ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪ್ರಥಮಕಾಣ್ಡೇ ಅಷಮಃ ಪ್ರಶ್ನಃ – ರಾಜಸೂಯಃ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಅನು॑ಮತ್ಯೈ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪತಿ ಧೇ॒ನು-ರ್ದಖ್ಷಿ॑ಣಾ॒ ಯೇ ಪ್ರ॒ತ್ಯಞ್ಚ॒-ಶ್ಶಮ್ಯಾ॑ಯಾ ಅವ॒ಶೀಯ॑ನ್ತೇ॒ ತ-ನ್ನೈರ್-ಋ॒ತ-ಮೇಕ॑ಕಪಾಲ-ಙ್ಕೃ॒ಷ್ಣಂ-ವಾಁಸಃ॑ ಕೃ॒ಷ್ಣತೂ॑ಷ॒-ನ್ದಖ್ಷಿ॑ಣಾ॒ ವೀಹಿ॒ ಸ್ವಾಹಾ-ಽಽಹು॑ತಿ-ಞ್ಜುಷಾ॒ಣ ಏ॒ಷ ತೇ॑ ನಿರ್-ಋತೇ ಭಾ॒ಗೋ ಭೂತೇ॑ ಹ॒ವಿಷ್ಮ॑ತ್ಯಸಿ ಮು॒ಞ್ಚೇಮ-ಮಗ್ಂಹ॑ಸ॒-ಸ್ಸ್ವಾಹಾ॒ ನಮೋ॒ ಯ ಇ॒ದ-ಞ್ಚ॒ಕಾರಾ॑-ಽಽದಿ॒ತ್ಯ-ಞ್ಚ॒ರು-ನ್ನಿರ್ವ॑ಪತಿ॒ ವರೋ॒ ದಖ್ಷಿ॑ಣಾ-ಽಽಗ್ನಾವೈಷ್ಣ॒ವ-ಮೇಕಾ॑ದಶಕಪಾಲಂ-ವಾಁಮ॒ನೋ ವ॒ಹೀ ದಖ್ಷಿ॑ಣಾ ಽಗ್ನೀಷೋ॒ಮೀಯ॒- [ದಖ್ಷಿ॑ಣಾ ಽಗ್ನೀಷೋ॒ಮೀಯ᳚ಮ್, ಏಕಾ॑ದಶಕಪಾಲ॒ಗ್ಂ॒ ಹಿರ॑ಣ್ಯಂ॒] 1
-ಮೇಕಾ॑ದಶಕಪಾಲ॒ಗ್ಂ॒ ಹಿರ॑ಣ್ಯ॒-ನ್ದಖ್ಷಿ॑ಣೈ॒ನ್ದ್ರ-ಮೇಕಾ॑ದಶಕಪಾಲ-ಮೃಷ॒ಭೋ ವ॒ಹೀ ದಖ್ಷಿ॑ಣಾ-ಽಽಗ್ನೇ॒ಯ-ಮ॒ಷ್ಟಾಕ॑ಪಾಲಮೈ॒ನ್ದ್ರ-ನ್ದದ್ಧ್ಯೃ॑ಷ॒ಭೋ ವ॒ಹೀ ದಖ್ಷಿ॑ಣೈನ್ದ್ರಾ॒ಗ್ನ-ನ್ದ್ವಾದ॑ಶಕಪಾಲಂ-ವೈಁಶ್ವದೇ॒ವ-ಞ್ಚ॒ರು-ಮ್ಪ್ರ॑ಥಮ॒ಜೋ ವ॒ಥ್ಸೋ ದಖ್ಷಿ॑ಣಾ ಸೌ॒ಮ್ಯಗ್ಗ್ ಶ್ಯಾ॑ಮಾ॒ಕ-ಞ್ಚ॒ರುಂ-ವಾಁಸೋ॒ ದಖ್ಷಿ॑ಣಾ॒ ಸರ॑ಸ್ವತ್ಯೈ ಚ॒ರುಗ್ಂ ಸರ॑ಸ್ವತೇ ಚ॒ರು-ಮ್ಮಿ॑ಥು॒ನೌ ಗಾವೌ॒ ದಖ್ಷಿ॑ಣಾ ॥ 2 ॥
(ಅ॒ಗ್ನೀ॒ಷೋ॒ಮೀಯಂ॒-ಚತು॑ಸ್ತ್ರಿಗ್ಂಶಚ್ಚ) (ಅ. 1)
ಆ॒ಗ್ನೇ॒ಯಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪತಿ ಸೌ॒ಮ್ಯ-ಞ್ಚ॒ರುಗ್ಂ ಸಾ॑ವಿ॒ತ್ರಂ-ದ್ವಾದ॑ಶಕಪಾಲಗ್ಂ ಸಾರಸ್ವ॒ತ-ಞ್ಚ॒ರು-ಮ್ಪೌ॒ಷ್ಣ-ಞ್ಚ॒ರು-ಮ್ಮಾ॑ರು॒ತಗ್ಂ ಸ॒ಪ್ತಕ॑ಪಾಲಂ-ವೈಁಶ್ವದೇ॒ವೀ-ಮಾ॒ಮಿಖ್ಷಾ᳚-ನ್ದ್ಯಾವಾಪೃಥಿ॒ವ್ಯ॑-ಮೇಕ॑ಕಪಾಲಮ್ ॥ 3 ॥
(ಆ॒ಗ್ನೇ॒ಯಗ್ಂ ಸೌ॒ಮ್ಯ-ಮ್ಮಾ॑ರು॒ತ-ಮ॒ಷ್ಟಾದ॑ಶ) (ಅ. 2)
ಐ॒ನ್ದ್ರಾ॒ಗ್ನ-ಮೇಕಾ॑ದಶಕಪಾಲ-ಮ್ಮಾರು॒ತೀ-ಮಾ॒ಮಿಖ್ಷಾಂ᳚-ವಾಁರು॒ಣೀ-ಮಾ॒ಮಿಖ್ಷಾ᳚-ಙ್ಕಾ॒ಯಮೇಕ॑ಕಪಾಲ-ಮ್ಪ್ರಘಾ॒ಸ್ಯಾನ್॑. ಹವಾಮಹೇ ಮ॒ರುತೋ॑ ಯ॒ಜ್ಞವಾ॑ಹಸಃ ಕರ॒ಮ್ಭೇಣ॑ ಸ॒ಜೋಷ॑ಸಃ ॥ ಮೋ ಷೂ ಣ॑ ಇನ್ದ್ರ ಪೃ॒ಥ್ಸು ದೇ॒ವಾಸ್ತು॑ ಸ್ಮ ತೇ ಶುಷ್ಮಿನ್ನವ॒ಯಾ । ಮ॒ಹೀ ಹ್ಯ॑ಸ್ಯ ಮೀ॒ಢುಷೋ॑ ಯ॒ವ್ಯಾ । ಹ॒ವಿಷ್ಮ॑ತೋ ಮ॒ರುತೋ॒ ವನ್ದ॑ತೇ॒ ಗೀಃ ॥ ಯ-ದ್ಗ್ರಾಮೇ॒ ಯದರ॑ಣ್ಯೇ॒ ಯ-ಥ್ಸ॒ಭಾಯಾಂ॒-ಯಁದಿ॑ನ್ದ್ರಿ॒ಯೇ । ಯಚ್ಛೂ॒ದ್ರೇ ಯದ॒ರ್ಯ॑ ಏನ॑ಶ್ಚಕೃ॒ಮಾ ವ॒ಯಮ್ । ಯದೇ ಕ॒ಸ್ಯಾಧಿ॒ ಧರ್ಮ॑ಣಿ॒ ತಸ್ಯಾ॑ವ॒ಯಜ॑ನಮಸಿ॒ ಸ್ವಾಹಾ᳚ ॥ ಅಕ್ರ॒ನ್ ಕರ್ಮ॑ ಕರ್ಮ॒ಕೃತ॑-ಸ್ಸ॒ಹ ವಾ॒ಚಾ ಮ॑ಯೋಭು॒ವಾ । ದೇ॒ವೇಭ್ಯಃ॒ ಕರ್ಮ॑ ಕೃ॒ತ್ವಾ-ಽಸ್ತ॒-ಮ್ಪ್ರೇತ॑ ಸುದಾನವಃ ॥ 4 ॥
(ವ॒ಯಂಯಁ-ದ್ವಿಗ್ಂ॑ಶ॒ತಿಶ್ಚ॑) (ಅ. 3)
ಅ॒ಗ್ನಯೇ-ಽನೀ॑ಕವತೇ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪತಿ ಸಾ॒ಕಗ್ಂ ಸೂರ್ಯೇ॑ಣೋದ್ಯ॒ತಾ ಮ॒ರುದ್ಭ್ಯ॑-ಸ್ಸಾನ್ತಪ॒ನೇಭ್ಯೋ॑ ಮ॒ದ್ಧ್ಯನ್ದಿ॑ನೇ ಚ॒ರು-ಮ್ಮ॒ರುದ್ಭ್ಯೋ॑ ಗೃಹಮೇ॒ಧಿಭ್ಯ॒-ಸ್ಸರ್ವಾ॑ಸಾ-ನ್ದು॒ಗ್ಧೇ ಸಾ॒ಯ-ಞ್ಚ॒ರು-ಮ್ಪೂ॒ರ್ಣಾ ದ॑ರ್ವಿ॒ ಪರಾ॑ಪತ॒ ಸುಪೂ᳚ರ್ಣಾ॒ ಪುನ॒ರಾ ಪ॑ತ । ವ॒ಸ್ನೇವ॒ ವಿ ಕ್ರೀ॑ಣಾವಹಾ॒ ಇಷ॒ಮೂರ್ಜಗ್ಂ॑ ಶತಕ್ರತೋ ॥ ದೇ॒ಹಿ ಮೇ॒ ದದಾ॑ಮಿ ತೇ॒ ನಿ ಮೇ॑ ಧೇಹಿ॒ ನಿ ತೇ॑ ದಧೇ । ನಿ॒ಹಾರ॒ಮಿನ್ನಿ ಮೇ॑ ಹರಾ ನಿ॒ ಹಾರ॒- [ನಿ॒ ಹಾರ᳚ಮ್, ನಿ ಹ॑ರಾಮಿ ತೇ ।] 5
-ನ್ನಿ ಹ॑ರಾಮಿ ತೇ ॥ ಮ॒ರುದ್ಭ್ಯಃ॑ ಕ್ರೀ॒ಡಿಭ್ಯಃ॑ ಪುರೋ॒ಡಾಶಗ್ಂ॑ ಸ॒ಪ್ತಕ॑ಪಾಲ॒-ನ್ನಿರ್ವ॑ಪತಿ ಸಾ॒ಕಗ್ಂ ಸೂರ್ಯೇ॑ಣೋದ್ಯ॒ತಾ-ಽಽಗ್ನೇ॒ಯ-ಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪತಿ ಸೌ॒ಮ್ಯ-ಞ್ಚ॒ರುಗ್ಂ ಸಾ॑ವಿ॒ತ್ರ-ನ್ದ್ವಾದ॑ಶಕಪಾಲಗ್ಂ ಸಾರಸ್ವ॒ತ-ಞ್ಚ॒ರು-ಮ್ಪೌ॒ಷ್ಣ-ಞ್ಚ॒ರುಮೈ᳚ನ್ದ್ರಾ॒ಗ್ನ-ಮೇಕಾ॑ದಶಕಪಾಲ-ಮೈ॒ನ್ದ್ರ-ಞ್ಚ॒ರುಂ-ವೈಁ᳚ಶ್ವಕರ್ಮ॒ಣ-ಮೇಕ॑ಕಪಾಲಮ್ ॥ 6 ॥
