ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪಞ್ಚಮಕಾಣ್ಡೇ ತೃತೀಯಃ ಪ್ರಶ್ನಃ – ಚಿತೀನಾ-ನ್ನಿರೂಪಣಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಉ॒ಥ್ಸ॒ನ್ನ॒ ಯ॒ಜ್ಞೋ ವಾ ಏ॒ಷ ಯದ॒ಗ್ನಿಃ ಕಿಂ-ವಾಁ-ಽಹೈ॒ತಸ್ಯ॑ ಕ್ರಿ॒ಯತೇ॒ ಕಿಂ-ವಾಁ॒ ನ ಯದ್ವೈ ಯ॒ಜ್ಞಸ್ಯ॑ ಕ್ರಿ॒ಯಮಾ॑ಣಸ್ಯಾ-ನ್ತ॒ರ್ಯನ್ತಿ॒ ಪೂಯ॑ತಿ॒ ವಾ ಅ॑ಸ್ಯ॒ ತದಾ᳚ಶ್ವಿ॒ನೀರುಪ॑ ದಧಾತ್ಯ॒ಶ್ವಿನೌ॒ ವೈ ದೇ॒ವಾನಾ᳚-ಮ್ಭಿ॒ಷಜೌ॒ ತಾಭ್ಯಾ॑ಮೇ॒ವಾಸ್ಮೈ॑ ಭೇಷ॒ಜ-ಙ್ಕ॑ರೋತಿ॒ ಪಞ್ಚೋಪ॑ ದಧಾತಿ॒ ಪಾಙ್ಕ್ತೋ॑ ಯ॒ಜ್ಞೋ ಯಾವಾ॑ನೇ॒ವ ಯ॒ಜ್ಞಸ್ತಸ್ಮೈ॑ ಭೇಷ॒ಜ-ಙ್ಕ॑ರೋತ್ಯೃತ॒ವ್ಯಾ॑ ಉಪ॑ ದಧಾತ್ಯೃತೂ॒ನಾ-ಙ್ಕೢಪ್ತ್ಯೈ॒ [ಕೢಪ್ತ್ಯೈ᳚, ಪಞ್ಚೋಪ॑] 1
ಪಞ್ಚೋಪ॑ ದಧಾತಿ॒ ಪಞ್ಚ॒ ವಾ ಋ॒ತವೋ॒ ಯಾವ॑ನ್ತ ಏ॒ವರ್ತವ॒ಸ್ತಾನ್ ಕ॑ಲ್ಪಯತಿ ಸಮಾ॒ನಪ್ರ॑ಭೃತಯೋ ಭವನ್ತಿ ಸಮಾ॒ನೋದ॑ರ್ಕಾ॒ಸ್ತಸ್ಮಾ᳚-ಥ್ಸಮಾ॒ನಾ ಋ॒ತವ॒ ಏಕೇ॑ನ ಪ॒ದೇನ॒ ವ್ಯಾವ॑ರ್ತನ್ತೇ॒ ತಸ್ಮಾ॑ದ್-ಋ॒ತವೋ॒ ವ್ಯಾವ॑ರ್ತನ್ತೇ ಪ್ರಾಣ॒ಭೃತ॒ ಉಪ॑ ದಧಾತ್ಯೃ॒ತುಷ್ವೇ॒ವ ಪ್ರಾ॒ಣಾ-ನ್ದ॑ಧಾತಿ॒ ತಸ್ಮಾ᳚-ಥ್ಸಮಾ॒ನಾ-ಸ್ಸನ್ತ॑ ಋ॒ತವೋ॒ ನ ಜೀ᳚ರ್ಯ॒ನ್ತ್ಯಥೋ॒ ಪ್ರಜ॑ನಯತ್ಯೇ॒ವೈನಾ॑ನೇ॒ಷ ವೈ ವಾ॒ಯುರ್ಯ-ತ್ಪ್ರಾ॒ಣೋ ಯದ್-ಋ॑ತ॒ವ್ಯಾ॑ ಉಪ॒ಧಾಯ॑ ಪ್ರಾಣ॒ಭೃತ॑ [ಪ್ರಾಣ॒ಭೃತಃ॑, ಉ॒ಪ॒ದಧಾ॑ತಿ॒] 2
ಉಪ॒ದಧಾ॑ತಿ॒ ತಸ್ಮಾ॒-ಥ್ಸರ್ವಾ॑ನೃ॒ತೂನನು॑ ವಾ॒ಯುರಾ ವ॑ರೀವರ್ತಿ ವೃಷ್ಟಿ॒ಸನೀ॒ರುಪ॑ ದಧಾತಿ॒ ವೃಷ್ಟಿ॑ಮೇ॒ವಾವ॑ ರುನ್ಧೇ॒ ಯದೇ॑ಕ॒ಧೋಪ॑ದ॒ದ್ಧ್ಯಾ-ದೇಕ॑ಮೃ॒ತುಂ-ವಁ॑ರ್ಷೇದನುಪರಿ॒ಹಾರಗ್ಂ॑ ಸಾದಯತಿ॒ ತಸ್ಮಾ॒-ಥ್ಸರ್ವಾ॑ನೃ॒ತೂನ್. ವ॑ರ್ಷತಿ॒ ಯ-ತ್ಪ್ರಾ॑ಣ॒ಭೃತ॑ ಉಪ॒ಧಾಯ॑ ವೃಷ್ಟಿ॒ಸನೀ॑ರುಪ॒ದಧಾ॑ತಿ॒ ತಸ್ಮಾ᳚-ದ್ವಾ॒ಯುಪ್ರ॑ಚ್ಯುತಾ ದಿ॒ವೋ ವೃಷ್ಟಿ॑ರೀರ್ತೇ ಪ॒ಶವೋ॒ ವೈ ವ॑ಯ॒ಸ್ಯಾ॑ ನಾನಾ॑ಮನಸಃ॒ ಖಲು॒ ವೈ ಪ॒ಶವೋ॒ ನಾನಾ᳚ವ್ರತಾ॒ಸ್ತೇ॑-ಽಪ ಏ॒ವಾಭಿ ಸಮ॑ನಸೋ॒ [ಸಮ॑ನಸಃ, ಯ-ಙ್ಕಾ॒ಮಯೇ॑ತಾ-] 3
ಯ-ಙ್ಕಾ॒ಮಯೇ॑ತಾ-ಽಪ॒ಶು-ಸ್ಸ್ಯಾ॒ದಿತಿ॑ ವಯ॒ಸ್ಯಾ᳚ಸ್ತಸ್ಯೋ॑-ಪ॒ಧಾಯಾ॑ಪ॒ಸ್ಯಾ॑ ಉಪ॑ ದದ್ಧ್ಯಾ॒-ದಸಂ᳚(2)ಜ್ಞಾನ-ಮೇ॒ವಾಸ್ಮೈ॑ ಪ॒ಶುಭಿಃ॑ ಕರೋತ್ಯಪ॒ಶುರೇ॒ವ ಭ॑ವತಿ॒ ಯ-ಙ್ಕಾ॒ಮಯೇ॑ತ ಪಶು॒ಮಾನ್-ಥ್ಸ್ಯಾ॒ದಿತ್ಯ॑-ಪ॒ಸ್ಯಾ᳚ಸ್ತಸ್ಯೋ॑ಪ॒ಧಾಯ॑ ವಯ॒ಸ್ಯಾ॑ ಉಪ॑ ದದ್ಧ್ಯಾ-ಥ್ಸಂ॒(2)ಜ್ಞಾನ॑ಮೇ॒ವಾಸ್ಮೈ॑ ಪ॒ಶುಭಿಃ॑ ಕರೋತಿ ಪಶು॒ಮಾನೇ॒ವ ಭ॑ವತಿ॒ ಚತ॑ಸ್ರಃ ಪು॒ರಸ್ತಾ॒ದುಪ॑ ದಧಾತಿ॒ ತಸ್ಮಾ᳚ಚ್ಚ॒ತ್ವಾರಿ॒ ಚಖ್ಷು॑ಷೋ ರೂ॒ಪಾಣಿ॒ ದ್ವೇ ಶು॒ಕ್ಲೇ ದ್ವೇ ಕೃ॒ಷ್ಣೇ [ಕೃ॒ಷ್ಣೇ, ಮೂ᳚ರ್ಧ॒ನ್ವತೀ᳚-] 4
ಮೂ᳚ರ್ಧ॒ನ್ವತೀ᳚-ರ್ಭವನ್ತಿ॒ ತಸ್ಮಾ᳚-ತ್ಪು॒ರಸ್ತಾ᳚ನ್ಮೂ॒ರ್ಧಾ ಪಞ್ಚ॒ ದಖ್ಷಿ॑ಣಾಯಾ॒ಗ್॒ ಶ್ರೋಣ್ಯಾ॒ಮುಪ॑ ದಧಾತಿ॒ ಪಞ್ಚೋತ್ತ॑ರಸ್ಯಾ॒-ನ್ತಸ್ಮಾ᳚-ತ್ಪ॒ಶ್ಚಾ-ದ್ವರ್ಷೀ॑ಯಾ-ನ್ಪು॒ರಸ್ತಾ᳚-ತ್ಪ್ರವಣಃ ಪ॒ಶುರ್ಬ॒ಸ್ತೋ ವಯ॒ ಇತಿ॒ ದಖ್ಷಿ॒ಣೇ-ಽಗ್ಂಸ॒ ಉಪ॑ ದಧಾತಿ ವೃ॒ಷ್ಣಿರ್ವಯ॒ ಇತ್ಯುತ್ತ॒ರೇ ಽಗ್ಂಸಾ॑ವೇ॒ವ ಪ್ರತಿ॑ ದಧಾತಿ ವ್ಯಾ॒ಘ್ರೋ ವಯ॒ ಇತಿ॒ ದಖ್ಷಿ॑ಣೇ ಪ॒ಖ್ಷ ಉಪ॑ ದಧಾತಿ ಸಿ॒ಗ್ಂ॒ಹೋ ವಯ॒ ಇತ್ಯುತ್ತ॑ರೇ ಪ॒ಖ್ಷಯೋ॑ರೇ॒ವ ವೀ॒ರ್ಯ॑-ನ್ದಧಾತಿ॒ ಪುರು॑ಷೋ॒ ವಯ॒ ಇತಿ॒ ಮದ್ಧ್ಯೇ॒ ತಸ್ಮಾ॒-ತ್ಪುರು॑ಷಃ ಪಶೂ॒ನಾಮಧಿ॑ಪತಿಃ ॥ 5 ॥
(ಕೢಪ್ತ್ಯಾ॑ – ಉಪ॒ಧಾಯ॑ ಪ್ರಾಣ॒ಭೃತಃ॒-ಸಮ॑ನಸಃ-ಕೃ॒ಷ್ಣೇ-ಪುರು॑ಷೋ॒ ವಯ॒ ಇತಿ॒ – ಪಞ್ಚ॑ ಚ) (ಅ. 1)
ಇನ್ದ್ರಾ᳚ಗ್ನೀ॒ ಅವ್ಯ॑ಥಮಾನಾ॒ಮಿತಿ॑ ಸ್ವಯಮಾತೃ॒ಣ್ಣಾಮುಪ॑ ದಧಾತೀನ್ದ್ರಾ॒ಗ್ನಿಭ್ಯಾಂ॒-ವಾಁ ಇ॒ಮೌ ಲೋ॒ಕೌ ವಿಧೃ॑ತಾವ॒ನಯೋ᳚-ರ್ಲೋ॒ಕಯೋ॒-ರ್ವಿಧೃ॑ತ್ಯಾ॒ ಅಧೃ॑ತೇವ॒ ವಾ ಏ॒ಷಾ ಯನ್ಮ॑ದ್ಧ್ಯ॒ಮಾ ಚಿತಿ॑ರ॒ನ್ತರಿ॑ಖ್ಷಮಿವ॒ ವಾ ಏ॒ಷೇನ್ದ್ರಾ᳚ಗ್ನೀ॒ ಇತ್ಯಾ॑ಹೇನ್ದ್ರಾ॒ಗ್ನೀ ವೈ ದೇ॒ವಾನಾ॑ಮೋಜೋ॒ ಭೃತಾ॒ವೋಜ॑ಸೈ॒ವೈನಾ॑-ಮ॒ನ್ತರಿ॑ಖ್ಷೇ ಚಿನುತೇ॒ ಧೃತ್ಯೈ᳚ ಸ್ವಯಮಾತೃ॒ಣ್ಣಾಮುಪ॑ ದಧಾತ್ಯ॒ನ್ತರಿ॑ಖ್ಷಂ॒-ವೈಁ ಸ್ವ॑ಯಮಾತೃ॒ಣ್ಣಾ ಽನ್ತರಿ॑ಖ್ಷಮೇ॒ವೋಪ॑ ಧ॒ತ್ತೇ ಽಶ್ವ॒ಮುಪ॑ [ಧ॒ತ್ತೇ ಽಶ್ವ॒ಮುಪ॑, ಘ್ರಾ॒ಪ॒ಯ॒ತಿ॒ ಪ್ರಾ॒ಣಮೇ॒ವಾ-] 6
