ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪ್ರಥಮಕಾಣ್ಡೇ ದ್ವಿತೀಯಃ ಪ್ರಶ್ನಃ – ಅಗ್ನಿಷ್ಟೋಮೇ ಕ್ರಯಃ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಆಪ॑ ಉನ್ದನ್ತು ಜೀ॒ವಸೇ॑ ದೀರ್ಘಾಯು॒ತ್ವಾಯ॒ ವರ್ಚ॑ಸ॒ ಓಷ॑ಧೇ॒ ತ್ರಾಯ॑ಸ್ವೈನ॒ಗ್ಗ್॒ ಸ್ವಧಿ॑ತೇ॒ ಮೈನಗ್ಂ॑ ಹಿಗ್ಂಸೀ-ರ್ದೇವ॒ಶ್ರೂರೇ॒ತಾನಿ॒ ಪ್ರ ವ॑ಪೇ ಸ್ವ॒ಸ್ತ್ಯುತ್ತ॑ರಾಣ್ಯಶೀ॒ಯಾಪೋ॑ ಅ॒ಸ್ಮಾ-ನ್ಮಾ॒ತರ॑-ಶ್ಶುನ್ಧನ್ತು ಘೃ॒ತೇನ॑ ನೋ ಘೃತ॒ಪುವಃ॑ ಪುನನ್ತು॒ ವಿಶ್ವ॑ಮ॒ಸ್ಮ-ತ್ಪ್ರ ವ॑ಹನ್ತು ರಿ॒ಪ್ರಮುದಾ᳚ಭ್ಯ॒-ಶ್ಶುಚಿ॒ರಾ ಪೂ॒ತ ಏ॑ಮಿ॒ ಸೋಮ॑ಸ್ಯ ತ॒ನೂರ॑ಸಿ ತ॒ನುವ॑-ಮ್ಮೇ ಪಾಹಿ ಮಹೀ॒ನಾ-ಮ್ಪಯೋ॑-ಽಸಿ ವರ್ಚೋ॒ಧಾ ಅ॑ಸಿ॒ ವರ್ಚೋ॒- [ವರ್ಚಃ॑, ಮಯಿ॑ ಧೇಹಿ ವೃ॒ತ್ರಸ್ಯ॑] 1
ಮಯಿ॑ ಧೇಹಿ ವೃ॒ತ್ರಸ್ಯ॑ ಕ॒ನೀನಿ॑ಕಾ-ಽಸಿ ಚಖ್ಷು॒ಷ್ಪಾ ಅ॑ಸಿ॒ ಚಖ್ಷು॑ರ್ಮೇ ಪಾಹಿ ಚಿ॒ತ್ಪತಿ॑ಸ್ತ್ವಾ ಪುನಾತು ವಾ॒ಕ್ಪತಿ॑ಸ್ತ್ವಾ ಪುನಾತು ದೇ॒ವಸ್ತ್ವಾ॑ ಸವಿ॒ತಾ ಪು॑ನಾ॒ತ್ವಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ವಸೋ॒-ಸ್ಸೂರ್ಯ॑ಸ್ಯ ರ॒ಶ್ಮಿಭಿ॒ಸ್ತಸ್ಯ॑ ತೇ ಪವಿತ್ರಪತೇ ಪ॒ವಿತ್ರೇ॑ಣ॒ ಯಸ್ಮೈ॒ ಕ-ಮ್ಪು॒ನೇ ತಚ್ಛ॑ಕೇಯ॒ಮಾ ವೋ॑ ದೇವಾಸ ಈಮಹೇ॒ ಸತ್ಯ॑ಧರ್ಮಾಣೋ ಅದ್ಧ್ವ॒ರೇ ಯದ್ವೋ॑ ದೇವಾಸ ಆಗು॒ರೇ ಯಜ್ಞಿ॑ಯಾಸೋ॒ ಹವಾ॑ಮಹ॒ ಇನ್ದ್ರಾ᳚ಗ್ನೀ॒ ದ್ಯಾವಾ॑ಪೃಥಿವೀ॒ ಆಪ॑ ಓಷಧೀ॒ ಸ್ತ್ವ-ನ್ದೀ॒ಖ್ಷಾಣಾ॒-ಮಧಿ॑ಪತಿರಸೀ॒ಹ ಮಾ॒ ಸನ್ತ॑-ಮ್ಪಾಹಿ ॥ 2 ॥
(ವರ್ಚ॑ – ಓಷಧೀ- ರ॒ಷ್ಟೌ ಚ॑ ) (ಅ. 1)
ಆಕೂ᳚ತ್ಯೈ ಪ್ರ॒ಯುಜೇ॒-ಽಗ್ನಯೇ॒ ಸ್ವಾಹಾ॑ ಮೇ॒ಧಾಯೈ॒ ಮನ॑ಸೇ॒ ಽಗ್ನಯೇ॒ ಸ್ವಾಹಾ॑ ದೀ॒ಖ್ಷಾಯೈ॒ ತಪ॑ಸೇ॒-ಽಗ್ನಯೇ॒ ಸ್ವಾಹಾ॒ ಸರ॑ಸ್ವತ್ಯೈ ಪೂ॒ಷ್ಣೇ᳚-ಽಗ್ನಯೇ॒ ಸ್ವಾಹಾ-ಽಽಪೋ॑ ದೇವೀ-ರ್ಬೃಹತೀ-ರ್ವಿಶ್ವಶಮ್ಭುವೋ॒ ದ್ಯಾವಾ॑ಪೃಥಿ॒ವೀ ಉ॒ರ್ವ॑ನ್ತರಿ॑ಖ್ಷ॒-ಮ್ಬೃಹ॒ಸ್ಪತಿ॑ರ್ನೋ ಹ॒ವಿಷಾ॑ ವೃಧಾತು॒ ಸ್ವಾಹಾ॒ ವಿಶ್ವೇ॑ ದೇ॒ವಸ್ಯ॑ ನೇ॒ತುರ್ಮರ್ತೋ॑ ವೃಣೀತ ಸ॒ಖ್ಯಂ-ವಿಁಶ್ವೇ॑ ರಾ॒ಯ ಇ॑ಷುದ್ಧ್ಯಸಿ ದ್ಯು॒ಮ್ನಂ-ವೃಁ॑ಣೀತ ಪು॒ಷ್ಯಸೇ॒ ಸ್ವಾಹ॑ರ್ಖ್ಸಾ॒ಮಯೋ॒-ಶ್ಶಿಲ್ಪೇ᳚ ಸ್ಥ॒ಸ್ತೇ ವಾ॒ಮಾ ರ॑ಭೇ॒ ತೇ ಮಾ॑- [ತೇ ಮಾ᳚, ಪಾ॒ತ॒ಮಾ-ಽಸ್ಯ] 3
ಪಾತ॒ಮಾ-ಽಸ್ಯ ಯ॒ಜ್ಞಸ್ಯೋ॒ದೃಚ॑ ಇ॒ಮಾ-ನ್ಧಿಯ॒ಗ್ಂ॒ ಶಿಖ್ಷ॑ಮಾಣಸ್ಯ ದೇವ॒ ಕ್ರತು॒-ನ್ದಖ್ಷಂ॑-ವಁರುಣ॒ ಸಗ್ಂ ಶಿ॑ಶಾಧಿ॒ ಯಯಾ-ಽತಿ॒ ವಿಶ್ವಾ॑ ದುರಿ॒ತಾ ತರೇ॑ಮ ಸು॒ತರ್ಮಾ॑ಣ॒ಮಧಿ॒ ನಾವಗ್ಂ॑ ರುಹೇ॒ಮೋರ್ಗ॑ಸ್ಯಾಙ್ಗಿರ॒ಸ್ಯೂರ್ಣ॑ಮ್ರದಾ॒ ಊರ್ಜ॑-ಮ್ಮೇ ಯಚ್ಛ ಪಾ॒ಹಿ ಮಾ॒ ಮಾ ಮಾ॑ ಹಿಗ್ಂಸೀ॒-ರ್ವಿಷ್ಣೋ॒-ಶ್ಶರ್ಮಾ॑ಸಿ॒ ಶರ್ಮ॒ ಯಜ॑ಮಾನಸ್ಯ॒ ಶರ್ಮ॑ ಮೇ ಯಚ್ಛ॒ ನಖ್ಷ॑ತ್ರಾಣಾ-ಮ್ಮಾ-ಽತೀಕಾ॒ಶಾ-ತ್ಪಾ॒ಹೀನ್ದ್ರ॑ಸ್ಯ॒ ಯೋನಿ॑ರಸಿ॒- [ಯೋನಿ॑ರಸಿ, ಮಾ ಮಾ॑ ಹಿಗ್ಂಸೀಃ] 4
