ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪ್ರಥಮಕಾಣ್ಡೇ ಸಪ್ತಮಃ ಪ್ರಶ್ನಃ – ಯಾಜಮಾನ ಬ್ರಾಹ್ಮಣಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಪಾ॒ಕ॒ಯ॒ಜ್ಞಂ-ವಾಁ ಅನ್ವಾಹಿ॑ತಾಗ್ನೇಃ ಪ॒ಶವ॒ ಉಪ॑ ತಿಷ್ಠನ್ತ॒ ಇಡಾ॒ ಖಲು॒ ವೈ ಪಾ॑ಕಯ॒ಜ್ಞ-ಸ್ಸೈಷಾ-ಽನ್ತ॒ರಾ ಪ್ರ॑ಯಾಜಾನೂಯಾ॒ಜಾನ್. ಯಜ॑ಮಾನಸ್ಯ ಲೋ॒ಕೇ-ಽವ॑ಹಿತಾ॒ ತಾಮಾ᳚ಹ್ರಿ॒ಯಮಾ॑ಣಾಮ॒ಭಿ ಮ॑ನ್ತ್ರಯೇತ॒ ಸುರೂ॑ಪವರ್ಷವರ್ಣ॒ ಏಹೀತಿ॑ ಪ॒ಶವೋ॒ ವಾ ಇಡಾ॑ ಪ॒ಶೂನೇ॒ವೋಪ॑ ಹ್ವಯತೇ ಯ॒ಜ್ಞಂ-ವೈಁ ದೇ॒ವಾ ಅದು॑ಹ್ರನ್. ಯ॒ಜ್ಞೋ-ಽಸು॑ರಾಗ್ಂ ಅದುಹ॒-ತ್ತೇ-ಽಸು॑ರಾ ॒ಜ್ಞದು॑ಗ್ಧಾಃ॒ ಪರಾ॑-ಽಭವ॒ನ್॒. ಯೋ ವೈ ಯ॒ಜ್ಞಸ್ಯ॒ ದೋಹಂ॑-ವಿಁ॒ದ್ವಾನ್ [ ] 1
ಯಜ॒ತೇ-ಽಪ್ಯ॒ನ್ಯಂ-ಯಁಜ॑ಮಾನ-ನ್ದುಹೇ॒ ಸಾ ಮೇ॑ ಸ॒ತ್ಯಾ-ಽಽಶೀರ॒ಸ್ಯ ಯ॒ಜ್ಞಸ್ಯ॑ ಭೂಯಾ॒ದಿತ್ಯಾ॑ಹೈ॒ಷ ವೈ ಯ॒ಜ್ಞಸ್ಯ॒ ದೋಹ॒ಸ್ತೇನೈ॒ವೈನ॑-ನ್ದುಹೇ॒ ಪ್ರತ್ತಾ॒ ವೈ ಗೌರ್ದು॑ಹೇ॒ ಪ್ರತ್ತೇಡಾ॒ ಯಜ॑ಮಾನಾಯ ದುಹ ಏ॒ತೇ ವಾ ಇಡಾ॑ಯೈ॒ ಸ್ತನಾ॒ ಇಡೋಪ॑ಹೂ॒ತೇತಿ॑ ವಾ॒ಯುರ್ವ॒ಥ್ಸೋ ಯರ್ಹಿ॒ ಹೋತೇಡಾ॑ಮುಪ॒ಹ್ವಯೇ॑ತ॒ ತರ್ಹಿ॒ ಯಜ॑ಮಾನೋ॒ ಹೋತಾ॑ರ॒ಮೀಖ್ಷ॑ಮಾಣೋ ವಾ॒ಯು-ಮ್ಮನ॑ಸಾ ಧ್ಯಾಯೇ- [ಧ್ಯಾಯೇತ್, ಮಾ॒ತ್ರೇ] 2
-ನ್ಮಾ॒ತ್ರೇ ವ॒ಥ್ಸ-ಮು॒ಪಾವ॑ಸೃಜತಿ॒ ಸರ್ವೇ॑ಣ॒ ವೈ ಯ॒ಜ್ಞೇನ॑ ದೇ॒ವಾ-ಸ್ಸು॑ವ॒ರ್ಗಂ-ಲೋಁ॒ಕಮಾ॑ಯ-ನ್ಪಾಕಯ॒ಜ್ಞೇನ॒ ಮನು॑ರಶ್ರಾಮ್ಯ॒ಥ್ಸೇಡಾ॒ ಮನು॑ಮು॒ಪಾವ॑ರ್ತತ॒ ತಾ-ನ್ದೇ॑ವಾಸು॒ರಾ ವ್ಯ॑ಹ್ವಯನ್ತ ಪ್ರ॒ತೀಚೀ᳚-ನ್ದೇ॒ವಾಃ ಪರಾ॑ಚೀ॒ಮಸು॑ರಾ॒-ಸ್ಸಾ ದೇ॒ವಾನು॒ಪಾವ॑ರ್ತತ ಪ॒ಶವೋ॒ ವೈ ತ-ದ್ದೇ॒ವಾನ॑ವೃಣತ ಪ॒ಶವೋ-ಽಸು॑ರಾನಜಹು॒ರ್ಯ-ಙ್ಕಾ॒ಮಯೇ॑ತಾಪ॒ಶು-ಸ್ಸ್ಯಾ॒ದಿತಿ॒ ಪರಾ॑ಚೀ॒-ನ್ತಸ್ಯೇಡಾ॒ಮುಪ॑ ಹ್ವಯೇತಾಪ॒ಶುರೇ॒ವ ಭ॑ವತಿ॒ ಯಂ- [ಭ॑ವತಿ॒ ಯಮ್, ಕಾ॒ಮಯೇ॑ತ] 3
-ಕಾ॒ಮಯೇ॑ತ ಪಶು॒ಮಾನ್-ಥ್ಸ್ಯಾ॒ದಿತಿ॑ ಪ್ರ॒ತೀಚೀ॒-ನ್ತಸ್ಯೇಡಾ॒-ಮುಪ॑ ಹ್ವಯೇತ ಪಶು॒ಮಾನೇ॒ವ ಭ॑ವತಿ ಬ್ರಹ್ಮವಾ॒ದಿನೋ॑ ವದನ್ತಿ॒ ಸ ತ್ವಾ ಇಡಾ॒ಮುಪ॑ ಹ್ವಯೇತ॒ ಯ ಇಡಾ॑- ಮುಪ॒ಹೂಯಾ॒ತ್ಮಾನ॒-ಮಿಡಾ॑ಯಾ-ಮುಪ॒ಹ್ವಯೇ॒ತೇತಿ॒ ಸಾ ನಃ॑ ಪ್ರಿ॒ಯಾ ಸು॒ಪ್ರತೂ᳚ರ್ತಿ-ರ್ಮ॒ಘೋನೀತ್ಯಾ॒ಹೇಡಾ॑-ಮೇ॒ವೋಪ॒ಹೂಯಾ॒-ಽಽತ್ಮಾನ॒ -ಮಿಡಾ॑ಯಾ॒ಮುಪ॑ ಹ್ವಯತೇ॒ ವ್ಯ॑ಸ್ತಮಿವ॒ ವಾ ಏ॒ತ-ದ್ಯ॒ಜ್ಞಸ್ಯ॒ ಯದಿಡಾ॑ ಸಾ॒ಮಿ ಪ್ರಾ॒ಶ್ಞನ್ತಿ॑ [ ] 4
ಸಾ॒ಮಿ ಮಾ᳚ರ್ಜಯನ್ತ ಏ॒ತ-ತ್ಪ್ರತಿ॒ ವಾ ಅಸು॑ರಾಣಾಂ-ಯಁ॒ಜ್ಞೋ ವ್ಯ॑ಚ್ಛಿದ್ಯತ॒ ಬ್ರಹ್ಮ॑ಣಾ ದೇ॒ವಾ-ಸ್ಸಮ॑ದಧು॒-ರ್ಬೃಹ॒ಸ್ಪತಿ॑ -ಸ್ತನುತಾಮಿ॒ಮ-ನ್ನ॒ ಇತ್ಯಾ॑ಹ॒ ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿ॒-ರ್ಬ್ರಹ್ಮ॑ಣೈ॒ವ ಯ॒ಜ್ಞಗ್ಂ ಸ-ನ್ದ॑ಧಾತಿ॒ ವಿಚ್ಛಿ॑ನ್ನಂ-ಯಁ॒ಜ್ಞಗ್ಂ ಸಮಿ॒ಮ-ನ್ದ॑ಧಾ॒ತ್ವಿತ್ಯಾ॑ಹ॒ ಸನ್ತ॑ತ್ಯೈ॒ ವಿಶ್ವೇ॑ ದೇ॒ವಾ ಇ॒ಹ ಮಾ॑ದಯನ್ತಾ॒ಮಿತ್ಯಾ॑ಹ ಸ॒ನ್ತತ್ಯೈ॒ವ ಯ॒ಜ್ಞ-ನ್ದೇ॒ವೇಭ್ಯೋ-ಽನು॑ ದಿಶತಿ॒ ಯಾಂ-ವೈಁ [ ] 5
ಯ॒ಜ್ಞೇ ದಖ್ಷಿ॑ಣಾ॒-ನ್ದದಾ॑ತಿ॒ ತಾಮ॑ಸ್ಯ ಪ॒ಶವೋ-ಽನು॒ ಸ-ಙ್ಕ್ರಾ॑ಮನ್ತಿ॒ ಸ ಏ॒ಷ ಈ॑ಜಾ॒ನೋ॑-ಽಪ॒ಶು-ರ್ಭಾವು॑ಕೋ॒ ಯಜ॑ಮಾನೇನ॒ ಖಲು॒ ವೈ ತತ್ಕಾ॒ರ್ಯ॑-ಮಿತ್ಯಾ॑ಹು॒-ರ್ಯಥಾ॑ ದೇವ॒ತ್ರಾ ದ॒ತ್ತ-ಙ್ಕು॑ರ್ವೀ॒ತಾತ್ಮ-ನ್ಪ॒ಶೂ-ನ್ರ॒ಮಯೇ॒ತೇತಿ॒ ಬ್ರದ್ಧ್ನ॒ ಪಿನ್ವ॒ಸ್ವೇತ್ಯಾ॑ಹ ಯ॒ಜ್ಞೋ ವೈ ಬ್ರ॒ದ್ಧ್ನೋ ಯ॒ಜ್ಞಮೇ॒ವ ತನ್ಮ॑ಹಯ॒ತ್ಯಥೋ॑ ದೇವ॒ತ್ರೈವ ದ॒ತ್ತ-ಙ್ಕು॑ರುತ ಆ॒ತ್ಮ-ನ್ಪ॒ಶೂ-ನ್ರ॑ಮಯತೇ॒ ದದ॑ತೋ ಮೇ॒ ಮಾ ಖ್ಷಾ॒ಯೀತ್ಯಾ॒ಹಾಖ್ಷಿ॑ತಿ-ಮೇ॒ವೋಪೈ॑ತಿ ಕುರ್ವ॒ತೋ ಮೇ॒ ಮೋಪ॑ ದಸ॒ದಿತ್ಯಾ॑ಹ ಭೂ॒ಮಾನ॑ಮೇ॒ವೋಪೈ॑ತಿ ॥ 6 ॥
(ವಿ॒ದ್ವಾನ್-ಧ್ಯಾ॑ಯೇ-ದ್ಭವತಿ॒ ಯಂ-ಪ್ರಾ॒ಶ್ಞನ್ತಿ॒-ಯಾಂ-ವೈಁ-ಮ॒-ಏಕಾ॒ನ್ನವಿಗ್ಂ॑ಶ॒ತಿಶ್ಚ॑ ) (ಅ. 1)
ಸಗ್ಗ್ಶ್ರ॑ವಾ ಹ ಸೌವರ್ಚನ॒ಸಃ ತುಮಿ॑ಞ್ಜ॒ಮೌಪೋ॑ದಿತಿ-ಮುವಾಚ॒ ಯಥ್ಸ॒ತ್ರಿಣಾ॒ಗ್ಂ॒ ಹೋತಾ-ಽಭೂಃ॒ ಕಾಮಿಡಾ॒ಮುಪಾ᳚ಹ್ವಥಾ॒ ಇತಿ॒ ತಾಮುಪಾ᳚ಹ್ವ॒ ಇತಿ॑ ಹೋವಾಚ॒ ಯಾ ಪ್ರಾ॒ಣೇನ॑ ದೇ॒ವಾ-ನ್ದಾ॒ಧಾರ॑ ವ್ಯಾ॒ನೇನ॑ ಮನು॒ಷ್ಯಾ॑ನಪಾ॒ನೇನ॑ ಪಿ॒ತೃನಿತಿ॑ ಛಿ॒ನತ್ತಿ॒ ಸಾ ನ ಛಿ॑ನ॒ತ್ತೀ(3) ಇತಿ॑ ಛಿ॒ನತ್ತೀತಿ॑ ಹೋವಾಚ॒ ಶರೀ॑ರಂ॒-ವಾಁ ಅ॑ಸ್ಯೈ॒ ತದುಪಾ᳚ಹ್ವಥಾ॒ ಇತಿ॑ ಹೋವಾಚ॒ ಗೌರ್ವಾ [ಗೌರ್ವೈ, ಅ॒ಸ್ಯೈ॒ ಶರೀ॑ರಂ॒] 7
