ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾಂ ಷಷ್ಠಕಾಣ್ಡೇ ಪಞ್ಚಮಃ ಪ್ರಶ್ನಃ – ಸೋಮಮನ್ತ್ರಬ್ರಾಹ್ಮಣನಿರೂಪಣಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಇನ್ದ್ರೋ॑ ವೃ॒ತ್ರಾಯ॒ ವಜ್ರ॒ಮುದ॑ಯಚ್ಛ॒-ಥ್ಸ ವೃ॒ತ್ರೋ ವಜ್ರಾ॒ದುದ್ಯ॑ತಾದಬಿಭೇ॒-ಥ್ಸೋ᳚-ಽಬ್ರವೀ॒ನ್ಮಾ ಮೇ॒ ಪ್ರ ಹಾ॒ರಸ್ತಿ॒ ವಾ ಇ॒ದ-ಮ್ಮಯಿ॑ ವೀ॒ರ್ಯಂ॑ ತ-ತ್ತೇ॒ ಪ್ರ ದಾ᳚ಸ್ಯಾ॒ಮೀತಿ॒ ತಸ್ಮಾ॑ ಉ॒ಕ್ಥ್ಯ॑-ಮ್ಪ್ರಾಯ॑ಚ್ಛ॒-ತ್ತಸ್ಮೈ᳚ ದ್ವಿ॒ತೀಯ॒ಮುದ॑ಯಚ್ಛ॒-ಥ್ಸೋ᳚-ಽಬ್ರವೀ॒ನ್ಮಾ ಮ॒ ಪ್ರ ಹಾ॒ರಸ್ತಿ॒ ವಾ ಇ॒ದ-ಮ್ಮಯಿ॑ ವೀ॒ರ್ಯ॑-ನ್ತ-ತ್ತೇ॒ ಪ್ರ ದಾ᳚ಸ್ಯಾ॒ಮೀತಿ॒ [ಪ್ರ ದಾ᳚ಸ್ಯಾ॒ಮೀತಿ॑, ತಸ್ಮಾ॑ ಉ॒ಕ್ಥ್ಯ॑ಮೇ॒ವ] 1
ತಸ್ಮಾ॑ ಉ॒ಕ್ಥ್ಯ॑ಮೇ॒ವ ಪ್ರಾಯ॑ಚ್ಛ॒-ತ್ತಸ್ಮೈ॑ ತೃ॒ತೀಯ॒ಮುದ॑ಯಚ್ಛ॒-ತ್ತಂ-ವಿಁಷ್ಣು॒ರನ್ವ॑ತಿಷ್ಠತ ಜ॒ಹೀತಿ॒ ಸೋ᳚-ಽಬ್ರವೀ॒ನ್ಮಾ ಮೇ॒ ಪ್ರ ಹಾ॒ರಸ್ತಿ॒ ವಾ ಇ॒ದ-ಮ್ಮಯಿ॑ ವೀ॒ರ್ಯ॑-ನ್ತ-ತ್ತೇ॒ ಪ್ರ ದಾ᳚ಸ್ಯಾ॒ಮೀತಿ॒ ತಸ್ಮಾ॑ ಉ॒ಕ್ಥ್ಯ॑ಮೇ॒ವ ಪ್ರಾಯ॑ಚ್ಛ॒-ತ್ತ-ನ್ನಿರ್ಮಾ॑ಯ-ಮ್ಭೂ॒ತಮ॑ಹನ್. ಯ॒ಜ್ಞೋ ಹಿ ತಸ್ಯ॑ ಮಾ॒ಯಾ-ಽಽಸೀ॒-ದ್ಯದು॒ಕ್ಥ್ಯೋ॑ ಗೃ॒ಹ್ಯತ॑ ಇನ್ದ್ರಿ॒ಯಮೇ॒ವ [ ] 2
ತ-ದ್ವೀ॒ರ್ಯಂ॑-ಯಁಜ॑ಮಾನೋ॒ ಭ್ರಾತೃ॑ವ್ಯಸ್ಯ ವೃಙ್ಕ್ತ॒ ಇನ್ದ್ರಾ॑ಯ ತ್ವಾ ಬೃ॒ಹ-ದ್ವ॑ತೇ॒ ವಯ॑ಸ್ವತ॒ ಇತ್ಯಾ॒ಹೇನ್ದ್ರಾ॑ಯ॒ ಹಿ ಸ ತ-ಮ್ಪ್ರಾಯ॑ಚ್ಛ॒-ತ್ತಸ್ಮೈ᳚ ತ್ವಾ॒ ವಿಷ್ಣ॑ವೇ॒ ತ್ವೇತ್ಯಾ॑ಹ॒ ಯದೇ॒ವ ವಿಷ್ಣು॑ರ॒ನ್ವತಿ॑ಷ್ಠತ ಜ॒ಹೀತಿ॒ ತಸ್ಮಾ॒-ದ್ವಿಷ್ಣು॑ಮ॒ನ್ವಾಭ॑ಜತಿ॒ ತ್ರಿರ್ನಿರ್ಗೃ॑ಹ್ಣಾತಿ॒ ತ್ರಿರ್ಹಿ ಸ ತ-ನ್ತಸ್ಮೈ॒ ಪ್ರಾಯ॑ಚ್ಛದೇ॒ಷ ತೇ॒ ಯೋನಿಃ॒ ಪುನ॑ರ್ಹವಿರ॒ಸೀತ್ಯಾ॑ಹ॒ ಪುನಃ॑ಪುನ॒- [ಪುನಃ॑ಪುನಃ, ಹ್ಯ॑ಸ್ಮಾ-] 3
ರ್-ಹ್ಯ॑ಸ್ಮಾ-ನ್ನಿರ್ಗೃ॒ಹ್ಣಾತಿ॒ ಚಖ್ಷು॒ರ್ವಾ ಏ॒ತ-ದ್ಯ॒ಜ್ಞಸ್ಯ॒ ಯದು॒ಕ್ಥ್ಯ॑-ಸ್ತಸ್ಮಾ॑ದು॒ಕ್ಥ್ಯಗ್ಂ॑ ಹು॒ತಗ್ಂ ಸೋಮಾ॑ ಅ॒ನ್ವಾಯ॑ನ್ತಿ॒ ತಸ್ಮಾ॑ದಾ॒ತ್ಮಾ ಚಖ್ಷು॒ರನ್ವೇ॑ತಿ॒ ತಸ್ಮಾ॒ದೇಕಂ॒-ಯಁನ್ತ॑-ಮ್ಬ॒ಹವೋ-ಽನು॑ ಯನ್ತಿ॒ ತಸ್ಮಾ॒ದೇಕೋ॑ ಬಹೂ॒ನಾ-ಮ್ಭ॒ದ್ರೋ ಭ॑ವತಿ॒ ತಸ್ಮಾ॒ದೇಕೋ॑ ಬ॒ಹ್ವೀರ್ಜಾ॒ಯಾ ವಿ॑ನ್ದತೇ॒ ಯದಿ॑ ಕಾ॒ಮಯೇ॑ತಾ-ದ್ಧ್ವ॒ರ್ಯು-ರಾ॒ತ್ಮಾನಂ॑-ಯಁಜ್ಞ ಯಶ॒ಸೇನಾ᳚-ರ್ಪಯೇಯ॒-ಮಿತ್ಯ॑ನ್ತ॒ರಾ-ಽಽಹ॑ವ॒ನೀಯ॑-ಞ್ಚ ಹವಿ॒ರ್ಧಾನ॑-ಞ್ಚ॒ ತಿಷ್ಠ॒ನ್ನವ॑ ನಯೇ- [ನಯೇತ್, ಆ॒ತ್ಮಾನ॑ಮೇ॒ವ] 4
-ದಾ॒ತ್ಮಾನ॑ಮೇ॒ವ ಯ॑ಜ್ಞಯಶ॒ಸೇನಾ᳚ರ್ಪಯತಿ॒ ಯದಿ॑ ಕಾ॒ಮಯೇ॑ತ॒ ಯಜ॑ಮಾನಂ-ಯಁಜ್ಞ ಯಶ॒ಸೇನಾ᳚ರ್ಪಯೇಯ॒-ಮಿತ್ಯ॑ನ್ತ॒ರಾ ಸ॑ದೋಹವಿರ್ಧಾ॒ನೇ ತಿಷ್ಠ॒ನ್ನವ॑ ನಯೇ॒-ದ್ಯಜ॑ಮಾನಮೇ॒ವ ಯ॑ಜ್ಞಯಶ॒ಸೇನಾ᳚-ರ್ಪಯತಿ॒ ಯದಿ॑ ಕಾ॒ಮಯೇ॑ತ ಸದ॒ಸ್ಯಾನ್॑ ಯಜ್ಞ ಯಶ॒ಸೇನಾ᳚-ರ್ಪಯೇಯ॒ಮಿತಿ॒ ಸದ॑ ಆ॒ಲಭ್ಯಾವ॑ ನಯೇ-ಥ್ಸದ॒ಸ್ಯಾ॑ನೇ॒ವ ಯ॑ಜ್ಞಯಶ॒ಸೇನಾ᳚ರ್ಪಯತಿ ॥ 5 ॥
(ಇತೀ᳚ – ನ್ದ್ರಿ॒ಯಮೇ॒ವ – ಪುನಃ॑ ಪುನ – ರ್ನಯೇ॒ತ್ – ತ್ರಯ॑ಸ್ತ್ರಿಗ್ಂಶಚ್ಚ) (ಅ. 1)
ಆಯು॒ರ್ವಾ ಏ॒ತ-ದ್ಯ॒ಜ್ಞಸ್ಯ॒ ಯ-ದ್ಧ್ರು॒ವ ಉ॑ತ್ತ॒ಮೋ ಗ್ರಹಾ॑ಣಾ-ಙ್ಗೃಹ್ಯತೇ॒ ತಸ್ಮಾ॒-ದಾಯುಃ॑ ಪ್ರಾ॒ಣಾನಾ॑-ಮುತ್ತ॒ಮ-ಮ್ಮೂ॒ರ್ಧಾನ॑-ನ್ದಿ॒ವೋ ಅ॑ರ॒ತಿ-ಮ್ಪೃ॑ಥಿ॒ವ್ಯಾ ಇತ್ಯಾ॑ಹ ಮೂ॒ರ್ಧಾನ॑-ಮೇ॒ವೈನಗ್ಂ॑ ಸಮಾ॒ನಾನಾ᳚-ಙ್ಕರೋತಿ ವೈಶ್ವಾನ॒ರ-ಮೃ॒ತಾಯ॑ ಜಾ॒ತ-ಮ॒ಗ್ನಿ-ಮಿತ್ಯಾ॑ಹ ವೈಶ್ವಾನ॒ರಗ್ಂ ಹಿ ದೇ॒ವತ॒ಯಾ-ಽಽಯು॑-ರುಭ॒ಯತೋ॑ ವೈಶ್ವಾನರೋ ಗೃಹ್ಯತೇ॒ ತಸ್ಮಾ॑-ದುಭ॒ಯತಃ॑ ಪ್ರಾ॒ಣಾ ಅ॒ಧಸ್ತಾ᳚-ಚ್ಚೋ॒ಪರಿ॑ಷ್ಟಾ-ಚ್ಚಾ॒ರ್ಧಿನೋ॒-ಽನ್ಯೇ ಗ್ರಹಾ॑ ಗೃ॒ಹ್ಯನ್ತೇ॒-ಽರ್ಧೀ ಧ್ರು॒ವ-ಸ್ತಸ್ಮಾ॑- [ಧ್ರು॒ವ-ಸ್ತಸ್ಮಾ᳚ತ್, ಅ॒ರ್ಧ್ಯವಾ᳚-] 6
