કૃષ્ણ યજુર્વેદીય તૈત્તિરીય સંહિતાયા-ન્દ્વિતીયકાણ્ડે દ્વિતીયઃ પ્રશ્નઃ – ઇષ્ટિવિધાનં
ઓ-ન્નમઃ પરમાત્મને, શ્રી મહાગણપતયે નમઃ,
શ્રી ગુરુભ્યો નમઃ । હ॒રિઃ॒ ઓમ્ ॥
પ્ર॒જાપતિઃ॑ પ્ર॒જા અ॑સૃજત॒ તા-સ્સૃ॒ષ્ટા॒ ઇન્દ્રા॒ગ્ની અપા॑ગૂહતા॒ગ્મ્॒ સો॑-ઽચાય-ત્પ્ર॒જાપ॑તિરિન્દ્રા॒ગ્ની વૈ મે᳚ પ્ર॒જા અપા॑ઘુક્ષતા॒મિતિ॒ સ એ॒તમૈ᳚ન્દ્રા॒ગ્ન- મેકા॑દશકપાલ-મપશ્ય॒-ત્ત-ન્નિર॑વપ॒-ત્તાવ॑સ્મૈ પ્ર॒જાઃ પ્રાસા॑ધયતા- મિન્દ્રા॒ગ્ની વા એ॒તસ્ય॑ પ્ર॒જામપ॑ ગૂહતો॒ યો-ઽલં॑ પ્ર॒જાયૈ॒ સ-ન્પ્ર॒જા-ન્ન વિ॒ન્દત॑ ઐન્દ્રા॒ગ્ન-મેકા॑દશકપાલ॒-ન્નિર્વ॑પેત્-પ્ર॒જાકા॑મ ઇન્દ્રા॒ગ્ની [ ] 1
એ॒વ સ્વેન॑ ભાગ॒ધેયે॒નોપ॑ ધાવતિ॒ તાવે॒વાસ્મૈ᳚ પ્ર॒જા-મ્પ્ર સા॑ધયતો વિ॒ન્દતે᳚ પ્ર॒જા-મૈ᳚ન્દ્રા॒ગ્ન-મેકા॑દશકપાલ॒-ન્નિર્વ॑પે॒-થ્સ્પર્ધ॑માનઃ॒, ક્ષેત્રે॑ વા સજા॒તેષુ॑ વેન્દ્રા॒ગ્ની એ॒વ સ્વેન॑ ભાગ॒ધેયે॒નોપ॑ ધાવતિ॒ તાભ્યા॑મે॒વેન્દ્રિ॒યં વીઁ॒ર્ય॑-મ્ભ્રાતૃ॑વ્યસ્ય વૃઙ્ક્તે॒ વિ પા॒પ્મના॒ ભ્રાતૃ॑વ્યેણ જય॒તે-ઽપ॒ વા એ॒તસ્મા॑દિન્દ્રિ॒યં-વીઁ॒ર્ય॑-ઙ્ક્રામતિ॒ ય-સ્સ॑ગ્રા॒મ્મ-મુ॑પપ્ર॒યાત્યૈ᳚ન્દ્રા॒ગ્ન-મેકા॑દશકપાલ॒-ન્નિ- [-મેકા॑દશકપાલ॒-ન્નિઃ, વ॒પે॒-થ્સ॒ઙ્ગ્રા॒મ-] 2
-ર્વ॑પે-થ્સઙ્ગ્રા॒મ-મુ॑પપ્રયા॒સ્ય-ન્નિ॑ન્દ્રા॒ગ્ની એ॒વ સ્વેન॑ ભાગ॒ધેયે॒નોપ॑ ધાવતિ॒ તાવે॒વાસ્મિ॑-ન્નિન્દ્રિ॒યં-વીઁ॒ર્ય॑-ન્ધત્ત-સ્સ॒હેન્દ્રિ॒યેણ॑ વી॒ર્યે॑ણોપ॒ પ્ર યા॑તિ॒ જય॑તિ॒ તગ્મ્ સ॑ગ્રા॒મ્મં-વિઁ વા એ॒ષ ઇ॑ન્દ્રિ॒યેણ॑ વી॒ર્યે॑ણર્ધ્યતે॒ ય-સ્સ॑ગ્રા॒મ્મ-ઞ્જય॑ત્યૈન્દ્રા॒ગ્ન-મેકા॑દશકપાલ॒-ન્નિર્વ॑પે-થ્સઙ્ગ્રા॒મ-ઞ્જિ॒ત્વેન્દ્રા॒ગ્ની એ॒વ સ્વેન॑ ભાગ॒ધેયે॒નોપ॑ ધાવતિ॒ તાવે॒વાસ્મિ॑-ન્નિદ્રિ॒યં-વીઁ॒ર્ય॑ન્- [વી॒ર્ય᳚મ્, ધ॒ત્તો॒ નેન્દ્રિ॒યેણ॑] 3
-ધત્તો॒ નેન્દ્રિ॒યેણ॑ વી॒ર્યે॑ણ॒ વ્યૃ॑દ્ધ્ય॒તે-ઽપ॒ વા એ॒તસ્મા॑દિન્દ્રિ॒યં-વીઁ॒ર્ય॑-ઙ્ક્રામતિ॒ ય એતિ॑ જ॒નતા॑મૈન્દ્રા॒ગ્ન-મેકા॑દશકપાલ॒-ન્નિર્વ॑પે-જ્જ॒નતા॑મે॒ષ્ય-ન્નિ॑ન્દ્રા॒ગ્ની એ॒વ સ્વેન॑ ભાગ॒ધેયે॒નોપ॑ ધાવતિ॒ તાવે॒વાસ્મિ॑-ન્નિન્દ્રિ॒યં-વીઁ॒ર્ય॑-ન્ધત્ત-સ્સ॒હેન્દ્રિ॒યેણ॑ વી॒ર્યે॑ણ જ॒નતા॑મેતિ પૌ॒ષ્ણ-ઞ્ચ॒રુમનુ॒ નિર્વ॑પે-ત્પૂ॒ષા વા ઇ॑ન્દ્રિ॒યસ્ય॑ વી॒ર્ય॑સ્યા-ઽનુપ્રદા॒તા પૂ॒ષણ॑મે॒વ [ ] 4
સ્વેન॑ ભાગ॒ધેયે॒નોપ॑ ધાવતિ॒ સ એ॒વાસ્મા॑ ઇન્દ્રિ॒યં-વીઁ॒ર્ય॑મનુ॒ પ્રય॑ચ્છતિ ક્ષૈત્રપ॒ત્ય-ઞ્ચ॒રુ-ન્નિર્વ॑પે-જ્જ॒નતા॑-મા॒ગત્યે॒યં-વૈઁ ક્ષેત્ર॑સ્ય॒ પતિ॑ર॒સ્યામે॒વ પ્રતિ॑ તિષ્ઠત્યૈન્દ્રા॒ગ્ન-મેકા॑દશકપાલ-મુ॒પરિ॑ષ્ટા॒-ન્નિર્વ॑પેદ॒સ્યામે॒વ પ્ર॑તિ॒ષ્ઠાયે᳚ન્દ્રિ॒યં-વીઁ॒ર્ય॑-મુ॒પરિ॑ષ્ટા-દા॒ત્મ-ન્ધ॑ત્તે ॥ 5 ॥
(પ્ર॒જાકા॑મ ઇન્દ્રા॒ગ્ની – ઉ॑પપ્ર॒યાત્યૈ᳚ન્દ્રા॒ગ્નમેકા॑દશકપાલ॒-ન્નિ- ર્વી॒ર્યં॑ – પૂ॒ષણ॑મે॒ વૈ – કા॒ન્નચ॑ત્વારિ॒ગ્મ્॒શચ્ચ॑ ) (અ. 1)
અ॒ગ્નયે॑ પથિ॒કૃતે॑ પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒દ્યો દ॑ર્શપૂર્ણમાસયા॒જી સન્ન॑માવા॒સ્યાં᳚-વાઁ પૌર્ણમા॒સીં-વાઁ॑-ઽતિપા॒દયે᳚-ત્પ॒થો વા એ॒ષોદ્ધ્યપ॑થેનૈતિ॒ યો દ॑ર્શપૂર્ણમાસયા॒જી સન્ન॑માવા॒સ્યાં᳚-વાઁ પૌર્ણમા॒સીં-વાઁ॑તિપા॒દય॑ત્ય॒ગ્નિમે॒વ પ॑થિ॒કૃત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વૈન॒મપ॑થા॒-ત્પન્થા॒મપિ॑ નયત્યન॒ડ્વા-ન્દક્ષિ॑ણા વ॒હી હ્યે॑ષ સમૃ॑દ્ધ્યા અ॒ગ્નયે᳚ વ્ર॒તપ॑તયે [વ્ર॒તપ॑તયે, પુ॒રો॒ડાશ॑-] 6
પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒દ્ય આહિ॑તાગ્નિ॒-સ્સન્ન॑વ્ર॒ત્યમિ॑વ॒ ચરે॑દ॒ગ્નિમે॒વ વ્ર॒તપ॑તિ॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વૈનં॑-વ્રઁ॒તમા લ॑ભંયઁતિ॒ વ્રત્યો॑ ભવત્ય॒ગ્નયે॑ રક્ષો॒ઘ્ને પુ॑રો॒ડાશ॑-મ॒ષ્ટાક॑પાલ॒-ન્નિર્વ॑પે॒દ્યગ્મ્ રક્ષાગ્મ્॑સિ॒ સચે॑રન્ન॒ગ્નિમે॒વ ર॑ક્ષો॒હણ॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વાસ્મા॒-દ્રક્ષા॒ગ્॒સ્યપ॑ હન્તિ॒ નિશિ॑તાયા॒-ન્નિર્વ॑પે॒- [નિર્વ॑પેત્, નિશિ॑તાયા॒ગ્મ્॒ હિ] 7
-ન્નિશિ॑તાયા॒ગ્મ્॒ હિ રક્ષાગ્મ્॑સિ પ્રે॒રતે॑ સ॒પ્રેંર્ણા᳚ન્યે॒વૈના॑નિ હન્તિ॒ પરિ॑શ્રિતે યાજયે॒-દ્રક્ષ॑સા॒-મન॑ન્વવચારાય રક્ષો॒ઘ્ની યા᳚જ્યાનુવા॒ક્યે॑ ભવતો॒ રક્ષ॑સા॒ગ્॒ સ્તૃત્યા॑ અ॒ગ્નયે॑ રુ॒દ્રવ॑તે પુરો॒ડાશ॑-મ॒ષ્ટાક॑પાલ॒-ન્નિર્વ॑પે-દભિ॒ચર॑-ન્ને॒ષા વા અ॑સ્ય ઘો॒રા ત॒નૂર્ય-દ્રુ॒દ્રસ્તસ્મા॑ એ॒વૈન॒માવૃ॑શ્ચતિ તા॒જગાર્તિ॒-માર્ચ્છ॑ત્ય॒ગ્નયે॑ સુરભિ॒મતે॑ પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒દ્યસ્ય॒ ગાવો॑ વા॒ પુરુ॑ષા [વા॒ પુરુ॑ષાઃ, વા॒ પ્ર॒મીયે॑ર॒ન્॒] 8
વા પ્ર॒મીયે॑ર॒ન્॒ યો વા॑ બિભી॒યાદે॒ષા વા અ॑સ્ય ભેષ॒જ્યા॑ ત॒નૂર્ય-થ્સુ॑રભિ॒મતી॒-તયૈ॒વા-ઽસ્મૈ॑ ભેષ॒જ-ઙ્ક॑રોતિ સુરભિ॒મતે॑ ભવતિ પૂતીગ॒ન્ધસ્યા-ઽપ॑હત્યા અ॒ગ્નયે॒ ક્ષામ॑વતે પુરો॒ડાશ॑-મ॒ષ્ટાક॑પાલ॒-ન્નિર્વ॑પે-થ્સઙ્ગ્રા॒મે સંયઁ॑ત્તે ભાગ॒ધેયે॑નૈ॒વૈનગ્મ્॑ શમયિ॒ત્વા પરા॑ન॒ભિ નિર્દિ॑શતિ॒ યમવ॑રેષાં॒-વિઁદ્ધ્ય॑ન્તિ॒ જીવ॑તિ॒ સ ય-મ્પરે॑ષા॒-મ્પ્ર સ મી॑યતે॒ જય॑તિ॒ તગ્મ્ સ॑ઙ્ગ્રા॒મ- [તગ્મ્ સ॑ઙ્ગ્રા॒મમ્, અ॒ભિ વા એ॒ષ] 9
