𑌿॒𑌤𑍍𑌰𑌾𑌯𑍁॒-𑌸𑍍𑌸𑌰॑𑌸𑍍𑌵𑌤𑍀 𑌵𑍀॒𑌰𑌪॑𑌤𑍍𑌨𑍀॒ 𑌧𑌿𑌯॑-𑌨𑍍𑌧𑌾𑌤𑍍 । 𑌗𑍍𑌨𑌾𑌭𑌿॒𑌰𑌚𑍍𑌛𑌿॑𑌦𑍍𑌰𑌗𑍍​𑌮𑍍 𑌶𑌰॒𑌣𑌗𑍍​𑌮𑍍 𑌸॒𑌜𑍋𑌷𑌾॑ 𑌦𑍁𑌰𑌾॒𑌧𑌰𑍍​𑌷॑-𑌙𑍍𑌗𑍃𑌣॒𑌤𑍇 𑌶𑌰𑍍𑌮॑ 𑌯𑌗𑍍​𑌮𑍍𑌸𑌤𑍍 ॥ 𑌪𑍂॒𑌷𑌾 𑌗𑌾 𑌅𑌨𑍍𑌵𑍇॑𑌤𑍁 𑌨𑌃 𑌪𑍂॒𑌷𑌾 𑌰॑𑌕𑍍𑌷॒𑌤𑍍𑌵𑌰𑍍𑌵॑𑌤𑌃 । 𑌪𑍂॒𑌷𑌾 𑌵𑌾𑌜𑌗𑍍​𑌮𑍍॑ 𑌸𑌨𑍋𑌤𑍁 𑌨𑌃 ॥ 𑌶𑍁॒𑌕𑍍𑌰-𑌨𑍍𑌤𑍇॑ 𑌅॒𑌨𑍍𑌯𑌦𑍍𑌯॑𑌜॒𑌤-𑌨𑍍𑌤𑍇॑ 𑌅॒𑌨𑍍𑌯- [𑌅॒𑌨𑍍𑌯𑌤𑍍, 𑌵𑌿𑌷𑍁॑𑌰𑍂𑌪𑍇॒ 𑌅𑌹॑𑌨𑍀॒ 𑌦𑍍𑌯𑍌𑌰𑌿॑𑌵𑌾𑌸𑌿 ।] 44

