6.2 – 𑌯𑌦𑍁𑌭𑍌 𑌵𑌿𑌮𑍁𑌚𑍍𑌯𑌾𑌤𑌿𑌥𑍍𑌯𑌮𑍍 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃Download PDF

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾𑌂 𑌷𑌷𑍍𑌠𑌕𑌾𑌣𑍍𑌡𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨𑌃 – 𑌸𑍋𑌮𑌮𑌨𑍍𑌤𑍍𑌰𑌬𑍍𑌰𑌾𑌹𑍍𑌮𑌣𑌨𑌿𑌰𑍂𑌪𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌯𑌦𑍁॒𑌭𑍌 𑌵𑌿॒𑌮𑍁𑌚𑍍𑌯𑌾॑-𑌽𑌽𑌤𑌿॒𑌥𑍍𑌯-𑌙𑍍𑌗𑍃॑𑌹𑍍𑌣𑍀॒𑌯𑌾-𑌦𑍍𑌯॒𑌜𑍍𑌞𑌂-𑌵𑌿𑌁𑌚𑍍𑌛𑌿॑𑌨𑍍𑌦𑍍𑌯𑌾॒-𑌦𑍍𑌯𑌦𑍁॒𑌭𑌾𑌵-𑌵𑌿॑𑌮𑍁𑌚𑍍𑌯॒ 𑌯𑌥𑌾-𑌽𑌨𑌾॑𑌗𑌤𑌾𑌯𑌾-𑌽𑌽𑌤𑌿॒𑌥𑍍𑌯-𑌙𑍍𑌕𑍍𑌰𑌿॒𑌯𑌤𑍇॑ 𑌤𑌾॒𑌦𑍃𑌗𑍇॒𑌵 𑌤-𑌦𑍍𑌵𑌿𑌮𑍁॑𑌕𑍍𑌤𑍋॒-𑌽𑌨𑍍𑌯𑍋॑-𑌽𑌨॒𑌡𑍍𑌵𑌾-𑌨𑍍𑌭𑌵॒𑌤𑍍𑌯 𑌵𑌿॑𑌮𑍁𑌕𑍍𑌤𑍋॒-𑌽𑌨𑍍𑌯𑍋-𑌽𑌥𑌾॑-𑌽𑌽𑌤𑌿॒𑌥𑍍𑌯-𑌙𑍍𑌗𑍃॑𑌹𑍍𑌣𑌾𑌤𑌿 𑌯॒𑌜𑍍𑌞𑌸𑍍𑌯॒ 𑌸𑌨𑍍𑌤॑𑌤𑍍𑌯𑍈॒ 𑌪𑌤𑍍𑌨𑍍𑌯॒𑌨𑍍𑌵𑌾𑌰॑𑌭𑌤𑍇॒ 𑌪𑌤𑍍𑌨𑍀॒ 𑌹𑌿 𑌪𑌾𑌰𑍀॑𑌣𑌹𑍍𑌯॒𑌸𑍍𑌯𑍇𑌶𑍇॒ 𑌪𑌤𑍍𑌨𑌿॑𑌯𑍈॒ 𑌵𑌾𑌨𑍁॑𑌮𑌤॒-𑌨𑍍𑌨𑌿𑌰𑍍𑌵॑𑌪𑌤𑌿॒ 𑌯𑌦𑍍𑌵𑍈 𑌪𑌤𑍍𑌨𑍀॑ 𑌯॒𑌜𑍍𑌞𑌸𑍍𑌯॑ 𑌕॒𑌰𑍋𑌤𑌿॑ 𑌮𑌿𑌥𑍁॒𑌨-𑌨𑍍𑌤𑌦𑌥𑍋॒ 𑌪𑌤𑍍𑌨𑌿॑𑌯𑌾 𑌏॒𑌵𑍈- [𑌪𑌤𑍍𑌨𑌿॑𑌯𑌾 𑌏॒𑌵, 𑌏॒𑌷] 1

-𑌷 𑌯॒𑌜𑍍𑌞𑌸𑍍𑌯𑌾᳚𑌨𑍍𑌵𑌾𑌰॒𑌭𑍋𑌂 𑌽𑌨॑𑌵𑌚𑍍𑌛𑌿𑌤𑍍𑌤𑍍𑌯𑍈॒ 𑌯𑌾𑌵॑-𑌦𑍍𑌭𑌿॒𑌰𑍍𑌵𑍈 𑌰𑌾𑌜𑌾॑-𑌽𑌨𑍁𑌚॒𑌰𑍈𑌰𑌾॒𑌗𑌚𑍍𑌛॑𑌤𑌿॒ 𑌸𑌰𑍍𑌵𑍇᳚𑌭𑍍𑌯𑍋॒ 𑌵𑍈 𑌤𑍇𑌭𑍍𑌯॑ 𑌆𑌤𑌿॒𑌥𑍍𑌯-𑌙𑍍𑌕𑍍𑌰𑌿॑𑌯𑌤𑍇॒ 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌖𑌲𑍁॒ 𑌵𑍈 𑌸𑍋𑌮॑𑌸𑍍𑌯॒ 𑌰𑌾𑌜𑍍𑌞𑍋॑-𑌽𑌨𑍁𑌚॒𑌰𑌾𑌣𑍍𑌯॒𑌗𑍍𑌨𑍇-𑌰𑌾॑𑌤𑌿॒𑌥𑍍𑌯𑌮॑𑌸𑌿॒ 𑌵𑌿𑌷𑍍𑌣॑𑌵𑍇॒ 𑌤𑍍𑌵𑍇𑌤𑍍𑌯𑌾॑𑌹 𑌗𑌾𑌯𑌤𑍍𑌰𑌿॒𑌯𑌾 𑌏॒𑌵𑍈𑌤𑍇𑌨॑ 𑌕𑌰𑍋𑌤𑌿॒ 𑌸𑍋𑌮॑𑌸𑍍𑌯𑌾-𑌽𑌽𑌤𑌿॒𑌥𑍍𑌯𑌮॑𑌸𑌿॒ 𑌵𑌿𑌷𑍍𑌣॑𑌵𑍇॒ 𑌤𑍍𑌵𑍇𑌤𑍍𑌯𑌾॑𑌹 𑌤𑍍𑌰𑌿॒𑌷𑍍𑌟𑍁𑌭॑ 𑌏॒𑌵𑍈𑌤𑍇𑌨॑ 𑌕𑌰𑍋॒𑌤𑍍𑌯𑌤𑌿॑𑌥𑍇𑌰𑌾𑌤𑌿॒𑌥𑍍𑌯𑌮॑𑌸𑌿॒ 𑌵𑌿𑌷𑍍𑌣॑𑌵𑍇॒ 𑌤𑍍𑌵𑍇𑌤𑍍𑌯𑌾॑𑌹॒ 𑌜𑌗॑𑌤𑍍𑌯𑌾 [𑌜𑌗॑𑌤𑍍𑌯𑍈, 𑌏॒𑌵𑍈𑌤𑍇𑌨॑] 2

𑌏॒𑌵𑍈𑌤𑍇𑌨॑ 𑌕𑌰𑍋𑌤𑍍𑌯॒𑌗𑍍𑌨𑌯𑍇᳚ 𑌤𑍍𑌵𑌾 𑌰𑌾𑌯𑌸𑍍𑌪𑍋𑌷॒𑌦𑌾𑌵𑍍𑌨𑍍𑌨𑍇॒ 𑌵𑌿𑌷𑍍𑌣॑𑌵𑍇॒ 𑌤𑍍𑌵𑍇𑌤𑍍𑌯𑌾॑𑌹𑌾𑌨𑍁॒𑌷𑍍𑌟𑍁𑌭॑ 𑌏॒𑌵𑍈𑌤𑍇𑌨॑ 𑌕𑌰𑍋𑌤𑌿 𑌶𑍍𑌯𑍇॒𑌨𑌾𑌯॑ 𑌤𑍍𑌵𑌾 𑌸𑍋𑌮॒𑌭𑍃𑌤𑍇॒ 𑌵𑌿𑌷𑍍𑌣॑𑌵𑍇॒ 𑌤𑍍𑌵𑍇𑌤𑍍𑌯𑌾॑𑌹 𑌗𑌾𑌯𑌤𑍍𑌰𑌿॒𑌯𑌾 𑌏॒𑌵𑍈𑌤𑍇𑌨॑ 𑌕𑌰𑍋𑌤𑌿॒ 𑌪𑌞𑍍𑌚॒ 𑌕𑍃𑌤𑍍𑌵𑍋॑ 𑌗𑍃𑌹𑍍𑌣𑌾𑌤𑌿॒ 𑌪𑌞𑍍𑌚𑌾᳚𑌕𑍍𑌷𑌰𑌾 𑌪॒𑌙𑍍𑌕𑍍𑌤𑌿𑌃 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑍋 𑌯॒𑌜𑍍𑌞𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌕𑌸𑍍𑌮𑌾᳚-𑌥𑍍𑌸॒𑌤𑍍𑌯𑌾-𑌦𑍍𑌗𑌾॑𑌯𑌤𑍍𑌰𑌿॒𑌯𑌾 𑌉॑𑌭॒𑌯𑌤॑ 𑌆𑌤𑌿॒𑌥𑍍𑌯𑌸𑍍𑌯॑ 𑌕𑍍𑌰𑌿𑌯𑌤॒ 𑌇𑌤𑌿॒ 𑌯𑌦𑍇॒𑌵𑌾-𑌽𑌦-𑌸𑍍𑌸𑍋𑌮॒𑌮𑌾- [𑌯𑌦𑍇॒𑌵𑌾-𑌽𑌦-𑌸𑍍𑌸𑍋𑌮॒𑌮𑌾, 𑌆𑌹॑𑌰॒-𑌤𑍍𑌤𑌸𑍍𑌮𑌾᳚-] 3

-𑌽𑌹॑𑌰॒-𑌤𑍍𑌤𑌸𑍍𑌮𑌾᳚-𑌦𑍍𑌗𑌾𑌯𑌤𑍍𑌰𑌿॒𑌯𑌾 𑌉॑𑌭॒𑌯𑌤॑ 𑌆𑌤𑌿॒𑌥𑍍𑌯𑌸𑍍𑌯॑ 𑌕𑍍𑌰𑌿𑌯𑌤𑍇 𑌪𑍁॒𑌰𑌸𑍍𑌤𑌾᳚𑌚𑍍𑌚𑍋॒ 𑌪𑌰𑌿॑𑌷𑍍𑌟𑌾𑌚𑍍𑌚॒ 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦𑌾॑𑌤𑌿॒𑌥𑍍𑌯-𑌨𑍍𑌨𑌵॑𑌕𑌪𑌾𑌲𑌃 𑌪𑍁𑌰𑍋॒𑌡𑌾𑌶𑍋॑ 𑌭𑌵𑌤𑌿॒ 𑌤𑌸𑍍𑌮𑌾᳚𑌨𑍍𑌨𑌵॒𑌧𑌾 𑌶𑌿𑌰𑍋॒ 𑌵𑌿𑌷𑍍𑌯𑍂॑𑌤॒-𑌨𑍍𑌨𑌵॑𑌕𑌪𑌾𑌲𑌃 𑌪𑍁𑌰𑍋॒𑌡𑌾𑌶𑍋॑ 𑌭𑌵𑌤𑌿॒ 𑌤𑍇 𑌤𑍍𑌰𑌯॑𑌸𑍍𑌤𑍍𑌰𑌿𑌕𑌪𑌾॒𑌲𑌾𑌸𑍍𑌤𑍍𑌰𑌿॒𑌵𑍃𑌤𑌾॒ 𑌸𑍍𑌤𑍋𑌮𑍇॑𑌨॒ 𑌸𑌮𑍍𑌮𑌿॑𑌤𑌾॒𑌸𑍍𑌤𑍇𑌜॑𑌸𑍍𑌤𑍍𑌰𑌿॒𑌵𑍃-𑌤𑍍𑌤𑍇𑌜॑ 𑌏॒𑌵 𑌯॒𑌜𑍍𑌞𑌸𑍍𑌯॑ 𑌶𑍀॒𑌰𑍍॒𑌷-𑌨𑍍𑌦॑𑌧𑌾𑌤𑌿॒ 𑌨𑌵॑𑌕𑌪𑌾𑌲𑌃 𑌪𑍁𑌰𑍋॒𑌡𑌾𑌶𑍋॑ 𑌭𑌵𑌤𑌿॒ 𑌤𑍇 𑌤𑍍𑌰𑌯॑𑌸𑍍𑌤𑍍𑌰𑌿𑌕𑌪𑌾॒𑌲𑌾𑌸𑍍𑌤𑍍𑌰𑌿॒𑌵𑍃𑌤𑌾᳚ 𑌪𑍍𑌰𑌾॒𑌣𑍇𑌨॒ 𑌸𑌮𑍍𑌮𑌿॑𑌤𑌾𑌸𑍍𑌤𑍍𑌰𑌿॒𑌵𑍃𑌦𑍍𑌵𑍈 [ ] 4

𑌪𑍍𑌰𑌾॒𑌣-𑌸𑍍𑌤𑍍𑌰𑌿॒𑌵𑍃𑌤॑𑌮𑍇॒𑌵 𑌪𑍍𑌰𑌾॒𑌣𑌮॑𑌭𑌿𑌪𑍂॒𑌰𑍍𑌵𑌂-𑌯𑌁॒𑌜𑍍𑌞𑌸𑍍𑌯॑ 𑌶𑍀॒𑌰𑍍॒𑌷-𑌨𑍍𑌦॑𑌧𑌾𑌤𑌿 𑌪𑍍𑌰॒𑌜𑌾𑌪॑𑌤𑍇॒𑌰𑍍𑌵𑌾 𑌏॒𑌤𑌾𑌨𑌿॒ 𑌪𑌕𑍍𑌷𑍍𑌮𑌾॑𑌣𑌿॒ 𑌯𑌦॑𑌶𑍍𑌵𑌵𑌾॒𑌲𑌾 𑌐᳚𑌕𑍍𑌷॒𑌵𑍀 𑌤𑌿॒𑌰𑌶𑍍𑌚𑍀॒ 𑌯𑌦𑌾𑌶𑍍𑌵॑𑌵𑌾𑌲𑌃 𑌪𑍍𑌰𑌸𑍍𑌤॒𑌰𑍋 𑌭𑌵॑𑌤𑍍𑌯𑍈𑌕𑍍𑌷॒𑌵𑍀 𑌤𑌿॒𑌰𑌶𑍍𑌚𑍀᳚ 𑌪𑍍𑌰॒𑌜𑌾𑌪॑𑌤𑍇𑌰𑍇॒𑌵 𑌤𑌚𑍍𑌚𑌕𑍍𑌷𑍁॒-𑌸𑍍𑌸𑌮𑍍𑌭॑𑌰𑌤𑌿 𑌦𑍇॒𑌵𑌾 𑌵𑍈 𑌯𑌾 𑌆𑌹𑍁॑𑌤𑍀॒𑌰𑌜𑍁॑𑌹𑌵𑍁॒𑌸𑍍𑌤𑌾 𑌅𑌸𑍁॑𑌰𑌾 𑌨𑌿॒𑌷𑍍𑌕𑌾𑌵॑𑌮𑌾𑌦॒-𑌨𑍍𑌤𑍇 𑌦𑍇॒𑌵𑌾𑌃 𑌕𑌾᳚𑌰𑍍​𑌷𑍍𑌮॒𑌰𑍍𑌯॑𑌮𑌪𑌶𑍍𑌯𑌨𑍍 𑌕𑌰𑍍𑌮॒𑌣𑍍𑌯𑍋॑ 𑌵𑍈 𑌕𑌰𑍍𑌮𑍈॑𑌨𑍇𑌨 𑌕𑍁𑌰𑍍𑌵𑍀॒𑌤𑍇𑌤𑌿॒ 𑌤𑍇 𑌕𑌾᳚𑌰𑍍​𑌷𑍍𑌮𑌰𑍍𑌯॒𑌮𑌯𑌾᳚-𑌨𑍍𑌪𑌰𑌿॒𑌧𑍀- [-𑌨𑍍𑌪𑌰𑌿॒𑌧𑍀𑌨𑍍, 𑌅॒𑌕𑍁॒𑌰𑍍𑌵॒𑌤॒ 𑌤𑍈𑌰𑍍𑌵𑍈] 5

-𑌨॑𑌕𑍁𑌰𑍍𑌵𑌤॒ 𑌤𑍈𑌰𑍍𑌵𑍈 𑌤𑍇 𑌰𑌕𑍍𑌷𑌾॒𑌗𑍍॒𑌸𑍍𑌯𑌪𑌾᳚𑌘𑍍𑌨𑌤॒ 𑌯-𑌤𑍍𑌕𑌾᳚𑌰𑍍​𑌷𑍍𑌮𑌰𑍍𑌯॒𑌮𑌯𑌾𑌃᳚ 𑌪𑌰𑌿॒𑌧𑌯𑍋॒ 𑌭𑌵॑𑌨𑍍𑌤𑌿॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈॒ 𑌸𑌗𑍍𑌗𑍍​ 𑌸𑍍𑌪॑𑌰𑍍​𑌶𑌯𑌤𑌿॒ 𑌰𑌕𑍍𑌷॑𑌸𑌾॒𑌮𑌨॑𑌨𑍍𑌵-𑌵𑌚𑌾𑌰𑌾𑌯॒ 𑌨 𑌪𑍁॒𑌰𑌸𑍍𑌤𑌾॒-𑌤𑍍𑌪𑌰𑌿॑ 𑌦𑌧𑌾𑌤𑍍𑌯𑌾𑌦𑌿॒𑌤𑍍𑌯𑍋 𑌹𑍍𑌯𑍇॑𑌵𑍋𑌦𑍍𑌯-𑌨𑍍𑌪𑍁॒𑌰𑌸𑍍𑌤𑌾॒-𑌦𑍍𑌰𑌕𑍍𑌷𑌾𑌗𑍍॑𑌸𑍍𑌯𑌪॒𑌹𑌨𑍍𑌤𑍍𑌯𑍂॒𑌰𑍍𑌧𑍍𑌵𑍇 𑌸॒𑌮𑌿𑌧𑌾॒𑌵𑌾 𑌦॑𑌧𑌾𑌤𑍍𑌯𑍁॒𑌪𑌰𑌿॑𑌷𑍍𑌟𑌾𑌦𑍇॒𑌵 𑌰𑌕𑍍𑌷𑌾॒𑌗𑍍॒𑌸𑍍𑌯𑌪॑ 𑌹𑌨𑍍𑌤𑌿॒ 𑌯𑌜𑍁॑𑌷𑌾॒-𑌽𑌨𑍍𑌯𑌾-𑌨𑍍𑌤𑍂॒𑌷𑍍𑌣𑍀𑌮॒𑌨𑍍𑌯𑌾-𑌮𑍍𑌮𑌿॑𑌥𑍁𑌨॒𑌤𑍍𑌵𑌾𑌯॒ 𑌦𑍍𑌵𑍇 𑌆 𑌦॑𑌧𑌾𑌤𑌿 𑌦𑍍𑌵𑌿॒𑌪𑌾-𑌦𑍍𑌯𑌜॑𑌮𑌾𑌨𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦- [𑌵𑌦𑌨𑍍𑌤𑌿, 𑌅॒𑌗𑍍𑌨𑌿𑌶𑍍𑌚॒ 𑌵𑌾] 6

-𑌨𑍍𑌤𑍍𑌯॒𑌗𑍍𑌨𑌿𑌶𑍍𑌚॒ 𑌵𑌾 𑌏॒𑌤𑍌 𑌸𑍋𑌮॑𑌶𑍍𑌚 𑌕॒𑌥𑌾 𑌸𑍋𑌮𑌾॑𑌯𑌾-𑌽𑌽𑌤𑌿॒𑌥𑍍𑌯-𑌙𑍍𑌕𑍍𑌰𑌿॒𑌯𑌤𑍇॒ 𑌨𑌾𑌗𑍍𑌨𑌯॒ 𑌇𑌤𑌿॒ 𑌯𑌦॒𑌗𑍍𑌨𑌾𑌵॒𑌗𑍍𑌨𑌿-𑌮𑍍𑌮॑𑌥𑌿॒𑌤𑍍𑌵𑌾 𑌪𑍍𑌰॒𑌹𑌰॑𑌤𑌿॒ 𑌤𑍇𑌨𑍈॒𑌵𑌾𑌗𑍍𑌨𑌯॑ 𑌆𑌤𑌿॒𑌥𑍍𑌯-𑌙𑍍𑌕𑍍𑌰𑌿॑𑌯॒𑌤𑍇 𑌽𑌥𑍋॒ 𑌖𑌲𑍍𑌵𑌾॑𑌹𑍁𑌰॒𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒ 𑌇𑌤𑌿॒ 𑌯𑌦𑍍𑌧॒𑌵𑌿𑌰𑌾॒𑌸𑌾𑌦𑍍𑌯𑌾॒𑌗𑍍𑌨𑌿-𑌮𑍍𑌮𑌨𑍍𑌥॑𑌤𑌿 𑌹॒𑌵𑍍𑌯𑌾𑌯𑍈॒𑌵𑌾-𑌽𑌽𑌸॑𑌨𑍍𑌨𑌾𑌯॒ 𑌸𑌰𑍍𑌵𑌾॑ 𑌦𑍇॒𑌵𑌤𑌾॑ 𑌜𑌨𑌯𑌤𑌿 ॥ 𑍭 ॥
(𑌪𑌤𑍍𑌨𑌿॑𑌯𑌾 𑌏॒𑌵 – 𑌜𑌗॑𑌤𑍍𑌯𑌾॒ – 𑌆 – 𑌤𑍍𑌰𑌿॒𑌵𑍃𑌦𑍍𑌵𑍈 – 𑌪॑𑌰𑌿॒𑌧𑍀𑌨𑍍 – 𑌵॑𑌦॒𑌨𑍍𑌤𑍍𑌯𑍇 – 𑌕॑𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 1)

𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂​𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑍇 𑌦𑍇॒𑌵𑌾 𑌮𑌿॒𑌥𑍋 𑌵𑌿𑌪𑍍𑌰𑌿॑𑌯𑌾 𑌆𑌸॒-𑌨𑍍𑌤𑍇᳚-𑌽(1॒)𑌨𑍍𑌯𑍋᳚-𑌽𑌨𑍍𑌯𑌸𑍍𑌮𑍈॒ 𑌜𑍍𑌯𑍈𑌷𑍍𑌠𑍍𑌯𑌾॒𑌯𑌾𑌤𑌿॑𑌷𑍍𑌠𑌮𑌾𑌨𑌾𑌃 𑌪𑌞𑍍𑌚॒𑌧𑌾 𑌵𑍍𑌯॑𑌕𑍍𑌰𑌾𑌮𑌨𑍍𑌨॒𑌗𑍍𑌨𑌿𑌰𑍍𑌵𑌸𑍁॑𑌭𑌿॒-𑌸𑍍𑌸𑍋𑌮𑍋॑ 𑌰𑍁॒𑌦𑍍𑌰𑍈𑌰𑌿𑌨𑍍𑌦𑍍𑌰𑍋॑ 𑌮॒𑌰𑍁𑌦𑍍𑌭𑌿॒-𑌰𑍍𑌵𑌰𑍁॑𑌣 𑌆𑌦𑌿॒𑌤𑍍𑌯𑍈-𑌰𑍍𑌬𑍃𑌹॒𑌸𑍍𑌪𑌤𑌿॒-𑌰𑍍𑌵𑌿𑌶𑍍𑌵𑍈᳚𑌰𑍍𑌦𑍇॒𑌵𑍈𑌸𑍍𑌤𑍇॑ 𑌽𑌮𑌨𑍍𑌯॒𑌨𑍍𑌤𑌾𑌸𑍁॑𑌰𑍇𑌭𑍍𑌯𑍋॒ 𑌵𑌾 𑌇॒𑌦-𑌮𑍍𑌭𑍍𑌰𑌾𑌤𑍃॑𑌵𑍍𑌯𑍇𑌭𑍍𑌯𑍋 𑌰𑌦𑍍𑌧𑍍𑌯𑌾𑌮𑍋॒ 𑌯𑌨𑍍𑌮𑌿॒𑌥𑍋 𑌵𑌿𑌪𑍍𑌰𑌿॑𑌯𑌾॒-𑌸𑍍𑌸𑍍𑌮𑍋 𑌯𑌾 𑌨॑ 𑌇॒𑌮𑌾𑌃 𑌪𑍍𑌰𑌿॒𑌯𑌾𑌸𑍍𑌤॒𑌨𑍁𑌵॒𑌸𑍍𑌤𑌾-𑌸𑍍𑌸॒𑌮𑌵॑𑌦𑍍𑌯𑌾𑌮𑌹𑍈॒ 𑌤𑌾𑌭𑍍𑌯॒-𑌸𑍍𑌸 𑌨𑌿𑌰𑍍-𑌋॑𑌚𑍍𑌛𑌾॒𑌦𑍍𑌯𑍋 [𑌨𑌿𑌰𑍍-𑌋॑𑌚𑍍𑌛𑌾॒𑌦𑍍𑌯𑌃, 𑌨𑌃॒ 𑌪𑍍𑌰॒𑌥॒𑌮𑍋᳚(1॒)-𑌽𑌨𑍍𑌯𑍋᳚] 𑍮