ಮಾ ಮಾ॑ ಹಿಗ್ಂಸೀಃ ಕೃ॒ಷ್ಯೈ ತ್ವಾ॑ ಸುಸ॒ಸ್ಯಾಯೈ॑ ಸುಪಿಪ್ಪ॒ಲಾಭ್ಯ॒-ಸ್ತ್ವೌಷ॑ಧೀಭ್ಯ-ಸ್ಸೂಪ॒ಸ್ಥಾ ದೇ॒ವೋ ವನ॒ಸ್ಪತಿ॑ರೂ॒ರ್ಧ್ವೋ ಮಾ॑ ಪಾ॒ಹ್ಯೋದೃಚ॒-ಸ್ಸ್ವಾಹಾ॑ ಯ॒ಜ್ಞ-ಮ್ಮನ॑ಸಾ॒ ಸ್ವಾಹಾ॒ ದ್ಯಾವಾ॑ಪೃಥಿ॒ವೀಭ್ಯಾ॒ಗ್॒ ಸ್ವಾಹೋ॒ರೋ-ರ॒ನ್ತರಿ॑ಖ್ಷಾ॒-ಥ್ಸ್ವಾಹಾ॑ ಯ॒ಜ್ಞಂ-ವಾಁತಾ॒ದಾ ರ॑ಭೇ ॥ 5 ॥
( ಮಾ॒ – ಯೋನಿ॑ರಸಿ – ತ್ರಿ॒ಗ್ಂ॒ಶಚ್ಚ॑ ) (ಅ. 2)
ದೈವೀ॒-ನ್ಧಿಯ॑-ಮ್ಮನಾಮಹೇ ಸುಮೃಡೀ॒ಕಾ-ಮ॒ಭಿಷ್ಟ॑ಯೇ ವರ್ಚೋ॒ಧಾಂ-ಯಁ॒ಜ್ಞವಾ॑ಹಸಗ್ಂ ಸುಪಾ॒ರಾ ನೋ॑ ಅಸ॒-ದ್ವಶೇ᳚ । ಯೇ ದೇ॒ವಾ ಮನೋ॑ಜಾತಾ ಮನೋ॒ಯುಜ॑-ಸ್ಸು॒ದಖ್ಷಾ॒ ದಖ್ಷ॑ಪಿತಾರ॒ಸ್ತೇ ನಃ॑ ಪಾನ್ತು॒ ತೇ ನೋ॑-ಽವನ್ತು॒ ತೇಭ್ಯೋ॒ ನಮ॒ಸ್ತೇಭ್ಯ॒-ಸ್ಸ್ವಾಹಾ-ಽಗ್ನೇ॒ ತ್ವಗ್ಂ ಸು ಜಾ॑ಗೃಹಿ ವ॒ಯಗ್ಂ ಸು ಮ॑ನ್ದಿಷೀಮಹಿ ಗೋಪಾ॒ಯ ನ॑-ಸ್ಸ್ವ॒ಸ್ತಯೇ᳚ ಪ್ರ॒ಬುಧೇ॑ ನಃ॒ ಪುನ॑ರ್ದದಃ । ತ್ವಮ॑ಗ್ನೇ ವ್ರತ॒ಪಾ ಅ॑ಸಿ ದೇ॒ವ ಆ ಮರ್ತ್ಯೇ॒ಷ್ವಾ । ತ್ವಂ- [ತ್ವಮ್, ಯ॒ಜ್ಞೇಷ್ವೀಡ್ಯಃ॑ ।] 6
ಯ॒ಜ್ಞೇಷ್ವೀಡ್ಯಃ॑ ॥ ವಿಶ್ವೇ॑ ದೇ॒ವಾ ಅ॒ಭಿ ಮಾಮಾ-ಽವ॑ವೃತ್ರ-ನ್ಪೂ॒ಷಾ ಸ॒ನ್ಯಾ ಸೋಮೋ॒ ರಾಧ॑ಸಾ ದೇ॒ವ-ಸ್ಸ॑ವಿ॒ತಾ ವಸೋ᳚ರ್ವಸು॒ದಾವಾ॒ ರಾಸ್ವೇಯ॑-ಥ್ಸೋ॒ಮಾ ಽಽಭೂಯೋ॑ ಭರ॒ ಮಾ ಪೃ॒ಣ-ನ್ಪೂ॒ರ್ತ್ಯಾ ವಿ ರಾ॑ಧಿ॒ ಮಾ-ಽಹಮಾಯು॑ಷಾ ಚ॒ನ್ದ್ರಮ॑ಸಿ॒ ಮಮ॒ ಭೋಗಾ॑ಯ ಭವ॒ ವಸ್ತ್ರ॑ಮಸಿ॒ ಮಮ॒ ಭೋಗಾ॑ಯ ಭವೋ॒ಸ್ರಾ-ಽಸಿ॒ ಮಮ॒ ಭೋಗಾ॑ಯ ಭವ॒ ಹಯೋ॑-ಽಸಿ॒ ಮಮ॒ ಭೋಗಾ॑ಯ ಭವ॒- [ಭೋಗಾ॑ಯ ಭವ, ಛಾಗೋ॑-ಽಸಿ॒ ಮಮ॒] 7
ಛಾಗೋ॑-ಽಸಿ॒ ಮಮ॒ ಭೋಗಾ॑ಯ ಭವ ಮೇ॒ಷೋ॑-ಽಸಿ॒ ಮಮ॒ ಭೋಗಾ॑ಯ ಭವ ವಾ॒ಯವೇ᳚ ತ್ವಾ॒ ವರು॑ಣಾಯ ತ್ವಾ॒ ನಿರ್-ಋ॑ತ್ಯೈ ತ್ವಾ ರು॒ದ್ರಾಯ॑ ತ್ವಾ॒ ದೇವೀ॑ರಾಪೋ ಅಪಾ-ನ್ನಪಾ॒ದ್ಯ ಊ॒ರ್ಮಿರ್-ಹ॑ವಿ॒ಷ್ಯ॑ ಇನ್ದ್ರಿ॒ಯಾವಾ᳚-ನ್ಮ॒ದಿನ್ತ॑ಮ॒ಸ್ತಂ-ವೋಁ॒ ಮಾ-ಽವ॑ ಕ್ರಮಿಷ॒ಮಚ್ಛಿ॑ನ್ನ॒-ನ್ತನ್ತು॑-ಮ್ಪೃಥಿ॒ವ್ಯಾ ಅನು॑ ಗೇಷ-ಮ್ಭ॒ದ್ರಾದ॒ಭಿ ಶ್ರೇಯಃ॒ ಪ್ರೇಹಿ॒ ಬೃಹ॒ಸ್ಪತಿಃ॑ ಪುರಏ॒ತಾ ತೇ॑ ಅ॒ಸ್ತ್ವಥೇ॒ಮವ॑ ಸ್ಯ॒ ವರ॒ ಆ ಪೃ॑ಥಿ॒ವ್ಯಾ ಆ॒ರೇ ಶತ್ರೂ᳚ನ್ ಕೃಣುಹಿ॒ ಸರ್ವ॑ವೀರ॒ ಏದಮ॑ಗನ್ಮ ದೇವ॒ಯಜ॑ನ-ಮ್ಪೃಥಿ॒ವ್ಯಾ ವಿಶ್ವೇ॑ ದೇ॒ವಾ ಯದಜು॑ಷನ್ತ॒ ಪೂರ್ವ॑ ಋಖ್ಸಾ॒ಮಾಭ್ಯಾಂ॒-ಯಁಜು॑ಷಾ ಸ॒ನ್ತರ॑ನ್ತೋ ರಾ॒ಯಸ್ಪೋಷೇ॑ಣ॒ ಸಮಿ॒ಷಾ ಮ॑ದೇಮ ॥ 8 ॥
( ಆ ತ್ವಗ್ಂ-ಹಯೋ॑-ಽಸಿ॒ ಮಮ॒ ಭೋಗಾ॑ಯ ಭವ-ಸ್ಯ॒-ಪಞ್ಚ॑ವಿಗ್ಂಶತಿಶ್ಚ ) (ಅ. 3)
