હે સ્વામિનાથાર્તબંધો ।
ભસ્મલિપ્તાંગ ગાંગેય કારુણ્યસિંધો ॥
રુદ્રાક્ષધારિન્નમસ્તે
રૌદ્રરોગં હર ત્વં પુરારેર્ગુરોર્મે ।
રાકેંદુવક્ત્રં ભવંતં
મારરૂપં કુમારં ભજે કામપૂરમ્ ॥ 1 ॥
માં પાહિ રોગાદઘોરાત્
મંગળાપાંગપાતેન ભંગાત્સ્વરાણામ્ ।
કાલાચ્ચ દુષ્પાકકૂલાત્
કાલકાલસ્યસૂનું ભજે ક્રાંતસાનુમ્ ॥ 2 ॥
બ્રહ્માદયો યસ્ય શિષ્યાઃ
બ્રહ્મપુત્રા ગિરૌ યસ્ય સોપાનભૂતાઃ ।
સૈન્યં સુરાશ્ચાપિ સર્વે
સામવેદાદિગેયં ભજે કાર્તિકેયમ્ ॥ 3 ॥
કાષાય સંવીત ગાત્રં
કામરોગાદિ સંહારિ ભિક્ષાન્ન પાત્રમ્ ।
કારુણ્ય સંપૂર્ણ નેત્રં
શક્તિહસ્તં પવિત્રં ભજે શંભુપુત્રમ્ ॥ 4 ॥
શ્રીસ્વામિ શૈલે વસંતં
સાધુસંઘસ્ય રોગાન્ સદા સંહરંતમ્ ।
ઓંકારતત્ત્વં વદંતં
શંભુકર્ણે હસંતં ભજેઽહં શિશું તમ્ ॥ 5 ॥
સ્તોત્રં કૃતં ચિત્રચિત્રં
દીક્ષિતાનંતરામેણ સર્વાર્થસિદ્ધ્યૈ ।
ભક્ત્યા પઠેદ્યઃ પ્રભાતે
દેવદેવપ્રસાદાત્ લભેતાષ્ટસિદ્ધિમ્ ॥ 6 ॥
ઇતિ શ્રીઅનંતરામદીક્ષિતર્ કૃતં શ્રી સ્વામિનાથ પંચકમ્ ।