-(ઋ.વે.6.61)
ઇ॒યમ્॑દદાદ્રભ॒સમૃ॑ણ॒ચ્યુતં॒ દિવો᳚દાસં-વઁદ્ર્ય॒શ્વાય॑ દા॒શુષે᳚ ।
યા શશ્વં᳚તમાચ॒ખશદા᳚વ॒સં પ॒ણિં તા તે᳚ દા॒ત્રાણિ॑ તવિ॒ષા સ॑રસ્વતિ ॥ 1 ॥
ઇ॒યં શુષ્મે᳚ભિર્બિસ॒ખા ઇ॑વારુજ॒ત્સાનુ॑ ગિરી॒ણાં ત॑વિ॒ષેભિ॑રૂ॒ર્મિભિઃ॑ ।
પા॒રા॒વ॒ત॒ઘ્નીમવ॑સે સુવૃ॒ક્તિભિ॑સ્સર॑સ્વતી॒ મા વિ॑વાસેમ ધી॒તિભિઃ॑ ॥ 2 ॥
સર॑સ્વતિ દેવ॒નિદો॒ નિ બ॑ર્હય પ્ર॒જાં-વિઁશ્વ॑સ્ય॒ બૃસ॑યસ્ય મા॒યિનઃ॑ ।
ઉ॒ત ક્ષિ॒તિભ્યો॒ઽવની᳚રવિંદો વિ॒ષમે᳚ભ્યો અસ્રવો વાજિનીવતિ ॥ 3 ॥
પ્રણો᳚ દે॒વી સર॑સ્વતી॒ વાજે᳚ભિર્વા॒જિની᳚વતી ।
ધી॒નામ॑વિ॒ત્ર્ય॑વતુ ॥ 4 ॥
યસ્ત્વા᳚ દેવિ સરસ્વત્યુપબ્રૂ॒તે ધને᳚ હિ॒તે ।
ઇંદ્રં॒ ન વૃ॑ત્ર॒તૂર્યે᳚ ॥ 5 ॥
ત્વં દે᳚વિ સરસ્વ॒ત્યવા॒ વાજે᳚ષુ વાજિનિ ।
રદા᳚ પૂ॒ષેવ॑ નઃ સ॒નિમ્ ॥ 6 ॥
ઉ॒ત સ્યા નઃ॒ સર॑સ્વતી ઘો॒રા હિર᳚ણ્યવર્તનિઃ ।
વૃ॒ત્ર॒ઘ્ની વ॑ષ્ટિ સુષ્ટુ॒તિમ્ ॥ 7 ॥
યસ્યા᳚ અનં॒તો અહ્રુ॑તસ્ત્વે॒ષશ્ચ॑રિ॒ષ્ણુર᳚ર્ણ॒વઃ ।
અમ॒શ્ચર॑તિ॒ રોરુ॑વત્ ॥ 8 ॥
સા નો॒ વિશ્વા॒ અતિ॒ દ્વિષઃ॒ સ્વસૄ᳚ર॒ન્યા ઋ॒તાવ॑રી ।
અત॒ન્નહે᳚વ॒ સૂર્યઃ॑ ॥ 9 ॥
ઉ॒ત નઃ॑ પ્રિ॒યા પ્રિ॒યાસુ॑ સ॒પ્તસ્વ॑સા॒ સુજુ॑ષ્ટા ।
સર॑સ્વતી॒ સ્તોમ્યા᳚ ભૂત્ ॥ 10 ॥
આ॒પ॒પ્રુષી॒ પાર્થિ॑વાન્યુ॒રુ રજો᳚ અં॒તરિ॑ક્ષમ્ ।
સર॑સ્વતી નિ॒દસ્પા᳚તુ ॥ 11 ॥
ત્રિ॒ષ॒ધસ્થા᳚ સ॒પ્તધા᳚તુઃ॒ પંચ॑ જા॒તા વ॒ર્ધયં᳚તી ।
વાજે᳚વાજે॒ હવ્યા᳚ ભૂત્ ॥ 12 ॥
