ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ನ್ದ್ವಿತೀಯಕಾಣ್ಡೇ ಷಷ್ಠಃ ಪ್ರಶ್ನಃ – ಅವಶಿಷ್ಟಕರ್ಮಾಭಿಧಾನಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಸ॒ಮಿಧೋ॑ ಯಜತಿ ವಸ॒ನ್ತಮೇ॒ವರ್ತೂ॒ನಾಮವ॑ ರುನ್ಧೇ॒ ತನೂ॒ನಪಾ॑ತಂ-ಯಁಜತಿ ಗ್ರೀ॒ಷ್ಮಮೇ॒ವಾವ॑ ರುನ್ಧ ಇ॒ಡೋ ಯ॑ಜತಿ ವ॒ರ್॒ಷಾ ಏ॒ವಾವ॑ ರುನ್ಧೇ ಬ॒ರ್॒ಹಿರ್ಯ॑ಜತಿ ಶ॒ರದ॑ಮೇ॒ವಾವ॑ ರುನ್ಧೇ ಸ್ವಾಹಾಕಾ॒ರಂ-ಯಁ॑ಜತಿ ಹೇಮ॒ನ್ತಮೇ॒ವಾವ॑ ರುನ್ಧೇ॒ ತಸ್ಮಾ॒-ಥ್ಸ್ವಾಹಾ॑ಕೃತಾ॒ ಹೇಮ॑-ನ್ಪ॒ಶವೋ-ಽವ॑ ಸೀದನ್ತಿ ಸ॒ಮಿಧೋ॑ ಯಜತ್ಯು॒ಷಸ॑ ಏ॒ವ ದೇ॒ವತಾ॑ನಾ॒ಮವ॑ ರುನ್ಧೇ॒ ತನೂ॒ನಪಾ॑ತಂ-ಯಁಜತಿ ಯ॒ಜ್ಞಮೇ॒ವಾವ॑ ರುನ್ಧ [ಯ॒ಜ್ಞಮೇ॒ವಾವ॑ ರುನ್ಧ, ಇ॒ಡೋ ಯ॑ಜತಿ] 1
ಇ॒ಡೋ ಯ॑ಜತಿ ಪ॒ಶೂನೇ॒ವಾವ॑ ರುನ್ಧೇ ಬ॒ರ್ಹಿರ್ಯ॑ಜತಿ ಪ್ರ॒ಜಾಮೇ॒ವಾವ॑ ರುನ್ಧೇ ಸ॒ಮಾನ॑ಯತ ಉಪ॒ಭೃತ॒ಸ್ತೇಜೋ॒ ವಾ ಆಜ್ಯ॑-ಮ್ಪ್ರ॒ಜಾ ಬ॒ರ್॒ಹಿಃ ಪ್ರ॒ಜಾಸ್ವೇ॒ವ ತೇಜೋ॑ ದಧಾತಿ ಸ್ವಾಹಾಕಾ॒ರಂ-ಯಁ॑ಜತಿ॒ ವಾಚ॑ಮೇ॒ವಾವ॑ ರುನ್ಧೇ॒ ದಶ॒ ಸ-ಮ್ಪ॑ದ್ಯನ್ತೇ॒ ದಶಾ᳚ಖ್ಷರಾ ವಿ॒ರಾಡನ್ನಂ॑-ವಿಁ॒ರಾಡ್ವಿ॒ರಾಜೈ॒ ವಾನ್ನಾದ್ಯ॒ಮವ॑ ರುನ್ಧೇ ಸ॒ಮಿಧೋ॑ ಯಜತ್ಯ॒ಸ್ಮಿನ್ನೇ॒ವ ಲೋ॒ಕೇ ಪ್ರತಿ॑ತಿಷ್ಠತಿ॒ ತನೂ॒ನಪಾ॑ತಂ-ಯಁಜತಿ [ ] 2
ಯ॒ಜ್ಞ ಏ॒ವಾನ್ತರಿ॑ಖ್ಷೇ॒ ಪ್ರತಿ॑ ತಿಷ್ಠತೀ॒ಡೋ ಯ॑ಜತಿ ಪ॒ಶುಷ್ವೇ॒ವ ಪ್ರತಿ॑ತಿಷ್ಠತಿ ಬ॒ರ॒ಃಇರ್ಯ॑ಜತಿ॒ ಯ ಏ॒ವ ದೇ॑ವ॒ಯಾನಾಃ॒ ಪನ್ಥಾ॑ನ॒ಸ್ತೇಷ್ವೇ॒ವ ಪ್ರತಿ॑ತಿಷ್ಠತಿ ಸ್ವಾಹಾಕಾ॒ರಂ-ಯಁ॑ಜತಿ ಸುವ॒ರ್ಗ ಏ॒ವ ಲೋ॒ಕೇ ಪ್ರತಿ॑ ತಿಷ್ಠತ್ಯೇ॒ತಾವ॑ನ್ತೋ॒ ವೈ ದೇ॑ವಲೋ॒ಕಾಸ್ತೇಷ್ವೇ॒ವ ಯ॑ಥಾಪೂ॒ರ್ವ-ಮ್ಪ್ರತಿ॑ತಿಷ್ಠತಿ ದೇವಾಸು॒ರಾ ಏ॒ಷು ಲೋ॒ಕೇಷ್ವ॑ಸ್ಪರ್ಧನ್ತ॒ ತೇ ದೇ॒ವಾಃ ಪ್ರ॑ಯಾ॒ಜೈರೇ॒ಭ್ಯೋ ಲೋ॒ಕೇಭ್ಯೋ ಽಸು॑ರಾ॒-ನ್ಪ್ರಾಣು॑ದನ್ತ॒ ತ-ತ್ಪ್ರ॑ಯಾ॒ಜಾನಾ᳚- [ತ-ತ್ಪ್ರ॑ಯಾ॒ಜಾನಾ᳚ಮ್, ಪ್ರ॒ಯಾ॒ಜ॒ತ್ವ-] 3
-ಮ್ಪ್ರಯಾಜ॒ತ್ವಂ-ಯಁಸ್ಯೈ॒ವಂ-ವಿಁ॒ದುಷಃ॑ ಪ್ರಯಾ॒ಜಾ ಇ॒ಜ್ಯನ್ತೇ॒ ಪ್ರೈಭ್ಯೋ ಲೋ॒ಕೇಭ್ಯೋ॒ ಭ್ರಾತೃ॑ವ್ಯಾನ್ನುದತೇ ಽಭಿ॒ಕ್ರಾಮ॑-ಞ್ಜುಹೋತ್ಯ॒ಭಿಜಿ॑ತ್ಯೈ॒ ಯೋ ವೈ ಪ್ರ॑ಯಾ॒ಜಾನಾ᳚-ಮ್ಮಿಥು॒ನಂ-ವೇಁದ॒ ಪ್ರ ಪ್ರ॒ಜಯಾ॑ ಪ॒ಶುಭಿ॑ ರ್ಮಿಥು॒ನೈ ರ್ಜಾ॑ಯತೇ ಸ॒ಮಿಧೋ॑ ಬ॒ಹ್ವೀರಿ॑ವ ಯಜತಿ॒ ತನೂ॒ನಪಾ॑ತ॒ಮೇಕ॑ಮಿವ ಮಿಥು॒ನ-ನ್ತದಿ॒ಡೋ ಬ॒ಹ್ವೀರಿ॑ವ ಯಜತಿ ಬ॒ರ್॒ಹಿರೇಕ॑ಮಿವ ಮಿಥು॒ನ-ನ್ತದೇ॒ತದ್ವೈ ಪ್ರ॑ಯಾ॒ಜಾನಾ᳚-ಮ್ಮಿಥು॒ನಂ-ಯಁ ಏ॒ವಂ-ವೇಁದ॒ ಪ್ರ [ ] 4
ಪ್ರ॒ಜಯಾ॑ ಪ॒ಶುಭಿ॑ ರ್ಮಿಥು॒ನೈ ರ್ಜಾ॑ಯತೇ ದೇ॒ವಾನಾಂ॒-ವಾಁ ಅನಿ॑ಷ್ಟಾ ದೇ॒ವತಾ॒ ಆಸ॒ನ್ನಥಾಸು॑ರಾ ಯ॒ಜ್ಞಮ॑ಜಿಘಾಗ್ಂ ಸ॒-ನ್ತೇ ದೇ॒ವಾ ಗಾ॑ಯ॒ತ್ರೀಂ-ವ್ಯೌಁ॑ಹ॒-ನ್ಪಞ್ಚಾ॒ಖ್ಷರಾ॑ಣಿ ಪ್ರಾ॒ಚೀನಾ॑ನಿ॒ ತ್ರೀಣಿ॑ ಪ್ರತೀ॒ಚೀನಾ॑ನಿ॒ ತತೋ॒ ವರ್ಮ॑ ಯ॒ಜ್ಞಾಯಾಭ॑ವ॒ದ್ವರ್ಮ॒ ಯಜ॑ಮಾನಾಯ॒ ಯ-ತ್ಪ್ರ॑ಯಾಜಾನೂಯಾ॒ಜಾ ಇ॒ಜ್ಯನ್ತೇ॒ ವರ್ಮೈ॒ವ ತದ್ಯ॒ಜ್ಞಾಯ॑ ಕ್ರಿಯತೇ॒ ವರ್ಮ॒ ಯಜ॑ಮಾನಾಯ॒ ಭ್ರಾತೃ॑ವ್ಯಾಭಿಭೂತ್ಯೈ॒ ತಸ್ಮಾ॒-ದ್ವರೂ॑ಥ-ಮ್ಪು॒ರಸ್ತಾ॒-ದ್ವರ್ಷೀ॑ಯಃ ಪ॒ಶ್ಚಾದ್ಧ್ರಸೀ॑ಯೋ ದೇ॒ವಾ ವೈ ಪು॒ರಾ ರಖ್ಷೋ᳚ಭ್ಯ॒ [ಪು॒ರಾ ರಖ್ಷೋ᳚ಭ್ಯಃ, ಇತಿ॑ ಸ್ವಾಹಾಕಾ॒ರೇಣ॑] 5
ಇತಿ॑ ಸ್ವಾಹಾಕಾ॒ರೇಣ॑ ಪ್ರಯಾ॒ಜೇಷು॑ ಯ॒ಜ್ಞಗ್ಂ ಸ॒ಗ್ಗ್॒ಸ್ಥಾಪ್ಯ॑ಮಪಶ್ಯ॒-ನ್ತಗ್ಗ್ ಸ್ವಾ॑ಹಾಕಾ॒ರೇಣ॑ ಪ್ರಯಾ॒ಜೇಷು॒ ಸಮ॑ಸ್ಥಾಪಯ॒ನ್ ವಿ ವಾ ಏ॒ತ-ದ್ಯ॒ಜ್ಞ-ಞ್ಛಿ॑ನ್ದನ್ತಿ॒ ಯ-ಥ್ಸ್ವಾ॑ಹಾಕಾ॒ರೇಣ॑ ಪ್ರಯಾ॒ಜೇಷು॑ ಸಗ್ಗ್ಸ್ಥಾ॒ಪಯ॑ನ್ತಿ ಪ್ರಯಾ॒ಜಾನಿ॒ಷ್ಟ್ವಾ ಹ॒ವೀಗ್ಷ್ಯ॒ಭಿ ಘಾ॑ರಯತಿ ಯ॒ಜ್ಞಸ್ಯ॒ ಸನ್ತ॑ತ್ಯಾ॒ ಅಥೋ॑ ಹ॒ವಿರೇ॒ವಾಕ॒ರಥೋ॑ ಯಥಾಪೂ॒ರ್ವಮುಪೈ॑ತಿ ಪಿ॒ತಾ ವೈ ಪ್ರ॑ಯಾ॒ಜಾಃ ಪ್ರ॒ಜಾ-ಽನೂ॑ಯಾ॒ಜಾ ಯ-ತ್ಪ್ರ॑ಯಾ॒ಜಾನಿ॒ಷ್ಟ್ವಾ ಹ॒ವೀಗ್ಷ್ಯ॑ಭಿಘಾ॒ರಯ॑ತಿ ಪಿ॒ತೈವ ತ-ತ್ಪು॒ತ್ರೇಣ॒ ಸಾಧಾ॑ರಣ- [ಸಾಧಾ॑ರಣಮ್, ಕು॒ರು॒ತೇ॒ ತಸ್ಮಾ॑ದಾಹು॒-] 6
-ಙ್ಕುರುತೇ॒ ತಸ್ಮಾ॑ದಾಹು॒-ರ್ಯಶ್ಚೈ॒ವಂ-ವೇಁದ॒ ಯಶ್ಚ॒ ನ ಕ॒ಥಾ ಪು॒ತ್ರಸ್ಯ॒ ಕೇವ॑ಲ-ಙ್ಕ॒ಥಾ ಸಾಧಾ॑ರಣ-ಮ್ಪಿ॒ತುರಿತ್ಯಸ್ಕ॑ನ್ನಮೇ॒ವ ತದ್ಯ-ತ್ಪ್ರ॑ಯಾ॒ಜೇಷ್ವಿ॒ಷ್ಟೇಷು॒ ಸ್ಕನ್ದ॑ತಿ ಗಾಯ॒ತ್ರ್ಯೇ॑ವ ತೇನ॒ ಗರ್ಭ॑-ನ್ಧತ್ತೇ॒ ಸಾ ಪ್ರ॒ಜಾ-ಮ್ಪ॒ಶೂನ್. ಯಜ॑ಮಾನಾಯ॒ ಪ್ರಜ॑ನಯತಿ ॥ 7 ॥
(ಯ॒ಜ॒ತಿ॒ ಯ॒ಜ್ಞಾಮೇ॒ವಾವ॑ ರುನ್ಧೇ॒ – ತನೂ॒ನಪಾ॑ತಂ-ಯಁಜತಿ – ಪ್ರಯಾ॒ಜಾನಾ॑ ಟ್ಟ ಮೇ॒ವಂ-ವೇಁದ॒ ಪ್ರ – ರಖ್ಷೋ᳚ಭ್ಯಃ॒ – ಸಾಧಾ॑ರಣಂ॒ – ಪಞ್ಚ॑ತ್ರಿಗ್ಂಶಚ್ಚ ) (ಅ. 1)
ಚಖ್ಷು॑ಷೀ॒ ವಾ ಏ॒ತೇ ಯ॒ಜ್ಞಸ್ಯ॒ ಯದಾಜ್ಯ॑ಭಾಗೌ॒ ಯದಾಜ್ಯ॑ಭಾಗೌ॒ ಯಜ॑ತಿ॒ ಚಖ್ಷು॑ಷೀ ಏ॒ವ ತ-ದ್ಯ॒ಜ್ಞಸ್ಯ॒ ಪ್ರತಿ॑ ದಧಾತಿ ಪೂರ್ವಾ॒ರ್ಧೇ ಜು॑ಹೋತಿ॒ ತಸ್ಮಾ᳚-ತ್ಪೂರ್ವಾ॒ರ್ಧೇ ಚಖ್ಷು॑ಷೀ ಪ್ರ॒ಬಾಹು॑ಗ್-ಜುಹೋತಿ॒ ತಸ್ಮಾ᳚-ತ್ಪ್ರ॒ಬಾಹು॒ಕ್ಚಖ್ಷು॑ಷೀ ದೇವಲೋ॒ಕಂ-ವಾಁ ಅ॒ಗ್ನಿನಾ॒ ಯಜ॑ಮಾ॒ನೋ-ಽನು॑ ಪಶ್ಯತಿ ಪಿತೃಲೋ॒ಕಗ್ಂ ಸೋಮೇ॑ನೋತ್ತರಾ॒ರ್ಧೇ᳚ ಽಗ್ನಯೇ॑ ಜುಹೋತಿ ದಖ್ಷಿಣಾ॒ರ್ಧೇ ಸೋಮಾ॑ಯೈ॒ವಮಿ॑ವ॒ ಹೀಮೌ ಲೋ॒ಕಾವ॒ನಯೋ᳚ ರ್ಲೋ॒ಕಯೋ॒ರನು॑ಖ್ಯಾತ್ಯೈ॒ ರಾಜಾ॑ನೌ॒ ವಾ ಏ॒ತೌ ದೇ॒ವತಾ॑ನಾಂ॒- [ದೇ॒ವತಾ॑ನಾಮ್, ಯದ॒ಗ್ನೀಷೋಮಾ॑ವನ್ತ॒ರಾ] 8
ಯಁದ॒ಗ್ನೀಷೋಮಾ॑ವನ್ತ॒ರಾ ದೇ॒ವತಾ॑ ಇಜ್ಯೇತೇ ದೇ॒ವತಾ॑ನಾಂ॒-ವಿಁಧೃ॑ತ್ಯೈ॒ ತಸ್ಮಾ॒-ದ್ರಾಜ್ಞಾ॑ ಮನು॒ಷ್ಯಾ॑ ವಿಧೃ॑ತಾ ಬ್ರಹ್ಮವಾ॒ದಿನೋ॑ ವದನ್ತಿ॒ ಕಿ-ನ್ತ-ದ್ಯ॒ಜ್ಞೇ ಯಜ॑ಮಾನಃ ಕುರುತೇ॒ ಯೇನಾ॒ನ್ಯತೋ॑ದತಶ್ಚ ಪ॒ಶೂ-ನ್ದಾ॒ಧಾ-ರೋ॑ಭ॒ಯತೋ॑ದತ॒-ಶ್ಚೇತ್ಯೃಚ॑-ಮ॒ನೂಚ್ಯಾ ಽಽಜ್ಯ॑ಭಾಗಸ್ಯ ಜುಷಾ॒ಣೇನ॑ ಯಜತಿ॒ ತೇನಾ॒ನ್ಯತೋ॑ದತೋ ದಾಧಾ॒ರರ್ಚ॑ಮ॒ನೂಚ್ಯ॑ ಹ॒ವಿಷ॑ ಋ॒ಚಾ ಯ॑ಜತಿ॒ ತೇನೋ॑ಭ॒ಯತೋ॑ದತೋ ದಾಧಾರ ಮೂರ್ಧ॒ನ್ವತೀ॑ ಪುರೋ-ಽನುವಾ॒ಕ್ಯಾ॑ ಭವತಿ ಮೂ॒ರ್ಧಾನ॑ಮೇ॒ವೈನಗ್ಂ॑ ಸಮಾ॒ನಾನಾ᳚-ಙ್ಕರೋತಿ [ ] 9