ಘ್ರಾಪಯತಿ ಪ್ರಾ॒ಣಮೇ॒ವಾ-ಽಸ್ಯಾ᳚-ನ್ದಧಾ॒ತ್ಯಥೋ᳚ ಪ್ರಾಜಾಪ॒ತ್ಯೋ ವಾ ಅಶ್ವಃ॑ ಪ್ರ॒ಜಾಪ॑ತಿನೈ॒ವಾಗ್ನಿ-ಞ್ಚಿ॑ನುತೇ ಸ್ವಯಮಾತೃ॒ಣ್ಣಾ ಭ॑ವತಿ ಪ್ರಾ॒ಣಾನಾ॒ಮುಥ್ಸೃ॑ಷ್ಟ್ಯಾ॒ ಅಥೋ॑ ಸುವ॒ರ್ಗಸ್ಯ॑ ಲೋ॒ಕಸ್ಯಾನು॑ಖ್ಯಾತ್ಯೈ ದೇ॒ವಾನಾಂ॒-ವೈಁ ಸು॑ವ॒ರ್ಗಂ-ಲೋಁ॒ಕಂ-ಯಁ॒ತಾ-ನ್ದಿಶ॒-ಸ್ಸಮ॑ವ್ಲೀಯನ್ತ॒ ತ ಏ॒ತಾ ದಿಶ್ಯಾ॑ ಅಪಶ್ಯ॒-ನ್ತಾ ಉಪಾ॑ದಧತ॒ ತಾಭಿ॒ರ್ವೈ ತೇ ದಿಶೋ॑-ಽದೃಗ್ಂಹ॒ನ್॒ ಯದ್ದಿಶ್ಯಾ॑ ಉಪ॒ದಧಾ॑ತಿ ದಿ॒ಶಾಂ-ವಿಁಧೃ॑ತ್ಯೈ॒ ದಶ॑ ಪ್ರಾಣ॒ಭೃತಃ॑ ಪು॒ರಸ್ತಾ॒ದುಪ॑ [ಪು॒ರಸ್ತಾ॒ದುಪ॑, ದ॒ಧಾ॒ತಿ॒ ನವ॒ ವೈ ಪುರು॑ಷೇ] 7
ದಧಾತಿ॒ ನವ॒ ವೈ ಪುರು॑ಷೇ ಪ್ರಾ॒ಣಾ ನಾಭಿ॑ರ್ದಶ॒ಮೀ ಪ್ರಾ॒ಣಾನೇ॒ವ ಪು॒ರಸ್ತಾ᳚ದ್ಧತ್ತೇ॒ ತಸ್ಮಾ᳚-ತ್ಪು॒ರಸ್ತಾ᳚-ತ್ಪ್ರಾ॒ಣಾ ಜ್ಯೋತಿ॑ಷ್ಮತೀ-ಮುತ್ತ॒ಮಾಮುಪ॑ ದಧಾತಿ॒ ತಸ್ಮಾ᳚-ತ್ಪ್ರಾ॒ಣಾನಾಂ॒-ವಾಁಗ್ಜ್ಯೋತಿ॑ರುತ್ತ॒ಮಾ ದಶೋಪ॑ ದಧಾತಿ॒ ದಶಾ᳚ಖ್ಷರಾ ವಿ॒ರಾ-ಡ್ವಿ॒ರಾಟ್ ಛನ್ದ॑ಸಾ॒-ಞ್ಜ್ಯೋತಿ॒ರ್ಜ್ಯೋತಿ॑ರೇ॒ವ ಪು॒ರಸ್ತಾ᳚ದ್ಧತ್ತೇ॒ ತಸ್ಮಾ᳚-ತ್ಪು॒ರಸ್ತಾ॒ಜ್ಜ್ಯೋತಿ॒ರುಪಾ᳚ ಽಽಸ್ಮಹೇ॒ ಛನ್ದಾಗ್ಂ॑ಸಿ ಪ॒ಶುಷ್ವಾ॒ಜಿಮ॑ಯು॒ಸ್ತಾ-ನ್ಬೃ॑ಹ॒ತ್ಯುದ॑ಜಯ॒-ತ್ತಸ್ಮಾ॒-ದ್ಬಾರ್ಹ॑ತಾಃ [ತಸ್ಮಾ॒-ದ್ಬಾರ್ಹ॑ತಾಃ, ಪ॒ಶವ॑ ಉಚ್ಯನ್ತೇ॒ ಮಾ] 8
ಪ॒ಶವ॑ ಉಚ್ಯನ್ತೇ॒ ಮಾ ಛನ್ದ॒ ಇತಿ॑ ದಖ್ಷಿಣ॒ತ ಉಪ॑ ದಧಾತಿ॒ ತಸ್ಮಾ᳚-ದ್ದಖ್ಷಿ॒ಣಾ ವೃ॑ತೋ॒ ಮಾಸಾಃ᳚ ಪೃಥಿ॒ವೀ ಛನ್ದ॒ ಇತಿ॑ ಪ॒ಶ್ಚಾ-ತ್ಪ್ರತಿ॑ಷ್ಠಿತ್ಯಾ ಅ॒ಗ್ನಿರ್ದೇ॒ವತೇತ್ಯು॑ತ್ತರ॒ತ ಓಜೋ॒ ವಾ ಅ॒ಗ್ನಿರೋಜ॑ ಏ॒ವೋತ್ತ॑ರ॒ತೋ ಧ॑ತ್ತೇ॒ ತಸ್ಮಾ॑ದುತ್ತರತೋ ಽಭಿಪ್ರಯಾ॒ಯೀ ಜ॑ಯತಿ॒ ಷಟ್ತ್ರಿಗ್ಂ॑ಶ॒-ಥ್ಸಮ್ಪ॑ದ್ಯನ್ತೇ॒ ಷಟ್ತ್ರಿಗ್ಂ॑ಶದಖ್ಷರಾ ಬೃಹ॒ತೀ ಬಾರ್ಹ॑ತಾಃ ಪ॒ಶವೋ॑ ಬೃಹ॒ತ್ಯೈವಾಸ್ಮೈ॑ ಪ॒ಶೂನವ॑ ರುನ್ಧೇ ಬೃಹ॒ತೀ ಛನ್ದ॑ಸಾ॒ಗ್॒ ಸ್ವಾರಾ᳚ಜ್ಯ॒-ಮ್ಪರೀ॑ಯಾಯ॒ ಯಸ್ಯೈ॒ತಾ [ಯಸ್ಯೈ॒ತಾಃ, ಉ॑ಪಧೀ॒ಯನ್ತೇ॒ ಗಚ್ಛ॑ತಿ॒] 9
ಉ॑ಪಧೀ॒ಯನ್ತೇ॒ ಗಚ್ಛ॑ತಿ॒ ಸ್ವಾರಾ᳚ಜ್ಯಗ್ಂ ಸ॒ಪ್ತ ವಾಲ॑ಖಿಲ್ಯಾಃ ಪು॒ರಸ್ತಾ॒ದುಪ॑ ದಧಾತಿ ಸ॒ಪ್ತ ಪ॒ಶ್ಚಾ-ಥ್ಸ॒ಪ್ತ ವೈ ಶೀ॑ರ್ಷ॒ಣ್ಯಾಃ᳚ ಪ್ರಾ॒ಣಾ ದ್ವಾವವಾ᳚ಞ್ಚೌ ಪ್ರಾ॒ಣಾನಾಗ್ಂ॑ ಸವೀರ್ಯ॒ತ್ವಾಯ॑ ಮೂ॒ರ್ಧಾ-ಽಸಿ॒ ರಾಡಿತಿ॑ ಪು॒ರಸ್ತಾ॒ದುಪ॑ ದಧಾತಿ॒ ಯನ್ತ್ರೀ॒ ರಾಡಿತಿ॑ ಪ॒ಶ್ಚಾ-ತ್ಪ್ರಾ॒ಣಾನೇ॒ವಾಸ್ಮೈ॑ ಸ॒ಮೀಚೋ॑ ದಧಾತಿ ॥ 10 ॥
(ಅಶ್ವ॒ಮುಪ॑-ಪು॒ರಸ್ತಾ॒ದುಪ॒-ಬಾರ್ಹ॑ತಾ-ಏ॒ತಾ-ಶ್ಚತು॑ಸ್ತ್ರಿಗ್ಂಶಚ್ಚ) (ಅ. 2)
ದೇ॒ವಾ ವೈ ಯ-ದ್ಯ॒ಜ್ಞೇ ಽಕು॑ರ್ವತ॒ ತದಸು॑ರಾ ಅಕುರ್ವತ॒ ತೇ ದೇ॒ವಾ ಏ॒ತಾ ಅ॑ಖ್ಷ್ಣಯಾಸ್ತೋ॒ಮೀಯಾ॑ ಅಪಶ್ಯ॒-ನ್ತಾ ಅ॒ನ್ಯಥಾ॒ ಽನೂಚ್ಯಾ॒-ನ್ಯಥೋಪಾ॑ದಧತ॒ ತದಸು॑ರಾ॒ ನಾನ್ವವಾ॑ಯ॒-ನ್ತತೋ॑ ದೇ॒ವಾ ಅಭ॑ವ॒-ನ್ಪರಾ-ಽಸು॑ರಾ॒ ಯದ॑ಖ್ಷ್ಣಯಾಸ್ತೋ॒ಮೀಯಾ॑ ಅ॒ನ್ಯಥಾ॒ ಽನೂಚ್ಯಾ॒ನ್ಯಥೋ॑ಪ॒ ದಧಾ॑ತಿ॒ ಭ್ರಾತೃ॑ವ್ಯಾಭಿಭೂತ್ಯೈ॒ ಭವ॑ತ್ಯಾ॒ತ್ಮನಾ॒ ಪರಾ᳚-ಽಸ್ಯ॒ ಭ್ರಾತೃ॑ವ್ಯೋ ಭವತ್ಯಾ॒-ಶುಸ್ತ್ರಿ॒ವೃದಿತಿ॑ ಪು॒ರಸ್ತಾ॒ದುಪ॑ ದಧಾತಿ ಯಜ್ಞಮು॒ಖಂ-ವೈಁ ತ್ರಿ॒ವೃ- [ತ್ರಿ॒ವೃತ್, ಯ॒ಜ್ಞ॒ಮು॒ಖಮೇ॒ವ] 11
-ದ್ಯ॑ಜ್ಞಮು॒ಖಮೇ॒ವ ಪು॒ರಸ್ತಾ॒ದ್ವಿ ಯಾ॑ತಯತಿ॒ ವ್ಯೋ॑ಮ ಸಪ್ತದ॒ಶ ಇತಿ॑ ದಖ್ಷಿಣ॒ತೋ ಽನ್ನಂ॒-ವೈಁ ವ್ಯೋ॑ಮಾ-ಽನ್ನಗ್ಂ॑ ಸಪ್ತದ॒ಶೋ-ಽನ್ನ॑ಮೇ॒ವ ದ॑ಖ್ಷಿಣ॒ತೋ ಧ॑ತ್ತೇ॒ ತಸ್ಮಾ॒-ದ್ದಖ್ಷಿ॑ಣೇ॒ನಾನ್ನ॑ಮದ್ಯತೇ ಧ॒ರುಣ॑ ಏಕವಿ॒ಗ್ಂ॒ಶ ಇತಿ॑ ಪ॒ಶ್ಚಾ-ತ್ಪ್ರ॑ತಿ॒ಷ್ಠಾ ವಾ ಏ॑ಕವಿ॒ಗ್ಂ॒ಶಃ ಪ್ರತಿ॑ಷ್ಠಿತ್ಯೈ ಭಾ॒ನ್ತಃ ಪ॑ಞ್ಚದ॒ಶ ಇತ್ಯು॑ತ್ತರ॒ತ ಓಜೋ॒ ವೈ ಭಾ॒ನ್ತ ಓಜಃ॑ ಪಞ್ಚದ॒ಶ ಓಜ॑ ಏ॒ವೋತ್ತ॑ರ॒ತೋ ಧ॑ತ್ತೇ॒ ತಸ್ಮಾ॑ದುತ್ತರತೋ ಽಭಿಪ್ರಯಾ॒ಯೀ ಜ॑ಯತಿ॒ ಪ್ರತೂ᳚ರ್ತಿರಷ್ಟಾದ॒ಶ ಇತಿ॑ ಪು॒ರಸ್ತಾ॒- [ಇತಿ॑ ಪು॒ರಸ್ತಾ᳚ತ್, ಉಪ॑ ದಧಾತಿ॒ ದ್ವೌ] 12
-ದುಪ॑ ದಧಾತಿ॒ ದ್ವೌ ತ್ರಿ॒ವೃತಾ॑ವಭಿಪೂ॒ರ್ವಂ-ಯಁ॑ಜ್ಞಮು॒ಖೇ ವಿ ಯಾ॑ತಯತ್ಯಭಿವ॒ರ್ತ-ಸ್ಸ॑ವಿ॒ಗ್ಂ॒ಶ ಇತಿ॑ ದಖ್ಷಿಣ॒ತೋ-ಽನ್ನಂ॒-ವಾಁ ಅ॑ಭಿವ॒ರ್ತೋ-ಽನ್ನಗ್ಂ॑ ಸವಿ॒ಗ್ಂ॒ಶೋ-ಽನ್ನ॑ಮೇ॒ವ ದ॑ಖ್ಷಿಣ॒ತೋ ಧ॑ತ್ತೇ॒ ತಸ್ಮಾ॒-ದ್ದಖ್ಷಿ॑ಣೇ॒ನಾನ್ನ॑ಮದ್ಯತೇ॒ ವರ್ಚೋ᳚ ದ್ವಾವಿ॒ಗ್ಂ॒ಶ ಇತಿ॑ ಪ॒ಶ್ಚಾ-ದ್ಯ-ದ್ವಿಗ್ಂ॑ಶ॒ತಿರ್ದ್ವೇ ತೇನ॑ ವಿ॒ರಾಜೌ॒ ಯ-ದ್ದ್ವೇ ಪ್ರ॑ತಿ॒ಷ್ಠಾ ತೇನ॑ ವಿ॒ರಾಜೋ॑ರೇ॒ವಾ-ಭಿ॑ಪೂ॒ರ್ವಮ॒ನ್ನಾದ್ಯೇ॒ ಪ್ರತಿ॑ತಿಷ್ಠತಿ॒ ತಪೋ॑ ನವದ॒ಶ ಇತ್ಯು॑ತ್ತರ॒ತ ಸ್ತಸ್ಮಾ᳚-ಥ್ಸ॒ವ್ಯೋ [ಇತ್ಯು॑ತ್ತರ॒ತ ಸ್ತಸ್ಮಾ᳚-ಥ್ಸ॒ವ್ಯಃ, ಹಸ್ತ॑ಯೋ-] 13