𑌨𑌃॑ 𑌪𑍍𑌰𑌥॒𑌮𑍋᳚(1॒)-𑌽𑌨𑍍𑌯𑍋᳚-𑌽𑌨𑍍𑌯𑌸𑍍𑌮𑍈॒ 𑌦𑍍𑌰𑍁𑌹𑍍𑌯𑌾॒𑌦𑌿𑌤𑌿॒ 𑌤𑌸𑍍𑌮𑌾॒𑌦𑍍𑌯-𑌸𑍍𑌸𑌤𑌾॑𑌨𑍂𑌨𑌪𑍍𑌤𑍍𑌰𑌿𑌣𑌾-𑌮𑍍𑌪𑍍𑌰𑌥॒𑌮𑍋 𑌦𑍍𑌰𑍁𑌹𑍍𑌯॑𑌤𑌿॒ 𑌸 𑌆𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯-𑌤𑍍𑌤𑌾॑𑌨𑍂𑌨॒𑌪𑍍𑌤𑍍𑌰𑌗𑍍​𑌮𑍍 𑌸॑𑌮𑌵॒𑌦𑍍𑌯𑌤𑌿॒ 𑌭𑍍𑌰𑌾𑌤𑍃॑𑌵𑍍𑌯𑌾𑌭𑌿𑌭𑍂𑌤𑍍𑌯𑍈॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿॒ 𑌪𑌞𑍍𑌚॒ 𑌕𑍃𑌤𑍍𑌵𑍋-𑌽𑌵॑𑌦𑍍𑌯𑌤𑌿 𑌪𑌞𑍍𑌚॒𑌧𑌾 𑌹𑌿 𑌤𑍇 𑌤-𑌥𑍍𑌸॑𑌮॒𑌵𑌾𑌦𑍍𑌯॒𑌨𑍍𑌤𑌾𑌥𑍋॒ 𑌪𑌞𑍍𑌚𑌾᳚𑌕𑍍𑌷𑌰𑌾 𑌪॒𑌙𑍍𑌕𑍍𑌤𑌿𑌃 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑍋 𑌯॒𑌜𑍍𑌞𑌮𑍇॒𑌵𑌾𑌵॑ 𑌰𑍁𑌨𑍍𑌧॒ 𑌆𑌪॑𑌤𑌯𑍇 𑌤𑍍𑌵𑌾 𑌗𑍃𑌹𑍍𑌣𑌾॒𑌮𑍀𑌤𑍍𑌯𑌾॑𑌹 𑌪𑍍𑌰𑌾॒𑌣𑍋 𑌵𑌾 [𑌪𑍍𑌰𑌾॒𑌣𑍋 𑌵𑍈, 𑌆𑌪॑𑌤𑌿𑌃] 𑍯

𑌆𑌪॑𑌤𑌿𑌃 𑌪𑍍𑌰𑌾॒𑌣𑌮𑍇॒𑌵 𑌪𑍍𑌰𑍀॑𑌣𑌾𑌤𑌿॒ 𑌪𑌰𑌿॑𑌪𑌤𑌯॒ 𑌇𑌤𑍍𑌯𑌾॑𑌹॒ 𑌮𑌨𑍋॒ 𑌵𑍈 𑌪𑌰𑌿॑𑌪𑌤𑌿॒𑌰𑍍𑌮𑌨॑ 𑌏॒𑌵 𑌪𑍍𑌰𑍀॑𑌣𑌾𑌤𑌿॒ 𑌤𑌨𑍂॒𑌨𑌪𑍍𑌤𑍍𑌰॒ 𑌇𑌤𑍍𑌯𑌾॑𑌹 𑌤॒𑌨𑍁𑌵𑍋॒ 𑌹𑌿 𑌤𑍇 𑌤𑌾-𑌸𑍍𑌸॑𑌮॒𑌵𑌾𑌦𑍍𑌯॑𑌨𑍍𑌤 𑌶𑌾𑌕𑍍𑌵॒𑌰𑌾𑌯𑍇𑌤𑍍𑌯𑌾॑𑌹॒ 𑌶𑌕𑍍𑌤𑍍𑌯𑍈॒ 𑌹𑌿 𑌤𑍇 𑌤𑌾-𑌸𑍍𑌸॑𑌮॒𑌵𑌾𑌦𑍍𑌯॑𑌨𑍍𑌤॒ 𑌶𑌕𑍍𑌮॒-𑌨𑍍𑌨𑍋𑌜𑌿॑𑌷𑍍𑌠𑌾॒𑌯𑍇𑌤𑍍𑌯𑌾॒𑌹𑍌𑌜𑌿॑𑌷𑍍𑌠॒𑌗𑍍​𑌮𑍍॒ 𑌹𑌿 𑌤𑍇 𑌤 𑌦𑌾॒𑌤𑍍𑌮𑌨॑-𑌸𑍍𑌸𑌮॒𑌵𑌾𑌦𑍍𑌯॒𑌨𑍍𑌤𑌾–𑌨𑌾॑𑌧𑍃𑌷𑍍𑌟-𑌮𑌸𑍍𑌯𑌨𑌾𑌧𑍃॒𑌷𑍍𑌯-𑌮𑌿𑌤𑍍𑌯𑌾॒𑌹𑌾-𑌽𑌨𑌾॑𑌧𑍃𑌷𑍍𑌟॒𑌗𑍍𑌗𑍍॒ 𑌹𑍍𑌯𑍇॑𑌤𑌦॑𑌨𑌾𑌧𑍃॒𑌷𑍍𑌯-𑌨𑍍𑌦𑍇॒𑌵𑌾𑌨𑌾॒-𑌮𑍋𑌜॒ [𑌦𑍇॒𑌵𑌾𑌨𑌾॒-𑌮𑍋𑌜𑌃॑, 𑌇𑌤𑍍𑌯𑌾॑𑌹] 10

𑌇𑌤𑍍𑌯𑌾॑𑌹 𑌦𑍇॒𑌵𑌾𑌨𑌾॒𑌗𑍍॒ 𑌹𑍍𑌯𑍇॑𑌤𑌦𑍋𑌜𑍋॑-𑌽𑌭𑌿𑌶𑌸𑍍𑌤𑌿॒𑌪𑌾 𑌅॑𑌨𑌭𑌿𑌶𑌸𑍍𑌤𑍇॒𑌨𑍍𑌯𑌮𑌿𑌤𑍍𑌯𑌾॑𑌹𑌾-𑌭𑌿𑌶𑌸𑍍𑌤𑌿॒𑌪𑌾 𑌹𑍍𑌯𑍇॑𑌤𑌦॑ -𑌨𑌭𑌿𑌶𑌸𑍍𑌤𑍇॒𑌨𑍍𑌯𑌮𑌨𑍁॑ 𑌮𑍇 𑌦𑍀॒𑌕𑍍𑌷𑌾-𑌨𑍍𑌦𑍀॒𑌕𑍍𑌷𑌾𑌪॑𑌤𑌿-𑌰𑍍𑌮𑌨𑍍𑌯𑌤𑌾॒𑌮𑌿𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤-𑌦𑍍𑌘𑍃॒𑌤𑌂-𑌵𑍈𑌁 𑌦𑍇॒𑌵𑌾 𑌵𑌜𑍍𑌰॑-𑌙𑍍𑌕𑍃॒𑌤𑍍𑌵𑌾 𑌸𑍋𑌮॑𑌮𑌘𑍍𑌨-𑌨𑍍𑌨𑌨𑍍𑌤𑌿॒𑌕𑌮𑌿॑𑌵॒ 𑌖𑌲𑍁॒ 𑌵𑌾 𑌅॑𑌸𑍍𑌯𑍈॒𑌤𑌚𑍍𑌚॑𑌰𑌨𑍍𑌤𑌿॒ 𑌯-𑌤𑍍𑌤𑌾॑𑌨𑍂𑌨॒𑌪𑍍𑌤𑍍𑌰𑍇𑌣॑ 𑌪𑍍𑌰॒𑌚𑌰॑𑌨𑍍𑌤𑍍𑌯॒𑌗𑍍​𑌮𑍍॒ 𑌶𑍁𑌰𑌗𑍍​𑌮𑍍॑ 𑌶𑍁𑌸𑍍𑌤𑍇 𑌦𑍇𑌵 𑌸𑍋॒𑌮𑌾-𑌽𑌽 𑌪𑍍𑌯𑌾॑𑌯𑌤𑌾॒-𑌮𑌿𑌤𑍍𑌯𑌾॑𑌹॒ 𑌯- [-𑌮𑌿𑌤𑍍𑌯𑌾॑𑌹॒ 𑌯𑌤𑍍, 𑌏॒𑌵𑌾𑌸𑍍𑌯𑌾॑-] 11

-𑌦𑍇॒𑌵𑌾𑌸𑍍𑌯𑌾॑-𑌪𑍁𑌵𑌾॒𑌯𑌤𑍇॒ 𑌯𑌨𑍍𑌮𑍀𑌯॑𑌤𑍇॒-𑌤𑌦𑍇॒𑌵𑌾𑌸𑍍𑌯𑍈॒𑌤𑍇𑌨𑌾-𑌽𑌽 𑌪𑍍𑌯𑌾॑𑌯𑌯॒𑌤𑍍𑌯𑌾 𑌤𑍁𑌭𑍍𑌯॒𑌮𑌿𑌨𑍍𑌦𑍍𑌰𑌃॑ 𑌪𑍍𑌯𑌾𑌯𑌤𑌾॒𑌮𑌾 𑌤𑍍𑌵𑌮𑌿𑌨𑍍𑌦𑍍𑌰𑌾॑𑌯 𑌪𑍍𑌯𑌾𑌯॒𑌸𑍍𑌵𑍇𑌤𑍍𑌯𑌾॑-𑌹𑍋॒𑌭𑌾𑌵𑍇॒𑌵𑍇𑌨𑍍𑌦𑍍𑌰॑-𑌞𑍍𑌚॒ 𑌸𑍋𑌮॒-𑌞𑍍𑌚𑌾-𑌽𑌽𑌪𑍍𑌯𑌾॑𑌯𑌯॒𑌤𑍍𑌯𑌾 𑌪𑍍𑌯𑌾॑𑌯𑌯॒ 𑌸𑌖𑍀᳚𑌨𑍍-𑌥𑍍𑌸॒𑌨𑍍𑌯𑌾 𑌮𑍇॒𑌧𑌯𑍇𑌤𑍍𑌯𑌾॑𑌹॒𑌰𑍍𑌤𑍍𑌵𑌿𑌜𑍋॒ 𑌵𑌾 𑌅॑𑌸𑍍𑌯॒ 𑌸𑌖𑌾॑𑌯॒𑌸𑍍𑌤𑌾-𑌨𑍇॒𑌵𑌾-𑌽𑌽𑌪𑍍𑌯𑌾॑𑌯𑌯𑌤𑌿 𑌸𑍍𑌵॒𑌸𑍍𑌤𑌿 𑌤𑍇॑ 𑌦𑍇𑌵 𑌸𑍋𑌮 𑌸𑍁॒𑌤𑍍𑌯𑌾𑌮॑𑌶𑍀॒𑌯𑍇- [𑌸𑍁॒𑌤𑍍𑌯𑌾𑌮॑𑌶𑍀॒𑌯, 𑌇𑌤𑍍𑌯𑌾॑𑌹𑌾॒ 𑌽𑌽𑌶𑌿𑌷॑-] 12

-𑌤𑍍𑌯𑌾॑𑌹𑌾॒ 𑌽𑌽𑌶𑌿𑌷॑-𑌮𑍇॒𑌵𑍈𑌤𑌾𑌮𑌾 𑌶𑌾᳚𑌸𑍍𑌤𑍇॒ 𑌪𑍍𑌰 𑌵𑌾 𑌏॒𑌤𑍇᳚-𑌽𑌸𑍍𑌮𑌾-𑌲𑍍𑌲𑍋॒𑌕𑌾𑌚𑍍𑌚𑍍𑌯॑𑌵𑌨𑍍𑌤𑍇॒ 𑌯𑍇 𑌸𑍋𑌮॑𑌮𑌾-𑌪𑍍𑌯𑌾॒𑌯𑌯॑𑌨𑍍𑌤𑍍𑌯-𑌨𑍍𑌤𑌰𑌿𑌕𑍍𑌷𑌦𑍇𑌵॒𑌤𑍍𑌯𑍋॑ 𑌹𑌿 𑌸𑍋𑌮॒ 𑌆𑌪𑍍𑌯𑌾॑𑌯𑌿𑌤॒ 𑌏𑌷𑍍𑌟𑌾॒ 𑌰𑌾𑌯𑌃॒ 𑌪𑍍𑌰𑍇𑌷𑍇 𑌭𑌗𑌾॒𑌯𑍇𑌤𑍍𑌯𑌾॑𑌹॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॑𑌮𑍇॒𑌵 𑌨॑𑌮॒𑌸𑍍𑌕𑍃𑌤𑍍𑌯𑌾॒𑌸𑍍𑌮𑌿-​𑌲𑍍𑌲𑍋𑌁॒𑌕𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌨𑍍𑌤𑌿 𑌦𑍇𑌵𑌾𑌸𑍁॒𑌰𑌾-𑌸𑍍𑌸𑌂​𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑍇 𑌦𑍇॒𑌵𑌾 𑌬𑌿𑌭𑍍𑌯॑𑌤𑍋॒-𑌽𑌗𑍍𑌨𑌿-𑌮𑍍𑌪𑍍𑌰𑌾𑌵𑌿॑𑌶॒-𑌨𑍍𑌤𑌸𑍍𑌮𑌾॑𑌦𑌾𑌹𑍁𑌰॒𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒ 𑌇𑌤𑌿॒ 𑌤𑍇᳚- [𑌦𑍇॒𑌵𑌤𑌾॒ 𑌇𑌤𑌿॒ 𑌤𑍇, 𑌅॒𑌗𑍍𑌨𑌿𑌮𑍇॒𑌵] 13

-𑌽𑌗𑍍𑌨𑌿𑌮𑍇॒𑌵 𑌵𑌰𑍂॑𑌥-𑌙𑍍𑌕𑍃॒𑌤𑍍𑌵𑌾 𑌽𑌸𑍁॑𑌰𑌾𑌨॒𑌭𑍍𑌯॑𑌭𑌵-𑌨𑍍𑌨॒𑌗𑍍𑌨𑌿𑌮𑌿॑𑌵॒ 𑌖𑌲𑍁॒ 𑌵𑌾 𑌏॒𑌷 𑌪𑍍𑌰𑌵𑌿॑𑌶𑌤𑌿॒ 𑌯𑍋॑-𑌽𑌵𑌾𑌨𑍍𑌤𑌰𑌦𑍀॒𑌕𑍍𑌷𑌾𑌮𑍁॒𑌪𑍈𑌤𑌿॒ 𑌭𑍍𑌰𑌾𑌤𑍃॑𑌵𑍍𑌯𑌾𑌭𑌿𑌭𑍂𑌤𑍍𑌯𑍈॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑍍𑌯𑌾॒𑌤𑍍𑌮𑌾𑌨॑𑌮𑍇॒𑌵 𑌦𑍀॒𑌕𑍍𑌷𑌯𑌾॑ 𑌪𑌾𑌤𑌿 𑌪𑍍𑌰॒𑌜𑌾𑌮॑𑌵𑌾𑌨𑍍𑌤𑌰𑌦𑍀॒𑌕𑍍𑌷𑌯𑌾॑ 𑌸𑌨𑍍𑌤॒𑌰𑌾-𑌮𑍍𑌮𑍇𑌖॑𑌲𑌾𑌗𑍍​𑌮𑍍 𑌸॒𑌮𑌾𑌯॑𑌚𑍍𑌛𑌤𑍇 𑌪𑍍𑌰॒𑌜𑌾 𑌹𑍍𑌯𑌾᳚𑌤𑍍𑌮𑌨𑍋-𑌽𑌨𑍍𑌤॑𑌰𑌤𑌰𑌾 𑌤॒𑌪𑍍𑌤𑌵𑍍𑌰॑𑌤𑍋 𑌭𑌵𑌤𑌿॒ 𑌮𑌦॑𑌨𑍍𑌤𑍀𑌭𑌿𑌰𑍍𑌮𑌾𑌰𑍍𑌜𑌯𑌤𑍇॒ 𑌨𑌿𑌰𑍍​𑌹𑍍𑌯॑𑌗𑍍𑌨𑌿-𑌶𑍍𑌶𑍀॒𑌤𑍇𑌨॒ 𑌵𑌾𑌯॑𑌤𑌿॒ 𑌸𑌮𑌿॑𑌦𑍍𑌧𑍍𑌯𑍈॒ 𑌯𑌾 𑌤𑍇॑ 𑌅𑌗𑍍𑌨𑍇॒ 𑌰𑍁𑌦𑍍𑌰𑌿॑𑌯𑌾 𑌤॒𑌨𑍂𑌰𑌿𑌤𑍍𑌯𑌾॑𑌹॒ 𑌸𑍍𑌵𑌯𑍈॒𑌵𑍈𑌨॑-𑌦𑍍𑌦𑍇॒𑌵𑌤॑𑌯𑌾 𑌵𑍍𑌰𑌤𑌯𑌤𑌿 𑌸𑌯𑍋𑌨𑌿॒𑌤𑍍𑌵𑌾𑌯॒ 𑌶𑌾𑌨𑍍𑌤𑍍𑌯𑍈᳚ ॥ 14 ॥
(𑌯𑍋 – 𑌵𑌾 – 𑌓𑌜॑ – 𑌆𑌹॒ 𑌯 – 𑌦॑𑌶𑍀॒𑌯𑍇 – 𑌤𑌿॒ 𑌤𑍇᳚ – 𑌽𑌗𑍍𑌨॒ – 𑌏𑌕𑌾॑𑌦𑌶 𑌚) (𑌅. 2)

𑌤𑍇𑌷𑌾॒𑌮𑌸𑍁॑𑌰𑌾𑌣𑌾-𑌨𑍍𑌤𑌿॒𑌸𑍍𑌰𑌃 𑌪𑍁𑌰॑ 𑌆𑌸-𑌨𑍍𑌨𑌯॒𑌸𑍍𑌮-𑌯𑍍𑌯॑𑌵॒𑌮𑌾-𑌽𑌥॑ 𑌰𑌜॒𑌤𑌾-𑌽𑌥॒ 𑌹𑌰𑌿॑𑌣𑍀॒ 𑌤𑌾 𑌦𑍇॒𑌵𑌾 𑌜𑍇𑌤𑍁॒-𑌨𑍍𑌨𑌾𑌶॑𑌕𑍍𑌨𑍁𑌵॒-𑌨𑍍𑌤𑌾 𑌉॑𑌪॒𑌸𑌦𑍈॒𑌵𑌾𑌜𑌿॑𑌗𑍀𑌷॒-𑌨𑍍𑌤𑌸𑍍𑌮𑌾॑𑌦𑌾𑌹𑍁॒𑌰𑍍𑌯𑌶𑍍𑌚𑍈॒𑌵𑌂-𑌵𑍇𑌁𑌦॒ 𑌯𑌶𑍍𑌚॒ 𑌨𑍋𑌪॒𑌸𑌦𑌾॒ 𑌵𑍈 𑌮॑𑌹𑌾𑌪𑍁॒𑌰-𑌞𑍍𑌜॑𑌯॒𑌨𑍍𑌤𑍀𑌤𑌿॒ 𑌤 𑌇𑌷𑍁॒𑌗𑍍​𑌮𑍍॒ 𑌸𑌮॑𑌸𑍍𑌕𑍁𑌰𑍍𑌵𑌤𑌾॒- 𑌗𑍍𑌨𑌿𑌮𑌨𑍀॑𑌕॒𑌗𑍍​𑌮𑍍॒ 𑌸𑍋𑌮𑌗𑍍​𑌮𑍍॑ 𑌶॒𑌲𑍍𑌯𑌂-𑌵𑌿𑌁𑌷𑍍𑌣𑍁॒-𑌨𑍍𑌤𑍇𑌜॑𑌨॒-𑌨𑍍𑌤𑍇᳚-𑌽𑌬𑍍𑌰𑍁𑌵॒𑌨𑍍 𑌕 𑌇॒𑌮𑌾𑌮॑𑌸𑌿𑌷𑍍𑌯॒𑌤𑍀𑌤𑌿॑ [ ] 15

𑌰𑍁॒𑌦𑍍𑌰 𑌇𑌤𑍍𑌯॑𑌬𑍍𑌰𑍁𑌵-𑌨𑍍𑌰𑍁॒𑌦𑍍𑌰𑍋 𑌵𑍈 𑌕𑍍𑌰𑍂॒𑌰-𑌸𑍍𑌸𑍋᳚-𑌽𑌸𑍍𑌯॒𑌤𑍍𑌵𑌿𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑌾 𑌅॒𑌹𑌮𑍇॒𑌵 𑌪॑𑌶𑍂॒𑌨𑌾-𑌮𑌧𑌿॑𑌪𑌤𑌿𑌰𑌸𑌾॒𑌨𑍀𑌤𑌿॒ 𑌤𑌸𑍍𑌮𑌾᳚-𑌦𑍍𑌰𑍁॒𑌦𑍍𑌰𑌃 𑌪॑𑌶𑍂॒𑌨𑌾-𑌮𑌧𑌿॑𑌪𑌤𑌿॒𑌸𑍍𑌤𑌾𑌗𑍍​𑌮𑍍 𑌰𑍁॒𑌦𑍍𑌰𑍋-𑌽𑌵𑌾॑𑌸𑍃𑌜॒-𑌥𑍍𑌸 𑌤𑌿॒𑌸𑍍𑌰𑌃 𑌪𑍁𑌰𑍋॑ 𑌭𑌿॒𑌤𑍍𑌤𑍍𑌵𑍈𑌭𑍍𑌯𑍋 𑌲𑍋॒𑌕𑍇𑌭𑍍𑌯𑍋- 𑌽𑌸𑍁॑𑌰𑌾॒-𑌨𑍍𑌪𑍍𑌰𑌾𑌣𑍁॑𑌦𑌤॒ 𑌯𑌦𑍁॑𑌪॒𑌸𑌦॑ 𑌉𑌪𑌸॒𑌦𑍍𑌯𑌨𑍍𑌤𑍇॒ 𑌭𑍍𑌰𑌾𑌤𑍃॑𑌵𑍍𑌯𑌪𑌰𑌾𑌣𑍁𑌤𑍍𑌯𑍈॒ 𑌨𑌾𑌨𑍍𑌯𑌾𑌮𑌾𑌹𑍁॑𑌤𑌿-𑌮𑍍𑌪𑍁॒𑌰𑌸𑍍𑌤𑌾᳚-𑌜𑍍𑌜𑍁𑌹𑍁𑌯𑌾॒-𑌦𑍍𑌯𑌦॒𑌨𑍍𑌯𑌾𑌮𑌾𑌹𑍁॑𑌤𑌿-𑌮𑍍𑌪𑍁॒𑌰𑌸𑍍𑌤𑌾᳚-𑌜𑍍𑌜𑍁𑌹𑍁॒𑌯𑌾- [-𑌜𑍍𑌜𑍁𑌹𑍁॒𑌯𑌾𑌤𑍍, 𑌅॒𑌨𑍍𑌯𑌨𑍍𑌮𑍁𑌖॑-𑌙𑍍𑌕𑍁𑌰𑍍𑌯𑌾-] 16