-મ॒ભિ વા એ॒ષ એ॒તાનુ॑ચ્યતિ॒ યેષા᳚-મ્પૂર્વાપ॒રા અ॒ન્વઞ્ચઃ॑ પ્ર॒મીય॑ન્તે પુરુષાહુ॒તિર્-હ્ય॑સ્ય પ્રિ॒યત॑મા॒-ઽગ્નયે॒ ક્ષામ॑વતે પુરો॒ડાશ॑-મ॒ષ્ટાક॑પાલ॒-ન્નિર્વ॑પે-દ્ભાગ॒ધેયે॑નૈ॒વૈનગ્મ્॑ શમયતિ॒ નૈષા᳚-મ્પુ॒રા-ઽઽયુ॒ષો-ઽપ॑રઃ॒ પ્રમી॑યતે॒-ઽભિ વા એ॒ષ એ॒તસ્ય॑ ગૃ॒હાનુ॑ચ્યતિ॒ યસ્ય॑ ગૃ॒હા-ન્દહ॑ત્ય॒ગ્નયે॒ ક્ષામ॑વતે પુરો॒ડાશ॑-મ॒ષ્ટાક॑પાલ॒-ન્નિર્વ॑પે-દ્ભાગ॒ધેયે॑નૈ॒વૈનગ્મ્॑ શમયતિ॒ ના-ઽસ્યાપ॑ર-ઙ્ગૃ॒હા-ન્દ॑હતિ ॥ 10 ॥
(વ્ર॒તપ॑તયે॒ – નિશિ॑તાયા॒-ન્નિર્વ॑પે॒ત્ – પુરુ॑ષાઃ – સઙ્ગ્રા॒મં – ન – ચ॒ત્વારિ॑ ચ) (અ. 2)
અ॒ગ્નયે॒ કામા॑ય પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒દ્ય-ઙ્કામો॒ નોપ॒નમે॑-દ॒ગ્નિમે॒વ કામ॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વૈન॒-ઙ્કામે॑ન॒ સમ॑ર્ધય॒ત્યુપૈ॑ન॒-ઙ્કામો॑ નમત્ય॒ગ્નયે॒ ય વિ॑ષ્ઠાય પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒-થ્સ્પર્ધ॑માનઃ॒, ક્ષેત્રે॑ વા સજા॒તેષુ॑ વા॒-ઽગ્નિમે॒વ યવિ॑ષ્ઠ॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ તેનૈ॒વેન્દ્રિ॒યં-વીઁ॒ર્ય॑-મ્ભ્રાતૃ॑વ્યસ્ય [ભ્રાતૃ॑વ્યસ્ય, યુ॒વ॒તે॒ વિપા॒પ્મના॒] 11
યુવતે॒ વિપા॒પ્મના॒ ભ્રાતૃ॑વ્યેણ જયતે॒-ઽગ્નયે॒ યવિ॑ષ્ઠાય પુરો॒ડાશ॑-મ॒ષ્ટાક॑પાલ॒-ન્નિર્વ॑પે-દભિચ॒ર્યમા॑ણો॒ ઽગ્નિમે॒વ યવિ॑ષ્ઠ॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વાસ્મા॒-દ્રક્ષાગ્મ્॑સિ યવયતિ॒ નૈન॑-મભિ॒ચરન્᳚-થ્સ્તૃણુતે॒-ઽગ્નય॒ આયુ॑ષ્મતે પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒દ્યઃ કા॒મયે॑ત॒ સર્વ॒-માયુ॑-રિયા॒-મિત્ય॒ગ્નિ- મે॒વા-ઽઽયુ॑ષ્મન્ત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વા-ઽસ્મિ॒- [એ॒વા-ઽસ્મિન્ન્॑, આયુ॑ર્દધાતિ॒] 12
-ન્નાયુ॑ર્દધાતિ॒ સર્વ॒માયુ॑-રેત્ય॒ગ્નયે॑ જા॒તવે॑દસે પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒-દ્ભૂતિ॑કામો॒-ઽગ્નિમે॒વ જા॒તવે॑દસ॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વૈન॒-મ્ભૂતિ॑-ઙ્ગમયતિ॒ ભવ॑ત્યે॒વાગ્નયે॒ રુક્મ॑તે પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒-દ્રુક્કા॑મો॒-ઽગ્નિમે॒વ રુક્મ॑ન્ત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વાસ્મિ॒-ન્રુચ॑-ન્દધાતિ॒-રોચ॑ત એ॒વાગ્નયે॒ તેજ॑સ્વતે પુરો॒ડાશ॑- [પુરો॒ડાશ᳚મ્, અ॒ષ્ટાક॑પાલ॒-ન્નિર્વ॑પે॒ત્] 13
-મ॒ષ્ટાક॑પાલ॒-ન્નિર્વ॑પે॒-ત્તેજ॑સ્કામો॒-ઽગ્નિમે॒વ તેજ॑સ્વન્ત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વાસ્મિ॒-ન્તેજો॑ દધાતિ તેજ॒સ્વ્યે॑વ ભ॑વત્ય॒ગ્નયે॑ સાહ॒ન્ત્યાય॑ પુરો॒ડાશ॑મ॒ષ્ટાક॑પાલ॒-ન્નિર્વ॑પે॒-થ્સીક્ષ॑માણો॒ ઽગ્નિમે॒વ સા॑હ॒ન્ત્યગ્ગ્ સ્વેન॑ ભાગ॒ધેયે॒નોપ॑ ધાવતિ॒ તેનૈ॒વ સ॑હતે॒ યગ્મ્ સીક્ષ॑તે ॥ 14 ॥
(ભ્રાતૃ॑વ્યસ્યા -સ્મિ॒ન્ – તેજ॑સ્વતે પુરો॒ડશ॑ – મ॒ષ્ટાત્રિગ્મ્॑શચ્ચ) (અ. 3)
અ॒ગ્નયે-ઽન્ન॑વતે પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒દ્યઃ કા॒મયે॒તા-ઽન્ન॑વાન્-થ્સ્યા॒મિત્ય॒ગ્નિ-મે॒વા-ન્ન॑વન્ત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વૈન॒મન્ન॑વન્ત-ઙ્કરો॒ત્યન્ન॑વાને॒વ ભ॑વત્ય॒ગ્નયે᳚-ઽન્ના॒દાય॑ પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒દ્યઃ કા॒મયે॑તા-ઽન્ના॒દ-સ્સ્યા॒મિત્ય॒ગ્નિ-મે॒વાન્ના॒દગ્ગ્ સ્વેન॑ ભાગ॒ધેયે॒નોપ॑ ધાવતિ॒ સ એ॒વૈન॑-મન્ના॒દ-ઙ્ક॑રોત્યન્ના॒દ – [-ક॑રોત્યન્ના॒દઃ, એ॒વ ભ॑વત્ય॒ગ્નયે-ઽન્ન॑પતયે] 15
એ॒વ ભ॑વત્ય॒ગ્નયે-ઽન્ન॑પતયે પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒દ્યઃ-કા॒મયે॒તા-ઽન્ન॑પતિ-સ્સ્યા॒-મિત્ય॒ગ્નિ-મે॒વા-ઽન્ન॑પતિ॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વૈન॒-મન્ન॑પતિ-ઙ્કરો॒ત્યન્ન॑પતિ-રે॒વ ભ॑વત્ય॒ગ્નયે॒ પવ॑માનાય પુરો॒ડાશ॑-મ॒ષ્ટાક॑પાલ॒-ન્નિર્વ॑પેદ॒ગ્નયે॑ પાવ॒કાયા॒ગ્નયે॒ શુચ॑યે॒ જ્યોગા॑મયાવી॒ યદ॒ગ્નયે॒ પવ॑માનાય નિ॒ર્વપ॑તિ પ્રા॒ણ-મે॒વા-ઽસ્મિ॒-ન્તેન॑ દધાતિ॒ યદ॒ગ્નયે॑ – [યદ॒ગ્નયે᳚, પા॒વ॒કાય॒ વાચ॑-] 16
પાવ॒કાય॒ વાચ॑-મે॒વા-ઽસ્મિ॒-ન્તેન॑ દધાતિ॒ યદ॒ગ્નયે॒ શુચ॑ય॒ આયુ॑-રે॒વા-ઽસ્મિ॒-ન્તેન॑ દધાત્યુ॒ત યદી॒તાસુ॒-ર્ભવ॑તિ॒ જીવ॑ત્યે॒વૈતા-મે॒વ નિર્વ॑પે॒-ચ્ચક્ષુ॑ષ્કામો॒ યદ॒ગ્નયે॒ પવ॑માનાય નિ॒ર્વપ॑તિ પ્રા॒ણ-મે॒વા-ઽસ્મિ॒-ન્તેન॑ દધાતિ॒ યદ॒ગ્નયે॑ પાવ॒કાય॒ વાચ॑-મે॒વાસ્મિ॒-ન્તેન॑ દધાતિ॒ યદ॒ગ્નયે॒ શુચ॑યે॒ ચક્ષુ॑-રે॒વાસ્મિ॒-ન્તેન॑ દધા- [ચક્ષુ॑રે॒વાસ્મિ॒-ન્તેન॑ દધાતિ, ઉ॒ત યદ્ય॒ન્ધો] 17
-ત્યુ॒ત યદ્ય॒ન્ધો ભવ॑તિ॒ પ્રૈવ પ॑શ્યત્ય॒ગ્નયે॑ પુ॒ત્રવ॑તે પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒-દિન્દ્રા॑ય પુ॒ત્રિણે॑ પુરો॒ડાશ॒-મેકા॑દશકપાલ-મ્પ્ર॒જાકા॑મો॒-ઽગ્નિ-રે॒વા-ઽસ્મૈ᳚ પ્ર॒જા-મ્પ્ર॑જ॒નય॑તિ વૃ॒દ્ધા-મિન્દ્રઃ॒ પ્ર ય॑ચ્છત્ય॒ગ્નયે॒ રસ॑વતે-ઽજક્ષી॒રે ચ॒રુ-ન્નિર્વ॑પે॒દ્યઃ કા॒મયે॑ત॒ રસ॑વાન્-થ્સ્યા॒-મિત્ય॒ગ્નિ-મે॒વ રસ॑વન્ત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વૈન॒ગ્મ્॒ રસ॑વન્ત-ઙ્કરોતિ॒ [રસ॑વન્ત-ઙ્કરોતિ, રસ॑વાને॒વ] 18
