॥ દ્વાદશ સ્તોત્રાણિ॥
અથ પ્રથમસ્તોત્રમ્
વંદે વંદ્યં સદાનંદં વાસુદેવં નિરંજનમ્ ।
ઇંદિરાપતિમાદ્યાદિ વરદેશ વરપ્રદમ્ ॥ 1॥
નમામિ નિખિલાધીશ કિરીટાઘૃષ્ટપીઠવત્ ।
હૃત્તમઃ શમનેઽર્કાભં શ્રીપતેઃ પાદપંકજમ્ ॥ 2॥
જાંબૂનદાંબરાધારં નિતંબં ચિંત્યમીશિતુઃ ।
સ્વર્ણમંજીરસંવીતં આરૂઢં જગદંબયા ॥ 3॥
ઉદરં ચિંત્યં ઈશસ્ય તનુત્વેઽપિ અખિલંભરમ્ ।
વલિત્રયાંકિતં નિત્યં આરૂઢં શ્રિયૈકયા ॥ 4॥
સ્મરણીયમુરો વિષ્ણોઃ ઇંદિરાવાસમુત્તમૈઃ । વર્
ઇંદિરાવાસમીશિતુઃ ઇંદિરાવાસમુત્તમમ્
અનંતં અંતવદિવ ભુજયોરંતરંગતમ્ ॥ 5॥
શંખચક્રગદાપદ્મધરાશ્ચિંત્યા હરેર્ભુજાઃ ।
પીનવૃત્તા જગદ્રક્ષા કેવલોદ્યોગિનોઽનિશમ્ ॥ 6॥
સંતતં ચિંતયેત્કંઠં ભાસ્વત્કૌસ્તુભભાસકમ્ ।
વૈકુંઠસ્યાખિલા વેદા ઉદ્ગીર્યંતેઽનિશં યતઃ ॥ 7॥
સ્મરેત યામિનીનાથ સહસ્રામિતકાંતિમત્ ।
ભવતાપાપનોદીડ્યં શ્રીપતેઃ મુખપંકજમ્ ॥ 8॥
પૂર્ણાનન્યસુખોદ્ભાસિં અંદસ્મિતમધીશિતુઃ ।
ગોવિંદસ્ય સદા ચિંત્યં નિત્યાનંદપદપ્રદમ્ ॥ 9॥
સ્મરામિ ભવસંતાપ હાનિદામૃતસાગરમ્ ।
પૂર્ણાનંદસ્ય રામસ્ય સાનુરાગાવલોકનમ્ ॥ 10॥
ધ્યાયેદજસ્રમીશસ્ય પદ્મજાદિપ્રતીક્ષિતમ્ ।
ભ્રૂભંગં પારમેષ્ઠ્યાદિ પદદાયિ વિમુક્તિદમ્ ॥ 11॥
સંતતં ચિંતયેઽનંતં અંતકાલે । (અંત્યકાલે વિશેષતઃ)
નૈવોદાપુઃ ગૃણંતોઽંતં યદ્ગુણાનાં અજાદયઃ ॥ 12॥
ઇતિ શ્રીમદાનંદતીર્થભગવત્પાદાચાર્ય વિરચિતં
દ્વાદશસ્તોત્રેષુ પ્રથમસ્તોત્રં સંપૂર્ણમ્