ಅ॑ಸ್ಯೈ॒ ಶರೀ॑ರ॒-ಙ್ಗಾಂ-ವಾಁವ ತೌ ತ-ತ್ಪರ್ಯ॑ವದತಾಂ॒-ಯಾಁ ಯ॒ಜ್ಞೇ ದೀ॒ಯತೇ॒ ಸಾ ಪ್ರಾ॒ಣೇನ॑ ದೇ॒ವಾ-ನ್ದಾ॑ಧಾರ॒ ಯಯಾ॑ ಮನು॒ಷ್ಯಾ॑ ಜೀವ॑ನ್ತಿ॒ ಸಾ ವ್ಯಾ॒ನೇನ॑ ಮನು॒ಷ್ಯಾನ್॑ ಯಾ-ಮ್ಪಿ॒ತೃಭ್ಯೋ॒ ಘ್ನನ್ತಿ॒ ಸಾ-ಽಪಾ॒ನೇನ॑ ಪಿ॒ತೄನ್. ಯ ಏ॒ವಂ ವೇಁದ॑ ಪಶು॒ಮಾ-ನ್ಭ॑ವ॒ತ್ಯಥ॒ ವೈ ತಾಮುಪಾ᳚ಹ್ವ॒ ಇತಿ॑ ಹೋವಾಚ॒ ಯಾ ಪ್ರ॒ಜಾಃ ಪ್ರ॒ಭವ॑ನ್ತೀಃ॒ ಪ್ರತ್ಯಾ॒ಭವ॒ತೀತ್ಯನ್ನಂ॒ ವಾಁ ಅ॑ಸ್ಯೈ॒ ತ- [ಅ॑ಸ್ಯೈ॒ ತತ್, ಉಪಾ᳚ಹ್ವಥಾ॒ ಇತಿ॑] 8
-ದುಪಾ᳚ಹ್ವಥಾ॒ ಇತಿ॑ ಹೋವಾ॒ಚೌಷ॑ಧಯೋ॒ ವಾ ಅ॑ಸ್ಯಾ॒ ಅನ್ನ॒ಮೋಷ॑ಧಯೋ॒ ವೈ ಪ್ರ॒ಜಾಃ ಪ್ರ॒ಭವ॑ನ್ತೀಃ॒ ಪ್ರತ್ಯಾ ಭ॑ವನ್ತಿ॒ ಯ ಏ॒ವಂ-ವೇಁದಾ᳚ನ್ನಾ॒ದೋ ಭ॑ವ॒ತ್ಯಥ॒ ವೈ ತಾಮುಪಾ᳚ಹ್ವ॒ ಇತಿ॑ ಹೋವಾಚ॒ ಯಾ ಪ್ರ॒ಜಾಃ ಪ॑ರಾ॒ಭವ॑ನ್ತೀ-ರನುಗೃ॒ಹ್ಣಾತಿ॒ ಪ್ರತ್ಯಾ॒ಭವ॑ನ್ತೀ-ರ್ಗೃ॒ಹ್ಣಾತೀತಿ॑ ಪ್ರತಿ॒ಷ್ಠಾಂ-ವಾಁ ಅ॑ಸ್ಯೈ॒ ತದುಪಾ᳚ಹ್ವಥಾ॒ ಇತಿ॑ ಹೋವಾಚೇ॒ಯಂ-ವಾಁ ಅ॑ಸ್ಯೈ ಪ್ರತಿ॒ಷ್ಠೇ [ಪ್ರತಿ॒ಷ್ಠಾ, ಇ॒ಯಂ-ವೈಁ] 9
ಯಂ-ವೈಁ ಪ್ರ॒ಜಾಃ ಪ॑ರಾ॒ಭವ॑ನ್ತೀ॒ರನು॑ ಗೃಹ್ಣಾತಿ॒ ಪ್ರತ್ಯಾ॒ಭವ॑ನ್ತೀ-ರ್ಗೃಹ್ಣಾತಿ॒ ಯ ಏ॒ವಂ-ವೇಁದ॒ ಪ್ರತ್ಯೇ॒ವ ತಿ॑ಷ್ಠ॒ತ್ಯಥ॒ ವೈ ತಾಮುಪಾ᳚ಹ್ವ॒ ಇತಿ॑ ಹೋವಾಚ॒ ಯಸ್ಯೈ॑ ನಿ॒ಕ್ರಮ॑ಣೇ ಘೃ॒ತ-ಮ್ಪ್ರ॒ಜಾ-ಸ್ಸ॒ಞ್ಜೀವ॑ನ್ತೀಃ॒ ಪಿಬ॒ನ್ತೀತಿ॑ ಛಿ॒ನತ್ತಿ॒ ಸಾ ನ ಛಿ॑ನ॒ತ್ತೀ (3) ಇತಿ॒ ನ ಛಿ॑ನ॒ತ್ತೀತಿ॑ ಹೋವಾಚ॒ ಪ್ರ ತು ಜ॑ನಯ॒ತೀತ್ಯೇ॒ಷ ವಾ ಇಡಾ॒ಮುಪಾ᳚ಹ್ವಥಾ॒ ಇತಿ॑ ಹೋವಾಚ॒ ವೃಷ್ಟಿ॒ರ್॒ವಾ ಇಡಾ॒ ವೃಷ್ಟ್ಯೈ॒ ವೈ ನಿ॒ಕ್ರಮ॑ಣೇ ಘೃ॒ತ-ಮ್ಪ್ರ॒ಜಾ-ಸ್ಸ॒ಞ್ಜೀವ॑ನ್ತೀಃ ಪಿಬನ್ತಿ॒ ಯ ಏ॒ವಂ-ವೇಁದ॒ ಪ್ರೈವ ಜಾ॑ಯತೇ-ಽನ್ನಾ॒ದೋ ಭ॑ವತಿ ॥ 10 ॥
(ಗೌರ್ವಾ-ಅ॑ಸ್ಯೈ॒ ತತ್-ಪ್ರ॑ತಿ॒ಷ್ಠಾ-ಽಹ್ವ॑ಥಾ॒ ಇತಿ॑-ವಿಗ್ಂಶ॒ತಿಶ್ಚ॑) (ಅ. 2)
ಪ॒ರೋಖ್ಷಂ॒-ವಾಁ ಅ॒ನ್ಯೇ ದೇ॒ವಾ ಇ॒ಜ್ಯನ್ತೇ᳚ ಪ್ರ॒ತ್ಯಖ್ಷ॑ಮ॒ನ್ಯೇ ಯ-ದ್ಯಜ॑ತೇ॒ ಯ ಏ॒ವ ದೇ॒ವಾಃ ಪ॒ರೋಖ್ಷ॑ಮಿ॒ಜ್ಯನ್ತೇ॒ ತಾನೇ॒ವ ತ-ದ್ಯ॑ಜತಿ॒ ಯದ॑ನ್ವಾಹಾ॒ರ್ಯ॑-ಮಾ॒ಹರ॑ತ್ಯೇ॒ತೇ ವೈ ದೇ॒ವಾಃ ಪ್ರ॒ತ್ಯಖ್ಷಂ॒-ಯಁ-ದ್ಬ್ರಾ᳚ಹ್ಮ॒ಣಾಸ್ತಾನೇ॒ವ ತೇನ॑ ಪ್ರೀಣಾ॒ತ್ಯಥೋ॒ ದಖ್ಷಿ॑ಣೈ॒ವಾಸ್ಯೈ॒ಷಾ-ಽಥೋ॑ ಯ॒ಜ್ಞಸ್ಯೈ॒ವ ಛಿ॒ದ್ರಮಪಿ॑ ದಧಾತಿ॒ ಯದ್ವೈ ಯ॒ಜ್ಞಸ್ಯ॑ ಕ್ರೂ॒ರಂ-ಯಁದ್ವಿಲಿ॑ಷ್ಟ॒-ನ್ತದ॑ನ್ವಾಹಾ॒ರ್ಯೇ॑ಣಾ॒- [ತದ॑ನ್ವಾಹಾ॒ರ್ಯೇ॑ಣ, ಅ॒ನ್ವಾಹ॑ರತಿ॒] 11
-ಽನ್ವಾಹ॑ರತಿ॒ ತದ॑ನ್ವಾಹಾ॒ರ್ಯ॑ಸ್ಯಾ-ನ್ವಾಹಾರ್ಯ॒ತ್ವ-ನ್ದೇ॑ವದೂ॒ತಾ ವಾ ಏ॒ತೇ ಯದ್-ಋ॒ತ್ವಿಜೋ॒ ಯದ॑ನ್ವಾಹಾ॒ರ್ಯ॑-ಮಾ॒ಹರ॑ತಿ ದೇವದೂ॒ತಾನೇ॒ವ ಪ್ರೀ॑ಣಾತಿ ಪ್ರ॒ಜಾಪ॑ತಿ-ರ್ದೇ॒ವೇಭ್ಯೋ॑ ಯ॒ಜ್ಞಾನ್ ವ್ಯಾದಿ॑ಶ॒-ಥ್ಸ ರಿ॑ರಿಚಾ॒ನೋ॑-ಽಮನ್ಯತ॒ ಸ ಏ॒ತಮ॑ನ್ವಾಹಾ॒ರ್ಯ॑-ಮಭ॑ಕ್ತ-ಮಪಶ್ಯ॒-ತ್ತಮಾ॒ತ್ಮನ್ನ॑ಧತ್ತ॒ಸ ವಾ ಏ॒ಷ ಪ್ರಾ॑ಜಾಪ॒ತ್ಯೋ ಯದ॑ನ್ವಾಹಾ॒ರ್ಯೋ॑ ಯಸ್ಯೈ॒ವಂ-ವಿಁ॒ದುಷೋ᳚-ಽನ್ವಾಹಾ॒ರ್ಯ॑ ಆಹ್ರಿ॒ಯತೇ॑ ಸಾ॒ಖ್ಷಾದೇ॒ವ ಪ್ರ॒ಜಾಪ॑ತಿ-ಮೃದ್ಧ್ನೋ॒ತ್ಯಪ॑ರಿಮಿತೋನಿ॒ರುಪ್ಯೋ-ಽಪ॑ರಿಮಿತಃ ಪ್ರ॒ಜಾಪ॑ತಿಃ ಪ್ರ॒ಜಾಪ॑ತೇ॒- [ಪ್ರ॒ಜಾಪ॑ತೇಃ, ಆಪ್ತ್ಯೈ॑] 12
-ರಾಪ್ತ್ಯೈ॑ ದೇ॒ವಾ ವೈ ಯ-ದ್ಯ॒ಜ್ಞೇ-ಽಕು॑ರ್ವತ॒ ತದಸು॑ರಾ ಅಕುರ್ವತ॒ ತೇ ದೇ॒ವಾ ಏ॒ತ-ಮ್ಪ್ರಾ॑ಜಾಪ॒ತ್ಯ-ಮ॑ನ್ವಾಹಾ॒ರ್ಯ॑-ಮಪಶ್ಯ॒-ನ್ತಮ॒ನ್ವಾಹ॑ರನ್ತ॒ ತತೋ॑ ದೇ॒ವಾ ಅಭ॑ವ॒-ನ್ಪರಾಸು॑ರಾ॒ ಯಸ್ಯೈ॒ವಂ-ವಿಁ॒ದುಷೋ᳚-ಽನ್ವಾಹಾ॒ರ್ಯ॑ ಆಹ್ರಿ॒ಯತೇ॒ ಭವ॑ತ್ಯಾ॒ತ್ಮನಾ॒ ಪರಾ᳚ಸ್ಯ॒ ಭ್ರಾತೃ॑ವ್ಯೋ ಭವತಿ ಯ॒ಜ್ಞೇನ॒ ವಾ ಇ॒ಷ್ಟೀ ಪ॒ಕ್ವೇನ॑ ಪೂ॒ರ್ತೀ ಯಸ್ಯೈ॒ವಂ-ವಿಁ॒ದುಷೋ᳚-ಽನ್ವಾಹಾ॒ರ್ಯ॑ ಆಹ್ರಿ॒ಯತೇ॒ ಸ ತ್ವೇ॑ವೇಷ್ಟಾ॑ಪೂ॒ರ್ತೀ ಪ್ರ॒ಜಾಪ॑ತೇರ್ಭಾ॒ಗೋ॑-ಽಸೀ- [ಪ್ರ॒ಜಾಪ॑ತೇರ್ಭಾ॒ಗೋ॑-ಽಸೀ, ಇತ್ಯಾ॑ಹ] 13
-ತ್ಯಾ॑ಹ ಪ್ರ॒ಜಾಪ॑ತಿಮೇ॒ವ ಭಾ॑ಗ॒ಧೇಯೇ॑ನ॒ ಸಮ॑ರ್ಧಯ॒ತ್ಯೂರ್ಜ॑ಸ್ವಾ॒-ನ್ಪಯ॑ಸ್ವಾ॒ನಿತ್ಯಾ॒ಹೋರ್ಜ॑-ಮೇ॒ವಾಸ್ಮಿ॒-ನ್ಪಯೋ॑ ದಧಾತಿ ಪ್ರಾಣಾಪಾ॒ನೌ ಮೇ॑ ಪಾಹಿ ಸಮಾನವ್ಯಾ॒ನೌ ಮೇ॑ ಪಾ॒ಹೀತ್ಯಾ॑ಹಾ॒-ಽಽಶಿಷ॑ಮೇ॒ವೈತಾಮಾ ಶಾ॒ಸ್ತೇ ಽಖ್ಷಿ॑ತೋ॒ ಽಸ್ಯಖ್ಷಿ॑ತ್ಯೈ ತ್ವಾ॒ ಮಾ ಮೇ᳚ ಖ್ಷೇಷ್ಠಾ ಅ॒ಮುತ್ರಾ॒ಮುಷ್ಮಿ॑-ಲ್ಲೋಁ॒ಕ ಇತ್ಯಾ॑ಹ॒ ಖ್ಷೀಯ॑ತೇ॒ ವಾ ಅ॒ಮುಷ್ಮಿ॑-ಲ್ಲೋಁ॒ಕೇ-ಽನ್ನ॑-ಮಿ॒ತಃಪ್ರ॑ದಾನ॒ಗ್ಗ್॒ ಹ್ಯ॑ಮುಷ್ಮಿ-ಲ್ಲೋಁ॒ಕೇ ಪ್ರ॒ಜಾ ಉ॑ಪ॒ಜೀವ॑ನ್ತಿ॒ ಯದೇ॒ವ-ಮ॑ಭಿಮೃ॒ಶತ್ಯಖ್ಷಿ॑ತಿ-ಮೇ॒ವೈನ॑-ದ್ಗಮಯತಿ॒ ನಾಸ್ಯಾ॒ಮುಷ್ಮಿ॑-ಲ್ಲೋಁ॒ಕೇ-ಽನ್ನ॑-ಙ್ಖ್ಷೀಯತೇ ॥ 14 ॥