ಇ॒ಯ-ನ್ತೇ॑ ಶುಕ್ರ ತ॒ನೂರಿ॒ದಂ-ವಁರ್ಚ॒ಸ್ತಯಾ॒ ಸ-ಮ್ಭ॑ವ॒ ಭ್ರಾಜ॑-ಙ್ಗಚ್ಛ॒ ಜೂರ॑ಸಿ ಧೃ॒ತಾ ಮನ॑ಸಾ॒ ಜುಷ್ಟಾ॒ ವಿಷ್ಣ॑ವೇ॒ ತಸ್ಯಾ᳚ಸ್ತೇ ಸ॒ತ್ಯಸ॑ವಸಃ ಪ್ರಸ॒ವೇ ವಾ॒ಚೋ ಯ॒ನ್ತ್ರಮ॑ಶೀಯ॒ ಸ್ವಾಹಾ॑ ಶು॒ಕ್ರಮ॑ಸ್ಯ॒ಮೃತ॑ಮಸಿ ವೈಶ್ವದೇ॒ವಗ್ಂ ಹ॒ವಿ-ಸ್ಸೂರ್ಯ॑ಸ್ಯ॒ ಚಖ್ಷು॒ರಾ -ಽರು॑ಹಮ॒ಗ್ನೇ ರ॒ಖ್ಷ್ಣಃ ಕ॒ನೀನಿ॑ಕಾಂ॒-ಯಁದೇತ॑ಶೇಭಿ॒ರೀಯ॑ಸೇ॒ ಭ್ರಾಜ॑ಮಾನೋ ವಿಪ॒ಶ್ಚಿತಾ॒ ಚಿದ॑ಸಿ ಮ॒ನಾ-ಽಸಿ॒ ಧೀರ॑ಸಿ॒ ದಖ್ಷಿ॑ಣಾ- [ದಖ್ಷಿ॑ಣಾ, ಅ॒ಸಿ॒ ಯ॒ಜ್ಞಿಯಾ॑-ಽಸಿ] 9
-ಽಸಿ ಯ॒ಜ್ಞಿಯಾ॑-ಽಸಿ ಖ್ಷ॒ತ್ರಿಯಾ॒ ಽಸ್ಯದಿ॑ತಿ-ರಸ್ಯುಭ॒ಯತ॑॑ಶ್ಶೀರ್ಷ್ಣೀ॒ ಸಾ ನ॒-ಸ್ಸುಪ್ರಾ॑ಚೀ॒ ಸುಪ್ರ॑ತೀಚೀ॒ ಸ-ಮ್ಭ॑ವ ಮಿ॒ತ್ರಸ್ತ್ವಾ॑ ಪ॒ದಿ ಬ॑ದ್ಧ್ನಾತು ಪೂ॒ಷಾ-ಽದ್ಧ್ವ॑ನಃ ಪಾ॒ತ್ವಿನ್ದ್ರಾ॒ಯಾ-ದ್ಧ್ಯ॑ಖ್ಷಾ॒ಯಾನು॑ ತ್ವಾ ಮಾ॒ತಾ ಮ॑ನ್ಯತಾ॒ಮನು॑ ಪಿ॒ತಾ-ಽನು॒ ಭ್ರಾತಾ॒ ಸಗ॒ರ್ಭ್ಯೋ-ಽನು॒ ಸಖಾ॒ ಸಯೂ᳚ಥ್ಯ॒-ಸ್ಸಾ ದೇ॑ವಿ ದೇ॒ವಮಚ್ಛೇ॒ಹೀನ್ದ್ರಾ॑ಯ॒ ಸೋಮಗ್ಂ॑ ರು॒ದ್ರಸ್ತ್ವಾ ಽಽವ॑ರ್ತಯತು ಮಿ॒ತ್ರಸ್ಯ॑ ಪ॒ಥಾ ಸ್ವ॒ಸ್ತಿ ಸೋಮ॑ಸಖಾ॒ ಪುನ॒ರೇಹಿ॑ ಸ॒ಹ ರ॒ಯ್ಯಾ ॥ 10 ॥
( ದಖ್ಷಿ॑ಣಾ॒-ಸೋಮ॑ಸಖಾ॒, ಪಞ್ಚ॑ ಚ ) (ಅ. 4)
ವಸ್ವ್ಯ॑ಸಿ ರು॒ದ್ರಾ-ಽಸ್ಯದಿ॑ತಿ-ರಸ್ಯಾದಿ॒ತ್ಯಾ-ಽಸಿ॑ ಶು॒ಕ್ರಾ-ಽಸಿ॑ ಚ॒ನ್ದ್ರಾ-ಽಸಿ॒ ಬೃಹ॒ಸ್ಪತಿ॑ಸ್ತ್ವಾ ಸು॒ಮ್ನೇ ರ॑ಣ್ವತು ರು॒ದ್ರೋ ವಸು॑ಭಿ॒ರಾ ಚಿ॑ಕೇತು ಪೃಥಿ॒ವ್ಯಾಸ್ತ್ವಾ॑ ಮೂ॒ರ್ಧನ್ನಾ ಜಿ॑ಘರ್ಮಿ ದೇವ॒ಯಜ॑ನ॒ ಇಡಾ॑ಯಾಃ ಪ॒ದೇ ಘೃ॒ತವ॑ತಿ॒ ಸ್ವಾಹಾ॒ ಪರಿ॑ಲಿಖಿತ॒ಗ್ಂ॒ ರಖ್ಷಃ॒ ಪರಿ॑ಲಿಖಿತಾ॒ ಅರಾ॑ತಯ ಇ॒ದಮ॒ಹಗ್ಂ ರಖ್ಷ॑ಸೋ ಗ್ರೀ॒ವಾ ಅಪಿ॑ ಕೃನ್ತಾಮಿ॒ ಯೋ᳚-ಽಸ್ಮಾ-ನ್ದ್ವೇಷ್ಟಿ॒ ಯ-ಞ್ಚ॑ ವ॒ಯ-ನ್ದ್ವಿ॒ಷ್ಮ ಇ॒ದಮ॑ಸ್ಯ ಗ್ರೀ॒ವಾ [ಗ್ರೀ॒ವಾಃ, ಅಪಿ॑ ಕೃನ್ತಾಮ್ಯ॒ಸ್ಮೇ] 11
ಅಪಿ॑ ಕೃನ್ತಾಮ್ಯ॒ಸ್ಮೇ ರಾಯ॒ಸ್ತ್ವೇ ರಾಯ॒ಸ್ತೋತೇ॒ ರಾಯ॒-ಸ್ಸ-ನ್ದೇ॑ವಿ ದೇ॒ವ್ಯೋರ್ವಶ್ಯಾ॑ ಪಶ್ಯಸ್ವ॒ ತ್ವಷ್ಟೀ॑ಮತೀ ತೇ ಸಪೇಯ ಸು॒ರೇತಾ॒ ರೇತೋ॒ ದಧಾ॑ನಾ ವೀ॒ರಂ-ವಿಁ॑ದೇಯ॒ ತವ॑ ಸ॒ನ್ದೃಶಿ॒ ಮಾ-ಽಹಗ್ಂರಾ॒ಯಸ್ಪೋಷೇ॑ಣ॒ ವಿ ಯೋ॑ಷಮ್ ॥ 12 ॥
( ಅ॒ಸ್ಯ॒ ಗ್ರೀ॒ವಾ-ಏಕಾ॒ನ್ನ ತ್ರಿ॒ಗ್ಂ॒ಶಚ್ಚ॑ ) (ಅ. 5)
ಅ॒ಗ್ಂ॒ಶುನಾ॑ ತೇ ಅ॒ಗ್ಂ॒ಶುಃ ಪೃ॑ಚ್ಯತಾ॒-ಮ್ಪರು॑ಷಾ॒ ಪರು॑-ರ್ಗ॒ನ್ಧಸ್ತೇ॒ ಕಾಮ॑ಮವತು॒ ಮದಾ॑ಯ॒ ರಸೋ॒ ಅಚ್ಯು॑ತೋ॒ ಽಮಾತ್ಯೋ॑-ಽಸಿ ಶು॒ಕ್ರಸ್ತೇ॒ ಗ್ರಹೋ॒-ಽಭಿ ತ್ಯ-ನ್ದೇ॒ವಗ್ಂ ಸ॑ವಿ॒ತಾರ॑ಮೂ॒ಣ್ಯೋಃ᳚ ಕ॒ವಿಕ್ರ॑ತು॒ಮರ್ಚಾ॑ಮಿ ಸ॒ತ್ಯಸ॑ವಸಗ್ಂ ರತ್ನ॒ಧಾಮ॒ಭಿ ಪ್ರಿ॒ಯ-ಮ್ಮ॒ತಿಮೂ॒ರ್ಧ್ವಾ ಯಸ್ಯಾ॒ಮತಿ॒ರ್ಭಾ ಅದಿ॑ದ್ಯುತ॒-ಥ್ಸವೀ॑ಮನಿ॒ ಹಿರ॑ಣ್ಯಪಾಣಿರಮಿಮೀತ ಸು॒ಕ್ರತುಃ॑ ಕೃ॒ಪಾ ಸುವಃ॑ । ಪ್ರ॒ಜಾಭ್ಯ॑ಸ್ತ್ವಾ ಪ್ರಾ॒ಣಾಯ॑ ತ್ವಾ ವ್ಯಾ॒ನಾಯ॑ ತ್ವಾ ಪ್ರ॒ಜಾಸ್ತ್ವಮನು॒ ಪ್ರಾಣಿ॑ಹಿ ಪ್ರ॒ಜಾಸ್ತ್ವಾಮನು॒ ಪ್ರಾಣ॑ನ್ತು ॥ 13 ॥