પ્ર યા મ॑હિ॒મ્ના મ॒હિના᳚સુ॒ ચેકિ॑તે દ્યુ॒મ્નેભિ॑ર॒ન્યા અ॒પસા᳚મ॒પસ્ત॑મા ।
રથ॑ ઇવ બૃહ॒તી વિ॒ભ્વને᳚ કૃ॒તોપ॒સ્તુત્યા᳚ ચિકિ॒તુષા॒ સર॑સ્વતી ॥ 13 ॥
સર॑સ્વત્ય॒ભિ નો᳚ નેષિ॒ વસ્યો॒ માપ॑ સ્ફરીઃ॒ પય॑સા॒ મા ન॒ આ ધ॑ક્ ।
જુ॒ષસ્વ॑ નઃ સ॒ખ્યા વે॒શ્યા᳚ ચ॒ મા ત્વત્ ક્ષેત્રા॒ણ્યર॑ણાનિ ગન્મ ॥ 14 ॥
–(ઋ.વે.7.95)
પ્ર ક્ષોદ॑સા॒ ધાય॑સા સસ્ર એ॒ષા સર॑સ્વતી ધ॒રુણ॒માય॑સી॒ પૂઃ ।
પ્ર॒બાબ॑ધાના ર॒થ્યે᳚વ યાતિ॒ વિશ્વા᳚ અ॒પો મ॑હિ॒ના સિંધુ॑ર॒ન્યાઃ ॥ 15 ॥
એકા᳚ચેત॒ત્સર॑સ્વતી ન॒દીનાં॒ શુચિ᳚ર્ય॒તી ગિ॒રિભ્ય॒ આ સ॑મુ॒દ્રાત્ ।
રા॒યશ્ચેતં᳚તી॒ ભુવ॑નસ્ય॒ ભૂરે᳚ર્ઘૃ॒તં પયો᳚ દુદુહે॒ નાહુ॑ષાય ॥ 16 ॥
સ વા᳚વૃધે॒ નર્યો॒ યોષ॑ણાસુ॒ વૃષા॒ શિશુ᳚ર્વૃષ॒ભો ય॒જ્ઞિયા᳚સુ ।
સ વા॒જિનં᳚ મ॒ઘવ॑દ્ભ્યો દધાતિ॒ વિ સા॒તયે᳚ ત॒ન્વં᳚ મામૃજીત ॥ 17 ॥
ઉ॒ત સ્યા નઃ॒ સર॑સ્વતી જુષા॒ણોપ॑ શ્રવત્સુ॒ભગા᳚ ય॒જ્ઞે અ॒સ્મિન્ન્ ।
મિ॒તજ્ઞુ॑ભિર્નમ॒સ્યૈ᳚રિયા॒ના રા॒યા યુ॒જા ચિ॒દુત્ત॑રા॒ સખિ॑ભ્યઃ ॥ 18 ॥
ઇ॒મા જુહ્વા᳚ના યુ॒ષ્મદા નમો᳚ભિઃ॒ પ્રતિ॒ સ્તોમં᳚ સરસ્વતિ જુષસ્વ ।
તવ॒ શર્મ᳚ન્પ્રિ॒યત॑મે॒ દધા᳚ના॒ ઉપ॑ સ્થેયામ શર॒ણં ન વૃ॒ક્ષમ્ ॥ 19 ॥
અ॒યમુ॑ તે સરસ્વતિ॒ વસિ॑ષ્ઠો॒ દ્વારા᳚વૃ॒તસ્ય॑ સુભગે॒ વ્યા᳚વઃ ।
વર્ધ॑ શુભ્રે સ્તુવ॒તે રા᳚સિ॒ વાજા॑ન્યૂ॒યં પા᳚ત સ્વ॒સ્તિભિઃ॒ સદા᳚ નઃ ॥ 20 ॥
(ઋ.વે.7.96)
બૃ॒હદુ॑ ગાયિષે॒ વચો᳚ઽસુ॒ર્યા᳚ ન॒દીના᳚મ્ ।