(ಅ॒ನ್ವಾ॒ಹಾ॒ರ್ಯೇ॑ಣ-ಪ್ರ॒ಜಾಪ॑ತೇ-ರಸಿ॒-ಹ್ಯ॑ಮುಷ್ಮಿ॑-ಲ್ಲೋಁ॒ಕೇ-ಪಞ್ಚ॑ದಶ ಚ ) (ಅ. 3)
ಬ॒ರ್॒ಹಿಷೋ॒-ಽಹ-ನ್ದೇ॑ವಯ॒ಜ್ಯಯಾ᳚ ಪ್ರ॒ಜಾವಾ᳚-ನ್ಭೂಯಾಸ॒ಮಿತ್ಯಾ॑ಹ ಬ॒ರ್॒ಹಿಷಾ॒ ವೈ ಪ್ರ॒ಜಾಪ॑ತಿಃ ಪ್ರ॒ಜಾ ಅ॑ಸೃಜತ॒ ತೇನೈ॒ವ ಪ್ರ॒ಜಾ-ಸ್ಸೃ॑ಜತೇ॒ ನರಾ॒ಶಗ್ಂಸ॑ಸ್ಯಾ॒ಹ-ನ್ದೇ॑ವಯ॒ಜ್ಯಯಾ॑ ಪಶು॒ಮಾ-ನ್ಭೂ॑ಯಾಸ॒ಮಿತ್ಯಾ॑ಹ॒ ನರಾ॒ಶಗ್ಂಸೇ॑ನ॒ ವೈ ಪ್ರ॒ಜಾಪ॑ತಿಃ ಪ॒ಶೂನ॑ಸೃಜತ॒ ತೇನೈ॒ವ ಪ॒ಶೂನ್-ಥ್ಸೃ॑ಜತೇ॒-ಽಗ್ನೇ-ಸ್ಸ್ವಿ॑ಷ್ಟ॒ಕೃತೋ॒-ಽಹ-ನ್ದೇ॑ವಯ॒ಜ್ಯಯಾ-ಽಽಯು॑ಷ್ಮಾನ್. ಯ॒ಜ್ಞೇನ॑ ಪ್ರತಿ॒ಷ್ಠಾ-ಙ್ಗ॑ಮೇಯ॒ಮಿತ್ಯಾ॒ಹಾ-ಽಽಯು॑ರೇ॒ವಾತ್ಮ-ನ್ಧ॑ತ್ತೇ॒ ಪ್ರತಿ॑ ಯ॒ಜ್ಞೇನ॑ ತಿಷ್ಠತಿ ದರ್ಶಪೂರ್ಣಮಾ॒ಸಯೋ॒- [ದರ್ಶಪೂರ್ಣಮಾ॒ಸಯೋಃ᳚, ವೈ ದೇ॒ವಾ] 15
-ರ್ವೈ ದೇ॒ವಾ ಉಜ್ಜಿ॑ತಿ॒-ಮನೂದ॑ಜಯ-ನ್ದರ್ಶಪೂರ್ಣಮಾ॒ಸಾಭ್ಯಾ॒- ಮಸು॑ರಾ॒ನಪಾ॑-ನುದನ್ತಾ॒ಗ್ನೇ-ರ॒ಹಮುಜ್ಜಿ॑ತಿ॒-ಮನೂಜ್ಜೇ॑ಷ॒-ಮಿತ್ಯಾ॑ಹ ದರ್ಶಪೂರ್ಣಮಾ॒ಸಯೋ॑ರೇ॒ವ ದೇ॒ವತಾ॑ನಾಂ॒-ಯಁಜ॑ಮಾನ॒ ಉಜ್ಜಿ॑ತಿ॒ಮನೂಜ್ಜ॑ಯತಿ ದರ್ಶಪೂರ್ಣಮಾ॒ಸಾಭ್ಯಾ॒-ಮ್ಭ್ರಾತೃ॑ವ್ಯಾ॒ನಪ॑ ನುದತೇ॒ ವಾಜ॑ವತೀಭ್ಯಾಂ॒-ವ್ಯೂಁ॑ಹ॒ತ್ಯನ್ನಂ॒-ವೈಁ ವಾಜೋ-ಽನ್ನ॑ಮೇ॒ವಾವ॑ ರುನ್ಧೇ॒ ದ್ವಾಭ್ಯಾ॒-ಮ್ಪ್ರತಿ॑ಷ್ಠಿತ್ಯೈ॒ ಯೋ ವೈ ಯ॒ಜ್ಞಸ್ಯ॒ ದ್ವೌ ದೋಹೌ॑ ವಿ॒ದ್ವಾನ್ ಯಜ॑ತ ಉಭ॒ಯತ॑ [ಉಭ॒ಯತಃ॑, ಏ॒ವ ಯ॒ಜ್ಞಂ] 16
ಏ॒ವ ಯ॒ಜ್ಞ-ನ್ದು॑ಹೇ ಪು॒ರಸ್ತಾ᳚ಚ್ಚೋ॒ಪರಿ॑ಷ್ಟಾಚ್ಚೈ॒ಷ ವಾ ಅ॒ನ್ಯೋ ಯ॒ಜ್ಞಸ್ಯ॒ ದೋಹ॒ ಇಡಾ॑ಯಾಮ॒ನ್ಯೋ ಯರ್ಹಿ॒ ಹೋತಾ॒ ಯಜ॑ಮಾನಸ್ಯ॒ ನಾಮ॑ ಗೃಹ್ಣೀ॒ಯಾ-ತ್ತರ್ಹಿ॑ ಬ್ರೂಯಾ॒ದೇಮಾ ಅ॑ಗ್ಮನ್ನಾ॒ಶಿಷೋ॒ ದೋಹ॑ಕಾಮಾ॒ ಇತಿ॒ ಸಗ್ಗ್ಸ್ತು॑ತಾ ಏ॒ವ ದೇ॒ವತಾ॑ ದು॒ಹೇ-ಽಥೋ॑ ಉಭ॒ಯತ॑ ಏ॒ವ ಯ॒ಜ್ಞ-ನ್ದು॑ಹೇ ಪು॒ರಸ್ತಾ᳚ಚ್ಚೋ॒ಪರಿ॑ಷ್ಟಾಚ್ಚ॒ ರೋಹಿ॑ತೇನ ತ್ವಾ॒-ಽಗ್ನಿರ್ದೇ॒ವತಾ᳚-ಙ್ಗಮಯ॒ತ್ವಿತ್ಯಾ॑ಹೈ॒ತೇ ವೈ ದೇ॑ವಾ॒ಶ್ವಾ [ವೈ ದೇ॑ವಾ॒ಶ್ವಾಃ, ಯಜ॑ಮಾನಃ ಪ್ರಸ್ತ॒ರೋ] 17
ಯಜ॑ಮಾನಃ ಪ್ರಸ್ತ॒ರೋ ಯದೇ॒ತೈಃ ಪ್ರ॑ಸ್ತ॒ರ-ಮ್ಪ್ರ॒ಹರ॑ತಿ ದೇವಾ॒ಶ್ವೈರೇ॒ವ ಯಜ॑ಮಾನಗ್ಂ ಸುವ॒ರ್ಗಂ-ಲೋಁ॒ಕ-ಙ್ಗ॑ಮಯತಿ॒ ವಿ ತೇ॑ ಮುಞ್ಚಾಮಿ ರಶ॒ನಾ ವಿ ರ॒ಶ್ಮೀನಿತ್ಯಾ॑ಹೈ॒ಷ ವಾ ಅ॒ಗ್ನೇರ್ವಿ॑ಮೋ॒ಕಸ್ತೇ-ನೈ॒ವೈನಂ॒-ವಿಁಮು॑ಞ್ಚತಿ ॒ವಿಷ್ಣೋ᳚-ಶ್ಶಂ॒ಯೋಁರ॒ಹ-ನ್ದೇ॑ವಯ॒ಜ್ಯಯಾ॑ ಯ॒ಜ್ಞೇನ॑ ಪ್ರತಿ॒ಷ್ಠಾ-ಙ್ಗ॑ಮೇಯ॒ಮಿತ್ಯಾ॑ಹ ಯ॒ಜ್ಞೋ ವೈ ವಿಷ್ಣು॑-ರ್ಯ॒ಜ್ಞ ಏ॒ವಾನ್ತ॒ತಃ ಪ್ರತಿ॑ ತಿಷ್ಠತಿ॒ ಸೋಮ॑ಸ್ಯಾ॒ಹ-ನ್ದೇ॑ವಯ॒ಜ್ಯಯಾ॑ ಸು॒ರೇತಾ॒ [ಸು॒ರೇತಾಃ᳚, ರೇತೋ॑] 18
ರೇತೋ॑ ಧಿಷೀ॒ಯೇತ್ಯಾ॑ಹ॒ ಸೋಮೋ॒ ವೈ ರೇ॑ತೋ॒ಧಾಸ್ತೇನೈ॒ವ ರೇತ॑ ಆ॒ತ್ಮ-ನ್ಧ॑ತ್ತೇ॒ ತ್ವಷ್ಟು॑ರ॒ಹ-ನ್ದೇ॑ವಯ॒ಜ್ಯಯಾ॑ ಪಶೂ॒ನಾಗ್ಂ ರೂ॒ಪ-ಮ್ಪು॑ಷೇಯ॒ಮಿತ್ಯಾ॑ಹ॒ ತ್ವಷ್ಟಾ॒ ವೈ ಪ॑ಶೂ॒ನಾ-ಮ್ಮಿ॑ಥು॒ನಾನಾಗ್ಂ॑ ರೂಪ॒ಕೃತ್ತೇನೈ॒ವ ಪ॑ಶೂ॒ನಾಗ್ಂ ರೂ॒ಪಮಾ॒ತ್ಮ-ನ್ಧ॑ತ್ತೇ ದೇ॒ವಾನಾ॒-ಮ್ಪತ್ನೀ॑ರ॒ಗ್ನಿ-ರ್ಗೃ॒ಹಪ॑ತಿ-ರ್ಯ॒ಜ್ಞಸ್ಯ॑ ಮಿಥು॒ನ-ನ್ತಯೋ॑ರ॒ಹ-ನ್ದೇ॑ವಯ॒ಜ್ಯಯಾ॑ ಮಿಥು॒ನೇನ॒ ಪ್ರಭೂ॑ಯಾಸ॒-ಮಿತ್ಯಾ॑ಹೈ॒ತಸ್ಮಾ॒-ದ್ವೈ ಮಿ॑ಥು॒ನಾ-ತ್ಪ್ರ॒ಜಾಪ॑ತಿ-ರ್ಮಿಥು॒ನೇನ॒ [ರ್ಮಿಥು॒ನೇನ॑, ಪ್ರಾ-ಽಜಾ॑ಯತ॒] 19
ಪ್ರಾ-ಽಜಾ॑ಯತ॒ ತಸ್ಮಾ॑ದೇ॒ವ ಯಜ॑ಮಾನೋ ಮಿಥು॒ನೇನ॒ ಪ್ರಜಾ॑ಯತೇ ವೇ॒ದೋ॑-ಽಸಿ॒ ವಿತ್ತಿ॑ರಸಿ ವಿ॒ದೇಯೇತ್ಯಾ॑ಹ ವೇ॒ದೇನ॒ ವೈ ದೇ॒ವಾ ಅಸು॑ರಾಣಾಂ-ವಿಁ॒ತ್ತಂ-ವೇಁದ್ಯ॑ಮವಿನ್ದನ್ತ॒ ತ-ದ್ವೇ॒ದಸ್ಯ॑ ವೇದ॒ತ್ವಂ-ಯಁದ್ಯ॒-ದ್ಭ್ರಾತೃ॑ವ್ಯಸ್ಯಾಭಿ॒ದ್ಧ್ಯಾಯೇ॒-ತ್ತಸ್ಯ॒ ನಾಮ॑ ಗೃಹ್ಣೀಯಾ॒-ತ್ತದೇ॒ವಾಸ್ಯ॒ ಸರ್ವಂ॑-ವೃಁಙ್ಕ್ತೇ ಘೃ॒ತವ॑ನ್ತ-ಙ್ಕುಲಾ॒ಯಿನಗ್ಂ॑ ರಾ॒ಯಸ್ಪೋಷಗ್ಂ॑ ಸಹ॒ಸ್ರಿಣಂ॑-ವೇಁ॒ದೋ ದ॑ದಾತು ವಾ॒ಜಿನ॒ಮಿತ್ಯಾ॑ಹ॒ ಪ್ರಸ॒ಹಸ್ರ॑-ಮ್ಪ॒ಶೂನಾ᳚ಪ್ನೋ॒ತ್ಯಾ ಸ್ಯ॑ ಪ್ರ॒ಜಾಯಾಂ᳚-ವಾಁ॒ಜೀ ಜಾ॑ಯತೇ॒ ಯ ಏ॒ವಂ-ವೇಁದ॑ ॥ 20 ॥
(ದ॒ರ್॒ಶ॒ಪೂ॒ರ್ಣ॒ಮಾಸಯೋ॑-ರುಭ॒ಯತೋ॑-ದೇವಾ॒ಶ್ವಾಃ-ಸು॒ರೇತಾಃ᳚-ಪ್ರ॒ಜಾಪ॑ತಿ-ರ್ಮಿಥು॒ನೇನಾ᳚-ಪ್ನೋತ್ಯ॒-ಷ್ಟೌ ಚ॑) (ಅ. 4)