(ಅನು॑-ಸ॒ಪ್ತ ಚ॑) (ಅ. 6)
ಸೋಮ॑-ನ್ತೇ ಕ್ರೀಣಾ॒ಮ್ಯೂರ್ಜ॑ಸ್ವನ್ತ॒-ಮ್ಪಯ॑ಸ್ವನ್ತಂ-ವೀಁ॒ರ್ಯಾ॑ವನ್ತಮಭಿ-ಮಾತಿ॒ಷಾಹಗ್ಂ॑ ಶು॒ಕ್ರ-ನ್ತೇ॑ ಶು॒ಕ್ರೇಣ॑ ಕ್ರೀಣಾಮಿ ಚ॒ನ್ದ್ರ-ಞ್ಚ॒ನ್ದ್ರೇಣಾ॒ಮೃತ॑ಮ॒ಮೃತೇ॑ನ ಸ॒ಮ್ಯತ್ತೇ॒ ಗೋರ॒ಸ್ಮೇ ಚ॒ನ್ದ್ರಾಣಿ॒ ತಪ॑ಸಸ್ತ॒ನೂರ॑ಸಿ ಪ್ರ॒ಜಾಪ॑ತೇ॒-ರ್ವರ್ಣ॒ಸ್ತಸ್ಯಾ᳚ಸ್ತೇ ಸಹಸ್ರಪೋ॒ಷ-ಮ್ಪುಷ್ಯ॑ನ್ತ್ಯಾಶ್ಚರ॒ಮೇಣ॑ ಪ॒ಶುನಾ᳚ ಕ್ರೀಣಾಮ್ಯ॒ಸ್ಮೇ ತೇ॒ ಬನ್ಧು॒ರ್ಮಯಿ॑ ತೇ॒ ರಾಯ॑-ಶ್ಶ್ರಯನ್ತಾಮ॒ಸ್ಮೇ ಜ್ಯೋತಿ॑-ಸ್ಸೋಮವಿಕ್ರ॒ಯಿಣಿ॒ ತಮೋ॑ ಮಿ॒ತ್ರೋ ನ॒ ಏಹಿ॒ ಸುಮಿ॑ತ್ರಧಾ॒ ಇನ್ದ್ರ॑ಸ್ಯೋ॒ರು ಮಾ ವಿ॑ಶ॒ ದಖ್ಷಿ॑ಣ-ಮು॒ಶನ್ನು॒ಶನ್ತಗ್ಗ್॑ ಸ್ಯೋ॒ನ-ಸ್ಸ್ಯೋ॒ನಗ್ಗ್ ಸ್ವಾನ॒ ಭ್ರಾಜಾಙ್ಘಾ॑ರೇ॒ ಬಮ್ಭಾ॑ರೇ॒ ಹಸ್ತ॒ ಸುಹ॑ಸ್ತ॒ ಕೃಶಾ॑ನವೇ॒ತೇ ವ॑-ಸ್ಸೋಮ॒ ಕ್ರಯ॑ಣಾ॒ಸ್ತಾ-ನ್ರ॑ಖ್ಷದ್ಧ್ವ॒-ಮ್ಮಾ ವೋ॑ ದಭನ್ನ್ ॥ 14 ॥
(ಉ॒ರುಂ-ದ್ವಾವಿಗ್ಂ॑ಶತಿಶ್ಚ) (ಅ. 7)
ಉದಾಯು॑ಷಾ ಸ್ವಾ॒ಯುಷೋದೋಷ॑ಧೀನಾ॒ಗ್ಂ॒ ರಸೇ॒ನೋ-ತ್ಪ॒ರ್ಜನ್ಯ॑ಸ್ಯ॒ ಶುಷ್ಮೇ॒ಣೋದ॑ಸ್ಥಾಮ॒ಮೃತಾ॒ಗ್ಂ॒ ಅನು॑ । ಉ॒ರ್ವ॑ನ್ತರಿ॑ಖ್ಷ॒ಮನ್ವಿ॒ಹ್ಯದಿ॑ತ್ಯಾ॒-ಸ್ಸದೋ॒-ಽಸ್ಯದಿ॑ತ್ಯಾ॒-ಸ್ಸದ॒ ಆ ಸೀ॒ದಾಸ್ತ॑ಭ್ನಾ॒-ದ್ದ್ಯಾಮೃ॑ಷ॒ಭೋ ಅ॒ನ್ತರಿ॑ಖ್ಷ॒ಮಮಿ॑ಮೀತ ವರಿ॒ಮಾಣ॑-ಮ್ಪೃಥಿ॒ವ್ಯಾ ಆ-ಽಸೀ॑ದ॒-ದ್ವಿಶ್ವಾ॒ ಭುವ॑ನಾನಿ ಸ॒ಮ್ರಾ-ಡ್ವಿಶ್ವೇತ್ತಾನಿ॒ ವರು॑ಣಸ್ಯ ವ್ರ॒ತಾನಿ॒ ವನೇ॑ಷು॒ ವ್ಯ॑ನ್ತರಿ॑ಖ್ಷ-ನ್ತತಾನ॒ ವಾಜ॒ಮರ್ವ॑ಥ್ಸು॒ ಪಯೋ॑ ಅಘ್ನಿ॒ಯಾಸು॑ ಹೃ॒ಥ್ಸು- [ ] ॥ 15 ॥
ಕ್ರತುಂ॒-ವಁರು॑ಣೋ ವಿ॒ಖ್ಷ್ವ॑ಗ್ನಿ-ನ್ದಿ॒ವಿ ಸೂರ್ಯ॑ಮದಧಾ॒-ಥ್ಸೋಮ॒ಮದ್ರಾ॒ವುದು॒ತ್ಯ-ಞ್ಜಾ॒ತವೇ॑ದಸ-ನ್ದೇ॒ವಂ-ವಁ॑ಹನ್ತಿ ಕೇ॒ತವಃ॑ । ದೃ॒ಶೇ ವಿಶ್ವಾ॑ಯ॒ ಸೂರ್ಯ᳚ಮ್ ॥ ಉಸ್ರಾ॒ವೇತ॑-ನ್ಧೂರ್ಷಾಹಾವನ॒ಶ್ರೂ ಅವೀ॑ರಹಣೌ ಬ್ರಹ್ಮ॒ಚೋದ॑ನೌ॒ ವರು॑ಣಸ್ಯ॒ ಸ್ಕಮ್ಭ॑ನಮಸಿ॒ ವರು॑ಣಸ್ಯ ಸ್ಕಮ್ಭ॒ಸರ್ಜ॑ನಮಸಿ॒ ಪ್ರತ್ಯ॑ಸ್ತೋ॒ ವರು॑ಣಸ್ಯ॒ ಪಾಶಃ॑ ॥ 16 ॥
( ಹೃ॒ಥ್ಸು-ಪಞ್ಚ॑ತ್ರಿಗ್ಂಶಚ್ಚ ) (ಅ. 8)
ಪ್ರ ಚ್ಯ॑ವಸ್ವ ಭುವಸ್ಪತೇ॒ ವಿಶ್ವಾ᳚ನ್ಯ॒ಭಿ ಧಾಮಾ॑ನಿ॒ ಮಾ ತ್ವಾ॑ ಪರಿಪ॒ರೀ ವಿ॑ದ॒ನ್ಮಾ ತ್ವಾ॑ ಪರಿಪ॒ನ್ಥಿನೋ॑ ವಿದ॒ನ್ಮಾ ತ್ವಾ॒ ವೃಕಾ॑ ಅಘಾ॒ಯವೋ॒ ಮಾ ಗ॑ನ್ಧ॒ರ್ವೋ ವಿ॒ಶ್ವಾವ॑ಸು॒ರಾ ದ॑ಘಚ್ಛ್ಯೇ॒ನೋ ಭೂ॒ತ್ವಾ ಪರಾ॑ ಪತ॒ ಯಜ॑ಮಾನಸ್ಯ ನೋ ಗೃ॒ಹೇ ದೇ॒ವೈ-ಸ್ಸಗ್ಗ್॑ಸ್ಕೃ॒ತಂ-ಯಁಜ॑ಮಾನಸ್ಯ ಸ್ವ॒ಸ್ತ್ಯಯ॑ನ್ಯ॒ಸ್ಯಪಿ॒ ಪನ್ಥಾ॑ಮಗಸ್ಮಹಿ ಸ್ವಸ್ತಿ॒ಗಾ-ಮ॑ನೇ॒ಹಸಂ॒-ಯೇಁನ॒ ವಿಶ್ವಾಃ॒ ಪರಿ॒ ದ್ವಿಷೋ॑ ವೃ॒ಣಕ್ತಿ॑ ವಿ॒ನ್ದತೇ॒ ವಸು॒ ನಮೋ॑ ಮಿ॒ತ್ರಸ್ಯ॒ ವರು॑ಣಸ್ಯ॒ ಚಖ್ಷ॑ಸೇ ಮ॒ಹೋ ದೇ॒ವಾಯ॒ ತದೃ॒ತಗ್ಂ ಸ॑ಪರ್ಯತ ದೂರೇ॒ದೃಶೇ॑ ದೇ॒ವಜಾ॑ತಾಯ ಕೇ॒ತವೇ॑ ದಿ॒ವಸ್ಪು॒ತ್ರಾಯ॒ ಸೂರ್ಯಾ॑ಯ ಶಗ್ಂಸತ॒ ವರು॑ಣಸ್ಯ॒ ಸ್ಕಮ್ಭ॑ನಮಸಿ॒ ವರು॑ಣಸ್ಯ ಸ್ಕಮ್ಭ॒ಸರ್ಜ॑ನ-ಮ॒ಸ್ಯುನ್ಮು॑ಕ್ತೋ॒ ವರು॑ಣಸ್ಯ॒ ಪಾಶಃ॑ ॥ 17 ॥