-𑌦॒𑌨𑍍𑌯𑌨𑍍𑌮𑍁𑌖॑-𑌙𑍍𑌕𑍁𑌰𑍍𑌯𑌾-𑌥𑍍𑌸𑍍𑌰𑍁॒𑌵𑍇𑌣𑌾॑-𑌽𑌘𑌾॒𑌰𑌮𑌾 𑌘𑌾॑𑌰𑌯𑌤𑌿 𑌯॒𑌜𑍍𑌞𑌸𑍍𑌯॒ 𑌪𑍍𑌰𑌜𑍍𑌞𑌾᳚𑌤𑍍𑌯𑍈॒ 𑌪𑌰𑌾𑌂॑𑌅𑌤𑌿॒𑌕𑍍𑌰𑌮𑍍𑌯॑ 𑌜𑍁𑌹𑍋𑌤𑌿॒ 𑌪𑌰𑌾॑𑌚 𑌏॒𑌵𑍈𑌭𑍍𑌯𑍋 𑌲𑍋॒𑌕𑍇𑌭𑍍𑌯𑍋॒ 𑌯𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾॒-𑌨𑍍𑌪𑍍𑌰 𑌣𑍁॑𑌦𑌤𑍇॒ 𑌪𑍁𑌨॑𑌰𑌤𑍍𑌯𑌾॒𑌕𑍍𑌰𑌮𑍍𑌯𑍋॑𑌪॒𑌸𑌦॑-𑌞𑍍𑌜𑍁𑌹𑍋𑌤𑌿 𑌪𑍍𑌰॒𑌣𑍁𑌦𑍍𑌯𑍈॒𑌵𑍈𑌭𑍍𑌯𑍋 𑌲𑍋॒𑌕𑍇𑌭𑍍𑌯𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾𑌞𑍍𑌜𑌿॒𑌤𑍍𑌵𑌾 𑌭𑍍𑌰𑌾॑𑌤𑍃𑌵𑍍𑌯𑌲𑍋॒𑌕-𑌮॒𑌭𑍍𑌯𑌾𑌰𑍋॑𑌹𑌤𑌿 𑌦𑍇॒𑌵𑌾 𑌵𑍈 𑌯𑌾𑌃 𑌪𑍍𑌰𑌾॒𑌤𑌰𑍁॑𑌪॒𑌸𑌦॑ 𑌉॒𑌪𑌾𑌸𑍀॑𑌦॒-𑌨𑍍𑌨𑌹𑍍𑌨॒𑌸𑍍𑌤𑌾𑌭𑌿॒𑌰𑌸𑍁॑𑌰𑌾॒-𑌨𑍍𑌪𑍍𑌰𑌾𑌣𑍁॑𑌦𑌨𑍍𑌤॒ 𑌯𑌾-𑌸𑍍𑌸𑌾॒𑌯𑌗𑍍​𑌮𑍍 𑌰𑌾𑌤𑍍𑌰𑌿॑𑌯𑍈॒ 𑌤𑌾𑌭𑌿॒𑌰𑍍𑌯-𑌥𑍍𑌸𑌾॒𑌯-𑌮𑍍𑌪𑍍𑌰𑌾॑𑌤-𑌰𑍁𑌪॒𑌸𑌦॑- [-𑌰𑍁𑌪॒𑌸𑌦𑌃॑, 𑌉॒𑌪॒𑌸॒𑌦𑍍𑌯𑌨𑍍𑌤𑍇॑] 1𑍭

𑌉𑌪𑌸॒𑌦𑍍𑌯𑌨𑍍𑌤𑍇॑ 𑌽𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾॑𑌮𑍇॒𑌵 𑌤-𑌦𑍍𑌯𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾॒-𑌨𑍍𑌪𑍍𑌰 𑌣𑍁॑𑌦𑌤𑍇॒ 𑌯𑌾𑌃 𑌪𑍍𑌰𑌾॒𑌤𑌰𑍍𑌯𑌾॒𑌜𑍍𑌯𑌾᳚-𑌸𑍍𑌸𑍍𑌯𑍁𑌸𑍍𑌤𑌾-𑌸𑍍𑌸𑌾॒𑌯-𑌮𑍍𑌪𑍁॑𑌰𑍋-𑌽𑌨𑍁𑌵𑌾॒𑌕𑍍𑌯𑌾𑌃᳚ 𑌕𑍁𑌰𑍍𑌯𑌾॒𑌦𑌯𑌾॑𑌤𑌯𑌾𑌮𑌤𑍍𑌵𑌾𑌯 𑌤𑌿॒𑌸𑍍𑌰 𑌉॑𑌪॒𑌸𑌦॒ 𑌉𑌪𑍈॑𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌇॒𑌮𑌾𑌨𑍇॒𑌵 𑌲𑍋॒𑌕𑌾-𑌨𑍍𑌪𑍍𑌰𑍀॑𑌣𑌾𑌤𑌿॒ 𑌷𑌟𑍍-𑌥𑍍𑌸-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍂𑌨𑍇॒𑌵 𑌪𑍍𑌰𑍀॑𑌣𑌾𑌤𑌿॒ 𑌦𑍍𑌵𑌾𑌦॑𑌶𑌾॒𑌹𑍀𑌨𑍇॒ 𑌸𑍋𑌮॒ 𑌉𑌪𑍈॑𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂​𑌵𑌁𑌥𑍍𑌸॒𑌰-𑌸𑍍𑌸॑𑌵𑌨𑍍​𑌥𑍍𑌸॒𑌰𑌮𑍇॒𑌵 𑌪𑍍𑌰𑍀॑𑌣𑌾𑌤𑌿॒ 𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿॒-𑌸𑍍𑌸- [𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿॒-𑌸𑍍𑌸𑌮𑍍, 𑌪॒𑌦𑍍𑌯॒𑌨𑍍𑌤𑍇॒ 𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿-] 1𑍮

-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿-𑌰𑌰𑍍𑌧𑌮𑌾॒𑌸𑌾 𑌅॑𑌰𑍍𑌧𑌮𑌾॒𑌸𑌾𑌨𑍇॒𑌵 𑌪𑍍𑌰𑍀॑𑌣𑌾॒𑌤𑍍𑌯𑌾𑌰𑌾᳚𑌗𑍍𑌰𑌾-𑌮𑌵𑌾𑌨𑍍𑌤𑌰𑌦𑍀॒𑌕𑍍𑌷𑌾-𑌮𑍁𑌪𑍇॑𑌯𑌾॒𑌦𑍍𑌯𑌃 𑌕𑌾॒𑌮𑌯𑍇॑𑌤𑌾॒-𑌽𑌸𑍍𑌮𑌿-𑌨𑍍𑌮𑍇॑ 𑌲𑍋॒𑌕𑍇-𑌽𑌰𑍍𑌧𑍁॑𑌕𑌗𑍍𑌗𑍍​ 𑌸𑍍𑌯𑌾॒𑌦𑌿𑌤𑍍𑌯𑍇𑌕॒𑌮𑌗𑍍𑌰𑍇-𑌽𑌥॒ 𑌦𑍍𑌵𑌾𑌵𑌥॒ 𑌤𑍍𑌰𑍀𑌨𑌥॑ 𑌚॒𑌤𑍁𑌰॑ 𑌏॒𑌷𑌾 𑌵𑌾 𑌆𑌰𑌾᳚𑌗𑍍𑌰𑌾 𑌽𑌵𑌾𑌨𑍍𑌤𑌰𑌦𑍀॒𑌕𑍍𑌷𑌾 𑌽𑌸𑍍𑌮𑌿𑌨𑍍𑌨𑍇॒𑌵𑌾𑌸𑍍𑌮𑍈॑ 𑌲𑍋॒𑌕𑍇-𑌽𑌰𑍍𑌧𑍁॑𑌕-𑌮𑍍𑌭𑌵𑌤𑌿 𑌪॒𑌰𑍋𑌵॑𑌰𑍀𑌯𑌸𑍀-𑌮𑌵𑌾𑌨𑍍𑌤𑌰𑌦𑍀॒𑌕𑍍𑌷𑌾-𑌮𑍁𑌪𑍇॑𑌯𑌾॒𑌦𑍍𑌯𑌃 𑌕𑌾॒𑌮𑌯𑍇॑𑌤𑌾॒𑌮𑍁𑌷𑍍𑌮𑌿॑-𑌨𑍍𑌮𑍇 𑌲𑍋॒𑌕𑍇-𑌽𑌰𑍍𑌧𑍁॑𑌕𑌗𑍍𑌗𑍍​ 𑌸𑍍𑌯𑌾॒𑌦𑌿𑌤𑌿॑ 𑌚॒𑌤𑍁𑌰𑍋-𑌽𑌗𑍍𑌰𑍇 𑌽𑌥॒ 𑌤𑍍𑌰𑍀𑌨𑌥॒ 𑌦𑍍𑌵𑌾𑌵𑌥𑍈𑌕॑𑌮𑍇॒𑌷𑌾 𑌵𑍈 𑌪॒𑌰𑍋𑌵॑𑌰𑍀𑌯𑌸𑍍𑌯-𑌵𑌾𑌨𑍍𑌤𑌰𑌦𑍀॒𑌕𑍍𑌷𑌾 𑌽𑌮𑍁𑌷𑍍𑌮𑌿॑𑌨𑍍𑌨𑍇॒𑌵𑌾𑌸𑍍𑌮𑍈॑ 𑌲𑍋॒𑌕𑍇-𑌽𑌰𑍍𑌧𑍁॑𑌕-𑌮𑍍𑌭𑌵𑌤𑌿 ॥ 1𑍯 ॥
(𑌅॒𑌸𑌿॒𑌷𑍍𑌯॒𑌤𑍀𑌤𑌿॑ – 𑌜𑍁𑌹𑍁॒𑌯𑌾𑌥𑍍 – 𑌸𑌾॒𑌯-𑌮𑍍𑌪𑍍𑌰𑌾॑𑌤𑌰𑍁𑌪॒𑌸𑌦॒ – 𑌶𑍍𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿॒-𑌸𑍍𑌸𑌂 – 𑌚॒𑌤𑍁𑌰𑍋-𑌽𑌗𑍍𑌰𑍇॒ – 𑌷𑍋𑌡॑𑌶 𑌚) (𑌅. 3)

𑌸𑍁॒𑌵॒𑌰𑍍𑌗𑌂-𑌵𑌾𑌁 𑌏॒𑌤𑍇 𑌲𑍋॒𑌕𑌂-𑌯𑌁॑𑌨𑍍𑌤𑌿॒ 𑌯 𑌉॑𑌪॒𑌸𑌦॑ 𑌉𑌪॒𑌯𑌨𑍍𑌤𑌿॒ 𑌤𑍇𑌷𑌾𑌂॒-𑌯𑌁 𑌉॒𑌨𑍍𑌨𑌯॑𑌤𑍇॒ 𑌹𑍀𑌯॑𑌤 𑌏॒𑌵 𑌸 𑌨𑍋𑌦॑𑌨𑍇॒𑌷𑍀𑌤𑌿॒ 𑌸𑍂᳚𑌨𑍍𑌨𑍀𑌯𑌮𑌿𑌵॒ 𑌯𑍋 𑌵𑍈 𑌸𑍍𑌵𑌾॒𑌰𑍍𑌥𑍇𑌤𑌾𑌂᳚-𑌯𑌁॒𑌤𑌾𑌗𑍍​ 𑌶𑍍𑌰𑌾॒𑌨𑍍𑌤𑍋 𑌹𑍀𑌯॑𑌤 𑌉॒𑌤 𑌸 𑌨𑌿॒𑌷𑍍𑌟𑍍𑌯𑌾𑌯॑ 𑌸॒𑌹 𑌵॑𑌸𑌤𑌿॒ 𑌤𑌸𑍍𑌮𑌾᳚-𑌥𑍍𑌸॒𑌕𑍃𑌦𑍁॒𑌨𑍍𑌨𑍀𑌯॒ 𑌨𑌾𑌪॑𑌰॒𑌮𑍁𑌨𑍍𑌨॑𑌯𑍇𑌤 𑌦॒𑌦𑍍𑌧𑍍𑌨𑍋𑌨𑍍𑌨॑𑌯𑍇𑌤𑍈॒𑌤𑌦𑍍𑌵𑍈 𑌪॑𑌶𑍂॒𑌨𑌾𑌗𑍍​𑌮𑍍 𑌰𑍂॒𑌪𑌗𑍍​𑌮𑍍 𑌰𑍂॒𑌪𑍇𑌣𑍈॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 [ ] 20

𑌯॒𑌜𑍍𑌞𑍋 𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤॒ 𑌵𑌿𑌷𑍍𑌣𑍂॑ 𑌰𑍂॒𑌪-𑌙𑍍𑌕𑍃॒𑌤𑍍𑌵𑌾 𑌸 𑌪𑍃॑𑌥𑌿॒𑌵𑍀-𑌮𑍍𑌪𑍍𑌰𑌾𑌵𑌿॑𑌶॒-𑌤𑍍𑌤-𑌨𑍍𑌦𑍇॒𑌵𑌾 𑌹𑌸𑍍𑌤𑌾᳚𑌨𑍍-𑌥𑍍𑌸॒𑌗𑍍​𑌮𑍍॒ 𑌰𑌭𑍍𑌯𑍈᳚𑌚𑍍𑌛॒-𑌨𑍍𑌤𑌮𑌿𑌨𑍍𑌦𑍍𑌰॑ 𑌉॒𑌪𑌰𑍍𑌯𑍁॑𑌪॒𑌰𑍍𑌯𑌤𑍍𑌯॑𑌕𑍍𑌰𑌾𑌮॒-𑌥𑍍𑌸𑍋᳚-𑌽𑌬𑍍𑌰𑌵𑍀॒-𑌤𑍍𑌕𑍋 𑌮𑌾॒-𑌽𑌯𑌮𑍁॒𑌪𑌰𑍍𑌯𑍁॑𑌪॒𑌰𑍍𑌯𑌤𑍍𑌯॑𑌕𑍍𑌰𑌮𑍀॒-𑌦𑌿𑌤𑍍𑌯॒𑌹-𑌨𑍍𑌦𑍁॒𑌰𑍍𑌗𑍇 𑌹𑌨𑍍𑌤𑍇𑌤𑍍𑌯𑌥॒ 𑌕𑌸𑍍𑌤𑍍𑌵𑌮𑌿𑌤𑍍𑌯॒𑌹-𑌨𑍍𑌦𑍁॒𑌰𑍍𑌗𑌾𑌦𑌾𑌹॒𑌰𑍍𑌤𑍇𑌤𑌿॒ 𑌸𑍋᳚-𑌽𑌬𑍍𑌰𑌵𑍀-𑌦𑍍𑌦𑍁॒𑌰𑍍𑌗𑍇 𑌵𑍈 𑌹𑌨𑍍𑌤𑌾॑-𑌽𑌵𑍋𑌚𑌥𑌾 𑌵𑌰𑌾॒𑌹𑍋॑-𑌽𑌯𑌂-𑌵𑌾𑌁॑𑌮𑌮𑍋॒𑌷- [-​𑌵𑌾𑌁॑𑌮𑌮𑍋॒𑌷𑌃, 𑌸॒𑌪𑍍𑌤𑌾॒𑌨𑌾] 21

-𑌸𑍍𑌸॑𑌪𑍍𑌤𑌾॒𑌨𑌾-𑌙𑍍𑌗𑌿॑𑌰𑍀॒𑌣𑌾-𑌮𑍍𑌪॒𑌰𑌸𑍍𑌤𑌾᳚𑌦𑍍𑌵𑌿॒𑌤𑍍𑌤𑌂-𑌵𑍇𑌁𑌦𑍍𑌯॒𑌮𑌸𑍁॑𑌰𑌾𑌣𑌾-𑌮𑍍𑌬𑌿𑌭𑌰𑍍𑌤𑌿॒ 𑌤-𑌞𑍍𑌜॑𑌹𑌿॒ 𑌯𑌦𑌿॑ 𑌦𑍁॒𑌰𑍍𑌗𑍇 𑌹𑌨𑍍𑌤𑌾-𑌽𑌸𑍀𑌤𑌿॒ 𑌸 𑌦॑𑌰𑍍𑌭𑌪𑍁𑌞𑍍𑌜𑍀॒𑌲𑌮𑍁॒-𑌦𑍍𑌵𑍃𑌹𑍍𑌯॑ 𑌸॒𑌪𑍍𑌤 𑌗𑌿॒𑌰𑍀-𑌨𑍍𑌭𑌿॒𑌤𑍍𑌤𑍍𑌵𑌾 𑌤𑌮॑𑌹॒𑌨𑍍-𑌥𑍍𑌸𑍋᳚-𑌽𑌬𑍍𑌰𑌵𑍀-𑌦𑍍𑌦𑍁॒𑌰𑍍𑌗𑌾𑌦𑍍𑌵𑌾 𑌆𑌹॑𑌰𑍍𑌤𑌾𑌵𑍋𑌚𑌥𑌾 𑌏॒𑌤𑌮𑌾 𑌹॒𑌰𑍇𑌤𑌿॒ 𑌤𑌮𑍇᳚𑌭𑍍𑌯𑍋 𑌯॒𑌜𑍍𑌞 𑌏॒𑌵 𑌯॒𑌜𑍍𑌞𑌮𑌾-𑌽𑌹॑𑌰॒𑌦𑍍𑌯-𑌤𑍍𑌤𑌦𑍍𑌵𑌿॒𑌤𑍍𑌤𑌂-𑌵𑍇𑌁𑌦𑍍𑌯॒𑌮𑌸𑍁॑𑌰𑌾𑌣𑌾॒-𑌮𑌵𑌿॑𑌨𑍍𑌦𑌨𑍍𑌤॒ 𑌤𑌦𑍇𑌕𑌂॒-𑌵𑍇𑌁𑌦𑍍𑌯𑍈॑ 𑌵𑍇𑌦𑌿॒𑌤𑍍𑌵-𑌮𑌸𑍁॑𑌰𑌾𑌣𑌾𑌂॒- [-𑌮𑌸𑍁॑𑌰𑌾𑌣𑌾𑌮𑍍, 𑌵𑌾 𑌇॒𑌯𑌮𑌗𑍍𑌰॑] 22

-​𑌵𑌾𑌁 𑌇॒𑌯𑌮𑌗𑍍𑌰॑ 𑌆𑌸𑍀॒-𑌦𑍍𑌯𑌾𑌵॒𑌦𑌾𑌸𑍀॑𑌨𑌃 𑌪𑌰𑌾॒𑌪𑌶𑍍𑌯॑𑌤𑌿॒ 𑌤𑌾𑌵॑-𑌦𑍍𑌦𑍇॒𑌵𑌾𑌨𑌾॒-𑌨𑍍𑌤𑍇 𑌦𑍇॒𑌵𑌾 𑌅॑𑌬𑍍𑌰𑍁𑌵॒𑌨𑍍𑌨𑌸𑍍𑌤𑍍𑌵𑍇॒𑌵 𑌨𑍋॒-𑌽𑌸𑍍𑌯𑌾𑌮𑌪𑍀𑌤𑌿॒ 𑌕𑌿𑌯॑𑌦𑍍𑌵𑍋 𑌦𑌾𑌸𑍍𑌯𑌾𑌮॒ 𑌇𑌤𑌿॒ 𑌯𑌾𑌵॑𑌦𑌿॒𑌯𑌗𑍍​𑌮𑍍 𑌸॑𑌲𑌾𑌵𑍃॒𑌕𑍀 𑌤𑍍𑌰𑌿𑌃 𑌪॑𑌰𑌿॒𑌕𑍍𑌰𑌾𑌮॑𑌤𑌿॒ 𑌤𑌾𑌵॑𑌨𑍍𑌨𑍋 𑌦॒𑌤𑍍𑌤𑍇𑌤𑌿॒ 𑌸 𑌇𑌨𑍍𑌦𑍍𑌰॑-𑌸𑍍𑌸𑌲𑌾𑌵𑍃॒𑌕𑍀 𑌰𑍂॒𑌪-𑌙𑍍𑌕𑍃॒𑌤𑍍𑌵𑍇𑌮𑌾-𑌨𑍍𑌤𑍍𑌰𑌿-𑌸𑍍𑌸॒𑌰𑍍𑌵𑌤𑌃॒ 𑌪𑌰𑍍𑌯॑𑌕𑍍𑌰𑌾𑌮॒-𑌤𑍍𑌤𑌦𑌿॒𑌮𑌾𑌮॑𑌵𑌿𑌨𑍍𑌦𑌨𑍍𑌤॒ 𑌯𑌦𑌿॒𑌮𑌾𑌮𑌵𑌿॑𑌨𑍍𑌦𑌨𑍍𑌤॒ 𑌤-𑌦𑍍𑌵𑍇𑌦𑍍𑌯𑍈॑ 𑌵𑍇𑌦𑌿॒𑌤𑍍𑌵𑌗𑍍​𑌮𑍍 [𑌵𑍇𑌦𑌿॒𑌤𑍍𑌵𑌮𑍍, 𑌸𑌾 𑌵𑌾 𑌇॒𑌯𑌗𑍍​𑌮𑍍] 23

