ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾಂ ಷಷ್ಠಕಾಣ್ಡೇ ಚತುರ್ಥಃ ಪ್ರಶ್ನಃ – ಸೋಮಮನ್ತ್ರಬ್ರಾಹ್ಮಣನಿರೂಪಣಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಯ॒ಜ್ಞೇನ॒ ವೈ ಪ್ರ॒ಜಾಪ॑ತಿಃ ಪ್ರ॒ಜಾ ಅ॑ಸೃಜತ॒ ತಾ ಉ॑ಪ॒ಯಡ್ಭಿ॑-ರೇ॒ವಾಸೃ॑ಜತ॒ ಯದು॑ಪ॒ಯಜ॑ ಉಪ॒ಯಜ॑ತಿ ಪ್ರ॒ಜಾ ಏ॒ವ ತ-ದ್ಯಜ॑ಮಾನ-ಸ್ಸೃಜತೇ ಜಘನಾ॒ರ್ಧಾದವ॑ ದ್ಯತಿ ಜಘನಾ॒ರ್ಧಾದ್ಧಿ ಪ್ರ॒ಜಾಃ ಪ್ರ॒ಜಾಯ॑ನ್ತೇ ಸ್ಥವಿಮ॒ತೋ-ಽವ॑ ದ್ಯತಿ ಸ್ಥವಿಮ॒ತೋ ಹಿ ಪ್ರ॒ಜಾಃ ಪ್ರ॒ಜಾಯ॒ನ್ತೇ ಽಸ॑ಮ್ಭಿನ್ದ॒ನ್ನವ॑ ದ್ಯತಿ ಪ್ರಾ॒ಣಾನಾ॒-ಮಸ॑ಮ್ಭೇದಾಯ॒ ನ ಪ॒ರ್ಯಾವ॑ರ್ತಯತಿ॒ ಯ-ತ್ಪ॑ರ್ಯಾವ॒ರ್ತಯೇ॑ದುದಾವ॒ರ್ತಃ ಪ್ರ॒ಜಾ ಗ್ರಾಹು॑ಕ-ಸ್ಸ್ಯಾ-ಥ್ಸಮು॒ದ್ರ-ಙ್ಗ॑ಚ್ಛ॒ ಸ್ವಾಹೇತ್ಯಾ॑ಹ॒ ರೇತ॑ [ರೇತಃ॑, ಏ॒ವ] 1
ಏ॒ವ ತ-ದ್ದ॑ಧಾತ್ಯ॒ನ್ತರಿ॑ಖ್ಷ-ಙ್ಗಚ್ಛ॒ ಸ್ವಾಹೇತ್ಯಾ॑ಹಾ॒-ಽನ್ತರಿ॑ಖ್ಷೇಣೈ॒ವಾಸ್ಮೈ᳚ ಪ್ರ॒ಜಾಃ ಪ್ರ ಜ॑ನಯತ್ಯ॒ನ್ತರಿ॑ಖ್ಷ॒ಗ್ಗ್॒ ಹ್ಯನು॑ ಪ್ರ॒ಜಾಃ ಪ್ರ॒ಜಾಯ॑ನ್ತೇ ದೇ॒ವಗ್ಂ ಸ॑ವಿ॒ತಾರ॑-ಙ್ಗಚ್ಛ॒ ಸ್ವಾಹೇತ್ಯಾ॑ಹ ಸವಿ॒ತೃಪ್ರ॑ಸೂತ ಏ॒ವಾಸ್ಮೈ᳚ ಪ್ರ॒ಜಾಃ ಪ್ರ ಜ॑ನಯತ್ಯ-ಹೋರಾ॒ತ್ರೇ ಗ॑ಚ್ಛ॒ ಸ್ವಾಹೇತ್ಯಾ॑ಹಾ-ಹೋರಾ॒ತ್ರಾಭ್ಯಾ॑-ಮೇ॒ವಾಸ್ಮೈ᳚ ಪ್ರ॒ಜಾಃ ಪ್ರ ಜ॑ನಯತ್ಯ-ಹೋರಾ॒ತ್ರೇ ಹ್ಯನು॑ ಪ್ರ॒ಜಾಃ ಪ್ರ॒ಜಾಯ॑ನ್ತೇ ಮಿ॒ತ್ರಾವರು॑ಣೌ ಗಚ್ಛ॒ ಸ್ವಾಹೇ- [ಸ್ವಾಹಾ᳚, ಇತ್ಯಾ॑ಹ] 2
-ತ್ಯಾ॑ಹ ಪ್ರ॒ಜಾಸ್ವೇ॒ವ ಪ್ರಜಾ॑ತಾಸು ಪ್ರಾಣಾಪಾ॒ನೌ ದ॑ಧಾತಿ॒ ಸೋಮ॑-ಙ್ಗಚ್ಛ॒ ಸ್ವಾಹೇತ್ಯಾ॑ಹ ಸೌ॒ಮ್ಯಾ ಹಿ ದೇ॒ವತ॑ಯಾ ಪ್ರ॒ಜಾ ಯ॒ಜ್ಞ-ಙ್ಗ॑ಚ್ಛ॒ ಸ್ವಾಹೇತ್ಯಾ॑ಹ ಪ್ರ॒ಜಾ ಏ॒ವ ಯ॒ಜ್ಞಿಯಾಃ᳚ ಕರೋತಿ॒ ಛನ್ದಾಗ್ಂ॑ಸಿ ಗಚ್ಛ॒ ಸ್ವಾಹೇತ್ಯಾ॑ಹ ಪ॒ಶವೋ॒ ವೈ ಛನ್ದಾಗ್ಂ॑ಸಿ ಪ॒ಶೂನೇ॒ವಾವ॑ ರುನ್ಧೇ॒ ದ್ಯಾವಾ॑ಪೃಥಿ॒ವೀ ಗ॑ಚ್ಛ॒ ಸ್ವಾಹೇತ್ಯಾ॑ಹ ಪ್ರ॒ಜಾ ಏ॒ವ ಪ್ರಜಾ॑ತಾ॒ ದ್ಯಾವಾ॑ಪೃಥಿ॒ವೀಭ್ಯಾ॑ಮುಭ॒ಯತಃ॒ ಪರಿ॑ ಗೃಹ್ಣಾತಿ॒ ನಭೋ॑ [ನಭಃ॑, ದಿ॒ವ್ಯ-ಙ್ಗ॑ಚ್ಛ॒] 3
ದಿ॒ವ್ಯ-ಙ್ಗ॑ಚ್ಛ॒ ಸ್ವಾಹೇತ್ಯಾ॑ಹ ಪ್ರ॒ಜಾಭ್ಯ॑ ಏ॒ವ ಪ್ರಜಾ॑ತಾಭ್ಯೋ॒ ವೃಷ್ಟಿ॒-ನ್ನಿಯ॑ಚ್ಛತ್ಯ॒ಗ್ನಿಂ-ವೈಁ᳚ಶ್ವಾನ॒ರ-ಙ್ಗ॑ಚ್ಛ॒ ಸ್ವಾಹೇತ್ಯಾ॑ಹ ಪ್ರ॒ಜಾ ಏ॒ವ ಪ್ರಜಾ॑ತಾ ಅ॒ಸ್ಯಾ-ಮ್ಪ್ರತಿ॑ ಷ್ಠಾಪಯತಿ ಪ್ರಾ॒ಣಾನಾಂ॒-ವಾಁ ಏ॒ಷೋ-ಽವ॑ ದ್ಯತಿ॒ ಯೋ॑-ಽವ॒ದ್ಯತಿ॑ ಗು॒ದಸ್ಯ॒ ಮನೋ॑ ಮೇ॒ ಹಾರ್ದಿ॑ ಯ॒ಚ್ಛೇತ್ಯಾ॑ಹ ಪ್ರಾ॒ಣಾನೇ॒ವ ಯ॑ಥಾಸ್ಥಾ॒ನಮುಪ॑ ಹ್ವಯತೇ ಪ॒ಶೋರ್ವಾ ಆಲ॑ಬ್ಧಸ್ಯ॒ ಹೃದ॑ಯ॒ಗ್ಂ॒ ಶುಗೃ॑ಚ್ಛತಿ॒ ಸಾ ಹೃ॑ದಯಶೂ॒ಲ- [ಹೃ॑ದಯಶೂ॒ಲಮ್, ಅ॒ಭಿ ಸಮೇ॑ತಿ॒] 4
-ಮ॒ಭಿ ಸಮೇ॑ತಿ॒ ಯ-ತ್ಪೃ॑ಥಿ॒ವ್ಯಾಗ್ಂ ಹೃ॑ದಯಶೂ॒ಲ-ಮು॑ದ್ವಾ॒ಸಯೇ᳚-ತ್ಪೃಥಿ॒ವೀಗ್ಂ ಶು॒ಚಾ-ಽರ್ಪ॑ಯೇ॒-ದ್ಯದ॒ಫ್ಸ್ವ॑ಪ-ಶ್ಶು॒ಚಾ-ಽರ್ಪ॑ಯೇ॒ಚ್ಛುಷ್ಕ॑ಸ್ಯ ಚಾ॒-ಽಽರ್ದ್ರಸ್ಯ॑ ಚ ಸ॒ನ್ಧಾವುದ್ವಾ॑ಸಯತ್ಯು॒ಭಯ॑ಸ್ಯ॒ ಶಾನ್ತ್ಯೈ॒ ಯ-ನ್ದ್ವಿ॒ಷ್ಯಾ-ತ್ತ-ನ್ಧ್ಯಾ॑ಯೇ-ಚ್ಛು॒ಚೈವೈನ॑-ಮರ್ಪಯತಿ ॥ 5 ॥
(ರೇತೋ॑ – ಮಿ॒ತ್ರಾವರು॑ಣೌ ಗಚ್ಛ॒ ಸ್ವಾಹಾ॒ – ನಭೋ॑ – ಹೃದಯಶೂ॒ಲಂ – ದ್ವಾತ್ರಿಗ್ಂ॑ಶಚ್ಚ) (ಅ. 1)
ದೇ॒ವಾ ವೈ ಯ॒ಜ್ಞಮಾಗ್ನೀ᳚ದ್ಧ್ರೇ॒ ವ್ಯ॑ಭಜನ್ತ॒ ತತೋ॒ ಯದ॒ತ್ಯಶಿ॑ಷ್ಯತ॒ ತದ॑ಬ್ರುವ॒ನ್ ವಸ॑ತು॒ ನು ನ॑ ಇ॒ದಮಿತಿ॒ ತ-ದ್ವ॑ಸತೀ॒ವರೀ॑ಣಾಂ-ವಁಸತೀ ವರಿ॒ತ್ವ-ನ್ತಸ್ಮಿ॑-ನ್ಪ್ರಾ॒ತರ್ನ ಸಮ॑ಶಕ್ನುವ॒-ನ್ತದ॒ಫ್ಸು ಪ್ರಾವೇ॑ಶಯ॒-ನ್ತಾ ವ॑ಸತೀ॒ ವರೀ॑ರಭವನ್ ವಸತೀ॒ವರೀ᳚ರ್ಗೃಹ್ಣಾತಿ ಯ॒ಜ್ಞೋ ವೈ ವ॑ಸತೀ॒ ವರೀ᳚ರ್ಯ॒ಜ್ಞಮೇ॒ವಾ-ಽಽರಭ್ಯ॑ ಗೃಹೀ॒ತ್ವೋಪ॑ ವಸತಿ॒ ಯಸ್ಯಾಗೃ॑ಹೀತಾ ಅ॒ಭಿ ನಿ॒ಮ್ರೋಚೇ॒-ದನಾ॑ರಬ್ಧೋ-ಽಸ್ಯ ಯ॒ಜ್ಞ-ಸ್ಸ್ಯಾ᳚- [ಯ॒ಜ್ಞ-ಸ್ಸ್ಯಾ᳚ತ್, ಯ॒ಜ್ಞಂ-ವಿಁ] 6
-ದ್ಯ॒ಜ್ಞಂ-ವಿಁ ಚ್ಛಿ॑ನ್ದ್ಯಾ-ಜ್ಜ್ಯೋತಿ॒ಷ್ಯಾ॑ ವಾ ಗೃಹ್ಣೀ॒ಯಾದ್ಧಿರ॑ಣ್ಯಂ-ವಾಁ ಽವ॒ಧಾಯ॒ ಸಶು॑ಕ್ರಾಣಾಮೇ॒ವ ಗೃ॑ಹ್ಣಾತಿ॒ ಯೋ ವಾ᳚ ಬ್ರಾಹ್ಮ॒ಣೋ ಬ॑ಹುಯಾ॒ಜೀ ತಸ್ಯ॒ ಕುಮ್ಭ್ಯಾ॑ನಾ-ಙ್ಗೃಹ್ಣೀಯಾ॒-ಥ್ಸ ಹಿ ಗೃ॑ಹೀ॒ತ ವ॑ಸತೀವರೀಕೋ ವಸತೀ॒ವರೀ᳚ರ್ಗೃಹ್ಣಾತಿ ಪ॒ಶವೋ॒ ವೈ ವ॑ಸತೀ॒ವರೀಃ᳚ ಪ॒ಶೂನೇ॒ವಾ-ಽಽರಭ್ಯ॑ ಗೃಹೀ॒ತ್ವೋಪ॑ ವಸತಿ॒ ಯದ॑ನ್ವೀ॒ಪ-ನ್ತಿಷ್ಠ॑-ನ್ಗೃಹ್ಣೀ॒ಯಾನ್ನಿ॒ರ್ಮಾರ್ಗು॑ಕಾ ಅಸ್ಮಾ-ತ್ಪ॒ಶವ॑-ಸ್ಸ್ಯುಃ ಪ್ರತೀ॒ಪ-ನ್ತಿಷ್ಠ॑-ನ್ಗೃಹ್ಣಾತಿ ಪ್ರತಿ॒ರುದ್ಧ್ಯೈ॒ವಾಸ್ಮೈ॑ ಪ॒ಶೂ-ನ್ಗೃ॑ಹ್ಣಾ॒ತೀನ್ದ್ರೋ॑ [ಪ॒ಶೂ-ನ್ಗೃ॑ಹ್ಣಾ॒ತೀನ್ದ್ರಃ॑, ವೃ॒ತ್ರ-] 7