-𑌦𑍍𑌵𑌿𑌷𑍁॑𑌰𑍂𑌪𑍇॒ 𑌅𑌹॑𑌨𑍀॒ 𑌦𑍍𑌯𑍌𑌰𑌿॑𑌵𑌾𑌸𑌿 । 𑌵𑌿𑌶𑍍𑌵𑌾॒ 𑌹𑌿 𑌮𑌾॒𑌯𑌾 𑌅𑌵॑𑌸𑌿 𑌸𑍍𑌵𑌧𑌾𑌵𑍋 𑌭॒𑌦𑍍𑌰𑌾 𑌤𑍇॑ 𑌪𑍂𑌷𑌨𑍍𑌨𑌿॒𑌹 𑌰𑌾॒𑌤𑌿𑌰॑𑌸𑍍𑌤𑍁 ॥ 𑌤𑍇॑-𑌽𑌵𑌰𑍍𑌧𑌨𑍍𑌤॒ 𑌸𑍍𑌵𑌤॑𑌵𑌸𑍋 𑌮𑌹𑌿𑌤𑍍𑌵॒𑌨𑌾 𑌽𑌽𑌨𑌾𑌕॑-𑌨𑍍𑌤॒𑌸𑍍𑌥𑍁𑌰𑍁॒𑌰𑍁 𑌚॑𑌕𑍍𑌰𑌿𑌰𑍇॒ 𑌸𑌦𑌃॑ । 𑌵𑌿𑌷𑍍𑌣𑍁॒ 𑌰𑍍𑌯𑌦𑍍𑌧𑌾-𑌽𑌽𑌵॒-𑌦𑍍𑌵𑍃𑌷॑𑌣-𑌮𑍍𑌮𑌦॒𑌚𑍍𑌯𑍁𑌤𑌂॒-𑌵𑌁𑌯𑍋॒ 𑌨 𑌸𑍀॑𑌦॒𑌨𑍍𑌨𑌧𑌿॑ 𑌬॒𑌰𑍍॒𑌹𑌿𑌷𑌿॑ 𑌪𑍍𑌰𑌿॒𑌯𑍇 ॥ 𑌪𑍍𑌰𑌚𑌿॒𑌤𑍍𑌰𑌮॒𑌰𑍍𑌕-𑌙𑍍𑌗𑍃॑𑌣॒𑌤𑍇 𑌤𑍁॒𑌰𑌾𑌯॒ 𑌮𑌾𑌰𑍁॑𑌤𑌾𑌯॒ 𑌸𑍍𑌵𑌤॑𑌵𑌸𑍇 𑌭𑌰𑌦𑍍𑌧𑍍𑌵𑌮𑍍 । 𑌯𑍇 𑌸𑌹𑌾𑌗𑍍​𑌮𑍍॑𑌸𑌿॒ 𑌸𑌹॑𑌸𑌾॒ 𑌸𑌹॑𑌨𑍍𑌤𑍇॒ [𑌸𑌹॑𑌨𑍍𑌤𑍇, 𑌰𑍇𑌜॑𑌤𑍇 𑌅𑌗𑍍𑌨𑍇 𑌪𑍃𑌥𑌿॒𑌵𑍀 𑌮॒𑌖𑍇𑌭𑍍𑌯𑌃॑ ।] 45

𑌰𑍇𑌜॑𑌤𑍇 𑌅𑌗𑍍𑌨𑍇 𑌪𑍃𑌥𑌿॒𑌵𑍀 𑌮॒𑌖𑍇𑌭𑍍𑌯𑌃॑ ॥ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌵𑌿𑌶𑍍𑌵𑍇॑ 𑌦𑍇𑌵𑌾𑌃 ॥ 𑌦𑍍𑌯𑌾𑌵𑌾॑ 𑌨𑌃 𑌪𑍃𑌥𑌿॒𑌵𑍀 𑌇॒𑌮𑌗𑍍​𑌮𑍍 𑌸𑌿॒𑌦𑍍𑌧𑍍𑌰𑌮॒𑌦𑍍𑌯 𑌦𑌿॑𑌵𑌿॒𑌸𑍍𑌪𑍃𑌶᳚𑌮𑍍 । 𑌯॒𑌜𑍍𑌞-𑌨𑍍𑌦𑍇॒𑌵𑍇𑌷𑍁॒ 𑌯𑌚𑍍𑌛𑌤𑌾𑌮𑍍 ॥ 𑌪𑍍𑌰 𑌪𑍂᳚𑌰𑍍𑌵॒𑌜𑍇 𑌪𑌿॒𑌤𑌰𑌾॒ 𑌨𑌵𑍍𑌯॑𑌸𑍀𑌭𑌿𑌰𑍍𑌗𑍀॒𑌰𑍍𑌭𑌿𑌃 𑌕𑍃॑𑌣𑍁𑌦𑍍𑌧𑍍𑌵॒𑌗𑍍​𑌮𑍍॒ 𑌸𑌦॑𑌨𑍇 𑌋॒𑌤𑌸𑍍𑌯॑ । 𑌆 𑌨𑍋᳚ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌦𑍈𑌵𑍍𑌯𑍇॑𑌨॒ 𑌜𑌨𑍇॑𑌨 𑌯𑌾𑌤॒-𑌮𑍍𑌮𑌹𑌿॑ 𑌵𑌾𑌂॒-𑌵𑌁𑌰𑍂॑𑌥𑌮𑍍 ॥ 𑌅॒𑌗𑍍𑌨𑌿𑌗𑍍𑌗𑍍​ 𑌸𑍍𑌤𑍋𑌮𑍇॑𑌨 𑌬𑍋𑌧𑌯 𑌸𑌮𑌿𑌧𑌾॒𑌨𑍋 𑌅𑌮॑𑌰𑍍𑌤𑍍𑌯𑌮𑍍 । 𑌹॒𑌵𑍍𑌯𑌾 𑌦𑍇॒𑌵𑍇𑌷𑍁॑ 𑌨𑍋 𑌦𑌧𑌤𑍍 ॥ 𑌸 𑌹॑𑌵𑍍𑌯॒𑌵𑌾𑌡𑌮॑𑌰𑍍𑌤𑍍𑌯 𑌉॒𑌶𑌿𑌗𑍍𑌦𑍂॒𑌤𑌶𑍍𑌚𑌨𑍋॑𑌹𑌿𑌤𑌃 । 𑌅॒𑌗𑍍𑌨𑌿𑌰𑍍𑌧𑌿॒𑌯𑌾 𑌸𑌮𑍃॑𑌣𑍍𑌵𑌤𑌿 ॥ 𑌶𑌨𑍍𑌨𑍋॑ 𑌭𑌵𑌨𑍍𑌤𑍁॒, 𑌵𑌾𑌜𑍇॑𑌵𑌾𑌜𑍇 ॥ 46 ॥
(𑌪𑍁॒𑌰𑍁॒𑌷॒𑌤𑍍𑌵𑌤𑌾॑ – 𑌯𑌜॒𑌤𑌨𑍍𑌤𑍇॑ 𑌅॒𑌨𑍍𑌯𑌥𑍍 – 𑌸𑌹॑𑌨𑍍𑌤𑍇॒ – 𑌚𑌨𑍋॑𑌹𑌿𑌤𑍋॒ – 𑌽𑌷𑍍𑌟𑍌 𑌚॑ ) (𑌅. 11)