( ಮಿ॒ತ್ರಸ್ಯ॒-ತ್ರಯೋ॑ವಿಗ್ಂಶತಿಶ್ಚ ) (ಅ. 9)
ಅ॒ಗ್ನೇ-ರಾ॑ತಿ॒ಥ್ಯಮ॑ಸಿ॒ ವಿಷ್ಣ॑ವೇ ತ್ವಾ॒ ಸೋಮ॑ಸ್ಯಾ-ಽಽತಿ॒ಥ್ಯಮ॑ಸಿ॒ ವಿಷ್ಣ॑ವೇ॒ ತ್ವಾ-ಽತಿ॑ಥೇರಾತಿ॒ಥ್ಯಮ॑ಸಿ॒ ವಿಷ್ಣ॑ವೇ ತ್ವಾ॒-ಽಗ್ನಯೇ᳚ ತ್ವಾ ರಾಯಸ್ಪೋಷ॒ದಾವ್ನ್ನೇ॒ ವಿಷ್ಣ॑ವೇ ತ್ವಾ ಶ್ಯೇ॒ನಾಯ॑ ತ್ವಾ ಸೋಮ॒ಭೃತೇ॒ ವಿಷ್ಣ॑ವೇ ತ್ವಾ॒ ಯಾ ತೇ॒ ಧಾಮಾ॑ನಿ ಹ॒ವಿಷಾ॒ ಯಜ॑ನ್ತಿ॒ ತಾ ತೇ॒ ವಿಶ್ವಾ॑ ಪರಿ॒ಭೂರ॑ಸ್ತು ಯ॒ಜ್ಞ-ಙ್ಗ॑ಯ॒ಸ್ಫಾನಃ॑ ಪ್ರ॒ತರ॑ಣ-ಸ್ಸು॒ವೀರೋ-ಽವೀ॑ರಹಾ॒ ಪ್ರಚ॑ರಾ ಸೋಮ॒ ದುರ್ಯಾ॒ನದಿ॑ತ್ಯಾ॒-ಸ್ಸದೋ॒-ಽಸ್ಯದಿ॑ತ್ಯಾ॒-ಸ್ಸದ॒ ಆ- [ಸದ॒ ಆ, ಸೀ॒ದ॒ ವರು॑ಣೋ-ಽಸಿ] ॥ 18 ॥
ಸೀ॑ದ॒ ವರು॑ಣೋ-ಽಸಿ ಧೃ॒ತವ್ರ॑ತೋ ವಾರು॒ಣಮ॑ಸಿ ಶಂ॒ಯೋಁ-ರ್ದೇ॒ವಾನಾಗ್ಂ॑ ಸ॒ಖ್ಯಾನ್ಮಾ ದೇ॒ವಾನಾ॑-ಮ॒ಪಸ॑-ಶ್ಛಿಥ್ಸ್ಮ॒ಹ್ಯಾಪ॑ತಯೇ ತ್ವಾ ಗೃಹ್ಣಾಮಿ॒ ಪರಿ॑ಪತಯೇ ತ್ವಾ ಗೃಹ್ಣಾಮಿ॒ ತನೂ॒ನಪ್ತ್ರೇ᳚ ತ್ವಾ ಗೃಹ್ಣಾಮಿ ಶಾಕ್ವ॒ರಾಯ॑ ತ್ವಾ ಗೃಹ್ಣಾಮಿ॒ ಶಕ್ಮ॒ನ್ನೋಜಿ॑ಷ್ಠಾಯ ತ್ವಾ ಗೃಹ್ಣಾ॒ಮ್ಯ-ನಾ॑ಧೃಷ್ಟಮಸ್ಯ-ನಾಧೃ॒ಷ್ಯ-ನ್ದೇ॒ವಾನಾ॒ಮೋಜೋ॑- ಽಭಿಷಸ್ತಿ॒ಪಾ ಅ॑ನಭಿಶಸ್ತೇ॒-ಽನ್ಯಮನು॑ ಮೇ ದೀ॒ಖ್ಷಾ-ನ್ದೀ॒ಖ್ಷಾಪ॑ತಿ-ರ್ಮನ್ಯತಾ॒ಮನು॒ ತಪ॒ಸ್ತಪ॑ಸ್ಪತಿ॒ರಞ್ಜ॑ಸಾ ಸ॒ತ್ಯಮುಪ॑ ಗೇಷಗ್ಂ ಸುವಿ॒ತೇ ಮಾ॑ ಧಾಃ ॥ 19 ॥
( ಆ-ಮೈ-ಕ॑-ಞ್ಚ ) (ಅ. 10)
ಅ॒ಗ್ಂ॒ಶುರಗ್ಂ॑ಶುಸ್ತೇ ದೇವ ಸೋ॒ಮಾ-ಽಽಪ್ಯಾ॑ಯತಾ॒-ಮಿನ್ದ್ರಾ॑ಯೈಕಧನ॒ವಿದ॒ ಆ ತುಭ್ಯ॒ಮಿನ್ದ್ರಃ॑ ಪ್ಯಾಯತಾ॒ಮಾ ತ್ವಮಿನ್ದ್ರಾ॑ಯ ಪ್ಯಾಯ॒ಸ್ವಾ-ಽಽಪ್ಯಾ॑ಯಯ॒ ಸಖೀ᳚ನ್-ಥ್ಸ॒ನ್ಯಾ ಮೇ॒ಧಯಾ᳚ ಸ್ವ॒ಸ್ತಿ ತೇ॑ ದೇವ ಸೋಮ ಸು॒ತ್ಯಾಮ॑ಶೀ॒ಯೇಷ್ಟಾ॒ ರಾಯಃ॒ ಪ್ರೇಷೇ ಭಗಾ॑ಯ॒ರ್ತಮೃ॑ತವಾ॒ದಿಭ್ಯೋ॒ ನಮೋ॑ ದಿ॒ವೇ ನಮಃ॑ ಪೃಥಿ॒ವ್ಯಾ ಅಗ್ನೇ᳚ ವ್ರತಪತೇ॒ ತ್ವಂ-ವ್ರಁ॒ತಾನಾಂ᳚-ವ್ರಁ॒ತಪ॑ತಿರಸಿ॒ ಯಾ ಮಮ॑ ತ॒ನೂರೇ॒ಷಾ ಸಾ ತ್ವಯಿ॒ [ತ್ವಯಿ॑, ಯಾ ತವ॑] ॥ 20 ॥
ಯಾ ತವ॑ ತ॒ನೂರಿ॒ಯಗ್ಂ ಸಾ ಮಯಿ॑ ಸ॒ಹ ನೌ᳚ ವ್ರತಪತೇ ವ್ರ॒ತಿನೋ᳚-ರ್ವ್ರ॒ತಾನಿ॒ ಯಾ ತೇ॑ ಅಗ್ನೇ॒ ರುದ್ರಿ॑ಯಾ ತ॒ನೂಸ್ತಯಾ॑ ನಃ ಪಾಹಿ॒ ತಸ್ಯಾ᳚ಸ್ತೇ॒ ಸ್ವಾಹಾ॒ ಯಾ ತೇ॑ ಅಗ್ನೇ-ಽಯಾಶ॒ಯಾ ರ॑ಜಾಶ॒ಯಾ ಹ॑ರಾಶ॒ಯಾ ತ॒ನೂರ್ವರ್ಷಿ॑ಷ್ಠಾ ಗಹ್ವರೇ॒ಷ್ಠೋ-ಽಗ್ರಂ-ವಁಚೋ॒ ಅಪಾ॑ವಧೀ-ನ್ತ್ವೇ॒ಷಂ-ವಁಚೋ॒ ಅಪಾ॑ವಧೀ॒ಗ್॒ ಸ್ವಾಹಾ᳚ ॥ 21 ॥
( ತ್ವಯಿ॑-ಚತ್ವಾರಿ॒ಗ್ಂ॒ಶಚ್ಚ॑ ) (ಅ. 11)