(ಹ॒ರಾ॒ ನಿ॒ಹಾರ॑ನ್-ತ್ರಿ॒ಗ್ಂ॒ಶಚ್ಚ॑) (ಅ. 4)
ಸೋಮಾ॑ಯ ಪಿತೃ॒ಮತೇ॑ ಪುರೋ॒ಡಾಶ॒ಗ್ಂ॒ ಷಟ್ಕ॑ಪಾಲ॒-ನ್ನಿರ್ವ॑ಪತಿ ಪಿ॒ತೃಭ್ಯೋ॑ ಬರ್ಹಿ॒ಷದ್ಭ್ಯೋ॑ ಧಾ॒ನಾಃ ಪಿ॒ತೃಭ್ಯೋ᳚-ಽಗ್ನಿಷ್ವಾ॒ತ್ತೇಭ್ಯೋ॑ ಽಭಿವಾ॒ನ್ಯಾ॑ಯೈ ದು॒ಗ್ಧೇ ಮ॒ನ್ಥಮೇ॒ತ-ತ್ತೇ॑ ತತ॒ ಯೇ ಚ॒ ತ್ವಾ-ಮನ್ವೇ॒ತ-ತ್ತೇ॑ ಪಿತಾಮಹ ಪ್ರಪಿತಾಮಹ॒ ಯೇ ಚ॒ ತ್ವಾಮನ್ವತ್ರ॑ ಪಿತರೋ ಯಥಾಭಾ॒ಗ-ಮ್ಮ॑ನ್ದದ್ಧ್ವಗ್ಂ ಸುಸ॒ನ್ದೃಶ॑-ನ್ತ್ವಾ ವ॒ಯ-ಮ್ಮಘ॑ವ-ನ್ಮನ್ದಿಷೀ॒ಮಹಿ॑ । ಪ್ರನೂ॒ನ-ಮ್ಪೂ॒ರ್ಣವ॑ನ್ಧುರ-ಸ್ಸ್ತು॒ತೋ ಯಾ॑ಸಿ॒ ವಶಾ॒ಗ್ಂ॒ ಅನು॑ । ಯೋಜಾ॒ ನ್ವಿ॑ನ್ದ್ರ ತೇ॒ ಹರೀ᳚ ॥ 7 ॥
ಅಖ್ಷ॒ನ್ನಮೀ॑ಮದನ್ತ॒ ಹ್ಯವ॑ ಪ್ರಿ॒ಯಾ ಅ॑ಧೂಷತ । ಅಸ್ತೋ॑ಷತ॒ ಸ್ವಭಾ॑ನವೋ॒ ವಿಪ್ರಾ॒ ನವಿ॑ಷ್ಠಯಾ ಮ॒ತೀ । ಯೋಜಾ॒ ನ್ವಿ॑ನ್ದ್ರ ತೇ॒ ಹರೀ᳚ ॥ ಅಖ್ಷ॑-ನ್ಪಿ॒ತರೋ-ಽಮೀ॑ಮದನ್ತ ಪಿ॒ತರೋ-ಽತೀ॑ತೃಪನ್ತ ಪಿ॒ತರೋ-ಽಮೀ॑ಮೃಜನ್ತ ಪಿ॒ತರಃ॑ ॥ ಪರೇ॑ತ ಪಿತರ-ಸ್ಸೋಮ್ಯಾ ಗಮ್ಭೀ॒ರೈಃ ಪ॒ಥಿಭಿಃ॑ ಪೂ॒ರ್ವ್ಯೈಃ । ಅಥಾ॑ ಪಿ॒ತೃನ್-ಥ್ಸು॑ವಿ॒ದತ್ರಾ॒ಗ್ಂ॒ ಅಪೀ॑ತ ಯ॒ಮೇನ॒ ಯೇ ಸ॑ಧ॒ಮಾದ॒-ಮ್ಮದ॑ನ್ತಿ ॥ ಮನೋ॒ ನ್ವಾ ಹು॑ವಾಮಹೇ ನಾರಾಶ॒ಗ್ಂ॒ಸೇನ॒ ಸ್ತೋಮೇ॑ನ ಪಿತೃ॒ಣಾ-ಞ್ಚ॒ ಮನ್ಮ॑ಭಿಃ ॥ ಆ [ಆ, ನ॒ ಏ॒ತು॒ ಮನಃ॒ ಪುನಃ॒ ಕ್ರತ್ವೇ॒] 8
ನ॑ ಏತು॒ ಮನಃ॒ ಪುನಃ॒ ಕ್ರತ್ವೇ॒ ದಖ್ಷಾ॑ಯ ಜೀ॒ವಸೇ᳚ । ಜ್ಯೋಕ್ಚ॒ ಸೂರ್ಯ॑-ನ್ದೃ॒ಶೇ ॥ ಪುನ॑ರ್ನಃ ಪಿ॒ತರೋ॒ ಮನೋ॒ ದದಾ॑ತು॒ ದೈವ್ಯೋ॒ ಜನಃ॑ । ಜೀ॒ವಂ-ವ್ರಾಁತಗ್ಂ॑ ಸಚೇಮಹಿ ॥ ಯದ॒ನ್ತರಿ॑ಖ್ಷ-ಮ್ಪೃಥಿ॒ವೀಮು॒ತ ದ್ಯಾಂ-ಯಁನ್ಮಾ॒ತರ॑-ಮ್ಪಿ॒ತರಂ॑-ವಾಁ ಜಿಹಿಗ್ಂಸಿ॒ಮ । ಅ॒ಗ್ನಿ-ರ್ಮಾ॒ ತಸ್ಮಾ॒ದೇನ॑ಸೋ॒ ಗಾರ್ಹ॑ಪತ್ಯಃ॒ ಪ್ರ ಮು॑ಞ್ಚತು ದುರಿ॒ತಾ ಯಾನಿ॑ ಚಕೃ॒ಮ ಕ॒ರೋತು॒ ಮಾ-ಮ॑ನೇ॒ನಸ᳚ಮ್ ॥ 9 ॥
(ಹರೀ॒-ಮನ್ಮ॑ಭಿ॒ರಾ-ಚತು॑ಶ್ಚತ್ವಾರಿಗ್ಂಶಚ್ಚ) (ಅ. 5)
ಪ್ರ॒ತಿ॒ಪೂ॒ರು॒ಷಮೇಕ॑ಕಪಾಲಾ॒-ನ್ನಿರ್ವ॑ಪ॒ತ್ಯೇಕ॒-ಮತಿ॑ರಿಕ್ತಂ॒-ಯಾಁವ॑ನ್ತೋ ಗೃ॒ಹ್ಯಾ᳚-ಸ್ಸ್ಮಸ್ತೇಭ್ಯಃ॒ ಕಮ॑ಕರ-ಮ್ಪಶೂ॒ನಾಗ್ಂ ಶರ್ಮಾ॑ಸಿ॒ ಶರ್ಮ॒ ಯಜ॑ಮಾನಸ್ಯ॒ ಶರ್ಮ॑ ಮೇ ಯ॒ಚ್ಛೈಕ॑ ಏ॒ವ ರು॒ದ್ರೋ ನ ದ್ವಿ॒ತೀಯಾ॑ಯ ತಸ್ಥ ಆ॒ಖುಸ್ತೇ॑ ರುದ್ರ ಪ॒ಶುಸ್ತ-ಞ್ಜು॑ಷಸ್ವೈ॒ಷ ತೇ॑ ರುದ್ರ ಭಾ॒ಗ-ಸ್ಸ॒ಹ ಸ್ವಸ್ರಾ-ಽಮ್ಬಿ॑ಕಯಾ॒ ತ-ಞ್ಜು॑ಷಸ್ವ ಭೇಷ॒ಜ-ಙ್ಗವೇ-ಽಶ್ವಾ॑ಯ॒ ಪುರು॑ಷಾಯ ಭೇಷ॒ಜಮಥೋ॑ ಅ॒ಸ್ಮಭ್ಯ॑-ಮ್ಭೇಷ॒ಜಗ್ಂ ಸುಭೇ॑ಷಜಂ॒- [ಸುಭೇ॑ಷಜಮ್, ಯಥಾ-ಽಸ॑ತಿ ।] 10
-ಯಁಥಾ-ಽಸ॑ತಿ । ಸು॒ಗ-ಮ್ಮೇ॒ಷಾಯ॑ ಮೇ॒ಷ್ಯಾ॑ ಅವಾ᳚ಮ್ಬ ರು॒ದ್ರ-ಮ॑ದಿಮ॒ಹ್ಯವ॑ ದೇ॒ವ-ನ್ತ್ಯ್ರ॑ಮ್ಬಕಮ್ । ಯಥಾ॑ ನ॒-ಶ್ಶ್ರೇಯ॑ಸಃ॒ ಕರ॒-ದ್ಯಥಾ॑ ನೋ॒ ವಸ್ಯ॑ಸಃ॒ ಕರ॒-ದ್ಯಥಾ॑ ನಃ ಪಶು॒ಮತಃ॒ ಕರ॒-ದ್ಯಥಾ॑ ನೋ ವ್ಯವಸಾ॒ಯಯಾ᳚ತ್ ॥ ತ್ಯ್ರ॑ಮ್ಬಕಂ-ಯಁಜಾಮಹೇ ಸುಗ॒ನ್ಧಿ-ಮ್ಪು॑ಷ್ಟಿ॒ವರ್ಧ॑ನಮ್ । ಉ॒ರ್ವಾ॒ರು॒ಕ-ಮಿ॑ವ॒ ಬನ್ಧ॑ನಾ-ನ್ಮೃ॒ತ್ಯೋ-ರ್ಮು॑ಖ್ಷೀಯ॒ ಮಾ-ಽಮೃತಾ᳚ತ್ ॥ ಏ॒ಷ ತೇ॑ ರುದ್ರ ಭಾ॒ಗಸ್ತ-ಞ್ಜು॑ಷಸ್ವ॒ ತೇನಾ॑ವ॒ಸೇನ॑ ಪ॒ರೋ ಮೂಜ॑ವ॒ತೋ-ಽತೀ॒ಹ್ಯ ವ॑ತತಧನ್ವಾ॒ ಪಿನಾ॑ಕಹಸ್ತಃ॒ ಕೃತ್ತಿ॑ವಾಸಾಃ ॥ 11 ॥
(ಸುಭೇ॑ಷಜ-ಮಿಹಿ॒ ತ್ರೀಣಿ॑ ಚ) (ಅ. 6)
ಐ॒ನ್ದ್ರಾ॒ಗ್ನ-ನ್ದ್ವಾದ॑ಶಕಪಾಲಂ-ವೈಁಶ್ವದೇ॒ವ-ಞ್ಚ॒ರುಮಿನ್ದ್ರಾ॑ಯ॒ ಶುನಾ॒ಸೀರಾ॑ಯ ಪುರೋ॒ಡಾಶ॒-ನ್ದ್ವಾದ॑ಶಕಪಾಲಂ-ವಾಁಯ॒ವ್ಯ॑-ಮ್ಪಯ॑-ಸ್ಸೌ॒ರ್ಯಮೇಕ॑ಕಪಾಲ-ನ್ದ್ವಾದಶಗ॒ವಗ್ಂ ಸೀರ॒-ನ್ದಖ್ಷಿ॑ಣಾ- ಽಽಗ್ನೇ॒ಯ-ಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪತಿ ರೌ॒ದ್ರ-ಙ್ಗಾ॑ವೀಧು॒ಕ-ಞ್ಚ॒ರುಮೈ॒ನ್ದ್ರ-ನ್ದಧಿ॑ ವಾರು॒ಣಂ-ಯಁ॑ವ॒ಮಯ॑-ಞ್ಚ॒ರುಂ-ವಁ॒ಹಿನೀ॑ ಧೇ॒ನು-ರ್ದಖ್ಷಿ॑ಣಾ॒ ಯೇ ದೇ॒ವಾಃ ಪು॑ರ॒ಸ್ಸದೋ॒-ಽಗ್ನಿನೇ᳚ತ್ರಾ ದಖ್ಷಿಣ॒ಸದೋ॑ ಯ॒ಮನೇ᳚ತ್ರಾಃ ಪಶ್ಚಾ॒ಥ್ಸದ॑-ಸ್ಸವಿ॒ತೃನೇ᳚ತ್ರಾ ಉತ್ತರ॒ಸದೋ॒ ವರು॑ಣನೇತ್ರಾ ಉಪರಿ॒ಷದೋ॒ ಬೃಹ॒ಸ್ಪತಿ॑ನೇತ್ರಾ ರಖ್ಷೋ॒ಹಣ॒ಸ್ತೇ ನಃ॑ ಪಾನ್ತು॒ ತೇ ನೋ॑-ಽವನ್ತು॒ ತೇಭ್ಯೋ॒ [ತೇ ನೋ॑-ಽವನ್ತು॒ ತೇಭ್ಯಃ॑, ನಮ॒ಸ್ತೇಭ್ಯ॒-ಸ್ಸ್ವಾಹಾ॒] 12
