ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಞ್ಚತುರ್ಥಕಾಣ್ಡೇ ತೃತೀಯಃ ಪ್ರಶ್ನಃ – ಚಿತಿವರ್ಣನಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಅ॒ಪಾ-ನ್ತ್ವೇಮ᳚ನ್-ಥ್ಸಾದಯಾಮ್ಯ॒ಪಾ-ನ್ತ್ವೋದ್ಮ᳚ನ್-ಥ್ಸಾದಯಾಮ್ಯ॒ಪಾ-ನ್ತ್ವಾ॒ ಭಸ್ಮ᳚ನ್-ಥ್ಸಾದಯಾಮ್ಯ॒ಪಾ-ನ್ತ್ವಾ॒ ಜ್ಯೋತಿ॑ಷಿ ಸಾದಯಾಮ್ಯ॒ಪಾ-ನ್ತ್ವಾ-ಽಯ॑ನೇ ಸಾದಯಾಮ್ಯರ್ಣ॒ವೇ ಸದ॑ನೇ ಸೀದ ಸಮು॒ದ್ರೇ ಸದ॑ನೇ ಸೀದ ಸಲಿ॒ಲೇ ಸದ॑ನೇ ಸೀದಾ॒ಪಾ-ಙ್ಖ್ಷಯೇ॑ ಸೀದಾ॒ಪಾಗ್ಂ ಸಧಿ॑ಷಿ ಸೀದಾ॒ಪಾ-ನ್ತ್ವಾ॒ ಸದ॑ನೇ ಸಾದಯಾಮ್ಯ॒ಪಾ-ನ್ತ್ವಾ॑ ಸ॒ಧಸ್ಥೇ॑ ಸಾದಯಾಮ್ಯ॒ಪಾ-ನ್ತ್ವಾ॒ ಪುರೀ॑ಷೇ ಸಾದಯಾಮ್ಯ॒ಪಾ-ನ್ತ್ವಾ॒ ಯೋನೌ॑ ಸಾದಯಾಮ್ಯ॒ಪಾ-ನ್ತ್ವಾ॒ ಪಾಥ॑ಸಿ ಸಾದಯಾಮಿ ಗಾಯ॒ತ್ರೀ ಛನ್ದ॑-ಸ್ತ್ರಿ॒ಷ್ಟು-ಪ್ಛನ್ದೋ॒ ಜಗ॑ತೀ॒ ಛನ್ದೋ॑-ಽನು॒ಷ್ಟು-ಪ್ಛನ್ದಃ॑ ಪ॒ಙ್ಕ್ತಿಶ್ಛನ್ದಃ॑ ॥ 1 ॥
(ಯೋನೌ॒ – ಪಞ್ಚ॑ದಶ ಚ) (ಅ. 1)
ಅ॒ಯ-ಮ್ಪು॒ರೋ ಭುವ॒ಸ್ತಸ್ಯ॑ ಪ್ರಾ॒ಣೋ ಭೌ॑ವಾಯ॒ನೋ ವ॑ಸ॒ನ್ತಃ ಪ್ರಾ॑ಣಾಯ॒ನೋ ಗಾ॑ಯ॒ತ್ರೀ ವಾ॑ಸ॒ನ್ತೀ ಗಾ॑ಯತ್ರಿ॒ಯೈ ಗಾ॑ಯ॒ತ್ರ-ಙ್ಗಾ॑ಯ॒ತ್ರಾದು॑ಪಾ॒ಗ್ಂ॒ ಶುರು॑ಪಾ॒ಗ್ಂ॒ ಶೋಸ್ತ್ರಿ॒ವೃ-ತ್ತ್ರಿ॒ವೃತೋ॑ ರಥನ್ತ॒ರಗ್ಂ ರ॑ಥನ್ತ॒ರಾ-ದ್ವಸಿ॑ಷ್ಠ॒ ಋಷಿಃ॑ ಪ್ರ॒ಜಾಪ॑ತಿ ಗೃಹೀತಯಾ॒ ತ್ವಯಾ᳚ ಪ್ರಾ॒ಣ-ಙ್ಗೃ॑ಹ್ಣಾಮಿ ಪ್ರ॒ಜಾಭ್ಯೋ॒-ಽಯ-ನ್ದ॑ಖ್ಷಿ॒ಣಾ ವಿ॒ಶ್ವಕ॑ರ್ಮಾ॒ ತಸ್ಯ॒ ಮನೋ॑ ವೈಶ್ವಕರ್ಮ॒ಣ-ಙ್ಗ್ರೀ॒ಷ್ಮೋ ಮಾ॑ನ॒ಸಸ್ತ್ರಿ॒ಷ್ಟುಗ್ಗ್ರೈ॒ಷ್ಮೀ ತ್ರಿ॒ಷ್ಟುಭ॑ ಐ॒ಡಮೈ॒ಡಾ-ದ॑ನ್ತರ್ಯಾ॒ಮೋ᳚ ಽನ್ತರ್ಯಾ॒ಮಾ-ತ್ಪ॑ಞ್ಚದ॒ಶಃ ಪ॑ಞ್ಚದ॒ಶಾ-ದ್ಬೃ॒ಹ-ದ್ಬೃ॑ಹ॒ತೋ ಭ॒ರದ್ವಾ॑ಜ॒ ಋಷಿಃ॑ ಪ್ರ॒ಜಾಪ॑ತಿ ಗೃಹೀತಯಾ॒ ತ್ವಯಾ॒ ಮನೋ॑ [ತ್ವಯಾ॒ ಮನಃ॑, ಗೃ॒ಹ್ಣಾ॒ಮಿ॒ ಪ್ರ॒ಜಾಭ್ಯೋ॒-ಽಯ-] 2
ಗೃಹ್ಣಾಮಿ ಪ್ರ॒ಜಾಭ್ಯೋ॒-ಽಯ-ಮ್ಪ॒ಶ್ಚಾ-ದ್ವಿ॒ಶ್ವವ್ಯ॑ಚಾ॒ಸ್ತಸ್ಯ॒ ಚಖ್ಷು॑ರ್ವೈಶ್ವವ್ಯಚ॒ಸಂ-ವಁ॒ರ್॒ಷಾಣಿ॑ ಚಾಖ್ಷು॒ಷಾಣಿ॒ ಜಗ॑ತೀ ವಾ॒ರ್॒ಷೀ ಜಗ॑ತ್ಯಾ॒ ಋಖ್ಷ॑ಮ॒ಮೃಖ್ಷ॑ಮಾಚ್ಛು॒ಕ್ರ-ಶ್ಶು॒ಕ್ರಾ-ಥ್ಸ॑ಪ್ತದ॒ಶ-ಸ್ಸ॑ಪ್ತದ॒ಶಾ-ದ್ವೈ॑ರೂ॒ಪಂ-ವೈಁ॑ರೂ॒ಪಾ-ದ್ವಿ॒ಶ್ವಾಮಿ॑ತ್ರ॒ ಋಷಿಃ॑ ಪ್ರ॒ಜಾಪ॑ತಿ ಗೃಹೀತಯಾ॒ ತ್ವಯಾ॒ ಚಖ್ಷು॑ರ್ಗೃಹ್ಣಾಮಿ ಪ್ರ॒ಜಾಭ್ಯ॑ ಇ॒ದಮು॑ತ್ತ॒ರಾ-ಥ್ಸುವ॒ಸ್ತಸ್ಯ॒ ಶ್ರೋತ್ರಗ್ಂ॑ ಸೌ॒ವಗ್ಂ ಶ॒ರಚ್ಛ್ರೌ॒ತ್ರ್ಯ॑ನು॒ಷ್ಟುಪ್-ಛಾ॑ರ॒ದ್ಯ॑ನು॒ಷ್ಟುಭ॑-ಸ್ಸ್ವಾ॒ರಗ್ಗ್ ಸ್ವಾ॒ರಾನ್ಮ॒ನ್ಥೀ ಮ॒ನ್ಥಿನ॑ ಏಕವಿ॒ಗ್ಂ॒ಶ ಏ॑ಕವಿ॒ಗ್ಂ॒ಶಾ-ದ್ವೈ॑ರಾ॒ಜಂ-ವೈಁ॑ರಾ॒ಜಾಜ್ಜ॒ಮದ॑ಗ್ನಿ॒ರ್॒ ಋಷಿಃ॑ ಪ್ರ॒ಜಾಪ॑ತಿ ಗೃಹೀತಯಾ॒ [ಗೃಹೀತಯಾ, ತ್ವಯಾ॒] 3
ತ್ವಯಾ॒ ಶ್ರೋತ್ರ॑-ಙ್ಗೃಹ್ಣಾಮಿ ಪ್ರ॒ಜಾಭ್ಯ॑ ಇ॒ಯಮು॒ಪರಿ॑ ಮ॒ತಿಸ್ತಸ್ಯೈ॒ ವಾಮ್ಮಾ॒ತೀ ಹೇ॑ಮ॒ನ್ತೋ ವಾ᳚ಚ್ಯಾಯ॒ನಃ ಪ॒ಙ್ಕ್ತಿರ್ಹೈ॑ಮ॒ನ್ತೀ ಪ॒ಕ್ತ್ಯೈ-ನ್ನಿ॒ಧನ॑ವನ್ನಿ॒ಧನ॑ವತ ಆಗ್ರಯ॒ಣ ಆ᳚ಗ್ರಯ॒ಣಾ-ತ್ತ್ರಿ॑ಣವತ್ರಯಸ್ತ್ರಿ॒ಗ್ಂ॒ಶೌ ತ್ರಿ॑ಣವತ್ರಯಸ್ತ್ರಿ॒ಗ್ಂ॒ಶಾಭ್ಯಾಗ್ಂ॑ ಶಾಕ್ವರರೈವ॒ತೇ ಶಾ᳚ಕ್ವರರೈವ॒ತಾಭ್ಯಾಂ᳚-ವಿಁ॒ಶ್ವಕ॒ರ್ಮರ್ಷಿಃ॑ ಪ್ರ॒ಜಾಪ॑ತಿ ಗೃಹೀತಯಾ॒ ತ್ವಯಾ॒ ವಾಚ॑-ಙ್ಗೃಹ್ಣಾಮಿ ಪ್ರ॒ಜಾಭ್ಯಃ॑ ॥ 4 ॥
(ತ್ವಯಾ॒ ಮನೋ॑-ಜ॒ಮದ॑ಗ್ನಿ॒ರ್॒ಋಷಿಃ॑ ಪ್ರ॒ಜಾಪ॑ತಿಗೃಹೀತಯಾ-ತ್ರಿ॒ಗ್ಂ॒ಶಚ್ಚ॑) (ಅ. 2)
