કૃષ્ણ યજુર્વેદીય તૈત્તિરીય સંહિતાયાં સપ્તમકાણ્ડે પ્રથમઃ પ્રશ્નઃ- અશ્વમેધગતમન્ત્રાણામભિધાનં
ઓ-ન્નમઃ પરમાત્મને, શ્રી મહાગણપતયે નમઃ,
શ્રી ગુરુભ્યો નમઃ । હ॒રિઃ॒ ઓમ્ ॥
પ્ર॒જન॑ન॒-ઞ્જ્યોતિ॑ર॒ગ્નિ-ર્દે॒વતા॑ના॒-ઞ્જ્યોતિ॑ર્વિ॒રાટ્ છન્દ॑સા॒-ઞ્જ્યોતિ॑ર્વિ॒રા-ડ્વા॒ચો᳚-ઽગ્નૌ સ-ન્તિ॑ષ્ઠતે વિ॒રાજ॑મ॒ભિ સમ્પ॑દ્યતે॒ તસ્મા॒-ત્તજ્જ્યોતિ॑રુચ્યતે॒ દ્વૌ સ્તોમૌ᳚ પ્રાતસ્સવ॒નં-વઁ॑હતો॒ યથા᳚ પ્રા॒ણશ્ચા॑-ઽપા॒નશ્ચ॒ દ્વૌ માદ્ધ્ય॑દિન્ન॒ગ્મ્॒ સવ॑નં॒-યઁથા॒ ચક્ષુ॑શ્ચ॒ શ્રોત્ર॑-ઞ્ચ॒ દ્વૌ તૃ॑તીયસવ॒નં-યઁથા॒ વાક્ચ॑ પ્રતિ॒ષ્ઠા ચ॒ પુરુ॑ષસમ્મિતો॒ વા એ॒ષ ય॒જ્ઞો-ઽસ્થૂ॑રિ॒- [ય॒જ્ઞો-ઽસ્થૂ॑રિઃ, ય-ઙ્કામ॑-ઙ્કા॒મય॑તે॒] 1
-ર્ય-ઙ્કામ॑-ઙ્કા॒મય॑તે॒ તમે॒તેના॒ભ્ય॑શ્ઞુતે॒ સર્વ॒ગ્ગ્॒ હ્યસ્થૂ॑રિણા-ઽભ્યશ્ઞુ॒તે᳚ ઽગ્નિષ્ટો॒મેન॒ વૈ પ્ર॒જાપ॑તિઃ પ્ર॒જા અ॑સૃજત॒ તા અ॑ગ્નિષ્ટો॒મેનૈ॒વ પર્ય॑ગૃહ્ણા॒-ત્તાસા॒-મ્પરિ॑ગૃહીતાના-મશ્વત॒રો-ઽત્ય॑પ્રવત॒ તસ્યા॑નુ॒હાય॒રેત॒ આ-ઽદ॑ત્ત॒ ત-દ્ગ॑ર્દ॒ભે ન્ય॑મા॒ર્-ટ્તસ્મા᳚-દ્ગર્દ॒ભો દ્વિ॒રેતા॒ અથો॑ આહુ॒ર્વડ॑બાયા॒-ન્ન્ય॑મા॒ર્ડિતિ॒ તસ્મા॒-દ્વડ॑બા દ્વિ॒રેતા॒ અથો॑ આહુ॒-રોષ॑ધીષુ॒- [આહુ॒-રોષ॑ધીષુ, ન્ય॑મા॒ર્ડિતિ॒] 2
-ન્ય॑મા॒ર્ડિતિ॒ તસ્મા॒દોષ॑ધ॒યો ઽન॑ભ્યક્તા રેભ॒ન્ત્યથો॑ આહુઃ પ્ર॒જાસુ॒ ન્ય॑મા॒ર્ડિતિ॒ તસ્મા᳚-દ્ય॒મૌ જા॑યેતે॒ તસ્મા॑દશ્વત॒રો ન પ્ર જા॑યત॒ આત્ત॑રેતા॒ હિ તસ્મા᳚-દ્બ॒ર્॒હિષ્યન॑વકૢપ્ત-સ્સર્વવેદ॒સે વા॑ સ॒હસ્રે॒ વા-ઽવ॑ કૢ॒પ્તો-ઽતિ॒ હ્યપ્ર॑વત॒ ય એ॒વં-વિઁ॒દ્વાન॑ગ્નિષ્ટો॒મેન॒ યજ॑તે॒ પ્રાજા॑તાઃ પ્ર॒જા જ॒નય॑તિ॒ પરિ॒ પ્રજા॑તા ગૃહ્ણાતિ॒ તસ્મા॑દાહુર્જ્યેષ્ઠય॒જ્ઞ ઇતિ॑ [ ] 3
પ્ર॒જાપ॑તિ॒ર્વાવ જ્યેષ્ઠ॒-સ્સ હ્યે॑તેનાગ્રે-ઽય॑જત પ્ર॒જાપ॑તિરકામયત॒ પ્ર જા॑યે॒યેતિ॒ સ મુ॑ખ॒તસ્ત્રિ॒વૃત॒-ન્નિર॑મિમીત॒ તમ॒ગ્નિર્દે॒વતા ઽન્વ॑સૃજ્યત ગાય॒ત્રી છન્દો॑ રથન્ત॒રગ્મ્ સામ॑ બ્રાહ્મ॒ણો મ॑નુ॒ષ્યા॑ણામ॒જઃ પ॑શૂ॒ના-ન્તસ્મા॒-ત્તે મુખ્યા॑ મુખ॒તો હ્યસૃ॑જ્ય॒ન્તોર॑સો બા॒હુભ્યા᳚-મ્પઞ્ચદ॒શ-ન્નિર॑મિમીત॒ તમિન્દ્રો॑ દે॒વતા ઽન્વ॑સૃજ્યત ત્રિ॒ષ્ટુ-પ્છન્દો॑ બૃ॒હ- [બૃ॒હત્, સામ॑ રાજ॒ન્યો॑] 4
-થ્સામ॑ રાજ॒ન્યો॑ મનુ॒ષ્યા॑ણા॒મવિઃ॑ પશૂ॒ના-ન્તસ્મા॒-ત્તે વી॒ર્યા॑વન્તો વી॒ર્યા᳚દ્ધ્યસૃ॑જ્યન્ત મદ્ધ્ય॒ત-સ્સ॑પ્તદ॒શ-ન્નિર॑મિમીત॒ તં-વિઁશ્વે॑ દે॒વા દે॒વતા॒ અન્વ॑સૃજ્યન્ત॒ જગ॑તી॒ છન્દો॑ વૈ રૂ॒પગ્મ્ સામ॒ વૈશ્યો॑ મનુ॒ષ્યા॑ણા॒-ઙ્ગાવઃ॑ પશૂ॒ના-ન્તસ્મા॒-ત્ત આ॒દ્યા॑ અન્ન॒ધાના॒દ્ધ્ય સૃ॑જ્યન્ત॒ તસ્મા॒-દ્ભૂયાગ્મ્॑સો॒ ઽન્યેભ્યો॒ ભૂયિ॑ષ્ઠા॒ હિ દે॒વતા॒ અન્વસૃ॑જ્યન્ત પ॒ત્ત એ॑કવિ॒ગ્મ્॒ શ-ન્નિર॑મિમીત॒ તમ॑નુ॒ષ્ટુ-પ્છન્દો- [તમ॑નુ॒ષ્ટુ-પ્છન્દઃ॑, અન્વ॑સૃજ્યત] 5
-ઽન્વ॑સૃજ્યત વૈરા॒જગ્મ્ સામ॑ શૂ॒દ્રો મ॑નુ॒ષ્યા॑ણા॒-મશ્વઃ॑ પશૂ॒ના-ન્તસ્મા॒-ત્તૌ ભૂ॑તસ-ઙ્ક્રા॒મિણા॒વશ્વ॑શ્ચ શૂ॒દ્રશ્ચ॒ તસ્મા᳚ચ્છૂ॒દ્રો ય॒જ્ઞે-ઽન॑વકૢપ્તો॒ ન હિ દે॒વતા॒ અન્વસૃ॑જ્યત॒ તસ્મા॒-ત્પાદા॒વુપ॑ જીવતઃ પ॒ત્તો હ્યસૃ॑જ્યેતા-મ્પ્રા॒ણા વૈ ત્રિ॒વૃદ॑ર્ધમા॒સાઃ પ॑ઞ્ચદ॒શઃ પ્ર॒જાપ॑તિ-સ્સપ્તદ॒શસ્ત્રય॑ ઇ॒મે લો॒કા અ॒સાવા॑દિ॒ત્ય એ॑કવિ॒ગ્મ્॒શ એ॒તસ્મિ॒ન્ વા એ॒તે શ્રિ॒તા એ॒તસ્મિ॒-ન્પ્રતિ॑ષ્ઠિતા॒ ય એ॒વં-વેઁદૈ॒તસ્મિ॑ન્ને॒વ શ્ર॑યત એ॒તસ્મિ॒-ન્પ્રતિ॑ તિષ્ઠતિ ॥ 6 ॥
(અસ્થૂ॑રિ॒ – રોષ॑ધીષુ – જ્યેષ્ઠય॒જ્ઞ ઇતિ॑ – બૃ॒હ – દ॑નુ॒ષ્ટુ-પ્છન્દઃ॒ – પ્રતિ॑ષ્ઠિતા॒ – નવ॑ ચ) (અ. 1)
