ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಞ್ಚತುರ್ಥಕಾಣ್ಡೇ ದ್ವೀತೀಯಃ ಪ್ರಶ್ನಃ – ದೇವಯಜನಗ್ರಹಾಭಿಧಾನಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ವಿಷ್ಣೋಃ॒ ಕ್ರಮೋ᳚-ಽಸ್ಯಭಿಮಾತಿ॒ಹಾ ಗಾ॑ಯ॒ತ್ರ-ಞ್ಛನ್ದ॒ ಆ ರೋ॑ಹ ಪೃಥಿ॒ವೀಮನು॒ ವಿಕ್ರ॑ಮಸ್ವ॒ ನಿರ್ಭ॑ಕ್ತ॒-ಸ್ಸ ಯ-ನ್ದ್ವಿ॒ಷ್ಮೋ ವಿಷ್ಣೋಃ॒ ಕ್ರಮೋ᳚-ಽಸ್ಯಭಿಶಸ್ತಿ॒ಹಾ ತ್ರೈಷ್ಟು॑ಭ॒-ಞ್ಛನ್ದ॒ ಆ ರೋ॑ಹಾ॒ನ್ತರಿ॑ಖ್ಷ॒ಮನು॒ ವಿಕ್ರ॑ಮಸ್ವ॒ ನಿರ್ಭ॑ಕ್ತ॒-ಸ್ಸ ಯ-ನ್ದ್ವಿ॒ಷ್ಮೋ ವಿಷ್ಣೋಃ॒ ಕ್ರಮೋ᳚-ಽಸ್ಯರಾತೀಯ॒ತೋ ಹ॒ನ್ತಾ ಜಾಗ॑ತ॒-ಞ್ಛನ್ದ॒ ಆ ರೋ॑ಹ॒ ದಿವ॒ಮನು॒ ವಿಕ್ರ॑ಮಸ್ವ॒ ನಿರ್ಭ॑ಕ್ತ॒-ಸ್ಸ ಯ-ನ್ದ್ವಿ॒ಷ್ಮೋ ವಿಷ್ಣೋಃ॒ [ವಿಷ್ಣೋಃ᳚, ಕ್ರಮೋ॑-ಽಸಿ ಶತ್ರೂಯ॒ತೋ] 1
ಕ್ರಮೋ॑-ಽಸಿ ಶತ್ರೂಯ॒ತೋ ಹ॒ನ್ತಾ-ಽನು॑ಷ್ಟುಭ॒-ಞ್ಛನ್ದ॒ ಆ ರೋ॑ಹ॒ ದಿಶೋ-ಽನು॒ ವಿಕ್ರ॑ಮಸ್ವ॒ ನಿರ್ಭ॑ಕ್ತ॒-ಸ್ಸ ಯ-ನ್ದ್ವಿ॒ಷ್ಮಃ ॥ ಅಕ್ರ॑ನ್ದದ॒ಗ್ನಿ-ಸ್ಸ್ತ॒ನಯ॑ನ್ನಿವ॒ ದ್ಯೌಃ, ಖ್ಷಾಮಾ॒ ರೇರಿ॑ಹ-ದ್ವೀ॒ರುಧ॑-ಸ್ಸಮ॒ಞ್ಜನ್ನ್ । ಸ॒ದ್ಯೋ ಜ॑ಜ್ಞಾ॒ನೋ ವಿ ಹೀಮಿ॒ದ್ಧೋ ಅಖ್ಯ॒ದಾ ರೋದ॑ಸೀ ಭಾ॒ನುನಾ॑ ಭಾತ್ಯ॒ನ್ತಃ ॥ ಅಗ್ನೇ᳚-ಽಭ್ಯಾವರ್ತಿನ್ನ॒ಭಿ ನ॒ ಆ ವ॑ರ್ತ॒ಸ್ವಾ-ಽಽಯು॑ಷಾ॒ ವರ್ಚ॑ಸಾ ಸ॒ನ್ಯಾ ಮೇ॒ಧಯಾ᳚ ಪ್ರ॒ಜಯಾ॒ ಧನೇ॑ನ ॥ ಅಗ್ನೇ॑ [ಅಗ್ನೇ᳚, ಅ॒ಙ್ಗಿ॒ರ॒-ಶ್ಶ॒ತ-ನ್ತೇ॑] 2
ಅಙ್ಗಿರ-ಶ್ಶ॒ತ-ನ್ತೇ॑ ಸನ್ತ್ವಾ॒ವೃತ॑-ಸ್ಸ॒ಹಸ್ರ॑-ನ್ತ ಉಪಾ॒ವೃತಃ॑ । ತಾಸಾ॒-ಮ್ಪೋಷ॑ಸ್ಯ॒ ಪೋಷೇ॑ಣ॒ ಪುನ॑ರ್ನೋ ನ॒ಷ್ಟಮಾ ಕೃ॑ಧಿ॒ ಪುನ॑ರ್ನೋ ರ॒ಯಿಮಾ ಕೃ॑ಧಿ ॥ ಪುನ॑ರೂ॒ರ್ಜಾ ನಿವ॑ರ್ತಸ್ವ॒ ಪುನ॑ರಗ್ನ ಇ॒ಷಾ-ಽಽಯು॑ಷಾ । ಪುನ॑ರ್ನಃ ಪಾಹಿ ವಿ॒ಶ್ವತಃ॑ ॥ ಸ॒ಹ ರ॒ಯ್ಯಾ ನಿ ವ॑ರ್ತ॒ಸ್ವಾಗ್ನೇ॒ ಪಿನ್ವ॑ಸ್ವ॒ ಧಾರ॑ಯಾ । ವಿ॒ಶ್ವಫ್ಸ್ನಿ॑ಯಾ ವಿ॒ಶ್ವ ತ॒ಸ್ಪರಿ॑ ॥ ಉದು॑ತ್ತ॒ಮಂ-ವಁ॑ರುಣ॒ ಪಾಶ॑ ಮ॒ಸ್ಮದವಾ॑-ಽಧ॒ಮಂ- [-ಽಧ॒ಮಮ್, ವಿ ಮ॑ದ್ಧ್ಯ॒ಮಗ್ಗ್ ಶ್ರ॑ಥಾಯ ।] 3
-ವಿಁ ಮ॑ದ್ಧ್ಯ॒ಮಗ್ಗ್ ಶ್ರ॑ಥಾಯ । ಅಥಾ॑ ವ॒ಯಮಾ॑ದಿತ್ಯ ವ್ರ॒ತೇ ತವಾನಾ॑ಗಸೋ॒ ಅದಿ॑ತಯೇ ಸ್ಯಾಮ ॥ ಆ ತ್ವಾ॑-ಽಹಾರ್ಷ-ಮ॒ನ್ತರ॑ಭೂರ್ಧ್ರು॒ವಸ್ತಿ॒ಷ್ಠಾ ಽವಿ॑ಚಾಚಲಿಃ । ವಿಶ॑ಸ್ತ್ವಾ॒ ಸರ್ವಾ॑ ವಾಞ್ಛನ್ತ್ವ॒ಸ್ಮಿ-ನ್ರಾ॒ಷ್ಟ್ರಮಧಿ॑ ಶ್ರಯ ॥ಅಗ್ನೇ॑ ಬೃ॒ಹನ್ನು॒ಷಸಾ॑ಮೂ॒ರ್ಧ್ವೋ ಅ॑ಸ್ಥಾನ್ನಿರ್ಜಗ್ಮಿ॒ವಾನ್-ತಮ॑ಸೋ॒ ಜ್ಯೋತಿ॒ಷಾ-ಽಽಗಾ᳚ತ್ । ಅ॒ಗ್ನಿರ್ಭಾ॒ನುನಾ॒ ರುಶ॑ತಾ॒ ಸ್ವಙ್ಗ॒ ಆ ಜಾ॒ತೋ ವಿಶ್ವಾ॒ ಸದ್ಮಾ᳚ನ್ಯಪ್ರಾಃ ॥ ಸೀದ॒ ತ್ವ-ಮ್ಮಾ॒ತುರ॒ಸ್ಯಾ [ಸೀದ॒ ತ್ವ-ಮ್ಮಾ॒ತುರ॒ಸ್ಯಾಃ᳚, ಉ॒ಪಸ್ಥೇ॒ ವಿಶ್ವಾ᳚ನ್ಯಗ್ನೇ] 4
ಉ॒ಪಸ್ಥೇ॒ ವಿಶ್ವಾ᳚ನ್ಯಗ್ನೇ ವ॒ಯುನಾ॑ನಿ ವಿ॒ದ್ವಾನ್ । ಮೈನಾ॑ಮ॒ರ್ಚಿಷಾ॒ ಮಾ ತಪ॑ಸಾ॒-ಽಭಿ ಶೂ॑ಶುಚೋ॒-ಽನ್ತರ॑ಸ್ಯಾಗ್ಂ ಶು॒ಕ್ರಜ್ಯೋ॑ತಿ॒ರ್ವಿ ಭಾ॑ಹಿ ॥ ಅ॒ನ್ತರ॑ಗ್ನೇ ರು॒ಚಾ ತ್ವಮು॒ಖಾಯೈ॒ ಸದ॑ನೇ॒ ಸ್ವೇ । ತಸ್ಯಾ॒ಸ್ತ್ವಗ್ಂ ಹರ॑ಸಾ॒ ತಪ॒ಞ್ಜಾತ॑ವೇದ-ಶ್ಶಿ॒ವೋ ಭ॑ವ ॥ ಶಿ॒ವೋ ಭೂ॒ತ್ವಾ ಮಹ್ಯ॑ಮ॒ಗ್ನೇ-ಽಥೋ॑ ಸೀದ ಶಿ॒ವಸ್ತ್ವಮ್ । ಶಿ॒ವಾಃ ಕೃ॒ತ್ವಾ ದಿಶ॒-ಸ್ಸರ್ವಾ॒-ಸ್ಸ್ವಾಂ-ಯೋಁನಿ॑ಮಿ॒ಹಾ-ಽಽ ಸ॑ದಃ ॥ ಹ॒ಗ್ಂ॒ಸ-ಶ್ಶು॑ಚಿ॒ಷ ದ್ವಸು॑ರನ್ತರಿಖ್ಷ॒-ಸದ್ಧೋತಾ॑ ವೇದಿ॒ಷದತಿ॑ಥಿ ರ್ದುರೋಣ॒ಸತ್ । ನೃ॒ಷದ್ವ॑ರ॒ಸ-ದೃ॑ತ॒ಸ-ದ್ವ್ಯೋ॑ಮ॒ಸ-ದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತ-ಮ್ಬೃ॒ಹತ್ ॥ 5 ॥
(ದಿವ॒ಮನು॒ ವಿ ಕ್ರ॑ಮಸ್ವ॒ ನಿರ್ಭ॑ಕ್ತ॒-ಸ್ಸ ಯ-ನ್ದ್ವಿ॒ಷ್ಮೋ ವಿಷ್ಣೋ॒ – ರ್ಧನೇ॒ನಾಗ್ನೇ॑ – ಽಧ॒ಮ – ಮ॒ಸ್ಯಾಃ – ಶು॑ಚಿ॒ಷಥ್ – ಷೋಡ॑ಶ ಚ) (ಅ. 1)
ದಿ॒ವಸ್ಪರಿ॑ ಪ್ರಥ॒ಮ-ಞ್ಜ॑ಜ್ಞೇ ಅ॒ಗ್ನಿರ॒ಸ್ಮ-ದ್ದ್ವಿ॒ತೀಯ॒-ಮ್ಪರಿ॑ ಜಾ॒ತವೇ॑ದಾಃ । ತೃ॒ತೀಯ॑ಮ॒ಫ್ಸು ನೃ॒ಮಣಾ॒ ಅಜ॑ಸ್ರ॒ಮಿನ್ಧಾ॑ನ ಏನ-ಞ್ಜರತೇ ಸ್ವಾ॒ಧೀಃ ॥ ವಿ॒ದ್ಮಾ ತೇ॑ ಅಗ್ನೇ ತ್ರೇ॒ಧಾ ತ್ರ॒ಯಾಣಿ॑ ವಿ॒ದ್ಮಾ ತೇ॒ ಸದ್ಮ॒ ವಿಭೃ॑ತ-ಮ್ಪುರು॒ತ್ರಾ । ವಿ॒ದ್ಮಾ ತೇ॒ ನಾಮ॑ ಪರ॒ಮ-ಙ್ಗುಹಾ॒ ಯದ್ವಿ॒ದ್ಮಾ ತಮುಥ್ಸಂ॒-ಯಁತ॑ ಆಜ॒ಗನ್ಥ॑ ॥ ಸ॒ಮು॒ದ್ರೇ ತ್ವಾ॑ ನೃ॒ಮಣಾ॑ ಅ॒ಫ್ಸ್ವ॑ನ್ತರ್ನೃ॒ಚಖ್ಷಾ॑ ಈಧೇ ದಿ॒ವೋ ಅ॑ಗ್ನ॒ ಊಧನ್ನ್॑ । ತೃ॒ತೀಯೇ᳚ ತ್ವಾ॒ [ತೃ॒ತೀಯೇ᳚ ತ್ವಾ, ರಜ॑ಸಿ ತಸ್ಥಿ॒ವಾಗ್ಂ ಸ॑ಮೃ॒ತಸ್ಯ॒] 6