ಹಸ್ತ॑ಯೋ-ಸ್ತಪ॒ಸ್ವಿತ॑ರೋ॒ ಯೋನಿ॑ಶ್ಚತುರ್ವಿ॒ಗ್ಂ॒ಶ ಇತಿ॑ ಪು॒ರಸ್ತಾ॒ದುಪ॑ ದಧಾತಿ॒ ಚತು॑ರ್ವಿಗ್ಂಶತ್ಯಖ್ಷರಾ ಗಾಯ॒ತ್ರೀ ಗಾ॑ಯ॒ತ್ರೀ ಯ॑ಜ್ಞಮು॒ಖಂ-ಯಁ॑ಜ್ಞಮು॒ಖಮೇ॒ವ ಪು॒ರಸ್ತಾ॒-ದ್ವಿಯಾ॑ತಯತಿ॒ ಗರ್ಭಾಃ᳚ ಪಞ್ಚವಿ॒ಗ್ಂ॒ಶ ಇತಿ॑ ದಖ್ಷಿಣ॒ತೋ-ಽನ್ನಂ॒-ವೈಁ ಗರ್ಭಾ॒ ಅನ್ನ॑-ಮ್ಪಞ್ಚವಿ॒ಗ್ಂ॒ಶೋನ್ನ॑ಮೇ॒ವ ದ॑ಖ್ಷಿಣ॒ತೋ ಧ॑ತ್ತೇ॒ ತಸ್ಮಾ॒-ದ್ದಖ್ಷಿ॑ಣೇ॒ನಾನ್ನ॑ಮದ್ಯತ॒ ಓಜ॑ಸ್ತ್ರಿಣ॒ವ ಇತಿ॑ ಪ॒ಶ್ಚಾದಿ॒ಮೇ ವೈ ಲೋ॒ಕಾಸ್ತ್ರಿ॑ಣ॒ವ ಏ॒ಷ್ವೇ॑ವ ಲೋ॒ಕೇಷು॒ ಪ್ರತಿ॑ತಿಷ್ಠತಿ ಸ॒ಭಂರ॑ಣಸ್ತ್ರಯೋವಿ॒ಗ್ಂ॒ಶ ಇ- [ಸ॒ಭಂರ॑ಣಸ್ತ್ರಯೋವಿ॒ಗ್ಂ॒ಶ ಇತಿ॑, ಉ॒ತ್ತ॒ರ॒ತ-] 14
-ತ್ಯು॑ತ್ತರ॒ತ-ಸ್ತಸ್ಮಾ᳚-ಥ್ಸ॒ವ್ಯೋ ಹಸ್ತ॑ಯೋ-ಸ್ಸಮ್ಭಾ॒ರ್ಯ॑ತರಃ॒ ಕ್ರತು॑ರೇಕತ್ರಿ॒ಗ್ಂ॒ಶ ಇತಿ॑ ಪು॒ರಸ್ತಾ॒ದುಪ॑ ದಧಾತಿ॒ ವಾಗ್ವೈ ಕ್ರತು॑ರ್ಯಜ್ಞಮು॒ಖಂ-ವಾಁಗ್ಯ॑ಜ್ಞಮು॒ಖಮೇ॒ವ ಪು॒ರಸ್ತಾ॒ದ್ವಿ ಯಾ॑ತಯತಿ ಬ್ರ॒ದ್ಧ್ನಸ್ಯ॑ ವಿ॒ಷ್ಟಪ॑-ಞ್ಚತುಸ್ತ್ರಿ॒ಗ್ಂ॒ಶ ಇತಿ॑ ದಖ್ಷಿಣ॒ತೋ॑-ಽಸೌ ವಾ ಆ॑ದಿ॒ತ್ಯೋ ಬ್ರ॒ದ್ಧ್ನಸ್ಯ॑ ವಿ॒ಷ್ಟಪ॑-ಮ್ಬ್ರಹ್ಮವರ್ಚ॒ಸಮೇ॒ವ ದ॑ಖ್ಷಿಣ॒ತೋ ಧ॑ತ್ತೇ॒ ತಸ್ಮಾ॒-ದ್ದಖ್ಷಿ॒ಣೋ-ಽರ್ಧೋ᳚ ಬ್ರಹ್ಮವರ್ಚ॒ಸಿತ॑ರಃ ಪ್ರತಿ॒ಷ್ಠಾ ತ್ರ॑ಯಸ್ತ್ರಿ॒ಗ್ಂ॒ಶ ಇತಿ॑ ಪ॒ಶ್ಚಾ-ತ್ಪ್ರತಿ॑ಷ್ಠಿತ್ಯೈ॒ ನಾಕ॑-ಷ್ಷಟ್ತ್ರಿ॒ಗ್ಂ॒ಶ ಇತ್ಯು॑ತ್ತರ॒ತ-ಸ್ಸು॑ವ॒ರ್ಗೋ ವೈ ಲೋ॒ಕೋ ನಾಕ॑-ಸ್ಸುವ॒ರ್ಗಸ್ಯ॑ ಲೋ॒ಕಸ್ಯ॒ ಸಮ॑ಷ್ಟ್ಯೈ ॥ 15 ॥
(ವೈ ತ್ರಿ॒ವೃ – ದಿತಿ॑ ಪು॒ರಸ್ತಾ᳚ಥ್ – ಸ॒ವ್ಯ – ಸ್ತ್ರ॑ಯೋವಿ॒ಗ್ಂ॒ಶ ಇತಿ॑ – ಸುವ॒ರ್ಗೋ ವೈ – ಪಞ್ಚ॑ ಚ) (ಅ. 3)
(ಆ॒ಶು – ರ್ವ್ಯೋ॑ಮ – ಧ॒ರುಣೋ॑ – ಭಾ॒ನ್ತಃ – ಪ್ರತೂ᳚ರ್ತಿರ -ಭಿವ॒ರ್ತೋ – ವರ್ಚ॒ – ಸ್ತಪೋ॒ – ಯೋನಿ॒ – ರ್ಗರ್ಭಾ॒ – ಓಜಃ॑ – ಸ॒ಭಂರ॑ಣಃ॒ – ಕ್ರತು॑ – ರ್ಬ್ರ॒ದ್ಧ್ರಸ್ಯ॑ – ಪ್ರತಿ॒ಷ್ಠಾ – ನಾಕಃ॒ – ಷೋಡ॑ಶ)
ಅ॒ಗ್ನೇರ್ಭಾ॒ಗೋ॑-ಽಸೀತಿ॑ ಪು॒ರಸ್ತಾ॒ದುಪ॑ ದಧಾತಿ ಯಜ್ಞಮು॒ಖಂ-ವಾಁ ಅ॒ಗ್ನಿರ್ಯ॑ಜ್ಞಮು॒ಖ-ನ್ದೀ॒ಖ್ಷಾ ಯ॑ಜ್ಞಮು॒ಖ-ಮ್ಬ್ರಹ್ಮ॑ ಯಜ್ಞಮು॒ಖ-ನ್ತ್ರಿ॒ವೃ-ದ್ಯ॑ಜ್ಞಮು॒ಖಮೇ॒ವ ಪು॒ರಸ್ತಾ॒ದ್ವಿ ಯಾ॑ತಯತಿ ನೃ॒ಚಖ್ಷ॑ಸಾ-ಮ್ಭಾ॒ಗೋ॑-ಽಸೀತಿ॑ ದಖ್ಷಿಣ॒ತ-ಶ್ಶು॑ಶ್ರು॒ವಾಗ್ಂಸೋ॒ ವೈ ನೃ॒ಚಖ್ಷ॒ಸೋ-ಽನ್ನ॑-ನ್ಧಾ॒ತಾ ಜಾ॒ತಾಯೈ॒ವಾಸ್ಮಾ॒ ಅನ್ನ॒ಮಪಿ॑ ದಧಾತಿ॒ ತಸ್ಮಾ᳚ಜ್ಜಾ॒ತೋ-ಽನ್ನ॑ಮತ್ತಿ ಜ॒ನಿತ್ರಗ್ಗ್॑ ಸ್ಪೃ॒ತಗ್ಂ ಸ॑ಪ್ತದ॒ಶ-ಸ್ಸ್ತೋಮ॒ ಇತ್ಯಾ॒ಹಾ-ಽನ್ನಂ॒-ವೈಁ ಜ॒ನಿತ್ರ॒- [ಜ॒ನಿತ್ರ᳚ಮ್, ಅನ್ನಗ್ಂ॑ ಸಪ್ತದ॒ಶೋ-ಽನ್ನ॑ಮೇ॒ವ] 16
-ಮನ್ನಗ್ಂ॑ ಸಪ್ತದ॒ಶೋ-ಽನ್ನ॑ಮೇ॒ವ ದ॑ಖ್ಷಿಣ॒ತೋ ಧ॑ತ್ತೇ॒ ತಸ್ಮಾ॒-ದ್ದಖ್ಷಿ॑ಣೇ॒ನಾ-ನ್ನ॑ಮದ್ಯತೇ ಮಿ॒ತ್ರಸ್ಯ॑ ಭಾ॒ಗೋ॑-ಽಸೀತಿ॑ ಪ॒ಶ್ಚಾ-ತ್ಪ್ರಾ॒ಣೋ ವೈ ಮಿ॒ತ್ರೋ॑-ಽಪಾ॒ನೋ ವರು॑ಣಃ ಪ್ರಾಣಾಪಾ॒ನಾವೇ॒ವಾಸ್ಮಿ॑-ನ್ದಧಾತಿ ದಿ॒ವೋ ವೃ॒ಷ್ಟಿರ್ವಾತಾ᳚-ಸ್ಸ್ಪೃ॒ತಾ ಏ॑ಕವಿ॒ಗ್ಂ॒ಶ-ಸ್ಸ್ತೋಮ॒ ಇತ್ಯಾ॑ಹ ಪ್ರತಿ॒ಷ್ಠಾ ವಾ ಏ॑ಕವಿ॒ಗ್ಂ॒ಶಃ ಪ್ರತಿ॑ಷ್ಠಿತ್ಯಾ॒ ಇನ್ದ್ರ॑ಸ್ಯ ಭಾ॒ಗೋ॑-ಽಸೀತ್ಯು॑ತ್ತರ॒ತ ಓಜೋ॒ ವಾ ಇನ್ದ್ರ॒ ಓಜೋ॒ ವಿಷ್ಣು॒ರೋಜಃ॑, ಖ್ಷ॒ತ್ರಮೋಜಃ॑ ಪಞ್ಚದ॒ಶ [ಪಞ್ಚದ॒ಶಃ, ಓಜ॑ ಏ॒ವೋತ್ತ॑ರ॒ತೋ ಧ॑ತ್ತೇ॒] 17
ಓಜ॑ ಏ॒ವೋತ್ತ॑ರ॒ತೋ ಧ॑ತ್ತೇ॒ ತಸ್ಮಾ॑ದುತ್ತರತೋ-ಽಭಿಪ್ರಯಾ॒ಯೀ ಜ॑ಯತಿ॒ ವಸೂ॑ನಾ-ಮ್ಭಾ॒ಗೋ॑-ಽಸೀತಿ॑ ಪು॒ರಸ್ತಾ॒ದುಪ॑ ದಧಾತಿ ಯಜ್ಞಮು॒ಖಂ-ವೈಁ ವಸ॑ವೋ ಯಜ್ಞಮು॒ಖಗ್ಂ ರು॒ದ್ರಾ ಯ॑ಜ್ಞಮು॒ಖ-ಞ್ಚ॑ತುರ್ವಿ॒ಗ್ಂ॒ಶೋ ಯ॑ಜ್ಞಮು॒ಖಮೇ॒ವ ಪು॒ರಸ್ತಾ॒ದ್ವಿ ಯಾ॑ತಯತ್ಯಾದಿ॒ತ್ಯಾನಾ᳚-ಮ್ಭಾ॒ಗೋ॑-ಽಸೀತಿ॑ ದಖ್ಷಿಣ॒ತೋ-ಽನ್ನಂ॒-ವಾಁ ಆ॑ದಿ॒ತ್ಯಾ ಅನ್ನ॑-ಮ್ಮ॒ರುತೋ-ಽನ್ನ॒-ಙ್ಗರ್ಭಾ॒ ಅನ್ನ॑-ಮ್ಪಞ್ಚವಿ॒ಗ್ಂ॒ಶೋ-ಽನ್ನ॑ಮೇ॒ವ ದ॑ಖ್ಷಿಣ॒ತೋ ಧ॑ತ್ತೇ॒ ತಸ್ಮಾ॒-ದ್ದಖ್ಷಿ॑ಣೇ॒ನಾ-ಽನ್ನ॑ಮದ್ಯ॒ತೇ ಽದಿ॑ತ್ಯೈ ಭಾ॒ಗೋ॑- [-ಽದಿ॑ತ್ಯೈ ಭಾ॒ಗಃ, ಅ॒ಸೀತಿ॑ ಪ॒ಶ್ಚಾ-ತ್ಪ್ರ॑ತಿ॒ಷ್ಠಾ] 18