રસ॑વાને॒વ ભ॑વત્યજક્ષી॒રે ભ॑વત્યાગ્ને॒યી વા એ॒ષા યદ॒જા સા॒ક્ષાદે॒વ રસ॒મવ॑ રુન્ધે॒-ઽગ્નયે॒ વસુ॑મતે પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒દ્યઃ કા॒મયે॑ત॒ વસુ॑માન્-થ્સ્યા॒મિત્ય॒ગ્નિ-મે॒વ વસુ॑મન્ત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વૈનં॒-વઁસુ॑મન્ત-ઙ્કરોતિ॒ વસુ॑માને॒વ ભ॑વત્ય॒ગ્નયે॑ વાજ॒સૃતે॑ પુરો॒ડાશ॑-મ॒ષ્ટાક॑પાલ॒-ન્નિવ॑ર્પે-થ્સઙ્ગ્રા॒મે સં-યઁ॑ત્તે॒ વાજં॒- [સં-યઁ॑ત્તે॒ વાજ᳚મ્, વા એ॒ષ સિ॑સીર્ષતિ॒] 19
-વાઁ એ॒ષ સિ॑સીર્ષતિ॒ ય-સ્સ॑ગ્રા॒મ્મ-ઞ્જિગી॑ષત્ય॒ગ્નિઃ ખલુ॒ વૈ દે॒વાનાં᳚-વાઁજ॒સૃ-દ॒ગ્નિ-મે॒વ વા॑જ॒સૃત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ ધાવ॑તિ॒ વાજ॒ગ્મ્॒ હન્તિ॑ વૃ॒ત્ર-ઞ્જય॑તિ॒ તગ્મ્ સ॑ગ્રા॒મ્મ-મથો॑ અ॒ગ્નિરિ॑વ॒ ન પ્ર॑તિ॒ધૃષે॑ ભવત્ય॒ગ્નયે᳚-ઽગ્નિ॒વતે॑ પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒-દ્યસ્યા॒ગ્ના- વ॒ગ્નિ- મ॑ભ્યુ॒દ્ધરે॑યુ॒-ર્નિર્દિ॑ષ્ટભાગો॒ વા એ॒તયો॑-ર॒ન્યો-ઽનિ॑ર્દિષ્ટભાગો॒-ઽન્યસ્તૌ સ॒ભંવઁ॑ન્તૌ॒ યજ॑માન- [યજ॑માનમ્, અ॒ભિ] 20
-મ॒ભિ સ-મ્ભ॑વત॒-સ્સ ઈ᳚શ્વ॒ર આર્તિ॒-માર્તો॒-ર્ય-દ॒ગ્નયે᳚-ઽગ્નિ॒વતે॑ નિ॒ર્વપ॑તિ ભાગ॒ધેયે॑નૈ॒વૈનૌ॑ શમયતિ॒ ના-ઽઽર્તિ॒માર્ચ્છ॑તિ॒ યજ॑માનો॒-ઽગ્નયે॒ જ્યોતિ॑ષ્મતે પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒-દ્યસ્યા॒-ગ્નિરુદ્ધૃ॒તો-ઽહુ॑તે-ઽગ્નિહો॒ત્ર ઉ॒દ્વાયે॒દપ॑ર આ॒દીપ્યા॑-ઽનૂ॒દ્ધૃત્ય॒ ઇત્યા॑હુ॒સ્ત-ત્તથા॒ ન કા॒ર્યં॑-યઁ-દ્ભા॑ગ॒ધેય॑મ॒ભિ પૂર્વ॑ ઉદ્ધ્રિ॒યતે॒ કિમપ॑રો॒-ઽભ્યુ- [કિમપ॑રો॒-ઽભ્યુત્, હ્રિ॒યે॒તેતિ॒ તાન્યે॒વા] 21
-દ્ધ્રિ॑યે॒તેતિ॒ તાન્યે॒વા વ॒ક્ષાણા॑નિ સન્નિ॒ધાય॑ મન્થેદિ॒તઃ પ્ર॑થ॒મ-ઞ્જ॑જ્ઞે અ॒ગ્નિ-સ્સ્વાદ્યોને॒રધિ॑ જા॒તવે॑દાઃ । સ ગા॑યત્રિ॒યા ત્રિ॒ષ્ટુભા॒ જગ॑ત્યા દે॒વેભ્યો॑ હ॒વ્યં-વઁ॑હતુ પ્રજા॒નન્નિતિ॒ છન્દો॑ભિ-રે॒વૈન॒ગ્ગ્॒ સ્વાદ્યોનેઃ॒ પ્રજ॑નયત્યે॒ષ વા વ સો᳚-ઽગ્નિરિત્યા॑હુ॒ ર્જ્યોતિ॒સ્ત્વા અ॑સ્ય॒ પરા॑પતિત॒-મિતિ॒ યદ॒ગ્નયે॒ જ્યોતિ॑ષ્મતે નિ॒ર્વપ॑તિ॒ યદે॒વાસ્ય॒ જ્યોતિઃ॒ પરા॑પતિત॒-ન્તદે॒વાવ॑ રુન્ધે ॥ 22 ॥
(ક॒રો॒ત્ય॒ન્ના॒દો – દ॑ધાતિ॒ યદ॒ગ્નયે॒ – શુચ॑યે॒ ચક્ષુ॑રે॒વાસ્મિ॒-ન્તેન॑ દધાતિ -કરોતિ॒ – વાજં॒ -યઁજ॑માન॒ – મુ – દે॒વાસ્ય॒ – ષટ્ચ॑) (અ. 4)
વૈ॒શ્વા॒ન॒ર-ન્દ્વાદ॑શકપાલ॒-ન્નિર્વ॑પે-દ્વારુ॒ણ-ઞ્ચ॒રુ-ન્દ॑ધિ॒ક્રાવ્ણ્ણે॑ ચ॒રુમ॑ભિશ॒સ્યમા॑નો॒ ય-દ્વૈ᳚શ્વાન॒રો દ્વાદ॑શકપાલો॒ ભવ॑તિ સંવઁથ્સ॒રો વા અ॒ગ્નિ ર્વૈ᳚શ્વાન॒ર-સ્સં॑વઁથ્સ॒રેણૈ॒વૈનગ્ગ્॑ સ્વદય॒ત્યપ॑ પા॒પં-વઁર્ણગ્મ્॑ હતે વારુ॒ણેનૈ॒વૈનં॑-વઁરુણપા॒શા-ન્મુ॑ઞ્ચતિ દધિ॒ક્રાવ્ણ્ણા॑ પુનાતિ॒ હિર॑ણ્ય॒-ન્દક્ષિ॑ણા પ॒વિત્રં॒-વૈઁ હિર॑ણ્ય-મ્પુ॒નાત્યે॒વૈન॑-મા॒દ્ય॑-મ॒સ્યા-ઽન્ન॑-મ્ભવત્યે॒તામે॒વ નિર્વ॑પે-ત્પ્ર॒જાકા॑મ-સ્સંવઁથ્સ॒રો [સંવઁથ્સ॒રઃ, વા] 23
વા એ॒તસ્યા-ઽશા᳚ન્તો॒ યોનિ॑-મ્પ્ર॒જાયૈ॑ પશૂ॒ના-ન્નિર્દ॑હતિ॒ યો-ઽલ॑-મ્પ્ર॒જાયૈ॒ સ-ન્પ્ર॒જા-ન્ન વિ॒ન્દતે॒ ય-દ્વૈ᳚શ્વાન॒રો દ્વાદ॑શકપાલો॒ ભવ॑તિ સંવઁથ્સ॒રો વા અ॒ગ્નિ ર્વૈ᳚શ્વાન॒ર-સ્સં॑વઁથ્સ॒રમે॒વ ભા॑ગ॒ધેયે॑ન શમયતિ॒ સો᳚-ઽસ્મૈ શા॒ન્ત-સ્સ્વાદ્યોનેઃ᳚ પ્ર॒જા-મ્પ્રજ॑નયતિ વારુ॒ણેનૈ॒વૈનં॑-વઁરુણપા॒શા-ન્મુ॑ઞ્ચતિ દધિ॒ક્રાવ્ણ્ણા॑ પુનાતિ॒ હિર॑ણ્ય॒-ન્દક્ષિ॑ણા પ॒વિત્રં॒-વૈઁ હિર॑ણ્ય-મ્પુ॒નાત્યે॒વૈનં॑- [પુ॒નાત્યે॒વૈન᳚મ્, વિ॒ન્દતે᳚] 24
-વિઁ॒ન્દતે᳚ પ્ર॒જાં-વૈઁ᳚શ્વાન॒ર-ન્દ્વાદ॑શકપાલ॒-ન્નિર્વ॑પે-ત્પુ॒ત્રે જા॒તેયદ॒ષ્ટાક॑પાલો॒ ભવ॑તિ ગાયત્રિ॒યૈવૈન॑-મ્બ્રહ્મવર્ચ॒સેન॑ પુનાતિ॒ યન્નવ॑કપાલ-સ્ત્રિ॒વૃતૈ॒વાસ્મિ॒-ન્તેજો॑ દધાતિ॒ ય-દ્દશ॑કપાલો વિ॒રાજૈ॒વા-ઽસ્મિ॑-ન્ન॒ન્નાદ્ય॑-ન્દધાતિ॒ યદેકા॑દશકપાલ- સ્ત્રિ॒ષ્ટુભૈ॒વા-ઽસ્મિ॑-ન્નિન્દ્રિ॒ય-ન્દ॑ધાતિ॒ ય-દ્દ્વાદ॑શકપાલો॒ જગ॑ત્યૈ॒વા-ઽસ્મિ॑-ન્પ॒શૂ-ન્દ॑ધાતિ॒ યસ્મિ॑ન્ જા॒ત એ॒તામિષ્ટિ॑-ન્નિ॒ર્વપ॑તિ પૂ॒ત [પૂ॒તઃ, એ॒વ તે॑જ॒સ્વ્ય॑ન્ના॒દ] 25
એ॒વ તે॑જ॒સ્વ્ય॑ન્ના॒દ ઇ॑ન્દ્રિયા॒વી પ॑શુ॒મા-ન્ભ॑વ॒ત્યવ॒ વા એ॒ષ સુ॑વ॒ર્ગા-લ્લો॒કા-ચ્છિ॑દ્યતે॒ યો દ॑ર્શપૂર્ણમાસયા॒જી સન્ન॑માવા॒સ્યાં᳚-વાઁ પૌર્ણમા॒સીં-વાઁ॑તિપા॒દય॑તિ સુવ॒ર્ગાય॒ હિ લો॒કાય॑ દર્શપૂર્ણમા॒સા વિ॒જ્યેતે॑ વૈશ્વાન॒ર-ન્દ્વાદ॑શકપાલ॒-ન્નિર્વ॑પે-દમાવા॒સ્યાં᳚-વાઁ પૌર્ણમા॒સીં-વાઁ॑-ઽતિ॒પાદ્ય॑ સંવઁથ્સ॒રો વા અ॒ગ્નિ ર્વૈ᳚શ્વાન॒ર-સ્સં॑વઁથ્સ॒રમે॒વ પ્રી॑ણા॒ત્યથો॑ સંવઁથ્સ॒રમે॒વાસ્મા॒ ઉપ॑ દધાતિ સુવ॒ર્ગસ્ય॑ લો॒કસ્ય॒ સમ॑ષ્ટ્યા॒ [સમ॑ષ્ટ્યૈ, અથો॑] 26
અથો॑ દે॒વતા॑ એ॒વાન્વા॒રભ્ય॑ સુવ॒ર્ગં-લોઁ॒કમે॑તિ વીર॒હા વા એ॒ષ દે॒વાનાં॒-યોઁ᳚-ઽગ્નિ-મુ॑દ્વા॒સય॑તે॒ ન વા એ॒તસ્ય॑ બ્રાહ્મ॒ણા ઋ॑તા॒યવઃ॑ પુ॒રા-ઽન્ન॑-મક્ષ-ન્નાગ્ને॒ય-મ॒ષ્ટાક॑પાલ॒-ન્નિર્વ॑પે-દ્વૈશ્વાન॒ર-ન્દ્વાદ॑શકપાલ-મ॒ગ્નિમુ॑દ્વાસયિ॒ષ્યન્. યદ॒ષ્ટાક॑પાલો॒ ભવ॑ત્ય॒ષ્ટાક્ષ॑રા ગાય॒ત્રી-ગા॑ય॒ત્રો᳚ ઽગ્નિ-ર્યાવા॑-ને॒વા-ઽગ્નિસ્તસ્મા॑ આતિ॒થ્ય-ઙ્ક॑રો॒ત્યથો॒ યથા॒ જનં॑-યઁ॒તે॑-ઽવ॒સ-ઙ્ક॒રોતિ॑ તા॒દૃ- [તા॒દૃક્, એ॒વ] 27