ರಜ॑ಸಿ ತಸ್ಥಿ॒ವಾಗ್ಂ ಸ॑ಮೃ॒ತಸ್ಯ॒ ಯೋನೌ॑ ಮಹಿ॒ಷಾ ಅ॑ಹಿನ್ವನ್ನ್ ॥ ಅಕ್ರ॑ನ್ದದ॒ಗ್ನಿ-ಸ್ಸ್ತ॒ನಯ॑ನ್ನಿವ॒ ದ್ಯೌಃ, ಖ್ಷಾಮಾ॒ ರೇರಿ॑ಹ-ದ್ವೀ॒ರುಧ॑-ಸ್ಸಮ॒ಞ್ಜನ್ನ್ । ಸ॒ದ್ಯೋ ಜ॑ಜ್ಞಾ॒ನೋ ವಿ ಹೀಮಿ॒ದ್ಧೋ ಅಖ್ಯ॒ದಾ ರೋದ॑ಸೀ ಭಾ॒ನುನಾ॑ ಭಾತ್ಯ॒ನ್ತಃ ॥ ಉ॒ಶಿ-ಕ್ಪಾ॑ವ॒ಕೋ ಅ॑ರ॒ತಿ-ಸ್ಸು॑ಮೇ॒ಧಾ ಮರ್ತೇ᳚ಷ್ವ॒ಗ್ನಿರ॒ಮೃತೋ॒ ನಿಧಾ॑ಯಿ । ಇಯ॑ರ್ತಿ ಧೂ॒ಮಮ॑ರು॒ಷ-ಮ್ಭರಿ॑ಭ್ರ॒ದುಚ್ಛು॒ಕ್ರೇಣ॑ ಶೋ॒ಚಿಷಾ॒ ದ್ಯಾಮಿನ॑ಖ್ಷತ್ ॥ ವಿಶ್ವ॑ಸ್ಯ ಕೇ॒ತುರ್ಭುವ॑ನಸ್ಯ॒ ಗರ್ಭ॒ ಆ [ ] 7
ರೋದ॑ಸೀ ಅಪೃಣಾ॒ಜ್ಜಾಯ॑ಮಾನಃ । ವೀ॒ಡು-ಞ್ಚಿ॒ದದ್ರಿ॑ಮಭಿನ-ತ್ಪರಾ॒ಯನ್ ಜನಾ॒ ಯದ॒ಗ್ನಿಮಯ॑ಜನ್ತ॒ ಪಞ್ಚ॑ ॥ ಶ್ರೀ॒ಣಾಮು॑ದಾ॒ರೋ ಧ॒ರುಣೋ॑ ರಯೀ॒ಣಾ-ಮ್ಮ॑ನೀ॒ಷಾಣಾ॒-ಮ್ಪ್ರಾರ್ಪ॑ಣ॒-ಸ್ಸೋಮ॑ಗೋಪಾಃ । ವಸೋ᳚-ಸ್ಸೂ॒ನು-ಸ್ಸಹ॑ಸೋ ಅ॒ಫ್ಸು ರಾಜಾ॒ ವಿ ಭಾ॒ತ್ಯಗ್ರ॑ ಉ॒ಷಸಾ॑ಮಿಧಾ॒ನಃ ॥ ಯಸ್ತೇ॑ ಅ॒ದ್ಯ ಕೃ॒ಣವ॑-ದ್ಭದ್ರಶೋಚೇ-ಽಪೂ॒ಪ-ನ್ದೇ॑ವ ಘೃ॒ತವ॑ನ್ತಮಗ್ನೇ । ಪ್ರತ-ನ್ನ॑ಯ ಪ್ರತ॒ರಾಂ-ವಁಸ್ಯೋ॒ ಅಚ್ಛಾ॒ಭಿ ದ್ಯು॒ಮ್ನ-ನ್ದೇ॒ವಭ॑ಕ್ತಂ-ಯಁವಿಷ್ಠ ॥ ಆ [ ] 8
ತ-ಮ್ಭ॑ಜ ಸೌಶ್ರವ॒ಸೇಷ್ವ॑ಗ್ನ ಉ॒ಕ್ಥ-ಉ॑ಕ್ಥ॒ ಆ ಭ॑ಜ ಶ॒ಸ್ಯಮಾ॑ನೇ । ಪ್ರಿ॒ಯ-ಸ್ಸೂರ್ಯೇ᳚ ಪ್ರಿ॒ಯೋ ಅ॒ಗ್ನಾ ಭ॑ವಾ॒ತ್ಯುಜ್ಜಾ॒ತೇನ॑ ಭಿ॒ನದ॒ದುಜ್ಜನಿ॑ತ್ವೈಃ ॥ ತ್ವಾಮ॑ಗ್ನೇ॒ ಯಜ॑ಮಾನಾ॒ ಅನು॒ ದ್ಯೂನ್. ವಿಶ್ವಾ॒ ವಸೂ॑ನಿ ದಧಿರೇ॒ ವಾರ್ಯಾ॑ಣಿ । ತ್ವಯಾ॑ ಸ॒ಹ ದ್ರವಿ॑ಣಮಿ॒ಚ್ಛಮಾ॑ನಾ ವ್ರ॒ಜ-ಙ್ಗೋಮ॑ನ್ತಮು॒ಶಿಜೋ॒ ವಿ ವ॑ವ್ರುಃ ॥ ದೃ॒ಶಾ॒ನೋ ರು॒ಕ್ಮ ಉ॒ರ್ವ್ಯಾ ವ್ಯ॑ದ್ಯೌ-ದ್ದು॒ರ್ಮರ್ಷ॒ಮಾಯು॑-ಶ್ಶ್ರಿ॒ಯೇ ರು॑ಚಾ॒ನಃ । ಅ॒ಗ್ನಿರ॒ಮೃತೋ॑ ಅಭವ॒-ದ್ವಯೋ॑ಭಿ॒ರ್ಯದೇ॑- -ನ॒-ನ್ದ್ಯೌರಜ॑ನಯ-ಥ್ಸು॒ರೇತಾಃ᳚ ॥ 9 ॥
(ತೃತಿಯೇ᳚ ತ್ವಾ॒ – ಗರ್ಭ॒ ಆ – ಯ॑ವಿ॒ಷ್ಠಾ-ಽಽ – ಯ – ಚ್ಚ॒ತ್ವಾರಿ॑ ಚ) (ಅ. 2)
ಅನ್ನ॑ಪ॒ತೇ-ಽನ್ನ॑ಸ್ಯ ನೋ ದೇಹ್ಯನಮೀ॒ವಸ್ಯ॑ ಶು॒ಷ್ಮಿಣಃ॑ । ಪ್ರ ಪ್ರ॑ದಾ॒ತಾರ॑-ನ್ತಾರಿಷ॒ ಊರ್ಜ॑-ನ್ನೋ ಧೇಹಿ ದ್ವಿ॒ಪದೇ॒ ಚತು॑ಷ್ಪದೇ ॥ ಉದು॑ ತ್ವಾ॒ ವಿಶ್ವೇ॑ ದೇ॒ವಾ ಅಗ್ನೇ॒ ಭರ॑ನ್ತು॒ ಚಿತ್ತಿ॑ಭಿಃ । ಸ ನೋ॑ ಭವ ಶಿ॒ವತ॑ಮ-ಸ್ಸು॒ಪ್ರತೀ॑ಕೋ ವಿ॒ಭಾವ॑ಸುಃ ॥ ಪ್ರೇದ॑ಗ್ನೇ॒ ಜ್ಯೋತಿ॑ಷ್ಮಾನ್. ಯಾಹಿ ಶಿ॒ವೇಭಿ॑ರ॒ರ್ಚಿ॑ಭಿ॒ಸ್ತ್ವಮ್ । ಬೃ॒ಹದ್ಭಿ॑-ರ್ಭಾ॒ನುಭಿ॒-ರ್ಭಾಸ॒-ನ್ಮಾ ಹಿಗ್ಂ॑ಸೀ ಸ್ತ॒ನುವಾ᳚ ಪ್ರ॒ಜಾಃ ॥ ಸ॒ಮಿಧಾ॒-ಽಗ್ನಿ-ನ್ದು॑ವಸ್ಯತ ಘೃ॒ತೈರ್ಬೋ॑ಧಯ॒ತಾತಿ॑ಥಿಮ್ । ಆ- [ಆ, ಅ॒ಸ್ಮಿ॒ನ್॒. ಹ॒ವ್ಯಾ ಜು॑ಹೋತನ ।] 10
-ಽಸ್ಮಿ॑ನ್. ಹ॒ವ್ಯಾ ಜು॑ಹೋತನ ॥ ಪ್ರಪ್ರಾ॒ಯಮ॒ಗ್ನಿರ್ಭ॑ರ॒ತಸ್ಯ॑ ಶೃಣ್ವೇ॒ ವಿ ಯ-ಥ್ಸೂರ್ಯೋ॒ ನ ರೋಚ॑ತೇ ಬೃ॒ಹದ್ಭಾಃ । ಅ॒ಭಿ ಯಃ ಪೂ॒ರು-ಮ್ಪೃತ॑ನಾಸು ತ॒ಸ್ಥೌ ದೀ॒ದಾಯ॒ ದೈವ್ಯೋ॒ ಅತಿ॑ಥಿ-ಶ್ಶಿ॒ವೋ ನಃ॑ ॥ ಆಪೋ॑ ದೇವೀಃ॒ ಪ್ರತಿ॑ ಗೃಹ್ಣೀತ॒ ಭಸ್ಮೈ॒ತ-ಥ್ಸ್ಯೋ॒ನೇ ಕೃ॑ಣುದ್ಧ್ವಗ್ಂ ಸುರ॒ಭಾವು॑ ಲೋ॒ಕೇ । ತಸ್ಮೈ॑ ನಮನ್ತಾ॒-ಞ್ಜನ॑ಯ-ಸ್ಸು॒ಪತ್ನೀ᳚ರ್ಮಾ॒ತೇವ॑ ಪು॒ತ್ರ-ಮ್ಬಿ॑ಭೃ॒ತಾ ಸ್ವೇ॑ನಮ್ ॥ ಅ॒ಫ್ಸ್ವ॑ಗ್ನೇ॒ ಸಧಿ॒ಷ್ಟವ॒- [ಅ॒ಫ್ಸ್ವ॑ಗ್ನೇ॒ ಸಧಿ॒ಷ್ಟವ॑, ಸೌಷ॑ಧೀ॒ರನು॑ ರುದ್ಧ್ಯಸೇ ।] 11
ಸೌಷ॑ಧೀ॒ರನು॑ ರುದ್ಧ್ಯಸೇ । ಗರ್ಭೇ॒ ಸಞ್ಜಾ॑ಯಸೇ॒ ಪುನಃ॑ ॥ ಗರ್ಭೋ॑ ಅ॒ಸ್ಯೋಷ॑ಧೀನಾ॒-ಙ್ಗರ್ಭೋ॒ ವನ॒ಸ್ಪತೀ॑ನಾಮ್ । ಗರ್ಭೋ॒ ವಿಶ್ವ॑ಸ್ಯ ಭೂ॒ತಸ್ಯಾಗ್ನೇ॒ ಗರ್ಭೋ॑ ಅ॒ಪಾಮ॑ಸಿ ॥ ಪ್ರ॒ಸದ್ಯ॒ ಭಸ್ಮ॑ನಾ॒ ಯೋನಿ॑ಮ॒ಪಶ್ಚ॑ ಪೃಥಿ॒ವೀಮ॑ಗ್ನೇ । ಸ॒ಗ್ಂ॒ಸೃಜ್ಯ॑ ಮಾ॒ತೃಭಿ॒ಸ್ತ್ವ-ಞ್ಜ್ಯೋತಿ॑ಷ್ಮಾ॒-ನ್ಪುನ॒ರಾ-ಽಸ॑ದಃ ॥ ಪುನ॑ರಾ॒ಸದ್ಯ॒ ಸದ॑ನಮ॒ಪಶ್ಚ॑ ಪೃಥಿ॒ವೀಮ॑ಗ್ನೇ । ಶೇಷೇ॑ ಮಾ॒ತುರ್ಯಥೋ॒ಪಸ್ಥೇ॒ ಽನ್ತರ॒ಸ್ಯಾಗ್ಂ ಶಿ॒ವತ॑ಮಃ ॥ ಪುನ॑ರೂ॒ರ್ಜಾ [ ] 12