-ಽಸೀತಿ॑ ಪ॒ಶ್ಚಾ-ತ್ಪ್ರ॑ತಿ॒ಷ್ಠಾ ವಾ ಅದಿ॑ತಿಃ ಪ್ರತಿ॒ಷ್ಠಾ ಪೂ॒ಷಾ ಪ್ರ॑ತಿ॒ಷ್ಠಾ ತ್ರಿ॑ಣ॒ವಃ ಪ್ರತಿ॑ಷ್ಠಿತ್ಯೈ ದೇ॒ವಸ್ಯ॑ ಸವಿ॒ತುರ್ಭಾ॒ಗೋ॑-ಽ ಸೀತ್ಯು॑ತ್ತರ॒ತೋ ಬ್ರಹ್ಮ॒ ವೈ ದೇ॒ವ-ಸ್ಸ॑ವಿ॒ತಾ ಬ್ರಹ್ಮ॒ ಬೃಹ॒ಸ್ಪತಿ॒ರ್ಬ್ರಹ್ಮ॑ ಚತುಷ್ಟೋ॒ಮೋ ಬ್ರ॑ಹ್ಮವರ್ಚ॒ಸಮೇ॒ವೋತ್ತ॑ರ॒ತೋ ಧ॑ತ್ತೇ॒ ತಸ್ಮಾ॒ದುತ್ತ॒ರೋ-ಽರ್ಧೋ᳚ ಬ್ರಹ್ಮವರ್ಚ॒ಸಿತ॑ರ-ಸ್ಸಾವಿ॒ತ್ರವ॑ತೀ ಭವತಿ॒ ಪ್ರಸೂ᳚ತ್ಯೈ॒ ತಸ್ಮಾ᳚-ದ್ಬ್ರಾಹ್ಮ॒ಣಾನಾ॒ಮುದೀ॑ಚೀ ಸ॒ನಿಃ ಪ್ರಸೂ॑ತಾ ಧ॒ರ್ತ್ರಶ್ಚ॑ತುಷ್ಟೋ॒ಮ ಇತಿ॑ ಪು॒ರಸ್ತಾ॒ದುಪ॑ ದಧಾತಿ ಯಜ್ಞಮು॒ಖಂ-ವೈಁ ಧ॒ರ್ತ್ರೋ [ಧ॒ರ್ತ್ರಃ, ಯ॒ಜ್ಞ॒ಮು॒ಖ-ಞ್ಚ॑ತುಷ್ಟೋ॒ಮೋ] 19
ಯ॑ಜ್ಞಮು॒ಖ-ಞ್ಚ॑ತುಷ್ಟೋ॒ಮೋ ಯ॑ಜ್ಞಮು॒ಖಮೇ॒ವ ಪು॒ರಸ್ತಾ॒ದ್ವಿ ಯಾ॑ತಯತಿ॒ ಯಾವಾ॑ನಾ-ಮ್ಭಾ॒ಗೋ॑-ಽಸೀತಿ॑ ದಖ್ಷಿಣ॒ತೋ ಮಾಸಾ॒ ವೈ ಯಾವಾ॑ ಅರ್ಧಮಾ॒ಸಾ ಅಯಾ॑ವಾ॒-ಸ್ತಸ್ಮಾ᳚-ದ್ದಖ್ಷಿ॒ಣಾವೃ॑ತೋ॒ ಮಾಸಾ॒ ಅನ್ನಂ॒-ವೈಁ ಯಾವಾ॒ ಅನ್ನ॑-ಮ್ಪ್ರ॒ಜಾ ಅನ್ನ॑ಮೇ॒ವ ದ॑ಖ್ಷಿಣ॒ತೋ ಧ॑ತ್ತೇ॒ ತಸ್ಮಾ॒-ದ್ದಖ್ಷಿ॑ಣೇ॒ನಾ-ನ್ನ॑ಮದ್ಯತ ಋಭೂ॒ಣಾ-ಮ್ಭಾ॒ಗೋ॑-ಽಸೀತಿ॑ ಪ॒ಶ್ಚಾ-ತ್ಪ್ರತಿ॑ಷ್ಠಿತ್ಯೈ ವಿವ॒ರ್ತೋ᳚ ಽಷ್ಟಾಚತ್ವಾರಿ॒ಗ್ಂ॒ಶ ಇತ್ಯು॑ತ್ತರ॒ತೋ॑-ಽನಯೋ᳚ರ್ಲೋ॒ಕಯೋ᳚-ಸ್ಸವೀರ್ಯ॒ತ್ವಾಯ॒ ತಸ್ಮಾ॑ದಿ॒ಮೌ ಲೋ॒ಕೌ ಸ॒ಮಾವ॑-ದ್ವೀರ್ಯೌ॒ [ಸ॒ಮಾವ॑-ದ್ವೀರ್ಯೌ, ಯಸ್ಯ॒ ಮುಖ್ಯ॑ವತೀಃ] 20
ಯಸ್ಯ॒ ಮುಖ್ಯ॑ವತೀಃ ಪು॒ರಸ್ತಾ॑ದುಪಧೀ॒ಯನ್ತೇ॒ ಮುಖ್ಯ॑ ಏ॒ವ ಭ॑ವ॒ತ್ಯಾ-ಽಸ್ಯ॒ ಮುಖ್ಯೋ॑ ಜಾಯತೇ॒ ಯಸ್ಯಾ-ನ್ನ॑ವತೀ – ರ್ದಖ್ಷಿಣ॒ತೋ-ಽತ್ತ್ಯನ್ನ॒ಮಾ-ಽಸ್ಯಾ᳚ನ್ನಾ॒ದೋ ಜಾ॑ಯತೇ॒ ಯಸ್ಯ॑ ಪ್ರತಿ॒ಷ್ಠಾವ॑ತೀಃ ಪ॒ಶ್ಚಾ-ತ್ಪ್ರತ್ಯೇ॒ವ ತಿ॑ಷ್ಠತಿ॒ ಯಸ್ಯೌಜ॑ಸ್ವತೀರುತ್ತರ॒ತ ಓ॑ಜ॒ಸ್ವ್ಯೇ॑ವ ಭ॑ವ॒ತ್ಯಾ-ಽಸ್ಯೌ॑ಜ॒ಸ್ವೀ ಜಾ॑ಯತೇ॒ ಽರ್ಕೋ ವಾ ಏ॒ಷ ಯದ॒ಗ್ನಿಸ್ತಸ್ಯೈ॒ತದೇ॒ವ ಸ್ತೋ॒ತ್ರಮೇ॒ತಚ್ಛ॒ಸ್ತ್ರಂ-ಯಁದೇ॒ಷಾ ವಿ॒ಧಾ [ವಿ॒ಧಾ, ವಿ॒ಧೀ॒ಯತೇ॒-ಽರ್ಕ ಏ॒ವ] 21
ವಿ॑ಧೀ॒ಯತೇ॒-ಽರ್ಕ ಏ॒ವ ತದ॒ರ್ಕ್ಯ॑ಮನು॒ ವಿ ಧೀ॑ಯ॒ತೇ ಽತ್ತ್ಯನ್ನ॒ಮಾ-ಽಸ್ಯಾ᳚ನ್ನಾ॒ದೋ ಜಾ॑ಯತೇ॒ ಯಸ್ಯೈ॒ಷಾ ವಿ॒ಧಾ ವಿ॑ಧೀ॒ಯತೇ॒ ಯ ಉ॑ ಚೈನಾಮೇ॒ವಂ-ವೇಁದ॒ ಸೃಷ್ಟೀ॒ರುಪ॑ ದಧಾತಿ ಯಥಾಸೃ॒ಷ್ಟಮೇ॒ವಾವ॑ ರುನ್ಧೇ॒ ನ ವಾ ಇ॒ದ-ನ್ದಿವಾ॒ ನ ನಕ್ತ॑ಮಾಸೀ॒ದವ್ಯಾ॑ವೃತ್ತ॒-ನ್ತೇ ದೇ॒ವಾ ಏ॒ತಾ ವ್ಯು॑ಷ್ಟೀರಪಶ್ಯ॒-ನ್ತಾ ಉಪಾ॑ದಧತ॒ ತತೋ॒ ವಾ ಇ॒ದಂ ವ್ಯೌಁ᳚ಚ್ಛ॒-ದ್ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ ವ್ಯೇ॑ವಾಸ್ಮಾ॑ ಉಚ್ಛ॒ತ್ಯಥೋ॒ ತಮ॑ ಏ॒ವಾಪ॑ಹತೇ ॥ 22 ॥
(ವೈ ಜ॒ನಿತ್ರಂ॑ – ಪಞ್ಚದ॒ಶೋ – ಽದಿ॑ತ್ಯೈ ಭಾ॒ಗೋ – ವೈ ಧ॒ರ್ತ್ರಃ – ಸ॒ಮಾವ॑ದ್ವೀರ್ಯೈ-ವಿ॒ಧಾ-ತತೋ॒ ವಾ ಇ॒ದಂ – ಚತು॑ರ್ದಶ ಚ ) (ಅ. 4)
(ಅ॒ಗ್ನೇ – ರ್ನೃ॒ಚಖ್ಷ॑ಸಾಂ – ಜ॒ನಿತ್ರಂ॑ – ಮಿ॒ತ್ರ – ಸ್ಯೇನ್ದ್ರ॑ಸ್ಯ॒ -ವಸೂ॑ನಾ – ಮಾದಿ॒ತ್ಯಾನಾ॒ – ಮದಿ॑ತ್ಯೈ – ದೇ॒ವಸ್ಯ॑ ಸವಿ॒ತುಃ – ಸಾ॑ವಿ॒ತ್ರವ॑ತೀ – ಧ॒ರ್ತ್ರೋ – ಯಾವಾ॑ನಾ-ಮೃಭೂ॒ಣಾಂ – ವಿಁ॑ವ॒ರ್ತ – ಶ್ಚತು॑ರ್ದಶ)
ಅಗ್ನೇ॑ ಜಾ॒ತಾ-ನ್ಪ್ರಣು॑ದಾ ನ-ಸ್ಸ॒ಪತ್ನಾ॒ನಿತಿ॑ ಪು॒ರಸ್ತಾ॒ದುಪ॑ ದಧಾತಿ ಜಾ॒ತಾನೇ॒ವ ಭ್ರಾತೃ॑ವ್ಯಾ॒-ನ್ಪ್ರಣು॑ದತೇ॒ ಸಹ॑ಸಾ ಜಾ॒ತಾನಿತಿ॑ ಪ॒ಶ್ಚಾಜ್ಜ॑ನಿ॒ಷ್ಯಮಾ॑ಣಾನೇ॒ವ ಪ್ರತಿ॑ ನುದತೇ ಚತುಶ್ಚತ್ವಾರಿ॒ಗ್ಂ॒ಶ-ಸ್ಸ್ತೋಮ॒ ಇತಿ॑ ದಖ್ಷಿಣ॒ತೋ ಬ್ರ॑ಹ್ಮವರ್ಚ॒ಸಂ-ವೈಁ ಚ॑ತುಶ್ಚತ್ವಾರಿ॒ಗ್ಂ॒ಶೋ ಬ್ರ॑ಹ್ಮವರ್ಚ॒ಸಮೇ॒ವ ದ॑ಖ್ಷಿಣ॒ತೋ ಧ॑ತ್ತೇ॒ ತಸ್ಮಾ॒-ದ್ದಖ್ಷಿ॒ಣೋ-ಽರ್ಧೋ᳚ ಬ್ರಹ್ಮವರ್ಚ॒ಸಿತ॑ರ-ಷ್ಷೋಡ॒ಶ-ಸ್ಸ್ತೋಮ॒ ಇತ್ಯು॑ತ್ತರ॒ತ ಓಜೋ॒ ವೈ ಷೋ॑ಡ॒ಶ ಓಜ॑ ಏ॒ವೋತ್ತ॑ರ॒ತೋ ಧ॑ತ್ತೇ॒ ತಸ್ಮಾ॑- [ತಸ್ಮಾ᳚ತ್, ಉ॒ತ್ತ॒ರ॒ತೋ॒-ಽಭಿ॒ಪ್ರ॒ಯಾ॒ಯೀ] 23
-ದುತ್ತರತೋ-ಽಭಿಪ್ರಯಾ॒ಯೀ ಜ॑ಯತಿ॒ ವಜ್ರೋ॒ ವೈ ಚ॑ತುಶ್ಚತ್ವಾರಿ॒ಗ್ಂ॒ಶೋ ವಜ್ರ॑-ಷ್ಷೋಡ॒ಶೋ ಯದೇ॒ತೇ ಇಷ್ಟ॑ಕೇ ಉಪ॒ದಧಾ॑ತಿ ಜಾ॒ತಾಗ್ಶ್ಚೈ॒ವ ಜ॑ನಿ॒ಷ್ಯಮಾ॑ಣಾಗ್ಶ್ಚ॒ ಭ್ರಾತೃ॑ವ್ಯಾ-ನ್ಪ್ರ॒ಣುದ್ಯ॒ ವಜ್ರ॒ಮನು॒ ಪ್ರಹ॑ರತಿ॒ ಸ್ತೃತ್ಯೈ॒ ಪುರೀ॑ಷವತೀ॒-ಮ್ಮದ್ಧ್ಯ॒ ಉಪ॑ದಧಾತಿ॒ ಪುರೀ॑ಷಂ॒-ವೈಁ ಮದ್ಧ್ಯ॑ಮಾ॒ತ್ಮನ॒-ಸ್ಸಾತ್ಮಾ॑ನಮೇ॒ವಾಗ್ನಿ-ಞ್ಚಿ॑ನುತೇ॒ ಸಾತ್ಮಾ॒-ಽಮುಷ್ಮಿ॑-ಲ್ಲೋಁ॒ಕೇ ಭ॑ವತಿ॒ ಯ ಏ॒ವಂ-ವೇಁದೈ॒ತಾ ವಾ ಅ॑ಸಪ॒ತ್ನಾ ನಾಮೇಷ್ಟ॑ಕಾ॒ ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ [ಉ॑ಪಧೀ॒ಯನ್ತೇ᳚, ನಾ-ಽಸ್ಯ॑] 24