ಧ್ರು॒ವಾಂ-ವೈಁ ರಿಚ್ಯ॑ಮಾನಾಂ-ಯಁ॒ಜ್ಞೋ-ಽನು॑ ರಿಚ್ಯತೇ ಯ॒ಜ್ಞಂ-ಯಁಜ॑ಮಾನೋ॒ ಯಜ॑ಮಾನ-ಮ್ಪ್ರ॒ಜಾ ಧ್ರು॒ವಾಮಾ॒ಪ್ಯಾಯ॑ಮಾನಾಂ-ಯಁ॒ಜ್ಞೋ-ಽನ್ವಾ ಪ್ಯಾ॑ಯತೇ ಯ॒ಜ್ಞಂ-ಯಁಜ॑ಮಾನೋ॒ ಯಜ॑ಮಾನ-ಮ್ಪ್ರ॒ಜಾ ಆ ಪ್ಯಾ॑ಯತಾ-ನ್ಧ್ರು॒ವಾ ಘೃ॒ತೇನೇತ್ಯಾ॑ಹ ಧ್ರು॒ವಾಮೇ॒ವಾ ಽಽ ಪ್ಯಾ॑ಯಯತಿ॒ ತಾಮಾ॒ಪ್ಯಾಯ॑ಮಾನಾಂ-ಯಁ॒ಜ್ಞೋ-ಽನ್ವಾ ಪ್ಯಾ॑ಯತೇ ಯ॒ಜ್ಞಂ-ಯಁಜ॑ಮಾನೋ॒ ಯಜ॑ಮಾನ-ಮ್ಪ್ರ॒ಜಾಃ ಪ್ರ॒ಜಾಪ॑ತೇ-ರ್ವಿ॒ಭಾನ್ನಾಮ॑ ಲೋ॒ಕಸ್ತಸ್ಮಿಗ್ಗ್॑ಸ್ತ್ವಾ ದಧಾಮಿ ಸ॒ಹ ಯಜ॑ಮಾನೇ॒ನೇ- [ಯಜ॑ಮಾನೇ॒ನೇತಿ, ಆ॒ಹಾ॒-ಽಯಂ-ವೈಁ] 21
-ತ್ಯಾ॑ಹಾ॒-ಽಯಂ-ವೈಁ ಪ್ರ॒ಜಾಪ॑ತೇ-ರ್ವಿ॒ಭಾನ್ನಾಮ॑ ಲೋ॒ಕಸ್ತಸ್ಮಿ॑-ನ್ನೇ॒ವೈನ॑-ನ್ದಧಾತಿ ಸ॒ಹ ಯಜ॑ಮಾನೇನ॒ ರಿಚ್ಯ॑ತ ಇವ॒ ವಾ ಏ॒ತ-ದ್ಯ-ದ್ಯಜ॑ತೇ॒ ಯ-ದ್ಯ॑ಜಮಾನಭಾ॒ಗ-ಮ್ಪ್ರಾ॒ಶ್ಞಾತ್ಯಾ॒ತ್ಮಾನ॑ಮೇ॒ವ ಪ್ರೀ॑ಣಾತ್ಯೇ॒ತಾವಾ॒ನ್॒. ವೈ ಯ॒ಜ್ಞೋ ಯಾವಾನ್॑. ಯಜಮಾನಭಾ॒ಗೋ ಯ॒ಜ್ಞೋ ಯಜ॑ಮಾನೋ॒ ಯ-ದ್ಯ॑ಜಮಾನಭಾ॒ಗ-ಮ್ಪ್ರಾ॒ಶ್ಞಾತಿ॑ ಯ॒ಜ್ಞ ಏ॒ವ ಯ॒ಜ್ಞ-ಮ್ಪ್ರತಿ॑ ಷ್ಠಾಪಯತ್ಯೇ॒ತದ್ವೈ ಸೂ॒ಯವ॑ಸ॒ಗ್ಂ॒ ಸೋದ॑ಕಂ॒-ಯಁದ್ಬ॒ರ್॒ಹಿಶ್ಚಾ-ಽಽಪ॑ಶ್ಚೈ॒ತ- [-ಽಽಪ॑ಶ್ಚೈ॒ತತ್, ಯಜ॑ಮಾನಸ್ಯಾ॒-] 22
-ದ್ಯಜ॑ಮಾನಸ್ಯಾ॒-ಽಽಯತ॑ನಂ॒-ಯಁದ್ವೇದಿ॒ರ್ಯ-ತ್ಪೂ᳚ರ್ಣಪಾ॒ತ್ರ-ಮ॑ನ್ತರ್ವೇ॒ದಿ ನಿ॒ನಯ॑ತಿ॒ ಸ್ವ ಏ॒ವಾ-ಽಽಯ॑ತನೇ ಸೂ॒ಯವ॑ಸ॒ಗ್ಂ॒ ಸೋದ॑ಕ-ಙ್ಕುರುತೇ॒ ಸದ॑ಸಿ॒ ಸನ್ಮೇ॑ ಭೂಯಾ॒ ಇತ್ಯಾ॒ಹಾ-ಽಽಪೋ॒ ವೈ ಯ॒ಜ್ಞ ಆಪೋ॒-ಽಮೃತಂ॑-ಯಁ॒ಜ್ಞಮೇ॒ವಾಮೃತ॑-ಮಾ॒ತ್ಮ-ನ್ಧ॑ತ್ತೇ॒ ಸರ್ವಾ॑ಣಿ॒ ವೈ ಭೂ॒ತಾನಿ॑ ವ್ರ॒ತ-ಮು॑ಪ॒ಯನ್ತ॒ -ಮನೂಪ॑ ಯನ್ತಿ॒ ಪ್ರಾಚ್ಯಾ᳚-ನ್ದಿ॒ಶಿ ದೇ॒ವಾ ಋ॒ತ್ವಿಜೋ॑ ಮಾರ್ಜಯನ್ತಾ॒-ಮಿತ್ಯಾ॑ಹೈ॒ಷ ವೈ ದ॑ರ್ಶಪೂರ್ಣಮಾ॒ಸಯೋ॑-ರವಭೃ॒ಥೋ [-ರವಭೃ॒ಥಃ, ಯಾನ್ಯೇ॒ವೈನ॑-ಮ್ಭೂ॒ತಾನಿ॑] 23
ಯಾನ್ಯೇ॒ವೈನ॑-ಮ್ಭೂ॒ತಾನಿ॑ ವ್ರ॒ತಮು॑ಪ॒ಯನ್ತ॑-ಮನೂಪ॒ಯನ್ತಿ॒ ತೈರೇ॒ವ ಸ॒ಹಾವ॑ಭೃ॒ಥಮವೈ॑ತಿ॒ ವಿಷ್ಣು॑ಮುಖಾ॒ ವೈ ದೇ॒ವಾ ಶ್ಛನ್ದೋ॑ಭಿರಿ॒ಮಾ-ಲ್ಲೋಁ॒ಕಾ-ನ॑ನಪಜ॒ಯ್ಯಮ॒ಭ್ಯ॑ಜಯ॒ನ್॒. ಯ-ದ್ವಿ॑ಷ್ಣುಕ್ರ॒ಮಾನ್ ಕ್ರಮ॑ತೇ॒ ವಿಷ್ಣು॑ರೇ॒ವ ಭೂ॒ತ್ವಾ ಯಜ॑ಮಾನ॒ಶ್ಛನ್ದೋ॑ಭಿರಿ॒ಮಾ-ಲ್ಲೋಁ॒ಕಾ-ನ॑ನಪಜ॒ಯ್ಯಮ॒ಭಿ ಜ॑ಯತಿ॒ ವಿಷ್ಣೋಃ॒ ಕ್ರಮೋ᳚-ಽಸ್ಯಭಿಮಾತಿ॒ಹೇತ್ಯಾ॑ಹ ಗಾಯ॒ತ್ರೀ ವೈ ಪೃ॑ಥಿ॒ವೀ ತ್ರೈಷ್ಟು॑ಭಮ॒ನ್ತರಿ॑ಖ್ಷ॒-ಞ್ಜಾಗ॑ತೀ॒ ದ್ಯೌರಾನು॑ಷ್ಟುಭೀ॒-ರ್ದಿಶ॒ ಶ್ಛನ್ದೋ॑ಭಿರೇ॒ವೇಮಾ-ಲ್ಲೋಁ॒ಕಾನ್. ಯ॑ಥಾಪೂ॒ರ್ವಮ॒ಭಿ ಜ॑ಯತಿ ॥ 24 ॥
(ಯಜ॑ಮಾನೇ॒ನೇತಿ॑-ಚೈ॒ ತದ॑-ವಭೃ॒ಥೋ-ದಿಶಃ॑-ಸ॒ಪ್ತ ಚ॑) (ಅ. 5)
ಅಗ॑ನ್ಮ॒ ಸುವ॒-ಸ್ಸುವ॑ರಗ॒ನ್ಮೇತ್ಯಾ॑ಹ ಸುವ॒ರ್ಗಮೇ॒ವ ಲೋ॒ಕಮೇ॑ತಿ ಸ॒ನ್ದೃಶ॑ಸ್ತೇ॒ ಮಾ ಛಿ॑ಥ್ಸಿ॒ ಯತ್ತೇ॒ ತಪ॒ಸ್ತಸ್ಮೈ॑ ತೇ॒ ಮಾ ಽಽ ವೃ॒ಖ್ಷೀತ್ಯಾ॑ಹ ಯಥಾಯ॒ಜು-ರೇ॒ವೈತ-ಥ್ಸು॒ಭೂರ॑ಸಿ॒ ಶ್ರೇಷ್ಠೋ॑ ರಶ್ಮೀ॒ನಾಮಾ॑ಯು॒ರ್ಧಾ ಅ॒ಸ್ಯಾಯು॑ರ್ಮೇ ಧೇ॒ಹೀತ್ಯಾ॑ಹಾ॒-ಽಽಶಿಷ॑ಮೇ॒ವೈತಾಮಾ ಶಾ᳚ಸ್ತೇ॒ ಪ್ರ ವಾ ಏ॒ಷೋ᳚-ಽಸ್ಮಾ-ಲ್ಲೋಁ॒ಕಾಚ್ಚ್ಯ॑ವತೇ॒ ಯೋ [ಯಃ, ವಿ॒ಷ್ಣು॒ಕ್ರ॒ಮಾನ್ ಕ್ರಮ॑ತೇ] 25
ವಿ॑ಷ್ಣುಕ್ರ॒ಮಾನ್ ಕ್ರಮ॑ತೇ ಸುವ॒ರ್ಗಾಯ॒ ಹಿ ಲೋ॒ಕಾಯ॑ ವಿಷ್ಣುಕ್ರ॒ಮಾಃ ಕ್ರ॒ಮ್ಯನ್ತೇ᳚ ಬ್ರಹ್ಮವಾ॒ದಿನೋ॑ ವದನ್ತಿ॒ ಸ ತ್ವೈ ವಿ॑ಷ್ಣುಕ್ರ॒ಮಾನ್ ಕ್ರ॑ಮೇತ॒ ಯ ಇ॒ಮಾ-ಲ್ಲೋಁ॒ಕಾ-ನ್ಭ್ರಾತೃ॑ವ್ಯಸ್ಯ ಸಂ॒ವಿಁದ್ಯ॒ ಪುನ॑ರಿ॒ಮಂ-ಲೋಁ॒ಕ-ಮ್ಪ್ರ॑ತ್ಯವ॒ರೋಹೇ॒ದಿತ್ಯೇ॒ಷ ವಾ ಅ॒ಸ್ಯ ಲೋ॒ಕಸ್ಯ॑ ಪ್ರತ್ಯವರೋ॒ಹೋ ಯದಾಹೇ॒ದಮ॒ಹಮ॒ಮು-ಮ್ಭ್ರಾತೃ॑ವ್ಯಮಾ॒ಭ್ಯೋ ದಿ॒ಗ್ಭ್ಯೋ᳚-ಽಸ್ಯೈ ದಿ॒ವ ಇತೀ॒ಮಾನೇ॒ವ ಲೋ॒ಕಾ-ನ್ಭ್ರಾತೃ॑ವ್ಯಸ್ಯ ಸಂ॒ವಿಁದ್ಯ॒ ಪುನ॑ರಿ॒ಮಂ-ಲೋಁ॒ಕ-ಮ್ಪ್ರ॒ತ್ಯವ॑ರೋಹತಿ॒ ಸಂ- [ಸಮ್, ಜ್ಯೋತಿ॑ಷಾ-ಽಭೂವ॒ಮಿತ್ಯಾ॑ಹಾ॒ಸ್ಮಿನ್ನೇ॒ವ] 26
-ಜ್ಯೋತಿ॑ಷಾ-ಽಭೂವ॒ಮಿತ್ಯಾ॑ಹಾ॒ಸ್ಮಿನ್ನೇ॒ವ ಲೋ॒ಕೇ ಪ್ರತಿ॑ ತಿಷ್ಠತ್ಯೈ॒ನ್ದ್ರೀ-ಮಾ॒ವೃತ॑-ಮ॒ನ್ವಾವ॑ರ್ತ॒ ಇತ್ಯಾ॑ಹಾ॒ಸೌ ವಾ ಆ॑ದಿ॒ತ್ಯ ಇನ್ದ್ರ॒ಸ್ತಸ್ಯೈ॒ವಾ-ಽಽವೃತ॒ಮನು॑ ಪ॒ರ್ಯಾವ॑ರ್ತತೇ ದಖ್ಷಿ॒ಣಾ ಪ॒ರ್ಯಾವ॑ರ್ತತೇ॒ ಸ್ವಮೇ॒ವ ವೀ॒ರ್ಯ॑ಮನು॑ ಪ॒ರ್ಯಾವ॑ರ್ತತೇ॒ ತಸ್ಮಾ॒-ದ್ದಖ್ಷಿ॒ಣೋ-ಽರ್ಧ॑ ಆ॒ತ್ಮನೋ॑ ವೀ॒ರ್ಯಾ॑ವತ್ತ॒ರೋ-ಽಥೋ॑ ಆದಿ॒ತ್ಯಸ್ಯೈ॒ವಾ-ಽಽವೃತ॒ಮನು॑ ಪ॒ರ್ಯಾವ॑ರ್ತತೇ॒ ಸಮ॒ಹ-ಮ್ಪ್ರ॒ಜಯಾ॒ ಸ-ಮ್ಮಯಾ᳚ ಪ್ರ॒ಜೇತ್ಯಾ॑ಹಾ॒-ಽಽಶಿಷ॑- [ಪ್ರ॒ಜೇತ್ಯಾ॑ಹಾ॒-ಽಽಶಿಷ᳚ಮ್, ಏ॒ವೈತಾಮಾ] 27