પ્રા॒ત॒સ્સ॒વ॒ને વૈ ગા॑ય॒ત્રેણ॒ છન્દ॑સા ત્રિ॒વૃતે॒ સ્તોમા॑ય॒ જ્યોતિ॒ર્દધ॑દેતિ ત્રિ॒વૃતા᳚ બ્રહ્મવર્ચ॒સેન॑ પઞ્ચદ॒શાય॒ જ્યોતિ॒ર્દધ॑દેતિ પઞ્ચદ॒શેનૌજ॑સા વી॒ર્યે॑ણ સપ્તદ॒શાય॒ જ્યોતિ॒ર્દધ॑દેતિ સપ્તદ॒શેન॑ પ્રાજાપ॒ત્યેન॑ પ્ર॒જન॑નેનૈકવિ॒ગ્મ્॒શાય॒ જ્યોતિ॒ર્દધ॑દેતિ॒ સ્તોમ॑ એ॒વ ત-થ્સ્તોમા॑ય॒ જ્યોતિ॒ર્દધ॑દે॒ત્યથો॒ સ્તોમ॑ એ॒વ સ્તોમ॑મ॒ભિ પ્ર ણ॑યતિ॒ યાવ॑ન્તો॒ વૈ સ્તોમા॒સ્તાવ॑ન્તઃ॒ કામા॒સ્તાવ॑ન્તો લો॒કા -સ્તાવ॑ન્તિ॒ જ્યોતીગ્॑ષ્યે॒તાવ॑ત એ॒વ સ્તોમા॑ને॒તાવ॑તઃ॒ કામા॑ને॒તાવ॑તો લો॒કાને॒તાવ॑ન્તિ॒ જ્યોતી॒ગ્॒ષ્યવ॑ રુન્ધે ॥ 7 ॥
(તાવ॑ન્તો લો॒કા – સ્ત્રયો॑દશ ચ) (અ. 2)
બ્ર॒હ્મ॒વા॒દિનો॑ વદન્તિ॒ સ ત્વૈ ય॑જેત॒ યો᳚-ઽગ્નિષ્ટો॒મેન॒ યજ॑મા॒નો-ઽથ॒ સર્વ॑સ્તોમેન॒ યજે॒તેતિ॒ યસ્ય॑ ત્રિ॒વૃત॑મન્ત॒ર્યન્તિ॑ પ્રા॒ણાગ્-સ્તસ્યા॒ન્તર્ય॑ન્તિ પ્રા॒ણેષુ॒ મે-ઽપ્ય॑સ॒દિતિ॒ ખલુ॒ વૈ ય॒જ્ઞેન॒ યજ॑માનો યજતે॒ યસ્ય॑ પઞ્ચદ॒શમ॑ન્ત॒ર્યન્તિ॑ વી॒ર્ય॑-ન્તસ્યા॒ન્તર્ય॑ન્તિ વી॒ર્યે॑ મે-ઽપ્ય॑સ॒દિતિ॒ ખલુ॒ વૈ ય॒જ્ઞેન॒ યજ॑માનો યજતે॒ યસ્ય॑ સપ્તદ॒શ-મ॑ન્ત॒ર્યન્તિ॑ [ ] 8
પ્ર॒જા-ન્તસ્યા॒ન્તર્ય॑ન્તિ પ્ર॒જાયા॒-મ્મે-ઽપ્ય॑સ॒દિતિ॒ ખલુ॒ વૈ ય॒જ્ઞેન॒ યજ॑માનો યજતે॒ યસ્યૈ॑કવિ॒ગ્મ્॒શમ॑ન્ત॒ર્યન્તિ॑ પ્રતિ॒ષ્ઠા-ન્તસ્યા॒ન્તર્ય॑ન્તિ પ્રતિ॒ષ્ઠાયા॒-મ્મે-ઽપ્ય॑સ॒દિતિ॒ ખલુ॒ વૈ ય॒જ્ઞેન॒ યજ॑માનો યજતે॒ યસ્ય॑ ત્રિણ॒વમ॑ન્ત॒ર્યન્ત્યૃ॒તૂગ્શ્ચ॒ તસ્ય॑ નક્ષ॒ત્રિયા᳚-ઞ્ચ વિ॒રાજ॑મ॒ન્તર્ય॑ન્ત્યૃ॒તુષુ॒ મે-ઽપ્ય॑સન્નક્ષ॒ત્રિયા॑યા-ઞ્ચ વિ॒રાજીતિ॒ [વિ॒રાજીતિ॑, ખલુ॒ વૈ] 9
ખલુ॒ વૈ ય॒જ્ઞેન॒ યજ॑માનો યજતે॒ યસ્ય॑ ત્રયસ્ત્રિ॒ગ્મ્॒શમ॑ન્ત॒ર્યન્તિ॑ દે॒વતા॒સ્તસ્યા॒ન્તર્ય॑ન્તિ દે॒વતા॑સુ॒ મે-ઽપ્ય॑સ॒દિતિ॒ ખલુ॒ વૈ ય॒જ્ઞેન॒ યજ॑માનો યજતે॒ યો વૈ સ્તોમા॑નામવ॒મ-મ્પ॑ર॒મતા॒-ઙ્ગચ્છ॑ન્તં॒-વેઁદ॑ પર॒મતા॑મે॒વ ગ॑ચ્છતિ ત્રિ॒વૃદ્વૈ સ્તોમા॑નામવ॒મસ્ત્રિ॒વૃ-ત્પ॑ર॒મો ય એ॒વં-વેઁદ॑ પર॒મતા॑મે॒વ ગ॑ચ્છતિ ॥ 10 ॥
(સ॒પ્ત॒દ॒શમ॑ન્ત॒ર્યન્તિ॑ – વિ॒રાજીતિ॒ – ચતુ॑શ્ચત્વારિગ્મ્શચ્ચ) (અ. 3)
અઙ્ગિ॑રસો॒ વૈ સ॒ત્રમા॑સત॒ તે સુ॑વ॒ર્ગં-લોઁ॒કમા॑ય॒-ન્તેષાગ્મ્॑ હ॒વિષ્માગ્॑શ્ચ હવિ॒ષ્કૃચ્ચા॑-ઽહીયેતા॒-ન્તાવ॑કામયેતાગ્મ્ સુવ॒ર્ગં-લોઁ॒કમિ॑યા॒વેતિ॒ તાવે॒ત-ન્દ્વિ॑રા॒ત્રમ॑પશ્યતા॒-ન્તમા-ઽહ॑રતા॒-ન્તેના॑યજેતા॒-ન્તતો॒ વૈ તૌ સુ॑વ॒ર્ગં-લોઁ॒કમૈ॑તાં॒-યઁ એ॒વં-વિઁ॒દ્વા-ન્દ્વિ॑રા॒ત્રેણ॒ યજ॑તે સુવ॒ર્ગમે॒વ લો॒કમે॑તિ॒ તાવૈતા॒-મ્પૂર્વે॒ણાહ્ના ઽગ॑ચ્છતા॒-મુત્ત॑રેણા- [-મુત્ત॑રેણ, અ॒ભિ॒પ્લ॒વઃ પૂર્વ॒] 11
-ભિપ્લ॒વઃ પૂર્વ॒-મહ॑ર્ભવતિ॒ ગતિ॒રુત્ત॑ર॒-ઞ્જ્યોતિ॑ષ્ટોમો-ઽગ્નિષ્ટો॒મઃ પૂર્વ॒મહ॑ર્ભવતિ॒ તેજ॒સ્તેનાવ॑ રુન્ધે॒ સર્વ॑સ્તોમો-ઽતિરા॒ત્ર ઉત્ત॑ર॒ગ્મ્॒ સર્વ॒સ્યા-ઽઽપ્ત્યૈ॒ સર્વ॒સ્યા-ઽવ॑રુદ્ધ્યૈ ગાય॒ત્ર-મ્પૂર્વે-ઽહ॒ન્થ્સામ॑ ભવતિ॒ તેજો॒ વૈ ગા॑ય॒ત્રી ગા॑ય॒ત્રી બ્ર॑હ્મવર્ચ॒સ-ન્તેજ॑ એ॒વ બ્ર॑હ્મવર્ચ॒સમા॒ત્મ-ન્ધ॑ત્તે॒ ત્રૈષ્ટુ॑ભ॒મુત્ત॑ર॒ ઓજો॒ વૈ વી॒ર્ય॑-ન્ત્રિ॒ષ્ટુગોજ॑ એ॒વ વી॒ર્ય॑મા॒ત્મ-ન્ધ॑ત્તે રથન્ત॒ર-મ્પૂર્વે॑- [રથન્ત॒ર-મ્પૂર્વે᳚, અહ॒ન્-થ્સામ॑] 12
-ઽહ॒ન્-થ્સામ॑ ભવતી॒યં-વૈઁ ર॑થન્ત॒રમ॒સ્યામે॒વ પ્રતિ॑ તિષ્ઠતિ બૃ॒હદુત્ત॑રે॒-ઽસૌ વૈ બૃ॒હદ॒મુષ્યા॑મે॒વ પ્રતિ॑ તિષ્ઠતિ॒ તદા॑હુઃ॒ ક્વ॑ જગ॑તી ચા-ઽનુ॒ષ્ટુ-પ્ચેતિ॑ વૈખાન॒સ-મ્પૂર્વે-ઽહ॒ન્-થ્સામ॑ ભવતિ॒ તેન॒ જગ॑ત્યૈ॒ નૈતિ॑ ષોડ॒શ્યુત્ત॑રે॒ તેના॑નુ॒ષ્ટુભો-ઽથા॑ ઽઽહુ॒ર્ય-થ્સ॑મા॒ને᳚-ઽર્ધમા॒સે સ્યાતા॑-મન્યત॒રસ્યાહ્નો॑ વી॒ર્ય॑મનુ॑ પદ્યે॒તેત્ય॑-માવા॒સ્યા॑યા॒-મ્પૂર્વ॒મહ॑-ર્ભવ॒ત્યુત્ત॑રસ્મિ॒-ન્નુત્ત॑ર॒-ન્નાનૈ॒વા ઽર્ધ॑મા॒સયો᳚ર્ભવતો॒ નાના॑વીર્યે ભવતો હ॒વિષ્મ॑ન્નિધન॒-મ્પૂર્વ॒મહ॑ર્ભવતિ હવિ॒ષ્કૃન્નિ॑ધન॒-મુત્ત॑ર॒-મ્પ્રતિ॑ષ્ઠિત્યૈ ॥ 13 ॥
(ઉત્ત॑રેણ – રથન્ત॒ર-મ્પૂર્વે – ઽન્વે – ક॑વિગ્મ્શતિશ્ચ) (અ. 4)