ವಿ॒ತ್ತಾಯ॑ನೀ ಮೇ-ಽಸಿ ತಿ॒ಕ್ತಾಯ॑ನೀ ಮೇ॒-ಽಸ್ಯವ॑ತಾನ್ಮಾ ನಾಥಿ॒ತಮವ॑ತಾನ್ಮಾ ವ್ಯಥಿ॒ತಂ-ವಿಁ॒ದೇರ॒ಗ್ನಿರ್ನಭೋ॒ ನಾಮಾಗ್ನೇ॑ ಅಙ್ಗಿರೋ॒ ಯೋ᳚-ಽಸ್ಯಾ-ಮ್ಪೃ॑ಥಿ॒ವ್ಯಾಮಸ್ಯಾಯು॑ಷಾ॒ ನಾಮ್ನೇಹಿ॒ ಯತ್ತೇ-ಽನಾ॑ಧೃಷ್ಟ॒-ನ್ನಾಮ॑ ಯ॒ಜ್ಞಿಯ॒-ನ್ತೇನ॒ ತ್ವಾ-ಽಽದ॒ಧೇ-ಽಗ್ನೇ॑ ಅಙ್ಗಿರೋ॒ ಯೋ ದ್ವಿ॒ತೀಯ॑ಸ್ಯಾ-ನ್ತೃ॒ತೀಯ॑ಸ್ಯಾ-ಮ್ಪೃಥಿ॒ವ್ಯಾ-ಮಸ್ಯಾಯು॑ಷಾ॒ ನಾಮ್ನೇಹಿ॒ ಯತ್ತೇ-ಽನಾ॑ಧೃಷ್ಟ॒-ನ್ನಾಮ॑- [ ] 22
ಯ॒ಜ್ಞಿಯ॒-ನ್ತೇನ॒ ತ್ವಾ-ಽಽದ॑ಧೇ ಸಿ॒ಗ್ಂ॒ಹೀರ॑ಸಿ ಮಹಿ॒ಷೀರ॑ಸ್ಯು॒ರು ಪ್ರ॑ಥಸ್ವೋ॒ರು ತೇ॑ ಯ॒ಜ್ಞಪ॑ತಿಃ ಪ್ರಥತಾ-ನ್ಧ್ರು॒ವಾ-ಽಸಿ॑ ದೇ॒ವೇಭ್ಯ॑-ಶ್ಶುನ್ಧಸ್ವ ದೇ॒ವೇಭ್ಯ॑-ಶ್ಶುಮ್ಭಸ್ವೇನ್ದ್ರಘೋ॒ಷಸ್ತ್ವಾ॒ ವಸು॑ಭಿಃ ಪು॒ರಸ್ತಾ᳚-ತ್ಪಾತು॒ ಮನೋ॑ಜವಾಸ್ತ್ವಾ ಪಿ॒ತೃಭಿ॑-ರ್ದಖ್ಷಿಣ॒ತಃ ಪಾ॑ತು॒ ಪ್ರಚೇ॑ತಾಸ್ತ್ವಾ ರು॒ದ್ರೈಃ ಪ॒ಶ್ಚಾ-ತ್ಪಾ॑ತು ವಿ॒ಶ್ವಕ॑ರ್ಮಾ ತ್ವಾ-ಽಽದಿ॒ತ್ಯೈರು॑ತ್ತರ॒ತಃ ಪಾ॑ತು ಸಿ॒ಗ್ಂ॒ಹೀರ॑ಸಿ ಸಪತ್ನಸಾ॒ಹೀ ಸ್ವಾಹಾ॑ ಸಿ॒ಗ್ಂ॒ಹೀರ॑ಸಿ ಸುಪ್ರಜಾ॒ವನಿ॒-ಸ್ಸ್ವಾಹಾ॑ ಸಿ॒ಗ್ಂ॒ಹೀ- [ಸಿ॒ಗ್ಂ॒ಹೀಃ, ಅ॒ಸಿ॒ ರಾ॒ಯ॒ಸ್ಪೋ॒ಷ॒ವನಿ॒-ಸ್ಸ್ವಾಹಾ॑] 23
ರ॑ಸಿ ರಾಯಸ್ಪೋಷ॒ವನಿ॒-ಸ್ಸ್ವಾಹಾ॑ ಸಿ॒ಗ್ಂ॒ಹೀರ॑ಸ್ಯಾದಿತ್ಯ॒ವನಿ॒-ಸ್ಸ್ವಾಹಾ॑ ಸಿ॒ಗ್ಂ॒ಹೀರ॒ಸ್ಯಾ ವ॑ಹ ದೇ॒ವಾನ್ದೇ॑ವಯ॒ತೇ ಯಜ॑ಮಾನಾಯ॒ ಸ್ವಾಹಾ॑ ಭೂ॒ತೇಭ್ಯ॑ಸ್ತ್ವಾ ವಿ॒ಶ್ವಾಯು॑ರಸಿ ಪೃಥಿ॒ವೀ-ನ್ದೃಗ್ಂ॑ಹ ಧ್ರುವ॒ಖ್ಷಿದ॑ಸ್ಯ॒ನ್ತರಿ॑ಖ್ಷ-ನ್ದೃಗ್ಂಹಾಚ್ಯುತ॒ಖ್ಷಿದ॑ಸಿ॒ ದಿವ॑-ನ್ದೃಗ್ಂಹಾ॒ಗ್ನೇ-ರ್ಭಸ್ಮಾ᳚ಸ್ಯ॒ಗ್ನೇಃ ಪುರೀ॑ಷಮಸಿ ॥ 24 ॥
(ನಾಮ॑-ಸುಪ್ರಜಾ॒ವನಿ॒-ಸ್ಸ್ವಾಹಾ॑ ಸಿ॒ಗ್ಂ॒ಸೀಃ; ಪಞ್ಚ॑ತ್ರಿಗ್ಂಶಚ್ಚ ) (ಅ. 12)
ಯು॒ಞ್ಜತೇ॒ ಮನ॑ ಉ॒ತ ಯು॑ಞ್ಜತೇ॒ ಧಿಯೋ॒ ವಿಪ್ರಾ॒ ವಿಪ್ರ॑ಸ್ಯ ಬೃಹ॒ತೋ ವಿ॑ಪ॒ಶ್ಚಿತಃ॑ । ವಿ ಹೋತ್ರಾ॑ ದಧೇ ವಯುನಾ॒ವಿದೇಕ॒ ಇನ್ಮ॒ಹೀ ದೇ॒ವಸ್ಯ॑ ಸವಿ॒ತುಃ ಪರಿ॑ಷ್ಟುತಿಃ ॥ ಸು॒ವಾಗ್ದೇ॑ವ॒ ದುರ್ಯಾ॒ಗ್ಂ॒ ಆ ವ॑ದ ದೇವ॒ಶ್ರುತೌ॑ ದೇ॒ವೇಷ್ವಾ ಘೋ॑ಷೇಥಾ॒ಮಾ ನೋ॑ ವೀ॒ರೋ ಜಾ॑ಯತಾ-ಙ್ಕರ್ಮ॒ಣ್ಯೋ॑ ಯಗ್ಂ ಸರ್ವೇ॑-ಽನು॒ ಜೀವಾ॑ಮ॒ ಯೋ ಬ॑ಹೂ॒ನಾಮಸ॑ದ್ವ॒ಶೀ ॥ ಇ॒ದಂ-ವಿಁಷ್ಣು॒-ರ್ವಿಚ॑ಕ್ರಮೇ ತ್ರೇ॒ಧಾ ನಿ ದ॑ಧೇ ಪ॒ದಮ್ ॥ ಸಮೂ॑ಢಮಸ್ಯ [ಸಮೂ॑ಢಮಸ್ಯ, ಪಾ॒ಗ್ಂ॒ಸು॒ರ] 25
ಪಾಗ್ಂಸು॒ರ ಇರಾ॑ವತೀ ಧೇನು॒ಮತೀ॒ ಹಿ ಭೂ॒ತಗ್ಂ ಸೂ॑ಯವ॒ಸಿನೀ॒ ಮನ॑ವೇ ಯಶ॒ಸ್ಯೇ᳚ । ವ್ಯ॑ಸ್ಕಭ್ನಾ॒-ದ್ರೋದ॑ಸೀ॒ ವಿಷ್ಣು॑ರೇ॒ತೇ ದಾ॒ಧಾರ॑ ಪೃಥಿ॒ವೀಮ॒ಭಿತೋ॑ ಮ॒ಯೂಖೈಃ᳚ ॥ ಪ್ರಾಚೀ॒ ಪ್ರೇತ॑ಮದ್ಧ್ವ॒ರ-ಙ್ಕ॒ಲ್ಪಯ॑ನ್ತೀ ಊ॒ರ್ಧ್ವಂ-ಯಁ॒ಜ್ಞ-ನ್ನ॑ಯತ॒-ಮ್ಮಾ ಜೀ᳚ಹ್ವರತ॒ಮತ್ರ॑ ರಮೇಥಾಂ॒-ವಁರ್ಷ್ಮ॑-ನ್ಪೃಥಿ॒ವ್ಯಾ ದಿ॒ವೋ ವಾ॑ ವಿಷ್ಣವು॒ತ ವಾ॑ ಪೃಥಿ॒ವ್ಯಾ ಮ॒ಹೋ ವಾ॑ ವಿಷ್ಣವು॒ತ ವಾ॒-ಽನ್ತರಿ॑ಖ್ಷಾ॒ದ್ಧಸ್ತೌ॑ ಪೃಣಸ್ವ ಬ॒ಹುಭಿ॑-ರ್ವಸ॒ವ್ಯೈ॑ರಾ ಪ್ರ ಯ॑ಚ್ಛ॒ [ಪ್ರ ಯ॑ಚ್ಛ, ದಖ್ಷಿ॑ಣಾ॒ದೋತ] 26