-ನಿ ವ॑ರ್ತಸ್ವ॒ ಪುನ॑ರಗ್ನ ಇ॒ಷಾ ಽಽಯು॑ಷಾ । ಪುನ॑ರ್ನಃ ಪಾಹಿ ವಿ॒ಶ್ವತಃ॑ ॥ ಸ॒ಹ ರ॒ಯ್ಯಾ ನಿ ವ॑ರ್ತ॒ಸ್ವಾಗ್ನೇ॒ ಪಿನ್ವ॑ಸ್ವ॒ ಧಾರ॑ಯಾ । ವಿ॒ಶ್ವಫ್ಸ್ನಿ॑ಯಾ ವಿ॒ಶ್ವತ॒ಸ್ಪರಿ॑ ॥ ಪುನ॑ಸ್ತ್ವಾ ಽಽದಿ॒ತ್ಯಾ ರು॒ದ್ರಾ ವಸ॑ವ॒-ಸ್ಸಮಿ॑ನ್ಧತಾ॒-ಮ್ಪುನ॑ರ್ಬ್ರ॒ಹ್ಮಾಣೋ॑ ವಸುನೀಥ ಯ॒ಜ್ಞೈಃ । ಘೃ॒ತೇನ॒ ತ್ವ-ನ್ತ॒ನುವೋ॑ ವರ್ಧಯಸ್ವ ಸ॒ತ್ಯಾ-ಸ್ಸ॑ನ್ತು॒ ಯಜ॑ಮಾನಸ್ಯ॒ ಕಾಮಾಃ᳚ ॥ ಬೋಧಾ॑ ನೋ ಅ॒ಸ್ಯ ವಚ॑ಸೋ ಯವಿಷ್ಠ॒ ಮಗ್ಂಹಿ॑ಷ್ಠಸ್ಯ॒ ಪ್ರಭೃ॑ತಸ್ಯ ಸ್ವಧಾವಃ । ಪೀಯ॑ತಿ ತ್ವೋ॒ ಅನು॑ ತ್ವೋ ಗೃಣಾತಿ ವ॒ನ್ದಾರು॑ಸ್ತೇ ತ॒ನುವಂ॑-ವಁನ್ದೇ ಅಗ್ನೇ ॥ ಸ ಬೋ॑ಧಿ ಸೂ॒ರಿರ್ಮ॒ಘವಾ॑ ವಸು॒ದಾವಾ॒ ವಸು॑ಪತಿಃ । ಯು॒ಯೋ॒ದ್ಧ್ಯ॑ಸ್ಮ-ದ್ದ್ವೇಷಾಗ್ಂ॑ಸಿ ॥ 13 ॥
(ಆ – ತವೋ॒ – ರ್ಜಾ-ಽ – ನು॒ – ಷೋಡ॑ಶ ಚ) (ಅ. 3)
ಅಪೇ॑ತ॒ ವೀತ॒ ವಿ ಚ॑ ಸರ್ಪ॒ತಾತೋ॒ ಯೇ-ಽತ್ರ॒ ಸ್ಥ ಪು॑ರಾ॒ಣಾ ಯೇ ಚ॒ ನೂತ॑ನಾಃ । ಅದಾ॑ದಿ॒ದಂ-ಯಁ॒ಮೋ॑-ಽವ॒ಸಾನ॑-ಮ್ಪೃಥಿ॒ವ್ಯಾ ಅಕ್ರ॑ನ್ನಿ॒ಮ-ಮ್ಪಿ॒ತರೋ॑ ಲೋ॒ಕಮ॑ಸ್ಮೈ ॥ ಅ॒ಗ್ನೇರ್ಭಸ್ಮಾ᳚ಸ್ಯ॒ಗ್ನೇಃ ಪುರೀ॑ಷಮಸಿ ಸ॒ಜ್ಞಾನ್ನ॑ಮಸಿ ಕಾಮ॒ಧರ॑ಣ॒-ಮ್ಮಯಿ॑ ತೇ ಕಾಮ॒ಧರ॑ಣ-ಮ್ಭೂಯಾತ್ ॥ ಸಂ-ಯಾಁ ವಃ॑ ಪ್ರಿ॒ಯಾಸ್ತ॒ನುವ॒-ಸ್ಸ-ಮ್ಪ್ರಿ॒ಯಾ ಹೃದ॑ಯಾನಿ ವಃ । ಆ॒ತ್ಮಾ ವೋ॑ ಅಸ್ತು॒ [ಅಸ್ತು, ಸಮ್ಪ್ರಿ॑ಯ॒] 14
ಸಮ್ಪ್ರಿ॑ಯ॒-ಸ್ಸಮ್ಪ್ರಿ॑ಯಾಸ್ತ॒ನುವೋ॒ ಮಮ॑ ॥ ಅ॒ಯಗ್ಂ ಸೋ ಅ॒ಗ್ನಿರ್ಯಸ್ಮಿ॒ನ್-ಥ್ಸೋಮ॒ಮಿನ್ದ್ರ॑-ಸ್ಸು॒ತ-ನ್ದ॒ಧೇ ಜ॒ಠರೇ॑ ವಾವಶಾ॒ನಃ । ಸ॒ಹ॒ಸ್ರಿಯಂ॒-ವಾಁಜ॒ಮತ್ಯ॒-ನ್ನ ಸಪ್ತಿಗ್ಂ॑ ಸಸ॒ವಾನ್-ಥ್ಸನ್-ಥ್ಸ್ತೂ॑ಯಸೇ ಜಾತವೇದಃ ॥ ಅಗ್ನೇ॑ ದಿ॒ವೋ ಅರ್ಣ॒ಮಚ್ಛಾ॑ ಜಿಗಾ॒ಸ್ಯಚ್ಛಾ॑ ದೇ॒ವಾಗ್ಂ ಊ॑ಚಿಷೇ॒ ಧಿಷ್ಣಿ॑ಯಾ॒ ಯೇ । ಯಾಃ ಪ॒ರಸ್ತಾ᳚-ದ್ರೋಚ॒ನೇ ಸೂರ್ಯ॑ಸ್ಯ॒ ಯಾಶ್ಚಾ॒ ವಸ್ತಾ॑-ದುಪ॒ತಿಷ್ಠ॑ನ್ತ॒ ಆಪಃ॑ ॥ ಅಗ್ನೇ॒ ಯ-ತ್ತೇ॑ ದಿ॒ವಿ ವರ್ಚಃ॑ ಪೃಥಿ॒ವ್ಯಾಂ-ಯಁದೋಷ॑ಧೀ- [ಪೃಥಿ॒ವ್ಯಾಂ-ಯಁದೋಷ॑ಧೀಷು, ಅ॒ಫ್ಸು ವಾ॑ ಯಜತ್ರ ।] 15
-ಷ್ವ॒ಫ್ಸು ವಾ॑ ಯಜತ್ರ । ಯೇನಾ॒ನ್ತರಿ॑ಖ್ಷ-ಮು॒ರ್ವಾ॑ತ॒ತನ್ಥ॑ ತ್ವೇ॒ಷ-ಸ್ಸ ಭಾ॒ನುರ॑ರ್ಣ॒ವೋ ನೃ॒ಚಖ್ಷಾಃ᳚ ॥ ಪು॒ರೀ॒ಷ್ಯಾ॑ಸೋ ಅ॒ಗ್ನಯಃ॑ ಪ್ರಾವ॒ಣೇಭಿ॑-ಸ್ಸ॒ಜೋಷ॑ಸಃ । ಜು॒ಷನ್ತಾಗ್ಂ॑ ಹ॒ವ್ಯಮಾಹು॑ತಮನಮೀ॒ವಾ ಇಷೋ॑ ಮ॒ಹೀಃ ॥ ಇಡಾ॑ಮಗ್ನೇ ಪುರು॒ದಗ್ಂ ಸಗ್ಂ॑ ಸ॒ನಿ-ಙ್ಗೋ-ಶ್ಶ॑ಶ್ವತ್ತ॒ಮಗ್ಂ ಹವ॑ಮಾನಾಯ ಸಾಧ । ಸ್ಯಾನ್ನ॑-ಸ್ಸೂ॒ನುಸ್ತನ॑ಯೋ ವಿ॒ಜಾವಾ-ಽಗ್ನೇ॒ ಸಾ ತೇ॑ ಸುಮ॒ತಿರ್ಭೂ᳚ತ್ವ॒ಸ್ಮೇ ॥ ಅ॒ಯ-ನ್ತೇ॒ ಯೋನಿ॑ರ್-ಋ॒ತ್ವಿಯೋ॒ ಯತೋ॑ ಜಾ॒ತೋ ಅರೋ॑ಚಥಾಃ । ತ-ಞ್ಜಾ॒ನ- [ತ-ಞ್ಜಾ॒ನನ್ನ್, ಅ॒ಗ್ನ॒ ಆ ರೋ॒ಹಾಥಾ॑ ನೋ] 16
-ನ್ನ॑ಗ್ನ॒ ಆ ರೋ॒ಹಾಥಾ॑ ನೋ ವರ್ಧಯಾ ರ॒ಯಿಮ್ ॥ ಚಿದ॑ಸಿ॒ ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ಪರಿ॒ಚಿದ॑ಸಿ॒ ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ಲೋ॒ಕ-ಮ್ಪೃ॑ಣ ಛಿ॒ದ್ರ-ಮ್ಪೃ॒ಣಾಥೋ॑ ಸೀದ ಶಿ॒ವಾ ತ್ವಮ್ । ಇ॒ನ್ದ್ರಾ॒ಗ್ನೀ ತ್ವಾ॒ ಬೃಹ॒ಸ್ಪತಿ॑ರ॒ಸ್ಮಿನ್. ಯೋನಾ॑ವಸೀಷದನ್ನ್ ॥ ತಾ ಅ॑ಸ್ಯ॒ ಸೂದ॑ದೋಹಸ॒-ಸ್ಸೋಮಗ್ಗ್॑ ಶ್ರೀಣನ್ತಿ॒ ಪೃಶ್ಞ॑ಯಃ । ಜನ್ಮ॑-ನ್ದೇ॒ವಾನಾಂ॒-ವಿಁಶ॑ಸ್ತ್ರಿ॒ಷ್ವಾ ರೋ॑ಚ॒ನೇ ದಿ॒ವಃ ॥ 17 ॥
(ಅ॒ಸ್ತ್ವೋ – ಷ॑ಧೀಷು – ಜಾ॒ನ – ನ್ನ॒ಷ್ಟಾಚ॑ತ್ವಾರಿಗ್ಂಶಚ್ಚ) (ಅ. 4)
ಸಮಿ॑ತ॒ಗ್ಂ॒ ಸಙ್ಕ॑ಲ್ಪೇಥಾ॒ಗ್ಂ॒ ಸಮ್ಪ್ರಿ॑ಯೌ ರೋಚಿ॒ಷ್ಣೂ ಸು॑ಮನ॒ಸ್ಯಮಾ॑ನೌ । ಇಷ॒ಮೂರ್ಜ॑ಮ॒ಭಿ ಸಂ॒ವಁಸಾ॑ನೌ॒ ಸಂ-ವಾಁ॒-ಮ್ಮನಾಗ್ಂ॑ಸಿ॒ ಸಂ-ವ್ರಁ॒ತಾ ಸಮು॑ ಚಿ॒ತ್ತಾನ್ಯಾ-ಽಕ॑ರಮ್ ॥ ಅಗ್ನೇ॑ ಪುರೀಷ್ಯಾಧಿ॒ಪಾ ಭ॑ವಾ॒ ತ್ವ-ನ್ನಃ॑ । ಇಷ॒ಮೂರ್ಜಂ॒-ಯಁಜ॑ಮಾನಾಯ ಧೇಹಿ ॥ ಪು॒ರೀ॒ಷ್ಯ॑ಸ್ತ್ವಮ॑ಗ್ನೇ ರಯಿ॒ಮಾ-ನ್ಪು॑ಷ್ಟಿ॒ಮಾಗ್ಂ ಅ॑ಸಿ । ಶಿ॒ವಾಃ ಕೃ॒ತ್ವಾ ದಿಶ॒-ಸ್ಸರ್ವಾ॒-ಸ್ಸ್ವಾಂ-ಯೋಁನಿ॑ಮಿ॒ಹಾ-ಽಸ॑ದಃ ॥ ಭವ॑ತ-ನ್ನ॒-ಸ್ಸಮ॑ನಸೌ॒ ಸಮೋ॑ಕಸಾ [ಸಮೋ॑ಕಸೌ, ಅ॒ರೇ॒ಪಸೌ᳚ ।] 18
-ವರೇ॒ಪಸೌ᳚ । ಮಾ ಯ॒ಜ್ಞಗ್ಂ ಹಿಗ್ಂ॑ಸಿಷ್ಟ॒-ಮ್ಮಾ ಯ॒ಜ್ಞಪ॑ತಿ-ಞ್ಜಾತವೇದಸೌ ಶಿ॒ವೌ ಭ॑ವತಮ॒ದ್ಯ ನಃ॑ ॥ ಮಾ॒ತೇವ॑ ಪು॒ತ್ರ-ಮ್ಪೃ॑ಥಿ॒ವೀ ಪು॑ರೀ॒ಷ್ಯ॑ಮ॒ಗ್ನಿಗ್ಗ್ ಸ್ವೇ ಯೋನಾ॑ವಭಾರು॒ಖಾ । ತಾಂ-ವಿಁಶ್ವೈ᳚ರ್ದೇ॒ವೈರ್-ಋ॒ತುಭಿ॑-ಸ್ಸಂವಿಁದಾ॒ನಃ ಪ್ರ॒ಜಾಪ॑ತಿರ್ವಿ॒ಶ್ವಕ॑ರ್ಮಾ॒ ವಿ ಮು॑ಞ್ಚತು ॥ ಯದ॒ಸ್ಯ ಪಾ॒ರೇ ರಜ॑ಸ-ಶ್ಶು॒ಕ್ರ-ಞ್ಜ್ಯೋತಿ॒ರಜಾ॑ಯತ । ತ-ನ್ನಃ॑ ಪರ್ಷ॒ದತಿ॒ ದ್ವಿಷೋ-ಽಗ್ನೇ॑ ವೈಶ್ವಾನರ॒ ಸ್ವಾಹಾ᳚ ॥ ನಮ॒-ಸ್ಸು ತೇ॑ ನಿರ್-ಋತೇ ವಿಶ್ವರೂಪೇ- [ವಿಶ್ವರೂಪೇ, ಅ॒ಯ॒ಸ್ಮಯಂ॒-ವಿಁ ಚೃ॑ತಾ] 19