-ದ॒ರ್ಧ್ಯವಾ᳚-ಮ್ಪ್ರಾ॒ಣೋ᳚-ಽನ್ಯೇಷಾ᳚-ಮ್ಪ್ರಾ॒ಣಾನಾ॒-ಮುಪೋ᳚ಪ್ತೇ॒-ಽನ್ಯೇ ಗ್ರಹಾ᳚-ಸ್ಸಾ॒ದ್ಯನ್ತೇ-ಽನು॑ಪೋಪ್ತೇ ಧ್ರು॒ವಸ್ತಸ್ಮಾ॑-ದ॒ಸ್ಥ್ನಾನ್ಯಾಃ ಪ್ರ॒ಜಾಃ ಪ್ರ॑ತಿ॒ತಿಷ್ಠ॑ನ್ತಿ ಮಾ॒ಗ್ಂ॒ಸೇನಾ॒ನ್ಯಾ ಅಸು॑ರಾ॒ ವಾ ಉ॑ತ್ತರ॒ತಃ ಪೃ॑ಥಿ॒ವೀ-ಮ್ಪ॒ರ್ಯಾಚಿ॑ಕೀರ್ಷ॒-ನ್ತಾ-ನ್ದೇ॒ವಾ ಧ್ರು॒ವೇಣಾ॑ದೃಗ್ಂಹ॒-ನ್ತ-ದ್ಧ್ರು॒ವಸ್ಯ॑ ಧ್ರುವ॒ತ್ವಂ-ಯಁ-ದ್ಧ್ರು॒ವ ಉ॑ತ್ತರ॒ತ-ಸ್ಸಾ॒ದ್ಯತೇ॒ ಧೃತ್ಯಾ॒ ಆಯು॒ರ್ವಾ ಏ॒ತ-ದ್ಯ॒ಜ್ಞಸ್ಯ॒ ಯ-ದ್ಧ್ರು॒ವ ಆ॒ತ್ಮಾ ಹೋತಾ॒ ಯದ್ಧೋ॑ತೃಚಮ॒ಸೇ ಧ್ರು॒ವ-ಮ॑ವ॒ನಯ॑ತ್ಯಾ॒ತ್ಮನ್ನೇ॒ವ ಯ॒ಜ್ಞಸ್ಯಾ- [ಯ॒ಜ್ಞಸ್ಯ॑, ಆಯು॑-ರ್ದಧಾತಿ] 7
-ಽಽಯು॑-ರ್ದಧಾತಿ ಪು॒ರಸ್ತಾ॑-ದು॒ಕ್ಥಸ್ಯಾ॑-ಽವ॒ನೀಯ॒ ಇತ್ಯಾ॑ಹುಃ ಪು॒ರಸ್ತಾ॒ದ್ಧ್ಯಾಯು॑ಷೋ ಭು॒ಙ್ಕ್ತೇ ಮ॑ದ್ಧ್ಯ॒ತೋ॑-ಽವ॒ನೀಯ॒ ಇತ್ಯಾ॑ಹುರ್ಮದ್ಧ್ಯ॒ಮೇನ॒ ಹ್ಯಾಯು॑ಷೋ ಭು॒ಙ್ಕ್ತ ಉ॑ತ್ತರಾ॒ರ್ಧೇ॑-ಽವ॒ನೀಯ॒ ಇತ್ಯಾ॑ಹುರುತ್ತ॒ಮೇನ॒ ಹ್ಯಾಯು॑ಷೋ ಭು॒ಙ್ಕ್ತೇ ವೈ᳚ಶ್ವದೇ॒ವ್ಯಾಮೃ॒ಚಿ ಶ॒ಸ್ಯಮಾ॑ನಾಯಾ॒ಮವ॑ ನಯತಿ ವೈಶ್ವದೇ॒ವ್ಯೋ॑ ವೈ ಪ್ರ॒ಜಾಃ ಪ್ರ॒ಜಾಸ್ವೇ॒ವಾ-ಽಽಯು॑ರ್ದಧಾತಿ ॥ 8 ॥
(ಧ್ರು॒ವಸ್ತಸ್ಮಾ॑ – ದೇ॒ವ ಯ॒ಜ್ಞಸ್ಯೈ – ಕಾ॒ನ್ನಚ॑ತ್ವಾರಿ॒ಗ್ಂ॒ಶಚ್ಚ॑) (ಅ. 2)
ಯ॒ಜ್ಞೇನ॒ ವೈ ದೇ॒ವಾ-ಸ್ಸು॑ವ॒ರ್ಗಂ-ಲೋಁ॒ಕಮಾ॑ಯ॒-ನ್ತೇ॑-ಽಮನ್ಯನ್ತ ಮನು॒ಷ್ಯಾ॑ ನೋ॒-ಽನ್ವಾಭ॑ವಿಷ್ಯ॒ನ್ತೀತಿ॒ ತೇ ಸಂ॑ವಁಥ್ಸ॒ರೇಣ॑ ಯೋಪಯಿ॒ತ್ವಾ ಸು॑ವ॒ರ್ಗಂ-ಲೋಁ॒ಕಮಾ॑ಯ॒-ನ್ತಮೃಷ॑ಯ ಋತುಗ್ರ॒ಹೈರೇ॒ವಾನು॒ ಪ್ರಾಜಾ॑ನ॒ನ್॒. ಯದೃ॑ತುಗ್ರ॒ಹಾ ಗೃ॒ಹ್ಯನ್ತೇ॑ ಸುವ॒ರ್ಗಸ್ಯ॑ ಲೋ॒ಕಸ್ಯ॒ ಪ್ರಜ್ಞಾ᳚ತ್ಯೈ॒ ದ್ವಾದ॑ಶ ಗೃಹ್ಯನ್ತೇ॒ ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರಸ್ಯ॒ ಪ್ರಜ್ಞಾ᳚ತ್ಯೈ ಸ॒ಹ ಪ್ರ॑ಥ॒ಮೌ ಗೃ॑ಹ್ಯೇತೇ ಸ॒ಹೋತ್ತ॒ಮೌ ತಸ್ಮಾ॒-ದ್ದ್ವೌದ್ವಾ॑ವೃ॒ತೂ ಉ॑ಭ॒ಯತೋ॑ಮುಖ-ಮೃತುಪಾ॒ತ್ರ-ಮ್ಭ॑ವತಿ॒ ಕೋ [ಮ್ಭ॑ವತಿ॒ ಕಃ, ಹಿ ತ-ದ್ವೇದ॒] 9
ಹಿ ತ-ದ್ವೇದ॒ ಯತ॑ ಋತೂ॒ನಾ-ಮ್ಮುಖ॑ಮೃ॒ತುನಾ॒ ಪ್ರೇಷ್ಯೇತಿ॒ ಷ-ಟ್ಕೃತ್ವ॑ ಆಹ॒ ಷಡ್ವಾ ಋ॒ತವ॑ ಋ॒ತೂನೇ॒ವ ಪ್ರೀ॑ಣಾತ್ಯೃ॒ತುಭಿ॒ರಿತಿ॑ ಚ॒ತುಶ್ಚತು॑ಷ್ಪದ ಏ॒ವ ಪ॒ಶೂ-ನ್ಪ್ರೀ॑ಣಾತಿ॒ ದ್ವಿಃ ಪುನ॑ರ್-ಋ॒ತುನಾ॑-ಽಽಹ ದ್ವಿ॒ಪದ॑ ಏ॒ವ ಪ್ರೀ॑ಣಾತ್ಯೃ॒ತುನಾ॒ ಪ್ರೇಷ್ಯೇತಿ॒ ಷ-ಟ್ಕೃತ್ವ॑ ಆಹ॒ರ್ತುಭಿ॒ರಿತಿ॑ ಚ॒ತುಸ್ತಸ್ಮಾ॒-ಚ್ಚತು॑ಷ್ಪಾದಃ ಪ॒ಶವ॑ ಋ॒ತೂನುಪ॑ ಜೀವನ್ತಿ॒ ದ್ವಿಃ [ದ್ವಿಃ, ಪುನ॑ರ್-ಋ॒ತುನಾ॑-ಽಽಹ॒] 10
ಪುನ॑ರ್-ಋ॒ತುನಾ॑-ಽಽಹ॒ ತಸ್ಮಾ᳚-ದ್ದ್ವಿ॒ಪಾದ॒ಶ್ಚತು॑ಷ್ಪದಃ ಪ॒ಶೂನುಪ॑ ಜೀವನ್ತ್ಯೃ॒ತುನಾ॒ ಪ್ರೇಷ್ಯೇತಿ॒ ಷ-ಟ್ಕೃತ್ವ॑ ಆಹ॒ರ್ತುಭಿ॒ರಿತಿ॑ ಚ॒ತುರ್ದ್ವಿಃ ಪುನ॑ರ್-ಋ॒ತುನಾ॑-ಽಽಹಾ॒ ಽಽಕ್ರಮ॑ಣಮೇ॒ವ ತ-ಥ್ಸೇತುಂ॒-ಯಁಜ॑ಮಾನಃ ಕುರುತೇ ಸುವ॒ರ್ಗಸ್ಯ॑ ಲೋ॒ಕಸ್ಯ॒ ಸಮ॑ಷ್ಟ್ಯೈ॒ ನಾನ್ಯೋ᳚-ಽನ್ಯಮನು॒ ಪ್ರಪ॑ದ್ಯೇತ॒ ಯದ॒ನ್ಯೋ᳚-ಽನ್ಯಮ॑ನು ಪ್ರ॒ಪದ್ಯೇ॑ತ॒ರ್ತುರ್-ಋ॒ತುಮನು॒ ಪ್ರಪ॑ದ್ಯೇತ॒ರ್ತವೋ॒ ಮೋಹು॑ಕಾ-ಸ್ಸ್ಯುಃ॒ [ಮೋಹು॑ಕಾ-ಸ್ಸ್ಯುಃ, ಪ್ರಸಿ॑ದ್ಧಮೇ॒ವಾ-] 11
ಪ್ರಸಿ॑ದ್ಧಮೇ॒ವಾ-ದ್ಧ್ವ॒ರ್ಯು-ರ್ದಖ್ಷಿ॑ಣೇನ॒ ಪ್ರಪ॑ದ್ಯತೇ॒ ಪ್ರಸಿ॑ದ್ಧ-ಮ್ಪ್ರತಿಪ್ರಸ್ಥಾ॒ತೋತ್ತ॑ರೇಣ॒ ತಸ್ಮಾ॑-ದಾದಿ॒ತ್ಯ-ಷ್ಷಣ್ಮಾ॒ಸೋ ದಖ್ಷಿ॑ಣೇನೈತಿ॒ ಷಡುತ್ತ॑ರೇಣೋ-ಪಯಾ॒ಮಗೃ॑ಹೀತೋ-ಽಸಿ ಸ॒ಗ್ಂ॒ ಸರ್ಪೋ᳚-ಽಸ್ಯಗ್ಂಹಸ್ಪ॒ತ್ಯಾಯ॒ ತ್ವೇತ್ಯಾ॒ಹಾಸ್ತಿ॑ ತ್ರಯೋದ॒ಶೋ ಮಾಸ॒ ಇತ್ಯಾ॑ಹು॒ಸ್ತ-ಮೇ॒ವ ತ-ತ್ಪ್ರೀ॑ಣಾತಿ ॥ 12 ॥