આપો॒ વા ઇ॒દમગ્રે॑ સલિ॒લમા॑સી॒-ત્તસ્મિ॑-ન્પ્ર॒જાપ॑તિ-ર્વા॒યુર્ભૂ॒ત્વા ઽચ॑ર॒-થ્સ ઇ॒મામ॑પશ્ય॒-ત્તાં-વઁ॑રા॒હો ભૂ॒ત્વા-ઽહ॑ર॒-ત્તાં-વિઁ॒શ્વક॑ર્મા ભૂ॒ત્વા વ્ય॑મા॒ટ્ર્-થ્સા-ઽપ્ર॑થત॒ સા પૃ॑થિ॒વ્ય॑ભવ॒-ત્ત-ત્પૃ॑થિ॒વ્યૈ પૃ॑થિવિ॒ત્વ-ન્તસ્યા॑મશ્રામ્ય-ત્પ્ર॒જાપ॑તિ॒-સ્સ દે॒વાન॑સૃજત॒ વસૂ᳚-ન્રુ॒દ્રાના॑દિ॒ત્યા-ન્તે દે॒વાઃ પ્ર॒જાપ॑તિમબ્રુવ॒-ન્પ્રજા॑યામહા॒ ઇતિ॒ સો᳚-ઽબ્રવી॒- [સો᳚-ઽબ્રવીત્, યથા॒-ઽહં-] 14
-દ્યથા॒-ઽહં-યુઁ॒ષ્માગ્સ્તપ॒સા ઽસૃ॑ક્ષ્યે॒વ-ન્તપ॑સિ પ્ર॒જન॑ન-મિચ્છદ્ધ્વ॒મિતિ॒ તેભ્યો॒-ઽગ્નિમા॒યત॑ન॒-મ્પ્રા-ઽય॑ચ્છદે॒તેના॒-ઽઽયત॑નેન શ્રામ્ય॒તેતિ॒ તે᳚-ઽગ્નિના॒-ઽઽયત॑નેના-ઽ-શ્રામ્ય॒-ન્તે સં॑વઁથ્સ॒ર એકા॒-ઙ્ગામ॑સૃજન્ત॒ તાં-વઁસુ॑ભ્યો રુ॒દ્રેભ્ય॑ આદિ॒ત્યેભ્યઃ॒ પ્રા-ઽય॑ચ્છન્ને॒તાગ્મ્ ર॑ક્ષદ્ધ્વ॒મિતિ॒ તાં-વઁસ॑વો રુ॒દ્રા આ॑દિ॒ત્યા અ॑રક્ષન્ત॒ સા વસુ॑ભ્યો રુ॒દ્રેભ્ય॑ આદિ॒ત્યેભ્યઃ॒ પ્રાજા॑યત॒ત્રીણિ॑ ચ [ ] 15
શ॒તાનિ॒ ત્રય॑સ્ત્રિગ્મ્શત॒-ઞ્ચાથ॒ સૈવ સ॑હસ્રત॒મ્ય॑ભવ॒-ત્તે દે॒વાઃ પ્ર॒જાપ॑તિમબ્રુવન્-થ્સ॒હસ્રે॑ણ નો યાજ॒યેતિ॒ સો᳚-ઽગ્નિષ્ટો॒મેન॒ વસૂ॑નયાજય॒-ત્ત ઇ॒મં-લોઁ॒કમ॑જય॒-ન્તચ્ચા॑દદુ॒-સ્સ ઉ॒ક્થ્યે॑ન રુ॒દ્રાન॑યાજય॒-ત્તે᳚-ઽન્તરિ॑ક્ષમજય॒-ન્તચ્ચા॑દદુ॒-સ્સો॑-ઽતિરા॒ત્રેણા॑-ઽઽદિ॒ત્યાન॑યાજય॒-ત્તે॑-ઽમું-લોઁ॒કમ॑જય॒-ન્તચ્ચા॑-ઽદદુ॒-સ્તદ॒ન્તરિ॑ક્ષં॒- [-સ્તદ॒ન્તરિ॑ક્ષમ્, વ્યવૈ᳚ર્યત॒] 16
-વ્યઁવૈ᳚ર્યત॒ તસ્મા᳚-દ્રુ॒દ્રા ઘાતુ॑કા અનાયત॒ના હિ તસ્મા॑દાહુ-શ્શિથિ॒લં-વૈઁ મ॑દ્ધ્ય॒મ-મહ॑સ્ત્રિરા॒ત્રસ્ય॒ વિ હિ તદ॒વૈર્ય॒તેતિ॒ ત્રૈષ્ટુ॑ભ-મ્મદ્ધ્ય॒મસ્યાહ્ન॒ આજ્ય॑-મ્ભવતિ સં॒યાઁના॑નિ સૂ॒ક્તાનિ॑ શગ્મ્સતિ ષોડ॒શિનગ્મ્॑ શગ્મ્સ॒ત્યહ્નો॒ ધૃત્યા॒ અશિ॑થિલમ્ભાવાય॒ તસ્મા᳚-ત્ત્રિરા॒ત્રસ્યા᳚ગ્નિષ્ટો॒મ એ॒વ પ્ર॑થ॒મમહ॑-સ્સ્યા॒દથો॒ક્થ્યો ઽથા॑-ઽતિરા॒ત્ર એ॒ષાં-લોઁ॒કાનાં॒-વિઁધૃ॑ત્યૈ॒ ત્રીણિ॑ત્રીણિ શ॒તા-ન્ય॑નૂચીના॒હ-મવ્ય॑વચ્છિન્નાનિ દદા- [દદાતિ, એ॒ષાં-લોઁ॒કાના॒-] 17
-ત્યે॒ષાં-લોઁ॒કાના॒-મનુ॒ સન્ત॑ત્યૈ દ॒શત॒-ન્ન વિચ્છિ॑ન્દ્યા-દ્વિ॒રાજ॒-ન્નેદ્વિ॑ચ્છિ॒નદા॒નીત્યથ॒ યા સ॑હસ્રત॒મ્યાસી॒-ત્તસ્યા॒મિન્દ્ર॑શ્ચ॒ વિષ્ણુ॑શ્ચ॒ વ્યાય॑ચ્છેતા॒ગ્મ્॒ સ ઇન્દ્રો॑-ઽમન્યતા॒નયા॒ વા ઇ॒દં-વિઁષ્ણુ॑-સ્સ॒હસ્રં॑-વઁર્ક્ષ્યત॒ ઇતિ॒ તસ્યા॑મકલ્પેતા॒-ન્દ્વિભા॑ગ॒ ઇન્દ્ર॒સ્તૃતી॑યે॒ વિષ્ણુ॒સ્તદ્વા એ॒ષા-ઽભ્યનૂ᳚ચ્યત ઉ॒ભા જિ॑ગ્યથુ॒રિતિ॒ તાં-વાઁ એ॒તામ॑ચ્છાવા॒ક [એ॒તામ॑ચ્છાવા॒કઃ, એ॒વ] 18
એ॒વ શગ્મ્॑સ॒ત્યથ॒ યા સ॑હસ્રત॒મી સા હોત્રે॒ દેયેતિ॒ હોતા॑રં॒-વાઁ અ॒ભ્યતિ॑રિચ્યતે॒ યદ॑તિ॒રિચ્ય॑તે॒ હોતા ઽના᳚પ્તસ્યા-ઽઽપયિ॒તા ઽથા॑-ઽહુરુન્ને॒ત્રે દેયેત્યતિ॑રિક્તા॒ વા એ॒ષા સ॒હસ્ર॒સ્યાતિ॑રિક્ત ઉન્ને॒તર્ત્વિજા॒મથા॑-ઽઽહુ॒-સ્સર્વે᳚ભ્ય-સ્સદ॒સ્યે᳚ભ્યો॒ દેયેત્યથા॑-ઽઽહુરુદા॒ કૃત્યા॒ સા વશ॑-ઞ્ચરે॒દિત્યથા॑-ઽઽહુર્બ્ર॒હ્મણે॑ ચા॒ગ્નીધે॑ ચ॒ દેયેતિ॒ [દેયેતિ, દ્વિભા॑ગ-] 19
દ્વિભા॑ગ-મ્બ્ર॒હ્મણે॒ તૃતી॑યમ॒ગ્નીધ॑ ઐ॒ન્દ્રો વૈ બ્ર॒હ્મા વૈ᳚ષ્ણ॒વો᳚-ઽગ્નીદ્યથૈ॒વ તાવક॑લ્પેતા॒મિત્યથા॑ ઽઽહુ॒ર્યા ક॑લ્યા॒ણી બ॑હુરૂ॒પા સા દેયેત્યથા॑ ઽઽહુ॒ર્યા દ્વિ॑રૂ॒પોભ॒યત॑એની॒ સા દેયેતિ॑ સ॒હસ્ર॑સ્ય॒ પરિ॑ગૃહીત્યૈ॒ તદ્વા એ॒ત-થ્સ॒હસ્ર॒સ્યા-ઽય॑નગ્મ્ સ॒હસ્રગ્ગ્॑ સ્તો॒ત્રીયા᳚-સ્સ॒હસ્ર॒-ન્દક્ષિ॑ણા-સ્સ॒હસ્ર॑સમ્મિત-સ્સુવ॒ર્ગો લો॒ક-સ્સુ॑વ॒ર્ગસ્ય॑ લો॒કસ્યા॒ભિજિ॑ત્યૈ ॥ 20 ॥
(અ॒બ્ર॒વી॒ – ચ્ચ॒ – તદ॒ન્તરિ॑ક્ષં – દદાત્ય – ચ્છાવા॒ક – શ્ચ॒ દેયેતિ॑ – સ॒પ્તચ॑ત્વારિગ્મ્શચ્ચ) (અ. 5)
