પાર્વતી વલ્લભ અષ્ટકમ્

નમો ભૂતનાથં નમો દેવદેવં
નમઃ કાલકાલં નમો દિવ્યતેજમ્ ।
નમઃ કામભસ્મં નમઃ શાંતશીલં
ભજે પાર્વતીવલ્લભં નીલકંઠમ્ ॥ 1 ॥

સદા તીર્થસિદ્ધં સદા ભક્તરક્ષં
સદા શૈવપૂજ્યં સદા શુભ્રભસ્મમ્ ।
સદા ધ્યાનયુક્તં સદા જ્ઞાનતલ્પં
ભજે પાર્વતીવલ્લભં નીલકંઠમ્ ॥ 2 ॥

શ્મશાને શયાનં મહાસ્થાનવાસં
શરીરં ગજાનાં સદા ચર્મવેષ્ટમ્ ।
પિશાચાદિનાથં પશૂનાં પ્રતિષ્ઠં
ભજે પાર્વતીવલ્લભં નીલકંઠમ્ ॥ 3 ॥

ફણીનાગકંઠે ભુજંગાદ્યનેકં
ગળે રુંડમાલં મહાવીર શૂરમ્ ।
કટિવ્યાઘ્રચર્મં ચિતાભસ્મલેપં
ભજે પાર્વતીવલ્લભં નીલકંઠમ્ ॥ 4 ॥

શિરઃ શુદ્ધગંગા શિવા વામભાગં
વિયદ્દીર્ઘકેશં સદા માં ત્રિણેત્રમ્ ।
ફણીનાગકર્ણં સદા ફાલચંદ્રં
ભજે પાર્વતીવલ્લભં નીલકંઠમ્ ॥ 5 ॥

કરે શૂલધારં મહાકષ્ટનાશં
સુરેશં પરેશં મહેશં જનેશમ્ ।
ધનેશામરેશં ધ્વજેશં ગિરીશં [ધનેશસ્યમિત્રં]
ભજે પાર્વતીવલ્લભં નીલકંઠમ્ ॥ 6 ॥

ઉદાસં સુદાસં સુકૈલાસવાસં
ધરાનિર્ઝરે સંસ્થિતં હ્યાદિદેવમ્ ।
અજં હેમકલ્પદ્રુમં કલ્પસેવ્યં
ભજે પાર્વતીવલ્લભં નીલકંઠમ્ ॥ 7 ॥

મુનીનાં વરેણ્યં ગુણં રૂપવર્ણં
દ્વિજૈઃ સંપઠંતં શિવં વેદશાસ્ત્રમ્ ।
અહો દીનવત્સં કૃપાલું શિવં તં
ભજે પાર્વતીવલ્લભં નીલકંઠમ્ ॥ 8 ॥

સદા ભાવનાથં સદા સેવ્યમાનં
સદા ભક્તિદેવં સદા પૂજ્યમાનમ્ ।
મહાતીર્થવાસં સદા સેવ્યમેકં
ભજે પાર્વતીવલ્લભં નીલકંઠમ્ ॥ 9 ॥

ઇતિ શ્રીમચ્છંકરયોગીંદ્ર વિરચિતં પાર્વતીવલ્લભાષ્ટકં નામ નીલકંઠ સ્તવઃ ॥