ನಾ-ಽಸ್ಯ॑ ಸ॒ಪತ್ನೋ॑ ಭವತಿ ಪ॒ಶುರ್ವಾ ಏ॒ಷ ಯದ॒ಗ್ನಿರ್ವಿ॒ರಾಜ॑ ಉತ್ತ॒ಮಾಯಾ॒-ಞ್ಚಿತ್ಯಾ॒ಮುಪ॑ ದಧಾತಿ ವಿ॒ರಾಜ॑ಮೇ॒ವೋತ್ತ॒ಮಾ-ಮ್ಪ॒ಶುಷು॑ ದಧಾತಿ॒ ತಸ್ಮಾ᳚-ತ್ಪಶು॒ಮಾನು॑ತ್ತ॒ಮಾಂ-ವಾಁಚಂ॑-ವಁದತಿ॒ ದಶ॑ದ॒ಶೋಪ॑ ದಧಾತಿ ಸವೀರ್ಯ॒ತ್ವಾಯಾ᳚-ಽಖ್ಷ್ಣ॒ಯೋಪ॑ ದಧಾತಿ॒ ತಸ್ಮಾ॑ದಖ್ಷ್ಣ॒ಯಾ ಪ॒ಶವೋ-ಽಙ್ಗಾ॑ನಿ॒ ಪ್ರಹ॑ರನ್ತಿ॒ ಪ್ರತಿ॑ಷ್ಠಿತ್ಯೈ॒ ಯಾನಿ॒ ವೈ ಛನ್ದಾಗ್ಂ॑ಸಿ ಸುವ॒ರ್ಗ್ಯಾ᳚ಣ್ಯಾಸ॒-ನ್ತೈರ್ದೇ॒ವಾ-ಸ್ಸು॑ವ॒ರ್ಗಂ-ಲೋಁ॒ಕಮಾ॑ಯ॒-ನ್ತೇನರ್ಷ॑ಯೋ- [-ಲೋಁ॒ಕಮಾ॑ಯ॒-ನ್ತೇನರ್ಷ॑ಯಃ, ಅ॒ಶ್ರಾ॒ಮ್ಯ॒-ನ್ತೇ ತಪೋ॑-ಽತಪ್ಯನ್ತ॒] 25
-ಽಶ್ರಾಮ್ಯ॒-ನ್ತೇ ತಪೋ॑-ಽತಪ್ಯನ್ತ॒ ತಾನಿ॒ ತಪ॑ಸಾ-ಽಪಶ್ಯ॒-ನ್ತೇಭ್ಯ॑ ಏ॒ತಾ ಇಷ್ಟ॑ಕಾ॒ ನಿರ॑ಮಿಮ॒ತೇವ॒ಶ್ಛನ್ದೋ॒ ವರಿ॑ವ॒ಶ್ಛನ್ದ॒ ಇತಿ॒ ತಾ ಉಪಾ॑ದಧತ॒ ತಾಭಿ॒ರ್ವೈ ತೇ ಸು॑ವ॒ರ್ಗಂ-ಲೋಁ॒ಕಮಾ॑ಯ॒ನ್॒. ಯದೇ॒ತಾ ಇಷ್ಟ॑ಕಾ ಉಪ॒ದಧಾ॑ತಿ॒ ಯಾನ್ಯೇ॒ವ ಛನ್ದಾಗ್ಂ॑ಸಿ ಸುವ॒ರ್ಗ್ಯಾ॑ಣಿ॒ ತೈರೇ॒ವ ಯಜ॑ಮಾನ-ಸ್ಸುವ॒ರ್ಗಂ-ಲೋಁ॒ಕಮೇ॑ತಿ ಯ॒ಜ್ಞೇನ॒ ವೈ ಪ್ರ॒ಜಾಪ॑ತಿಃ ಪ್ರ॒ಜಾ ಅ॑ಸೃಜತ॒ ತಾ-ಸ್ಸ್ತೋಮ॑ ಭಾಗೈರೇ॒ವಾ-ಽಸೃ॑ಜತ॒ ಯ- [-ಽಸೃ॑ಜತ॒ ಯತ್, ಸ್ತೋಮ॑ ಭಾಗಾ ಉಪ॒ದಧಾ॑ತಿ] 26
-ಥ್ಸ್ತೋಮ॑ ಭಾಗಾ ಉಪ॒ದಧಾ॑ತಿ ಪ್ರ॒ಜಾ ಏ॒ವ ತ-ದ್ಯಜ॑ಮಾನ-ಸ್ಸೃಜತೇ॒ ಬೃಹ॒ಸ್ಪತಿ॒ರ್ವಾ ಏ॒ತ-ದ್ಯ॒ಜ್ಞಸ್ಯ॒ ತೇಜ॒-ಸ್ಸಮ॑ಭರ॒ದ್ಯ-ಥ್ಸ್ತೋಮ॑ಭಾಗಾ॒ ಯ-ಥ್ಸ್ತೋಮ॑ಭಾಗಾ ಉಪ॒ದಧಾ॑ತಿ॒ ಸತೇ॑ಜಸಮೇ॒ವಾಗ್ನಿ-ಞ್ಚಿ॑ನುತೇ॒ ಬೃಹ॒ಸ್ಪತಿ॒ರ್ವಾ ಏ॒ತಾಂ-ಯಁ॒ಜ್ಞಸ್ಯ॑ ಪ್ರತಿ॒ಷ್ಠಾಮ॑ಪಶ್ಯ॒ದ್ಯ-ಥ್ಸ್ತೋಮ॑ಭಾಗಾ॒ ಯ-ಥ್ಸ್ತೋಮ॑ಭಾಗಾ ಉಪ॒ದಧಾ॑ತಿ ಯ॒ಜ್ಞಸ್ಯ॒ ಪ್ರತಿ॑ಷ್ಠಿತ್ಯೈ ಸ॒ಪ್ತಸ॒ಪ್ತೋಪ॑ ದಧಾತಿ ಸವೀರ್ಯ॒ತ್ವಾಯ॑ ತಿ॒ಸ್ರೋ ಮದ್ಧ್ಯೇ॒ ಪ್ರತಿ॑ಷ್ಠಿತ್ಯೈ ॥ 27 ॥
( ಉ॒ತ್ತ॒ರ॒ತೋ ಧ॑ತ್ತೇ॒ ತಸ್ಮಾ॑ – ದುಪಧೀ॒ಯನ್ತ॒ – ಋಷ॑ಯೋ – ಽಸೃಜತ॒ ಯತ್ – ತ್ರಿಚ॑ತ್ವಾರಿಗ್ಂಶಚ್ಚ) (ಅ. 5)
ರ॒ಶ್ಮಿರಿತ್ಯೇ॒ವಾ ಽಽದಿ॒ತ್ಯಮ॑ಸೃಜತ॒ ಪ್ರೇತಿ॒ರಿತಿ॒ ಧರ್ಮ॒ಮನ್ವಿ॑ತಿ॒ರಿತಿ॒ ದಿವಗ್ಂ॑ ಸ॒ಧಿಂರಿತ್ಯ॒ನ್ತರಿ॑ಖ್ಷ-ಮ್ಪ್ರತಿ॒ಧಿರಿತಿ॑ ಪೃಥಿ॒ವೀಂ-ವಿಁ॑ಷ್ಟ॒ಮ್ಭ ಇತಿ॒ ವೃಷ್ಟಿ॑-ಮ್ಪ್ರ॒ವೇತ್ಯಹ॑ರನು॒ವೇತಿ॒ ರಾತ್ರಿ॑ಮು॒ಶಿಗಿತಿ॒ ವಸೂ᳚-ನ್ಪ್ರಕೇ॒ತ ಇತಿ॑ ರು॒ದ್ರಾನ್-ಥ್ಸು॑ದೀ॒ತಿರಿತ್ಯಾ॑ದಿ॒ತ್ಯಾನೋಜ॒ ಇತಿ॑ ಪಿ॒ತೄಗ್ಸ್ತನ್ತು॒ರಿತಿ॑ ಪ್ರ॒ಜಾಃ ಪೃ॑ತನಾ॒ಷಾಡಿತಿ॑ ಪ॒ಶೂ-ನ್ರೇ॒ವದಿತ್ಯೋ-ಷ॑ಧೀರಭಿ॒ಜಿದ॑ಸಿ ಯು॒ಕ್ತಗ್ರಾ॒ವೇ- [ಯು॒ಕ್ತಗ್ರಾ॑ವಾ, ಇನ್ದ್ರಾ॑ಯ॒ ತ್ವೇನ್ದ್ರ॑-ಞ್ಜಿ॒ನ್ವೇತ್ಯೇ॒ವ] 28
-ನ್ದ್ರಾ॑ಯ॒ ತ್ವೇನ್ದ್ರ॑-ಞ್ಜಿ॒ನ್ವೇತ್ಯೇ॒ವ ದ॑ಖ್ಷಿಣ॒ತೋ ವಜ್ರ॒-ಮ್ಪರ್ಯೌ॑ಹದ॒ಭಿಜಿ॑ತ್ಯೈ॒ ತಾಃ ಪ್ರ॒ಜಾ ಅಪ॑ಪ್ರಾಣಾ ಅಸೃಜತ॒ ತಾಸ್ವಧಿ॑ಪತಿರ॒ಸೀತ್ಯೇ॒ವ ಪ್ರಾ॒ಣಮ॑ದಧಾ-ದ್ಯ॒ನ್ತೇತ್ಯ॑ಪಾ॒ನಗ್ಂ ಸ॒ಗ್ಂ॒ಸರ್ಪ॒ ಇತಿ॒ ಚಖ್ಷು॑ರ್ವಯೋ॒ಧಾ ಇತಿ॒ ಶ್ರೋತ್ರ॒-ನ್ತಾಃ ಪ್ರ॒ಜಾಃ ಪ್ರಾ॑ಣ॒ತೀರ॑ಪಾನ॒ತೀಃ ಪಶ್ಯ॑ನ್ತೀ-ಶ್ಶೃಣ್ವ॒ತೀರ್ನ ಮಿ॑ಥು॒ನೀ ಅ॑ಭವ॒-ನ್ತಾಸು॑ ತ್ರಿ॒ವೃದ॒ಸೀತ್ಯೇ॒ವ ಮಿ॑ಥು॒ನಮ॑ದಧಾ॒-ತ್ತಾಃ ಪ್ರ॒ಜಾ ಮಿ॑ಥು॒ನೀ [ ] 29
ಭವ॑ನ್ತೀ॒ರ್ನ ಪ್ರಾಜಾ॑ಯನ್ತ॒ ತಾ-ಸ್ಸಗ್ಂ॑ರೋ॒ಹೋ॑-ಽಸಿ ನೀರೋ॒ಹೋ॑-ಽಸೀತ್ಯೇ॒ವ ಪ್ರಾ-ಽಜ॑ನಯ॒-ತ್ತಾಃ ಪ್ರ॒ಜಾಃ ಪ್ರಜಾ॑ತಾ॒ ನ ಪ್ರತ್ಯ॑ತಿಷ್ಠ॒-ನ್ತಾ ವ॑ಸು॒ಕೋ॑-ಽಸಿ॒ ವೇಷ॑ಶ್ರಿರಸಿ॒ ವಸ್ಯ॑ಷ್ಟಿರ॒ಸೀತ್ಯೇ॒ವೈಷು ಲೋ॒ಕೇಷು॒ ಪ್ರತ್ಯ॑ಸ್ಥಾಪಯ॒ದ್ಯದಾಹ॑ ವಸು॒ಕೋ॑-ಽಸಿ॒ ವೇಷ॑ಶ್ರಿರಸಿ॒ ವಸ್ಯ॑ಷ್ಟಿರ॒ಸೀತಿ॑ ಪ್ರ॒ಜಾ ಏ॒ವ ಪ್ರಜಾ॑ತಾ ಏ॒ಷು ಲೋ॒ಕೇಷು॒ ಪ್ರತಿ॑ಷ್ಠಾಪಯತಿ॒ ಸಾತ್ಮಾ॒-ಽನ್ತರಿ॑ಖ್ಷಗ್ಂ ರೋಹತಿ॒ ಸಪ್ರಾ॑ಣೋ॒-ಽಮುಷ್ಮಿ॑-ಲ್ಲೋಁ॒ಕೇ ಪ್ರತಿ॑ ತಿಷ್ಠ॒ತ್ಯವ್ಯ॑ರ್ಧುಕಃ ಪ್ರಾಣಾಪಾ॒ನಾಭ್ಯಾ᳚-ಮ್ಭವತಿ॒ ಯ ಏ॒ವಂ-ವೇಁದ॑ ॥ 30 ॥
(ಯು॒ಕ್ತಗ್ರಾ॑ವಾ – ಪ್ರ॒ಜಾ ಮಿ॑ಥು॒ನ್ಯ॑ – ನ್ತರಿ॑ಖ್ಷಂ॒ – ದ್ವಾದ॑ಶ ಚ) (ಅ. 6)