સોમો॒ વૈ સ॒હસ્ર॑મવિન્દ॒-ત્તમિન્દ્રો ઽન્વ॑વિન્દ॒-ત્તૌ ય॒મો ન્યાગ॑ચ્છ॒-ત્તાવ॑બ્રવી॒દસ્તુ॒ મે-ઽત્રા-ઽપીત્યસ્તુ॒ હી(3) ઇત્ય॑બ્રૂતા॒ગ્મ્॒ સ ય॒મ એક॑સ્યાં-વીઁ॒ર્ય॑-મ્પર્ય॑પશ્યદિ॒યં-વાઁ અ॒સ્ય સ॒હસ્ર॑સ્ય વી॒ર્ય॑-મ્બિભ॒ર્તીતિ॒ તાવ॑બ્રવીદિ॒ય-મ્મમાસ્ત્વે॒ત-દ્યુ॒વયો॒રિતિ॒ તાવ॑બ્રૂતા॒ગ્મ્॒ સર્વે॒ વા એ॒તદે॒તસ્યાં᳚-વીઁ॒ર્ય॑- [એ॒તદે॒તસ્યાં᳚-વીઁ॒ર્ય᳚મ્, પરિ॑] 21
-મ્પરિ॑ પશ્યા॒મો-ઽગ્મ્શ॒મા હ॑રામહા॒ ઇતિ॒ તસ્યા॒મગ્મ્શ॒મા-ઽહ॑રન્ત॒ તામ॒ફ્સુ પ્રા-ઽવે॑શય॒ન્-થ્સોમા॑યો॒દેહીતિ॒ સા રોહિ॑ણી પિઙ્ગ॒લૈક॑હાયની રૂ॒પ-ઙ્કૃ॒ત્વા ત્રય॑સ્ત્રિગ્મ્શતા ચ ત્રિ॒ભિશ્ચ॑ શ॒તૈ-સ્સ॒હોદૈ-ત્તસ્મા॒-દ્રોહિ॑ણ્યા પિઙ્ગ॒લયૈક॑હાયન્યા॒ સોમ॑-ઙ્ક્રીણીયા॒દ્ય એ॒વં-વિઁ॒દ્વા-ન્રોહિ॑ણ્યા પિઙ્ગ॒લયૈક॑હાયન્યા॒ સોમ॑-ઙ્ક્રી॒ણાતિ॒ ત્રય॑સ્ત્રિગ્મ્શતા ચૈ॒વાસ્ય॑ ત્રિ॒ભિશ્ચ॑ [ ] 22
શ॒તૈ-સ્સોમઃ॑ ક્રી॒તો ભ॑વતિ॒ સુક્રી॑તેન યજતે॒ તામ॒ફ્સુ પ્રાવે॑શય॒-ન્નિન્દ્રા॑યો॒દેહીતિ॒ સા રોહિ॑ણી લક્ષ્મ॒ણા પ॑ષ્ઠૌ॒હી વાર્ત્ર॑ઘ્ની રૂ॒પ-ઙ્કૃ॒ત્વા ત્રય॑સ્ત્રિગ્મ્શતા ચ ત્રિ॒ભિશ્ચ॑ શ॒તૈ-સ્સ॒હોદૈ-ત્તસ્મા॒-દ્રોહિ॑ણીં-લઁક્ષ્મ॒ણા-મ્પ॑ષ્ઠૌ॒હીં-વાઁર્ત્ર॑ઘ્ની-ન્દદ્યા॒દ્ય એ॒વં-વિઁ॒દ્વા-ન્રોહિ॑ણીં-લઁક્ષ્મ॒ણા-મ્પ॑ષ્ઠૌ॒હીં-વાઁર્ત્ર॑ઘ્ની॒-ન્દદા॑તિ॒ ત્રય॑સ્ત્રિગ્મ્શચ્ચૈ॒વાસ્ય॒ ત્રીણિ॑ ચ શ॒તાનિ॒ સા દ॒ત્તા [દ॒ત્તા, ભ॒વ॒તિ॒ તામ॒ફ્સુ] 23
ભ॑વતિ॒ તામ॒ફ્સુ પ્રાવે॑શયન્ ય॒માયો॒દેહીતિ॒ સા જર॑તી મૂ॒ર્ખા ત॑જ્જઘ॒ન્યા રૂ॒પ-ઙ્કૃ॒ત્વા ત્રય॑સ્ત્રિગ્મ્શતા ચ ત્રિ॒ભિશ્ચ॑ શ॒તૈ-સ્સ॒હોદૈ-ત્તસ્મા॒જ્જર॑તી-મ્મૂ॒ર્ખા-ન્ત॑જ્જઘ॒ન્યા-મ॑નુ॒સ્તર॑ણી-ઙ્કુર્વીત॒ ય એ॒વં-વિઁ॒દ્વાઞ્જર॑તી-મ્મૂ॒ર્ખા-ન્ત॑જ્જઘ॒ન્યા-મ॑નુ॒સ્તર॑ણી-ઙ્કુરુ॒તે ત્રય॑સ્ત્રિગ્મ્શચ્ચૈ॒વાસ્ય॒ ત્રીણિ॑ ચ શ॒તાનિ॒ સા-ઽમુષ્મિ॑લ્લોઁ॒કે ભ॑વતિ॒ વાગે॒વ સ॑હસ્રત॒મી તસ્મા॒- [તસ્મા᳚ત્, વરો॒ દેય॒-સ્સા] 24
-દ્વરો॒ દેય॒-સ્સા હિ વર॑-સ્સ॒હસ્ર॑મસ્ય॒ સા દ॒ત્તા ભ॑વતિ॒ તસ્મા॒-દ્વરો॒ ન પ્ર॑તિ॒ગૃહ્ય॒-સ્સા હિ વર॑-સ્સ॒હસ્ર॑મસ્ય॒ પ્રતિ॑ગૃહીત-મ્ભવતી॒યં-વઁર॒ ઇતિ॑ બ્રૂયા॒દથા॒ન્યા-મ્બ્રૂ॑યાદિ॒ય-મ્મમેતિ॒ તથા᳚-ઽસ્ય॒ ત-થ્સ॒હસ્ર॒-મપ્ર॑તિગૃહીત-મ્ભવત્યુભયતએ॒ની સ્યા॒-ત્તદા॑હુરન્યત એ॒ની સ્યા᳚-થ્સ॒હસ્ર॑-મ્પ॒રસ્તા॒દેત॒મિતિ॒ યૈવ વરઃ॑ [વરઃ॑, ક॒લ્યા॒ણી રૂ॒પસ॑મૃદ્ધા॒ સા] 25
કલ્યા॒ણી રૂ॒પસ॑મૃદ્ધા॒ સા સ્યા॒-થ્સા હિ વર॒-સ્સમૃ॑દ્ધ્યૈ॒ તામુત્ત॑રે॒ણા-ઽઽગ્ની᳚દ્ધ્ર-મ્પર્યા॒ણીયા॑-ઽઽહવ॒નીય॒સ્યાન્તે᳚ દ્રોણકલ॒શમવ॑ ઘ્રાપયે॒દા જિ॑ઘ્ર ક॒લશ॑-મ્મહ્યુ॒રુધા॑રા॒ પય॑સ્વ॒ત્યા ત્વા॑ વિશ॒ન્ત્વિન્દ॑વ-સ્સમુ॒દ્રમિ॑વ॒ સિન્ધ॑વ॒-સ્સા મા॑ સ॒હસ્ર॒ આ ભ॑જ પ્ર॒જયા॑ પ॒શુભિ॑-સ્સ॒હ પુન॒ર્મા ઽઽવિ॑શતા-દ્ર॒યિરિતિ॑ પ્ર॒જયૈ॒વૈન॑-મ્પ॒શુભી॑ ર॒ય્યા સ- [ર॒ય્યા સમ્, અ॒ર્ધ॒ય॒તિ॒ પ્ર॒જાવા᳚-] 26
-મ॑ર્ધયતિ પ્ર॒જાવા᳚-ન્પશુ॒મા-ન્ર॑યિ॒મા-ન્ભ॑વતિ॒ ય એ॒વં-વેઁદ॒ તયા॑ સ॒હા-ઽઽગ્ની᳚દ્ધ્ર-મ્પ॒રેત્ય॑ પુ॒રસ્તા᳚-ત્પ્ર॒તીચ્યા॒-ન્તિષ્ઠ॑ન્ત્યા-ઞ્જુહુયાદુ॒ભા જિ॑ગ્યથુ॒ર્ન પરા॑ જયેથે॒ ન પરા॑ જિગ્યે કત॒રશ્ચ॒નૈનોઃ᳚ । ઇન્દ્ર॑શ્ચ વિષ્ણો॒ યદપ॑સ્પૃધેથા-ન્ત્રે॒ધા સ॒હસ્રં॒-વિઁ તદૈ॑રયેથા॒મિતિ॑, ત્રેધાવિભ॒ક્તં-વૈઁ ત્રિ॑રા॒ત્રે સ॒હસ્રગ્મ્॑ સાહ॒સ્રીમે॒વૈના᳚-ઙ્કરોતિ સ॒હસ્ર॑સ્યૈ॒વૈના॒-મ્માત્રા᳚- [-મ્માત્રા᳚મ્, ક॒રો॒તિ॒ રૂ॒પાણિ॑ જુહોતિ] 27
-ઙ્કરોતિ રૂ॒પાણિ॑ જુહોતિ રૂ॒પૈરે॒વૈના॒ગ્મ્॒ સમ॑ર્ધયતિ॒ તસ્યા॑ ઉપો॒ત્થાય॒ કર્ણ॒મા જ॑પે॒દિડે॒ રન્તે-ઽદિ॑તે॒ સર॑સ્વતિ॒ પ્રિયે॒ પ્રેય॑સિ॒ મહિ॒ વિશ્રુ॑ત્યે॒તાનિ॑ તે અઘ્નિયે॒ નામા॑નિ સુ॒કૃત॑-મ્મા દે॒વેષુ॑ બ્રૂતા॒દિતિ॑ દે॒વેભ્ય॑ એ॒વૈન॒મા વે॑દય॒ત્યન્વે॑ન-ન્દે॒વા બુ॑દ્ધ્યન્તે ॥ 28 ॥