ವೃ॒ತ್ರ-ಮ॑ಹ॒ನ್-ಥ್ಸೋ᳚-ಽ(1॒)ಪೋ᳚-ಽ(1॒)ಭ್ಯ॑ಮ್ರಿಯತ॒ ತಾಸಾಂ॒-ಯಁನ್ಮೇದ್ಧ್ಯಂ॑-ಯಁ॒ಜ್ಞಿಯ॒ಗ್ಂ॒ ಸದೇ॑ವ॒ಮಾಸೀ॒-ತ್ತದತ್ಯ॑ಮುಚ್ಯತ॒ ತಾ ವಹ॑ನ್ತೀರಭವ॒ನ್ ವಹ॑ನ್ತೀನಾ-ಙ್ಗೃಹ್ಣಾತಿ॒ ಯಾ ಏ॒ವ ಮೇದ್ಧ್ಯಾ॑ ಯ॒ಜ್ಞಿಯಾ॒-ಸ್ಸದೇ॑ವಾ॒ ಆಪ॒ಸ್ತಾ ಸಾ॑ಮೇ॒ವ ಗೃ॑ಹ್ಣಾತಿ॒ ನಾನ್ತ॒ಮಾ ವಹ॑ನ್ತೀ॒ರತೀ॑ಯಾ॒-ದ್ಯದ॑ನ್ತ॒ಮಾ ವಹ॑ನ್ತೀರತೀ॒ಯಾ-ದ್ಯ॒ಜ್ಞಮತಿ॑ ಮನ್ಯೇತ॒ ನ ಸ್ಥಾ॑ವ॒ರಾಣಾ᳚-ಙ್ಗೃಹ್ಣೀಯಾ॒-ದ್ವರು॑ಣಗೃಹೀತಾ॒ ವೈ ಸ್ಥಾ॑ವ॒ರಾ ಯ-ಥ್ಸ್ಥಾ॑ವ॒ರಾಣಾ᳚-ಙ್ಗೃಹ್ಣೀ॒ಯಾ- [ಯ-ಥ್ಸ್ಥಾ॑ವ॒ರಾಣಾ᳚-ಙ್ಗೃಹ್ಣೀ॒ಯಾತ್, ವರು॑ಣೇನಾಸ್ಯ] 8
-ದ್ವರು॑ಣೇನಾಸ್ಯ ಯ॒ಜ್ಞ-ಙ್ಗ್ರಾ॑ಹಯೇ॒-ದ್ಯದ್ವೈ ದಿವಾ॒ ಭವ॑ತ್ಯ॒ಪೋ ರಾತ್ರಿಃ॒ ಪ್ರ ವಿ॑ಶತಿ॒ ತಸ್ಮಾ᳚-ತ್ತಾ॒ಮ್ರಾ ಆಪೋ॒ ದಿವಾ॑ ದದೃಶ್ರೇ॒ ಯನ್ನಕ್ತ॒-ಮ್ಭವ॑ತ್ಯ॒ಪೋ-ಽಹಃ॒ ಪ್ರ ವಿ॑ಶತಿ॒ ತಸ್ಮಾ᳚ಚ್ಚ॒ನ್ದ್ರಾ ಆಪೋ॒ ನಕ್ತ॑-ನ್ದದೃಶ್ರೇ ಛಾ॒ಯಾಯೈ॑ ಚಾ॒-ಽಽತಪ॑ತಶ್ಚ ಸ॒ಧೌ-ಙ್ಗೃ॑ಹ್ಣಾತ್ಯ-ಹೋರಾ॒ತ್ರಯೋ॑ರೇ॒ವಾಸ್ಮೈ॒ ವರ್ಣ॑-ಙ್ಗೃಹ್ಣಾತಿ ಹ॒ವಿಷ್ಮ॑ತೀರಿ॒ಮಾ ಆಪ॒ ಇತ್ಯಾ॑ಹ ಹ॒ವಿಷ್ಕೃ॑ತಾನಾಮೇ॒ವ ಗೃ॑ಹ್ಣಾತಿ ಹ॒ವಿಷ್ಮಾಗ್ಂ॑ ಅಸ್ತು॒- [ಅಸ್ತು, ಸೂರ್ಯ॒] 9
ಸೂರ್ಯ॒ ಇತ್ಯಾ॑ಹ॒ ಸಶು॑ಕ್ರಾಣಾಮೇ॒ವ ಗೃ॑ಹ್ಣಾತ್ಯನು॒ಷ್ಟುಭಾ॑ ಗೃಹ್ಣಾತಿ॒ ವಾಗ್ವಾ ಅ॑ನು॒ಷ್ಟುಗ್ ವಾ॒ಚೈವೈನಾ॒-ಸ್ಸರ್ವ॑ಯಾ ಗೃಹ್ಣಾತಿ॒ ಚತು॑ಷ್ಪದಯ॒ರ್ಚಾ ಗೃ॑ಹ್ಣಾತಿ॒ ತ್ರಿ-ಸ್ಸಾ॑ದಯತಿ ಸ॒ಪ್ತ ಸ-ಮ್ಪ॑ದ್ಯನ್ತೇ ಸ॒ಪ್ತಪ॑ದಾ॒ ಶಕ್ವ॑ರೀ ಪ॒ಶವ॒-ಶ್ಶಕ್ವ॑ರೀ ಪ॒ಶೂನೇ॒ವಾವ॑ ರುನ್ಧೇ॒ ಽಸ್ಮೈ ವೈ ಲೋ॒ಕಾಯ॒ ಗಾರ್ಹ॑ಪತ್ಯ॒ ಆ ಧೀ॑ಯತೇ॒-ಽಮುಷ್ಮಾ॑ ಆಹವ॒ನೀಯೋ॒ ಯ-ದ್ಗಾರ್ಹ॑ಪತ್ಯ ಉಪಸಾ॒ದಯೇ॑ದ॒ಸ್ಮಿ-ಲ್ಲೋಁ॒ಕೇ ಪ॑ಶು॒ಮಾನ್-ಥ್ಸ್ಯಾ॒-ದ್ಯದಾ॑ಹವ॒ನೀಯೇ॒-ಽ-ಮುಷ್ಮಿ॑- [-ಮುಷ್ಮಿನ್ನ್॑, ಲೋ॒ಕೇ ಪ॑ಶು॒ಮಾನ್ಥ್ಸ್ಯಾ॑-] 10
ಲ್ಲೋಁ॒ಕೇ ಪ॑ಶು॒ಮಾನ್ಥ್ಸ್ಯಾ॑-ದು॒ಭಯೋ॒ರುಪ॑ ಸಾದಯತ್ಯು॒ಭಯೋ॑ರೇ॒ವೈನಂ॑-ಲೋಁ॒ಕಯೋಃ᳚ ಪಶು॒ಮನ್ತ॑-ಙ್ಕರೋತಿ ಸ॒ರ್ವತಃ॒ ಪರಿ॑ ಹರತಿ॒ ರಖ್ಷ॑ಸಾ॒ಮಪ॑ಹತ್ಯಾ ಇನ್ದ್ರಾಗ್ನಿ॒ಯೋರ್ಭಾ॑ಗ॒ಧೇಯೀ॒-ಸ್ಸ್ಥೇತ್ಯಾ॑ಹ ಯಥಾಯ॒ಜುರೇ॒ವೈತದಾಗ್ನೀ᳚ದ್ಧ್ರ॒ ಉಪ॑ ವಾಸಯತ್ಯೇ॒ತದ್ವೈ ಯ॒ಜ್ಞಸ್ಯಾಪ॑ರಾಜಿತಂ॒-ಯಁದಾಗ್ನೀ᳚ದ್ಧ್ರಂ॒-ಯಁದೇ॒ವ ಯ॒ಜ್ಞಸ್ಯಾಪ॑ರಾಜಿತ॒-ನ್ತದೇ॒ವೈನಾ॒ ಉಪ॑ ವಾಸಯತಿ॒ ಯತಃ॒ ಖಲು॒ ವೈ ಯ॒ಜ್ಞಸ್ಯ॒ ವಿತ॑ತಸ್ಯ॒ ನ ಕ್ರಿ॒ಯತೇ॒ ತದನು॑ ಯ॒ಜ್ಞಗ್ಂ ರಖ್ಷಾ॒ಗ್॒ಸ್ಯವ॑ ಚರನ್ತಿ॒ ಯ-ದ್ವಹ॑ನ್ತೀನಾ-ಙ್ಗೃ॒ಹ್ಣಾತಿ॑ ಕ್ರಿ॒ಯಮಾ॑ಣಮೇ॒ವ ತ-ದ್ಯ॒ಜ್ಞಸ್ಯ॑ ಶಯೇ॒ ರಖ್ಷ॑ಸಾ॒-ಮನ॑ನ್ವವಚಾರಾಯ॒ ನ ಹ್ಯೇ॑ತಾ ಈ॒ಲಯ॒ನ್ತ್ಯಾ ತೃ॑ತೀಯಸವ॒ನಾ-ತ್ಪರಿ॑ ಶೇರೇ ಯ॒ಜ್ಞಸ್ಯ॒ ಸನ್ತ॑ತ್ಯೈ ॥ 11 ॥
(ಸ್ಯಾ॒ – ದಿನ್ದ್ರೋ॑ – ಗೃಹ್ಣೀ॒ಯಾ – ದ॑ಸ್ತ್ವ॒ – ಮುಷ್ಮಿ॑ನ್ – ಕ್ರಿ॒ಯತೇ॒ – ಷಡ್ವಿಗ್ಂ॑ಶತಿಶ್ಚ) (ಅ. 2)
ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ॒ ಸ ತ್ವಾ ಅ॑ದ್ಧ್ವ॒ರ್ಯು-ಸ್ಸ್ಯಾ॒ದ್ಯ-ಸ್ಸೋಮ॑-ಮುಪಾವ॒ಹರ॒ನ್-ಥ್ಸರ್ವಾ᳚ಭ್ಯೋ ದೇ॒ವತಾ᳚ಭ್ಯ ಉಪಾವ॒ಹರೇ॒-ದಿತಿ॑ ಹೃ॒ದೇ ತ್ವೇತ್ಯಾ॑ಹ ಮನು॒ಷ್ಯೇ᳚ಭ್ಯ ಏ॒ವೈತೇನ॑ ಕರೋತಿ॒ ಮನ॑ಸೇ॒ ತ್ವೇತ್ಯಾ॑ಹ ಪಿ॒ತೃಭ್ಯ॑ ಏ॒ವೈತೇನ॑ ಕರೋತಿ ದಿ॒ವೇ ತ್ವಾ॒ ಸೂರ್ಯಾ॑ಯ॒ ತ್ವೇತ್ಯಾ॑ಹ ದೇ॒ವೇಭ್ಯ॑ ಏ॒ವೈತೇನ॑ ಕರೋತ್ಯೇ॒ತಾವ॑ತೀ॒-ರ್ವೈ ದೇ॒ವತಾ॒ಸ್ತಾಭ್ಯ॑ ಏ॒ವೈನ॒ಗ್ಂ॒ ಸರ್ವಾ᳚ಭ್ಯ ಉ॒ಪಾವ॑ಹರತಿ ಪು॒ರಾ ವಾ॒ಚಃ [ವಾ॒ಚಃ, ಪ್ರವ॑ದಿತೋಃ] 12
ಪ್ರವ॑ದಿತೋಃ ಪ್ರಾತರನುವಾ॒ಕ-ಮು॒ಪಾಕ॑ರೋತಿ॒ ಯಾವ॑ತ್ಯೇ॒ವ ವಾ-ಕ್ತಾ-ಮವ॑ ರುನ್ಧೇ॒ ಽಪೋ-ಽಗ್ರೇ॑-ಽಭಿ॒ವ್ಯಾಹ॑ರತಿ ಯ॒ಜ್ಞೋ ವಾ ಆಪೋ॑ ಯ॒ಜ್ಞಮೇ॒ವಾಭಿ ವಾಚಂ॒-ವಿಁಸೃ॑ಜತಿ॒ ಸರ್ವಾ॑ಣಿ॒ ಛನ್ದಾ॒ಗ್॒ಸ್ಯನ್ವಾ॑ಹ ಪ॒ಶವೋ॒ ವೈ ಛನ್ದಾಗ್ಂ॑ಸಿ ಪ॒ಶೂನೇ॒ವಾವ॑ ರುನ್ಧೇ ಗಾಯತ್ರಿ॒ಯಾ ತೇಜ॑ಸ್ಕಾಮಸ್ಯ॒ ಪರಿ॑ ದದ್ಧ್ಯಾ-ತ್ತ್ರಿ॒ಷ್ಟುಭೇ᳚ನ್ದ್ರಿ॒ಯಕಾ॑ಮಸ್ಯ॒ ಜಗ॑ತ್ಯಾ ಪ॒ಶುಕಾ॑ಮಸ್ಯಾ-ಽನು॒ಷ್ಟುಭಾ᳚ ಪ್ರತಿ॒ಷ್ಠಾಕಾ॑ಮಸ್ಯ ಪ॒ಙ್ಕ್ತ್ಯಾ ಯ॒ಜ್ಞಕಾ॑ಮಸ್ಯ ವಿ॒ರಾಜಾ-ಽನ್ನ॑ಕಾಮಸ್ಯ ಶೃ॒ಣೋತ್ವ॒ಗ್ನಿ-ಸ್ಸ॒ಮಿಧಾ॒ ಹವ॑- [ಹವ᳚ಮ್, ಮ॒ ಇತ್ಯಾ॑ಹ] 13