ನಮ॒ಸ್ತೇಭ್ಯ॒-ಸ್ಸ್ವಾಹಾ॒ ಸಮೂ॑ಢ॒ಗ್ಂ॒ ರಖ್ಷ॒-ಸ್ಸನ್ದ॑॑ಗ್ಧ॒ಗ್ಂ॒ ರಖ್ಷ॑ ಇ॒ದಮ॒ಹಗ್ಂ ರಖ್ಷೋ॒-ಽಭಿ ಸ-ನ್ದ॑ಹಾಮ್ಯ॒ಗ್ನಯೇ॑ ರಖ್ಷೋ॒ಘ್ನೇ ಸ್ವಾಹಾ॑ ಯ॒ಮಾಯ॑ ಸವಿ॒ತ್ರೇ ವರು॑ಣಾಯ॒ ಬೃಹ॒ಸ್ಪತ॑ಯೇ॒ ದುವ॑ಸ್ವತೇ ರಖ್ಷೋ॒ಘ್ನೇ ಸ್ವಾಹಾ᳚ ಪ್ರಷ್ಟಿವಾ॒ಹೀ ರಥೋ॒ ದಖ್ಷಿ॑ಣಾ ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ᳚-ಽಶ್ವಿನೋ᳚-ರ್ಬಾ॒ಹುಭ್ಯಾ᳚-ಮ್ಪೂ॒ಷ್ಣೋ ಹಸ್ತಾ᳚ಭ್ಯಾ॒ಗ್ಂ॒ ರಖ್ಷ॑ಸೋ ವ॒ಧ-ಞ್ಜು॑ಹೋಮಿ ಹ॒ತಗ್ಂ ರಖ್ಷೋ-ಽವ॑ಧಿಷ್ಮ॒ ರಖ್ಷೋ॒ ಯ-ದ್ವಸ್ತೇ॒ ತ-ದ್ದಖ್ಷಿ॑ಣಾ ॥ 13 ॥
(ತೇಭ್ಯಃ॒-ಪಞ್ಚ॑ಚತ್ವಾರಿಗ್ಂಶಚ್ಚ) (ಅ. 7)
ಧಾ॒ತ್ರೇ ಪು॑ರೋ॒ಡಾಶ॒-ನ್ದ್ವಾದ॑ಶಕಪಾಲ॒-ನ್ನಿರ್ವ॑ಪ॒ತ್ಯನು॑ಮತ್ಯೈ ಚ॒ರುಗ್ಂ ರಾ॒ಕಾಯೈ॑ ಚ॒ರುಗ್ಂ ಸಿ॑ನೀವಾ॒ಲ್ಯೈ ಚ॒ರು-ಙ್ಕು॒ಹ್ವೈ॑ ಚ॒ರು-ಮ್ಮಿ॑ಥು॒ನೌ ಗಾವೌ॒ ದಖ್ಷಿ॑ಣಾ ಽಽಗ್ನಾವೈಷ್ಣ॒ವ-ಮೇಕಾ॑ದಶಕಪಾಲ॒-ನ್ನಿರ್ವ॑ಪತ್ಯೈನ್ದ್ರಾವೈಷ್ಣ॒ವ-ಮೇಕಾ॑ದಶಕಪಾಲಂ-ವೈಁಷ್ಣ॒ವ-ನ್ತ್ರಿ॑ಕಪಾ॒ಲಂ-ವಾಁ॑ಮ॒ನೋ ವ॒ಹೀ ದಖ್ಷಿ॑ಣಾ-ಽಗ್ನೀಷೋ॒ಮೀಯ॒-ಮೇಕಾ॑ದಶಕಪಾಲ॒-ನ್ನಿರ್ವ॑ಪತೀನ್ದ್ರಾಸೋ॒ಮೀಯ॒- ಮೇಕಾ॑ದಶಕಪಾಲಗ್ಂ ಸೌ॒ಮ್ಯ-ಞ್ಚ॒ರು-ಮ್ಬ॒ಭ್ರು-ರ್ದಖ್ಷಿ॑ಣಾ ಸೋಮಾಪೌ॒ಷ್ಣ-ಞ್ಚ॒ರು-ನ್ನಿರ್ವ॑ಪತ್ಯೈನ್ದ್ರಾ ಪೌ॒ಷ್ಣ-ಞ್ಚ॒ರು-ಮ್ಪೌ॒ಷ್ಣ-ಞ್ಚ॒ರುಗ್ಗ್ ಶ್ಯಾ॒ಮೋ ದಖ್ಷಿ॑ಣಾ ವೈಶ್ವಾನ॒ರ-ನ್ದ್ವಾದ॑ಶಕಪಾಲ॒-ನ್ನಿರ್ವ॑ಪತಿ॒ ಹಿರ॑ಣ್ಯ॒-ನ್ದಖ್ಷಿ॑ಣಾ ವಾರು॒ಣಂ-ಯಁ॑ವ॒ಮಯ॑-ಞ್ಚ॒ರುಮಶ್ವೋ॒ ದಖ್ಷಿ॑ಣಾ ॥ 14 ॥
(ವೈ॒ಶ್ವಾ॒ನ॒ರ-ನ್ದ್ವಾದ॑ಶಕಪಾಲ॒-ನ್ನಿ॒-ರಷ್ಟೌ ಚ॑) (ಅ. 8)
ಬಾ॒ರ್॒ಹ॒ಸ್ಪ॒ತ್ಯ-ಞ್ಚ॒ರು-ನ್ನಿರ್ವ॑ಪತಿ ಬ್ರ॒ಹ್ಮಣೋ॑ ಗೃ॒ಹೇ ಶಿ॑ತಿಪೃ॒ಷ್ಠೋ ದಖ್ಷಿ॑ಣೈ॒ನ್ದ್ರ-ಮೇಕಾ॑ದಶಕಪಾಲಗ್ಂ ರಾಜ॒ನ್ಯ॑ಸ್ಯ ಗೃ॒ಹ ಋ॑ಷ॒ಭೋ ದಖ್ಷಿ॑ಣಾ-ಽಽದಿ॒ತ್ಯ-ಞ್ಚ॒ರು-ಮ್ಮಹಿ॑ಷ್ಯೈ ಗೃ॒ಹೇ ಧೇ॒ನು-ರ್ದಖ್ಷಿ॑ಣಾ ನೈರ್-ಋ॒ತ-ಞ್ಚ॒ರು-ಮ್ಪ॑ರಿವೃ॒ಕ್ತ್ಯೈ॑ ಗೃ॒ಹೇ ಕೃ॒ಷ್ಣಾನಾಂ᳚-ವ್ರೀಁಹೀ॒ಣಾ-ನ್ನ॒ಖನಿ॑ರ್ಭಿನ್ನ-ಙ್ಕೃ॒ಷ್ಣಾ ಕೂ॒ಟಾ ದಖ್ಷಿ॑ಣಾ ಽಽಗ್ನೇ॒ಯಮ॒ಷ್ಟಾಕ॑ಪಾಲಗ್ಂ ಸೇನಾ॒ನ್ಯೋ॑ ಗೃ॒ಹೇ ಹಿರ॑ಣ್ಯ॒-ನ್ದಖ್ಷಿ॑ಣಾ ವಾರು॒ಣ-ನ್ದಶ॑ಕಪಾಲಗ್ಂ ಸೂ॒ತಸ್ಯ॑ ಗೃ॒ಹೇ ಮ॒ಹಾನಿ॑ರಷ್ಟೋ॒ ದಖ್ಷಿ॑ಣಾ ಮಾರು॒ತಗ್ಂ ಸ॒ಪ್ತಕ॑ಪಾಲ-ಙ್ಗ್ರಾಮ॒ಣ್ಯೋ॑ ಗೃ॒ಹೇ ಪೃಶ್ಞಿ॒-ರ್ದಖ್ಷಿ॑ಣಾ ಸಾವಿ॒ತ್ರ-ನ್ದ್ವಾದ॑ಶಕಪಾಲಂ- [ದ್ವಾದ॑ಶಕಪಾಲಮ್, ಖ್ಷ॒ತ್ತು-ರ್ಗೃ॒ಹ] 15
-ಖ್ಷ॒ತ್ತು-ರ್ಗೃ॒ಹ ಉ॑ಪದ್ಧ್ವ॒ಸ್ತೋ ದಖ್ಷಿ॑ಣಾ-ಽಽಶ್ವಿ॒ನ-ನ್ದ್ವಿ॑ಕಪಾ॒ಲಗ್ಂ ಸ॑ಙ್ಗ್ರಹೀ॒ತು-ರ್ಗೃ॒ಹೇ ಸ॑ವಾ॒ತ್ಯೌ॑ ದಖ್ಷಿ॑ಣಾ ಪೌ॒ಷ್ಣ-ಞ್ಚ॒ರು-ಮ್ಭಾ॑ಗದು॒ಘಸ್ಯ॑ ಗೃ॒ಹೇ ಶ್ಯಾ॒ಮೋ ದಖ್ಷಿ॑ಣಾ ರೌ॒ದ್ರ-ಙ್ಗಾ॑ವೀಧು॒ಕ-ಞ್ಚ॒ರುಮ॑ಖ್ಷಾವಾ॒ಪಸ್ಯ॑ ಗೃ॒ಹೇ ಶ॒ಬಲ॒ ಉದ್ವಾ॑ರೋ॒ ದಖ್ಷಿ॒ಣೇನ್ದ್ರಾ॑ಯ ಸು॒ತ್ರಾಂಣೇ॑ ಪುರೋ॒ಡಾಶ॒ಮೇಕಾ॑ದಶಕಪಾಲ॒-ಮ್ಪ್ರತಿ॒ ನಿರ್ವ॑ಪ॒ತೀನ್ದ್ರಾ॑ಯಾಗ್ಂಹೋ॒ಮುಚೇ॒ ಽಯ-ನ್ನೋ॒ ರಾಜಾ॑ ವೃತ್ರ॒ಹಾ ರಾಜಾ॑ ಭೂ॒ತ್ವಾ ವೃ॒ತ್ರಂ-ವಁ॑ದ್ಧ್ಯಾ-ನ್ಮೈತ್ರಾಬಾರ್ಹಸ್ಪ॒ತ್ಯ-ಮ್ಭ॑ವತಿ ಶ್ವೇ॒ತಾಯೈ᳚ ಶ್ವೇ॒ತವ॑ಥ್ಸಾಯೈ ದು॒ಗ್ಧೇ ಸ್ವ॑ಯಮ್ಮೂ॒ರ್ತೇ ಸ್ವ॑ಯಮ್ಮಥಿ॒ತ ಆಜ್ಯ॒ ಆಶ್ವ॑ತ್ಥೇ॒ [ಆಶ್ವ॑ತ್ಥೇ, ಪಾತ್ರೇ॒ ಚತು॑ಸ್ಸ್ರಕ್ತೌ] 16
ಪಾತ್ರೇ॒ ಚತು॑ಸ್ಸ್ರಕ್ತೌ ಸ್ವಯಮವಪ॒ನ್ನಾಯೈ॒ ಶಾಖಾ॑ಯೈ ಕ॒ರ್ಣಾಗ್ಶ್ಚಾಕ॑ರ್ಣಾಗ್ಶ್ಚ ತಣ್ಡು॒ಲಾನ್ ವಿ ಚಿ॑ನುಯಾ-ದ್ಯೇಕ॒ರ್ಣಾ-ಸ್ಸ ಪಯ॑ಸಿ ಬಾರ್ಹಸ್ಪ॒ತ್ಯೋ ಯೇ-ಽಕ॑ರ್ಣಾ॒-ಸ್ಸ ಆಜ್ಯೇ॑ ಮೈ॒ತ್ರ-ಸ್ಸ್ವ॑ಯಙ್ಕೃ॒ತಾ ವೇದಿ॑-ರ್ಭವತಿ ಸ್ವಯನ್ದಿ॒ನ-ಮ್ಬ॒ರ್॒ಹಿ-ಸ್ಸ್ವ॑ಯಙ್ಕೃ॒ತ ಇ॒ದ್ಧ್ಮ-ಸ್ಸೈವ ಶ್ವೇ॒ತಾ ಶ್ವೇ॒ತವ॑ಥ್ಸಾ॒ ದಖ್ಷಿ॑ಣಾ ॥ 17 ॥
(ಸಾವಿ॒ತ್ರ-ನ್ದ್ವಾದ॑ಶಕಪಾಲ॒-ಮಾಶ್ವ॑ತ್ಥೇ॒ ತ್ರಯ॑ಸ್ತ್ರಿಗ್ಂಶಚ್ಚ) (ಅ. 9)
