સ્કંદ ઉવાચ ।
યોગીશ્વરો મહાસેનઃ કાર્તિકેયોઽગ્નિનંદનઃ ।
સ્કંદઃ કુમારઃ સેનાનીઃ સ્વામી શંકરસંભવઃ ॥ 1 ॥
ગાંગેયસ્તામ્રચૂડશ્ચ બ્રહ્મચારી શિખિધ્વજઃ ।
તારકારિરુમાપુત્રઃ ક્રૌંચારિશ્ચ ષડાનનઃ ॥ 2 ॥
શબ્દબ્રહ્મસમુદ્રશ્ચ સિદ્ધઃ સારસ્વતો ગુહઃ ।
સનત્કુમારો ભગવાન્ ભોગમોક્ષફલપ્રદઃ ॥ 3 ॥
શરજન્મા ગણાધીશપૂર્વજો મુક્તિમાર્ગકૃત્ ।
સર્વાગમપ્રણેતા ચ વાંછિતાર્થપ્રદર્શનઃ ॥ 4 ॥
અષ્ટાવિંશતિનામાનિ મદીયાનીતિ યઃ પઠેત્ ।
પ્રત્યૂષે શ્રદ્ધયા યુક્તો મૂકો વાચસ્પતિર્ભવેત્ ॥ 5 ॥
મહામંત્રમયાનીતિ મમ નામાનુકીર્તનમ્ ।
મહાપ્રજ્ઞામવાપ્નોતિ નાત્ર કાર્યા વિચારણા ॥ 6 ॥
ઇતિ શ્રીરુદ્રયામલે પ્રજ્ઞાવિવર્ધનાખ્યં શ્રીમત્કાર્તિકેયસ્તોત્રમ્ ॥