ನಾ॒ಕ॒ಸದ್ಭಿ॒ರ್ವೈ ದೇ॒ವಾ-ಸ್ಸು॑ವ॒ರ್ಗಂ-ಲೋಁ॒ಕಮಾ॑ಯ॒-ನ್ತನ್ನಾ॑ಕ॒ಸದಾ᳚-ನ್ನಾಕಸ॒ತ್ತ್ವಂ-ಯಁನ್ನಾ॑ಕ॒ಸದ॑ ಉಪ॒ದಧಾ॑ತಿ ನಾಕ॒ಸದ್ಭಿ॑ರೇ॒ವ ತ-ದ್ಯಜ॑ಮಾನ-ಸ್ಸುವ॒ರ್ಗಂ-ಲೋಁ॒ಕಮೇ॑ತಿ ಸುವ॒ರ್ಗೋ ವೈ ಲೋ॒ಕೋ ನಾಕೋ॒ ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ ನಾಸ್ಮಾ॒ ಅಕ॑-ಮ್ಭವತಿ ಯಜಮಾನಾಯತ॒ನಂ-ವೈಁ ನಾ॑ಕ॒ಸದೋ॒ ಯನ್ನಾ॑ಕ॒ಸದ॑ ಉಪ॒ದಧಾ᳚ತ್ಯಾ॒ಯತ॑ನಮೇ॒ವ ತ-ದ್ಯಜ॑ಮಾನಃ ಕುರುತೇ ಪೃ॒ಷ್ಠಾನಾಂ॒-ವಾಁ ಏ॒ತ-ತ್ತೇಜ॒-ಸ್ಸಮ್ಭೃ॑ತಂ॒-ಯಁನ್ನಾ॑ಕ॒ಸದೋ॒ ಯನ್ನಾ॑ಕ॒ಸದ॑ [ಯನ್ನಾ॑ಕ॒ಸದಃ॑, ಉ॒ಪ॒ದಧಾ॑ತಿ ಪೃ॒ಷ್ಠಾನಾ॑ಮೇ॒ವ] 31
ಉಪ॒ದಧಾ॑ತಿ ಪೃ॒ಷ್ಠಾನಾ॑ಮೇ॒ವ ತೇಜೋ-ಽವ॑ ರುನ್ಧೇ ಪಞ್ಚ॒ಚೋಡಾ॒ ಉಪ॑ ದಧಾತ್ಯಫ್ಸ॒ರಸ॑ ಏ॒ವೈನ॑ಮೇ॒ತಾ ಭೂ॒ತಾ ಅ॒ಮುಷ್ಮಿ॑-ಲ್ಲೋಁ॒ಕ ಉಪ॑ ಶೇ॒ರೇ-ಽಥೋ॑ ತನೂ॒ಪಾನೀ॑ರೇ॒ವೈತಾ ಯಜ॑ಮಾನಸ್ಯ॒ ಯ-ನ್ದ್ವಿ॒ಷ್ಯಾ-ತ್ತಮು॑ಪ॒ದಧ॑ದ್ಧ್ಯಾಯೇದೇ॒ತಾಭ್ಯ॑ ಏ॒ವೈನ॑-ನ್ದೇ॒ವತಾ᳚ಭ್ಯ॒ ಆ ವೃ॑ಶ್ಚತಿ ತಾ॒ಜಗಾರ್ತಿ॒ಮಾರ್ಚ್ಛ॒ತ್ಯುತ್ತ॑ರಾ ನಾಕ॒ಸದ್ಭ್ಯ॒ ಉಪ॑ದಧಾತಿ॒ ಯಥಾ॑ ಜಾ॒ಯಾಮಾ॒ನೀಯ॑ ಗೃ॒ಹೇಷು॑ ನಿಷಾ॒ದಯ॑ತಿ ತಾ॒ದೃಗೇ॒ವ ತ- [ತಾ॒ದೃಗೇ॒ವ ತತ್, ಪ॒ಶ್ಚಾ-ತ್ಪ್ರಾಚೀ॑-] 32
-ತ್ಪ॒ಶ್ಚಾ-ತ್ಪ್ರಾಚೀ॑-ಮುತ್ತ॒ಮಾಮುಪ॑ ದಧಾತಿ॒ ತಸ್ಮಾ᳚-ತ್ಪ॒ಶ್ಚಾ-ತ್ಪ್ರಾಚೀ॒ ಪತ್ನ್ಯನ್ವಾ᳚ಸ್ತೇ ಸ್ವಯಮಾತೃ॒ಣ್ಣಾ-ಞ್ಚ॑ ವಿಕ॒ರ್ಣೀ-ಞ್ಚೋ᳚ತ್ತ॒ಮೇ ಉಪ॑ ದಧಾತಿ ಪ್ರಾ॒ಣೋ ವೈ ಸ್ವ॑ಯಮಾತೃ॒ಣ್ಣಾ-ಽಽಯು॑ರ್ವಿಕ॒ರ್ಣೀ ಪ್ರಾ॒ಣ-ಞ್ಚೈ॒ವಾ-ಽಽಯು॑ಶ್ಚ ಪ್ರಾ॒ಣಾನಾ॑ಮುತ್ತ॒ಮೌ ಧ॑ತ್ತೇ॒ ತಸ್ಮಾ᳚-ತ್ಪ್ರಾ॒ಣಶ್ಚಾ-ಽಽಯು॑ಶ್ಚ ಪ್ರಾ॒ಣಾನಾ॑ಮುತ್ತ॒ಮೌ ನಾನ್ಯಾಮುತ್ತ॑ರಾ॒ಮಿಷ್ಟ॑ಕಾ॒ಮುಪ॑ ದದ್ಧ್ಯಾ॒-ದ್ಯದ॒ನ್ಯಾಮುತ್ತ॑ರಾ॒-ಮಿಷ್ಟ॑ಕಾ-ಮುಪದ॒ದ್ಧ್ಯಾ-ತ್ಪ॑ಶೂ॒ನಾ- [-ಮುಪದ॒ದ್ಧ್ಯಾ-ತ್ಪ॑ಶೂ॒ನಾಮ್, ಚ॒ ಯಜ॑ಮಾನಸ್ಯ ಚ] 33
-ಞ್ಚ॒ ಯಜ॑ಮಾನಸ್ಯ ಚ ಪ್ರಾ॒ಣ-ಞ್ಚಾ-ಽಽಯು॒ಶ್ಚಾಪಿ॑ ದದ್ಧ್ಯಾ॒-ತ್ತಸ್ಮಾ॒ನ್ನಾ-ನ್ಯೋತ್ತ॒ರೇಷ್ಟ॑ಕೋಪ॒ಧೇಯಾ᳚ ಸ್ವಯಮಾತೃ॒ಣ್ಣಾಮುಪ॑ ದಧಾತ್ಯ॒ಸೌ ವೈ ಸ್ವ॑ಯಮಾತೃ॒ಣ್ಣಾ- ಽಮೂಮೇ॒ವೋಪ॑ ಧ॒ತ್ತೇ ಽಶ್ವ॒ಮುಪ॑ ಘ್ರಾಪಯತಿ ಪ್ರಾ॒ಣಮೇ॒ವಾಸ್ಯಾ᳚-ನ್ದಧಾ॒ತ್ಯಥೋ᳚ ಪ್ರಾಜಾಪ॒ತ್ಯೋ ವಾ ಅಶ್ವಃ॑ ಪ್ರ॒ಜಾಪ॑ತಿನೈ॒ವಾಗ್ನಿ-ಞ್ಚಿ॑ನುತೇ ಸ್ವಯಮಾತೃ॒ಣ್ಣಾ ಭ॑ವತಿ ಪ್ರಾ॒ಣಾನಾ॒ಮುಥ್ಸೃ॑ಷ್ಟ್ಯಾ॒ ಅಥೋ॑ ಸುವ॒ರ್ಗಸ್ಯ॑ ಲೋ॒ಕಸ್ಯಾ-ಽನು॑ಖ್ಯಾತ್ಯಾ ಏ॒ಷಾ ವೈ ದೇ॒ವಾನಾಂ॒-ವಿಁಕ್ರಾ᳚ನ್ತಿ॒ರ್ಯ-ದ್ವಿ॑ಕ॒ರ್ಣೀ ಯ-ದ್ವಿ॑ಕ॒ರ್ಣೀಮು॑ಪ॒ದಧಾ॑ತಿ ದೇ॒ವಾನಾ॑ಮೇ॒ವ ವಿಕ್ರಾ᳚ನ್ತಿ॒ಮನು॒ ವಿಕ್ರ॑ಮತ ಉತ್ತರ॒ತ ಉಪ॑ದಧಾತಿ॒ ತಸ್ಮಾ॑ದುತ್ತರ॒ತ ಉ॑ಪಚಾರೋ॒-ಽಗ್ನಿ ರ್ವಾ॑ಯು॒ಮತೀ॑ ಭವತಿ॒ ಸಮಿ॑ದ್ಧ್ಯೈ ॥ 34 ॥
(ಸಮ್ಭೃ॑ತಂ॒-ಯಁನ್ನಾ॑ಕ॒ಸದೋ॒ ಯನ್ನಾ॑ಕ॒ಸದ॒ – ಸ್ತತ್ – ಪ॑ಶೂ॒ನಾ-ಮೇ॒ಷಾ ವೈ-ದ್ವಾವಿಗ್ಂ॑ಶತಿಶ್ಚ) (ಅ. 7)
ಛನ್ದಾ॒ಗ್॒ಸ್ಯುಪ॑ ದಧಾತಿ ಪ॒ಶವೋ॒ ವೈ ಛನ್ದಾಗ್ಂ॑ಸಿ ಪ॒ಶೂನೇ॒ವಾವ॑ ರುನ್ಧೇ॒ ಛನ್ದಾಗ್ಂ॑ಸಿ॒ ವೈ ದೇ॒ವಾನಾಂ᳚-ವಾಁ॒ಮ-ಮ್ಪ॒ಶವೋ॑ ವಾ॒ಮಮೇ॒ವ ಪ॒ಶೂನವ॑ ರುನ್ಧ ಏ॒ತಾಗ್ಂ ಹ॒ ವೈ ಯ॒ಜ್ಞಸೇ॑ನ-ಶ್ಚೈತ್ರಿಯಾಯ॒ಣ-ಶ್ಚಿತಿಂ॑-ವಿಁ॒ದಾ-ಞ್ಚ॑ಕಾರ॒ ತಯಾ॒ ವೈ ಸ ಪ॒ಶೂನವಾ॑ರುನ್ಧ॒ ಯದೇ॒ತಾಮು॑ಪ॒ದಧಾ॑ತಿ ಪ॒ಶೂನೇ॒ವಾವ॑ ರುನ್ಧೇ ಗಾಯ॒ತ್ರೀಃ ಪು॒ರಸ್ತಾ॒ದುಪ॑ ದಧಾತಿ॒ ತೇಜೋ॒ ವೈ ಗಾ॑ಯ॒ತ್ರೀ ತೇಜ॑ ಏ॒ವ [ತೇಜ॑ ಏ॒ವ, ಮು॒ಖ॒ತೋ ಧ॑ತ್ತೇ] 35
ಮು॑ಖ॒ತೋ ಧ॑ತ್ತೇ ಮೂರ್ಧ॒ನ್ವತೀ᳚ರ್ಭವನ್ತಿ ಮೂ॒ರ್ಧಾನ॑ಮೇ॒ವೈನಗ್ಂ॑ ಸಮಾ॒ನಾನಾ᳚-ಙ್ಕರೋತಿ ತ್ರಿ॒ಷ್ಟುಭ॒ ಉಪ॑ ದಧಾತೀನ್ದ್ರಿ॒ಯಂ-ವೈಁ ತ್ರಿ॒ಷ್ಟುಗಿ॑ನ್ದ್ರಿ॒ಯಮೇ॒ವ ಮ॑ದ್ಧ್ಯ॒ತೋ ಧ॑ತ್ತೇ॒ ಜಗ॑ತೀ॒ರುಪ॑ ದಧಾತಿ॒ ಜಾಗ॑ತಾ॒ ವೈ ಪ॒ಶವಃ॑ ಪ॒ಶೂನೇ॒ವಾವ॑ ರುನ್ಧೇ ಽನು॒ಷ್ಟುಭ॒ ಉಪ॑ ದಧಾತಿ ಪ್ರಾ॒ಣಾ ವಾ ಅ॑ನು॒ಷ್ಟುಪ್ ಪ್ರಾ॒ಣಾನಾ॒ಮುಥ್ಸೃ॑ಷ್ಟ್ಯೈ ಬೃಹ॒ತೀರು॒ಷ್ಣಿಹಾಃ᳚ ಪ॒ಙ್ಕ್ತೀರ॒ಖ್ಷರ॑ಪಙ್ಕ್ತೀ॒ರಿತಿ॒ ವಿಷು॑ರೂಪಾಣಿ॒ ಛನ್ದಾ॒ಗ್॒ಸ್ಯುಪ॑ ದಧಾತಿ॒ ವಿಷು॑ರೂಪಾ॒ ವೈ ಪ॒ಶವಃ॑ ಪ॒ಶವ॒- [ಪ॒ಶವಃ॑ ಪ॒ಶವಃ॑, ಛನ್ದಾಗ್ಂ॑ಸಿ॒ ವಿಷು॑ರೂಪಾನೇ॒ವ] 36