ನಿ॒ಯುತ್ವ॑ತ್ಯಾ ಯಜತಿ॒ ಭ್ರಾತೃ॑ವ್ಯಸ್ಯೈ॒ವ ಪ॒ಶೂ-ನ್ನಿ ಯು॑ವತೇ ಕೇ॒ಶಿನಗ್ಂ॑ಹ ದಾ॒ರ್ಭ್ಯ-ಙ್ಕೇ॒ಶೀ ಸಾತ್ಯ॑ಕಾಮಿರುವಾಚ ಸ॒ಪ್ತಪ॑ದಾ-ನ್ತೇ॒ ಶಕ್ವ॑ರೀ॒ಗ್॒ ಶ್ವೋ ಯ॒ಜ್ಞೇ ಪ್ರ॑ಯೋ॒ಕ್ತಾಸೇ॒ ಯಸ್ಯೈ॑ ವೀ॒ರ್ಯೇ॑ಣ॒ ಪ್ರ ಜಾ॒ತಾ-ನ್ಭ್ರಾತೃ॑ವ್ಯಾನ್ನು॒ದತೇ॒ ಪ್ರತಿ॑ ಜನಿ॒ಷ್ಯಮಾ॑ಣಾ॒ನ್॒. ಯಸ್ಯೈ॑ ವೀ॒ರ್ಯೇ॑ಣೋ॒ಭಯೋ᳚ ರ್ಲೋ॒ಕಯೋ॒ ರ್ಜ್ಯೋತಿ॑ ರ್ಧ॒ತ್ತೇ ಯಸ್ಯೈ॑ ವೀ॒ರ್ಯೇ॑ಣ ಪೂರ್ವಾ॒ರ್ಧೇನಾ॑ನ॒ಡ್ವಾ-ನ್ಭು॒ನಕ್ತಿ॑ ಜಘನಾ॒ರ್ಧೇನ॑ ಧೇ॒ನುರಿತಿ॑ ಪು॒ರಸ್ತಾ᳚ಲ್ಲಖ್ಷ್ಮಾ ಪುರೋ-ಽನುವಾ॒ಕ್ಯಾ॑ ಭವತಿ ಜಾ॒ತಾನೇ॒ವ ಭ್ರಾತೃ॑ವ್ಯಾ॒-ನ್ಪ್ರಣು॑ದತ ಉ॒ಪರಿ॑ಷ್ಟಾಲ್ಲಖ್ಷ್ಮಾ [ ] 10
ಯಾ॒ಜ್ಯಾ॑ ಜನಿ॒ಷ್ಯಮಾ॑ಣಾನೇ॒ವ ಪ್ರತಿ॑ನುದತೇ ಪು॒ರಸ್ತಾ᳚ಲ್ಲಖ್ಷ್ಮಾ ಪುರೋ-ಽನುವಾ॒ಕ್ಯಾ॑ ಭವತ್ಯ॒ಸ್ಮಿನ್ನೇ॒ವ ಲೋ॒ಕೇ ಜ್ಯೋತಿ॑ರ್ಧತ್ತ ಉ॒ಪರಿ॑ಷ್ಟಾಲ್ಲಖ್ಷ್ಮಾ ಯಾ॒ಜ್ಯಾ॑-ಽಮುಷ್ಮಿ॑ನ್ನೇ॒ವ ಲೋ॒ಕೇ ಜ್ಯೋತಿ॑ರ್ಧತ್ತೇ॒ ಜ್ಯೋತಿ॑ಷ್ಮನ್ತಾವಸ್ಮಾ ಇ॒ಮೌ ಲೋ॒ಕೌ ಭ॑ವತೋ॒ ಯ ಏ॒ವಂ-ವೇಁದ॑ ಪು॒ರಸ್ತಾ᳚ಲ್ಲಖ್ಷ್ಮಾ ಪುರೋ-ಽನುವಾ॒ಕ್ಯಾ॑ ಭವತಿ॒ ತಸ್ಮಾ᳚-ತ್ಪೂರ್ವಾ॒ರ್ಧೇನಾ॑ನ॒ಡ್ವಾ-ನ್ಭು॑ನಕ್ತ್ಯು॒ಪರಿ॑ಷ್ಟಾಲ್ಲಖ್ಷ್ಮಾ ಯಾ॒ಜ್ಯಾ॑ ತಸ್ಮಾ᳚ಜ್ಜಘನಾ॒ರ್ಧೇನ॑ ಧೇ॒ನುರ್ಯ ಏ॒ವಂ-ವೇಁದ॑ ಭು॒ಙ್ಕ್ತ ಏ॑ನಮೇ॒ತೌ ವಜ್ರ॒ ಆಜ್ಯಂ॒-ವಁಜ್ರ॒ ಆಜ್ಯ॑ಭಾಗೌ॒ [ಆಜ್ಯ॑ಭಾಗೌ॒, ವಜ್ರೋ॑] 11
ವಜ್ರೋ॑ ವಷಟ್ಕಾ॒ರಸ್ತ್ರಿ॒ವೃತ॑ಮೇ॒ವ ವಜ್ರಗ್ಂ॑ ಸ॒ಮ್ಭೃತ್ಯ॒ ಭ್ರಾತೃ॑ವ್ಯಾಯ॒ ಪ್ರ ಹ॑ರ॒ತ್ಯಚ್ಛ॑ಮ್ಬಟ್ಕಾರ-ಮಪ॒ಗೂರ್ಯ॒ ವಷ॑ಟ್ಕರೋತಿ॒ ಸ್ತೃತ್ಯೈ॑ ಗಾಯ॒ತ್ರೀ ಪು॑ರೋ-ಽನುವಾ॒ಕ್ಯಾ॑ ಭವತಿ ತ್ರಿ॒ಷ್ಟುಗ್ ಯಾ॒ಜ್ಯಾ᳚ ಬ್ರಹ್ಮ॑ನ್ನೇ॒ವ ಖ್ಷ॒ತ್ರಮ॒ನ್ವಾರ॑-ಮ್ಭಯತಿ॒ ತಸ್ಮಾ᳚ದ್ಬ್ರಾಹ್ಮ॒ಣೋ ಮುಖ್ಯೋ॒ ಮುಖ್ಯೋ॑ ಭವತಿ॒ ಯ ಏ॒ವಂ-ವೇಁದ॒ ಪ್ರೈವೈನ॑-ಮ್ಪುರೋ-ಽನುವಾ॒ಕ್ಯ॑ಯಾ ಽಽಹ॒ ಪ್ರಣ॑ಯತಿ ಯಾ॒ಜ್ಯ॑ಯಾ ಗ॒ಮಯ॑ತಿ ವಷಟ್ಕಾ॒ರೇಣೈವೈನ॑-ಮ್ಪುರೋ-ಽನುವಾ॒ಕ್ಯ॑ಯಾ ದತ್ತೇ॒ ಪ್ರಯ॑ಚ್ಛತಿ ಯಾ॒ಜ್ಯ॑ಯಾ॒ ಪ್ರತಿ॑ [ಯಾ॒ಜ್ಯ॑ಯಾ॒ ಪ್ರತಿ॑, ವ॒ಷ॒ಟ್ಕಾ॒ರೇಣ॑] 12
ವಷಟ್ಕಾ॒ರೇಣ॑ ಸ್ಥಾಪಯತಿ ತ್ರಿ॒ಪದಾ॑ ಪುರೋ-ಽನುವಾ॒ಕ್ಯಾ॑ ಭವತಿ॒ ತ್ರಯ॑ ಇ॒ಮೇ ಲೋ॒ಕಾ ಏ॒ಷ್ವೇ॑ವ ಲೋ॒ಕೇಷು॒ ಪ್ರತಿ॑ತಿಷ್ಠತಿ॒ ಚತು॑ಷ್ಪದಾ ಯಾ॒ಜ್ಯಾ॑ ಚತು॑ಷ್ಪದ ಏ॒ವ ಪ॒ಶೂನವ॑ ರುನ್ಧೇ ದ್ವ್ಯಖ್ಷ॒ರೋ ವ॑ಷಟ್ಕಾ॒ರೋ ದ್ವಿ॒ಪಾ-ದ್ಯಜ॑ಮಾನಃ ಪ॒ಶುಷ್ವೇ॒ವೋಪರಿ॑ಷ್ಟಾ॒-ತ್ಪ್ರತಿ॑ತಿಷ್ಠತಿ ಗಾಯ॒ತ್ರೀ ಪು॑ರೋ-ಽನುವಾ॒ಕ್ಯಾ॑ ಭವತಿ ತ್ರಿ॒ಷ್ಟುಗ್ ಯಾ॒ಜ್ಯೈ॑ಷಾ ವೈ ಸ॒ಪ್ತಪ॑ದಾ॒ ಶಕ್ವ॑ರೀ॒ ಯದ್ವಾ ಏ॒ತಯಾ॑ ದೇ॒ವಾ ಅಶಿ॑ಖ್ಷ॒-ನ್ತದ॑ಶಕ್ನುವ॒ನ್॒. ಯ ಏ॒ವಂ-ವೇಁದ॑ ಶ॒ಕ್ನೋತ್ಯೇ॒ವ ಯಚ್ಛಿಖ್ಷ॑ತಿ ॥ 13 ॥
(ದೇ॒ವತಾ॑ನಾಂ – ಕರೋತ್ಯು॒ – ಪರಿ॑ಷ್ಟಾಲ್ಲ॒ಖ್ಷ್ಮಾ – ಽಽಜ್ಯ॑ಭಾಗೌ॒ – ಪ್ರತಿ॑ – ಶ॒ಕ್ರೋತ್ಯೇ॒ವ – ದ್ವೇ ಚ॑ ) (ಅ. 2)
ಪ್ರ॒ಜಾಪ॑ತಿ ರ್ದೇ॒ವೇಭ್ಯೋ॑ ಯ॒ಜ್ಞಾನ್ ವ್ಯಾದಿ॑ಶ॒-ಥ್ಸ ಆ॒ತ್ಮನ್ನಾಜ್ಯ॑ಮಧತ್ತ॒ ತ-ನ್ದೇ॒ವಾ ಅ॑ಬ್ರುವನ್ನೇ॒ಷ ವಾವ ಯ॒ಜ್ಞೋ ಯದಾಜ್ಯ॒ಮಪ್ಯೇ॒ವ ನೋ-ಽತ್ರಾ॒ಸ್ತ್ವಿತಿ॒ ಸೋ᳚-ಽಬ್ರವೀ॒-ದ್ಯಜಾನ್॑ ವ॒ ಆಜ್ಯ॑ಭಾಗಾ॒ವುಪ॑ ಸ್ತೃಣಾನ॒ಭಿ ಘಾ॑ರಯಾ॒ನಿತಿ॒ ತಸ್ಮಾ॒-ದ್ಯಜ॒ನ್ತ್ಯಾ-ಜ್ಯ॑ಭಾಗಾ॒ವುಪ॑ ಸ್ತೃಣನ್ತ್ಯ॒ಭಿ ಘಾ॑ರಯನ್ತಿ ಬ್ರಹ್ಮವಾ॒ದಿನೋ॑ ವದನ್ತಿ॒ ಕಸ್ಮಾ᳚-ಥ್ಸ॒ತ್ಯಾ-ದ್ಯಾ॒ತಯಾ॑ಮಾನ್ಯ॒ನ್ಯಾನಿ॑ ಹ॒ವೀಗ್-ಷ್ಯಯಾ॑ತಯಾಮ॒-ಮಾಜ್ಯ॒ಮಿತಿ॑ ಪ್ರಾಜಾಪ॒ತ್ಯ- [ಪ್ರಾಜಾಪ॒ತ್ಯಮ್, ಇತಿ॑] 14
-ಮಿತಿ॑ ಬ್ರೂಯಾ॒ದಯಾ॑ತಯಾಮಾ॒ ಹಿ ದೇ॒ವಾನಾ᳚-ಮ್ಪ್ರ॒ಜಾಪ॑ತಿ॒ರಿತಿ॒ ಛನ್ದಾಗ್ಂ॑ಸಿ ದೇ॒ವೇಭ್ಯೋ-ಽಪಾ᳚ಕ್ರಾಮ॒-ನ್ನ ವೋ॑-ಽಭಾ॒ಗಾನಿ॑ ಹ॒ವ್ಯಂ-ವಁ॑ಖ್ಷ್ಯಾಮ॒ ಇತಿ॒ ತೇಭ್ಯ॑ ಏ॒ತ-ಚ್ಚ॑ತುರವ॒ತ್ತ-ಮ॑ಧಾರಯ-ನ್ಪುರೋ-ಽನುವಾ॒ಕ್ಯಾ॑ಯೈ ಯಾ॒ಜ್ಯಾ॑ಯೈ ದೇ॒ವತಾ॑ಯೈ ವಷಟ್ಕಾ॒ರಾಯ॒ ಯಚ್ಚ॑ತುರವ॒ತ್ತ-ಞ್ಜು॒ಹೋತಿ॒ ಛನ್ದಾಗ್॑ಸ್ಯೇ॒ವ ತ-ತ್ಪ್ರೀ॑ಣಾತಿ॒ ತಾನ್ಯ॑ಸ್ಯ ಪ್ರೀ॒ತಾನಿ॑ ದೇ॒ವೇಭ್ಯೋ॑ ಹ॒ವ್ಯಂ-ವಁ॑ಹ॒ನ್ತ್ಯಙ್ಗಿ॑ರಸೋ॒ ವಾ ಇ॒ತ ಉ॑ತ್ತ॒ಮಾ-ಸ್ಸು॑ವ॒ರ್ಗಂ-ಲೋಁ॒ಕಮಾ॑ಯ॒-ನ್ತದೃಷ॑ಯೋ ಯಜ್ಞವಾ॒ಸ್ತ್ವ॑ಭ್ಯ॒ವಾಯ॒-ನ್ತೇ॑- [ಯಜ್ಞವಾ॒ಸ್ತ್ವ॑ಭ್ಯ॒ವಾಯ॒-ನ್ತೇ, ಅ॒ಪ॒ಶ್ಯ॒-ನ್ಪು॒ರೋ॒ಡಾಶ॑-] 15
-ಽಪಶ್ಯ-ನ್ಪುರೋ॒ಡಾಶ॑-ಙ್ಕೂ॒ರ್ಮ-ಮ್ಭೂ॒ತಗ್ಂ ಸರ್ಪ॑ನ್ತ॒-ನ್ತಮ॑ಬ್ರುವ॒ನ್ನಿನ್ದ್ರಾ॑ಯ ಧ್ರಿಯಸ್ವ॒ ಬೃ॒ಹಸ್ಪತ॑ಯೇ ಧ್ರಿಯಸ್ವ॒ ವಿಶ್ವೇ᳚ಭ್ಯೋ ದೇ॒ವೇಭ್ಯೋ᳚ ಧ್ರಿಯ॒ಸ್ವೇತಿ॒ ಸ ನಾದ್ಧ್ರಿ॑ಯತ॒ ತಮ॑ಬ್ರುವನ್ನ॒ಗ್ನಯೇ᳚ ಧ್ರಿಯ॒ಸ್ವೇತಿ॒ ಸೋ᳚-ಽಗ್ನಯೇ᳚-ಽದ್ಧ್ರಿಯತ॒ ಯದಾ᳚ಗ್ನೇ॒ಯೋ᳚- ಽಷ್ಟಾಕ॑ಪಾಲೋ- ಽಮಾವಾ॒ಸ್ಯಾ॑ಯಾ-ಞ್ಚ ಪೌರ್ಣಮಾ॒ಸ್ಯಾ-ಞ್ಚಾ᳚ಚ್ಯು॒ತೋ ಭವ॑ತಿ ಸುವ॒ರ್ಗಸ್ಯ॑ ಲೋ॒ಕಸ್ಯಾ॒ಭಿಜಿ॑ತ್ಯೈ॒ ತಮ॑ಬ್ರುವನ್ ಕ॒ಥಾ-ಽಹಾ᳚ಸ್ಥಾ॒ ಇತ್ಯನು॑ಪಾಕ್ತೋ ಽಭೂವ॒ಮಿತ್ಯ॑ಬ್ರವೀ॒-ದ್ಯಥಾ-ಽಖ್ಷೋ-ಽನು॑ಪಾಕ್ತೋ॒- [-ಽನು॑ಪಾಕ್ತಃ, ಅ॒ವಾರ್ಚ್ಛ॑ತ್ಯೇ॒ವ-] 16
-ಽವಾರ್ಚ್ಛ॑ತ್ಯೇ॒ವ-ಮವಾ॑-ಽಽರ॒ಮಿತ್ಯು॒ಪರಿ॑ಷ್ಟಾ-ದ॒ಭ್ಯಜ್ಯಾ॒ಧಸ್ತಾ॒-ದುಪಾ॑ನಕ್ತಿ ಸುವ॒ರ್ಗಸ್ಯ॑ ಲೋ॒ಕಸ್ಯ॒ ಸಮ॑ಷ್ಟ್ಯೈ॒ ಸರ್ವಾ॑ಣಿ ಕ॒ಪಾಲಾ᳚ನ್ಯ॒ಭಿ ಪ್ರ॑ಥಯತಿ॒ ತಾವ॑ತಃ ಪುರೋ॒ಡಾಶಾ॑ನ॒ಮುಷ್ಮಿ॑-ಲ್ಲೋಁ॒ಕೇ॑-ಽಭಿ ಜ॑ಯತಿ॒ ಯೋ ವಿದ॑ಗ್ಧ॒-ಸ್ಸ ನೈ॑ರ್-ಋ॒ತೋ ಯೋ-ಽಶೃ॑ತ॒-ಸ್ಸ ರೌ॒ದ್ರೋ ಯ-ಶ್ಶೃ॒ತ-ಸ್ಸ ಸದೇ॑ವ॒ಸ್ತಸ್ಮಾ॒ದವಿ॑ದಹತಾ ಶೃತ॒ಕೃನ್ತ್ಯ॑-ಸ್ಸದೇವ॒ತ್ವಾಯ॒ ಭಸ್ಮ॑ನಾ॒-ಽಭಿ ವಾ॑ಸಯತಿ॒ ತಸ್ಮಾ᳚ನ್ಮಾ॒ಗ್ಂ॒ ಸೇನಾಸ್ಥಿ॑ ಛ॒ನ್ನಂ-ವೇಁ॒ದೇನಾ॒ಭಿ ವಾ॑ಸಯತಿ॒ ತಸ್ಮಾ॒- [ತಸ್ಮಾ᳚ತ್, ಕೇಶೈ॒-] 17