-ಮ್ಮ॒ ಇತ್ಯಾ॑ಹ ಸವಿ॒ತೃಪ್ರ॑ಸೂತ ಏ॒ವ ದೇ॒ವತಾ᳚ಭ್ಯೋ ನಿ॒ವೇದ್ಯಾ॒-ಽಪೋ-ಽಚ್ಛೈ᳚ತ್ಯ॒ಪ ಇ॑ಷ್ಯ ಹೋತ॒-ರಿತ್ಯಾ॑ಹೇಷಿ॒ತಗ್ಂ ಹಿ ಕರ್ಮ॑ ಕ್ರಿ॒ಯತೇ॒ ಮೈತ್ರಾ॑ವರುಣಸ್ಯ ಚಮಸಾದ್ಧ್ವರ್ಯ॒ವಾ ದ್ರ॒ವೇತ್ಯಾ॑ಹ ಮಿ॒ತ್ರಾವರು॑ಣೌ॒ ವಾ ಅ॒ಪಾ-ನ್ನೇ॒ತಾರೌ॒ ತಾಭ್ಯಾ॑ಮೇ॒ವೈನಾ॒ ಅಚ್ಛೈ॑ತಿ॒ ದೇವೀ॑ರಾಪೋ ಅಪಾ-ನ್ನಪಾ॒-ದಿತ್ಯಾ॒ಹಾ-ಽಽಹು॑ತ್ಯೈ॒ವೈನಾ॑ ನಿ॒ಷ್ಕ್ರೀಯ॑ ಗೃಹ್ಣಾ॒ತ್ಯಥೋ॑ ಹ॒ವಿಷ್ಕೃ॑ತಾನಾ-ಮೇ॒ವಾಭಿಘೃ॑ತಾನಾ-ಙ್ಗೃಹ್ಣಾತಿ॒- [-ಮೇ॒ವಾಭಿಘೃ॑ತಾನಾ-ಙ್ಗೃಹ್ಣಾತಿ, ಕಾರ್ಷಿ॑-ರ॒ಸೀತ್ಯಾ॑ಹ॒] 14
ಕಾರ್ಷಿ॑-ರ॒ಸೀತ್ಯಾ॑ಹ॒ ಶಮ॑ಲಮೇ॒ವಾ-ಽಽಸಾ॒ಮಪ॑ ಪ್ಲಾವಯತಿ ಸಮು॒ದ್ರಸ್ಯ॒ ವೋ-ಽಖ್ಷಿ॑ತ್ಯಾ॒ ಉನ್ನ॑ಯ॒ ಇತ್ಯಾ॑ಹ॒ ತಸ್ಮಾ॑ದ॒ದ್ಯಮಾ॑ನಾಃ ಪೀ॒ಯಮಾ॑ನಾ॒ ಆಪೋ॒ ನ ಖ್ಷೀ॑ಯನ್ತೇ॒ ಯೋನಿ॒ರ್ವೈ ಯ॒ಜ್ಞಸ್ಯ॒ ಚಾತ್ವಾ॑ಲಂ-ಯಁ॒ಜ್ಞೋ ವ॑ಸತೀ॒ವರೀರ್॑. ಹೋತೃಚಮ॒ಸ-ಞ್ಚ॑ ಮೈತ್ರಾವರುಣಚಮ॒ಸ-ಞ್ಚ॑ ಸ॒ಗ್ಗ್॒ಸ್ಪರ್ಶ್ಯ॑ ವಸತೀ॒ವರೀ॒ರ್ವ್ಯಾನ॑ಯತಿ ಯ॒ಜ್ಞಸ್ಯ॑ ಸಯೋನಿ॒ತ್ವಾಯಾಥೋ॒ ಸ್ವಾದೇ॒ವೈನಾ॒ ಯೋನೇಃ॒ ಪ್ರ ಜ॑ನಯತ್ಯದ್ಧ್ವ॒ರ್ಯೋ-ಽವೇ॑ರ॒ಪಾ(3) ಇತ್ಯಾ॑ಹೋ॒ತೇ -ಮ॑ನನ್ನಮುರು॒ತೇಮಾಃ ಪ॒ಶ್ಯೇತಿ॒ ವಾವೈತದಾ॑ಹ॒ ಯದ್ಯ॑ಗ್ನಿಷ್ಟೋ॒ಮೋ ಜು॒ಹೋತಿ॒ ಯದ್ಯು॒ಕ್ಥ್ಯಃ॑ ಪರಿ॒ಧೌ ನಿ ಮಾ᳚ರ್ಷ್ಟಿ॒ ಯದ್ಯ॑ತಿರಾ॒ತ್ರೋ ಯಜು॒ರ್ವದ॒-ನ್ಪ್ರ ಪ॑ದ್ಯತೇ ಯಜ್ಞಕ್ರತೂ॒ನಾಂ-ವ್ಯಾಁವೃ॑ತ್ತ್ಯೈ ॥ 15 ॥
(ವಾ॒ಚೋ-ಹವ॑-ಮ॒ಭಿಘೃ॑ತಾನಾ-ಙ್ಗೃಹ್ಣಾತ್ಯು॒ – ತ – ಪಞ್ಚ॑ವಿಗ್ಂಶತಿಶ್ಚ) (ಅ. 3)
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವ ಇತಿ॒ ಗ್ರಾವಾ॑ಣ॒ಮಾ ದ॑ತ್ತೇ॒ ಪ್ರಸೂ᳚ತ್ಯಾ ಅ॒ಶ್ವಿನೋ᳚-ರ್ಬಾ॒ಹುಭ್ಯಾ॒ಮಿತ್ಯಾ॑ಹಾ॒ಶ್ವಿನೌ॒ ಹಿ ದೇ॒ವಾನಾ॑ಮದ್ಧ್ವ॒ರ್ಯೂ ಆಸ್ತಾ᳚-ಮ್ಪೂ॒ಷ್ಣೋ ಹಸ್ತಾ᳚ಭ್ಯಾ॒ಮಿತ್ಯಾ॑ಹ॒ ಯತ್ಯೈ॑ ಪ॒ಶವೋ॒ ವೈ ಸೋಮೋ᳚ ವ್ಯಾ॒ನ ಉ॑ಪಾಗ್ಂಶು॒ಸವ॑ನೋ॒ ಯದು॑ಪಾಗ್ಂಶು॒ಸವ॑ನ-ಮ॒ಭಿ ಮಿಮೀ॑ತೇ ವ್ಯಾ॒ನಮೇ॒ವ ಪ॒ಶುಷು॑ ದಧಾ॒ತೀನ್ದ್ರಾ॑ಯ॒ ತ್ವೇನ್ದ್ರಾ॑ಯ॒ ತ್ವೇತಿ॑ ಮಿಮೀತ॒ ಇನ್ದ್ರಾ॑ಯ॒ ಹಿ ಸೋಮ॑ ಆಹ್ರಿ॒ಯತೇ॒ ಪಞ್ಚ॒ ಕೃತ್ವೋ॒ ಯಜು॑ಷಾ ಮಿಮೀತೇ॒ [ಮಿಮೀತೇ, ಪಞ್ಚಾ᳚ಖ್ಷರಾ] 16
ಪಞ್ಚಾ᳚ಖ್ಷರಾ ಪ॒ಙ್ಕ್ತಿಃ ಪಾಙ್ಕ್ತೋ॑ ಯ॒ಜ್ಞೋ ಯ॒ಜ್ಞಮೇ॒ವಾವ॑ ರುನ್ಧೇ॒ ಪಞ್ಚ॒ ಕೃತ್ವ॑ಸ್ತೂ॒ಷ್ಣೀ-ನ್ದಶ॒ ಸ-ಮ್ಪ॑ದ್ಯನ್ತೇ॒ ದಶಾ᳚ಖ್ಷರಾ ವಿ॒ರಾಡನ್ನಂ॑-ವಿಁ॒ರಾ-ಡ್ವಿ॒ರಾಜೈ॒ವಾನ್ನಾದ್ಯ॒ಮವ॑ ರುನ್ಧೇ ಶ್ವಾ॒ತ್ರಾ-ಸ್ಸ್ಥ॑ ವೃತ್ರ॒ತುರ॒ ಇತ್ಯಾ॑ಹೈ॒ಷ ವಾ ಅ॒ಪಾಗ್ಂ ಸೋ॑ಮಪೀ॒ಥೋ ಯ ಏ॒ವಂ-ವೇಁದ॒ ನಾ-ಽಫ್ಸ್ವಾರ್ತಿ॒ಮಾರ್ಚ್ಛ॑ತಿ॒ ಯತ್ತೇ॑ ಸೋಮ ದಿ॒ವಿ ಜ್ಯೋತಿ॒ರಿತ್ಯಾ॑ಹೈ॒ಭ್ಯ ಏ॒ವೈನ॑- [ಏ॒ವೈನ᳚ಮ್, ಲೋ॒ಕೇಭ್ಯ॒] 17
ಲ್ಲೋಁ॒ಕೇಭ್ಯ॒-ಸ್ಸ-ಮ್ಭ॑ರತಿ॒ ಸೋಮೋ॒ ವೈ ರಾಜಾ॒ ದಿಶೋ॒-ಽಭ್ಯ॑ದ್ಧ್ಯಾಯ॒-ಥ್ಸ ದಿಶೋ-ಽನು॒ ಪ್ರಾವಿ॑ಶ॒-ತ್ಪ್ರಾಗಪಾ॒ಗುದ॑ಗಧ॒ರಾಗಿತ್ಯಾ॑ಹ ದಿ॒ಗ್ಭ್ಯ ಏ॒ವೈನ॒ಗ್ಂ॒ ಸ-ಮ್ಭ॑ರ॒ತ್ಯಥೋ॒ ದಿಶ॑ ಏ॒ವಾಸ್ಮಾ॒ ಅವ॑ ರು॒ನ್ಧೇ ಽಮ್ಬ॒ ನಿ ಷ್ವ॒ರೇತ್ಯಾ॑ಹ॒ ಕಾಮು॑ಕಾ ಏನ॒ಗ್ಗ್॒ ಸ್ತ್ರಿಯೋ॑ ಭವನ್ತಿ॒ ಯ ಏ॒ವಂ-ವೇಁದ॒ ಯ-ತ್ತೇ॑ ಸೋ॒ಮಾದಾ᳚ಭ್ಯ॒-ನ್ನಾಮ॒ ಜಾಗೃ॒ವೀ- [ಜಾಗೃ॒ವೀತಿ॑, ಆ॒ಹೈ॒ಷ ವೈ] 18
-ತ್ಯಾ॑ಹೈ॒ಷ ವೈ ಸೋಮ॑ಸ್ಯ ಸೋಮಪೀ॒ಥೋ ಯ ಏ॒ವಂ-ವೇಁದ॒ ನ ಸೌ॒ಮ್ಯಾಮಾರ್ತಿ॒ಮಾರ್ಚ್ಛ॑ತಿ॒ ಘ್ನನ್ತಿ॒ ವಾ ಏ॒ತ-ಥ್ಸೋಮಂ॒-ಯಁದ॑ಭಿಷು॒ಣ್ವನ್ತ್ಯ॒ಗ್ಂ॒ ಶೂನಪ॑ ಗೃಹ್ಣಾತಿ॒ ತ್ರಾಯ॑ತ ಏ॒ವೈನ॑-ಮ್ಪ್ರಾ॒ಣಾ ವಾ ಅ॒ಗ್ಂ॒ಶವಃ॑ ಪ॒ಶವ॒-ಸ್ಸೋಮೋ॒ ಽಗ್ಂ॒ಶೂ-ನ್ಪುನ॒ರಪಿ॑ ಸೃಜತಿ ಪ್ರಾ॒ಣಾನೇ॒ವ ಪ॒ಶುಷು॑ ದಧಾತಿ॒ ದ್ವೌದ್ವಾ॒ವಪಿ॑ ಸೃಜತಿ॒ ತಸ್ಮಾ॒-ದ್ದ್ವೌದ್ವೌ᳚ ಪ್ರಾ॒ಣಾಃ ॥ 19 ॥
(ಯಜು॑ಷಾ ಮಿಮೀತ – ಏನಂ॒ – ಜಾಗೃ॒ವೀತಿ॒ – ಚತು॑ಶ್ಚತ್ವಾರಿಗ್ಂಶಚ್ಚ) (ಅ. 4)
ಪ್ರಾ॒ಣೋ ವಾ ಏ॒ಷ ಯದು॑ಪಾ॒ಗ್ಂ॒ಶು ರ್ಯದುಪಾ॒ಗ್॒ಶ್ವ॑ಗ್ರಾ॒ ಗ್ರಹಾ॑ ಗೃ॒ಹ್ಯನ್ತೇ᳚ ಪ್ರಾ॒ಣಮೇ॒ವಾನು॒ ಪ್ರ ಯ॑ನ್ತ್ಯರು॒ಣೋ ಹ॑ ಸ್ಮಾ॒-ಽಽಹೌಪ॑ವೇಶಿಃ ಪ್ರಾತಸ್ಸವ॒ನ ಏ॒ವಾಹಂ-ಯಁ॒ಜ್ಞಗ್ಂ ಸಗ್ಗ್ ಸ್ಥಾ॑ಪಯಾಮಿ॒ ತೇನ॒ ತತ॒-ಸ್ಸಗ್ಗ್ಸ್ಥಿ॑ತೇನ ಚರಾ॒ಮೀತ್ಯ॒ಷ್ಟೌ ಕೃತ್ವೋ-ಽಗ್ರೇ॒-ಽಭಿಷು॑ಣೋ-ತ್ಯ॒ಷ್ಟಾಖ್ಷ॑ರಾ ಗಾಯ॒ತ್ರೀ ಗಾ॑ಯ॒ತ್ರ-ಮ್ಪ್ರಾ॑ತಸ್ಸವ॒ನ-ಮ್ಪ್ರಾ॑ತಸ್ಸವ॒ನಮೇ॒ವ ತೇನಾ᳚ ಽಽಪ್ನೋ॒ತ್ಯೇಕಾ॑ದಶ॒ ಕೃತ್ವೋ᳚ ದ್ವಿ॒ತೀಯ॒-ಮೇಕಾ॑ದಶಾಖ್ಷರಾ ತ್ರಿ॒ಷ್ಟು-ಪ್ತ್ರೈಷ್ಟು॑ಭ॒-ಮ್ಮಾದ್ಧ್ಯ॑ನ್ದಿನ॒ಗ್ಂ॒- [-ಮ್ಮಾದ್ಧ್ಯ॑ನ್ದಿನಮ್, ಸವ॑ನ॒-] 20