-ಶ್ಛನ್ದಾಗ್ಂ॑ಸಿ॒ ವಿಷು॑ರೂಪಾನೇ॒ವ ಪ॒ಶೂನವ॑ ರುನ್ಧೇ॒ ವಿಷು॑ರೂಪಮಸ್ಯ ಗೃ॒ಹೇ ದೃ॑ಶ್ಯತೇ॒ ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ ಯ ಉ॑ ಚೈನಾ ಏ॒ವಂ-ವೇಁದಾ-ಽತಿ॑ಚ್ಛನ್ದಸ॒ಮುಪ॑ ದಧಾ॒ತ್ಯತಿ॑ಚ್ಛನ್ದಾ॒ ವೈ ಸರ್ವಾ॑ಣಿ॒ ಛನ್ದಾಗ್ಂ॑ಸಿ॒ ಸರ್ವೇ॑ಭಿರೇ॒ವೈನ॒-ಞ್ಛನ್ದೋ॑ಭಿಶ್ಚಿನುತೇ॒ ವರ್ಷ್ಮ॒ ವಾ ಏ॒ಷಾ ಛನ್ದ॑ಸಾಂ॒-ಯಁದತಿ॑ಚ್ಛನ್ದಾ॒ ಯದತಿ॑ಚ್ಛನ್ದಸ-ಮುಪ॒ದಧಾ॑ತಿ॒ ವರ್ಷ್ಮೈ॒ವೈನಗ್ಂ॑ ಸಮಾ॒ನಾನಾ᳚-ಙ್ಕರೋತಿ ದ್ವಿ॒ಪದಾ॒ ಉಪ॑ ದಧಾತಿ ದ್ವಿ॒ಪಾ-ದ್ಯಜ॑ಮಾನಃ॒ ಪ್ರತಿ॑ಷ್ಠಿತ್ಯೈ ॥ 37 ॥
(ತೇಜ॑ ಏ॒ವ – ಪ॒ಶವಃ॑ ಪ॒ಶವೋ॒ – ಯಜ॑ಮಾನ॒ – ಏಕ॑ಞ್ಚ) (ಅ. 8)
ಸರ್ವಾ᳚ಭ್ಯೋ॒ ವೈ ದೇ॒ವತಾ᳚ಭ್ಯೋ॒-ಽಗ್ನಿಶ್ಚೀ॑ಯತೇ॒ ಯ-ಥ್ಸ॒ಯುಜೋ॒ ನೋಪ॑ದ॒ದ್ಧ್ಯಾ-ದ್ದೇ॒ವತಾ॑ ಅಸ್ಯಾ॒ಗ್ನಿಂ-ವೃಁ॑ಞ್ಜೀರ॒ನ್॒. ಯ-ಥ್ಸ॒ಯುಜ॑ ಉಪ॒ದಧಾ᳚ತ್ಯಾ॒ತ್ಮನೈ॒ವೈನಗ್ಂ॑ ಸ॒ಯುಜ॑-ಞ್ಚಿನುತೇ॒ ನಾಗ್ನಿನಾ॒ ವ್ಯೃ॑ದ್ಧ್ಯ॒ತೇ-ಽಥೋ॒ ಯಥಾ॒ ಪುರು॑ಷ॒-ಸ್ಸ್ನಾವ॑ಭಿ॒-ಸ್ಸನ್ತ॑ತ ಏ॒ವಮೇ॒ವೈತಾಭಿ॑ರ॒ಗ್ನಿ-ಸ್ಸನ್ತ॑ತೋ॒ ಽಗ್ನಿನಾ॒ ವೈ ದೇ॒ವಾ-ಸ್ಸು॑ವ॒ರ್ಗಂ-ಲೋಁ॒ಕಮಾ॑ಯ॒-ನ್ತಾ ಅ॒ಮೂಃ ಕೃತ್ತಿ॑ಕಾ ಅಭವ॒ನ್॒ ಯಸ್ಯೈ॒ತಾ ಉ॑ಪ ಧೀ॒ಯನ್ತೇ॑ ಸುವ॒ರ್ಗಮೇ॒ವ [ ] 38
ಲೋ॒ಕಮೇ॑ತಿ॒ ಗಚ್ಛ॑ತಿ ಪ್ರಕಾ॒ಶ-ಞ್ಚಿ॒ತ್ರಮೇ॒ವ ಭ॑ವತಿ ಮಣ್ಡಲೇಷ್ಟ॒ಕಾ ಉಪ॑ ದಧಾತೀ॒ಮೇ ವೈ ಲೋ॒ಕಾ ಮ॑ಣ್ಡಲೇಷ್ಟ॒ಕಾ ಇ॒ಮೇ ಖಲು॒ ವೈ ಲೋ॒ಕಾ ದೇ॑ವಪು॒ರಾ ದೇ॑ವಪು॒ರಾ ಏ॒ವ ಪ್ರವಿ॑ಶತಿ॒ ನಾ-ಽಽರ್ತಿ॒ಮಾರ್ಚ್ಛ॑ತ್ಯ॒ಗ್ನಿ-ಞ್ಚಿ॑ಕ್ಯಾ॒ನೋ ವಿ॒ಶ್ವಜ್ಯೋ॑ತಿಷ॒ ಉಪ॑ ದಧಾತೀ॒ಮಾನೇ॒ವೈತಾಭಿ-॑ರ್ಲೋ॒ಕಾನ್ ಜ್ಯೋತಿ॑ಷ್ಮತಃ ಕುರು॒ತೇ-ಽಥೋ᳚ ಪ್ರಾ॒ಣಾನೇ॒ವೈತಾ ಯಜ॑ಮಾನಸ್ಯ ದಾದ್ಧ್ರತ್ಯೇ॒ತಾ ವೈ ದೇ॒ವತಾ᳚-ಸ್ಸುವ॒ರ್ಗ್ಯಾ᳚ಸ್ತಾ ಏ॒ವಾ- -ನ್ವಾ॒ರಭ್ಯ॑ ಸುವ॒ರ್ಗಂ-ಲೋಁ॒ಕಮೇ॑ತಿ ॥ 39 ॥
(ಸು॒ವ॒ರ್ಗಮೇ॒ವ – ತಾ ಏ॒ವ – ಚ॒ತ್ವಾರಿ॑ ಚ) (ಅ. 9)
ವೃ॒ಷ್ಟಿ॒ಸನೀ॒ರುಪ॑ ದಧಾತಿ॒ ವೃಷ್ಟಿ॑ಮೇ॒ವಾವ॑ ರುನ್ಧೇ॒ ಯದೇ॑ಕ॒ಧೋಪ॑ದ॒ದ್ಧ್ಯಾದೇಕ॑ಮೃ॒ತುಂ-ವಁ॑ರ್ಷೇದನುಪರಿ॒ಹಾರಗ್ಂ॑ ಸಾದಯತಿ॒ ತಸ್ಮಾ॒-ಥ್ಸರ್ವಾ॑ನೃ॒ತೂನ್. ವ॑ರ್ಷತಿ ಪುರೋವಾತ॒ಸನಿ॑-ರ॒ಸೀತ್ಯಾ॑ಹೈ॒ತದ್ವೈ ವೃಷ್ಟ್ಯೈ॑ ರೂ॒ಪಗ್ಂ ರೂ॒ಪೇಣೈ॒ವ ವೃಷ್ಟಿ॒ಮವ॑ ರುನ್ಧೇ ಸಂ॒ಯಾಁನೀ॑ಭಿ॒ರ್ವೈ ದೇ॒ವಾ ಇ॒ಮಾ-ಲ್ಲೋಁ॒ಕಾನ್-ಥ್ಸಮ॑ಯು॒ಸ್ತ-ಥ್ಸಂ॒ಯಾಁನೀ॑ನಾಗ್ಂ ಸಂಯಾಁನಿ॒ತ್ವಂ-ಯಁ-ಥ್ಸಂ॒ಯಾಁನೀ॑ರುಪ॒ದಧಾ॑ತಿ॒ ಯಥಾ॒-ಽಫ್ಸು ನಾ॒ವಾ ಸಂ॒ಯಾಁತ್ಯೇ॒ವ- [ಸಂ॒ಯಾಁತ್ಯೇ॒ವಮ್, ಏ॒ವೈತಾಭಿ॒] 40
-ಮೇ॒ವೈತಾಭಿ॒ ರ್ಯಜ॑ಮಾನ ಇ॒ಮಾ-ಲ್ಲೋಁ॒ಕಾನ್-ಥ್ಸಂ-ಯಾಁ॑ತಿ ಪ್ಲ॒ವೋ ವಾ ಏ॒ಷೋ᳚-ಽಗ್ನೇರ್ಯ-ಥ್ಸಂ॒ಯಾಁನೀ॒ರ್ಯ-ಥ್ಸಂ॒ಯಾಁನೀ॑ರುಪ॒ದಧಾ॑ತಿ ಪ್ಲ॒ವಮೇ॒ವೈತಮ॒ಗ್ನಯ॒ ಉಪ॑ದಧಾತ್ಯು॒ತ ಯಸ್ಯೈ॒ತಾಸೂಪ॑ಹಿತಾ॒ಸ್ವಾಪೋ॒-ಽಗ್ನಿಗ್ಂ ಹರ॒ನ್ತ್ಯಹೃ॑ತ ಏ॒ವಾಸ್ಯಾ॒-ಗ್ನಿರಾ॑ದಿತ್ಯೇಷ್ಟ॒ಕಾ ಉಪ॑ ದಧಾತ್ಯಾದಿ॒ತ್ಯಾ ವಾ ಏ॒ತ-ಮ್ಭೂತ್ಯೈ॒ ಪ್ರತಿ॑ನುದನ್ತೇ॒ ಯೋ-ಽಲ॒-ಮ್ಭೂತ್ಯೈ॒ ಸ-ನ್ಭೂತಿ॒-ನ್ನ ಪ್ರಾ॒ಪ್ನೋತ್ಯಾ॑ದಿ॒ತ್ಯಾ [ಪ್ರಾ॒ಪ್ನೋತ್ಯಾ॑ದಿ॒ತ್ಯಾಃ, ಏ॒ವೈನ॒-ಮ್ಭೂತಿ॑-] 41
ಏ॒ವೈನ॒-ಮ್ಭೂತಿ॑-ಙ್ಗಮಯನ್ತ್ಯ॒ಸೌ ವಾ ಏ॒ತಸ್ಯಾ॑-ಽಽದಿ॒ತ್ಯೋ ರುಚ॒ಮಾ ದ॑ತ್ತೇ॒ ಯೋ᳚-ಽಗ್ನಿ-ಞ್ಚಿ॒ತ್ವಾ ನ ರೋಚ॑ತೇ॒ ಯದಾ॑ದಿತ್ಯೇಷ್ಟ॒ಕಾ ಉ॑ಪ॒ದಧಾ᳚ತ್ಯ॒ಸಾವೇ॒-ವಾಸ್ಮಿ॑ನ್ನಾದಿ॒ತ್ಯೋ ರುಚ॑-ನ್ದಧಾತಿ॒ ಯಥಾ॒-ಽಸೌ ದೇ॒ವಾನಾ॒ಗ್ಂ॒ ರೋಚ॑ತ ಏ॒ವಮೇ॒ವೈಷ ಮ॑ನು॒ಷ್ಯಾ॑ಣಾಗ್ಂ ರೋಚತೇ ಘೃತೇಷ್ಟ॒ಕಾ ಉಪ॑ ದಧಾತ್ಯೇ॒ತದ್ವಾ ಅ॒ಗ್ನೇಃ ಪ್ರಿ॒ಯ-ನ್ಧಾಮ॒ ಯ-ದ್ಘೃ॒ತ-ಮ್ಪ್ರಿ॒ಯೇಣೈ॒ವೈನ॒-ನ್ಧಾಮ್ನಾ॒ ಸಮ॑ರ್ಧಯ॒- [ಸಮ॑ರ್ಧಯತಿ, ಅಥೋ॒] 42
-ತ್ಯಥೋ॒ ತೇಜ॑ಸಾ ಽನುಪರಿ॒ಹಾರಗ್ಂ॑ ಸಾದಯ॒-ತ್ಯಪ॑ರಿವರ್ಗ-ಮೇ॒ವಾಸ್ಮಿ॒-ನ್ತೇಜೋ॑ ದಧಾತಿ ಪ್ರ॒ಜಾಪ॑ತಿರ॒ಗ್ನಿಮ॑ಚಿನುತ॒ ಸ ಯಶ॑ಸಾ॒ ವ್ಯಾ᳚ರ್ಧ್ಯತ॒ ಸ ಏ॒ತಾ ಯ॑ಶೋ॒ದಾ ಅ॑ಪಶ್ಯ॒-ತ್ತಾ ಉಪಾ॑ಧತ್ತ॒ ತಾಭಿ॒ರ್ವೈ ಸ ಯಶ॑ ಆ॒ತ್ಮನ್ನ॑ಧತ್ತ॒ ಯದ್ಯ॑ಶೋ॒ದಾ ಉ॑ಪ॒ದಧಾ॑ತಿ॒ ಯಶ॑ ಏ॒ವ ತಾಭಿ॒ರ್ಯಜ॑ಮಾನ ಆ॒ತ್ಮ-ನ್ಧ॑ತ್ತೇ॒ ಪಞ್ಚೋಪ॑ ದಧಾತಿ॒ ಪಾಙ್ಕ್ತಃ॒ ಪುರು॑ಷೋ॒ ಯಾವಾ॑ನೇ॒ವ ಪುರು॑ಷ॒ಸ್ತಸ್ಮಿ॒ನ್॒ ಯಶೋ॑ ದಧಾತಿ ॥ 43 ॥
(ಏ॒ವಂ – ಪ್ರಾ॒ಪ್ರೋತ್ಯಾ॑ದಿ॒ತ್ಯಾ – ಅ॑ರ್ಧಯ॒ತ್ಯೇ – ಕಾ॒ನ್ನ ಪ॑ಞ್ಚಾ॒ಶಚ್ಚ॑) (ಅ. 10)