-ಽಯ॒ಸ್ಮಯಂ॒-ವಿಁ ಚೃ॑ತಾ ಬ॒ನ್ಧಮೇ॒ತಮ್ । ಯ॒ಮೇನ॒ ತ್ವಂ-ಯಁ॒ಮ್ಯಾ॑ ಸಂ-ವಿಁದಾ॒ನೋತ್ತ॒ಮ-ನ್ನಾಕ॒ಮಧಿ॑ ರೋಹಯೇ॒ಮಮ್ ॥ ಯತ್ತೇ॑ ದೇ॒ವೀ ನಿರ್-ಋ॑ತಿರಾಬ॒ಬನ್ಧ॒ ದಾಮ॑ ಗ್ರೀ॒ವಾಸ್ವ॑ ವಿಚ॒ರ್ತ್ಯಮ್ । ಇ॒ದ-ನ್ತೇ॒ ತ-ದ್ವಿಷ್ಯಾಂ॒-ಯಾಁಯು॑ಷೋ॒ ನ ಮದ್ಧ್ಯಾ॒ದಥಾ॑ ಜೀ॒ವಃ ಪಿ॒ತುಮ॑ದ್ಧಿ॒ ಪ್ರಮು॑ಕ್ತಃ ॥ ಯಸ್ಯಾ᳚ಸ್ತೇ ಅ॒ಸ್ಯಾಃ ಕ್ರೂ॒ರ ಆ॒ಸಞ್ಜು॒ಹೋಮ್ಯೇ॒ಷಾ-ಮ್ಬ॒ನ್ಧಾನಾ॑ಮವ॒ಸರ್ಜ॑ನಾಯ । ಭೂಮಿ॒ರಿತಿ॑ ತ್ವಾ॒ ಜನಾ॑ ವಿ॒ದುರ್ನಿರ್-ಋ॑ತಿ॒- [ವಿ॒ದುರ್ನಿರ್-ಋ॑ತಿಃ, ಇತಿ॑ ತ್ವಾ॒ ಽಹ-ಮ್ಪರಿ॑] 20
-ರಿತಿ॑ ತ್ವಾ॒ ಽಹ-ಮ್ಪರಿ॑ ವೇದ ವಿ॒ಶ್ವತಃ॑ ॥ ಅಸು॑ನ್ವನ್ತ॒ಮ ಯ॑ಜಮಾನಮಿಚ್ಛ ಸ್ತೇ॒ನಸ್ಯೇ॒ತ್ಯಾನ್-ತಸ್ಕ॑ರ॒ಸ್ಯಾನ್ ವೇ॑ಷಿ । ಅ॒ನ್ಯ ಮ॒ಸ್ಮ-ದಿ॑ಚ್ಛ॒ ಸಾ ತ॑ ಇ॒ತ್ಯಾ ನಮೋ॑ ದೇವಿ ನಿರ್-ಋತೇ॒ ತುಭ್ಯ॑ಮಸ್ತು ॥ ದೇ॒ವೀಮ॒ಹ-ನ್ನಿರ್-ಋ॑ತಿಂ॒-ವಁನ್ದ॑ಮಾನಃ ಪಿ॒ತೇವ॑ ಪು॒ತ್ರ-ನ್ದ॑ಸಯೇ॒ ವಚೋ॑ಭಿಃ । ವಿಶ್ವ॑ಸ್ಯ॒ ಯಾ ಜಾಯ॑ಮಾನಸ್ಯ॒ ವೇದ॒ ಶಿರ॑-ಶ್ಶಿರಃ॒ ಪ್ರತಿ॑ ಸೂ॒ರೀ ವಿ ಚ॑ಷ್ಟೇ ॥ ನಿ॒ವೇಶ॑ನ-ಸ್ಸ॒ಙ್ಗಮ॑ನೋ॒ ವಸೂ॑ನಾಂ॒-ವಿಁಶ್ವಾ॑ ರೂ॒ಪಾ-ಽಭಿ ಚ॑ಷ್ಟೇ॒ [ರೂ॒ಪಾ-ಽಭಿ ಚ॑ಷ್ಟೇ, ಶಚೀ॑ಭಿಃ ।] 21
ಶಚೀ॑ಭಿಃ । ದೇ॒ವ ಇ॑ವ ಸವಿ॒ತಾ ಸ॒ತ್ಯಧ॒ರ್ಮೇನ್ದ್ರೋ॒ ನ ತ॑ಸ್ಥೌ ಸಮ॒ರೇ ಪ॑ಥೀ॒ನಾಮ್ ॥ ಸಂ-ವಁ॑ರ॒ತ್ರಾ ದ॑ಧಾತನ॒ ನಿರಾ॑ಹಾ॒ವಾನ್ ಕೃ॑ಣೋತನ । ಸಿ॒ಞ್ಚಾಮ॑ಹಾ ಅವ॒ಟಮು॒ದ್ರಿಣಂ॑-ವಁ॒ಯಂ-ವಿಁಶ್ವಾ-ಽಹಾ-ಽದ॑ಸ್ತ॒ಮಖ್ಷಿ॑ತಮ್ ॥ ನಿಷ್ಕೃ॑ತಾಹಾ-ವಮವ॒ಟಗ್ಂ ಸು॑ವರ॒ತ್ರಗ್ಂ ಸು॑ಷೇಚ॒ನಮ್ । ಉ॒ದ್ರಿಣಗ್ಂ॑ ಸಿಞ್ಚೇ॒ ಅಖ್ಷಿ॑ತಮ್ ॥ ಸೀರಾ॑ ಯುಞ್ಜನ್ತಿ ಕ॒ವಯೋ॑ ಯು॒ಗಾ ವಿ ತ॑ನ್ವತೇ॒ ಪೃಥ॑ಕ್ । ಧೀರಾ॑ ದೇ॒ವೇಷು॑ ಸುಮ್ನ॒ಯಾ ॥ ಯು॒ನಕ್ತ॒ ಸೀರಾ॒ ವಿ ಯು॒ಗಾ ತ॑ನೋತ ಕೃ॒ತೇ ಯೋನೌ॑ ವಪತೇ॒ಹ [ ] 22
ಬೀಜ᳚ಮ್ । ಗಿ॒ರಾ ಚ॑ ಶ್ರು॒ಷ್ಟಿ-ಸ್ಸಭ॑ರಾ॒ ಅಸ॑ನ್ನೋ॒ ನೇದೀ॑ಯ॒ ಇ-ಥ್ಸೃ॒ಣ್ಯಾ॑ ಪ॒ಕ್ವಮಾ ಽಯ॑ತ್ ॥ ಲಾಙ್ಗ॑ಲ॒-ಮ್ಪವೀ॑ರವಗ್ಂ ಸು॒ಶೇವಗ್ಂ॑ ಸುಮ॒ತಿಥ್ಸ॑ರು । ಉದಿ-ತ್ಕೃ॑ಷತಿ॒ ಗಾಮವಿ॑-ಮ್ಪ್ರಫ॒ರ್ವ್ಯ॑-ಞ್ಚ॒ ಪೀವ॑ರೀಮ್ । ಪ್ರ॒ಸ್ಥಾವ॑-ದ್ರಥ॒ವಾಹ॑ನಮ್ ॥ ಶು॒ನ-ನ್ನಃ॒ ಫಾಲಾ॒ ವಿ ತು॑ದನ್ತು॒ ಭೂಮಿಗ್ಂ॑ ಶು॒ನ-ಙ್ಕೀ॒ನಾಶಾ॑ ಅ॒ಭಿ ಯ॑ನ್ತು ವಾ॒ಹಾನ್ । ಶು॒ನ-ಮ್ಪ॒ರ್ಜನ್ಯೋ॒ ಮಧು॑ನಾ॒ ಪಯೋ॑ಭಿ॒-ಶ್ಶುನಾ॑ಸೀರಾ ಶು॒ನಮ॒ಸ್ಮಾಸು॑ ಧತ್ತಮ್ ॥ ಕಾಮ॑-ಙ್ಕಾಮದುಘೇ ಧುಖ್ಷ್ವ ಮಿ॒ತ್ರಾಯ॒ ವರು॑ಣಾಯ ಚ । ಇನ್ದ್ರಾ॑ಯಾ॒ಗ್ನಯೇ॑ ಪೂ॒ಷ್ಣ ಓಷ॑ಧೀಭ್ಯಃ ಪ್ರ॒ಜಾಭ್ಯಃ॑ ॥ಘೃ॒ತೇನ॒ ಸೀತಾ॒ ಮಧು॑ನಾ॒ ಸಮ॑ಕ್ತಾ॒ ವಿಶ್ವೈ᳚ರ್ದೇ॒ವೈರನು॑ಮತಾ ಮ॒ರುದ್ಭಿಃ॑ । ಊರ್ಜ॑ಸ್ವತೀ॒ ಪಯ॑ಸಾ॒ ಪಿನ್ವ॑ಮಾನಾ॒-ಽಸ್ಮಾನ್-ಥ್ಸೀ॑ತೇ॒ ಪಯ॑ಸಾ॒-ಽಭ್ಯಾ-ವ॑ವೃಥ್ಸ್ವ ॥ 23 ॥
(ಸಮೋ॑ಕಸೌ-ವಿಶ್ವರೂಪೇ-ವಿ॒ದುರ್ನಿರ್-ಋ॑ತಿ-ರ॒ಭಿ ಚ॑ಷ್ಟ-ಇ॒ಹ-ಮಿ॒ತ್ರಾಯ॒-ದ್ವಾವಿಗ್ಂ॑ಶತಿಶ್ಚ) (ಅ. 5)
ಯಾ ಜಾ॒ತಾ ಓಷ॑ಧಯೋ ದೇ॒ವೇಭ್ಯ॑ಸ್ತ್ರಿಯು॒ಗ-ಮ್ಪು॒ರಾ । ಮನ್ದಾ॑ಮಿ ಬ॒ಭ್ರೂಣಾ॑ಮ॒ಹಗ್ಂ ಶ॒ತ-ನ್ಧಾಮಾ॑ನಿ ಸ॒ಪ್ತ ಚ॑ ॥ ಶ॒ತಂ-ವೋಁ॑ ಅಬ॒-ನ್ಧಾಮಾ॑ನಿ ಸ॒ಹಸ್ರ॑ಮು॒ತ ವೋ॒ ರುಹಃ॑ । ಅಥಾ॑ ಶತಕ್ರತ್ವೋ ಯೂ॒ಯಮಿ॒ಮ-ಮ್ಮೇ॑ ಅಗ॒ದ-ಙ್ಕೃ॑ತ ॥ ಪುಷ್ಪಾ॑ವತೀಃ ಪ್ರ॒ಸೂವ॑ತೀಃ ಫ॒ಲಿನೀ॑ರಫ॒ಲಾ ಉ॒ತ । ಅಶ್ವಾ॑ ಇವ ಸ॒ಜಿತ್ವ॑ರೀ-ರ್ವೀ॒ರುಧಃ॑ ಪಾರಯಿ॒ಷ್ಣವಃ॑ ॥ ಓಷ॑ಧೀ॒ರಿತಿ॑ ಮಾತರ॒-ಸ್ತದ್ವೋ॑ ದೇವೀ॒-ರುಪ॑ ಬ್ರುವೇ । ರಪಾಗ್ಂ॑ಸಿ ವಿಘ್ನ॒ತೀರಿ॑ತ॒ ರಪ॑- [ವಿಘ್ನ॒ತೀರಿ॑ತ॒ ರಪಃ॑, ಚಾ॒ತಯ॑ಮಾನಾಃ ।] 24
-ಶ್ಚಾ॒ತಯ॑ಮಾನಾಃ ॥ ಅ॒ಶ್ವ॒ತ್ಥೇ ವೋ॑ ನಿ॒ಷದ॑ನ-ಮ್ಪ॒ರ್ಣೇ ವೋ॑ ವಸ॒ತಿಃ ಕೃ॒ತಾ । ಗೋ॒ಭಾಜ॒ ಇ-ತ್ಕಿಲಾ॑ಸಥ॒ ಯ-ಥ್ಸ॒ನವ॑ಥ॒ ಪೂರು॑ಷಮ್ ॥ ಯದ॒ಹಂ-ವಾಁ॒ಜಯ॑-ನ್ನಿ॒ಮಾ ಓಷ॑ಧೀ॒ರ್॒ಹಸ್ತ॑ ಆದ॒ಧೇ । ಆ॒ತ್ಮಾ ಯಖ್ಷ್ಮ॑ಸ್ಯ ನಶ್ಯತಿ ಪು॒ರಾ ಜೀ॑ವ॒ಗೃಭೋ॑ ಯಥಾ ॥ ಯದೋಷ॑ಧಯ-ಸ್ಸ॒ಙ್ಗಚ್ಛ॑ನ್ತೇ॒ ರಾಜಾ॑ನ॒-ಸ್ಸಮಿ॑ತಾ ವಿವ । ವಿಪ್ರ॒-ಸ್ಸ ಉ॑ಚ್ಯತೇ ಭಿ॒ಷಗ್ರ॑ಖ್ಷೋ॒ಹಾ ಽಮೀ॑ವ॒ ಚಾತ॑ನಃ ॥ ನಿಷ್ಕೃ॑ತಿ॒-ರ್ನಾಮ॑ವೋ ಮಾ॒ತಾ-ಽಥಾ॑ ಯೂ॒ಯಗ್ಗ್ಸ್ಥ॒ ಸಙ್ಕೃ॑ತೀಃ । ಸ॒ರಾಃ ಪ॑ತ॒ತ್ರಿಣೀ᳚- [ಸ॒ರಾಃ ಪ॑ತ॒ತ್ರಿಣೀಃ᳚, ಸ್ಥ॒ನ॒ ಯದಾ॒ ಮಯ॑ತಿ॒] 25