( એ॒તદે॒તસ્યાં᳚-વીઁ॒ર્ય॑ – મસ્ય ત્રિ॒ભિશ્ચ॑ – દ॒ત્તા – સ॑હસ્રત॒મી તસ્મા॑ – દે॒વ વરઃ॒ – સં – માત્રા॒ – મેકા॒ન્નચ॑ત્વારિ॒ગ્મ્॒શચ્ચ॑) (અ. 6)
સ॒હ॒સ્ર॒ત॒મ્યા॑ વૈ યજ॑માન-સ્સુવ॒ર્ગં-લોઁ॒કમે॑તિ॒ સૈનગ્મ્॑ સુવ॒ર્ગં-લોઁ॒ક-ઙ્ગ॑મયતિ॒ સા મા॑ સુવ॒ર્ગં-લોઁ॒ક-ઙ્ગ॑મ॒યેત્યા॑હ સુવ॒ર્ગમે॒વૈનં॑-લોઁ॒ક-ઙ્ગ॑મયતિ॒ સા મા॒ જ્યોતિ॑ષ્મન્તં-લોઁ॒ક-ઙ્ગ॑મ॒યેત્યા॑હ॒ જ્યોતિ॑ષ્મન્તમે॒વૈનં॑-લોઁ॒ક-ઙ્ગ॑મયતિ॒ સા મા॒ સર્વા॒-ન્પુણ્યા᳚-લ્લોઁ॒કા-ન્ગ॑મ॒યેત્યા॑હ॒ સર્વા॑ને॒વૈન॒-મ્પુણ્યાં᳚-લોઁ॒કા-ન્ગ॑મયતિ॒ સા [સા, મા॒ પ્ર॒તિ॒ષ્ઠા-ઙ્ગ॑મય પ્ર॒જયા॑] 29
મા᳚ પ્રતિ॒ષ્ઠા-ઙ્ગ॑મય પ્ર॒જયા॑ પ॒શુભિ॑-સ્સ॒હ પુન॒ર્મા-ઽઽ વિ॑શતા-દ્ર॒યિરિતિ॑ પ્ર॒જયૈ॒વૈન॑-મ્પ॒શુભી॑ ર॒ય્યા-મ્પ્રતિ॑ ષ્ઠાપયતિ પ્ર॒જાવા᳚-ન્પશુ॒મા-ન્ર॑યિ॒મા-ન્ભ॑વતિ॒ ય એ॒વં-વેઁદ॒ તામ॒ગ્નીધે॑ વા બ્ર॒હ્મણે॑ વા॒ હોત્રે॑ વોદ્ગા॒ત્રે વા᳚-ઽદ્ધ્વ॒ર્યવે॑ વા દદ્યા-થ્સ॒હસ્ર॑મસ્ય॒ સા દ॒ત્તા ભ॑વતિ સ॒હસ્ર॑મસ્ય॒ પ્રતિ॑ગૃહીત-મ્ભવતિ॒ યસ્તામવિ॑દ્વા- [યસ્તામવિ॑દ્વાન્, પ્ર॒તિ॒ગૃ॒હ્ણાતિ॒] 30
-ન્પ્રતિગૃ॒હ્ણાતિ॒ તા-મ્પ્રતિ॑ગૃહ્ણીયા॒દેકા॑-ઽસિ॒ ન સ॒હસ્ર॒મેકા᳚-ન્ત્વા ભૂ॒તા-મ્પ્રતિ॑ ગૃહ્ણામિ॒ ન સ॒હસ્ર॒મેકા॑ મા ભૂ॒તા-ઽઽ વિ॑શ॒ મા સ॒હસ્ર॒મિત્યેકા॑મે॒વૈના᳚-મ્ભૂ॒તા-મ્પ્રતિ॑ગૃહ્ણાતિ॒ ન સ॒હસ્રં॒-યઁ એ॒વં-વેઁદ॑ સ્યો॒ના-ઽસિ॑ સુ॒ષદા॑ સુ॒શેવા᳚ સ્યો॒ના મા ઽઽવિ॑શ સુ॒ષદા॒ મા ઽઽવિ॑શ સુ॒શેવા॒ મા ઽઽવિ॒શે- [મા ઽઽવિ॑શ, ઇત્યા॑હ] 31
-ત્યા॑હ સ્યો॒નૈવૈનગ્મ્॑ સુ॒ષદા॑ સુ॒શેવા॑ ભૂ॒તા-ઽઽ વિ॑શતિ॒ નૈનગ્મ્॑ હિનસ્તિ બ્રહ્મવા॒દિનો॑ વદન્તિ સ॒હસ્રગ્મ્॑ સહસ્રત॒મ્યન્વે॒તી(3) સ॑હસ્રત॒મીગ્મ્ સ॒હસ્રા(3)મિતિ॒ ય-ત્પ્રાચી॑મુ-થ્સૃ॒જે-થ્સ॒હસ્રગ્મ્॑ સહસ્રત॒મ્યન્વિ॑યા॒-ત્ત-થ્સ॒હસ્ર॑મપ્રજ્ઞા॒ત્રગ્મ્ સુ॑વ॒ર્ગં-લોઁ॒ક-ન્ન પ્ર જા॑નીયા-ત્પ્ર॒તીચી॒-મુથ્સૃ॑જતિ॒ તાગ્મ્ સ॒હસ્ર॒મનુ॑ પ॒ર્યાવ॑ર્તતે॒ સા પ્ર॑જાન॒તી સુ॑વ॒ર્ગં-લોઁ॒કમે॑તિ॒ યજ॑માન -મ॒ભ્યુ-થ્સૃ॑જતિ ક્ષિ॒પ્રે સ॒હસ્ર॒-મ્પ્ર જા॑યત ઉત્ત॒મા ની॒યતે᳚ પ્રથ॒મા દે॒વા-ન્ગ॑ચ્છતિ ॥ 32 ॥
(લો॒કા-ન્ગ॑મયતિ॒ સા – ઽવિ॑દ્વાન્થ્ – સુ॒શેવા॒ મા-ઽઽ વિ॑શ॒ – યજ॑માનં॒ – દ્વાદ॑શ ચ) (અ. 7)
અત્રિ॑રદદા॒દૌર્વા॑ય પ્ર॒જા-મ્પુ॒ત્રકા॑માય॒ સ રિ॑રિચા॒નો॑-ઽમન્યત॒ નિર્વી᳚ર્ય-શ્શિથિ॒લો યા॒તયા॑મા॒ સ એ॒ત-ઞ્ચ॑તૂરા॒ત્ર-મ॑પશ્ય॒-ત્તમા-ઽહ॑ર॒-ત્તેના॑યજત॒ તતો॒ વૈ તસ્ય॑ ચ॒ત્વારો॑ વી॒રા આ-ઽજા॑યન્ત॒ સુહો॑તા॒ સૂ᳚દ્ગાતા॒ સ્વ॑દ્ધ્વર્યુ॒-સ્સુસ॑ભેયો॒ ય એ॒વં-વિઁ॒દ્વાગ્શ્ચ॑તૂરા॒ત્રેણ॒ યજ॑ત॒ આ-ઽસ્ય॑ ચ॒ત્વારો॑ વી॒રા જા॑યન્તે॒ સુહો॑તા॒ સૂ᳚દ્ગાતા॒ સ્વ॑દ્ધ્વર્યુ॒-સ્સુસ॑ભેયો॒ યે ચ॑તુર્વિ॒ગ્મ્॒શાઃ પવ॑માના બ્રહ્મવર્ચ॒સ-ન્ત- [બ્રહ્મવર્ચ॒સ-ન્તત્, ય ઉ॒દ્યન્ત॒-] 33
-દ્ય ઉ॒દ્યન્ત॒-સ્સ્તોમા॒-શ્શ્રી-સ્સા ઽત્રિગ્ગ્॑ શ્ર॒દ્ધાદે॑વં॒-યઁજ॑માન-ઞ્ચ॒ત્વારિ॑ વી॒ર્યા॑ણિ॒ નોપા॑-ઽનમ॒-ન્તેજ॑ ઇન્દ્રિ॒ય-મ્બ્ર॑હ્મવર્ચ॒સ-મ॒ન્નાદ્ય॒ગ્મ્॒ સ એ॒તાગ્શ્ચ॒તુર॒શ્ચતુ॑ષ્ટોમા॒ન્-થ્સોમા॑ન-પશ્ય॒-ત્તાના-ઽહ॑ર॒-ત્તૈર॑યજત॒ તેજ॑ એ॒વ પ્ર॑થ॒મેના ઽવા॑રુન્ધેન્દ્રિ॒ય-ન્દ્વિ॒તીયે॑ન બ્રહ્મવર્ચ॒સ-ન્તૃ॒તીયે॑ના॒ન્નાદ્ય॑-ઞ્ચતુ॒ર્થેન॒ ય એ॒વં-વિઁ॒દ્વાગ્શ્ચ॒તુર॒શ્ચતુ॑ષ્ટોમા॒ન્-થ્સોમા॑ના॒હર॑તિ॒ તૈર્યજ॑તે॒ તેજ॑ એ॒વ પ્ર॑થ॒મેનાવ॑ રુન્ધ ઇન્દ્રિ॒ય-ન્દ્વિ॒તીયે॑ન બ્રહ્મવર્ચ॒સ-ન્તૃ॒તીયે॑ના॒-ઽન્નાદ્ય॑-ઞ્ચતુ॒ર્થેન॒ યામે॒વાત્રિ॒ર્॒ ઋદ્ધિ॒માર્ધ્નો॒-ત્તામે॒વ યજ॑માન ઋદ્ધ્નોતિ ॥ 34 ॥
( તત્-તેજ॑ એ॒વા-ષ્ટાદ॑શ ચ) (અ. 8)