ಅ॒ಗ್ನಯೇ॑ ಗೃ॒ಹಪ॑ತಯೇ ಪುರೋ॒ಡಾಶ॑ಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪತಿ ಕೃ॒ಷ್ಣಾನಾಂ᳚-ವ್ರೀಁಹೀ॒ಣಾಗ್ಂ ಸೋಮಾ॑ಯ॒ ವನ॒ಸ್ಪತ॑ಯೇ ಶ್ಯಾಮಾ॒ಕ-ಞ್ಚ॒ರುಗ್ಂ ಸ॑ವಿ॒ತ್ರೇ ಸ॒ತ್ಯಪ್ರ॑ಸವಾಯ ಪುರೋ॒ಡಾಶ॒-ನ್ದ್ವಾದ॑ಶಕಪಾಲ-ಮಾಶೂ॒ನಾಂ-ವ್ರೀಁ॑ಹೀ॒ಣಾಗ್ಂ ರು॒ದ್ರಾಯ॑ ಪಶು॒ಪತ॑ಯೇ ಗಾವೀಧು॒ಕ-ಞ್ಚ॒ರು-ಮ್ಬೃಹ॒ಸ್ಪತ॑ಯೇ ವಾ॒ಚಸ್ಪತ॑ಯೇ ನೈವಾ॒ರ-ಞ್ಚ॒ರುಮಿನ್ದ್ರಾ॑ಯ ಜ್ಯೇ॒ಷ್ಠಾಯ॑ ಪುರೋ॒ಡಾಶ॒-ಮೇಕಾ॑ದಶಕಪಾಲ-ಮ್ಮ॒ಹಾವ್ರೀ॑ಹೀಣಾ-ಮ್ಮಿ॒ತ್ರಾಯ॑ ಸ॒ತ್ಯಾಯಾ॒-ಽಽಮ್ಬಾನಾ᳚-ಞ್ಚ॒ರುಂ-ವಁರು॑ಣಾಯ॒ ಧರ್ಮ॑ಪತಯೇ ಯವ॒ಮಯ॑-ಞ್ಚ॒ರುಗ್ಂ ಸ॑ವಿ॒ತಾ ತ್ವಾ᳚ ಪ್ರಸ॒ವಾನಾಗ್ಂ॑ ಸುವತಾಮ॒ಗ್ನಿ-ರ್ಗೃ॒ಹಪ॑ತೀನಾ॒ಗ್ಂ॒ ಸೋಮೋ॒ ವನ॒ಸ್ಪತೀ॑ನಾಗ್ಂ ರು॒ದ್ರಃ ಪ॑ಶೂ॒ನಾಂ- [ಪ॑ಶೂ॒ನಾಮ್, ಬೃಹ॒ಸ್ಪತಿ॑-ರ್ವಾ॒ಚಾಮಿನ್ದ್ರೋ᳚] 18
-ಬೃಹ॒ಸ್ಪತಿ॑-ರ್ವಾ॒ಚಾಮಿನ್ದ್ರೋ᳚ ಜ್ಯೇ॒ಷ್ಠಾನಾ᳚-ಮ್ಮಿ॒ತ್ರ-ಸ್ಸ॒ತ್ಯಾನಾಂ॒-ವಁರು॑ಣೋ॒ ಧರ್ಮ॑ಪತೀನಾಂ॒-ಯೇಁ ದೇ॑ವಾ ದೇವ॒ಸುವ॒-ಸ್ಸ್ಥ ತ ಇ॒ಮ-ಮಾ॑ಮುಷ್ಯಾಯ॒ಣ-ಮ॑ನಮಿ॒ತ್ರಾಯ॑ ಸುವದ್ಧ್ವ-ಮ್ಮಹ॒ತೇ ಖ್ಷ॒ತ್ರಾಯ॑ ಮಹ॒ತ ಆಧಿ॑ಪತ್ಯಾಯ ಮಹ॒ತೇ ಜಾನ॑ರಾಜ್ಯಾಯೈ॒ಷ ವೋ॑ ಭರತಾ॒ ರಾಜಾ॒ ಸೋಮೋ॒-ಽಸ್ಮಾಕ॑-ಮ್ಬ್ರಾಹ್ಮ॒ಣಾನಾ॒ಗ್ಂ॒ ರಾಜಾ॒ ಪ್ರತಿ॒ ತ್ಯನ್ನಾಮ॑ ರಾ॒ಜ್ಯ-ಮ॑ಧಾಯಿ॒ ಸ್ವಾ-ನ್ತ॒ನುವಂ॒-ವಁರು॑ಣೋ ಅಶಿಶ್ರೇ॒ಚ್ಛುಚೇ᳚-ರ್ಮಿ॒ತ್ರಸ್ಯ॒ ವ್ರತ್ಯಾ॑ ಅಭೂ॒ಮಾಮ॑ನ್ಮಹಿ ಮಹ॒ತ ಋ॒ತಸ್ಯ॒ ನಾಮ॒ ಸರ್ವೇ॒ ವ್ರಾತಾ॒ ವರು॑ಣಸ್ಯಾಭೂವ॒ನ್ ವಿ ಮಿ॒ತ್ರ ಏವೈ॒-ರರಾ॑ತಿ-ಮತಾರೀ॒ದಸೂ॑ಷುದನ್ತ ಯ॒ಜ್ಞಿಯಾ॑ ಋ॒ತೇನ॒ ವ್ಯು॑ ತ್ರಿ॒ತೋ ಜ॑ರಿ॒ಮಾಣ॑-ನ್ನ ಆನ॒-ಡ್ವಿಷ್ಣೋಃ॒ ಕ್ರಮೋ॑-ಽಸಿ॒ ವಿಷ್ಣೋಃ᳚ ಕ್ರಾ॒ನ್ತಮ॑ಸಿ॒ ವಿಷ್ಣೋ॒-ರ್ವಿಕ್ರಾ᳚ನ್ತ-ಮಸಿ ॥ 19 ॥
(ಪ॒ಶೂ॒ನಾಂವ್ರಾಁತಾಃ॒-ಪಞ್ಚ॑ವಿಗ್ಂಶತಿಶ್ಚ) (ಅ. 10)
ಅ॒ರ್ಥೇತ॑-ಸ್ಸ್ಥಾ॒-ಽಪಾ-ಮ್ಪತಿ॑ರಸಿ॒ ವೃಷಾ᳚-ಽಸ್ಯೂ॒ರ್ಮಿ-ರ್ವೃ॑ಷಸೇ॒ನೋ॑-ಽಸಿ ವ್ರಜ॒ಖ್ಷಿತ॑-ಸ್ಸ್ಥ ಮ॒ರುತಾ॒ಮೋಜ॑-ಸ್ಸ್ಥ॒ ಸೂರ್ಯ॑ವರ್ಚಸ-ಸ್ಸ್ಥ॒ ಸೂರ್ಯ॑ತ್ವಚಸ-ಸ್ಸ್ಥ॒ ಮಾನ್ದಾ᳚-ಸ್ಸ್ಥ॒ ವಾಶಾ᳚-ಸ್ಸ್ಥ॒ ಶಕ್ವ॑ರೀ-ಸ್ಸ್ಥ ವಿಶ್ವ॒ಭೃತ॑-ಸ್ಸ್ಥ ಜನ॒ಭೃತ॑-ಸ್ಸ್ಥಾ॒-ಽಗ್ನೇಸ್ತೇ॑ಜ॒ಸ್ಯಾ᳚-ಸ್ಸ್ಥಾ॒-ಽಪಾಮೋಷ॑ಧೀನಾ॒ಗ್ಂ॒ ರಸ॑-ಸ್ಸ್ಥಾ॒-ಽಪೋ ದೇ॒ವೀ-ರ್ಮಧು॑ಮತೀರಗೃಹ್ಣ॒ನ್ನೂರ್ಜ॑ಸ್ವತೀ ರಾಜ॒ಸೂಯಾ॑ಯ॒ ಚಿತಾ॑ನಾಃ ॥ ಯಾಭಿ॑-ರ್ಮಿ॒ತ್ರಾವರು॑ಣಾವ॒-ಭ್ಯಷಿ॑ಞ್ಚ॒ನ್॒. ಯಾಭಿ॒-ರಿನ್ದ್ರ॒ಮನ॑ಯ॒ನ್ನತ್ಯ ರಾ॑ತೀಃ ॥ ರಾ॒ಷ್ಟ್ರ॒ದಾ-ಸ್ಸ್ಥ॑ ರಾ॒ಷ್ಟ್ರ-ನ್ದ॑ತ್ತ॒ ಸ್ವಾಹಾ॑ ರಾಷ್ಟ್ರ॒ದಾ-ಸ್ಸ್ಥ॑ ರಾ॒ಷ್ಟ್ರಮ॒ಮುಷ್ಮೈ॑ ದತ್ತ ॥ 20 ॥
(ಅತ್ಯೇ-ಕಾ॑ದಶ ಚ) (ಅ. 11)
ದೇವೀ॑ರಾಪ॒-ಸ್ಸ-ಮ್ಮಧು॑ಮತೀ॒-ರ್ಮಧು॑ಮತೀಭಿ-ಸ್ಸೃಜ್ಯದ್ಧ್ವ॒-ಮ್ಮಹಿ॒ ವರ್ಚಃ॑, ಖ್ಷ॒ತ್ರಿಯಾ॑ಯ ವನ್ವಾ॒ನಾ ಅನಾ॑ಧೃಷ್ಟಾ-ಸ್ಸೀದ॒ತೋರ್ಜ॑ಸ್ವತೀ॒ರ್ಮಹಿ॒ ವರ್ಚಃ॑, ಖ್ಷ॒ತ್ರಿಯಾ॑ಯ॒ ದಧ॑ತೀ॒ರನಿ॑ಭೃಷ್ಟಮಸಿ ವಾ॒ಚೋ ಬನ್ಧು॑ಸ್ತಪೋ॒ಜಾ-ಸ್ಸೋಮ॑ಸ್ಯ ದಾ॒ತ್ರಮ॑ಸಿ ಶು॒ಕ್ರಾ ವ॑-ಶ್ಶು॒ಕ್ರೇಣೋತ್ಪು॑ನಾಮಿ ಚ॒ನ್ದ್ರಾಶ್ಚ॒ನ್ದ್ರೇಣಾ॒ಮೃತಾ॑ ಅ॒ಮೃತೇ॑ನ॒ ಸ್ವಾಹಾ॑ ರಾಜ॒ಸೂಯಾ॑ಯ॒ ಚಿತಾ॑ನಾಃ । ಸ॒ಧ॒ಮಾದೋ᳚ ದ್ಯು॒ಮ್ನಿನೀ॒ರೂರ್ಜ॑ ಏ॒ತಾ ಅನಿ॑ಭೃಷ್ಟಾ ಅಪ॒ಸ್ಯುವೋ॒ ವಸಾ॑ನಃ ॥ ಪ॒ಸ್ತ್ಯಾ॑ಸು ಚಕ್ರೇ॒ ವರು॑ಣ-ಸ್ಸ॒ಧಸ್ಥ॑ಮ॒ಪಾಗ್ಂ ಶಿಶು॑- [ಶಿಶುಃ॑, ಮಾ॒ತೃತ॑ಮಾಸ್ವ॒ನ್ತಃ ।] 21
-ರ್ಮಾ॒ತೃತ॑ಮಾಸ್ವ॒ನ್ತಃ ॥ ಖ್ಷ॒ತ್ರಸ್ಯೋಲ್ಬ॑ಮಸಿ ಖ್ಷ॒ತ್ರಸ್ಯ॒ ಯೋನಿ॑ರ॒ಸ್ಯಾವಿ॑ನ್ನೋ ಅ॒ಗ್ನಿ-ರ್ಗೃ॒ಹಪ॑ತಿ॒ರಾವಿ॑ನ್ನ॒ ಇನ್ದ್ರೋ॑ ವೃ॒ದ್ಧಶ್ರ॑ವಾ॒ ಆವಿ॑ನ್ನಃ ಪೂ॒ಷಾ ವಿ॒ಶ್ವವೇ॑ದಾ॒ ಆವಿ॑ನ್ನೌ ಮಿ॒ತ್ರಾವರು॑ಣಾ ವೃತಾ॒ವೃಧಾ॒ವಾವಿ॑ನ್ನೇ॒ ದ್ಯಾವಾ॑ಪೃಥಿ॒ವೀ ಧೃ॒ತವ್ರ॑ತೇ॒ ಆವಿ॑ನ್ನಾ ದೇ॒ವ್ಯದಿ॑ತಿ-ರ್ವಿಶ್ವರೂ॒ಪ್ಯಾವಿ॑ನ್ನೋ॒ ಽಯಮ॒ಸಾವಾ॑ಮುಷ್ಯಾಯ॒ಣೋ᳚-ಽಸ್ಯಾಂ-ವಿಁ॒ಶ್ಯ॑ಸ್ಮಿ-ನ್ರಾ॒ಷ್ಟ್ರೇ ಮ॑ಹ॒ತೇ ಖ್ಷ॒ತ್ರಾಯ॑ ಮಹ॒ತ ಆಧಿ॑ಪತ್ಯಾಯ ಮಹ॒ತೇ ಜಾನ॑ರಾಜ್ಯಾಯೈ॒ಷ ವೋ॑ ಭರತಾ॒ ರಾಜಾ॒ ಸೋಮೋ॒-ಽಸ್ಮಾಕ॑-ಮ್ಬ್ರಾಹ್ಮ॒ಣಾನಾ॒ಗ್ಂ॒ ರಾಜೇನ್ದ್ರ॑ಸ್ಯ॒ [ರಾಜೇನ್ದ್ರ॑ಸ್ಯ, ವಜ್ರೋ॑-ಽಸಿ॒] 22