સર॑સ્વતી॒મિન્મ॑હયા સુવૃ॒ક્તિભિ॒સ્સ્તોમૈ᳚ર્વસિષ્ઠ॒ રોદ॑સી ॥ 21 ॥
ઉ॒ભે યત્તે᳚ મહિ॒ના શુ॑ભ્રે॒ અંધ॑સી અધિક્ષિ॒યંતિ॑ પૂ॒રવઃ॑ ।
સા નો᳚ બોધ્યવિ॒ત્રી મ॒રુત્સ॑ખા॒ ચોદ॒ રાધો᳚ મ॒ઘોના᳚મ્ ॥ 22 ॥
ભ॒દ્રમિદ્ભ॒દ્રા કૃ॑ણવ॒ત્સર॑સ્વ॒ત્યક॑વારી ચેતતિ વા॒જિની᳚વતી ।
ગૃ॒ણા॒ના જ॑મદગ્નિ॒વત્સ્તુ॑વા॒ના ચ॑ વસિષ્ઠ॒વત્ ॥ 23 ॥
જ॒ની॒યંતો॒ ન્વગ્ર॑વઃ પુત્રી॒યંતઃ॑ સુ॒દાન॑વઃ ।
સર॑સ્વંતં હવામહે ॥ 24 ॥
યે તે᳚ સરસ્વ ઊ॒ર્મયો॒ મધુ॑મંતો ઘૃત॒શ્ચુતઃ॑ ।
તેભિ᳚ર્નોઽવિ॒તા ભ॒વ ॥ 25 ॥
પી॒પિ॒વાંસં॒ સર॑સ્વતઃ॒ સ્તનં॒-યોઁ વિ॒શ્વદ॑ર્શતઃ ।
ભ॒ક્ષી॒મહિ॑ પ્ર॒જામિષમ્᳚ ॥ 26 ॥
(ઋ.વે.2.41.16)
અંબિ॑તમે॒ નદી᳚તમે॒ દેવિ॑તમે॒ સર॑સ્વતિ ।
અ॒પ્ર॒શ॒સ્તા ઇ॑વ સ્મસિ॒ પ્રશ॑સ્તિમંબ નસ્કૃધિ ॥ 27 ॥
ત્વે વિશ્વા᳚ સરસ્વતિ શ્રિ॒તાયૂં᳚ષિ દે॒વ્યામ્ ।
શુ॒નહો᳚ત્રેષુ મત્સ્વ પ્ર॒જાં દે᳚વિ દિદિડ્ઢિ નઃ ॥ 28 ॥
ઇ॒મા બ્રહ્મ॑ સરસ્વતિ જુ॒ષસ્વ॑ વાજિનીવતિ ।
યા તે॒ મન્મ॑ ગૃત્સમ॒દા ઋ॑તાવરિ પ્રિ॒યા દે॒વેષુ॒ જુહ્વ॑તિ ॥ 29 ॥
(ઋ.વે.1.3.10)
પા॒વ॒કા નઃ॒ સર॑સ્વતી॒ વાજે᳚ભિર્વા॒જિની᳚વતી ।
ય॒જ્ઞં-વઁ॑ષ્ટુ ધિ॒યાવ॑સુઃ ॥ 30 ॥
ચો॒દ॒યિ॒ત્રી સૂ॒નૃતા᳚નાં॒ ચેતં᳚તી સુમતી॒નામ્ ।
ય॒જ્ઞં દ॑ધે॒ સર॑સ્વતી ॥ 31 ॥
મ॒હો અર્ણઃ॒ સર॑સ્વતી॒ પ્ર ચે᳚તયતિ કે॒તુના᳚ ।
ધિયો॒ વિશ્વા॒ વિ રા᳚જતિ ॥ 32 ॥
(ઋ.વે.10.17.7)
