શ્રી હયગ્રીવ સંપદા સ્તોત્રમ્Download PDF

જ્ઞાનાનંદમયં દેવં નિર્મલસ્ફટિકાકૃતિં
આધારં સર્વવિદ્યાનાં હયગ્રીવમુપાસ્મહે ॥1॥

હયગ્રીવ હયગ્રીવ હયગ્રીવેતિ વાદિનમ્ ।
નરં મુંચંતિ પાપાનિ દરિદ્રમિવ યોષિતઃ ॥ 1॥

હયગ્રીવ હયગ્રીવ હયગ્રીવેતિ યો વદેત્ ।
તસ્ય નિસ્સરતે વાણી જહ્નુકન્યા પ્રવાહવત્ ॥ 2॥

હયગ્રીવ હયગ્રીવ હયગ્રીવેતિ યો ધ્વનિઃ ।
વિશોભતે સ વૈકુંઠ કવાટોદ્ઘાટનક્ષમઃ ॥ 3॥

શ્લોકત્રયમિદં પુણ્યં હયગ્રીવપદાંકિતમ્
વાદિરાજયતિપ્રોક્તં પઠતાં સંપદાં પદમ્ ॥ 4॥

॥ ઇતિ શ્રીમદ્વાદિરાજપૂજ્યચરણવિરચિતં હયગ્રીવસંપદાસ્તોત્રં સંપૂર્ણમ્ ॥