ವಜ್ರೋ॑-ಽಸಿ॒ ವಾರ್ತ್ರ॑ಘ್ನ॒ಸ್ತ್ವಯಾ॒ ಯಂ-ವೃಁ॒ತ್ರಂ-ವಁ॑ದ್ಧ್ಯಾಚ್ಛತ್ರು॒ಬಾಧ॑ನಾ-ಸ್ಸ್ಥ ಪಾ॒ತ ಮಾ᳚ ಪ್ರ॒ತ್ಯಞ್ಚ॑-ಮ್ಪಾ॒ತ ಮಾ॑ ತಿ॒ರ್ಯಞ್ಚ॑ಮ॒ನ್ವಞ್ಚ॑-ಮ್ಮಾ ಪಾತ ದಿ॒ಗ್ಭ್ಯೋ ಮಾ॑ ಪಾತ॒ ವಿಶ್ವಾ᳚ಭ್ಯೋ ಮಾ ನಾ॒ಷ್ಟ್ರಾಭ್ಯಃ॑ ಪಾತ॒ ಹಿರ॑ಣ್ಯವರ್ಣಾ-ವು॒ಷಸಾಂ᳚ ವಿಁರೋ॒ಕೇ-ಽಯ॑ಸ್ಸ್ಥೂಣಾ॒-ವುದಿ॑ತೌ॒ ಸೂರ್ಯ॒ಸ್ಯಾ-ಽಽ ರೋ॑ಹತಂ-ವಁರುಣ ಮಿತ್ರ॒ ಗರ್ತ॒-ನ್ತತ॑ಶ್ಚಖ್ಷಾಥಾ॒ಮದಿ॑ತಿ॒-ನ್ದಿತಿ॑-ಞ್ಚ ॥ 23 ॥
(ಶಿಶು॒-ರಿನ್ದ್ರ॒ಸ್ಯೈ-ಕ॑ಚತ್ವಾರಿಗ್ಂಶಚ್ಚ) (ಅ. 12)
ಸ॒ಮಿಧ॒ಮಾ ತಿ॑ಷ್ಠ ಗಾಯ॒ತ್ರೀ ತ್ವಾ॒ ಛನ್ದ॑ಸಾಮವತು ತ್ರಿ॒ವೃಥ್ಸ್ತೋಮೋ॑ ರಥನ್ತ॒ರಗ್ಂ ಸಾಮಾ॒ಗ್ನಿ-ರ್ದೇ॒ವತಾ॒ ಬ್ರಹ್ಮ॒ ದ್ರವಿ॑ಣಮು॒ಗ್ರಾಮಾ ತಿ॑ಷ್ಠ ತ್ರಿ॒ಷ್ಟು-ಪ್ತ್ವಾ॒ ಛನ್ದ॑ಸಾಮವತು ಪಞ್ಚದ॒ಶ-ಸ್ಸ್ತೋಮೋ॑ ಬೃ॒ಹ-ಥ್ಸಾಮೇನ್ದ್ರೋ॑ ದೇ॒ವತಾ᳚ ಖ್ಷ॒ತ್ರ-ನ್ದ್ರವಿ॑ಣಂ-ವಿಁ॒ರಾಜ॒ಮಾ ತಿ॑ಷ್ಠ॒ ಜಗ॑ತೀ ತ್ವಾ॒ ಛನ್ದ॑ಸಾಮವತು ಸಪ್ತದ॒ಶ-ಸ್ಸ್ತೋಮೋ॑ ವೈರೂ॒ಪಗ್ಂ ಸಾಮ॑ ಮ॒ರುತೋ॑ ದೇ॒ವತಾ॒ ವಿ-ಡ್ದ್ರವಿ॑ಣ॒-ಮುದೀ॑ಚೀ॒ಮಾ-ತಿ॑ಷ್ಠಾನು॒ಷ್ಟು-ಪ್ತ್ವಾ॒ – [ತಿ॑ಷ್ಠಾನು॒ಷ್ಟು-ಪ್ತ್ವಾ᳚, ಛನ್ದ॑ಸಾ-] 24
ಛನ್ದ॑ಸಾ-ಮವತ್ವೇಕವಿ॒ಗ್ಂ॒ಶ-ಸ್ಸ್ತೋಮೋ॑ ವೈರಾ॒ಜಗ್ಂ ಸಾಮ॑ ಮಿ॒ತ್ರಾವರು॑ಣೌ ದೇ॒ವತಾ॒ ಬಲ॒-ನ್ದ್ರವಿ॑ಣ-ಮೂ॒ರ್ಧ್ವಾಮಾ ತಿ॑ಷ್ಠ ಪ॒ಙ್ಕ್ತಿಸ್ತ್ವಾ॒ ಛನ್ದ॑ಸಾಮವತು ತ್ರಿಣವತ್ರಯಸ್ತ್ರಿ॒ಗ್ಂ॒ಶೌ ಸ್ತೋಮೌ॑ ಶಾಕ್ವರರೈವ॒ತೇ ಸಾಮ॑ನೀ॒ ಬೃಹ॒ಸ್ಪತಿ॑-ರ್ದೇ॒ವತಾ॒ ವರ್ಚೋ॒ ದ್ರವಿ॑ಣ-ಮೀ॒ದೃ-ಞ್ಚಾ᳚ನ್ಯಾ॒ದೃ-ಞ್ಚೈ॑ತಾ॒ದೃ-ಞ್ಚ॑ ಪ್ರತಿ॒ದೃ-ಞ್ಚ॑ ಮಿ॒ತಶ್ಚ॒ ಸಮ್ಮಿ॑ತಶ್ಚ॒ ಸಭ॑ರಾಃ । ಶು॒ಕ್ರಜ್ಯೋ॑ತಿಶ್ಚ ಚಿ॒ತ್ರಜ್ಯೋ॑ತಿಶ್ಚ ಸ॒ತ್ಯಜ್ಯೋ॑ತಿಶ್ಚ॒ ಜ್ಯೋತಿ॑ಷ್ಮಾಗ್ಶ್ಚ ಸ॒ತ್ಯಶ್ಚ॑ರ್ತ॒ಪಾಶ್ಚಾ- [ಸ॒ತ್ಯಶ್ಚ॑ರ್ತ॒ಪಾಶ್ಚ॑, ಅತ್ಯಗ್ಂ॑ಹಾಃ ।] 25
-ಽತ್ಯಗ್ಂ॑ಹಾಃ । ಅ॒ಗ್ನಯೇ॒ ಸ್ವಾಹಾ॒ ಸೋಮಾ॑ಯ॒ ಸ್ವಾಹಾ॑ ಸವಿ॒ತ್ರೇ ಸ್ವಾಹಾ॒ ಸರ॑ಸ್ವತ್ಯೈ॒ ಸ್ವಾಹಾ॑ ಪೂ॒ಷ್ಣೇ ಸ್ವಾಹಾ॒ ಬೃಹ॒ಸ್ಪತ॑ಯೇ॒ ಸ್ವಾಹೇನ್ದ್ರಾ॑ಯ॒ ಸ್ವಾಹಾ॒ ಘೋಷಾ॑ಯ॒ ಸ್ವಾಹಾ॒ ಶ್ಲೋಕಾ॑ಯ॒ ಸ್ವಾಹಾ ಽಗ್ಂಶಾ॑ಯ॒ ಸ್ವಾಹಾ॒ ಭಗಾ॑ಯ॒ ಸ್ವಾಹಾ॒ ಖ್ಷೇತ್ರ॑ಸ್ಯ॒ ಪತ॑ಯೇ॒ ಸ್ವಾಹಾ॑ ಪೃಥಿ॒ವ್ಯೈ ಸ್ವಾಹಾ॒ ಽನ್ತರಿ॑ಖ್ಷಾಯ॒ ಸ್ವಾಹಾ॑ ದಿ॒ವೇ ಸ್ವಾಹಾ॒ ಸೂರ್ಯಾ॑ಯ॒ ಸ್ವಾಹಾ॑ ಚ॒ನ್ದ್ರಮ॑ಸೇ॒ ಸ್ವಾಹಾ॒ ನಖ್ಷ॑ತ್ರೇಭ್ಯ॒-ಸ್ಸ್ವಾಹಾ॒ ಽದ್ಭ್ಯ-ಸ್ಸ್ವಾಹೌಷ॑ಧೀಭ್ಯ॒-ಸ್ಸ್ವಾಹಾ॒ ವನ॒ಸ್ಪತಿ॑ಭ್ಯ॒-ಸ್ಸ್ವಾಹಾ॑ ಚರಾಚ॒ರೇಭ್ಯ॒-ಸ್ಸ್ವಾಹಾ॑ ಪರಿಪ್ಲ॒ವೇಭ್ಯ॒-ಸ್ಸ್ವಾಹಾ॑ ಸರೀಸೃ॒ಪೇಭ್ಯ॒-ಸ್ಸ್ವಾಹಾ᳚ ॥ 26 ॥
(ಅ॒ನು॒ಷ್ಟುಪ್ತ್ವ॑-ರ್ತ॒ಪಾಶ್ಚ॑ – ಸರೀಸೃ॒ಪೇಭ್ಯ॒-ಸ್ಸ್ವಾಹಾ᳚) (ಅ. 13)
ಸೋಮ॑ಸ್ಯ॒ ತ್ವಿಷಿ॑ರಸಿ॒ ತವೇ॑ವ ಮೇ॒ ತ್ವಿಷಿ॑-ರ್ಭೂಯಾದ॒ಮೃತ॑ಮಸಿ ಮೃ॒ತ್ಯೋ-ರ್ಮಾ॑ ಪಾಹಿ ದಿ॒ದ್ಯೋನ್ಮಾ॑ ಪಾ॒ಹ್ಯವೇ᳚ಷ್ಟಾ ದನ್ದ॒ಶೂಕಾ॒ ನಿರ॑ಸ್ತ॒-ನ್ನಮು॑ಚೇ॒-ಶ್ಶಿರಃ॑ ॥ ಸೋಮೋ॒ ರಾಜಾ॒ ವರು॑ಣೋ ದೇ॒ವಾ ಧ॑ರ್ಮ॒ಸುವ॑ಶ್ಚ॒ ಯೇ । ತೇ ತೇ॒ ವಾಚಗ್ಂ॑ ಸುವನ್ತಾ॒-ನ್ತೇ ತೇ᳚ ಪ್ರಾ॒ಣಗ್ಂ ಸು॑ವನ್ತಾ॒-ನ್ತೇ ತೇ॒ ಚಖ್ಷು॑-ಸ್ಸುವನ್ತಾ॒-ನ್ತೇ ತೇ॒ ಶ್ರೋತ್ರಗ್ಂ॑ ಸುವನ್ತಾ॒ಗ್ಂ॒ ಸೋಮ॑ಸ್ಯ ತ್ವಾ ದ್ಯು॒ಮ್ನೇನಾ॒ಭಿ ಷಿ॑ಞ್ಚಾಮ್ಯ॒ಗ್ನೇ- [ಷಿ॑ಞ್ಚಾಮ್ಯ॒ಗ್ನೇಃ, ತೇಜ॑ಸಾ॒ ಸೂರ್ಯ॑ಸ್ಯ॒] 27
-ಸ್ತೇಜ॑ಸಾ॒ ಸೂರ್ಯ॑ಸ್ಯ॒ ವರ್ಚ॒ಸೇನ್ದ್ರ॑ಸ್ಯೇನ್ದ್ರಿ॒ಯೇಣ॑ ಮಿ॒ತ್ರಾವರು॑ಣಯೋ-ರ್ವೀ॒ರ್ಯೇ॑ಣ ಮ॒ರುತಾ॒ಮೋಜ॑ಸಾ ಖ್ಷ॒ತ್ರಾಣಾ᳚-ಙ್ಖ್ಷ॒ತ್ರಪ॑ತಿರ॒ಸ್ಯತಿ॑ ದಿ॒ವಸ್ಪಾ॑ಹಿ ಸ॒ಮಾವ॑ವೃತ್ರನ್ನ-ಧ॒ರಾಗುದೀ॑ಚೀ॒-ರಹಿ॑-ಮ್ಬು॒ದ್ಧ್ನಿಯ॒ಮನು॑ ಸ॒ಞ್ಚರ॑ನ್ತೀ॒ಸ್ತಾಃ ಪರ್ವ॑ತಸ್ಯ ವೃಷ॒ಭಸ್ಯ॑ ಪೃ॒ಷ್ಠೇ ನಾವ॑ಶ್ಚರನ್ತಿ ಸ್ವ॒ಸಿಚ॑ ಇಯಾ॒ನಾಃ ॥ ರುದ್ರ॒ ಯತ್ತೇ॒ ಕ್ರಯೀ॒ ಪರ॒-ನ್ನಾಮ॒ ತಸ್ಮೈ॑ ಹು॒ತಮ॑ಸಿ ಯ॒ಮೇಷ್ಟ॑ಮಸಿ । ಪ್ರಜಾ॑ಪತೇ॒ ನ ತ್ವದೇ॒ತಾನ್ಯ॒ನ್ಯೋ ವಿಶ್ವಾ॑ ಜಾ॒ತಾನಿ॒ ಪರಿ॒ ತಾ ಬ॑ಭೂವ । ಯತ್ಕಾ॑ಮಾಸ್ತೇ ಜುಹು॒ಮಸ್ತನ್ನೋ॑ ಅಸ್ತು ವ॒ಯಗ್ಗ್ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ ॥ 28 ॥