-ಸ್ಥನ॒ ಯದಾ॒ ಮಯ॑ತಿ॒ ನಿಷ್ಕೃ॑ತ ॥ ಅ॒ನ್ಯಾ ವೋ॑ ಅ॒ನ್ಯಾಮ॑ವ-ತ್ವ॒ನ್ಯಾ-ಽನ್ಯಸ್ಯಾ॒ ಉಪಾ॑ವತ । ತಾ-ಸ್ಸರ್ವಾ॒ ಓಷ॑ಧಯ-ಸ್ಸಂವಿಁದಾ॒ನಾ ಇ॒ದ-ಮ್ಮೇ॒ ಪ್ರಾವ॑ತಾ॒ ವಚಃ॑ ॥ ಉಚ್ಛುಷ್ಮಾ॒ ಓಷ॑ಧೀನಾ॒-ಙ್ಗಾವೋ॑ ಗೋ॒ಷ್ಠಾ ದಿ॑ವೇರತೇ । ಧನಗ್ಂ॑ ಸನಿ॒ಷ್ಯನ್ತೀ॑ ನಾಮಾ॒ತ್ಮಾನ॒-ನ್ತವ॑ ಪೂರುಷ ॥ ಅತಿ॒ ವಿಶ್ವಾಃ᳚ ಪರಿ॒ಷ್ಠಾಸ್ತೇ॒ನ ಇ॑ವ ವ್ರ॒ಜಮ॑ಕ್ರಮುಃ । ಓಷ॑ಧಯಃ॒ ಪ್ರಾಚು॑ಚ್ಯವು॒ ರ್ಯ-ತ್ಕಿ-ಞ್ಚ॑ ತ॒ನುವಾ॒ಗ್ಂ॒ ರಪಃ॑ ॥ ಯಾ- [ಯಾಃ, ತ॒ ಆ॒ತ॒ಸ್ಥು-ರಾ॒ತ್ಮಾನಂ॒-ಯಾಁ] 26
-ಸ್ತ॑ ಆತ॒ಸ್ಥು-ರಾ॒ತ್ಮಾನಂ॒-ಯಾಁ ಆ॑ವಿವಿ॒ಶುಃ ಪರುಃ॑ ಪರುಃ । ತಾಸ್ತೇ॒ ಯಖ್ಷ್ಮಂ॒-ವಿಁಬಾ॑ಧನ್ತಾ ಮು॒ಗ್ರೋ ಮ॑ದ್ಧ್ಯಮ॒ಶೀರಿ॑ವ ॥ ಸಾ॒ಕಂ-ಯಁ॑ಖ್ಷ್ಮ॒ ಪ್ರ ಪ॑ತ ಶ್ಯೇ॒ನೇನ॑ ಕಿಕಿದೀ॒ವಿನಾ᳚ । ಸಾ॒ಕಂ-ವಾಁತ॑ಸ್ಯ॒-ಧ್ರಾಜ್ಯಾ॑ ಸಾ॒ಕ-ನ್ನ॑ಶ್ಯ ನಿ॒ಹಾಕ॑ಯಾ ॥ ಅ॒ಶ್ವಾ॒ವ॒ತೀಗ್ಂ ಸೋ॑ಮವ॒ತೀ ಮೂ॒ರ್ಜಯ॑ನ್ತೀ॒ ಮುದೋ॑ಜಸಮ್ । ಆ ವಿ॑ಥ್ಸಿ॒ ಸರ್ವಾ॒ ಓಷ॑ಧೀರ॒ಸ್ಮಾ ಅ॑ರಿ॒ಷ್ಟತಾ॑ತಯೇ ॥ ಯಾಃ ಫ॒ಲಿನೀ॒ರ್ಯಾ ಅ॑ಫ॒ಲಾ ಅ॑ಪು॒ಷ್ಪಾ ಯಾಶ್ಚ॑ ಪು॒ಷ್ಪಿಣೀಃ᳚ । ಬೃಹ॒ಸ್ಪತಿ॑ ಪ್ರಸೂತಾ॒ ಸ್ತಾನೋ॑ ಮುಞ್ಚ॒ನ್ತ್ವಗ್ಂ ಹ॑ಸಃ ॥ ಯಾ [ಯಾಃ, ಓಷ॑ಧಯ॒-ಸ್ಸೋಮ॑ರಾಜ್ಞೀಃ॒] 27
ಓಷ॑ಧಯ॒-ಸ್ಸೋಮ॑ರಾಜ್ಞೀಃ॒ ಪ್ರವಿ॑ಷ್ಟಾಃ ಪೃಥಿ॒ವೀಮನು॑ । ತಾಸಾ॒-ನ್ತ್ವಮ॑ಸ್ಯುತ್ತ॒ಮಾ ಪ್ರಣೋ॑ ಜೀ॒ವಾತ॑ವೇ-ಸುವ ॥ ಅ॒ವ॒ಪತ॑ನ್ತೀರವದ-ನ್ದಿ॒ವ ಓಷ॑ದಯಃ॒ ಪರಿ॑ । ಯ-ಞ್ಜೀ॒ವ ಮ॒ಶ್ಞವಾ॑ ಮಹೈ॒ ನ ಸ ರಿ॑ಷ್ಯಾತಿ॒ ಪೂರು॑ಷಃ ॥ ಯಾಶ್ಚೇ॒ದ ಮು॑ಪ-ಶೃ॒ಣ್ವನ್ತಿ॒ ಯಾಶ್ಚ॑ ದೂ॒ರ-ಮ್ಪರಾ॑ಗತಾಃ । ಇ॒ಹ ಸ॒ಙ್ಗತ್ಯ॒ ತಾ-ಸ್ಸರ್ವಾ॑ ಅ॒ಸ್ಮೈ ಸ-ನ್ದ॑ತ್ತ ಭೇಷ॒ಜಮ್ ॥ ಮಾ ವೋ॑ ರಿಷ-ತ್ಖನಿ॒ತಾ ಯಸ್ಮೈ॑ ಚಾ॒ಹ-ಙ್ಖನಾ॑ಮಿ ವಃ । ದ್ವಿ॒ಪ-ಚ್ಚತು॑ಷ್ಪ-ದ॒ಸ್ಮಾಕ॒ಗ್ಂ॒ ಸರ್ವ॑-ಮ॒ಸ್ತ್ವನಾ॑ತುರಮ್ ॥ ಓಷ॑ಧಯ॒-ಸ್ಸಂ-ವಁ॑ದನ್ತೇ॒ ಸೋಮೇ॑ನ ಸ॒ಹ ರಾಜ್ಞಾ᳚ । ಯಸ್ಮೈ॑ ಕ॒ರೋತಿ॑ ಬ್ರಾಹ್ಮ॒ಣಸ್ತಗ್ಂ ರಾ॑ಜ-ನ್ಪಾರಯಾಮಸಿ ॥ 28 ॥
(ರಪಃ॑ – ಪತ॒ತ್ರಿಣೀ॒- ರ್ಯಾ – ಅಗ್ಂಹ॑ಸೋ॒ ಯಾಃ – ಖನಾ॑ಮಿ ವೋ॒ – ಽಷ್ಟಾದ॑ಶ ಚ) (ಅ. 6)
ಮಾ ನೋ॑ ಹಿಗ್ಂಸೀಜ್ಜನಿ॒ತಾ ಯಃ ಪೃ॑ಥಿ॒ವ್ಯಾ ಯೋ ವಾ॒ ದಿವಗ್ಂ॑ ಸ॒ತ್ಯಧ॑ರ್ಮಾ ಜ॒ಜಾನ॑ । ಯಶ್ಚಾ॒ಪಶ್ಚ॒ನ್ದ್ರಾ ಬೃ॑ಹ॒ತೀರ್ಜ॒ಜಾನ॒ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ಅ॒ಭ್ಯಾವ॑ರ್ತಸ್ವ ಪೃಥಿವಿ ಯ॒ಜ್ಞೇನ॒ ಪಯ॑ಸಾ ಸ॒ಹ । ವ॒ಪಾ-ನ್ತೇ॑ ಅ॒ಗ್ನಿರಿ॑ಷಿ॒ತೋ-ಽವ॑ ಸರ್ಪತು ॥ ಅಗ್ನೇ॒ ಯ-ತ್ತೇ॑ ಶು॒ಕ್ರಂ-ಯಁಚ್ಚ॒ನ್ದ್ರಂ-ಯಁ-ತ್ಪೂ॒ತಂ-ಯಁ-ದ್ಯ॒ಜ್ಞಿಯ᳚ಮ್ । ತ-ದ್ದೇ॒ವೇಭ್ಯೋ॑ ಭರಾಮಸಿ ॥ ಇಷ॒ಮೂರ್ಜ॑ಮ॒ಹಮಿ॒ತ ಆ [ಆ, ದ॒ದ॒ ಋ॒ತಸ್ಯ॒ ಧಾಮ್ನೋ॑] 29
ದ॑ದ ಋ॒ತಸ್ಯ॒ ಧಾಮ್ನೋ॑ ಅ॒ಮೃತ॑ಸ್ಯ॒ ಯೋನೇಃ᳚ । ಆ ನೋ॒ ಗೋಷು॑ ವಿಶ॒ತ್ವೌಷ॑ಧೀಷು॒ ಜಹಾ॑ಮಿ ಸೇ॒ದಿಮನಿ॑ರಾ॒ಮಮೀ॑ವಾಮ್ ॥ ಅಗ್ನೇ॒ ತವ॒ ಶ್ರವೋ॒ ವಯೋ॒ ಮಹಿ॑ ಭ್ರಾಜನ್ತ್ಯ॒ರ್ಚಯೋ॑ ವಿಭಾವಸೋ । ಬೃಹ॑-ದ್ಭಾನೋ॒ ಶವ॑ಸಾ॒ ವಾಜ॑ಮು॒ಕ್ಥ್ಯ॑-ನ್ದಧಾ॑ಸಿ ದಾ॒ಶುಷೇ॑ ಕವೇ ॥ ಇ॒ರ॒ಜ್ಯನ್ನ॑ಗ್ನೇ ಪ್ರಥಯಸ್ವ ಜ॒ನ್ತುಭಿ॑ರ॒ಸ್ಮೇ ರಾಯೋ॑ ಅಮರ್ತ್ಯ । ಸ ದ॑ರ್ಶ॒ತಸ್ಯ॒ ವಪು॑ಷೋ॒ ವಿ ರಾ॑ಜಸಿ ಪೃ॒ಣಖ್ಷಿ॑ ಸಾನ॒ಸಿಗ್ಂ ರ॒ಯಿಮ್ ॥ ಊರ್ಜೋ॑ ನಪಾ॒ಜ್ಜಾತ॑ವೇದ-ಸ್ಸುಶ॒ಸ್ತಿಭಿ॒-ರ್ಮನ್ದ॑ಸ್ವ [ ] 30
ಧೀ॒ತಿಭಿ॑ರ್ಹಿ॒ತಃ । ತ್ವೇ ಇಷ॒-ಸ್ಸ-ನ್ದ॑ಧು॒-ರ್ಭೂರಿ॑ರೇತಸ-ಶ್ಚಿ॒ತ್ರೋ ತ॑ಯೋ ವಾ॒ಮಜಾ॑ತಾಃ ॥ ಪಾ॒ವ॒ಕವ॑ರ್ಚಾ-ಶ್ಶು॒ಕ್ರವ॑ರ್ಚಾ॒ ಅನೂ॑ನವರ್ಚಾ॒ ಉದಿ॑ಯರ್ಷಿ ಭಾ॒ನುನಾ᳚ । ಪು॒ತ್ರಃ ಪಿ॒ತರಾ॑ ವಿ॒ಚರ॒ನ್ನುಪಾ॑ವಸ್ಯು॒ಭೇ ಪೃ॑ಣಖ್ಷಿ॒ ರೋದ॑ಸೀ ॥ ಋ॒ತಾವಾ॑ನ-ಮ್ಮಹಿ॒ಷಂ-ವಿಁ॒ಶ್ವಚ॑ರ್ಷಣಿಮ॒ಗ್ನಿಗ್ಂ ಸು॒ಮ್ನಾಯ॑ ದಧಿರೇ ಪು॒ರೋ ಜನಾಃ᳚ । ಶ್ರುತ್ಕ॑ರ್ಣಗ್ಂ ಸ॒ಪ್ರಥ॑ಸ್ತಮ-ನ್ತ್ವಾ ಗಿ॒ರಾ ದೈವ್ಯ॒-ಮ್ಮಾನು॑ಷಾ ಯು॒ಗಾ ॥ ನಿ॒ಷ್ಕ॒ರ್ತಾರ॑-ಮದ್ಧ್ವ॒ರಸ್ಯ॒ ಪ್ರಚೇ॑ತಸ॒-ಙ್ಖ್ಷಯ॑ನ್ತ॒ಗ್ಂ॒ ರಾಧ॑ಸೇ ಮ॒ಹೇ । ರಾ॒ತಿ-ಮ್ಭೃಗೂ॑ಣಾಮು॒ಶಿಜ॑-ಙ್ಕ॒ವಿಕ್ರ॑ತು-ಮ್ಪೃ॒ಣಖ್ಷಿ॑ ಸಾನ॒ಸಿಗ್ಂ – [ಸಾನ॒ಸಿಮ್, ರ॒ಯಿಮ್ ।] 31