-ગે॒વ ત-દ્દ્વાદ॑શકપાલો વૈશ્વાન॒રો ભ॑વતિ॒ દ્વાદ॑શ॒ માસા᳚-સ્સંવઁથ્સ॒ર-સ્સં॑વઁથ્સ॒રઃ ખલુ॒ વા અ॒ગ્નેર્યોનિ॒-સ્સ્વામે॒વૈનં॒-યોઁનિ॑-ઙ્ગમય-ત્યા॒દ્ય॑મ॒સ્યાન્ન॑-મ્ભવતિ વૈશ્વાન॒ર-ન્દ્વાદ॑શકપાલ॒-ન્નિર્વ॑પેન્મારુ॒તગ્મ્ સ॒પ્તક॑પાલ॒-ઙ્ગ્રામ॑કામ આહવ॒નીયે॑ વૈશ્વાન॒રમધિ॑ શ્રયતિ॒ ગાર્હ॑પત્યે મારુ॒ત-મ્પા॑પવસ્ય॒સસ્ય॒ વિધૃ॑ત્યૈ॒ દ્વાદ॑શકપાલો વૈશ્વાન॒રો ભ॑વતિ॒ દ્વાદ॑શ॒ માસા᳚-સ્સંવઁથ્સ॒ર-સ્સં॑વઁથ્સ॒રેણૈ॒વાસ્મૈ॑ સજા॒તાગ્શ્ચ્યા॑વયતિ મારુ॒તો ભ॑વતિ [ ] 28
મ॒રુતો॒ વૈ દે॒વાનાં॒-વિઁશો॑ દેવવિ॒શેનૈ॒વા-ઽસ્મૈ॑ મનુષ્ય વિ॒શમવ॑ રુન્ધે સ॒પ્તક॑પાલો ભવતિ સ॒પ્ત ગ॑ણા॒ વૈ મ॒રુતો॑ ગણ॒શ એ॒વાસ્મૈ॑ સજા॒તાનવ॑ રુન્ધે ઽનૂ॒ચ્યમા॑ન॒ આ સા॑દયતિ॒ વિશ॑મે॒વાસ્મા॒ અનુ॑વર્ત્માન-ઙ્કરોતિ ॥ 29 ॥
(પ્ર॒જાકા॑મ-સ્સંવઁથ્સ॒રઃ – પુ॒નાત્યે॒વૈનં॑ – પૂ॒તઃ – સમ॑ષ્ટ્યૈ -તા॒દૃં – મા॑રુ॒તો ભ॑વ॒ – ત્યેકા॒ન્ન ત્રિ॒ગ્મ્॒શચ્ચ॑ ) (અ. 5)
આ॒દિ॒ત્ય-ઞ્ચ॒રુ-ન્નિર્વ॑પે-થ્સઙ્ગ્રા॒મ-મુ॑પપ્રયા॒સ્ય-ન્નિ॒યં-વાઁ અદિ॑તિ-ર॒સ્યામે॒વ પૂર્વે॒ પ્રતિ॑તિષ્ઠન્તિ વૈશ્વાન॒ર-ન્દ્વાદ॑શકપાલ॒-ન્નિર્વ॑પે-દા॒યત॑ન-ઙ્ગ॒ત્વા-સં॑વઁથ્સ॒રો વા અ॒ગ્નિ ર્વૈ᳚શ્વાન॒ર-સ્સં॑વઁથ્સ॒રઃ ખલુ॒ વૈ દે॒વાના॑-મા॒યત॑ન-મે॒તસ્મા॒દ્વા આ॒યત॑ના-દ્દે॒વા અસુ॑રા-નજય॒ન્॒. ય-દ્વૈ᳚શ્વાન॒ર-ન્દ્વાદ॑શકપાલ-ન્નિ॒ર્વપ॑તિ દે॒વાના॑-મે॒વા-ઽઽયત॑ને યતતે॒ જય॑તિ॒ તગ્મ્ સ॑ગ્રા॒મ્મ-મે॒તસ્મિ॒ન્ વા એ॒તૌ મૃ॑જાતે॒ [એ॒તૌ મૃ॑જાતે, યો વિ॑દ્વિષા॒ણયો॒-રન્ન॒-મત્તિ॑] ॥ 30 ॥
યો વિ॑દ્વિષા॒ણયો॒-રન્ન॒-મત્તિ॑ વૈશ્વાન॒ર-ન્દ્વાદ॑શકપાલ॒-ન્નિર્વ॑પે-દ્વિદ્વિષા॒ણયો॒રન્ન॑-ઞ્જ॒ગ્ધ્વા સં॑વઁથ્સ॒રો વા અ॒ગ્નિ-ર્વૈ᳚શ્વાન॒ર-સ્સં॑વઁથ્સ॒ર સ્વ॑દિત-મે॒વા-ઽત્તિ॒ નાસ્મિ॑-ન્મૃજાતે સંવઁથ્સ॒રાય॒ વા એ॒તૌ સમ॑માતે॒ યૌ સ॑મ॒માતે॒ તયો॒ર્યઃ પૂર્વો॑-ઽભિ॒દ્રુહ્ય॑તિ॒ તં-વઁરુ॑ણો ગૃહ્ણાતિ વૈશ્વાન॒ર-ન્દ્વાદ॑શકપાલ॒-ન્નિર્વ॑પે-થ્સમમા॒નયોઃ॒ પૂર્વો॑-ઽભિ॒દ્રુહ્ય॑ સંવઁથ્સ॒રો વા અ॒ગ્નિ-ર્વૈ᳚શ્વાન॒ર-સ્સં॑વઁથ્સ॒ર-મે॒વા-ઽઽપ્ત્વા નિ॑ર્વરુ॒ણં- [નિ॑ર્વરુ॒ણમ્, પ॒રસ્તા॑-દ॒ભિ] ॥ 31 ॥
-પ॒રસ્તા॑-દ॒ભિ દ્રુ॑હ્યતિ॒ નૈનં॒-વઁરુ॑ણો ગૃહ્ણાત્યા॒વ્યં॑-વાઁ એ॒ષ પ્રતિ॑ ગૃહ્ણાતિ॒ યો-ઽવિ॑-મ્પ્રતિગૃ॒હ્ણાતિ॑ વૈશ્વાન॒ર-ન્દ્વાદ॑શકપાલ॒-ન્નિર્વ॑પે॒દવિ॑-મ્પ્રતિ॒ગૃહ્ય॑ સંવઁથ્સ॒રો વા અ॒ગ્નિ-ર્વૈ᳚શ્વાન॒ર-સ્સં॑વઁથ્સ॒ર-સ્વ॑દિતામે॒વ પ્રતિ॑ગૃહ્ણાતિ॒ ના-ઽઽવ્ય॑-મ્પ્રતિ॑ગૃહ્ણાત્યા॒ત્મનો॒ વા એ॒ષ માત્રા॑માપ્નોતિ॒ ય ઉ॑ભ॒યાદ॑-ત્પ્રતિગૃ॒હ્ણાત્યશ્વં॑-વાઁ॒ પુરુ॑ષં-વાઁ વૈશ્વાન॒ર-ન્દ્વાદ॑શકપાલ॒-ન્નિર્વ॑પે-દુભ॒યાદ॑- [નિર્વ॑પે-દુભ॒યાદ॑ત્, પ્ર॒તિ॒ગૃહ્ય॑] ॥ 32 ॥
-ત્પ્રતિ॒ગૃહ્ય॑ સંવઁથ્સ॒રો વા અ॒ગ્નિર્વૈ᳚શ્વાન॒ર-સ્સં॑વઁથ્સ॒ર-સ્વ॑દિતમે॒વ પ્રતિ॑ ગૃહ્ણાતિ॒ નાત્મનો॒ માત્રા॑માપ્નોતિ વૈશ્વાન॒ર-ન્દ્વાદ॑શકપાલ॒-ન્નિર્વ॑પે-થ્સ॒નિ-મે॒ષ્યન્-થ્સં॑વઁથ્સ॒રો વા અ॒ગ્નિ-ર્વૈ᳚શ્વાન॒રો ય॒દા ખલુ॒ વૈ સં॑વઁથ્સ॒ર-ઞ્જ॒નતા॑યા॒-ઞ્ચર॒ત્યથ॒ સ ધ॑ના॒ર્ઘો ભ॑વતિ॒ય-દ્વૈ᳚શ્વાન॒ર-ન્દ્વાદ॑શકપાલ-ન્નિ॒ર્વપ॑તિ સંવઁથ્સ॒ર-સા॑તામે॒વ સ॒નિમ॒ભિ પ્રચ્ય॑વતે॒ દાન॑કામા અસ્મૈ પ્ર॒જા ભ॑વન્તિ॒ યો વૈ સં॑વઁથ્સ॒રં- [વૈ સં॑વઁથ્સ॒રમ્, પ્ર॒યુજ્ય॒ ન] ॥ 33 ॥
-પ્ર॒યુજ્ય॒ ન વિ॑મુ॒ઞ્ચત્ય॑પ્રતિષ્ઠા॒નો વૈ સ ભ॑વત્યે॒ત-મે॒વ વૈ᳚શ્વાન॒ર-મ્પુન॑રા॒ગત્ય॒ નિર્વ॑પે॒દ્ય-મે॒વ પ્ર॑યુ॒ઙ્ક્તે ત-મ્ભા॑ગ॒ધેયે॑ન॒ વિ મુ॑ઞ્ચતિ॒ પ્રતિ॑ષ્ઠિત્યૈ॒ યયા॒ રજ્વો᳚ત્ત॒મા-ઙ્ગામા॒જે-ત્તા-મ્ભ્રાતૃ॑વ્યાય॒ પ્ર હિ॑ણુયા॒-ન્નિર્-ઋ॑તિ-મે॒વાસ્મૈ॒ પ્ર હિ॑ણોતિ ॥ 34 ॥
(મૃ॒જા॒તે॒ – નિ॒ર્વ॒રુ॒ણં – વઁ॑પેદુભ॒યાદ॒–દ્યો વૈ સં॑વઁથ્સ॒રગ્મ્ – ષટ્ત્રિગ્મ્॑શચ્ચ) (અ. 6)
ઐ॒ન્દ્ર-ઞ્ચ॒રુ-ન્નિર્વ॑પે-ત્પ॒શુકા॑મ ઐ॒ન્દ્રા વૈ પ॒શવ॒ ઇન્દ્ર॑મે॒વ સ્વેન॑ ભાગ॒ધેયે॒નોપ॑ ધાવતિ॒ સ એ॒વાસ્મૈ॑ પ॒શૂ-ન્પ્રય॑ચ્છતિ પશુ॒મા-ને॒વ ભ॑વતિ ચ॒રુર્ભ॑વતિ॒ સ્વાદે॒વાસ્મૈ॒ યોનેઃ᳚ પ॒શૂ-ન્પ્રજ॑નય॒તીન્દ્રા॑યેન્દ્રિ॒યાવ॑તે પુરો॒ડાશ॒-મેકા॑દશકપાલ॒-ન્નિર્વ॑પે-ત્પ॒શુકા॑મ ઇન્દ્રિ॒યં-વૈઁ પ॒શવ॒ ઇન્દ્ર॑-મે॒વેન્દ્રિ॒યાવ॑ન્ત॒ગ્ગ્॒ સ્વેન ॑ભાગ॒ધેયે॒નોપ॑ ધાવતિ॒ સ [ધાવતિ॒ સઃ, એ॒વા-ઽસ્મા॑] ॥ 35 ॥
એ॒વા-ઽસ્મા॑ ઇન્દ્રિ॒ય-મ્પ॒શૂ-ન્પ્રય॑ચ્છતિ પશુ॒માને॒વ ભ॑વ॒તીન્દ્રા॑ય-ઘ॒ર્મવ॑તે પુરો॒ડાશ॒-મેકા॑દશકપાલ॒-ન્નિર્વ॑પે-દ્બ્રહ્મવર્ચ॒સકા॑મો બ્રહ્મવર્ચ॒સં-વૈઁ ઘ॒ર્મ ઇન્દ્ર॑મે॒વ ઘ॒ર્મવ॑ન્ત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વાસ્મિ॑-ન્બ્રહ્મવર્ચ॒સ-ન્દ॑ધાતિ બ્રહ્મવર્ચ॒સ્યે॑વ ભ॑વ॒તીન્દ્રા॑યા॒-ઽર્કવ॑તે પુરો॒ડાશ॒-મેકા॑દશકપાલ॒-ન્નિર્વ॑પે॒-દન્ન॑કામો॒-ઽર્કો વૈ દે॒વાના॒-મન્ન॒-મિન્દ્ર॑-મે॒વા-ઽર્કવ॑ન્ત॒ગ્ગ્॒ સ્વેન॑ ભાગ॒ધેયે॒નો- [સ્વેન॑ ભાગ॒ધેયે॑ન, ઉપ॑ ધાવતિ॒ સ] ॥ 36॥