(ಕೋ – ಜೀ॑ವನ್ತಿ॒ ದ್ವಿಃ – ಸ್ಯು॒ – ಶ್ಚತು॑ಸ್ತ್ರಿಗ್ಂಶಚ್ಚ) (ಅ. 3)
ಸು॒ವ॒ರ್ಗಾಯ॒ ವಾ ಏ॒ತೇ ಲೋ॒ಕಾಯ॑ ಗೃಹ್ಯನ್ತೇ॒ ಯದೃ॑ತುಗ್ರ॒ಹಾ ಜ್ಯೋತಿ॑-ರಿನ್ದ್ರಾ॒ಗ್ನೀ ಯದೈ᳚ನ್ದ್ರಾ॒ಗ್ನ-ಮೃ॑ತುಪಾ॒ತ್ರೇಣ॑ ಗೃ॒ಹ್ಣಾತಿ॒ ಜ್ಯೋತಿ॑-ರೇ॒ವಾ-ಽಸ್ಮಾ॑ ಉ॒ಪರಿ॑ಷ್ಟಾ-ದ್ದಧಾತಿ ಸುವ॒ರ್ಗಸ್ಯ॑ ಲೋ॒ಕಸ್ಯಾ-ಽನು॑ಖ್ಯಾತ್ಯಾ ಓಜೋ॒ಭೃತೌ॒ ವಾ ಏ॒ತೌ ದೇ॒ವಾನಾಂ॒-ಯಁದಿ॑ನ್ದ್ರಾ॒ಗ್ನೀ ಯದೈ᳚ನ್ದ್ರಾ॒ಗ್ನೋ ಗೃ॒ಹ್ಯತ॒ ಓಜ॑ ಏ॒ವಾವ॑ ರುನ್ಧೇ ವೈಶ್ವದೇ॒ವಗ್ಂ ಶು॑ಕ್ರಪಾ॒ತ್ರೇಣ॑ ಗೃಹ್ಣಾತಿ ವೈಶ್ವದೇ॒ವ್ಯೋ॑ ವೈ ಪ್ರ॒ಜಾ ಅ॒ಸಾವಾ॑ದಿ॒ತ್ಯ-ಶ್ಶು॒ಕ್ರೋ ಯ-ದ್ವೈ᳚ಶ್ವದೇ॒ವಗ್ಂ ಶು॑ಕ್ರಪಾ॒ತ್ರೇಣ॑ ಗೃ॒ಹ್ಣಾತಿ॒ ತಸ್ಮಾ॑-ದ॒ಸಾ-ವಾ॑ದಿ॒ತ್ಯ- [ತಸ್ಮಾ॑-ದ॒ಸಾ-ವಾ॑ದಿ॒ತ್ಯಃ, ಸರ್ವಾಃ᳚] 13
-ಸ್ಸರ್ವಾಃ᳚ ಪ್ರ॒ಜಾಃ ಪ್ರ॒ತ್ಯಙ್ಙುದೇ॑ತಿ॒ ತಸ್ಮಾ॒-ಥ್ಸರ್ವ॑ ಏ॒ವ ಮ॑ನ್ಯತೇ॒ ಮಾ-ಮ್ಪ್ರತ್ಯುದ॑ಗಾ॒ದಿತಿ॑ ವೈಶ್ವದೇ॒ವಗ್ಂ ಶು॑ಕ್ರಪಾ॒ತ್ರೇಣ॑ ಗೃಹ್ಣಾತಿ ವೈಶ್ವದೇ॒ವ್ಯೋ॑ ವೈ ಪ್ರ॒ಜಾಸ್ತೇಜ॑-ಶ್ಶು॒ಕ್ರೋ ಯ-ದ್ವೈ᳚ಶ್ವದೇ॒ವಗ್ಂ ಶು॑ಕ್ರಪಾ॒ತ್ರೇಣ॑ ಗೃ॒ಹ್ಣಾತಿ॑ ಪ್ರ॒ಜಾಸ್ವೇ॒ವ ತೇಜೋ॑ ದಧಾತಿ ॥ 14 ॥
(ತಸ್ಮಾ॑ದ॒ಸಾವಾ॑ದಿ॒ತ್ಯ – ಸ್ತ್ರಿ॒ಗ್ಂ॒ಶಚ್ಚ॑) (ಅ. 4)
ಇನ್ದ್ರೋ॑ ಮ॒ರುದ್ಭಿ॒-ಸ್ಸಾಂವಿಁ॑ದ್ಯೇನ॒ ಮಾದ್ಧ್ಯ॑ನ್ದಿನೇ॒ ಸವ॑ನೇ ವೃ॒ತ್ರಮ॑ಹ॒ನ್॒. ಯನ್ಮಾದ್ಧ್ಯ॑ನ್ದಿನೇ॒ ಸವ॑ನೇ ಮರುತ್ವ॒ತೀಯಾ॑ ಗೃ॒ಹ್ಯನ್ತೇ॒ ವಾರ್ತ್ರ॑ಘ್ನಾ ಏ॒ವ ತೇ ಯಜ॑ಮಾನಸ್ಯ ಗೃಹ್ಯನ್ತೇ॒ ತಸ್ಯ॑ ವೃ॒ತ್ರ-ಞ್ಜ॒ಘ್ನುಷ॑ ಋ॒ತವೋ॑-ಽಮುಹ್ಯ॒ನ್ಥ್ಸ ಋ॑ತುಪಾ॒ತ್ರೇಣ॑ ಮರುತ್ವ॒ತೀಯಾ॑ನಗೃಹ್ಣಾ॒-ತ್ತತೋ॒ ವೈ ಸ ಋ॒ತೂ-ನ್ಪ್ರಾಜಾ॑ನಾ॒-ದ್ಯದೃ॑ತುಪಾ॒ತ್ರೇಣ॑ ಮರುತ್ವ॒ತೀಯಾ॑ ಗೃ॒ಹ್ಯನ್ತ॑ ಋತೂ॒ನಾ-ಮ್ಪ್ರಜ್ಞಾ᳚ತ್ಯೈ॒ ವಜ್ರಂ॒-ವಾಁ ಏ॒ತಂ-ಯಁಜ॑ಮಾನೋ॒ ಭ್ರಾತೃ॑ವ್ಯಾಯ॒ ಪ್ರ ಹ॑ರತಿ॒ ಯನ್ಮ॑ರುತ್ವ॒ತೀಯಾ॒ ಉದೇ॒ವ ಪ್ರ॑ಥ॒ಮೇನ॑ [ಉದೇ॒ವ ಪ್ರ॑ಥ॒ಮೇನ॑, ಯ॒ಚ್ಛ॒ತಿ॒ ಪ್ರ ಹ॑ರತಿ] 15
ಯಚ್ಛತಿ॒ ಪ್ರ ಹ॑ರತಿ ದ್ವಿ॒ತೀಯೇ॑ನ ಸ್ತೃಣು॒ತೇ ತೃ॒ತೀಯೇ॒ನಾ-ಽಽಯು॑ಧಂ॒-ವಾಁ ಏ॒ತ-ದ್ಯಜ॑ಮಾನ॒-ಸ್ಸಗ್ಗ್ ಸ್ಕು॑ರುತೇ॒ ಯನ್ಮ॑ರುತ್ವ॒ತೀಯಾ॒ ಧನು॑ರೇ॒ವ ಪ್ರ॑ಥ॒ಮೋ ಜ್ಯಾ ದ್ವಿ॒ತೀಯ॒ ಇಷು॑ಸ್ತೃ॒ತೀಯಃ॒ ಪ್ರತ್ಯೇ॒ವ ಪ್ರ॑ಥ॒ಮೇನ॑ ಧತ್ತೇ॒ ವಿಸೃ॑ಜತಿ ದ್ವಿ॒ತೀಯೇ॑ನ॒ ವಿದ್ಧ್ಯ॑ತಿ ತೃ॒ತೀಯೇ॒ನೇನ್ದ್ರೋ॑ ವೃ॒ತ್ರಗ್ಂ ಹ॒ತ್ವಾ ಪರಾ᳚-ಮ್ಪರಾ॒ವತ॑-ಮಗಚ್ಛ॒-ದಪಾ॑ರಾಧ॒ಮಿತಿ॒ ಮನ್ಯ॑ಮಾನ॒-ಸ್ಸ ಹರಿ॑ತೋ-ಽಭವ॒-ಥ್ಸ ಏ॒ತಾ-ನ್ಮ॑ರುತ್ವ॒ತೀಯಾ॑-ನಾತ್ಮ॒ಸ್ಪರ॑ಣಾ-ನಪಶ್ಯ॒-ತ್ತಾನ॑ಗೃಹ್ಣೀತ [ ] 16
ಪ್ರಾ॒ಣಮೇ॒ವ ಪ್ರ॑ಥ॒ಮೇನಾ᳚-ಸ್ಪೃಣುತಾಪಾ॒ನ-ನ್ದ್ವಿ॒ತೀಯೇ॑ನಾ॒-ಽಽತ್ಮಾನ॑-ನ್ತೃ॒ತೀಯೇ॑ನಾ-ಽಽತ್ಮ॒ಸ್ಪರ॑ಣಾ॒ ವಾ ಏ॒ತೇ ಯಜ॑ಮಾನಸ್ಯ ಗೃಹ್ಯನ್ತೇ॒ ಯನ್ಮ॑ರುತ್ವ॒ತೀಯಾಃ᳚ ಪ್ರಾ॒ಣಮೇ॒ವ ಪ್ರ॑ಥ॒ಮೇನ॑ ಸ್ಪೃಣುತೇ-ಽಪಾ॒ನ-ನ್ದ್ವಿ॒ತೀಯೇ॑ನಾ॒-ಽಽತ್ಮಾನ॑-ನ್ತೃ॒ತೀಯೇ॒ನೇನ್ದ್ರೋ॑ ವೃ॒ತ್ರಮ॑ಹ॒-ನ್ತ-ನ್ದೇ॒ವಾ ಅ॑ಬ್ರುವ-ನ್ಮ॒ಹಾನ್. ವಾ ಅ॒ಯಮ॑ಭೂ॒ದ್ಯೋ ವೃ॒ತ್ರಮವ॑ಧೀ॒ದಿತಿ॒ ತನ್ಮ॑ಹೇ॒ನ್ದ್ರಸ್ಯ॑ ಮಹೇನ್ದ್ರ॒ತ್ವಗ್ಂ ಸ ಏ॒ತ-ಮ್ಮಾ॑ಹೇ॒ನ್ದ್ರ-ಮು॑ದ್ಧಾ॒ರ-ಮುದ॑ಹರತ ವೃ॒ತ್ರಗ್ಂ ಹ॒ತ್ವಾ-ಽನ್ಯಾಸು॑ ದೇ॒ವತಾ॒ಸ್ವ ಧಿ॒ ಯನ್ಮಾ॑ಹೇ॒ನ್ದ್ರೋ ಗೃ॒ಹ್ಯತ॑ ಉದ್ಧಾ॒ರಮೇ॒ವ ತಂ-ಯಁಜ॑ಮಾನ॒ ಉದ್ಧ॑ರತೇ॒-ಽನ್ಯಾಸು॑ ಪ್ರ॒ಜಾಸ್ವಧಿ॑ ಶುಕ್ರಪಾ॒ತ್ರೇಣ॑ ಗೃಹ್ಣಾತಿ ಯಜಮಾನದೇವ॒ತ್ಯೋ॑ ವೈ ಮಾ॑ಹೇ॒ನ್ದ್ರಸ್ತೇಜ॑-ಶ್ಶು॒ಕ್ರೋ ಯನ್ಮಾ॑ಹೇ॒ನ್ದ್ರಗ್ಂ ಶು॑ಕ್ರಪಾ॒ತ್ರೇಣ॑ ಗೃ॒ಹ್ಣಾತಿ॒ ಯಜ॑ಮಾನ ಏ॒ವ ತೇಜೋ॑ ದಧಾತಿ ॥ 17 ॥