ಪ್ರಾಚೀ॑ ದಿ॒ಶಾಂ-ವಁ॑ಸ॒ನ್ತ ಋ॑ತೂ॒ನಾಮ॒ಗ್ನಿರ್ದೇ॒ವತಾ॒ ಬ್ರಹ್ಮ॒ ದ್ರವಿ॑ಣ-ನ್ತ್ರಿ॒ವೃ-ಥ್ಸ್ತೋಮ॒-ಸ್ಸ ಉ॑ ಪಞ್ಚದ॒ಶವ॑ರ್ತನಿ॒-ಸ್ತ್ರ್ಯವಿ॒ರ್ವಯಃ॑ ಕೃ॒ತಮಯಾ॑ನಾ-ಮ್ಪುರೋವಾ॒ತೋ ವಾತ॒-ಸ್ಸಾನ॑ಗ॒ ಋಷಿ॑ರ್ದಖ್ಷಿ॒ಣಾ ದಿ॒ಶಾ-ಙ್ಗ್ರೀ॒ಷ್ಮ ಋ॑ತೂ॒ನಾಮಿನ್ದ್ರೋ॑ ದೇ॒ವತಾ᳚ ಖ್ಷ॒ತ್ರ-ನ್ದ್ರವಿ॑ಣ-ಮ್ಪಞ್ಚದ॒ಶ-ಸ್ಸ್ತೋಮ॒-ಸ್ಸ ಉ॑ ಸಪ್ತದ॒ಶ ವ॑ರ್ತನಿ-ರ್ದಿ॑ತ್ಯ॒ವಾಡ್-ವಯ॒ಸ್ತ್ರೇತಾ-ಽಯಾ॑ನಾ-ನ್ದಖ್ಷಿಣಾದ್ವಾ॒ತೋ ವಾತ॑-ಸ್ಸನಾ॒ತನ॒ ಋಷಿಃ॑ ಪ್ರ॒ತೀಚೀ॑ ದಿ॒ಶಾಂ-ವಁ॒ರ್॒ಷಾ ಋ॑ತೂ॒ನಾಂ-ವಿಁಶ್ವೇ॑ ದೇ॒ವಾ ದೇ॒ವತಾ॒ ವಿ- [ದೇ॒ವತಾ॒ ವಿಟ್, ದ್ರವಿ॑ಣಗ್ಂ] 5
-ಡ್ದ್ರವಿ॑ಣಗ್ಂ ಸಪ್ತದ॒ಶ ಸ್ತೋಮ॒-ಸ್ಸ ಉ॑ ವೇಕವಿ॒ಗ್ಂ॒ ಶವ॑ರ್ತನಿ-ಸ್ತ್ರಿವ॒ಥ್ಸೋ ವಯೋ᳚ ದ್ವಾಪ॒ರೋ-ಽಯಾ॑ನಾ-ಮ್ಪಶ್ಚಾದ್ವಾ॒ತೋ ವಾತೋ॑-ಽಹ॒ಭೂನ॒ ಋಷಿ॒ರುದೀ॑ಚೀ ದಿ॒ಶಾಗ್ಂ ಶ॒ರದ್-ಋ॑ತೂ॒ನಾ-ಮ್ಮಿ॒ತ್ರಾವರು॑ಣೌ ದೇ॒ವತಾ॑ ಪು॒ಷ್ಟ-ನ್ದ್ರವಿ॑ಣಮೇಕವಿ॒ಗ್ಂ॒ಶ-ಸ್ಸ್ತೋಮ॒-ಸ್ಸ ಉ॑ ತ್ರಿಣ॒ವವ॑ರ್ತನಿ-ಸ್ತುರ್ಯ॒ವಾ-ಡ್ವಯ॑ ಆಸ್ಕ॒ನ್ದೋ ಽಯಾ॑ನಾಮುತ್ತರಾ-ದ್ವಾ॒ತೋ ವಾತಃ॑ ಪ್ರ॒ತ್ನ ಋಷಿ॑ರೂ॒ರ್ಧ್ವಾ ದಿ॒ಶಾಗ್ಂ ಹೇ॑ಮನ್ತಶಿಶಿ॒ರಾವೃ॑ತೂ॒ನಾ-ಮ್ಬೃಹ॒ಸ್ಪತಿ॑ರ್ದೇ॒ವತಾ॒ ವರ್ಚೋ॒ ದ್ರವಿ॑ಣ-ನ್ತ್ರಿಣ॒ವ ಸ್ತೋಮ॒-ಸ್ಸ ಉ॑ ತ್ರಯಸ್ತ್ರಿ॒ಗ್ಂ॒ಶವ॑ರ್ತನಿಃ ಪಷ್ಠ॒ವಾದ್ವಯೋ॑ ಽಭಿ॒ಭೂರಯಾ॑ನಾಂ-ವಿಁಷ್ವಗ್ವಾ॒ತೋ ವಾತ॑-ಸ್ಸುಪ॒ರ್ಣ ಋಷಿಃ॑ ಪಿ॒ತರಃ॑ ಪಿತಾಮ॒ಹಾಃ ಪರೇ-ಽವ॑ರೇ॒ ತೇ ನಃ॑ ಪಾನ್ತು॒ ತೇ ನೋ॑-ಽವನ್ತ್ವ॒ಸ್ಮಿ-ನ್ಬ್ರಹ್ಮ॑ನ್ನ॒ಸ್ಮಿನ್ ಖ್ಷ॒ತ್ರೇ᳚-ಽಸ್ಯಾ-ಮಾ॒ಶಿಷ್ಯ॒ಸ್ಯಾ-ಮ್ಪು॑ರೋ॒ಧಾಯಾ॑ಮ॒ಸ್ಮಿನ್ ಕರ್ಮ॑ನ್ನ॒ಸ್ಯಾ-ನ್ದೇ॒ವಹೂ᳚ತ್ಯಾಮ್ ॥ 6 ॥
(ವಿಟ್ – ಪ॑ಷ್ಠ॒ವಾ-ದ್ವಯೋ॒ – ಽಷ್ಟಾವಿಗ್ಂ॑ಶತಿಶ್ಚ) (ಅ. 3)
ಧ್ರು॒ವಖ್ಷಿ॑ತಿ -ರ್ಧ್ರು॒ವಯೋ॑ನಿ-ರ್ಧ್ರು॒ವಾ-ಽಸಿ॑ ಧ್ರು॒ವಾಂ-ಯೋಁನಿ॒ಮಾ ಸೀ॑ದ ಸಾ॒ದ್ಧ್ಯಾ । ಉಖ್ಯ॑ಸ್ಯ ಕೇ॒ತು-ಮ್ಪ್ರ॑ಥ॒ಮ-ಮ್ಪು॒ರಸ್ತಾ॑ದ॒ಶ್ವಿನಾ᳚-ಽದ್ಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ᳚ ॥ ಸ್ವೇ ದಖ್ಷೇ॒ ದಖ್ಷ॑ಪಿತೇ॒ಹ ಸೀ॑ದ ದೇವ॒ತ್ರಾ ಪೃ॑ಥಿ॒ವೀ ಬೃ॑ಹ॒ತೀ ರರಾ॑ಣಾ । ಸ್ವಾ॒ಸ॒ಸ್ಥಾ ತ॒ನುವಾ॒ ಸಂ-ವಿಁ॑ಶಸ್ವ ಪಿ॒ತೇವೈ॑ಧಿ ಸೂ॒ನವ॒ ಆ ಸು॒ಶೇವಾ॒-ಽಶ್ವಿನಾ᳚ದ್ಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ᳚ ॥ ಕು॒ಲಾ॒ಯಿನೀ॒ ವಸು॑ಮತೀ ವಯೋ॒ಧಾ ರ॒ಯಿ-ನ್ನೋ॑ ವರ್ಧ ಬಹು॒ಲಗ್ಂ ಸು॒ವೀರ᳚ಮ್ । 7
ಅಪಾಮ॑ತಿ-ನ್ದುರ್ಮ॒ತಿ-ಮ್ಬಾಧ॑ಮಾನಾ ರಾ॒ಯಸ್ಪೋಷೇ॑ ಯ॒ಜ್ಞಪ॑ತಿಮಾ॒ಭಜ॑ನ್ತೀ॒ ಸುವ॑ರ್ಧೇಹಿ॒ ಯಜ॑ಮಾನಾಯ॒ ಪೋಷ॑ಮ॒ಶ್ವಿನಾ᳚-ಽದ್ಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ᳚ ॥ ಅ॒ಗ್ನೇಃ ಪುರೀ॑ಷಮಸಿ ದೇವ॒ಯಾನೀ॒ ತಾ-ನ್ತ್ವಾ॒ ವಿಶ್ವೇ॑ ಅ॒ಭಿ ಗೃ॑ಣನ್ತು ದೇ॒ವಾಃ । ಸ್ತೋಮ॑ಪೃಷ್ಠಾ ಘೃ॒ತವ॑ತೀ॒ಹ ಸೀ॑ದ ಪ್ರ॒ಜಾವ॑ದ॒ಸ್ಮೇ ದ್ರವಿ॒ಣಾ ಽಽಯ॑ಜಸ್ವಾ॒ಶ್ವಿನಾ᳚ ಽದ್ಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ᳚ ॥ ದಿ॒ವೋ ಮೂ॒ರ್ಧಾ-ಽಸಿ॑ ಪೃಥಿ॒ವ್ಯಾ ನಾಭಿ॑ರ್ವಿ॒ಷ್ಟಮ್ಭ॑ನೀ ದಿ॒ಶಾಮಧಿ॑ಪತ್ನೀ॒ ಭುವ॑ನಾನಾಮ್ । 8