જ॒મદ॑ગ્નિઃ॒ પુષ્ટિ॑કામ-શ્ચતૂરા॒ત્રેણા॑-યજત॒ સ એ॒તા-ન્પોષાગ્મ્॑ અપુષ્ય॒-ત્તસ્મા᳚-ત્પલિ॒તૌ જામ॑દગ્નિયૌ॒ ન સ-ઞ્જા॑નાતે એ॒તાને॒વ પોષા᳚-ન્પુષ્યતિ॒ ય એ॒વં-વિઁ॒દ્વાગ્શ્ચ॑તૂરા॒ત્રેણ॒ યજ॑તે પુરોડા॒શિન્ય॑ ઉપ॒સદો॑ ભવન્તિ પ॒શવો॒ વૈ પુ॑રો॒ડાશઃ॑ પ॒શૂને॒વાવ॑ રુ॒ન્ધે ઽન્નં॒-વૈઁ પુ॑રો॒ડાશો-ઽન્ન॑મે॒વાવ॑ રુન્ધે ઽન્ના॒દઃ પ॑શુ॒મા-ન્ભ॑વતિ॒ ય એ॒વં-વિઁ॒દ્વાગ્શ્ચ॑તૂરા॒ત્રેણ॒ યજ॑તે ॥ 35 ॥
(જ॒મદ॑ગ્નિ – ર॒ષ્ટાચ॑ત્વારિગ્મ્શત્) (અ. 9)
સં॒વઁ॒થ્સ॒રો વા ઇ॒દમેક॑ આસી॒-થ્સો॑-ઽકામયત॒ર્તૂન્-થ્સૃ॑જે॒યેતિ॒ સ એ॒ત-મ્પ॑ઞ્ચરા॒ત્રમ॑પશ્ય॒-ત્તમા-ઽહ॑ર॒-ત્તેના॑યજત॒ તતો॒ વૈ સ ઋ॒તૂન॑સૃજત॒ ય એ॒વં-વિઁ॒દ્વા-ન્પ॑ઞ્ચરા॒ત્રેણ॒ યજ॑તે॒ પ્રૈવ જા॑યતે॒ ત ઋ॒તવ॑-સ્સૃ॒ષ્ટા ન વ્યાવ॑ર્તન્ત॒ ત એ॒ત-મ્પ॑ઞ્ચરા॒ત્રમ॑પશ્ય॒-ન્તમા-ઽહ॑ર॒-ન્તેના॑યજન્ત॒ તતો॒ વૈ તે વ્યાવ॑ર્તન્ત॒ [વ્યાવ॑ર્તન્ત, ય એ॒વં-વિઁ॒દ્વા-ન્પ॑ઞ્ચરા॒ત્રેણ॒] 36
ય એ॒વં-વિઁ॒દ્વા-ન્પ॑ઞ્ચરા॒ત્રેણ॒ યજ॑તે॒ વિ પા॒પ્મના॒ ભ્રાતૃ॑વ્યે॒ણા-ઽઽ વ॑ર્તતે॒ સાર્વ॑સેનિ-શ્શૌચે॒યો॑-ઽકામયત પશુ॒માન્-થ્સ્યા॒મિતિ॒ સ એ॒ત-મ્પ॑ઞ્ચરા॒ત્રમા-ઽહ॑ર॒-ત્તેના॑-ઽયજત॒ તતો॒ વૈ સ સ॒હસ્ર॑-મ્પ॒શૂ-ન્પ્રા-ઽઽપ્નો॒દ્ય એ॒વં-વિઁ॒દ્વા-ન્પ॑ઞ્ચરા॒ત્રેણ॒ યજ॑તે॒ પ્ર સ॒હસ્ર॑-મ્પ॒શૂના᳚પ્નોતિ બબ॒રઃ પ્રાવા॑હણિ-રકામયત વા॒ચઃ પ્ર॑વદિ॒તા સ્યા॒મિતિ॒ સ એ॒ત-મ્પ॑ઞ્ચરા॒ત્રમા- [એ॒ત-મ્પ॑ઞ્ચરા॒ત્રમા, આ॒હ॒ર॒-ત્તેના॑-] 37
-ઽહ॑ર॒-ત્તેના॑-યજત॒ તતો॒ વૈ સ વા॒ચઃ પ્ર॑વદિ॒તા-ઽભ॑વ॒દ્ય એ॒વં-વિઁ॒દ્વા-ન્પ॑ઞ્ચરા॒ત્રેણ॒ યજ॑તે પ્રવદિ॒તૈવ વા॒ચો ભ॑વ॒ત્યથો॑ એનં-વાઁ॒ચસ્પતિ॒-રિત્યા॑હુ॒રના᳚પ્ત-શ્ચતૂરા॒ત્રો-ઽતિ॑રિક્ત-ષ્ષડ્-રા॒ત્રો-ઽથ॒ વા એ॒ષ સ॑પ્ર॒ન્તિ ય॒જ્ઞો ય-ત્પ॑ઞ્ચરા॒ત્રો ય એ॒વં-વિઁ॒દ્વા-ન્પ॑ઞ્ચરા॒ત્રેણ॒ યજ॑તે સમ્પ્ર॒ત્યે॑વ ય॒જ્ઞેન॑ યજતે પઞ્ચરા॒ત્રો ભ॑વતિ॒ પઞ્ચ॒ વા ઋ॒તવ॑-સ્સંવઁથ્સ॒ર [ઋ॒તવ॑-સ્સંવઁથ્સ॒રઃ, ઋ॒તુષ્વે॒વ સં॑વઁથ્સ॒રે] 38
ઋ॒તુષ્વે॒વ સં॑વઁથ્સ॒રે પ્રતિ॑ તિષ્ઠ॒ત્યથો॒ પઞ્ચા᳚ક્ષરા પ॒ઙ્ક્તિઃ પાઙ્ક્તો॑ ય॒જ્ઞો ય॒જ્ઞમે॒વાવ॑ રુન્ધે ત્રિ॒વૃદ॑ગ્નિષ્ટો॒મો ભ॑વતિ॒ તેજ॑ એ॒વાવ॑ રુન્ધે પઞ્ચદ॒શો ભ॑વતીન્દ્રિ॒યમે॒વાવ॑ રુન્ધે સપ્તદ॒શો ભ॑વત્ય॒ન્નાદ્ય॒સ્યા-વ॑રુદ્ધ્યા॒ અથો॒ પ્રૈવ તેન॑ જાયતે પઞ્ચવિ॒ગ્મ્॒શો᳚ ઽગ્નિષ્ટો॒મો ભ॑વતિ પ્ર॒જાપ॑તે॒રાપ્ત્યૈ॑ મહાવ્ર॒તવા॑-ન॒ન્નાદ્ય॒સ્યા-વ॑રુદ્ધ્યૈ વિશ્વ॒જિ-થ્સર્વ॑પૃષ્ઠો-ઽતિરા॒ત્રો ભ॑વતિ॒ સર્વ॑સ્યા॒ભિજિ॑ત્યૈ ॥ 39 ॥
(તે વ્યાવ॑ર્તન્ત – પ્રવદિ॒તા સ્યા॒મિતિ॒ સ એ॒ત-મ્પ॑ઞ્ચરા॒ત્રમા – સં॑વઁથ્સ॒રો॑- ભિજિ॑ત્યૈ) (અ. 10)
દે॒વસ્ય॑ત્વા સવિ॒તુઃ પ્ર॑સ॒વે᳚-ઽશ્વિનો᳚ર્બા॒હુભ્યા᳚-મ્પૂ॒ષ્ણો હસ્તા᳚ભ્યા॒મા દ॑દ ઇ॒મામ॑ગૃભ્ણ-ન્રશ॒નામૃ॒તસ્ય॒ પૂર્વ॒ આયુ॑ષિ વિ॒દથે॑ષુ ક॒વ્યા । તયા॑ દે॒વા-સ્સુ॒તમા બ॑ભૂવુર્-ઋ॒તસ્ય॒ સામ᳚ન્-થ્સ॒રમા॒રપ॑ન્તી ॥ અ॒ભિ॒ધા અ॑સિ॒ ભુવ॑નમસિ ય॒ન્તા-ઽસિ॑ ધ॒ર્તા-ઽસિ॒ સો᳚-ઽગ્નિં-વૈઁ᳚શ્વાન॒રગ્મ્ સપ્ર॑થસ-ઙ્ગચ્છ॒ સ્વાહા॑કૃતઃ પૃથિ॒વ્યાં-યઁ॒ન્તા રાડ્ ય॒ન્તા-ઽસિ॒ યમ॑નો ધ॒ર્તા-ઽસિ॑ ધ॒રુણઃ॑ કૃ॒ષ્યૈ ત્વા॒ ક્ષેમા॑ય ત્વા ર॒ય્યૈ ત્વા॒ પોષા॑ય ત્વા પૃથિ॒વ્યૈ ત્વા॒ ઽન્તરિ॑ક્ષાય ત્વા દિ॒વે ત્વા॑ સ॒તે ત્વા-ઽસ॑તે ત્વા॒દ્ભ્યસ્ત્વૌ-ષ॑ધીભ્યસ્ત્વા॒ વિશ્વે᳚ભ્યસ્ત્વા ભૂ॒તેભ્યઃ॑ ॥ 40 ॥
(ધ॒રુણઃ॒ – પઞ્ચ॑વિગ્મ્શતિશ્ચ) (અ. 11)
વિ॒ભૂર્મા॒ત્રા પ્ર॒ભૂઃ પિ॒ત્રાશ્વો॑-ઽસિ॒ હયો॒-ઽસ્યત્યો॑-ઽસિ॒ નરો॒-ઽસ્યર્વા॑-ઽસિ॒ સપ્તિ॑રસિ વા॒જ્ય॑સિ॒ વૃષા॑-ઽસિ નૃ॒મણા॑ અસિ॒ યયુ॒ર્નામા᳚સ્યાદિ॒ત્યાના॒-મ્પત્વાન્વિ॑હ્ય॒ગ્નયે॒ સ્વાહા॒ સ્વાહે᳚ન્દ્રા॒ગ્નિભ્યા॒ગ્॒ સ્વાહા᳚ પ્ર॒જાપ॑તયે॒ સ્વાહા॒ વિશ્વે᳚ભ્યો દે॒વેભ્ય॒-સ્સ્વાહા॒ સર્વા᳚ભ્યો દે॒વેતા᳚ભ્ય ઇ॒હ ધૃતિ॒-સ્સ્વાહે॒હ વિધૃ॑તિ॒-સ્સ્વાહે॒હ રન્તિ॒-સ્સ્વાહે॒ -હ રમ॑તિ॒-સ્સ્વાહા॒ ભૂર॑સિ ભુ॒વે ત્વા॒ ભવ્યા॑ય ત્વા ભવિષ્ય॒તે ત્વા॒ વિશ્વે᳚ભ્યસ્ત્વા ભૂ॒તેભ્યો॒ દેવા॑ આશાપાલા એ॒ત-ન્દે॒વેભ્યો-ઽશ્વ॒-મ્મેધા॑ય॒ પ્રોક્ષિ॑ત-ઙ્ગોપાયત ॥ 41 ॥