ರ॒ಯಿಮ್ ॥ ಚಿತ॑-ಸ್ಸ್ಥ ಪರಿ॒ಚಿತ॑ ಊರ್ಧ್ವ॒ಚಿತ॑-ಶ್ಶ್ರಯದ್ಧ್ವ॒-ನ್ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ-ಸ್ಸೀ॑ದತ ॥ ಆ ಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತ॑-ಸ್ಸೋಮ॒ ವೃಷ್ಣಿ॑ಯಮ್ । ಭವಾ॒ ವಾಜ॑ಸ್ಯ ಸಙ್ಗ॒ಥೇ ॥ ಸ-ನ್ತೇ॒ ಪಯಾಗ್ಂ॑ಸಿ॒ ಸಮು॑ ಯನ್ತು॒ ವಾಜಾ॒-ಸ್ಸಂ-ವೃಁಷ್ಣಿ॑ಯಾ-ನ್ಯಭಿಮಾತಿ॒ಷಾಹಃ॑ । ಆ॒ಪ್ಯಾಯ॑ಮಾನೋ ಅ॒ಮೃತಾ॑ಯ ಸೋಮ ದಿ॒ವಿ ಶ್ರವಾಗ್॑ಸ್ಯುತ್ತ॒ಮಾನಿ॑ ಧಿಷ್ವ ॥ 32 ॥
(ಆ – ಮನ್ದ॑ಸ್ವ – ಸಾನ॒ಸಿ – ಮೇಕಾ॒ನ್ನಚ॑ತ್ವಾರಿ॒ಗ್ಂ॒ಶಚ್ಚ॑) (ಅ. 7)
ಅ॒ಭ್ಯ॑ಸ್ಥಾ॒-ದ್ವಿಶ್ವಾಃ॒ ಪೃತ॑ನಾ॒ ಅರಾ॑ತೀ॒ಸ್ತದ॒ಗ್ನಿರಾ॑ಹ॒ ತದು॒ ಸೋಮ॑ ಆಹ । ಬೃಹ॒ಸ್ಪತಿ॑-ಸ್ಸವಿ॒ತಾ ತನ್ಮ॑ ಆಹ ಪೂ॒ಷಾ ಮಾ॑-ಽಧಾ-ಥ್ಸುಕೃ॒ತಸ್ಯ॑ ಲೋ॒ಕೇ ॥ ಯದಕ್ರ॑ನ್ದಃ ಪ್ರಥ॒ಮ-ಞ್ಜಾಯ॑ಮಾನ ಉ॒ದ್ಯನ್-ಥ್ಸ॑ಮು॒ದ್ರಾದು॒ತ ವಾ॒ ಪುರೀ॑ಷಾತ್ । ಶ್ಯೇ॒ನಸ್ಯ॑ ಪ॒ಖ್ಷಾ ಹ॑ರಿ॒ಣಸ್ಯ॑ ಬಾ॒ಹೂ ಉಪ॑ಸ್ತುತ॒-ಞ್ಜನಿ॑ಮ॒ ತ-ತ್ತೇ॑ ಅರ್ವನ್ನ್ ॥ ಅ॒ಪಾ-ಮ್ಪೃ॒ಷ್ಠಮ॑ಸಿ॒ ಯೋನಿ॑ರ॒ಗ್ನೇ-ಸ್ಸ॑ಮು॒ದ್ರಮ॒ಭಿತಃ॒ ಪಿನ್ವ॑ಮಾನಮ್ । ವರ್ಧ॑ಮಾನ-ಮ್ಮ॒ಹ [ವರ್ಧ॑ಮಾನ-ಮ್ಮ॒ಹಃ, ಆ ಚ॒ ಪುಷ್ಕ॑ರ-ನ್ದಿ॒ವೋ] 33
ಆ ಚ॒ ಪುಷ್ಕ॑ರ-ನ್ದಿ॒ವೋ ಮಾತ್ರ॑ಯಾ ವರಿ॒ಣಾ ಪ್ರ॑ಥಸ್ವ ॥ ಬ್ರಹ್ಮ॑ ಜಜ್ಞಾ॒ನ-ಮ್ಪ್ರ॑ಥ॒ಮ-ಮ್ಪು॒ರಸ್ತಾ॒ದ್ವಿ ಸೀ॑ಮ॒ತ-ಸ್ಸು॒ರುಚೋ॑ ವೇ॒ನ ಆ॑ವಃ । ಸ ಬು॒ದ್ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾ-ಸ್ಸ॒ತಶ್ಚ॒ ಯೋನಿ॒ಮಸ॑ತಶ್ಚ॒ ವಿವಃ॑ ॥ ಹಿ॒ರ॒ಣ್ಯ॒ಗ॒ರ್ಭ-ಸ್ಸಮ॑ವರ್ತ॒ತಾಗ್ರೇ॑ ಭೂ॒ತಸ್ಯ॑ ಜಾ॒ತಃ ಪತಿ॒ರೇಕ॑ ಆಸೀತ್ । ಸ ದಾ॑ಧಾರ ಪೃಥಿ॒ವೀ-ನ್ದ್ಯಾಮು॒ತೇಮಾ-ಙ್ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ದ್ರ॒ಫ್ಸಶ್ಚ॑ಸ್ಕನ್ದ ಪೃಥಿ॒ವೀಮನು॒- [ಪೃಥಿ॒ವೀಮನು॑, ದ್ಯಾಮಿ॒ಮ-ಞ್ಚ॒] 34
-ದ್ಯಾಮಿ॒ಮ-ಞ್ಚ॒ ಯೋನಿ॒ಮನು॒ ಯಶ್ಚ॒ ಪೂರ್ವಃ॑ । ತೃ॒ತೀಯಂ॒-ಯೋಁನಿ॒ಮನು॑ ಸ॒ಞ್ಚರ॑ನ್ತ-ನ್ದ್ರ॒ಫ್ಸ-ಞ್ಜು॑ಹೋ॒ಮ್ಯನು॑ ಸ॒ಪ್ತ ಹೋತ್ರಾಃ᳚ ॥ ನಮೋ॑ ಅಸ್ತು ಸ॒ರ್ಪೇಭ್ಯೋ॒ ಯೇ ಕೇ ಚ॑ ಪೃಥಿ॒ವೀಮನು॑ । ಯೇ ಅ॒ನ್ತರಿ॑ಖ್ಷೇ॒ ಯೇ ದಿ॒ವಿ ತೇಭ್ಯ॑-ಸ್ಸ॒ರ್ಪೇಭ್ಯೋ॒ ನಮಃ॑ ॥ ಯೇ॑-ಽದೋ ರೋ॑ಚ॒ನೇ ದಿ॒ವೋ ಯೇ ವಾ॒ ಸೂರ್ಯ॑ಸ್ಯ ರ॒ಶ್ಮಿಷು॑ । ಯೇಷಾ॑ಮ॒ಫ್ಸು ಸದಃ॑ ಕೃ॒ತ-ನ್ತೇಭ್ಯ॑-ಸ್ಸ॒ರ್ಪೇಭ್ಯೋ॒ ನಮಃ॑ ॥ ಯಾ ಇಷ॑ವೋ ಯಾತು॒ ಧಾನಾ॑ನಾಂ॒ ಯೇಁ॑ ವಾ॒ ವನ॒ಸ್ಪತೀ॒ಗ್ಂ॒ರನು॑ । ಯೇ ವಾ॑-ಽವ॒ಟೇಷು॒ ಶೇರ॑ತೇ॒ ತೇಭ್ಯ॑-ಸ್ಸ॒ರ್ಪೇಭ್ಯೋ॒ ನಮಃ॑ ॥ 35 ॥
(ಮ॒ಹೋ – ಽನು॑ – ಯಾತು॒ಧಾನಾ॑ನಾ॒ – ಮೇಕಾ॑ದಶ ಚ) (ಅ. 8)
ಧ್ರು॒ವಾ-ಽಸಿ॑ ಧ॒ರುಣಾ-ಽಸ್ತೃ॑ತಾ ವಿ॒ಶ್ವಕ॑ರ್ಮಣಾ॒ ಸುಕೃ॑ತಾ । ಮಾ ತ್ವಾ॑ ಸಮು॒ದ್ರ ಉದ್ವ॑ಧೀ॒ನ್ಮಾ ಸು॑ಪ॒ರ್ಣೋ ವ್ಯ॑ಥಮಾನಾ ಪೃಥಿ॒ವೀ-ನ್ದೃಗ್ಂ॑ಹ ॥ ಪ್ರ॒ಜಾಪ॑ತಿಸ್ತ್ವಾ ಸಾದಯತು ಪೃಥಿ॒ವ್ಯಾಃ ಪೃ॒ಷ್ಠೇ ವ್ಯಚ॑ಸ್ವತೀ॒-ಮ್ಪ್ರಥ॑ಸ್ವತೀ॒-ಮ್ಪ್ರಥೋ॑-ಽಸಿ ಪೃಥಿ॒ವ್ಯ॑ಸಿ॒ ಭೂರ॑ಸಿ॒ ಭೂಮಿ॑ರ॒ಸ್ಯದಿ॑ತಿರಸಿ ವಿ॒ಶ್ವಧಾ॑ಯಾ॒ ವಿಶ್ವ॑ಸ್ಯ॒ ಭುವ॑ನಸ್ಯ ಧ॒ರ್ತ್ರೀ ಪೃ॑ಥಿ॒ವೀಂ-ಯಁ॑ಚ್ಛ ಪೃಥಿ॒ವೀ-ನ್ದೃಗ್ಂ॑ಹ ಪೃಥಿ॒ವೀ-ಮ್ಮಾ ಹಿಗ್ಂ॑ಸೀ॒ರ್ವಿಶ್ವ॑ಸ್ಮೈ ಪ್ರಾ॒ಣಾಯಾ॑ಪಾ॒ನಾಯ॑ ವ್ಯಾ॒ನಾಯೋ॑ದಾ॒ನಾಯ॑ ಪ್ರತಿ॒ಷ್ಠಾಯೈ॑ [ಪ್ರತಿ॒ಷ್ಠಾಯೈ᳚, ಚ॒ರಿತ್ರಾ॑ಯಾ॒-] 36
ಚ॒ರಿತ್ರಾ॑ಯಾ॒-ಽಗ್ನಿಸ್ತ್ವಾ॒-ಽಭಿ ಪಾ॑ತು ಮ॒ಹ್ಯಾ ಸ್ವ॒ಸ್ತ್ಯಾ ಛ॒ರ್ದಿಷಾ॒ ಶನ್ತ॑ಮೇನ॒ ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ ಕಾಣ್ಡಾ᳚-ತ್ಕಾಣ್ಡಾ-ತ್ಪ್ರ॒ರೋಹ॑ನ್ತೀ॒ ಪರು॑ಷಃಪರುಷಃ॒ ಪರಿ॑ । ಏ॒ವಾ ನೋ॑ ದೂರ್ವೇ॒ ಪ್ರ ತ॑ನು ಸ॒ಹಸ್ರೇ॑ಣ ಶ॒ತೇನ॑ ಚ ॥ ಯಾ ಶ॒ತೇನ॑ ಪ್ರತ॒ನೋಷಿ॑ ಸ॒ಹಸ್ರೇ॑ಣ ವಿ॒ರೋಹ॑ಸಿ । ತಸ್ಯಾ᳚ಸ್ತೇ ದೇವೀಷ್ಟಕೇ ವಿ॒ಧೇಮ॑ ಹ॒ವಿಷಾ॑ ವ॒ಯಮ್ ॥ ಅಷಾ॑ಢಾ-ಽಸಿ॒ ಸಹ॑ಮಾನಾ॒ ಸಹ॒ಸ್ವಾರಾ॑ತೀ॒-ಸ್ಸಹ॑ಸ್ವಾರಾತೀಯ॒ತ-ಸ್ಸಹ॑ಸ್ವ॒ ಪೃತ॑ನಾ॒-ಸ್ಸಹ॑ಸ್ವ ಪೃತನ್ಯ॒ತಃ । ಸ॒ಹಸ್ರ॑ವೀರ್ಯಾ- [ಸ॒ಹಸ್ರ॑ವೀರ್ಯಾ, ಅ॒ಸಿ॒ ಸಾ ಮಾ॑ ಜಿನ್ವ ।] 37