-ತ್ಕೇಶೈ॒-ಶ್ಶಿರ॑-ಶ್ಛ॒ನ್ನ-ಮ್ಪ್ರಚ್ಯು॑ತಂ॒-ವಾಁ ಏ॒ತದ॒ಸ್ಮಾ-ಲ್ಲೋ॒ಕಾದಗ॑ತ-ನ್ದೇವಲೋ॒ಕಂ-ಯಁಚ್ಛೃ॒ತಗ್ಂ ಹ॒ವಿರನ॑ಭಿಘಾರಿತ-ಮಭಿ॒ಘಾರ್ಯೋ-ದ್ವಾ॑ಸಯತಿ ದೇವ॒ತ್ರೈವೈನ॑-ದ್ಗಮಯತಿ॒ ಯದ್ಯೇಕ॑-ಙ್ಕ॒ಪಾಲ॒-ನ್ನಶ್ಯೇ॒ದೇಕೋ॒ ಮಾಸ॑-ಸ್ಸಂವಁಥ್ಸ॒ರಸ್ಯಾನ॑ವೇತ॒-ಸ್ಸ್ಯಾದಥ॒ ಯಜ॑ಮಾನಃ॒ ಪ್ರಮೀ॑ಯೇತ॒ ಯ-ದ್ದ್ವೇ ನಶ್ಯೇ॑ತಾ॒-ನ್ದ್ವೌ ಮಾಸೌ॑ ಸಂವಁಥ್ಸ॒ರಸ್ಯಾನ॑ವೇತೌ॒ ಸ್ಯಾತಾ॒ಮಥ॒ ಯಜ॑ಮಾನಃ॒ ಪ್ರಮೀ॑ಯೇತ ಸ॒ಙ್ಖ್ಯಾಯೋ-ದ್ವಾ॑ಸಯತಿ॒ ಯಜ॑ಮಾನಸ್ಯ [ಯಜ॑ಮಾನಸ್ಯ, ಗೋ॒ಪೀ॒ಥಾಯ॒ ಯದಿ॒] 18
ಗೋಪೀ॒ಥಾಯ॒ ಯದಿ॒ ನಶ್ಯೇ॑ದಾಶ್ವಿ॒ನ-ನ್ದ್ವಿ॑ಕಪಾ॒ಲ-ನ್ನಿರ್ವ॑ಪೇ-ದ್ದ್ಯಾವಾಪೃಥಿ॒ವ್ಯ॑- ಮೇಕ॑ಕಪಾಲಮ॒ಶ್ವಿನೌ॒ ವೈ ದೇ॒ವಾನಾ᳚-ಮ್ಭಿ॒ಷಜೌ॒ ತಾಭ್ಯಾ॑ಮೇ॒ವಾಸ್ಮೈ॑ ಭೇಷ॒ಜ-ಙ್ಕ॑ರೋತಿ ದ್ಯಾವಾಪೃಥಿ॒ವ್ಯ॑ ಏಕ॑ಕಪಾಲೋ ಭವತ್ಯ॒ನಯೋ॒ರ್ವಾ ಏ॒ತನ್ನ॑ಶ್ಯತಿ॒ ಯನ್ನಶ್ಯ॑- ತ್ಯ॒ನಯೋ॑ರೇ॒ವೈನ॑-ದ್ವಿನ್ದತಿ॒ ಪ್ರತಿ॑ಷ್ಠಿತ್ಯೈ ॥ 19 ॥
(ಪ್ರ॒ಜಾ॒ಪ॒ತ್ಯಂ – ತೇ – ಽಖ್ಷೋ-ಽನು॑ಪಾಕ್ತೋ – ವೇ॒ದೇನಾ॒ಭಿ ವಾ॑ಸಯತಿ॒ ತಸ್ಮಾ॒–ದ್ಯಜ॑ಮಾನಸ್ಯ॒ – ದ್ವಾತ್ರಿಗ್ಂ॑ಶಚ್ಚ) (ಅ. 3)
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವ ಇತಿ॒ ಸ್ಫ್ಯಮಾ ದ॑ತ್ತೇ॒ ಪ್ರಸೂ᳚ತ್ಯಾ ಅ॒ಶ್ವಿನೋ᳚ ರ್ಬಾ॒ಹುಭ್ಯಾ॒ಮಿತ್ಯಾ॑ಹಾ॒-ಶ್ವಿನೌ॒ ಹಿ ದೇ॒ವಾನಾ॑ಮದ್ಧ್ವ॒ರ್ಯೂ ಆಸ್ತಾ᳚-ಮ್ಪೂ॒ಷ್ಣೋ ಹಸ್ತಾ᳚ಭ್ಯಾ॒ಮಿತ್ಯಾ॑ಹ॒ ಯತ್ಯೈ॑ ಶ॒ತಭೃ॑ಷ್ಟಿರಸಿ ವಾನಸ್ಪ॒ತ್ಯೋ ದ್ವಿ॑ಷ॒ತೋ ವ॒ಧ ಇತ್ಯಾ॑ಹ॒ ವಜ್ರ॑ಮೇ॒ವ ತ-ಥ್ಸಗ್ಗ್ಶ್ಯ॑ತಿ॒ ಭ್ರಾತೃ॑ವ್ಯಾಯ ಪ್ರಹರಿ॒ಷ್ಯನ್-ಥ್ಸ್ತ॑ಮ್ಬ ಯ॒ಜುರ್-ಹ॑ರತ್ಯೇ॒ತಾವ॑ತೀ॒ ವೈ ಪೃ॑ಥಿ॒ವೀ ಯಾವ॑ತೀ॒ ವೇದಿ॒ಸ್ತಸ್ಯಾ॑ ಏ॒ತಾವ॑ತ ಏ॒ವ ಭ್ರಾತೃ॑ವ್ಯ॒-ನ್ನಿರ್ಭ॑ಜತಿ॒ [-ನಿರ್ಭ॑ಜತಿ॒, ತಸ್ಮಾ॒ನ್ನಾಭಾ॒ಗ-] 20
ತಸ್ಮಾ॒ನ್ನಾಭಾ॒ಗ-ನ್ನಿರ್ಭ॑ಜನ್ತಿ॒ ತ್ರಿರ್ಹ॑ರತಿ॒ ತ್ರಯ॑ ಇ॒ಮೇ ಲೋ॒ಕಾ ಏ॒ಭ್ಯ ಏ॒ವೈನಂ॑-ಲೋಁ॒ಕೇಭ್ಯೋ॒ ನಿರ್ಭ॑ಜತಿ ತೂ॒ಷ್ಣೀ-ಞ್ಚ॑ತು॒ರ್ಥಗ್ಂ ಹ॑ರ॒ತ್ಯಪ॑ರಿಮಿತಾದೇ॒ವೈನ॒-ನ್ನಿರ್ಭ॑ಜ॒ತ್ಯುದ್ಧ॑ನ್ತಿ॒ ಯದೇ॒ವಾಸ್ಯಾ॑ ಅಮೇ॒ದ್ಧ್ಯ-ನ್ತದಪ॑ ಹ॒ನ್ತ್ಯುದ್ಧ॑ನ್ತಿ॒ ತಸ್ಮಾ॒ದೋಷ॑ಧಯಃ॒ ಪರಾ॑ ಭವನ್ತಿ॒ ಮೂಲ॑-ಞ್ಛಿನತ್ತಿ॒ ಭ್ರಾತೃ॑ವ್ಯಸ್ಯೈ॒ವ ಮೂಲ॑-ಞ್ಛಿನತ್ತಿ ಪಿತೃದೇವ॒ತ್ಯಾ-ಽತಿ॑ಖಾ॒ತೇಯ॑ತೀ-ಙ್ಖನತಿ ಪ್ರ॒ಜಾಪ॑ತಿನಾ [ಪ್ರ॒ಜಾಪ॑ತಿನಾ, ಯಜ್ಞಮು॒ಖೇನ॒ ಸಮ್ಮಿ॑ತಾ॒ಮಾ] 21
ಯಜ್ಞಮು॒ಖೇನ॒ ಸಮ್ಮಿ॑ತಾ॒ಮಾ ಪ್ರ॑ತಿ॒ಷ್ಠಾಯೈ॑ ಖನತಿ॒ ಯಜ॑ಮಾನಮೇ॒ವ ಪ್ರ॑ತಿ॒ಷ್ಠಾ-ಙ್ಗ॑ಮಯತಿ ದಖ್ಷಿಣ॒ತೋ ವರ್ಷೀ॑ಯಸೀ-ಙ್ಕರೋತಿ ದೇವ॒ಯಜ॑ನಸ್ಯೈ॒ವ ರೂ॒ಪಮ॑ಕಃ॒ ಪುರೀ॑ಷವತೀ-ಙ್ಕರೋತಿ ಪ್ರ॒ಜಾವೈ ಪ॒ಶವಃ॒ ಪುರೀ॑ಷ-ಮ್ಪ್ರ॒ಜಯೈ॒ವೈನ॑-ಮ್ಪ॒ಶುಭಿಃ॒ ಪುರೀ॑ಷವನ್ತ-ಙ್ಕರೋ॒ತ್ಯುತ್ತ॑ರ-ಮ್ಪರಿಗ್ರಾ॒ಹ-ಮ್ಪರಿ॑ ಗೃಹ್ಣಾತ್ಯೇ॒ತಾವ॑ತೀ॒ ವೈ ಪೃ॑ಥಿ॒ವೀ ಯಾವ॑ತೀ॒ ವೇದಿ॒ಸ್ತಸ್ಯಾ॑ ಏ॒ತಾವ॑ತ ಏ॒ವ ಭ್ರಾತೃ॑ವ್ಯ-ನ್ನಿ॒ರ್ಭಜ್ಯಾ॒-ಽಽತ್ಮನ॒ ಉತ್ತ॑ರ-ಮ್ಪರಿಗ್ರಾ॒ಹ-ಮ್ಪರಿ॑ಗೃಹ್ಣಾತಿ ಕ್ರೂ॒ರಮಿ॑ವ॒ ವಾ [ಕ್ರೂ॒ರಮಿ॑ವ॒ ವೈ, ಏ॒ತ-ತ್ಕ॑ರೋತಿ॒] 22
ಏ॒ತ-ತ್ಕ॑ರೋತಿ॒ ಯದ್ವೇದಿ॑-ಙ್ಕ॒ರೋತಿ॒ ಧಾ ಅ॑ಸಿ ಸ್ವ॒ಧಾ ಅ॒ಸೀತಿ॑ ಯೋಯುಪ್ಯತೇ॒ ಶಾನ್ತ್ಯೈ॒ ಪ್ರೋಖ್ಷ॑ಣೀ॒ರಾ ಸಾ॑ದಯ॒ತ್ಯಾಪೋ॒ ವೈ ರ॑ಖ್ಷೋ॒ಘ್ನೀ ರಖ್ಷ॑ಸಾ॒ಮಪ॑ಹತ್ಯೈ॒ ಸ್ಫ್ಯಸ್ಯ॒ವರ್ತ್ಮನ್᳚-ಥ್ಸಾದಯತಿ ಯ॒ಜ್ಞಸ್ಯ॒ ಸನ್ತ॑ತ್ಯೈ॒ಯ-ನ್ದ್ವಿ॒ಷ್ಯಾ-ತ್ತ-ನ್ಧ್ಯಾ॑ಯೇಚ್ಛು॒ಚೈವೈನ॑ಮರ್ಪಯತಿ ॥ 23 ॥
(ಭ॒ಜ॒ತಿ॒ – ಪ್ರ॒ಜಾಪ॑ತಿನೇ- ವ॒ ವೈ – ತ್ರಯ॑ಸ್ತ್ರಿಗ್ಂಶಚ್ಚ) (ಅ. 4)
ಬ್ರ॒ಹ್ಮ॒ವಾ॒ದಿನೋ॑ ವದನ್ತ್ಯ॒ದ್ಭಿರ್-ಹ॒ವೀಗ್ಂಷಿ॒ ಪ್ರೌಖ್ಷೀಃ॒ ಕೇನಾ॒ಪ ಇತಿ॒ ಬ್ರಹ್ಮ॒ಣೇತಿ॑ ಬ್ರೂಯಾದ॒ದ್ಭಿರ್-ಹ್ಯೇ॑ವ ಹ॒ವೀಗ್ಂಷಿ॑ ಪ್ರೋ॒ಖ್ಷತಿ॒ ಬ್ರಹ್ಮ॑ಣಾ॒-ಽಪ ಇ॒ದ್ಧ್ಮಾಬ॒ರ್॒ಹಿಃ ಪ್ರೋಖ್ಷ॑ತಿ॒ ಮೇದ್ಧ್ಯ॑ಮೇ॒ವೈನ॑-ತ್ಕರೋತಿ॒ ವೇದಿ॒-ಮ್ಪ್ರೋಖ್ಷ॑ತ್ಯೃ॒ಖ್ಷಾ ವಾ ॒ಷಾ-ಽಲೋ॒ಮಕಾ॑-ಽಮೇ॒ದ್ಧ್ಯಾ ಯ-ದ್ವೇದಿ॒ರ್ಮೇದ್ಧ್ಯಾ॑-ಮೇ॒ವೈನಾ᳚-ಙ್ಕರೋತಿ ದಿ॒ವೇ ತ್ವಾ॒-ಽನ್ತರಿ॑ಖ್ಷಾಯ ತ್ವಾ ಪೃಥಿ॒ವ್ಯೈ ತ್ವೇತಿ॑ ಬ॒ರ್॒ಹಿ-ರಾ॒ಸಾದ್ಯ॒ ಪ್ರೋ- [ಬ॒ರ್॒ಹಿ-ರಾ॒ಸಾದ್ಯ॒ ಪ್ರ, ಉಖ್ಷ॑ತ್ಯೇ॒ಭ್ಯ] 24
-ಖ್ಷ॑ತ್ಯೇ॒ಭ್ಯ ಏ॒ವೈನ॑ಲ್ಲೋ॒ಕೇಭ್ಯಃ॒ ಪ್ರೋಖ್ಷ॑ತಿ ಕ್ರೂ॒ರಮಿ॑ವ॒ ವಾ ಏ॒ತ-ತ್ಕ॑ರೋತಿ॒ ಯ-ತ್ಖನ॑ತ್ಯ॒ಪೋ ನಿನ॑ಯತಿ॒ ಶಾನ್ತ್ಯೈ॑ ಪು॒ರಸ್ತಾ᳚-ತ್ಪ್ರಸ್ತ॒ರ-ಙ್ಗೃ॑ಹ್ಣಾತಿ॒ ಮುಖ್ಯ॑ಮೇ॒ವೈನ॑-ಙ್ಕರೋ॒ತೀಯ॑ನ್ತ-ಙ್ಗೃಹ್ಣಾತಿ ಪ್ರ॒ಜಾಪ॑ತಿನಾ ಯಜ್ಞಮು॒ಖೇನ॒ ಸಮ್ಮಿ॑ತ-ಮ್ಬ॒ರ್॒ಹಿ-ಸ್ಸ್ತೃ॑ಣಾತಿ ಪ್ರ॒ಜಾ ವೈ ಬ॒ರ್॒ಹಿಃ ಪೃ॑ಥಿ॒ವೀ ವೇದಿಃ॑ ಪ್ರ॒ಜಾ ಏ॒ವ ಪೃ॑ಥಿ॒ವ್ಯಾ-ಮ್ಪ್ರತಿ॑ಷ್ಠಾಪಯ॒ತ್ಯನ॑ತಿದೃಶ್ಞಗ್ಗ್ ಸ್ತೃಣಾತಿ ಪ್ರ॒ಜಯೈ॒ವೈನ॑-ಮ್ಪ॒ಶುಭಿ॒-ರನ॑ತಿದೃಶ್ಞ-ಙ್ಕರೋ॒- [-ರನ॑ತಿದೃಶ್ಞ-ಙ್ಕರೋತಿ, ಉತ್ತ॑ರ-ಮ್ಬ॒ರ್॒ಹಿಷಃ॑] 25
-ತ್ಯುತ್ತ॑ರ-ಮ್ಬ॒ರ್॒ಹಿಷಃ॑ ಪ್ರಸ್ತ॒ರಗ್ಂ ಸಾ॑ದಯತಿ ಪ್ರ॒ಜಾ ವೈ ಬ॒ರ್॒ಹಿ ರ್ಯಜ॑ಮಾನಃ ಪ್ರಸ್ತ॒ರೋಯಜ॑ಮಾನ-ಮೇ॒ವಾಯ॑ಜಮಾನಾ॒-ದುತ್ತ॑ರ-ಙ್ಕರೋತಿ॒ ತಸ್ಮಾ॒-ದ್ಯಜ॑ಮಾ॒ನೋ-ಽಯ॑ಜಮಾನಾ॒ದುತ್ತ॑ರೋ॒-ಽನ್ತರ್ದ॑ಧಾತಿ॒ ವ್ಯಾವೃ॑ತ್ತ್ಯಾ ಅ॒ನಕ್ತಿ॑ ಹ॒ವಿಷ್ಕೃ॑ತಮೇ॒ವೈನಗ್ಂ॑ ಸುವ॒ರ್ಗಂ-ಲೋಁ॒ಕ-ಙ್ಗ॑ಮಯತಿತ್ರೇ॒ಧಾ-ಽನ॑ಕ್ತಿ॒ ತ್ರಯ॑ ಇ॒ಮೇ ಲೋ॒ಕಾ ಏ॒ಭ್ಯ ಏ॒ವೈನಂ॑-ಲೋಁ॒ಕೇಭ್ಯೋ॑-ಽನಕ್ತಿ॒ ನ ಪ್ರತಿ॑ ಶೃಣಾತಿ॒ಯ-ತ್ಪ್ರ॑ತಿಶೃಣೀ॒ಯಾದನೂ᳚ರ್ಧ್ವ-ಮ್ಭಾವುಕಂ॒-ಯಁಜ॑ಮಾನಸ್ಯ ಸ್ಯಾದು॒ಪರೀ॑ವ॒ ಪ್ರ ಹ॑ರ- [ಪ್ರ ಹ॑ರತಿ, ಉ॒ಪರೀ॑ವ॒ ಹಿ] 26
