ઓં સ॒હ ના॑વવતુ । સ॒હ નૌ॑ ભુનક્તુ । સ॒હ વી॒ર્યં॑ કરવાવહૈ ।
તે॒જ॒સ્વિના॒વધી॑તમસ્તુ॒ મા વિ॑દ્વિષા॒વહૈ᳚ ॥
ઓં શાંતિઃ॒ શાંતિઃ॒ શાંતિઃ॑ ॥
ઓં અથ પુરુષો હ વૈ નારાયણોઽકામયત પ્રજાઃ સૃ॑જેયે॒તિ ।
ના॒રા॒ય॒ણાત્પ્રા॑ણો જા॒યતે । મનઃ સર્વેંદ્રિ॑યાણિ॒ ચ ।
ખં-વાઁયુર્જ્યોતિરાપઃ પૃથિવી વિશ્વ॑સ્ય ધા॒રિણી ।
ના॒રા॒ય॒ણાદ્બ્ર॑હ્મા જા॒યતે ।
ના॒રા॒ય॒ણાદ્રુ॑દ્રો જા॒યતે ।
ના॒રા॒ય॒ણાદિં॑દ્રો જા॒યતે ।
ના॒રા॒ય॒ણાત્પ્રજાપતયઃ પ્ર॑જાયં॒તે ।
ના॒રા॒ય॒ણાદ્દ્વાદશાદિત્યા રુદ્રા વસવસ્સર્વાણિ ચ છં॑દાગ્મ્॒સિ ।
ના॒રા॒ય॒ણાદેવ સમુ॑ત્પદ્યં॒તે ।
ના॒રા॒ય॒ણે પ્ર॑વર્તં॒તે ।
ના॒રા॒ય॒ણે પ્ર॑લીયં॒તે ॥
ઓમ્ । અથ નિત્યો ના॑રાય॒ણઃ । બ્ર॒હ્મા ના॑રાય॒ણઃ ।
શિ॒વશ્ચ॑ નારાય॒ણઃ । શ॒ક્રશ્ચ॑ નારાય॒ણઃ ।
દ્યા॒વા॒પૃ॒થિ॒વ્યૌ ચ॑ નારાય॒ણઃ । કા॒લશ્ચ॑ નારાય॒ણઃ ।
દિ॒શશ્ચ॑ નારાય॒ણઃ । ઊ॒ર્ધ્વશ્ચ॑ નારાય॒ણઃ ।
અ॒ધશ્ચ॑ નારાય॒ણઃ । અં॒ત॒ર્બ॒હિશ્ચ॑ નારાય॒ણઃ ।
નારાયણ એવે॑દગ્મ્ સ॒ર્વમ્ ।
યદ્ભૂ॒તં-યઁચ્ચ॒ ભવ્યમ્᳚ ।
નિષ્કલો નિરંજનો નિર્વિકલ્પો નિરાખ્યાતઃ શુદ્ધો દેવ
એકો॑ નારાય॒ણઃ । ન દ્વિ॒તીયો᳚સ્તિ॒ કશ્ચિ॑ત્ ।
ય એ॑વં-વેઁ॒દ ।
સ વિષ્ણુરેવ ભવતિ સ વિષ્ણુરે॑વ ભ॒વતિ ॥
ઓમિત્ય॑ગ્રે વ્યા॒હરેત્ । નમ ઇ॑તિ પ॒શ્ચાત્ ।
ના॒રા॒ય॒ણાયેત્યુ॑પરિ॒ષ્ટાત્ ।
ઓમિ॑ત્યેકા॒ક્ષરમ્ । નમ ઇતિ॑ દ્વે અ॒ક્ષરે ।
ના॒રા॒ય॒ણાયેતિ પંચા᳚ક્ષરા॒ણિ ।
એતદ્વૈ નારાયણસ્યાષ્ટાક્ષ॑રં પ॒દમ્ ।
યો હ વૈ નારાયણસ્યાષ્ટાક્ષરં પદ॑મધ્યે॒તિ ।
અનપબ્રવસ્સર્વમા॑યુરે॒તિ ।
વિંદતે પ્રા॑જાપ॒ત્યગ્મ્ રાયસ્પોષં॑ ગૌપ॒ત્યમ્ ।
તતોઽમૃતત્વમશ્નુતે તતોઽમૃતત્વમશ્નુ॑ત ઇ॒તિ ।
ય એ॑વં-વેઁ॒દ ॥
પ્રત્યગાનંદં બ્રહ્મ પુરુષં પ્રણવ॑સ્વરૂ॒પમ્ ।
અકાર ઉકાર મકા॑ર ઇ॒તિ ।
તાનેકધા સમભરત્તદેત॑દોમિ॒તિ ।
યમુક્ત્વા॑ મુચ્ય॑તે યો॒ગી॒ જ॒ન્મ॒સંસા॑રબં॒ધનાત્ ।
ઓં નમો નારાયણાયેતિ મં॑ત્રોપા॒સકઃ ।
વૈકુંઠભુવનલોકં॑ ગમિ॒ષ્યતિ ।
તદિદં પરં પુંડરીકં-વિઁ॑જ્ઞાન॒ઘનમ્ ।
તસ્માત્તદિદા॑વન્મા॒ત્રમ્ ।
બ્રહ્મણ્યો દેવ॑કીપુ॒ત્રો॒ બ્રહ્મણ્યો મ॑ધુસૂ॒દનોમ્ ।
સર્વભૂતસ્થમેકં॑ નારા॒યણમ્ ।
કારણરૂપમકાર પ॑રબ્ર॒હ્મોમ્ ।
એતદથર્વ શિરો॑યોઽધી॒તે પ્રા॒તર॑ધીયા॒નો॒ રાત્રિકૃતં પાપં॑ નાશ॒યતિ ।
સા॒યમ॑ધીયા॒નો॒ દિવસકૃતં પાપં॑ નાશ॒યતિ ।
માધ્યંદિનમાદિત્યાભિમુખો॑ઽધીયા॒નઃ॒ પંચપાતકોપપાતકા᳚ત્પ્રમુ॒ચ્યતે ।
સર્વ વેદ પારાયણ પુ॑ણ્યં-લઁ॒ભતે ।
નારાયણસાયુજ્યમ॑વાપ્નો॒તિ॒ નારાયણ સાયુજ્યમ॑વાપ્નો॒તિ ।
ય એ॑વં-વેઁ॒દ । ઇત્યુ॑પ॒નિષ॑ત્ ॥
ઓં સ॒હ ના॑વવતુ । સ॒હ નૌ॑ ભુનક્તુ । સ॒હ વી॒ર્યં॑ કરવાવહૈ ।
તે॒જ॒સ્વિના॒વધી॑તમસ્તુ॒ મા વિ॑દ્વિષા॒વહૈ᳚ ॥
ઓં શાંતિઃ॒ શાંતિઃ॒ શાંતિઃ॑ ॥