(𑌯𑍁॒𑌞𑍍𑌜𑌾॒𑌨 – 𑌇॒𑌮𑌾𑌮॑𑌗𑍃𑌭𑍍𑌣𑌨𑍍 – 𑌦𑍇॒𑌵𑌸𑍍𑌯॒ – 𑌸𑌨𑍍𑌤𑍇॒ – 𑌵𑌿 𑌪𑌾𑌜॑𑌸𑌾॒ – 𑌵𑌸॑𑌵𑌸𑍍𑌤𑍍𑌵𑌾॒ – 𑌸𑌮𑌾᳚𑌸𑍍𑌤𑍍𑌵𑍋॒ – 𑌰𑍍𑌧𑍍𑌵𑌾 – 𑌅॒𑌸𑍍𑌯𑌾𑌕𑍂॑𑌤𑌿𑌂॒ – ​𑌯𑌁𑌦॑𑌗𑍍𑌨𑍇॒ 𑌯𑌾𑌨𑍍 – 𑌯𑌗𑍍𑌨𑍇॒ 𑌯𑌂-𑌯𑌁॒𑌜𑍍𑌞 – 𑌮𑍇𑌕𑌾॑𑌦𑌶)

(𑌯𑍁॒𑌞𑍍𑌜𑌾॒𑌨𑍋 – 𑌵𑌰𑍍𑌮॑ 𑌚 𑌸𑍍𑌥 – 𑌆𑌦𑌿॒𑌤𑍍𑌯𑌸𑍍𑌤𑍍𑌵𑌾॒ – 𑌭𑌾𑌰॑𑌤𑍀॒ – 𑌸𑍍𑌵𑌾𑌗𑍍​𑌮𑍍 𑌅॒𑌹𑌗𑍍​𑌮𑍍 – 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌤𑍍 )

(𑌯𑍁॒𑌞𑍍𑌜𑌾॒𑌨𑍋, 𑌵𑌾𑌜𑍇॑𑌵𑌾𑌜𑍇)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥 𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