𑌸𑌾 𑌵𑌾 𑌇॒𑌯𑌗𑍍​𑌮𑍍 𑌸𑌰𑍍𑌵𑍈॒𑌵 𑌵𑍇𑌦𑌿॒𑌰𑌿𑌯॑𑌤𑌿 𑌶𑌕𑍍𑌷𑍍𑌯𑌾॒𑌮𑍀𑌤𑌿॒ 𑌤𑍍𑌵𑌾 𑌅॑𑌵॒𑌮𑌾𑌯॑ 𑌯𑌜𑌨𑍍𑌤𑍇 𑌤𑍍𑌰𑌿॒𑌗𑍍​𑌮𑍍॒𑌶-𑌤𑍍𑌪॒𑌦𑌾𑌨𑌿॑ 𑌪॒𑌶𑍍𑌚𑌾-𑌤𑍍𑌤𑌿॒𑌰𑌶𑍍𑌚𑍀॑ 𑌭𑌵𑌤𑌿॒ 𑌷𑌟𑍍𑌤𑍍𑌰𑌿𑌗𑍍​𑌮𑍍॑𑌶॒-𑌤𑍍𑌪𑍍𑌰𑌾𑌚𑍀॒ 𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿𑌃 𑌪𑍁॒𑌰𑌸𑍍𑌤𑌾᳚-𑌤𑍍𑌤𑌿॒𑌰𑌶𑍍𑌚𑍀॒ 𑌦𑌶॑𑌦𑌶॒ 𑌸𑌮𑍍𑌪॑𑌦𑍍𑌯𑌨𑍍𑌤𑍇॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾𑌡𑌨𑍍𑌨𑌂॑-𑌵𑌿𑌁॒𑌰𑌾-𑌡𑍍𑌵𑌿॒𑌰𑌾𑌜𑍈॒𑌵𑌾𑌨𑍍𑌨𑌾𑌦𑍍𑌯॒𑌮𑌵॑ 𑌰𑍁𑌨𑍍𑌧॒ 𑌉𑌦𑍍𑌧॑𑌨𑍍𑌤𑌿॒ 𑌯𑌦𑍇॒𑌵𑌾𑌸𑍍𑌯𑌾॑ 𑌅𑌮𑍇॒𑌦𑍍𑌧𑍍𑌯-𑌨𑍍𑌤𑌦𑌪॑ 𑌹॒𑌨𑍍𑌤𑍍𑌯𑍁𑌦𑍍𑌧॑𑌨𑍍𑌤𑌿॒ 𑌤𑌸𑍍𑌮𑌾॒𑌦𑍋𑌷॑𑌧𑌯𑌃॒ 𑌪𑌰𑌾॑ 𑌭𑌵𑌨𑍍𑌤𑌿 𑌬॒𑌰𑍍॒𑌹𑌿-𑌸𑍍𑌸𑍍𑌤𑍃॑𑌣𑌾𑌤𑌿॒ 𑌤𑌸𑍍𑌮𑌾॒𑌦𑍋𑌷॑𑌧𑌯𑌃॒ 𑌪𑍁𑌨॒𑌰𑌾 𑌭॑𑌵॒𑌨𑍍𑌤𑍍𑌯𑍁𑌤𑍍𑌤॑𑌰-𑌮𑍍𑌬॒𑌰𑍍॒𑌹𑌿𑌷॑ 𑌉𑌤𑍍𑌤𑌰𑌬॒𑌰𑍍॒𑌹𑌿-𑌸𑍍𑌸𑍍𑌤𑍃॑𑌣𑌾𑌤𑌿 𑌪𑍍𑌰॒𑌜𑌾 𑌵𑍈 𑌬॒𑌰𑍍॒𑌹𑌿𑌰𑍍𑌯𑌜॑𑌮𑌾𑌨 𑌉𑌤𑍍𑌤𑌰 𑌬॒𑌰𑍍॒𑌹𑌿 𑌰𑍍𑌯𑌜॑𑌮𑌾𑌨-𑌮𑍇॒𑌵𑌾-𑌯॑𑌜𑌮𑌾𑌨𑌾॒𑌦𑍁𑌤𑍍𑌤॑𑌰-𑌙𑍍𑌕𑌰𑍋𑌤𑌿॒ 𑌤𑌸𑍍𑌮𑌾॒-𑌦𑍍𑌯𑌜॑𑌮𑌾॒𑌨𑍋 𑌽𑌯॑𑌜𑌮𑌾𑌨𑌾॒𑌦𑍁𑌤𑍍𑌤॑𑌰𑌃 ॥ 24 ॥
(𑌰𑍁॒𑌨𑍍𑌧𑍇॒ – 𑌵𑌾॒𑌮॒𑌮𑍋॒𑌷𑍋 – 𑌵𑍇॑𑌦𑌿॒𑌤𑍍𑌵𑌮𑌸𑍁॑𑌰𑌾𑌣𑌾𑌂 – ​𑌵𑍇𑌁𑌦𑌿॒𑌤𑍍𑌵𑌂 – 𑌭॑𑌵𑌨𑍍𑌤𑌿॒ – 𑌪𑌞𑍍𑌚॑𑌵𑌿𑌗𑍍​𑌮𑍍𑌶𑌤𑌿𑌶𑍍𑌚) (𑌅. 4)

𑌯𑌦𑍍𑌵𑌾 𑌅𑌨𑍀॑𑌶𑌾𑌨𑍋 𑌭𑌾॒𑌰𑌮𑌾॑𑌦॒𑌤𑍍𑌤𑍇 𑌵𑌿 𑌵𑍈 𑌸 𑌲𑌿॑𑌶𑌤𑍇॒ 𑌯-𑌦𑍍𑌦𑍍𑌵𑌾𑌦॑𑌶 𑌸𑌾॒𑌹𑍍𑌨𑌸𑍍𑌯𑍋॑𑌪॒𑌸𑌦॒-𑌸𑍍𑌸𑍍𑌯𑍁𑌸𑍍𑌤𑌿॒𑌸𑍍𑌤𑍍𑌰𑍋॑-𑌽𑌹𑍀𑌨॑𑌸𑍍𑌯 𑌯॒𑌜𑍍𑌞𑌸𑍍𑌯॒ 𑌵𑌿𑌲𑍋॑𑌮 𑌕𑍍𑌰𑌿𑌯𑍇𑌤 𑌤𑌿॒𑌸𑍍𑌰 𑌏॒𑌵 𑌸𑌾॒𑌹𑍍𑌨𑌸𑍍𑌯𑍋॑𑌪॒𑌸𑌦𑍋॒ 𑌦𑍍𑌵𑌾𑌦॑𑌶𑌾॒𑌹𑍀𑌨॑𑌸𑍍𑌯 𑌯॒𑌜𑍍𑌞𑌸𑍍𑌯॑ 𑌸𑌵𑍀𑌰𑍍𑌯॒𑌤𑍍𑌵𑌾𑌯𑌾𑌥𑍋॒ 𑌸𑌲𑍋॑𑌮 𑌕𑍍𑌰𑌿𑌯𑌤𑍇 𑌵॒𑌥𑍍𑌸𑌸𑍍𑌯𑍈𑌕॒-𑌸𑍍𑌸𑍍𑌤𑌨𑍋॑ 𑌭𑌾॒𑌗𑍀 𑌹𑌿 𑌸𑍋-𑌽𑌥𑍈𑌕॒𑌗𑍍𑌗𑍍॒ 𑌸𑍍𑌤𑌨𑌂॑-𑌵𑍍𑌰𑌁॒𑌤𑌮𑍁𑌪𑍈॒𑌤𑍍𑌯𑌥॒ 𑌦𑍍𑌵𑌾𑌵𑌥॒ 𑌤𑍍𑌰𑍀𑌨𑌥॑ 𑌚॒𑌤𑍁𑌰॑ 𑌏॒𑌤𑌦𑍍𑌵𑍈 [ ] 25

𑌕𑍍𑌷𑍁॒𑌰𑌪॑𑌵𑌿॒ 𑌨𑌾𑌮॑ 𑌵𑍍𑌰॒𑌤𑌂-𑌯𑍇𑌁𑌨॒ 𑌪𑍍𑌰 𑌜𑌾॒𑌤𑌾-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌾-𑌨𑍍𑌨𑍁॒𑌦𑌤𑍇॒ 𑌪𑍍𑌰𑌤𑌿॑ 𑌜𑌨𑌿॒𑌷𑍍𑌯𑌮𑌾॑𑌣𑌾॒𑌨𑌥𑍋॒ 𑌕𑌨𑍀॑𑌯𑌸𑍈॒𑌵 𑌭𑍂𑌯॒ 𑌉𑌪𑍈॑𑌤𑌿 𑌚॒𑌤𑍁𑌰𑍋-𑌽𑌗𑍍𑌰𑍇॒ 𑌸𑍍𑌤𑌨𑌾᳚𑌨𑍍 𑌵𑍍𑌰॒𑌤𑌮𑍁𑌪𑍈॒𑌤𑍍𑌯𑌥॒ 𑌤𑍍𑌰𑍀𑌨𑌥॒ 𑌦𑍍𑌵𑌾𑌵𑌥𑍈𑌕॑𑌮𑍇॒𑌤𑌦𑍍𑌵𑍈 𑌸𑍁॑𑌜𑌘॒𑌨-𑌨𑍍𑌨𑌾𑌮॑ 𑌵𑍍𑌰॒𑌤-𑌨𑍍𑌤॑𑌪॒𑌸𑍍𑌯𑌗𑍍​𑌮𑍍॑ 𑌸𑍁𑌵॒𑌰𑍍𑌗𑍍𑌯॑𑌮𑌥𑍋॒ 𑌪𑍍𑌰𑍈𑌵 𑌜𑌾॑𑌯𑌤𑍇 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑𑌰𑍍𑌯𑌵𑌾॒𑌗𑍂 𑌰𑌾॑𑌜॒𑌨𑍍𑌯॑𑌸𑍍𑌯 𑌵𑍍𑌰॒𑌤-𑌙𑍍𑌕𑍍𑌰𑍂॒𑌰𑍇𑌵॒ 𑌵𑍈 𑌯॑𑌵𑌾॒𑌗𑍂𑌃 𑌕𑍍𑌰𑍂॒𑌰 𑌇॑𑌵 [𑌕𑍍𑌰𑍂॒𑌰 𑌇॑𑌵, 𑌰𑌾॒𑌜॒𑌨𑍍𑌯𑍋॑ 𑌵𑌜𑍍𑌰॑𑌸𑍍𑌯] 26

𑌰𑌾𑌜॒𑌨𑍍𑌯𑍋॑ 𑌵𑌜𑍍𑌰॑𑌸𑍍𑌯 𑌰𑍂॒𑌪𑌗𑍍​𑌮𑍍 𑌸𑌮𑍃॑𑌦𑍍𑌧𑍍𑌯𑌾 𑌆॒𑌮𑌿𑌕𑍍𑌷𑌾॒ 𑌵𑍈𑌶𑍍𑌯॑𑌸𑍍𑌯 𑌪𑌾𑌕𑌯॒𑌜𑍍𑌞𑌸𑍍𑌯॑ 𑌰𑍂॒𑌪-𑌮𑍍𑌪𑍁𑌷𑍍𑌟𑍍𑌯𑍈॒ 𑌪𑌯𑍋᳚ 𑌬𑍍𑌰𑌾𑌹𑍍𑌮॒𑌣𑌸𑍍𑌯॒ 𑌤𑍇𑌜𑍋॒ 𑌵𑍈 𑌬𑍍𑌰𑌾᳚𑌹𑍍𑌮॒𑌣𑌸𑍍𑌤𑍇𑌜𑌃॒ 𑌪𑌯॒𑌸𑍍𑌤𑍇𑌜॑𑌸𑍈॒𑌵 𑌤𑍇𑌜𑌃॒ 𑌪𑌯॑ 𑌆॒𑌤𑍍𑌮-𑌨𑍍𑌧॒𑌤𑍍𑌤𑍇 𑌽𑌥𑍋॒ 𑌪𑌯॑𑌸𑌾॒ 𑌵𑍈 𑌗𑌰𑍍𑌭𑌾॑ 𑌵𑌰𑍍𑌧𑌨𑍍𑌤𑍇॒ 𑌗𑌰𑍍𑌭॑ 𑌇𑌵॒ 𑌖𑌲𑍁॒ 𑌵𑌾 𑌏॒𑌷 𑌯-𑌦𑍍𑌦𑍀᳚𑌕𑍍𑌷𑌿॒𑌤𑍋 𑌯𑌦॑𑌸𑍍𑌯॒ 𑌪𑌯𑍋᳚ 𑌵𑍍𑌰॒𑌤-𑌮𑍍𑌭𑌵॑𑌤𑍍𑌯𑌾॒𑌤𑍍𑌮𑌾𑌨॑𑌮𑍇॒𑌵 𑌤-𑌦𑍍𑌵॑𑌰𑍍𑌧𑌯𑌤𑌿॒ 𑌤𑍍𑌰𑌿𑌵𑍍𑌰॑𑌤𑍋॒ 𑌵𑍈 𑌮𑌨𑍁॑𑌰𑌾𑌸𑍀॒-𑌦𑍍𑌦𑍍𑌵𑌿𑌵𑍍𑌰॑𑌤𑌾॒ 𑌅𑌸𑍁॑𑌰𑌾॒ 𑌏𑌕॑𑌵𑍍𑌰𑌤𑌾 [𑌏𑌕॑𑌵𑍍𑌰𑌤𑌾𑌃, 𑌦𑍇॒𑌵𑌾𑌃 𑌪𑍍𑌰𑌾॒𑌤𑌰𑍍𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇] 2𑍭

𑌦𑍇॒𑌵𑌾𑌃 𑌪𑍍𑌰𑌾॒𑌤𑌰𑍍𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇 𑌸𑌾॒𑌯-𑌨𑍍𑌤-𑌨𑍍𑌮𑌨𑍋᳚𑌰𑍍𑌵𑍍𑌰॒𑌤𑌮𑌾॑𑌸𑍀-𑌤𑍍𑌪𑌾𑌕𑌯॒𑌜𑍍𑌞𑌸𑍍𑌯॑ 𑌰𑍂॒𑌪-𑌮𑍍𑌪𑍁𑌷𑍍𑌟𑍍𑌯𑍈᳚ 𑌪𑍍𑌰𑌾॒𑌤𑌶𑍍𑌚॑ 𑌸𑌾॒𑌯-𑌞𑍍𑌚𑌾𑌸𑍁॑𑌰𑌾𑌣𑌾-𑌨𑍍𑌨𑌿𑌰𑍍𑌮॒𑌦𑍍𑌧𑍍𑌯-𑌙𑍍𑌕𑍍𑌷𑍁॒𑌧𑍋 𑌰𑍂॒𑌪-𑌨𑍍𑌤𑌤॒𑌸𑍍𑌤𑍇 𑌪𑌰𑌾॑-𑌽𑌭𑌵-𑌨𑍍𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇 𑌮𑌦𑍍𑌧𑍍𑌯𑌰𑌾॒𑌤𑍍𑌰𑍇 𑌦𑍇॒𑌵𑌾𑌨𑌾॒-𑌨𑍍𑌤𑌤॒𑌸𑍍𑌤𑍇॑-𑌽𑌭𑌵𑌨𑍍-𑌥𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒𑌨𑍍॒. 𑌯𑌦॑𑌸𑍍𑌯 𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇 𑌮𑌦𑍍𑌧𑍍𑌯𑌰𑌾॒𑌤𑍍𑌰𑍇 𑌵𑍍𑌰॒𑌤-𑌮𑍍𑌭𑌵॑𑌤𑌿 𑌮𑌦𑍍𑌧𑍍𑌯॒𑌤𑍋 𑌵𑌾 𑌅𑌨𑍍𑌨𑍇॑𑌨 𑌭𑍁𑌞𑍍𑌜𑌤𑍇 𑌮𑌦𑍍𑌧𑍍𑌯॒𑌤 𑌏॒𑌵 𑌤𑌦𑍂𑌰𑍍𑌜॑-𑌨𑍍𑌧𑌤𑍍𑌤𑍇॒ 𑌭𑍍𑌰𑌾𑌤𑍃॑𑌵𑍍𑌯𑌾𑌭𑌿𑌭𑍂𑌤𑍍𑌯𑍈॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ [𑌭𑌵॑𑌤𑍍𑌯𑌾॒𑌤𑍍𑌮𑌨𑌾᳚, 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋] 2𑍮

𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿॒ 𑌗𑌰𑍍𑌭𑍋॒ 𑌵𑌾 𑌏॒𑌷 𑌯-𑌦𑍍𑌦𑍀᳚𑌕𑍍𑌷𑌿॒𑌤𑍋 𑌯𑍋𑌨𑌿॑ 𑌰𑍍𑌦𑍀𑌕𑍍𑌷𑌿𑌤𑌵𑌿𑌮𑌿॒𑌤𑌂-𑌯𑌁-𑌦𑍍𑌦𑍀᳚𑌕𑍍𑌷𑌿॒𑌤𑍋 𑌦𑍀᳚𑌕𑍍𑌷𑌿𑌤𑌵𑌿𑌮𑌿॒𑌤𑌾-𑌤𑍍𑌪𑍍𑌰॒𑌵𑌸𑍇॒-𑌦𑍍𑌯𑌥𑌾॒ 𑌯𑍋𑌨𑍇॒𑌰𑍍𑌗𑌰𑍍𑌭॒-𑌸𑍍𑌸𑍍𑌕𑌨𑍍𑌦॑𑌤𑌿 𑌤𑌾॒𑌦𑍃𑌗𑍇॒𑌵 𑌤𑌨𑍍𑌨 𑌪𑍍𑌰॑𑌵𑌸𑍍𑌤॒𑌵𑍍𑌯॑𑌮𑌾॒𑌤𑍍𑌮𑌨𑍋॑ 𑌗𑍋𑌪𑍀॒𑌥𑌾𑌯𑍈॒𑌷 𑌵𑍈 𑌵𑍍𑌯𑌾॒𑌘𑍍𑌰𑌃 𑌕𑍁॑𑌲𑌗𑍋॒𑌪𑍋 𑌯𑌦॒𑌗𑍍𑌨𑌿𑌸𑍍𑌤𑌸𑍍𑌮𑌾॒-𑌦𑍍𑌯-𑌦𑍍𑌦𑍀᳚𑌕𑍍𑌷𑌿॒𑌤𑌃 𑌪𑍍𑌰॒𑌵𑌸𑍇॒-𑌥𑍍𑌸 𑌏॑𑌨𑌮𑍀𑌶𑍍𑌵॒𑌰𑍋॑-𑌽𑌨𑍂॒𑌤𑍍𑌥𑌾𑌯॒ 𑌹𑌨𑍍𑌤𑍋॒𑌰𑍍𑌨 𑌪𑍍𑌰॑𑌵𑌸𑍍𑌤॒𑌵𑍍𑌯॑𑌮𑌾॒𑌤𑍍𑌮𑌨𑍋॒ 𑌗𑍁𑌪𑍍𑌤𑍍𑌯𑍈॑ 𑌦𑌕𑍍𑌷𑌿𑌣॒𑌤-𑌶𑍍𑌶॑𑌯 𑌏॒𑌤𑌦𑍍𑌵𑍈 𑌯𑌜॑𑌮𑌾𑌨𑌸𑍍𑌯𑌾॒ 𑌽𑌽𑌯𑌤॑𑌨॒𑌗𑍍𑌗𑍍॒𑌸𑍍𑌵 𑌏॒𑌵𑌾-𑌽𑌽𑌯𑌤॑𑌨𑍇 𑌶𑌯𑍇॒ 𑌽𑌗𑍍𑌨𑌿𑌮॑𑌭𑍍𑌯𑌾॒𑌵𑍃𑌤𑍍𑌯॑ 𑌶𑌯𑍇 𑌦𑍇॒𑌵𑌤𑌾॑ 𑌏॒𑌵 𑌯॒𑌜𑍍𑌞𑌮॑𑌭𑍍𑌯𑌾॒𑌵𑍃𑌤𑍍𑌯॑ 𑌶𑌯𑍇 ॥ 2𑍯 ॥
(𑌏॒𑌤𑌦𑍍𑌵𑍈-𑌕𑍍𑌰𑍂॒𑌰 𑌇॒𑌵𑍈-𑌕॑𑌵𑍍𑌰𑌤𑌾-𑌆॒𑌤𑍍𑌮𑌨𑌾॒-𑌯𑌜॑𑌮𑌾𑌨𑌸𑍍𑌯॒-𑌤𑍍𑌰𑌯𑍋॑𑌦𑌶 𑌚) (𑌅. 5)

𑌪𑍁॒𑌰𑍋𑌹॑𑌵𑌿𑌷𑌿 𑌦𑍇𑌵॒𑌯𑌜॑𑌨𑍇 𑌯𑌾𑌜𑌯𑍇॒𑌦𑍍𑌯-𑌙𑍍𑌕𑌾॒𑌮𑌯𑍇॒𑌤𑍋𑌪𑍈॑𑌨॒𑌮𑍁𑌤𑍍𑌤॑𑌰𑍋 𑌯॒𑌜𑍍𑌞𑍋 𑌨॑𑌮𑍇𑌦॒𑌭𑌿 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌞𑍍𑌜॑𑌯𑍇॒𑌦𑌿𑌤𑍍𑌯𑍇॒𑌤𑌦𑍍𑌵𑍈 𑌪𑍁॒𑌰𑍋𑌹॑𑌵𑌿𑌰𑍍𑌦𑍇𑌵॒𑌯𑌜॑𑌨𑌂॒-𑌯𑌁𑌸𑍍𑌯॒ 𑌹𑍋𑌤𑌾᳚ 𑌪𑍍𑌰𑌾𑌤𑌰𑌨𑍁𑌵𑌾॒𑌕 -𑌮॑𑌨𑍁𑌬𑍍𑌰𑍁॒𑌵-𑌨𑍍𑌨॒𑌗𑍍𑌨𑌿𑌮॒𑌪 𑌆॑𑌦𑌿॒𑌤𑍍𑌯𑌮॒𑌭𑌿 𑌵𑌿॒𑌪𑌶𑍍𑌯॒𑌤𑍍𑌯𑍁𑌪𑍈॑𑌨॒𑌮𑍁𑌤𑍍𑌤॑𑌰𑍋 𑌯॒𑌜𑍍𑌞𑍋 𑌨॑𑌮𑌤𑍍𑌯॒𑌭𑌿 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌞𑍍𑌜॑𑌯𑌤𑍍𑌯𑌾॒𑌪𑍍𑌤𑍇 𑌦𑍇॑𑌵॒𑌯𑌜॑𑌨𑍇 𑌯𑌾𑌜𑌯𑍇॒–𑌦𑍍𑌭𑍍𑌰𑌾𑌤𑍃॑𑌵𑍍𑌯𑌵𑌨𑍍𑌤॒-𑌮𑍍𑌪𑌨𑍍𑌥𑌾𑌂᳚-𑌵𑌾𑌁-𑌽𑌧𑌿𑌸𑍍𑌪॒𑌰𑍍॒𑌶𑌯𑍇᳚-𑌤𑍍𑌕॒𑌰𑍍𑌤𑌂-𑌵𑌾𑌁॒ 𑌯𑌾𑌵॒𑌨𑍍𑌨𑌾𑌨॑𑌸𑍇॒ 𑌯𑌾𑌤॒𑌵𑍈 [ ] 30

𑌨 𑌰𑌥𑌾॑𑌯𑍈॒𑌤𑌦𑍍𑌵𑌾 𑌆॒𑌪𑍍𑌤-𑌨𑍍𑌦𑍇॑𑌵॒𑌯𑌜॑𑌨𑌮𑌾॒𑌪𑍍𑌨𑍋𑌤𑍍𑌯𑍇॒𑌵 𑌭𑍍𑌰𑌾𑌤𑍃॑𑌵𑍍𑌯॒-𑌨𑍍𑌨𑍈𑌨॒-𑌮𑍍𑌭𑍍𑌰𑌾𑌤𑍃॑𑌵𑍍𑌯 𑌆𑌪𑍍𑌨𑍋॒𑌤𑍍𑌯𑍇𑌕𑍋᳚𑌨𑍍𑌨𑌤𑍇 𑌦𑍇𑌵॒𑌯॑𑌜𑌨𑍇 𑌯𑌾𑌜𑌯𑍇-𑌤𑍍𑌪॒𑌶𑍁𑌕𑌾॑𑌮॒-𑌮𑍇𑌕𑍋᳚𑌨𑍍𑌨𑌤𑌾॒𑌦𑍍𑌵𑍈 𑌦𑍇॑𑌵॒𑌯𑌜॑𑌨𑌾॒𑌦𑌙𑍍𑌗𑌿॑𑌰𑌸𑌃 𑌪॒𑌶𑍂𑌨॑𑌸𑍃𑌜𑌨𑍍𑌤𑌾𑌨𑍍𑌤॒𑌰𑌾 𑌸॑𑌦𑍋𑌹𑌵𑌿𑌰𑍍𑌧𑌾॒𑌨𑍇 𑌉॑𑌨𑍍𑌨॒𑌤𑌗𑍍𑌗𑍍​ 𑌸𑍍𑌯𑌾॑𑌦𑍇॒𑌤𑌦𑍍𑌵𑌾 𑌏𑌕𑍋᳚𑌨𑍍𑌨𑌤-𑌨𑍍𑌦𑍇𑌵॒𑌯𑌜॑𑌨-𑌮𑍍𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿॒ 𑌤𑍍𑌰𑍍𑌯𑍁॑𑌨𑍍𑌨𑌤𑍇 𑌦𑍇𑌵॒𑌯𑌜॑𑌨𑍇 𑌯𑌾𑌜𑌯𑍇-𑌥𑍍𑌸𑍁𑌵॒𑌰𑍍𑌗𑌕𑌾॑𑌮॒-𑌨𑍍𑌤𑍍𑌰𑍍𑌯𑍁॑𑌨𑍍𑌨𑌤𑌾॒𑌦𑍍𑌵𑍈 𑌦𑍇॑𑌵॒𑌯𑌜॑𑌨𑌾॒𑌦𑌙𑍍𑌗𑌿॑𑌰𑌸-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯-𑌨𑍍𑌨𑌨𑍍𑌤॒𑌰𑌾 𑌽𑌽𑌹॑𑌵॒𑌨𑍀𑌯॑-𑌞𑍍𑌚 𑌹𑌵𑌿॒𑌰𑍍𑌧𑌾𑌨॑-𑌞𑍍𑌚𑍋- [𑌹𑌵𑌿॒𑌰𑍍𑌧𑌾𑌨॑-𑌞𑍍𑌚, 𑌉॒𑌨𑍍𑌨॒𑌤𑌗𑍍𑌗𑍍​ 𑌸𑍍𑌯𑌾॑𑌦𑌨𑍍𑌤॒𑌰𑌾] 31