-ಸವ॑ನ॒-ಮ್ಮಾದ್ಧ್ಯ॑ನ್ದಿನಮೇ॒ವ ಸವ॑ನ॒-ನ್ತೇನಾ᳚-ಽಽಪ್ನೋತಿ॒ ದ್ವಾದ॑ಶ॒ ಕೃತ್ವ॑ಸ್ತೃ॒ತೀಯ॒-ನ್ದ್ವಾದ॑ಶಾಖ್ಷರಾ॒ ಜಗ॑ತೀ॒ ಜಾಗ॑ತ-ನ್ತೃತೀಯಸವ॒ನ-ನ್ತೃ॑ತೀಯಸವ॒ನಮೇ॒ವ ತೇನಾ᳚ ಽಽಪ್ನೋತ್ಯೇ॒ತಾಗ್ಂ ಹ॒ ವಾವ ಸ ಯ॒ಜ್ಞಸ್ಯ॒ ಸಗ್ಗ್ಸ್ಥಿ॑ತಿಮುವಾ॒ಚಾ ಸ್ಕ॑ನ್ದಾ॒ಯಾಸ್ಕ॑ನ್ನ॒ಗ್ಂ॒ ಹಿ ತ-ದ್ಯ-ದ್ಯ॒ಜ್ಞಸ್ಯ॒ ಸಗ್ಗ್ಸ್ಥಿ॑ತಸ್ಯ॒ ಸ್ಕನ್ದ॒ತ್ಯಥೋ॒ ಖಲ್ವಾ॑ಹುರ್ಗಾಯ॒ತ್ರೀ ವಾವ ಪ್ರಾ॑ತಸ್ಸವ॒ನೇ ನಾತಿ॒ವಾದ॒ ಇತ್ಯನ॑ತಿವಾದುಕ ಏನ॒-ಮ್ಭ್ರಾತೃ॑ವ್ಯೋ ಭವತಿ॒ ಯ ಏ॒ವಂ-ವೇಁದ॒ ತಸ್ಮಾ॑-ದ॒ಷ್ಟಾವ॑ಷ್ಟೌ॒ [-ದ॒ಷ್ಟಾವ॑ಷ್ಟೌ, ಕೃತ್ವೋ॑] 21
ಕೃತ್ವೋ॑-ಽಭಿ॒ಷುತ್ಯ॑-ಮ್ಬ್ರಹ್ಮವಾ॒ದಿನೋ॑ ವದನ್ತಿ ಪ॒ವಿತ್ರ॑ವನ್ತೋ॒-ಽನ್ಯೇ ಗ್ರಹಾ॑ ಗೃ॒ಹ್ಯನ್ತೇ॒ ಕಿಮ್ಪ॑ವಿತ್ರ ಉಪಾ॒ಗ್ಂ॒ಶುರಿತಿ॒ ವಾಕ್ಪ॑ವಿತ್ರ॒ ಇತಿ॑ ಬ್ರೂಯಾ-ದ್ವಾ॒ಚಸ್ಪತ॑ಯೇ ಪವಸ್ವ ವಾಜಿ॒ನ್ನಿತ್ಯಾ॑ಹ ವಾ॒ಚೈವೈನ॑-ಮ್ಪವಯತಿ॒ ವೃಷ್ಣೋ॑ ಅ॒ಗ್ಂ॒ಶುಭ್ಯಾ॒ಮಿತ್ಯಾ॑ಹ॒ ವೃಷ್ಣೋ॒ ಹ್ಯೇ॑ತಾವ॒ಗ್ಂ॒ಶೂ ಯೌ ಸೋಮ॑ಸ್ಯ॒ ಗಭ॑ಸ್ತಿಪೂತ॒ ಇತ್ಯಾ॑ಹ॒ ಗಭ॑ಸ್ತಿನಾ॒ ಹ್ಯೇ॑ನ-ಮ್ಪ॒ವಯ॑ತಿ ದೇ॒ವೋ ದೇ॒ವಾನಾ᳚-ಮ್ಪ॒ವಿತ್ರ॑ಮ॒ಸೀತ್ಯಾ॑ಹ ದೇ॒ವೋ ಹ್ಯೇ॑ಷ [ಹ್ಯೇ॑ಷಃ, ಸ-ನ್ದೇ॒ವಾನಾ᳚-] 22
ಸ-ನ್ದೇ॒ವಾನಾ᳚-ಮ್ಪ॒ವಿತ್ರಂ॒-ಯೇಁಷಾ᳚-ಮ್ಭಾ॒ಗೋ-ಽಸಿ॒ ತೇಭ್ಯ॒ಸ್ತ್ವೇತ್ಯಾ॑ಹ॒ ಯೇಷಾ॒ಗ್॒ ಹ್ಯೇ॑ಷ ಭಾ॒ಗಸ್ತೇಭ್ಯ॑ ಏನ-ಙ್ಗೃ॒ಹ್ಣಾತಿ॒ ಸ್ವಾ-ಙ್ಕೃ॑ತೋ॒-ಽಸೀತ್ಯಾ॑ಹ ಪ್ರಾ॒ಣಮೇ॒ವ ಸ್ವಮ॑ಕೃತ॒ ಮಧು॑ಮತೀರ್ನ॒ ಇಷ॑ಸ್ಕೃ॒ಧೀತ್ಯಾ॑ಹ॒ ಸರ್ವ॑ಮೇ॒ವಾಸ್ಮಾ॑ ಇ॒ದಗ್ಗ್ ಸ್ವ॑ದಯತಿ॒ ವಿಶ್ವೇ᳚ಭ್ಯ-ಸ್ತ್ವೇನ್ದ್ರಿ॒ಯೇಭ್ಯೋ॑ ದಿ॒ವ್ಯೇಭ್ಯಃ॒ ಪಾರ್ಥಿ॑ವೇಭ್ಯ॒ ಇತ್ಯಾ॑ಹೋ॒ಭಯೇ᳚ಷ್ವೇ॒ವ ದೇ॑ವಮನು॒ಷ್ಯೇಷು॑ ಪ್ರಾ॒ಣಾ-ನ್ದ॑ಧಾತಿ॒ ಮನ॑ಸ್ತ್ವಾ॒- [ಮನ॑ಸ್ತ್ವಾ, ಅ॒ಷ್ಟ್ವಿತ್ಯಾ॑ಹ॒] 23
-ಽಷ್ಟ್ವಿತ್ಯಾ॑ಹ॒ ಮನ॑ ಏ॒ವಾಶ್ಞು॑ತ ಉ॒ರ್ವ॑ನ್ತರಿ॑ಖ್ಷ॒-ಮನ್ವಿ॒ಹೀತ್ಯಾ॑ಹಾ-ನ್ತರಿಖ್ಷದೇವ॒ತ್ಯೋ॑ ಹಿ ಪ್ರಾ॒ಣ-ಸ್ಸ್ವಾಹಾ᳚ ತ್ವಾ ಸುಭವ॒-ಸ್ಸೂರ್ಯಾ॒ಯೇತ್ಯಾ॑ಹ ಪ್ರಾ॒ಣಾ ವೈ ಸ್ವಭ॑ವಸೋ ದೇ॒ವಾಸ್ತೇಷ್ವೇ॒ವ ಪ॒ರೋಖ್ಷ॑-ಞ್ಜುಹೋತಿ ದೇ॒ವೇಭ್ಯ॑ಸ್ತ್ವಾ ಮರೀಚಿ॒ಪೇಭ್ಯ॒ ಇತ್ಯಾ॑ಹಾ ಽಽದಿ॒ತ್ಯಸ್ಯ॒ ವೈ ರ॒ಶ್ಮಯೋ॑ ದೇ॒ವಾ ಮ॑ರೀಚಿ॒ಪಾಸ್ತೇಷಾ॒-ನ್ತ-ದ್ಭಾ॑ಗ॒ಧೇಯ॒-ನ್ತಾನೇ॒ವ ತೇನ॑ ಪ್ರೀಣಾತಿ॒ ಯದಿ॑ ಕಾ॒ಮಯೇ॑ತ॒ ವರ್ಷು॑ಕಃ ಪ॒ರ್ಜನ್ಯ॑- [ಪ॒ರ್ಜನ್ಯಃ॑, ಸ್ಯಾ॒ದಿತಿ॒] 24
-ಸ್ಸ್ಯಾ॒ದಿತಿ॒ ನೀಚಾ॒ ಹಸ್ತೇ॑ನ॒ ನಿ ಮೃ॑ಜ್ಯಾ॒-ದ್ವೃಷ್ಟಿ॑ಮೇ॒ವ ನಿ ಯ॑ಚ್ಛತಿ॒ ಯದಿ॑ ಕಾ॒ಮಯೇ॒ತಾವ॑ರ್ಷುಕ-ಸ್ಸ್ಯಾ॒ದಿತ್ಯು॑ತ್ತಾ॒ನೇನ॒ ನಿ ಮೃ॑ಜ್ಯಾ॒-ದ್ವೃಷ್ಟಿ॑ಮೇ॒ವೋ-ದ್ಯ॑ಚ್ಛತಿ॒ ಯದ್ಯ॑ಭಿ॒ಚರೇ॑ದ॒ಮು-ಞ್ಜ॒ಹ್ಯಥ॑ ತ್ವಾ ಹೋಷ್ಯಾ॒ಮೀತಿ॑ ಬ್ರೂಯಾ॒ದಾಹು॑ತಿಮೇ॒ವೈನ॑-ಮ್ಪ್ರೇ॒ಫ್ಸನ್. ಹ॑ನ್ತಿ॒ ಯದಿ॑ ದೂ॒ರೇ ಸ್ಯಾದಾ ತಮಿ॑ತೋಸ್ತಿಷ್ಠೇ-ತ್ಪ್ರಾ॒ಣಮೇ॒ವಾಸ್ಯಾ॑ನು॒ಗತ್ಯ॑ ಹನ್ತಿ॒ ಯದ್ಯ॑ಭಿ॒ಚರೇ॑ದ॒ಮುಷ್ಯ॑- [ಯದ್ಯ॑ಭಿ॒ಚರೇ॑ದ॒ಮುಷ್ಯ॑, ತ್ವಾ॒ ಪ್ರಾ॒ಣೇ] 25
-ತ್ವಾ ಪ್ರಾ॒ಣೇ ಸಾ॑ದಯಾ॒ಮೀತಿ॑ ಸಾದಯೇ॒ದಸ॑ನ್ನೋ॒ ವೈ ಪ್ರಾ॒ಣಃ ಪ್ರಾ॒ಣಮೇ॒ವಾಸ್ಯ॑ ಸಾದಯತಿ ಷ॒ಡ್ಭಿರ॒ಗ್ಂ॒ಶುಭಿಃ॑ ಪವಯತಿ॒ ಷ-ಡ್ವಾ ಋ॒ತವ॑ ಋ॒ತುಭಿ॑ರೇ॒ವೈನ॑-ಮ್ಪವಯತಿ॒ ತ್ರಿಃ ಪ॑ವಯತಿ॒ ತ್ರಯ॑ ಇ॒ಮೇ ಲೋ॒ಕಾ ಏ॒ಭಿರೇ॒ವೈನಂ॑-ಲೋಁ॒ಕೈಃ ಪ॑ವಯತಿ ಬ್ರಹ್ಮವಾ॒ದಿನೋ॑ ವದನ್ತಿ॒ ಕಸ್ಮಾ᳚-ಥ್ಸ॒ತ್ಯಾ-ತ್ತ್ರಯಃ॑ ಪಶೂ॒ನಾಗ್ಂ ಹಸ್ತಾ॑ದಾನಾ॒ ಇತಿ॒ ಯ-ತ್ತ್ರಿರು॑ಪಾ॒ಗ್ಂ॒ ಶುಗ್ಂ ಹಸ್ತೇ॑ನ ವಿಗೃ॒ಹ್ಣಾತಿ॒ ತಸ್ಮಾ॒-ತ್ತ್ರಯಃ॑ ಪಶೂ॒ನಾಗ್ಂ ಹಸ್ತಾ॑ದಾನಾಃ॒ ಪುರು॑ಷೋ ಹ॒ಸ್ತೀ ಮ॒ರ್ಕಟಃ॑ ॥ 26 ॥
(ಮಾಧ್ಯ॑ದಿನ್ನ – ಮ॒ಷ್ಟಾವ॑ಷ್ಟಾ – ವೇ॒ಷ – ಮನ॑ಸ್ತ್ವಾ – ಪ॒ರ್ಜನ್ಯೋ॒ – ಽಮುಷ್ಯ॒ – ಪುರು॑ಷೋ॒ – ದ್ವೇ ಚ॑) (ಅ. 5)