ಊ॒ರ್ಮಿರ್ದ್ರ॒ಫ್ಸೋ ಅ॒ಪಾಮ॑ಸಿ ವಿ॒ಶ್ವಕ॑ರ್ಮಾ ತ॒ ಋಷಿ॑ರ॒ಶ್ವಿನಾ᳚-ಽದ್ಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ᳚ ॥ ಸ॒ಜೂರ್-ಋ॒ತುಭಿ॑-ಸ್ಸ॒ಜೂರ್ವಿ॒ಧಾಭಿ॑-ಸ್ಸ॒ಜೂರ್ವಸು॑ಭಿ-ಸ್ಸ॒ಜೂ ರು॒ದ್ರೈ-ಸ್ಸ॒ಜೂರಾ॑ದಿ॒ತ್ಯೈ-ಸ್ಸ॒ಜೂರ್ವಿಶ್ವೈ᳚ರ್ದೇ॒ವೈ-ಸ್ಸ॒ಜೂರ್ದೇ॒ವೈ-ಸ್ಸ॒ಜೂರ್ದೇ॒ವೈರ್ವ॑ಯೋ-ನಾ॒ಧೈರ॒ಗ್ನಯೇ᳚ ತ್ವಾ ವೈಶ್ವಾನ॒ರಾಯಾ॒ಶ್ವಿನಾ᳚-ಽದ್ಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ᳚ ॥ ಪ್ರಾ॒ಣ-ಮ್ಮೇ॑ ಪಾಹ್ಯಪಾ॒ನ-ಮ್ಮೇ॑ ಪಾಹಿ ವ್ಯಾ॒ನ-ಮ್ಮೇ॑ ಪಾಹಿ॒ ಚಖ್ಷು॑ರ್ಮ ಉ॒ರ್ವ್ಯಾ ವಿ ಭಾ॑ಹಿ॒ ಶ್ರೋತ್ರ॑-ಮ್ಮೇ ಶ್ಲೋಕಯಾ॒ಪ-ಸ್ಪಿ॒ನ್ವೌಷ॑ಧೀರ್ಜಿನ್ವ ದ್ವಿ॒ಪಾ-ತ್ಪಾ॑ಹಿ॒ ಚತು॑ಷ್ಪಾದವ ದಿ॒ವೋ ವೃಷ್ಟಿ॒ಮೇರ॑ಯ ॥ 9 ॥
(ಸು॒ವೀರಂ॒ – ಭುವ॑ನಾನಾ – ಮು॒ರ್ವ್ಯಾ – ಸ॒ಪ್ತದ॑ಶ ಚ) (ಅ. 4)
ತ್ರ್ಯವಿ॒ರ್ವಯ॑ಸ್ತ್ರಿ॒ಷ್ಟು-ಪ್ಛನ್ದೋ॑ ದಿತ್ಯ॒ವಾ-ಡ್ವಯೋ॑ ವಿ॒ರಾಟ್ ಛನ್ದಃ॒ ಪಞ್ಚಾ॑ವಿ॒ರ್ವಯೋ॑ ಗಾಯ॒ತ್ರೀ ಛನ್ದ॑ಸ್ತ್ರಿವ॒ಥ್ಸೋ ವಯ॑ ಉ॒ಷ್ಣಿಹಾ॒ ಛನ್ದ॑ ಸ್ತುರ್ಯ॒ವಾ-ಡ್ವಯೋ॑-ಽನು॒ಷ್ಟು-ಪ್ಛನ್ದಃ॑ ಪಷ್ಠ॒ವಾ-ದ್ವಯೋ॑ ಬೃಹ॒ತೀ ಛನ್ದ॑ ಉ॒ಖ್ಷಾ ವಯ॑-ಸ್ಸ॒ತೋಬೃ॑ಹತೀ॒ ಛನ್ದ॑ ಋಷ॒ಭೋ ವಯಃ॑ ಕ॒ಕುಚ್ಛನ್ದೋ॑ ಧೇ॒ನುರ್ವಯೋ॒ ಜಗ॑ತೀ॒ ಛನ್ದೋ॑-ಽನ॒ಡ್ವಾನ್. ವಯಃ॑ ಪ॒ಙ್ಕ್ತಿ ಶ್ಛನ್ದೋ॑ ಬ॒ಸ್ತೋ ವಯೋ॑ ವಿವ॒ಲ-ಞ್ಛನ್ದೋ॑ ವೃ॒ಷ್ಣಿರ್ವಯೋ॑ ವಿಶಾ॒ಲ-ಞ್ಛನ್ದಃ॒ ಪುರು॑ಷೋ॒ ವಯ॑ ಸ್ತ॒ನ್ದ್ರ-ಞ್ಛನ್ದೋ᳚ ವ್ಯಾ॒ಘ್ರೋ ವಯೋ-ಽನಾ॑ಧೃಷ್ಟ॒-ಞ್ಛನ್ದ॑-ಸ್ಸಿ॒ಗ್ಂ॒ಹೋ ವಯ॑ ಶ್ಛ॒ದಿ ಶ್ಛನ್ದೋ॑ ವಿಷ್ಟ॒ಭೋಂ-ವಁಯೋ-ಽಧಿ॑ಪತಿ॒ ಶ್ಛನ್ದಃ॑, ಖ್ಷ॒ತ್ರಂ-ವಁಯೋ॒ ಮಯ॑ನ್ದ॒-ಞ್ಛನ್ದೋ॑ ವಿ॒ಶ್ವಕ॑ರ್ಮಾ॒ ವಯಃ॑ ಪರಮೇ॒ಷ್ಠೀ ಛನ್ದೋ॑ ಮೂ॒ರ್ಧಾ ವಯಃ॑ ಪ್ರ॒ಜಾಪ॑ತಿ॒ ಶ್ಛನ್ದಃ॑ ॥ 10 ॥
(ಪುರು॑ಷೋ॒ ವಯಃ॒ – ಷ-ಡ್ವಿಗ್ಂ॑ಶತಿಶ್ಚ) (ಅ. 5)
ಇನ್ದ್ರಾ᳚ಗ್ನೀ॒ ಅವ್ಯ॑ಥಮಾನಾ॒ಮಿಷ್ಟ॑ಕಾ-ನ್ದೃಗ್ಂಹತಂ-ಯುಁ॒ವಮ್ । ಪೃ॒ಷ್ಠೇನ॒ ದ್ಯಾವಾ॑ಪೃಥಿ॒ವೀ ಅ॒ನ್ತರಿ॑ಖ್ಷ-ಞ್ಚ॒ ವಿ ಬಾ॑ಧತಾಮ್ ॥ ವಿ॒ಶ್ವಕ॑ರ್ಮಾ ತ್ವಾ ಸಾದಯತ್ವ॒ನ್ತರಿ॑ಖ್ಷಸ್ಯ ಪೃ॒ಷ್ಠೇ ವ್ಯಚ॑ಸ್ವತೀ॒-ಮ್ಪ್ರಥ॑ಸ್ವತೀ॒-ಮ್ಭಾಸ್ವ॑ತೀಗ್ಂ ಸೂರಿ॒ಮತೀ॒ಮಾ ಯಾ ದ್ಯಾ-ಮ್ಭಾಸ್ಯಾ ಪೃ॑ಥಿ॒ವೀಮೋರ್ವ॑ನ್ತರಿ॑ಖ್ಷ-ಮ॒ನ್ತರಿ॑ಖ್ಷಂ-ಯಁಚ್ಛಾ॒ನ್ತರಿ॑ಖ್ಷ-ನ್ದೃಗ್ಂಹಾ॒ನ್ತರಿ॑ಖ್ಷ॒-ಮ್ಮಾ ಹಿಗ್ಂ॑ಸೀ॒ ರ್ವಿಶ್ವ॑ಸ್ಮೈ ಪ್ರಾ॒ಣಾಯಾ॑ಪಾ॒ನಾಯ॑ ವ್ಯಾ॒ನಾಯೋ॑ದಾ॒ನಾಯ॑ ಪ್ರತಿ॒ಷ್ಠಾಯೈ॑ ಚ॒ರಿತ್ರಾ॑ಯ ವಾ॒ಯುಸ್ತ್ವಾ॒-ಽಭಿ ಪಾ॑ತು ಮ॒ಹ್ಯಾ ಸ್ವ॒ಸ್ತ್ಯಾ ಛ॒ರ್ದಿಷಾ॒ [ಛ॒ರ್ದಿಷಾ᳚, ಶನ್ತ॑ಮೇನ॒ ತಯಾ॑] 11
ಶನ್ತ॑ಮೇನ॒ ತಯಾ॑ ದೇ॒ವ॑ತಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ ರಾಜ್ಞ್ಯ॑ಸಿ॒ ಪ್ರಾಚೀ॒ ದಿಗ್-ವಿ॒ರಾಡ॑ಸಿ ದಖ್ಷಿ॒ಣಾ ದಿ-ಖ್ಸ॒ಮ್ರಾಡ॑ಸಿ ಪ್ರ॒ತೀಚೀ॒ ದಿಖ್-ಸ್ವ॒ರಾಡ॒ಸ್ಯುದೀ॑ಚೀ॒ ದಿಗಧಿ॑ಪತ್ನ್ಯಸಿ ಬೃಹ॒ತೀ ದಿಗಾಯು॑ರ್ಮೇ ಪಾಹಿ ಪ್ರಾ॒ಣ-ಮ್ಮೇ॑ ಪಾಹ್ಯಪಾ॒ನ-ಮ್ಮೇ॑ ಪಾಹಿ ವ್ಯಾ॒ನ-ಮ್ಮೇ॑ ಪಾಹಿ॒ ಚಖ್ಷು॑ರ್ಮೇ ಪಾಹಿ॒ ಶ್ರೋತ್ರ॑-ಮ್ಮೇ ಪಾಹಿ॒ ಮನೋ॑ ಮೇ ಜಿನ್ವ॒ ವಾಚ॑-ಮ್ಮೇ ಪಿನ್ವಾ॒ ಽಽತ್ಮಾನ॑-ಮ್ಮೇ ಪಾಹಿ॒ ಜ್ಯೋತಿ॑ರ್ಮೇ ಯಚ್ಛ ॥ 12 ॥
(ಛ॒ರ್ದಿಷಾ॑ – ಪಿನ್ವ॒ – ಷಟ್ಚ॑) (ಅ. 6)