(ಪ್ರ॒ಥ॒ಮೇನಾ॑ – ಗೃಹ್ಣೀತ – ದೇ॒ವತಾ᳚ಸ್ವ॒ – ಷ್ಟಾವಿಗ್ಂ॑ಶತಿಶ್ಚ) (ಅ. 5)
ಅದಿ॑ತಿಃ ಪು॒ತ್ರಕಾ॑ಮಾ ಸಾ॒ದ್ಧ್ಯೇಭ್ಯೋ॑ ದೇ॒ವೇಭ್ಯೋ᳚ ಬ್ರಹ್ಮೌದ॒ನಮ॑ಪಚ॒-ತ್ತಸ್ಯಾ॑ ಉ॒ಚ್ಛೇಷ॑ಣಮದದು॒ಸ್ತ-ತ್ಪ್ರಾ-ಽಽಶ್ಞಾ॒-ಥ್ಸಾ ರೇತೋ॑-ಽಧತ್ತ॒ ತಸ್ಯೈ॑ ಚ॒ತ್ವಾರ॑ ಆದಿ॒ತ್ಯಾ ಅ॑ಜಾಯನ್ತ॒ ಸಾ ದ್ವಿ॒ತೀಯ॑ಮಪಚ॒-ಥ್ಸಾ-ಽಮ॑ನ್ಯತೋ॒ಚ್ಛೇಷ॑ಣಾನ್ಮ ಇ॒ಮೇ᳚-ಽಜ್ಞತ॒ ಯದಗ್ರೇ᳚ ಪ್ರಾಶಿ॒ಷ್ಯಾಮೀ॒ತೋ ಮೇ॒ ವಸೀ॑ಯಾಗ್ಂಸೋ ಜನಿಷ್ಯನ್ತ॒ ಇತಿ॒ ಸಾ-ಽಗ್ರೇ॒ ಪ್ರಾ-ಽಽಶ್ಞಾ॒-ಥ್ಸಾ ರೇತೋ॑-ಽಧತ್ತ॒ ತಸ್ಯೈ॒ ವ್ಯೃ॑ದ್ಧಮಾ॒ಣ್ಡಮ॑ಜಾಯತ॒ ಸಾ-ಽಽದಿ॒ತ್ಯೇಭ್ಯ॑ ಏ॒ವ [ ] 18
ತೃ॒ತೀಯ॑ಮಪಚ॒-ದ್ಭೋಗಾ॑ಯ ಮ ಇ॒ದಗ್ಗ್ ಶ್ರಾ॒ನ್ತಮ॒ಸ್ತ್ವಿತಿ॒ ತೇ᳚-ಽಬ್ರುವ॒ನ್ ವರಂ॑-ವೃಁಣಾಮಹೈ॒ ಯೋ-ಽತೋ॒ ಜಾಯಾ॑ತಾ ಅ॒ಸ್ಮಾಕ॒ಗ್ಂ॒ ಸ ಏಕೋ॑-ಽಸ॒ದ್ಯೋ᳚-ಽಸ್ಯ ಪ್ರ॒ಜಾಯಾ॒ಮೃದ್ಧ್ಯಾ॑ತಾ ಅ॒ಸ್ಮಾಕ॒-ಮ್ಭೋಗಾ॑ಯ ಭವಾ॒ದಿತಿ॒ ತತೋ॒ ವಿವ॑ಸ್ವಾನಾದಿ॒ತ್ಯೋ॑ ಽಜಾಯತ॒ ತಸ್ಯ॒ ವಾ ಇ॒ಯ-ಮ್ಪ್ರ॒ಜಾ ಯನ್ಮ॑ನು॒ಷ್ಯಾ᳚ಸ್ತಾಸ್ವೇಕ॑ ಏ॒ವರ್ಧೋ ಯೋ ಯಜ॑ತೇ॒ ಸ ದೇ॒ವಾನಾ॒-ಮ್ಭೋಗಾ॑ಯ ಭವತಿ ದೇ॒ವಾ ವೈ ಯ॒ಜ್ಞಾ- [ಯ॒ಜ್ಞಾತ್, ರು॒ದ್ರ-ಮ॒ನ್ತ-] 19
-ದ್ರು॒ದ್ರ-ಮ॒ನ್ತ-ರಾ॑ಯ॒ನ್-ಥ್ಸ ಆ॑ದಿ॒ತ್ಯಾನ॒ನ್ವಾಕ್ರ॑ಮತ॒ ತೇ ದ್ವಿ॑ದೇವ॒ತ್ಯಾ᳚-ನ್ಪ್ರಾಪ॑ದ್ಯನ್ತ॒ ತಾ-ನ್ನ ಪ್ರತಿ॒ ಪ್ರಾಯ॑ಚ್ಛ॒-ನ್ತಸ್ಮಾ॒ದಪಿ॒ ವದ್ಧ್ಯ॒-ಮ್ಪ್ರಪ॑ನ್ನ॒-ನ್ನ ಪ್ರತಿ॒ ಪ್ರಯ॑ಚ್ಛನ್ತಿ॒ ತಸ್ಮಾ᳚-ದ್ದ್ವಿದೇವ॒ತ್ಯೇ᳚ಭ್ಯ ಆದಿ॒ತ್ಯೋ ನಿರ್ಗೃ॑ಹ್ಯತೇ॒ ಯದು॒ಚ್ಛೇಷ॑ಣಾ॒-ದಜಾ॑ಯನ್ತ॒ ತಸ್ಮಾ॑-ದು॒ಚ್ಛೇಷ॑ಣಾ-ದ್ಗೃಹ್ಯತೇ ತಿ॒ಸೃಭಿ॑ರ್-ಋ॒ಗ್ಭಿರ್ಗೃ॑ಹ್ಣಾತಿ ಮಾ॒ತಾ ಪಿ॒ತಾ ಪು॒ತ್ರಸ್ತದೇ॒ವ ತನ್ಮಿ॑ಥು॒ನ-ಮುಲ್ಬ॒-ಙ್ಗರ್ಭೋ॑ ಜ॒ರಾಯು॒ ತದೇ॒ವ ತ- [ತದೇ॒ವ ತತ್, ಮಿ॒ಥು॒ನ-ಮ್ಪ॒ಶವೋ॒] 20
-ನ್ಮಿ॑ಥು॒ನ-ಮ್ಪ॒ಶವೋ॒ ವಾ ಏ॒ತೇ ಯದಾ॑ದಿ॒ತ್ಯ ಊರ್ಗ್ದಧಿ॑ ದ॒ದ್ಧ್ನಾ ಮ॑ದ್ಧ್ಯ॒ತ-ಶ್ಶ್ರೀ॑ಣಾ॒ತ್ಯೂರ್ಜ॑ಮೇ॒ವ ಪ॑ಶೂ॒ನಾ-ಮ್ಮ॑ದ್ಧ್ಯ॒ತೋ ದ॑ಧಾತಿ ಶೃತಾತ॒ಙ್ಕ್ಯೇ॑ನ ಮೇದ್ಧ್ಯ॒ತ್ವಾಯ॒ ತಸ್ಮಾ॑ದಾ॒ಮಾ ಪ॒ಕ್ವ-ನ್ದು॑ಹೇ ಪ॒ಶವೋ॒ ವಾ ಏ॒ತೇ ಯದಾ॑ದಿ॒ತ್ಯಃ ಪ॑ರಿ॒ಶ್ರಿತ್ಯ॑ ಗೃಹ್ಣಾತಿ ಪ್ರತಿ॒ರುದ್ಧ್ಯೈ॒ವಾ-ಽಸ್ಮೈ॑ ಪ॒ಶೂ-ನ್ಗೃ॑ಹ್ಣಾತಿ ಪ॒ಶವೋ॒ ವಾ ಏ॒ತೇ ಯದಾ॑ದಿ॒ತ್ಯ ಏ॒ಷ ರು॒ದ್ರೋ ಯದ॒ಗ್ನಿಃ ಪ॑ರಿ॒ಶ್ರಿತ್ಯ॑ ಗೃಹ್ಣಾತಿ ರು॒ದ್ರಾದೇ॒ವ ಪ॒ಶೂ-ನ॒ನ್ತ-ರ್ದ॑ಧಾ- [-ನ॒ನ್ತ-ರ್ದ॑ಧಾತಿ, ಏ॒ಷ ವೈ] 21
-ತ್ಯೇ॒ಷ ವೈ ವಿವ॑ಸ್ವಾನಾದಿ॒ತ್ಯೋ ಯದು॑ಪಾಗ್ಂ ಶು॒ಸವ॑ನ॒-ಸ್ಸ ಏ॒ತಮೇ॒ವ ಸೋ॑ಮಪೀ॒ಥ-ಮ್ಪರಿ॑ ಶಯ॒ ಆ ತೃ॑ತೀಯಸವ॒ನಾ-ದ್ವಿವ॑ಸ್ವ ಆದಿತ್ಯೈ॒ಷ ತೇ॑ ಸೋಮಪೀ॒ಥ ಇತ್ಯಾ॑ಹ॒ ವಿವ॑ಸ್ವನ್ತ-ಮೇ॒ವಾ-ಽಽದಿ॒ತ್ಯಗ್ಂ ಸೋ॑ಮಪೀ॒ಥೇನ॒ ಸಮ॑ರ್ಧಯತಿ॒ ಯಾ ದಿ॒ವ್ಯಾ ವೃಷ್ಟಿ॒ಸ್ತಯಾ᳚ ತ್ವಾ ಶ್ರೀಣಾ॒ಮೀತಿ॒ ವೃಷ್ಟಿ॑ಕಾಮಸ್ಯ ಶ್ರೀಣೀಯಾ॒-ದ್ವೃಷ್ಟಿ॑ಮೇ॒ವಾವ॑ ರುನ್ಧೇ॒ ಯದಿ॑ ತಾ॒ಜ-ಕ್ಪ್ರ॒ಸ್ಕನ್ದೇ॒-ದ್ವರ್ಷು॑ಕಃ ಪ॒ರ್ಜನ್ಯ॑-ಸ್ಸ್ಯಾ॒ದ್ಯದಿ॑ ಚಿ॒ರಮವ॑ರ್ಷುಕೋ॒ ನ ಸಾ॑ದಯ॒ತ್ಯಸ॑ನ್ನಾ॒ದ್ಧಿ ಪ್ರ॒ಜಾಃ ಪ್ರ॒ಜಾಯ॑ನ್ತೇ॒ ನಾನು॒ ವಷ॑-ಟ್ಕರೋತಿ॒ ಯದ॑ನುವಷಟ್ಕು॒ರ್ಯಾ–ದ್ರು॒ದ್ರ-ಮ್ಪ್ರ॒ಜಾ ಅ॒ನ್ವವ॑ಸೃಜೇ॒ನ್ನ ಹು॒ತ್ವಾನ್ವೀ᳚ಖ್ಷೇತ॒ ಯದ॒ನ್ವೀಖ್ಷೇ॑ತ॒ ಚಖ್ಷು॑ರಸ್ಯ ಪ್ರ॒ಮಾಯು॑ಕಗ್ಗ್ ಸ್ಯಾ॒-ತ್ತಸ್ಮಾ॒ನ್ನಾನ್ವೀಖ್ಷ್ಯಃ॑ ॥ 22 ॥
(ಏ॒ವ – ಯ॒ಜ್ಞಾ – ಜ್ಜ॒ರಾಯು॒ ತದೇ॒ವ ತದ॒ – ನ್ತರ್ದ॑ಧಾತಿ॒ – ನ – ಸ॒ಪ್ತವಿಗ್ಂ॑ಶತಿಶ್ಚ) (ಅ. 6)