-𑌨𑍍𑌨॒𑌤𑌗𑍍𑌗𑍍​ 𑌸𑍍𑌯𑌾॑𑌦𑌨𑍍𑌤॒𑌰𑌾 𑌹॑𑌵𑌿॒𑌰𑍍𑌧𑌾𑌨॑-𑌞𑍍𑌚॒ 𑌸𑌦॑𑌶𑍍𑌚𑌾𑌨𑍍𑌤॒𑌰𑌾 𑌸𑌦॑𑌶𑍍𑌚॒ 𑌗𑌾𑌰𑍍​𑌹॑𑌪𑌤𑍍𑌯-𑌞𑍍𑌚𑍈॒𑌤𑌦𑍍𑌵𑍈 𑌤𑍍𑌰𑍍𑌯𑍁॑𑌨𑍍𑌨𑌤-𑌨𑍍𑌦𑍇𑌵॒𑌯𑌜॑𑌨𑌗𑍍​𑌮𑍍 𑌸𑍁𑌵॒𑌰𑍍𑌗𑌮𑍇॒𑌵 𑌲𑍋॒𑌕𑌮𑍇॑𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍇 𑌦𑍇𑌵॒𑌯𑌜॑𑌨𑍇 𑌯𑌾𑌜𑌯𑍇-𑌤𑍍𑌪𑍍𑌰𑌤𑌿॒𑌷𑍍𑌠𑌾𑌕𑌾॑𑌮𑌮𑍇॒𑌤𑌦𑍍𑌵𑍈 𑌪𑍍𑌰𑌤𑌿॑𑌷𑍍𑌠𑌿𑌤-𑌨𑍍𑌦𑍇𑌵॒𑌯𑌜॑𑌨𑌂॒-𑌯𑌁-𑌥𑍍𑌸॒𑌰𑍍𑌵𑌤॑-𑌸𑍍𑌸॒𑌮-𑌮𑍍𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿॒ 𑌯𑌤𑍍𑌰𑌾॒𑌨𑍍𑌯𑌾 𑌅॑𑌨𑍍𑌯𑌾॒ 𑌓𑌷॑𑌧𑌯𑍋॒ 𑌵𑍍𑌯𑌤𑌿॑𑌷𑌕𑍍𑌤𑌾॒-𑌸𑍍𑌸𑍍𑌯𑍁𑌸𑍍𑌤-𑌦𑍍𑌯𑌾॑𑌜𑌯𑍇-𑌤𑍍𑌪॒𑌶𑍁𑌕𑌾॑𑌮𑌮𑍇॒𑌤𑌦𑍍𑌵𑍈 𑌪॑𑌶𑍂॒𑌨𑌾𑌗𑍍​𑌮𑍍 𑌰𑍂॒𑌪𑌗𑍍​𑌮𑍍 𑌰𑍂॒𑌪𑍇𑌣𑍈॒𑌵𑌾𑌸𑍍𑌮𑍈॑ 𑌪॒𑌶𑍂- [𑌪॒𑌶𑍂𑌨𑍍, 𑌅𑌵॑ 𑌰𑍁𑌨𑍍𑌧𑍇] 32

-𑌨𑌵॑ 𑌰𑍁𑌨𑍍𑌧𑍇 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿॒ 𑌨𑌿𑌰𑍍-𑌋॑𑌤𑌿𑌗𑍃𑌹𑍀𑌤𑍇 𑌦𑍇𑌵॒𑌯𑌜॑𑌨𑍇 𑌯𑌾𑌜𑌯𑍇॒𑌦𑍍𑌯-𑌙𑍍𑌕𑌾॒𑌮𑌯𑍇॑𑌤॒ 𑌨𑌿𑌰𑍍-𑌋॑𑌤𑍍𑌯𑌾𑌸𑍍𑌯 𑌯॒𑌜𑍍𑌞-𑌙𑍍𑌗𑍍𑌰𑌾॑𑌹𑌯𑍇𑌯॒𑌮𑌿𑌤𑍍𑌯𑍇॒𑌤𑌦𑍍𑌵𑍈 𑌨𑌿𑌰𑍍-𑌋॑𑌤𑌿𑌗𑍃𑌹𑍀𑌤-𑌨𑍍𑌦𑍇𑌵॒𑌯𑌜॑𑌨𑌂॒-𑌯𑌁-𑌥𑍍𑌸॒𑌦𑍃𑌶𑍍𑌯𑍈॑ 𑌸॒𑌤𑍍𑌯𑌾॑ 𑌋॒𑌕𑍍𑌷-𑌨𑍍𑌨𑌿𑌰𑍍-𑌋॑𑌤𑍍𑌯𑍈॒𑌵𑌾𑌸𑍍𑌯॑ 𑌯॒𑌜𑍍𑌞-𑌙𑍍𑌗𑍍𑌰𑌾॑𑌹𑌯𑌤𑌿॒ 𑌵𑍍𑌯𑌾𑌵𑍃॑𑌤𑍍𑌤𑍇 𑌦𑍇𑌵॒𑌯𑌜॑𑌨𑍇 𑌯𑌾𑌜𑌯𑍇-𑌦𑍍𑌵𑍍𑌯𑌾॒𑌵𑍃𑌤𑍍𑌕𑌾॑𑌮𑌂॒-𑌯𑌁-𑌮𑍍𑌪𑌾𑌤𑍍𑌰𑍇॑ 𑌵𑌾॒ 𑌤𑌲𑍍𑌪𑍇॑ 𑌵𑌾॒ 𑌮𑍀𑌮𑌾𑌗𑍍​𑌮𑍍॑𑌸𑍇𑌰-𑌨𑍍𑌪𑍍𑌰𑌾॒𑌚𑍀𑌨॑𑌮𑌾𑌹𑌵॒𑌨𑍀𑌯𑌾᳚-𑌤𑍍𑌪𑍍𑌰𑌵॒𑌣𑌗𑍍𑌗𑍍​ 𑌸𑍍𑌯𑌾᳚-𑌤𑍍𑌪𑍍𑌰𑌤𑍀॒𑌚𑍀𑌨॒-𑌙𑍍𑌗𑌾𑌰𑍍​𑌹॑𑌪𑌤𑍍𑌯𑌾𑌦𑍇॒𑌤𑌦𑍍𑌵𑍈 𑌵𑍍𑌯𑌾𑌵𑍃॑𑌤𑍍𑌤-𑌨𑍍𑌦𑍇𑌵॒𑌯𑌜॑𑌨𑌂॒-𑌵𑌿𑌁 𑌪𑌾॒𑌪𑍍𑌮𑌨𑌾॒ 𑌭𑍍𑌰𑌾𑌤𑍃॑𑌵𑍍𑌯𑍇॒𑌣𑌾- 𑌽𑌽𑌵॑𑌰𑍍𑌤𑌤𑍇॒ 𑌨𑍈𑌨॒-𑌮𑍍𑌪𑌾𑌤𑍍𑌰𑍇॒ 𑌨 𑌤𑌲𑍍𑌪𑍇॑ 𑌮𑍀𑌮𑌾𑌗𑍍​𑌮𑍍 𑌸𑌨𑍍𑌤𑍇 𑌕𑌾॒𑌰𑍍𑌯𑍇॑ 𑌦𑍇𑌵॒𑌯𑌜॑𑌨𑍇 𑌯𑌾𑌜𑌯𑍇॒-𑌦𑍍𑌭𑍂𑌤𑌿॑𑌕𑌾𑌮-𑌙𑍍𑌕𑌾॒𑌯𑌾॑ 𑌵𑍈 𑌪𑍁𑌰𑍁॑𑌷𑍋॒ 𑌭𑌵॑𑌤𑍍𑌯𑍇॒𑌵 ॥ 33 ॥
(𑌯𑌾𑌤॒𑌵𑍈 – 𑌹॑𑌵𑌿॒𑌰𑍍𑌧𑌾𑌨॑-𑌞𑍍𑌚 – 𑌪॒𑌶𑍂𑌨𑍍 – 𑌪𑌾॒𑌪𑍍𑌮𑌨𑌾॒ – 𑌽𑌷𑍍𑌟𑌾𑌦॑𑌶 𑌚) (𑌅. 6)

𑌤𑍇𑌭𑍍𑌯॑ 𑌉𑌤𑍍𑌤𑌰𑌵𑍇॒𑌦𑌿-𑌸𑍍𑌸𑌿॒𑌗𑍍​𑌮𑍍॒𑌹𑍀 𑌰𑍂॒𑌪-𑌙𑍍𑌕𑍃॒𑌤𑍍𑌵𑍋𑌭𑌯𑌾॑-𑌨𑌨𑍍𑌤॒𑌰𑌾-𑌽𑌪॒𑌕𑍍𑌰𑌮𑍍𑌯𑌾॑𑌤𑌿𑌷𑍍𑌠॒-𑌤𑍍𑌤𑍇 𑌦𑍇॒𑌵𑌾 𑌅॑𑌮𑌨𑍍𑌯𑌨𑍍𑌤 𑌯𑌤॒𑌰𑌾𑌨𑍍. 𑌵𑌾 𑌇॒𑌯𑌮𑍁॑𑌪𑌾𑌵॒𑌰𑍍𑌥𑍍𑌸𑍍𑌯𑌤𑌿॒ 𑌤 𑌇॒𑌦-𑌮𑍍𑌭॑𑌵𑌿𑌷𑍍𑌯॒𑌨𑍍𑌤𑍀𑌤𑌿॒ 𑌤𑌾𑌮𑍁𑌪𑌾॑𑌮𑌨𑍍𑌤𑍍𑌰𑌯𑌨𑍍𑌤॒ 𑌸𑌾-𑌽𑌬𑍍𑌰॑𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑍈॒ 𑌸𑌰𑍍𑌵𑌾॒-𑌨𑍍𑌮𑌯𑌾॒ 𑌕𑌾𑌮𑌾॒𑌨𑍍 𑌵𑍍𑌯॑𑌶𑍍𑌞𑌵𑌥॒ 𑌪𑍂𑌰𑍍𑌵𑌾॒-𑌨𑍍𑌤𑍁 𑌮𑌾॒-𑌽𑌗𑍍𑌨𑍇𑌰𑌾𑌹𑍁॑𑌤𑌿𑌰𑌶𑍍𑌞𑌵𑌤𑌾॒ 𑌇𑌤𑌿॒ 𑌤𑌸𑍍𑌮𑌾॑𑌦𑍁𑌤𑍍𑌤𑌰𑌵𑍇॒𑌦𑌿-𑌮𑍍𑌪𑍂𑌰𑍍𑌵𑌾॑𑌮॒𑌗𑍍𑌨𑍇- 𑌰𑍍𑌵𑍍𑌯𑌾𑌘𑌾॑𑌰𑌯𑌨𑍍𑌤𑌿॒ 𑌵𑌾𑌰𑍇॑𑌵𑍃𑌤॒𑌗𑍍𑌗𑍍॒ 𑌹𑍍𑌯॑𑌸𑍍𑌯𑍈॒ 𑌶𑌮𑍍𑌯॑𑌯𑌾॒ 𑌪𑌰𑌿॑ 𑌮𑌿𑌮𑍀𑌤𑍇॒ [𑌮𑌿𑌮𑍀𑌤𑍇, 𑌮𑌾𑌤𑍍𑌰𑍈॒𑌵𑌾-𑌽𑌸𑍍𑌯𑍈॒] 34

𑌮𑌾𑌤𑍍𑌰𑍈॒𑌵𑌾-𑌽𑌸𑍍𑌯𑍈॒ 𑌸𑌾𑌥𑍋॑ 𑌯𑍁॒𑌕𑍍𑌤𑍇𑌨𑍈॒𑌵 𑌯𑍁॒𑌕𑍍𑌤𑌮𑌵॑ 𑌰𑍁𑌨𑍍𑌧𑍇 𑌵𑌿॒𑌤𑍍𑌤𑌾𑌯॑𑌨𑍀 𑌮𑍇॒-𑌽𑌸𑍀𑌤𑍍𑌯𑌾॑𑌹 𑌵𑌿॒𑌤𑍍𑌤𑌾 𑌹𑍍𑌯𑍇॑𑌨𑌾॒𑌨𑌾𑌵॑-𑌤𑍍𑌤𑌿॒𑌕𑍍𑌤𑌾𑌯॑𑌨𑍀 𑌮𑍇॒-𑌽𑌸𑍀𑌤𑍍𑌯𑌾॑𑌹 𑌤𑌿॒𑌕𑍍𑌤𑌾𑌨𑍍. 𑌹𑍍𑌯𑍇॑𑌨𑌾॒𑌨𑌾𑌵॒𑌦𑌵॑𑌤𑌾𑌨𑍍𑌮𑌾 𑌨𑌾𑌥𑌿॒𑌤𑌮𑌿𑌤𑍍𑌯𑌾॑𑌹 𑌨𑌾𑌥𑌿॒𑌤𑌾𑌨𑍍. 𑌹𑍍𑌯𑍇॑𑌨𑌾॒𑌨𑌾𑌵॒𑌦𑌵॑𑌤𑌾𑌨𑍍𑌮𑌾 𑌵𑍍𑌯𑌥𑌿॒𑌤𑌮𑌿𑌤𑍍𑌯𑌾॑𑌹 𑌵𑍍𑌯𑌥𑌿॒𑌤𑌾𑌨𑍍. 𑌹𑍍𑌯𑍇॑𑌨𑌾॒𑌨𑌾𑌵॑-𑌦𑍍𑌵𑌿॒𑌦𑍇-𑌰॒𑌗𑍍𑌨𑌿-𑌰𑍍𑌨𑌭𑍋॒ 𑌨𑌾𑌮𑌾- [-𑌰𑍍𑌨𑌭𑍋॒ 𑌨𑌾𑌮𑌾॑, 𑌅𑌗𑍍𑌨𑍇॑ 𑌅𑌙𑍍𑌗𑌿𑌰॒ 𑌇𑌤𑌿॒] 35

-𑌽𑌗𑍍𑌨𑍇॑ 𑌅𑌙𑍍𑌗𑌿𑌰॒ 𑌇𑌤𑌿॒ 𑌤𑍍𑌰𑌿𑌰𑍍​𑌹॑𑌰𑌤𑌿॒ 𑌯 𑌏॒𑌵𑍈𑌷𑍁 𑌲𑍋॒𑌕𑍇𑌷𑍍𑌵॒𑌗𑍍𑌨𑌯॒-𑌸𑍍𑌤𑌾𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌤𑍂॒𑌷𑍍𑌣𑍀-𑌞𑍍𑌚॑𑌤𑍁॒𑌰𑍍𑌥𑌗𑍍​𑌮𑍍 𑌹॑𑌰॒𑌤𑍍𑌯𑌨𑌿॑-𑌰𑍁𑌕𑍍𑌤𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌸𑌿॒𑌗𑍍​𑌮𑍍॒𑌹𑍀𑌰॑𑌸𑌿 𑌮𑌹𑌿॒𑌷𑍀𑌰॒𑌸𑍀𑌤𑍍𑌯𑌾॑𑌹 𑌸𑌿॒𑌗𑍍​𑌮𑍍॒𑌹𑍀𑌰𑍍​𑌹𑍍𑌯𑍇॑𑌷𑌾 𑌰𑍂॒𑌪-𑌙𑍍𑌕𑍃॒𑌤𑍍𑌵𑍋𑌭𑌯𑌾॑-𑌨𑌨𑍍𑌤॒𑌰𑌾 𑌽𑌪॒𑌕𑍍𑌰𑌮𑍍𑌯𑌾𑌤𑌿॑𑌷𑍍𑌠𑌦𑍁॒𑌰𑍁 𑌪𑍍𑌰॑𑌥𑌸𑍍𑌵𑍋॒𑌰𑍁 𑌤𑍇॑ 𑌯॒𑌜𑍍𑌞𑌪॑𑌤𑌿𑌃 𑌪𑍍𑌰𑌥𑌤𑌾॒𑌮𑌿𑌤𑍍𑌯𑌾॑𑌹॒ 𑌯𑌜॑𑌮𑌾𑌨𑌮𑍇॒𑌵 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿𑌃॑ 𑌪𑍍𑌰𑌥𑌯𑌤𑌿 𑌧𑍍𑌰𑍁॒𑌵𑌾- [𑌧𑍍𑌰𑍁॒𑌵𑌾, 𑌅॒𑌸𑍀𑌤𑌿॒ 𑌸𑌗𑍍​𑌮𑍍 𑌹॑𑌨𑍍𑌤𑌿॒] 36

-𑌽𑌸𑍀𑌤𑌿॒ 𑌸𑌗𑍍​𑌮𑍍 𑌹॑𑌨𑍍𑌤𑌿॒ 𑌧𑍃𑌤𑍍𑌯𑍈॑ 𑌦𑍇॒𑌵𑍇𑌭𑍍𑌯॑-𑌶𑍍𑌶𑍁𑌨𑍍𑌧𑌸𑍍𑌵 𑌦𑍇॒𑌵𑍇𑌭𑍍𑌯॑-𑌶𑍍𑌶𑍁𑌮𑍍𑌭॒𑌸𑍍𑌵𑍇𑌤𑍍𑌯𑌵॑ 𑌚𑍋॒𑌕𑍍𑌷𑌤𑌿॒ 𑌪𑍍𑌰 𑌚॑ 𑌕𑌿𑌰𑌤𑌿॒ 𑌶𑍁𑌦𑍍𑌧𑍍𑌯𑌾॑ 𑌇𑌨𑍍𑌦𑍍𑌰𑌘𑍋॒𑌷𑌸𑍍𑌤𑍍𑌵𑌾॒ 𑌵𑌸𑍁॑𑌭𑌿𑌃 𑌪𑍁॒𑌰𑌸𑍍𑌤𑌾᳚-𑌤𑍍𑌪𑌾॒𑌤𑍍𑌵𑌿𑌤𑍍𑌯𑌾॑𑌹 𑌦𑌿॒𑌗𑍍𑌭𑍍𑌯 𑌏॒𑌵𑍈𑌨𑌾॒-𑌮𑍍𑌪𑍍𑌰𑍋𑌕𑍍𑌷॑𑌤𑌿 𑌦𑍇॒𑌵𑌾𑌗𑍍​𑌶𑍍𑌚𑍇𑌦𑍁॑-𑌤𑍍𑌤𑌰𑌵𑍇॒𑌦𑌿𑌰𑍁॒𑌪𑌾𑌵॑𑌵𑌰𑍍𑌤𑍀॒𑌹𑍈𑌵 𑌵𑌿 𑌜॑𑌯𑌾𑌮𑌹𑌾॒ 𑌇𑌤𑍍𑌯𑌸𑍁॑𑌰𑌾॒ 𑌵𑌜𑍍𑌰॑𑌮𑍁॒𑌦𑍍𑌯𑌤𑍍𑌯॑ 𑌦𑍇॒𑌵𑌾𑌨॒𑌭𑍍𑌯𑌾॑𑌯𑌨𑍍𑌤॒ 𑌤𑌾𑌨𑌿॑𑌨𑍍𑌦𑍍𑌰𑌘𑍋॒𑌷𑍋 𑌵𑌸𑍁॑𑌭𑌿𑌃 𑌪𑍁॒𑌰𑌸𑍍𑌤𑌾॒𑌦𑌪𑌾॑- [𑌪𑍁॒𑌰𑌸𑍍𑌤𑌾॒𑌦𑌪𑌾॑, 𑌅॒𑌨𑍁॒𑌦॒𑌤॒ 𑌮𑌨𑍋॑𑌜𑌵𑌾𑌃] 3𑍭

-𑌨𑍁𑌦𑌤॒ 𑌮𑌨𑍋॑𑌜𑌵𑌾𑌃 𑌪𑌿॒𑌤𑍃𑌭𑌿॑ 𑌰𑍍𑌦𑌕𑍍𑌷𑌿𑌣॒𑌤𑌃 𑌪𑍍𑌰𑌚𑍇॑𑌤𑌾 𑌰𑍁॒𑌦𑍍𑌰𑍈𑌃 𑌪॒𑌶𑍍𑌚𑌾-𑌦𑍍𑌵𑌿॒𑌶𑍍𑌵𑌕॑𑌰𑍍𑌮𑌾-𑌽𑌽𑌦𑌿॒𑌤𑍍𑌯𑍈𑌰𑍁॑𑌤𑍍𑌤𑌰॒𑌤𑍋 𑌯𑌦𑍇॒𑌵𑌮𑍁॑𑌤𑍍𑌤𑌰𑌵𑍇॒𑌦𑌿-𑌮𑍍𑌪𑍍𑌰𑍋॒𑌕𑍍𑌷𑌤𑌿॑ 𑌦𑌿॒𑌗𑍍𑌭𑍍𑌯 𑌏॒𑌵 𑌤-𑌦𑍍𑌯𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾॒-𑌨𑍍𑌪𑍍𑌰 𑌣𑍁॑𑌦𑌤॒ 𑌇𑌨𑍍𑌦𑍍𑌰𑍋॒ 𑌯𑌤𑍀᳚𑌨𑍍-𑌥𑍍𑌸𑌾𑌲𑌾𑌵𑍃॒𑌕𑍇𑌭𑍍𑌯𑌃॒ 𑌪𑍍𑌰𑌾𑌯॑𑌚𑍍𑌛॒-𑌤𑍍𑌤𑌾-𑌨𑍍𑌦॑𑌕𑍍𑌷𑌿𑌣॒𑌤 𑌉॑𑌤𑍍𑌤𑌰𑌵𑍇॒𑌦𑍍𑌯𑌾 𑌆॑𑌦॒𑌨𑍍॒ 𑌯-𑌤𑍍𑌪𑍍𑌰𑍋𑌕𑍍𑌷॑𑌣𑍀𑌨𑌾-𑌮𑍁॒𑌚𑍍𑌛𑌿𑌷𑍍𑌯𑍇॑𑌤॒ 𑌤-𑌦𑍍𑌦॑𑌕𑍍𑌷𑌿𑌣॒𑌤 𑌉॑𑌤𑍍𑌤𑌰𑌵𑍇॒𑌦𑍍𑌯𑍈 𑌨𑌿 𑌨॑𑌯𑍇॒-𑌦𑍍𑌯𑌦𑍇॒𑌵 𑌤𑌤𑍍𑌰॑ 𑌕𑍍𑌰𑍂॒𑌰-𑌨𑍍𑌤-𑌤𑍍𑌤𑍇𑌨॑ 𑌶𑌮𑌯𑌤𑌿॒ 𑌯-𑌨𑍍𑌦𑍍𑌵𑌿॒𑌷𑍍𑌯𑌾-𑌤𑍍𑌤-𑌨𑍍𑌧𑍍𑌯𑌾॑𑌯𑍇𑌚𑍍𑌛𑍁॒𑌚𑍈 𑌵𑍈𑌨॑𑌮𑌰𑍍𑌪𑌯𑌤𑌿 ॥ 3𑍮 ॥
(𑌮𑌿॒𑌮𑍀॒𑌤𑍇॒ – 𑌨𑌾𑌮॑ – 𑌧𑍍𑌰𑍁॒𑌵𑌾 – 𑌽𑌪॑ – 𑌶𑍁॒𑌚𑌾 – 𑌤𑍍𑌰𑍀𑌣𑌿॑ 𑌚) ( 𑌆𑍭)