-ತ್ಯು॒ಪರೀ॑ವ॒ ಹಿ ಸು॑ವ॒ರ್ಗೋ ಲೋ॒ಕೋ ನಿಯ॑ಚ್ಛತಿ॒ ವೃಷ್ಟಿ॑ಮೇ॒ವಾಸ್ಮೈ॒ ನಿಯ॑ಚ್ಛತಿ॒ ನಾತ್ಯ॑ಗ್ರ॒-ಮ್ಪ್ರ ಹ॑ರೇ॒ದ್ಯದತ್ಯ॑ಗ್ರ-ಮ್ಪ್ರ॒ಹರೇ॑ದ-ತ್ಯಾಸಾ॒ರಿಣ್ಯ॑ದ್ಧ್ವ॒ರ್ಯೋ-ರ್ನಾಶು॑ಕಾ ಸ್ಯಾ॒ನ್ನ ಪು॒ರಸ್ತಾ॒-ತ್ಪ್ರತ್ಯ॑ಸ್ಯೇ॒ದ್ಯ-ತ್ಪು॒ರಸ್ತಾ᳚-ತ್ಪ್ರ॒ತ್ಯಸ್ಯೇ᳚-ಥ್ಸುವ॒ರ್ಗಾಲ್ಲೋ॒ಕಾ-ದ್ಯಜ॑ಮಾನ॒-ಮ್ಪ್ರತಿ॑ ನುದೇ॒-ತ್ಪ್ರಾಞ್ಚ॒-ಮ್ಪ್ರಹ॑ರತಿ॒ ಯಜ॑ಮಾನಮೇ॒ವ ಸು॑ವ॒ರ್ಗಂ-ಲೋಁ॒ಕ-ಙ್ಗ॑ಮಯತಿ॒ ನ ವಿಷ್ವ॑ಞ್ಚಂ॒-ವಿಁ ಯು॑ಯಾ॒-ದ್ಯ-ದ್ವಿಷ್ವ॑ಞ್ಚಂ-ವಿಁಯು॒ಯಾ- [-ವಿಯು॒ಯಾತ್, ಸ್ತ್ರ್ಯ॑ಸ್ಯ ಜಾಯೇತೋ॒ರ್ಧ್ವ-] 27
-ಥ್ಸ್ತ್ರ್ಯ॑ಸ್ಯ ಜಾಯೇತೋ॒ರ್ಧ್ವ-ಮುದ್ಯೌ᳚ತ್ಯೂ॒ರ್ಧ್ವಮಿ॑ವ॒ ಹಿ ಪು॒ಗ್ಂ॒ಸಃ ಪುಮಾ॑ನೇ॒ವಾಸ್ಯ॑ ಜಾಯತೇ॒ ಯ-ಥ್ಸ್ಫ್ಯೇನ॑ ವೋಪವೇ॒ಷೇಣ॑ ವಾ ಯೋಯು॒ಪ್ಯೇತ॒ ಸ್ತೃತಿ॑ರೇ॒ವಾಸ್ಯ॒ ಸಾ ಹಸ್ತೇ॑ನ ಯೋಯುಪ್ಯತೇ॒ ಯಜ॑ಮಾನಸ್ಯ ಗೋಪೀ॒ಥಾಯ॑ ಬ್ರಹ್ಮವಾ॒ದಿನೋ॑ ವದನ್ತಿ॒ ಕಿಂ-ಯಁ॒ಜ್ಞಸ್ಯ॒ ಯಜ॑ಮಾನ॒ ಇತಿ॑ ಪ್ರಸ್ತ॒ರ ಇತಿ॒ ತಸ್ಯ॒ ಕ್ವ॑ ಸುವ॒ರ್ಗೋ ಲೋ॒ಕ ಇತ್ಯಾ॑ಹವ॒ನೀಯ॒ ಇತಿ॑ ಬ್ರೂಯಾ॒ದ್ಯ-ತ್ಪ್ರ॑ಸ್ತ॒ರಮಾ॑ಹವ॒ನೀಯೇ᳚ ಪ್ರ॒ಹರ॑ತಿ॒ ಯಜ॑ಮಾನಮೇ॒ವ [ಯಜ॑ಮಾನಮೇ॒ವ, ಸು॒ವ॒ರ್ಗಂ-ಲೋಁ॒ಕ-ಙ್ಗ॑ಮಯತಿ॒] 28
ಸು॑ವ॒ರ್ಗಂ-ಲೋಁ॒ಕ-ಙ್ಗ॑ಮಯತಿ॒ ವಿ ವಾ ಏ॒ತ-ದ್ಯಜ॑ಮಾನೋ ಲಿಶತೇ॒ ಯ-ತ್ಪ್ರ॑ಸ್ತ॒ರಂ-ಯೋಁ॑ಯು॒ಪ್ಯನ್ತೇ॑ ಬ॒ರ್॒ಹಿರನು॒ ಪ್ರಹ॑ರತಿ॒ ಶಾನ್ತ್ಯಾ॑ ಅನಾರಮ್ಭ॒ಣ ಇ॑ವ॒ ವಾ ಏ॒ತರ್ಹ್ಯ॑ದ್ಧ್ವ॒ರ್ಯು-ಸ್ಸ ಈ᳚ಶ್ವ॒ರೋ ವೇ॑ಪ॒ನೋ ಭವಿ॑ತೋರ್ಧ್ರು॒ವಾ ಽಸೀತೀ॒ಮಾಮ॒ಭಿ ಮೃ॑ಶತೀ॒ಯಂ-ವೈಁ ಧ್ರು॒ವಾ-ಽಸ್ಯಾಮೇ॒ವ ಪ್ರತಿ॑ತಿಷ್ಠತಿ॒ ನ ವೇ॑ಪ॒ನೋ ಭ॑ವ॒ತ್ಯಗಾ(3)ನ॑ಗ್ನೀ॒ದಿತ್ಯಾ॑ಹ॒ ಯದ್ಬ್ರೂ॒ಯಾದ-ಗ॑ನ್ನ॒ಗ್ನಿರಿತ್ಯ॒ -ಗ್ನಾವ॒ಗ್ನಿ-ಙ್ಗ॑ಮಯೇ॒ನ್ನಿ ರ್ಯಜ॑ಮಾನಗ್ಂ ಸುವ॒ರ್ಗಾಲ್ಲೋ॒ಕಾ-ದ್ಭ॑ಜೇ॒ದಗ॒ನ್ನಿತ್ಯೇ॒ವ ಬ್ರೂ॑ಯಾ॒-ದ್ಯಜ॑ಮಾನಮೇ॒ವ ಸು॑ವ॒ರ್ಗಂ-ಲೋಁ॒ಕ-ಙ್ಗ॑ಮಯತಿ ॥ 29 ॥
(ಆ॒ಸಾದ್ಯ॒ ಪ್ರಾ – ನ॑ತಿದೃಶ್ಞ-ಙ್ಕರೋತಿ – ಹರತಿ – ವಿಯು॒ಯಾ–ದ್ಯಜ॑ಮಾನಮೇ॒ವಾ-ಽಗ್ನಿರಿತಿ॑ – ಸ॒ಪ್ತದ॑ಶ ಚ ) (ಅ. 5)
ಅ॒ಗ್ನೇಸ್ತ್ರಯೋ॒ ಜ್ಯಾಯಾಗ್ಂ॑ಸೋ॒ ಭ್ರಾತ॑ರ ಆಸ॒-ನ್ತೇ ದೇ॒ವೇಭ್ಯೋ॑ ಹ॒ವ್ಯಂ-ವಁಹ॑ನ್ತಃ॒ ಪ್ರಾಮೀ॑ಯನ್ತ॒ ಸೋ᳚-ಽಗ್ನಿರ॑ಬಿಭೇದಿ॒ತ್ಥಂ-ವಾಁವ ಸ್ಯ ಆರ್ತಿ॒ಮಾ-ಽರಿ॑ಷ್ಯ॒ತೀತಿ॒ ಸ ನಿಲಾ॑ಯತ॒ ಸೋ॑-ಽಪಃ ಪ್ರಾವಿ॑ಶ॒-ತ್ತ-ನ್ದೇ॒ವತಾಃ॒ ಪ್ರೈಷ॑ಮೈಚ್ಛ॒-ನ್ತ-ಮ್ಮಥ್ಸ್ಯಃ॒ ಪ್ರಾಬ್ರ॑ವೀ॒-ತ್ತಮ॑ಶಪದ್ಧಿ॒ಯಾಧಿ॑ಯಾ ತ್ವಾ ವದ್ಧ್ಯಾಸು॒ರ್ಯೋ ಮಾ॒ ಪ್ರಾವೋ॑ಚ॒ ಇತಿ॒ ತಸ್ಮಾ॒ನ್ಮಥ್ಸ್ಯ॑-ನ್ಧಿ॒ಯಾಧಿ॑ಯಾ ಘ್ನನ್ತಿ ಶ॒ಪ್ತೋ [ಶ॒ಪ್ತಃ, ಹಿ] 30
ಹಿ ತಮನ್ವ॑ವಿನ್ದ॒-ನ್ತಮ॑ ಬ್ರುವ॒ನ್ನುಪ॑ ನ॒ ಆ ವ॑ರ್ತಸ್ವ ಹ॒ವ್ಯ-ನ್ನೋ॑ ವ॒ಹೇತಿ॒ ಸೋ᳚-ಽಬ್ರವೀ॒ದ್ವರಂ॑-ವೃಁಣೈ॒ ಯದೇ॒ವ ಗೃ॑ಹೀ॒ತಸ್ಯಾಹು॑ತಸ್ಯಬಹಿಃ ಪರಿ॒ಧಿ ಸ್ಕನ್ದಾ॒-ತ್ತನ್ಮೇ॒ ಭ್ರಾತೃ॑ಣಾ-ಮ್ಭಾಗ॒ಧೇಯ॑ಮಸ॒ದಿತಿ॒ ತಸ್ಮಾ॒ದ್ಯ-ದ್ಗೃ॑ಹೀ॒ತಸ್ಯಾಹು॑ತಸ್ಯ ಬಹಿಃ ಪರಿ॒ಧಿ ಸ್ಕನ್ದ॑ತಿ॒ ತೇಷಾ॒-ನ್ತ-ದ್ಭಾ॑ಗ॒ಧೇಯ॒-ನ್ತಾನೇ॒ವ ತೇನ॑ ಪ್ರೀಣಾತಿ ಪರಿ॒ಧೀ-ನ್ಪರಿ॑ ದಧಾತಿ॒ ರಖ್ಷ॑ಸಾ॒ಮಪ॑ಹತ್ಯೈ॒ ಸಗ್ಗ್ ಸ್ಪ॑ರ್ಶಯತಿ॒ [ಸಗ್ಗ್ ಸ್ಪ॑ರ್ಶಯತಿ, ರಖ್ಷ॑ಸಾ॒-] 31
ರಖ್ಷ॑ಸಾ॒-ಮನ॑ನ್ವವಚಾರಾಯ॒ ನ ಪು॒ರಸ್ತಾ॒-ತ್ಪರಿ॑ ದಧಾತ್ಯಾದಿ॒ತ್ಯೋ ಹ್ಯೇ॑ವೋದ್ಯ-ನ್ಪು॒ರಸ್ತಾ॒-ದ್ರಖ್ಷಾಗ್॑ಸ್ಯಪ॒ಹನ್ತ್ಯೂ॒ರ್ಧ್ವೇ ಸ॒ಮಿಧಾ॒ವಾ ದ॑ಧಾತ್ಯು॒ಪರಿ॑ಷ್ಟಾದೇ॒ವ ರಖ್ಷಾ॒ಗ್॒ಸ್ಯಪ॑ ಹನ್ತಿ॒ ಯಜು॑ಷಾ॒-ಽನ್ಯಾ-ನ್ತೂ॒ಷ್ಣೀಮ॒ನ್ಯಾ-ಮ್ಮಿ॑ಥುನ॒ತ್ವಾಯ॒ ದ್ವೇ ಆ ದ॑ಧಾತಿ ದ್ವಿ॒ಪಾ-ದ್ಯಜ॑ಮಾನಃ॒ ಪ್ರತಿ॑ಷ್ಠಿತ್ಯೈ ಬ್ರಹ್ಮವಾ॒ದಿನೋ॑ ವದನ್ತಿ॒ ಸ ತ್ವೈ ಯ॑ಜೇತ॒ ಯೋ ಯ॒ಜ್ಞಸ್ಯಾ-ಽಽರ್ತ್ಯಾ॒ ವಸೀ॑ಯಾ॒ನ್-ಥ್ಸ್ಯಾದಿತಿ॒ ಭೂಪ॑ತಯೇ॒ ಸ್ವಾಹಾ॒ ಭುವ॑ನಪತಯೇ॒ ಸ್ವಾಹಾ॑ ಭೂ॒ತಾನಾ॒- [ಭೂ॒ತಾನಾ᳚ಮ್, ಪತ॑ಯೇ॒ ಸ್ವಾಹೇತಿ॑] 32
-ಮ್ಪತ॑ಯೇ॒ ಸ್ವಾಹೇತಿ॑ ಸ್ಕ॒ನ್ನಮನು॑ ಮನ್ತ್ರಯೇತ ಯ॒ಜ್ಞಸ್ಯೈ॒ವ ತದಾರ್ತ್ಯಾ॒ ಯಜ॑ಮಾನೋ॒ ವಸೀ॑ಯಾ-ನ್ಭವತಿ॒ ಭೂಯ॑ಸೀ॒ರ್॒ಹಿ ದೇ॒ವತಾಃ᳚ ಪ್ರೀ॒ಣಾತಿ॑ ಜಾ॒ಮಿ ವಾ ಏ॒ತ-ದ್ಯ॒ಜ್ಞಸ್ಯ॑ ಕ್ರಿಯತೇ॒ ಯದ॒ನ್ವಞ್ಚೌ॑ ಪುರೋ॒ಡಾಶಾ॑ ವುಪಾಗ್ಂಶುಯಾ॒ಜಮ॑ನ್ತ॒ರಾ ಯ॑ಜ॒ತ್ಯಜಾ॑ಮಿತ್ವಾ॒ಯಾಥೋ॑ ಮಿಥುನ॒ತ್ವಾಯಾ॒ಗ್ನಿರ॒ಮುಷ್ಮಿ॑-ಲ್ಲೋಁ॒ಕ ಆಸೀ᳚-ದ್ಯ॒ಮೋ᳚-ಽಸ್ಮಿ-ನ್ತೇ ದೇ॒ವಾ ಅ॑ಬ್ರುವ॒ನ್ನೇತೇ॒ಮೌ ವಿ ಪರ್ಯೂ॑ಹಾ॒ಮೇತ್ಯ॒ನ್ನಾದ್ಯೇ॑ನ ದೇ॒ವಾ ಅ॒ಗ್ನಿ- [ದೇ॒ವಾ ಅ॒ಗ್ನಿಮ್, ಉ॒ಪಾಮ॑ನ್ತ್ರಯನ್ತ] 33
-ಮು॒ಪಾಮ॑ನ್ತ್ರಯನ್ತ ರಾ॒ಜ್ಯೇನ॑ ಪಿ॒ತರೋ॑ ಯ॒ಮ-ನ್ತಸ್ಮಾ॑ದ॒ಗ್ನಿ ರ್ದೇ॒ವಾನಾ॑ಮನ್ನಾ॒ದೋ ಯ॒ಮಃ ಪಿ॑ತೃ॒ಣಾಗ್ಂ ರಾಜಾ॒ ಯ ಏ॒ವಂ-ವೇಁದ॒ ಪ್ರರಾ॒ಜ್ಯಮ॒ನ್ನಾದ್ಯ॑-ಮಾಪ್ನೋತಿ॒ ತಸ್ಮಾ॑ ಏ॒ತ-ದ್ಭಾ॑ಗ॒ಧೇಯ॒-ಮ್ಪ್ರಾಯ॑ಚ್ಛ॒ನ್॒. ಯದ॒ಗ್ನಯೇ᳚ ಸ್ವಿಷ್ಟ॒ಕೃತೇ॑-ಽವ॒ದ್ಯನ್ತಿ॒ ಯದ॒ಗ್ನಯೇ᳚ ಸ್ವಿಷ್ಟ॒ಕೃತೇ॑ ಽವ॒ದ್ಯತಿ॑ ಭಾಗ॒ಧೇಯೇ॑ನೈ॒ವ ತ-ದ್ರು॒ದ್ರಗ್ಂ ಸಮ॑ರ್ಧಯತಿ ಸ॒ಕೃ-ಥ್ಸ॑ಕೃ॒ದವ॑ ದ್ಯತಿ ಸ॒ಕೃದಿ॑ವ॒ ಹಿ ರು॒ದ್ರ ಉ॑ತ್ತರಾ॒ರ್ಧಾದವ॑ ದ್ಯತ್ಯೇ॒ಷಾ ವೈ ರು॒ದ್ರಸ್ಯ॒ [ವೈ ರು॒ದ್ರಸ್ಯ॑, ದಿಖ್-ಸ್ವಾಯಾ॑ಮೇ॒ವ] 34