(રન્તિ॒-સ્સ્વાહા॒ – દ્વાવિગ્મ્॑શતિશ્ચ) (અ. 12)
આય॑નાય॒ સ્વાહા॒ પ્રાય॑ણાય॒ સ્વાહો᳚દ્દ્રા॒વાય॒ સ્વાહોદ્દ્રુ॑તાય॒ સ્વાહા॑ શૂકા॒રાય॒ સ્વાહા॒ શૂકૃ॑તાય॒ સ્વાહા॒ પલા॑યિતાય॒ સ્વાહા॒ ઽઽપલા॑યિતાય॒ સ્વાહા॒ ઽઽવલ્ગ॑તે॒ સ્વાહા॑ પરા॒વલ્ગ॑તે॒ સ્વાહા॑ ઽઽય॒તે સ્વાહા᳚ પ્રય॒તે સ્વાહા॒ સર્વ॑સ્મૈ॒ સ્વાહા᳚ ॥ 42 ॥
(આય॑ના॒યોત્ત॑રમા॒પલા॑યિતાય॒ ષડ્વિગ્મ્॑શતિઃ) (અ. 13)
અ॒ગ્નયે॒ સ્વાહા॒ સોમા॑ય॒ સ્વાહા॑ વા॒યવે॒ સ્વાહા॒ ઽપા-મ્મોદા॑ય॒ સ્વાહા॑ સવિ॒ત્રે સ્વાહા॒ સર॑સ્વત્યૈ॒ સ્વાહે-ન્દ્રા॑ય॒ સ્વાહા॒ બૃહ॒સ્પત॑યે॒ સ્વાહા॑ મિ॒ત્રાય॒ સ્વાહા॒ વરુ॑ણાય॒ સ્વાહા॒ સર્વ॑સ્મૈ॒ સ્વાહા᳚ ॥ 43 ॥
(અ॒ગ્નયે॑ વા॒યવે॒-ઽપા-મ્મોદા॒યેન્દ્રા॑ય॒ ત્રયો॑વિગ્મ્શતિઃ) (અ. 14)
પૃ॒થિ॒વ્યૈ સ્વાહા॒ ઽન્તરિ॑ક્ષાય॒ સ્વાહા॑ દિ॒વે સ્વાહા॒ સૂર્યા॑ય॒ સ્વાહા॑ ચ॒ન્દ્રમ॑સે॒ સ્વાહા॒ નક્ષ॑ત્રેભ્ય॒-સ્સ્વાહા॒ પ્રાચ્યૈ॑ દિ॒શે સ્વાહા॒ દક્ષિ॑ણાયૈ દિ॒શે સ્વાહા᳚ પ્ર॒તીચ્યૈ॑ દિ॒શે સ્વાહો-દી᳚ચ્યૈ દિ॒શે સ્વાહો॒ર્ધ્વાયૈ॑ દિ॒શે સ્વાહા॑ દિ॒ગ્ભ્ય-સ્સ્વાહા॑ ઽવાન્તરદિ॒શાભ્ય॒-સ્સ્વાહા॒ સમા᳚ભ્ય॒-સ્સ્વાહા॑ શ॒રદ્ભ્ય॒-સ્સ્વાહા॑ ઽહોરા॒ત્રેભ્ય॒-સ્સ્વાહા᳚ ઽર્ધમા॒સેભ્ય॒-સ્સ્વાહા॒ માસે᳚ભ્ય॒-સ્સ્વાહ॒ર્તુભ્ય॒-સ્સ્વાહા॑ સંવઁથ્સ॒રાય॒ સ્વાહા॒ સર્વ॑સ્મૈ॒ સ્વાહા᳚ ॥ 44 ॥
(પૃ॒થિ॒વ્યૈ સૂર્યા॑ય॒ નક્ષ॑ત્રેભ્યઃ॒ પ્રાચ્યૈ॑ સ॒પ્તચ॑ત્વારિગ્મ્શત્) (અ. 15)
અ॒ગ્નયે॒ સ્વાહા॒ સોમા॑ય॒ સ્વાહા॑ સવિ॒ત્રે સ્વાહા॒ સર॑સ્વત્યૈ॒ સ્વાહા॑ પૂ॒ષ્ણે સ્વાહા॒ બૃહ॒સ્પત॑યે॒ સ્વાહા॒ ઽપા-મ્મોદા॑ય॒ સ્વાહા॑ વા॒યવે॒ સ્વાહા॑ મિ॒ત્રાય॒ સ્વાહા॒ વરુ॑ણાય॒ સ્વાહા॒ સર્વ॑સ્મૈ॒ સ્વાહા᳚ ॥ 45 ॥
(અ॒ગ્નયે॑ સવિ॒ત્રે પૂ॒ષ્ણે॑-ઽપા-મ્મોદા॑ય વા॒યવે॒ ત્રયો॑વિગ્મ્શતિઃ) (અ. 16)
પૃ॒થિ॒વ્યૈ સ્વાહા॒ ઽન્તરિ॑ક્ષાય॒ સ્વાહા॑ દિ॒વે સ્વાહા॒ ઽગ્નયે॒ સ્વાહા॒ સોમા॑ય॒ સ્વાહા॒ સૂર્યા॑ય॒ સ્વાહા॑ ચ॒ન્દ્રમ॑સે॒ સ્વાહા ઽહ્ને॒ સ્વાહા॒ રાત્રિ॑યૈ॒ સ્વાહ॒ર્જવે॒ સ્વાહા॑ સા॒ધવે॒ સ્વાહા॑ સુક્ષિ॒ત્યૈ સ્વાહા᳚ ક્ષુ॒ધે સ્વાહા॑ ઽઽશિતિ॒મ્ને સ્વાહા॒ રોગા॑ય॒ સ્વાહા॑ હિ॒માય॒ સ્વાહા॑ શી॒તાય॒ સ્વાહા॑ ઽઽત॒પાય॒ સ્વાહા ઽર॑ણ્યાય॒ સ્વાહા॑ સુવ॒ર્ગાય॒ સ્વાહા॑ લો॒કાય॒ સ્વાહા॒ સર્વ॑સ્મૈ॒ સ્વાહા᳚ ॥ 46 ॥
(પૃ॒થિ॒વ્યા અ॒ગ્નયે-ઽહ્ને॒ રાત્રિ॑યૈ॒ ચતુ॑શ્ચત્વારિગ્મ્શત્) (અ. 17)
ભુવો॑ દે॒વાના॒-ઙ્કર્મ॑ણા॒-ઽપસ॒ર્તસ્ય॑ પ॒થ્યા॑-ઽસિ॒ વસુ॑ભિ-ર્દે॒વેભિ॑-ર્દે॒વત॑યા ગાય॒ત્રેણ॑ ત્વા॒ છન્દ॑સા યુનજ્મિ વસ॒ન્તેન॑ ત્વ॒ર્તુના॑ હ॒વિષા॑ દીક્ષયામિ રુ॒દ્રેભિ॑-ર્દે॒વેભિ॑-ર્દે॒વત॑યા॒ ત્રૈષ્ટુ॑ભેન ત્વા॒ છન્દ॑સા યુનજ્મિ ગ્રી॒ષ્મેણ॑ ત્વ॒ર્તુના॑ હ॒વિષા॑ દીક્ષયા-મ્યાદિ॒ત્યેભિ॑-ર્દે॒વેભિ॑-ર્દે॒વત॑યા॒ જાગ॑તેન ત્વા॒ છન્દ॑સા યુનજ્મિ વ॒ર્॒ષાભિ॑સ્ત્વ॒ર્તુના॑ હ॒વિષા॑ દીક્ષયામિ॒ વિશ્વે॑ભિ-ર્દે॒વેભિ॑-ર્દે॒વત॒યા ઽઽનુ॑ષ્ટુભેન ત્વા॒ છન્દ॑સા યુનજ્મિ [ ] 47
શ॒રદા᳚ ત્વ॒ર્તુના॑ હ॒વિષા॑ દીક્ષયા॒મ્યઙ્ગિ॑રોભિ-ર્દે॒વેભિ॑-ર્દે॒વત॑યા॒ પાઙ્ક્તે॑ન ત્વા॒ છન્દ॑સા યુનજ્મિ હેમન્તશિશિ॒રાભ્યા᳚-ન્ત્વ॒ર્તુના॑ હ॒વિષા॑ દીક્ષયા॒મ્યા-ઽહ-ન્દી॒ક્ષામ॑રુહમૃ॒તસ્ય॒ પત્ની᳚-ઙ્ગાય॒ત્રેણ॒ છન્દ॑સા॒ બ્રહ્મ॑ણા ચ॒ર્તગ્મ્ સ॒ત્યે॑-ઽધાગ્મ્ સ॒ત્યમૃ॒તે॑-ઽધામ્ ॥ મ॒હી મૂ ॒ષુ >1સુ॒ત્રામા॑ણ >2-મિ॒હ ધૃતિ॒-સ્સ્વાહે॒હ વિધૃ॑તિ॒-સ્સ્વાહે॒હ રન્તિ॒-સ્સ્વાહે॒હ રમ॑તિ॒-સ્સ્વાહા᳚ ॥ 48 ॥