𑌸𑍋𑌤𑍍𑌤॑𑌰𑌵𑍇॒𑌦𑌿𑌰॑𑌬𑍍𑌰𑌵𑍀॒-𑌥𑍍𑌸𑌰𑍍𑌵𑌾॒-𑌨𑍍𑌮𑌯𑌾॒ 𑌕𑌾𑌮𑌾॒𑌨𑍍 𑌵𑍍𑌯॑𑌶𑍍𑌞𑌵॒𑌥𑍇𑌤𑌿॒ 𑌤𑍇 𑌦𑍇॒𑌵𑌾 𑌅॑𑌕𑌾𑌮𑌯॒𑌨𑍍𑌤𑌾𑌸𑍁॑𑌰𑌾॒-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌾𑌨॒𑌭𑌿 𑌭॑𑌵𑍇॒𑌮𑍇𑌤𑌿॒ 𑌤𑍇॑-𑌽𑌜𑍁𑌹𑌵𑍁-𑌸𑍍𑌸𑌿॒𑌗𑍍​𑌮𑍍॒𑌹𑍀𑌰॑𑌸𑌿 𑌸𑌪𑌤𑍍𑌨𑌸𑌾॒𑌹𑍀 𑌸𑍍𑌵𑌾𑌹𑍇𑌤𑌿॒ 𑌤𑍇-𑌽𑌸𑍁॑𑌰𑌾॒-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌾-𑌨॒𑌭𑍍𑌯॑𑌭𑌵॒-𑌨𑍍𑌤𑍇-𑌽𑌸𑍁॑𑌰𑌾॒-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌾-𑌨𑌭𑌿॒𑌭𑍂𑌯𑌾॑𑌕𑌾𑌮𑌯𑌨𑍍𑌤 𑌪𑍍𑌰॒𑌜𑌾𑌂-𑌵𑌿𑌁॑𑌨𑍍𑌦𑍇𑌮॒𑌹𑍀𑌤𑌿॒ 𑌤𑍇॑-𑌽𑌜𑍁𑌹𑌵𑍁-𑌸𑍍𑌸𑌿॒𑌗𑍍​𑌮𑍍॒𑌹𑍀𑌰॑𑌸𑌿 𑌸𑍁𑌪𑍍𑌰𑌜𑌾॒𑌵𑌨𑌿॒-𑌸𑍍𑌸𑍍𑌵𑌾𑌹𑍇𑌤𑌿॒ 𑌤𑍇 𑌪𑍍𑌰॒𑌜𑌾𑌮॑𑌵𑌿𑌨𑍍𑌦𑌨𑍍𑌤॒ 𑌤𑍇 𑌪𑍍𑌰॒𑌜𑌾𑌂-𑌵𑌿𑌁॒𑌤𑍍𑌤𑍍𑌵𑌾- [𑌪𑍍𑌰॒𑌜𑌾𑌂-𑌵𑌿𑌁॒𑌤𑍍𑌤𑍍𑌵𑌾,𑌅॒𑌕𑌾॒𑌮॒𑌯॒𑌨𑍍𑌤॒ 𑌪॒𑌶𑍂𑌨𑍍. ] 3𑍯

-𑌽𑌕𑌾॑𑌮𑌯𑌨𑍍𑌤 𑌪॒𑌶𑍂𑌨𑍍. 𑌵𑌿॑𑌨𑍍𑌦𑍇𑌮॒𑌹𑍀𑌤𑌿॒ 𑌤𑍇॑-𑌽𑌜𑍁𑌹𑌵𑍁-𑌸𑍍𑌸𑌿॒𑌗𑍍​𑌮𑍍॒𑌹𑍀𑌰॑𑌸𑌿 𑌰𑌾𑌯𑌸𑍍𑌪𑍋𑌷॒𑌵𑌨𑌿॒-𑌸𑍍𑌸𑍍𑌵𑌾𑌹𑍇𑌤𑌿॒ 𑌤𑍇 𑌪॒𑌶𑍂𑌨॑𑌵𑌿𑌨𑍍𑌦𑌨𑍍𑌤॒ 𑌤𑍇 𑌪॒𑌶𑍂𑌨𑍍. 𑌵𑌿॒𑌤𑍍𑌤𑍍𑌵𑌾-𑌽𑌕𑌾॑𑌮𑌯𑌨𑍍𑌤 𑌪𑍍𑌰𑌤𑌿॒𑌷𑍍𑌠𑌾𑌂-𑌵𑌿𑌁॑𑌨𑍍𑌦𑍇𑌮॒𑌹𑍀𑌤𑌿॒ 𑌤𑍇॑-𑌽𑌜𑍁𑌹𑌵𑍁-𑌸𑍍𑌸𑌿॒𑌗𑍍​𑌮𑍍॒𑌹𑍀-𑌰॑𑌸𑍍𑌯𑌾𑌦𑌿𑌤𑍍𑌯॒𑌵𑌨𑌿॒-𑌸𑍍𑌸𑍍𑌵𑌾𑌹𑍇𑌤𑌿॒ 𑌤 𑌇॒𑌮𑌾-𑌮𑍍𑌪𑍍𑌰॑𑌤𑌿॒𑌷𑍍𑌠𑌾𑌮॑𑌵𑌿𑌨𑍍𑌦𑌨𑍍𑌤॒ 𑌤 𑌇॒𑌮𑌾-𑌮𑍍𑌪𑍍𑌰॑𑌤𑌿॒𑌷𑍍𑌠𑌾𑌂-𑌵𑌿𑌁॒𑌤𑍍𑌤𑍍𑌵𑌾-𑌽𑌕𑌾॑𑌮𑌯𑌨𑍍𑌤 𑌦𑍇॒𑌵𑌤𑌾॑ 𑌆॒𑌶𑌿𑌷॒ 𑌉𑌪𑍇॑𑌯𑌾॒𑌮𑍇𑌤𑌿॒ 𑌤𑍇॑-𑌽𑌜𑍁𑌹𑌵𑍁-𑌸𑍍𑌸𑌿॒𑌗𑍍​𑌮𑍍॒𑌹𑍀𑌰॒𑌸𑍍𑌯𑌾 𑌵॑𑌹 𑌦𑍇॒𑌵𑌾-𑌨𑍍𑌦𑍇॑𑌵𑌯॒𑌤𑍇 [ ] 40

𑌯𑌜॑𑌮𑌾𑌨𑌾𑌯॒ 𑌸𑍍𑌵𑌾𑌹𑍇𑌤𑌿॒ 𑌤𑍇 𑌦𑍇॒𑌵𑌤𑌾॑ 𑌆॒𑌶𑌿𑌷॒ 𑌉𑌪𑌾॑𑌯॒-𑌨𑍍𑌪𑌞𑍍𑌚॒ 𑌕𑍃𑌤𑍍𑌵𑍋॒ 𑌵𑍍𑌯𑌾𑌘𑌾॑𑌰𑌯𑌤𑌿॒ 𑌪𑌞𑍍𑌚𑌾᳚𑌕𑍍𑌷𑌰𑌾 𑌪॒𑌙𑍍𑌕𑍍𑌤𑌿𑌃 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑍋 𑌯॒𑌜𑍍𑌞𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌽𑌕𑍍𑌷𑍍𑌣॒𑌯𑌾 𑌵𑍍𑌯𑌾𑌘𑌾॑𑌰𑌯𑌤𑌿॒ 𑌤𑌸𑍍𑌮𑌾॑𑌦𑌕𑍍𑌷𑍍𑌣॒𑌯𑌾 𑌪॒𑌶𑌵𑍋-𑌽𑌙𑍍𑌗𑌾॑𑌨𑌿॒ 𑌪𑍍𑌰𑌹॑𑌰𑌨𑍍𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌭𑍂॒𑌤𑍇𑌭𑍍𑌯॒𑌸𑍍𑌤𑍍𑌵𑍇𑌤𑌿॒ 𑌸𑍍𑌰𑍁𑌚॒𑌮𑍁𑌦𑍍𑌗𑍃॑𑌹𑍍𑌣𑌾𑌤𑌿॒ 𑌯 𑌏॒𑌵 𑌦𑍇॒𑌵𑌾 𑌭𑍂॒𑌤𑌾𑌸𑍍𑌤𑍇𑌷𑌾॒-𑌨𑍍𑌤-𑌦𑍍𑌭𑌾॑𑌗॒𑌧𑍇𑌯॒-𑌨𑍍𑌤𑌾𑌨𑍇॒𑌵 𑌤𑍇𑌨॑ 𑌪𑍍𑌰𑍀𑌣𑌾𑌤𑌿॒ 𑌪𑍌𑌤𑍁॑𑌦𑍍𑌰𑌵𑌾-𑌨𑍍𑌪𑌰𑌿॒𑌧𑍀-𑌨𑍍𑌪𑌰𑌿॑ 𑌦𑌧𑌾𑌤𑍍𑌯𑍇॒𑌷𑌾𑌂- [𑌦𑌧𑌾𑌤𑍍𑌯𑍇॒𑌷𑌾𑌮𑍍, 𑌲𑍋॒𑌕𑌾𑌨𑌾𑌂॒-𑌵𑌿𑌁𑌧𑍃॑𑌤𑍍𑌯𑌾] 41

-​𑌲𑍋𑌁॒𑌕𑌾𑌨𑌾𑌂॒-𑌵𑌿𑌁𑌧𑍃॑𑌤𑍍𑌯𑌾 𑌅॒𑌗𑍍𑌨𑍇𑌸𑍍𑌤𑍍𑌰𑌯𑍋॒ 𑌜𑍍𑌯𑌾𑌯𑌾𑌗𑍍​𑌮𑍍॑𑌸𑍋॒ 𑌭𑍍𑌰𑌾𑌤॑𑌰 𑌆𑌸॒-𑌨𑍍𑌤𑍇 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌂-𑌵𑌁𑌹॑𑌨𑍍𑌤𑌃॒ 𑌪𑍍𑌰𑌾𑌮𑍀॑𑌯𑌨𑍍𑌤॒ 𑌸𑍋᳚-𑌽𑌗𑍍𑌨𑌿𑌰॑𑌬𑌿𑌭𑍇𑌦𑌿॒𑌤𑍍𑌥𑌂-𑌵𑌾𑌁𑌵 𑌸𑍍𑌯 𑌆𑌰𑍍𑌤𑌿॒𑌮𑌾-𑌽𑌰𑌿॑𑌷𑍍𑌯॒𑌤𑍀𑌤𑌿॒ 𑌸 𑌨𑌿𑌲𑌾॑𑌯𑌤॒ 𑌸 𑌯𑌾𑌂-𑌵𑌁𑌨॒𑌸𑍍𑌪𑌤𑌿॒𑌷𑍍𑌵𑌵॑𑌸॒𑌤𑍍𑌤𑌾-𑌮𑍍𑌪𑍂𑌤𑍁॑𑌦𑍍𑌰𑍌॒ 𑌯𑌾𑌮𑍋𑌷॑𑌧𑍀𑌷𑍁॒ 𑌤𑌾𑌗𑍍​𑌮𑍍 𑌸𑍁॑𑌗𑌨𑍍𑌧𑌿॒𑌤𑍇𑌜॑𑌨𑍇॒ 𑌯𑌾-𑌮𑍍𑌪॒𑌶𑍁𑌷𑍁॒ 𑌤𑌾-𑌮𑍍𑌪𑍇𑌤𑍍𑌵॑𑌸𑍍𑌯𑌾𑌨𑍍𑌤॒𑌰𑌾 𑌶𑍃𑌙𑍍𑌗𑍇॒ 𑌤-𑌨𑍍𑌦𑍇॒𑌵𑌤𑌾𑌃॒ 𑌪𑍍𑌰𑍈𑌷॑𑌮𑍈𑌚𑍍𑌛॒-𑌨𑍍𑌤𑌮𑌨𑍍𑌵॑𑌵𑌿𑌨𑍍𑌦॒-𑌨𑍍𑌤-𑌮॑𑌬𑍍𑌰𑍁𑌵॒- [-𑌮॑𑌬𑍍𑌰𑍁𑌵𑌨𑍍𑌨𑍍, 𑌉𑌪॑ 𑌨॒ 𑌆] 42

-𑌨𑍍𑌨𑍁𑌪॑ 𑌨॒ 𑌆 𑌵॑𑌰𑍍𑌤𑌸𑍍𑌵 𑌹॒𑌵𑍍𑌯-𑌨𑍍𑌨𑍋॑ 𑌵॒𑌹𑍇𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑍈॒ 𑌯𑌦𑍇॒𑌵 𑌗𑍃॑𑌹𑍀॒𑌤𑌸𑍍𑌯𑌾𑌹𑍁॑𑌤𑌸𑍍𑌯 𑌬𑌹𑌿𑌃𑌪𑌰𑌿॒𑌧𑌿 𑌸𑍍𑌕𑌨𑍍𑌦𑌾॒-𑌤𑍍𑌤𑌨𑍍𑌮𑍇॒ 𑌭𑍍𑌰𑌾𑌤𑍃॑𑌣𑌾-𑌮𑍍𑌭𑌾𑌗॒𑌧𑍇𑌯॑-𑌮𑌸॒𑌦𑌿𑌤𑌿॒ 𑌤𑌸𑍍𑌮𑌾॒-𑌦𑍍𑌯-𑌦𑍍𑌗𑍃॑𑌹𑍀॒𑌤𑌸𑍍𑌯𑌾-𑌽𑌹𑍁॑𑌤𑌸𑍍𑌯 𑌬𑌹𑌿𑌃𑌪𑌰𑌿॒𑌧𑌿 𑌸𑍍𑌕𑌨𑍍𑌦॑𑌤𑌿॒ 𑌤𑍇𑌷𑌾॒-𑌨𑍍𑌤-𑌦𑍍𑌭𑌾॑𑌗॒𑌧𑍇𑌯॒-𑌨𑍍𑌤𑌾𑌨𑍇॒𑌵 𑌤𑍇𑌨॑ 𑌪𑍍𑌰𑍀𑌣𑌾𑌤𑌿॒ 𑌸𑍋॑-𑌽𑌮𑌨𑍍𑌯𑌤𑌾-𑌽𑌸𑍍𑌥॒𑌨𑍍𑌵𑌨𑍍𑌤𑍋॑ 𑌮𑍇॒ 𑌪𑍂𑌰𑍍𑌵𑍇॒ 𑌭𑍍𑌰𑌾𑌤॑𑌰𑌃॒ 𑌪𑍍𑌰𑌾𑌮𑍇॑𑌷𑌤𑌾॒-𑌽𑌸𑍍𑌥𑌾𑌨𑌿॑ 𑌶𑌾𑌤𑌯𑌾॒ 𑌇𑌤𑌿॒ 𑌸 𑌯𑌾- [𑌸 𑌯𑌾𑌨𑌿॑, ] 43

-𑌨𑍍𑌯॒𑌸𑍍𑌥𑌾𑌨𑍍𑌯𑌶𑌾॑𑌤𑌯𑌤॒ 𑌤-𑌤𑍍𑌪𑍂𑌤𑍁॑𑌦𑍍𑌰𑍍𑌵-𑌭𑌵॒-𑌦𑍍𑌯𑌨𑍍𑌮𑌾॒𑌗𑍍​𑌮𑍍॒ 𑌸𑌮𑍁𑌪॑𑌮𑍃𑌤॒-𑌨𑍍𑌤-𑌦𑍍𑌗𑍁𑌲𑍍𑌗𑍁॑𑌲𑍁॒ 𑌯𑌦𑍇॒𑌤𑌾𑌨𑍍-𑌥𑍍𑌸॑𑌭𑌾𑌂॒𑌰𑌾𑌨𑍍-𑌥𑍍𑌸॒-𑌮𑍍𑌭𑌰॑𑌤𑍍𑌯॒𑌗𑍍𑌨𑌿𑌮𑍇॒𑌵 𑌤-𑌥𑍍𑌸𑌮𑍍𑌭॑𑌰𑌤𑍍𑌯॒𑌗𑍍𑌨𑍇𑌃 𑌪𑍁𑌰𑍀॑𑌷-𑌮॒𑌸𑍀𑌤𑍍𑌯𑌾॑𑌹𑌾॒-𑌽𑌗𑍍𑌨𑍇𑌰𑍍​𑌹𑍍𑌯𑍇॑𑌤-𑌤𑍍𑌪𑍁𑌰𑍀॑𑌷𑌂॒-𑌯𑌁-𑌥𑍍𑌸॑𑌮𑍍𑌭𑌾॒𑌰𑌾 𑌅𑌥𑍋॒ 𑌖𑌲𑍍𑌵𑌾॑𑌹𑍁𑌰𑍇॒𑌤𑍇 𑌵𑌾𑌵𑍈𑌨॒-𑌨𑍍𑌤𑍇 𑌭𑍍𑌰𑌾𑌤॑𑌰𑌃॒ 𑌪𑌰𑌿॑ 𑌶𑍇𑌰𑍇॒ 𑌯-𑌤𑍍𑌪𑍌𑌤𑍁॑𑌦𑍍𑌰𑌵𑌾𑌃 𑌪𑌰𑌿॒𑌧𑌯॒ 𑌇𑌤𑌿॑ ॥ 44 ॥
(𑌵𑌿॒𑌤𑍍𑌤𑍍𑌵𑌾 – 𑌦𑍇॑𑌵𑌯॒𑌤 – 𑌏॒𑌷𑌾 – 𑌮॑𑌬𑍍𑌰𑍁𑌵॒𑌨𑍍 – 𑌯𑌾𑌨𑌿॒ – 𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 𑍮)

𑌬॒𑌦𑍍𑌧𑌮𑌵॑ 𑌸𑍍𑌯𑌤𑌿 𑌵𑌰𑍁𑌣𑌪𑌾॒𑌶𑌾𑌦𑍇॒𑌵𑍈𑌨𑍇॑ 𑌮𑍁𑌞𑍍𑌚𑌤𑌿॒ 𑌪𑍍𑌰𑌣𑍇॑𑌨𑍇𑌕𑍍𑌤𑌿॒ 𑌮𑍇𑌦𑍍𑌧𑍍𑌯𑍇॑ 𑌏॒𑌵𑍈𑌨𑍇॑ 𑌕𑌰𑍋𑌤𑌿 𑌸𑌾𑌵𑌿𑌤𑍍𑌰𑌿॒𑌯𑌰𑍍𑌚𑌾 𑌹𑍁॒𑌤𑍍𑌵𑌾 𑌹॑𑌵𑌿॒𑌰𑍍𑌧𑌾𑌨𑍇॒ 𑌪𑍍𑌰 𑌵॑𑌰𑍍𑌤𑌯𑌤𑌿 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑍈𑌨𑍇॒ 𑌪𑍍𑌰 𑌵॑𑌰𑍍𑌤𑌯𑌤𑌿॒ 𑌵𑌰𑍁॑𑌣𑍋॒ 𑌵𑌾 𑌏॒𑌷 𑌦𑍁॒𑌰𑍍𑌵𑌾𑌗𑍁॑𑌭॒𑌯𑌤𑍋॑ 𑌬॒𑌦𑍍𑌧𑍋 𑌯𑌦𑌕𑍍𑌷॒-𑌸𑍍𑌸 𑌯𑌦𑍁॒-𑌥𑍍𑌸𑌰𑍍𑌜𑍇॒-𑌦𑍍𑌯𑌜॑𑌮𑌾𑌨𑌸𑍍𑌯 𑌗𑍃॒𑌹𑌾-𑌨॒𑌭𑍍𑌯𑍁𑌥𑍍𑌸॑𑌰𑍍𑌜𑍇-𑌥𑍍𑌸𑍁॒𑌵𑌾𑌗𑍍𑌦𑍇॑𑌵॒ 𑌦𑍁𑌰𑍍𑌯𑌾॒𑌗𑍍​𑌮𑍍॒ 𑌆 𑌵॒𑌦𑍇𑌤𑍍𑌯𑌾॑𑌹 𑌗𑍃॒𑌹𑌾 𑌵𑍈 𑌦𑍁𑌰𑍍𑌯𑌾॒-𑌶𑍍𑌶𑌾𑌨𑍍𑌤𑍍𑌯𑍈॒ 𑌪- [𑌦𑍁𑌰𑍍𑌯𑌾॒-𑌶𑍍𑌶𑌾𑌨𑍍𑌤𑍍𑌯𑍈॒ 𑌪𑌤𑍍𑌨𑍀᳚, 𑌉𑌪𑌾॑𑌨𑌕𑍍𑌤𑌿॒] 45

-𑌤𑍍𑌨𑍍𑌯𑍁𑌪𑌾॑𑌨𑌕𑍍𑌤𑌿॒ 𑌪𑌤𑍍𑌨𑍀॒ 𑌹𑌿 𑌸𑌰𑍍𑌵॑𑌸𑍍𑌯 𑌮𑌿॒𑌤𑍍𑌰-𑌮𑍍𑌮𑌿॑𑌤𑍍𑌰॒𑌤𑍍𑌵𑌾𑌯॒ 𑌯𑌦𑍍𑌵𑍈 𑌪𑌤𑍍𑌨𑍀॑ 𑌯॒𑌜𑍍𑌞𑌸𑍍𑌯॑ 𑌕॒𑌰𑍋𑌤𑌿॑ 𑌮𑌿𑌥𑍁॒𑌨-𑌨𑍍𑌤𑌦𑌥𑍋॒ 𑌪𑌤𑍍𑌨𑌿॑𑌯𑌾 𑌏॒𑌵𑍈𑌷 𑌯॒𑌜𑍍𑌞𑌸𑍍𑌯𑌾᳚-𑌨𑍍𑌵𑌾𑌰॒𑌭𑍋𑌂-𑌽𑌨॑𑌵𑌚𑍍𑌛𑌿𑌤𑍍𑌤𑍍𑌯𑍈॒ 𑌵𑌰𑍍𑌤𑍍𑌮॑𑌨𑌾॒ 𑌵𑌾 𑌅॒𑌨𑍍𑌵𑌿𑌤𑍍𑌯॑ 𑌯॒𑌜𑍍𑌞𑌗𑍍​𑌮𑍍 𑌰𑌕𑍍𑌷𑌾𑌗𑍍​𑌮𑍍॑𑌸𑌿 𑌜𑌿𑌘𑌾𑌗𑍍​𑌮𑍍𑌸𑌨𑍍𑌤𑌿 𑌵𑍈𑌷𑍍𑌣॒𑌵𑍀𑌭𑍍𑌯𑌾॑𑌮𑍃॒𑌗𑍍𑌭𑍍𑌯𑌾𑌂-𑌵𑌁𑌰𑍍𑌤𑍍𑌮॑𑌨𑍋 𑌰𑍍𑌜𑍁𑌹𑍋𑌤𑌿 𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑌾𑌦𑍇॒𑌵 𑌰𑌕𑍍𑌷𑌾॒𑌗𑍍॒𑌸𑍍𑌯𑌪॑ 𑌹𑌨𑍍𑌤𑌿॒ 𑌯𑌦॑𑌦𑍍𑌧𑍍𑌵॒𑌰𑍍𑌯𑍁-𑌰॑𑌨॒𑌗𑍍𑌨𑌾-𑌵𑌾𑌹𑍁॑𑌤𑌿-𑌞𑍍𑌜𑍁𑌹𑍁॒𑌯𑌾-𑌦॒𑌨𑍍𑌧𑍋᳚-𑌽𑌦𑍍𑌧𑍍𑌵॒𑌰𑍍𑌯𑍁-𑌸𑍍𑌸𑍍𑌯𑌾॒-𑌦𑍍𑌰𑌕𑍍𑌷𑌾𑌗𑍍​𑌮𑍍॑𑌸𑌿 𑌯॒𑌜𑍍𑌞𑌗𑍍​𑌮𑍍 𑌹॑𑌨𑍍𑌯𑍁॒𑌰𑍍॒- [𑌯॒𑌜𑍍𑌞𑌗𑍍​𑌮𑍍 𑌹॑𑌨𑍍𑌯𑍁𑌃, 𑌹𑌿𑌰॑𑌣𑍍𑌯-𑌮𑍁॒𑌪𑌾𑌸𑍍𑌯॑] 46