-ಽಸಿ॒ ಸಾ ಮಾ॑ ಜಿನ್ವ ॥ ಮಧು॒ ವಾತಾ॑ ಋತಾಯ॒ತೇ ಮಧು॑ ಖ್ಷರನ್ತಿ॒ ಸಿನ್ಧ॑ವಃ । ಮಾದ್ಧ್ವೀ᳚ರ್ನ-ಸ್ಸ॒ನ್ತ್ವೋಷ॑ಧೀಃ ॥ ಮಧು॒ ನಕ್ತ॑ಮು॒ತೋಷಸಿ॒ ಮಧು॑ಮ॒-ತ್ಪಾರ್ಥಿ॑ವ॒ಗ್ಂ॒ ರಜಃ॑ । ಮಧು॒ ದ್ಯೌರ॑ಸ್ತು ನಃ ಪಿ॒ತಾ ॥ ಮಧು॑ಮಾ-ನ್ನೋ॒ ವನ॒ಸ್ಪತಿ॒-ರ್ಮಧು॑ಮಾಗ್ಂ ಅಸ್ತು॒ ಸೂರ್ಯಃ॑ । ಮಾದ್ಧ್ವೀ॒ರ್ಗಾವೋ॑ ಭವನ್ತು ನಃ ॥ ಮ॒ಹೀ ದ್ಯೌಃ ಪೃ॑ಥಿ॒ವೀ ಚ॑ ನ ಇ॒ಮಂ-ಯಁ॒ಜ್ಞ-ಮ್ಮಿ॑ಮಿಖ್ಷತಾಮ್ । ಪಿ॒ಪೃ॒ತಾ-ನ್ನೋ॒ ಭರೀ॑ಮಭಿಃ ॥ ತ-ದ್ವಿಷ್ಣೋಃ᳚ ಪರ॒ಮ- [ಪರ॒ಮಮ್, ಪ॒ದಗ್ಂ ಸದಾ॑ ಪಶ್ಯನ್ತಿ] 38
-ಮ್ಪ॒ದಗ್ಂ ಸದಾ॑ ಪಶ್ಯನ್ತಿ ಸೂ॒ರಯಃ॑ । ದಿ॒ವೀವ॒ ಚಖ್ಷು॒ರಾತ॑ತಮ್ ॥ ಧ್ರು॒ವಾ-ಽಸಿ॑ ಪೃಥಿವಿ॒ ಸಹ॑ಸ್ವ ಪೃತನ್ಯ॒ತಃ । ಸ್ಯೂ॒ತಾ ದೇ॒ವೇಭಿ॑ರ॒ಮೃತೇ॒ನಾ ಽಽಗಾಃ᳚ ॥ ಯಾಸ್ತೇ॑ ಅಗ್ನೇ॒ ಸೂರ್ಯೇ॒ ರುಚ॑ ಉದ್ಯ॒ತೋ ದಿವ॑ಮಾತ॒ನ್ವನ್ತಿ॑ ರ॒ಶ್ಮಿಭಿಃ॑ । ತಾಭಿ॒-ಸ್ಸರ್ವಾ॑ಭೀ ರು॒ಚೇ ಜನಾ॑ಯ ನಸ್ಕೃಧಿ ॥ ಯಾ ವೋ॑ ದೇವಾ॒-ಸ್ಸೂರ್ಯೇ॒ ರುಚೋ॒ ಗೋಷ್ವಶ್ವೇ॑ಷು॒ ಯಾ ರುಚಃ॑ । ಇನ್ದ್ರಾ᳚ಗ್ನೀ॒ ತಾಭಿ॒-ಸ್ಸರ್ವಾ॑ಭೀ॒ ರುಚ॑-ನ್ನೋ ಧತ್ತ ಬೃಹಸ್ಪತೇ ॥ ವಿ॒ರಾ- [ವಿ॒ರಾಟ್, ಜ್ಯೋತಿ॑ರಧಾರಯ-] 39
-ಡ್ಜ್ಯೋತಿ॑ರಧಾರಯ-ಥ್ಸ॒ಮ್ರಾ-ಡ್ಜ್ಯೋತಿ॑ರಧಾರಯ-ಥ್ಸ್ವ॒ರಾ-ಡ್ಜ್ಯೋತಿ॑ರಧಾರಯತ್ ॥ ಅಗ್ನೇ॑ ಯು॒ಖ್ಷ್ವಾ ಹಿ ಯೇ ತವಾಶ್ವಾ॑ಸೋ ದೇವ ಸಾ॒ಧವಃ॑ । ಅರಂ॒-ವಁಹ॑ನ್ತ್ಯಾ॒ಶವಃ॑ ॥ ಯು॒ಖ್ಷ್ವಾ ಹಿ ದೇ॑ವ॒ಹೂತ॑ಮಾ॒ಗ್ಂ॒ ಅಶ್ವಾಗ್ಂ॑ ಅಗ್ನೇ ರ॒ಥೀರಿ॑ವ । ನಿ ಹೋತಾ॑ ಪೂ॒ರ್ವ್ಯ-ಸ್ಸ॑ದಃ ॥ ದ್ರ॒ಫ್ಸಶ್ಚ॑ಸ್ಕನ್ದ ಪೃಥಿ॒ವೀಮನು॒ ದ್ಯಾಮಿ॒ಮ-ಞ್ಚ॒ ಯೋನಿ॒ಮನು॒ ಯಶ್ಚ॒ ಪೂರ್ವಃ॑ । ತೃ॒ತೀಯಂ॒-ಯೋಁನಿ॒ಮನು॑ ಸ॒ಞ್ಚರ॑ನ್ತ-ನ್ದ್ರ॒ಫ್ಸ-ಞ್ಜು॑ಹೋ॒ಮ್ಯನು॑ ಸ॒ಪ್ತ [ ] 40
ಹೋತ್ರಾಃ᳚ ॥ ಅಭೂ॑ದಿ॒ದಂ-ವಿಁಶ್ವ॑ಸ್ಯ॒ ಭುವ॑ನಸ್ಯ॒ ವಾಜಿ॑ನಮ॒ಗ್ನೇ-ರ್ವೈ᳚ಶ್ವಾನ॒ರಸ್ಯ॑ ಚ । ಅ॒ಗ್ನಿರ್ಜ್ಯೋತಿ॑ಷಾ॒ ಜ್ಯೋತಿ॑ಷ್ಮಾ-ನ್ರು॒ಕ್ಮೋ ವರ್ಚ॑ಸಾ॒ ವರ್ಚ॑ಸ್ವಾನ್ ॥ ಋ॒ಚೇ ತ್ವಾ॑ ರು॒ಚೇ ತ್ವಾ॒ ಸಮಿ-ಥ್ಸ್ರ॑ವನ್ತಿ ಸ॒ರಿತೋ॒ ನ ಧೇನಾಃ᳚ । ಅ॒ನ್ತರ್ಹೃ॒ದಾ ಮನ॑ಸಾ ಪೂ॒ಯಮಾ॑ನಾಃ ॥ ಘೃ॒ತಸ್ಯ॒ ಧಾರಾ॑ ಅ॒ಭಿ ಚಾ॑ಕಶೀಮಿ । ಹಿ॒ರ॒ಣ್ಯಯೋ॑ ವೇತ॒ಸೋ ಮದ್ಧ್ಯ॑ ಆಸಾಮ್ ॥ ತಸ್ಮಿನ್᳚ಥ್ಸುಪ॒ರ್ಣೋ ಮ॑ಧು॒ಕೃ-ತ್ಕು॑ಲಾ॒ಯೀ ಭಜ॑ನ್ನಾಸ್ತೇ॒ ಮಧು॑ ದೇ॒ವತಾ᳚ಭ್ಯಃ । ತಸ್ಯಾ॑ ಸ ತೇ॒ ಹರ॑ಯ-ಸ್ಸ॒ಪ್ತ ತೀರೇ᳚ ಸ್ವ॒ಧಾ-ನ್ದುಹಾ॑ನಾ ಅ॒ಮೃತ॑ಸ್ಯ॒ ಧಾರಾ᳚ಮ್ ॥ 41 ॥
(ಪ್ರ॒ತಿ॒ಷ್ಠಾಯೈ॑ – ಸ॒ಹಸ್ರ॑ವೀರ್ಯಾ – ಪರ॒ಮಂ – ವಿಁ॒ರಾಟ್ಥ್ – ಸ॒ಪ್ತ – ತೀರೇ॑ – ಚ॒ತ್ವಾರಿ॑ ಚ) (ಅ. 9)
ಆ॒ದಿ॒ತ್ಯ-ಙ್ಗರ್ಭ॒-ಮ್ಪಯ॑ಸಾ ಸಮ॒ಞ್ಜನ್-ಥ್ಸ॒ಹಸ್ರ॑ಸ್ಯ ಪ್ರತಿ॒ಮಾಂ-ವಿಁ॒ಶ್ವರೂ॑ಪಮ್ । ಪರಿ॑ ವೃಙ್ಗ್ಧಿ॒ ಹರ॑ಸಾ॒ ಮಾ-ಽಭಿ ಮೃ॑ಖ್ಷ-ಶ್ಶ॒ತಾಯು॑ಷ-ಙ್ಕೃಣುಹಿ ಚೀ॒ಯಮಾ॑ನಃ ॥ ಇ॒ಮ-ಮ್ಮಾ ಹಿಗ್ಂ॑ಸೀರ್ದ್ವಿ॒ಪಾದ॑-ಮ್ಪಶೂ॒ನಾಗ್ಂ ಸಹ॑ಸ್ರಾಖ್ಷ॒ ಮೇಧ॒ ಆ ಚೀ॒ಯಮಾ॑ನಃ । ಮ॒ಯುಮಾ॑ರ॒ಣ್ಯಮನು॑ ತೇ ದಿಶಾಮಿ॒ ತೇನ॑ ಚಿನ್ವಾ॒ನಸ್ತ॒ನುವೋ॒ ನಿ ಷೀ॑ದ ॥ ವಾತ॑ಸ್ಯ॒ ಧ್ರಾಜಿಂ॒-ವಁರು॑ಣಸ್ಯ॒ ನಾಭಿ॒ಮಶ್ವ॑-ಞ್ಜಜ್ಞಾ॒ನಗ್ಂ ಸ॑ರಿ॒ರಸ್ಯ॒ ಮದ್ಧ್ಯೇ᳚ । ಶಿಶು॑-ನ್ನ॒ದೀನಾ॒ಗ್ಂ॒ ಹರಿ॒ಮದ್ರಿ॑ಬುದ್ಧ॒ಮಗ್ನೇ॒ ಮಾ ಹಿಗ್ಂ॑ಸೀಃ [ಮಾ ಹಿಗ್ಂ॑ಸೀಃ, ಪ॒ರ॒ಮೇ ವ್ಯೋ॑ಮನ್ನ್ ।] 42
ಪರ॒ಮೇ ವ್ಯೋ॑ಮನ್ನ್ ॥ ಇ॒ಮ-ಮ್ಮಾ ಹಿಗ್ಂ॑ಸೀ॒ರೇಕ॑ಶಫ-ಮ್ಪಶೂ॒ನಾ-ಙ್ಕ॑ನಿಕ್ರ॒ದಂ-ವಾಁ॒ಜಿನಂ॒-ವಾಁಜಿ॑ನೇಷು । ಗೌ॒ರಮಾ॑ರ॒ಣ್ಯಮನು॑ ತೇ ದಿಶಾಮಿ॒ ತೇನ॑ ಚಿನ್ವಾ॒ನಸ್ತ॒ನುವೋ॒ ನಿ ಷೀ॑ದ ॥ ಅಜ॑ಸ್ರ॒ಮಿನ್ದು॑ಮರು॒ಷ-ಮ್ಭು॑ರ॒ಣ್ಯುಮ॒ಗ್ನಿಮೀ॑ಡೇ ಪೂ॒ರ್ವಚಿ॑ತ್ತೌ॒ ನಮೋ॑ಭಿಃ । ಸ ಪರ್ವ॑ಭಿರ್-ಋತು॒ಶಃ ಕಲ್ಪ॑ಮಾನೋ॒ ಗಾ-ಮ್ಮಾ ಹಿಗ್ಂ॑ಸೀ॒ರದಿ॑ತಿಂ-ವಿಁ॒ರಾಜ᳚ಮ್ ॥ ಇ॒ಮಗ್ಂ ಸ॑ಮು॒ದ್ರಗ್ಂ ಶ॒ತಧಾ॑ರ॒ಮು-ಥ್ಸಂ॑-ವ್ಯಁ॒ಚ್ಯಮಾ॑ನ॒-ಮ್ಭುವ॑ನಸ್ಯ॒ ಮದ್ಧ್ಯೇ᳚ । ಘೃ॒ತ-ನ್ದುಹಾ॑ನಾ॒-ಮದಿ॑ತಿ॒-ಞ್ಜನಾ॒ಯಾಗ್ನೇ॒ ಮಾ [-ಮದಿ॑ತಿ॒-ಞ್ಜನಾ॒ಯಾಗ್ನೇ॒ ಮಾ, ಹಿ॒ಗ್ಂ॒ಸೀಃ॒ ಪ॒ರ॒ಮೇ ವ್ಯೋ॑ಮನ್ನ್ ।] 43