-ಮೇ॒ವೈತಾಮಾ ಶಾ᳚ಸ್ತೇ॒ ಸಮಿ॑ದ್ಧೋ ಅಗ್ನೇ ಮೇ ದೀದಿಹಿ ಸಮೇ॒ದ್ಧಾ ತೇ॑ ಅಗ್ನೇ ದೀದ್ಯಾಸ॒ಮಿತ್ಯಾ॑ಹ ಯಥಾಯ॒ಜು-ರೇ॒ವೈತದ್ವಸು॑ಮಾನ್. ಯ॒ಜ್ಞೋ ವಸೀ॑ಯಾ-ನ್ಭೂಯಾಸ॒-ಮಿತ್ಯಾ॑ಹಾ॒-ಽಽಶಿಷ॑ಮೇ॒ವೇತಾಮಾ ಶಾ᳚ಸ್ತೇ ಬ॒ಹು ವೈ ಗಾರ್ಹ॑ಪತ್ಯ॒ಸ್ಯಾನ್ತೇ॑ ಮಿ॒ಶ್ರಮಿ॑ವ ಚರ್ಯತ ಆಗ್ನಿಪಾವಮಾ॒ನೀಭ್ಯಾ॒-ಙ್ಗಾರ್ಹ॑ಪತ್ಯ॒ಮುಪ॑ ತಿಷ್ಠತೇ ಪು॒ನಾತ್ಯೇ॒ವಾಗ್ನಿ-ಮ್ಪು॑ನೀ॒ತ ಆ॒ತ್ಮಾನ॒-ನ್ದ್ವಾಭ್ಯಾ॒-ಮ್ಪ್ರತಿ॑ಷ್ಠಿತ್ಯಾ॒ ಅಗ್ನೇ॑ ಗೃಹಪತ॒ ಇತ್ಯಾ॑ಹ [ಇತ್ಯಾ॑ಹ, ಯ॒ಥಾ॒ಯ॒ಜುರೇ॒ವೈತಚ್ಛ॒ತಗ್ಂ] 28
ಯಥಾಯ॒ಜುರೇ॒ವೈತಚ್ಛ॒ತಗ್ಂ ಹಿಮಾ॒ ಇತ್ಯಾ॑ಹ ಶ॒ತ-ನ್ತ್ವಾ॑ ಹೇಮ॒ನ್ತಾನಿ॑ನ್ಧಿಷೀ॒ಯೇತಿ॒ ವಾವೈತದಾ॑ಹ ಪು॒ತ್ರಸ್ಯ॒ ನಾಮ॑ ಗೃಹ್ಣಾತ್ಯನ್ನಾ॒ದಮೇ॒ವೈನ॑-ಙ್ಕರೋತಿ॒ ತಾಮಾ॒ಶಿಷ॒ಮಾ ಶಾ॑ಸೇ॒ ತನ್ತ॑ವೇ॒ ಜ್ಯೋತಿ॑ಷ್ಮತೀ॒ಮಿತಿ॑ ಬ್ರೂಯಾ॒-ದ್ಯಸ್ಯ॑ ಪು॒ತ್ರೋ-ಽಜಾ॑ತ॒-ಸ್ಸ್ಯಾ-ತ್ತೇ॑ಜ॒ಸ್ವ್ಯೇ॑ವಾಸ್ಯ॑ ಬ್ರಹ್ಮವರ್ಚ॒ಸೀ ಪು॒ತ್ರೋ ಜಾ॑ಯತೇ॒ ತಾಮಾ॒ಶಿಷ॒ಮಾ ಶಾ॑ಸೇ॒-ಽಮುಷ್ಮೈ॒ ಜ್ಯೋತಿ॑ಷ್ಮತೀ॒ಮಿತಿ॑ ಬ್ರೂಯಾ॒-ದ್ಯಸ್ಯ॑ ಪು॒ತ್ರೋ [ಪು॒ತ್ರಃ, ಜಾ॒ತ-ಸ್ಸ್ಯಾತ್ತೇಜ॑] 29
ಜಾ॒ತ-ಸ್ಸ್ಯಾತ್ತೇಜ॑ ಏ॒ವಾಸ್ಮಿ॑-ನ್ಬ್ರಹ್ಮವರ್ಚ॒ಸ-ನ್ದ॑ಧಾತಿ॒ ಯೋ ವೈ ಯ॒ಜ್ಞ-ಮ್ಪ್ರ॒ಯುಜ್ಯ॒ ನ ವಿ॑ಮು॒ಞ್ಚತ್ಯ॑ಪ್ರತಿಷ್ಠಾ॒ನೋ ವೈ ಸ ಭ॑ವತಿ॒ ಕಸ್ತ್ವಾ॑ ಯುನಕ್ತಿ॒ ಸ ತ್ವಾ॒ ವಿ ಮು॑ಞ್ಚ॒ತ್ವಿತ್ಯಾ॑ಹ ಪ್ರ॒ಜಾಪ॑ತಿ॒-ರ್ವೈ ಕಃ ಪ್ರ॒ಜಾಪ॑ತಿನೈ॒ವೈನಂ॑-ಯುಁ॒ನಕ್ತಿ॑ ಪ್ರ॒ಜಾಪ॑ತಿನಾ॒ ವಿ ಮು॑ಞ್ಚತಿ॒ ಪ್ರತಿ॑ಷ್ಠಿತ್ಯಾ ಈಶ್ವ॒ರಂ-ವೈಁ ವ್ರ॒ತಮವಿ॑ಸೃಷ್ಟ-ಮ್ಪ್ರ॒ದಹೋ-ಽಗ್ನೇ᳚ ವ್ರತಪತೇ ವ್ರ॒ತಮ॑ಚಾರಿಷ॒ಮಿತ್ಯಾ॑ಹ ವ್ರ॒ತಮೇ॒ವ [ ] 30
ವಿ ಸೃ॑ಜತೇ॒ ಶಾನ್ತ್ಯಾ॒ ಅಪ್ರ॑ದಾಹಾಯ॒ ಪರಾಂ॒ಅ॒. ವಾವ ಯ॒ಜ್ಞ ಏ॑ತಿ॒ ನ ನಿ ವ॑ರ್ತತೇ॒ ಪುನ॒ರ್ಯೋ ವೈ ಯ॒ಜ್ಞಸ್ಯ॑ ಪುನರಾಲ॒ಮ್ಭಂ-ವಿಁ॒ದ್ವಾನ್. ಯಜ॑ತೇ॒ ತಮ॒ಭಿ ನಿ ವ॑ರ್ತತೇ ಯ॒ಜ್ಞೋ ಬ॑ಭೂವ॒ ಸ ಆ ಬ॑ಭೂ॒ವೇತ್ಯಾ॑ಹೈ॒ಷ ವೈ ಯ॒ಜ್ಞಸ್ಯ॑ ಪುನರಾಲ॒ಮ್ಭ-ಸ್ತೇನೈ॒ವೈನ॒-ಮ್ಪುನ॒ರಾ ಲ॑ಭ॒ತೇ-ಽನ॑ವರುದ್ಧಾ॒ ವಾ ಏ॒ತಸ್ಯ॑ ವಿ॒ರಾಡ್ ಯ ಆಹಿ॑ತಾಗ್ನಿ॒-ಸ್ಸನ್ನ॑ಸ॒ಭಃ ಪ॒ಶವಃ॒ ಖಲು॒ ವೈ ಬ್ರಾ᳚ಹ್ಮ॒ಣಸ್ಯ॑ ಸ॒ಭೇಷ್ಟ್ವಾ ಪ್ರಾಂಉ॒ತ್ಕ್ರಮ್ಯ॑ ಬ್ರೂಯಾ॒-ದ್ಗೋಮಾಗ್ಂ॑ ಅ॒ಗ್ನೇ-ಽವಿ॑ಮಾಗ್ಂ ಅ॒ಶ್ವೀ ಯ॒ಜ್ಞ ಇತ್ಯವ॑ ಸ॒ಭಾಗ್ಂ ರು॒ನ್ಧೇ ಪ್ರ ಸ॒ಹಸ್ರ॑-ಮ್ಪ॒ಶೂನಾ᳚ಪ್ನೋ॒ತ್ಯಾ-ಽಸ್ಯ॑ ಪ್ರ॒ಜಾಯಾಂ᳚-ವಾಁ॒ಜೀ ಜಾ॑ಯತೇ ॥ 31 ॥
(ಯಃ-ಸ-ಮಾ॒ಸಿಷಂ॑-ಗೃಹಪತ॒-ಇತ್ಯಾ॑ಹಾ॒-ಮುಷ್ಮೈ॒ ಜ್ಯೋತಿ॑ಷ್ಮತೀ॒ಮಿತಿ॑ ಬ್ರೂಯಾ॒-ದ್ಯಸ್ಯ॑ಪು॒ತ್ರೋ-ವ್ರ॒ತಮೇ॒ವ-ಖಲು॒ ವೈ- ಚತು॑ರ್ವಿಗ್ಂಶತಿಶ್ಚ) (ಅ. 6)
ದೇವ॑ ಸವಿತಃ॒ ಪ್ರ ಸು॑ವ ಯ॒ಜ್ಞ-ಮ್ಪ್ರ ಸು॑ವ ಯ॒ಜ್ಞಪ॑ತಿ॒-ಮ್ಭಗಾ॑ಯ ದಿ॒ವ್ಯೋ ಗ॑ನ್ಧ॒ರ್ವಃ । ಕೇ॒ತ॒ಪೂಃ ಕೇತ॑-ನ್ನಃ ಪುನಾತು ವಾ॒ಚಸ್ಪತಿ॒-ರ್ವಾಚ॑ಮ॒ದ್ಯ ಸ್ವ॑ದಾತಿ ನಃ ॥ ಇನ್ದ್ರ॑ಸ್ಯ॒ ವಜ್ರೋ॑-ಽಸಿ॒ ವಾರ್ತ್ರ॑ಘ್ನ॒ಸ್ತ್ವಯಾ॒-ಽಯಂ-ವೃಁ॒ತ್ರಂ-ವಁ॑ದ್ಧ್ಯಾತ್ ॥ ವಾಜ॑ಸ್ಯ॒ ನು ಪ್ರ॑ಸ॒ವೇ ಮಾ॒ತರ॑-ಮ್ಮ॒ಹೀಮದಿ॑ತಿ॒-ನ್ನಾಮ॒ ವಚ॑ಸಾ ಕರಾಮಹೇ । ಯಸ್ಯಾ॑ಮಿ॒ದಂ-ವಿಁಶ್ವ॒-ಮ್ಭುವ॑ನ-ಮಾವಿ॒ವೇಶ॒ ತಸ್ಯಾ᳚-ನ್ನೋ ದೇ॒ವ-ಸ್ಸ॑ವಿ॒ತಾ ಧರ್ಮ॑ ಸಾವಿಷತ್ ॥ ಅ॒- [ಅ॒ಫ್ಸು, ಅ॒ನ್ತರ॒ಮೃತ॑ಮ॒ಫ್ಸು] 32
ಫ್ಸ್ವ॑ನ್ತರ॒ಮೃತ॑ಮ॒ಫ್ಸು ಭೇ॑ಷ॒ಜಮ॒ಪಾಮು॒ತ ಪ್ರಶ॑ಸ್ತಿ॒ಷ್ವಶ್ವಾ॑ ಭವಥ ವಾಜಿನಃ ॥ ವಾ॒ಯು-ರ್ವಾ᳚ ತ್ವಾ॒ ಮನು॑-ರ್ವಾ ತ್ವಾ ಗನ್ಧ॒ರ್ವಾ-ಸ್ಸ॒ಪ್ತವಿಗ್ಂ॑ಶತಿಃ । ತೇ ಅಗ್ರೇ॒ ಅಶ್ವ॑ಮಾಯುಞ್ಜ॒ನ್ತೇ ಅ॑ಸ್ಮಿಞ್ಜ॒ವಮಾ-ಽದ॑ಧುಃ ॥ ಅಪಾ᳚-ನ್ನಪಾದಾಶುಹೇಮ॒ನ್॒. ಯ ಊ॒ರ್ಮಿಃ ಕ॒ಕುದ್ಮಾ॒-ನ್ಪ್ರತೂ᳚ರ್ತಿ-ರ್ವಾಜ॒ಸಾತ॑ಮ॒ಸ್ತೇನಾ॒ಯಂ-ವಾಁಜಗ್ಂ॑ ಸೇತ್ ॥ ವಿಷ್ಣೋಃ॒ ಕ್ರಮೋ॑-ಽಸಿ॒ ವಿಷ್ಣೋಃ᳚ ಕ್ರಾ॒ನ್ತಮ॑ಸಿ॒ ವಿಷ್ಣೋ॒-ರ್ವಿಕ್ರಾ᳚ನ್ತಮಸ್ಯ॒ಙ್ಕೌ ನ್ಯ॒ಙ್ಕಾ ವ॒ಭಿತೋ॒ ರಥಂ॒-ಯೌಁ ಧ್ವಾ॒ನ್ತಂ-ವಾಁ॑ತಾ॒ಗ್ರಮನು॑ ಸ॒ಞ್ಚರ॑ನ್ತೌ ದೂ॒ರೇಹೇ॑ತಿ-ರಿನ್ದ್ರಿ॒ಯಾವಾ᳚-ನ್ಪತ॒ತ್ರೀ ತೇ ನೋ॒-ಽಗ್ನಯಃ॒ ಪಪ್ರ॑ಯಃ ಪಾರಯನ್ತು ॥ 33 ॥