ಅ॒ನ್ತ॒ರ್ಯಾ॒ಮ॒ಪಾ॒ತ್ರೇಣ॑ ಸಾವಿ॒ತ್ರ-ಮಾ᳚ಗ್ರಯ॒ಣಾ-ದ್ಗೃ॑ಹ್ಣಾತಿ ಪ್ರ॒ಜಾಪ॑ತಿ॒ರ್ವಾ ಏ॒ಷ ಯದಾ᳚ಗ್ರಯ॒ಣಃ ಪ್ರ॒ಜಾನಾ᳚-ಮ್ಪ್ರ॒ಜನ॑ನಾಯ॒ ನ ಸಾ॑ದಯ॒ತ್ಯಸ॑ನ್ನಾ॒ದ್ಧಿ ಪ್ರ॒ಜಾಃ ಪ್ರ॒ಜಾಯ॑ನ್ತೇ॒ ನಾನು॒ ವಷ॑-ಟ್ಕರೋತಿ॒ ಯದ॑ನುವಷಟ್ಕು॒ರ್ಯಾ-ದ್ರು॒ದ್ರ-ಮ್ಪ್ರ॒ಜಾ ಅ॒ನ್ವವ॑ಸೃಜೇ-ದೇ॒ಷ ವೈ ಗಾ॑ಯ॒ತ್ರೋ ದೇ॒ವಾನಾಂ॒-ಯಁ-ಥ್ಸ॑ವಿ॒ತೈಷ ಗಾ॑ಯತ್ರಿ॒ಯೈ ಲೋ॒ಕೇ ಗೃ॑ಹ್ಯತೇ॒ ಯದಾ᳚ಗ್ರಯ॒ಣೋ ಯದ॑ನ್ತರ್ಯಾಮಪಾ॒ತ್ರೇಣ॑ ಸಾವಿ॒ತ್ರ-ಮಾ᳚ಗ್ರಯ॒ಣಾ-ದ್ಗೃ॒ಹ್ಣಾತಿ॒ ಸ್ವಾ-ದೇ॒ವೈನಂ॒-ಯೋಁನೇ॒-ರ್ನಿರ್ಗೃ॑ಹ್ಣಾತಿ॒ ವಿಶ್ವೇ॑ [ವಿಶ್ವೇ᳚, ದೇ॒ವಾ-ಸ್ತೃ॒ತೀಯ॒ಗ್ಂ॒] 23
ದೇ॒ವಾ-ಸ್ತೃ॒ತೀಯ॒ಗ್ಂ॒ ಸವ॑ನ॒-ನ್ನೋದ॑ಯಚ್ಛ॒-ನ್ತೇ ಸ॑ವಿ॒ತಾರ॑-ಮ್ಪ್ರಾತಸ್ಸವ॒ನಭಾ॑ಗ॒ಗ್ಂ॒ ಸನ್ತ॑-ನ್ತೃತೀಯಸವ॒ನಮ॒ಭಿ ಪರ್ಯ॑ಣಯ॒-ನ್ತತೋ॒ ವೈ ತೇ ತೃ॒ತೀಯ॒ಗ್ಂ॒ ಸವ॑ನ॒-ಮುದ॑ಯಚ್ಛ॒ನ್॒. ಯ-ತ್ತೃ॑ತೀಯಸವ॒ನೇ ಸಾ॑ವಿ॒ತ್ರೋ ಗೃ॒ಹ್ಯತೇ॑ ತೃ॒ತೀಯ॑ಸ್ಯ॒ ಸವ॑ನ॒ಸ್ಯೋದ್ಯ॑ತ್ಯೈ ಸವಿತೃಪಾ॒ತ್ರೇಣ॑ ವೈಶ್ವದೇ॒ವ-ಙ್ಕ॒ಲಶಾ᳚-ದ್ಗೃಹ್ಣಾತಿ ವೈಶ್ವದೇ॒ವ್ಯೋ॑ ವೈ ಪ್ರ॒ಜಾ ವೈ᳚ಶ್ವದೇ॒ವಃ ಕ॒ಲಶ॑-ಸ್ಸವಿ॒ತಾ ಪ್ರ॑ಸ॒ವಾನಾ॑ಮೀಶೇ॒ ಯ-ಥ್ಸ॑ವಿತೃಪಾ॒ತ್ರೇಣ॑ ವೈಶ್ವದೇ॒ವ-ಙ್ಕ॒ಲಶಾ᳚-ದ್ಗೃ॒ಹ್ಣಾತಿ॑ ಸವಿ॒ತೃಪ್ರ॑ಸೂತ ಏ॒ವಾಸ್ಮೈ᳚ ಪ್ರ॒ಜಾಃ ಪ್ರ [ಪ್ರ॒ಜಾಃ ಪ್ರ, ಜ॒ನ॒ಯ॒ತಿ॒ ಸೋಮೇ॒ ಸೋಮ॑ಮ॒ಭಿ] 24
ಜ॑ನಯತಿ॒ ಸೋಮೇ॒ ಸೋಮ॑ಮ॒ಭಿ ಗೃ॑ಹ್ಣಾತಿ॒ ರೇತ॑ ಏ॒ವ ತ-ದ್ದ॑ಧಾತಿ ಸು॒ಶರ್ಮಾ॑-ಽಸಿ ಸುಪ್ರತಿಷ್ಠಾ॒ನ ಇತ್ಯಾ॑ಹ॒ ಸೋಮೇ॒ ಹಿ ಸೋಮ॑ಮಭಿಗೃ॒ಹ್ಣಾತಿ॒ ಪ್ರತಿ॑ಷ್ಠಿತ್ಯಾ ಏ॒ತಸ್ಮಿ॒ನ್ ವಾ ಅಪಿ॒ ಗ್ರಹೇ॑ ಮನು॒ಷ್ಯೇ᳚ಭ್ಯೋ ದೇ॒ವೇಭ್ಯಃ॑ ಪಿ॒ತೃಭ್ಯಃ॑ ಕ್ರಿಯತೇ ಸು॒ಶರ್ಮಾ॑-ಽಸಿ ಸುಪ್ರತಿಷ್ಠಾ॒ನ ಇತ್ಯಾ॑ಹ ಮನು॒ಷ್ಯೇ᳚ಭ್ಯ ಏ॒ವೈತೇನ॑ ಕರೋತಿ ಬೃ॒ಹದಿತ್ಯಾ॑ಹ ದೇ॒ವೇಭ್ಯ॑ ಏ॒ವೈತೇನ॑ ಕರೋತಿ॒ ನಮ॒ ಇತ್ಯಾ॑ಹ ಪಿ॒ತೃಭ್ಯ॑ ಏ॒ವೈತೇನ॑ ಕರೋತ್ಯೇ॒ ತಾವ॑ತೀ॒ ರ್ವೈ ದೇ॒ವತಾ॒ಸ್ತಾಭ್ಯ॑ ಏ॒ವೈನ॒ಗ್ಂ॒ ಸರ್ವಾ᳚ಭ್ಯೋ ಗೃಹ್ಣಾತ್ಯೇ॒ಷ ತೇ॒ ಯೋನಿ॒ರ್ವಿಶ್ವೇ᳚ಭ್ಯಸ್ತ್ವಾ ದೇ॒ವೇಭ್ಯ॒ ಇತ್ಯಾ॑ಹ ವೈಶ್ವದೇ॒ವೋ ಹ್ಯೇ॑ಷಃ ॥ 25 ॥
(ವಿಶ್ವೇ॒ – ಪ್ರ – ಪಿ॒ತೃಭ್ಯ॑ ಏ॒ವೈತೇನ॑ ಕರೋ॒ತ್ಯೇ – ಕಾ॒ನ್ನವಿಗ್ಂ॑ಶ॒ತಿಶ್ಚ॑) (ಅ. 7)
ಪ್ರಾ॒ಣೋ ವಾ ಏ॒ಷ ಯದು॑ಪಾ॒ಗ್ಂ॒ಶು-ರ್ಯದು॑ಪಾಗ್ಂಶುಪಾ॒ತ್ರೇಣ॑ ಪ್ರಥ॒ಮಶ್ಚೋ᳚ತ್ತ॒ಮಶ್ಚ॒ ಗ್ರಹೌ॑ ಗೃ॒ಹ್ಯೇತೇ᳚ ಪ್ರಾ॒ಣಮೇ॒ವಾನು॑ ಪ್ರ॒ಯನ್ತಿ॑ ಪ್ರಾ॒ಣಮನೂದ್ಯ॑ನ್ತಿ ಪ್ರ॒ಜಾಪ॑ತಿ॒ರ್ವಾ ಏ॒ಷ ಯದಾ᳚ಗ್ರಯ॒ಣಃ ಪ್ರಾ॒ಣ ಉ॑ಪಾ॒ಗ್ಂ॒ಶುಃ ಪತ್ನೀಃ᳚ ಪ್ರ॒ಜಾಃ ಪ್ರ ಜ॑ನಯನ್ತಿ॒ ಯದು॑ಪಾಗ್ಂಶುಪಾ॒ತ್ರೇಣ॑ ಪಾತ್ನೀವ॒ತಮಾ᳚ಗ್ರಯ॒ಣಾ-ದ್ಗೃ॒ಹ್ಣಾತಿ॑ ಪ್ರ॒ಜಾನಾ᳚-ಮ್ಪ್ರ॒ಜನ॑ನಾಯ॒ ತಸ್ಮಾ᳚-ತ್ಪ್ರಾ॒ಣ-ಮ್ಪ್ರ॒ಜಾ ಅನು॒ ಪ್ರ ಜಾ॑ಯನ್ತೇ ದೇ॒ವಾ ವಾ ಇ॒ತ ಇ॑ತಃ॒ ಪತ್ನೀ᳚-ಸ್ಸುವ॒ರ್ಗಂ- [ಪತ್ನೀ᳚-ಸ್ಸುವ॒ರ್ಗಮ್, ಲೋ॒ಕ-ಮ॑ಜಿಗಾಗ್ಂಸ॒-ನ್ತೇ] 26
-ಲೋಁ॒ಕ-ಮ॑ಜಿಗಾಗ್ಂಸ॒-ನ್ತೇ ಸು॑ವ॒ರ್ಗಂ-ಲೋಁ॒ಕ-ನ್ನ ಪ್ರಾಜಾ॑ನ॒-ನ್ತ ಏ॒ತ-ಮ್ಪಾ᳚ತ್ನೀವ॒ತಮ॑ಪಶ್ಯ॒-ನ್ತಮ॑ಗೃಹ್ಣತ॒ ತತೋ॒ ವೈ ತೇ ಸು॑ವ॒ರ್ಗಂ-ಲೋಁ॒ಕ-ಮ್ಪ್ರಾಜಾ॑ನ॒ನ್॒. ಯ-ತ್ಪಾ᳚ತ್ನೀವ॒ತೋ ಗೃ॒ಹ್ಯತೇ॑ ಸುವ॒ರ್ಗಸ್ಯ॑ ಲೋ॒ಕಸ್ಯ॒ ಪ್ರಜ್ಞಾ᳚ತ್ಯೈ॒ ಸ ಸೋಮೋ॒ ನಾತಿ॑ಷ್ಠತ ಸ್ತ್ರೀ॒ಭ್ಯೋ ಗೃ॒ಹ್ಯಮಾ॑ಣ॒ಸ್ತ-ಙ್ಘೃ॒ತಂ-ವಁಜ್ರ॑-ಙ್ಕೃ॒ತ್ವಾ-ಽಘ್ನ॒-ನ್ತ-ನ್ನಿರಿ॑ನ್ದ್ರಿಯ-ಮ್ಭೂ॒ತಮ॑ಗೃಹ್ಣ॒-ನ್ತಸ್ಮಾ॒-ಥ್ಸ್ತ್ರಿಯೋ॒ ನಿರಿ॑ನ್ದ್ರಿಯಾ॒ ಅದಾ॑ಯಾದೀ॒ರಪಿ॑ ಪಾ॒ಪಾ-ತ್ಪು॒ಗ್ಂ॒ಸ ಉಪ॑ಸ್ತಿತರಂ- [ಉಪ॑ಸ್ತಿತರಮ್, ವ॒ದ॒ನ್ತಿ॒ ಯ-ದ್ಘೃ॒ತೇನ॑] 27