ದಿಖ್-ಸ್ವಾಯಾ॑ಮೇ॒ವ ದಿ॒ಶಿ ರು॒ದ್ರ-ನ್ನಿ॒ರವ॑ದಯತೇ॒ ದ್ವಿರ॒ಭಿ ಘಾ॑ರಯತಿ ಚತುರವ॒ತ್ತಸ್ಯಾ-ಽಽಪ್ತ್ಯೈ॑ಪ॒ಶವೋ॒ ವೈ ಪೂರ್ವಾ॒ ಆಹು॑ತಯ ಏ॒ಷ ರು॒ದ್ರೋ ಯದ॒ಗ್ನಿರ್ಯ-ತ್ಪೂರ್ವಾ॒ ಆಹು॑ತೀರ॒ಭಿ ಜು॑ಹು॒ಯಾ-ದ್ರು॒ದ್ರಾಯ॑ ಪ॒ಶೂನಪಿ॑ ದಧ್ಯಾದಪ॒ಶುರ್ಯಜ॑ಮಾನ-ಸ್ಸ್ಯಾದತಿ॒ಹಾಯ॒ ಪೂರ್ವಾ॒ ಆಹು॑ತೀರ್ಜುಹೋತಿ ಪಶೂ॒ನಾ-ಙ್ಗೋ॑ಪೀ॒ಥಾಯ॑ ॥ 35 ॥
(ಶ॒ಪ್ತಃ – ಸ್ಪ॑ರ್ಶಯತಿ – ಭೂ॒ತಾನಾ॑ – ಮ॒ಗ್ನಿಗ್ಂ – ರು॒ದ್ರಸ್ಯ॑ – ಸ॒ಪ್ತತ್ರಿಗ್ಂ॑ಶಚ್ಚ ) (ಅ. 6)
ಮನುಃ॑ ಪೃಥಿ॒ವ್ಯಾ ಯ॒ಜ್ಞಿಯ॑ಮೈಚ್ಛ॒-ಥ್ಸ ಘೃ॒ತ-ನ್ನಿಷಿ॑ಕ್ತಮವಿನ್ದ॒-ಥ್ಸೋ᳚-ಽಬ್ರವೀ॒-ತ್ಕೋ᳚-ಽಸ್ಯೇಶ್ವ॒ರೋ ಯ॒ಜ್ಞೇ-ಽಪಿ॒ ಕರ್ತೋ॒ರಿತಿ॒ ತಾವ॑ಬ್ರೂತಾ-ಮ್ಮಿ॒ತ್ರಾವರು॑ಣೌ॒ ಗೋರೇ॒ವಾ-ಽಽವಮೀ᳚ಶ್ವ॒ರೌ ಕರ್ತೋ᳚-ಸ್ಸ್ವ॒ ಇತಿ॒ ತೌ ತತೋ॒ ಗಾಗ್ಂ ಸಮೈ॑ರಯತಾ॒ಗ್ಂ॒ ಸಾ ಯತ್ರ॑ ಯತ್ರ॒ ನ್ಯಕ್ರಾ॑ಮ॒-ತ್ತತೋ॑ ಘೃ॒ತಮ॑ಪೀಡ್ಯತ॒ ತಸ್ಮಾ᳚-ದ್ಘೃ॒ತಪ॑ದ್ಯುಚ್ಯತೇ॒ ತದ॑ಸ್ಯೈ॒ ಜನ್ಮೋಪ॑ಹೂತಗ್ಂ ರಥನ್ತ॒ರಗ್ಂ ಸ॒ಹ ಪೃ॑ಥಿ॒ವ್ಯೇತ್ಯಾ॑ಹೇ॒ [ಸ॒ಹ ಪೃ॑ಥಿ॒ವ್ಯೇತ್ಯಾ॑ಹ, ಇಯಂ-ವೈಁ] 36
ಯಂ-ವೈಁ ರ॑ಥನ್ತ॒ರಮಿ॒ಮಾಮೇ॒ವ ಸ॒ಹಾನ್ನಾ-ದ್ಯೇ॒ನೋಪ॑ ಹ್ವಯತ॒ ಉಪ॑ಹೂತಂ-ವಾಁಮದೇ॒ವ್ಯಗ್ಂ ಸ॒ಹಾನ್ತರಿ॑ಖ್ಷೇ॒ಣೇತ್ಯಾ॑ಹ ಪ॒ಶವೋ॒ ವೈ ವಾ॑ಮದೇ॒ವ್ಯ-ಮ್ಪ॒ಶೂನೇ॒ವ ಸ॒ಹಾನ್ತರಿ॑ಖ್ಷೇ॒ಣೋಪ॑ ಹ್ವಯತ॒ ಉಪ॑ಹೂತ-ಮ್ಬೃ॒ಹ-ಥ್ಸ॒ಹ ದಿ॒ವೇತ್ಯಾ॑ಹೈ॒ರಂ-ವೈಁ ಬೃ॒ಹದಿರಾ॑ಮೇ॒ವ ಸ॒ಹ ದಿ॒ವೋಪ॑ ಹ್ವಯತ॒ ಉಪ॑ಹೂತಾ-ಸ್ಸ॒ಪ್ತ ಹೋತ್ರಾ॒ ಇತ್ಯಾ॑ಹ॒ ಹೋತ್ರಾ॑ ಏ॒ವೋಪ॑ ಹ್ವಯತ॒ ಉಪ॑ಹೂತಾ ಧೇ॒ನು- [ಉಪ॑ಹೂತಾ ಧೇ॒ನುಃ, ಸ॒ಹರ್ಷ॒ಭೇತ್ಯಾ॑ಹ] 37
-ಸ್ಸ॒ಹರ್ಷ॒ಭೇತ್ಯಾ॑ಹ ಮಿಥು॒ನಮೇ॒ವೋಪ॑ ಹ್ವಯತ॒ ಉಪ॑ಹೂತೋ ಭ॒ಖ್ಷ-ಸ್ಸಖೇತ್ಯಾ॑ಹ ಸೋಮಪೀ॒ಥಮೇ॒ವೋಪ॑ ಹ್ವಯತ॒ ಉಪ॑ಹೂ॒ತಾ(4) ಹೋ ಇತ್ಯಾ॑ಹಾ॒-ಽಽತ್ಮಾನ॑ಮೇ॒ವೋಪ॑ ಹ್ವಯತ ಆ॒ತ್ಮಾ ಹ್ಯುಪ॑ಹೂತಾನಾಂ॒-ವಁಸಿ॑ಷ್ಠ॒ ಇಡಾ॒ಮುಪ॑ ಹ್ವಯತೇ ಪ॒ಶವೋ॒ ವಾ ಇಡಾ॑ ಪ॒ಶೂನೇ॒ವೋಪ॑ ಹ್ವಯತೇ ಚ॒ತುರುಪ॑ ಹ್ವಯತೇ॒ ಚತು॑ಷ್ಪಾದೋ॒ ಹಿ ಪ॒ಶವೋ॑ ಮಾನ॒ವೀತ್ಯಾ॑ಹ॒ ಮನು॒ರ್ಹ್ಯೇ॑ತಾ- [ಮನು॒ರ್ಹ್ಯೇ॑ತಾಮ್, ಅಗ್ರೇ ಽಪ॑ಶ್ಯ-] 38
-ಮಗ್ರೇ ಽಪ॑ಶ್ಯ-ದ್ಘೃ॒ತಪ॒ದೀತ್ಯಾ॑ಹ॒ ಯ ದೇ॒ವಾಸ್ಯೈ॑ ಪ॒ದಾ-ದ್ಘೃ॒ತಮಪೀ᳚ಡ್ಯತ॒ ತಸ್ಮಾ॑ದೇ॒ವಮಾ॑ಹ ಮೈತ್ರಾವರು॒ಣೀತ್ಯಾ॑ಹ ಮಿ॒ತ್ರಾವರು॑ಣೌ॒ ಹ್ಯೇ॑ನಾಗ್ಂ ಸ॒ಮೈರ॑ಯತಾ॒-ಮ್ಬ್ರಹ್ಮ॑ ದೇ॒ವಕೃ॑ತ॒-ಮುಪ॑ಹೂತ॒ಮಿತ್ಯಾ॑ಹ॒ ಬ್ರಹ್ಮೈ॒ವೋಪ॑ ಹ್ವಯತೇ॒ ದೈವ್ಯಾ॑ ಅದ್ಧ್ವ॒ರ್ಯವ॒ ಉಪ॑ಹೂತಾ॒ ಉಪ॑ಹೂತಾ ಮನು॒ಷ್ಯಾ॑ ಇತ್ಯಾ॑ಹ ದೇವಮನು॒ಷ್ಯಾನೇ॒ವೋಪ॑ ಹ್ವಯತೇ॒ ಯ ಇ॒ಮಂ-ಯಁ॒ಜ್ಞಮವಾ॒ನ್॒ ಯೇ ಯ॒ಜ್ಞಪ॑ತಿಂ॒-ವಁರ್ಧಾ॒ನಿತ್ಯಾ॑ಹ [ ] 39
ಯ॒ಜ್ಞಾಯ॑ ಚೈ॒ವ ಯಜ॑ಮಾನಾಯ ಚಾ॒ ಽಽಶಿಷ॒ಮಾ ಶಾ᳚ಸ್ತ॒ ಉಪ॑ಹೂತೇ॒ ದ್ಯಾವಾ॑ಪೃಥಿ॒ವೀ ಇತ್ಯಾ॑ಹ॒ ದ್ಯಾವಾ॑ಪೃಥಿ॒ವೀ ಏ॒ವೋಪ॑ ಹ್ವಯತೇ ಪೂರ್ವ॒ಜೇ ಋ॒ತಾವ॑ರೀ॒ ಇತ್ಯಾ॑ಹ ಪೂರ್ವ॒ಜೇ ಹ್ಯೇ॑ತೇ ಋ॒ತಾವ॑ರೀ ದೇ॒ವೀ ದೇ॒ವಪು॑ತ್ರೇ॒ ಇತ್ಯಾ॑ಹ ದೇ॒ವೀ ಹ್ಯೇ॑ತೇ ದೇ॒ವಪು॑ತ್ರೇ॒ ಉಪ॑ಹೂತೋ॒-ಽಯಂ ಯಁಜ॑ಮಾನ॒ ಇತ್ಯಾ॑ಹ॒ ಯಜ॑ಮಾನಮೇ॒ವೋಪ॑ ಹ್ವಯತ॒ ಉತ್ತ॑ರಸ್ಯಾ-ನ್ದೇವಯ॒ಜ್ಯಾಯಾ॒ಮುಪ॑ಹೂತೋ॒ ಭೂಯ॑ಸಿ ಹವಿ॒ಷ್ಕರ॑ಣ॒ ಉಪ॑ಹೂತೋ ದಿ॒ವ್ಯೇ ಧಾಮ॒ನ್ನುಪ॑ಹೂತ॒ [ಧಾಮ॒ನ್ನುಪ॑ಹೂತಃ, ಇತ್ಯಾ॑ಹ] 40
ಇತ್ಯಾ॑ಹ ಪ್ರ॒ಜಾ ವಾ ಉತ್ತ॑ರಾ ದೇವಯ॒ಜ್ಯಾ ಪ॒ಶವೋ॒ ಭೂಯೋ॑ ಹವಿ॒ಷ್ಕರ॑ಣಗ್ಂ ಸುವ॒ರ್ಗೋ ಲೋ॒ಕೋ ದಿ॒ವ್ಯ-ನ್ಧಾಮೇ॒ದಮ॑-ಸೀ॒ದಮ॒ಸೀತ್ಯೇ॒ವ ಯ॒ಜ್ಞಸ್ಯ॑ ಪ್ರಿ॒ಯ-ನ್ಧಾಮೋಪ॑ ಹ್ವಯತೇ॒ ವಿಶ್ವ॑ಮಸ್ಯ ಪ್ರಿ॒ಯ-ಮುಪ॑ಹೂತ॒ಮಿತ್ಯಾ॒ಹಾ-ಛ॑ಮ್ಬಟ್ಕಾರಮೇ॒ವೋಪ॑ ಹ್ವಯತೇ ॥ 41 ॥
(ಆ॒ಹ॒ – ಧೇ॒ನು- ರೇ॒ತಾಂ – ವಁರ್ಧಾ॒ನಿತ್ಯಾ॑ಹ॒ – ಧಾಮ॒ನ್ನುಪ॑ಹೂತ॒ – ಶ್ಚತು॑ಸ್ತ್ರಿಗ್ಂಶಚ್ಚ ) (ಅ. 7)
ಪ॒ಶವೋ॒ ವಾ ಇಡಾ᳚ ಸ್ವ॒ಯಮಾ ದ॑ತ್ತೇ॒ ಕಾಮ॑ಮೇ॒ವಾ-ಽಽತ್ಮನಾ॑ ಪಶೂ॒ನಾಮಾ ದ॑ತ್ತೇ॒ ನ ಹ್ಯ॑ನ್ಯಃ ಕಾಮ॑-ಮ್ಪಶೂ॒ನಾ-ಮ್ಪ್ರ॒ಯಚ್ಛ॑ತಿ ವಾ॒ಚಸ್ಪತ॑ಯೇ ತ್ವಾ ಹು॒ತ-ಮ್ಪ್ರಾ-ಽಶ್ಞಾ॒ಮೀತ್ಯಾ॑ಹ॒ ವಾಚ॑ಮೇ॒ವ ಭಾ॑ಗ॒ಧೇಯೇ॑ನ ಪ್ರೀಣಾತಿ॒ ಸದ॑ಸ॒ಸ್ಪತ॑ಯೇ ತ್ವಾ ಹು॒ತ-ಮ್ಪ್ರಾ-ಽಶ್ಞಾ॒ಮೀತ್ಯಾ॑ಹ ಸ್ವ॒ಗಾಕೃ॑ತ್ಯೈ ಚತುರವ॒ತ್ತ-ಮ್ಭ॑ವತಿ ಹ॒ವಿರ್ವೈ ಚ॑ತುರವ॒ತ್ತ-ಮ್ಪ॒ಶವ॑ಶ್ಚತುರವ॒ತ್ತಂ-ಯಁದ್ಧೋತಾ᳚ ಪ್ರಾಶ್ಞೀ॒ಯಾದ್ಧೋತಾ- [ಪ್ರಾಶ್ಞೀ॒ಯಾದ್ಧೋತಾ᳚, ಆರ್ತಿ॒ಮಾರ್ಚ್ಛೇ॒ದ್ಯ-] 42
-ಽಽರ್ತಿ॒ಮಾರ್ಚ್ಛೇ॒ದ್ಯ-ದ॒ಗ್ನೌ ಜು॑ಹು॒ಯಾ-ದ್ರು॒ದ್ರಾಯ॑ ಪ॒ಶೂನಪಿ॑ ದದ್ಧ್ಯಾದಪ॒ಶುರ್ಯಜ॑ಮಾನ-ಸ್ಸ್ಯಾ-ದ್ವಾ॒ಚಸ್ಪತ॑ಯೇ ತ್ವಾ ಹು॒ತ-ಮ್ಪ್ರಾ-ಽಶ್ಞಾ॒ಮೀತ್ಯಾ॑ಹ ಪ॒ರೋಖ್ಷ॑ಮೇ॒ವೈನ॑-ಜ್ಜುಹೋತಿ॒ ಸದ॑ಸ॒ಸ್ಪತ॑ಯೇ ತ್ವಾ ಹು॒ತ-ಮ್ಪ್ರಾಶ್ಞಾ॒ಮೀತ್ಯಾ॑ಹ ಸ್ವ॒ಗಾಕೃ॑ತ್ಯೈ॒ ಪ್ರಾಶ್ಞ॑ನ್ತಿ ತೀ॒ರ್ಥ ಏ॒ವ ಪ್ರಾಶ್ಞ॑ನ್ತಿ॒ ದಖ್ಷಿ॑ಣಾ-ನ್ದದಾತಿ ತೀ॒ರ್ಥ ಏ॒ವ ದಖ್ಷಿ॑ಣಾ-ನ್ದದಾತಿ॒ ವಿ ವಾ ಏ॒ತದ್ಯ॒ಜ್ಞ- [ವಿ ವಾ ಏ॒ತದ್ಯ॒ಜ್ಞಮ್, ಛಿ॒ನ್ದ॒ನ್ತಿ॒ ಯನ್ಮ॑ದ್ಧ್ಯ॒ತಃ] 43
-ಞ್ಛಿ॑ನ್ದನ್ತಿ॒ ಯನ್ಮ॑ದ್ಧ್ಯ॒ತಃ ಪ್ರಾ॒ಶ್ಞನ್ತ್ಯ॒ದ್ಭಿ-ರ್ಮಾ᳚ರ್ಜಯನ್ತ॒ ಆಪೋ॒ ವೈ ಸರ್ವಾ॑ ದೇ॒ವತಾ॑ ದೇ॒ವತಾ॑ಭಿರೇ॒ವ ಯ॒ಜ್ಞಗ್ಂ ಸ-ನ್ತ॑ನ್ವನ್ತಿ ದೇ॒ವಾ ವೈ ಯ॒ಜ್ಞಾ-ದ್ರು॒ದ್ರಮ॒ನ್ತರಾ॑ಯ॒ನ್ಥ್ಸ ಯ॒ಜ್ಞಮ॑ವಿದ್ಧ್ಯ॒-ತ್ತ-ನ್ದೇ॒ವಾ ಅ॒ಭಿ ಸಮ॑ಗಚ್ಛನ್ತ॒ ಕಲ್ಪ॑ತಾ-ನ್ನ ಇ॒ದಮಿತಿ॒ ತೇ᳚-ಽಬ್ರುವ॒ನ್-ಥ್ಸ್ವಿ॑ಷ್ಟಂ॒-ವೈಁ ನ॑ ಇ॒ದ-ಮ್ಭ॑ವಿಷ್ಯತಿ॒ ಯದಿ॒ಮಗ್ಂ ರಾ॑ಧಯಿ॒ಷ್ಯಾಮ॒ ಇತಿ॒ ತ-ಥ್ಸ್ವಿ॑ಷ್ಟ॒ಕೃತ॑-ಸ್ಸ್ವಿಷ್ಟಕೃ॒ತ್ತ್ವ-ನ್ತಸ್ಯಾ ಽಽವಿ॑ದ್ಧ॒-ನ್ನಿ- [-ಽಽವಿ॑ದ್ಧ॒-ನ್ನಿಃ, ಅ॒ಕೃ॒ನ್ತ॒ನ್॒. ಯವೇ॑ನ॒] 44
