ધ્યાનમ્
શ્રીમન્માતરમંબિકાં વિધિમનોજાતાં સદાભીષ્ટદાં
સ્કંદેષ્ટાં ચ જગત્પ્રસૂં વિજયદાં સત્પુત્ર સૌભાગ્યદામ્ ।
સદ્રત્નાભરણાન્વિતાં સકરુણાં શુભ્રાં શુભાં સુપ્રભાં
ષષ્ઠાંશાં પ્રકૃતેઃ પરં ભગવતીં શ્રીદેવસેનાં ભજે ॥ 1 ॥
ષષ્ઠાંશાં પ્રકૃતેઃ શુદ્ધાં સુપ્રતિષ્ઠાં ચ સુવ્રતાં
સુપુત્રદાં ચ શુભદાં દયારૂપાં જગત્પ્રસૂમ્ ।
શ્વેતચંપકવર્ણાભાં રક્તભૂષણભૂષિતાં
પવિત્રરૂપાં પરમં દેવસેના પરાં ભજે ॥ 2 ॥
સ્તોત્રમ્
નમો દેવ્યૈ મહાદેવ્યૈ સિદ્ધ્યૈ શાંત્યૈ નમો નમઃ ।
શુભાયૈ દેવસેનાયૈ ષષ્ઠીદેવ્યૈ નમો નમઃ ॥ 1 ॥
વરદાયૈ પુત્રદાયૈ ધનદાયૈ નમો નમઃ ।
સુખદાયૈ મોક્ષદાયૈ ષષ્ઠીદેવ્યૈ નમો નમઃ ॥ 2 ॥
સૃષ્ટ્યૈ ષષ્ઠાંશરૂપાયૈ સિદ્ધાયૈ ચ નમો નમઃ ।
માયાયૈ સિદ્ધયોગિન્યૈ ષષ્ઠીદેવ્યૈ નમો નમઃ ॥ 3 ॥
સારાયૈ શારદાયૈ ચ પરાદેવ્યૈ નમો નમઃ ।
બાલાધિષ્ટાતૃદેવ્યૈ ચ ષષ્ઠીદેવ્યૈ નમો નમઃ ॥ 4 ॥
કળ્યાણદાયૈ કળ્યાણ્યૈ ફલદાયૈ ચ કર્મણામ્ ।
પ્રત્યક્ષાયૈ સર્વભક્તાનાં ષષ્ઠીદેવ્યૈ નમો નમઃ ॥ 5 ॥
પૂજ્યાયૈ સ્કંદકાંતાયૈ સર્વેષાં સર્વકર્મસુ ।
દેવરક્ષણકારિણ્યૈ ષષ્ઠીદેવ્યૈ નમો નમઃ ॥ 6 ॥
શુદ્ધસત્ત્વસ્વરૂપાયૈ વંદિતાયૈ નૃણાં સદા ।
હિંસાક્રોધવર્જિતાયૈ ષષ્ઠીદેવ્યૈ નમો નમઃ ॥ 7 ॥
ધનં દેહિ પ્રિયાં દેહિ પુત્રં દેહિ સુરેશ્વરિ ।
માનં દેહિ જયં દેહિ દ્વિષો જહિ મહેશ્વરિ ॥ 8 ॥
ધર્મં દેહિ યશો દેહિ ષષ્ઠીદેવી નમો નમઃ ।
દેહિ ભૂમિં પ્રજાં દેહિ વિદ્યાં દેહિ સુપૂજિતે ।
કળ્યાણં ચ જયં દેહિ ષષ્ઠીદેવ્યૈ નમો નમઃ ॥ 9 ॥
ફલશૃતિ
ઇતિ દેવીં ચ સંસ્તુત્ય લભેત્પુત્રં પ્રિયવ્રતમ્ ।
યશશ્વિનં ચ રાજેંદ્રં ષષ્ઠીદેવિ પ્રસાદતઃ ॥ 10 ॥
ષષ્ઠીસ્તોત્રમિદં બ્રહ્માન્ યઃ શૃણોતિ તુ વત્સરમ્ ।
અપુત્રો લભતે પુત્રં વરં સુચિર જીવનમ્ ॥ 11 ॥
વર્ષમેકં ચ યા ભક્ત્યા સંસ્તુત્યેદં શૃણોતિ ચ ।
સર્વપાપાદ્વિનિર્મુક્તા મહાવંધ્યા પ્રસૂયતે ॥ 12 ॥
વીરં પુત્રં ચ ગુણિનં વિદ્યાવંતં યશસ્વિનમ્ ।
સુચિરાયુષ્યવંતં ચ સૂતે દેવિ પ્રસાદતઃ ॥ 13 ॥
કાકવંધ્યા ચ યા નારી મૃતવત્સા ચ યા ભવેત્ ।
વર્ષં શૃત્વા લભેત્પુત્રં ષષ્ઠીદેવિ પ્રસાદતઃ ॥ 14 ॥
રોગયુક્તે ચ બાલે ચ પિતામાતા શૃણોતિ ચેત્ ।
માસેન મુચ્યતે રોગાન્ ષષ્ઠીદેવિ પ્રસાદતઃ ॥ 15 ॥
જય દેવિ જગન્માતઃ જગદાનંદકારિણિ ।
પ્રસીદ મમ કળ્યાણિ નમસ્તે ષષ્ઠીદેવતે ॥ 16 ॥
ઇતિ શ્રી ષષ્ઠીદેવિ સ્તોત્રમ્ ।