(આનુ॑ષ્ટુભેન ત્વા॒ છન્દ॑સા યુન॒જ્મ્યે – કા॒ન્ન પ॑ઞ્ચા॒શચ્ચ॑) (અ. 18)
ઈ॒કાં॒રાય॒ સ્વાહે-ઙ્કૃ॑તાય॒ સ્વાહા॒ ક્રન્દ॑તે॒ સ્વાહા॑ ઽવ॒ક્રન્દ॑તે॒ સ્વાહા॒ પ્રોથ॑તે॒ સ્વાહા᳚ પ્ર॒પ્રોથ॑તે॒ સ્વાહા॑ ગ॒ન્ધાય॒ સ્વાહા᳚ ઘ્રા॒તાય॒ સ્વાહા᳚ પ્રા॒ણાય॒ સ્વાહા᳚ વ્યા॒નાય॒ સ્વાહા॑ ઽપા॒નાય॒ સ્વાહા॑ સન્દી॒યમા॑નાય॒ સ્વાહા॒ સન્દિ॑તાય॒ સ્વાહા॑ વિચૃ॒ત્યમા॑નાય॒ સ્વાહા॒ વિચૃ॑ત્તાય॒ સ્વાહા॑ પલાયિ॒ષ્યમા॑ણાય॒ સ્વાહા॒ પલા॑યિતાય॒ સ્વાહો॑પરગ્ગ્સ્ય॒તે સ્વાહોપ॑રતાય॒ સ્વાહા॑ નિવેક્ષ્ય॒તે સ્વાહા॑ નિવિ॒શમા॑નાય॒ સ્વાહા॒ નિવિ॑ષ્ટાય॒ સ્વાહા॑ નિષથ્સ્ય॒તે સ્વાહા॑ નિ॒ષીદ॑તે॒ સ્વાહા॒ નિષ॑ણ્ણાય॒ સ્વાહા॑- [નિષ॑ણ્ણાય॒ સ્વાહા᳚, આ॒સિ॒ષ્ય॒તે સ્વાહા] 49
-ઽઽસિષ્ય॒તે સ્વાહા ઽઽસી॑નાય॒ સ્વાહા॑ ઽઽસિ॒તાય॒ સ્વાહા॑ નિપથ્સ્ય॒તે સ્વાહા॑ નિ॒પદ્ય॑માનાય॒ સ્વાહા॒ નિપ॑ન્નાય॒ સ્વાહા॑ શયિષ્ય॒તે સ્વાહા॒ શયા॑નાય॒ સ્વાહા॑ શયિ॒તાય॒ સ્વાહા॑ સમ્મીલિષ્ય॒તે સ્વાહા॑ સ॒મીંલઁ॑તે॒ સ્વાહા॒ સમ્મી॑લિતાય॒ સ્વાહા᳚ સ્વફ્સ્ય॒તે સ્વાહા᳚ સ્વપ॒તે સ્વાહા॑ સુ॒પ્તાય॒ સ્વાહા᳚ પ્રભોથ્સ્ય॒તે સ્વાહા᳚ પ્ર॒બુદ્ધ્ય॑માનાય॒ સ્વાહા॒ પ્રબુ॑દ્ધાય॒ સ્વાહા॑ જાગરિષ્ય॒તે સ્વાહા॒ જાગ્ર॑તે॒ સ્વાહા॑ જાગરિ॒તાય॒ સ્વાહા॒ શુશ્રૂ॑ષમાણાય॒ સ્વાહા॑ શૃણ્વ॒તે સ્વાહા᳚ શ્રુ॒તાય॒ સ્વાહા॑ વીક્ષિષ્ય॒તે સ્વાહા॒ [વીક્ષિષ્ય॒તે સ્વાહા᳚, વીક્ષ॑માણાય॒ સ્વાહા॒] 50
વીક્ષ॑માણાય॒ સ્વાહા॒ વીક્ષિ॑તાય॒ સ્વાહા॑ સગ્મ્હાસ્ય॒તે સ્વાહા॑ સ॒જિંહા॑નાય॒ સ્વાહો॒-જ્જિહા॑નાય॒ સ્વાહા॑ વિવર્થ્સ્ય॒તે સ્વાહા॑ વિ॒વર્ત॑માનાય॒ સ્વાહા॒ વિવૃ॑ત્તાય॒ સ્વાહો᳚-ત્થાસ્ય॒તે સ્વાહો॒ત્તિષ્ઠ॑તે॒ સ્વાહોત્થિ॑તાય॒ સ્વાહા॑ વિધવિષ્ય॒તે સ્વાહા॑ વિધૂન્વા॒નાય॒ સ્વાહા॒ વિધૂ॑તાય॒ સ્વાહો᳚-ત્ક્રગ્ગ્સ્ય॒તે સ્વાહો॒ત્ક્રામ॑તે॒ સ્વાહોત્ક્રા᳚ન્તાય॒ સ્વાહા॑ ચઙ્ક્રમિષ્ય॒તે સ્વાહા॑ ચઙ્ક્ર॒મ્યમા॑ણાય॒ સ્વાહા॑ ચઙ્ક્રમિ॒તાય॒ સ્વાહા॑ કણ્ડૂયિષ્ય॒તે સ્વાહા॑ કણ્ડૂ॒યમા॑નાય॒ સ્વાહા॑ કણ્ડૂયિ॒તાય॒ સ્વાહા॑ નિકષિષ્ય॒તે સ્વાહા॑ નિ॒કષ॑માણાય॒ સ્વાહા॒ નિક॑ષિતાય॒ સ્વાહા॒ યદત્તિ॒ તસ્મૈ॒ સ્વાહા॒ ય-ત્પિબ॑તિ॒ તસ્મૈ॒ સ્વાહા॒ યન્મેહ॑તિ॒ તસ્મૈ॒ સ્વાહા॒ યચ્છકૃ॑-ત્ક॒રોતિ॒ તસ્મૈ॒ સ્વાહા॒ રેત॑સે॒ સ્વાહા᳚ પ્ર॒જાભ્ય॒-સ્સ્વાહા᳚ પ્ર॒જન॑નાય॒ સ્વાહા॒ સર્વ॑સ્મૈ॒ સ્વાહા᳚ ॥ 51 ॥
(નિષ॑ણ્ણાય॒ સ્વાહા॑ – વીક્ષિષ્ય॒તે સ્વાહા॑ – નિ॒કષ॑માણાય॒ સ્વાહા॑ – સ॒પ્તવિગ્મ્॑શતિશ્ચ) (અ. 19)
અ॒ગ્નયે॒ સ્વાહા॑ વા॒યવે॒ સ્વાહા॒ સૂર્યા॑ય॒ સ્વાહ॒ર્ત-મ॑સ્યૃ॒તસ્ય॒ર્તમ॑સિ સ॒ત્યમ॑સિ સ॒ત્યસ્ય॑ સ॒ત્ય-મ॑સ્યૃ॒તસ્ય॒ પન્થા॑ અસિ દે॒વાના᳚-ઞ્છા॒યા-ઽમૃત॑સ્ય॒ નામ॒ ત-થ્સ॒ત્યં-યઁ-ત્ત્વ-મ્પ્ર॒જાપ॑તિ॒રસ્યધિ॒ યદ॑સ્મિન્ વા॒જિની॑વ॒ શુભ॒-સ્સ્પર્ધ॑ન્તે॒ દિવ॒-સ્સૂર્યે॑ણ॒ વિશો॒-ઽપો વૃ॑ણા॒નઃ પ॑વતે ક॒વ્ય-ન્પ॒શુ-ન્ન ગો॒પા ઇર્યઃ॒ પરિ॑જ્મા ॥ 52 ॥
(અ॒ગ્નયે॑ વા॒યવે॒ સૂર્યા॑યા॒ – ઽષ્ટાચ॑ત્વારિગ્મ્શત્) (અ. 20)
(પ્ર॒જન॑નં – પ્રાતસ્સવ॒ને વૈ – બ્ર॑હ્મવા॒દિન॒-સ્સ ત્વા – અઙ્ગિ॑રસ॒- આપો॒ વૈ – સોમો॒ વૈ – સ॑હસ્રત॒મ્યા – ત્રિ॑ – ર્જ॒મદ॑ગ્નિઃ – સંવઁથ્સ॒રો – દે॒વસ્ય॑ -વિ॒ભૂ – રાય॑નાયા॒- ઽગ્નયે॑ – પૃથિ॒વ્યા – અ॒ગ્નયે॑ – પૃથિ॒વ્યૈ – ભુવ॑ – ઈકાં॒રાયા॒ – ગ્નયે॑ વા॒યવે॒ સૂર્યા॑ય – વિગ્મ્શ॒તિઃ )
(પ્ર॒જન॑ન॒ – મઙ્ગિ॑રસઃ॒ – સોમો॒ વૈ – પ્ર॑તિગૃ॒હ્ણાતિ॑ – વિ॒ભૂ – ર્વીક્ષ॑માણાય॒ – દ્વિપ॑ઞ્ચા॒શત્)
(પ્ર॒જન॑ન॒, મ્પરિ॑જ્મા)
॥ હરિઃ॑ ઓમ્ ॥
॥ કૃષ્ણ યજુર્વેદીય તૈત્તિરીય સંહિતાયાં સપ્તમકાણ્ડે પ્રથમઃ પ્રશ્ન-સ્સમાપ્તઃ ॥