ಮಾ ಛನ್ದಃ॑ ಪ್ರ॒ಮಾ ಛನ್ದಃ॑ ಪ್ರತಿ॒ಮಾ ಛನ್ದೋ᳚-ಽಸ್ರೀ॒ವಿ ಶ್ಛನ್ದಃ॑ ಪ॒ಙ್ಕ್ತಿ ಶ್ಛನ್ದ॑ ಉ॒ಷ್ಣಿಹಾ॒ ಛನ್ದೋ॑ ಬೃಹ॒ತೀ ಛನ್ದೋ॑-ಽನು॒ಷ್ಟು-ಪ್ಛನ್ದೋ॑ ವಿ॒ರಾಟ್ ಛನ್ದೋ॑ ಗಾಯ॒ತ್ರೀ ಛನ್ದ॑-ಸ್ತ್ರಿ॒ಷ್ಟು-ಪ್ಛನ್ದೋ॒ ಜಗ॑ತೀ॒ ಛನ್ದಃ॑ ಪೃಥಿ॒ವೀ ಛನ್ದೋ॒ ಽನ್ತರಿ॑ಖ್ಷ॒-ಞ್ಛನ್ದೋ॒ ದ್ಯೌ ಶ್ಛನ್ದ॒-ಸ್ಸಮಾ॒ ಶ್ಛನ್ದೋ॒ ನಖ್ಷ॑ತ್ರಾಣಿ॒ ಛನ್ದೋ॒ ಮನ॒ ಶ್ಛನ್ದೋ॒ ವಾಕ್ ಛನ್ದಃ॑ ಕೃ॒ಷಿ ಶ್ಛನ್ದೋ॒ ಹಿರ॑ಣ್ಯ॒-ಞ್ಛನ್ದೋ॒ ಗೌ ಶ್ಛನ್ದೋ॒ ಽಜಾ ಛನ್ದೋ ಽಶ್ವ॒ ಶ್ಛನ್ದಃ॑ ॥ ಅ॒ಗ್ನಿರ್ದೇ॒ವತಾ॒ [ಅ॒ಗ್ನಿರ್ದೇ॒ವತಾ᳚, ವಾತೋ॑ ದೇ॒ವತಾ॒] 13
ವಾತೋ॑ ದೇ॒ವತಾ॒ ಸೂರ್ಯೋ॑ ದೇ॒ವತಾ॑ ಚ॒ನ್ದ್ರಮಾ॑ ದೇ॒ವತಾ॒ ವಸ॑ವೋ ದೇ॒ವತಾ॑ ರು॒ದ್ರಾ ದೇ॒ವತಾ॑ ಽಽದಿ॒ತ್ಯಾ ದೇ॒ವತಾ॒ ವಿಶ್ವೇ॑ ದೇ॒ವಾ ದೇ॒ವತಾ॑ ಮ॒ರುತೋ॑ ದೇ॒ವತಾ॒ ಬೃಹ॒ಸ್ಪತಿ॑ ರ್ದೇ॒ವತೇನ್ದ್ರೋ॑ ದೇ॒ವತಾ॒ ವರು॑ಣೋ ದೇ॒ವತಾ॑ ಮೂ॒ರ್ಧಾ-ಽಸಿ॒ ರಾ-ಡ್ಧ್ರು॒ವಾ-ಽಸಿ॑ ಧ॒ರುಣಾ॑ ಯ॒ನ್ತ್ರ್ಯ॑ಸಿ॒ ಯಮಿ॑ತ್ರೀ॒ಷೇ ತ್ವೋ॒ರ್ಜೇ ತ್ವಾ॑ ಕೃ॒ಷ್ಯೈ ತ್ವಾ॒ ಖ್ಷೇಮಾ॑ಯ ತ್ವಾ॒ ಯನ್ತ್ರೀ॒ ರಾ-ಡ್ಧ್ರು॒ವಾ-ಽಸಿ॒ ಧರ॑ಣೀ ಧ॒ರ್ತ್ರ್ಯ॑ಸಿ॒ ಧರಿ॒ತ್ರ್ಯಾಯು॑ಷೇ ತ್ವಾ॒ ವರ್ಚ॑ಸೇ॒ ತ್ವೌಜ॑ಸೇ ತ್ವಾ॒ ಬಲಾ॑ಯ ತ್ವಾ ॥ 14 ॥
(ದೇ॒ವತಾ – ಽಽಯು॑ಷೇ ತ್ವಾ॒ – ಷಟ್ ಚ॑ ) (ಅ. 7)
ಆ॒ಶುಸ್ತ್ರಿ॒ವೃ-ದ್ಭಾ॒ನ್ತಃ ಪ॑ಞ್ಚದ॒ಶೋ ವ್ಯೋ॑ಮ ಸಪ್ತದ॒ಶಃ ಪ್ರತೂ᳚ರ್ತಿರಷ್ಟಾದ॒ಶ ಸ್ತಪೋ॑ ನವದ॒ಶೋ॑ ಽಭಿವ॒ರ್ತ-ಸ್ಸ॑ವಿ॒ಗ್ಂ॒ಶೋ ಧ॒ರುಣ॑ ಏಕವಿ॒ಗ್ಂ॒ಶೋ ವರ್ಚೋ᳚ ದ್ವಾವಿ॒ಗ್ಂ॒ಶ-ಸ್ಸ॒ಮ್ಭರ॑ಣಸ್ತ್ರಯೋವಿ॒ಗ್ಂ॒ಶೋ ಯೋನಿ॑ಶ್ಚತುರ್ವಿ॒ಗ್ಂ॒ಶೋ ಗರ್ಭಾಃ᳚ ಪಞ್ಚವಿ॒ಗ್ಂ॒ಶ ಓಜ॑ಸ್ತ್ರಿಣ॒ವಃ ಕ್ರತು॑ರೇಕತ್ರಿ॒ಗ್ಂ॒ಶಃ ಪ್ರ॑ತಿ॒ಷ್ಠಾ ತ್ರ॑ಯಸ್ತ್ರಿ॒ಗ್ಂ॒ಶೋ ಬ್ರ॒ದ್ಧ್ನಸ್ಯ॑ ವಿ॒ಷ್ಟಪ॑-ಞ್ಚತುಸ್ತ್ರಿ॒ಗ್ಂ॒ಶೋ ನಾಕ॑-ಷ್ಷಟ್ತ್ರಿ॒ಗ್ಂ॒ಶೋ ವಿ॑ವ॒ರ್ತೋ᳚-ಽಷ್ಟಾಚತ್ವಾರಿ॒ಗ್ಂ॒ಶೋ ಧ॒ರ್ತ್ರಶ್ಚ॑ತುಷ್ಟೋ॒ಮಃ ॥ 15 ॥
(ಆ॒ಶುಃ – ಸ॒ಪ್ತತ್ರಿಗ್ಂ॑ಶತ್) (ಅ. 8)
ಅ॒ಗ್ನೇರ್ಭಾ॒ಗೋ॑-ಽಸಿ ದೀ॒ಖ್ಷಾಯಾ॒ ಆಧಿ॑ಪತ್ಯ॒-ಮ್ಬ್ರಹ್ಮ॑ ಸ್ಪೃ॒ತ-ನ್ತ್ರಿ॒ವೃ-ಥ್ಸ್ತೋಮ॒ ಇನ್ದ್ರ॑ಸ್ಯ ಭಾ॒ಗೋ॑-ಽಸಿ॒ ವಿಷ್ಣೋ॒ರಾಧಿ॑ಪತ್ಯ-ಙ್ಖ್ಷ॒ತ್ರಗ್ಗ್ ಸ್ಪೃ॒ತ-ಮ್ಪ॑ಞ್ಚದ॒ಶ-ಸ್ಸ್ತೋಮೋ॑ ನೃ॒ಚಖ್ಷ॑ಸಾ-ಮ್ಭಾ॒ಗೋ॑-ಽಸಿ ಧಾ॒ತುರಾಧಿ॑ಪತ್ಯ-ಞ್ಜ॒ನಿತ್ರಗ್ಗ್॑ ಸ್ಪೃ॒ತಗ್ಂ ಸ॑ಪ್ತದ॒ಶ-ಸ್ಸ್ತೋಮೋ॑ ಮಿ॒ತ್ರಸ್ಯ॑ ಭಾ॒ಗೋ॑-ಽಸಿ॒ ವರು॑ಣ॒ಸ್ಯಾ-ಽಽಧಿ॑ಪತ್ಯ-ನ್ದಿ॒ವೋ ವೃ॒ಷ್ಟಿರ್ವಾತಾ᳚-ಸ್ಸ್ಪೃ॒ತಾ ಏ॑ಕವಿ॒ಗ್ಂ॒ಶ-ಸ್ಸ್ತೋಮೋ-ಽದಿ॑ತ್ಯೈ ಭಾ॒ಗೋ॑-ಽಸಿ ಪೂ॒ಷ್ಣ ಆಧಿ॑ಪತ್ಯ॒ಮೋಜ॑-ಸ್ಸ್ಪೃ॒ತ-ನ್ತ್ರಿ॑ಣ॒ವ-ಸ್ಸ್ತೋಮೋ॒ ವಸೂ॑ನಾ-ಮ್ಭಾ॒ಗೋ॑-ಽಸಿ [ ] 16
ರು॒ದ್ರಾಣಾ॒ಮಾಧಿ॑ಪತ್ಯ॒-ಞ್ಚತು॑ಷ್ಪಾ-ಥ್ಸ್ಪೃ॒ತ-ಞ್ಚ॑ತುರ್ವಿ॒ಗ್ಂ॒ಶ-ಸ್ಸ್ತೋಮ॑ ಆದಿ॒ತ್ಯಾನಾ᳚-ಮ್ಭಾ॒ಗೋ॑-ಽಸಿ ಮ॒ರುತಾ॒ಮಾಧಿ॑ಪತ್ಯ॒-ಙ್ಗರ್ಭಾ᳚-ಸ್ಸ್ಪೃ॒ತಾಃ ಪ॑ಞ್ಚವಿ॒ಗ್ಂ॒ಶ-ಸ್ಸ್ತೋಮೋ॑ ದೇ॒ವಸ್ಯ॑ ಸವಿ॒ತುರ್ಭಾ॒ಗೋ॑-ಽಸಿ॒ ಬೃಹ॒ಸ್ಪತೇ॒ರಾಧಿ॑ಪತ್ಯಗ್ಂ ಸ॒ಮೀಚೀ॒ರ್ದಿಶ॑-ಸ್ಸ್ಪೃ॒ತಾಶ್ಚ॑ತುಷ್ಟೋ॒ಮ-ಸ್ಸ್ತೋಮೋ॒ ಯಾವಾ॑ನಾ-ಮ್ಭಾ॒ಗೋ᳚-ಽಸ್ಯಯಾ॑ವಾನಾ॒ಮಾಧಿ॑ಪತ್ಯ-ಮ್ಪ್ರ॒ಜಾ-ಸ್ಸ್ಪೃ॒ತಾ-ಶ್ಚ॑ತು-ಶ್ಚತ್ವಾರಿ॒ಗ್ಂ॒ಶ-ಸ್ಸ್ತೋಮ॑ ಋಭೂ॒ಣಾ-ಮ್ಭಾ॒ಗೋ॑-ಽಸಿ॒ ವಿಶ್ವೇ॑ಷಾ-ನ್ದೇ॒ವಾನಾ॒ಮಾಧಿ॑ಪತ್ಯ-ಮ್ಭೂ॒ತ-ನ್ನಿಶಾ᳚ನ್ತಗ್ಗ್ ಸ್ಪೃ॒ತ-ನ್ತ್ರ॑ಯಸ್ತ್ರಿ॒ಗ್ಂ॒ಶ-ಸ್ಸ್ತೋಮಃ॑ ॥ 17 ॥
