सुरस सुबोधा विश्वमनोज्ञा
ललिता हृद्या रमणीया ।
अमृतवाणी संस्कृतभाषा
नैव क्लिष्टा न च कठिना ॥
कविकुलगुरु वाल्मीकि विरचिता
रामायण रमणीय कथा ।
अतीव सरला मधुर मंजुला
नैव क्लिष्टा न च कठिना ॥
व्यास विरचिता गणेश लिखिता
महाभारते पुण्य कथा ।
कौरव पांडव संगर मथिता
नैव क्लिष्टा न च कठिना ॥
कुरुक्षेत्र समरांगण गीता
विश्ववंदिता भगवद्गीता ।
अतीव मधुरा कर्मदीपिका
नैव क्लिष्टा न च कठिना ॥
कवि कुलगुरु नव रसोन्मेषजा
ऋतु रघु कुमार कविता ।
विक्रम-शाकुंतल-मालविका
नैव क्लिष्टा न च कठिना ॥
रचन: वसंत गाडगीलः