(ಅ॒ಗ್ನೇ-ಸ್ತೈ-ಕಾ॑ದಶ ಚ) (ಅ. 14)
ಇನ್ದ್ರ॑ಸ್ಯ॒ ವಜ್ರೋ॑-ಽಸಿ॒ ವಾರ್ತ್ರ॑ಘ್ನ॒ಸ್ತ್ವಯಾ॒-ಽಯಂ-ವೃಁ॒ತ್ರಂ-ವಁ॑ದ್ಧ್ಯಾ-ನ್ಮಿ॒ತ್ರಾವರು॑ಣಯೋಸ್ತ್ವಾ ಪ್ರಶಾ॒ಸ್ತ್ರೋಃ ಪ್ರ॒ಶಿಷಾ॑ ಯುನಜ್ಮಿ ಯ॒ಜ್ಞಸ್ಯ॒ ಯೋಗೇ॑ನ॒ ವಿಷ್ಣೋಃ॒ ಕ್ರಮೋ॑-ಽಸಿ॒ ವಿಷ್ಣೋಃ᳚ ಕ್ರಾ॒ನ್ತಮ॑ಸಿ॒ ವಿಷ್ಣೋ॒-ರ್ವಿಕ್ರಾ᳚ನ್ತಮಸಿ ಮ॒ರುತಾ᳚-ಮ್ಪ್ರಸ॒ವೇ ಜೇ॑ಷಮಾ॒ಪ್ತ-ಮ್ಮನ॒-ಸ್ಸಮ॒ಹಮಿ॑ನ್ದ್ರಿ॒ಯೇಣ॑ ವೀ॒ರ್ಯೇ॑ಣ ಪಶೂ॒ನಾ-ಮ್ಮ॒ನ್ಯುರ॑ಸಿ॒ ತವೇ॑ವ ಮೇ ಮ॒ನ್ಯು-ರ್ಭೂ॑ಯಾ॒ನ್ನಮೋ॑ ಮಾ॒ತ್ರೇ ಪೃ॑ಥಿ॒ವ್ಯೈ ಮಾ-ಽಹ-ಮ್ಮಾ॒ತರ॑-ಮ್ಪೃಥಿ॒ವೀಗ್ಂ ಹಿಗ್ಂ॑ಸಿಷ॒-ಮ್ಮಾ [ ] 29
ಮಾ-ಮ್ಮಾ॒ತಾ ಪೃ॑ಥಿ॒ವೀ ಹಿಗ್ಂ॑ಸೀ॒ದಿಯ॑ದ॒ಸ್ಯಾಯು॑-ರ॒ಸ್ಯಾಯು॑-ರ್ಮೇ ಧೇ॒ಹ್ಯೂರ್ಗ॒ಸ್ಯೂರ್ಜ॑-ಮ್ಮೇ ಧೇಹಿ॒ ಯುಙ್ಙ॑ಸಿ॒ ವರ್ಚೋ॑-ಽಸಿ॒ ವರ್ಚೋ॒ ಮಯಿ॑ ಧೇಹ್ಯ॒ಗ್ನಯೇ॑ ಗೃ॒ಹಪ॑ತಯೇ॒ ಸ್ವಾಹಾ॒ ಸೋಮಾ॑ಯ॒ ವನ॒ಸ್ಪತ॑ಯೇ॒ ಸ್ವಾಹೇನ್ದ್ರ॑ಸ್ಯ॒ ಬಲಾ॑ಯ॒ ಸ್ವಾಹಾ॑ ಮ॒ರುತಾ॒ಮೋಜ॑ಸೇ॒ ಸ್ವಾಹಾ॑ ಹ॒ಗ್ಂ॒ಸ-ಶ್ಶು॑ಚಿ॒ಷ-ದ್ವಸು॑ರನ್ತರಿಖ್ಷ॒ -ಸದ್ಧೋತಾ॑ ವೇದಿ॒ಷದತಿ॑ಥಿ-ರ್ದುರೋಣ॒ಸತ್ । ನೃ॒ಷ-ದ್ವ॑ರ॒ಸದೃ॑ತ॒ಸ-ದ್ವ್ಯೋ॑ಮ॒ಸದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತ-ಮ್ಬೃ॒ಹತ್ ॥ 30 ॥
(ಹಿ॒ಗ್ಂ॒ಸಿ॒ಷ॒-ಮ್ಮ-ರ್ತ॒ಜಾ-ಸ್ತ್ರೀಣಿ॑ ಚ) (ಅ. 15)
ಮಿ॒ತ್ರೋ॑-ಽಸಿ॒ ವರು॑ಣೋ-ಽಸಿ॒ ಸಮ॒ಹಂ-ವಿಁ॒ಶ್ವೈ᳚-ರ್ದೇ॒ವೈಃ, ಖ್ಷ॒ತ್ರಸ್ಯ॒ ನಾಭಿ॑ರಸಿ ಖ್ಷ॒ತ್ರಸ್ಯ॒ ಯೋನಿ॑ರಸಿ ಸ್ಯೋ॒ನಾಮಾ ಸೀ॑ದ ಸು॒ಷದಾ॒ಮಾ ಸೀ॑ದ॒ ಮಾ ತ್ವಾ॑ ಹಿಗ್ಂಸೀ॒ನ್ಮಾ ಮಾ॑ ಹಿಗ್ಂಸೀ॒ನ್ನಿ ಷ॑ಸಾದ ಧೃ॒ತವ್ರ॑ತೋ॒ ವರು॑ಣಃ ಪ॒ಸ್ತ್ಯಾ᳚ಸ್ವಾ ಸಾಮ್ರಾ᳚ಜ್ಯಾಯ ಸು॒ಕ್ರತು॒-ರ್ಬ್ರಹ್ಮಾ(3)-ನ್ತ್ವಗ್ಂ ರಾ॑ಜ-ನ್ಬ್ರ॒ಹ್ಮಾ-ಽಸಿ॑ ಸವಿ॒ತಾ-ಽಸಿ॑ ಸ॒ತ್ಯಸ॑ವೋ॒ ಬ್ರಹ್ಮಾ(3)-ನ್ತ್ವಗ್ಂ ರಾ॑ಜ-ನ್ಬ್ರ॒ಹ್ಮಾ-ಽಸೀನ್ದ್ರೋ॑-ಽಸಿ ಸ॒ತ್ಯೌಜಾ॒ [ಸ॒ತ್ಯೌಜಾಃ᳚, ಬ್ರಹ್ಮಾ(3)ನ್ತ್ವಗ್ಂ] 31
ಬ್ರಹ್ಮಾ(3)ನ್ತ್ವಗ್ಂ ರಾ॑ಜ-ನ್ಬ್ರ॒ಹ್ಮಾ-ಽಸಿ॑ ಮಿ॒ತ್ರೋ॑-ಽಸಿ ಸು॒ಶೇವೋ॒ ಬ್ರಹ್ಮಾ(3)-ನ್ತ್ವಗ್ಂ ರಾ॑ಜ-ನ್ಬ್ರ॒ಹ್ಮಾ-ಽಸಿ॒ ವರು॑ಣೋ-ಽಸಿ ಸ॒ತ್ಯಧ॒ರ್ಮೇನ್ದ್ರ॑ಸ್ಯ॒ ವಜ್ರೋ॑-ಽಸಿ॒ ವಾರ್ತ್ರ॑ಘ್ನ॒ಸ್ತೇನ॑ ಮೇ ರದ್ಧ್ಯ॒ ದಿಶೋ॒-ಽಭ್ಯ॑ಯಗ್ಂ ರಾಜಾ॑-ಽಭೂ॒-ಥ್ಸುಶ್ಲೋ॒ಕಾ(4) ಸುಮ॑ಙ್ಗ॒ಲಾ(4) ಸತ್ಯ॑ರಾ॒ಜಾ(3)ನ್ । ಅ॒ಪಾ-ನ್ನಪ್ತ್ರೇ॒ ಸ್ವಾಹೋ॒ರ್ಜೋ ನಪ್ತ್ರೇ॒ ಸ್ವಾಹಾ॒-ಽಗ್ನಯೇ॑ ಗೃ॒ಹಪ॑ತಯೇ॒ ಸ್ವಾಹಾ᳚ ॥ 32 ॥
(ಸ॒ತ್ಯೌಜಾ᳚-ಶ್ಚತ್ವಾರಿ॒ಗ್ಂ॒ಶಚ್ಚ॑) (ಅ. 16)
ಆ॒ಗ್ನೇ॒ಯಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪತಿ॒ ಹಿರ॑ಣ್ಯ॒-ನ್ದಖ್ಷಿ॑ಣಾ ಸಾರಸ್ವ॒ತ-ಞ್ಚ॒ರುಂ-ವಁ॑ಥ್ಸತ॒ರೀ ದಖ್ಷಿ॑ಣಾ ಸಾವಿ॒ತ್ರ-ನ್ದ್ವಾದ॑ಶಕಪಾಲ-ಮುಪದ್ಧ್ವ॒ಸ್ತೋ ದಖ್ಷಿ॑ಣಾ ಪೌ॒ಷ್ಣ-ಞ್ಚ॒ರುಗ್ಗ್ ಶ್ಯಾ॒ಮೋ ದಖ್ಷಿ॑ಣಾ ಬಾರ್ಹಸ್ಪ॒ತ್ಯ-ಞ್ಚ॒ರುಗ್ಂ ಶಿ॑ತಿಪೃ॒ಷ್ಠೋ ದಖ್ಷಿ॑ಣೈ॒ನ್ದ್ರ-ಮೇಕಾ॑ದಶಕಪಾಲ-ಮೃಷ॒ಭೋ ದಖ್ಷಿ॑ಣಾ ವಾರು॒ಣ-ನ್ದಶ॑ಕಪಾಲ-ಮ್ಮ॒ಹಾನಿ॑ರಷ್ಟೋ॒ ದಖ್ಷಿ॑ಣಾ ಸೌ॒ಮ್ಯ-ಞ್ಚ॒ರು-ಮ್ಬ॒ಭ್ರು-ರ್ದಖ್ಷಿ॑ಣಾ ತ್ವಾ॒ಷ್ಟ್ರಮ॒ಷ್ಟಾಕ॑ಪಾಲಗ್ಂ ಶು॒ಣ್ಠೋ ದಖ್ಷಿ॑ಣಾ ವೈಷ್ಣ॒ವ-ನ್ತ್ರಿ॑ಕಪಾ॒ಲಂ-ವಾಁ॑ಮ॒ನೋ ದಖ್ಷಿ॑ಣಾ ॥ 33 ॥
(ಆ॒ಗ್ನೇ॒ಯಗ್ಂ ಹಿರ॑ಣ್ಯಗ್ಂ ಸಾರಸ್ವ॒ತಂ-ದ್ವಿಚ॑ತ್ವಾರಿಗ್ಂಶತ್ ) (ಅ. 17)