ದಖ್ಷಿ॑ಣಾ॒ದೋತ ಸ॒ವ್ಯಾತ್ । ವಿಷ್ಣೋ॒ರ್ನುಕಂ॑-ವೀಁ॒ರ್ಯಾ॑ಣಿ॒ ಪ್ರ ವೋ॑ಚಂ॒-ಯಃ ಁಪಾರ್ಥಿ॑ವಾನಿ ವಿಮ॒ಮೇ ರಜಾಗ್ಂ॑ಸಿ॒ ಯೋ ಅಸ್ಕ॑ಭಾಯ॒ದುತ್ತ॑ರಗ್ಂ ಸ॒ಧಸ್ಥಂ॑-ವಿಁಚಕ್ರಮಾ॒ಣ ಸ್ತ್ರೇ॒ಧೋರು॑ಗಾ॒ಯೋ ವಿಷ್ಣೋ॑ ರ॒ರಾಟ॑ಮಸಿ॒ ವಿಷ್ಣೋಃ᳚ ಪೃ॒ಷ್ಠಮ॑ಸಿ॒ ವಿಷ್ಣೋ॒-ಶ್ಶ್ಞಪ್ತ್ರೇ᳚ ಸ್ಥೋ॒ ವಿಷ್ಣೋ॒-ಸ್ಸ್ಯೂರ॑ಸಿ॒ ವಿಷ್ಣೋ᳚-ರ್ಧ್ರು॒ವಮ॑ಸಿ ವೈಷ್ಣ॒ವಮ॑ಸಿ॒ ವಿಷ್ಣ॑ವೇ ತ್ವಾ ॥ 27 ॥
( ಅ॒ಸ್ಯ॒-ಯ॒ಚ್ಛೈಕಾ॒ನ್ನ ಚ॑ತ್ವಾರಿ॒ಗ್ಂ॒ಶಚ್ಚ॑ ) (ಅ. 13)
ಕೃ॒ಣು॒ಷ್ವ ಪಾಜಃ॒ ಪ್ರಸಿ॑ತಿ॒ನ್ನ ಪೃ॒ಥ್ವೀಂ-ಯಾಁ॒ಹಿ ರಾಜೇ॒ವಾಮ॑ವಾ॒ಗ್ಂ॒ ಇಭೇ॑ನ । ತೃ॒ಷ್ವೀಮನು॒ ಪ್ರಸಿ॑ತಿಂ-ದ್ರೂಣಾ॒ನೋ-ಽಸ್ತಾ॑-ಽಸಿ॒ ವಿದ್ಧ್ಯ॑ ರ॒ಖ್ಷಸ॒ ಸ್ತಪಿ॑ಷ್ಠೈಃ ॥ ತವ॑ ಭ್ರ॒ಮಾಸ॑ ಆಶು॒ಯಾ ಪ॑ನ್ತ॒ತ್ಯನು॑ ಸ್ಪೃಶ-ಧೃಷ॒ತಾ ಶೋಶು॑ಚಾನಃ । ತಪೂಗ್॑ಷ್ಯಗ್ನೇ ಜು॒ಹ್ವಾ॑ ಪತ॒ಙ್ಗಾನಸ॑ನ್ದಿತೋ॒ ವಿಸೃ॑ಜ॒ ವಿಷ್ವ॑ಗು॒ಲ್ಕಾಃ ॥ ಪ್ರತಿ॒ಸ್ಪಶೋ॒ ವಿಸೃ॑ಜ॒-ತೂರ್ಣಿ॑ತಮೋ॒ ಭವಾ॑ ಪಾ॒ಯುರ್ವಿ॒ಶೋ ಅ॒ಸ್ಯಾ ಅದ॑ಬ್ಧಃ । ಯೋ ನೋ॑ ದೂ॒ರೇ ಅ॒ಘಶಗ್ಂ॑ಸೋ॒ [ಅ॒ಘಶಗ್ಂ॑ಸಃ, ಯೋ ಅನ್ತ್ಯಗ್ನೇ॒] 28
ಯೋ ಅನ್ತ್ಯಗ್ನೇ॒ ಮಾಕಿ॑ಷ್ಟೇ॒ ವ್ಯಥಿ॒ರಾ ದ॑ಧರ್ಷೀತ್ ॥ ಉದ॑ಗ್ನೇ ತಿಷ್ಠ॒ ಪ್ರತ್ಯಾ ಽಽತ॑ನುಷ್ವ॒ ನ್ಯ॑ಮಿತ್ರಾಗ್ಂ॑ ಓಷತಾ-ತ್ತಿಗ್ಮಹೇತೇ । ಯೋ ನೋ॒ ಅರಾ॑ತಿಗ್ಂ ಸಮಿಧಾನ ಚ॒ಕ್ರೇ ನೀ॒ಚಾ ತ-ನ್ಧ॑ಖ್ಷ್ಯತ॒ಸ-ನ್ನ ಶುಷ್ಕ᳚ಮ್ ॥ ಊ॒ರ್ಧ್ವೋ ಭ॑ವ॒ ಪ್ರತಿ॑ವಿ॒ದ್ಧ್ಯಾ-ಽದ್ಧ್ಯ॒ಸ್ಮದಾ॒ವಿಷ್ಕೃ॑ಣುಷ್ವ॒ ದೈವ್ಯಾ᳚ನ್ಯಗ್ನೇ । ಅವ॑ಸ್ಥಿ॒ರಾ ತ॑ನುಹಿ ಯಾತು॒ಜೂನಾ᳚-ಞ್ಜಾ॒ಮಿಮಜಾ॑ಮಿಂ॒ ಪ್ರಮೃ॑ಣೀಹಿ॒ ಶತ್ರೂನ್॑ ॥ ಸ ತೇ॑ [ಸ ತೇ᳚, ಜಾ॒ನಾ॒ತಿ॒ ಸು॒ಮ॒ತಿಂ] 29
ಜಾನಾತಿ ಸುಮ॒ತಿಂ-ಯಁ॑ವಿಷ್ಠ॒ಯ ಈವ॑ತೇ॒ ಬ್ರಹ್ಮ॑ಣೇ ಗಾ॒ತುಮೈರ॑ತ್ । ವಿಶ್ವಾ᳚ನ್ಯಸ್ಮೈ ಸು॒ದಿನಾ॑ನಿ ರಾ॒ಯೋ ದ್ಯು॒ಮ್ನಾನ್ಯ॒ರ್ಯೋ ವಿದುರೋ॑ ಅ॒ಭಿ ದ್ಯೌ᳚ತ್ ॥ ಸೇದ॑ಗ್ನೇ ಅಸ್ತು ಸು॒ಭಗ॑-ಸ್ಸು॒ದಾನು॒-ರ್ಯಸ್ತ್ವಾ॒ ನಿತ್ಯೇ॑ನ ಹ॒ವಿಷಾ॒ಯ ಉ॒ಕ್ಥೈಃ । ಪಿಪ್ರೀ॑ಷತಿ॒ ಸ್ವ ಆಯು॑ಷಿ ದುರೋ॒ಣೇ ವಿಶ್ವೇದ॑ಸ್ಮೈ ಸು॒ದಿನಾ॒ ಸಾ-ಽಸ॑ದಿ॒ಷ್ಟಿಃ ॥ ಅರ್ಚಾ॑ಮಿ ತೇ ಸುಮ॒ತಿ-ಙ್ಘೋಷ್ಯ॒ರ್ವಾಖ್-ಸನ್ತೇ॑ ವಾ॒ ವಾ ತಾ॑ ಜರತಾ- [ವಾ॒ ವಾ ತಾ॑ ಜರತಾಮ್, ಇ॒ಯಙ್ಗೀಃ] 30
ಮಿ॒ಯಙ್ಗೀಃ । ಸ್ವಶ್ವಾ᳚ಸ್ತ್ವಾ ಸು॒ರಥಾ॑ ಮರ್ಜಯೇಮಾ॒ಸ್ಮೇ ಖ್ಷ॒ತ್ರಾಣಿ॑ ಧಾರಯೇ॒ರನು॒ ದ್ಯೂನ್ ॥ ಇ॒ಹ ತ್ವಾ॒ ಭೂರ್ಯಾ ಚ॑ರೇ॒ ದುಪ॒ತ್ಮ-ನ್ದೋಷಾ॑ವಸ್ತ-ರ್ದೀದಿ॒ವಾಗ್ಂಸ॒ಮನು॒ ದ್ಯೂನ್ । ಕ್ರೀಡ॑ನ್ತಸ್ತ್ವಾ ಸು॒ಮನ॑ಸ-ಸ್ಸಪೇಮಾ॒ಭಿ ದ್ಯು॒ಮ್ನಾ ತ॑ಸ್ಥಿ॒ವಾಗ್ಂಸೋ॒ ಜನಾ॑ನಾಮ್ ॥ ಯಸ್ತ್ವಾ॒-ಸ್ವಶ್ವ॑-ಸ್ಸುಹಿರ॒ಣ್ಯೋ ಅ॑ಗ್ನ ಉಪ॒ಯಾತಿ॒ ವಸು॑ಮತಾ॒ ರಥೇ॑ನ । ತಸ್ಯ॑ ತ್ರಾ॒ತಾ-ಭ॑ವಸಿ॒ ತಸ್ಯ॒ ಸಖಾ॒ ಯಸ್ತ॑ ಆತಿ॒ಥ್ಯಮಾ॑ನು॒ಷಗ್ ಜುಜೋ॑ಷತ್ ॥ ಮ॒ಹೋ ರು॑ಜಾಮಿ – [ ] 31