સર॑સ્વતીં દેવ॒યંતો᳚ હવંતે॒ સર॑સ્વતીમધ્વ॒રે તા॒યમા᳚ને ।
સર॑સ્વતીં સુ॒કૃતો᳚ અહ્વયંત॒ સર॑સ્વતી દા॒શુષે॒ વાર્યં᳚ દાત્ ॥ 33 ॥
સર॑સ્વતિ॒ યા સ॒રથં᳚-યઁ॒યાથ॑ સ્વ॒ધાભિ॑ર્દેવિ પિ॒તૃભિ॒ર્મદં᳚તી ।
આ॒સદ્યા॒સ્મિન્બ॒ર્હિષિ॑ માદયસ્વાનમી॒વા ઇષ॒ આ ધે᳚હ્ય॒સ્મે ॥ 34 ॥
સર॑સ્વતીં॒-યાંઁ પિ॒તરો॒ હવં᳚તે દક્ષિ॒ણા ય॒જ્ઞમ॑ભિ॒નક્ષ॑માણાઃ ।
સ॒હ॒સ્રા॒ર્ઘમિ॒ળો અત્ર॑ ભા॒ગં રા॒યસ્પોષં॒-યઁજ॑માનેષુ ધેહિ ॥ 35 ॥
(ઋ.વે.5.43.11)
આ નો᳚ દિ॒વો બૃ॑હ॒તઃ પર્વ॑તા॒દા સર॑સ્વતી યજ॒તા ગં᳚તુ ય॒જ્ઞમ્ ।
હવં᳚ દે॒વી જુ॑જુષા॒ણા ઘૃ॒તાચી᳚ શ॒ગ્માં નો॒ વાચ॑મુશ॒તી શૃ॑ણોતુ ॥ 36 ॥
(ઋ.વે.2.32.4)
રા॒કામ॒હં સુ॒હવાં᳚ સુષ્ટુ॒તી હુ॑વે શૃ॒ણોતુ॑ નઃ સુ॒ભગા॒ બોધ॑તુ॒ ત્મના᳚ ।
સીવ્ય॒ત્વપઃ॑ સૂ॒ચ્યાચ્છિ॑દ્યમાનયા॒ દદા᳚તુ વી॒રં શ॒તદા᳚યમુ॒ક્થ્યમ્᳚ ॥ 37 ॥
યાસ્તે᳚ રાકે સુમ॒તયઃ॑ સુ॒પેશ॑સો॒ યાભિ॒ર્દદા᳚સિ દા॒શુષે॒ વસૂ᳚નિ ।
તાભિ᳚ર્નો અ॒દ્ય સુ॒મના᳚ ઉ॒પાગ॑હિ સહસ્રપો॒ષં સુ॑ભગે॒ રરા᳚ણા ॥ 38 ॥
સિની᳚વાલિ॒ પૃથુ॑ષ્ટુકે॒ યા દે॒વાના॒મસિ॒ સ્વસા᳚ ।
જુ॒ષસ્વ॑ હ॒વ્યમાહુ॑તં પ્ર॒જાં દે᳚વિ દિદિડ્ઢિ નઃ ॥ 39 ॥
યા સુ॑બા॒હુઃ સ્વં᳚ગુ॒રિઃ સુ॒ષૂમા᳚ બહુ॒સૂવ॑રી ।
તસ્યૈ᳚ વિ॒શ્પત્ન્યૈ᳚ હ॒વિઃ સિ॑નીવા॒લ્યૈ જુ॑હોતન ॥ 40 ॥
યા ગું॒ગૂર્યા સિ॑નીવા॒લી યા રા॒કા યા સર॑સ્વતી ।
ઇં॒દ્રા॒ણીમ॑હ્વ ઊ॒તયે᳚ વરુણા॒નીં સ્વ॒સ્તયે᳚ ॥ 41 ॥
ઓં શાંતિઃ॒ શાંતિઃ॒ શાંતિઃ॑ ॥