-પ॑ ધાવતિ॒ સ એ॒વાસ્મા॒ અન્ન॒-મ્પ્રય॑ચ્છત્યન્ના॒દ એ॒વ ભ॑વ॒તીન્દ્રા॑ય ઘ॒ર્મવ॑તે પુરો॒ડાશ॒-મેકા॑દશકપાલ॒-ન્નિર્વ॑પે॒-દિન્દ્રા॑યે-ન્દ્રિ॒યાવ॑ત॒ ઇન્દ્રા॑યા॒-ઽર્કવ॑તે॒ ભૂતિ॑કામો॒ યદિન્દ્રા॑ય ઘ॒ર્મવ॑તે નિ॒ર્વપ॑તિ॒ શિર॑ એ॒વાસ્ય॒ તેન॑ કરોતિ॒ યદિન્દ્રા॑યેન્દ્રિ॒યાવ॑ત આ॒ત્માન॑-મે॒વાસ્ય॒ તેન॑ કરોતિ॒-ય-દિન્દ્રા॑યા॒-ઽર્કવ॑તે ભૂ॒ત એ॒વાન્નાદ્યે॒ પ્રતિ॑-તિષ્ઠતિ॒ ભવ॑ત્યે॒વેન્દ્રા॑યા- [ભવ॑ત્યે॒વેન્દ્રા॑યા, અ॒ગ્મ્॒ હો॒મુચે॑] ॥ 37 ॥
-ઽગ્મ્ હો॒મુચે॑ પુરો॒ડાશ॒-મેકા॑દશકપાલ॒-ન્નિર્વ॑પે॒દ્યઃ પા॒પ્મના॑ ગૃહી॒ત-સ્સ્યા-ત્પા॒પ્મા વા અગ્મ્હ॒ ઇન્દ્ર॑મે॒વા-ઽગ્મ્ હો॒મુચ॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વૈન॑-મ્પા॒પ્મનો-ઽગ્મ્હ॑સો મુઞ્ચ॒તીન્દ્રા॑ય વૈમૃ॒ધાય॑ પુરો॒ડાશ॒-મેકા॑દશકપાલ॒-ન્નિર્વ॑પે॒દ્ય-મ્મૃધો॒-ઽભિ પ્ર॒વેપે॑રન્-રા॒ષ્ટ્રાણિ॑ વા॒-ઽભિ સ॑મિ॒યુ-રિન્દ્ર॑-મે॒વ વૈ॑મૃ॒ધગ્ગ્ સ્વેન॑ ભાગ॒ધેયે॒નોપ॑ ધાવતિ॒ સ એ॒વા-ઽસ્મા॒ન્મૃધો- [એ॒વા-ઽસ્મા॒ન્મૃધઃ॑, અપ॑ હ॒ન્તીન્દ્રા॑ય] ॥ 38 ॥
-ઽપ॑ હ॒ન્તીન્દ્રા॑ય ત્રા॒ત્રે પુ॑રો॒ડાશ॒-મેકા॑દશકપાલ॒-ન્નિર્વ॑પે-દ્બ॒દ્ધો વા॒ પરિ॑યત્તો॒ વેન્દ્ર॑મે॒વ ત્રા॒તાર॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વૈન॑-ન્ત્રાયત॒ ઇન્દ્રા॑યા-ઽર્કાશ્વમે॒ધવ॑તે પુરો॒ડાશ॒-મેકા॑દશકપાલ॒-ન્નિર્વ॑પે॒દ્ય-મ્મ॑હાય॒જ્ઞો નોપ॒નમે॑દે॒તે વૈ મ॑હાય॒જ્ઞસ્યા-ઽન્ત્યે॑ ત॒નૂ ય-દ॑ર્કાશ્વમે॒ધા-વિન્દ્ર॑-મે॒વા-ઽર્કા᳚શ્વમે॒ધ- વ॑ન્ત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વાસ્મા॑ અન્ત॒તો મ॑હાય॒જ્ઞ-ઞ્ચ્યા॑વય॒ત્યુપૈ॑ન-મ્મહાય॒જ્ઞો ન॑મતિ ॥ 39 ॥
(ઇ॒ન્દ્રિ॒યાવ॑ન્ત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સો᳚ – ઽર્કવ॑ન્ત॒ગ્ગ્॒ સ્વેન॑ ભાગ॒ધેયે॑નૈ॒ – વેન્દ્રા॑યા – સ્મા॒-ન્મૃધો᳚ – ઽસ્મૈ – સ॒પ્ત ચ॑ ) (અ. 7)
ઇન્દ્રા॒યા-ઽન્વૃ॑જવે પુરો॒ડાશ॒-મેકા॑દશકપાલ॒-ન્નિર્વ॑પે॒-દ્ગ્રામ॑કામ॒ ઇન્દ્ર॑-મે॒વા-ઽન્વૃ॑જુ॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વાસ્મૈ॑ સજા॒તા-નનુ॑કાન્ કરોતિ ગ્રા॒મ્યે॑વ ભ॑વતીન્દ્રા॒ણ્યૈ ચ॒રુ-ન્નિર્વ॑પે॒દ્યસ્ય॒ સેના-ઽસગ્મ્॑શિતેવ॒ સ્યા-દિ॑ન્દ્રા॒ણી વૈ સેના॑યૈ દે॒વતે᳚ન્દ્રા॒ણી-મે॒વ સ્વેન॑ ભાગ॒ધેયે॒નોપ॑ ધાવતિ॒ સૈવાસ્ય॒ સેના॒ગ્મ્॒ સગ્ગ્ શ્ય॑તિ॒ બલ્બ॑જા॒નપી॒- [બલ્બ॑જા॒નપિ॑, ઇ॒દ્ધ્મે સ-ન્ન॑હ્યે॒દ્ગૌ-] ॥ 40 ॥
-દ્ધ્મે સ-ન્ન॑હ્યે॒દ્ગૌ-ર્યત્રા-ઽધિ॑ષ્કન્ના॒-ન્યમે॑હ॒-ત્તતો॒ બલ્બ॑જા॒ ઉદ॑તિષ્ઠ॒-ન્ગવા॑-મે॒વૈન॑-ન્ન્યા॒ય-મ॑પિ॒નીય॒ ગા વે॑દય॒તીન્દ્રા॑ય મન્યુ॒મતે॒ મન॑સ્વતે પુરો॒ડાશ॒-મેકા॑દશકપાલ॒-ન્નિર્વ॑પે-થ્સઙ્ગ્રા॒મે સંયઁ॑ત્ત ઇન્દ્રિ॒યેણ॒ વૈ મ॒ન્યુના॒ મન॑સા સઙ્ગ્રા॒મ-ઞ્જ॑ય॒તીન્દ્ર॑-મે॒વ મ॑ન્યુ॒મન્ત॒-મ્મન॑સ્વન્ત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વાસ્મિ॑ન્નિન્દ્રિ॒ય-મ્મ॒ન્યુ-મ્મનો॑ દધાતિ॒ જય॑તિ॒ તગ્મ્ [જય॑તિ॒ તમ્, સ॒ગ્રા॒મ-મે॒તા-મે॒વ] ॥ 41 ॥
સ॑ગ્રા॒મ-મે॒તા-મે॒વ નિર્વ॑પે॒દ્યો હ॒તમ॑ના-સ્સ્વ॒ય-મ્પા॑પ ઇવ॒ સ્યાદે॒તાનિ॒ હિ વા એ॒તસ્મા॒ દપ॑ક્રાન્તા॒ન્યથૈ॒ષ હ॒તમ॑ના-સ્સ્વ॒ય-મ્પા॑પ॒ ઇન્દ્ર॑મે॒વ મ॑ન્યુ॒મન્ત॒-મ્મન॑સ્વન્ત॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વાસ્મિ॑-ન્નિન્દ્રિ॒ય-મ્મ॒ન્યુ-મ્મનો॑ દધાતિ॒ ન હ॒તમ॑ના-સ્સ્વ॒ય-મ્પા॑પો ભવ॒તીન્દ્રા॑ય દા॒ત્રે પુ॑રો॒ડાશ॒-મેકા॑દશકપાલ॒-ન્નિર્વ॑પે॒દ્યઃ કા॒મયે॑ત॒ દાન॑કામા મે પ્ર॒જા-સ્સ્યુ॒- [દાન॑કામા મે પ્ર॒જા-સ્સ્યુઃ॑, ઇતીન્દ્ર॑-મે॒વ] ॥ 42 ॥
-રિતીન્દ્ર॑-મે॒વ દા॒તાર॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વાસ્મૈ॒ દાન॑કામાઃ પ્ર॒જાઃ ક॑રોતિ॒ દાન॑કામા અસ્મૈ પ્ર॒જા ભ॑વ॒ન્તીન્દ્રા॑ય પ્રદા॒ત્રે પુ॑રો॒ડાશ॒-મેકા॑દશકપાલ॒-ન્નિર્વ॑પે॒-દ્યસ્મૈ॒ પ્રત્ત॑મિવ॒ સન્ન પ્ર॑દી॒યેતેન્દ્ર॑-મે॒વ પ્ર॑દા॒તાર॒ગ્ગ્॒ સ્વેન॑ ભાગ॒ધેયે॒નોપ॑-ધાવતિ॒ સ એ॒વાસ્મૈ॒ પ્ર-દા॑પય॒તીન્દ્રા॑ય સુ॒ત્રામ્ણે॑ પુરો॒ડાશ॒-મેકા॑દશકપાલ॒-ન્નિર્વ॑પે॒-દપ॑રુદ્ધો વા- [-દપ॑રુદ્ધો વા, અ॒પ॒રુ॒દ્ધયમા॑નો॒] ॥ 43 ॥
-ઽપરુ॒દ્ધયમા॑નો॒ વેન્દ્ર॑મે॒વ સુ॒ત્રામા॑ણ॒ગ્ગ્॒ સ્વેન॑ ભાગ॒ધેયે॒નોપ॑ ધાવતિ॒ સ એ॒વૈન॑-ન્ત્રાયતે ઽનપરુ॒દ્ધ્યો ભ॑વ॒તીન્દ્રો॒ વૈ સ॒દૃ-ન્દે॒વતા॑ભિરાસી॒-થ્સ ન વ્યા॒વૃત॑મગચ્છ॒-થ્સ પ્ર॒જાપ॑તિ॒-મુપા॑ધાવ॒-ત્તસ્મા॑ એ॒ત-મૈ॒ન્દ્ર-મેકા॑દશકપાલ॒-ન્નિર॑વપ॒-ત્તેનૈ॒-વા-ઽસ્મિ॑-ન્નિન્દ્રિ॒ય-મ॑દધા॒-ચ્છક્વ॑રી યાજ્યાનુવા॒ક્યે॑ અકરો॒-દ્વજ્રો॒ વૈ શક્વ॑રી॒ સ એ॑નં॒-વઁજ્રો॒ ભૂત્યા॑ ઐન્ધ॒- [ભૂત્યા॑ ઐન્ધ, સો॑-ઽભવ॒-થ્સો॑-ઽબિભે-] ॥ 44 ॥
-સો॑-ઽભવ॒થ્સો॑-ઽબિભે-દ્ભૂ॒તઃ પ્ર મા॑ ધક્ષ્ય॒તીતિ॒ સ પ્ર॒જાપ॑તિ॒-મ્પુન॒રુપા॑-ઽધાવ॒-થ્સ પ્ર॒જાપ॑તિ॒-શ્શક્વ॑ર્યા॒ અધિ॑ રે॒વતી॒-ન્નિર॑મિમીત॒ શાન્ત્યા॒ અપ્ર॑દાહાય॒ યો-ઽલગ્ગ્॑ શ્રિ॒યૈ સન્-થ્સ॒દૃઙ્ખ્સ॑મા॒નૈ-સ્સ્યા-ત્તસ્મા॑ એ॒ત-મૈ॒ન્દ્ર-મેકા॑દશકપાલ॒-ન્નિર્વ॑પે॒-દિન્દ્ર॑મે॒વ સ્વેન॑ ભાગ॒ધેયે॒નોપ॑ ધાવતિ॒ સ એ॒વા-ઽસ્મિ॑-ન્નિન્દ્રિ॒ય-ન્દ॑ધાતિ રે॒વતી॑ પુરોનુવા॒ક્યા॑ ભવતિ॒ શાન્ત્યા॒ અપ્ર॑દાહાય॒ શક્વ॑રી યા॒જ્યા॑ વજ્રો॒ વૈ શક્વ॑રી॒સ એ॑નં॒-વઁજ્રો॒ ભૂત્યા॑ ઇન્ધે॒ ભવ॑ત્યે॒વ ॥ 45 ॥