(ಅ॒ಫ್ಸು-ನ್ಯ॒ಙ್ಕೌ-ಪಞ್ಚ॑ದಶ ಚ) (ಅ. 7)
ದೇ॒ವಸ್ಯಾ॒ಹಗ್ಂ ಸ॑ವಿ॒ತುಃ ಪ್ರ॑ಸ॒ವೇ ಬೃಹ॒ಸ್ಪತಿ॑ನಾ ವಾಜ॒ಜಿತಾ॒ ವಾಜ॑-ಞ್ಜೇಷ-ನ್ದೇ॒ವಸ್ಯಾ॒ಹಗ್ಂ ಸ॑ವಿ॒ತುಃ ಪ್ರ॑ಸ॒ವೇ ಬೃಹ॒ಸ್ಪತಿ॑ನಾ ವಾಜ॒ಜಿತಾ॒ ವರ್ಷಿ॑ಷ್ಠ॒-ನ್ನಾಕಗ್ಂ॑ ರುಹೇಯ॒ಮಿನ್ದ್ರಾ॑ಯ॒ ವಾಚಂ॑-ವಁದ॒ತೇನ್ದ್ರಂ॒-ವಾಁಜ॑-ಞ್ಜಾಪಯ॒ತೇನ್ದ್ರೋ॒ ವಾಜ॑ಮಜಯಿತ್ ॥ ಅಶ್ವಾ॑ಜನಿ ವಾಜಿನಿ॒ ವಾಜೇ॑ಷು ವಾಜಿನೀವ॒ತ್ಯಶ್ವಾ᳚ನ್-ಥ್ಸ॒ಮಥ್ಸು॑ ವಾಜಯ ॥ ಅರ್ವಾ॑-ಽಸಿ॒ ಸಪ್ತಿ॑ರಸಿ ವಾ॒ಜ್ಯ॑ಸಿ॒ ವಾಜಿ॑ನೋ॒ ವಾಜ॑-ನ್ಧಾವತ ಮ॒ರುತಾ᳚-ಮ್ಪ್ರಸ॒ವೇ ಜ॑ಯತ॒ ವಿ ಯೋಜ॑ನಾ ಮಿಮೀದ್ಧ್ವ॒ಮದ್ಧ್ವ॑ನ-ಸ್ಸ್ಕಭ್ನೀತ॒ [ಸ್ಕಭ್ನೀತ, ಕಾಷ್ಠಾ᳚-ಙ್ಗಚ್ಛತ॒] 34
ಕಾಷ್ಠಾ᳚-ಙ್ಗಚ್ಛತ॒ ವಾಜೇ॑ವಾಜೇ-ಽವತ ವಾಜಿನೋ ನೋ॒ ಧನೇ॑ಷು ವಿಪ್ರಾ ಅಮೃತಾ ಋತಜ್ಞಾಃ ॥ ಅ॒ಸ್ಯ ಮದ್ಧ್ವಃ॑ ಪಿಬತ ಮಾ॒ದಯ॑ದ್ಧ್ವ-ನ್ತೃ॒ಪ್ತಾ ಯಾ॑ತ ಪ॒ಥಿಭಿ॑-ರ್ದೇವ॒ಯಾನೈಃ᳚ ॥ ತೇ ನೋ॒ ಅರ್ವ॑ನ್ತೋ ಹವನ॒ಶ್ರುತೋ॒ ಹವಂ॒-ವಿಁಶ್ವೇ॑ ಶೃಣ್ವನ್ತು ವಾ॒ಜಿನಃ॑ ॥ ಮಿ॒ತದ್ರ॑ವ-ಸ್ಸಹಸ್ರ॒ಸಾ ಮೇ॒ಧಸಾ॑ತಾ ಸನಿ॒ಷ್ಯವಃ॑ । ಮ॒ಹೋ ಯೇ ರತ್ನಗ್ಂ॑ ಸಮಿ॒ಥೇಷು॑ ಜಭ್ರಿ॒ರೇ ಶನ್ನೋ॑ ಭವನ್ತು ವಾ॒ಜಿನೋ॒ ಹವೇ॑ಷು ॥ದೇ॒ವತಾ॑ತಾ ಮಿ॒ತದ್ರ॑ವ-ಸ್ಸ್ವ॒ರ್ಕಾಃ । ಜ॒ಮ್ಭಯ॒ನ್ತೋ-ಽಹಿಂ॒-ವೃಁಕ॒ಗ್ಂ॒ ರಖ್ಷಾಗ್ಂ॑ಸಿ॒ ಸನೇ᳚ಮ್ಯ॒ಸ್ಮದ್ಯು॑ಯವ॒- [ಸನೇ᳚ಮ್ಯ॒ಸ್ಮದ್ಯು॑ಯವನ್ನ್, ಅಮೀ॑ವಾಃ ।] 35
-ನ್ನಮೀ॑ವಾಃ ॥ ಏ॒ಷ ಸ್ಯ ವಾ॒ಜೀ ಖ್ಷಿ॑ಪ॒ಣಿ-ನ್ತು॑ರಣ್ಯತಿ ಗ್ರೀ॒ವಾಯಾ᳚-ಮ್ಬ॒ದ್ಧೋ ಅ॑ಪಿಕ॒ಖ್ಷ ಆ॒ಸನಿ॑ । ಕ್ರತು॑-ನ್ದಧಿ॒ಕ್ರಾ ಅನು॑ ಸ॒ನ್ತವೀ᳚ತ್ವ-ತ್ಪ॒ಥಾಮಙ್ಕಾ॒ಗ್॒ಸ್ಯನ್ವಾ॒ಪನೀ॑ಫಣತ್ ॥ಉ॒ತ ಸ್ಮಾ᳚ಸ್ಯ॒ ದ್ರವ॑ತ-ಸ್ತುರಣ್ಯ॒ತಃ ಪ॒ರ್ಣ-ನ್ನ ವೇ-ರನು॑ ವಾತಿ ಪ್ರಗ॒ರ್ಧಿನಃ॑ । ಶ್ಯೇ॒ನಸ್ಯೇ॑ವ॒ ಧ್ರಜ॑ತೋ ಅಙ್ಕ॒ಸ-ಮ್ಪರಿ॑ ದಧಿ॒ಕ್ರಾವ್.ಣ್ಣ॑-ಸ್ಸ॒ಹೋರ್ಜಾ ತರಿ॑ತ್ರತಃ ॥ ಆ ಮಾ॒ ವಾಜ॑ಸ್ಯ ಪ್ರಸ॒ವೋ ಜ॑ಗಮ್ಯಾ॒ದಾ ದ್ಯಾವಾ॑ಪೃಥಿ॒ವೀ ವಿ॒ಶ್ವಶ॑ಮ್ಭೂ । ಆ ಮಾ॑ ಗನ್ತಾ-ಮ್ಪಿ॒ತರಾ॑ [ಗನ್ತಾ-ಮ್ಪಿ॒ತರಾ᳚, ಮಾ॒ತರಾ॒] 36
ಮಾ॒ತರಾ॒ ಚಾ-ಽಽ ಮಾ॒ ಸೋಮೋ॑ ಅಮೃತ॒ತ್ವಾಯ॑ ಗಮ್ಯಾತ್ ॥ ವಾಜಿ॑ನೋ ವಾಜಜಿತೋ॒ ವಾಜಗ್ಂ॑ ಸರಿ॒ಷ್ಯನ್ತೋ॒ ವಾಜ॑-ಞ್ಜೇ॒ಷ್ಯನ್ತೋ॒ ಬೃಹ॒ಸ್ಪತೇ᳚-ರ್ಭಾ॒ಗಮವ॑ ಜಿಘ್ರತ॒ ವಾಜಿ॑ನೋ ವಾಜಜಿತೋ॒ ವಾಜಗ್ಂ॑ ಸಸೃ॒ವಾಗ್ಂಸೋ॒ ವಾಜ॑-ಞ್ಜಿಗಿ॒ವಾಗ್ಂಸೋ॒ ಬೃಹ॒ಸ್ಪತೇ᳚-ರ್ಭಾ॒ಗೇ ನಿ ಮೃ॑ಢ್ವಮಿ॒ಯಂ-ವಁ॒-ಸ್ಸಾ ಸ॒ತ್ಯಾ ಸ॒ನ್ಧಾ-ಽಭೂ॒ದ್ಯಾಮಿನ್ದ್ರೇ॑ಣ ಸ॒ಮಧ॑ದ್ಧ್ವ॒-ಮಜೀ॑ಜಿಪತ ವನಸ್ಪತಯ॒ ಇನ್ದ್ರಂ॒-ವಾಁಜಂ॒-ವಿಁ ಮು॑ಚ್ಯದ್ಧ್ವಮ್ ॥ 37 ॥
(ಸ್ಕ॒ಭ್ನೀ॒ತ॒-ಯು॒ಯ॒ವ॒ನ್-ಪಿ॒ತರಾ॒-ದ್ವಿಚ॑ತ್ವಾರಿಗ್ಂಶಚ್ಚ) (ಅ. 8)
ಖ್ಷ॒ತ್ರಸ್ಯೋಲಗ್ಗ್॑ಮಸಿ ಖ್ಷ॒ತ್ರಸ್ಯ॒ ಯೋನಿ॑ರಸಿ॒ ಜಾಯ॒ ಏಹಿ॒ ಸುವೋ॒ ರೋಹಾ॑ವ॒ ರೋಹಾ॑ವ॒ ಹಿ ಸುವ॑ರ॒ಹ-ನ್ನಾ॑ವು॒ಭಯೋ॒-ಸ್ಸುವೋ॑ ರೋಖ್ಷ್ಯಾಮಿ॒ ವಾಜ॑ಶ್ಚ ಪ್ರಸ॒ವಶ್ಚಾ॑ಪಿ॒ಜಶ್ಚ॒ ಕ್ರತು॑ಶ್ಚ॒ ಸುವ॑ಶ್ಚ ಮೂ॒ರ್ಧಾ ಚ॒ ವ್ಯಶ್ನ್ನಿ॑ಯಶ್ಚಾ-ಽಽನ್ತ್ಯಾಯ॒ನ ಶ್ಚಾನ್ತ್ಯ॑ಶ್ಚ ಭೌವ॒ನಶ್ಚ॒ ಭುವ॑ನ॒ಶ್ಚಾಧಿ॑ಪತಿಶ್ಚ । ಆಯು॑-ರ್ಯ॒ಜ್ಞೇನ॑ ಕಲ್ಪತಾ-ಮ್ಪ್ರಾ॒ಣೋ ಯ॒ಜ್ಞೇನ॑ ಕಲ್ಪತಾಮಪಾ॒ನೋ [ಕಲ್ಪತಾಮಪಾ॒ನಃ, ಯ॒ಜ್ಞೇನ॑ ಕಲ್ಪತಾಂ] 38
ಯ॒ಜ್ಞೇನ॑ ಕಲ್ಪತಾಂ-ವ್ಯಾಁ॒ನೋ ಯ॒ಜ್ಞೇನ॑ ಕಲ್ಪತಾ॒-ಞ್ಚಖ್ಷು॑-ರ್ಯ॒ಜ್ಞೇನ॑ ಕಲ್ಪತಾ॒ಗ್॒ ಶ್ರೋತ್ರಂ॑-ಯಁ॒ಜ್ಞೇನ॑ ಕಲ್ಪತಾ॒-ಮ್ಮನೋ॑ ಯ॒ಜ್ಞೇನ॑ ಕಲ್ಪತಾಂ॒-ವಾಁಗ್ ಯ॒ಜ್ಞೇನ॑ ಕಲ್ಪತಾ-ಮಾ॒ತ್ಮಾ ಯ॒ಜ್ಞೇನ॑ ಕಲ್ಪತಾಂ-ಯಁ॒ಜ್ಞೋ ಯ॒ಜ್ಞೇನ॑ ಕಲ್ಪತಾ॒ಗ್ಂ॒ ಸುವ॑-ರ್ದೇ॒ವಾಗ್ಂ ಅ॑ಗನ್ಮಾ॒ಮೃತಾ॑ ಅಭೂಮ ಪ್ರ॒ಜಾಪ॑ತೇಃ ಪ್ರ॒ಜಾ ಅ॑ಭೂಮ॒ ಸಮ॒ಹ-ಮ್ಪ್ರ॒ಜಯಾ॒ ಸ-ಮ್ಮಯಾ᳚ ಪ್ರ॒ಜಾ ಸಮ॒ಹಗ್ಂ ರಾ॒ಯಸ್ಪೋಷೇ॑ಣ॒ ಸ-ಮ್ಮಯಾ॑ ರಾ॒ಯಸ್ಪೋಷೋ-ಽನ್ನಾ॑ಯ ತ್ವಾ॒-ಽನ್ನಾದ್ಯಾ॑ಯ ತ್ವಾ॒ ವಾಜಾ॑ಯ ತ್ವಾ ವಾಜಜಿ॒ತ್ಯಾಯೈ᳚ ತ್ವಾ॒ ಽಮೃತ॑ಮಸಿ॒ ಪುಷ್ಟಿ॑ರಸಿ ಪ್ರ॒ಜನ॑ನಮಸಿ ॥ 39 ॥
(ಅ॒ಪಾ॒ನೋ-ವಾಜಾ॑ಯ॒-ನವ॑ ಚ) (ಅ. 9)