(ವಸೂ॑ನಾ-ಮ್ಭಾ॒ಗೋ॑-ಽಸಿ॒ – ಷಟ್ಚ॑ತ್ವಾರಿಗ್ಂಶಚ್ಚ) (ಅ. 9)
ಏಕ॑ಯಾ-ಽಸ್ತುವತ ಪ್ರ॒ಜಾ ಅ॑ಧೀಯನ್ತ ಪ್ರ॒ಜಾಪ॑ತಿ॒ರಧಿ॑ಪತಿರಾಸೀ-ತ್ತಿ॒ಸೃಭಿ॑ರಸ್ತುವತ॒ ಬ್ರಹ್ಮಾ॑ಸೃಜ್ಯತ॒ ಬ್ರಹ್ಮ॑ಣ॒ಸ್ಪತಿ॒-ರಧಿ॑ಪತಿರಾಸೀ-ತ್ಪ॒ಞ್ಚಭಿ॑ರಸ್ತುವತ ಭೂ॒ತಾನ್ಯ॑ಸೃಜ್ಯನ್ತ ಭೂ॒ತಾನಾ॒-ಮ್ಪತಿ॒ರಧಿ॑ಪತಿರಾಸೀ-ಥ್ಸ॒ಪ್ತಭಿ॑ರಸ್ತುವತ ಸಪ್ತ॒ರ್॒ಷಯೋ॑-ಽಸೃಜ್ಯನ್ತ ಧಾ॒ತಾ-ಧಿ॑ಪತಿರಾಸೀ-ನ್ನ॒ವಭಿ॑ರಸ್ತುವತ ಪಿ॒ತರೋ॑-ಽಸೃಜ್ಯ॒ನ್ತಾ-ಽದಿ॑ತಿ॒ರಧಿ॑ಪತ್ನ್ಯಾಸೀ-ದೇಕಾದ॒ಶಭಿ॑-ರಸ್ತುವತ॒ರ್ತವೋ॑-ಽ ಸೃಜ್ಯನ್ತಾ- ಽಽರ್ತ॒ವೋ-ಽಧಿ॑ಪತಿ-ರಾಸೀ-ತ್ತ್ರಯೋದ॒ಶಭಿ॑-ರಸ್ತುವತ॒ ಮಾಸಾ॑ ಅಸೃಜ್ಯನ್ತ ಸಂವಁಥ್ಸ॒ರೋ-ಽಧಿ॑ಪತಿ- [-ಽಧಿ॑ಪತಿಃ, ಆ॒ಸೀ॒-ತ್ಪ॒ಞ್ಚ॒ದ॒ಶಭಿ॑ರಸ್ತುವತ] 18
-ರಾಸೀ-ತ್ಪಞ್ಚದ॒ಶಭಿ॑ರಸ್ತುವತ ಖ್ಷ॒ತ್ರಮ॑ಸೃಜ್ಯ॒ತೇನ್ದ್ರೋ ಽಧಿ॑ಪತಿರಾಸೀ-ಥ್ಸಪ್ತದ॒ಶಭಿ॑ರಸ್ತುವತ ಪ॒ಶವೋ॑-ಽಸೃಜ್ಯನ್ತ॒ ಬೃಹ॒ಸ್ಪತಿ॒ರಧಿ॑ಪತಿ-ರಾಸೀನ್ನವದ॒ಶಭಿ॑-ರಸ್ತುವತ ಶೂದ್ರಾ॒ರ್ಯಾವ॑ಸೃಜ್ಯೇತಾಮಹೋರಾ॒ತ್ರೇ ಅಧಿ॑ಪತ್ನೀ ಆಸ್ತಾ॒ಮೇಕ॑ವಿಗ್ಂ ಶತ್ಯಾ-ಽಸ್ತುವ॒ತೈಕ॑ಶಫಾಃ ಪ॒ಶವೋ॑-ಽಸೃಜ್ಯನ್ತ॒ ವರು॒ಣೋ ಽಧಿ॑ಪತಿರಾಸೀ॒-ತ್ತ್ರಯೋ॑ವಿಗ್ಂಶತ್ಯಾ-ಽಸ್ತುವತ ಖ್ಷು॒ದ್ರಾಃ ಪ॒ಶವೋ॑-ಽಸೃಜ್ಯನ್ತ ಪೂ॒ಷಾ ಽಧಿ॑ಪತಿರಾಸೀ॒-ತ್ಪಞ್ಚ॑ವಿಗ್ಂಶತ್ಯಾ ಽಸ್ತುವತಾ-ಽಽರ॒ಣ್ಯಾಃ ಪ॒ಶವೋ॑-ಽಸೃಜ್ಯನ್ತ ವಾ॒ಯುರಧಿ॑ಪತಿರಾಸೀ-ಥ್ಸ॒ಪ್ತವಿಗ್ಂ॑ಶತ್ಯಾ-ಽಸ್ತುವತ॒ ದ್ಯಾವಾ॑ಪೃಥಿ॒ವೀ ವ್ಯೈ॑- [ದ್ಯಾವಾ॑ಪೃಥಿ॒ವೀ ವಿ, ಈ॒ತಾಂ॒-ವಁಸ॑ವೋ ರು॒ದ್ರಾ] 19
-ತಾಂ॒-ವಁಸ॑ವೋ ರು॒ದ್ರಾ ಆ॑ದಿ॒ತ್ಯಾ ಅನು॒ ವ್ಯಾ॑ಯ॒-ನ್ತೇಷಾ॒ಮಾಧಿ॑ಪತ್ಯಮಾಸೀ॒-ನ್ನವ॑ವಿಗ್ಂ ಶತ್ಯಾ-ಽಸ್ತುವತ॒ ವನ॒ಸ್ಪತ॑ಯೋ-ಽಸೃಜ್ಯನ್ತ॒ ಸೋಮೋ ಽಧಿ॑ಪತಿರಾಸೀ॒-ದೇಕ॑ತ್ರಿಗ್ಂಶತಾ ಽಸ್ತುವತ ಪ್ರ॒ಜಾ ಅ॑ಸೃಜ್ಯನ್ತ॒ ಯಾವಾ॑ನಾ॒-ಞ್ಚಾಯಾ॑ವಾನಾ॒-ಞ್ಚಾ-ಽಽಧಿ॑ಪತ್ಯಮಾಸೀ॒-ತ್ತ್ರಯ॑ಸ್ತ್ರಿಗ್ಂಶತಾ ಽಸ್ತುವತ ಭೂ॒ತಾನ್ಯ॑ಶಾಮ್ಯ-ನ್ಪ್ರ॒ಜಾಪ॑ತಿಃ ಪರಮೇ॒ಷ್ಠ್ಯಧಿ॑ಪತಿರಾಸೀತ್ ॥ 20 ॥
(ಸಂ॒ವಁ॒ಥ್ಸ॒ರೋ-ಽಧಿ॑ಪತಿ॒- ರ್ವಿ – ಪಞ್ಚ॑ತ್ರಿಗ್ಂಶಚ್ಚ) (ಅ. 10)
ಇ॒ಯಮೇ॒ವ ಸಾ ಯಾ ಪ್ರ॑ಥ॒ಮಾ ವ್ಯೌಚ್ಛ॑ದ॒ನ್ತರ॒ಸ್ಯಾ-ಞ್ಚ॑ರತಿ॒ ಪ್ರವಿ॑ಷ್ಟಾ । ವ॒ಧೂರ್ಜ॑ಜಾನ ನವ॒ಗಜ್ಜನಿ॑ತ್ರೀ॒ ತ್ರಯ॑ ಏನಾ-ಮ್ಮಹಿ॒ಮಾನ॑-ಸ್ಸಚನ್ತೇ ॥ ಛನ್ದ॑ಸ್ವತೀ ಉ॒ಷಸಾ॒ ಪೇಪಿ॑ಶಾನೇ ಸಮಾ॒ನಂ-ಯೋಁನಿ॒ಮನು॑ ಸ॒ಞ್ಚರ॑ನ್ತೀ । ಸೂರ್ಯ॑ಪತ್ನೀ॒ ವಿ ಚ॑ರತಃ ಪ್ರಜಾನ॒ತೀ ಕೇ॒ತು-ಙ್ಕೃ॑ಣ್ವಾ॒ನೇ ಅ॒ಜರ॒ ಭೂರಿ॑ರೇತಸಾ ॥ ಋ॒ತಸ್ಯ॒ ಪನ್ಥಾ॒ಮನು॑ ತಿ॒ಸ್ರ ಆ-ಽಗು॒ಸ್ತ್ರಯೋ॑ ಘ॒ರ್ಮಾಸೋ॒ ಅನು॒ ಜ್ಯೋತಿ॒ಷಾ-ಽಽಗುಃ॑ । ಪ್ರ॒ಜಾಮೇಕಾ॒ ರಖ್ಷ॒ತ್ಯೂರ್ಜ॒ಮೇಕಾ᳚ [ ] 21
ವ್ರ॒ತಮೇಕಾ॑ ರಖ್ಷತಿ ದೇವಯೂ॒ನಾಮ್ ॥ ಚ॒ತು॒ಷ್ಟೋ॒ಮೋ ಅ॑ಭವ॒ದ್ಯಾ ತು॒ರೀಯಾ॑ ಯ॒ಜ್ಞಸ್ಯ॑ ಪ॒ಖ್ಷಾವೃ॑ಷಯೋ॒ ಭವ॑ನ್ತೀ । ಗಾ॒ಯ॒ತ್ರೀ-ನ್ತ್ರಿ॒ಷ್ಟುಭ॒-ಞ್ಜ॑ಗತೀಮನು॒ಷ್ಟುಭ॑-ಮ್ಬೃ॒ಹದ॒ರ್ಕಂ-ಯುಁ॑ಞ್ಜಾ॒ನಾ-ಸ್ಸುವ॒ರಾ-ಽಭ॑ರನ್ನಿ॒ದಮ್ ॥ ಪ॒ಞ್ಚಭಿ॑ರ್ಧಾ॒ತಾ ವಿ ದ॑ಧಾವಿ॒ದಂ-ಯಁ-ತ್ತಾಸಾ॒ಗ್॒ ಸ್ವಸೄ॑ರಜನಯ॒-ತ್ಪಞ್ಚ॑ಪಞ್ಚ । ತಾಸಾ॑ಮು ಯನ್ತಿ ಪ್ರಯ॒ವೇಣ॒ ಪಞ್ಚ॒ ನಾನಾ॑ ರೂ॒ಪಾಣಿ॒ ಕ್ರತ॑ವೋ॒ ವಸಾ॑ನಾಃ ॥ ತ್ರಿ॒ಗ್ಂ॒ಶ-ಥ್ಸ್ವಸಾ॑ರ॒ ಉಪ॑ಯನ್ತಿ ನಿಷ್ಕೃ॒ತಗ್ಂ ಸ॑ಮಾ॒ನ-ಙ್ಕೇ॒ತು-ಮ್ಪ್ರ॑ತಿಮು॒ಞ್ಚಮಾ॑ನಾಃ । 22