ದೇ॒ವಾ॒ಸು॒ರಾ-ಸ್ಸಂಯಁ॑ತ್ತಾ ಆಸ॒ನ್ ಕನೀ॑ಯಾಗ್ಂಸೋ ದೇ॒ವಾ ಆಸ॒-ನ್ಭೂಯಾ॒ಗ್ಂ॒ಸೋ-ಽಸು॑ರಾ॒ಸ್ತೇ ದೇ॒ವಾ ಏ॒ತಾ ಇಷ್ಟ॑ಕಾ ಅಪಶ್ಯ॒-ನ್ತಾ ಉಪಾ॑ದಧತ ಭೂಯ॒ಸ್ಕೃದ॒ಸೀತ್ಯೇ॒ವ ಭೂಯಾಗ್ಂ॑ಸೋ-ಽಭವ॒ನ್ ವನ॒ಸ್ಪತಿ॑ಭಿ॒-ರೋಷ॑ಧೀಭಿ-ರ್ವರಿವ॒ಸ್ಕೃದ॒ಸೀತೀ॒-ಮಾಮ॑ಜಯ॒-ನ್ಪ್ರಾಚ್ಯ॒ಸೀತಿ॒ ಪ್ರಾಚೀ॒-ನ್ದಿಶ॑ಮಜಯನ್ನೂ॒ರ್ಧ್ವಾ ಽಸೀತ್ಯ॒ಮೂಮ॑ಜಯ-ನ್ನನ್ತರಿಖ್ಷ॒ಸದ॑ಸ್ಯ॒ನ್ತರಿ॑ಖ್ಷೇ ಸೀ॒ದೇತ್ಯ॒-ನ್ತರಿ॑ಖ್ಷಮಜಯ॒-ನ್ತತೋ॑ ದೇ॒ವಾ ಅಭ॑ವ॒- [ದೇ॒ವಾ ಅಭ॑ವನ್ನ್, ಪರಾ-ಽಸು॑ರಾ॒] 44
-ನ್ಪರಾ-ಽಸು॑ರಾ॒ ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ ಭೂಯಾ॑ನೇ॒ವ ಭ॑ವತ್ಯ॒ಭೀಮಾ-ಲ್ಲೋಁ॒ಕಾನ್ ಜ॑ಯತಿ॒ ಭವ॑ತ್ಯಾ॒ತ್ಮನಾ॒ ಪರಾ᳚-ಽಸ್ಯ॒ ಭ್ರಾತೃ॑ವ್ಯೋ ಭವತ್ಯಫ್ಸು॒ಷದ॑ಸಿ ಶ್ಯೇನ॒ಸದ॒ಸೀತ್ಯಾ॑ಹೈ॒ತದ್ವಾ ಅ॒ಗ್ನೇ ರೂ॒ಪಗ್ಂ ರೂ॒ಪೇಣೈ॒ವಾಗ್ನಿಮವ॑ ರುನ್ಧೇ ಪೃಥಿ॒ವ್ಯಾಸ್ತ್ವಾ॒ ದ್ರವಿ॑ಣೇ ಸಾದಯಾ॒ಮೀ-ತ್ಯಾ॑ಹೇ॒ಮಾನೇ॒ವೈತಾಭಿ॑-ರ್ಲೋ॒ಕಾ-ನ್ದ್ರವಿ॑ಣಾವತಃ ಕುರುತ ಆಯು॒ಷ್ಯಾ॑ ಉಪ॑ ದಧಾ॒ತ್ಯಾಯು॑ರೇ॒ವಾ- [ಉಪ॑ ದಧಾ॒ತ್ಯಾಯು॑ರೇ॒ವ, ಅ॒ಸ್ಮಿ॒-ನ್ದ॒ಧಾ॒ತ್ಯಗ್ನೇ॒] 45
-ಽಸ್ಮಿ॑-ನ್ದಧಾ॒ತ್ಯಗ್ನೇ॒ ಯತ್ತೇ॒ ಪರ॒ಗ್ಂ॒ ಹೃನ್ನಾಮೇತ್ಯಾ॑ಹೈ॒ತದ್ವಾ ಅ॒ಗ್ನೇಃ ಪ್ರಿ॒ಯ-ನ್ಧಾಮ॑ ಪ್ರಿ॒ಯಮೇ॒ವಾಸ್ಯ॒ ಧಾಮೋಪಾ᳚-ಽಽಪ್ನೋತಿ॒ ತಾವೇಹಿ॒ ಸಗ್ಂ ರ॑ಭಾವಹಾ॒ ಇತ್ಯಾ॑ಹ॒ ವ್ಯೇ॑ವೈನೇ॑ನ॒ ಪರಿ॑ ಧತ್ತೇ॒ ಪಾಞ್ಚ॑ಜನ್ಯೇ॒ಷ್ವಪ್ಯೇ᳚ದ್ಧ್ಯಗ್ನ॒ ಇತ್ಯಾ॑ಹೈ॒ಷ ವಾ ಅ॒ಗ್ನಿಃ ಪಾಞ್ಚ॑ಜನ್ಯೋ॒ ಯಃ ಪಞ್ಚ॑ಚಿತೀಕ॒-ಸ್ತಸ್ಮಾ॑ದೇ॒ವಮಾ॑ಹರ್ತ॒ವ್ಯಾ॑ ಉಪ॑ ದಧಾತ್ಯೇ॒ತದ್ವಾ ಋ॑ತೂ॒ನಾ-ಮ್ಪ್ರಿ॒ಯ-ನ್ಧಾಮ॒ ಯದೃ॑ತ॒ವ್ಯಾ॑ ಋತೂ॒ನಾಮೇ॒ವ ಪ್ರಿ॒ಯ-ನ್ಧಾಮಾವ॑ ರುನ್ಧೇ ಸು॒ಮೇಕ॒ ಇತ್ಯಾ॑ಹ ಸಂವಁಥ್ಸ॒ರೋ ವೈ ಸು॒ಮೇಕ॑-ಸ್ಸಂವಁಥ್ಸ॒ರಸ್ಯೈ॒ವ ಪ್ರಿ॒ಯ-ನ್ಧಾಮೋಪಾ᳚-ಽಽಪ್ನೋತಿ ॥ 46 ॥
(ಅಭ॑ವ॒ – ನ್ನಾಯು॑ರೇ॒ವ – ರ್ತ॒ವ್ಯಾ॑ ಉಪ॒ – ಷಡ್ವಿಗ್ಂ॑ಶತಿಶ್ಚ) (ಅ. 11)
ಪ್ರ॒ಜಾಪ॑ತೇ॒ರಖ್ಷ್ಯ॑ಶ್ವಯ॒-ತ್ತ-ತ್ಪರಾ॑-ಽಪತ॒-ತ್ತದಶ್ವೋ॑-ಽಭವ॒-ದ್ಯದಶ್ವ॑ಯ॒-ತ್ತದಶ್ವ॑ಸ್ಯಾಶ್ವ॒ತ್ವ-ನ್ತದ್ದೇ॒ವಾ ಅ॑ಶ್ವಮೇ॒ಧೇನೈ॒ವ ಪ್ರತ್ಯ॑ದಧುರೇ॒ಷ ವೈ ಪ್ರ॒ಜಾಪ॑ತಿ॒ಗ್ಂ॒ ಸರ್ವ॑-ಙ್ಕರೋತಿ॒ ಯೋ᳚-ಽಶ್ವಮೇ॒ಧೇನ॒ ಯಜ॑ತೇ॒ ಸರ್ವ॑ ಏ॒ವ ಭ॑ವತಿ॒ ಸರ್ವ॑ಸ್ಯ॒ ವಾ ಏ॒ಷಾ ಪ್ರಾಯ॑ಶ್ಚಿತ್ತಿ॒-ಸ್ಸರ್ವ॑ಸ್ಯ ಭೇಷ॒ಜಗ್ಂ ಸರ್ವಂ॒-ವಾಁ ಏ॒ತೇನ॑ ಪಾ॒ಪ್ಮಾನ॑-ನ್ದೇ॒ವಾ ಅ॑ತರ॒ನ್ನಪಿ॒ ವಾ ಏ॒ತೇನ॑ ಬ್ರಹ್ಮಹ॒ತ್ಯಾ-ಮ॑ತರ॒ನ್-ಥ್ಸರ್ವ॑-ಮ್ಪಾ॒ಪ್ಮಾನ॑- [-ಮ॑ತರ॒ನ್-ಥ್ಸರ್ವ॑-ಮ್ಪಾ॒ಪ್ಮಾನ᳚ಮ್, ತ॒ರ॒ತಿ॒ ತರ॑ತಿ] 47
-ನ್ತರತಿ॒ ತರ॑ತಿ ಬ್ರಹ್ಮಹ॒ತ್ಯಾಂ-ಯೋಁ᳚-ಽಶ್ವಮೇ॒ಧೇನ॒ ಯಜ॑ತೇ॒ ಯ ಉ॑ ಚೈನಮೇ॒ವಂ-ವೇಁದೋತ್ತ॑ರಂ॒-ವೈಁ ತ-ತ್ಪ್ರ॒ಜಾಪ॑ತೇ॒ರಖ್ಷ್ಯ॑ಶ್ವಯ॒-ತ್ತಸ್ಮಾ॒ದಶ್ವ॑ಸ್ಯೋತ್ತರ॒ತೋ-ಽವ॑ ದ್ಯನ್ತಿ ದಖ್ಷಿಣ॒ತೋ᳚-ಽನ್ಯೇಷಾ᳚-ಮ್ಪಶೂ॒ನಾಂ-ವೈಁ॑ತ॒ಸಃ ಕಟೋ॑ ಭವತ್ಯ॒ಫ್ಸುಯೋ॑ನಿ॒ರ್ವಾ ಅಶ್ವೋ᳚-ಽಫ್ಸು॒ಜೋ ವೇ॑ತ॒ಸ-ಸ್ಸ್ವ ಏ॒ವೈನಂ॒-ಯೋಁನೌ॒ ಪ್ರತಿ॑ಷ್ಠಾಪಯತಿ ಚತುಷ್ಟೋ॒ಮ-ಸ್ಸ್ತೋಮೋ॑ ಭವತಿ ಸ॒ರಡ್ಢ॒ ವಾ ಅಶ್ವ॑ಸ್ಯ॒ ಸಕ್ಥ್ಯಾ-ಽವೃ॑ಹ॒-ತ್ತ-ದ್ದೇ॒ವಾಶ್ಚ॑ತುಷ್ಟೋ॒ಮೇನೈ॒ವ ಪ್ರತ್ಯ॑ದಧು॒ರ್ಯಚ್ಚ॑ತುಷ್ಟೋ॒ಮ-ಸ್ಸ್ತೋಮೋ॒ ಭವ॒ತ್ಯಶ್ವ॑ಸ್ಯ ಸರ್ವ॒ತ್ವಾಯ॑ ॥ 48 ॥
(ಸರ್ವ॑ಮ ಪಾ॒ಪ್ಮಾನ॑ – ಮವೃಹ॒-ದ್- ದ್ವಾದ॑ಶ ಚ) (ಅ. 12)
(ಉ॒ಥ್ಸ॒ನ್ನ॒ಯ॒ಜ್ಞ – ಇನ್ದ್ರಾ᳚ಗ್ನೀ – ದೇ॒ವಾ ವಾ ಅ॑ಖ್ಷ್ಣಯಾಸ್ತೋ॒ಮೀಯಾ॑ – ಅ॒ಗ್ನೇರ್ಭಾ॒ಗೋ᳚ – ಽಸ್ಯಗ್ನೇ॑ ಜಾ॒ತಾನ್ – ರ॒ಶ್ಮಿರಿತಿ॑ – ನಾಕ॒ಸದ್ಭಿಃ॒ -ಛನ್ದಾಗ್ಂ॑ಸಿ॒ – ಸರ್ವಾ᳚ಭ್ಯೋ – ವೃಷ್ಟಿ॒ಸನೀ᳚ – ರ್ದೇವಾಸು॒ರಾಃ ಕನೀ॑ಯಾಗ್ಂಸಃ – ಪ್ರ॒ಜಾಪ॑ತೇ॒ರಖ್ಷಿ॒ – ದ್ವಾದ॑ಶ )
(ಉ॒ಥ್ಸ॒ನ್ನ॒ಯ॒ಜ್ಞೋ – ದೇ॒ವಾ ವೈ – ಯಸ್ಯ॒ ಮುಖ್ಯ॑ವತೀ – ರ್ನಾಕ॒ಸದ್ಭಿ॑ರೇ॒ – ವೈ ತಾಭಿ॑ರ॒ – ಷ್ಟಾಚ॑ತ್ವಾರಿಗ್ಂಶತ್)
(ಉ॒ಥ್ಸ॒ನ್ನ॒ಯ॒ಜ್ಞ, ಸ್ಸ॑ರ್ವ॒ತ್ವಾಯ॑)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪಞ್ಚಮಕಾಣ್ಡೇ ತೃತೀಯಃ ಪ್ರಶ್ನ-ಸ್ಸಮಾಪ್ತಃ ॥