હિર॑ણ્યશૃંગં॒-વઁરુ॑ણં॒ પ્રપ॑દ્યે તી॒ર્થં મે॑ દેહિ॒ યાચિ॑તઃ ।
ય॒ન્મયા॑ ભુ॒ક્તમ॒સાધૂ॑નાં પા॒પેભ્ય॑શ્ચ પ્ર॒તિગ્ર॑હઃ ।
યન્મે॒ મન॑સા વા॒ચા॒ ક॒ર્મ॒ણા વા દુ॑ષ્કૃતં॒ કૃતમ્ ।
તન્ન॒ ઇંદ્રો॒ વરુ॑ણો॒ બૃહ॒સ્પતિઃ॑ સવિ॒તા ચ॑ પુનંતુ॒ પુનઃ॑ પુનઃ ।
નમો॒ઽગ્નયે᳚ઽપ્સુ॒મતે॒ નમ॒ ઇંદ્રા॑ય॒ નમો॒ વરુ॑ણાય॒ નમો વારુણ્યૈ॑ નમો॒ઽદ્ભ્યઃ ॥
યદ॒પાં ક્રૂ॒રં-યઁદ॑મે॒ધ્યં-યઁદ॑શાં॒તં તદપ॑ગચ્છતાત્ ।
અ॒ત્યા॒શ॒નાદ॑તી-પા॒ના॒-દ્ય॒ચ્ચ ઉ॒ગ્રાત્પ્ર॑તિ॒ગ્રહા᳚ત્ ।
તન્નો॒ વરુ॑ણો રા॒જા॒ પા॒ણિના᳚ હ્યવ॒મર્શતુ ।
સો॑ઽહમ॑પા॒પો વિ॒રજો॒ નિર્મુ॒ક્તો મુ॑ક્તકિ॒લ્બિષઃ॑ ।
નાક॑સ્ય પૃ॒ષ્ઠ-મારુ॑હ્ય॒ ગચ્છે॒દ્ બ્રહ્મ॑સલો॒કતામ્ ।
યશ્ચા॒પ્સુ વરુ॑ણ॒સ્સ પુ॒નાત્વ॑ઘમર્ષ॒ણઃ ।
ઇ॒મં મે॑ ગંગે યમુને સરસ્વતિ॒ શુતુ॑દ્રિ॒-સ્તોમગ્મ્॑ સચતા॒ પરુ॒ષ્ણિયા ।
અ॒સિ॒ક્નિ॒યા મ॑રુદ્વૃધે વિ॒તસ્ત॒યાઽઽર્જી॑કીયે શૃણુ॒હ્યા સુ॒ષોમ॑યા ।
ઋ॒તં ચ॑ સ॒ત્યં ચા॒ભી᳚દ્ધા॒-ત્તપ॒સોઽધ્ય॑જાયત ।
તતો॒ રાત્રિ॑રજાયત॒ તત॑-સ્સમુ॒દ્રો અ॑ર્ણ॒વઃ ॥
સ॒મુ॒દ્રાદ॑ર્ણ॒વા દધિ॑ સંવઁથ્સ॒રો અ॑જાયત ।
અ॒હો॒રા॒ત્રાણિ॑ વિ॒દધ॒દ્વિશ્વ॑સ્ય મિષ॒તો વ॒શી ।
સૂ॒ર્યા॒ચં॒દ્ર॒મસૌ॑ ધા॒તા ય॑થા પૂ॒ર્વમ॑કલ્પયત્ ।
દિવં॑ ચ પૃથિ॒વીં ચાં॒તરિ॑ક્ષ॒-મથો॒ સુવઃ॑ ।
યત્પૃ॑થિ॒વ્યાગ્મ્ રજઃ॑ સ્વ॒માંતરિ॑ક્ષે વિ॒રોદ॑સી ।
ઇ॒માગ્ગ્મ્ સ્તદા॒પો વ॑રુણઃ પુ॒નાત્વ॑ઘમર્ષ॒ણઃ ।
પુ॒નંતુ॒ વસ॑વઃ પુ॒નાતુ॒ વરુ॑ણઃ પુ॒નાત્વ॑ઘમર્ષ॒ણઃ ।
એ॒ષ ભૂ॒તસ્ય॑ મ॒ધ્યે ભુવ॑નસ્ય ગો॒પ્તા ।
એ॒ષ પુ॒ણ્યકૃ॑તાં-લોઁ॒કા॒ને॒ષ મૃ॒ત્યોર્ હિ॑ર॒ણ્મયમ્᳚ ।
દ્યાવા॑પૃથિ॒વ્યોર્ હિ॑ર॒ણ્મય॒ગ્મ્॒ સગ્ગ્મ્ શ્રિ॑ત॒ગ્મ્॒ સુવઃ॑ ॥
સન॒-સ્સુવ॒-સ્સગ્મ્શિ॑શાધિ ।
આર્દ્રં॒ જ્વલ॑તિ॒ જ્યોતિ॑ર॒હમ॑સ્મિ ।
જ્યોતિ॒ર્જ્વલ॑તિ॒ બ્રહ્મા॒હમ॑સ્મિ ।
યો॑ઽહમ॑સ્મિ॒ બ્રહ્મા॒હમ॑સ્મિ ।
અ॒હમ॑સ્મિ॒ બ્રહ્મા॒હમ॑સ્મિ ।
અ॒હમે॒વાહં માં જુ॑હોમિ॒ સ્વાહા᳚ ।
અ॒કા॒ર્ય॒કા॒ર્ય॑વકી॒ર્ણીસ્તે॒નો ભ્રૂ॑ણ॒હા ગુ॑રુત॒લ્પગઃ ।
વરુ॑ણો॒ઽપામ॑ઘમર્ષ॒ણ-સ્તસ્મા᳚ત્ પા॒પાત્ પ્રમુ॑ચ્યતે ।
ર॒જોભૂમિ॑-સ્ત્વ॒માગ્મ્ રોદ॑યસ્વ॒ પ્રવ॑દંતિ॒ ધીરાઃ᳚ ।
આક્રાં᳚થ્સમુ॒દ્રઃ પ્ર॑થ॒મે વિધ॑ર્મંજ॒નય॑ન્ પ્ર॒જા ભુવ॑નસ્ય॒ રાજા᳚ ।
વૃષા॑ પ॒વિત્રે॒ અધિ॒સાનો॒ અવ્યે॑ બૃ॒હત્સોમો॑ વાવૃધે સુવા॒ન ઇંદુઃ॑ ॥