ಋ॒ತೂಗ್ಸ್ತ॑ನ್ವತೇ ಕ॒ವಯಃ॑ ಪ್ರಜಾನ॒ತೀರ್ಮದ್ಧ್ಯೇ॑ಛನ್ದಸಃ॒ ಪರಿ॑ ಯನ್ತಿ॒ ಭಾಸ್ವ॑ತೀಃ ॥ ಜ್ಯೋತಿ॑ಷ್ಮತೀ॒ ಪ್ರತಿ॑ ಮುಞ್ಚತೇ॒ ನಭೋ॒ ರಾತ್ರೀ॑ ದೇ॒ವೀ ಸೂರ್ಯ॑ಸ್ಯ ವ್ರ॒ತಾನಿ॑ । ವಿ ಪ॑ಶ್ಯನ್ತಿ ಪ॒ಶವೋ॒ ಜಾಯ॑ಮಾನಾ॒ ನಾನಾ॑ರೂಪಾ ಮಾ॒ತುರ॒ಸ್ಯಾ ಉ॒ಪಸ್ಥೇ᳚ ॥ ಏ॒ಕಾ॒ಷ್ಟ॒ಕಾ ತಪ॑ಸಾ॒ ತಪ್ಯ॑ಮಾನಾ ಜ॒ಜಾನ॒ ಗರ್ಭ॑-ಮ್ಮಹಿ॒ಮಾನ॒ಮಿನ್ದ್ರ᳚ಮ್ । ತೇನ॒ ದಸ್ಯೂ॒ನ್ ವ್ಯ॑ಸಹನ್ತ ದೇ॒ವಾ ಹ॒ನ್ತಾ-ಽಸು॑ರಾಣಾ-ಮಭವ॒ಚ್ಛಚೀ॑ಭಿಃ ॥ ಅನಾ॑ನುಜಾಮನು॒ಜಾ-ಮ್ಮಾಮ॑ಕರ್ತ ಸ॒ತ್ಯಂ-ವಁದ॒ನ್ತ್ಯನ್ವಿ॑ಚ್ಛ ಏ॒ತತ್ । ಭೂ॒ಯಾಸ॑- [ಭೂ॒ಯಾಸ᳚ಮ್, ಅ॒ಸ್ಯ॒ ಸು॒ಮ॒ತೌ ಯಥಾ॑] 23
ಮಸ್ಯ ಸುಮ॒ತೌ ಯಥಾ॑ ಯೂ॒ಯಮ॒ನ್ಯಾ ವೋ॑ ಅ॒ನ್ಯಾಮತಿ॒ ಮಾ ಪ್ರ ಯು॑ಕ್ತ ॥ ಅಭೂ॒ನ್ಮಮ॑ ಸುಮ॒ತೌ ವಿ॒ಶ್ವವೇ॑ದಾ॒ ಆಷ್ಟ॑ ಪ್ರತಿ॒ಷ್ಠಾಮವಿ॑ದ॒ದ್ಧಿ ಗಾ॒ಧಮ್ । ಭೂ॒ಯಾಸ॑ಮಸ್ಯ ಸುಮ॒ತೌ ಯಥಾ॑ ಯೂ॒ಯಮ॒ನ್ಯಾ ವೋ॑ ಅ॒ನ್ಯಾಮತಿ॒ ಮಾ ಪ್ರಯು॑ಕ್ತ ॥ ಪಞ್ಚ॒ ವ್ಯು॑ಷ್ಟೀ॒ರನು॒ ಪಞ್ಚ॒ ದೋಹಾ॒ ಗಾ-ಮ್ಪಞ್ಚ॑ನಾಮ್ನೀಮೃ॒ತವೋ-ಽನು॒ ಪಞ್ಚ॑ । ಪಞ್ಚ॒ ದಿಶಃ॑ ಪಞ್ಚದ॒ಶೇನ॑ ಕೢ॒ಪ್ತಾ-ಸ್ಸ॑ಮಾ॒ನಮೂ᳚ರ್ಧ್ನೀರ॒ಭಿ ಲೋ॒ಕಮೇಕ᳚ಮ್ ॥ 24 ॥
ಋ॒ತಸ್ಯ॒ ಗರ್ಭಃ॑ ಪ್ರಥ॒ಮಾ ವ್ಯೂ॒ಷುಷ್ಯ॒ಪಾಮೇಕಾ॑ ಮಹಿ॒ಮಾನ॑-ಮ್ಬಿಭರ್ತಿ । ಸೂರ್ಯ॒ಸ್ಯೈಕಾ॒ ಚರ॑ತಿ ನಿಷ್ಕೃ॒ತೇಷು॑ ಘ॒ರ್ಮಸ್ಯೈಕಾ॑ ಸವಿ॒ತೈಕಾ॒-ನ್ನಿ ಯ॑ಚ್ಛತಿ ॥ ಯಾ ಪ್ರ॑ಥ॒ಮಾ ವ್ಯೌಚ್ಛ॒-ಥ್ಸಾ ಧೇ॒ನುರ॑ಭವದ್ಯ॒ಮೇ । ಸಾ ನಃ॒ ಪಯ॑ಸ್ವತೀ ಧು॒ಖ್ಷ್ವೋತ್ತ॑ರಾಮುತ್ತರಾ॒ಗ್ಂ॒ ಸಮಾ᳚ಮ್ ॥ ಶು॒ಕ್ರರ್ಷ॑ಭಾ॒ ನಭ॑ಸಾ॒ ಜ್ಯೋತಿ॒ಷಾ ಽಽಗಾ᳚-ದ್ವಿ॒ಶ್ವರೂ॑ಪಾ ಶಬ॒ಲೀರ॒ಗ್ನಿಕೇ॑ತುಃ । ಸ॒ಮಾ॒ನಮರ್ಥಗ್ಗ್॑ ಸ್ವಪ॒ಸ್ಯಮಾ॑ನಾ॒ ಬಿಭ್ರ॑ತೀ ಜ॒ರಾಮ॑ಜರ ಉಷ॒ ಆ-ಽಗಾಃ᳚ ॥ ಋ॒ತೂ॒ನಾ-ಮ್ಪತ್ನೀ᳚ ಪ್ರಥ॒ಮೇಯಮಾ-ಽಗಾ॒ದಹ್ನಾ᳚-ನ್ನೇ॒ತ್ರೀ ಜ॑ನಿ॒ತ್ರೀ ಪ್ರ॒ಜಾನಾ᳚ಮ್ । ಏಕಾ॑ ಸ॒ತೀ ಬ॑ಹು॒ಧೋಷೋ॒ ವ್ಯು॑ಚ್ಛ॒ಸ್ಯಜೀ᳚ರ್ಣಾ॒ ತ್ವ-ಞ್ಜ॑ರಯಸಿ॒ ಸರ್ವ॑ಮ॒ನ್ಯತ್ ॥ 25 ॥
(ಊರ್ಜ॒ಮೇಕಾ᳚ – ಪ್ರತಿಮು॒ಞ್ಚಮಾ॑ನಾ – ಭೂ॒ಯಾಸ॒ – ಮೇಕಂ॒ – ಪತ್ನ್ಯೇ ಕಾ॒ನ್ನ ವಿಗ್ಂ॑ಶ॒ತಿಶ್ಚ॑) (ಅ. 11)
ಅಗ್ನೇ॑ ಜಾ॒ತಾ-ನ್ಪ್ರಣು॑ದಾ ನ-ಸ್ಸ॒ಪತ್ನಾ॒-ನ್ಪ್ರತ್ಯಜಾ॑ತಾಞ್ಜಾತವೇದೋ ನುದಸ್ವ । ಅ॒ಸ್ಮೇ ದೀ॑ದಿಹಿ ಸು॒ಮನಾ॒ ಅಹೇ॑ಡ॒-ನ್ತವ॑ ಸ್ಯಾ॒ಗ್ಂ॒ ಶರ್ಮ॑-ನ್ತ್ರಿ॒ವರೂ॑ಥ ಉ॒ದ್ಭಿತ್ ॥ ಸಹ॑ಸಾ ಜಾ॒ತಾ-ನ್ಪ್ರಣು॑ದಾನ-ಸ್ಸ॒ಪತ್ನಾ॒-ನ್ಪ್ರತ್ಯಜಾ॑ತಾಞ್ಜಾತವೇದೋ ನುದಸ್ವ । ಅಧಿ॑ ನೋ ಬ್ರೂಹಿ ಸುಮನ॒ಸ್ಯಮಾ॑ನೋ ವ॒ಯಗ್ಗ್ ಸ್ಯಾ॑ಮ॒ ಪ್ರಣು॑ದಾ ನ-ಸ್ಸ॒ಪತ್ನಾನ್॑ ॥ ಚ॒ತು॒ಶ್ಚ॒ತ್ವಾ॒ರಿ॒ಗ್ಂ॒ಶ-ಸ್ಸ್ತೋಮೋ॒ ವರ್ಚೋ॒ ದ್ರವಿ॑ಣಗ್ಂ ಷೋಡ॒ಶ-ಸ್ಸ್ತೋಮ॒ ಓಜೋ॒ ದ್ರವಿ॑ಣ-ಮ್ಪೃಥಿ॒ವ್ಯಾಃ ಪುರೀ॑ಷಮ॒- [ಪುರೀ॑ಷಮಸಿ, ಅಫ್ಸೋ॒ ನಾಮ॑ ।] 26
-ಸ್ಯಫ್ಸೋ॒ ನಾಮ॑ । ಏವ॒ ಶ್ಛನ್ದೋ॒ ವರಿ॑ವ॒ ಶ್ಛನ್ದ॑-ಶ್ಶ॒ಭೂಂ ಶ್ಛನ್ದಃ॑ ಪರಿ॒ಭೂ ಶ್ಛನ್ದ॑ ಆ॒ಚ್ಛಚ್ಛನ್ದೋ॒ ಮನ॒ ಶ್ಛನ್ದೋ॒ ವ್ಯಚ॒ ಶ್ಛನ್ದ॒-ಸ್ಸಿನ್ಧು॒ ಶ್ಛನ್ದ॑-ಸ್ಸಮು॒ದ್ರ-ಞ್ಛನ್ದ॑-ಸ್ಸಲಿ॒ಲ-ಞ್ಛನ್ದ॑-ಸ್ಸಂ॒ಯಁಚ್ಛನ್ದೋ॑ ವಿ॒ಯಚ್ಛನ್ದೋ॑ ಬೃ॒ಹಚ್ಛನ್ದೋ॑ ರಥನ್ತ॒ರ-ಞ್ಛನ್ದೋ॑ ನಿಕಾ॒ಯ ಶ್ಛನ್ದೋ॑ ವಿವ॒ಧ ಶ್ಛನ್ದೋ॒ ಗಿರ॒ ಶ್ಛನ್ದೋ॒ ಭ್ರಜ॒ ಶ್ಛನ್ದ॑-ಸ್ಸ॒ಷ್ಟು-ಪ್ಛನ್ದೋ॑ ಽನು॒ಷ್ಟು-ಪ್ಛನ್ದಃ॑ ಕ॒ಕುಚ್ಛನ್ದ॑ ಸ್ತ್ರಿಕ॒ಕುಚ್ಛನ್ದಃ॑ ಕಾ॒ವ್ಯ-ಞ್ಛನ್ದೋ᳚ -ಽಙ್ಕು॒ಪ-ಞ್ಛನ್ದಃ॑ [-ಽಙ್ಕು॒ಪ-ಞ್ಛನ್ದಃ॑, ಪ॒ದಪ॑ಙ್ಕ್ತಿ॒ ಶ್ಛನ್ದೋ॒] 27