(અપિ॒ – તગ્ગ્ – સ્યુ॑ – ર્વૈ – ન્ધ – ભવતિ॒ – ચતુ॑ર્દશ ચ ) (અ. 8)
આ॒ગ્ના॒-વૈ॒ષ્ણ॒વ-મેકા॑દશકપાલ॒-ન્નિર્વ॑પે-દભિ॒ચર॒ન્-થ્સર॑સ્વ॒ત્યાજ્ય॑ ભાગા॒ સ્યા-દ્બા॑ર્હસ્પ॒ત્ યશ્ચ॒રુર્યદા᳚ગ્ના-વૈષ્ણ॒વ એકા॑દશકપાલો॒ ભવ॑ત્ય॒ગ્નિ-સ્સર્વા॑ દે॒વતા॒ વિષ્ણુ॑ર્ય॒જ્ઞો દે॒વતા॑ભિ-શ્ચૈ॒વૈનં॑-યઁ॒જ્ઞેન॑ ચા॒ભિ ચ॑રતિ॒-સર॑સ્વ॒ત્યાજ્ય॑ભાગા ભવતિ॒ વાગ્વૈ સર॑સ્વતી વા॒ચૈવૈન॑-મ॒ભિ ચ॑રતિ બાર્હસ્પ॒ત્ય-શ્ચ॒રુ ર્ભ॑વતિ॒ બ્રહ્મ॒ વૈ દે॒વાના॒-મ્બૃહ॒સ્પતિ॒ ર્બ્રહ્મ॑ણૈ॒વૈન॑-મ॒ભિ ચ॑રતિ॒ [-મ॒ભિ ચ॑રતિ, પ્રતિ॒ વૈ] ॥ 46 ॥
પ્રતિ॒ વૈ પ॒રસ્તા॑-દભિ॒ચર॑ન્ત-મ॒ભિ ચ॑રન્તિ॒ દ્વેદ્વે॑ પુરો-ઽનુવા॒ક્યે॑ કુર્યા॒દતિ॒ પ્રયુ॑ક્ત્યા એ॒તયૈ॒વ ય॑જેતાભિ ચ॒ર્યમા॑ણો દે॒વતા॑ભિ-રે॒વ દે॒વતાઃ᳚ પ્રતિ॒ચર॑તિ ય॒જ્ઞેન॑ ય॒જ્ઞં-વાઁ॒ચા વાચ॒-મ્બ્રહ્મ॑ણા॒ બ્રહ્મ॒ સ દે॒વતા᳚શ્ચૈ॒વ ય॒જ્ઞ-ઞ્ચ॑ મદ્ધ્ય॒તો વ્યવ॑સર્પતિ॒ તસ્ય॒ ન કુત॑-શ્ચ॒નોપા᳚વ્યા॒ધો ભ॑વતિ॒ નૈન॑-મભિ॒ચરન્᳚-થ્સ્તૃણુત આગ્નાવૈષ્ણ॒વ-મેકા॑દશકપાલ॒-ન્નિર્વ॑પે॒દ્યં-યઁ॒જ્ઞો નો- [-ય॒જ્ઞો ન, ઉ॒પ॒નમે॑દ॒ગ્નિ-સ્સર્વા॑] ॥ 47 ॥
-પ॒નમે॑દ॒ગ્નિ-સ્સર્વા॑ દે॒વતા॒ વિષ્ણુ॑-ર્ય॒જ્ઞો᳚-ઽગ્નિ-ઞ્ચૈ॒વ વિષ્ણુ॑-ઞ્ચ॒ સ્વેન॑ ભાગ॒ધેયે॒નોપ॑ ધાવતિ॒ તાવે॒વાસ્મૈ॑ ય॒જ્ઞ-મ્પ્રય॑ચ્છત॒ ઉપૈ॑નં-યઁ॒જ્ઞો ન॑મત્યાગ્ના- વૈષ્ણ॒વ-ઙ્ઘૃ॒તે ચ॒રુ-ન્નિર્વ॑પે॒ચ્ચક્ષુ॑ષ્કામો॒-ઽગ્નેર્વૈ ચક્ષુ॑ષા મનુ॒ષ્યા॑ વિ પ॑શ્યન્તિ ય॒જ્ઞસ્ય॑ દે॒વા અ॒ગ્નિ-ઞ્ચૈ॒વ વિષ્ણુ॑-ઞ્ચ॒ સ્વેન॑ ભાગ॒ધેયે॒નોપ॑ ધાવતિ॒ તાવે॒વા- [તાવે॒વ, અ॒સ્મિ॒ન્ ચક્ષુ॑ર્ધત્ત॒-] ॥ 48 ॥
-ઽસ્મિ॒ન્ ચક્ષુ॑-ર્ધત્ત॒-શ્ચક્ષુ॑ષ્મા-ને॒વ ભ॑વતિ ધે॒ન્વૈ વા એ॒ત-દ્રેતો॒ યદાજ્ય॑-મન॒ડુહ॑-સ્તણ્ડુ॒લા મિ॑થુ॒ના-દે॒વાસ્મૈ॒ ચક્ષુઃ॒ પ્રજ॑નયતિ ઘૃ॒તે ભ॑વતિ॒ તેજો॒ વૈ ઘૃ॒ત-ન્તેજ॒શ્ચક્ષુ॒-સ્તેજ॑સૈ॒વાસ્મૈ॒ તેજ॒-શ્ચક્ષુ॒રવ॑ રુન્ધ ઇન્દ્રિ॒યં-વૈઁ વી॒ર્યં॑-વૃઁઙ્ક્તે॒ ભ્રાતૃ॑વ્યો॒ યજ॑મા॒નો-ઽય॑જમાનસ્યા-ધ્વ॒રક॑લ્પા॒-મ્પ્રતિ॒ નિર્વ॑પે॒-દ્ભ્રાતૃ॑વ્યે॒ યજ॑માને॒ ના-ઽસ્યે᳚ન્દ્રિ॒યં- [ના-ઽસ્યે᳚ન્દ્રિ॒યમ્, વી॒ર્યં॑ વૃઁઙ્ક્તે] ॥ 49 ॥
-વીઁ॒ર્યં॑ વૃઁઙ્ક્તે પુ॒રાવા॒ચઃ પ્રવ॑દિતો॒-ર્નિર્વ॑પે॒-દ્યાવ॑ત્યે॒વ વા-ક્તામપ્રો॑દિતા॒-મ્ભ્રાતૃ॑વ્યસ્ય વૃઙ્ક્તે॒ તામ॑સ્ય॒ વાચ॑-મ્પ્ર॒વદ॑ન્તી-મ॒ન્યા વાચો-ઽનુ॒ પ્રવ॑દન્તિ॒ તા ઇ॑ન્દ્રિ॒યં-વીઁ॒ર્યં॑-યઁજ॑માને દધત્યાગ્ના વૈષ્ણ॒વ-મ॒ષ્ટાક॑પાલ॒-ન્નિર્વ॑પે-ત્પ્રાત-સ્સવન॒સ્યા॑-ઽઽ કા॒લે સર॑સ્વ॒ત્યાજ્ય॑ભાગા॒ સ્યા-દ્બા॑ર્હસ્પ॒ત્યશ્ચ॒રુ- ર્યદ॒ષ્ટાક॑પાલો॒ ભવ॑ત્ય॒ષ્ટાક્ષ॑રા ગાય॒ત્રી ગા॑ય॒ત્ર-મ્પ્રા॑ત-સ્સવ॒ન-મ્પ્રા॑ત-સ્સવ॒નમે॒વ તેના᳚-ઽઽપ્નો- [તેના᳚-ઽઽપ્નોતિ, આ॒ગ્ના॒વૈ॒ષ્ણ॒વ-] ॥ 50 ॥
-ત્યાગ્નાવૈષ્ણ॒વ-મેકા॑દશકપાલ॒-ન્નિર્વ॑પે॒-ન્માદ્ધ્ય॑ન્દિનસ્ય॒ સવ॑નસ્યા-ઽઽ કા॒લે સર॑સ્વ॒ત્યાજ્ય॑ભાગા॒ સ્યા-દ્બા॑ર્હસ્પ॒ત્ય-શ્ચ॒રુ ર્યદેકા॑દશકપાલો॒ ભવ॒ત્યેકા॑દશાક્ષરા ત્રિ॒ષ્ટુ-પ્ત્રૈષ્ટુ॑ભ॒-મ્માદ્ધ્ય॑ન્દિન॒ગ્મ્॒ સવ॑ન॒-મ્માદ્ધ્ય॑દિન્નમે॒વ સવ॑ન॒-ન્તેના᳚-ઽઽપ્નોત્યાગ્નાવૈષ્ણ॒વ-ન્દ્વાદ॑શકપાલ॒-ન્નિર્વ॑પે-ત્તૃતીયસવ॒નસ્યા॑-ઽઽકા॒લે સર॑સ્વ॒ત્યાજ્ય॑ભાગા॒ સ્યા-દ્બા॑ર્હસ્પ॒ત્ય-શ્ચ॒રુર્ય-દ્દ્વાદ॑શકપાલો॒ ભવ॑તિ॒ દ્વાદ॑શાક્ષરા॒ જગ॑તી॒ જાગ॑ત-ન્તૃતીયસવ॒ન-ન્તૃ॑તીય સવ॒નમે॒વ તેના᳚-ઽઽપ્નોતિ દે॒વતા॑ભિરે॒વ દે॒વતાઃ᳚ [દે॒વતાઃ᳚, પ્ર॒તિ॒ચર॑તિ] ॥ 51 ॥
પ્રતિ॒ચર॑તિ ય॒જ્ઞેન॑ ય॒જ્ઞં-વાઁ॒ચા વાચ॒-મ્બ્રહ્મ॑ણા॒ બ્રહ્મ॑ ક॒પાલૈ॑રે॒વ છન્દાગ્॑સ્યા॒પ્નોતિ॑ પુરો॒ડાશૈ॒-સ્સવ॑નાનિ મૈત્રાવરુ॒ણ-મેક॑કપાલ॒-ન્નિર્વ॑પે-દ્વ॒શાયૈ॑ કા॒લે યૈવાસૌ ભ્રાતૃ॑વ્યસ્ય વ॒શા-ઽનૂ॑બ॒ન્ધ્યા॑ સો એ॒વૈષૈતસ્યૈક॑કપાલો ભવતિ॒ ન હિ ક॒પાલૈઃ᳚ પ॒શુ-મર્હ॒ત્યાપ્તુ᳚મ્ ॥ 52 ॥
(બ્રહ્મ॑ણૈ॒વૈન॑મ॒ભિ ચ॑રતિ – ય॒જ્ઞો ન – તાવે॒વા – ઽસ્યે᳚ન્દ્રિ॒ય – મા᳚પ્નોતિ -દે॒વતાઃ᳚ – સ॒પ્તત્રિગ્મ્॑શચ્ચ ) (અ. 9)
અ॒સાવા॑દિ॒ત્યો ન વ્ય॑રોચત॒ તસ્મૈ॑ દે॒વાઃ પ્રાય॑શ્ચિત્તિ-મૈચ્છ॒-ન્તસ્મા॑ એ॒તગ્મ્ સો॑મારૌ॒દ્ર-ઞ્ચ॒રુ-ન્નિર॑વપ॒-ન્તેનૈ॒વાસ્મિ॒-ન્રુચ॑મદધુ॒ર્યો બ્ર॑હ્મવર્ચ॒સકા॑મ॒-સ્સ્યા-ત્તસ્મા॑ એ॒તગ્મ્ સો॑મારૌ॒દ્ર-ઞ્ચ॒રુ-ન્નિર્વ॑પે॒-થ્સોમ॑-ઞ્ચૈ॒વ રુ॒દ્ર-ઞ્ચ॒ સ્વેન॑ ભાગ॒ધેયે॒નોપ॑ ધાવતિ॒ તાવે॒વાસ્મિ॑-ન્બ્રહ્મવર્ચ॒સ-ન્ધ॑ત્તો બ્રહ્મવર્ચ॒સ્યે॑વ ભ॑વતિ તિષ્યાપૂર્ણમા॒સે નિર્વ॑પેદ્રુ॒દ્રો [નિર્વ॑પેદ્રુ॒દ્રઃ, વૈ તિ॒ષ્ય॑-સ્સોમઃ॑] ॥ 53 ॥
વૈ તિ॒ષ્ય॑-સ્સોમઃ॑ પૂ॒ર્ણમા॑સ-સ્સા॒ક્ષાદે॒વ બ્ર॑હ્મવર્ચ॒સમવ॑ રુન્ધે॒ પરિ॑શ્રિતે યાજયતિ બ્રહ્મવર્ચ॒સસ્ય॒ પરિ॑ગૃહીત્યૈ શ્વે॒તાયૈ᳚ શ્વે॒તવ॑થ્સાયૈ દુ॒ગ્ધ-મ્મ॑થિ॒તમાજ્ય॑-મ્ભવ॒ત્યાજ્ય॒-મ્પ્રોક્ષ॑ણ॒માજ્યે॑ન માર્જયન્તે॒ યાવ॑દે॒વ બ્ર॑હ્મવર્ચ॒સ-ન્ત-થ્સર્વ॑-ઙ્કરો॒ત્યતિ॑ બ્રહ્મવર્ચ॒સ-ઙ્ક્રિ॑યત॒ ઇત્યા॑હુરીશ્વ॒રો દુ॒શ્ચર્મા॒ ભવિ॑તો॒રિતિ॑ માન॒વી ઋચૌ॑ ધા॒ય્યે॑ કુર્યા॒-દ્યદ્વૈ કિઞ્ચ॒ મનુ॒-રવ॑દ॒ત્ત-દ્ભે॑ષ॒જં- [-દ્ભે॑ષ॒જમ્, ભે॒ષ॒જ-મે॒વા-ઽસ્મૈ॑] ॥ 54 ॥