-ವಁದನ್ತಿ॒ ಯ-ದ್ಘೃ॒ತೇನ॑ ಪಾತ್ನೀವ॒ತಗ್ಗ್ ಶ್ರೀ॒ಣಾತಿ॒ ವಜ್ರೇ॑ಣೈ॒ವೈನಂ॒-ವಁಶೇ॑ ಕೃ॒ತ್ವಾ ಗೃ॑ಹ್ಣಾ-ತ್ಯುಪಯಾ॒ಮಗೃ॑ಹೀತೋ॒-ಽಸೀತ್ಯಾ॑ಹೇ॒ಯಂ-ವಾಁ ಉ॑ಪಯಾ॒ಮ-ಸ್ತಸ್ಮಾ॑ದಿ॒ಮಾ-ಮ್ಪ್ರ॒ಜಾ ಅನು॒ ಪ್ರ ಜಾ॑ಯನ್ತೇ॒ ಬೃಹ॒ಸ್ಪತಿ॑ಸುತಸ್ಯ ತ॒ ಇತ್ಯಾ॑ಹ॒ ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿ॒-ರ್ಬ್ರಹ್ಮ॑ಣೈ॒ವಾಸ್ಮೈ᳚ ಪ್ರ॒ಜಾಃ ಪ್ರ ಜ॑ನಯತೀನ್ದೋ॒ ಇತ್ಯಾ॑ಹ॒ ರೇತೋ॒ ವಾ ಇನ್ದೂ॒ ರೇತ॑ ಏ॒ವ ತ-ದ್ದ॑ಧಾತೀನ್ದ್ರಿಯಾವ॒ ಇ- [ಇತಿ॑, ಆ॒ಹ॒ ಪ್ರ॒ಜಾ] 28
-ತ್ಯಾ॑ಹ ಪ್ರ॒ಜಾ ವಾ ಇ॑ನ್ದ್ರಿ॒ಯ-ಮ್ಪ್ರ॒ಜಾ ಏ॒ವಾಸ್ಮೈ॒ ಪ್ರ ಜ॑ನಯ॒ತ್ಯಗ್ನಾ(3) ಇತ್ಯಾ॑ಹಾ॒ಗ್ನಿರ್ವೈ ರೇ॑ತೋ॒ಧಾಃ ಪತ್ನೀ॑ವ॒ ಇತ್ಯಾ॑ಹ ಮಿಥುನ॒ತ್ವಾಯ॑ ಸ॒ಜೂರ್ದೇ॒ವೇನ॒ ತ್ವಷ್ಟ್ರಾ॒ ಸೋಮ॑-ಮ್ಪಿ॒ಬೇತ್ಯಾ॑ಹ॒ ತ್ವಷ್ಟಾ॒ ವೈ ಪ॑ಶೂ॒ನಾ-ಮ್ಮಿ॑ಥು॒ನಾನಾಗ್ಂ॑ ರೂಪ॒ಕೃ-ದ್ರೂ॒ಪಮೇ॒ವ ಪ॒ಶುಷು॑ ದಧಾತಿ ದೇ॒ವಾ ವೈ ತ್ವಷ್ಟಾ॑ರಮಜಿಘಾಗ್ಂಸ॒ನ್-ಥ್ಸ ಪತ್ನೀಃ॒ ಪ್ರಾಪ॑ದ್ಯತ॒ ತ-ನ್ನ ಪ್ರತಿ॒ ಪ್ರಾ-ಽಯ॑ಚ್ಛ॒-ನ್ತಸ್ಮಾ॒ದಪಿ॒ [ಪ್ರಾ-ಽಯ॑ಚ್ಛ॒-ನ್ತಸ್ಮಾ॒ದಪಿ॑, ವದ್ಧ್ಯ॒-ಮ್ಪ್ರಪ॑ನ್ನ॒-] 29
ವದ್ಧ್ಯ॒-ಮ್ಪ್ರಪ॑ನ್ನ॒-ನ್ನ ಪ್ರತಿ॒ ಪ್ರಯ॑ಚ್ಛನ್ತಿ॒ ತಸ್ಮಾ᳚-ತ್ಪಾತ್ನೀವ॒ತೇ ತ್ವಷ್ಟ್ರೇ-ಽಪಿ॑ ಗೃಹ್ಯತೇ॒ ನ ಸಾ॑ದಯ॒ತ್ಯಸ॑ನ್ನಾ॒ದ್ಧಿ ಪ್ರ॒ಜಾಃ ಪ್ರ॒ಜಾಯ॑ನ್ತೇ॒ ನಾನು॒ ವಷ॑-ಟ್ಕರೋತಿ॒ ಯದ॑ನುವಷ-ಟ್ಕು॒ರ್ಯಾ-ದ್ರು॒ದ್ರ-ಮ್ಪ್ರ॒ಜಾ ಅ॒ನ್ವವ॑ಸೃಜೇ॒-ದ್ಯನ್ನಾ-ಽನು॑ವಷಟ್ಕು॒ರ್ಯಾ-ದಶಾ᳚ನ್ತ-ಮ॒ಗ್ನೀ-ಥ್ಸೋಮ॑-ಮ್ಭಖ್ಷಯೇ-ದುಪಾ॒ಗ್॒ಶ್ವನು॒ ವಷ॑-ಟ್ಕರೋತಿ॒ ನ ರು॒ದ್ರ-ಮ್ಪ್ರ॒ಜಾ ಅ॑ನ್ವವಸೃ॒ಜತಿ॑ ಶಾ॒ನ್ತಮ॒ಗ್ನೀ-ಥ್ಸೋಮ॑-ಮ್ಭಖ್ಷಯ॒ತ್ಯಗ್ನೀ॒-ನ್ನೇಷ್ಟು॑-ರು॒ಪಸ್ಥ॒ಮಾ ಸೀ॑ದ॒ [ಸೀ॑ದ, ನೇಷ್ಟಃ॒ ಪತ್ನೀ॑-] 30
ನೇಷ್ಟಃ॒ ಪತ್ನೀ॑-ಮು॒ದಾನ॒ಯೇತ್ಯಾ॑ಹಾ॒-ಗ್ನೀದೇ॒ವ ನೇಷ್ಟ॑ರಿ॒ ರೇತೋ॒ ದಧಾ॑ತಿ॒ ನೇಷ್ಟಾ॒ ಪತ್ನಿ॑ಯಾಮು-ದ್ಗಾ॒ತ್ರಾ ಸ-ಙ್ಖ್ಯಾ॑ಪಯತಿ ಪ್ರ॒ಜಾಪ॑ತಿ॒ರ್ವಾ ಏ॒ಷ ಯದು॑ದ್ಗಾ॒ತಾ ಪ್ರ॒ಜಾನಾ᳚-ಮ್ಪ್ರ॒ಜನ॑ನಾಯಾ॒ಪ ಉಪ॒ ಪ್ರ ವ॑ರ್ತಯತಿ॒ ರೇತ॑ ಏ॒ವ ತ-ಥ್ಸಿ॑ಞ್ಚತ್ಯೂ॒ರುಣೋಪ॒ ಪ್ರ ವ॑ರ್ತಯತ್ಯೂ॒ರುಣಾ॒ ಹಿ ರೇತ॑-ಸ್ಸಿ॒ಚ್ಯತೇ॑ ನಗ್ನ॒-ಙ್ಕೃತ್ಯೋ॒-ರುಮುಪ॒ ಪ್ರ ವ॑ರ್ತಯತಿ ಯ॒ದಾ ಹಿ ನ॒ಗ್ನ ಊ॒ರುರ್ಭವ॒ತ್ಯಥ॑ ಮಿಥು॒ನೀ ಭ॑ವ॒ತೋ-ಽಥ॒ ರೇತ॑-ಸ್ಸಿಚ್ಯ॒ತೇ-ಽಥ॑ ಪ್ರ॒ಜಾಃ ಪ್ರ ಜಾ॑ಯನ್ತೇ ॥ 31 ॥
(ಪತ್ನೀ᳚-ಸ್ಸುವ॒ರ್ಗ – ಮುಪ॑ಸ್ತಿತರ – ಮಿನ್ದ್ರಿಯಾವ॒ ಇತ್ಯ – ಪಿ॑ – ಸೀದ – ಮಿಥು॒ನ್ಯ॑ – ಷ್ಟೌ ಚ॑) (ಅ. 8)
ಇನ್ದ್ರೋ॑ ವೃ॒ತ್ರಮ॑ಹ॒-ನ್ತಸ್ಯ॑ ಶೀರ್ಷಕಪಾ॒ಲ-ಮುದೌ᳚ಬ್ಜ॒-ಥ್ಸ ದ್ರೋ॑ಣಕಲ॒ಶೋ॑-ಽಭವ॒-ತ್ತಸ್ಮಾ॒-ಥ್ಸೋಮ॒-ಸ್ಸಮ॑ಸ್ರವ॒-ಥ್ಸ ಹಾ॑ರಿಯೋಜ॒ನೋ॑-ಽಭವ॒-ತ್ತಂ-ವ್ಯಁ॑ಚಿಕಿಥ್ಸ-ಜ್ಜು॒ಹವಾ॒ನೀ(3) ಮಾ ಹೌ॒ಷಾ(3)-ಮಿತಿ॒ ಸೋ॑-ಽಮನ್ಯತ॒ ಯದ್ಧೋ॒ಷ್ಯಾಮ್ಯಾ॒ಮಗ್ಂ ಹೋ᳚ಷ್ಯಾಮಿ॒ ಯನ್ನ ಹೋ॒ಷ್ಯಾಮಿ॑ ಯಜ್ಞವೇಶ॒ಸ-ಙ್ಕ॑ರಿಷ್ಯಾ॒ಮೀತಿ॒ ತಮ॑ದ್ಧ್ರಿಯತ॒ ಹೋತು॒ಗ್ಂ॒ ಸೋ᳚-ಽಗ್ನಿ-ರ॑ಬ್ರವೀ॒ನ್ನ ಮಯ್ಯಾ॒ಮಗ್ಂ ಹೋ᳚ಷ್ಯ॒ಸೀತಿ॒ ತ-ನ್ಧಾ॒ನಾಭಿ॑-ರಶ್ರೀಣಾ॒- [-ರಶ್ರೀಣಾತ್, ತಗ್ಂ ಶೃ॒ತ-] 32
-ತ್ತಗ್ಂ ಶೃ॒ತ-ಮ್ಭೂ॒ತ-ಮ॑ಜುಹೋ॒ದ್ಯ-ದ್ಧಾ॒ನಾಭಿ॑ರ್-ಹಾರಿಯೋಜ॒ನಗ್ಗ್ ಶ್ರೀ॒ಣಾತಿ॑ ಶೃತ॒ತ್ವಾಯ॑ ಶೃ॒ತ-ಮೇ॒ವೈನ॑-ಮ್ಭೂ॒ತ-ಞ್ಜು॑ಹೋತಿ ಬ॒ಹ್ವೀಭಿ॑-ಶ್ಶ್ರೀಣಾತ್ಯೇ॒ತಾವ॑ತೀ-ರೇ॒ವಾಸ್ಯಾ॒-ಮುಷ್ಮಿ॑-ಲ್ಲೋಁ॒ಕೇ ಕಾ॑ಮ॒ದುಘಾ॑ ಭವ॒ನ್ತ್ಯಥೋ॒ ಖಲ್ವಾ॑ಹುರೇ॒ತಾ ವಾ ಇನ್ದ್ರ॑ಸ್ಯ॒ ಪೃಶ್ಞ॑ಯಃ ಕಾಮ॒ದುಘಾ॒ ಯದ್ಧಾ॑ರಿಯೋಜ॒ನೀರಿತಿ॒ ತಸ್ಮಾ᳚-ದ್ಬ॒ಹ್ವೀಭಿ॑-ಶ್ಶ್ರೀಣೀಯಾದೃಖ್ಸಾ॒ಮೇ ವಾ ಇನ್ದ್ರ॑ಸ್ಯ॒ ಹರೀ॑ ಸೋಮ॒ಪಾನೌ॒ ತಯೋಃ᳚ ಪರಿ॒ಧಯ॑ ಆ॒ಧಾನಂ॒-ಯಁದಪ್ರ॑ಹೃತ್ಯ ಪರಿ॒ಧೀ-ಞ್ಜು॑ಹು॒ಯಾ-ದ॒ನ್ತರಾ॑ಧಾನಾಭ್ಯಾ- [-ದ॒ನ್ತರಾ॑ಧಾನಾಭ್ಯಾಮ್, ಘಾ॒ಸ-ಮ್ಪ್ರ] 33