ಹಿಗ್ಂ॑ಸೀಃ ಪರ॒ಮೇ ವ್ಯೋ॑ಮನ್ನ್ । ಗ॒ವ॒ಯಮಾ॑ರ॒ಣ್ಯಮನು॑ ತೇ ದಿಶಾಮಿ॒ ತೇನ॑ ಚಿನ್ವಾ॒ನಸ್ತ॒ನುವೋ॒ ನಿ ಷೀ॑ದ ॥ ವರೂ᳚ತ್ರಿ॒-ನ್ತ್ವಷ್ಟು॒ರ್ವರು॑ಣಸ್ಯ॒ ನಾಭಿ॒ಮವಿ॑-ಞ್ಜಜ್ಞಾ॒ನಾಗ್ಂ ರಜ॑ಸಃ॒ ಪರ॑ಸ್ಮಾತ್ । ಮ॒ಹೀಗ್ಂ ಸಾ॑ಹ॒ಸ್ರೀಮಸು॑ರಸ್ಯ ಮಾ॒ಯಾಮಗ್ನೇ॒ ಮಾ ಹಿಗ್ಂ॑ಸೀಃ ಪರ॒ಮೇ ವ್ಯೋ॑ಮನ್ನ್ ॥ ಇ॒ಮಾಮೂ᳚ರ್ಣಾ॒ಯುಂ-ವಁರು॑ಣಸ್ಯ ಮಾ॒ಯಾ-ನ್ತ್ವಚ॑-ಮ್ಪಶೂ॒ನಾ-ನ್ದ್ವಿ॒ಪದಾ॒-ಞ್ಚತು॑ಷ್ಪದಾಮ್ । ತ್ವಷ್ಟುಃ॑ ಪ್ರ॒ಜಾನಾ᳚-ಮ್ಪ್ರಥ॒ಮ-ಞ್ಜ॒ನಿತ್ರ॒ಮಗ್ನೇ॒ ಮಾ ಹಿಗ್ಂ॑ಸೀಃ ಪರ॒ಮೇ ವ್ಯೋ॑ಮನ್ನ್ । ಉಷ್ಟ್ರ॑ಮಾರ॒ಣ್ಯಮನು॑ [ಉಷ್ಟ್ರ॑ಮಾರ॒ಣ್ಯಮನು॑, ತೇ॒ ದಿ॒ಶಾ॒ಮಿ॒ ತೇನ॑] 44
ತೇ ದಿಶಾಮಿ॒ ತೇನ॑ ಚಿನ್ವಾ॒ನಸ್ತ॒ನುವೋ॒ ನಿ ಷೀ॑ದ ॥ ಯೋ ಅ॒ಗ್ನಿರ॒ಗ್ನೇಸ್ತ-ಪ॒ಸೋ-ಽಧಿ॑ ಜಾ॒ತ-ಶ್ಶೋಚಾ᳚-ತ್ಪೃಥಿ॒ವ್ಯಾ ಉ॒ತ ವಾ॑ ದಿ॒ವಸ್ಪರಿ॑ । ಯೇನ॑ ಪ್ರ॒ಜಾ ವಿ॒ಶ್ವಕ॑ರ್ಮಾ॒ ವ್ಯಾನ॒-ಟ್ತಮ॑ಗ್ನೇ॒ ಹೇಡಃ॒ ಪರಿ॑ ತೇ ವೃಣಕ್ತು ॥ ಅ॒ಜಾ ಹ್ಯ॑ಗ್ನೇರಜ॑ನಿಷ್ಟ॒ ಗರ್ಭಾ॒-ಥ್ಸಾ ವಾ ಅ॑ಪಶ್ಯಜ್ಜನಿ॒ತಾರ॒ಮಗ್ರೇ᳚ । ತಯಾ॒ ರೋಹ॑ಮಾಯ॒ನ್ನುಪ॒ ಮೇದ್ಧ್ಯಾ॑ಸ॒ಸ್ತಯಾ॑ ದೇ॒ವಾ ದೇ॒ವತಾ॒ಮಗ್ರ॑ ಆಯನ್ನ್ । ಶ॒ರ॒ಭ-( )-ಮಾ॑ರ॒ಣ್ಯಮನು॑ ತೇ ದಿಶಾಮಿ॒ ತೇನ॑ ಚಿನ್ವಾ॒ನಸ್ತ॒ನುವೋ॒ ನಿಷೀ॑ದ ॥ 45 ॥
(ಅಗ್ನೇ॒ ಮಾ ಹಿಗ್ಂ॑ಸೀ॒ – ರಗ್ನೇ॒ ಮೋಷ್ಟ್ರ॑ಮಾ – ರ॒ಣ್ಯಮನು॑ – ಶರ॒ಭನ್ – ನವ॑ ಚ) (ಅ. 10)
(ಆ॒ದಿ॒ತ್ಯ ಮಿ॒ಮನ್ದ್ವಿ॒ಪಾದೇ॑ ಮ॒ಯುಂ-ವಾಁತ॒ಸ್ಯಾ ಽಶ್ವ॑ ಮಿ॒ಮ ಮೇಕ॑ಶಫ ಙ್ಗೌ॒ರಮ ಜ॑ಸ್ರಙ್ಗವ॒ಯಂ-ವಁರೂ᳚ತ್ರಿ॒ ಮವಿ॑ ಮಿ॒ಮಾಮೂ᳚ರ್ಣಾ॒ರ್ಯು ಮುಷ್ಟ್ರಂ॒-ಯೋಁ ಅ॒ಗ್ನಿ-ಶ್ಶ॑ರ॒ಭಂ )
ಇನ್ದ್ರಾ᳚ಗ್ನೀ ರೋಚ॒ನಾ ದಿ॒ವಃ ಪರಿ॒ ವಾಜೇ॑ಷು ಭೂಷಥಃ । ತದ್ವಾ᳚-ಞ್ಚೇತಿ॒ ಪ್ರವೀ॒ರ್ಯ᳚ಮ್ ॥ ಶ್ಞಥ॑-ದ್ವೃ॒ತ್ರಮು॒ತ ಸ॑ನೋತಿ॒ ವಾಜ॒ಮಿನ್ದ್ರಾ॒ ಯೋ ಅ॒ಗ್ನೀ ಸಹು॑ರೀ ಸಪ॒ರ್ಯಾತ್ । ಇ॒ರ॒ಜ್ಯನ್ತಾ॑ ವಸ॒ವ್ಯ॑ಸ್ಯ॒ ಭೂರೇ॒-ಸ್ಸಹ॑ಸ್ತಮಾ॒ ಸಹ॑ಸಾ ವಾಜ॒ಯನ್ತಾ᳚ ॥ ಪ್ರ ಚ॑ರ್ಷ॒ಣಿಭ್ಯಃ॑ ಪೃತನಾ॒ ಹವೇ॑ಷು॒ ಪ್ರ ಪೃ॑ಥಿ॒ವ್ಯಾ ರಿ॑ರಿಚಾಥೇ ದಿ॒ವಶ್ಚ॑ । ಪ್ರ ಸಿನ್ಧು॑ಭ್ಯಃ॒ ಪ್ರಗಿ॒ರಿಭ್ಯೋ॑ ಮಹಿ॒ತ್ವಾ ಪ್ರೇನ್ದ್ರಾ᳚ಗ್ನೀ॒ ವಿಶ್ವಾ॒ ಭುವ॒ನಾ-ಽತ್ಯ॒ನ್ಯಾ ॥ ಮರು॑ತೋ॒ ಯಸ್ಯ॒ ಹಿ [ ] 46
ಖ್ಷಯೇ॑ ಪಾ॒ಥಾ ದಿ॒ವೋ ವಿ॑ಮಹಸಃ । ಸ ಸು॑ಗೋ॒ಪಾತ॑ಮೋ॒ ಜನಃ॑ ॥ ಯ॒ಜ್ಞೈರ್ವಾ॑ ಯಜ್ಞವಾಹಸೋ॒ ವಿಪ್ರ॑ಸ್ಯ ವಾ ಮತೀ॒ನಾಮ್ । ಮರು॑ತ-ಶ್ಶೃಣು॒ತಾ ಹವ᳚ಮ್ ॥ ಶ್ರಿ॒ಯಸೇ॒ ಕ-ಮ್ಭಾ॒ನುಭಿ॒-ಸ್ಸ-ಮ್ಮಿ॑ಮಿಖ್ಷಿರೇ॒ ತೇ ರ॒ಶ್ಮಿಭಿ॒ಸ್ತ ಋಕ್ವ॑ಭಿ-ಸ್ಸುಖಾ॒ದಯಃ॑ । ತೇ ವಾಶೀ॑ಮನ್ತ ಇ॒ಷ್ಮಿಣೋ॒ ಅಭೀ॑ರವೋ ವಿ॒ದ್ರೇ ಪ್ರಿ॒ಯಸ್ಯ॒ ಮಾರು॑ತಸ್ಯ॒ ಧಾಮ್ನಃ॑ ॥ ಅವ॑ ತೇ॒ ಹೇಡ॒, ಉದು॑ತ್ತ॒ಮಮ್ ॥ ಕಯಾ॑ ನಶ್ಚಿ॒ತ್ರ ಆ ಭು॑ವದೂ॒ತೀ ಸ॒ದಾ ವೃ॑ಧ॒-ಸ್ಸಖಾ᳚ । ಕಯಾ॒ ಶಚಿ॑ಷ್ಠಯಾ ವೃ॒ತಾ ॥ 47 ॥
ಕೋ ಅ॒ದ್ಯ ಯು॑ಙ್ಕ್ತೇ ಧು॒ರಿ ಗಾ ಋ॒ತಸ್ಯ॒ ಶಿಮೀ॑ವತೋ ಭಾ॒ಮಿನೋ॑ ದುರ್ಹೃಣಾ॒ಯೂನ್ । ಆ॒ಸನ್ನಿ॑ಷೂನ್. ಹೃ॒ಥ್ಸ್ವಸೋ॑ ಮಯೋ॒ಭೂನ್. ಯ ಏ॑ಷಾ-ಮ್ಭೃ॒ತ್ಯಾಮೃ॒ಣಧ॒-ಥ್ಸ ಜೀ॑ವಾತ್ ॥ ಅಗ್ನೇ॒ ನಯಾ, ಽಽದೇ॒ವಾನಾ॒ಗ್ಂ॒ ಶನ್ನೋ॑ ಭವನ್ತು॒, ವಾಜೇ॑ವಾಜೇ। ಅ॒ಫ್ಸ್ವ॑ಗ್ನೇ॒ ಸಧಿ॒ಷ್ಟವ॒ ಸೌಷ॑ಧೀ॒ರನು॑ ರುದ್ಧ್ಯಸೇ । ಗರ್ಭೇ॒ ಸಞ್ಜಾ॑ಯಸೇ॒ ಪುನಃ॑ ॥ ವೃಷಾ॑ ಸೋಮ ದ್ಯು॒ಮಾಗ್ಂ ಅ॑ಸಿ॒ ವೃಷಾ॑ ದೇವ॒ ವೃಷ॑ವ್ರತಃ । ವೃಷಾ॒ ಧರ್ಮಾ॑ಣಿ ದಧಿಷೇ ॥ ಇ॒ಮ-ಮ್ಮೇ॑ ವರುಣ॒ , ತತ್ತ್ವಾ॑ ಯಾಮಿ॒ತ್ವ-ನ್ನೋ॑ ಅಗ್ನೇ॒ಸ ತ್ವ-ನ್ನೋ॑ ಅಗ್ನೇ ॥ 48 ॥
(ಹಿ – ವೃ॒ತಾ – ಮ॒ – ಏಕಾ॑ದಶ ಚ ) (ಅ. 11)
(ವಿಷ್ಣೋಃ॒ ಕ್ರಮೋ॑-ಽಸಿ – ದಿ॒ವಸ್ಪ – ರ್ಯನ್ನ॑ಪ॒ತೇ – ಽಪೇ॑ತ॒ – ಸಮಿ॑ತಂ॒ – ಯಾಁ ಜಾ॒ತಾ – ಮಾ ನೋ॑ ಹಿಗ್ಂಸೀ – ದ॒ಭ್ಯ॑ಸ್ಥಾ-ದ್- ಧ್ರು॒ವಾ – ಽಸ್ಯಾ॑ದಿ॒ತ್ಯಙ್ಗರ್ಭ॒ – ಮಿನ್ದ್ರಾ᳚ಗ್ನೀ ರೋಚ॒ – ನೈಕಾ॑ದಶ )
(ವಿಷ್ಣೋ॑ – ರಸ್ಮಿನ್. ಹ॒ವ್ಯೇ – ತಿ॑ ತ್ವಾ॒-ಽಹಂ – ಧೀ॒ತಿಭಿ॒ – ರ್ಹೋತ್ರಾ॑ – ಅ॒ಷ್ಟಾಚ॑ತ್ವಾರಿಗ್ಂಶತ್)
(ವಿಷ್ಣೋಃ॒ ಕ್ರಮೋ॑-ಽಸಿ॒, ತ್ವನ್ನೋ॑ ಅಗ್ನೇ॒ ಸ ತ್ವನ್ನೋ॑ ಅಗ್ನೇ)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಞ್ಚತುರ್ಥ ಕಾಣ್ಡೇ ದ್ವಿತೀಯಃ ಪ್ರಶ್ನ-ಸ್ಸಮಾಪ್ತಃ ॥