-ರ॑ಕೃನ್ತ॒ನ್॒. ಯವೇ॑ನ॒ ಸಮ್ಮಿ॑ತ॒-ನ್ತಸ್ಮಾ᳚-ದ್ಯವಮಾ॒ತ್ರಮವ॑ ದ್ಯೇ॒-ದ್ಯಜ್ಜ್ಯಾಯೋ॑-ಽವ॒-ದ್ಯೇ-ದ್ರೋ॒ಪಯೇ॒-ತ್ತ-ದ್ಯ॒ಜ್ಞಸ್ಯ॒ ಯದುಪ॑ ಚ ಸ್ತೃಣೀ॒ಯಾದ॒ಭಿ ಚ॑ ಘಾ॒ರಯೇ॑ದುಭಯತ-ಸ್ಸಗ್ಗ್ಶ್ವಾ॒ಯಿ ಕು॑ರ್ಯಾದವ॒ದಾಯಾ॒ಭಿ ಘಾ॑ರಯತಿ॒ ದ್ವಿ-ಸ್ಸಮ್ಪ॑ದ್ಯತೇ ದ್ವಿ॒ಪಾ-ದ್ಯಜ॑ಮಾನಃ॒ ಪ್ರತಿ॑ಷ್ಠಿತ್ಯೈ॒ ಯ-ತ್ತಿ॑ರ॒ಶ್ಚೀನ॑-ಮತಿ॒-ಹರೇ॒ದನ॑ಭಿ-ವಿದ್ಧಂ-ಯಁ॒ಜ್ಞಸ್ಯಾ॒ಭಿ ವಿ॑ದ್ಧ್ಯೇ॒ದಗ್ರೇ॑ಣ॒ ಪರಿ॑ ಹರತಿ ತೀ॒ರ್ಥೇನೈ॒ವ ಪರಿ॑ ಹರತಿ॒ ತ-ತ್ಪೂ॒ಷ್ಣೇ ಪರ್ಯ॑ಹರ॒ನ್ತ- [ಪರ್ಯ॑ಹರ॒ನ್ತತ್, ಪೂ॒ಷಾ] 45
-ತ್ಪೂ॒ಷಾ ಪ್ರಾಶ್ಯ॑ ದ॒ತೋ॑-ಽರುಣ॒-ತ್ತಸ್ಮಾ᳚-ತ್ಪೂ॒ಷಾ ಪ್ರ॑ಪಿ॒ಷ್ಟಭಾ॑ಗೋ-ಽದ॒ನ್ತಕೋ॒ ಹಿ ತ-ನ್ದೇ॒ವಾ ಅ॑ಬ್ರುವ॒ನ್ ವಿ ವಾ ಅ॒ಯಮಾ᳚ರ್ಧ್ಯಪ್ರಾಶಿತ್ರಿ॒ಯೋ ವಾ ಅ॒ಯಮ॑ಭೂ॒ದಿತಿ॒ ತ-ದ್ಬೃಹ॒ಸ್ಪತ॑ಯೇ॒ ಪರ್ಯ॑ಹರ॒ನ್-ಥ್ಸೋ॑-ಽಬಿಭೇ॒-ದ್ಬೃಹ॒ಸ್ಪತಿ॑ರಿ॒ತ್ಥಂ-ವಾಁವ ಸ್ಯ ಆರ್ತಿ॒ಮಾ-ಽರಿ॑ಷ್ಯ॒ತೀತಿ॒ ಸ ಏ॒ತ-ಮ್ಮನ್ತ್ರ॑ಮಪಶ್ಯ॒-ಥ್ಸೂರ್ಯ॑ಸ್ಯ ತ್ವಾ॒ ಚಖ್ಷು॑ಷಾ॒ ಪ್ರತಿ॑ ಪಶ್ಯಾ॒ಮೀತ್ಯ॑ಬ್ರವೀ॒ನ್ನ ಹಿ ಸೂರ್ಯ॑ಸ್ಯ॒ ಚಖ್ಷುಃ॒ [ಚಖ್ಷುಃ॑, ಕಿ-ಞ್ಚ॒ನ] 46
ಕಿ-ಞ್ಚ॒ನ ಹಿ॒ನಸ್ತಿ॒ ಸೋ॑-ಽಬಿಭೇ-ತ್ಪ್ರತಿಗೃ॒ಹ್ಣನ್ತ॑-ಮ್ಮಾ ಹಿಗ್ಂಸಿಷ್ಯ॒ತೀತಿ॑ ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ᳚-ಽಶ್ವಿನೋ᳚ ರ್ಬಾ॒ಹುಭ್ಯಾ᳚-ಮ್ಪೂ॒ಷ್ಣೋ ಹಸ್ತಾ᳚ಭ್ಯಾ॒-ಮ್ಪ್ರತಿ॑ ಗೃಹ್ಣಾ॒ಮೀತ್ಯ॑ಬ್ರವೀ-ಥ್ಸವಿ॒ತೃಪ್ರ॑ಸೂತ ಏ॒ವೈನ॒ದ್ಬ್ರಹ್ಮ॑ಣಾ ದೇ॒ವತಾ॑ಭಿಃ॒ ಪ್ರತ್ಯ॑ಗೃಹ್ಣಾ॒-ಥ್ಸೋ॑-ಽಬಿಭೇ-ತ್ಪ್ರಾ॒ಶ್ಞನ್ತ॑-ಮ್ಮಾ ಹಿಗ್ಂಸಿಷ್ಯ॒ತೀತ್ಯ॒ಗ್ನೇಸ್ತ್ವಾ॒ ಽಽಸ್ಯೇ॑ನ॒ ಪ್ರಾ-ಽಶ್ಞಾ॒ಮೀತ್ಯ॑ಬ್ರವೀ॒ನ್ನ ಹ್ಯ॑ಗ್ನೇರಾ॒ಸ್ಯ॑-ಙ್ಕಿಞ್ಚ॒ನ ಹಿ॒ನಸ್ತಿ॒ ಸೋ॑-ಽಬಿಭೇ॒- [ಸೋ॑-ಽಬಿಭೇತ್, ಪ್ರಾಶಿ॑ತಮ್ಮಾ-] 47
-ತ್ಪ್ರಾಶಿ॑ತಮ್ಮಾ-ಹಿಗ್ಂಸಿಷ್ಯ॒ತೀತಿ॑ ಬ್ರಾಹ್ಮ॒ಣಸ್ಯೋ॒ದರೇ॒ಣೇತ್ಯ॑ ಬ್ರವೀ॒ನ್ನ ಹಿ ಬ್ರಾ᳚ಹ್ಮ॒ಣಸ್ಯೋ॒ದರ॒-ಙ್ಕಿ-ಞ್ಚ॒ನ ಹಿ॒ನಸ್ತಿ॒ ಬೃಹ॒ಸ್ಪತೇ॒ರ್ಬ್ರಹ್ಮ॒ಣೇತಿ॒ ಸ ಹಿ ಬ್ರಹ್ಮಿ॒ಷ್ಠೋ-ಽಪ॒ ವಾ ಏ॒ತಸ್ಮಾ᳚-ತ್ಪ್ರಾ॒ಣಾಃ ಕ್ರಾ॑ಮನ್ತಿ॒ ಯಃ ಪ್ರಾ॑ಶಿ॒ತ್ರ-ಮ್ಪ್ರಾ॒ಶ್ಞಾತ್ಯ॒ದ್ಭಿ-ರ್ಮಾ᳚ರ್ಜಯಿ॒ತ್ವಾ ಪ್ರಾ॒ಣಾನ್-ಥ್ಸ-ಮ್ಮೃ॑ಶತೇ॒-ಽಮೃತಂ॒-ವೈಁ ಪ್ರಾ॒ಣಾ ಅ॒ಮೃತ॒ಮಾಪಃ॑ ಪ್ರಾ॒ಣಾನೇ॒ವ ಯ॑ಥಾಸ್ಥಾ॒ನಮುಪ॑ ಹ್ವಯತೇ ॥ 48 ॥
(ಪ್ರಾ॒ಶ್ಞೀ॒ಯಾದ್ಧೋತಾ॑ – ಯ॒ಜ್ಞಂ – ನಿ – ರ॑ಹರ॒ನ್ತ – ಚ್ಚಖ್ಷು॑ – ರಾ॒ಸ್ಯ॑-ಙ್ಕಿಞ್ಚ॒ನ ಹಿ॒ನಸ್ತಿ॒ ಸೋ॑-ಽಬಿಭೇ॒ – ಚ್ಚತು॑ಶ್ಚತ್ವಾರಿಗ್ಂಶಚ್ಚ ) (ಅ. 8)
ಅ॒ಗ್ನೀಧ॒ ಆ ದ॑ಧಾ-ತ್ಯ॒ಗ್ನಿಮು॑ಖಾ-ನೇ॒ವರ್ತೂ-ನ್ಪ್ರೀ॑ಣಾತಿ ಸ॒ಮಿಧ॒ಮಾ ದ॑ಧಾ॒ತ್ಯುತ್ತ॑ರಾಸಾ॒-ಮಾಹು॑ತೀನಾ॒-ಮ್ಪ್ರತಿ॑ಷ್ಠಿತ್ಯಾ॒ ಅಥೋ॑ ಸ॒ಮಿದ್ವ॑ತ್ಯೇ॒ವ ಜು॑ಹೋತಿ ಪರಿ॒ಧೀನ್-ಥ್ಸ-ಮ್ಮಾ᳚ರ್ಷ್ಟಿ ಪು॒ನಾತ್ಯೇ॒ವೈನಾ᳚ನ್-ಥ್ಸ॒ಕೃ-ಥ್ಸ॑ಕೃ॒-ಥ್ಸ-ಮ್ಮಾ᳚ರ್ಷ್ಟಿ॒ ಪರಾ॑ಙಿವ॒ ಹ್ಯೇ॑ತರ್ಹಿ॑ ಯ॒ಜ್ಞಶ್ಚ॒ತು-ಸ್ಸಮ್ಪ॑ದ್ಯತೇ॒ ಚತು॑ಷ್ಪಾದಃ ಪ॒ಶವಃ॑ ಪ॒ಶೂನೇ॒ವಾವ॑ ರುನ್ಧೇ॒ ಬ್ರಹ್ಮ॒-ನ್ಪ್ರಸ್ಥಾ᳚ಸ್ಯಾಮ॒ ಇತ್ಯಾ॒ಹಾತ್ರ॒ ವಾ ಏ॒ತರ್ಹಿ॑ ಯ॒ಜ್ಞ-ಶ್ಶ್ರಿ॒ತೋ [ಯ॒ಜ್ಞ-ಶ್ಶ್ರಿ॒ತಃ, ಯತ್ರ॑ ಬ್ರ॒ಹ್ಮಾ] 49
ಯತ್ರ॑ ಬ್ರ॒ಹ್ಮಾ ಯತ್ರೈ॒ವ ಯ॒ಜ್ಞ-ಶ್ಶ್ರಿ॒ತಸ್ತತ॑ ಏ॒ವೈನ॒ಮಾ ರ॑ಭತೇ॒ ಯದ್ಧಸ್ತೇ॑ನ ಪ್ರ॒ಮೀವೇ᳚ದ್ವೇಪ॒ನ-ಸ್ಸ್ಯಾ॒ದ್ಯಚ್ಛೀ॒ರ್ಷ್ಣಾ ಶೀ॑ರ್ಷಕ್ತಿ॒ಮಾನ್-ಥ್ಸ್ಯಾ॒ದ್ಯ-ತ್ತೂ॒ಷ್ಣೀಮಾಸೀ॒ತಾ ಽಸ॑ಮ್ಪ್ರತ್ತೋ ಯ॒ಜ್ಞ-ಸ್ಸ್ಯಾ॒-ತ್ಪ್ರತಿ॒ಷ್ಠೇತ್ಯೇ॒ವ ಬ್ರೂ॑ಯಾ-ದ್ವಾ॒ಚಿ ವೈ ಯ॒ಜ್ಞ-ಶ್ಶ್ರಿ॒ತೋ ಯತ್ರೈ॒ವ ಯ॒ಜ್ಞ-ಶ್ಶ್ರಿ॒ತಸ್ತತ॑ ಏ॒ವೈನ॒ಗ್ಂ॒ ಸ-ಮ್ಪ್ರ ಯ॑ಚ್ಛತಿ॒ ದೇವ॑ ಸವಿತರೇ॒ತ-ತ್ತೇ॒ ಪ್ರಾ- [ಸವಿತರೇ॒ತ-ತ್ತೇ॒ ಪ್ರ, ಆ॒ಹೇತ್ಯಾ॑ಹ॒] 50
-ಽಽಹೇತ್ಯಾ॑ಹ॒ ಪ್ರಸೂ᳚ತ್ಯೈ॒ ಬೃಹ॒ಸ್ಪತಿ॑ ರ್ಬ್ರ॒ಹ್ಮೇತ್ಯಾ॑ಹ॒ ಸ ಹಿ ಬ್ರಹ್ಮಿ॑ಷ್ಠ॒-ಸ್ಸ ಯ॒ಜ್ಞ-ಮ್ಪಾ॑ಹಿ॒ ಸ ಯ॒ಜ್ಞಪ॑ತಿ-ಮ್ಪಾಹಿ॒ ಸ ಮಾ-ಮ್ಪಾ॒ಹೀತ್ಯಾ॑ಹ ಯ॒ಜ್ಞಾಯ॒ ಯಜ॑ಮಾನಾಯಾ॒-ಽಽತ್ಮನೇ॒ ತೇಭ್ಯ॑ ಏ॒ವಾ-ಽಽಶಿಷ॒ಮಾ ಶಾ॒ಸ್ತೇ-ಽನಾ᳚ರ್ತ್ಯಾ ಆ॒ಶ್ರಾವ್ಯಾ॑-ಽಽಹ ದೇ॒ವಾನ್. ಯ॒ಜೇತಿ॑ ಬ್ರಹ್ಮವಾ॒ದಿನೋ॑ ವದನ್ತೀ॒ಷ್ಟಾ ದೇ॒ವತಾ॒ ಅಥ॑ ಕತ॒ಮ ಏ॒ತೇ ದೇ॒ವಾ ಇತಿ॒ ಛನ್ದಾ॒ಗ್ಂ॒ಸೀತಿ॑ ಬ್ರೂಯಾ-ದ್ಗಾಯ॒ತ್ರೀ-ನ್ತ್ರಿ॒ಷ್ಟುಭ॒- [ಬ್ರೂಯಾ-ದ್ಗಾಯ॒ತ್ರೀ-ನ್ತ್ರಿ॒ಷ್ಟುಭ᳚ಮ್, ಜಗ॑ತೀ॒-] 51
ಞ್ಜಗ॑ತೀ॒-ಮಿತ್ಯಥೋ॒ ಖಲ್ವಾ॑ಹುರ್ಬ್ರಾಹ್ಮ॒ಣಾ ವೈ ಛನ್ದಾ॒ಗ್ಂ॒ಸೀತಿ॒ ತಾನೇ॒ವ ತ-ದ್ಯ॑ಜತಿ ದೇ॒ವಾನಾಂ॒-ವಾಁ ಇ॒ಷ್ಟಾ ದೇ॒ವತಾ॒ ಆಸ॒ನ್ನಥಾ॒ಗ್ನಿರ್ನೋದ॑ಜ್ವಲ॒-ತ್ತ-ನ್ದೇ॒ವಾ ಆಹು॑ತೀಭಿ-ರನೂಯಾ॒ಜೇಷ್ವನ್ವ॑-ವಿನ್ದ॒ನ್॒. ಯದ॑ನೂಯಾ॒ಜಾನ್. ಯಜ॑ತ್ಯ॒ಗ್ನಿಮೇ॒ವ ತ-ಥ್ಸಮಿ॑ನ್ಧ ಏ॒ತದು॒ರ್ವೈ ನಾಮಾ॑-ಽಽಸು॒ರ ಆ॑ಸೀ॒-ಥ್ಸ ಏ॒ತರ್ಹಿ॑ ಯ॒ಜ್ಞಸ್ಯಾ॒ ಽಽಶಿಷ॑ಮವೃಙ್ಕ್ತ॒ ಯ-ದ್ಬ್ರೂ॒ಯಾದೇ॒ತ- [ಯ-ದ್ಬ್ರೂ॒ಯಾದೇ॒ತತ್, ಉ॒ ದ್ಯಾ॒ವಾ॒ಪೃ॒ಥಿ॒ವೀ॒ ಭ॒ದ್ರ-ಮ॑ಭೂ॒-] 52
-ದು॑ ದ್ಯಾವಾಪೃಥಿವೀ ಭ॒ದ್ರ-ಮ॑ಭೂ॒-ದಿತ್ಯೇ॒ತದು॑-ಮೇ॒ವಾ-ಽಽಸು॒ರಂ-ಯಁ॒ಜ್ಞಸ್ಯಾ॒-ಽಽಶಿಷ॑-ಙ್ಗಮಯೇದಿ॒ದ-ನ್ದ್ಯಾ॑ವಾಪೃಥಿವೀ ಭ॒ದ್ರಮ॑ಭೂ॒ದಿತ್ಯೇ॒ವ ಬ್ರೂ॑ಯಾ॒-ದ್ಯಜ॑ಮಾನಮೇ॒ವ ಯ॒ಜ್ಞಸ್ಯಾ॒-ಽಽಶಿಷ॑-ಙ್ಗಮಯ॒ತ್ಯಾರ್ಧ್ಮ॑ ಸೂಕ್ತವಾ॒ಕಮು॒ತ ನ॑ಮೋವಾ॒ಕಮಿ-ತ್ಯಾ॑ಹೇ॒ದಮ॑ರಾ॒-ಥ್ಸ್ಮೇತಿ॒ ವಾವೈತದಾ॒ಹೋಪ॑ಶ್ರಿತೋ ದಿ॒ವಃ ಪೃ॑ಥಿ॒ವ್ಯೋರಿತ್ಯಾ॑ಹ॒ ದ್ಯಾವಾ॑ಪೃಥಿ॒ವ್ಯೋರ್ಹಿ ಯ॒ಜ್ಞ ಉಪ॑ಶ್ರಿತ॒ ಓಮ॑ನ್ವತೀ ತೇ॒-ಽಸ್ಮಿನ್. ಯ॒ಜ್ಞೇ ಯ॑ಜಮಾನ॒ ದ್ಯಾವಾ॑ಪೃಥಿ॒ವೀ [ ] 53