ಬ॒ನ್ಧುತಾ॒ ವಚೋ॑ಭಿ॒ಸ್ತನ್ಮಾ॑ ಪಿ॒ತುರ್ಗೋತ॑ಮಾ॒ದ-ನ್ವಿ॑ಯಾಯ । ತ್ವನ್ನೋ॑ ಅ॒ಸ್ಯ ವಚ॑ಸ-ಶ್ಚಿಕಿದ್ಧಿ॒ ಹೋತ॑ರ್ಯವಿಷ್ಠ ಸುಕ್ರತೋ॒ ದಮೂ॑ನಾಃ ॥ ಅಸ್ವ॑ಪ್ನಜ ಸ್ತ॒ರಣ॑ಯ-ಸ್ಸು॒ಶೇವಾ॒ ಅತ॑ನ್ದ್ರಾಸೋ-ಽವೃ॒ಕಾ ಅಶ್ರ॑ಮಿಷ್ಠಾಃ । ತೇ ಪಾ॒ಯವ॑-ಸ್ಸ॒ದ್ಧ್ರಿಯ॑ಞ್ಚೋ ನಿ॒ಷದ್ಯಾ-ಽಗ್ನೇ॒ ತವ॑ನಃ ಪಾನ್ತ್ವಮೂರ ॥ ಯೇ ಪಾ॒ಯವೋ॑ ಮಾಮತೇ॒ಯ-ನ್ತೇ॑ ಅಗ್ನೇ॒ ಪಶ್ಯ॑ನ್ತೋ ಅ॒ನ್ಧ-ನ್ದು॑ರಿ॒ತಾದರ॑ಖ್ಷನ್ನ್ । ರ॒ರಖ್ಷ॒ತಾನ್-ಥ್ಸು॒ಕೃತೋ॑ ವಿ॒ಶ್ವವೇ॑ದಾ॒ ದಿಫ್ಸ॑ನ್ತ॒ ಇದ್ರಿ॒ಪವೋ॒ ನಾ ಹ॑ [ನಾ ಹ॑, ದೇ॒ಭುಃ॒] 32
ದೇಭುಃ ॥ ತ್ವಯಾ॑ ವ॒ಯಗ್ಂ ಸ॑ಧ॒ನ್ಯ॑-ಸ್ತ್ವೋತಾ॒-ಸ್ತವ॒ ಪ್ರಣೀ᳚ತ್ಯಶ್ಯಾಮ॒ ವಾಜಾನ್॑ । ಉ॒ಭಾ ಶಗ್ಂಸಾ॑ ಸೂದಯ ಸತ್ಯತಾತೇ-ಽನುಷ್ಠು॒ಯಾ ಕೃ॑ಣುಹ್ಯಹ್ರಯಾಣ ॥ ಅ॒ಯಾ ತೇ॑ ಅಗ್ನೇ ಸ॒ಮಿಧಾ॑ ವಿಧೇಮ॒ ಪ್ರತಿ॒ಸ್ತೋಮಗ್ಂ॑ ಶ॒ಸ್ಯಮಾ॑ನ-ಙ್ಗೃಭಾಯ । ದಹಾ॒ಶಸೋ॑ ರ॒ಖ್ಷಸಃ॑ ಪಾ॒ಹ್ಯ॑ಸ್ಮಾ-ನ್ದ್ರು॒ಹೋ ನಿ॒ದೋ ಮಿ॑ತ್ರಮಹೋ ಅವ॒ದ್ಯಾತ್ ॥ ರ॒ಖ್ಷೋ॒ಹಣಂ॑ ವಾಁ॒ಜಿನ॒ಮಾಜಿ॑ಘರ್ಮಿ ಮಿ॒ತ್ರ-ಮ್ಪ್ರಥಿ॑ಷ್ಠ॒-ಮುಪ॑ಯಾಮಿ॒ ಶರ್ಮ॑ । ಶಿಶಾ॑ನೋ ಅ॒ಗ್ನಿಃ ಕ್ರತು॑ಭಿ॒-ಸ್ಸಮಿ॑ದ್ಧ॒ಸ್ಸನೋ॒ ದಿವಾ॒ [ದಿವಾ᳚, ಸರಿ॒ಷಃ ಪಾ॑ತು॒ ನಕ್ತಂ᳚] 33
ಸರಿ॒ಷಃ ಪಾ॑ತು॒ ನಕ್ತ᳚ಮ್ ॥ ವಿಜ್ಯೋತಿ॑ಷಾ ಬೃಹ॒ತಾ ಭಾ᳚ತ್ಯ॒ಗ್ನಿ-ರಾ॒ವಿ-ರ್ವಿಶ್ವಾ॑ನಿ ಕೃಣುತೇ ಮಹಿ॒ತ್ವಾ । ಪ್ರಾದೇ॑ವೀ-ರ್ಮಾ॒ಯಾ-ಸ್ಸ॑ಹತೇ-ದು॒ರೇವಾ॒-ಶ್ಶಿಶೀ॑ತೇ॒ ಶೃಙ್ಗೇ॒ ರಖ್ಷ॑ಸೇ ವಿ॒ನಿಖ್ಷೇ᳚ ॥ ಉ॒ತ ಸ್ವಾ॒ನಾಸೋ॑ ದಿ॒ವಿಷ॑ನ್ತ್ವ॒ಗ್ನೇ ಸ್ತಿ॒ಗ್ಮಾಯು॑ಧಾ॒ ರಖ್ಷ॑ಸೇ॒ ಹನ್ತ॒ವಾ ಉ॑ । ಮದೇ॑ ಚಿದಸ್ಯ॒ ಪ್ರರು॑ಜನ್ತಿ॒ ಭಾಮಾ॒ ನ ವ॑ರನ್ತೇ ಪರಿ॒ಬಾಧೋ॒ ಅದೇ॑ವೀಃ ॥ 34 ॥
(ಅ॒ಘಶಗ್ಂ॑ಸಃ॒-ಸ ತೇ॑-ಜರತಾಗ್ಂ-ರುಜಾಮಿ-ಹ॒ -ದಿವೈ – ಕ॑ಚತ್ವಾರಿಗ್ಂಶಚ್ಚ) (ಅ. 14)
(ಆಪ॑ ಉನ್ದ॒, ನ್ತ್ವಾಕೂ᳚ತ್ಯೈ॒, ದೈವೀ॑, ಮಿ॒ಯನ್ತೇ॒, ವಸ್ವ್ಯ॑ಸ್ಯ॒ಗ್ಂ॒ ಶುನಾ॑ ತೇ॒, ಸೋಮ॑ನ್ತ॒, ಉದಾಯು॑ಷಾ॒, ಪ್ರ ಚ್ಯ॑ವಸ್ವಾ॒, ಽಗ್ನೇ ರಾ॑ತಿ॒ಥ್ಯ, -ಮ॒ಗ್ಂ॒ಶುರಗ್ಂ॑ ಶು, ರ್ವಿ॒ತ್ತಾಯ॑ನೀ ಮೇ-ಽಸಿ, ಯು॒ಞ್ಚತೇ॑, ಕೃಣು॒ಷ್ವ ಪಾಜ॒, ಶ್ಚತು॑ರ್ದಶ ।)
(ಆಪೋ॒-ವಸ್ವ್ಯ॑ಸಿ॒ ಯಾ ತವೇ॒-ಯಙ್ಗೀ-ಶ್ಚತು॑ಸ್ತ್ರಿಗ್ಂಶತ್ ।)
(ಆಪ॑ ಉನ್ದ॒ನ್, ತ್ವದೇ॑ವೀಃ)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪ್ರಥಮಕಾಣ್ಡೇ ದ್ವಿತೀಯಃ ಪ್ರಶ್ನ-ಸ್ಸಮಾಪ್ತಃ ॥