-𑌹𑌿𑌰॑𑌣𑍍𑌯-𑌮𑍁॒𑌪𑌾𑌸𑍍𑌯॑ 𑌜𑍁𑌹𑍋𑌤𑍍𑌯𑌗𑍍𑌨𑌿॒𑌵𑌤𑍍𑌯𑍇॒𑌵 𑌜𑍁॑𑌹𑍋𑌤𑌿॒ 𑌨𑌾𑌨𑍍𑌧𑍋᳚-𑌽𑌦𑍍𑌧𑍍𑌵॒𑌰𑍍𑌯𑍁𑌰𑍍𑌭𑌵॑𑌤𑌿॒ 𑌨 𑌯॒𑌜𑍍𑌞𑌗𑍍​𑌮𑍍 𑌰𑌕𑍍𑌷𑌾𑌗𑍍​𑌮𑍍॑𑌸𑌿 𑌘𑍍𑌨𑌨𑍍𑌤𑌿॒ 𑌪𑍍𑌰𑌾𑌚𑍀॒ 𑌪𑍍𑌰𑍇𑌤॑𑌮𑌦𑍍𑌧𑍍𑌵॒𑌰-𑌙𑍍𑌕॒𑌲𑍍𑌪𑌯॑𑌨𑍍𑌤𑍀॒ 𑌇𑌤𑍍𑌯𑌾॑𑌹 𑌸𑍁𑌵॒𑌰𑍍𑌗𑌮𑍇॒𑌵𑍈𑌨𑍇॑ 𑌲𑍋॒𑌕-𑌙𑍍𑌗॑𑌮𑌯॒𑌤𑍍𑌯𑌤𑍍𑌰॑ 𑌰𑌮𑍇𑌥𑌾𑌂॒-𑌵𑌁𑌰𑍍​𑌷𑍍𑌮॑-𑌨𑍍𑌪𑍃𑌥𑌿॒𑌵𑍍𑌯𑌾 𑌇𑌤𑍍𑌯𑌾॑𑌹॒ 𑌵𑌰𑍍​𑌷𑍍𑌮॒ 𑌹𑍍𑌯𑍇॑𑌤-𑌤𑍍𑌪𑍃॑𑌥𑌿॒𑌵𑍍𑌯𑌾 𑌯-𑌦𑍍𑌦𑍇॑𑌵॒𑌯𑌜॑𑌨॒𑌗𑍍​𑌮𑍍॒ 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦𑍍𑌧॑𑌵𑌿॒𑌰𑍍𑌧𑌾𑌨॑-𑌨𑍍𑌦𑌿॒𑌵𑍋 𑌵𑌾॑ 𑌵𑌿𑌷𑍍𑌣𑌵𑍁॒𑌤 𑌵𑌾॑ 𑌪𑍃𑌥𑌿॒𑌵𑍍𑌯𑌾 [𑌪𑍃𑌥𑌿॒𑌵𑍍𑌯𑌾𑌃, 𑌇𑌤𑍍𑌯𑌾॒𑌶𑍀𑌰𑍍𑌪॑𑌦𑌯॒𑌰𑍍𑌚𑌾] 4𑍭

𑌇𑌤𑍍𑌯𑌾॒𑌶𑍀𑌰𑍍𑌪॑𑌦𑌯॒𑌰𑍍𑌚𑌾 𑌦𑌕𑍍𑌷𑌿॑𑌣𑌸𑍍𑌯 𑌹𑌵𑌿॒𑌰𑍍𑌧𑌾𑌨॑𑌸𑍍𑌯 𑌮𑍇॒𑌥𑍀-𑌨𑍍𑌨𑌿 𑌹॑𑌨𑍍𑌤𑌿 𑌶𑍀𑌰𑍍​𑌷॒𑌤 𑌏॒𑌵 𑌯॒𑌜𑍍𑌞𑌸𑍍𑌯॒ 𑌯𑌜॑𑌮𑌾𑌨 𑌆॒𑌶𑌿𑌷𑍋-𑌽𑌵॑ 𑌰𑍁𑌨𑍍𑌧𑍇 𑌦॒𑌣𑍍𑌡𑍋 𑌵𑌾 𑌔॑𑌪॒𑌰𑌸𑍍𑌤𑍃॒𑌤𑍀𑌯॑𑌸𑍍𑌯 𑌹𑌵𑌿॒𑌰𑍍𑌧𑌾𑌨॑𑌸𑍍𑌯 𑌵𑌷𑌟𑍍𑌕𑌾॒𑌰𑍇-𑌣𑌾𑌕𑍍𑌷॑-𑌮𑌚𑍍𑌛𑌿𑌨॒-𑌦𑍍𑌯𑌤𑍍-𑌤𑍃॒𑌤𑍀𑌯॑-𑌞𑍍𑌛॒𑌦𑌿𑌰𑍍-𑌹॑𑌵𑌿॒𑌰𑍍𑌧𑌾𑌨॑𑌯𑍋-𑌰𑍁𑌦𑌾𑌹𑍍𑌰𑌿॒𑌯𑌤𑍇॑ 𑌤𑍃॒𑌤𑍀𑌯॑𑌸𑍍𑌯 𑌹𑌵𑌿॒𑌰𑍍𑌧𑌾𑌨॒𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈॒ 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦𑍍𑌧॑𑌵𑌿॒𑌰𑍍𑌧𑌾𑌨𑌂॒-𑌵𑌿𑌁𑌷𑍍𑌣𑍋॑ 𑌰॒𑌰𑌾𑌟॑𑌮𑌸𑌿॒ 𑌵𑌿𑌷𑍍𑌣𑍋𑌃᳚ 𑌪𑍃॒𑌷𑍍𑌠𑌮॒𑌸𑍀𑌤𑍍𑌯𑌾॑𑌹॒ 𑌤𑌸𑍍𑌮𑌾॑𑌦𑍇𑌤𑌾𑌵॒𑌦𑍍𑌧𑌾 𑌶𑌿𑌰𑍋॒ 𑌵𑌿𑌷𑍍𑌯𑍂॑𑌤𑌂॒-𑌵𑌿𑌁𑌷𑍍𑌣𑍋॒-𑌸𑍍𑌸𑍍𑌯𑍂𑌰॑𑌸𑌿॒ 𑌵𑌿𑌷𑍍𑌣𑍋᳚𑌰𑍍𑌧𑍍𑌰𑍁॒𑌵𑌮॒𑌸𑍀𑌤𑍍𑌯𑌾॑𑌹 𑌵𑍈𑌷𑍍𑌣॒𑌵𑌗𑍍​𑌮𑍍 𑌹𑌿 𑌦𑍇॒𑌵𑌤॑𑌯𑌾 𑌹𑌵𑌿॒𑌰𑍍𑌧𑌾𑌨𑌂॒-𑌯𑌁-𑌮𑍍𑌪𑍍𑌰॑𑌥॒𑌮-𑌙𑍍𑌗𑍍𑌰॒𑌨𑍍𑌥𑌿-𑌙𑍍𑌗𑍍𑌰॑𑌥𑍍𑌨𑍀॒𑌯𑌾𑌦𑍍𑌯-𑌤𑍍𑌤-𑌨𑍍𑌨 𑌵𑌿॑𑌸𑍍𑌰॒𑌗𑍍​𑌮𑍍॒ 𑌸𑌯𑍇॒𑌦𑌮𑍇॑𑌹𑍇𑌨𑌾𑌦𑍍𑌧𑍍𑌵॒𑌰𑍍𑌯𑍁𑌃 𑌪𑍍𑌰𑌮𑍀॑𑌯𑍇𑌤॒ 𑌤𑌸𑍍𑌮𑌾॒-𑌥𑍍𑌸 𑌵𑌿॒𑌸𑍍𑌰𑌸𑍍𑌯𑌃॑ ॥ 4𑍮 ॥
(𑌪𑌤𑍍𑌨𑍀॑ -𑌹𑌨𑍍𑌯𑍁-𑌰𑍍𑌵𑌾 𑌪𑍃𑌥𑌿॒𑌵𑍍𑌯𑌾-𑌵𑌿𑌷𑍍𑌯𑍂॑𑌤𑌂॒-𑌵𑌿𑌁𑌷𑍍𑌣𑍋𑌃॒-𑌷𑌡𑍍𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) (𑌅. 𑍯)

𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵 𑌇𑌤𑍍𑌯𑌭𑍍𑌰𑌿॒𑌮𑌾 𑌦॑𑌤𑍍𑌤𑍇॒ 𑌪𑍍𑌰𑌸𑍂᳚𑌤𑍍𑌯𑌾 𑌅॒𑌶𑍍𑌵𑌿𑌨𑍋᳚ 𑌰𑍍𑌬𑌾॒𑌹𑍁𑌭𑍍𑌯𑌾॒𑌮𑌿𑌤𑍍𑌯𑌾॑𑌹𑌾॒𑌶𑍍𑌵𑌿𑌨𑍌॒ 𑌹𑌿 𑌦𑍇॒𑌵𑌾𑌨𑌾॑𑌮𑌦𑍍𑌧𑍍𑌵॒𑌰𑍍𑌯𑍂 𑌆𑌸𑍍𑌤𑌾᳚-𑌮𑍍𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒𑌮𑌿𑌤𑍍𑌯𑌾॑𑌹॒ 𑌯𑌤𑍍𑌯𑍈॒ 𑌵𑌜𑍍𑌰॑ 𑌇𑌵॒ 𑌵𑌾 𑌏॒𑌷𑌾 𑌯𑌦𑌭𑍍𑌰𑌿॒𑌰𑌭𑍍𑌰𑌿॑𑌰𑌸𑌿॒ 𑌨𑌾𑌰𑌿॑𑌰॒𑌸𑍀𑌤𑍍𑌯𑌾॑𑌹॒ 𑌶𑌾𑌨𑍍𑌤𑍍𑌯𑍈॒ 𑌕𑌾𑌣𑍍𑌡𑍇॑ 𑌕𑌾𑌣𑍍𑌡𑍇॒ 𑌵𑍈 𑌕𑍍𑌰𑌿॒𑌯𑌮𑌾॑𑌣𑍇 𑌯॒𑌜𑍍𑌞𑌗𑍍​𑌮𑍍 𑌰𑌕𑍍𑌷𑌾𑌗𑍍​𑌮𑍍॑𑌸𑌿 𑌜𑌿𑌘𑌾𑌗𑍍​𑌮𑍍𑌸𑌨𑍍𑌤𑌿॒ 𑌪𑌰𑌿॑𑌲𑌿𑌖𑌿𑌤॒𑌗𑍍​𑌮𑍍॒ 𑌰𑌕𑍍𑌷𑌃॒ 𑌪𑌰𑌿॑𑌲𑌿𑌖𑌿𑌤𑌾॒ 𑌅𑌰𑌾॑𑌤𑌯॒ 𑌇𑌤𑍍𑌯𑌾॑𑌹॒ 𑌰𑌕𑍍𑌷॑𑌸𑌾॒-𑌮𑌪॑𑌹𑌤𑍍𑌯𑌾 [𑌰𑌕𑍍𑌷॑𑌸𑌾॒-𑌮𑌪॑𑌹𑌤𑍍𑌯𑍈, 𑌇॒𑌦𑌮॒𑌹𑌗𑍍​𑌮𑍍] 4𑍯

𑌇॒𑌦𑌮॒𑌹𑌗𑍍​𑌮𑍍 𑌰𑌕𑍍𑌷॑𑌸𑍋 𑌗𑍍𑌰𑍀॒𑌵𑌾 𑌅𑌪𑌿॑ 𑌕𑍃𑌨𑍍𑌤𑌾𑌮𑌿॒ 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮 𑌇𑌤𑍍𑌯𑌾॑𑌹॒ 𑌦𑍍𑌵𑍌 𑌵𑌾𑌵 𑌪𑍁𑌰𑍁॑𑌷𑍌॒ 𑌯-𑌞𑍍𑌚𑍈॒𑌵 𑌦𑍍𑌵𑍇𑌷𑍍𑌟𑌿॒ 𑌯𑌶𑍍𑌚𑍈॑𑌨॒-𑌨𑍍𑌦𑍍𑌵𑍇𑌷𑍍𑌟𑌿॒ 𑌤𑌯𑍋॑-𑌰𑍇॒𑌵𑌾-𑌽𑌨॑𑌨𑍍𑌤𑌰𑌾𑌯-𑌙𑍍𑌗𑍍𑌰𑍀॒𑌵𑌾𑌃 𑌕𑍃॑𑌨𑍍𑌤𑌤𑌿 𑌦𑌿॒𑌵𑍇 𑌤𑍍𑌵𑌾॒-𑌽𑌨𑍍𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾 𑌪𑍃𑌥𑌿॒𑌵𑍍𑌯𑍈 𑌤𑍍𑌵𑍇𑌤𑍍𑌯𑌾॑𑌹𑍈॒𑌭𑍍𑌯 𑌏॒𑌵𑍈𑌨𑌾𑌂᳚-𑌲𑍋𑌁॒𑌕𑍇𑌭𑍍𑌯𑌃॒ 𑌪𑍍𑌰𑍋𑌕𑍍𑌷॑𑌤𑌿 𑌪॒𑌰𑌸𑍍𑌤𑌾॑-𑌦॒𑌰𑍍𑌵𑌾𑌚𑍀॒-𑌮𑍍𑌪𑍍𑌰𑍋𑌕𑍍𑌷॑𑌤𑌿॒ 𑌤𑌸𑍍𑌮𑌾᳚- [𑌤𑌸𑍍𑌮𑌾᳚𑌤𑍍, 𑌪॒𑌰𑌸𑍍𑌤𑌾॑-] 50

-𑌤𑍍𑌪॒𑌰𑌸𑍍𑌤𑌾॑-𑌦॒𑌰𑍍𑌵𑌾𑌚𑍀᳚-𑌮𑍍𑌮𑌨𑍁॒𑌷𑍍𑌯𑌾॑ 𑌊𑌰𑍍𑌜॒𑌮𑍁𑌪॑ 𑌜𑍀𑌵𑌨𑍍𑌤𑌿 𑌕𑍍𑌰𑍂॒𑌰𑌮𑌿॑𑌵॒ 𑌵𑌾 𑌏॒𑌤-𑌤𑍍𑌕॑𑌰𑍋𑌤𑌿॒ 𑌯-𑌤𑍍𑌖𑌨॑𑌤𑍍𑌯॒𑌪𑍋-𑌽𑌵॑ 𑌨𑌯𑌤𑌿॒ 𑌶𑌾𑌨𑍍𑌤𑍍𑌯𑍈॒ 𑌯𑌵॑𑌮𑌤𑍀॒𑌰𑌵॑ 𑌨𑌯॒𑌤𑍍𑌯𑍂𑌰𑍍𑌗𑍍𑌵𑍈 𑌯𑌵॒ 𑌊𑌰𑍍𑌗𑍁॑𑌦𑍁॒𑌬𑌂𑌰॑ 𑌊॒𑌰𑍍𑌜𑍈𑌵𑍋𑌰𑍍𑌜॒𑌗𑍍​𑌮𑍍॒ 𑌸𑌮॑𑌰𑍍𑌧𑌯𑌤𑌿॒ 𑌯𑌜॑𑌮𑌾𑌨𑍇𑌨॒ 𑌸𑌮𑍍𑌮𑌿॒𑌤𑍌𑌦𑍁॑𑌬𑌂𑌰𑍀 𑌭𑌵𑌤𑌿॒ 𑌯𑌾𑌵𑌾॑𑌨𑍇॒𑌵 𑌯𑌜॑𑌮𑌾𑌨॒𑌸𑍍𑌤𑌾𑌵॑𑌤𑍀-𑌮𑍇॒𑌵𑌾𑌸𑍍𑌮𑌿॒-𑌨𑍍𑌨𑍂𑌰𑍍𑌜॑-𑌨𑍍𑌦𑌧𑌾𑌤𑌿 𑌪𑌿𑌤𑍃॒𑌣𑌾𑌗𑍍​𑌮𑍍 𑌸𑌦॑𑌨𑌮॒𑌸𑍀𑌤𑌿॑ 𑌬॒𑌰𑍍॒𑌹𑌿𑌰𑌵॑ 𑌸𑍍𑌤𑍃𑌣𑌾𑌤𑌿 𑌪𑌿𑌤𑍃𑌦𑍇𑌵॒𑌤𑍍𑌯𑌾᳚(1॒)𑌗𑍍𑌗𑍍॒- [𑌪𑌿𑌤𑍃𑌦𑍇𑌵॒𑌤𑍍𑌯𑌾᳚𑌮𑍍, 𑌹𑍍𑌯𑍇॑𑌤-𑌦𑍍𑌯𑌨𑍍𑌨𑌿𑌖𑌾॑𑌤𑌂॒-] 51

-𑌹𑍍𑌯𑍇॑𑌤-𑌦𑍍𑌯𑌨𑍍𑌨𑌿𑌖𑌾॑𑌤𑌂॒-𑌯𑌁-𑌦𑍍𑌬॒𑌰𑍍॒𑌹𑌿-𑌰𑌨॑𑌵𑌸𑍍𑌤𑍀𑌰𑍍𑌯 𑌮𑌿𑌨𑍁॒𑌯𑌾-𑌤𑍍𑌪𑌿॑𑌤𑍃𑌦𑍇𑌵॒𑌤𑍍𑌯𑌾॑ 𑌨𑌿𑌖𑌾॑𑌤𑌾 𑌸𑍍𑌯𑌾-𑌦𑍍𑌬॒𑌰𑍍॒𑌹𑌿-𑌰॑𑌵॒𑌸𑍍𑌤𑍀𑌰𑍍𑌯॑ 𑌮𑌿𑌨𑍋𑌤𑍍𑌯॒𑌸𑍍𑌯𑌾-𑌮𑍇॒𑌵𑍈𑌨𑌾᳚-𑌮𑍍𑌮𑌿𑌨𑍋॒𑌤𑍍𑌯𑌥𑍋᳚ 𑌸𑍍𑌵𑌾॒𑌰𑍁𑌹॑-𑌮𑍇॒𑌵𑍈𑌨𑌾᳚-𑌙𑍍𑌕𑌰𑍋॒𑌤𑍍𑌯𑍁-𑌦𑍍𑌦𑌿𑌵𑌗𑍍𑌗𑍍॑ 𑌸𑍍𑌤𑌭𑌾॒𑌨𑌾-𑌽𑌽𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍃॒𑌣𑍇𑌤𑍍𑌯𑌾॑𑌹𑍈॒𑌷𑌾𑌂-𑌲𑍋𑌁॒𑌕𑌾𑌨𑌾𑌂॒-𑌵𑌿𑌁𑌧𑍃॑𑌤𑍍𑌯𑍈 𑌦𑍍𑌯𑍁𑌤𑌾॒𑌨𑌸𑍍𑌤𑍍𑌵𑌾॑ 𑌮𑌾𑌰𑍁॒𑌤𑍋 𑌮𑌿॑𑌨𑍋॒𑌤𑍍𑌵𑌿𑌤𑍍𑌯𑌾॑𑌹 𑌦𑍍𑌯𑍁𑌤𑌾॒𑌨𑍋 𑌹॑ 𑌸𑍍𑌮॒ 𑌵𑍈 𑌮𑌾॑𑌰𑍁॒𑌤𑍋 𑌦𑍇॒𑌵𑌾𑌨𑌾॒-𑌮𑍌𑌦𑍁॑𑌬𑌂𑌰𑍀-𑌮𑍍𑌮𑌿𑌨𑍋𑌤𑌿॒ 𑌤𑍇𑌨𑍈॒𑌵𑍈- [𑌤𑍇𑌨𑍈॒𑌵, 𑌏॒𑌨𑌾॒-𑌮𑍍𑌮𑌿॒𑌨𑍋॒𑌤𑌿॒ 𑌬𑍍𑌰॒𑌹𑍍𑌮॒𑌵𑌨𑌿॑-𑌨𑍍𑌤𑍍𑌵𑌾] 52

-𑌨𑌾᳚-𑌮𑍍𑌮𑌿𑌨𑍋𑌤𑌿 𑌬𑍍𑌰𑌹𑍍𑌮॒𑌵𑌨𑌿॑-𑌨𑍍𑌤𑍍𑌵𑌾 𑌕𑍍𑌷𑌤𑍍𑌰॒𑌵𑌨𑌿॒𑌮𑌿𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤-𑌦𑍍𑌘𑍃॒𑌤𑍇𑌨॑ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌆 𑌪𑍃॑𑌣𑍇𑌥𑌾॒𑌮𑌿𑌤𑍍𑌯𑍌𑌦𑍁॑𑌬𑌂𑌰𑍍𑌯𑌾-𑌞𑍍𑌜𑍁𑌹𑍋𑌤𑌿॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌏॒𑌵 𑌰𑌸𑍇॑𑌨𑌾𑌨𑌕𑍍𑌤𑍍𑌯𑌾॒-𑌨𑍍𑌤𑌮॒𑌨𑍍𑌵-𑌵॑𑌸𑍍𑌰𑌾𑌵𑌯𑌤𑍍𑌯𑌾॒𑌨𑍍𑌤𑌮𑍇॒𑌵 𑌯𑌜॑𑌮𑌾𑌨॒-𑌨𑍍𑌤𑍇𑌜॑𑌸𑌾-𑌨𑌕𑍍𑌤𑍍𑌯𑍈॒𑌨𑍍𑌦𑍍𑌰𑌮॒𑌸𑍀𑌤𑌿॑ 𑌛॒𑌦𑌿𑌰𑌧𑌿॒ 𑌨𑌿 𑌦॑𑌧𑌾𑌤𑍍𑌯𑍈॒𑌨𑍍𑌦𑍍𑌰𑌗𑍍​𑌮𑍍 𑌹𑌿 𑌦𑍇॒𑌵𑌤॑𑌯𑌾॒ 𑌸𑌦𑍋॑ 𑌵𑌿𑌶𑍍𑌵𑌜॒𑌨𑌸𑍍𑌯॑ 𑌛𑌾॒𑌯𑍇𑌤𑍍𑌯𑌾॑𑌹 𑌵𑌿𑌶𑍍𑌵𑌜॒𑌨𑌸𑍍𑌯॒ 𑌹𑍍𑌯𑍇॑𑌷𑌾 𑌛𑌾॒𑌯𑌾 𑌯-𑌥𑍍𑌸𑌦𑍋॒ 𑌨𑌵॑𑌛𑌦𑌿॒ [𑌨𑌵॑𑌛𑌦𑌿, 𑌤𑍇𑌜॑𑌸𑍍𑌕𑌾𑌮𑌸𑍍𑌯] 53