ದೇ॒ವಾ ವೈ ಯ-ದ್ಯ॒ಜ್ಞೇ-ಽಕು॑ರ್ವತ॒ ತದಸು॑ರಾ ಅಕುರ್ವತ॒ ತೇ ದೇ॒ವಾ ಉ॑ಪಾ॒ಗ್ಂ॒ಶೌ ಯ॒ಜ್ಞಗ್ಂ ಸ॒ಗ್ಗ್॒ಸ್ಥಾಪ್ಯ॑ಮಪಶ್ಯ॒-ನ್ತಮು॑ಪಾ॒ಗ್ಂ॒ಶೌ ಸಮ॑ಸ್ಥಾಪಯ॒-ನ್ತೇ-ಽಸು॑ರಾ॒ ವಜ್ರ॑ಮು॒ದ್ಯತ್ಯ॑ ದೇ॒ವಾನ॒ಭ್ಯಾ॑ಯನ್ತ॒ ತೇ ದೇ॒ವಾ ಬಿಭ್ಯ॑ತ॒ ಇನ್ದ್ರ॒ಮುಪಾ॑ಧಾವ॒-ನ್ತಾನಿನ್ದ್ರೋ᳚-ಽನ್ತರ್ಯಾ॒ಮೇಣಾ॒ನ್ತರ॑ಧತ್ತ॒ ತದ॑ನ್ತರ್ಯಾ॒ಮಸ್ಯಾ᳚ನ್ತರ್ಯಾಮ॒ತ್ವಂ-ಯಁದ॑ನ್ತರ್ಯಾ॒ಮೋ ಗೃ॒ಹ್ಯತೇ॒ ಭ್ರಾತೃ॑ವ್ಯಾನೇ॒ವ ತ-ದ್ಯಜ॑ಮಾನೋ॒-ಽನ್ತರ್ಧ॑ತ್ತೇ॒ ಽನ್ತಸ್ತೇ॑ [-ಽನ್ತರ್ಧ॑ತ್ತೇ॒ ಽನ್ತಸ್ತೇ᳚, ದ॒ಧಾ॒ಮಿ॒ ದ್ಯಾವಾ॑ಪೃಥಿ॒ವೀ] 27
ದಧಾಮಿ॒ ದ್ಯಾವಾ॑ಪೃಥಿ॒ವೀ ಅ॒ನ್ತರು॒-ರ್ವ॑ನ್ತರಿ॑ಖ್ಷ॒-ಮಿತ್ಯಾ॑ಹೈ॒ಭಿರೇ॒ವ ಲೋ॒ಕೈರ್ಯಜ॑ಮಾನೋ॒ ಭ್ರಾತೃ॑ವ್ಯಾನ॒ನ್ತರ್ಧ॑ತ್ತೇ॒ ತೇ ದೇ॒ವಾ ಅ॑ಮನ್ಯ॒ನ್ತೇನ್ದ್ರೋ॒ ವಾ ಇ॒ದಮ॑ಭೂ॒ದ್ಯ-ದ್ವ॒ಯಗ್ಗ್ ಸ್ಮ ಇತಿ॒ ತೇ᳚-ಽಬ್ರುವ॒-ನ್ಮಘ॑ವ॒ನ್ನನು॑ ನ॒ ಆ ಭ॒ಜೇತಿ॑ ಸ॒ಜೋಷಾ॑ ದೇ॒ವೈರವ॑ರೈಃ॒ ಪರೈ॒ಶ್ಚೇತ್ಯ॑ಬ್ರವೀ॒ದ್ಯೇ ಚೈ॒ವ ದೇ॒ವಾಃ ಪರೇ॒ ಯೇ ಚಾವ॑ರೇ॒ ತಾನು॒ಭಯಾ॑- [ತಾನು॒ಭಯಾನ್॑, ಅ॒ನ್ವಾಭ॑ಜ-ಥ್ಸ॒ಜೋಷಾ॑] 28
-ನ॒ನ್ವಾಭ॑ಜ-ಥ್ಸ॒ಜೋಷಾ॑ ದೇ॒ವೈರವ॑ರೈಃ॒ ಪರೈ॒ಶ್ಚೇತ್ಯಾ॑ಹ॒ ಯೇ ಚೈ॒ವ ದೇ॒ವಾಃ ಪರೇ॒ ಯೇ ಚಾವ॑ರೇ॒ ತಾನು॒ಭಯಾ॑-ನ॒ನ್ವಾಭ॑ಜ-ತ್ಯನ್ತರ್ಯಾ॒ಮೇ ಮ॑ಘವ-ನ್ಮಾದಯ॒ಸ್ವೇತ್ಯಾ॑ಹ ಯ॒ಜ್ಞಾದೇ॒ವ ಯಜ॑ಮಾನ॒-ನ್ನಾನ್ತರೇ᳚ತ್ಯುಪಯಾ॒ಮ-ಗೃ॑ಹೀತೋ॒ ಽಸೀತ್ಯಾ॑ಹಾಪಾ॒ನಸ್ಯ॒ ಧೃತ್ಯೈ॒ ಯದು॒ಭಾವ॑ಪವಿ॒ತ್ರೌ ಗೃ॒ಹ್ಯೇಯಾ॑ತಾ-ಮ್ಪ್ರಾ॒ಣಮ॑ಪಾ॒ನೋ-ಽನು॒ ನ್ಯೃ॑ಚ್ಛೇ-ತ್ಪ್ರ॒ಮಾಯು॑ಕ-ಸ್ಸ್ಯಾ-ತ್ಪ॒ವಿತ್ರ॑ವಾನನ್ತರ್ಯಾ॒ಮೋ ಗೃ॑ಹ್ಯತೇ [ಗೃ॑ಹ್ಯತೇ, ಪ್ರಾ॒ಣಾ॒ಪಾ॒ನಯೋ॒-ರ್ವಿಧೃ॑ತ್ಯೈ] 29
ಪ್ರಾಣಾಪಾ॒ನಯೋ॒-ರ್ವಿಧೃ॑ತ್ಯೈ ಪ್ರಾಣಾಪಾ॒ನೌ ವಾ ಏ॒ತೌ ಯದು॑ಪಾಗ್ಶ್ವನ್ತರ್ಯಾ॒ಮೌ ವ್ಯಾ॒ನ ಉ॑ಪಾಗ್ಂಶು॒ ಸವ॑ನೋ॒ ಯ-ಙ್ಕಾ॒ಮಯೇ॑ತ ಪ್ರ॒ಮಾಯು॑ಕ-ಸ್ಸ್ಯಾ॒ದಿತ್ಯಸಗ್ಗ್॑ ಸ್ಪೃಷ್ಟೌ॒ ತಸ್ಯ॑ ಸಾದಯೇ-ದ್ವ್ಯಾ॒ನೇನೈ॒ವಾಸ್ಯ॑ ಪ್ರಾಣಾಪಾ॒ನೌ ವಿ ಚ್ಛಿ॑ನತ್ತಿ ತಾ॒ಜ-ಕ್ಪ್ರ ಮೀ॑ಯತೇ॒ ಯ-ಙ್ಕಾ॒ಮಯೇ॑ತ॒ ಸರ್ವ॒ಮಾಯು॑ರಿಯಾ॒ದಿತಿ॒ ಸಗ್ಗ್ ಸ್ಪೃ॑ಷ್ಟೌ॒ ತಸ್ಯ॑ ಸಾದಯೇ-ದ್ವ್ಯಾ॒ನೇನೈ॒ವಾಸ್ಯ॑ ಪ್ರಾಣಾಪಾ॒ನೌ ಸ-ನ್ತ॑ನೋತಿ॒ ಸರ್ವ॒ಮಾಯು॑ರೇತಿ ॥ 30 ॥
(ತ॒ – ಉ॒ಭಯಾ᳚ನ್ – ಗೃಹ್ಯತೇ॒ – ಚತು॑ಶ್ಚತ್ವಾರಿಗ್ಂಶಚ್ಚ) (ಅ. 6)
ವಾಗ್ವಾ ಏ॒ಷಾ ಯದೈ᳚ನ್ದ್ರವಾಯ॒ವೋ ಯದೈ᳚ನ್ದ್ರವಾಯ॒ವಾಗ್ರಾ॒ ಗ್ರಹಾ॑ ಗೃ॒ಹ್ಯನ್ತೇ॒ ವಾಚ॑ಮೇ॒ವಾನು॒ ಪ್ರ ಯ॑ನ್ತಿ ವಾ॒ಯು-ನ್ದೇ॒ವಾ ಅ॑ಬ್ರುವ॒ನ್-ಥ್ಸೋಮ॒ಗ್ಂ॒ ರಾಜಾ॑ನಗ್ಂ ಹನಾ॒ಮೇತಿ॒ ಸೋ᳚-ಽಬ್ರವೀ॒-ದ್ವರಂ॑-ವೃಁಣೈ॒ ಮದ॑ಗ್ರಾ ಏ॒ವ ವೋ॒ ಗ್ರಹಾ॑ ಗೃಹ್ಯಾನ್ತಾ॒ ಇತಿ॒ ತಸ್ಮಾ॑ದೈನ್ದ್ರವಾಯ॒ವಾಗ್ರಾ॒ ಗ್ರಹಾ॑ ಗೃಹ್ಯನ್ತೇ॒ ತಮ॑ಘ್ನ॒ನ್-ಥ್ಸೋ॑-ಽಪೂಯ॒-ತ್ತ-ನ್ದೇ॒ವಾ ನೋಪಾ॑ಧೃಷ್ಣುವ॒-ನ್ತೇ ವಾ॒ಯುಮ॑ಬ್ರುವ-ನ್ನಿ॒ಮ-ನ್ನ॑-ಸ್ಸ್ವದ॒ಯೇ- [-ನ್ನಿ॒ಮ-ನ್ನ॑-ಸ್ಸ್ವದಯ, ಇತಿ॒ ಸೋ᳚-ಽಬ್ರವೀ॒-] 31
-ತಿ॒ ಸೋ᳚-ಽಬ್ರವೀ॒-ದ್ವರಂ॑-ವೃಁಣೈ ಮದ್ದೇವ॒ತ್ಯಾ᳚ನ್ಯೇ॒ವ ವಃ॒ ಪಾತ್ರಾ᳚ಣ್ಯುಚ್ಯಾನ್ತಾ॒ ಇತಿ॒ ತಸ್ಮಾ᳚ನ್ನಾನಾದೇವ॒ತ್ಯಾ॑ನಿ॒ ಸನ್ತಿ॑ ವಾಯ॒ವ್ಯಾ᳚ನ್ಯುಚ್ಯನ್ತೇ॒ ತಮೇ᳚ಭ್ಯೋ ವಾ॒ಯುರೇ॒ವಾಸ್ವ॑ದಯ॒-ತ್ತಸ್ಮಾ॒ದ್ಯ-ತ್ಪೂಯ॑ತಿ॒ ತ-ತ್ಪ್ರ॑ವಾ॒ತೇ ವಿ ಷ॑ಜನ್ತಿ ವಾ॒ಯುರ್ಹಿ ತಸ್ಯ॑ ಪವಯಿ॒ತಾ ಸ್ವ॑ದಯಿ॒ತಾ ತಸ್ಯ॑ ವಿ॒ಗ್ರಹ॑ಣ॒-ನ್ನಾವಿ॑ನ್ದ॒ನ್-ಥ್ಸಾದಿ॑ತಿರಬ್ರವೀ॒-ದ್ವರಂ॑-ವೃಁಣಾ॒ ಅಥ॒ ಮಯಾ॒ ವಿ ಗೃ॑ಹ್ಣೀದ್ಧ್ವ-ಮ್ಮದ್ದೇವ॒ತ್ಯಾ॑ ಏ॒ವ ವ॒-ಸ್ಸೋಮಾ᳚- [ವ॒-ಸ್ಸೋಮಾಃ᳚, ಸ॒ನ್ನಾ] 32
-ಸ್ಸ॒ನ್ನಾ ಅ॑ಸ॒-ನ್ನಿತ್ಯು॑ಪಯಾ॒ಮಗೃ॑ಹೀತೋ॒-ಽಸೀ-ತ್ಯಾ॑ಹಾ-ದಿತಿದೇವ॒ತ್ಯಾ᳚ಸ್ತೇನ॒ ಯಾನಿ॒ ಹಿ ದಾ॑ರು॒ಮಯಾ॑ಣಿ॒ ಪಾತ್ರಾ᳚ಣ್ಯ॒ಸ್ಯೈ ತಾನಿ॒ ಯೋನೇ॒-ಸ್ಸಮ್ಭೂ॑ತಾನಿ॒ ಯಾನಿ॑ ಮೃ॒ನ್ಮಯಾ॑ನಿ ಸಾ॒ಖ್ಷಾ-ತ್ತಾನ್ಯ॒ಸ್ಯೈ ತಸ್ಮಾ॑ದೇ॒ವಮಾ॑ಹ॒ ವಾಗ್ವೈ ಪರಾ॒ಚ್ಯ-ವ್ಯಾ॑ಕೃತಾ-ಽವದ॒-ತ್ತೇ ದೇ॒ವಾ ಇನ್ದ್ರ॑ಮಬ್ರುವನ್ನಿ॒ಮಾ-ನ್ನೋ॒ ವಾಚಂ॒-ವ್ಯಾಁಕು॒ರ್ವಿತಿ॒ ಸೋ᳚-ಽಬ್ರವೀ॒-ದ್ವರಂ॑-ವೃಁಣೈ॒ ಮಹ್ಯ॑-ಞ್ಚೈ॒ವೈಷ ವಾ॒ಯವೇ॑ ಚ ಸ॒ಹ ಗೃ॑ಹ್ಯಾತಾ॒ ಇತಿ॒ ತಸ್ಮಾ॑ದೈನ್ದ್ರವಾಯ॒ವ-ಸ್ಸ॒ಹ ಗೃ॑ಹ್ಯತೇ॒ ತಾಮಿನ್ದ್ರೋ॑ ಮದ್ಧ್ಯ॒ತೋ॑-ಽವ॒ಕ್ರಮ್ಯ॒ ವ್ಯಾಕ॑ರೋ॒-ತ್ತಸ್ಮಾ॑ದಿ॒ಯಂ-ವ್ಯಾಁಕೃ॑ತಾ॒ ವಾಗು॑ದ್ಯತೇ॒ ತಸ್ಮಾ᳚-ಥ್ಸ॒ಕೃದಿನ್ದ್ರಾ॑ಯ ಮದ್ಧ್ಯ॒ತೋ ಗೃ॑ಹ್ಯತೇ॒ ದ್ವಿರ್ವಾ॒ಯವೇ॒ ದ್ವೌ ಹಿ ಸ ವರಾ॒ವವೃ॑ಣೀತ ॥ 33 ॥
