જનક ઉવાચ ॥

મય્યનંતમહાંભોધૌ વિશ્વપોત ઇતસ્તતઃ ।
ભ્રમતિ સ્વાંતવાતેન ન મમાસ્ત્યસહિષ્ણુતા ॥ 7-1॥

મય્યનંતમહાંભોધૌ જગદ્વીચિઃ સ્વભાવતઃ ।
ઉદેતુ વાસ્તમાયાતુ ન મે વૃદ્ધિર્ન ચ ક્ષતિઃ ॥ 7-2॥

મય્યનંતમહાંભોધૌ વિશ્વં નામ વિકલ્પના ।
અતિશાંતો નિરાકાર એતદેવાહમાસ્થિતઃ ॥ 7-3॥

નાત્મા ભાવેષુ નો ભાવસ્તત્રાનંતે નિરંજને ।
ઇત્યસક્તોઽસ્પૃહઃ શાંત એતદેવાહમાસ્થિતઃ ॥ 7-4॥

અહો ચિન્માત્રમેવાહમિંદ્રજાલોપમં જગત્ ।
ઇતિ મમ કથં કુત્ર હેયોપાદેયકલ્પના ॥ 7-5॥