દેવરાજ-સેવ્યમાન-પાવનાંઘ્રિ-પંકજં
વ્યાળયજ્ઞ-સૂત્રમિંદુ-શેખરં કૃપાકરમ્ ।
નારદાદિ-યોગિબૃંદ-વંદિતં દિગંબરં
કાશિકાપુરાધિનાથ કાલભૈરવં ભજે ॥ 1 ॥
ભાનુકોટિ-ભાસ્વરં ભવબ્ધિતારકં પરં
નીલકંઠ-મીપ્સિતાર્ધ-દાયકં ત્રિલોચનમ્ ।
કાલકાલ-મંબુજાક્ષ-મક્ષશૂલ-મક્ષરં
કાશિકાપુરાધિનાથ કાલભૈરવં ભજે ॥ 2 ॥
શૂલટંક-પાશદંડ-પાણિમાદિ-કારણં
શ્યામકાય-માદિદેવ-મક્ષરં નિરામયમ્ ।
ભીમવિક્રમં પ્રભું વિચિત્ર તાંડવ પ્રિયં
કાશિકાપુરાધિનાથ કાલભૈરવં ભજે ॥ 3 ॥
ભુક્તિ-મુક્તિ-દાયકં પ્રશસ્તચારુ-વિગ્રહં
ભક્તવત્સલં સ્થિરં સમસ્તલોક-વિગ્રહમ્ ।
નિક્વણન્-મનોજ્ઞ-હેમ-કિંકિણી-લસત્કટિં
કાશિકાપુરાધિનાથ કાલભૈરવં ભજે ॥ 4 ॥
ધર્મસેતુ-પાલકં ત્વધર્મમાર્ગ નાશકં
કર્મપાશ-મોચકં સુશર્મ-દાયકં વિભુમ્ ।
સ્વર્ણવર્ણ-કેશપાશ-શોભિતાંગ-મંડલં
કાશિકાપુરાધિનાથ કાલભૈરવં ભજે ॥ 5 ॥
રત્ન-પાદુકા-પ્રભાભિરામ-પાદયુગ્મકં
નિત્ય-મદ્વિતીય-મિષ્ટ-દૈવતં નિરંજનમ્ ।
મૃત્યુદર્પ-નાશનં કરાળદંષ્ટ્ર-મોક્ષણં
કાશિકાપુરાધિનાથ કાલભૈરવં ભજે ॥ 6 ॥
અટ્ટહાસ-ભિન્ન-પદ્મજાંડકોશ-સંતતિં
દૃષ્ટિપાત-નષ્ટપાપ-જાલમુગ્ર-શાસનમ્ ।
અષ્ટસિદ્ધિ-દાયકં કપાલમાલિકા-ધરં
કાશિકાપુરાધિનાથ કાલભૈરવં ભજે ॥ 7 ॥
ભૂતસંઘ-નાયકં વિશાલકીર્તિ-દાયકં
કાશિવાસિ-લોક-પુણ્યપાપ-શોધકં વિભુમ્ ।
નીતિમાર્ગ-કોવિદં પુરાતનં જગત્પતિં
કાશિકાપુરાધિનાથ કાલભૈરવં ભજે ॥ 8 ॥
કાલભૈરવાષ્ટકં પઠંતિ યે મનોહરં
જ્ઞાનમુક્તિ-સાધકં વિચિત્ર-પુણ્ય-વર્ધનમ્ ।
શોકમોહ-લોભદૈન્ય-કોપતાપ-નાશનં
તે પ્રયાંતિ કાલભૈરવાંઘ્રિ-સન્નિધિં ધ્રુવમ્ ॥
ઇતિ શ્રીમચ્ચંકરાચાર્ય વિરચિતં કાલભૈરવાષ્ટકં સંપૂર્ણમ્ ।