ವಾಜ॑ಸ್ಯೇ॒ಮ-ಮ್ಪ್ರ॑ಸ॒ವ-ಸ್ಸು॑ಷುವೇ॒ ಅಗ್ರೇ॒ ಸೋಮ॒ಗ್ಂ॒ ರಾಜಾ॑ನ॒ಮೋಷ॑ಧೀಷ್ವ॒ಫ್ಸು । ತಾ ಅ॒ಸ್ಮಭ್ಯ॒-ಮ್ಮಧು॑ಮತೀ-ರ್ಭವನ್ತು ವ॒ಯಗ್ಂ ರಾ॒ಷ್ಟ್ರೇ ಜಾ᳚ಗ್ರಿಯಾಮ ಪು॒ರೋಹಿ॑ತಾಃ । ವಾಜ॑ಸ್ಯೇ॒ದ-ಮ್ಪ್ರ॑ಸ॒ವ ಆ ಬ॑ಭೂವೇ॒ಮಾ ಚ॒ ವಿಶ್ವಾ॒ ಭುವ॑ನಾನಿ ಸ॒ರ್ವತಃ॑ । ಸ ವಿ॒ರಾಜ॒-ಮ್ಪರ್ಯೇ॑ತಿ ಪ್ರಜಾ॒ನ-ನ್ಪ್ರ॒ಜಾ-ಮ್ಪುಷ್ಟಿಂ॑-ವಁ॒ರ್ಧಯ॑ಮಾನೋ ಅ॒ಸ್ಮೇ । ವಾಜ॑ಸ್ಯೇ॒ಮಾ-ಮ್ಪ್ರ॑ಸ॒ವ-ಶ್ಶಿ॑ಶ್ರಿಯೇ॒ ದಿವ॑ಮಿ॒ಮಾ ಚ॒ ವಿಶ್ವಾ॒ ಭುವ॑ನಾನಿ ಸ॒ಮ್ರಾಟ್ । ಅದಿ॑ಥ್ಸನ್ತ-ನ್ದಾಪಯತು ಪ್ರಜಾ॒ನ-ನ್ರ॒ಯಿಂ- [ಪ್ರಜಾ॒ನ-ನ್ರ॒ಯಿಮ್, ಚ॒ ನ॒-ಸ್ಸರ್ವ॑ವೀರಾಂ॒] 40
-ಚ॑ ನ॒-ಸ್ಸರ್ವ॑ವೀರಾ॒-ನ್ನಿ ಯ॑ಚ್ಛತು ॥ ಅಗ್ನೇ॒ ಅಚ್ಛಾ॑ ವದೇ॒ಹ ನಃ॒ ಪ್ರತಿ॑ ನ-ಸ್ಸು॒ಮನಾ॑ ಭವ । ಪ್ರ ಣೋ॑ ಯಚ್ಛ ಭುವಸ್ಪತೇ ಧನ॒ದಾ ಅ॑ಸಿ ನ॒ಸ್ತ್ವಮ್ ॥ ಪ್ರ ಣೋ॑ ಯಚ್ಛತ್ವರ್ಯ॒ಮಾ ಪ್ರ ಭಗಃ॒ ಪ್ರ ಬೃಹ॒ಸ್ಪತಿಃ॑ । ಪ್ರ ದೇ॒ವಾಃ ಪ್ರೋತ ಸೂ॒ನೃತಾ॒ ಪ್ರ ವಾಗ್ ದೇ॒ವೀ ದ॑ದಾತು ನಃ ॥ ಅ॒ರ್ಯ॒ಮಣ॒-ಮ್ಬೃಹ॒ಸ್ಪತಿ॒ಮಿನ್ದ್ರ॒-ನ್ದಾನಾ॑ಯ ಚೋದಯ । ವಾಚಂ॒-ವಿಁಷ್ಣು॒ಗ್ಂ॒ ಸರ॑ಸ್ವತೀಗ್ಂ ಸವಿ॒ತಾರಂ॑- [ಸರ॑ಸ್ವತೀಗ್ಂ ಸವಿ॒ತಾರ᳚ಮ್, ಚ ವಾ॒ಜಿನ᳚ಮ್ ।] 41
-ಚ ವಾ॒ಜಿನ᳚ಮ್ ॥ ಸೋಮ॒ಗ್ಂ॒ ರಾಜಾ॑ನಂ॒-ವಁರು॑ಣಮ॒ಗ್ನಿ-ಮ॒ನ್ವಾರ॑ಭಾಮಹೇ । ಆ॒ದಿ॒ತ್ಯಾನ್ ವಿಷ್ಣು॒ಗ್ಂ॒ ಸೂರ್ಯ॑-ಮ್ಬ್ರ॒ಹ್ಮಾಣ॑-ಞ್ಚ॒ ಬೃಹ॒ಸ್ಪತಿ᳚ಮ್ ॥ ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ᳚-ಽಶ್ವಿನೋ᳚-ರ್ಬಾ॒ಹುಭ್ಯಾ᳚-ಮ್ಪೂ॒ಷ್ಣೋ ಹಸ್ತಾ᳚ಭ್ಯಾ॒ಗ್ಂ॒ ಸರ॑ಸ್ವತ್ಯೈ ವಾ॒ಚೋ ಯ॒ನ್ತು-ರ್ಯ॒ನ್ತ್ರೇಣಾ॒ಗ್ನೇಸ್ತ್ವಾ॒ ಆಮ್ರಾ᳚ಜ್ಯೇನಾ॒ಭಿಷಿ॑ಞ್ಚಾ॒ಮೀನ್ದ್ರ॑ಸ್ಯ॒ ಬೃಹ॒ಸ್ಪತೇ᳚ಸ್ತ್ವಾ॒ ಸಾಮ್ರಾ᳚ಜ್ಯೇನಾ॒ಭಿಷಿ॑ಞ್ಚಾಮಿ ॥ 42 ॥
(ರ॒ಯಿಗ್ಂ-ಸ॑ವಿ॒ತಾರ॒ಗ್ಂ॒-ಷಟ್ತ್ರಿಗ್ಂ॑ಶಚ್ಚ) (ಅ. 10)
ಅ॒ಗ್ನಿರೇಕಾ᳚ಖ್ಷರೇಣ॒ ವಾಚ॒ಮುದ॑ಜಯದ॒ಶ್ವಿನೌ॒ ದ್ವ್ಯ॑ಖ್ಷರೇಣ ಪ್ರಾಣಾಪಾ॒ನಾವುದ॑ಜಯತಾಂ॒-ವಿಁಷ್ಣು॒ಸ್ತ್ಯ್ರ॑ಖ್ಷರೇಣ॒ ತ್ರೀ-ಲ್ಲೋಁ॒ಕಾನುದ॑ಜಯ॒-ಥ್ಸೋಮ॒ಶ್ಚತು॑ರಖ್ಷರೇಣ॒ ಚತು॑ಷ್ಪದಃ ಪ॒ಶೂನುದ॑ಜಯ-ತ್ಪೂ॒ಷಾ ಪಞ್ಚಾ᳚ಖ್ಷರೇಣ ಪ॒ಙ್ಕ್ತಿಮುದ॑ಜಯ-ದ್ಧಾ॒ತಾ ಷಡ॑ಖ್ಷರೇಣ॒ ಷಡ್-ಋ॒ತೂನುದ॑ಜಯ-ನ್ಮ॒ರುತ॑-ಸ್ಸ॒ಪ್ತಾಖ್ಷ॑ರೇಣ ಸ॒ಪ್ತಪ॑ದಾ॒ಗ್ಂ॒ ಶಕ್ವ॑ರೀ॒ಮುದ॑ಜಯ॒-ನ್ಬೃಹ॒ಸ್ಪತಿ॑-ರ॒ಷ್ಟಾಖ್ಷ॑ರೇಣ ಗಾಯ॒ತ್ರೀಮುದ॑ಜಯ-ನ್ಮಿ॒ತ್ರೋ ನವಾ᳚ಖ್ಷರೇಣ ತ್ರಿ॒ವೃತ॒ಗ್ಗ್॒ ಸ್ತೋಮ॒ಮುದ॑ಜಯ॒- [ಸ್ತೋಮ॒ಮುದ॑ಜಯತ್, ವರು॑ಣೋ॒ ದಶಾ᳚ಖ್ಷರೇಣ] 43
-ದ್ವರು॑ಣೋ॒ ದಶಾ᳚ಖ್ಷರೇಣ ವಿ॒ರಾಜ॒-ಮುದ॑ಜಯ॒ದಿನ್ದ್ರ॒ ಏಕಾ॑ದಶಾಖ್ಷರೇಣ ತ್ರಿ॒ಷ್ಟುಭ॒-ಮುದ॑ಜಯ॒-ದ್ವಿಶ್ವೇ॑ ದೇ॒ವಾ ದ್ವಾದ॑ಶಾಖ್ಷರೇಣ॒ ಜಗ॑ತೀ॒ಮುದ॑ಜಯ॒ನ್ ವಸ॑ವ॒ಸ್ತ್ರಯೋ॑ ದಶಾಖ್ಷರೇಣ ತ್ರಯೋದ॒ಶಗ್ಗ್ ಸ್ತೋಮ॒ಮುದ॑ಜಯ-ನ್ರು॒ದ್ರಾಶ್ಚತು॑ರ್ದಶಾಖ್ಷರೇಣ ಚತುರ್ದ॒ಶಗ್ಗ್ ಸ್ತೋಮ॒ಮುದ॑ಜಯನ್ನಾದಿ॒ತ್ಯಾಃ ಪಞ್ಚ॑ದಶಾಖ್ಷರೇಣ ಪಞ್ಚದ॒ಶಗ್ಗ್ ಸ್ತೋಮ॒ಮುದ॑ಜಯ॒ನ್ನದಿ॑ತಿ॒-ಷ್ಷೋಡ॑ಶಾಖ್ಷರೇಣ ಷೋಡ॒ಶಗ್ಗ್ ಸ್ತೋಮ॒ಮುದ॑ಜಯ-ತ್ಪ್ರ॒ಜಾಪ॑ತಿ-ಸ್ಸ॒ಪ್ತದ॑ಶಾಖ್ಷರೇಣ ಸಪ್ತದ॒ಶಗ್ಗ್ ಸ್ತೋಮ॒ಮುದ॑ಜಯತ್ ॥ 44 ॥
(ತ್ರಿ॒ವೃತ॒ಗ್ಗ್॒ ಸ್ತೋಮ॒ಮುದ॑ಜಯ॒-ಥ್ಷಟ್ಚ॑ತ್ವಾರಿಗ್ಂಶಚ್ಚ) (ಅ. 11)
ಉ॒ಪ॒ಯಾ॒ಮಗೃ॑ಹೀತೋ-ಽಸಿ ನೃ॒ಷದ॑-ನ್ತ್ವಾ ದ್ರು॒ಷದ॑-ಮ್ಭುವನ॒ಸದ॒ಮಿನ್ದ್ರಾ॑ಯ॒ ಜುಷ್ಟ॑-ಙ್ಗೃಹ್ಣಾಮ್ಯೇ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವೋಪಯಾ॒ಮಗೃ॑ಹೀತೋ-ಽಸ್ಯಫ್ಸು॒ಷದ॑-ನ್ತ್ವಾ ಘೃತ॒ಸದಂ॑-ವ್ಯೋಁಮ॒ಸದ॒ಮಿನ್ದ್ರಾ॑ಯ॒ ಜುಷ್ಟ॑-ಙ್ಗೃಹ್ಣಾಮ್ಯೇ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವೋಪಯಾ॒ಮಗೃ॑ಹೀತೋ-ಽಸಿ ಪೃಥಿವಿ॒ಷದ॑-ನ್ತ್ವಾ-ಽನ್ತರಿಖ್ಷ॒ಸದ॑-ನ್ನಾಕ॒ಸದ॒ಮಿನ್ದ್ರಾ॑ಯ॒ ಜುಷ್ಟ॑-ಙ್ಗೃಹ್ಣಾಮ್ಯೇ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ॥ ಯೇ ಗ್ರಹಾಃ᳚ ಪಞ್ಚಜ॒ನೀನಾ॒ ಯೇಷಾ᳚-ನ್ತಿ॒ಸ್ರಃ ಪ॑ರಮ॒ಜಾಃ । ದೈವ್ಯಃ॒ ಕೋಶ॒- [ದೈವ್ಯಃ॒ ಕೋಶಃ॑, ಸಮು॑ಬ್ಜಿತಃ ।] 45