ಸ॒ದ್ಯೋ ದೀ᳚ಖ್ಷಯನ್ತಿ ಸ॒ದ್ಯ-ಸ್ಸೋಮ॑-ಙ್ಕ್ರೀಣನ್ತಿ ಪುಣ್ಡರಿಸ್ರ॒ಜಾ-ಮ್ಪ್ರ ಯ॑ಚ್ಛತಿ ದ॒ಶಭಿ॑-ರ್ವಥ್ಸತ॒ರೈ-ಸ್ಸೋಮ॑-ಙ್ಕ್ರೀಣಾತಿ ದಶ॒ಪೇಯೋ॑ ಭವತಿ ಶ॒ತ-ಮ್ಬ್ರಾ᳚ಹ್ಮ॒ಣಾಃ ಪಿ॑ಬನ್ತಿ ಸಪ್ತದ॒ಶಗ್ಗ್ ಸ್ತೋ॒ತ್ರ-ಮ್ಭ॑ವತಿ ಪ್ರಾಕಾ॒ಶಾವ॑ದ್ಧ್ವ॒ರ್ಯವೇ॑ ದದಾತಿ॒ ಸ್ರಜ॑-ಮುದ್ಗಾ॒ತ್ರೇ ರು॒ಕ್ಮಗ್ಂ ಹೋತ್ರೇ-ಽಶ್ವ॑-ಮ್ಪ್ರಸ್ತೋತೃಪ್ರತಿಹ॒ರ್ತೃಭ್ಯಾ॒-ನ್ದ್ವಾದ॑ಶ ಪಷ್ಠೌ॒ಹೀ-ರ್ಬ್ರ॒ಹ್ಮಣೇ॑ ವ॒ಶಾ-ಮ್ಮೈ᳚ತ್ರಾವರು॒ಣಾಯ॑ರ್ಷ॒ಭ-ಮ್ಬ್ರಾ᳚ಹ್ಮಣಾಚ್ಛ॒ಗ್ಂ॒ಸಿನೇ॒ ವಾಸ॑ಸೀ ನೇಷ್ಟಾಪೋ॒ತೃಭ್ಯಾ॒ಗ್॒ ಸ್ಥೂರಿ॑ ಯವಾಚಿ॒ತ-ಮ॑ಚ್ಛಾವಾ॒ಕಾಯಾ॑-ಽನ॒ಡ್ವಾಹ॑-ಮ॒ಗ್ನೀಧೇ॑ ಭಾರ್ಗ॒ವೋ ಹೋತಾ॑ ಭವತಿ ಶ್ರಾಯ॒ನ್ತೀಯ॑-ಮ್ಬ್ರಹ್ಮಸಾ॒ಮ-ಮ್ಭ॑ವತಿ ವಾರವ॒ನ್ತೀಯ॑ ಮಗ್ನಿಷ್ಟೋಮಸಾ॒ಮಗ್ಂ ಸಾ॑ರಸ್ವ॒ತೀ-ರ॒ಪೋ ಗೃ॑ಹ್ಣಾತಿ ॥ 34 ॥
(ವಾ॒ರ॒ವ॒ನ್ತೀಯ॑-ಞ್ಚ॒ತ್ವಾರಿ॑ ಚ)(ಆ18)
ಆ॒ಗ್ನೇ॒ಯ-ಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪತಿ॒ ಹಿರ॑ಣ್ಯ॒-ನ್ದಖ್ಷಿ॑ಣೈ॒ನ್ದ್ರ-ಮೇಕಾ॑ದಶಕಪಾಲ-ಮೃಷ॒ಭೋ ದಖ್ಷಿ॑ಣಾ ವೈಶ್ವದೇ॒ವ-ಞ್ಚ॒ರು-ಮ್ಪಿ॒ಶಙ್ಗೀ॑ ಪಷ್ಠೌ॒ಹೀ ದಖ್ಷಿ॑ಣಾ ಮೈತ್ರಾವರು॒ಣೀ-ಮಾ॒ಮಿಖ್ಷಾಂ᳚-ವಁ॒ಶಾ ದಖ್ಷಿ॑ಣಾ ಬಾರ್ಹಸ್ಪ॒ತ್ಯ-ಞ್ಚ॒ರುಗ್ಂ ಶಿ॑ತಿಪೃ॒ಷ್ಠೋ ದಖ್ಷಿ॑ಣಾ-ಽಽದಿ॒ತ್ಯಾ-ಮ್ಮ॒ಲ್॒ಃಆ-ಙ್ಗ॒ರ್ಭಿಣೀ॒ಮಾ ಲ॑ಭತೇ ಮಾರು॒ತೀ-ಮ್ಪೃಶ್ಞಿ॑-ಮ್ಪಷ್ಠೌ॒ಹೀ-ಮ॒ಶ್ವಿಭ್ಯಾ᳚-ಮ್ಪೂ॒ಷ್ಣೇ ಪು॑ರೋ॒ಡಾಶ॒-ನ್ದ್ವಾದ॑ಶಕಪಾಲ॒-ನ್ನಿರ್ವ॑ಪತಿ॒ ಸರ॑ಸ್ವತೇ ಸತ್ಯ॒ವಾಚೇ॑ ಚ॒ರುಗ್ಂ ಸ॑ವಿ॒ತ್ರೇ ಸ॒ತ್ಯಪ್ರ॑ಸವಾಯ ಪುರೋ॒ಡಾಶ॒-ನ್ದ್ವಾದ॑ಶಕಪಾಲ-ನ್ತಿಸೃಧ॒ನ್ವಗ್ಂ ಶು॑ಷ್ಕದೃ॒ತಿ-ರ್ದಖ್ಷಿ॑ಣಾ ॥ 35 ॥
(ಅ॒ಗ್ನೇ॒ಯಗ್ಂ ಹಿರ॑ಣ್ಯಮೈ॒ದ್ರಮೃ॑ಷ॒ಭೋ ವೈ᳚ಶ್ವದೇ॒ವ-ಮ್ಪಿ॒ಶಙ್ಗೀ॑ ಬಾರ್ಹಸ್ಪ॒ತ್ಯಗ್ಂ-ಸ॒ಪ್ತಚ॑ತ್ವಾರಿಗ್ಂಶತ್) (ಅ. 19)
ಆ॒ಗ್ನೇ॒ಯ-ಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪತಿ ಸೌ॒ಮ್ಯ-ಞ್ಚ॒ರುಗ್ಂ ಸಾ॑ವಿ॒ತ್ರ-ನ್ದ್ವಾದ॑ಶಕಪಾಲ-ಮ್ಬಾರ್ಹಸ್ಪ॒ತ್ಯ-ಞ್ಚ॒ರು-ನ್ತ್ವಾ॒ಷ್ಟ್ರಮ॒ಷ್ಟಾಕ॑ಪಾಲಂ-ವೈಁಶ್ವಾನ॒ರ-ನ್ದ್ವಾದ॑ಶಕಪಾಲ॒-ನ್ದಖ್ಷಿ॑ಣೋ ರಥವಾಹನವಾ॒ಹೋ ದಖ್ಷಿ॑ಣಾ ಸಾರಸ್ವ॒ತ-ಞ್ಚ॒ರು-ನ್ನಿರ್ವ॑ಪತಿ ಪೌ॒ಷ್ಣ-ಞ್ಚ॒ರು-ಮ್ಮೈ॒ತ್ರ-ಞ್ಚ॒ರುಂ-ವಾಁ॑ರು॒ಣ-ಞ್ಚ॒ರು-ಙ್ಖ್ಷೈ᳚ತ್ರಪ॒ತ್ಯ-ಞ್ಚ॒ರುಮಾ॑ದಿ॒ತ್ಯ-ಞ್ಚ॒ರುಮುತ್ತ॑ರೋ ರಥವಾಹನವಾ॒ಹೋ ದಖ್ಷಿ॑ಣಾ ॥ 36 ॥
(ಆ॒ಗ್ನೇ॒ಯಗ್ಂ ಸೌ॒ಮ್ಯ-ಮ್ಬಾ॑ರ್ಹಸ್ಪ॒ತ್ಯಂ-ಚತು॑ಸ್ತ್ರಿಗ್ಂಶತ್) (ಅ. 20)
ಸ್ವಾ॒ದ್ವೀ-ನ್ತ್ವಾ᳚ ಸ್ವಾ॒ದುನಾ॑ ತೀ॒ವ್ರಾ-ನ್ತೀ॒ವ್ರೇಣಾ॒-ಽಮೃತಾ॑-ಮ॒ಮೃತೇ॑ನ ಸೃ॒ಜಾಮಿ॒ ಸಗ್ಂ ಸೋಮೇ॑ನ॒ ಸೋಮೋ᳚-ಽಸ್ಯ॒ಶ್ವಿಭ್ಯಾ᳚-ಮ್ಪಚ್ಯಸ್ವ॒ ಸರ॑ಸ್ವತ್ಯೈ ಪಚ್ಯ॒ಸ್ವೇನ್ದ್ರಾ॑ಯ ಸು॒ತ್ರಾಂಣೇ॑ ಪಚ್ಯಸ್ವ ಪು॒ನಾತು॑ ತೇ ಪರಿ॒ಸ್ರುತ॒ಗ್ಂ॒ ಸೋಮ॒ಗ್ಂ॒ ಸೂರ್ಯ॑ಸ್ಯ ದುಹಿ॒ತಾ । ವಾರೇ॑ಣ॒ ಶಶ್ವ॑ತಾ॒ ತನಾ᳚ ॥ ವಾ॒ಯುಃ ಪೂ॒ತಃ ಪ॒ವಿತ್ರೇ॑ಣ ಪ್ರ॒ತ್ಯಂ ಸೋಮೋ॒ ಅತಿ॑ದ್ರುತಃ । ಇನ್ದ್ರ॑ಸ್ಯ॒ ಯುಜ್ಯ॒-ಸ್ಸಖಾ᳚ ॥ ಕು॒ವಿದಂ॒-ಯಁವ॑ಮನ್ತೋ॒ ಯವ॑-ಞ್ಚಿ॒-ದ್ಯಥಾ॒ ದಾನ್ತ್ಯ॑ನುಪೂ॒ರ್ವಂ-ವಿಁ॒ಯೂಯ॑ । ಇ॒ಹೇಹೈ॑ಷಾ-ಙ್ಕೃಣುತ॒ ಭೋಜ॑ನಾನಿ॒ ಯೇ ಬ॒ರ್॒ಹಿಷೋ॒ ನಮೋ॑ವೃಕ್ತಿ॒-ನ್ನ ಜ॒ಗ್ಮುಃ ॥ ಆ॒ಶ್ವಿ॒ನ-ನ್ಧೂ॒ಮ್ರಮಾ ಲ॑ಭತೇ ಸಾರಸ್ವ॒ತ-ಮ್ಮೇ॒ಷಮೈ॒ನ್ದ್ರಮೃ॑ಷ॒ಭ-ಮೈ॒ನ್ದ್ರ-ಮೇಕಾ॑ದಶಕಪಾಲ॒-ನ್ನಿರ್ವ॑ಪತಿ ಸಾವಿ॒ತ್ರ-ನ್ದ್ವಾದ॑ಶಕಪಾಲಂ-ವಾಁರು॒ಣ-ನ್ದಶ॑ಕಪಾಲ॒ಗ್ಂ॒ ಸೋಮ॑ಪ್ರತೀಕಾಃ ಪಿತರಸ್ತೃಪ್ಣುತ॒ ವಡ॑ಬಾ॒ ದಖ್ಷಿ॑ಣಾ ॥ 37 ॥
(ಭೋಜ॑ನಾನಿ॒-ಷಡ್ವಿಗ್ಂ॑ಶತಿಶ್ಚ) (ಅ. 21)
ಅಗ್ನಾ॑ವಿಷ್ಣೂ॒ ಮಹಿ॒ ತ-ದ್ವಾ᳚-ಮ್ಮಹಿ॒ತ್ವಂ-ವೀಁ॒ತ-ಙ್ಘೃ॒ತಸ್ಯ॒ ಗುಹ್ಯಾ॑ನಿ॒ ನಾಮ॑ । ದಮೇ॑ದಮೇ ಸ॒ಪ್ತ ರತ್ನಾ॒ ದಧಾ॑ನಾ॒ ಪ್ರತಿ॑ ವಾ-ಞ್ಜಿ॒ಹ್ವಾ ಘೃ॒ತಮಾ ಚ॑ರಣ್ಯೇತ್ ॥ ಅಗ್ನಾ॑ವಿಷ್ಣೂ॒ ಮಹಿ॒ ಧಾಮ॑ ಪ್ರಿ॒ಯಂ-ವಾಁಂ᳚-ವೀಁ॒ಥೋ ಘೃ॒ತಸ್ಯ॒ ಗುಹ್ಯಾ॑ ಜುಷಾ॒ಣಾ । ದಮೇ॑ದಮೇ ಸುಷ್ಟು॒ತೀ-ರ್ವಾ॑ವೃಧಾ॒ನಾ ಪ್ರತಿ॑ ವಾ-ಞ್ಜಿ॒ಹ್ವಾ ಘೃ॒ತಮುಚ್ಚ॑ರಣ್ಯೇತ್ ॥ ಪ್ರ ಣೋ॑ ದೇ॒ವೀ ಸರ॑ಸ್ವತೀ॒ ವಾಜೇ॑ಭಿ-ರ್ವಾ॒ಜಿನೀ॑ವತೀ । ಧೀ॒ನಾ-ಮ॑ವಿ॒ತ್ಯ್ರ॑ವತು । ಆ ನೋ॑ ದಿ॒ವೋ ಬೃ॑ಹ॒ತಃ – [ಬೃ॑ಹ॒ತಃ, ಪರ್ವ॑ತಾ॒ದಾ] 38