ಪ॒ದಪ॑ಙ್ಕ್ತಿ॒ ಶ್ಛನ್ದೋ॒ ಽಖ್ಷರ॑ಪಙ್ಕ್ತಿ॒ ಶ್ಛನ್ದೋ॑ ವಿಷ್ಟಾ॒ರಪ॑ಙ್ಕ್ತಿ॒ ಶ್ಛನ್ದಃ॑, ಖ್ಷು॒ರೋ ಭೃಜ್ವಾ॒ಞ್ಛನ್ದಃ॑ ಪ್ರ॒ಚ್ಛಚ್ಛನ್ದಃ॑ ಪ॒ಖ್ಷ ಶ್ಛನ್ದ॒ ಏವ॒ ಶ್ಛನ್ದೋ॒ ವರಿ॑ವ॒ ಶ್ಛನ್ದೋ॒ ವಯ॒ ಶ್ಛನ್ದೋ॑ ವಯ॒ಸ್ಕೃಚ್ಛನ್ದೋ॑ ವಿಶಾ॒ಲ-ಞ್ಛನ್ದೋ॒ ವಿಷ್ಪ॑ರ್ಧಾ॒ ಶ್ಛನ್ದ॑ ಶ್ಛ॒ದಿ ಶ್ಛನ್ದೋ॑ ದೂರೋಹ॒ಣ-ಞ್ಛನ್ದ॑ಸ್ತ॒ನ್ದ್ರ-ಞ್ಛನ್ದೋ᳚ ಽಙ್ಕಾ॒ಙ್ಕ-ಞ್ಛನ್ದಃ॑ ॥ 28 ॥
(ಅ॒ಸ್ಯ॒ – ಙ್ಕು॒ಪಞ್ಛನ್ದ॒ – ಸ್ತ್ರಯ॑ಸ್ತ್ರಿಗ್ಂಶಚ್ಚ) (ಅ. 12)
ಅ॒ಗ್ನಿರ್ವೃ॒ತ್ರಾಣಿ॑ ಜಙ್ಘನ-ದ್ದ್ರವಿಣ॒ಸ್ಯುರ್ವಿ॑ಪ॒ನ್ಯಯಾ᳚ । ಸಮಿ॑ದ್ಧ-ಶ್ಶು॒ಕ್ರ ಆಹು॑ತಃ ॥ ತ್ವಗ್ಂ ಸೋ॑ಮಾಸಿ॒ ಸತ್ಪ॑ತಿ॒ಸ್ತ್ವಗ್ಂ ರಾಜೋ॒ತ ವೃ॑ತ್ರ॒ಹಾ । ತ್ವ-ಮ್ಭ॒ದ್ರೋ ಅ॑ಸಿ॒ ಕ್ರತುಃ॑ ॥ ಭ॒ದ್ರಾ ತೇ॑ ಅಗ್ನೇ ಸ್ವನೀಕ ಸ॒ದೃಙ್ಗ್ಘೋ॒ರಸ್ಯ॑ ಸ॒ತೋ ವಿಷು॑ಣಸ್ಯ॒ ಚಾರುಃ॑ । ನ ಯ-ತ್ತೇ॑ ಶೋ॒ಚಿಸ್ತಮ॑ಸಾ॒ ವರ॑ನ್ತ॒ ನ ಧ್ವ॒ಸ್ಮಾನ॑ಸ್ತ॒ನುವಿ॒ ರೇಪ॒ ಆ ಧುಃ॑ ॥ ಭ॒ದ್ರ-ನ್ತೇ॑ ಅಗ್ನೇ ಸಹಸಿ॒ನ್ನನೀ॑ಕಮುಪಾ॒ಕ ಆ ರೋ॑ಚತೇ॒ ಸೂರ್ಯ॑ಸ್ಯ । 29
ರುಶ॑-ದ್ದೃ॒ಶೇ ದ॑ದೃಶೇ ನಕ್ತ॒ಯಾ ಚಿ॒ದರೂ᳚ಖ್ಷಿತ-ನ್ದೃ॒ಶ ಆ ರೂ॒ಪೇ ಅನ್ನ᳚ಮ್ ॥ ಸೈನಾ-ಽನೀ॑ಕೇನ ಸುವಿ॒ದತ್ರೋ॑ ಅ॒ಸ್ಮೇ ಯಷ್ಟಾ॑ ದೇ॒ವಾಗ್ಂ ಆಯ॑ಜಿಷ್ಠ-ಸ್ಸ್ವ॒ಸ್ತಿ । ಅದ॑ಬ್ಧೋ ಗೋ॒ಪಾ ಉ॒ತ ನಃ॑ ಪರ॒ಸ್ಪಾ ಅಗ್ನೇ᳚ ದ್ಯು॒ಮದು॒ತ ರೇ॒ವ-ದ್ದಿ॑ದೀಹಿ ॥ ಸ್ವ॒ಸ್ತಿ ನೋ॑ ದಿ॒ವೋ ಅ॑ಗ್ನೇ ಪೃಥಿ॒ವ್ಯಾ ವಿ॒ಶ್ವಾಯು॑ರ್ಧೇಹಿ ಯ॒ಜಥಾ॑ಯ ದೇವ । ಯ-ಥ್ಸೀ॒ಮಹಿ॑ ದಿವಿಜಾತ॒ ಪ್ರಶ॑ಸ್ತ॒-ನ್ತದ॒ಸ್ಮಾಸು॒ ದ್ರವಿ॑ಣ-ನ್ಧೇಹಿ ಚಿ॒ತ್ರಮ್ ॥ ಯಥಾ॑ ಹೋತ॒ರ್ಮನು॑ಷೋ [ಹೋತ॒ರ್ಮನು॑ಷಃ, ದೇ॒ವತಾ॑ತಾ] 30
ದೇ॒ವತಾ॑ತಾ ಯ॒ಜ್ಞೇಭಿ॑-ಸ್ಸೂನೋ ಸಹಸೋ॒ ಯಜಾ॑ಸಿ । ಏ॒ವಾ ನೋ॑ ಅ॒ದ್ಯ ಸ॑ಮ॒ನಾ ಸ॑ಮಾ॒ನಾನು॒-ಶನ್ನ॑ಗ್ನ ಉಶ॒ತೋ ಯ॑ಖ್ಷಿ ದೇ॒ವಾನ್ ॥ ಅ॒ಗ್ನಿಮೀ॑ಡೇ ಪು॒ರೋಹಿ॑ತಂ-ಯಁ॒ಜ್ಞಸ್ಯ॑ ದೇ॒ವಮೃ॒ತ್ವಿಜ᳚ಮ್ । ಹೋತಾ॑ರಗ್ಂ ರತ್ನ॒ಧಾತ॑ಮಮ್ ॥ ವೃಷಾ॑ ಸೋಮ ದ್ಯು॒ಮಾಗ್ಂ ಅ॑ಸಿ॒ ವೃಷಾ॑ ದೇವ॒ ವೃಷ॑ವ್ರತಃ । ವೃಷಾ॒ ಧರ್ಮಾ॑ಣಿ ದಧಿಷೇ ॥ ಸಾನ್ತ॑ಪನಾ ಇ॒ದಗ್ಂ ಹ॒ವಿರ್ಮರು॑ತ॒ಸ್ತಜ್ಜು॑ಜುಷ್ಟನ । ಯು॒ಷ್ಮಾಕೋ॒ತೀ ರಿ॑ಶಾದಸಃ ॥ ಯೋ ನೋ॒ ಮರ್ತೋ॑ ವಸವೋ ದುರ್ಹೃಣಾ॒ಯುಸ್ತಿ॒ರ-ಸ್ಸ॒ತ್ಯಾನಿ॑ ಮರುತೋ॒ [ಮರುತಃ, ಜಿಘಾಗ್ಂ॑ಸಾತ್ ।] 31
ಜಿಘಾಗ್ಂ॑ಸಾತ್ । ದ್ರು॒ಹಃ ಪಾಶ॒-ಮ್ಪ್ರತಿ॒ ಸ ಮು॑ಚೀಷ್ಟ॒ ತಪಿ॑ಷ್ಠೇನ॒ ತಪ॑ಸಾ ಹನ್ತನಾ॒ ತಮ್ ॥ ಸಂ॒ವಁ॒ಥ್ಸ॒ರೀಣಾ॑ ಮ॒ರುತ॑-ಸ್ಸ್ವ॒ರ್ಕಾ ಉ॑ರು॒ಖ್ಷಯಾ॒-ಸ್ಸಗ॑ಣಾ॒ ಮಾನು॑ಷೇಷು । ತೇ᳚-ಽಸ್ಮ-ತ್ಪಾಶಾ॒-ನ್ಪ್ರ ಮು॑ಞ್ಚ॒ನ್ತ್ವಗ್ಂಹ॑ಸ-ಸ್ಸಾನ್ತಪ॒ನಾ ಮ॑ದಿ॒ರಾ ಮಾ॑ದಯಿ॒ಷ್ಣವಃ॑ ॥ ಪಿ॒ಪ್ರೀ॒ಹಿ ದೇ॒ವಾಗ್ಂ ಉ॑ಶ॒ತೋ ಯ॑ವಿಷ್ಠ ವಿ॒ದ್ವಾಗ್ಂ ಋ॒ತೂಗ್ಂರ್-ಋ॑ತುಪತೇ ಯಜೇ॒ಹ । ಯೇ ದೈವ್ಯಾ॑ ಋ॒ತ್ವಿಜ॒ಸ್ತೇಭಿ॑ರಗ್ನೇ॒ ತ್ವಗ್ಂ ಹೋತೄ॑ಣಾಮ॒ಸ್ಯಾಯ॑ಜಿಷ್ಠಃ ॥ ಅಗ್ನೇ॒ ಯದ॒ದ್ಯ ವಿ॒ಶೋ ಅ॑ದ್ಧ್ವರಸ್ಯ ಹೋತಃ॒ ಪಾವ॑ಕ [ಪಾವ॑ಕ, ಶೋ॒ಚೇ॒ ವೇಷ್ಟ್ವಗ್ಂ ಹಿ] 32