ಸ್ತಾ॒ಮಿತ್ಯಾ॑ಹಾ॒ ಽಽಶಿಷ॑ಮೇ॒ವೈತಾಮಾ ಶಾ᳚ಸ್ತೇ॒ ಯದ್ಬ್ರೂ॒ಯಾ-ಥ್ಸೂ॑ಪಾವಸಾ॒ನಾ ಚ॑ ಸ್ವದ್ಧ್ಯವಸಾ॒ನಾ ಚೇತಿ॑ ಪ್ರ॒ಮಾಯು॑ಕೋ॒ ಯಜ॑ಮಾನ-ಸ್ಸ್ಯಾದ್ಯ॒ದಾ ಹಿ ಪ್ರ॒ಮೀಯ॒ತೇ ಽಥೇ॒ಮಾಮು॑ಪಾವ॒ಸ್ಯತಿ॑ ಸೂಪಚರ॒ಣಾ ಚ॑ ಸ್ವಧಿಚರ॒ಣಾ ಚೇತ್ಯೇ॒ವ ಬ್ರೂ॑ಯಾ॒-ದ್ವರೀ॑ಯಸೀಮೇ॒ವಾಸ್ಮೈ॒ ಗವ್ಯೂ॑ತಿ॒ಮಾ ಶಾ᳚ಸ್ತೇ॒ ನ ಪ್ರ॒ಮಾಯು॑ಕೋ ಭವತಿ॒ ತಯೋ॑ರಾ॒ವಿದ್ಯ॒ಗ್ನಿರಿ॒ದಗ್ಂ ಹ॒ವಿರ॑ಜುಷ॒ತೇತ್ಯಾ॑ಹ॒ ಯಾ ಅಯಾ᳚ಖ್ಷ್ಮ [ ] 54
ದೇ॒ವತಾ॒ಸ್ತಾ ಅ॑ರೀರಧಾ॒ಮೇತಿ॒ ವಾವೈತದಾ॑ಹ॒ ಯನ್ನ ನಿ॑ರ್ದಿ॒ಶೇ-ತ್ಪ್ರತಿ॑ವೇಶಂ-ಯಁ॒ಜ್ಞಸ್ಯಾ॒ ಽಽಶೀರ್ಗ॑ಚ್ಛೇ॒ದಾ ಶಾ᳚ಸ್ತೇ॒-ಽಯಂ-ಯಁಜ॑ಮಾನೋ॒-ಽಸಾವಿತ್ಯಾ॑ಹ ನಿ॒ರ್ದಿಶ್ಯೈ॒ವೈನಗ್ಂ॑ ಸುವ॒ರ್ಗಂ-ಲೋಁ॒ಕ-ಙ್ಗ॑ಮಯ॒ತ್ಯಾಯು॒ರಾ ಶಾ᳚ಸ್ತೇ ಸುಪ್ರಜಾ॒ಸ್ತ್ವಮಾ ಶಾ᳚ಸ್ತ॒ ಇತ್ಯಾ॑ಹಾ॒ ಽಶಿಷ॑ಮೇ॒ವೈ ತಾಮಾ ಶಾ᳚ಸ್ತೇ ಸಜಾತವನ॒ಸ್ಯಾಮಾ ಶಾ᳚ಸ್ತ॒ ಇತ್ಯಾ॑ಹ ಪ್ರಾ॒ಣಾ ವೈ ಸ॑ಜಾ॒ತಾಃ ಪ್ರಾ॒ಣಾನೇ॒ವ [ ] 55
ನಾನ್ತರೇ॑ತಿ॒ ತದ॒ಗ್ನಿರ್ದೇ॒ವೋ ದೇ॒ವೇಭ್ಯೋ॒ ವನ॑ತೇ ವ॒ಯಮ॒ಗ್ನೇರ್ಮಾನು॑ಷಾ॒ ಇತ್ಯಾ॑ಹಾ॒ಗ್ನಿರ್ದೇ॒ವೇಭ್ಯೋ॑ ವನು॒ತೇ ವ॒ಯ-ಮ್ಮ॑ನು॒ಷ್ಯೇ᳚ಭ್ಯ॒ ಇತಿ॒ ವಾವೈತದಾ॑ಹೇ॒ಹ ಗತಿ॑ರ್ವಾ॒ಮಸ್ಯೇ॒ದ-ಞ್ಚ॒ ನಮೋ॑ ದೇ॒ವೇಭ್ಯ॒ ಇತ್ಯಾ॑ಹ॒ ಯಾಶ್ಚೈ॒ವ ದೇ॒ವತಾ॒ ಯಜ॑ತಿ॒ ಯಾಶ್ಚ॒ ನ ತಾಭ್ಯ॑ ಏ॒ವೋಭಯೀ᳚ಭ್ಯೋ॒ ನಮ॑ಸ್ಕರೋತ್ಯಾ॒ತ್ಮನೋ-ಽನಾ᳚ರ್ತ್ಯೈ ॥ 56 ॥
(ಶ್ರಿ॒ತಃ – ತೇ॒ ಪ್ರ – ತ್ರಿ॒ಷ್ಟುಭ॑ – ಮೇ॒ತ-ದ್- ದ್ಯಾವಾ॑ಪೃಥಿ॒ವೀ – ಯಾ ಅಯಾ᳚ಖ್ಷ್ಮ- ಪ್ರಾ॒ಣಾನೇ॒ವ – ಷಟ್ಚ॑ತ್ವಾರಿಗ್ಂಶಚ್ಚ ) (ಅ. 9)
ದೇ॒ವಾ ವೈ ಯ॒ಜ್ಞಸ್ಯ॑ ಸ್ವಗಾಕ॒ರ್ತಾರ॒-ನ್ನಾವಿ॑ನ್ದ॒-ನ್ತೇ ಶಂ॒ಯುಁ-ಮ್ಬಾ॑ರ್ಹಸ್ಪ॒ತ್ಯಮ॑ಬ್ರುವನ್ನಿ॒ಮ-ನ್ನೋ॑ ಯ॒ಜ್ಞಗ್ಗ್ ಸ್ವ॒ಗಾ ಕು॒ರ್ವಿತಿ॒ ಸೋ᳚-ಽಬ್ರವೀ॒ದ್ವರಂ॑-ವೃಁಣೈ॒ ಯದೇ॒ವಾ-ಬ್ರಾ᳚ಹ್ಮಣೋ॒ಕ್ತೋ-ಽಶ್ರ॑ದ್ದಧಾನೋ॒ ಯಜಾ॑ತೈ॒ ಸಾ ಮೇ॑ ಯ॒ಜ್ಞಸ್ಯಾ॒-ಽಽಶೀರ॑ಸ॒ದಿತಿ॒ ತಸ್ಮಾ॒-ದ್ಯ-ದ್ಬ್ರಾ᳚ಹ್ಮಣೋ॒ಕ್ತೋ-ಽಶ್ರ॑ದ್ದಧಾನೋ॒ ಯಜ॑ತೇ ಶಂ॒ಯುಁಮೇ॒ವ ತಸ್ಯ॑ ಬಾರ್ಹಸ್ಪ॒ತ್ಯಂ-ಯಁ॒ಜ್ಞಸ್ಯಾ॒ ಽಽಶೀರ್ಗ॑ಚ್ಛತ್ಯೇ॒ತ-ನ್ಮಮೇತ್ಯ॑ಬ್ರವೀ॒-ತ್ಕಿ-ಮ್ಮೇ᳚ ಪ್ರ॒ಜಾಯಾ॒ [ಪ್ರ॒ಜಾಯಾಃ᳚, ಇತಿ॒ ಯೋ॑-ಽಪಗು॒ರಾತೈ॑] 57
ಇತಿ॒ ಯೋ॑-ಽಪಗು॒ರಾತೈ॑ ಶ॒ತೇನ॑ ಯಾತಯಾ॒ದ್ಯೋ ನಿ॒ಹನ॑-ಥ್ಸ॒ಹಸ್ರೇ॑ಣ ಯಾತಯಾ॒ದ್ಯೋ ಲೋಹಿ॑ತ-ಙ್ಕ॒ರವ॒ದ್ಯಾವ॑ತಃ ಪ್ರ॒ಸ್ಕದ್ಯ॑ ಪಾ॒ಗ್ಂ॒ಸೂನ್-ಥ್ಸ॑-ಙ್ಗೃ॒ಹ್ಣಾ-ತ್ತಾವ॑ತ-ಸ್ಸಂವಁಥ್ಸ॒ರಾ-ನ್ಪಿ॑ತೃಲೋ॒ಕ-ನ್ನ ಪ್ರಜಾ॑ನಾ॒ದಿತಿ॒ ತಸ್ಮಾ᳚-ದ್ಬ್ರಾಹ್ಮ॒ಣಾಯ॒ ನಾಪ॑ ಗುರೇತ॒ ನ ನಿ ಹ॑ನ್ಯಾ॒ನ್ನ ಲೋಹಿ॑ತ-ಙ್ಕುರ್ಯಾದೇ॒ತಾವ॑ತಾ॒ ಹೈನ॑ಸಾ ಭವತಿ॒ ತಚ್ಛಂ॒ಯೋಁರಾ ವೃ॑ಣೀಮಹ॒ ಇತ್ಯಾ॑ಹ ಯ॒ಜ್ಞಮೇ॒ವ ತ-ಥ್ಸ್ವ॒ಗಾ ಕ॑ರೋತಿ॒ ತ- [ತ-ಥ್ಸ್ವ॒ಗಾ ಕ॑ರೋತಿ॒ ತತ್, ಶಂ॒ಯೋಁರಾ] 58
-ಚ್ಛಂ॒ಯೋಁರಾ ವೃ॑ಣೀಮಹ॒ ಇತ್ಯಾ॑ಹ ಶಂ॒ಯುಁಮೇ॒ವ ಬಾ॑ರ್ಹಸ್ಪ॒ತ್ಯ-ಮ್ಭಾ॑ಗ॒ಧೇಯೇ॑ನ॒ ಸಮ॑ರ್ಧಯತಿ ಗಾ॒ತುಂ-ಯಁ॒ಜ್ಞಾಯ॑ ಗಾ॒ತುಂ-ಯಁ॒ಜ್ಞಪ॑ತಯ॒ ಇತ್ಯಾ॑ಹಾ॒ ಽಽಶಿಷ॑ಮೇ॒ವೈ ತಾಮಾ ಶಾ᳚ಸ್ತೇ॒ ಸೋಮಂ॑-ಯಁಜತಿ॒ ರೇತ॑ ಏ॒ವ ತ-ದ್ದ॑ಧಾತಿ॒ ತ್ವಷ್ಟಾ॑ರಂ-ಯಁಜತಿ॒ ರೇತ॑ ಏ॒ವ ಹಿ॒ತ-ನ್ತ್ವಷ್ಟಾ॑ ರೂ॒ಪಾಣಿ॒ ವಿ ಕ॑ರೋತಿ ದೇ॒ವಾನಾ॒-ಮ್ಪತ್ನೀ᳚ರ್ಯಜತಿ ಮಿಥುನ॒ತ್ವಾಯಾ॒ಗ್ನಿ-ಙ್ಗೃ॒ಹಪ॑ತಿಂ-ಯಁಜತಿ॒ ಪ್ರತಿ॑ಷ್ಠಿತ್ಯೈ ಜಾ॒ಮಿ ವಾ ಏ॒ತ-ದ್ಯ॒ಜ್ಞಸ್ಯ॑ ಕ್ರಿಯತೇ॒ [ಕ್ರಿಯತೇ, ಯದಾಜ್ಯೇ॑ನ] 59
ಯದಾಜ್ಯೇ॑ನ ಪ್ರಯಾ॒ಜಾ ಇ॒ಜ್ಯನ್ತ॒ ಆಜ್ಯೇ॑ನ ಪತ್ನೀಸಂಯಾಁ॒ಜಾ ಋಚ॑ಮ॒ನೂಚ್ಯ॑ ಪತ್ನೀಸಂಯಾಁ॒ಜಾನಾ॑ಮೃ॒ಚಾ ಯ॑ಜ॒ತ್ಯಜಾ॑ಮಿತ್ವಾ॒ಯಾಥೋ॑ ಮಿಥುನ॒ತ್ವಾಯ॑ ಪ॒ಙ್ಕ್ತಿ ಪ್ರಾ॑ಯಣೋ॒ ವೈ ಯ॒ಜ್ಞಃ ಪ॒ಙ್ಕ್ತ್ಯು॑ದಯನಃ॒ ಪಞ್ಚ॑ ಪ್ರಯಾ॒ಜಾ ಇ॑ಜ್ಯನ್ತೇ ಚ॒ತ್ವಾರಃ॑ ಪತ್ನೀಸಂಯಾಁ॒ಜಾ-ಸ್ಸ॑ಮಿಷ್ಟಯ॒ಜುಃ ಪ॑ಞ್ಚ॒ಮ-ಮ್ಪ॒ಙ್ಕ್ತಿಮೇ॒ವಾನು॑ ಪ್ರ॒ಯನ್ತಿ॑ ಪ॒ಙ್ಕ್ತಿಮನೂದ್ಯ॑ನ್ತಿ ॥ 60 ॥
(ಪ್ರ॒ಜಾಯಾಃ᳚ – ಕರೋತಿ॒ ತತ್ – ಕ್ರಿ॑ಯತೇ॒ – ತ್ರಯ॑ಸ್ತ್ರಿಗ್ಂಶಚ್ಚ ) (ಅ. 10)
ಯು॒ಖ್ಷ್ವಾಹಿ ದೇ॑ವ॒ಹೂತ॑ಮಾ॒ಗ್ಂ॒ ಅಶ್ವಾಗ್ಂ॑ ಅಗ್ನೇ ರ॒ಥೀರಿ॑ವ । ನಿ ಹೋತಾ॑ ಪೂ॒ರ್ವ್ಯ-ಸ್ಸ॑ದಃ ॥ ಉ॒ತ ನೋ॑ ದೇವ ದೇ॒ವಾಗ್ಂ ಅಚ್ಛಾ॑ ವೋಚೋ ವಿ॒ದುಷ್ಟ॑ರಃ । ಶ್ರದ್ವಿಶ್ವಾ॒ ವಾರ್ಯಾ॑ ಕೃಧಿ ॥ ತ್ವಗ್ಂ ಹ॒ ಯದ್ಯ॑ವಿಷ್ಠ್॒ಯ ಸಹ॑ಸ-ಸ್ಸೂನವಾಹುತ । ಋ॒ತಾವಾ॑ ಯ॒ಜ್ಞಿಯೋ॒ ಭುವಃ॑ ॥ ಅ॒ಯಮ॒ಗ್ನಿ-ಸ್ಸ॑ಹ॒ಸ್ರಿಣೋ॒ ವಾಜ॑ಸ್ಯ ಶ॒ತಿನ॒ಸ್ಪತಿಃ॑ । ಮೂ॒ರ್ಧಾ ಕ॒ವೀ ರ॑ಯೀ॒ಣಾಮ್ ॥ ತ-ನ್ನೇ॒ಮಿಮೃ॒ಭವೋ॑ ಯ॒ಥಾ ಽಽನ॑ಮಸ್ವ॒ ಸಹೂ॑ತಿಭಿಃ । ನೇದೀ॑ಯೋ ಯ॒ಜ್ಞ- [ಯ॒ಜ್ಞಮ್, ಅ॒ಙ್ಗಿ॒ರಃ॒ ।] 61
-ಮ॑ಙ್ಗಿರಃ ॥ ತಸ್ಮೈ॑ ನೂ॒ ನಮ॒ಭಿದ್ಯ॑ವೇ ವಾ॒ಚಾ ವಿ॑ರೂಪ॒ ನಿತ್ಯ॑ಯಾ । ವೃಷ್ಣೇ॑ ಚೋದಸ್ವ ಸುಷ್ಟು॒ತಿಮ್ ॥ ಕಮು॑ ಷ್ವಿದಸ್ಯ॒ ಸೇನ॑ಯಾ॒-ಽಗ್ನೇರಪಾ॑ಕಚಖ್ಷಸಃ । ಪ॒ಣಿ-ಙ್ಗೋಷು॑ ಸ್ತರಾಮಹೇ ॥ ಮಾ ನೋ॑ ದೇ॒ವಾನಾಂ॒-ವಿಁಶಃ॑ ಪ್ರಸ್ನಾ॒ತೀರಿ॑ವೋ॒ಸ್ರಾಃ । ಕೃ॒ಶ-ನ್ನ ಹಾ॑ಸು॒ರಘ್ನಿ॑ಯಾಃ ॥ ಮಾ ನ॑-ಸ್ಸಮಸ್ಯ ದೂ॒ಢ್ಯಃ॑ ಪರಿ॑ದ್ವೇಷಸೋ ಅಗ್ಂ ಹ॒ತಿಃ । ಊ॒ರ್ಮಿರ್ನ ನಾವ॒ಮಾ ವ॑ಧೀತ್ ॥ ನಮ॑ಸ್ತೇ ಅಗ್ನ॒ ಓಜ॑ಸೇ ಗೃ॒ಣನ್ತಿ॑ ದೇವ ಕೃ॒ಷ್ಟಯಃ॑ । ಅಮೈ॑- [ಅಮೈಃ᳚, ಅ॒ಮಿತ್ರ॑ಮರ್ದಯ ।] 62
-ರ॒ಮಿತ್ರ॑ಮರ್ದಯ ॥ ಕು॒ವಿಥ್ಸುನೋ॒ ಗವಿ॑ಷ್ಟ॒ಯೇ-ಽಗ್ನೇ॑ ಸಂ॒ವೇಁಷಿ॑ಷೋ ರ॒ಯಿಮ್ । ಉರು॑ಕೃದು॒ರು ಣ॑ಸ್ಕೃಧಿ ॥ ಮಾ ನೋ॑ ಅ॒ಸ್ಮಿ-ನ್ಮ॑ಹಾಧ॒ನೇ ಪರಾ॑ ವರ್ಗ್ಭಾರ॒ಭೃದ್ಯ॑ಥಾ । ಸಂ॒ವಁರ್ಗ॒ಗ್ಂ॒ ಸಗ್ಂ ರ॒ಯಿ-ಞ್ಜ॑ಯ ॥ ಅ॒ನ್ಯಮ॒ಸ್ಮದ್ಭಿ॒ಯಾ ಇ॒ಯಮಗ್ನೇ॒ ಸಿಷ॑ಕ್ತು ದು॒ಚ್ಛುನಾ᳚ । ವರ್ಧಾ॑ ನೋ॒ ಅಮ॑ವ॒ಚ್ಛವಃ॑ ॥ ಯಸ್ಯಾಜು॑ಷನ್ನಮ॒ಸ್ವಿನ॒-ಶ್ಶಮೀ॒ಮದು॑ರ್ಮಖಸ್ಯವಾ । ತ-ಙ್ಘೇದ॒ಗ್ನಿರ್ವೃ॒ಧಾ-ಽವ॑ತಿ ॥ ಪರ॑ಸ್ಯಾ॒ ಅಧಿ॑ [ ] 63