(ಸ್ವ॒ದ॒ಯ॒ – ಸೋಮಾಃ᳚ – ಸ॒ಹಾ – ಷ್ಟಾವಿಗ್ಂ॑ಶತಿಶ್ಚ) (ಅ. 7)
ಮಿ॒ತ್ರ-ನ್ದೇ॒ವಾ ಅ॑ಬ್ರುವ॒ನ್-ಥ್ಸೋಮ॒ಗ್ಂ॒ ರಾಜಾ॑ನಗ್ಂ ಹನಾ॒ಮೇತಿ॒ ಸೋ᳚-ಽಬ್ರವೀ॒ನ್ನಾಹಗ್ಂ ಸರ್ವ॑ಸ್ಯ॒ ವಾ ಅ॒ಹ-ಮ್ಮಿ॒ತ್ರಮ॒ಸ್ಮೀತಿ॒ ತಮ॑ಬ್ರುವ॒ನ್॒. ಹನಾ॑ಮೈ॒ವೇತಿ॒ ಸೋ᳚-ಽಬ್ರವೀ॒-ದ್ವರಂ॑-ವೃಁಣೈ॒ ಪಯ॑ಸೈ॒ವ ಮೇ॒ ಸೋಮಗ್ಗ್॑ ಶ್ರೀಣ॒ನ್ನಿತಿ॒ ತಸ್ಮಾ᳚-ನ್ಮೈತ್ರಾವರು॒ಣ-ಮ್ಪಯ॑ಸಾ ಶ್ರೀಣನ್ತಿ॒ ತಸ್ಮಾ᳚-ತ್ಪ॒ಶವೋ-ಽಪಾ᳚ಕ್ರಾಮ-ನ್ಮಿ॒ತ್ರ-ಸ್ಸನ್ ಕ್ರೂ॒ರಮ॑ಕ॒ರಿತಿ॑ ಕ್ರೂ॒ರಮಿ॑ವ॒ ಖಲು॒ ವಾ ಏ॒ಷ [ವಾ ಏ॒ಷಃ, ಕ॒ರೋ॒ತಿ॒ ಯ-ಸ್ಸೋಮೇ॑ನ॒] 34
ಕ॑ರೋತಿ॒ ಯ-ಸ್ಸೋಮೇ॑ನ॒ ಯಜ॑ತೇ॒ ತಸ್ಮಾ᳚-ತ್ಪ॒ಶವೋ-ಽಪ॑ ಕ್ರಾಮನ್ತಿ॒ ಯನ್ಮೈ᳚ತ್ರಾವರು॒ಣ-ಮ್ಪಯ॑ಸಾ ಶ್ರೀ॒ಣಾತಿ॑ ಪ॒ಶುಭಿ॑ರೇ॒ವ ತನ್ಮಿ॒ತ್ರಗ್ಂ ಸ॑ಮ॒ರ್ಧಯ॑ತಿ ಪ॒ಶುಭಿ॒ರ್ಯಜ॑ಮಾನ-ಮ್ಪು॒ರಾ ಖಲು॒ ವಾವೈವ-ಮ್ಮಿ॒ತ್ರೋ॑-ಽವೇ॒ದಪ॒ ಮ-ತ್ಕ್ರೂ॒ರ-ಞ್ಚ॒ಕ್ರುಷಃ॑ ಪ॒ಶವಃ॑ ಕ್ರಮಿಷ್ಯ॒ನ್ತೀತಿ॒ ತಸ್ಮಾ॑ದೇ॒ವಮ॑ವೃಣೀತ॒ ವರು॑ಣ-ನ್ದೇ॒ವಾ ಅ॑ಬ್ರುವ॒-ನ್ತ್ವಯಾ-ಽಗ್ಂ॑ಶ॒ಭುವಾ॒ ಸೋಮ॒ಗ್ಂ॒ ರಾಜಾ॑ನಗ್ಂ ಹನಾ॒ಮೇತಿ॒ ಸೋ᳚-ಽಬ್ರವೀ॒-ದ್ವರಂ॑-ವೃಁಣೈ॒ ಮಹ್ಯ॑-ಞ್ಚೈ॒- [ಮಹ್ಯ॑-ಞ್ಚ, ಏ॒ವೈಷ ಮಿ॒ತ್ರಾಯ॑] 35
-ವೈಷ ಮಿ॒ತ್ರಾಯ॑ ಚ ಸ॒ಹ ಗೃ॑ಹ್ಯಾತಾ॒ ಇತಿ॒ ತಸ್ಮಾ᳚ನ್ಮೈತ್ರಾವರು॒ಣ-ಸ್ಸ॒ಹ ಗೃ॑ಹ್ಯತೇ॒ ತಸ್ಮಾ॒-ದ್ರಾಜ್ಞಾ॒ ರಾಜಾ॑ನಮಗ್ಂಶ॒ಭುವಾ᳚ ಘ್ನನ್ತಿ॒ ವೈಶ್ಯೇ॑ನ॒ ವೈಶ್ಯಗ್ಂ॑ ಶೂ॒ದ್ರೇಣ॑ ಶೂ॒ದ್ರ-ನ್ನ ವಾ ಇ॒ದ-ನ್ದಿವಾ॒ ನ ನಕ್ತ॑ಮಾಸೀ॒ದವ್ಯಾ॑ವೃತ್ತ॒-ನ್ತೇ ದೇ॒ವಾ ಮಿ॒ತ್ರಾವರು॑ಣಾವಬ್ರುವನ್ನಿ॒ದ-ನ್ನೋ॒ ವಿವಾ॑ಸಯತ॒ಮಿತಿ॒ ತಾವ॑ಬ್ರೂತಾಂ॒-ವಁರಂ॑-ವೃಁಣಾವಹಾ॒ ಏಕ॑ ಏ॒ವಾ-ಽಽವ-ತ್ಪೂರ್ವೋ॒ ಗ್ರಹೋ॑ ಗೃಹ್ಯಾತಾ॒ ಇತಿ॒ ತಸ್ಮಾ॑ದೈನ್ದ್ರವಾಯ॒ವಃ ಪೂರ್ವೋ॑ ಮೈತ್ರಾವರು॒ಣಾ-ದ್ಗೃ॑ಹ್ಯತೇ ಪ್ರಾಣಾಪಾ॒ನೌ ಹ್ಯೇ॑ತೌ ಯದು॑ಪಾಗ್-ಶ್ವನ್ತರ್ಯಾ॒ಮೌ ಮಿ॒ತ್ರೋ-ಽಹ॒ರಜ॑ನಯ॒-ದ್ವರು॑ಣೋ॒ ರಾತ್ರಿ॒-ನ್ತತೋ॒ ವಾ ಇ॒ದಂ-ವ್ಯೌಁ᳚ಚ್ಛ॒ದ್ಯ-ನ್ಮೈ᳚ತ್ರಾವರು॒ಣೋ ಗೃ॒ಹ್ಯತೇ॒ ವ್ಯು॑ಷ್ಟ್ಯೈ ॥ 36 ॥
(ಏ॒ಷ – ಚೈ᳚ – ನ್ದ್ರವಾಯ॒ವೋ – ದ್ವಾವಿಗ್ಂ॑ಶತಿಶ್ಚ) (ಅ. 8)
ಯ॒ಜ್ಞಸ್ಯ॒ ಶಿರೋ᳚-ಽಚ್ಛಿದ್ಯತ॒ ತೇ ದೇ॒ವಾ ಅ॒ಶ್ವಿನಾ॑ವಬ್ರುವ-ನ್ಭಿ॒ಷಜೌ॒ ವೈ ಸ್ಥ॑ ಇ॒ದಂ-ಯಁ॒ಜ್ಞಸ್ಯ॒ ಶಿರಃ॒ ಪ್ರತಿ॑ ಧತ್ತ॒ಮಿತಿ॒ ತಾವ॑ಬ್ರೂತಾಂ॒-ವಁರಂ॑-ವೃಁಣಾವಹೈ॒ ಗ್ರಹ॑ ಏ॒ವ ನಾ॒ವತ್ರಾಪಿ॑ ಗೃಹ್ಯತಾ॒ಮಿತಿ॒ ತಾಭ್ಯಾ॑-ಮೇ॒ತಮಾ᳚ಶ್ವಿ॒ನ-ಮ॑ಗೃಹ್ಣ॒-ನ್ತತೋ॒ ವೈ ತೌ ಯ॒ಜ್ಞಸ್ಯ॒ ಶಿರಃ॒ ಪ್ರತ್ಯ॑ಧತ್ತಾಂ॒-ಯಁದಾ᳚ಶ್ವಿ॒ನೋ ಗೃ॒ಹ್ಯತೇ॑ ಯ॒ಜ್ಞಸ್ಯ॒ ನಿಷ್ಕೃ॑ತ್ಯೈ॒ ತೌ ದೇ॒ವಾ ಅ॑ಬ್ರುವ॒ನ್ನಪೂ॑ತೌ॒ ವಾ ಇ॒ಮೌ ಮ॑ನುಷ್ಯಚ॒ರೌ [ ] 37
ಭಿ॒ಷಜಾ॒ವಿತಿ॒ ತಸ್ಮಾ᳚-ದ್ಬ್ರಾಹ್ಮ॒ಣೇನ॑ ಭೇಷ॒ಜ-ನ್ನ ಕಾ॒ರ್ಯ॑ಮಪೂ॑ತೋ॒ ಹ್ಯೇ᳚(1॒)ಷೋ॑ ಽಮೇ॒ದ್ಧ್ಯೋ ಯೋ ಭಿ॒ಷಕ್ತೌ ಬ॑ಹಿಷ್ಪವಮಾ॒ನೇನ॑ ಪವಯಿ॒ತ್ವಾ ತಾಭ್ಯಾ॑-ಮೇ॒ತಮಾ᳚ಶ್ವಿ॒ನ-ಮ॑ಗೃಹ್ಣ॒-ನ್ತಸ್ಮಾ᳚-ದ್ಬಹಿಷ್ಪವಮಾ॒ನೇ ಸ್ತು॒ತ ಆ᳚ಶ್ವಿ॒ನೋ ಗೃ॑ಹ್ಯತೇ॒ ತಸ್ಮಾ॑ದೇ॒ವಂ-ವಿಁ॒ದುಷಾ॑ ಬಹಿಷ್ಪವಮಾ॒ನ ಉ॑ಪ॒ಸದ್ಯಃ॑ ಪ॒ವಿತ್ರಂ॒-ವೈಁ ಬ॑ಹಿಷ್ಪವಮಾ॒ನ ಆ॒ತ್ಮಾನ॑ಮೇ॒ವ ಪ॑ವಯತೇ॒ ತಯೋ᳚-ಽಸ್ತ್ರೇ॒ಧಾ ಭೈಷ॑ಜ್ಯಂ॒-ವಿಁ ನ್ಯ॑ದಧುರ॒ಗ್ನೌ ತೃತೀ॑ಯಮ॒ಫ್ಸು ತೃತೀ॑ಯ-ಮ್ಬ್ರಾಹ್ಮ॒ಣೇ ತೃತೀ॑ಯ॒-ನ್ತಸ್ಮಾ॑ದುದಪಾ॒ತ್ರ- [ತೃತೀ॑ಯ॒-ನ್ತಸ್ಮಾ॑ದುದಪಾ॒ತ್ರಮ್, ಉ॒ಪ॒ನಿ॒ಧಾಯ॑] 38
-ಮು॑ಪನಿ॒ಧಾಯ॑ ಬ್ರಾಹ್ಮ॒ಣ-ನ್ದ॑ಖ್ಷಿಣ॒ತೋ ನಿ॒ಷಾದ್ಯ॑ ಭೇಷ॒ಜ-ಙ್ಕು॑ರ್ಯಾ॒-ದ್ಯಾವ॑ದೇ॒ವ ಭೇ॑ಷ॒ಜ-ನ್ತೇನ॑ ಕರೋತಿ ಸ॒ಮರ್ಧು॑ಕಮಸ್ಯ ಕೃ॒ತ-ಮ್ಭ॑ವತಿ ಬ್ರಹ್ಮವಾ॒ದಿನೋ॑ ವದನ್ತಿ॒ ಕಸ್ಮಾ᳚-ಥ್ಸ॒ತ್ಯಾದೇಕ॑ಪಾತ್ರಾ ದ್ವಿದೇವ॒ತ್ಯಾ॑ ಗೃ॒ಹ್ಯನ್ತೇ᳚ ದ್ವಿ॒ಪಾತ್ರಾ॑ ಹೂಯನ್ತ॒ ಇತಿ॒ ಯದೇಕ॑ಪಾತ್ರಾ ಗೃ॒ಹ್ಯನ್ತೇ॒ ತಸ್ಮಾ॒ದೇಕೋ᳚-ಽನ್ತರ॒ತಃ ಪ್ರಾ॒ಣೋ ದ್ವಿ॒ಪಾತ್ರಾ॑ ಹೂಯನ್ತೇ॒ ತಸ್ಮಾ॒-ದ್ದ್ವೌದ್ವೌ॑ ಬ॒ಹಿಷ್ಟಾ᳚-ತ್ಪ್ರಾ॒ಣಾಃ ಪ್ರಾ॒ಣಾ ವಾ ಏ॒ತೇ ಯ-ದ್ದ್ವಿ॑ದೇವ॒ತ್ಯಾಃ᳚ ಪ॒ಶವ॒ ಇಡಾ॒ ಯದಿಡಾ॒-ಮ್ಪೂರ್ವಾ᳚-ನ್ದ್ವಿದೇವ॒ತ್ಯೇ᳚ಭ್ಯ ಉಪ॒ಹ್ವಯೇ॑ತ [ ] 39