ಶೋಚೇ॒ ವೇಷ್ಟ್ವಗ್ಂ ಹಿ ಯಜ್ವಾ᳚ । ಋ॒ತಾ ಯ॑ಜಾಸಿ ಮಹಿ॒ನಾ ವಿ ಯದ್ಭೂರ್ಹ॒ವ್ಯಾ ವ॑ಹ ಯವಿಷ್ಠ॒ ಯಾ ತೇ॑ ಅ॒ದ್ಯ ॥ ಅ॒ಗ್ನಿನಾ॑ ರ॒ಯಿ-ಮ॑ಶ್ಞವ॒-ತ್ಪೋಷ॑ಮೇ॒ವ ದಿ॒ವೇದಿ॑ವೇ । ಯ॒ಶಸಂ॑-ವೀಁ॒ರವ॑ತ್ತಮಮ್ ॥ ಗ॒ಯ॒ಸ್ಫಾನೋ॑ ಅಮೀವ॒ಹಾ ವ॑ಸು॒ವಿ-ತ್ಪು॑ಷ್ಟಿ॒ವರ್ಧ॑ನಃ । ಸು॒ಮಿ॒ತ್ರ-ಸ್ಸೋ॑ಮ ನೋ ಭವ ॥ ಗೃಹ॑ಮೇಧಾಸ॒ ಆ ಗ॑ತ॒ ಮರು॑ತೋ॒ ಮಾ-ಽಪ॑ ಭೂತನ । ಪ್ರ॒ಮು॒ಞ್ಚನ್ತೋ॑ ನೋ॒ ಅಗ್ಂಹ॑ಸಃ ॥ ಪೂ॒ರ್ವೀಭಿ॒ರ್॒ಹಿ ದ॑ದಾಶಿ॒ಮ ಶ॒ರದ್ಭಿ॑ರ್ಮರುತೋ ವ॒ಯಮ್ । ಮಹೋ॑ಭಿ- [ಮಹೋ॑ಭಿಃ, ಚ॒ರ್॒ಷ॒ಣೀ॒ನಾಮ್ ।] 33
-ಶ್ಚರ್ಷಣೀ॒ನಾಮ್ ॥ ಪ್ರಬು॒ದ್ಧ್ನಿಯಾ॑ ಈರತೇ ವೋ॒ ಮಹಾಗ್ಂ॑ಸಿ॒ ಪ್ರಣಾಮಾ॑ನಿ ಪ್ರಯಜ್ಯವಸ್ತಿರದ್ಧ್ವಮ್ । ಸ॒ಹ॒ಸ್ರಿಯ॒-ನ್ದಮ್ಯ॑-ಮ್ಭಾ॒ಗಮೇ॒ತ-ಙ್ಗೃ॑ಹಮೇ॒ಧೀಯ॑-ಮ್ಮರುತೋ ಜುಷದ್ಧ್ವಮ್ ॥ ಉಪ॒ ಯಮೇತಿ॑ ಯುವ॒ತಿ-ಸ್ಸು॒ದಖ್ಷ॑-ನ್ದೋ॒ಷಾ ವಸ್ತೋರ್॑. ಹ॒ವಿಷ್ಮ॑ತೀ ಘೃ॒ತಾಚೀ᳚ । ಉಪ॒ ಸ್ವೈನ॑ಮ॒ರಮ॑ತಿರ್ವ-ಸೂ॒ಯುಃ ॥ ಇ॒ಮೋ ಅ॑ಗ್ನೇ ವೀ॒ತತ॑ಮಾನಿ ಹ॒ವ್ಯಾ ಽಜ॑ಸ್ರೋ ವಖ್ಷಿ ದೇ॒ವತಾ॑ತಿ॒ಮಚ್ಛ॑ । ಪ್ರತಿ॑ ನ ಈಗ್ಂ ಸುರ॒ಭೀಣಿ॑ ವಿಯನ್ತು ॥ ಕ್ರೀ॒ಡಂ-ವಁ॒-ಶ್ಶರ್ಧೋ॒ ಮಾರು॑ತಮನ॒ರ್ವಾಣಗ್ಂ॑ ರಥೇ॒ಶುಭ᳚ಮ್ । 34
ಕಣ್ವಾ॑ ಅ॒ಭಿ ಪ್ರ ಗಾ॑ಯತ ॥ ಅತ್ಯಾ॑ಸೋ॒ ನ ಯೇ ಮ॒ರುತ॒-ಸ್ಸ್ವಞ್ಚೋ॑ ಯಖ್ಷ॒ದೃಶೋ॒ ನ ಶು॒ಭಯ॑ನ್ತ॒ ಮರ್ಯಾಃ᳚ । ತೇ ಹ॑ರ್ಮ್ಯೇ॒ಷ್ಠಾ-ಶ್ಶಿಶ॑ವೋ॒ ನ ಶು॒ಭ್ರಾ ವ॒ಥ್ಸಾಸೋ॒ ನ ಪ್ರ॑ಕ್ರೀ॒ಡಿನಃ॑ ಪಯೋ॒ಧಾಃ ॥ ಪ್ರೈಷಾ॒ಮಜ್ಮೇ॑ಷು ವಿಥು॒ರೇವ॑ ರೇಜತೇ॒ ಭೂಮಿ॒ರ್ಯಾಮೇ॑ಷು॒ ಯದ್ಧ॑ ಯು॒ಞ್ಜತೇ॑ ಶು॒ಭೇ । ತೇ ಕ್ರೀ॒ಡಯೋ॒ ಧುನ॑ಯೋ॒ ಭ್ರಾಜ॑ದೃಷ್ಟಯ-ಸ್ಸ್ವ॒ಯ-ಮ್ಮ॑ಹಿ॒ತ್ವ-ಮ್ಪ॑ನಯನ್ತ॒ ಧೂತ॑ಯಃ ॥ ಉ॒ಪ॒ಹ್ವ॒ರೇಷು॒ ಯದಚಿ॑ದ್ಧ್ವಂ-ಯಁ॒ಯಿಂ-ವಁಯ॑ ಇವ ಮರುತಃ॒ ಕೇನ॑ [ಕೇನ॑, ಚಿ॒-ತ್ಪ॒ಥಾ ।] 35
ಚಿ-ತ್ಪ॒ಥಾ । ಶ್ಚೋತ॑ನ್ತಿ॒ ಕೋಶಾ॒ ಉಪ॑ ವೋ॒ ರಥೇ॒ಷ್ವಾ ಘೃ॒ತಮು॑ಖ್ಷತಾ॒ ಮಧು॑ವರ್ಣ॒ಮರ್ಚ॑ತೇ ॥ ಅ॒ಗ್ನಿಮ॑ಗ್ನಿ॒ಗ್ಂ॒ ಹವೀ॑ಮಭಿ॒-ಸ್ಸದಾ॑ ಹವನ್ತ ವಿ॒ಶ್ಪತಿ᳚ಮ್ । ಹ॒ವ್ಯ॒ವಾಹ॑-ಮ್ಪುರುಪ್ರಿ॒ಯಮ್ ॥ ತಗ್ಂ ಹಿ ಶಶ್ವ॑ನ್ತ॒ ಈಡ॑ತೇ ಸ್ರು॒ಚಾ ದೇ॒ವ-ಙ್ಘೃ॑ತ॒ಶ್ಚುತಾ᳚ । ಅ॒ಗ್ನಿಗ್ಂ ಹ॒ವ್ಯಾಯ॒ ವೋಢ॑ವೇ ॥ ಇನ್ದ್ರಾ᳚ಗ್ನೀ ರೋಚ॒ನಾ ದಿ॒ವ-ಶ್ಶ್ಞಥ॑ದ್ವೃ॒ತ್ರ ಮಿನ್ದ್ರಂ॑-ವೋಁ ವಿ॒ಶ್ವತ॒ಸ್ಪರೀನ್ದ್ರ॒-ನ್ನರೋ॒ ವಿಶ್ವ॑ಕರ್ಮನ್. ಹ॒ವಿಷಾ॑ ವಾವೃಧಾ॒ನೋ ವಿಶ್ವ॑ಕರ್ಮನ್. ಹ॒ವಿಷಾ॒ ವರ್ಧ॑ನೇನ ॥ 36 ॥
(ಸೂರ್ಯ॑ಸ್ಯ॒ – ಮನು॑ಷೋ – ಮರುತಃ॒ – ಪಾವ॑ಕ॒ – ಮಹೋ॑ಭೀ – ರಥೇ॒ಶುಭ॒ – ಙ್ಕೇನ॒ – ಷಡ್ಚ॑ತ್ವಾರಿಗ್ಂಶಚ್ಚ) (ಅ. 13)
(ಅ॒ಪಾನ್ತ್ವೇಮ॑ – ನ್ನ॒ಯ-ಮ್ಪು॒ರೋ ಭುವಃ॒ – ಪ್ರಾಚೀ᳚ – ಧ್ರು॒ವಖ್ಷಿ॑ತಿ॒ – ಸ್ತ್ರ್ಯವಿ॒ – ರಿನ್ದ್ರಾ᳚ಗ್ನೀ॒ – ಮಾ ಛನ್ದ॑ – ಆ॒ಶುಸ್ತ್ರಿ॒ವೃ – ದ॒ಗ್ನೇರ್ಭಾ॒ಗೋ᳚ – ಽಸ್ಯೇಕ॑ – ಯೇ॒ಯಮೇ॒ವ ಸಾ ಯಾ – ಽಗ್ನೇ॑ ಜಾ॒ತಾ – ನ॒ಗ್ನಿರ್ವೃ॒ತ್ರಾಣಿ॒ – ತ್ರಯೋ॑ದಶ )
(ಅ॒ಪಾನ್ತ್ವೇ – ನ್ದ್ರಾ᳚ಗ್ನೀ – ಇ॒ಯಮೇ॒ವ – ದೇ॒ವತಾ॑ತಾ॒ – ಷಟ್ತ್ರಿಗ್ಂ॑ಶತ್ )
(ಅ॒ಪಾನ್ತ್ವೇಮ॑ನ್, ಹ॒ವಿಷಾ॒ ವರ್ಧ॑ನೇನ)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಞ್ಚತುರ್ಥ ಕಾಣ್ಡೇ ತೃತೀಯಃ ಪ್ರಶ್ನ-ಸ್ಸಮಾಪ್ತಃ ॥