-ಙ್ಘಾ॒ಸ-ಮ್ಪ್ರ ಯ॑ಚ್ಛೇ-ತ್ಪ್ರ॒ಹೃತ್ಯ॑ ಪರಿ॒ಧೀಞ್ಜು॑ಹೋತಿ॒ ನಿರಾ॑ಧಾನಾಭ್ಯಾ-ಮೇ॒ವ ಘಾ॒ಸ-ಮ್ಪ್ರ ಯ॑ಚ್ಛತ್ಯುನ್ನೇ॒ತಾ ಜು॑ಹೋತಿ ಯಾ॒ತಯಾ॑ಮೇವ॒ ಹ್ಯೇ॑ತರ್ಹ್ಯ॑ದ್ಧ್ವ॒ರ್ಯು-ಸ್ಸ್ವ॒ಗಾಕೃ॑ತೋ॒ ಯ-ದ॑ದ್ಧ್ವ॒ರ್ಯು-ರ್ಜು॑ಹು॒ಯಾ-ದ್ಯಥಾ॒ ವಿಮು॑ಕ್ತ॒-ಮ್ಪುನ॑ರ್ಯು॒ನಕ್ತಿ॑ ತಾ॒ದೃಗೇ॒ವ ತಚ್ಛೀ॒ರ್॒ಷ-ನ್ನ॑ಧಿನಿ॒ಧಾಯ॑ ಜುಹೋತಿ ಶೀರ್ಷ॒ತೋ ಹಿ ಸ ಸ॒ಮಭ॑ವ-ದ್ವಿ॒ಕ್ರಮ್ಯ॑ ಜುಹೋತಿ ವಿ॒ಕ್ರಮ್ಯ॒ ಹೀನ್ದ್ರೋ॑ ವೃ॒ತ್ರಮಹ॒ನ್-ಥ್ಸಮೃ॑ದ್ಧ್ಯೈ ಪ॒ಶವೋ॒ ವೈ ಹಾ॑ರಿಯೋಜ॒ನೀರ್ಯ-ಥ್ಸ॑ಭಿ॒ನ್ನ್ದ್ಯಾ-ದಲ್ಪಾ॑ [-ದಲ್ಪಾಃ᳚, ಏ॒ನ॒-ಮ್ಪ॒ಶವೋ॑] 34
ಏನ-ಮ್ಪ॒ಶವೋ॑ ಭು॒ಞ್ಜನ್ತ॒ ಉಪ॑ತಿಷ್ಠೇರ॒ನ್॒. ಯನ್ನ ಸ॑ಭಿ॒ನ್ನ್ದ್ಯಾ-ದ್ಬ॒ಹವ॑ ಏನ-ಮ್ಪ॒ಶವೋ-ಽಭು॑ಞ್ಜನ್ತ॒ ಉಪ॑ ತಿಷ್ಠೇರ॒-ನ್ಮನ॑ಸಾ॒ ಸ-ಮ್ಬಾ॑ಧತ ಉ॒ಭಯ॑-ಙ್ಕರೋತಿ ಬ॒ಹವ॑ ಏ॒ವೈನ॑-ಮ್ಪ॒ಶವೋ॑ ಭು॒ಞ್ಜನ್ತ॒ ಉಪ॑ ತಿಷ್ಠನ್ತ ಉನ್ನೇ॒ತರ್ಯು॑ಪಹ॒ವ-ಮಿ॑ಚ್ಛನ್ತೇ॒ ಯ ಏ॒ವ ತತ್ರ॑ ಸೋಮಪೀ॒ಥಸ್ತ-ಮೇ॒ವಾವ॑ ರುನ್ಧತ ಉತ್ತರವೇ॒ದ್ಯಾ-ನ್ನಿವ॑ಪತಿ ಪ॒ಶವೋ॒ ವಾ ಉ॑ತ್ತರವೇ॒ದಿಃ ಪ॒ಶವೋ॑ ಹಾರಿಯೋಜ॒ನೀಃ ಪ॒ಶುಷ್ವೇ॒ವ ಪ॒ಶೂ-ನ್ಪ್ರತಿ॑ ಷ್ಠಾಪಯನ್ತಿ ॥ 35 ॥
(ಅ॒ಶ್ರೀ॒ಣಾ॒ – ದ॒ನ್ತರಾ॑ಧಾನಾಭ್ಯಾ॒ – ಮಲ್ಪಾಃ᳚ – ಸ್ಥಾಪಯನ್ತಿ) (ಅ. 9)
ಗ್ರಹಾ॒ನ್॒. ವಾ ಅನು॑ ಪ್ರ॒ಜಾಃ ಪ॒ಶವಃ॒ ಪ್ರ ಜಾ॑ಯನ್ತ ಉಪಾಗ್ಶ್ವನ್ತರ್ಯಾ॒-ಮಾವ॑ಜಾ॒ವಯ॑-ಶ್ಶು॒ಕ್ರಾಮ॒ನ್ಥಿನೌ॒ ಪುರು॑ಷಾ ಋತುಗ್ರ॒ಹಾ-ನೇಕ॑ಶಫಾ ಆದಿತ್ಯಗ್ರ॒ಹ-ಙ್ಗಾವ॑ ಆದಿತ್ಯಗ್ರ॒ಹೋ ಭೂಯಿ॑ಷ್ಠಾಭಿರ್-ಋ॒ಗ್ಭಿರ್ಗೃ॑ಹ್ಯತೇ॒ ತಸ್ಮಾ॒-ದ್ಗಾವಃ॑ ಪಶೂ॒ನಾ-ಮ್ಭೂಯಿ॑ಷ್ಠಾ॒ ಯ-ತ್ತ್ರಿರು॑ಪಾ॒ಗ್ಂ॒ ಶುಗ್ಂ ಹಸ್ತೇ॑ನ ವಿಗೃ॒ಹ್ಣಾತಿ॒ ತಸ್ಮಾ॒-ದ್ದ್ವೌ ತ್ರೀನ॒ಜಾ ಜ॒ನಯ॒ತ್ಯಥಾವ॑ಯೋ॒ ಭೂಯ॑ಸೀಃ ಪಿ॒ತಾ ವಾ ಏ॒ಷ ಯದಾ᳚ಗ್ರಯ॒ಣಃ ಪು॒ತ್ರಃ ಕ॒ಲಶೋ॒ ಯದಾ᳚ಗ್ರಯ॒ಣ ಉ॑ಪ॒ದಸ್ಯೇ᳚-ತ್ಕ॒ಲಶಾ᳚-ದ್ಗೃಹ್ಣೀಯಾ॒-ದ್ಯಥಾ॑ ಪಿ॒ತಾ [ ] 36
ಪು॒ತ್ರ-ಙ್ಖ್ಷಿ॒ತ ಉ॑ಪ॒ಧಾವ॑ತಿ ತಾ॒ದೃಗೇ॒ವ ತದ್ಯ-ತ್ಕ॒ಲಶ॑ ಉಪ॒ದಸ್ಯೇ॑-ದಾಗ್ರಯ॒ಣಾ-ದ್ಗೃ॑ಹ್ಣೀಯಾ॒-ದ್ಯಥಾ॑ ಪು॒ತ್ರಃ ಪಿ॒ತರ॑-ಙ್ಖ್ಷಿ॒ತ ಉ॑ಪ॒ಧಾವ॑ತಿ ತಾ॒ದೃಗೇ॒ವ ತದಾ॒ತ್ಮಾ ವಾ ಏ॒ಷ ಯ॒ಜ್ಞಸ್ಯ॒ ಯದಾ᳚ಗ್ರಯ॒ಣೋ ಯದ್ಗ್ರಹೋ॑ ವಾ ಕ॒ಲಶೋ॑ ವೋಪ॒ದಸ್ಯೇ॑-ದಾಗ್ರಯ॒ಣಾ-ದ್ಗೃ॑ಹ್ಣೀಯಾದಾ॒ತ್ಮನ॑ ಏ॒ವಾಧಿ॑ ಯ॒ಜ್ಞ-ನ್ನಿಷ್ಕ॑ರೋ॒ತ್ಯವಿ॑ಜ್ಞಾತೋ॒ ವಾ ಏ॒ಷ ಗೃ॑ಹ್ಯತೇ॒ ಯದಾ᳚ಗ್ರಯ॒ಣ-ಸ್ಸ್ಥಾ॒ಲ್ಯಾ ಗೃ॒ಹ್ಣಾತಿ॑ ವಾಯ॒ವ್ಯೇ॑ನ ಜುಹೋತಿ॒ ತಸ್ಮಾ॒- [ತಸ್ಮಾ᳚ತ್, ಗರ್ಭೇ॒ಣಾ ಽವಿ॑ಜ್ಞಾತೇನ] 37
-ದ್ಗರ್ಭೇ॒ಣಾ ಽವಿ॑ಜ್ಞಾತೇನ ಬ್ರಹ್ಮ॒ಹಾ ಽವ॑ಭೃ॒ಥಮವ॑ ಯನ್ತಿ॒ ಪರಾ᳚ ಸ್ಥಾ॒ಲೀರಸ್ಯ॒ನ್ತ್ಯು-ದ್ವಾ॑ಯ॒ವ್ಯಾ॑ನಿ ಹರನ್ತಿ॒ ತಸ್ಮಾ॒-ಥ್ಸ್ತ್ರಿಯ॑-ಞ್ಜಾ॒ತಾ-ಮ್ಪರಾ᳚-ಽಸ್ಯ॒ನ್ತ್ಯು-ತ್ಪುಮಾಗ್ಂ॑ ಸಗ್ಂ ಹರನ್ತಿ॒ ಯ-ತ್ಪು॑ರೋ॒ರುಚ॒ಮಾಹ॒ ಯಥಾ॒ ವಸ್ಯ॑ಸ ಆ॒ಹರ॑ತಿ ತಾ॒ದೃಗೇ॒ವ ತ-ದ್ಯ-ದ್ಗ್ರಹ॑-ಙ್ಗೃ॒ಹ್ಣಾತಿ॒ ಯಥಾ॒ ವಸ್ಯ॑ಸ ಆ॒ಹೃತ್ಯ॒ ಪ್ರಾ-ಽಽಹ॑ ತಾ॒ದೃಗೇ॒ವ ತ-ದ್ಯ-ಥ್ಸಾ॒ದಯ॑ತಿ॒ ಯಥಾ॒ ವಸ್ಯ॑ಸ ಉಪನಿ॒ಧಾಯಾ॑-ಪ॒ಕ್ರಾಮ॑ತಿ ತಾ॒ದೃಗೇ॒ವ ತ-ದ್ಯ ದ್ವೈ ಯ॒ಜ್ಞಸ್ಯ॒ ಸಾಮ್ನಾ॒ ಯಜು॑ಷಾ ಕ್ರಿ॒ಯತೇ॑ ಶಿಥಿ॒ಲ-ನ್ತ-ದ್ಯದೃ॒ಚಾ ತ-ದ್ದೃ॒ಢ-ಮ್ಪು॒ರಸ್ತಾ॑ದುಪಯಾಮಾ॒ ಯಜು॑ಷಾ ಗೃಹ್ಯನ್ತ ಉ॒ಪರಿ॑ಷ್ಟಾ-ದುಪಯಾಮಾ ಋ॒ಚಾ ಯ॒ಜ್ಞಸ್ಯ॒ ಧೃತ್ಯೈ᳚ ॥ 38 ॥