-ભે॑ષ॒જ-મે॒વા-ઽસ્મૈ॑ કરોતિ॒ યદિ॑ બિભી॒યા-દ્દુ॒શ્ચર્મા॑ ભવિષ્યા॒મીતિ॑ સોમાપૌ॒ષ્ણ-ઞ્ચ॒રુ-ન્નિર્વ॑પે-થ્સૌ॒મ્યો વૈ દે॒વત॑યા॒ પુરુ॑ષઃ પૌ॒ષ્ણાઃ પ॒શવ॒-સ્સ્વયૈ॒ વાસ્મૈ॑ દે॒વત॑યા પ॒શુભિ॒-સ્ત્વચ॑-ઙ્કરોતિ॒ ન દુ॒શ્ચર્મા॑ ભવતિ સોમારૌ॒દ્ર-ઞ્ચ॒રુ-ન્નિર્વ॑પે-ત્પ્ર॒જાકા॑મ॒-સ્સોમો॒ વૈ રે॑તો॒ધા અ॒ગ્નિઃ પ્ર॒જાના᳚-મ્પ્રજનયિ॒તા સોમ॑ એ॒વાસ્મૈ॒ રેતો॒ દધા᳚ત્ય॒ગ્નિઃ પ્ર॒જા-મ્પ્રજ॑નયતિ વિ॒ન્દતે᳚ – [ ] ॥ 55 ॥
પ્ર॒જાગ્મ્ સો॑મારૌ॒દ્ર-ઞ્ચ॒રુ-ન્નિર્વ॑પે-દભિ॒ચરન્᳚-થ્સૌ॒મ્યો વૈ દે॒વત॑યા॒ પુરુ॑ષ એ॒ષ રુ॒દ્રો યદ॒ગ્નિ-સ્સ્વાયા॑ એ॒વૈન॑-ન્દે॒વતા॑યૈ નિ॒ષ્ક્રીય॑ રુ॒દ્રાયાપિ॑ દધાતિ તા॒જગાર્તિ॒-માર્ચ્છ॑તિ સોમારૌ॒દ્ર-ઞ્ચ॒રુ-ન્નિર્વ॑પે॒-જ્જ્યોગા॑મયાવી॒ સોમં॒-વાઁ એ॒તસ્ય॒ રસો॑ ગચ્છત્ય॒ગ્નિગ્મ્ શરી॑રં॒-યઁસ્ય॒ જ્યોગા॒મય॑તિ॒ સોમા॑દે॒વાસ્ય॒ રસ॑-ન્નિષ્ક્રી॒ણાત્ય॒ગ્ને-શ્શરી॑રમુ॒ત યદી॒- [યદિ॑, ઇ॒તાસુ॒ ર્ભવ॑તિ॒] ॥ 56 ॥
-તાસુ॒ ર્ભવ॑તિ॒ જીવ॑ત્યે॒વ સો॑મારુ॒દ્રયો॒ર્વા એ॒ત-ઙ્ગ્ર॑સિ॒તગ્મ્ હોતા॒ નિષ્ખિ॑દતિ॒ સ ઈ᳚શ્વ॒ર આર્તિ॒માર્તો॑-રન॒ડ્વાન્. હોત્રા॒ દેયો॒ વહ્નિ॒ર્વા અ॑ન॒ડ્વાન્. વહ્નિ॒ર્॒હોતા॒ વહ્નિ॑નૈ॒વ વહ્નિ॑-મા॒ત્માનગ્ગ્॑ સ્પૃણોતિ સોમારૌ॒દ્ર-ઞ્ચ॒રુ-ન્નિર્વ॑પે॒દ્યઃ કા॒મયે॑ત॒ સ્વે᳚-ઽસ્મા આ॒યત॑ને॒ ભ્રાતૃ॑વ્ય-ઞ્જનયેય॒મિતિ॒ વેદિ॑-મ્પરિ॒ગૃહ્યા॒-ઽર્ધ-મુ॑દ્ધ॒ન્યા-દ॒ર્ધ-ન્નાર્ધ-મ્બ॒ર્॒હિષ॑-સ્સ્તૃણી॒યા-દ॒ર્ધ-ન્નાર્ધ-મિ॒દ્ધ્મસ્યા᳚-ઽભ્યા-દ॒દ્ધ્યા-દદ્॒ર્ધ-ન્ન સ્વ એ॒વાસ્મા॑ આ॒યત॑ને॒ ભ્રાતૃ॑વ્ય-ઞ્જનયતિ ॥ 57 ॥
(રુ॒દ્રો – ભે॑ષ॒જં – વિ॒ન્દતે॒- યદિ॑ – સ્તૃણી॒યાદ॒ર્ધં – દ્વાદ॑શ ચ) (અ. 10)
ઐ॒ન્દ્ર-મેકા॑દશકપાલ॒-ન્નિર્વ॑પેન્મારુ॒તગ્મ્ સ॒પ્તક॑પાલ॒-ઙ્ગ્રામ॑કામ॒ ઇન્દ્ર॑-ઞ્ચૈ॒વ મ॒રુત॑શ્ચ॒ સ્વેન॑ ભાગ॒ધેયે॒નોપ॑ ધાવતિ॒ ત એ॒વાસ્મૈ॑ સજા॒તા-ન્પ્રય॑ચ્છન્તિ ગ્રા॒મ્યે॑વ ભ॑વત્યાહવ॒નીય॑ ઐ॒ન્દ્રમધિ॑ શ્રયતિ॒ ગાર્હ॑પત્યે મારુ॒ત-મ્પા॑પવસ્ય॒સસ્ય॒ વિધૃ॑ત્યૈ સ॒પ્તક॑પાલો મારુ॒તો ભ॑વતિ સ॒પ્તગ॑ણા॒ વૈ મ॒રુતો॑ગણ॒શ એ॒વાસ્મૈ॑ સજા॒તાનવ॑ રુન્ધે-ઽનૂ॒ચ્યમા॑ન॒ આ સા॑દયતિ॒ વિશ॑મે॒વા- [વિશ॑મે॒વ, અ॒સ્મા॒ અનુ॑વર્ત્માનં-] ॥ 58 ॥
-ઽસ્મા॒ અનુ॑વર્ત્માન-ઙ્કરોત્યે॒તામે॒વ નિર્વ॑પે॒દ્યઃ કા॒મયે॑ત ક્ષ॒ત્રાય॑ ચ વિ॒શે ચ॑ સ॒મદ॑-ન્દદ્ધ્યા॒-મિત્યૈ॒ન્દ્રસ્યા॑-ઽવ॒દ્ય-ન્બ્રૂ॑યા॒-દિન્દ્રા॒યા-ઽનુ॑ બ્રૂ॒હીત્યા॒શ્રાવ્ય॑ બ્રૂયા-ન્મ॒રુતો॑ ય॒જેતિ॑ મારુ॒તસ્યા॑-ઽવ॒દ્ય-ન્બ્રૂ॑યા-ન્મ॒રુદ્ભ્યો-ઽનુ॑ બ્રૂ॒હીત્યા॒શ્રાવ્ય॑ બ્રૂયા॒દિન્દ્રં॑-યઁ॒જેતિ॒ સ્વ એ॒વૈભ્યો॑ ભાગ॒ધેયે॑ સ॒મદ॑-ન્દધાતિ વિતૃગ્મ્હા॒ણા-સ્તિ॑ષ્ઠન્ત્યે॒ તામે॒વ [ ] ॥ 59 ॥
નિર્વ॑પે॒દ્યઃ કા॒મયે॑ત॒ કલ્પે॑ર॒ન્નિતિ॑ યથાદેવ॒ત-મ॑વ॒દાય॑ યથા દેવ॒તં-યઁ॑જે-દ્ભાગ॒ધેયે॑નૈ॒વૈનાન્॑ યથાય॒થ-ઙ્ક॑લ્પયતિ॒ કલ્પ॑ન્ત એ॒વૈન્દ્ર-મેકા॑દશકપાલ॒-ન્નિર્વ॑પે-દ્વૈશ્વદે॒વ-ન્દ્વાદ॑શકપાલ॒-ઙ્ગ્રામ॑કામ॒ ઇન્દ્ર॑-ઞ્ચૈ॒વ વિશ્વાગ્॑શ્ચ દે॒વાન્-થ્સ્વેન॑ ભાગ॒ધેયે॒નોપ॑ ધાવતિ॒ ત એ॒વાસ્મૈ॑ સજા॒તા-ન્પ્રય॑ચ્છન્તિ ગ્રા॒મ્યે॑વ ભ॑વત્યૈ॒ન્દ્રસ્યા॑-ઽવ॒દાય॑ વૈશ્વદે॒વસ્યાવ॑ દ્યે॒-દથૈ॒ન્દ્રસ્યો॒- [-દથૈ॒ન્દ્રસ્ય॑, ઉ॒પરિ॑ષ્ટા-] ॥ 60 ॥
-પરિ॑ષ્ટા-દિન્દ્રિ॒યેણૈ॒વાસ્મા॑ ઉભ॒યત॑-સ્સજા॒તા-ન્પરિ॑ ગૃહ્ણાત્યુપાધા॒ય્ય॑ પૂર્વયં॒-વાઁસો॒ દક્ષિ॑ણા સજા॒તાના॒મુપ॑હિત્યૈ॒ પૃશ્ઞિ॑યૈ દુ॒ગ્ધે પ્રૈય॑ઙ્ગવ-ઞ્ચ॒રુ-ન્નિર્વ॑પેન્મ॒રુદ્ભ્યો॒ ગ્રામ॑કામઃ॒ પૃશ્ઞિ॑યૈ॒ વૈ પય॑સો મ॒રુતો॑ જા॒તાઃ પૃશ્ઞિ॑યૈ પ્રિ॒યઙ્ગ॑વો મારુ॒તાઃ ખલુ॒ વૈ દે॒વત॑યા સજા॒તા મ॒રુત॑ એ॒વ સ્વેન॑ ભાગ॒ધેયે॒નોપ॑ ધાવતિ॒ ત એ॒વાસ્મૈ॑ સજા॒તા-ન્પ્રય॑ચ્છન્તિ ગ્રા॒મ્યે॑વ ભ॑વતિ પ્રિ॒યવ॑તી યાજ્યાનુવા॒ક્યે॑ [યાજ્યાનુવા॒ક્યે᳚, ભ॒વ॒તઃ॒ પ્રિ॒યમે॒વૈનગ્મ્॑] ॥ 61 ॥
ભવતઃ પ્રિ॒યમે॒વૈનગ્મ્॑ સમા॒નાના᳚-ઙ્કરોતિ દ્વિ॒પદા॑ પુરો-ઽનુવા॒ક્યા॑ ભવતિ દ્વિ॒પદ॑ એ॒વાવ॑ રુન્ધે॒ ચતુ॑ષ્પદા યા॒જ્યા॑ ચતુ॑ષ્પદ એ॒વ પ॒શૂનવ॑ રુન્ધે દેવાસુ॒રા-સ્સંયઁ॑ત્તા આસ॒-ન્તે દે॒વા મિ॒થો વિપ્રિ॑યા આસ॒-ન્તે᳚(1॒) ઽન્યો᳚-ઽન્યસ્મૈ॒ જ્યૈષ્ઠ્યા॒યા-તિ॑ષ્ઠમાના-શ્ચતુ॒ર્ધા વ્ય॑ક્રામ-ન્ન॒ગ્નિ-ર્વસુ॑ભિ॒-સ્સોમો॑ રુ॒દ્રૈરિન્દ્રો॑ મ॒રુદ્ભિ॒-ર્વરુ॑ણ આદિ॒ત્યૈ-સ્સ ઇન્દ્રઃ॑ પ્ર॒જાપ॑તિ॒-મુપા॑-ઽધાવ॒-ત્ત- [-ઽધાવ॒-ત્તમ્, એ॒તયા॑] ॥ 62 ॥
-મે॒તયા॑ સં॒(2)જ્ઞાન્યા॑-ઽયાજય-દ॒ગ્નયે॒ વસુ॑મતે પુરો॒ડાશ॑-મ॒ષ્ટાક॑પાલ॒-ન્નિર॑વપ॒-થ્સોમા॑ય રુ॒દ્રવ॑તે ચ॒રુમિન્દ્રા॑ય મ॒રુત્વ॑તે પુરો॒ડાશ॒ -મેકા॑દશકપાલં॒-વઁરુ॑ણાયા-ઽઽદિ॒ત્યવ॑તે ચ॒રુ-ન્તતો॒ વા ઇન્દ્ર॑-ન્દે॒વા જ્યૈષ્ઠ્યા॑યા॒ભિ સમ॑જાનત॒ ય-સ્સ॑મા॒નૈ-ર્મિ॒થો વિપ્રિ॑ય॒-સ્સ્યા-ત્તમે॒તયા॑ સં॒(2)જ્ઞાન્યા॑ યાજયે-દ॒ગ્નયે॒ વસુ॑મતે પુરો॒ડાશ॑-મ॒ષ્ટાક॑પાલ॒-ન્નિર્વ॑પે॒-થ્સોમા॑ય રુ॒દ્રવ॑તે ચ॒રુ-મિન્દ્રા॑ય મ॒રુત્વ॑તે પુરો॒ડાશ॒-મેકા॑દશકપાલં॒-વઁરુ॑ણાયા ઽઽદિ॒ત્યવ॑તે ચ॒રુ-મિન્દ્ર॑-મે॒વૈન॑-મ્ભૂ॒ત-ઞ્જ્યૈષ્ઠ્યા॑ય સમા॒ના અ॒ભિ સ-ઞ્જા॑નતે॒ વસિ॑ષ્ઠ-સ્સમા॒નાના᳚-મ્ભવતિ ॥ 63 ॥