𑌤𑍇𑌜॑𑌸𑍍𑌕𑌾𑌮𑌸𑍍𑌯 𑌮𑌿𑌨𑍁𑌯𑌾-𑌤𑍍𑌤𑍍𑌰𑌿॒𑌵𑍃𑌤𑌾॒ 𑌸𑍍𑌤𑍋𑌮𑍇॑𑌨॒ 𑌸𑌮𑍍𑌮𑌿॑𑌤॒-𑌨𑍍𑌤𑍇𑌜॑𑌸𑍍𑌤𑍍𑌰𑌿॒𑌵𑍃-𑌤𑍍𑌤𑍇॑𑌜॒𑌸𑍍𑌵𑍍𑌯𑍇॑𑌵 𑌭॑𑌵॒-𑌤𑍍𑌯𑍇𑌕𑌾॑𑌦𑌶-𑌛𑌦𑍀𑌨𑍍𑌦𑍍𑌰𑌿॒𑌯𑌕𑌾॑𑌮॒-𑌸𑍍𑌯𑍈𑌕𑌾॑𑌦𑌶𑌾𑌕𑍍𑌷𑌰𑌾 𑌤𑍍𑌰𑌿॒𑌷𑍍𑌟𑍁𑌗𑌿॑𑌨𑍍𑌦𑍍𑌰𑌿॒𑌯-𑌨𑍍𑌤𑍍𑌰𑌿॒𑌷𑍍𑌟𑍁𑌗𑌿॑𑌨𑍍𑌦𑍍𑌰𑌿𑌯𑌾॒𑌵𑍍𑌯𑍇॑𑌵 𑌭॑𑌵𑌤𑌿॒ 𑌪𑌞𑍍𑌚॑𑌦𑌶𑌛𑌦𑌿॒ 𑌭𑍍𑌰𑌾𑌤𑍃॑𑌵𑍍𑌯𑌵𑌤𑌃 𑌪𑌞𑍍𑌚𑌦॒𑌶𑍋 𑌵𑌜𑍍𑌰𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾𑌭𑌿𑌭𑍂𑌤𑍍𑌯𑍈 𑌸॒𑌪𑍍𑌤𑌦॑𑌶𑌛𑌦𑌿 𑌪𑍍𑌰॒𑌜𑌾𑌕𑌾॑𑌮𑌸𑍍𑌯 𑌸𑌪𑍍𑌤𑌦॒𑌶𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑌾॒ 𑌏𑌕॑𑌵𑌿𑌗𑍍​𑌮𑍍𑌶𑌤𑌿𑌛𑌦𑌿 𑌪𑍍𑌰𑌤𑌿॒𑌷𑍍𑌠𑌾𑌕𑌾॑𑌮-𑌸𑍍𑌯𑍈𑌕𑌵𑌿॒𑌗𑍍​𑌮𑍍॒𑌶-𑌸𑍍𑌸𑍍𑌤𑍋𑌮𑌾॑𑌨𑌾-𑌮𑍍𑌪𑍍𑌰𑌤𑌿॒𑌷𑍍𑌠𑌾 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌉॒𑌦𑌰𑌂॒-𑌵𑍈𑌁 𑌸𑌦॒ 𑌊𑌰𑍍𑌗𑍁॑𑌦𑍁॒𑌬𑌂𑌰𑍋॑ 𑌮𑌦𑍍𑌧𑍍𑌯॒𑌤 𑌔𑌦𑍁॑𑌬𑌂𑌰𑍀-𑌮𑍍𑌮𑌿𑌨𑍋𑌤𑌿 𑌮𑌦𑍍𑌧𑍍𑌯॒𑌤 𑌏॒𑌵 𑌪𑍍𑌰॒𑌜𑌾𑌨𑌾॒𑌮𑍂𑌰𑍍𑌜॑-𑌨𑍍𑌦𑌧𑌾𑌤𑌿॒ 𑌤𑌸𑍍𑌮𑌾᳚- [𑌤𑌸𑍍𑌮𑌾᳚𑌤𑍍, 𑌮॒𑌦𑍍𑌧𑍍𑌯॒𑌤 𑌊॒𑌰𑍍𑌜𑌾] 54

-𑌨𑍍𑌮𑌦𑍍𑌧𑍍𑌯॒𑌤 𑌊॒𑌰𑍍𑌜𑌾 𑌭𑍁॑𑌞𑍍𑌜𑌤𑍇 𑌯𑌜𑌮𑌾𑌨𑌲𑍋॒𑌕𑍇 𑌵𑍈 𑌦𑌕𑍍𑌷𑌿॑𑌣𑌾𑌨𑌿 𑌛॒𑌦𑍀𑌗𑍍​𑌮𑍍𑌷𑌿॑ 𑌭𑍍𑌰𑌾𑌤𑍃𑌵𑍍𑌯𑌲𑍋॒𑌕 𑌉𑌤𑍍𑌤॑𑌰𑌾𑌣𑌿॒ 𑌦𑌕𑍍𑌷𑌿॑𑌣𑌾॒𑌨𑍍𑌯𑍁𑌤𑍍𑌤॑𑌰𑌾𑌣𑌿 𑌕𑌰𑍋𑌤𑌿॒ 𑌯𑌜॑𑌮𑌾𑌨-𑌮𑍇॒𑌵𑌾-𑌯॑𑌜𑌮𑌾𑌨𑌾॒𑌦𑍁𑌤𑍍𑌤॑𑌰-𑌙𑍍𑌕𑌰𑍋𑌤𑌿॒ 𑌤𑌸𑍍𑌮𑌾॒-𑌦𑍍𑌯𑌜॑𑌮𑌾॒𑌨𑍋-𑌽𑌯॑𑌜𑌮𑌾𑌨𑌾॒𑌦𑍁𑌤𑍍𑌤॑𑌰𑍋 𑌽𑌨𑍍𑌤𑌰𑍍𑌵॒𑌰𑍍𑌤𑌾𑌨𑍍 𑌕॑𑌰𑍋𑌤𑌿॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈॒ 𑌤𑌸𑍍𑌮𑌾॒𑌦𑌰॑𑌣𑍍𑌯-𑌮𑍍𑌪𑍍𑌰॒𑌜𑌾 𑌉𑌪॑ 𑌜𑍀𑌵𑌨𑍍𑌤𑌿॒ 𑌪𑌰𑌿॑ 𑌤𑍍𑌵𑌾 𑌗𑌿𑌰𑍍𑌵𑌣𑍋॒ 𑌗𑌿𑌰॒ 𑌇𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤𑌦𑌿𑌨𑍍𑌦𑍍𑌰॑𑌸𑍍𑌯॒ 𑌸𑍍𑌯𑍂𑌰॒𑌸𑍀𑌨𑍍𑌦𑍍𑌰॑𑌸𑍍𑌯 𑌧𑍍𑌰𑍁॒𑌵𑌮॒𑌸𑍀𑌤𑍍𑌯𑌾॑𑌹𑍈॒𑌨𑍍𑌦𑍍𑌰𑌗𑍍​𑌮𑍍 𑌹𑌿 𑌦𑍇॒𑌵𑌤॑𑌯𑌾॒ 𑌸𑌦𑍋॒ 𑌯-𑌮𑍍𑌪𑍍𑌰॑𑌥॒𑌮-𑌙𑍍𑌗𑍍𑌰॒𑌨𑍍𑌥𑌿-𑌙𑍍𑌗𑍍𑌰॑𑌥𑍍𑌨𑍀॒𑌯𑌾𑌦𑍍𑌯-𑌤𑍍𑌤-𑌨𑍍𑌨 𑌵𑌿॑𑌸𑍍𑌰॒𑌗𑍍​𑌮𑍍॒ 𑌸𑌯𑍇॒𑌦𑌮𑍇॑𑌹𑍇𑌨𑌾𑌦𑍍𑌧𑍍𑌵॒𑌰𑍍𑌯𑍁𑌃 𑌪𑍍𑌰𑌮𑍀॑𑌯𑍇𑌤॒ 𑌤𑌸𑍍𑌮𑌾॒-𑌥𑍍𑌸 𑌵𑌿॒𑌸𑍍𑌰𑌸𑍍𑌯𑌃॑ ॥ 55 ॥
(𑌅𑌪॑𑌹𑌤𑍍𑌯𑍈॒ – 𑌤𑌸𑍍𑌮𑌾᳚𑌤𑍍 – 𑌪𑌿𑌤𑍃𑌦𑍇𑌵॒𑌤𑍍𑌯𑌂॑ – 𑌤𑍇𑌨𑍈॒𑌵 – 𑌨𑌵॑𑌛𑌦𑌿॒ – 𑌤𑌸𑍍𑌮𑌾॒𑌥𑍍 – 𑌸𑌦𑌃॒ – 𑌪𑌞𑍍𑌚॑𑌦𑌶 𑌚) (𑌅. 10)

𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦𑍍𑌧॑𑌵𑌿॒𑌰𑍍𑌧𑌾𑌨॑-𑌮𑍍𑌪𑍍𑌰𑌾॒𑌣𑌾 𑌉॑𑌪𑌰॒𑌵𑌾 𑌹॑𑌵𑌿॒𑌰𑍍𑌧𑌾𑌨𑍇॑ 𑌖𑌾𑌯𑌨𑍍𑌤𑍇॒ 𑌤𑌸𑍍𑌮𑌾᳚-𑌚𑍍𑌛𑍀॒𑌰𑍍॒𑌷-𑌨𑍍𑌪𑍍𑌰𑌾॒𑌣𑌾 𑌅॒𑌧𑌸𑍍𑌤𑌾᳚-𑌤𑍍𑌖𑌾𑌯𑌨𑍍𑌤𑍇॒ 𑌤𑌸𑍍𑌮𑌾॑-𑌦॒𑌧𑌸𑍍𑌤𑌾᳚-𑌚𑍍𑌛𑍀॒𑌰𑍍​𑌷𑍍𑌣𑌃 𑌪𑍍𑌰𑌾॒𑌣𑌾 𑌰॑𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋॑ 𑌵𑍈𑌷𑍍𑌣॒𑌵𑌾-𑌨𑍍𑌖॑𑌨𑌾॒𑌮𑍀𑌤𑍍𑌯𑌾॑𑌹 𑌵𑍈𑌷𑍍𑌣॒𑌵𑌾 𑌹𑌿 𑌦𑍇॒𑌵𑌤॑𑌯𑍋𑌪𑌰॒𑌵𑌾 𑌅𑌸𑍁॑𑌰𑌾॒ 𑌵𑍈 𑌨𑌿॒𑌰𑍍𑌯𑌨𑍍𑌤𑍋॑ 𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌾॒𑌣𑍇𑌷𑍁॑ 𑌵𑌲॒𑌗𑌾-𑌨𑍍𑌨𑍍𑌯॑𑌖𑌨॒-𑌨𑍍𑌤𑌾-𑌨𑍍𑌬𑌾॑𑌹𑍁𑌮𑌾॒𑌤𑍍𑌰𑍇-𑌽𑌨𑍍𑌵॑𑌵𑌿𑌨𑍍𑌦॒-𑌨𑍍𑌤𑌸𑍍𑌮𑌾᳚-𑌦𑍍𑌬𑌾𑌹𑍁𑌮𑌾॒𑌤𑍍𑌰𑌾𑌃 𑌖𑌾॑𑌯𑌨𑍍𑌤 𑌇॒𑌦𑌮॒𑌹-𑌨𑍍𑌤𑌂-𑌵𑌁॑𑌲॒𑌗-𑌮𑍁𑌦𑍍𑌵॑𑌪𑌾𑌮𑌿॒ [ ] 56

𑌯-𑌨𑍍𑌨॑-𑌸𑍍𑌸𑌮𑌾॒𑌨𑍋 𑌯𑌮𑌸॑𑌮𑌾𑌨𑍋 𑌨𑌿𑌚॒𑌖𑌾𑌨𑍇𑌤𑍍𑌯𑌾॑𑌹॒ 𑌦𑍍𑌵𑍌 𑌵𑌾𑌵 𑌪𑍁𑌰𑍁॑𑌷𑍌॒ 𑌯𑌶𑍍𑌚𑍈॒𑌵 𑌸॑𑌮𑌾॒𑌨𑍋 𑌯𑌶𑍍𑌚𑌾𑌸॑𑌮𑌾𑌨𑍋॒ 𑌯𑌮𑍇॒𑌵𑌾𑌸𑍍𑌮𑍈॒ 𑌤𑍌 𑌵॑𑌲॒𑌗-𑌨𑍍𑌨𑌿॒𑌖𑌨॑𑌤॒𑌸𑍍𑌤-𑌮𑍇॒𑌵𑍋𑌦𑍍𑌵॑𑌪𑌤𑌿॒ 𑌸𑌨𑍍𑌤𑍃॑𑌣𑌤𑍍𑌤𑌿॒ 𑌤𑌸𑍍𑌮𑌾॒-𑌥𑍍𑌸𑌨𑍍𑌤𑍃॑𑌣𑍍𑌣𑌾 𑌅𑌨𑍍𑌤𑌰॒𑌤𑌃 𑌪𑍍𑌰𑌾॒𑌣𑌾 𑌨 𑌸-𑌮𑍍𑌭𑌿॑𑌨𑌤𑍍𑌤𑌿॒ 𑌤𑌸𑍍𑌮𑌾॒-𑌦𑌸॑𑌭𑌿𑌨𑍍𑌨𑍍𑌨𑌾𑌃 𑌪𑍍𑌰𑌾॒𑌣𑌾 𑌅॒𑌪𑍋-𑌽𑌵॑ 𑌨𑌯𑌤𑌿॒ 𑌤𑌸𑍍𑌮𑌾॑-𑌦𑌾॒𑌰𑍍𑌦𑍍𑌰𑌾 𑌅॑𑌨𑍍𑌤𑌰॒𑌤𑌃 𑌪𑍍𑌰𑌾॒𑌣𑌾 𑌯𑌵॑𑌮𑌤𑍀॒-𑌰𑌵॑ 𑌨𑌯॒- [-𑌰𑌵॑ 𑌨𑌯𑌤𑌿, 𑌊𑌰𑍍𑌗𑍍𑌵𑍈] 5𑍭

-𑌤𑍍𑌯𑍂𑌰𑍍𑌗𑍍𑌵𑍈 𑌯𑌵𑌃॑ 𑌪𑍍𑌰𑌾॒𑌣𑌾 𑌉॑𑌪𑌰॒𑌵𑌾𑌃 𑌪𑍍𑌰𑌾॒𑌣𑍇𑌷𑍍𑌵𑍇॒𑌵𑍋𑌰𑍍𑌜॑-𑌨𑍍𑌦𑌧𑌾𑌤𑌿 𑌬॒𑌰𑍍॒𑌹𑌿𑌰𑌵॑ 𑌸𑍍𑌤𑍃𑌣𑌾𑌤𑌿॒ 𑌤𑌸𑍍𑌮𑌾᳚𑌲𑍍𑌲𑍋𑌮॒𑌶𑌾 𑌅॑𑌨𑍍𑌤𑌰॒𑌤𑌃 𑌪𑍍𑌰𑌾॒𑌣𑌾 𑌆𑌜𑍍𑌯𑍇॑𑌨॒ 𑌵𑍍𑌯𑌾𑌘𑌾॑𑌰𑌯𑌤𑌿॒ 𑌤𑍇𑌜𑍋॒ 𑌵𑌾 𑌆𑌜𑍍𑌯॑-𑌮𑍍𑌪𑍍𑌰𑌾॒𑌣𑌾 𑌉॑𑌪𑌰॒𑌵𑌾𑌃 𑌪𑍍𑌰𑌾॒𑌣𑍇𑌷𑍍𑌵𑍇॒𑌵 𑌤𑍇𑌜𑍋॑ 𑌦𑌧𑌾𑌤𑌿॒ 𑌹𑌨𑍂॒ 𑌵𑌾 𑌏॒𑌤𑍇 𑌯॒𑌜𑍍𑌞𑌸𑍍𑌯॒ 𑌯𑌦॑𑌧𑌿॒𑌷𑌵॑𑌣𑍇॒ 𑌨 𑌸-𑌨𑍍𑌤𑍃॑𑌣॒𑌤𑍍𑌤𑍍𑌯 𑌸॑𑌤𑍃𑌂𑌣𑍍𑌣𑍇॒ 𑌹𑌿 𑌹𑌨𑍂॒ 𑌅𑌥𑍋॒ 𑌖𑌲𑍁॑ 𑌦𑍀𑌰𑍍𑌘𑌸𑍋॒𑌮𑍇 𑌸॒𑌤𑍃𑌨𑍍𑌦𑍍𑌯𑍇॒ 𑌧𑍃𑌤𑍍𑌯𑍈॒ 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦𑍍𑌧॑𑌵𑌿॒𑌰𑍍𑌧𑌾𑌨॑- [𑌯𑌦𑍍𑌧॑𑌵𑌿॒𑌰𑍍𑌧𑌾𑌨᳚𑌮𑍍, 𑌪𑍍𑌰𑌾॒𑌣𑌾 𑌉॑𑌪𑌰॒𑌵𑌾 𑌹𑌨𑍂॑] 5𑍮

-𑌮𑍍𑌪𑍍𑌰𑌾॒𑌣𑌾 𑌉॑𑌪𑌰॒𑌵𑌾 𑌹𑌨𑍂॑ 𑌅𑌧𑌿॒𑌷𑌵॑𑌣𑍇 𑌜𑌿॒𑌹𑍍𑌵𑌾 𑌚𑌰𑍍𑌮॒ 𑌗𑍍𑌰𑌾𑌵𑌾॑𑌣𑍋॒ 𑌦𑌨𑍍𑌤𑌾॒ 𑌮𑍁𑌖॑𑌮𑌾𑌹𑌵॒𑌨𑍀𑌯𑍋॒ 𑌨𑌾𑌸𑌿॑𑌕𑍋-𑌤𑍍𑌤𑌰𑌵𑍇॒𑌦𑌿-𑌰𑍁॒𑌦𑌰॒𑌗𑍍​𑌮𑍍॒ 𑌸𑌦𑍋॑ 𑌯॒𑌦𑌾 𑌖𑌲𑍁॒ 𑌵𑍈 𑌜𑌿॒𑌹𑍍𑌵𑌯𑌾॑ 𑌦॒𑌥𑍍𑌸𑍍𑌵𑌧𑌿॒ 𑌖𑌾𑌦॒𑌤𑍍𑌯𑌥॒ 𑌮𑍁𑌖॑-𑌙𑍍𑌗𑌚𑍍𑌛𑌤𑌿 𑌯॒𑌦𑌾 𑌮𑍁𑌖॒-𑌙𑍍𑌗𑌚𑍍𑌛॒𑌤𑍍𑌯𑌥𑍋॒𑌦𑌰॑-𑌙𑍍𑌗𑌚𑍍𑌛𑌤𑌿॒ 𑌤𑌸𑍍𑌮𑌾᳚𑌦𑍍𑌧𑌵𑌿॒𑌰𑍍𑌧𑌾𑌨𑍇॒ 𑌚𑌰𑍍𑌮॒𑌨𑍍𑌨𑌧𑌿॒ 𑌗𑍍𑌰𑌾𑌵॑𑌭𑌿𑌰𑌭𑌿॒𑌷𑍁𑌤𑍍𑌯𑌾॑-𑌽𑌽𑌹𑌵॒𑌨𑍀𑌯𑍇॑ 𑌹𑍁॒𑌤𑍍𑌵𑌾 𑌪𑍍𑌰॒𑌤𑍍𑌯𑌞𑍍𑌚𑌃॑ 𑌪॒𑌰𑍇𑌤𑍍𑌯॒ 𑌸𑌦॑𑌸𑌿 𑌭𑌕𑍍𑌷𑌯𑌨𑍍𑌤𑌿॒ 𑌯𑍋 𑌵𑍈 𑌵𑌿॒𑌰𑌾𑌜𑍋॑ 𑌯𑌜𑍍𑌞𑌮𑍁॒𑌖𑍇 𑌦𑍋𑌹𑌂॒-𑌵𑍇𑌁𑌦॑ 𑌦𑍁॒𑌹 𑌏॒𑌵𑍈 𑌨𑌾॑𑌮𑌿॒𑌯𑌂-𑌵𑍈𑌁 𑌵𑌿॒𑌰𑌾-𑌟𑍍𑌤𑌸𑍍𑌯𑍈॒ 𑌤𑍍𑌵𑌕𑍍𑌚𑌰𑍍𑌮𑍋𑌧𑍋॑-𑌽𑌧𑌿॒𑌷𑌵॑𑌣𑍇॒ 𑌸𑍍𑌤𑌨𑌾॑ 𑌉𑌪𑌰॒𑌵𑌾 𑌗𑍍𑌰𑌾𑌵𑌾॑𑌣𑍋 𑌵॒𑌥𑍍𑌸𑌾 𑌋॒𑌤𑍍𑌵𑌿𑌜𑍋॑ 𑌦𑍁𑌹𑌨𑍍𑌤𑌿॒ 𑌸𑍋𑌮𑌃॒ 𑌪𑌯𑍋॒ 𑌯 𑌏॒𑌵𑌂-𑌵𑍇𑌁𑌦॑ 𑌦𑍁॒𑌹 𑌏॒𑌵𑍈𑌨𑌾᳚𑌮𑍍 ॥ 5𑍯 ॥
(𑌵॒𑌪𑌾॒𑌮𑌿॒-𑌯𑌵॑𑌮𑌤𑍀॒𑌰𑌵॑ 𑌨𑌯𑌤𑌿-𑌹𑌵𑌿॒𑌰𑍍𑌧𑌾𑌨॑-𑌮𑍇॒𑌵-𑌤𑍍𑌰𑌯𑍋॑𑌵𑌿𑌗𑍍​𑌮𑍍𑌶𑌤𑌿𑌶𑍍𑌚) (𑌅. 11)

(𑌯𑌦𑍁॒𑌭𑍌 – 𑌦𑍇॑𑌵𑌾𑌸𑍁॒𑌰𑌾𑌃 𑌮𑌿॒𑌥 – 𑌸𑍍𑌤𑍇𑌷𑌾𑌗𑍍​𑌮𑍍॑ – 𑌸𑍁𑌵॒𑌰𑍍𑌗𑌂 – ​𑌯𑌁𑌦𑍍𑌵𑌾 𑌅𑌨𑍀॑𑌶𑌾𑌨𑌃 – 𑌪𑍁॒𑌰𑍋𑌹॑𑌵𑌿𑌷𑌿॒ – 𑌤𑍇𑌭𑍍𑌯𑌃॒ – 𑌸𑍋𑌤𑍍𑌤॑𑌰𑌵𑍇॒𑌦𑌿 – 𑌰𑍍𑌬॒𑌦𑍍𑌧𑌨𑍍 – 𑌦𑍇॒𑌵𑌸𑍍𑌯𑌾-𑌽𑌭𑍍𑌰𑌿𑌂॒-𑌵𑌁𑌜𑍍𑌰𑌃 – 𑌶𑌿𑌰𑍋॒ 𑌵𑌾 – 𑌏𑌕𑌾॑𑌦𑌶 )

(𑌯𑌦𑍁॒𑌭𑌾 – 𑌵𑌿𑌤𑍍𑌯𑌾॑𑌹 𑌦𑍇॒𑌵𑌾𑌨𑌾𑌂᳚ – ​𑌯𑌁॒𑌜𑍍𑌞𑍋 𑌦𑍇॒𑌵𑍇𑌭𑍍𑌯𑍋॒ – 𑌨 𑌰𑌥𑌾॑𑌯॒ – 𑌯𑌜॑𑌮𑌾𑌨𑌾𑌯 – 𑌪॒𑌰𑌸𑍍𑌤𑌾॑𑌦॒𑌰𑍍𑌵𑌾𑌚𑍀॒ – 𑌨𑍍𑌨𑌵॑ 𑌪𑌞𑍍𑌚𑌾॒𑌶𑌤𑍍)

(𑌯𑌦𑍁॒𑌭𑍌, 𑌦𑍁॒𑌹 𑌏॒𑌵𑍈𑌨𑌾᳚𑌮𑍍)

॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾𑌂 𑌷𑌷𑍍𑌠𑌕𑌾𑌣𑍍𑌡𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