-ಸ್ಸಮು॑ಬ್ಜಿತಃ । ತೇಷಾಂ॒-ವಿಁಶಿ॑ಪ್ರಿಯಾಣಾ॒-ಮಿಷ॒ಮೂರ್ಜ॒ಗ್ಂ॒ ಸಮ॑ಗ್ರಭೀ-ಮೇ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ॥ ಅ॒ಪಾಗ್ಂ ರಸ॒ಮುದ್ವ॑ಯಸ॒ಗ್ಂ॒ ಸೂರ್ಯ॑ರಶ್ಮಿಗ್ಂ ಸ॒ಮಾಭೃ॑ತಮ್ । ಅ॒ಪಾಗ್ಂ ರಸ॑ಸ್ಯ॒ ಯೋ ರಸ॒ಸ್ತಂ-ವೋಁ॑ ಗೃಹ್ಣಾಮ್ಯುತ್ತ॒ಮಮೇ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ॥ ಅ॒ಯಾ ವಿ॒ಷ್ಠಾ ಜ॒ನಯ॒ನ್ ಕರ್ವ॑ರಾಣಿ॒ ಸ ಹಿ ಘೃಣಿ॑ರು॒ರು-ರ್ವರಾ॑ಯ ಗಾ॒ತುಃ । ಸ ಪ್ರತ್ಯುದೈ᳚-ದ್ಧ॒ರುಣೋ ಮದ್ಧ್ವೋ॒ ಅಗ್ರ॒ಗ್ಗ್॒ ಸ್ವಾಯಾಂ॒-ಯಁ-ತ್ತ॒ನುವಾ᳚-ನ್ತ॒ನೂಮೈರ॑ಯತ । ಉ॒ಪ॒ಯಾ॒ಮಗೃ॑ಹೀತೋ-ಽಸಿ ಪ್ರ॒ಜಾಪ॑ತಯೇ ತ್ವಾ॒ ಜುಷ್ಟ॑-ಙ್ಗೃಹ್ಣಾಮ್ಯೇ॒ಷ ತೇ॒ ಯೋನಿಃ॑ ಪ್ರ॒ಜಾಪ॑ತಯೇ ತ್ವಾ ॥ 46 ॥
(ಕೋಶ॑-ಸ್ತ॒ನುವಾ॒ನ್-ತ್ರಯೋ॑ದಶ ಚ) (ಅ. 12)
ಅನ್ವಹ॒ ಮಾಸಾ॒ ಅನ್ವಿದ್ವನಾ॒ನ್ಯನ್ವೋಷ॑ಧೀ॒ರನು॒ ಪರ್ವ॑ತಾಸಃ । ಅನ್ವಿನ್ದ್ರ॒ಗ್ಂ॒ ರೋದ॑ಸೀ ವಾವಶಾ॒ನೇ ಅನ್ವಾಪೋ॑ ಅಜಿಹತ॒ ಜಾಯ॑ಮಾನಮ್ ॥ ಅನು॑ ತೇ ದಾಯಿ ಮ॒ಹ ಇ॑ನ್ದ್ರಿ॒ಯಾಯ॑ ಸ॒ತ್ರಾ ತೇ॒ ವಿಶ್ವ॒ಮನು॑ ವೃತ್ರ॒ಹತ್ಯೇ᳚ । ಅನು॑ ಖ್ಷ॒ತ್ರಮನು॒ ಸಹೋ॑ ಯಜ॒ತ್ರೇನ್ದ್ರ॑ ದೇ॒ವೇಭಿ॒ರನು॑ ತೇ ನೃ॒ಷಹ್ಯೇ᳚ ॥ ಇ॒ನ್ದ್ರಾ॒ಣೀಮಾ॒ಸು ನಾರಿ॑ಷು ಸು॒ಪತ್ನೀ॑-ಮ॒ಹಮ॑ಶ್ರವಮ್ । ನ ಹ್ಯ॑ಸ್ಯಾ ಅಪ॒ರ-ಞ್ಚ॒ನ ಜ॒ರಸಾ॒ [ಜ॒ರಸಾ᳚, ಮರ॑ತೇ॒ ಪತಿಃ॑ ।] 47
ಮರ॑ತೇ॒ ಪತಿಃ॑ ॥ ನಾಹಮಿ॑ನ್ದ್ರಾಣಿ ರಾರಣ॒ ಸಖ್ಯು॑-ರ್ವೃ॒ಷಾಕ॑ಪೇರ್-ಋ॒ತೇ । ಯಸ್ಯೇ॒ದಮಪ್ಯಗ್ಂ॑ ಹ॒ವಿಃ ಪ್ರಿ॒ಯ-ನ್ದೇ॒ವೇಷು॒ ಗಚ್ಛ॑ತಿ ॥ಯೋ ಜಾ॒ತ ಏ॒ವ ಪ್ರ॑ಥ॒ಮೋ ಮನ॑ಸ್ವಾ-ನ್ದೇ॒ವೋ ದೇ॒ವಾನ್ ಕ್ರತು॑ನಾ ಪ॒ರ್ಯಭೂ॑ಷತ್ । ಯಸ್ಯ॒ ಶುಷ್ಮಾ॒ದ್ರೋದ॑ಸೀ॒ ಅಭ್ಯ॑ಸೇತಾ-ನ್ನೃಂ॒ಣಸ್ಯ॑ ಮ॒ಹ್ನಾ ಸ ಜ॑ನಾಸ॒ ಇನ್ದ್ರಃ॑ ॥ ಆ ತೇ॑ ಮ॒ಹ ಇ॑ನ್ದ್ರೋ॒ತ್ಯು॑ಗ್ರ॒ ಸಮ॑ನ್ಯವೋ॒ ಯ-ಥ್ಸ॒ಮರ॑ನ್ತ॒ ಸೇನಾಃ᳚ । ಪತಾ॑ತಿ ದಿ॒ದ್ಯುನ್ನರ್ಯ॑ಸ್ಯ ಬಾಹು॒ವೋ-ರ್ಮಾ ತೇ॒ [ಬಾಹು॒ವೋ-ರ್ಮಾ ತೇ᳚, ಮನೋ॑] 48
ಮನೋ॑ ವಿಷ್ವ॒ದ್ರಿಯ॒ಗ್ ವಿ ಚಾ॑ರೀತ್ ॥ ಮಾ ನೋ॑ ಮರ್ಧೀ॒ರಾ ಭ॑ರಾ ದ॒ದ್ಧಿ ತನ್ನಃ॒ ಪ್ರ ದಾ॒ಶುಷೇ॒ ದಾತ॑ವೇ॒ ಭೂರಿ॒ ಯ-ತ್ತೇ᳚ । ನವ್ಯೇ॑ ದೇ॒ಷ್ಣೇ ಶ॒ಸ್ತೇ ಅ॒ಸ್ಮಿ-ನ್ತ॑ ಉ॒ಕ್ಥೇ ಪ್ರ ಬ್ರ॑ವಾಮ ವ॒ಯಮಿ॑ನ್ದ್ರ ಸ್ತು॒ವನ್ತಃ॑ ॥ ಆ ತೂ ಭ॑ರ॒ ಮಾಕಿ॑ರೇ॒ತ-ತ್ಪರಿ॑ ಷ್ಠಾ-ದ್ವಿ॒ದ್ಮಾ ಹಿ ತ್ವಾ॒ ವಸು॑ಪತಿಂ॒-ವಁಸೂ॑ನಾಮ್ । ಇನ್ದ್ರ॒ ಯ-ತ್ತೇ॒ ಮಾಹಿ॑ನ॒-ನ್ದತ್ರ॒-ಮಸ್ತ್ಯ॒ಸ್ಮಭ್ಯ॒-ನ್ತದ್ಧ॑ರ್ಯಶ್ವ॒ [ತದ್ಧ॑ರ್ಯಶ್ವ, ಪ್ರ ಯ॑ನ್ಧಿ ।] 49
ಪ್ರ ಯ॑ನ್ಧಿ ॥ ಪ್ರ॒ದಾ॒ತಾರಗ್ಂ॑ ಹವಾಮಹ॒ ಇನ್ದ್ರ॒ಮಾ ಹ॒ವಿಷಾ॑ ವ॒ಯಮ್ । ಉ॒ಭಾ ಹಿ ಹಸ್ತಾ॒ ವಸು॑ನಾ ಪೃ॒ಣಸ್ವಾ ಽಽ ಪ್ರ ಯ॑ಚ್ಛ॒ ದಖ್ಷಿ॑ಣಾ॒ದೋತ ಸ॒ವ್ಯಾತ್ ॥ ಪ್ರ॒ದಾ॒ತಾ ವ॒ಜ್ರೀ ವೃ॑ಷ॒ಭಸ್ತು॑ರಾ॒ಷಾಟ್ಛು॒ಷ್ಮೀ ರಾಜಾ॑ ವೃತ್ರ॒ಹಾ ಸೋ॑ಮ॒ಪಾವಾ᳚ । ಅ॒ಸ್ಮಿನ್. ಯ॒ಜ್ಞೇ ಬ॒ರ್॒ಹಿಷ್ಯಾ ನಿ॒ಷದ್ಯಾಥಾ॑ ಭವ॒ ಯಜ॑ಮಾನಾಯ॒ ಶಂ-ಯೋಃ ಁ॥ ಇನ್ದ್ರ॑-ಸ್ಸು॒ತ್ರಾಮಾ॒ ಸ್ವವಾ॒ಗ್ಂ॒ ಅವೋ॑ಭಿ-ಸ್ಸುಮೃಡೀ॒ಕೋ ಭ॑ವತು ವಿ॒ಶ್ವವೇ॑ದಾಃ । ಬಾಧ॑ತಾ॒-ನ್ದ್ವೇಷೋ॒ ಅಭ॑ಯ-ಙ್ಕೃಣೋತು ಸು॒ವೀರ್ಯ॑ಸ್ಯ॒ [ಸು॒ವೀರ್ಯ॑ಸ್ಯ, ಪತ॑ಯ-ಸ್ಸ್ಯಾಮ ।] 50
ಪತ॑ಯ-ಸ್ಸ್ಯಾಮ ॥ ತಸ್ಯ॑ ವ॒ಯಗ್ಂ ಸು॑ಮ॒ತೌ ಯ॒ಜ್ಞಿಯ॒ಸ್ಯಾಪಿ॑ ಭ॒ದ್ರೇ ಸೌ॑ಮನ॒ಸೇ ಸ್ಯಾ॑ಮ । ಸ ಸು॒ತ್ರಾಮಾ॒ ಸ್ವವಾ॒ಗ್ಂ॒ ಇನ್ದ್ರೋ॑ ಅ॒ಸ್ಮೇ ಆ॒ರಾಚ್ಚಿ॒-ದ್ದ್ವೇಷ॑-ಸ್ಸನು॒ತ-ರ್ಯು॑ಯೋತು ॥ ರೇ॒ವತೀ᳚-ರ್ನ-ಸ್ಸಧ॒ಮಾದ॒ ಇನ್ದ್ರೇ॑ ಸನ್ತು ತು॒ವಿವಾ॑ಜಾಃ । ಖ್ಷು॒ಮನ್ತೋ॒ ಯಾಭಿ॒-ರ್ಮದೇ॑ಮ ॥ ಪ್ರೋಷ್ವ॑ಸ್ಮೈ ಪುರೋರ॒ಥಮಿನ್ದ್ರಾ॑ಯ ಶೂ॒ಷಮ॑ರ್ಚತ । ಅ॒ಭೀಕೇ॑ ಚಿದು ಲೋಕ॒ಕೃ-ಥ್ಸ॒ಙ್ಗೇ ಸ॒ಮಥ್ಸು॑ ವೃತ್ರ॒ಹಾ । ಅ॒ಸ್ಮಾಕ॑-ಮ್ಬೋಧಿ ಚೋದಿ॒ತಾ ನಭ॑ನ್ತಾ-ಮನ್ಯ॒ಕೇಷಾ᳚ಮ್ । ಜ್ಯಾ॒ಕಾ ಅಧಿ॒ ಧನ್ವ॑ಸು ॥ 51 ॥
(ಜ॒ರಸಾ॒-ಮಾ ತೇ॑-ಹರ್ಯಶ್ವ-ಸು॒ವೀರ್ಯ॒ಸ್ಯಾ-ದ್ಧ್ಯೇ-ಕ॑-ಞ್ಚ ) (ಅ. 13)
(ಪಾ॒ಕ॒ಯ॒ಜ್ಞಗ್ಂ-ಸಗ್ಗ್ಶ್ರ॑ವಾಃ-ಪ॒ರೋಖ್ಷಂ॑-ಬ॒ರ್॒ಹಿಷೋ॒-ಽಹಂ -ಧ್ರು॒ವಾ-ಮಗ॒ನ್ಮೇತ್ಯಾ॑ಹ॒ -ದೇವ॑ ಸವಿತ-ರ್ದೇ॒ವಸ್ಯಾ॒ಹಂ-ಖ್ಷ॒ತ್ರಸ್ಯೋಲಗ್ಗ್ಂ॒ವಾಁಜ॑ಸ್ಯೇ॒ಮ-ಮ॒ಗ್ನಿರೇಕಾ᳚ಖ್ಷರೇಣೋ -ಪಯಾ॒ಮಗೃ॑ಹೀತೋ॒-ಽ-ಸ್ಯನ್ವಹ॒ ಮಾಸಾ॒-ಸ್ತ್ರಯೋ॑ದಶ ।)
(ಪಾ॒ಕ॒ಯ॒ಜ್ಞಂ-ಪ॒ರೋಖ್ಷಂ॑-ಧ್ರು॒ವಾಂವಿಁ ಸೃ॑ಜತೇ-ಚ ನ॒-ಸ್ಸರ್ವ॑ವೀರಾಂ॒ – ಪತ॑ಯ-ಸ್ಸ್ಯೋ॒-ಮೈಕ॑ಪಞ್ಚಾ॒ಶತ್ । )
(ಪಾ॒ಕ॒ಯ॒ಜ್ಞಮ್, ಧನ್ವ॑ಸು)
॥ ಹರಿ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪ್ರಥಮಕಾಣ್ಡೇ ಸಪ್ತಮಃ ಪ್ರಶ್ನ-ಸ್ಸಮಾಪ್ತಃ ॥