(વિશ॑મે॒વ – તિ॑ષ્ઠન્ત્યે॒તામે॒ – વાથૈ॒ન્દ્રસ્ય॑ – યાજ્યાનુવા॒ક્યે॑ – તં – વઁરુ॑ણાય॒ -ચતુ॑ર્દશ ચ) (અ. 11)
હિ॒ર॒ણ્ય॒ગ॒ર્ભ આપો॑ હ॒ યત્પ્રજા॑પતે ॥ સ વે॑દ પુ॒ત્રઃ પિ॒તર॒ગ્મ્॒ સ મા॒તર॒ગ્મ્॒ સ સૂ॒નુભ॑ર્વ॒-થ્સ ભુ॑વ॒-ત્પુન॑ર્મઘઃ । સ દ્યામૌર્ણો॑દ॒ન્તરિ॑ક્ષ॒ગ્મ્॒ સ સુવ॒-સ્સ વિશ્વા॒ ભુવો॑ અભવ॒-થ્સ આ-ઽભ॑વત્ ॥ ઉદુ॒ ત્ય-ઞ્ચિ॒ત્રમ્ ॥ સ પ્ર॑ત્ન॒વન્નવી॑ય॒સા-ઽગ્ને᳚ દ્યુ॒મ્નેન॑ સં॒યઁતા᳚ । બૃ॒હ-ત્ત॑તન્થ ભા॒નુના᳚ ॥ નિ કાવ્યા॑ વે॒ધસ॒-શ્શશ્વ॑તસ્ક॒ર્॒હસ્તે॒ દધા॑નો॒ [દધા॑નઃ, નર્યા॑ પુ॒રૂણિ॑ ।] ॥ 64 ॥
નર્યા॑ પુ॒રૂણિ॑ । અ॒ગ્નિર્ભુ॑વદ્રયિ॒પતી॑ રયી॒ણાગ્મ્ સ॒ત્રા ચ॑ક્રા॒ણો અ॒મૃતા॑નિ॒ વિશ્વા᳚ ॥ હિર॑ણ્યપાણિમૂ॒તયે॑ સવિ॒તાર॒મુપ॑ હ્વયે । સ ચેત્તા॑ દે॒વતા॑ પ॒દમ્ ॥ વા॒મમ॒દ્ય સ॑વિતર્વા॒મમુ॒ શ્વો દિ॒વેદિ॑વે વા॒મમ॒સ્મભ્યગ્મ્॑ સાવીઃ । વા॒મસ્ય॒ હિ ક્ષય॑સ્ય દેવ॒ ભૂરે॑ર॒યા ધિ॒યા વા॑મ॒ભાજ॑-સ્સ્યામ ॥ બડિ॒ત્થા પર્વ॑તાના-ઙ્ખિ॒દ્ર-મ્બિ॑ભર્ષિ પૃથિવિ । પ્ર યા ભૂ॑મિ પ્રવત્વતિ મ॒હ્ના જિ॒નોષિ॑ [જિ॒નોષિ॑, મ॒હિ॒નિ॒ ।] ॥ 65 ॥
મહિનિ ॥ સ્તોમા॑સસ્ત્વા વિચારિણિ॒ પ્રતિ॑ષ્ટોભન્ત્ય॒ક્તુભિઃ॑ । પ્રયા વાજ॒-ન્ન હેષ॑ન્ત-મ્પે॒રુ-મસ્ય॑સ્યર્જુનિ ॥ ઋ॒દૂ॒દરે॑ણ॒ સખ્યા॑ સચેય॒ યો મા॒ ન રિષ્યે᳚દ્ધર્યશ્વ પી॒તઃ । અ॒યં-યઁ-સ્સોમો॒ ન્યધા᳚ય્ય॒સ્મે તસ્મા॒ ઇન્દ્ર॑-મ્પ્ર॒તિર॑-મે॒મ્યચ્છ॑ ॥ આપા᳚ન્તમન્યુ-સ્તૃ॒પલ॑-પ્રભર્મા॒ ધુનિ॒-શ્શિમી॑ વા॒ઞ્છરુ॑માગ્મ્ ઋજી॒ષી । સોમો॒ વિશ્વા᳚ન્યત॒સા વના॑નિ॒ નાર્વાગિન્દ્ર॑-મ્પ્રતિ॒માના॑નિ દેભુઃ ॥ પ્ર- [પ્ર, સુ॒વા॒ન-સ્સોમ॑] ॥ 66 ॥
-સુ॑વા॒ન-સ્સોમ॑ ઋત॒યુ-શ્ચિ॑કે॒તેન્દ્રા॑ય॒ બ્રહ્મ॑ જ॒મદ॑ગ્નિ॒-રર્ચન્ન્॑ । વૃષા॑ ય॒ન્તા-ઽસિ॒ શવ॑સ-સ્તુ॒રસ્યા॒-ઽન્ત-ર્ય॑ચ્છ ગૃણ॒તે ધ॒ર્ત્ર-ન્દૃગ્મ્॑હ ॥ સ॒બાધ॑સ્તે॒ મદ॑-ઞ્ચ શુષ્મ॒ય-ઞ્ચ॒ બ્રહ્મ॒ નરો᳚ બ્રહ્મ॒કૃત॑-સ્સપર્યન્ન્ । અ॒ર્કો વા॒ ય-ત્તુ॒રતે॒ સોમ॑ચક્ષા॒-સ્તત્રે-દિન્દ્રો॑ દધતે પૃ॒થ્સુ તુ॒ર્યામ્ ॥ વષ॑-ટ્તે વિષ્ણવા॒સ આ કૃ॑ણોમિ॒ તન્મે॑ જુષસ્વ શિપિવિષ્ટ હ॒વ્યમ્ । ॥ 67 ॥
વર્ધ॑ન્તુ ત્વા સુષ્ટુ॒તયો॒ ગિરો॑ મે યૂ॒ય-મ્પા॑ત સ્વ॒સ્તિભિ॒-સ્સદા॑ નઃ ॥પ્ર ત-ત્તે॑ અ॒દ્ય શિ॑પિવિષ્ટ॒ નામા॒-ઽર્ય-શ્શગ્મ્॑ સામિ વ॒યુના॑નિ વિ॒દ્વાન્ । તન્ત્વા॑ ગૃણામિ ત॒વસ॒-મત॑વીયા॒ન્ ક્ષય॑ન્તમ॒સ્ય રજ॑સઃ પરા॒કે ॥ કિમિ-ત્તે॑ વિષ્ણો પરિ॒ચક્ષ્ય॑-મ્ભૂ॒-ત્પ્ર યદ્વ॑વ॒ક્ષે શિ॑પિવિ॒ષ્ટો અ॑સ્મિ । મા વર્પો॑ અ॒સ્મદપ॑ ગૂહ એ॒તદ્ય-દ॒ન્યરૂ॑પ-સ્સમિ॒થે બ॒ભૂથ॑ । ॥ 68 ॥
અગ્ને॒ દા દા॒શુષે॑ ર॒યિં-વીઁ॒રવ॑ન્ત॒-મ્પરી॑ણસમ્ । શિ॒શી॒હિ ન॑-સ્સૂનુ॒મતઃ॑ ॥ દા નો॑ અગ્ને શ॒તિનો॒ દા-સ્સ॑હ॒સ્રિણો॑ દુ॒રો ન વાજ॒ગ્ગ્॒ શ્રુત્યા॒ અપા॑ વૃધિ । પ્રાચી॒ દ્યાવા॑પૃથિ॒વી બ્રહ્મ॑ણા કૃધિ॒ સુવ॒ર્ણ શુ॒ક્રમુ॒ષસો॒ વિ દિ॑દ્યુતુઃ ॥ અ॒ગ્નિર્દા॒ દ્રવિ॑ણં-વીઁ॒રપે॑શા અ॒ગ્નિર્-ઋષિં॒-યઁ-સ્સ॒હસ્રા॑ સ॒નોતિ॑ । અ॒ગ્નિર્દિ॒વિ હ॒વ્યમા ત॑તાના॒-ઽગ્ને-ર્ધામા॑નિ॒ વિભૃ॑તા પુરુ॒ત્રા ॥ મા [મા, નો॒ મ॒ર્ધી॒ રા તૂ ભ॑ર ।] ॥ 69 ॥
નો॑ મર્ધી॒ રા તૂ ભ॑ર ॥ ઘૃ॒ત-ન્ન પૂ॒ત-ન્ત॒નૂર॑રે॒પા-શ્શુચિ॒ હિર॑ણ્યમ્ । ત-ત્તે॑ રુ॒ક્મો ન રો॑ચત સ્વધાવઃ ॥ ઉ॒ભે સુ॑શ્ચન્દ્ર સ॒ર્પિષો॒ દર્વી᳚ શ્રીણીષ આ॒સનિ॑ । ઉ॒તો ન॒ ઉ-ત્પુ॑પૂર્યા ઉ॒ક્થેષુ॑ શવસસ્પત॒ ઇષગ્ગ્॑ સ્તો॒તૃભ્ય॒ આ ભ॑ર ॥ વાયો॑ શ॒તગ્મ્ હરી॑ણાં-યુઁ॒વસ્વ॒ પોષ્યા॑ણામ્ । ઉ॒ત વા॑ તે સહ॒સ્રિણો॒ રથ॒ આ યા॑તુ॒ પાજ॑સા ॥ પ્ર યાભિ॒- [પ્ર યાભિઃ, યાસિ॑ દા॒શ્વાગ્મ્ સ॒મચ્છા॑] ॥ 70 ॥
-ર્યાસિ॑ દા॒શ્વાગ્મ્ સ॒મચ્છા॑ નિ॒યુદ્ભિ॑-ર્વાયવિ॒ષ્ટયે॑ દુરો॒ણે । નિ નો॑ ર॒યિગ્મ્ સુ॒ભોજ॑સં-યુઁવે॒હ નિ વી॒રવ॒-દ્ગવ્ય॒મશ્વિ॑ય-ઞ્ચ॒ રાધઃ॑ ॥રે॒વતી᳚ર્ન-સ્સધ॒માદ॒ ઇન્દ્રે॑ સન્તુ તુ॒વિવા॑જાઃ । ક્ષુ॒મન્તો॒ યાભિ॒ર્મદે॑મ ॥ રે॒વાગ્મ્ ઇદ્રે॒વત॑-સ્સ્તો॒તા સ્યા-ત્ત્વાવ॑તો મ॒ઘોનઃ॑ । પ્રેદુ॑ હરિવ-શ્શ્રુ॒તસ્ય॑ ॥ 71 ॥
(દધા॑નો – જિ॒નોષિ॑ – દેભુઃ॒ પ્ર – હ॒વ્યં – બ॒ભૂથ॒ – મા – યાભિ॑ – શ્ચત્વારિ॒ગ્મ્॒શચ્ચ॑ ) (અ. 12)
(પ્ર॒જાપ॑તિ॒સ્તા-સ્સૃ॒ષ્ટા – અ॒ગ્નયે॑ પથિ॒કૃતે॒ – ગ્નયે॒ કામા॑યા॒ – ગ્નયેન્ન॑વતે -વૈશ્વાન॒ર -મા॑દિ॒ત્ય-ઞ્ચ॒રુ – મૈ॒ન્દ્ર-ઞ્ચ॒રુ – મિન્દ્રા॒યાન્વૃ॑જવ – આગ્નાવૈષ્ણ॒વ -મ॒સૌ સો॑મારૌ॒દ્ર – મૈ॒ન્દ્રમ॒કા॑દશકપાલગ્મ્- હિરણ્યગ॒ર્ભો – દ્વાદ॑શ )
(પ્ર॒જાપ॑તિ – ર॒ગ્નયે॒ કામા॑યા॒ – ઽભિ સ-મ્ભ॑વતો॒ – યો વિ॑દ્વિષા॒ણયો॑ -રિ॒ધ્મે સન્ન॑ હ્યે – દાગ્નાવૈષ્ણ॒વમુ॒ – પરિ॑ષ્ટા॒ – દ્યાસિ॑ દા॒શ્વાગ્મ્સ॒ – મેક॑સપ્તતિઃ )
(પ્ર॒જાપ॑તિઃ॒, પ્રેદુ॑ હરિવ-શ્શ્રુ॒તસ્ય॑)
॥ હરિઃ॑ ઓમ્ ॥
॥ કૃષ્ણ યજુર્વેદીય તૈત્તિરીય સંહિતાયા-ન્દ્વિતીયકાણ્ડે દ્વિતીયઃ પ્રશ્ન-સ્સમાપ્તઃ ॥