ಪ॒ಶುಭಿಃ॑ ಪ್ರಾ॒ಣಾನ॒ನ್ತರ್ದ॑ಧೀತ ಪ್ರ॒ಮಾಯು॑ಕ-ಸ್ಸ್ಯಾ-ದ್ದ್ವಿದೇವ॒ತ್ಯಾ᳚-ನ್ಭಖ್ಷಯಿ॒ತ್ವೇಡಾ॒ಮುಪ॑ ಹ್ವಯತೇ ಪ್ರಾ॒ಣಾನೇ॒ವಾ-ಽಽತ್ಮ-ನ್ಧಿ॒ತ್ವಾ ಪ॒ಶೂನುಪ॑ ಹ್ವಯತೇ॒ ವಾಗ್ವಾ ಐ᳚ನ್ದ್ರವಾಯ॒ವಶ್ಚಖ್ಷು॑-ರ್ಮೈತ್ರಾವರು॒ಣ-ಶ್ಶ್ರೋತ್ರ॑ಮಾಶ್ವಿ॒ನಃ ಪು॒ರಸ್ತಾ॑ದೈನ್ದ್ರವಾಯ॒ವ-ಮ್ಭ॑ಖ್ಷಯತಿ॒ ತಸ್ಮಾ᳚-ತ್ಪು॒ರಸ್ತಾ᳚-ದ್ವಾ॒ಚಾ ವ॑ದತಿ ಪು॒ರಸ್ತಾ᳚ನ್ಮೈತ್ರಾವರು॒ಣ-ನ್ತಸ್ಮಾ᳚-ತ್ಪು॒ರಸ್ತಾ॒ಚ್ಚಖ್ಷು॑ಷಾ ಪಶ್ಯತಿ ಸ॒ರ್ವತಃ॑ ಪರಿ॒ಹಾರ॑ಮಾಶ್ವಿ॒ನ-ನ್ತಸ್ಮಾ᳚-ಥ್ಸ॒ರ್ವತ॒-ಶ್ಶ್ರೋತ್ರೇ॑ಣ ಶೃಣೋತಿ ಪ್ರಾ॒ಣಾ ವಾ ಏ॒ತೇ ಯ-ದ್ದ್ವಿ॑ದೇವ॒ತ್ಯಾ॑ [ಯ-ದ್ದ್ವಿ॑ದೇವ॒ತ್ಯಾಃ᳚, ಅರಿ॑ಕ್ತಾನಿ॒] 40
ಅರಿ॑ಕ್ತಾನಿ॒ ಪಾತ್ರಾ॑ಣಿ ಸಾದಯತಿ॒ ತಸ್ಮಾ॒ದರಿ॑ಕ್ತಾ ಅನ್ತರ॒ತಃ ಪ್ರಾ॒ಣಾ ಯತಃ॒ ಖಲು॒ ವೈ ಯ॒ಜ್ಞಸ್ಯ॒ ವಿತ॑ತಸ್ಯ॒ ನ ಕ್ರಿ॒ಯತೇ॒ ತದನು॑ ಯ॒ಜ್ಞಗ್ಂ ರಖ್ಷಾ॒ಗ್॒ಸ್ಯವ॑ ಚರನ್ತಿ॒ ಯದರಿ॑ಕ್ತಾನಿ॒ ಪಾತ್ರಾ॑ಣಿ ಸಾ॒ದಯ॑ತಿ ಕ್ರಿ॒ಯಮಾ॑ಣಮೇ॒ವ ತ-ದ್ಯ॒ಜ್ಞಸ್ಯ॑ ಶಯೇ॒ ರಖ್ಷ॑ಸಾ॒ -ಮನ॑ನ್ವವಚಾರಾಯ॒ ದಖ್ಷಿ॑ಣಸ್ಯ ಹವಿ॒ರ್ಧಾನ॒ಸ್ಯೋತ್ತ॑ರಸ್ಯಾಂ-ವಁರ್ತ॒ನ್ಯಾಗ್ಂ ಸಾ॑ದಯತಿ ವಾ॒ಚ್ಯೇ॑ವ ವಾಚ॑-ನ್ದಧಾ॒ತ್ಯಾ ತೃ॑ತೀಯಸವ॒ನಾ-ತ್ಪರಿ॑ ಶೇರೇ ಯ॒ಜ್ಞಸ್ಯ॒ ಸನ್ತ॑ತ್ಯೈ ॥ 41 ॥
(ಮ॒ನು॒ಷ್ಯ॒ಚ॒ರಾ – ವು॑ದಪಾ॒ತ್ರ – ಮು॑ಪ॒ಹ್ವಯೇ॑ತ – ದ್ವಿದೇವ॒ತ್ಯಾಃ᳚ – ಷಟ್ಚ॑ತ್ವಾರಿಗ್ಂಶಚ್ಚ) (ಅ. 9)
ಬೃಹ॒ಸ್ಪತಿ॑ರ್ದೇ॒ವಾನಾ᳚-ಮ್ಪು॒ರೋಹಿ॑ತ॒ ಆಸೀ॒-ಚ್ಛಣ್ಡಾ॒ಮರ್ಕಾ॒-ವಸು॑ರಾಣಾ॒-ಮ್ಬ್ರಹ್ಮ॑ಣ್ ವನ್ತೋ ದೇ॒ವಾ ಆಸ॒-ನ್ಬ್ರಹ್ಮ॑ಣ್ ವ॒ನ್ತೋ-ಽಸು॑ರಾ॒ಸ್ತೇ᳚(1॒) ಽನ್ಯೋ᳚-ಽನ್ಯ-ನ್ನಾಶ॑ಕ್ನುವ-ನ್ನ॒ಭಿಭ॑ವಿತು॒-ನ್ತೇ ದೇ॒ವಾ-ಶ್ಶಣ್ಡಾ॒ಮರ್ಕಾ॒-ವುಪಾ॑ಮನ್ತ್ರಯನ್ತ॒ ತಾ ವ॑ಬ್ರೂತಾಂ॒-ವಁರಂ॑-ವೃಁಣಾವಹೈ॒ ಗ್ರಹಾ॑ವೇ॒ವ ನಾ॒ವತ್ರಾಪಿ॑ ಗೃಹ್ಯೇತಾ॒ಮಿತಿ॒ ತಾಭ್ಯಾ॑ಮೇ॒ತೌ ಶು॒ಕ್ರಾಮ॒ನ್ಥಿನಾ॑-ವಗೃಹ್ಣ॒-ನ್ತತೋ॑ ದೇ॒ವಾ ಅಭ॑ವ॒-ನ್ಪರಾ-ಽಸು॑ರಾ॒ ಯಸ್ಯೈ॒ವಂ-ವಿಁ॒ದುಷ॑-ಶ್ಶು॒ಕ್ರಾಮ॒ನ್ಥಿನೌ॑ ಗೃ॒ಹ್ಯೇತೇ॒ ಭ॑ವತ್ಯಾ॒ತ್ಮನಾ॒ ಪರಾ᳚- [ಪರಾ᳚, ಅ॒ಸ್ಯ॒ ಭ್ರಾತೃ॑ವ್ಯೋ] 42
-ಽಸ್ಯ॒ ಭ್ರಾತೃ॑ವ್ಯೋ ಭವತಿ॒ ತೌ ದೇ॒ವಾ ಅ॑ಪ॒ನುದ್ಯಾ॒-ಽಽತ್ಮನ॒ ಇನ್ದ್ರಾ॑ಯಾಜುಹವು॒-ರಪ॑ನುತ್ತೌ॒ ಶಣ್ಡಾ॒ಮರ್ಕೌ॑ ಸ॒ಹಾಮುನೇತಿ॑ ಬ್ರೂಯಾ॒ದ್ಯ-ನ್ದ್ವಿ॒ಷ್ಯಾದ್ಯಮೇ॒ವ ದ್ವೇಷ್ಟಿ॒ ತೇನೈ॑ನೌ ಸ॒ಹಾಪ॑ ನುದತೇ॒ ಸ ಪ್ರ॑ಥ॒ಮ-ಸ್ಸಙ್ಕೃ॑ತಿ-ರ್ವಿ॒ಶ್ವಕ॒ರ್ಮೇತ್ಯೇ॒ವೈನಾ॑-ವಾ॒ತ್ಮನ॒ ಇನ್ದ್ರಾ॑ಯಾ-ಜುಹವು॒ರಿನ್ದ್ರೋ॒ ಹ್ಯೇ॑ತಾನಿ॑ ರೂ॒ಪಾಣಿ॒ ಕರಿ॑ಕ್ರ॒ದಚ॑ರದ॒ಸೌ ವಾ ಆ॑ದಿ॒ತ್ಯ-ಶ್ಶು॒ಕ್ರಶ್ಚ॒ನ್ದ್ರಮಾ॑ ಮ॒ನ್ಥ್ಯ॑ಪಿ॒-ಗೃಹ್ಯ॒ ಪ್ರಾಞ್ಚೌ॒ ನಿ- [ಪ್ರಾಞ್ಚೌ॒ ನಿಃ, ಕ್ರಾ॒ಮ॒ತ॒-ಸ್ತಸ್ಮಾ॒-] 43
-ಷ್ಕ್ರಾ॑ಮತ॒-ಸ್ತಸ್ಮಾ॒-ತ್ಪ್ರಾಞ್ಚೌ॒ ಯನ್ತೌ॒ ನ ಪ॑ಶ್ಯನ್ತಿ ಪ್ರ॒ತ್ಯಞ್ಚಾ॑ವಾ॒ವೃತ್ಯ॑ ಜುಹುತ॒ಸ್ತಸ್ಮಾ᳚-ತ್ಪ್ರ॒ತ್ಯಞ್ಚೌ॒ ಯನ್ತೌ॑ ಪಶ್ಯನ್ತಿ॒ ಚಖ್ಷು॑ಷೀ॒ ವಾ ಏ॒ತೇ ಯ॒ಜ್ಞಸ್ಯ॒ ಯಚ್ಛು॒ಕ್ರಾಮ॒ನ್ಥಿನೌ॒ ನಾಸಿ॑ಕೋತ್ತರವೇ॒ದಿರ॒ಭಿತಃ॑ ಪರಿ॒ಕ್ರಮ್ಯ॑ ಜುಹುತ॒ಸ್ತಸ್ಮಾ॑ದ॒ಭಿತೋ॒ ನಾಸಿ॑ಕಾ॒-ಞ್ಚಖ್ಷು॑ಷೀ॒ ತಸ್ಮಾ॒ನ್ನಾಸಿ॑ಕಯಾ॒ ಚಖ್ಷು॑ಷೀ॒ ವಿಧೃ॑ತೇ ಸ॒ರ್ವತಃ॒ ಪರಿ॑ ಕ್ರಾಮತೋ॒ ರಖ್ಷ॑ಸಾ॒ಮಪ॑ಹತ್ಯೈ ದೇ॒ವಾ ವೈ ಯಾಃ ಪ್ರಾಚೀ॒ರಾಹು॑ತೀ॒ರಜು॑ಹವು॒ರ್ಯೇ ಪು॒ರಸ್ತಾ॒ದಸು॑ರಾ॒ ಆಸ॒-ನ್ತಾಗ್ಸ್ತಾಭಿಃ॒ ಪ್ರಾ- [ಆಸ॒-ನ್ತಾಗ್ಸ್ತಾಭಿಃ॒ ಪ್ರ, ಅ॒ನು॒ದ॒ನ್ತ॒ ಯಾಃ] 44
-ಣು॑ದನ್ತ॒ ಯಾಃ ಪ್ರ॒ತೀಚೀ॒ರ್ಯೇ ಪ॒ಶ್ಚಾದಸು॑ರಾ॒ ಆಸ॒-ನ್ತಾಗ್ಸ್ತಾಭಿ॒ರಪಾ॑ನುದನ್ತ॒ ಪ್ರಾಚೀ॑ರ॒ನ್ಯಾ ಆಹು॑ತಯೋ ಹೂ॒ಯನ್ತೇ᳚ ಪ್ರ॒ತ್ಯಞ್ಚೌ॑ ಶು॒ಕ್ರಾಮ॒ನ್ಥಿನೌ॑ ಪ॒ಶ್ಚಾಚ್ಚೈ॒ವ ಪು॒ರಸ್ತಾ᳚ಚ್ಚ॒ ಯಜ॑ಮಾನೋ॒ ಭ್ರಾತೃ॑ವ್ಯಾ॒-ನ್ಪ್ರ ಣು॑ದತೇ॒ ತಸ್ಮಾ॒-ತ್ಪರಾ॑ಚೀಃ ಪ್ರ॒ಜಾಃ ಪ್ರ ವೀ॑ಯನ್ತೇ ಪ್ರ॒ತೀಚೀ᳚ರ್ಜಾಯನ್ತೇ ಶು॒ಕ್ರಾಮ॒ನ್ಥಿನೌ॒ ವಾ ಅನು॑ ಪ್ರ॒ಜಾಃ ಪ್ರ ಜಾ॑ಯನ್ತೇ॒-ಽತ್ತ್ರೀಶ್ಚಾ॒ದ್ಯಾ᳚ಶ್ಚ ಸು॒ವೀರಾಃ᳚ ಪ್ರ॒ಜಾಃ ಪ್ರ॑ಜ॒ನಯ॒-ನ್ಪರೀ॑ಹಿ ಶು॒ಕ್ರ-ಶ್ಶು॒ಕ್ರಶೋ॑ಚಿಷಾ [ಶು॒ಕ್ರ-ಶ್ಶು॒ಕ್ರಶೋ॑ಚಿಷಾ, ಸು॒ಪ್ರ॒ಜಾಃ ಪ್ರ॒ಜಾಃ] 45
