ઓં શ્રી પરમાત્મને નમઃ
અથ ગીતા ધ્યાન શ્લોકાઃ
ઓં પાર્થાય પ્રતિબોધિતાં ભગવતા નારાયણેન સ્વયં
વ્યાસેન ગ્રથિતાં પુરાણમુનિના મધ્યે મહાભારતમ્ ।
અદ્વૈતામૃતવર્ષિણીં ભગવતીં અષ્ટાદશાધ્યાયિનીં
અંબ ત્વાં અનુસંદધામિ ભગવદ્ગીતે ભવદ્વેષિણીમ્ ॥
નમોઽસ્તુતે વ્યાસ વિશાલબુદ્ધે ફુલ્લારવિંદાયતપત્રનેત્ર ।
યેન ત્વયા ભારત તૈલપૂર્ણઃ પ્રજ્વાલિતો જ્ઞાનમયઃ પ્રદીપઃ॥
પ્રપન્નપારિજાતાય તોત્રવેત્રૈકપાણયે ।
જ્ઞાનમુદ્રાય કૃષ્ણાય ગીતામૃતદુહે નમઃ ॥
વસુદેવસુતં દેવં કંસચાણૂરમર્દનમ્ ।
દેવકીપરમાનંદં કૃષ્ણં વંદે જગદ્ગુરુમ્ ॥
ભીષ્મદ્રોણતટા જયદ્રથજલા ગાંધારનીલોત્પલા
શલ્યગ્રાહવતી કૃપેણ વહની કર્ણેન વેલાકુલા ।
અશ્વત્થામવિકર્ણઘોરમકરા દુર્યોધનાવર્તિની
સોત્તીર્ણા ખલુ પાંડવૈ રણનદી કૈવર્તકઃ કેશવઃ ॥
પારાશર્યવચઃ સરોજમમલં ગીતાર્થગંધોત્કટં
નાનાખ્યાનકકેસરં હરિકથા સંબોધનાબોધિતમ્ ।
લોકે સજ્જનષટ્પદૈરહરહઃ પેપીયમાનં મુદા
ભૂયાદ્ભારતપંકજં કલિમલ પ્રધ્વંસિનઃ શ્રેયસે ॥
મૂકં કરોતિ વાચાલં પંગું લંઘયતે ગિરિમ્ ।
યત્કૃપા તમહં વંદે પરમાનંદમાધવમ્ ॥
શાંતાકારં ભુજગશયનં પદ્મનાભં સુરેશં
વિશ્વાધારં ગગનસદૃશં મેઘવર્ણં શુભાંગમ્ ।
લક્ષ્મીકાંતં કમલનયનં યોગિહૃદ્ધ્યાનગમ્યં
વંદે વિષ્ણું ભવભયહરં સર્વ લોકૈકનાથમ્ ॥
યં બ્રહ્માવરુણેંદ્રરુદ્રમરુતઃ સ્તુન્વંતિ દિવ્યૈઃ સ્તવૈઃ
વેદૈઃ સાંગપદક્રમોપનિષદૈઃ ગાયંતિ યં સામગાઃ ।
ધ્યાનાવસ્થિત તદ્ગતેન મનસા પશ્યંતિ યં યોગિનઃ
યસ્યાંતં ન વિદુસ્સુરાસુરગણાઃ દેવાય તસ્મૈ નમઃ ॥
નારાયણં નમસ્કૃત્ય નરંચૈવ નરોત્તમમ્ ।
દેવીં સરસ્વતીં વ્યાસં તતો જયમુદીરયેત્ ॥
સચ્ચિદાનંદરૂપાય કૃષ્ણાયાક્લિષ્ટકારિણે ।
નમો વેદાંતવેદ્યાય ગુરવે બુદ્ધિસાક્ષિણે॥
સર્વોપનિષદો ગાવઃ દોગ્ધા ગોપાલનંદનઃ ।
પાર્થો વત્સઃ સુધીર્ભોક્તા દુગ્ધં ગીતામૃતં મહત્ ॥
ગીતાશાસ્ત્રમિદં પુણ્યં યઃ પઠેત્ પ્રયતઃ પુમાન્ ।
વિષ્ણોઃ પદમવાપ્નોતિ ભયશોકાદિ વર્જિતઃ ॥
એકં શાસ્ત્રં દેવકીપુત્રગીતં એકો દેવો દેવકીપુત્ર એવ ।
એકો મંત્રસ્તસ્ય નામાનિ યાનિ કર્માપ્યેકં તસ્ય દેવસ્ય સેવા ॥
॥ ઓં શ્રી કૃષ્ણાય પરમાત્મને નમઃ ॥