ಪರ್ವ॑ತಾ॒ದಾ ಸರ॑ಸ್ವತೀ ಯಜ॒ತಾ ಗ॑ನ್ತು ಯ॒ಜ್ಞಮ್ । ಹವ॑-ನ್ದೇ॒ವೀ ಜು॑ಜುಷಾ॒ಣಾ ಘೃ॒ತಾಚೀ॑ ಶ॒ಗ್ಮಾ-ನ್ನೋ॒ ವಾಚ॑ಮುಶ॒ತೀ ಶೃ॑ಣೋತು ॥ ಬೃಹ॑ಸ್ಪತೇ ಜು॒ಷಸ್ವ॑ ನೋ ಹ॒ವ್ಯಾನಿ॑ ವಿಶ್ವದೇವ್ಯ । ರಾಸ್ವ॒ ರತ್ನಾ॑ನಿ ದಾ॒ಶುಷೇ᳚ ॥ ಏ॒ವಾ ಪಿ॒ತ್ರೇ ವಿ॒ಶ್ವದೇ॑ವಾಯ॒ ವೃಷ್ಣೇ॑ ಯ॒ಜ್ಞೈ-ರ್ವಿ॑ಧೇಮ॒ ನಮ॑ಸಾ ಹ॒ವಿರ್ಭಿಃ॑ । ಬೃಹ॑ಸ್ಪತೇ ಸುಪ್ರ॒ಜಾ ವೀ॒ರವ॑ನ್ತೋ ವ॒ಯಗ್ಗ್ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ ॥ ಬೃಹ॑ಸ್ಪತೇ॒ ಅತಿ॒ ಯದ॒ರ್ಯೋ ಅರ್ಹಾ᳚-ದ್ದ್ಯು॒ಮ-ದ್ವಿ॒ಭಾತಿ॒ ಕ್ರತು॑ಮ॒ಜ್ಜನೇ॑ಷು । ಯ-ದ್ದೀ॒ದಯ॒ಚ್ಛವ॑ಸ- [ಯ-ದ್ದೀ॒ದಯ॒ಚ್ಛವ॑ಸಃ, ಋ॒ತ॒ಪ್ರ॒ಜಾ॒ತ॒ ತದ॒ಸ್ಮಾಸು॒] 39
-ರ್ತಪ್ರಜಾತ॒ ತದ॒ಸ್ಮಾಸು॒ ದ್ರವಿ॑ಣ-ನ್ಧೇಹಿ ಚಿ॒ತ್ರಮ್ ॥ ಆ ನೋ॑ ಮಿತ್ರಾವರುಣಾ ಘೃ॒ತೈ-ರ್ಗವ್ಯೂ॑ತಿಮುಖ್ಷತಮ್ । ಮದ್ಧ್ವಾ॒ ರಜಾಗ್ಂ॑ಸಿ ಸುಕ್ರತೂ ॥ ಪ್ರ ಬಾ॒ಹವಾ॑ ಸಿಸೃತ-ಞ್ಜೀ॒ವಸೇ॑ ನ॒ ಆ ನೋ॒ ಗವ್ಯೂ॑ತಿ-ಮುಖ್ಷತ-ಙ್ಘೃ॒ತೇನ॑ । ಆ ನೋ॒ ಜನೇ᳚ ಶ್ರವಯತಂ-ಯುಁವಾನಾ ಶ್ರು॒ತ-ಮ್ಮೇ॑ ಮಿತ್ರಾವರುಣಾ॒ ಹವೇ॒ಮಾ ॥ ಅ॒ಗ್ನಿಂ-ವಁಃ॑ ಪೂ॒ರ್ವ್ಯ-ಙ್ಗಿ॒ರಾ ದೇ॒ವಮೀ॑ಡೇ॒ ವಸೂ॑ನಾಮ್ । ಸ॒ಪ॒ರ್ಯನ್ತಃ॑ ಪುರುಪ್ರಿ॒ಯ-ಮ್ಮಿ॒ತ್ರ-ನ್ನ ಖ್ಷೇ᳚ತ್ರ॒ಸಾಧ॑ಸಮ್ ॥ ಮ॒ಖ್ಷೂ ದೇ॒ವವ॑ತೋ॒ ರಥ॒- [ರಥಃ॑, ಶೂರೋ॑ ವಾ ಪೃ॒ಥ್ಸು] 40
-ಶ್ಶೂರೋ॑ ವಾ ಪೃ॒ಥ್ಸು ಕಾಸು॑ ಚಿತ್ । ದೇ॒ವಾನಾಂ॒-ಯಁ ಇನ್ಮನೋ॒ ಯಜ॑ಮಾನ॒ ಇಯ॑ಖ್ಷತ್ಯ॒ಭೀದಯ॑ಜ್ವನೋ ಭುವತ್ ॥ ನ ಯ॑ಜಮಾನ ರಿಷ್ಯಸಿ॒ ನ ಸು॑ನ್ವಾನ॒ ನ ದೇ॑ವಯೋ ॥ ಅಸ॒ದತ್ರ॑ ಸು॒ವೀರ್ಯ॑ಮು॒ತ ತ್ಯದಾ॒ಶ್ವಶ್ವಿ॑ಯಮ್ ॥ ನಕಿ॒ಷ್ಟ-ಙ್ಕರ್ಮ॑ಣಾ ನಶ॒ನ್ನ ಪ್ರ ಯೋ॑ಷ॒ನ್ನ ಯೋ॑ಷತಿ ॥ ಉಪ॑ ಖ್ಷರನ್ತಿ॒ ಸಿನ್ಧ॑ವೋ ಮಯೋ॒ಭುವ॑ ಈಜಾ॒ನ-ಞ್ಚ॑ ಯ॒ಖ್ಷ್ಯಮಾ॑ಣ-ಞ್ಚ ಧೇ॒ನವಃ॑ । ಪೃ॒ಣನ್ತ॑-ಞ್ಚ॒ ಪಪು॑ರಿ-ಞ್ಚ [ಪಪು॑ರಿ-ಞ್ಚ, ಶ್ರ॒ವ॒ಸ್ಯವೋ॑ ಘೃ॒ತಸ್ಯ॒] 41
ಶ್ರವ॒ಸ್ಯವೋ॑ ಘೃ॒ತಸ್ಯ॒ ಧಾರಾ॒ ಉಪ॑ ಯನ್ತಿ ವಿ॒ಶ್ವತಃ॑ ॥ಸೋಮಾ॑ರುದ್ರಾ॒ ವಿ ವೃ॑ಹತಂ॒-ವಿಁಷೂ॑ಚೀ॒ಮಮೀ॑ವಾ॒ ಯಾ ನೋ॒ ಗಯ॑-ಮಾವಿ॒ವೇಶ॑ । ಆ॒ರೇ ಬಾ॑ಧೇಥಾ॒-ನ್ನಿರ್-ಋ॑ತಿ-ಮ್ಪರಾ॒ಚೈಃ ಕೃ॒ತ-ಞ್ಚಿ॒ದೇನಃ॒ ಪ್ರ ಮು॑ಮುಕ್ತ-ಮ॒ಸ್ಮತ್ ॥ ಸೋಮಾ॑ರುದ್ರಾ ಯು॒ವ-ಮೇ॒ತಾನ್ಯ॒ಸ್ಮೇ ವಿಶ್ವಾ॑ ತ॒ನೂಷು॑ ಭೇಷ॒ಜಾನಿ॑ ಧತ್ತಮ್ । ಅವ॑ ಸ್ಯತ-ಮ್ಮು॒ಞ್ಚತಂ॒-ಯಁನ್ನೋ॒ ಅಸ್ತಿ॑ ತ॒ನೂಷು॑ ಬ॒ದ್ಧ-ಙ್ಕೃ॒ತಮೇನೋ॑ ಅ॒ಸ್ಮತ್ ॥ ಸೋಮಾ॑ಪೂಷಣಾ॒ ಜನ॑ನಾ ರಯೀ॒ಣಾ-ಞ್ಜನ॑ನಾ ದಿ॒ವೋ ಜನ॑ನಾ ಪೃಥಿ॒ವ್ಯಾಃ । ಜಾ॒ತೌ ವಿಶ್ವ॑ಸ್ಯ॒ ಭುವ॑ನಸ್ಯ ಗೋ॒ಪೌ ದೇ॒ವಾ ಅ॑ಕೃಣ್ವನ್ನ॒ಮೃತ॑ಸ್ಯ॒ ನಾಭಿ᳚ಮ್ ॥ ಇ॒ಮೌ ದೇ॒ವೌ ಜಾಯ॑ಮಾನೌ ಜುಷನ್ತೇ॒ಮೌ ತಮಾಗ್ಂ॑ಸಿ ಗೂಹತಾ॒-ಮಜು॑ಷ್ಟಾ । ಆ॒ಭ್ಯಾಮಿನ್ದ್ರಃ॑ ಪ॒ಕ್ವಮಾ॒ಮಾಸ್ವ॒ನ್ತ-ಸ್ಸೋ॑ಮಾಪೂ॒ಷಭ್ಯಾ᳚-ಞ್ಜನದು॒ಸ್ರಿಯಾ॑ಸು ॥ 42 ॥
(ಬೃ॒ಹ॒ತಃ-ಶವ॑ಸಾ॒-ರಥಃ॒-ಪಪು॑ರಿ-ಞ್ಚ-ದಿ॒ವೋ ಜನ॑ನಾ॒-ಪಞ್ಚ॑ವಿಗ್ಂಶತಿಶ್ಚ) (ಅ. 22)
(ಅನು॑ಮತ್ಯಾ-ಆಗ್ನೇ॒ಯ-ಮೈ᳚ನ್ದ್ರಾ॒ಗ್ನಮ॒ಗ್ನಯೇ॒-ಸೋಮಾ॑ಯ-ಪ್ರತಿಪೂ॒ರುಷ-ಮೈ᳚ನ್ದ್ರಾಗ್ನಂ-ಧಾ॒ತ್ರೇ ಬಾ॑ರ್ಹಸ್ಪ॒ತ್ಯ-ಮ॒ಗ್ನಯೇ॒-ರ್-ಽಥತೋ॒-ದೇವೀಃ᳚-ಸ॒ಮಿಧ॒ಗ್ಂ॒-ಸೋಮ॒ಸ್ಯೇ-ನ್ದ್ರ॑ಸ್ಯ -ಮಿ॒ತ್ರ-ಆ᳚ಗ್ನೇ॒ಯಗ್ಂ-ಸ॒ದ್ಯ-ಆ᳚ಗ್ನೇ॒ಯಗ್ಂ-ಮಾ᳚ಗ್ನೇ॒ಯಗ್ಗ್-ಸ್ವಾ॒ದ್ವೀ-ನ್ತ್ವಾ-ಽಗ್ನಾ॑ವಿಷ್ಣೂ॒-ದ್ವಾವಿಗ್ಂ॑ಶತಿಃ । )
(ಅನು॑ಮತ್ಯೈ॒-ಯಥಾ-ಽಸ॑ತಿ॒-ದೇವೀ॑ರಾಪೋ-ಮಿ॒ತ್ರೋ॑-ಽಸಿ॒-ಶೂರೋ॑ ವಾ॒-ದ್ವಿಚ॑ತ್ವಾರಿಗ್ಂಶತ್ । )
(ಅನು॑ಮತ್ಯಾ, ಉ॒ಸ್ರಿಯಾ॑ಸು)
(ಇ॒ಷ, ಆಪೋ॑, ದೇ॒ವಸ್ಯಾ, ಽಽದ॑ದೇ, ದೇವಾಸು॒ರಾ, ಸ್ಸನ್ತ್ವಾ॑, ಪಾಕಯ॒ಜ್ಞ, ಮನು॒ಮತ್ಯಾ, ಅ॒ಷ್ಟೌ) (8)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪ್ರಥಮಕಾಣ್ಡೇ ಅಷ್ತಮಃ ಪ್ರಶ್ನ-ಸ್ಸಮಾಪ್ತಃ ॥