ಸುಪ್ರ॒ಜಾಃ ಪ್ರ॒ಜಾಃ ಪ್ರ॑ಜ॒ನಯ॒-ನ್ಪರೀ॑ಹಿ ಮ॒ನ್ಥೀ ಮ॒ನ್ಥಿಶೋ॑ಚಿ॒ಷೇತ್ಯಾ॑ಹೈ॒ತಾ ವೈ ಸು॒ವೀರಾ॒ ಯಾ ಅ॒ತ್ತ್ರೀರೇ॒ತಾ-ಸ್ಸು॑ಪ್ರ॒ಜಾ ಯಾ ಆ॒ದ್ಯಾ॑ ಯ ಏ॒ವಂ-ವೇಁದಾ॒ತ್ರ್ಯ॑ಸ್ಯ ಪ್ರ॒ಜಾ ಜಾ॑ಯತೇ॒ ನಾ-ಽಽದ್ಯಾ᳚ ಪ್ರ॒ಜಾಪ॑ತೇ॒ರಖ್ಷ್ಯ॑ಶ್ವಯ॒-ತ್ತ-ತ್ಪರಾ॑-ಽಽಪತ॒-ತ್ತ-ದ್ವಿಕ॑ಙ್ಕತ॒-ಮ್ಪ್ರಾವಿ॑ಶ॒-ತ್ತ-ದ್ವಿಕ॑ಙ್ಕತೇ॒ ನಾರ॑ಮತ॒ ತ-ದ್ಯವ॒-ಮ್ಪ್ರಾವಿ॑ಶ॒-ತ್ತ-ದ್ಯವೇ॑-ಽರಮತ॒ ತ-ದ್ಯವ॑ಸ್ಯ- [ತ-ದ್ಯವ॑ಸ್ಯ, ಯ॒ವ॒ತ್ವಂ-ಯಁ-ದ್ವೈಕ॑ಙ್ಕತ-] 46
ಯವ॒ತ್ವಂ-ಯಁ-ದ್ವೈಕ॑ಙ್ಕತ-ಮ್ಮನ್ಥಿಪಾ॒ತ್ರ-ಮ್ಭವ॑ತಿ॒ ಸಕ್ತು॑ಭಿ-ಶ್ಶ್ರೀ॒ಣಾತಿ॑ ಪ್ರ॒ಜಾಪ॑ತೇರೇ॒ವ ತಚ್ಚಖ್ಷು॒-ಸ್ಸ-ಮ್ಭ॑ರತಿ ಬ್ರಹ್ಮವಾ॒ದಿನೋ॑ ವದನ್ತಿ॒ ಕಸ್ಮಾ᳚-ಥ್ಸ॒ತ್ಯಾನ್ಮ॑ನ್ಥಿಪಾ॒ತ್ರಗ್ಂ ಸದೋ॒ ನಾಶ್ಞು॑ತ॒ ಇತ್ಯಾ᳚ರ್ತಪಾ॒ತ್ರಗ್ಂ ಹೀತಿ॑ ಬ್ರೂಯಾ॒-ದ್ಯದ॑ಶ್ಞುವೀ॒ತಾನ್ಧೋ᳚-ಽದ್ಧ್ವ॒ರ್ಯು-ಸ್ಸ್ಯಾ॒ದಾರ್ತಿ॒ಮಾರ್ಚ್ಛೇ॒-ತ್ತಸ್ಮಾ॒ನ್ನಾಶ್ಞು॑ತೇ ॥ 47 ॥
(ಆ॒ತ್ಮನಾ॒ ಪರಾ॒ – ನಿ – ಷ್ಪ್ರ – ಶು॒ಕ್ರಶೋ॑ಚಿಷಾ॒ – ಯವ॑ಸ್ಯ – ಸ॒ಪ್ತತ್ರಿಗ್ಂ॑ಶಚ್ಚ) (ಅ. 10)
ದೇ॒ವಾ ವೈ ಯ-ದ್ಯ॒ಜ್ಞೇ-ಽಕು॑ರ್ವತ॒ ತದಸು॑ರಾ ಅಕುರ್ವತ॒ ತೇ ದೇ॒ವಾ ಆ᳚ಗ್ರಯ॒ಣಾಗ್ರಾ॒-ನ್ಗ್ರಹಾ॑ನಪಶ್ಯ॒-ನ್ತಾನ॑ಗೃಹ್ಣತ॒ ತತೋ॒ ವೈ ತೇ-ಽಗ್ರ॒-ಮ್ಪರ್ಯಾ॑ಯ॒ನ್॒. ಯಸ್ಯೈ॒ವಂ-ವಿಁ॒ದುಷ॑ ಆಗ್ರಯ॒ಣಾಗ್ರಾ॒ ಗ್ರಹಾ॑ ಗೃ॒ಹ್ಯನ್ತೇ-ಽಗ್ರ॑ಮೇ॒ವ ಸ॑ಮಾ॒ನಾನಾ॒-ಮ್ಪರ್ಯೇ॑ತಿ ರು॒ಗ್ಣವ॑ತ್ಯ॒ರ್ಚಾ ಭ್ರಾತೃ॑ವ್ಯವತೋ ಗೃಹ್ಣೀಯಾ॒-ದ್ಭ್ರಾತೃ॑ವ್ಯಸ್ಯೈ॒ವ ರು॒ಕ್ತ್ವಾ-ಽಗ್ರಗ್ಂ॑ ಸಮಾ॒ನಾನಾ॒-ಮ್ಪರ್ಯೇ॑ತಿ॒ ಯೇ ದೇ॑ವಾ ದಿ॒ವ್ಯೇಕಾ॑ದಶ॒ ಸ್ಥೇತ್ಯಾ॑ಹೈ॒- [ಸ್ಥೇತ್ಯಾ॑ಹ, ಏ॒ತಾವ॑ತೀ॒ರ್ವೈ] 48
-ತಾವ॑ತೀ॒ರ್ವೈ ದೇ॒ವತಾ॒ಸ್ತಾಭ್ಯ॑ ಏ॒ವೈನ॒ಗ್ಂ॒ ಸರ್ವಾ᳚ಭ್ಯೋ ಗೃಹ್ಣಾತ್ಯೇ॒ಷ ತೇ॒ ಯೋನಿ॒ ರ್ವಿಶ್ವೇ᳚ಭ್ಯಸ್ತ್ವಾ ದೇ॒ವೇಭ್ಯ॒ ಇತ್ಯಾ॑ಹ ವೈಶ್ವದೇ॒ವೋ ಹ್ಯೇ॑ಷ ದೇ॒ವತ॑ಯಾ॒ ವಾಗ್ವೈ ದೇ॒ವೇಭ್ಯೋ-ಽಪಾ᳚ಕ್ರಾಮ-ದ್ಯ॒ಜ್ಞಾಯಾತಿ॑ಷ್ಠಮಾನಾ॒ ತೇ ದೇ॒ವಾ ವಾ॒ಚ್ಯಪ॑ಕ್ರಾನ್ತಾಯಾ-ನ್ತೂ॒ಷ್ಣೀ-ಙ್ಗ್ರಹಾ॑ನಗೃಹ್ಣತ॒ ಸಾಮ॑ನ್ಯತ॒ ವಾಗ॒ನ್ತರ್ಯ॑ನ್ತಿ॒ ವೈ ಮೇತಿ॒ ಸಾ-ಽಽಗ್ರ॑ಯ॒ಣ-ಮ್ಪ್ರತ್ಯಾಗ॑ಚ್ಛ॒-ತ್ತದಾ᳚ಗ್ರಯ॒ಣಸ್ಯಾ᳚-ಽಽಗ್ರಯಣ॒ತ್ವ- [-ಽಽಗ್ರಯಣ॒ತ್ವಮ್, ತಸ್ಮಾ॑ದಾಗ್ರಯ॒ಣೇ] 49
-ನ್ತಸ್ಮಾ॑ದಾಗ್ರಯ॒ಣೇ ವಾಗ್ವಿ ಸೃ॑ಜ್ಯತೇ॒ ಯ-ತ್ತೂ॒ಷ್ಣೀ-ಮ್ಪೂರ್ವೇ॒ ಗ್ರಹಾ॑ ಗೃ॒ಹ್ಯನ್ತೇ॒ ಯಥಾ᳚ಥ್ಸಾ॒ರೀಯ॑ತಿ ಮ॒ ಆಖ॒ ಇಯ॑ತಿ॒ ನಾಪ॑ ರಾಥ್ಸ್ಯಾ॒-ಮೀತ್ಯು॑ಪಾವಸೃ॒ಜತ್ಯೇ॒ವಮೇ॒ವ ತದ॑ದ್ಧ್ವ॒ರ್ಯುರಾ᳚ಗ್ರಯ॒ಣ-ಙ್ಗೃ॑ಹೀ॒ತ್ವಾ ಯ॒ಜ್ಞಮಾ॒ರಭ್ಯ॒ ವಾಚಂ॒-ವಿಁ ಸೃ॑ಜತೇ॒ ತ್ರಿರ್ಹಿ-ಙ್ಕ॑ರೋತ್ಯುದ್ಗಾ॒ತೄ-ನೇ॒ವ ತ-ದ್ವೃ॑ಣೀತೇ ಪ್ರ॒ಜಾಪ॑ತಿ॒ರ್ವಾ ಏ॒ಷ ಯದಾ᳚ಗ್ರಯ॒ಣೋ ಯದಾ᳚ಗ್ರಯ॒ಣ-ಙ್ಗೃ॑ಹೀ॒ತ್ವಾ ಹಿ॑-ಙ್ಕ॒ರೋತಿ॑ ಪ್ರ॒ಜಾಪ॑ತಿರೇ॒ವ [ ] 50
ತ-ತ್ಪ್ರ॒ಜಾ ಅ॒ಭಿ ಜಿ॑ಘ್ರತಿ॒ ತಸ್ಮಾ᳚-ದ್ವ॒ಥ್ಸ-ಞ್ಜಾ॒ತ-ಙ್ಗೌರ॒ಭಿ ಜಿ॑ಘ್ರತ್ಯಾ॒ತ್ಮಾ ವಾ ಏ॒ಷ ಯ॒ಜ್ಞಸ್ಯ॒ ಯದಾ᳚ಗ್ರಯ॒ಣ-ಸ್ಸವ॑ನೇಸವನೇ॒-ಽಭಿ ಗೃ॑ಹ್ಣಾತ್ಯಾ॒ತ್ಮನ್ನೇ॒ವ ಯ॒ಜ್ಞಗ್ಂ ಸ-ನ್ತ॑ನೋತ್ಯು॒ಪರಿ॑ಷ್ಟಾ॒ದಾ ನ॑ಯತಿ॒ ರೇತ॑ ಏ॒ವ ತ-ದ್ದ॑ಧಾತ್ಯ॒ಧಸ್ತಾ॒ದುಪ॑ ಗೃಹ್ಣಾತಿ॒ ಪ್ರ ಜ॑ನಯತ್ಯೇ॒ವ ತದ್ಬ್ರ॑ಹ್ಮವಾ॒ದಿನೋ॑ ವದನ್ತಿ॒ ಕಸ್ಮಾ᳚-ಥ್ಸ॒ತ್ಯಾ-ದ್ಗಾ॑ಯ॒ತ್ರೀ ಕನಿ॑ಷ್ಠಾ॒ ಛನ್ದ॑ಸಾಗ್ಂ ಸ॒ತೀ ಸರ್ವಾ॑ಣಿ॒ ಸವ॑ನಾನಿ ವಹ॒ತೀತ್ಯೇ॒ಷ ವೈ ಗಾ॑ಯತ್ರಿ॒ಯೈ ವ॒ಥ್ಸೋ ಯದಾ᳚ಗ್ರಯ॒ಣಸ್ತಮೇ॒ವ ತದ॑ಭಿನಿ॒ವರ್ತ॒ಗ್ಂ॒ ಸರ್ವಾ॑ಣಿ॒ ಸವ॑ನಾನಿ ವಹತಿ॒ ತಸ್ಮಾ᳚-ದ್ವ॒ಥ್ಸಮ॒ಪಾಕೃ॑ತ॒-ಙ್ಗೌರ॒ಭಿ ನಿ ವ॑ರ್ತತೇ ॥ 51 ॥
(ಆ॒ಹಾ॒-ಽಽ – ಗ್ರ॒ಯ॒ಣ॒ತ್ವಂ – ಪ್ರ॒ಜಾಪ॑ತಿರೇ॒ವೇ – ತಿ॑ – ವಿಗ್ಂಶ॒ತಿಶ್ಚ॑) (ಅ. 11)
(ಯ॒ಜ್ಞೇನ॒ ತಾ ಉ॑ಪ॒ಯಡ್ಭಿ॑ – ರ್ದೇ॒ವಾ ವೈ ಯ॒ಜ್ಞಮಾಗ್ನೀ᳚ಧ್ರೇ – ಬ್ರಹ್ಮವಾ॒ದಿನ॒-ಸ್ಸ ತ್ವೈ – ದೇ॒ವಸ್ಯ॒ ಗ್ರಾವಾ॑ಣಂ – ಪ್ರಾ॒ಣೋ ವಾ ಉ॑ಪಾ॒ಗ್॒ಶ್ವ॑ಗ್ರಾ – ದೇ॒ವಾ ವಾ ಉ॑ಪಾ॒ಗ್ಂ॒ಶೌ – ವಾಗ್ವೈ – ಮಿ॒ತ್ರಂ – ಯಁ॒ಜ್ಞಸ್ಯ॒ – ಬೃಹ॒ಸ್ಪತಿ॑ – ರ್ದೇ॒ವಾ ವಾ ಆ᳚ಗ್ರಯ॒ಣಾಗ್ರಾ॒ – ನೇಕಾ॑ದಶ)
(ಯ॒ಜ್ಞೇನ॑ – ಲೋ॒ಕೇ ಪ॑ಶು॒ಮಾನ್-ಥ್ಸ್ಯಾ॒ಥ್ – ಸವ॑ನ॒-ಮ್ಮಾಧ್ಯ॑ನ್ದಿನಂ॒ – ವಾಁಗ್ವಾ – ಅರಿ॑ಕ್ತಾನಿ॒ – ತ-ತ್ಪ್ರ॒ಜಾ – ಏಕ॑ಪಞ್ಚಾ॒ಶತ್)
(ಯ॒ಜ್ಞೇನ॒, ನಿ ವ॑ರ್ತತೇ)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾಂ ಷಷ್ಠಕಾಣ್ಡೇ ಚತುರ್ಥಃ ಪ್ರಶ್ನ-ಸ್ಸಮಾಪ್ತಃ ॥