ಸಂ॒ವಁತೋ-ಽವ॑ರಾಗ್ಂ ಅ॒ಭ್ಯಾ ತ॑ರ । ಯತ್ರಾ॒ಹಮಸ್ಮಿ॒ ತಾಗ್ಂ ಅ॑ವ ॥ ವಿ॒ದ್ಮಾ ಹಿ ತೇ॑ ಪು॒ರಾ ವ॒ಯಮಗ್ನೇ॑ ಪಿ॒ತುರ್ಯಥಾವ॑ಸಃ । ಅಧಾ॑ ತೇ ಸು॒ಮ್ನಮೀ॑ಮಹೇ ॥ ಯ ಉ॒ಗ್ರ ಇ॑ವ ಶರ್ಯ॒ಹಾ ತಿ॒ಗ್ಮಶೃ॑ಙ್ಗೋ॒ ನ ವಗ್ಂಸ॑ಗಃ । ಅಗ್ನೇ॒ ಪುರೋ॑ ರು॒ರೋಜಿ॑ಥ ॥ ಸಖಾ॑ಯ॒-ಸ್ಸಂ-ವಁ॑-ಸ್ಸಂ॒ಯಁಞ್ಚ॒ಮಿಷ॒ಗ್ಗ್॒ ಸ್ತೋಮ॑-ಞ್ಚಾ॒ಗ್ನಯೇ᳚ । ವರ್ಷಿ॑ಷ್ಠಾಯ ಖ್ಷಿತೀ॒ನಾಮೂ॒ರ್ಜೋ ನಪ್ತ್ರೇ॒ ಸಹ॑ಸ್ವತೇ ॥ ಸಗ್ಂ ಸ॒ಮಿದ್ಯು॑ವಸೇ ವೃಷ॒ನ್ನ -ಗ್ನೇ॒ ವಿಶ್ವಾ᳚ನ್ಯ॒ರ್ಯ ಆ । ಇ॒ಡಸ್ಪ॒ದೇ ಸಮಿ॑ಧ್ಯಸೇ॒ ಸ ನೋ॒ ವಸೂ॒ನ್ಯಾ ಭ॑ರ । ಪ್ರಜಾ॑ಪತೇ॒, ಸ ವೇ॑ದ॒, ಸೋಮಾ॑ ಪೂಷಣೇ॒, ಮೌ ದೇ॒ವೌ ॥ 64 ॥
(ಯ॒ಜ್ಞ – ಮಮೈ॒ – ರಧಿ॑ – ವೃಷ॒ – ನ್ನೇಕಾ॒ನ್ನ ವಿಗ್ಂ॑ಶ॒ತಿಶ್ಚ॑ ) (ಅ. 11)
ಉ॒ಶನ್ತ॑ಸ್ತ್ವಾ ಹವಾಮಹ ಉ॒ಶನ್ತ॒-ಸ್ಸಮಿ॑ಧೀಮಹಿ । ಉ॒ಶನ್ನು॑ಶ॒ತ ಆ ವ॑ಹ ಪಿ॒ತೄನ್. ಹ॒ವಿಷೇ॒ ಅತ್ತ॑ವೇ ॥ ತ್ವಗ್ಂ ಸೋ॑ಮ॒ ಪ್ರಚಿ॑ಕಿತೋ ಮನೀ॒ಷಾ ತ್ವಗ್ಂ ರಜಿ॑ಷ್ಠ॒ಮನು॑ ನೇಷಿ॒ ಪನ್ಥಾ᳚ಮ್ । ತವ॒ ಪ್ರಣೀ॑ತೀ ಪಿ॒ತರೋ॑ ನ ಇನ್ದೋ ದೇ॒ವೇಷು॒ ರತ್ನ॑ಮ ಭಜನ್ತ॒ ಧೀರಾಃ᳚ ॥ ತ್ವಯಾ॒ ಹಿ ನಃ॑ ಪಿ॒ತರ॑-ಸ್ಸೋಮ॒ ಪೂರ್ವೇ॒ ಕರ್ಮಾ॑ಣಿ ಚ॒ಕ್ರುಃ ಪ॑ವಮಾನ॒ ಧೀರಾಃ᳚ । ವ॒ನ್ವನ್ನವಾ॑ತಃ ಪರಿ॒ಧೀಗ್ಂ ರಪೋ᳚ರ್ಣು ವೀ॒ರೇಭಿ॒ರಶ್ವೈ᳚ರ್ಮ॒ಘವಾ॑ ಭವಾ [ಭವ, ನಃ॒ ।] 65
ನಃ ॥ ತ್ವಗ್ಂ ಸೋ॑ಮ ಪಿ॒ತೃಭಿ॑-ಸ್ಸಂವಿಁದಾ॒ನೋ-ಽನು॒ ದ್ಯಾವಾ॑ಪೃಥಿ॒ವೀ ಆ ತ॑ತನ್ಥ । ತಸ್ಮೈ॑ ತ ಇನ್ದೋ ಹ॒ವಿಷಾ॑ ವಿಧೇಮ ವ॒ಯಗ್ಗ್ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ ॥ ಅಗ್ನಿ॑ಷ್ವಾತ್ತಾಃ ಪಿತರ॒ ಏಹ ಗ॑ಚ್ಛತ॒ ಸದ॑-ಸ್ಸದ-ಸ್ಸದತ ಸುಪ್ರಣೀತಯಃ । ಅ॒ತ್ತಾ ಹ॒ವೀಗ್ಂಷಿ॒ ಪ್ರಯ॑ತಾನಿ ಬ॒ರ್॒ಹಿಷ್ಯಥಾ॑ ರ॒ಯಿಗ್ಂ ಸರ್ವ॑ವೀರ-ನ್ದಧಾತನ ॥ ಬರ್ಹಿ॑ಷದಃ ಪಿತರ ಊ॒ತ್ಯ॑ರ್ವಾಗಿ॒ಮಾ ವೋ॑ ಹ॒ವ್ಯಾ ಚ॑ಕೃಮಾ ಜು॒ಷದ್ಧ್ವ᳚ಮ್ । ತ ಆ ಗ॒ತಾ-ಽವ॑ಸಾ॒ ಶ-ನ್ತ॑ಮೇ॒ನಾ-ಽಥಾ॒-ಽಸ್ಮಭ್ಯ॒ಗ್ಂ॒ [-ಽಸ್ಮಭ್ಯ᳚ಮ್, ಶಂ-ಯೋಁರ॑ರ॒ಪೋ ದ॑ಧಾತ ।] 66
ಶಂ-ಯೋಁರ॑ರ॒ಪೋ ದ॑ಧಾತ ॥ ಆ-ಽಹ-ಮ್ಪಿ॒ತೄನ್-ಥ್ಸು॑ವಿ॒ದತ್ರಾಗ್ಂ॑ ಅವಿಥ್ಸಿ॒ ನಪಾ॑ತ-ಞ್ಚ ವಿ॒ಕ್ರಮ॑ಣ-ಞ್ಚ॒ ವಿಷ್ಣೋಃ᳚ । ಬ॒ರ್॒ಹಿ॒ಷದೋ॒ ಯೇ ಸ್ವ॒ಧಯಾ॑ ಸು॒ತಸ್ಯ॒ ಭಜ॑ನ್ತ ಪಿ॒ತ್ವಸ್ತ ಇ॒ಹಾ-ಽಽ ಗ॑ಮಿಷ್ಠಾಃ ॥ ಉಪ॑ಹೂತಾಃ ಪಿ॒ತರ॑-ಸ್ಸೋ॒ಮ್ಯಾಸೋ॑ ಬರ್ಹಿ॒ಷ್ಯೇ॑ಷು ನಿ॒ಧಿಷು॑ ಪ್ರಿ॒ಯೇಷು॑ । ತ ಆ ಗ॑ಮನ್ತು॒ ತ ಇ॒ಹ ಶ್ರು॑ವ॒ನ್ತ್ವಧಿ॑ ಬ್ರುವನ್ತು॒ ತೇ ಅ॑ವನ್ತ್ವ॒ಸ್ಮಾನ್ ॥ ಉದೀ॑ರತಾ॒ಮವ॑ರ॒ ಉ-ತ್ಪರಾ॑ಸ॒ ಉನ್ಮ॑ದ್ಧ್ಯ॒ಮಾಃ ಪಿ॒ತರ॑-ಸ್ಸೋ॒ಮ್ಯಾಸಃ॑ । ಅಸುಂ॒- [ಅಸು᳚ಮ್, ಯ ಈ॒ಯುರ॑ ವೃ॒ಕಾ] 67
-ಯಁ ಈ॒ಯುರ॑ ವೃ॒ಕಾ ಋ॑ತ॒ಜ್ಞಾಸ್ತೇ ನೋ॑-ಽವನ್ತು ಪಿ॒ತರೋ॒ ಹವೇ॑ಷು ॥ ಇ॒ದ-ಮ್ಪಿ॒ತೃಭ್ಯೋ॒ ನಮೋ॑ ಅಸ್ತ್ವ॒ದ್ಯ ಯೇ ಪೂರ್ವಾ॑ಸೋ॒ ಯ ಉಪ॑ರಾಸ ಈ॒ಯುಃ । ಯೇ ಪಾರ್ಥಿ॑ವೇ॒ ರಜ॒ಸ್ಯಾ ನಿಷ॑ತ್ತಾ॒ ಯೇ ವಾ॑ ನೂ॒ನಗ್ಂ ಸು॑ವೃ॒ಜನಾ॑ಸು ವಿ॒ಖ್ಷು ॥ ಅಧಾ॒ ಯಥಾ॑ ನಃ ಪಿ॒ತರಃ॒ ಪರಾ॑ಸಃ ಪ್ರ॒ತ್ನಾಸೋ॑ ಅಗ್ನ ಋ॒ತಮಾ॑ಶುಷಾ॒ಣಾಃ । ಶುಚೀದ॑ಯ॒-ನ್ದೀಧಿ॑ತಿ ಮುಕ್ಥ॒ಶಾಸಃ॒, ಖ್ಷಾಮಾ॑ ಭಿ॒ನ್ದನ್ತೋ॑ ಅರು॒ಣೀರಪ॑ ವ್ರನ್ನ್ ॥ ಯದ॑ಗ್ನೇ [ಯದ॑ಗ್ನೇ, ಕ॒ವ್ಯ॒ವಾ॒ಹ॒ನ॒ ಪಿ॒ತೄನ್] 68
ಕವ್ಯವಾಹನ ಪಿ॒ತೄನ್. ಯಖ್ಷ್ಯೃ॑ತಾ॒ವೃಧಃ॑ । ಪ್ರ ಚ॑ ಹ॒ವ್ಯಾನಿ॑ ವಖ್ಷ್ಯಸಿ ದೇ॒ವೇಭ್ಯ॑ಶ್ಚ ಪಿ॒ತೃಭ್ಯ॒ ಆ ॥ ತ್ವಮ॑ಗ್ನ ಈಡಿ॒ತೋ ಜಾ॑ತವೇ॒ದೋ-ಽವಾ᳚ಡ್ಢ॒ವ್ಯಾನಿ॑ ಸುರ॒ಭೀಣಿ॑ ಕೃ॒ತ್ವಾ । ಪ್ರಾದಾಃ᳚ ಪಿ॒ತೃಭ್ಯ॑-ಸ್ಸ್ವ॒ಧಯಾ॒ ತೇ ಅ॑ಖ್ಷನ್ನ॒ದ್ಧಿ ತ್ವ-ನ್ದೇ॑ವ॒ ಪ್ರಯ॑ತಾ ಹ॒ವೀಗ್ಂಷಿ॑ ॥ ಮಾತ॑ಲೀ ಕ॒ವ್ಯೈರ್ಯ॒ಮೋ ಅಙ್ಗಿ॑ರೋಭಿ॒ ರ್ಬೃಹ॒ಸ್ಪತಿ॒ರ್॒ ಋಕ್ವ॑ಭಿ ರ್ವಾವೃಧಾ॒ನಃ । ಯಾಗ್ಶ್ಚ॑ ದೇ॒ವಾ ವಾ॑ವೃ॒ಧುರ್ಯೇ ಚ॑ ದೇ॒ವಾನ್-ಥ್ಸ್ವಾಹಾ॒-ಽನ್ಯೇ ಸ್ವ॒ಧಯಾ॒-ಽನ್ಯೇ ಮ॑ದನ್ತಿ ॥ 69 ॥
ಇ॒ಮಂ-ಯಁ॑ಮ ಪ್ರಸ್ತ॒ರಮಾಹಿ ಸೀದಾಙ್ಗಿ॑ರೋಭಿಃ ಪಿ॒ತೃಭಿ॑-ಸ್ಸಂವಿಁದಾ॒ನಃ । ಆತ್ವಾ॒ ಮನ್ತ್ರಾಃ᳚ ಕವಿಶ॒ಸ್ತಾ ವ॑ಹನ್ತ್ವೇ॒ನಾ ರಾ॑ಜನ್. ಹ॒ವಿಷಾ॑ ಮಾದಯಸ್ವ ॥ ಅಙ್ಗಿ॑ರೋಭಿ॒ರಾ ಗ॑ಹಿ ಯ॒ಜ್ಞಿಯೇ॑ಭಿ॒ರ್ಯಮ॑ ವೈರೂ॒ಪೈರಿ॒ಹ ಮಾ॑ದಯಸ್ವ । ವಿವ॑ಸ್ವನ್ತಗ್ಂ ಹುವೇ॒ ಯಃ ಪಿ॒ತಾ ತೇ॒-ಽಸ್ಮಿನ್. ಯ॒ಜ್ಞೇ ಬ॒ರ್॒ಹಿಷ್ಯಾ ನಿ॒ಷದ್ಯ॑ ॥ ಅಙ್ಗಿ॑ರಸೋ ನಃ ಪಿ॒ತರೋ॒ ನವ॑ಗ್ವಾ॒ ಅಥ॑ರ್ವಾಣೋ॒ ಭೃಗ॑ವ-ಸ್ಸೋ॒ಮ್ಯಾಸಃ॑ । ತೇಷಾಂ᳚-ವಁ॒ಯಗ್ಂ ಸು॑ಮ॒ತೌ ಯ॒ಜ್ಞಿಯಾ॑ನಾ॒ಮಪಿ॑ ಭ॒ದ್ರೇ ಸೌ॑ಮನ॒ಸೇ ಸ್ಯಾ॑ಮ ॥ 70 ॥
(ಭ॒ವಾ॒ – ಽಸ್ಮಭ್ಯ॒ – ಮಸುಂ॒ – ಯಁದ॑ಗ್ನೇ – ಮದನ್ತಿ – ಸೌಮನ॒ಸ – ಏಕ॑-ಞ್ಚ ) (ಅ. 12)
(ಸ॒ಮಿಧ॒ – ಶ್ಚಖ್ಷು॑ಷೀ – ಪ್ರ॒ಜಾಪ॑ತಿ॒ರಾಜ್ಯಂ॑ – ದೇ॒ವಸ್ಯ॒ ಸ್ಫ್ಯಂ – ಬ್ರ॑ಹ್ಮವಾ॒ದಿನೋ॒ ಽದ್ಭಿ – ರ॒ಗ್ನೇಸ್ತ್ರಯೋ॒ – ಮನುಃ॑ ಪೃಥಿ॒ವ್ಯಾಃ – ಪ॒ಶವೋ॒ – ಽಗ್ನೀಧೇ॑ – ದೇ॒ವಾ ವೈ ಯ॒ಜ್ಞಸ್ಯ॑ – ಯು॒ಖ್ಷ್ವೋ – ಶನ್ತ॑ಸ್ತ್ವಾ॒ – ದ್ವಾದ॑ಶ )
(ಸ॒ಮಿಧೋ॑ – ಯಾ॒ಜ್ಯಾ॑ – ತಸ್ಮಾ॒ನ್ನಭಾ॒-ಽಗಗ್ಂ – ಹಿ ತಮನ್ವಿ- ತ್ಯಾ॑ಹ ಪ್ರ॒ಜಾ ವಾ – ಆ॒ಹೇತ್ಯಾ॑ಹ – ಯು॒ಖ್ಷ್ವಾ ಹಿ – ಸ॑ಪ್ತ॒ತಿಃ )
(ಸ॒ಮಿಧಃ॑, ಸೌಮನ॒ಸೇ ಸ್ಯಾ॑ಮ)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ನ್ದ್ವಿತೀಯಕಾಣ್ಡೇ ಷಷ್ಟಃ ಪ್ರಶ್ನ-ಸ್ಸಮಾಪ್ತಃ ॥
(ವಾ॒ಯ॒ವ್ಯಂ॑ – ಪ್ರ॒ಜಾಪ॑ತಿ – ರಾದಿ॒ತ್ಯೇಭ್ಯೋ॑ – ದೇ॒ವಾ – ವಿ॒ಶ್ವರೂ॑ಪಃ – ಸ॒ಮಿಧಃ॒ – ಷಟ್) (6)
॥ ಇತಿ ದ್ವೀತೀಯ-ಙ್ಕಾಣ್ಡಮ್ ॥