(ಯಥಾ॑ ಪಿ॒ತಾ-ತಸ್ಮಾ॑-ದಪ॒ಕ್ರಾಮ॑ತಿ ತಾ॒ದೃಗೇ॒ವ ತ-ದ್ಯ-ದ॒ಷ್ಟಾ ದ॑ಶ ಚ) (ಅ. 10)
ಪ್ರಾನ್ಯಾನಿ॒ ಪಾತ್ರಾ॑ಣಿ ಯು॒ಜ್ಯನ್ತೇ॒ ನಾನ್ಯಾನಿ॒ ಯಾನಿ॑ ಪರಾ॒ಚೀನಾ॑ನಿ ಪ್ರಯು॒ಜ್ಯನ್ತೇ॒-ಽಮುಮೇ॒ವ ತೈರ್ಲೋ॒ಕಮ॒ಭಿ ಜ॑ಯತಿ॒ ಪರಾ॑ಙಿವ॒ ಹ್ಯ॑ಸೌ ಲೋ॒ಕೋ ಯಾನಿ॒ ಪುನಃ॑ ಪ್ರಯು॒ಜ್ಯನ್ತ॑ ಇ॒ಮಮೇ॒ವ ತೈರ್ಲೋ॒ಕಮ॒ಭಿ ಜ॑ಯತಿ॒ ಪುನಃ॑ಪುನ-ರಿವ॒ ಹ್ಯ॑ಯಂ-ಲೋಁ॒ಕಃ ಪ್ರಾನ್ಯಾನಿ॒ ಪಾತ್ರಾ॑ಣಿ ಯು॒ಜ್ಯನ್ತೇ॒ ನಾನ್ಯಾನಿ॒ ಯಾನಿ॑ ಪರಾ॒ಚೀನಾ॑ನಿ ಪ್ರಯು॒ಜ್ಯನ್ತೇ॒ ತಾನ್ಯನ್ವೋಷ॑ಧಯಃ॒ ಪರಾ॑ ಭವನ್ತಿ॒ ಯಾನಿ॒ ಪುನಃ॑ [ಪುನಃ॑, ಪ್ರ॒ಯು॒ಜ್ಯನ್ತೇ॒] 39
ಪ್ರಯು॒ಜ್ಯನ್ತೇ॒ ತಾನ್ಯನ್ವೋಷ॑ಧಯಃ॒ ಪುನ॒ರಾ ಭ॑ವನ್ತಿ॒ ಪ್ರಾನ್ಯಾನಿ॒ ಪಾತ್ರಾ॑ಣಿ ಯು॒ಜ್ಯನ್ತೇ॒ ನಾನ್ಯಾನಿ॒ ಯಾನಿ॑ ಪರಾ॒ಚೀನಾ॑ನಿ ಪ್ರಯು॒ಜ್ಯನ್ತೇ॒ ತಾನ್ಯನ್ವಾ॑ರ॒ಣ್ಯಾಃ ಪ॒ಶವೋ-ಽರ॑ಣ್ಯ॒-ಮಪ॑ ಯನ್ತಿ॒ ಯಾನಿ॒ ಪುನಃ॑ ಪ್ರಯು॒ಜ್ಯನ್ತೇ॒ ತಾನ್ಯನು॑ ಗ್ರಾ॒ಮ್ಯಾಃ ಪ॒ಶವೋ॒ ಗ್ರಾಮ॑-ಮು॒ಪಾವ॑ಯನ್ತಿ॒ ಯೋ ವೈ ಗ್ರಹಾ॑ಣಾ-ನ್ನಿ॒ದಾನಂ॒-ವೇಁದ॑ ನಿ॒ದಾನ॑ವಾ-ನ್ಭವ॒ತ್ಯಾಜ್ಯ॒-ಮಿತ್ಯು॒ಕ್ಥ-ನ್ತದ್ವೈ ಗ್ರಹಾ॑ಣಾ-ನ್ನಿ॒ದಾನಂ॒-ಯಁದು॑ಪಾ॒ಗ್ಂ॒ಶು ಶಗ್ಂಸ॑ತಿ॒ ತ- [ಶಗ್ಂಸ॑ತಿ॒ ತತ್, ಉ॒ಪಾ॒ಗ್ಶ್ವ॒ನ್ತ॒ರ್ಯಾ॒ಮಯೋ॒-] 40
-ದು॑ಪಾಗ್ಶ್ವನ್ತರ್ಯಾ॒ಮಯೋ॒-ರ್ಯದು॒ಚ್ಚೈ-ಸ್ತದಿತ॑ರೇಷಾ॒-ಙ್ಗ್ರಹಾ॑ಣಾಮೇ॒ತದ್ವೈ ಗ್ರಹಾ॑ಣಾ-ನ್ನಿ॒ದಾನಂ॒-ಯಁ ಏ॒ವಂ-ವೇಁದ॑ ನಿ॒ದಾನ॑ವಾ-ನ್ಭವತಿ॒ ಯೋ ವೈ ಗ್ರಹಾ॑ಣಾ-ಮ್ಮಿಥು॒ನಂ-ವೇಁದ॒ ಪ್ರ ಪ್ರ॒ಜಯಾ॑ ಪ॒ಶುಭಿ॑-ರ್ಮಿಥು॒ನೈ-ರ್ಜಾ॑ಯತೇ ಸ್ಥಾ॒ಲೀಭಿ॑-ರ॒ನ್ಯೇ ಗ್ರಹಾ॑ ಗೃ॒ಹ್ಯನ್ತೇ॑ ವಾಯ॒ವ್ಯೈ॑-ರ॒ನ್ಯ ಏ॒ತದ್ವೈ ಗ್ರಹಾ॑ಣಾ-ಮ್ಮಿಥು॒ನಂ-ಯಁ ಏ॒ವಂ-ವೇಁದ॒ ಪ್ರ ಪ್ರ॒ಜಯಾ॑ ಪ॒ಶುಭಿ॑-ರ್ಮಿಥು॒ನೈ-ರ್ಜಾ॑ಯತ॒ ಇನ್ದ್ರ॒ಸ್ತ್ವಷ್ಟು॒-ಸ್ಸೋಮ॑-ಮಭೀ॒ಷಹಾ॑-ಽಪಿಬ॒-ಥ್ಸ ವಿಷ್ವ॒- [ವಿಷ್ವಙ್ಙ್॑, ವ್ಯಾ᳚ರ್ಚ್ಛ॒-ಥ್ಸ] 41
ಙ್ವ್ಯಾ᳚ರ್ಚ್ಛ॒-ಥ್ಸ ಆ॒ತ್ಮನ್ನಾ॒ರಮ॑ಣ॒-ನ್ನಾವಿ॑ನ್ದ॒-ಥ್ಸ ಏ॒ತಾ-ನ॑ನುಸವ॒ನ-ಮ್ಪು॑ರೋ॒ಡಾಶಾ॑ನಪಶ್ಯ॒-ತ್ತಾ-ನ್ನಿರ॑ವಪ॒-ತ್ತೈರ್ವೈ ಸ ಆ॒ತ್ಮನ್ನಾ॒ರಮ॑ಣ-ಮಕುರುತ॒ ತಸ್ಮಾ॑-ದನುಸವ॒ನ-ಮ್ಪು॑ರೋ॒ಡಾಶಾ॒ ನಿರು॑ಪ್ಯನ್ತೇ॒ ತಸ್ಮಾ॑-ದನುಸವ॒ನ-ಮ್ಪು॑ರೋ॒ಡಾಶಾ॑ನಾ॒-ಮ್ಪ್ರಾ-ಽಶ್ಞೀ॑ಯಾದಾ॒ತ್ಮ-ನ್ನೇ॒ವಾ-ಽಽರಮ॑ಣ-ಙ್ಕುರುತೇ॒ ನೈನ॒ಗ್ಂ॒ ಸೋಮೋ-ಽತಿ॑ ಪವತೇ ಬ್ರಹ್ಮವಾ॒ದಿನೋ॑ ವದನ್ತಿ॒ ನರ್ಚಾ ನ ಯಜು॑ಷಾ ಪ॒ಙ್ಕ್ತಿ-ರಾ᳚ಪ್ಯ॒ತೇ-ಽಥ॒ ಕಿಂ ಯಁ॒ಜ್ಞಸ್ಯ॑ ಪಾಙ್ಕ್ತ॒ತ್ವಮಿತಿ॑ ಧಾ॒ನಾಃ ಕ॑ರ॒ಮ್ಭಃ ಪ॑ರಿವಾ॒ಪಃ ಪು॑ರೋ॒ಡಾಶಃ॑ ಪಯ॒ಸ್ಯಾ॑ ತೇನ॑ ಪ॒ಙ್ಕ್ತಿ-ರಾ᳚ಪ್ಯತೇ॒ ತ-ದ್ಯ॒ಜ್ಞಸ್ಯ॑ ಪಾಙ್ಕ್ತ॒ತ್ವಮ್ ॥ 42 ॥
(ಭ॒ವ॒ನ್ತಿ॒ ಯಾನಿ॒ ಪುನಃ॒ – ಶಗ್ಂಸ॑ತಿ॒ ತ – ದ್ವಿಷ್ವಂ॒ – ಕಿಂ – ಚತು॑ರ್ದಶ ಚ) (ಅ. 11)
(ಇನ್ದ್ರೋ॑ ವೃ॒ತ್ರಾಯ- ಽಽಯು॒ರ್ವೇ – ಯ॒ಜ್ಞೇನ॑ – ಸುವ॒ರ್ಗಾ – ಯೇನ್ದ್ರೋ॑ ಮ॒ರುದ್ಭಿ॒ – ರದಿ॑ತಿ – ರನ್ತರ್ಯಾಮಪಾ॒ತ್ರೇಣ॑ – ಪ್ರಾ॒ಣ ಉ॑ಪಾಗ್ಂಶು ಪಾ॒ತ್ರೇ – ಣೇನ್ದ್ರೋ॑ ವೃ॒ತ್ರಮ॑ಹ॒-ನ್ತಸ್ಯ॒ – ಗ್ರಹಾ॒ನ್ – ಪ್ರಾನ್ಯಾ – ನ್ಯೇಕಾ॑ದಶ)
(ಇನ್ದ್ರೋ॑ ವೃ॒ತ್ರಾಯ॒ – ಪುನ॑ರ್-ಋ॒ತುನಾ॑-ಽಽಹ – ಮಿಥು॒ನ-ಮ್ಪ॒ಶವೋ॒ – ನೇಷ್ಟಃ॒ ಪತ್ನೀ॑ – ಮುಪಾಗ್ಶ್ವನ್ತರ್ಯಾ॒ಮಯೋ॒ – ದ್ವಿಚ॑ತ್ವಾರಿಗ್ಂಶತ್)
(ಇನ್ದ್ರೋ॑ ವೃ॒ತ್ರಾಯ॑, ಪಾಙ್ಕ್ತ॒ತ್ವಂ)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾಂ ಷಷ್ಠಕಾಣ್ಡೇ ಪಞ್ಚಮಃ ಪ್ರಶ್ನ-ಸ್ಸಮಾಪ್ತಃ ॥